كاتب الموضوع :
قبلة
المنتدى :
القصص القصيرة من وحي قلم الأعضاء , قصص من وحي قلم الأعضاء
اقتباس :-
المشاركة الأصلية كتبت بواسطة قبلة  |
يا لهوووووووي يا حبيبتي عاطفة والله لما قرأت ردك قلبي راح يدق جااااااااااااااامد من الفرحة والسعادة أنا مش عارفة أقولك إيه بجد فرحتيني من كل قلبي أولا لأنك دخلتي موضوعي وثانيا لأن القصة عجبتك وثالثا لأنها عجبتك أكثر من قصة الكاتب الأمريكي (قولت لنفسي يا سلام عملتها!!!!!!) ورابعا لأنك رغيتي معي وأنا أموت في الرغي ولأني فرحت كتير إننا صرنا أصدقاء أصلا أن شرف ليا إنك تكوني صديقتي وعلى فكرة أنتي فعلا ظنك عمره ما بيخيب بس لو أنا مكان رغدة كنت قولتله أنا كمان أحبك لحظة ما قالها وكنت ما طلعت الشقة ولا شئ هههههههههههههه مفجوعة على الحب صح؟!......
وأخيرا وليس بآخر حبيبتي لو أشتهرت وأصبح لي روايات فهذا سيكون بفضل ربي ثم تشجيعك لي وكمان راح أقول كان لي صديقة لذيذة أسمها عاطفة هي اللي أعطتني الدفعة للإمام والرغبة في الإبداع
|
هههههههههههههههه
هههههههههههههههههههه
ههههههههههههههههههههههههه
دمك خفيف والله يا رغدة
قصدي يا قبلة هههههههههههههههههههههههه
وربنا يبارك فيكي وليكي وفي كل شيء حواليكي دايما ان شاء الله
وصدقيني انا مش بعرف اجامل لاني بكره التفاهة والتافهين في اي حاجة
بيقولولي دي مصيبتك في الدنيا لكن مش مهم.......طالما انتي فيكي موهبة اكيد هشجعك لان دا واجب وحق عليا........ ومتستغربيش اني بقولك يا رغدة
انا طبيعتي كدة لما اقرا قصة او رواية
مش عارفة ليه بيجيلي احساس اتوماتيك ان بطل القصة او الرواية هو مؤلفها ومش شرط بالضرورة انه يكون صورة طبق الاصل من البطل لاااااااااا لكن ممكن يكون في ملمح او عدة ملامح منه
لاني قريت مرة في مجلة الأدب المصرية لكاتب مصري من كتابنا المبدعين
قال مرة ان اي كاتب بينجحله عمل روائي او قصصي لازم يكون وضع ملمح ذاتي من شخصيته الحقيقية فيه علشان الناس تصدقه بانه واحد منهم مش من خارج كوكب الارض........ودا فعلا اللي انا بكون مؤمنة بيه وابلغ دليل علي كلامي قصتك مثلا
((واقعية جدااا واللي هيقراها هيتفاعل معاها لانها قريبة من الواقع كمان البطلة والبطل فيهم صفاتنا وافكارنا ومشاعرنا الانسانية احنا مش صفات وافكار ومشاعر سكان كواكب تانية))
واكره جدااا اني اقرا رواية واشوف فيها ابطال واحداث ملهمش اي صلة بالواقع لا من قريب او من بعيد او تحسسني انه مش فيهم اي ملمح انساني ولو بسيط الا لو كانت طبعا الرواية خيال علمي
ما علينا من دا كله انا بكرر تاني اعجابي الكبير بقصتك وفعلا والله انتي مبشرة بالخير انك تكوني اديبة قصصية في يوم من الايام اولا بفضل الله سبحانه وتعالي وثانيا بفضل اجتهادك الشخصي في البحث والاطلاع الدائم
ونصيحة مخلصة فعلا من اخت ليكي بتعشق فن الكتابة والادب اقري كل اعمال كتابنا الكبار زي نجيب محفوظ وتوفيق الحكيم ويوسف السباعي وبالذات إحسان عبد القدوس لان اسلوبك سهل ومبسط وقريب منه
وكمان اهتمي بقراءة الروايات الروسية المترجمة باللغة العربية زي مثلا
(الاخوة كرامازوف والجريمة والعقاب)
لان كل كتابنا الكبار كان بيستهويهم قراءة الادب الروسي سواء كان القديم او المعاصر في الفترة دي لانه كان شديد الشبه بواقع الحياة في مصر
علي فكرةالروايتين تم تمصيرهم زي روايات روسية كتيرة الرواية الاولي اتعملت فيلم اسمه
(الاخوة الاعداء)والتانية كمان لكن مش فاكرة اسم الفيلم كان ايه بس هو كان بطولة الفنانة
(ماجدة الصباحي) والفنان (شكري سرحان)
بالمناسبة انا اتولدت في بيت كان فيه مكتبة كبيرة جداااا بتاعة جدو الله يرحمه لكن الجهل الاعمي والنفس الضعيفة قدام مغريات الحياة ضيعتها برغم ان كان فيها كتب كتيرة لها قيمة كبيرة وانا كنت في سن ال15 ومكنش ليا سلطة او راي اعترض بيه علي المهزلة دي لكن نقول ايه بقي قدر الله وماشاء فعل والحمدلله علي كل شيء
واخيراااااااااا يا قبلة ليكي مني كل الدعوات الحلوة بالتوفيق في الحياة بوجه عام دايما ان شاء الله وفي انتظار ابداع جديد منك ان شاء الله
|
07-10-08, 06:51 AM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
