كاتب الموضوع :
حلاهآ نجدي
المنتدى :
الارشيف
أنتهــــت المبآرآهـ بفوز الهلآل .. 3-1 ..,
طبعآ أجوآء بعد المبآرآة بالملعب لازم الحوسة وأعمال الشغب والتكسير اللي مايقدرون عليه رجال الشرطة .. بالسيارة اللي فيها مزون وزياد ونايف ..
زياد : يووو الحين وش بيرجعنا بهالزحمة
مزون مستآآنسة آخر وناسة على الفوز : لا ياقلبي من قال بنرجع الحين لازم احلل خوفي ودموعي لازم احلل هالطلعة ..بنروح مع المسيرة
زياد : نو وووي .. ناقصين حنا بلاوي خلنا متسترين بس
السواق ابتلش مايدري يروح للبيت ولا وشو : الحين تريدوا تروحوا فين بالضبط
مزون لفت عالسواق بدون ماتطالع زياد : روح لشارع العليا بس عشان المسيرات ..,
(("عصمان" سوآقهم السوداني معهم من زمان وكلهم مايثقون الا فيه لأنه مايقول لآبوهم شي غير عن السواويق الباقين ..))
مزون فتحت الشبآكـ اللي فوق بسيآرتهم الجمس السودآء .. وطلعت جلست فوق بس رجولها بالسيارة ..
ومعها شال كبييييير فيه شعار الهلال وآرقآم أهم اللاعبين ورافعته فوق ..
مرت من جنبهم همر مليان شباب إتحاديين مزون جلست ترفرف بالشآل من جهتهم تقهرهم .. لفوا بحركة هبآل عشان يربكون السوآق .. ويخوفون مزون ..,
مزون صرخت وحاولت تتمسك بقوة .., بس مامدآهــآ
السوآق ماقدر يسيطر على السيـآرة لف بقوهـ بس صدم بالصبة .. الي بالسيآرة ماجـآهم شي بس مزون لآنها كانت فوق ..
طارت من على السيارة بقوة وطاحت عالرصيف ..
زياد نزل من السيارة بسرعة جلس يشوف مزون مايدري هي من وين تنزف بالضبط ولا يدري وش يسوي كآن شكلها مرة يخوف ثوبهآ الأبيض صآر لونه أحمرر علطول
نزل عصمان معه ..,
عصمان : دق عالإسعآف يازول بسرعة
زياد مرتتبك ماستوعب وش يقول عصمان ووقف متنح يطالع مزون ويطالع عصمان ..,
دق عصمان عالإسعــآف ..,
دقايق وكآنوا بالمستشفى ..,
زياد ونآيف وآقفين ينتظرون الدكتور .. طلع لهم .. زيـآد : هـآ دكتور بشر
الدكتور بشك لآنه شاف البنت لابسه ثوب والسوالف كاثرة هالايام : أنت تقرب لها
نايف تلقف : اييه احنا اخوانها هي وش فيهاااا
الدكتور : البنت نزفت دم كثيير .. وعوضنآهآ عن الدم بس بننتظرها 24 ساعة ان استعادت وعيها ولا احتمال كبير تدخل بغيبوبة .. "لف الدكتور على زياد " كم عمرك ..؟
زياد : 15 ليه ..؟
الدكتور : لآزم يجي ولي امر البنت
زياد : أنا أخوها عااادي
الدكتور : بس أنت للحين صغير
زياد لو يقول لأبوه راح فيها : دكتور ابوي مسافر
الدكتور : طيب ماعندها خال عم أخو أكبر منك
زياد : خلاص بدق الحين واشوف
رآح عنهم الدكتـور وزيآد يفكر من يكلم ..
نايف : كلم زيزو هو اللي ماراح يهاوشنا
زياد : بس انه خبل مايدري وش يسوي وبيقعد يرتجف ومادري وشو لا مايعتمد عليه هذا .. جاسم ما فيه أمل اكلمه .. وسامي بيذبحنا عاد المعقد .. مافيه اللا سلطااان ..
طلع جوآله بسرعة ودق على سلطان ..
{~~~~~~~~~~~~~~~~~~~~~~~}
بالسيـآرة مشغلين أغآني أعلى صوت وفاتحين شبآبيك اللكسز البيضآء .. خالد ومحمد كل وآحد طالع من شبآك أما بدر جالس قدام ويطالع الناس وهبآلهم ..
سلطان يكلم بدر : هـآ بدّور وش في الأخلاق لك عليها
بدر : ياخي رجعني البيت وارجع كمل هبالك وش لي فيكم
سلطان : هههههههه حنا 3 لازم تجي معنآ
بدر جلس يتحلطم وسلطان يضحك عليه ..,
شوي اللا دق جوآل سلطان "مـرتآح ولا يتصنع قلبكـ الرآآحة ,’, شآيل في خـآطرك ولا البـآل متهني "
سلطان رد بسرعة على زيآد : مبرووووك عليك الخسـآرهـ
زياد : هـ..هـ..ـلا سـلطـ..ـآن
سلطان : هلا زيود شفيك
زيـآد : مزون
سلطـآن : شفييييها مزون
بدر لف عليه وركز بكـلآمهـ"وش فيها مزون"
زياد أخذ نفس طويل وسكر عيونه : سوينا حادث وهي معنا بالمستشفى
سلطآن : وش السآلفة وشلون ومتى .. ووش صار عليها
زيآد سكت : ....
سلطان : زيآآآآآد
زيآد : إذا جيت فهمتك .. بس حاول محد يدري تكفآ
سلطان استغرب : ليه
زيآد : قلت لك اذا جيت انت أنا بفهمك
سلطان : يلا أي مستشفى قل لي وأنـآ ثواني عندكم ..,
أول ماسكر سلطان بدر تكلم : وش فيها مزوون
سلطان : مافيها شي
بدر : سلطااان قل لي عاد انا مو غريب وش فيهآ
سلطان : قصر حسك زياد يقول لحد يدري مدري وش عندهـ .. هي الحين بالمستشفى
بدر : بجي معك طبعآ
سلطان سكت شوي .. بس بدر ضغط عليه لين وآفق ..,
أما خالد ومحمد صرفهم سلطآن بأسلوبه ..,
{~~~~~~~~~~~~~~~~~~~~~}
بهــــــــــــــذآآ الحد أكتفي وإن شـــــــآآء الله كل خميس رآآح أنزل جزء ..
وسوري ان بدر مني قصوور مقدمـــآآآ
|
16-10-08, 10:50 PM
جديد مواضيع قسم الارشيف
العرض العادي
