كاتب الموضوع :
Sky_star
المنتدى :
الارشيف
جلوى:
امي فاطمه: كساره ماسفتهم تلعت من بيت اهل لتيفه ورهت للكياط عسان كذا تأكرت يمه
جلوى: هم بعد ماطولوا بس 3 ساعات
امي فاطمه: يمه ادا تهبيني روهي معهم للمكيم انا لاتكافين الي نوف اندي اجلسي 3 يوم وتعالي معليس يمه
جلوى: يمه بس من يوديني ومين بيجيبني المخيم بعيد ورى الثمامه بين وبينه 2 ساعتين ونص واذ طلعت معهم بضطر اجلس معهم اسبوع كامل وانا صراحه ماابي حدي اجلس 3 ايام غير كذا لا
امي فاطمه: تيب انتي كلمي اومك ساره وقولي لها وسوفس وس بتتقول عساني يمه الله يكليك لي
جلوى: طيب افرضي نوف مارضت تجلس؟
امي فاطمه: انساءالله انها بتجلس
جلوى: اذا وافقت بروح والله عشانك بس يمه ولا انا مابي اروح
امي فاطمه: الله يرضى اليك دونيا واكره
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
نوف
رجعت لبيتنا وكل الي ابيه اني اوصل غرفتي بسرعه وافجر دموعي الي كنت حابستها من اول ماسمعت الخبر صدق الي سمعته صدق
ناصــــــــــــــــــــــــــر خطــــــــــــــــــــــــــــــــــــــــــب
مستحيل طيب وانا انا الي حبيته انا الي كنت مستعده اضحي با أي شي عشانه بالاخير يخطب يخطب بنت عمه صديقتي فهده ليه ودي اعرف ليه وش ذنبي اني حبيته وتعلقت فيه ليه مااشوف منه الا الصد والنكران.. لهاالدرجه انا مااسوى شي عنده.. ليه.. هنت عليه.. ليه ماحبني مثل ما احبه.. حبه في قلبي كبير ماينوصف. حبه يمشي بوريدي مثل الدم..ارخصت نفسي له ترجيته يحبني ولا فااااااااد ليه ودي افهم ليه لـــــــــــيه ليـــــــــــــــــــــــــــه ...بنيت عليه احلامي وامالي وحياتي الجايه معقول هالاحلام بتنهدم
وش معنى فهده بالذات كيف عرفها والله مايستاهلها الخاينه ليه ودي افهم ليه
ليه حظي كذا الي احبهم يبعدون عني ليه فهده اعز واغلى صديقه عندي خانتني وباعت عشرة 12 سنه في لحظه وفي الاخير داست علي مثل ماتنداس الحشره شوهت شرفي وعرضي بس الله ستر علي الله يستر عليك يالي علمتني عنها مثل ماسترت علي دنيا واخره .. ماكنت اعتبرها الا مثل اختي واعز افرح اذا فرحت وازعل اذا زعلت وثقت فيها اكثر من ثقتي بنفسي ..هنت عليها ليه باعتني للغريب ليه وليه وليه ... و ناصر الي حبه في دمي يسري مابادلني شعوري وخذ فهده بدالي .. ليه كذا يصير معي وش سويت غلط بحياتي عشان يتعاملون معي كذا والله اني احبهم كنت مستعده اضحي بأي شي عشانهم سلمتهم قلبي وداسوا عليه ......ليه الي احبهم عمرهم ماحبوني.. ليه ياربي ليه
......الي ماخذ عقلس يتهنى فيه
مسحت دموعي على طول: جلوى متى جيتي ماانتبهت عليك يالسكنيه؟
جلوى بقلق: نوف ! بسم الله عليس وش فيس تصيحين
تلعثمت ريما وقالت:: هاا لا بس العطر دخل بعيني ولين الحين محمره
جلوى تمسك يد ريما وبحنان: افا عليس يا نوف تخبين علي انا اختس فيه شي مضايقس علميني يمكن اقدر اساعدس ما يهون علي اشوفس كذا
جلوى تمسح على شعري: ابكي نوف طلعي كل الي في خاطرس لا تستحين مني
نوف تبكي: اهه اهه ليه ياجلوى محد يحبني ليه الي احبهم مايحبوني ليه علميني تكفين اهه اهه ليه خانتني ليه وهو ليه ماحبني ليه علميني ليه ليه خطب وهو يدري اني احبه
جلوى بصدمه : ناصر خطب!
ريما: ايه خطب خطب بنت عمه ياجلوى خطب فهده الحقيره فهده الي حاولت تعلب بعرضي وشرفي فهده الي كانت صديقتي حرام حرام ياخذها والله حرام
جلوى: نوف حبيبتي لا يضيق صدرس كل وحده ماتاخذ الا نصيبها والي ربي كاتبه لها ماتدرين يمكن خيره لس انس ماخذتيه محد يستاهل ان نضيق صدرنا عليه الله بيعوضس بلي احسن منه !
ريما والدموع ماليه وجها: بس انا احبه احبه ياجلوى افهميني
جلوى: نوف والله فاهمتس و عارفه انه مهوب وقته اني اعاتبس بس حبس من اوله غلط تذكرين يوم قلتلس لاترخصين نفسس له ولاتقللين من قدرس هذي هي النتيجه خذ وحده غيرس مرخصه نفسس له ماخليتي لنفسس لاقيمه ولا قدر عنده ...بدال مايفكر انه يحبس خليتيه يفكر وشلون يفتك منس. الي سواه شي طبيعي وشلون يحب وحده مرخصه نفسها ما استحت ولا خجلت منه حتى لو كانت قريبته .انتي الي جبتي هالشي لنفسس فتحملي كل الي صارلس.... ماابي اكون قاسيه عليس بس ترى مالس امل معه..شيليه من بالس من عافس عيفيه ولا تفكرين فيه.. واحمدي ربس واشكريه ان ناصر طيب ويخاف الله وردس وعلمس شعوره ناحيتس من اول مره ..مهوب خبيث ولعب عليس وصار شي بينكم وقتها صدق بتعضين اصابعس ندم وبتندمين على كل لحظه تجرأتي فيها عليه.....خلاص انسيه وخلي الي صار معس عضه وعبره لس.. البنت يا نوف تنحب لحياها واخلاقها وكرامتها وعزة نفسها.. لو كل وحده تحب وقالت للي تحبه اني احبك كان ولا بنت اعرست وياما بنت بتفقد اغلى شي عندها بسبب هالكلمه ..يانوف ياما بنات كتمو حب كبير في قلوبهم هاالحب يحرقهم وياألمهم في كل لحظه وتحملو لاان ايمانهم وحياهم يمنعهم انهم يجهرون فيه وعوضهم ربي باازواج صالحين قدروا يمحو أي اثر حب قديم في قلوبهم من ترك شي لله عوضه الله خير منه ...خلي الي صارلس درس وتعلمي منه ومن هالحظه حاولي تنسينه ولا تفكرين فيه لا تصغرين بعينه اكثر من كذا.. وابدي صفحه جديد بحياتس اذا تبين راحتس
ريما: بس الي خذها فهده يا جلوى فهده انتي ماتعرفينها مثلي
جلوى: مين فهده هي كانت صديقتس؟
ريما بصراخ: هه صديقتي وليتني ماعرفتها ولا صادقتها ليتني مت قبل لا اشوفها دمرتني ياجلوى داست علي قتلت ثقتي بغيري
جلوى مستغربه: نوف وش جاس منها؟ تراني مافهمت شي
ريما بحزن كبير: خانتني وباعتني صداقة 12 سنه داست عليها بلحظه كنت اعتبرها تؤام روحي عزيتها واغليتها من كل قلبي كنت اعتبرها اختي وصديقتي عمري مازعلتها او غلطت عليها وبالاخير تجازيني بالخيانه طعنتني بظهري حاولت تلعب بعرضي وشرفي استغفلتني وضحكت علي مااكتشفتها الا من الرجال الي علمني عنها
جلوى :رجال! أي رجال؟ وش دخله بالموضوع؟
ريما: الي بقوله لك امانه عليك مايطلع ماابغى احد يدري عنه اوعديني ياجلوى
جلوى: وعد نوف علميني لا تخافين سرس في بير
ريما: مره كنت طالعه لقيت سياره سوداء فيها رجال عند باب بيتنا قلت يمكن واحد غلطان او واحد من اولاد جيرانا ولا اهتميت وصرت كل مااطلع اشوف السياره وفيها نفس الشخص عند الباب
وجا يوم وكنت طالعه الصبح بروح للجامعه وشفته موقف خفت قلت وش جابه الصبح ركبت السياره على طول توني بسكر الباب ماتسكر رفعت عيني وشفته ماسك الباب خفت بغيت اموت جلست اصرخ
نوف بصراخ: بعد يدك انت وش تبي يالحقير بعـــــــــــــــــــــد
.... ... ولا كلمه لاتصرخين خذي الرقم وكلميني ضروري
نوف بخوف: الله يخليك رح وخر عني انا ما اعرفك كيف تبيني اخذ رقمك تكفى رح ماله داعي تفضحني عند الجيران
..... لا تخافين انا مابي منك شي نوف لاتخافين
نوف بنفس الخوف:ا انت تعرفني مين انت؟ وش تبي مني.. خذ رقمك وابعد انا ماني من هالنوع والله العظيم
..... اسمعي قلتلك لا تخافين وقصري صوتك كلميني الساعه 5 العصر ضروري لمصلحتك وانتبهي فهده صديقتك لا تدري انتبهي
وراح
من الخوف الي فيني ماقدرت اروح الجامعه رجعت دخلت البيت وعلى طول على غرفتي والله ياجلوى ماعرفت كيف وصلت لغرفتي احس اني اسمع دقات قلبي من الخوف ماعرفت انوم ولا عرفت اسوي أي شي حسيت الوقت طويل ابي الساعه تجي 5 واشوف وش يبغى مني بالبدايه خفت اني اكلمه بس سبحان الله ماادري ليه كنت حاسه ان الموضوع الي يبيني فيه مهم يمكن لانه قال اسم فهده صديقتي ماادري احترت وقتها اكلم فهده واعلمها ولا لا بس تذكرت انه قالي مايبي فهده تدري المهم جات الساعه 5 وقررت اتصل عليه مثل ماطلب مني
وكلمته
نوف بصوت خايف: الو
........:نوف
نوف برجفه: نـ عـ م وش تبـ ي
....: نوف اسمعيني قبل كل شي احلفلك اني طلبت منك تكلميني لشي فيه مصلحتك يابنت الناس اسمعي كلامي زين وياليت تصدقيني بكل كلمه اقولها انا لو مهوب خوفن عليك وعلى سمعتك واني معتبرك مثل اختي وعرضك عرضي ماتعنيت ووقفت عند بابكم ايام لين قدرت اني اكلمك فهده صديقتك او الي انتي معتبرتها صديقتك ابتعدي عنها هالبنت تخونك وتلعب بعرضك من وراك
قاطعته بعصبيه: انت وش تقول... أي تخون واي عرض الي انت تتكلم عنه انت واحد كذاب وحقير على بالك بتلعب علي والله ان شفتك عند باب بيتنا مره ثانيه لاابلغ عليك الشرطه رح وقف عند بيوت الحثاله الي مثلك مو عند بيتنا سامع
" قطعت الخط على طول وجلست اسب واشتم فيه على بالي انه جالس يلعب علي ماصدقت ولا شي من الي يقوله الحقير واتصلت على طول بفهده لقيت جوالها مقفل كنت بعلمها عن الي صار .. عمري بحياتي ماعصبت مثل هالمره من العصبيه ماقدرت افكر بالكلام الي قاله لي الي استنتجته انه يلعب علي وانه واحد كذاب .... بعد 10 دقايق وصلني مسج فتحته على طول وانصدمت صدمة عمري بلي قريته مانسيت الي كتبه ابد لدرجه اني حفظت الرساله في جوالي القديم دقيقه بجيب الجوال واقراها لك
كان مكتوب
.....اسمعي يابنت الناس مهوب انا الكذاب ولاهوب انا الي العب بأعراض الناس والي سمعته منك بعتبره زلة لسان .. وفهده الصديقه الي انتي مأمنتها على سرك وصورك تراها راسله صورك لااخوي على اساس انها هي وقالت ان اسمها نوف بنت أحمد ال...... وتكلمه على انها انتي ووصفتله بيتكم على اساس انه بيتها اتفقت هي وياه في الجامعه ومشى وراكم بعد ماوصفتله نوع ورقم السياره وعرف البيت...والي سوته مع اخوي اكيد بتسويه مع غيره نصيحه لوجه الله اقطعي علاقتك فيها وخذي صورك من عندها باين عليك انك محترمه ومتربيه فااقطعي كل صلتك فيها احسن لك قبل ماتورطك بشي اكبر واذا تبين الدليل صورك عندي وتسجيل مكالماتها مع اخوي عندي برسلها لك بكره الصبح مع السواق في نفس سيارتي حتى محد يشك"
بعد ماقريتها ياجلوى انهرت حسيت الارض تهتز من تحتي والدنيا بعيوني سودت ماقدرت اصدق رجعت وكلمته مره ثانيه
...الو
نوف وهي تبكي: الله يخليك قلي الكلام الي انت كاتبه كذب اهه اهه اهه واني اتخيل مستحيل فهده تخوني والله مستحيل
........:لاتبكين عليها هذي ماتستاهل دمعه وحده منك ربك ستر عليك ويحبك اكتشفتي حقيقتها قبل لاتضيعك بخيانتها لك
نوف: طيب كيف عرفتوا انها مو هي كيف يمكن غيرها او احد يتبلى عليها
....: لا هي اخوي حس انها كذابه واستغرب انها كيف ترسل صورها وتعلم عن اسمها بالكامل من ثالث مكالمه فطلع الرقم الي تكلم منه صار سوا مسجل بااسم هندي فشك اخوي ويوم طلب منها تطلع معه لقهوه رفضت وشرطت عليه انه يكون مكان عام واتفقت معه في المملكه و شرطت عليه بعد انها ماتفتش بحجة انها خايفها ان احد يشوفها فوافق اخوي وطلع معها وبالفعل ماكشفت ولابين شي من وجهها وبعد ما طلعوا ولحقها اخوي من غير ماتدري لين بيتها وعرف البيت وسأل الجيران عنه وقالولاه ان هذا بيت ال.....وسأل سواقها بعد يومين بعد ماعطاه 500 ريال عن اسم البنت الي وداها للمملكه وعلمه ان اسمها فهده وانها البنت الوحيده بين 5 اولاد
نوف وهي ترتجف:ط يــب و وبعديـ ن
......:جا وعلمني عن الي صار وعطاني الصور والله الشاهد ان حنا لا نسخنا عليها ولا شي وانها عندي انا باالحفظ والصون...واخوي الله يهديه رفض يعلمها انه عرف حقيقتها قال انه بيلعب عليها مثل مالعبت عليه نصحته بس ماسمع نصيحتي وعالعموم الصور الي عندي بتنرسل لك بكره في ظرف مع السواق بنفس وقت روحتك للجامعه عشان ابري ذمتي مع السلامه اختي وانتبهي لنفسك ولاعمرك تعطين صورك لااحد
قفلت منه ورحت على طول لبيت فهده وواجهتها واعترفت جلست تصيح وتترجاني اني اسامحها تحسبني بصدقها وههددتها ان ماعطتني صوري الي عندها راح اعلم اخوانها وابوها خافت وعطتني كل الصور ال لي والصور الي انا وياها مع بعض حرقتها في حمامها وانا اشوف ومن القهر الي فيني عطيتها كف في وجهها وطلعت
جلوى باانفعال: حسبي الله عليه ونعم الوكيل الله لايوفقها في حياتها ان شاءالله هذي مهيب انسانه هذي شيطان
ريما: واخبث الشياطين بعد... خلاص راحت ايامها ونسيتها ...
جلوى: طيب ليه ماتقولين لخالتس عنها الي اعرفه ان ناصر محترم وحبوب حرام يأخذ وحده مثل هاذي
ريما بسخريه: وش يدريك يمكن تتعدل على يديه! مالي دخل فيه لو اعلمهم ماصدقوني وبيقولون اني اتبلى عليها لان ناصر مااختارني انا ...خلاص جلوى على قولتك الي عافني لازم اعيفه
كنت اظنهم الاصحاب الاوفياء ولكن ؟؟؟
صدقوني يا من كنتم اسميكم اصدقاء لن تكسرني حماقاتكم
فان قلبي اكبر منكم ولست مذنبة اني قدمت الورد لكم وقابلتومني باشواك ادمت ايدي
فلا اسف عليكم ابدا
واليكم كلمات قلبي
ما اسهلها من كلمات وما اصعبها من احاسيس
احاسيس تفت الصخور والحديد
وما اصعبها من حياة عندما يخون الصديق بك ويجعل منك اضحوكة للا الاخرين
مؤلمة جدا تلك الاحاسيس حتى الموت عندما يكون الطعن في الظهر مؤلمة حتى القسوة عندما
يخونك صديق وعندما تجد اسرارك التي قد امنتها عندة قد انتشرت بين الاخرين
منذ ان ولدنا ونحن نسمع بصداقة والحب والاحترام ويا لها من كلمات
ساحرة تدهش سامعيها لكن
ومع كل الاسف كلة حلم صعب المنال وما تلبث الا ونحن نصحو على طعنات غدر
حقيرة او كذبة تذهب مع ادراج الرياح
فالصداقة والاخوة كلمات ساحرة تختفي خلفها الانياب الحادة
والخناجر المسمومة صداقة كذابة
واحترام زائف وكل شي اكذوبة
اكذوبة عندما يطعنك اقرب الناس اليك ممن كنت تحتمي بهم وتحسهم اقرب اليك من الاخرين
فهل يتحول العسل الى علقم مر لا اعتقد ذلك ولكنني متاكدة ان الصداقة الزائفة عندما لا
يحترمك الصديق يمكنة ان بيعيك برمشة عين عند اول فرصة سانحة
تقع تحت تاثير الصدمة ويتطاير الدم من ظهرك والسبب خنجر حاقد مسموم
لا تصدق ما تراة عيناك
اقرب الناس اليك هو قاتلك وبخنجر مسموم مزخرف
وكلمات مذهبة يغرسها في ظهرك
فياللعجب وياله من زمن عندما يخون فيه الصديق وكالذئب المسعور ينهش في لحمك
ولا يقدرك او يحترمك
فلمن نعطي الامان ان خاننا اقرب الناس
من يصدق معنا وهل على الدنيا السلام
فكل الذي نبحث عنة هو قلب صادق وانسان يقف معنا
اقرب الناس الذين اصبحوا عديموا احساس كالوحوش مجردون من أي تفكير
او احساس ومشاعر
فلا اسف على خائن
كلمات اتوجة بها اليهم
والحليم تكفية الاشاره
لي صاحبٍ صب الخطايا في عروقي ثم ضـاق
لين امتليت امن الجروح وضاق صدري مرتيـن
مره عشان اني خسرته وانكتـب هـم الفـراق
ومره عشان انه طلع مقلـب وشرْبتـه السنيـن
ويـلاه ياحمـل الهزيمـه والغـدر والاختنـاق
لاشالها صدر الصديـق وعـوّد الدايـن مديـن
ويـلاه ياويـلاه ياويـلاه حـمـلٍ مايـطـاق
اليا اكتشفت ان الثمين المحتـرم ماهـو ثميـن
وانك ضحيه من ضحايا الصدق بيديـن النفـاق
وانك غبي ماتعرف اوصاف الهزيل امن السمين
وان الصداقه نبت والوقت الردي راعـي نيـاق
وان المبادي والعلـوم الغانمـه ماضـي دفيـن
ياصاحبي حطمتني وانهالـت الذكـرى سيـاق
تهاوت صروح المحبـه والغـلا فـي دمعتيـن
والله حسيبك ولا انا مالي علـى مثلـك وثـاق
والله يعوضني بخيـر ويجبـر الكسـر ويعيـن
روح وانا بالقى على المريخ مجهـول النطـاق
صديق وافـي للصديـق يعيننـي دنيـا وديـن
اليا فرحت يزيدني فرحه ولا من ضقت ضـاق
ويحوش عن صدري هموم الوقت والعمر الحزين
واليا وقعت يشيلني واليـا دعيتـه جـا سبـاق
واليا نخيته ما تخلا وان فـزع لـي مـا يليـن
واليا بردت يشبّ لي في خاطره حزمـة عنـاق
وان حاصرتني مشكله ينصب لهـا ميـة كميـن
واليا ذكرت بشرّ ياقـف دون لحمـي لا يـذاق
واليـا عطانـي لا يـزنّ ولا يمـنّ ولا يهيـن
واليا بـدر منـي خطـا مـا ردهـا للافتـراق
ما يبحث عيوبي عليّه من يسـار ومـن يميـن
واليا شكيت وضاقت الدنيـا وبـان الاحتـراق
صندوق يحفظ سري الخافـي ولا يمكـن يبيـن
واليا عطيته فالصـدر خيمـه عموديـن ورواق
بنى لي بصدره قصر عالـي وسـور ونخلتيـن
هذا الصديق اللي عليه العلـم ياوقـت الشقـاق
ماهو هذاك اللي طعني فـي صميمـي طعنتيـن
هذي حكاية قلب غافـل فالزمـان ودوب فـاق
على جريمة قتل (مفهـوم الصداقه)مـن يديـن
الصاحب اللي صب موتي في عروقي ثم ضـاق
لين امتليت من الجروح وضاق صدري مرتيـن:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::::::::::::: ::::::::::::::::::::::::
شذى
يالله هالبنت مدري وشلون اتفاهم معها اجيبها يمين تجي يسار
شذى بعربجه: تراك زهقتيني يابنت الناس هذا جزاي اني جاي انوم عندك اليوم
الهام بزعل: لا والله وبكره بتتركني بالجامعه وبتروح وراها هي ماتحبك ومو من هالنوع وشتبي فيها
شذى: خلاص منيب ماشي معها وش تبين غير كذا افرديها يالعسل
الهام: طيب اسمع بليز اذا دخلت ماما تكلم بنعومه وخلك صدق بنت ماابغاها تشك بشي بليز شذى
شذى بعصبيه: ماقلتلك لا تتكلمين معي كني بنت
الهام:عارفه عارفه حبي بس قدام ماما بليز اذا لي خاطر عندك والله لوتدري ان يذبحوني اهون عليك
شذى : ماتهونين علي ابد هذا الي مصبرني عليك
الهام ضحكه مقززه: هههههههههههههه الله يخليك لي ياعمري
............................................................ ............................................................ ...
ملاحظه:
قال تعالى: (وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُون*
وأما السنة، فما رواه الطبراني في الكبير، وأبو يعلى وحسنه السيوطي عن واثلة عن النبي صلى الله عليه وسلم قال: "السحاق بين النساء زناً بينهن"
وقوله صلى الله عليه وسلم
"قال رسول الله صلى الله عليه وسلّم : (( إذا استحلت أمتي ستاً فعليهم الدمار : إذا ظهر فيهم التلاعن وشربوا الخمور ولبسوا الحرير واتخذوا القيان واكتفى الرجال بالرجال والنساء بالنساء )) أخرجه الطبراني ( المعجم الأوسط ) والبيهقي في ( الشعب )
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
الصبح 8 ونص
جلوى
صحيت الصبح وجلست اضحك هههههه ياحلوها ياناس هالبنت تجنن احس عيونها انخلقت بس عشان تضحك وتبتسم مهوب عشان تحزن انقطع قلبي عليها امس وهي تبكي اول مره اشوفها تبكي اه اه الله يسعدها ويهنيها ويعوضها بلي احس من ناصر انشاءالله
نوف نوف نوف
نوف:: مانمت قايمه ياماما جلوى
جلوى: ههههه صباحس عسل وخري راسس عن رجيلاتي كسرتيها
نوف بضحكه: احسن محد قالك تدلعيني وتخليني احط راسي على رجلك
جلوى: وش اسوي احبس هذي مشكلتي معس ها كيف نفسيتس الحي
نوف باابتسامة صغيره: افا عليك انا نوف والاجر على الله قدعه لامجال لضعف عندي ابد
جلوى: هههه كفو والله انا اشهد و يالله عاد وخري عطيتس وجه قومي صلي وغيري واطلعي عندنا فوق بروح اغسل وانزل اجهز الفطور وبـــ اطلعه فوق عند امي تلقينها مستغربه ويني نايمه فيه يالله عشان لا نتأخر على الجامعه
طلعت فوق ودخلت الغرفه ولقيت امي فاطمه قايمه
جلوى: صبحس بالخير والغلا يالغاليه عساس نمتي زين
امي فاطمه: الهمدلله يمه جلوى هبيبتي هدي اكر مره تنومين بعيد عني الله يهديك كفت اليك نزلتي تهت عند نوف وماتلعتي كفت ونزلت ادور اليك سفتك جالسه ونوف هاته راسها الى رجلك يمه الهين ظهرك يألمك يمه
جلوى وهي تحظنها: يابعد عمري وقلبي يلي تخاف علي ياناس بغسل وبنزل اصلحلس احلى فطور
امي فاطمه: يمه وس في نوف في سي؟
جلوى: سلامة قلبس يالغاليه بس هي ماحلت بالاختبار زين عشان كذا هي متضايقه
امي فاطمه: الهمدالله ... معليس انساءالله الاكتبار التاني تهل كويس معليس
جلوى: يمه ترى اذا جيت بننقل اغراضنا للغرفه الي تحت
امي فاطمه: سوي الي تبقينه يمه معليس انا معك بكل سي
" فطرنا وخلصنا ورحنا للجامعه انا ونوف والانسه شذى نايمه برا البيت وين ماادري"
صالحه وهي تنتظرنا عند الباب: صباح الخير لوجوه الخير
نوف تسلم: هلا والله بشيخة ال ..... كلهم
صالحه:هلا بس اقول نوف وش فيهم بعض الناس ماردوا السلام
نوف:ههههه زعلانين ماكلمتيهم امس الله يعينك ياشينهم لين زعلو
جلوى بزعل: لا والله ياشينس انتي وانتي ياصلوح هين اوريس هذي الي بتدق امس
صالحه: وش اسوي تليفون بيتنا مفصول وامي نست تسدد وجوالي بطاريته فاضيه وتعيجزت اشحنه
نوف: صلوحه ناويه اخطبس لااخوي فهد توافقين
جلوى:لا صلوحه ماتنفع لفهد ابدا
نوف: اشهدي صلوحه ابي اخطبك لفهد وجليوو تقول لا ماتنفع لفهد قطعت نصيبك وبتعنسين
صالحه: بسم الله علي انتي ولا انا انشاءالله بعدين جوجو صادقه مانفع لخوس ابدا ابدا
نوف:لا والله وليه ماتنفعين له ياطويلة العمر
صالحه: ههههههه والله والنعم فيكم بس انا ياحلوه محيره لولد عمي مع وقف التنفيذ يعنى متى ماتكرم وفضى يجي يخطبني بيجي
نوف:اهاااااااااااا وانا اقول ليه جلوى تقول ماتنفع يالله الله يكتبلك الي فيه الخير والله ان ولد عمك اعمى احد يتأخر عن هالزين
صالحه: احم احم ترى بيكبر راسي عليكم
نوف: صالحه تعالي عندنا اليوم نفسي اجلس مع في مكان غير الجامعه
جلوى: صادقه نوف تعالي اليوم انتي وخالتي تكفين والله ان امي فاطمه مشتاقه لكم مره ودها تشوفكم
صالحه: خلاص طيب تم ياحلوين انشاءالله بنصلي المغرب وبنجيكم
نوف: هيااااااااااااااااا هذا الكلام السنع ياويلك اذا تاخرتوا ننتظركم..... انا بروح الحين لمحاضرتي سيوووو
صالحه: وانتي يالشيخه على محاضرتس يالله وش تستنين!
جلوى: مالي خلق احضر لاتحضرين صلوحه
صالحه: لا الله يعافيس ماحضرنا لا امس ولا اليوم اخاف يجيني حرمان من الماده بجيكم اليوم وبنسولف لين نمل يالله مشينا
جلوى: صالحه حافتس يالله وش فيس ؟ ليه ماتبين تجلسين معي لحالنا؟ زعلتس بشي انا غلطت عليس؟ علميني وش فيس تراس متغيره علي
صالحه تغير الموضوع: هههه وش فيني جلوى تراس صايره شكاكه هاليومين المهم الله الله بالحلى اليوم توصي فيه
جلوى بهدوء:يالله مع السلامه لا تتأخرون اليوم ياويلس
" تركت صالحه ورحت اموت واعرف وش فيها متغيره ليه ماتبي تعلمني بسأل خالتي عنها اليوم وبشوف رحت لمحاضرتي وانا بطريقي للقاعه سمعت احد يناديني
....... لو سمحتي
جلوى: هلا امري
..... معليش اختي مو انتي جلوى ال.......
جلوى: ايه بغتي شي
.....: اسفه اني ازعجتك انتي فاضيه ودي اتكلم معك في موضوع ضروري
جلوى: لا عادي وش الموضوع؟
.......: تعالي نجلس على الكراسي واحكيلك عن كل شي
جلوى: يالله
........: ماادري كيف ابد بالكلام معك انا لمى ال.... كنت صديقة رنا ال..... اختك من امك صح؟؟
جلوى: صح بس معليش كيف عرفتي؟
لمى: عرفت وخلاص الموضوع الي ابي اتكلم معك فيه يخص رنا اختك
جلوى بخوف: تكلمي اختي عسى ماشر؟
لمى: جلوى مثل ماانتي عارف انا احنا بجامعه وكل شي ينتشر الاخبار والاشاعات وكل شي رنا اختك كانت صديقتي من زمان بس من دخلنا الجامعه تفرقنا وصارت علاقتي فيها سطحيه كل وحد اختلفت افكارها عن الثانيه بس الله الي يشهد ان غلاها في قلبي مثل ماهو لان عمري ماانسى صديقات حبيتهم بيوم من الايام من كم اسبوع جتني بنت وقالت لي ان رنا تشتري افلام اباحيه من وحده اسمها ربى خفت عليها من ربى جلوى ربى هذي خطر ماتصادق بنت الا ودمرها ثم تتركها مدمره وتفضحها وتتبلى عليها عند البنات تخيلي العام الماضي خلت بنت عائله معروفه تدخن حشيش وبعد ماادمنته فضحتها وصورتها فيديو ونشرتها بالنت والمشكله لما اهل البنت اشتكوا على ربى مامسكوا عليها أي دليل وانا خايفه على رنا الحين خلتها مدمنه على الافلام الاباحيه والله يستر وش بتطيحه فيه بعدين
جلوى: افلام اباحيه؟
لمى:ايه افلام اباحيه وانتي عارفه مضار هالافلام يعني مافي داعي اشرحلك
جلوى:طيب تكلمتي مع رنا
لمى: للاسف ايه بس والي ماتوقعته منها ان تعلم علي ربى من كم يوم جتني ربى وهددتني اني اذا ماتركت رنا في حالها بتتبلى علي وبتطلع علي كلام وانا صراحه منيب قد مواجهة ربى تركت رنا وماكلمتها مره ثانيه بس والله ماهانت علي وقلت ان من واجبي اني اعلم احد من اهلها وهم يحلون الموضوع هذا بطريقتهم
جلوى: تسلمين لمى ماقصرتي والله الله يكثر من امثالس انشاءالله بحل الموضوع
لمى: بس لاتتاخرين حاولي تلقين لرنا حل بسرعه قبل ماتنجرف اكثر ورى ربى... اتركك الحين مظطره اروح عندي محاضره مع السلامه
" لا حول ولا قوة الا بالله وش هالصبح احصلها من مين والا من مين وش معنى مايقولون الا لي انا ليه مايقولون لغيري القاها من رنا والا شذى والانوف والا من نفسي والا من صالحه الي مدري وش علتها..طيب والحل كيف احل هاالموضوع مع مين احله. معقول اتكلم في هالموضوع مع امي ساره لا صعبه وريما مثلي لازم احد يساعدها ياربيه والحل .."
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::
ساره الصبح 10 ونصف
بالسياره مع مشاري
مشاري بفرحه :تو مانورت سيارتي الا يوم ركبتيها ياهلا وغلى ياهلا باحلى بنت بالدنيا توك تحسين فيني
ساره بدلع: حبي بليز لانتأخر ناخذ لفه وترجعني للمستشفى الي اخذتني منه لااني قلت لماما ان عندي موعد ماابغى احد يشك فيني من اخواني
مشاري بخبث وهو ماسك يدها: حبي بالسياره مانقدر نأخذ راحتنا وش رايك نروح لشقتي اريح لنا واقدر اخذ راحتي معك ياقلبي وبعدين ارجعك للمستشفى ياروحي
ساره: لا ميشو خلها بكره او اليوم امغرب اذا قدرت اوعدك بس الحين خلنا بالسياره يكفيني اني جنبك الحين عمري
مشاري بكذب : سوسو اجل نروح لشقتي المغرب لا تخافين مني صدقيني انا مستحيل ااذيك انتي بالنسبه لي زوجتي واغلى شي عندي انا ابي اوديك هناك عشانك عشان محد يشوفك معي بالسياره ويفهمون قصدنا الشريف غلط بالسياره عيني على الطريق وانا ابي عيني تكون بعينك ابي اشوف هالعيون الي ذبحتني واقولها عن عشقي لك تكفين
ساره بدلع: حبي بليز لا تحرجني والله استحي وخلاص اذا كنت لهالدرجه مشتاقلي راح اروح معاك المغرب بس ماراح اطول اوكيه حبيبي
مشاري: اوكيه يابعد روح وعمر وقلب مشاري ابرجعك للمستشفى الحين والمغرب بجي اخذك من نفس المكان
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
ريما
تعشينا امس احنا وخالتي وفيصل الي كان طول الجلسه عيونه علي هالنظرات حسسستني صدق بالخوف منه خلتني اندم للحظات اني سويت هالشي نظراته عكس نظرته وانا معه بالسياره اول لا هالمره غير اول مره اشوف احد يناضرني بنظرات الاستحقار هذي تمنيت اخبطه بالصحن الي معي ابيه يوخر عيونه عني خلصت من العشاء وطلعت فوق بسرعه لجناح غاده ماقدرت اتحمل اجلس اكثر من كذا وجلسنا نسولف انا غاده شوي وانا من داخلي قهر العالم كله فيني وشلون يتجرا ويناضرني كذا المهم ما نمنا الا الفجر
صحيت الصبح الساعه 10 ولقيت غاده نايمه
غاده غاده
غاده وفيها النوم: نعم حرام عليك قلتلك ماراح اروح الجامعه مانمت الا متاخره روحي انتي بليز خليني انام
ريما: والله انك سخيفه ليه ماقلتيلي من امس انك راح تغيبين انا راح اروح الحين للجامعه وبعدها بروح لبيتنا اوكيه
غاده: طيب على كيفك باي
ريما: باي
نزلت تحت بطلع لقيت فيصل توه يطلع لما شافني وقف عند الباب واتسند عليه
ريما بدون نفس: صباح الخير ممكن توخر ابي امر
فيصل باستحقار: مري احد مانعك؟
ريما: فيصل لوسمحت بلا لكاعه مالي خلقك
فيصل: صدق وليه مالك خلقي انسه ريما....عموما يالحلوه ابيك تسمعين كلامي زين ان شفتك معتبه باب بيتنا وانتي بهالشكل ان تندمين فاهمه اتحجبي زين وسكري عبايتك.. يالله اشوف.
ريما معصبه: لا والله ومن حظرتك عشان تامرني اطلع بالشكل الي انا ابيه انت مالك دخل سامع تدخل في خواتك مو فيني
فيصل قرب منها: بدخل فيك وبكسر راسك بعد لا تنسين انك قبل ماتكونين بنت خالتي انتي بنت عمي
و شوفي بيتنا يتعذرك ولا ابي اشوف وجهك بيبتنا ابد متى ماتسنعتي واحتشمتي ادخليه غير كذا مالك دخله عليه
الا اذا كنت تقصدين بلبسك شي ثاني انا حاضر للرخيصين" ولمس بأصابعه خد ريما" والا ياحلوه ماكان له داعي هالف والدوران وهالبس كان قلتيلي انك تبيني وانا بالخدمه
ريما بعصبيه وبصراخ: بعد يدك عني يالواطي انت وافكارك الحقيره بعـــــــــــــــــــــــــــد
فيصل يمسك يدها وبابتسامه: لا وبتضربيني بعد.. سكتلك اول مره على بالك بسكتلك بالثانيه...و ليه معصبه ماقلت شي غلط موب هذا الي انتي تبينه تبين تغريني صح والا لا حتى لو انكرتي لبسك يثبت لي هالشي ترى عادي عندي
ريما تصرخ: بعد يدك اتركني انت حقير والله لعلم خالتي عليك اتركني انت ماتهمني لا انت ولا غيرك بعـــــــــــــد
فيصل باستحقار: بتركك بس ابيك تعرفين شي واحد انتي علي بالك الي انتي تسوينه بتكسبين فيه اعجابي والا اعجاب غيري تكونين غلطانه اذا فكرتي كذا... لعبتك هاذي العبيها على غيري.. انتي كذا تجبريني اني مااحترمك تدرين ليه؟ .لاانك بنظري بنت معدومة الكرامه والاخلاق وقليلة حيا ونظرتي لك نظرة ازدرا واحتقار كيف ترضين لنفسك بكل هذا وش الي يخليك تهينين نفسك وتنزلين لهاالمستوى وين راح عقلك وحياك لان مستحيل بنت تسوي هالشي الا اذا كانت فاقده حياها واخلاقها والا البنت المحترمه والمحتشمه لا يمكن انها تعرض نفسها مثلك وتعرض مفاتنها قدام الرجال دون حيا او خجل..
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
فيصل
طلعت وتركتها عارف اني تجراءت ولمست خدها وقسيت عليها بالكلام كنت ابيها تعرف خطورة هالشي الي تسويه.. كنت ابيها تعرف اني بالنهايه انا بشر واشيطان حي مامات...وقصر جدي مليان عماله والدنيا مليانه ذيابه لو يشوفونها بهاالشكل بيتحرشون فيها اوبيعتدون عليها لا قدر الله.....كان ودي انصحها بأسلوب احسن من كذا بس نظراتها وحركاتها امس قهرتني واستفزتني لاابعد حد ...كل ماقررت اني بغير من معاملتي معها وبعتذر بأني مديت يدي عليها اتراجع بسبب حركاتها ونظراتها لي الي اعتبرها غريبه كأنها تبي تقهرني وتنتقم مني هذا هومعنى هالنظرات اشوف الكره بعيونها لي ليه ماادري مع اني اعزها واغليها واعتبرها مثل خواتي واعز صح اني غلطت عليها وظربتها بعد هي ماقصرت ردتلي الكف هذا الي اذكر اني اخطيت فيه بس شي ثاني مستحيل بالعكس كنت دائم امزح واضحك معها وماعمرها اعترضت او زعلت على مزحي معها ماادري وش فيها علي ليه ماخذه مني موقف
:::::::::::::::::::::::::::::::::::::::::::::::::::::::::::: :::::::::::::::::::::::::
في قصر الجد او سلطان
امي ساره بعصبيه: وانت وش بيظرك اذا وديت لها هالظرف انا لو اني ادل البيت وان ابوك مهوب راجع اليوم بدري كان رحت وديته لها
طلال معصب: الله يهديك يمه الحين مرجعتني من المكتب وتارك اشغالي عشان كذا عشان اروح اودي لها هالظرف ! انا منيب فاضي يمه والله ان عندي شغل لين راسي برسل واحد من السواقين لبيت عمها
امي ساره: قلتلك لا انت الي بتوديه لااني مابي احد يدري غيرك
طلال: وش فيه هالظرف؟
امي ساره: فيه الي فيه لاتسأل انت بس قلها هذا من امي لاتضيق صدري وانا امك وده لها الله يعافيك
طلال ماسك اعصابه: ابشري الله يرضى عليك بس ترى هذي اخر مره اوديلها شي المره الجايه خلي واحد من السواويق يروحلها
امي: انت وده وبيصير خير
طلال: هي تدري انك بترسليلها شي؟
امي ساره: لا ماتدري انت عطهياه وانا بكلم على بيته عمها العصر وبااقولها انت بس قل الي قلتلك عليه
طلال: ابشري بس ترى منيب رايح الحين بروح على الساعه 2 الحين عندي اجتماع
امي ساره: على راحتك وانا امك بس اهم شي سلمه لها بيدها
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::
الساعه 1
جلوى
رجعنا البيت
نوف: جلوى تشوفين هاالشنط الي عند الباب غريبه لمين؟ لايكون امي رجعت !
جلوى: لا هذي مهيب شنط امس غريبه من الي جا عندنا تعالي ندخل ونشوف
دخلنا لجوا البيت لقينا ثريا لابسه عبايتها وكاشخه
نوف بفرحه: يااااي وناسه طلقها ابوي واخيرا
جلوى: ظنس طلقها؟
نوف: طبعا ماتشوفين الشنطتين الي عند الباب ههههه وناسه تعالي معي بروح اتشمت فيها
جلوى: لا نوف حرام عليس
نوف: لا مو حرام تستاهل من قالها تخرب بيتنا وتاخذ ابوي
جلوى: وهي وش ذنبها ان مااخذها عمي خذ غيرها
راحت لها نوف وقالت
نوف بشماته: واخيرا بتذلفين لبلدك انتي وين والزواج وين اكيد ابوي كشف حقيقتك وطلقك
ثريا تناظر نوف من فوق لتحت: حبيبتي مو تريا الي تطلق انا راح اسافر مع ابوكي لاايطاليا ياماما هههههههه
نوف عصبت:يالحقيره والله راح تشوفين مننا الي عمرك ماشفتيه والله راح اخلي ابوي يرميك في الزباله الي جابك منها
جلوى تهدي نوف: خلاص نوف اطلعي فوق ماله داعي هالكلام ... معليش ثريا اعذريها ي بس معصبه شوي
ثريا بتحدي: عادي ماتهمنيش خليها تحكي على راحتها وراح نشوف بالاخير مين بيخرج من البيت انا ولا هم
" وطلعت من البيت بتروح للمطار"
جلوى: وش فيس يانوف انتي صاحيه تتكلمين معها كذا
نوف بقهر: آه يالقهر بس شفت وشلون تهدد الحقيره
جلوى: انتي بعد ماقصرتي معها بالحكي
ياولد ياولد
تغطيت بسرعه لما سمعت صوت فهد انحرجت منه من تكلم معي بموضوع الخطبه ماشفته
اقرب حياك
فهد: السلام عليكم
جلوى+نوف: وعليكم السلام
فهد بااستغراب: نوف وش فيك ؟ صوتك واصلي برا وش عندك تصرخين
نوف: اصرخ على هالحقيره ثريوووه تخيل بتسا....
قاطعها فهد معصب: انا وش قلتلك ماقلتلك اسفيها ولا تدخلين فيها وخليك في حالك قلتلك ولا لا انتي ماتتـأدبين
نوف بصراخ: يا اخي تقهرني مااحبها ولاادانيها
فهد: مهوب لازم تحبينها بس خلاص خليك في حالك موب ناقصين مشاكل .... الا نواف مامر عليكم اليوم؟
نوف: ماادري تونا جايين من الجامعه يالله بروح اتحمم وبنزل اساعدك ياجلوى فهد الله يعافيك اذا جا العصر رح جب لنا حلى قهوه وعصير بتجي صديقتنا اليوم
فهد:نوف اليوم العصر منيب فاضي بروح للمخيم اخوياي خلي السواق يروح
نوف: السواق راح لشذى تقول تبيه اليوم كله
فهد: خير وش عندها
نوف: ماادري عنها السواق هو الي قالي
فهد: طي كلمي على نواف يجيبلك الي تبين
نوف: لا وعع والله مستحيل يوافق
فهد: انتي كلمي جربي وش بيضرك يمكن يوافق
طلعت نوف لغرفتها وجلس فهد باالصاله
جلوى: فهد تبي غداك الحين؟
فهد: لاتسلمين بتغداء عند امي بروح الحين اسلم على امي فاطمه وبروح
جلوى بتردد: فهد انا ... فهد صدقني انت عزيز وغالي علي واني اعتبرك مثل اخوي والله و...
فهد: لاتكملين ياجلوى وصل القصد يابنت عمي الله يرزقك بلي احسن مني انشاءالله ...جلوى...مابيك تنحرجين مني ابد انسي هالموضوع..
جلوى : فــ هد لا تزعل مني صدقني مهوب عن شي فيك لا والله انت والنعم فيك بس اني اعتبرك اخوي الله بيعوظك بلي احسن مني
فهد: افا عليك يااختي مافيه لا زعل ولا شي وهذا حقك وانتي حره بأختيارك ..عن اذنك
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::
فهد
كنت اتمنى انها توافق وتفرحني بكلمة ايه موافقه عليك بس انصدمت من رفضها لي كنت متوقع موافقتها على طول بسبب هالظروف الي هي عايشه فيها كان بعيشها احلى عيشه بس يالله الزواج قسمه ونصيب شكلي بس بقدم انتقالي للشرقيه وبروح مع الدفعه الي بيروحون الاسبوع الجاي احسن لي وابعد عن كل شي عن جلوى ومشاكل امي وابوي ومشاكل خواتي واريح نفسي من كل شي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
راح فهد وطلعت الغدا لاامي فاطمه ماعلمتها ان ام صالحه بتجي بسويها لها مفاجأه خلصنا من الغدا ونزلنا المواعيين للمطبخ انا ونوف سمعت صوت الجرس يرن
جلوى: نوف الله يعافيس شوفي من عند الباب يدي كلها صابون
نوف: يووووووه وش بيطلعني افتح في هاالشمس ليه ماصلحو السبيكر حق باب الشارع له اسبوع خربان
جلوى:خلاص انا بروح ياعجزس عجزاه يالمايعه يعني بتمعين اذا طلعتي!
نوف: هههههه خلاص بروح افتح كلتيني بسم الله علي
راحت نوف تشوف من عند الباب شوي ورجعت تركض
جلوى جليوو
جلوى: نعم
نوف: روحي عند الباب بسرعه واحد يبغاك يقول انه طلال ال .... ولد خالك يبيك ضروري
جلوى بصدمه: طـــــــــلال
نوف: ايه بسم الله صوته يخوف قسم بالله خفت كنه صوت سفاح
جلوى بخوف: معه احد؟
نوف: لا ويقول ناديلي جلوى بسرعه
جلوى:وش جابه لحاله ليه طلبني غريبه وش يبي بروح اشوف
نوف:تبين اجي معك؟ ولا اطلب الاسعاف
جلوى : لا
رحت بشوف وش يبي احس قلبي بيطلع من مكانه ماودي اسمع صوته ولا اتكلم معه مابي يحيى فيني شعور قديم دفنته بقلبي يارب يارب تغسل محبته من قلبي يارب
وصلت عند الباب
حاولت اثبت صوتي : نعم
طلال بصوته الرجولي الضخم: جلوى
جلوى بسرعه من غير ماتسلم: نعم فيه شي
طلال بصوت حاد: افتحي الباب وخذي الظرف الي معي من امي ساره
جلوى:أي ظرف؟
طلال: خذيه وبتعرفين
جلوىحسني قلبي ان الظرف فيه فلوس: اسفه.علمني اول وش فيه
طلال: يعني وشلون! بتاخذينه والا لا
جلوى: اول اعرف وش بداخله
طلال بعصبيه: تراني منيب فاضي للي تقولين وبعدين الظرف مسكر افتحي خذيه وخلصيني
جلوى بعد تفكير: اظني عرفت رجعه لاامي ساره وقلها مشكور وما قصرت والحمدالله الحال مستور
طلال: تعوذي من الشيطان وافتحي وخذي الظرف
جلوى: كلامي منيب عايدته ملره ثانيه الكلام الي قلته وصله لاامي ساره وفمان الله لاتتأخر عن شغلك
طلال بصوت عالي يخوف: جلــــــــــــــــــــــــــــــــــــوى
جلوى:ماله داعي تعلي صوتك وتصرخ الظرف منيب مااخذتها واتوكل على الله
طلال: كلامك هذا والله ان تندمين عليه يابنت عبدالله ولسانك محد قاصه لك غيري
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::
التعديل الأخير تم بواسطة Sky_star ; 28-10-08 الساعة 11:37 AM
|
28-10-08, 11:31 AM
جديد مواضيع قسم الارشيف
العرض العادي
