المنتدى :
الارشيف
ياليل خبرني عن امر المعاناة هي من صميم الذات والا اجنبيه
@ياليل خبرني عن أمر المعاناة هي من صميم الذات والا اجنبيه@
للكاتبه:Sky_star
او عذبة الرياض
"في هذه الحياة تتوالى على الإنسان الصدمات و العقبات فلا ينجو منها إلا من كان إيمانه بالله قوي حيث سيواجهها بصبر وثبات شديد وسيتلقى المكاره برحابة صبر و قوة إراده وعليه أن يدرك أنه مهما تعرض لظلم, واذية ,واتهام ,و خداع وحب لم يكتب له العيش, أوسوء معيشة أو مرض ,و ابتلاء, أهدمت له حياته و أنهكت روحه وفجعت قلبه و حولته إلى نفس حزينة بائسة ومجروحة الم بها الألم و الحزن إلى وان يتسلل له ذات يوم شعاع الأمل فيأتي العون و الفرج من الله فيعيش حياة رخية مشرقة وضاءة,فيحسن فيها إلى من أساء إليه ويمد يد العون إلى يد كانت جاحدة له في الماضي"
( فالله يمهل ولا يهمل)
أتمنى أخواتي أن تستمتعوا بقراءة روايتي الأولى المتواضعة منتظرة ردودكم و انتقاداتكم في حال اعجبتكم الروايه حيث ستكون دافع لي لكتا بة المزيد من الروايات وشكرا لكم
ياليل خبرني عن أمر المعاناة هي من صميم الذات والا اجنبيه
هي هاجس يسهر عيوني ولأبات أو خفقة تجمح بقلبي عصيه
هي صرخة تمردة فوق الاصوات أوونة وسط الضمائر خفيه
أو عبرة تعلقة بين نضرات أو دموع اللي تسابق هميه
أعاني الساعه واعاني مسافات وأعاني رياح الزمان العتيه
وأصور معاناتي حروف وابيات يلقى بها راعي الولع جاذبيه
............................................................ ........................................................
........جلوى جلوى قومي داخل لغرفتس بسورعه و اقفلي الباب عليس قبل لا يجي ابوس اخلصي بسورعه
...ما امداها تخلص جدتي كلامها طرت طيران على غرفتي من الخوف ياللللللللللله لين متى بيستمر على هالحاله من يجي للبيت لازم تصير حالة إستنفار لاحول الناس تعيش في بيتها مرتاحه و انا عايشه بخوف الله يسامحك يمه انتي وابوي حرام اللي تسونه فيني الله مايرضى استغفرالله وش جالسه اقول ...
..طق طق طق طق
ابوي بعصبيه :جليو وصمخ افتحي لابارك الله فيس وإلا كسرت الباب انهضي
جلوى:بخوف: :انشاءالله يبه بس جالسه اغير
ابوي :ساعة الله ياخذ عمرس عشان تقتحين وش قاعدة تسوين ها "ماامداني ارد عليه الا دفني على الباب و كاالعاده الكريمه استلمني ضرب و تهزئي ودخل زي المجنون للغرفه يدور بدولابي وتحت سريري "
"وبصراخ"احمدي ربس اني مالقيت شي يالكلبه والا والله كان ذبحتس وين مكأفتس اخبرهم نزلوها
جلوى بخوف:ت ت توها مانزلت والله
ابوي:اذا نزلت جيبها لي تفهمين عسى الله ياخذس ويفكني منس انت بلا
"بعدها طلع ابوي وانا جامده بمكاني متى بتغير متى بيحس فينا حتى مكأفتي ما أشوف منها ريال من زين الحال يعني على الاقل يعطيني منها400ريال ابي لبس وأغراض انا وجدتي وحصه حتى لبس زي الناس والعالم ماعندنا جلست أفكر بحالي عمري 22 سنه انا والمعاناة مانفترق ملازمتني ليل نهار حرام عليه الي يسويه فينا ماادري اشيل هم مين همي والا هم جدتي المسكينه والا حصه زوجة ابوي ما مر علي في هالدنيا يوم حلو كل يوم اردى من الي قبله أه يايمه وآه يابوي والله حرام الي تسوونه فيني انا وش ذنبي ان هذا ابوي لاتزر وازرة وزر اخرى بس مين الي يفهم هالشي عشان ابوي سكير وراعي حريم ويلعب قمار وراعي بلاوي ثانيه لا وامه هنديه وفقير مابغوني امي واهلها ولا اصلا يتشرفون فيني على قولة امي لي مره اني اقطع الوجه لا انا ولااهلي لو ابوي غني كان مجدوني الناس ويطلبون رضاي والكل يبيني صدق الدنيا غريبه والناس اغرب وش اقول بس اروح اصلي ركعتين لعل وعسى اني ارتاح وانا م بكره وراي دوام من الصبح
الصبح
قمت على صوت المنبه غسلت و لبست وخذت عباتي وطلعت للصاله
جلوى:صباح الخير حصه طلع ابوي ولا نايم
حصه"زوجة ابوي"طلع الله لايرده
جلوى "صراحه سكت ماقدرت اقولها شي الله لا يلومها من اللي يسويه فيها " قلت:الله يهديه ويرده لنا ولدينه ردة عزيز مقتدر أنا بروح للجامعه بتمرني صالحه "بنت جارتنا"بعد شوي تبين شي
حصه بتردد"جلوى انا ....
قلتلها وأنا خايفه حسيت إن فيها شي:"حصه فيك شي انتي وشو تكلمي
ردت علي وهي متردده شوي::أنا بروح للجنوب خلاص يا جلوى بطلب الطلاق من ابوك مااقدر مااقدر استحمله اكثر من كذا كلمت مرة عمي وايدتني وقالتلي حنا بنتصرف معه انتي بس تعالي بس انا متردده خائفه عليس منه اذا رحت من بيحميس منه اذا جا سكران هذا اللي كاسرن ظهري ياجلوى
قلتلها والحزن مقطع قلبي: الله يعلم يا حصه ان معزتس عندي في قلبي كبيره بس بقولس شي وابيس تسمعينه زين انا غصبن علي اتحمل ابوي واصبر على وضعي ماعندي غيره يعني ان رحت والا جيت ماالي غيره بس انتي وش ذنبس تعيشين هالعيشه بيروح شبابس وانتي ماتهنيتي فيه من حقس انك تكونين ام ويعيشون عيالس مع ابو صالح لهم ماتصدقين ان قلتلس ان قلبي عليس يتقطع خائفة عليس ان ابوي يبلاس بمرض عارفة انتي وش انا اقصد من بلاويه فاذا انتي تشوفين إن بطلاقس راحة لس تطلقي قبل ما تبتلين منه بولد وقتها هذا اللي بيكسر ظهرس صدق ولا تشلين همي لي رب يرعاني أبوي ما ينفع تعيش عنده مره أنتي خابره طبايعه الله يعجل بهدايته روحي وأنا اختس ولا تشيلين همي"حضنتها من غير شعور لولا الله ثم هي جدتي وإلا الله يعلم بحالي الحين بس حرام اكون أنانيه معها هي طيبه أبوي مايستاهلها ابد"
حصة بحزن:متأكدة
تصنعت الابتسامه وقلت:متأكدة ونص بس عندي شرط
حصة:أمريني
جلوى:تعطيني رقمس بالجنوب ولا تقطعيني ابد أنتي غالية علي حيل
حصة"وهي تحضني"مايبلها حكي أكيد
جلوى:طيب انتي علمتي امي فاطمه "جدتي"انك بتسافرين للجنوب وبتطلبين الطلاق من ابوي
حصه: ايه قلتلها امس ولا قالت شي ياعمري جلست تصيح قطعت قلبي ودعتلي ان الله يوفقني امانه ياجلوى انتبهي لها مالها غيرس انتي عارفه ابوس وعمس حسبي الله عليهم عاقين فيها ماكأنها امهم كانه شغاله عندهم الله بيجازيهم على الي يسونه فيهم خليس باره فيها مثل ماانتي دايم بارة لها هذي امس وهي الي ربتس انتبهيلها اوعديني تكفين
جلوى:افا عليس ياحصه توصيني بروحي هي امي وابوي ودنيتي سوت معي الي ماسووه لا امي ولا ابوي روحي وانتي مطمنه بس تراس وعدتيني انس ماتقطعين فينا انتي مثل اختي ياحصه
حصه:والله ياجلوى يعز علي فراقس انتي وخالتي بس مافي اليد حيله ماعاد اقوى اعيش معه
جتنا امي فاطمه طالعه من غرفتها
هي مهيب سعوديه هنديه اتزوجها جدي كان تاجر عود ويجيب العود من الهند وشافها واتزوجها جابت منه ابوي وعمي أحمد كان جدي الله يرحمه يحبها قاطعوه اهله الي هم خوانه وخواته بسبتها كانوا مهوب راضين بزواجه منه وهو رفض يطلقها بعدها كبرت المشاكل بين جدي وخواته الي صاروا يحرضون ابوي وعمي على امهم توفى جدي بسكته قلبيه بعد ماحجروا على حلاله ابوي وعمي الي هم عياله وتوفى وهو مهوب راضي عنهم وصارو يتعاملون مع امهم معامله سيئه لا يحترمونها ولابارين فيها وعشنا في بيت جدي انا وامي فاطمه وابوي..................
أمي فاطمه:السلام هليكم
جلوى +حصه:وعليكم السلام والرحمه
امي فاطمه:هبيبتي جلوى ليه مارهت الجامعه
جلوى:لا يمه مانيب رايحه الحين المحاضره تبدا الساعه 10 بنتظر لين ماتروح حصه للمطار انا قلت لصالحه ووافقت
امي فاطمه بحزن والدموع ماليه عينها:كلاص بتروهين ياهصه الله يسادك يارب سامهيني يابنتي ازا انا زالتك وانا ماادري مين بيوديك للمتار"المطار"
حصه:الله يسامحك دنيا واخره ياخالتي ماجاني منكم انتي وجلوى الا كل طيب والله انتم الي سامحوني والله ماودي اتركم بس الشكوى لاالله الي بيوديني اخوي ياخالتي الحجز اللساعه 11 الضحى وبيمرني على كلامه الساه 9 ونصف
" جت الساعه تسع ونص وجاء اخو حصه ودعناها اشكالنا وانا نودعها تقطع القلب بكيت لين صفى راسي وحصه بكت بكاء يقطع القلب هي وامي فاطمه والله ماهانت علينا طلعتها من البيت بس وش نقول غير حسبي الله ونعم الوكيل
بعدها رحت للجامعة أنا وصالحه وكل وحده راحت لقسمها أنا محاسبه هذا آخر ترم لي دخلت القاعة حسيت بانقباض بصدري لما شفت أختي من أمي رنا وسارة بنت خالتي أسماء ونظرات الاستحقار اللي يناظروني فيها طنشتهم مالي خلق مشاكل اللي فيني كافيني وجلست رنا:وع شوفيها جت اف ماطيقها هاالبنت صدق قرويه حتى لبس زي الناس والعالم ماتعرف تلبس مالوم أمي فيها كويس انها أختي من أمي بس مو من نفس العيله والا راح اتفشل مره
سارة: خخخخخخخخخ يوووه عاد رنا وتكره أحد الله يعينها منك بس حرام أحس أنها ماتستاهل شكلها برئيه مره وفي حالها
رنا تتمسخر:هه والله انتي البريئه هاالأشكال مايبين عليها وأبوها أكبر دليل يعني ايش تتوقعين من وحده أبوها سكيروحرامي وبلاوي الدنيا كلها فيه تطلع مفتيه مثلا الله لا يبلانا ويبعدنا عن هاالأشكال
ساره بضحك: ههههههههههه والله انك ضحكتيني حلوه مفتيه خخخخخ تخيلي مفتية السعوديه حرمه عز الله ماشفنا رجال واحد بيموت كلهم قهر خخخخخخخخ
رنا:هي انتي شاربه شي على الصبح على أي كلمه اقولها تضحكين اثقلي شوي خلي لك برستيج
ساره:المهم بس ماشاءالله عليها جميله تجنن يابختها والله جسم وشعر كنه زوليه وزين وعيون تتوقعين طالعه على مين عليكم مستحيييل أكيد على جدتها الهنديه خخخخخخخخخخخ
رنا مولعه من الغيره:زينه بعينك اذا هذي جميله أجل الجميله مين وع الا شينه
ساره تتمسخر:yes هي شينه وانتي احلى منها ok
رنا بملل:سويره لاتنكدين علي تراها واصله معي من هالخايس الله يأخذه ويفكني منه ليته مات مع اهله
ساره:خخخخخخ كويس اني مو معاكم بنفس البيت هالرجال من اشوفه أخاف حتى ماما تحترمه مره كل شي عندها الا طلال ليه هو ايش سوى لك
رنا بقهر:تخيلي أمس رجعت من البارتي الساعه 1 باليل هزءني تهزئ الله لا يوريك لدرجة حرمني ما اطلع مع صاحباتي الا باالويكند والقهر ماما وجدي ماقالوا ولا كلمه وبيني وبينك أنا من الخوف ماقدرت ارد عليه
ساره:ههههههههههههههههههههههههههههه هههههههههههههههههه ياحليك يا رنو كويس فيه أحد تخافين منه , بس لازم تسمعين كلامه لاتعاندينه والا راح يستقعدلك صدق على كل شي هو بالذات محد يقدر عليه حتى جدي
رنا تأفف:المهم عطيني من الي عندك خليني اغير شوي الي عندي يجيبون الهم من جد عيال فقر ولا واحد منهم زي الناس
ساره:اوكيه ياعسل بس الي عندي كل واحد اخبث من الثاني لا تخلينهم يتمادون معاك خذيها بس وناسه ولا تطلعين مع احد انتبهي تليفون وبس أو مسن غيره لا
رنا:اها تعالي نسيت اسألك صدق تركي ولد خالي اتقدملك ورفضتي ليه؟
ساره: لأنه بكل بساطه ما أحبه ولا أحب شخصيته ثقيل وهادي حتى صوته ماينسمع الدنيا حلوه يبغالها واحد خفيف دم وفرفوش مثل ميشو آه يارنا أحبه أحبه
رنا بعصبيه :لاااااااه واذا يحبك ليه طويل العمر ماخطبك انتي الي انتبهي مو انا
ساره بدلع:بيخطبني وبتشوفين خلاص اسكتي جات الدكتوره
جلوى
"خلصت المحاضره وانا بطلع عند باب القاعه من غير قصد دقت يدي يد بنت التفت عليها بعتذر "جلوى:اسفه اختي ما.........سكت.... اسفه ما انتبهت
رنا بعصبيه وتقزز:الا منتبهى ونص :على بالك مااعرف هالحركات بعدين لا اسمعك تقولين اختي انتي مو اختي ولا يشرفني سامعه
"طنشتها مارديت عليها اساسا الرد ماينفع معها ملسونه وبتفشلني اكثر وبترفع صوتها علي أعرفهاخلصت محاضراتي ورجعت انا وصالحه البيت لقيت ابوي موجود عند باب البيت وشكله معصب ياويلي منه الله يستر والله فشيله قدام صالحه
ابوي بصراخ :شرفتي يامال البلاء بنت الكلب الفاجره انحاشت من البيت اكيد انس تعرفين وين راحت"طبعا هذا كله بالشارع دخلني البيت وجلس يضرب فيني من غير شعور
أبوي بصراخ وهو يضربني:اقولس علميني وين ذلفت انطقي خلاقينها مهيب فيه وين راحت
جلوى بهدوء:م م ادري عنها ه ه هي تقول لي الصبح بروح لهلي بالجنوب والله هذا اللي اعرفه تكفى يبه خلاص يكفي طق هذا اللي انا اعرفه
امي فاطمه تتدخل:ياولدي اترك البنت هرام اليك هي ماتعرف شي عنها قير الي قالت لك
ابوي يكلم امي فاطمه:انت لاتتدخلين سمعتي انا كلامي مع بنتي مهوب معس انتي لو فيس خير ماخليتيها تطلع من هالبيت مالت عليس من ام
ابوي" بعد ما تركني" :الملعونه والله لأوريها ,اسمعيني الله ياخذس بسافر الحين البحرين وبرجع الجمعه تنطقون بالبيت سامعتني والله ان عرفت انكم ذالفين من البيت ان يكون آخر يوم لس في حياتس
"طلع ابوي من البيت ودي اني ابكي واطلع اللي بقلبي بس مااقدر وسكت احس بقلبي نار ونارها قوي لين متى بسكت لين متى بكتم بهاالقلب ماقدراشكي حتى لا امي فاطمه مااقدر اشكيلها مسكينه ماتتحمل مابي ازيد عليها اذا شافتني ابكي تتعب حيل وتتضايق فاضطر اني اكتم واكتم وحصه الي فيها كافيها ههه حظي وعارفته ردي مالي حظ بهاالدنيا غيري لهم المحبه والعز والاحترام وانا لي الكره والاستحقار مااقول الا حسبي الله ونعم الوكيل "
ودي ابكي لين ماتبقى جروح
ودي اشكي لين مايبقى كلام
من هموم صارت في قلبي تنوح
ومن دموع حرمت عيني المنام
" رحت بعدها على طول للمطبخ اصلح اكل لامي فاطمه لانه وقت غدا مالقيت بالثلاجه ولا شي وش الدبره ضاق صدري لازم امي فاطمه تاكل شي عشان علاجها عندها الضغط والسكر الي جاها من سبة عيالها وفعايلهم فيها استغفرالله العظيم حتى ريال واحد مامعي ياربي وش السواة ابوي لو نموت ماعطانا ريال واحد لارحمنا ولا خلى رحمة ربي تنزل رفض ان حصه تشتغل وصرنا على الله ثم على ام صالحه جارتنا والله انحرجت منهم ماقصروا معنى ابد ياللللللللللله والحل سمعت امي فاطمه تناديني طلعت لها
جلوى:سمي يمه بغيتي شي
امي فاطمه:يمه هبيبتي انا ارفه"عارفه"ان المتبخ فادي "فاضي"مااليس يا بنتي ان مو جوانه عتيني هبوبي مو مسكله
جلوى:وشلون اعطيس حبوبس وانتي مااكلتي شي لازم تاكلين لس شي الحبوب قويه ولازم تاكلينها بعد الاكل خطر عليس بعدين لاتخافين انا بتصرف
امي فاطمه: ياربي اليك يابنت انا قلتلك مو لازم اكل ليه ماتسمين الكلام يمه
جلوى:لا والله وش الي مهوب لازم تاكلين تكفين يمه لاتضيقين صدري خلاص قلتلك انا بتصرف
لا حوول خلاص مالي غير صالحه بكلمها
ترن ترن ترن ترن
جلوى:الو
صالحه"بصوت باكي"هلا والله جلوى امانها علميني فيس شي يوجعس شي
جلوى وان اتظاهر بالضحك:ههههه انتي الي وشفيس مافيني الا العافيه هذاني اكلمس الحين انتي الي وش فيس
صالحه: آه بس وش الي مافيني والله اني خفت عليس من شفت ابوس عند الباب خفت انه يسوي لس شي
جلوى:لا عادي كالعاده الكريمه الي ماانحرم منها ولا يوم بس عادي تعودت
صالحه بروعه: لا تقولين انه درى عن حصه انها سافرت للجنوب
جلوى:لازم يدري ياذكيه جا ومالقاها ولا لقى ملابسها عشان كذا شفتيه يستناني عند الباب
صالحه:ايه صح والله اني غبيه طيب قال لجدتس شي
جلوى:ياعمري وقلبي عليها سمعها كلام مثل السم استغفرالله ما كأنه امه القهر انه سافر للبحرين ولاكأن شي صار تحسبينه كلم اهلها والا قال انه بيراضيها او تاثر ولا شي كأن الي رايحه شغاله مهوب زوجته الي صبرت عليه وتحملته هانت عليه العشره الي همه ليه تروح وما تقوله هذا الي همه إيه الله يعين على هالدنيا بخير
صالحه :زين انه سافر يعني السهره اليوم عندس الشيخه بنت الشيخ صالحه بتجي بجلالة قدرها وتنوم عندس خخخخخخخخخخخ وش رايس؟
صالحه: والا اقولس مانبيب منتظره رايس افتحيلي الباب بعد 10 دقائق بسرعه جايتس الحين مع السلامه
"انحرجت منها ما ودي انها تجي لأن المطبخ فاضي ماعندي حتى القهوه ولا فيه اكل عيب ما اضيفها وانا الي مكلمتها ابغى اطلب منها سلف 100ريال عشان اجيب خضار ومقاضي عشان اطبخ اكل لامي فاطمه بس انحرجت ولا قدرت اطلب ياليت معي فلوس كان طلبت من البقاله أي شئ استغفر الله الحي القيوم الذي لا اله الاهو واتوب اليه والحل "
امي فاطمه:مين تكلمين يمه
جلوى:صالحه بتجي تنوم عندنا احرجتني يمه ماقدرت اقولها لا وانحرجت اقولها سلفيني فلوس او اقولها لاتجين ما عندنا شي ناكله من وين نجيب شي نضيفها
امي فاطمه:ربي يسهلها يمه والله هبيبتي مو لازم اكل الهين كلاص انا بكلم على أحمد ولدي عشان يعتيني فلوس
جلوى بعصبيه:لا يمه لا تكلمينه اذا كلمتيه بيغلط عليس بعدين انتي بتتعبين ويرتفع السكر والضغط عندس مثل كل مره وانتي عارفته مستحيل يعطيك شي حتى ريال واحد مهوب معطيس بيقولس مثل كل مره ماعندي شي لاتهينين نفسس له الله بيفرجها ناخذ من ام صالحه ولامنه هذا اذا عطاس شي اصلا اذا جت صالحه بكلمها بس لاتكلمينه تكفين يمه مابيس تتعبين الله يخليس
امي فاطمه:كلاص هبيبتي لاتزءلين مو مكلمه أليه انتي اهم منه انتي بنتي أوختي انتي هياتي انتي كول شي انشاءالله اولادك يسوون معاكي مثل ماانتي سويتيلي الله يرضى اليكي دونيا واخره امين ياربي
رحت حضنتها بسرعه وحبيت على رأسها اعظم انسانه شفتها بحياتي ياليت امي الي مابغتني ولا اهتمت فيني مثلها فعلا المؤمن مبتلى ابوي وعمي حرموا انفسهم من اعظم نعمه منها ومن حنانها وعطفها وقلبها الكبير انجرفوا مع راي عماتهم وعمانهم ضدها تناسوا حقها عليهم وتناسوا عقاب ربي لهم في الأخره على الي يسوونه فيهم ماعمري سمعتها تدعي عليهم او تتحيسب الي اسمعها تقوله "انما اشكو بثي وحزني الى الله واستغفرالله العلي العظيم الحي القيوم الذي لا اله الا هو واتوب اليه"
صالحه
عارفه اني احرجت جلوى بس وش اسوي هذا الحل الوحيد عشان اجيبلهم مقاضي واغراض للبيت انا عارفه حالتهم ووضعهم وعارفه ان بيتهم فاضي بس هذي صديقتي واخت دنيا مااقدر اشوفهم محتاجين شي واسكت اعرفها جلوى عزيزة نفس مستحيل تطلب شي واذا طلبت تموت من الاحراج ولا تصير عاديه معي الا اذا رجعت الي تسلفته مني هالبنت تعجبني ويوم عن يوم تكبر بعيني عاشت حياة مايعيشونها البنات الي بسنها تحملت هموم وبلاوي ومسوؤليه اكبر من طاقتها مستحيل بنت في سنها تتحمله الطريقه الوحيده عشان نساعدهم اننا نطلب منها انها تساعدنا باللف المعجنات والطبخ امي "تسوي اكلات شعبيه وجميع انواع الاكلات والمعجنات والشغل ممتاز والطلبيات يوم عن يوم تزيد واذا ساعدتنا تعطيها امي نسبه عاليه على مساعدتها عشان تقبل انها تاخذها ولا تنحرج منا ويليتها تتهنى فيها تصرفها على طول على علاج جدتها إلي ولا واحد من عيالها كلف على نفسه وشرالها الدواء قبل من يومين رحت بنده وقضيت لهم كل شي اجبان و عصيرات وفاكهه وخضار واغراض مستودع و قهوه وتمر وادوات تنظيف شريتلهم كل شي من إلى بس ماعرفت كيف اوديها لهم على أي اساس يعني اوديه كذا من الباب لطاقه كذا بتنحرج مني جلوى وبيضيق صدرها كأني اتصدق عليهم واذا طلبت منها امي انها تساعدنا وعطتها نسبه بتصرفها على طول لدواء جدتها ومهيب مستفيده شي اما اذا قلت اني بنام عندكم وجبت معي هاالاغراض على اساس اني ماثقل عليهم يكون احسن عارفه ان النتيجه وحده وان مقصدي واضح بس كذ على الاقل احسن
جلوى
ترن ترن ترن
سمعت صوت الجرس هذي اكيد صالحه والله فشيله تجي وماعندنا شي نضيفها فيه
فتحت الباب
جلوى:حيا الله من جانا
صالحه بخوف"وهي تحضني"ودي اني داخله معس اليوم بس خفت من ابوس اكيد طقس يوجعس شئ الحين امانه علميني
جلوى بضحكه: ههههه وش فيس قلتلس بالتليفون مافيني الا العافيه وش اخبار امس عساها بخير
صالحه:طيبه الله يعافيس اوه صح بعدي عن الباب ...مجيب دخل الاغراض داخل بسرعه
جلوى باانحراج:الله يهديس ياصالحه وش ذا كله ماله داعي
صالحه:ابدا شوية مقاضي مطبخ وقهوه وحلويات ههههه لزوم السهره عازمه نفسي عندس اليوم بمناسبة سفر ابوس خخخخ
جلوى:الله يحيس والله مادري كيف ارد جمايلكم علي ماقصرتوا معي
صالحه:ماله داعي هالكلام حتى انتي ماتقصرين معنا مساعدتنا باللف المعجنات والطبخ
امي فاطمه:هلا هياك الله زارتنا البركه كيف هال امس يمه
صالحه:الحمد الله بخير ياخالتي انت كيف حالس
امي فاطمه:الهمدالله يابنتي ليه تأبتي نفسك يمه ماقصرتي جزاك الله خير
صالحه:مافي تعب ولا شي اقول جلوى ترى مع الأغراض غدا ما تغديت امي عندها طلبيه اليوم وزادت لنا شوي لما عرفت اني بجيكم تقول خذيه معك ذوقوه وعطوني رايكم فيه ووخرت لخالتي منه شوي بدون ملح عشان الضغط لا يكون بس تغديتوا
جلوى بكذب:لا تونا كنت توني بدخل المطبخ واطبخلنا غدا وش رايس ااطبخ والا لا
صالحه:لا وش تطبخين حرام الي جبته يكفي
جلوى:خلاص على رايس اجل انتي اجلسي عند امي وانا بروح اجيب السفره والغدا
صالحه:بجي معس اساعدس
جلوى:لا والله ماتقومين انتي ضيفه
جلوى
رحت للمطبخ اجيب الغدا شفت الي داخل الاكياس صراحه انحرجت مره كل شي جابته حتى ادوات التنظيف جابتها ماادري كيف اقوم بجزاها حتى النسبه الي يعطونياها مااستاهلها استاهل اقل صالحه واعرفها زين دائما تراعي مشاعري و ماتبي تحرجني ولا ينقصنا شي ماعمرها حسستني انها متفضله علي بشي سبحان الله فعلا الدنيا غريبه الأغراب اقربلنا واحن علينا من القراب شلت الغدا ورحت لهم
امي فاطمه تكلم صالحه:هدي هي عندك انا اقولها هرام ما يجوز هاذي امك لازم تزوريها بس ماتسمع كلامي
جلوى وان احط السفره على الارض:لاحووووول يمه مليون مره قلتلك قفلي على الموضوع لا تقولين لي زوريها مره ثانيه هي ماتبيني ازورها يعني ازورها غصب
امي فاطمه:ايه زوريها قصب هدي أمك الجنه تهت اقدام الامهات يمه اهم سي تسوي الي اليك وصل يعني عسان ربي يعتيك اجر
جلوى:طيب يمه بعدين نتكلم بهاالموضوع خلينا نتغدا الحين
خلصنا غدا الحمد الله اعطيت امي فاطمه حبوبها وراحت ترتاح وانا وصالحه رحنا المطبخ نغسل المواعين ونرتب الاغراض الي جابتها صالحه
صالحه:اقول جلوى خالتي صادقه ليه ماتروحين تزورين امك من 3 شهور ما رحتي
جلوى:يالله عليكم كيف تبوني اروح وهي ماتبيني ازورها افهمي يا صالحه ماتبيني ازورها بعدين ليه اروح اروح للقهر والهم فيني الي يكفيني ليه ازيد نفسي
صالحه:والله اني مالومس ياجلوى بس هي امس ومن حقها عليس انس تزورينها حتى لو هي ماتبي..تتذكرين كلامس عن عمس كيف تلومينه انه مايجي يزور امس فاطمه انتي الحين مثله سوي الي عليس وبس وهي بكيفها اهم شي انس قمتي باالواجب معها
جلوى بحزن:بلاس ماتشوفين الي اشوفه ولا تسمعين الي اسمعه شوفي خواتي كيف عايشين وانا كيف عايشه اجل هذا مايقهر مااسمع من امي وجدي وخالتي الا الكلام الي يهين ويجرح كأني بالنسبه لهم حشره لايبوني ولا يتشرفون فيني ليه ياصالحه انا جدار مااحس مايضيق صدري ليه يتعاملون معي كذا مايسموني الا يابنت السكير والا يابنت الهنديه على جدتي وغيره وغيره خليها على الله بس
صالحه:طيب جلوى وطلال للحين تحبينه؟
جلوى:هه طلال حب ظل طريقه انا وين وهو وين ياصالحه من زمان ماشفته تعلق قلبي فيه غصب عني تعلق بالانسان الغلط بالانسان الي شعوره تجاهي رحمه وشفقه على حالي ليته ما حظني ليته مامسح دمعتي صح كنت صغيره 15 سنه بس افهم افهم ليه قلبي يدق بقوه اذا شفته حظني لاني في باله مجرد طفله مكسوره بس هالطفله مانست حظنه لليوم صح حب انه يخفف عني بس مادرى ان فجر فيني شعور كبير ناحيته ماقدر اوصفه 7 سنين مرت وانا افكر فيه عمري مانسيته لو لحظه أحبه ليتني بس احبه ياخوفي ليكون عشقته مأدري وش صار فيه أكيد تزوج عنده عيال أو ماعنده ليه يقلبي حبيت ليه بليت نفسك بهم جديد يكفي همومك آه حتى لو ماتزوج لا يمكن يفكر فيني مستحيل انا مين وهو مين انا بالنسبه له ولا شي
صالحه:شيليه من بالك ياجلوى لاتعبين نفسك على شي مستحيل يصير خصوصا ان هذا طلال جدك مستحيل يخليه يأخذك هاذا اذا فكر فيك طبعا لا تبنين امالك على وهم انتبهي ياجلوى
جلوى:لاتخافين هذا الي بيصير بحاول انساه ولا افكر فيه وانتي وش صار عليك مع نايف
صالحه:ههههه عندنا وعندك خير رفض انه يتزوجني تقولي بنت عمي انه قال لابوه من قالكم تحيرونها لي انا مابيها ولا أحبها وحلف انه مايأخذني يقول انها ماتناسب مستواي اسمها صالحه وبنت الطباخه مابيها ولاتحلمون اني اخذها هههههههههه مسيكين هو اصلا مايبيني ولا عادعرف وش يقول لعمي
جلوى:صدق حقير طيب مايبيك يقدر يقول بأسلوب افضل من كذا موهوب بها الوقاحه بعدين انتي الحمد الله بنت عز وبنت عمه وامك ماسوت هالشي لانها محتاجه الحمد الله هي مديرة مدرسه و سوت هالمشروع كهوايه وغير كذا امك ماتطبخ تعلمهم اول مره وبعدين تشرف على الطباخات الي جايبتهم ماتتطبخ الا يوم الجمعه اذا كان عندها طلبات لانها تكون موجوده بالبيت وماعندها طلعه طيب عمك وش قال
صالحه:ماقال شي ما قدر يجبره انا باالنسبه لي عادي ماهمني هو ولا قام معي ولاقعد قلعته والله مايستاهلني
جلوى:اخسسسس اموت على الغرور انا انتي صادقه والله مايستاهلك انشاءالله ربي بيرزقك بالي احسن واسنع منه.
جلوى جلوى جلوى
جلوى:هذي امي فاطمه تناديني بروح اشوف وش تبي دقيقه بس
رحت لأمي اشوف وش تبي
جلوى:سمي يمه بغيتي شي
امي فاطمه:ايه يمه خدي هالفلوس
جلوى:وش هذي يمه من وين لك انتي طالبته من مين
امي فاطمه بعصبيه:شوفي ياجلوى انا مو صغيره أشان تسأليني انا امك مو اشان انا اتعامل معاكي مثل الكوبار قلتي كلاص بتتهكمين فيني وبتصرفاتي عيب يمه مايصير كذا
جلوى..رحت لعندها ومسكت يدها وحبيتها:والله العظيم اسفه يمه مهوب قصدي اتحكم فيك بس والله يمه انا مابيك تذلين نفسك وتحتاجين لأحد وتتسلفين منه عشاني الحمدالله مستوره وانتي عارفه ان ماعندنا فلوس ولا دخل عشان ترجعين الي تسلفتيه الفلوس الي تجيني من مساعدة ام صالحه اشتري فيها علاجك غير كذا ماعندنا
امي فاطمه:هدي الفلوس مو سلف من أحد انا اعطيت سواره ذهب موجوده عندي من زمان جدك يشتريها حقي عطيتها ام صالحه أشان تبيعها وهدي فلوس حقتها يمه
جلوى:طيب يمه معقول باعتها خالتي ام صالحه ب5000
امي فاطمه:ايه معكول جدك يشتريها حقي ب8000 الله يرهمه كان كريم واجد معي
جلوى:الله يرحمه طيب يمه انتي باقي عندك ذهب
امي فاطمه:ايه يمه باقي كوله غالي بس انتي الله يهديك ماتبغين تبيعينه
جلوى:يمه انتبهي وزيه في مكان مايقدر ابوي يشوفه والله لو يشوفه بيأخذه وببيعه وياخذ الفلوس له
امي فاطمه:آه بس ابوكي دائم يسألني عنه بس انا اقول ماعندي شي بعتهم من زمان الله يهديه خذي الفلوس يمه ريهيني الله يرضى اليكي يابنتي
جلوى:طيب هالمره بأخذهم يس المره ثانيه لا هذا ذهبك يمه هديه من جدي لك الذهب هذا انا عارفه انه غالي عليس حيل لاتبيعينه مره ثانيه اوعديني يمه
امي فاطمه:كلاص يمه اشاءالله
"المهم من بعدها راح الوقت علينا سوالف وضحك احنا وجدتي اول مره نجلس طول الوقت بدون خوف لأن ابوي مسافر صار اليل استأذنت جدتي وراحت نامت وانا وصالحه بعد رحنا نام وانا بروح الظهربعد ماقنعتني امي فاطمه وصالحه ازور امي"
"بكرا الصبح"
جلوى:ههههههههه صلوحه قومي ياليتس تشوفين شكلس وانتي نائمه خخخخخ يضحك الله يعين زوج المستقبل عليس
صالحه:ضحكتي بلا ضروس تستخفين دمس علي من الصبح وش مقومس انتي لا يكون تصلحين الفطور لرجلس وعيالس خخخخخخخ
جلوى:ههههه اسمعي قومي نفطر انا وياس الساعه 12
صالحه :واخالتي مافطرت للحين
جلوى:الا فطرت بدري عشان حبوبها
صالحه:عزمتي تروحين لأمس
جلوى:ايه بروح بعد الصلاة الظهر
صالحه: الله تطلعين به الشموس روحي لها العصر احسن لس طيب من بيوديس؟
جلوى: لا احسن طويلة العمر ماتبيني ازورها الا الضحى عشان محد يشوفني.... وكالعاده الله يخليلنا عمو تاكسي
صالحه: لوالله ما تروحين مع تاكسي مهبوله انتي !
جلوى :لا عادي هذا التاكسي متعامله معه انا وحصه الله يذكرها بالخير رجال كبير و امين كلمته وبيجي وبعدين بيروح معي مساعد اخوس
صالحه : ايه كذا كويس وابوس يدري انس تروحين لامس من بعد مامنعس عنها؟
جلوى: مايدري بعدين انا مااروحلها دائم واذا رحت اروح الظهر وابوي هالوقت مايكون موجود بالبيت ويرجع وهو حالته حاله فما يدري عن شي
"اعرفكم على شخصيات القصة:
امي فاطمه:هنديه ام ابوي عايشه في بيت زوجها من بعد وفاته عندها ولدين
1عبدالله: اتزوج مرتين وطلقهم وعايش في بيت ابوه
زوجته الاولى :هند ال... ام جلوى تزوجها لأسباب الكل يجهلها ثم طلقها وبعدها اتزوج حصه ثم طلقها بعد
عنده بنت وحده
جلوى"عمرها 22 سنه محاسبه عايشه عند ابوها بعد مرفضت امها انها تأخذها ربتها جدتها امي فاطمه
2أحمد
زوجته:لطيفه
اولاده: نواف27 فهد 24 أروى 25شذى 21 نوف 19
............................................................ ...................
اهل ام جلوى
الجد أبوسلطان" عبدالعزيز"من اكبر العائلات المعروفه باالرياض ومن اكبر التجارمعروف بثرائه
الجده أم سلطان"ساره" ابناءهم 2ولدين 2بنتين
1.سلطان:توفى هو وزوجته بحادث سياره عندهم ولد واحد
طلال 35سنه "عايش عند جده بعد وفاة امه وابوه مقرب جدا من جده ماسك اعمال جده غير اعماله الخاصه
2.فهد"ابوتركي" منيره"ام تركي"اولادهم
تركي 28 العنود 23 مها 20 خالد18
3.أسماء(متزوجه ولد عمها )
خالد29 فيصل 25 ساره22 غاده20 لمى 11
4.هند ام جلوى "موجهة انجليزي"عايشه عند ابوها بعد وفاة زوجها
جلوى22 سنه بنت زوجها الاول عبدالله الكل استغرب زواجها منه فرق من جميع النواحي من ناحية العيله,الماده,الثقافه,المستوى الاجتماعي
بعد طلاقها منه" تزوجت ولد عمها اخو زوج اختها"توفى في نفس الحادث مع ابو طلال عندها منه
رنا21 ريما 19 روان 16
.................................................
ام صالحه جارتنا صالحه بنتها 22 سنه مساعد 8سنوات
...............................................
"عدنا"
"خلصنا فطور صارت الساعه12ونصف رحت غيرت عشان اروح اسلم على امي ركبنا تاكسي ورحت وصلت لقصر جدي ونزلت ومساعد انتظرني بالتاكسي توني بدخل الا طلع لي رجال صراحه بالبدايه ماعرفته كنت منزله الطرحه على عيوني قالي
.....مين تبين أختي
"سكت عرفت هالصوت اللي اكرهه وهل يخفى القمر ياما سمعني كلام مثل السم هذا اكيد خالد ولد خالتي"
جلوى:ممكن تبعد عن طريقي ابغى ادخل
خالد"ناظرني مستغرب"مين انتي؟
جلوى باستهتار:غريبه وين كلامك انت تقول انك تقدر تميزني بين الف بنت بنت السكيروالقذر تكون مميزه ولا نسيت ..ابعد عن طريقي بمر
"رحت من غير مااسمع رده دخلت المجلس وطلبت من الخدامه انها تنادي أمي"بعد ربع ساعه وانا انتظر"
أمي هند"من غير نفس"السلام
جلوى:وعليكم السلام "وقمت حبيت راسها"كيف حالس الله يرضى عليس بشريني عنس عساس طيبه
أمي بعصبيه ومن غير ماترد:بعدين معاك ايش طريقة الكلام اللي انتي تتكلمين فيها وبعدين شوفي شكلك بعباية الراس كأنك ام 50 سنه مو لسه بنت.
جلوى" باحباط"وكتغير للموضوع:كيف حال جدي وجدتي وخواتي انشاءالله انهم طيبين
أمي:الحمد الله,الا ابوك وين ذلف الحرامي الله لايبارك فيه مستغل اسم ابوي متسلف من واحد 30,000 على اساس انه جاي من طرف ابوي ولا رجعها له اللي مايستحي ودوروه لقوه مسافر الله لا يرده فشل ابوي عند الرجاجيل.
جلوى:صراحه سكت ماحبيت اعلق اساسا وش بقول خليني ساكته احسن اللي قدرت اني اقوله
جلوى:الله يهديه
أمي بعصبيه:اسمعيني هذا ما في منه امل قوليله والله ثم والله ان سوى هاالحركه مره ثانيه بيخليه ابوي يخيس باالسجن سامعه
"ماكملت أمي كلامها لأن خالد دخل وش جابه توه وانا داخله كان بيروح هالحقير صدق ما ادانيه"
خالد:السلام عليكم"مارديت عليه خليه يولي "
هند:هلا حبيبي كنت بتروح عسى مافيك شي
خالد:لا ابد ما فيني الا سلامتك خالتي و"ناضرني بنص عين"
الا ياخالتي هذي مين بنتك؟"يستهبل الحقير"
أمي"من غير نفس"ايه
"التفت علي بعصبيه"خالد:انتي ما تستحين على وجهك جايه بتكسي لحالك وجايه فيه من قواية العين لقصر جدي الا اذا انتي متعوده انك تصيعين فيه هذا شي ثاني مهيب غريبه عليك الاخلاق الشينه وراثه عندكم اكيد بتطلعين على أبوك لا عمرك تجين هنا بتاكسي فاهمه ولا لا على الأقل خلي ابوك هو اللي يجيبك هنا والا مهوب فاضي لك فاضي لخرابيطه ما عنده وقت لأحد.
"مارديت عليه الحقيرحقير آه يالقهر يتهمني بأخلاقي يعني ماشاف هاالاعمى مساعد معي ودي اني راده عليه بس انا عارفته يبغى يستفزني الحقير بس والله مارد عليه هذا اصلا ما ينفع معه الا الحقران مايستاهل حتى اني ارد عليه وانزل نفسي له"
جلوى طنشته وقلت ببرود:الا يمه وين جدي وجدتي ودي اسلم عليهم قبل لا اروح
أمي:فوق يرتاحون بتشوفينهم المره الجايه
جلوى: طيب أنا بروح الحين تأمرين على شي
أمي"من غير ما تناظرني"لا .مع السلامه
"طلعت من غير حتى ماأناظر الحقير وأنا بقمة عصبيتي ليه كل ماأجيها تتعامل معي ببرود ما تكلف نفسها حتى تسأل عني ماكأني بنتها طلعت من القصر وركبت التكسي اللي كان ينتظرني ورجعت للبيت"
خالد
" هالبنت تقهرني لدرجه مو طبيعيه مجرد مااشوفها انقهر منها قليلة الحيا حقرتني ماردت علي أموت واعرف هي شايفه نفسها على ايش بنت مين ياحسره ابوها استغفر الله العظيم وامها الي هي خالتي ماتدانيها ومحد يبيها ومع ذلك مسويه فيها هي الباره وعزيزة نفس الله العالم بالخافي من شفتها جايه بتاكسي لحالها وأنا غاسل يدي منها ايه وين يجيها الردى معه اذا هذا ابوها مادرى ولا اهتم بنفسه بيدري ويهتم بغيره مستحيل صدق بلاء على المجتمع هاالاشكال بس والله لاوريها المره الثانيه خلني بس اشوفها والله لأهينها واذلها مثل اول عشان تعرف أنا مين "ادق على عنودتي احسلي من التفكير بهاالخايسه
ترن ترن ترن
العنود بدلع:هلا بهالصوت هلا حبيبي كيفك؟
خالد بفرح :بخيرعلك بخير انتي وش اخبارك الحلو وش مسوي
العنود:زعلان
خالد:افا مين مزعله
العنود بمياعه:اللي يكلمه
خالد:قلتلك عنودتي جدي الحين مشغول اذا جاء الخميس بكلمه واجي أخطبك انا وابوي وجدي وش تبين بعدأكثر من كذا
العنود بفرحه:أكيد ولا مثل كل مره
خالد :الا اكيد ونص
العنود:حبيبي شكلك تكلمني من السياره صح
خالد:ابه حبي توي طالع من قصر جدي
العنود :اوكيه حبيبي كلمني اول ماتوصل احسن انتبه للسواقتك عمري اوكيه باي
خالد:فديت الي تخاف علي والله ولا يهمك اذا رجعت كلمتك مع السلامه
جلوى:
"رجعت البيت على الساعه 2 الظهر لقيت صالحه نائمه وامي فاطمه منسدحه فغرفتها"جلوى:صالحه اف صويلحه يالله قومي على بالي برجع والقى الغداء جاهز امحق ضيفه ياالله عاد قومي
صالحه "وهي مازالت نايمه"على بالي تغديتي عند أمس اخبرها حنونه خخخخخخخخ
جلوى بعصبيه:ههه خفيفة دم تصدقين الا تغديت احلى غدا من أمي والحقير الثاني كلام يشبعني سنه
صالحه:وش قالوا لس بعد !
جلوى:الحقير خالد ولد خالتي سلوى كل ما يشوفني لازم يسمعني كلام زي السم انا وش سويتله عشان يتعامل معي كذا اذا ماتكلم علي وجرحني مايرتاح حسبي الله عليه ونعم الوكيل يالله قومي يالنوامه على ماصلح لكم الغدا
صالحه:لا تسوين انا عن نفسي شبعانه دقيت بالفطوردق اذا جعت بصلحلي أي شي صلحي لس ولخالتي غدا عشان حبوبها
جلوى: انا بعد مابي شبعانه بروح لامي فاطمه اعلمها اني جيت
يمه يمه يمه
جلوى:يمه مهيب من عوايدك تنومين هالوقت عسى مافيس شي
امي فاطمه:لا ما فبيي شي يمه متى جيتي
جلوى:من شوي ولا تسألين وش صار مثل كل مره عشان اوفر عليس السؤال,الا يمه وش اسوي لس غدا عشان علاجس
امي فاطمه:خلاص انا سويت لي غدا وكلصت وكلت هبوبي يمه
جلوى: يمه في شي مضيق صدرس السكر اليوم مرتفع عندس تكفين يمه لاتفكرين بشي اذا فكرتي يرتفع السكر عليس وش فيس يمه
امي فاطمه:آه يمه كائفه على ابوس ماكلم تليفون ابدا يقول انه وصل
جلوى:عادي يمه هو من متى يتصل اذا سافر بعدين لا تخافين مافيه الا العافيه
امي فاطمه:مااعرف يمه قلبي مو مرتاح ابد بومكن يكون تعبان او في شي
جلوى لا تخافين يمه مهب صاير له شي انتي بس تعالي بالصاله عندنا تقهوي معنا شاهي
امي فاطمه:زين يمه بجي الهين
وطلعت لصاله وجلست انا وصالحه نسولف
قطع الكلام صوت التليفون
ترن ترن ترن ترن
جلوى:غربيه من اللي داق مااخبر احد يدق على بيتنا الا انتي
صالحه:طيب ردي
رديت على التليفون استغربت الصوت
جلوى:الو
........ السلام عليكم
جلوى:وعليكم السلام
......أختي هذا بيت عبدالله ال.........
جلوى بخوف:ايه أخوي فيه شي
....أختي معاكم مستشفى الشميسي الأ خ عبدالله صابه حادث وهو الان بالعنايه المركزه
جلوى بصدمه:بس ابوي مسافر امس انت متأكد من الاسم
.......ايه نعم أختي متأكد مع السلامه
"قفلت الخط حسيت ان الدنيا تدور فيني من الصدمه لا مستحيل وش اسوي الحين وش السواة لازم نروح له ونشوفه ماله غيرين لازم "
صالحه بخوف:جلوى وش فيس من قفلت الخط ووجهس منقلب من اللي يكلم
جلوى بخوف" ابوي يا صالحه ابوي
صالحه بصدمه:وش فيه مات
جلوى :لا الله لا يقوله بالعنايه جاه حادث خايفه يصالحه لازم اروحله الحين بس كيف اقول لأمي فاطمه والله انها حاسه ان فيه شي
صالحه:قوليلها الي قالك الرجال لازم تعرف
رحت لامي فاطمه بغرفتها ماادري كيف اقولها خفت عليها اذا درت يرتفع عليها الضغط والسكر توكلت على الله ودخلت
جلوى:يمه
امي فاطمه:سمي يمه
جلوى حاولت اني ماقولها ان جاه حادث امهله الخبر شوي شوي بتردد:يمه ابوي تعبان شوي
امي فاطمه بخوف:بسم الله على ولدي هو كلم تليفون
جلوى:ايه يمه هو الحين بمستشفى الشميسي
امي فاطمه بنفس الخوف:جلوى كولي وش فيه ابوس بسرعه هو مو تعبان قولي ايش فيه يمه
جلوى:يمه هو الحين .....لاتخافين بس جاه حادث بسيط
امي فاطمه:ياويلي على ولدي ياويلي عليه وديني الهين له بسورعه يمه
صالحه بحزن:لا حول ولا قوة الا بالله خلاص خالتي بكلم أمي ونروح انا وياها معكم منيب مخليتكم تروحون لحالكم
"رحنا بسرعه للمستشفى لأبوي ودلونا على مكانه باالعنايه شكله يقطع القلب وين القوه نايم بضعف وهدوء اول مره اشوفه كذا بكيت لأول مره عليه حزنت عليه مهما كان الي سواه فيني هذا ابوي الي استغربت منها امي فاطمه مابكت ولا نزلت منها ولا دمعه"
ام صالحه:ام احمد ادخلي على ولدس انتي وجلوى خليه يعرف انكم جيتوا له ماله غيركم يا بعدي
"دخلنا على ابوي وجلست اناظره شكله يقطع القلب مسكت يده امي فاطمه وجلست تصيح ماسكتت
جلوى والدموع ماليه خدي حبيت راسه:اهه اهه سلامة قلبك يالغالي ماتشوف شر
حطت امي فاطمه راسها على يده وكملت بكي ماشفت الا بيده تمسح على راسها رفعت راسها ومسح بأصابعه دموعها انصدمت من حركته اول مره اشوف الحنان بعينه لالالالا اكيد هذا موهوب ابوي اكيد واحد ثاني
ابوي بصوت تعبان:خايفه علي يمه
امي فاطمه بحزن:أكيد يمه كايفه عليك مالي غيركم بهذي الدونيا
ابوي بنفس الصوت التعبان:سامحيني يمه سامحيني تكفين
امي فاطمه وهي تمسح على شعره وتبكي:لاتقول هذا الكلام يمه انت بس قوم لي بالعافيه هذا اهم شي
ابوي والدموع مجتمعه بعينه:يمه تكفين سامحيني الحين تكفين قولي اني مسامحتك تكفين يمه
أمي فاطمه:مسامهتك ياولدي مسامهتك دونيا واخره
ابوي وهو يناضرني:وانتي ياابوي سامحيني عارف اني قسيت عليكم سامحيني ياجلوى سامحيني
جلوى :الله يسامحك
"ما قدر ابوي يكمل كلامه من التعب طلعتنا الممرضه من عنده وطلب منا الدكتور اني ارجع البيت لان ما في داعي لجلوسنا ونرجع بكره الصبح
"رجعنا البيت والكل ساكت واصرت امي فاطمه على صالحه تروح لبيتها ترتاح من امس وهي نائمه عندنا وراحت وامي فاطمه راحت لغرفتها ترتاح دخلت لغرفتي ماكان لي خلق اكلم أحد ودي بس اجلس لحالي صليت وانسدحت على سريري وسرحت فيني الأفكار سبحان الله الانسان كل يوم له حال محد يضمن بكره وش يصير فيه كيف صار حال ابوي من بعد قوة ضعف وين القوه والجبروت الي فيه اختفت بغمضة عين قالنا سامحوني هه بعد ايش نسامحه بعد مادمرني نفسيا بعد مابقي للجروح والهموم بقلبي محل من كثرها راحت احلى ايام حياتي بقهر وهم وخوف بعد ماخلاني صغيره ومنكسره بعيون الكل ليه الحين يبغاني اسامحه وينه عنا من قبل لو ماصار له الي صار لايمكن انه يقولي هالكلمه أبوي واعرفه زين قلبه حجر عمره مايلين مااقول الا الله يسامحه على الي سواه فيني وفي امي فاطمه اول مره يقولها يمه ويترجاها تسامحه ماكان يناديها الا يالهنديه او ياهيه والحين لما حس بموته قالها يمه بعد ماهانها وذلها آه ابن آدم غريب مايحس بالذنب والندم الا اذا صار له شي اما اذا كان بكامل صحته وجبروته ما يحس بشي ايه الله يعين بس احسن لي انوم والا التفكير بيذبحني"
الصبح
امي فاطمه وهي تحاول تقومني الصبح:يالله جلوى بسروعه قومي الساعه 10 الصبح يالله عشان نروح لابوس بتمرونا بعد نص ساعه ام صالهه قومي عشان يمديس تقيرين وتفطرين كبل لا نروح يالله يمه
جلوى صحيت وانا متفاجاه من الوقت:والله يمه اسفه ماعرفت كيف نمت ااكلت امس حبوبس ليه ماقومتيني اصلحلس عشاء
امي فاطمه:انا بعد نمت يمه والله امس مااكلت هبوبي ولا شي مالي نفس يمه
" جت ام صالحه وخذتنا وصلنا المستشفى ورحت للعنايه اللي فيها ابوي انقبض قلبي لا ليكون صار فيه شي مهوب في الغرفه السرير فاضي رحت اركض زي المجنونه وانا اصيح رحت لقيت الدكتور في الممر يكلم ام صالحه"
جلوى بخوف يتخلله بكي:وين ابوي يادكتور تكفى علمني مهوب في العنايه وينه
ام صالحه :جلوى استهدي بالله
طنشت ام صالحه وكلمت الدكتوروانا اصرخ:وينه ابوي ما تسمع وينه
الدكتور بحزن:اختي الوالد عطاك عمره عظم الله اجرك
............................................................ ..
بعد اسبوع
مر اسبوع على العزا اثقل اسبوع مرت علي بحياتي محد جاء يعزينا غير الجيران ومرة عمي بس حتى ما طولت و أمي واهلها ما كلفوا نفسهم يجون طبعا منا من مستواهم بس هذا عزاء وانا بنتهم صدق دنيا غريبه
أم صالحه:ياام عبدالله كلي لس شي ماكلتي ابد كلي عشان صحتس
جلوى:خلاص يمه لا تسوين بنفسس كذا السكر مرتفع عندس اللهم لا اعتراض كلنا بنموت وابوي هذا يومه
امي فاطمه بحزن :اللهم لا اعتراض كلاص يمه جيبيلي سي اكله عسان هبوبي
جلوى بفرح: انشاءالله يمه ثواني وهو عندس
امي فاطمه:جزاكي الله خير ياأم مساعد والله ماقصرتي معنا
ام صالحه:افا عليس انا اهل والناس لناس
جلوى: سمي يمه كليه كله والا بزعل سليق يحبه قلبس
طق طق طق طق
ام صالحه:يأمي في أحد قالس بيجي
جلوى باسغراب: لا خالتي مافيه حد بيجي اصلا محد يجي عندناغريبه من اللي بيجي الحين الساعه 9 الليل
أم صالحه:خليس انا بروح اشوف مين
"راحت ام صالحه تفتح الباب صار عمي نادتني اطلع له استغربت حضوره غريبه جاي من اول يوم بالعزاء وانا ماشفته اللهم اجعله خير المهم سلمت عليه وقلطته لصاله سلم على امي فاطمه من غير نفس "
جلوى:حياك عمي تفضل
امي فاطمه:كيف هالك يمه وكيف هال عيالك انشاءالله بخير
عمي من غير نفس:الحمدالله
عمي:الله يحيس يابنتي ,انا بدخل بالموضوع على طول البيت هذا لابوي الله يرحمه وانا ابي الحين نصيبي فيه فلازم انا نبيعه واخذ حقي منه ونص من حق ابوس انا اورثه معس انتي ماعدنس اخوان من ابوس عشان كذا انا ادخل معس بالورث
جلوى بصدمه:تبغاني ابيعه وانا و امي فطمه وين نروح ياعمي وين نروح ياعمي
عمي بعصبيه:انا ما جيت اشاورس البيت بينباع وانا الحين ولي امرس وانتي وامي بتروحون معي لبيتي وبتعيشيون عندي سمعتي بكره العصر بمر عليكم واخذكم خذي اغراضكم الي تحتاجونها وخليكم جاهزين المغرب بكره بمركم
امي فاطمه:هدا بيتي مايصير طلعني منه انا امك
عمي أحمد:هذا مهوب بيتس شكلي كبرتي وخرفتي هذا بيتي انا واخوي مالس شي فيه واذا ماتبين تروحين معي لبيتي سافري لديرتس ابرك
"وطلع و قفل الباب وراه"
ام صالحه بعصبيه بعد الي سمعته:بعقله شي عمس وش هاالكلام اللي يقوله اللي مايخاف الله مهوب في حاجة هالبيت وشلون ياخذه منس انهبل ذا
جلوى بعصبيه: حسبي الله ونعم الوكيل فيه يمه تكلمي قولي شي ليه سكتيله يمه هذا بيتس مهوب بيته جعل الي سواه فيك يسونه عياله فيه جعله مايذوق برهم انشاءالله حرام عليه الي يسويه والله حرام
امي فاطمه:يمه سوي الي قاله عمك لس جهزي اقراضنا وملابس حقتنا يمه ايش تبيني اقوله عمك عنيد مايكاف الله يمكن اذا عيت اطلع من البيت يسفرني للهند وتصيرين بروهك يمه انا ماقدراكليك ابدا يمه معليش
جلوى بصوت باكي: حسبي الله عليه حسبي الله عليه ..اقول صالحه تعالي نرتب البيت واجهز اغراضنا الي بناخذها معنا اذا ما عليس امر
صالحه:هدي نفسس جلوى انشاءالله مهوب صاير الا كل خير قوي نفسس ياجلوى لو عشان امس اذا شافتس مهمومه بتتعب
جلوى:يبنا نروح معه انتي ماتعرفين عمي وزوجته مثلي والله بيكون وضعنا اردى من الحين انا ماهمني نفسي ماهمني الا امي فاطمه والله ان تذلها وتهينها لطيفه زوجته لين تقول آمين وانا بعاد ماسلمنا من شرها وشلون اجل اذا سكنا معهم
صالحه:هونيها وتهون لاتحكمين عليهم من الحين اذا رحتي بتعرفين يمكن تعاملكم زين ماتدرين انتي
جلوى:هه تعلميني فيهم مااقول الا حسبي الله عليه دنيا وآخره هو ومن كان السبب
صالحه معصبه:استغفري جلوى ماتوقعتس كذا ترى الي كان السبب ابوس وهو الحين ميت مايجوز تتحيسبين عليه هو ابوس الله يهديس بس
جلوى:استغفر الله مات ولا تركلنا شي حتى البيت ماكتبه بأسمه والله يا صالحه ان البيت لنا وعمي ماله حق فيه ابوي شراى حصة عمي منه اول ماتوفى جدي بس ماوقعه على اوراق ابوي الله يرحمه قال لحصه وهي قالتلي حتى انها كانت معهم لما دفع ابوي لعمي الفلوس والحين الي مايخاف الله يطالب بحقه النصاب الله لا يحلله ولا يبيحه
صالحه:انتي متأكده من الكلام الي انتي تقولينه
جلوى:والله متأكده حصه ما تكذب ابدا بس امانه لا تقولين لأمي فاطمه هي ماتدري عن الي صار وماابي اقولها عشان لا يضيق صدرها وحقي أنا الي بأخذه اصبري علي
صالحه:جلوى انتبهي لا تتهورين ولا تحطين راسس براسه اقل شي بيسويه عشان يأدبس بيرسل امس فاطمه للهند احسن شي تسوين نفسس ماتدرين عن شي
جلوى:ومن قالس اني بطالبه بحقي لا حبيبتي بأخذه منه بطريقتي
صالحه معصبه: جلوى تراس تغيرتي واجد ماصرتي جلوى الي اعرفها
جلوى:وبتغير يا صالحه بعد وش استفدت من الطيبه والاحترام لغيري غير الاهانه والذل والاستحقار في عيونهم والله لاخلي كل واحد هانني انه يندم على اليوم الي تكلم علي فيه اولهم عمي والله لاطلع حلالي وحلال امي فاطمه من عينه وأمي بخليها تندم على الساعه الي ذلتني وهانتني فيها الدنيا جايه ياصالحه والله لعلمهم من جلوبنت الهنديه وش تسوي يا علمتهم بالطيب والا بالشر
صالحه:افا عليس ماتوقعت انس حقود لهالدرجه تبين تعلمينهم من انتي علميهم بالطيب مهوب بالشر ياجلوى لاتحولس لحظة اليأس لجلوى ثانيه تراس بتخسرين نفسس قبل لاتعلمينهم افا عليس بس مهوب هذا العشم فيس
مااقدرت اني ارد عليها لاني بكيت وبكيت قهر وضيم حضنتني صالحه وجلست تهديني ماادري كيف طلع مني هاالكلام الي اعرف اني حيل مقهوره وشايله بقلبي على الكل ليه ماصفت لي الدنيا ليه كل مااخلص من هم جاء هم ثاني وراه وش سويت عشان يصير فيني كل هذا هديت ورجعنا مره ثانيه انا وصالحه نكمل الشغل خلصنا وارتحنا شوي رحت اصلح قهوه لنا ووديتها عند امي فاطمه وخالتي ام صالحه
ام صالحه:هايمه عساس خذتي شيكم كله
جلوى:ايه خالتي خذنا كل شي وباقي اشياء ثانيه مثل التلفزيون و الكوايه والمكنسه واغراض ثانيه منيب موديتها معنا
امي فاطمه"ليه يمه كلينا نأخدهم
جلوى:وش ناخذ يمه بيت عمي فيه كل شي ماادري ياخالتي اذا ماعليس كلافه نحطها عندس بالمستودع يمكن بعدين نحتاجها ماندري عن الظروف
ام صالحه:عادي يمه مستودعي الي برى فاضي حطي فيه الاغراض الي ماتبون تاخذونها احسن بعد ماتدرين يمكن تحتاجولها بعدين
جلوى:يمه وين ذهبس؟
امي فاطمه:عندي موجود ليه يمه تبينه؟
جلوى:يمه خلينا نحطه عند خالتي ام صالحه لا نوديه في بيت عمي اذا درى ان عندس ذهب بيأخذه وبيقول انه من حقه خليه عند خالتي احسن
ام صالحه:ايه يأم عبدالله كلام جلوى صح ولدس وانتي عارفته الله يكفينا الشر ان درى بيبيعه خليه عندي ماتدرين عن الدنيا وانا اختس اذا ضاقت عليس لين ذهبس موجود
امي فاطمه:كلاص الي تشوفونه
ام صالحه تبكي :والله بنفقدكم من غير شر اهه اهه اهه صيروا مروا علينا لا تقطعونا انا اهل والله يعز علي طلعتكم من البيت بس مافي اليد حيله اهه اهه اهه
جلوى:الله يخليس ويطول بعمرس ياخالتي والله ماعمرس قصرتي معنا سامحينا اذا ازعجناس او غثيناس جعل الي سويتيه فينا في موازين اعمالس ويفرجلس دنيا واخره مثل ما فرجتيلنا
صالحه خانقتها العبره:خلاص عاد قلبتوها نكد باقي بكره الحين خلونا نستانس ونسولف والبكي والنكد لبكره
راح اليوم علينا سوالف وضحك تعشت ام صالحه وراحت لبيتها وامي فاطمه نامت وصالحه نامت عنديقررنا انا مانروح الجامعه بكره سهرنا طول اليل ضحك وسوالف ماخلصت كاننا ماسولفنا من زمان نسيت بها الحظات كل شي ابي الحين بس اتونس مع صالحه ففجرت كل طاقتي اليوم من زمان ماضحكت مثل هاليوم يمكن لاني حاسه اني منيب ساهره مع صالحه مره ثانيه
الظهر:
امي فاطمه تصحينا:يالله يابنات قومو اللاعه 12 الظهر هههههه ماروهتوا للجاميعه ولا سي يالله انا واوم صالحه بالصاله ننتظركم قوموا بسورعه
صالحه وهي نائمه:اموت واعرف امس ليه تضحك عشان مارحنا الجامعه يعني؟
جلوى بعد ما قامت:صباح الخير هذا جزاها انها تقومس وهي تضحكلس
صالحه:تصدقين احيانا مافهم عليها احيانا مهوب دائما
جلوى: ههههههههه وتوك تتكرمين وتقولين يوم جينا نروح ليه ما حكيتي من قبل
صالحه:فديت هالضحكه ياربي عساها دوم
جلوى:ههه يالله بس قومي يمدينا نجلس معكم شوي قبل لا نروح
طلعت للصاله انا وصالحه بعد ما غيرنا وصلينا الظهر
جلوى حبيت راس امي وخالتي ام صالحه:صبحس بالخير ياخالتي كيف اصبحتي
ام صالحه:الله يصبحس بالنور والسرور يابعدي
صالحه" بتكشيره":لاوالله وليه ماتسلمين علي ايه شفتي الحبيبه ونسيتيني انا بنتس خلاص بزعل
انا وام صالحه:هههههههه
ام صالحه:عن الدلع صلوحه انتي الغلا كله
" فطرنا زخلصنا قامت ام صالحه ونادتني معها لغرفتي استغربت وش تبي مني يعني مافيه الا انا وصالحه وامي فاطمه ليه ماكلمتني قدامهم صراحه استغربت مره"
أم صالحه"بحزن كبير":بنتي يا جلوى يعز علي فراقس الله يعلم إني اعتبرس مثل بنتي صالحه غلاس من غلاها انا اللي ربيتس مع امس فاطمه ما اتخيل الايام الجايه من دونس بس هذا المكتوب لس مافي يدي حل وإلا والله ماخليتس تطلعين من عندي بس هذا عمس والقانون معه هو ولي امرس ابغى اقولس كلام ينفعس وأنا أمس إنتي مقبلة على دنيا جديد الله يعلم وش تكون خير والا شر لس الله العالم بس اللي ابيه منس أنس تكونين قويه في اللي بيصيرلس لاتهينين ولا تذلين نفسس لأحد خليس مثل مااعرفس قويه وصبوره إذا حسيتي إنس متضايقه وضاقت بس الدنيا صلي لجليل الملك هو اللي بياخذلس حقس واعرفي إن اللي بيصيرلس مهما كان هو مكتوب لس لاتئسين وخليس قويه هالدنيا مايعيش فيها غير القوي وانتبهي لأمس فاطمه هالمره مسكينه وضعيفه مالها في هالدنيا غيرس راعيها يمه لاتهملينها لاتصيرين انتي والزمن عليها امس تعبانه حيل ماصبرت ولا قاومت تعبها الا عشانس يابنتي كانت تقدر تروح عند اهلها بالهند بس ماقدرت تتركس بلحالس هي الحين امانه عندس و بيتي يابنتي مفتوح لكم بأي وقت لاتستحين مني اطلبي اللي تبينه وما ابيس تنسيني اتصلي علي دائم ابيس تطمنيني عنكم وتشاركيني همس يابعدي مدت يدها لجيبها وطلعت ظرف خذي يمه هذي الفلوس عشان علاج امس عمس ماينرجا من وراه خير خليها معس تكفيها علاج 5 شهور جايه وبعدها يمه امنتك بالله انس تجيني عشان اعطيس مره ثاني ماودي اعطيس واجد خوفي يشوفها عمس ويأخذها واذ احتجتي أي شي لايردس الا لسانس انا حسبة امس لاعمرس تستحين مني ابد
"حظنتها بقوه الانسانه هذي مهما سويت مانيب قايمه من جزاها وجلست ابكي وهي تمسح على راسي بفقدهم مره هم اهلي وكل شي لي بهالدنيا ياما وقفوا معي في ظروف الله اللي يعلم فيها ... بعد العصرجاء عمي واتوادعنا ما احب لحظة الوداع مسكت نفسي حيل وانا اودعهم وهم الدموع ماليه عيونهم صالحه كانت تصيح صياح قطع قلبي و خالتي بعد طلعت بسرعه مااقدر اتحمل أكثر من كذا كانت خالتي ام صالحه دائما تقول لي انتي ياجلوى جبل شامخ ماتتزعزعين ابد ابغاس تكونين كذا على طول ماتدري انه الجبل بس قدام الناس وإلا انا بداخلي اموت حسره وقهر كل يوم ماأحب أبين ضعفي وانكساري لأحد حتى لو كان على حساب نفسي التظاهر بالقوه هي سلاحي الوحيد
يازمان العجايب وش بقى ما ظهر* كل ماقلت هانت جد علم جديد
ان حكينا ندمنا وان سكتنا قهر* بين قلب عطيب وراس عنيد
لو تفيد المدامع كان السيل انهمر* من كثير المدافع والجزع مايفيد
طاولتني همومي مع طويل السهر * ماتحمل ضلوعي لوضلوعي حديد
ارجي الله واراقب كل طالع شهر*يجلي الهم عني او عسى مايزيد
ركبنا السيارهجلوى +امي فاطمه:السلام عليكم
عمي زمن غير ماينزل يسلم على امي فاطمه:وعليكم السلام خذتو كل أغراضكم لأني بسلم البيت لمكتب عقار يتولى بيعه
جلوى :ايه خذنا كل شي انا نبيه
عمي اسمعوني زين أنا رجال عصبي و ماأحب المشاكل وعندي ظغط وسكر ماأبيكم تسوون مشاكل مع عيالي والا مرتي أنا احذركم من الحين إذا صار بينكم شي لاتلومون إلا انفسكم عشان كذا إبعدوا عن المشاكل واسمعوا كلام مرتي ولا تخالفونها مابي اكرر كلامي مرة ثانيه سمعتوا
جلوى"هذي البدايه الله يستر وبخوف منه::ابشر ياعمي اللي تبيه بسويه
عمي:وطلعات انا ماعندي إلا كم باقي لك وتخلصين جامعه
جلوى :هالترم بس واتخرج
عمي:على خير بس من الحين اقولس وظيفه مافيه سامعتني
جلوى :انشاءالله"الله يعيني اذا هذا اولها ماينعرف تاليها لاحول ولا وة الا بالله
"وصلنا لبيت عمي دخلنا جوا جت زوجة عمي وسلمت هي وأروى ونواف ونوف اما الباقي ماشفتهم
لطيفه"زوجة عمي"من غير نفس:هلا حياكم الله
امي فاطمه:الله يهيك يابنتي كيف هالك
لطيفه:بخير اقول اروى ودي جدتك وجلوى لغرفته يرتاحون
نوف: لا انا الي بوديهم تعالو اوديكم لغرفتكم اذا حابين ترتاحون شوي
جلوى:انشاءالله
"طلعنا الدور الثاني وبعدها طلعنا السطح كان فيه غرفتين غرفة الشغالات وغرفه فاضيه فيها بس سرير ودولاب ومرايه بس دخلتنا فيها نوف
نوف:ماادري ايش اقولك يمه هذي غرفتكم يمكن مستغربه من مكانها بس هذا اختيار أمي ...وبعد تردد..يمه انتي وجلوى والله انكم تدخلون القلب وانتي يمه والله اني احبك كان ودي اجي ازورك بس ماما و بابا يرفضون نصيحه مني اذ تبغون تعيشون بسلام وبدون مشاكل اسمعو كلام ماما واعملوا الي تقولكم عليه ولاتتدخلون بشي بالبيت ومالكم دخل بأحد صدقوني كذا احسن لكم عشان تبعدون عن المشاكل "انصدمت من كلامها وش تقصد بكلامها أكيد فيهم شي باين على نوف علاقتها مهوب ذاك الزود مع أمها وإلا ليه تقول هالكلام عنها"
جلوى حاولت اني اكون عادي:لا عادي اهم شي لنا غرفه "وبمرح" يالله حلو نجرب غرف السطح ههههه بيتنا كان دور واحد بس نوف انتي تدرسين
نوف بأبتسامه: ايه 3 جامعه رياض اطفال وانتي
جلوى: هذا اخر ترم لي محاسبه
نوف: ياي مره مبسوطه انكم راح تعيشون عندنا صح اني مانوم هنا بس اذا جيت الجمعه مااجلس لحالي اجلس معاكم بس اليوم جيت عشانكم راح اجلس معاكم لحد باليل بعدين اروح لبيت جدي
امي فاطمه:ليه يمه انتي ماتنومين بالبيت؟
نوف:لا وع مااحب انا هنا انا انام في بيت جدي عند خالاتي الي بسني
جلوى:وعمي عادي يرضى
نوف:هههههه هذا اذا درى عني اصلا بابا طول الوقت مشغول اهم شي ماما توافق وماما عادي عندها
جلوى:يمه تبين ادهن رجولك شكلس تعبتي من طلعت الدرج
امي فاطمه:ايه والله يمه درج طويل يتعب دهني رجلي
نوف:طيب انا بروح اقول للشغاله تصلح عصير
" دهنت رجل امي وجلست افكر بالغرفه اللي هم حاطينا فيها والله ماقصروا بالسطح وانا والشغالات بحمام مشترك ونعم الضيافه والله كويس منهم حطولنا غرفه لحالنا يالله شي احسن من لاشي .رتبت اغراضنا وخلصت جتني نوف وطلبت مني أنزل معها للحديقه امي رفضت تنزل تبي ترتاح شوي مسكينه تعبت من الدرج وعطتني جلال عشان اتغطى عن أخوانها...نزلنا تحت في الحديقه"
جلوى:ماشاءالله نوف حديقتكم تهبل الجلسه فيها حلوه
نوف:عاجبتك أروى اللي مصممتها .
جلوى بانبهار:صراحه تصميم حلو مره شكلها تحب التصميم هي دارسته والا هوايه؟
نوف:لا هوايه بس هذا أول الحين ماصارت تحب تصمم .
جلوى:اها الا وين خالتي ماجت معنا هي والبنات
نوف:راحوا لبيت اهلي خالاتي و خوالي مجتمعين فراحو مع أمي.
جلوى:ليه مارحتي؟ ليكون جالسه عشاني ترى بزعل ما ابغى اكون احراج عليس
نوف:هههه لا انا مارحت بروح باليل مره وحده حتى اروى ماراحت هي اصلا ماتروح جمعاتهم دائما ماراح مع امي الا شذى بس
قطع كلامنا صوت شاب بسرعه تغطيت عنه اكيد هذا واحد من عيال عمي"
..هلا والله زارتنا البركه تقول نوف بنت العم هنا يهلا ويا مسهلا
جلوى بحياء:الله يحيك
فهد بضحكه:ههههه افا يابنت العم كنك مستحيه انا أخوك مابيك تستحين مني أي صح ما عرفتك على نفسي محسوبك فهد
ماقدرت امسك نفسي ضحكت:ههههه وانا بعد محسوبتك جلوى
فهد:فديت والله هالضحكه ياأختي يالله بهالمناسبه ابعشيك برى انتي وجدتي على حسابي امروا وتدللوا علينا
"انحرجت منه أول مره احد يكلمني بهالاسلوب خصوصا رجال
جلوى:ماله داعي تكلف على نفسك اعتبر العشاء وصل
نوف بابتسامه:لا والله من جدك غريبه طلع منه شي سنع هذي نادر ماتطلع "تكلم فهد "خلاص فهودي بنطلع معك بس الله الله بالمطعم الزين
فهد يبي يقهرها:ومين قال انك بتطلعين معنا اخو واخته وجدته بيطلعون مع بعض وش دخل الاخت القديمه فيهم
نوف وهي مبوزه وبدلع:افا فهودي الحين انا قديمه تسلم يجي منك اكثر تراني بزعل حبيت احط عندك خبر بس اني زعلانه
أنا&فهد:ههههههههههههههه
فهد بابتسامه :لاخلاص كل شي الا نوف الا يابنت العم وين جدتي توني والله جاي ماشفتها
جلوى:فوق ترتاح شوي تقدر تروحلها
وطلع
جلوى:ماشاءالله يدخل القلب على طول ليت عندي أخومثله "وبضحكه" خلاص صار من اليوم هو أخوي
نوف:الله لا يحرمني منه محد صاحي بهالبيت الا انا وهو بس خخخخخ
هالوقت في فلة الخاله سلوى بغرفة ساره
ساره بضحكه كلها نعومه ودلع:ههههههههههه تصدق مره خفيف دم سوالفك الواحد مايمل منها
...........فديت الضحكه وفديت راعيتها
ساره بنعومه:تسلم حبيبي اوكي اخليك الحين ابغى انام وراي جامعه
.........:آه يليتني سريرك ولا مخدتك ما اقول الا يابختهم فيك
ساره:ههههههههه اوكيه باي
..........بايات فديت عمرك أنا ياروحي انا ياقلبي انا
ساره بدلع:يووووه خلاص مشاري قفل
مشاري بهيام مصطنع :انتي اللي قفلي اول يابعدي ماقدر قلبي مايطاوعني اقفل تكفين قفلي والااقولك لا تقفلين خليني اسمع انفاسك
ساره:باييييييييي وقفلت الخط
في الجهه الثانيه:
مشاري وتركي بعد ما قفلت الخط ساره:ههههههههههههههههههههه خخخخخخخخخخخخ ههههههههههه
مشاري بضحك:ههههه هالبنت صدق هبله على وجهها خخخخخخخ
تركي:والله انك مجنون وهذا حالك بس البنت صراحه صوتها عذاااب انت تطلع معها؟
مشاري:اقولك البنت على وجهها تبي تتونس بس مافي امل تطلع معك تقول تبي تطلع نطلع لاماكن عامه وانت بسيارتك وانا بسيارتي مهبوله ذي اخلي الهيئه تشكني عشانها بسويلها ديليت ما في منها امل
تركي با ستعجال:لا لا لا عطني رقمها
مشاري بفرحه:غريبه بسوي لك عشا انت تكلم بنات كلللللللوش بس ذي ماتنفع بعطيك وحده جرئيه تجلي الهم من القلب
تركي بابتسامه:لا ابي هذي البنت كبدايه تنفع صوتها عذاب
مشاري بخبث:يالخبل ما عليك من الكلام اهم شي الفعل
هههههههههههههههههههههههههههههههههههههههههههههههههههههههههههه ه
............................................................ ................................................
في قصر الجد ابو سلطان:
رنا بعصبيه : ياماما ليش ودخله فيني لايكون ابوي والا اخوي عشان يدخل لسه الساعه 12 يعني عادي ماتاخرت
أمي هند:قصري صوتك وانتي تكلميني فاهمه والالا بعدين اذا سمعتك مره ثانيه مطوله صوتك على طلال والله راح اخليك تندمين سامعتني
رنا:لايدخل فيني عشان ما ارفع صوتي عليه عاملي فيها هو الكل بالكل يتأمر ويدخل على كيفه هاالشايب
امي هند بعصبيه:طيب اذا حرمتك من مصروفك لا تقولين ليه سامعه طلعت بعصبيه وصكرت الباب بقوه بنات آخر زمن مافيه إحترام للأكبر منهم هالبنت بتجنني الحمد الله ان ماعندي غير ثلاث بنات والا كان صدق انجنيت لااااا اف نسيت جلوى اكبر غلطه بحياتي لما جبتها تلقينها عند عمها الحين احسن عنده ولا عندي قرف مااتحملها كل ماشوفها اتذكر أبوها
في صالة القصر اللي فوق
ريما بأدب:فيك شي طلال شكلك تعبان
طلال بتعب:لا مافيني الاالعافيه الا ريما كيف الجامعه محتاجه شي؟
ريم بحيا:لا تسلم والجامعه عال العال
طلال بتردد:ريما انتي تشوفين جلوى أختك اذا جت تزور عمتي
ريما بانحراج: لا
طلال بجديه:تسلمون على بعض
ريما:امممم لا صلا زمان عنها مره رنا تقولي لا تسلمين وماما وجدي نفس الشي
طلال:من متى ما شفتيها؟
ريما:آخر مره شفتها من 3 سنين هي ماتجي الا الظهر وان اكون باالجامعه او نائمه هي مالها يوم معين بس رنا اختي تشوفها دائما بالجامعه هم نفس القسم ليه فيه شي
طلال:لا سلامتك تصبحين على خير
دخل طلال جناحه المخصص له وراح مع افكاره
"غريبه وش جابها في بالي مشتاقلها لا طبعا طيب ليه افكر فيها ايه عرفت اكيد رحمه لها وشفقه اكيد والا ليه افكر فيها كل هالتفكير هي صغيره اصلا علي اخر مره شفتها من سنتين وشوفتي لها سريعه كانت طالعه من القصر وركبت التاكسي اللي كان فيه حرمتين ينتظرونها ومن بعدها ما شفتها ابدا تجي تزور عمتي الضحى وانا اكون بالمكتب هالبنت غريبه في عيونها شي يخليك تنسى الدنيا ومافيها فيها الم وحزن غريب اللي يشوف هالعيون يتمنى يحضنها ويخفف من المها وش صار فيها بعد موت ابوها لوين راحت لعمها ايه اكيد ماله غيره من عمرها 15 سنه وهي تتغطى عننا مع ان البنات محد يتغطى بس يتحجبون يحليلها مانسى شكلها بالنقاب والعبايه على الراس وهي توها صغيره ههههههه ودي اكلها لاعيب طلال وش هالكلام انت اكبر من هاالحكي هي اختي الصغيره ياللللللللللللللله كل ما اتذكر هذاك الموقف معها كان عمري 28 سنه وهي تقريبا 15 سنه قبل ماتتغطى بشهرين
كنت جالس في الحديقه الضحى كانت الساعه 11اقراء الجريده شفتها واقفه عند البوابه تنتظرابوها يجي يأخذها ناديتها
طلال بصوت رجولي:وش تسوين عند البوابه
جلوى ووجهها احمرمن الشمس وحبات العرق على جبينها:انتظر ابوي
طلال:طيب تعالي عندي في الحديقه عن الشمس واذا جاء ابوك بيناديك الحارس خلاص
جلوى:طيب
جلست و جلست بالكرسي اللي جنبي
جلوى بهدؤ:انت وش تشتغل
مارديت عليها لأني اقراء الجريده
جلوى:طيب على كيفك لا ترد
نزلت الجريده وانا اناظرها مسحت شغرها:هههه زعلتي
ناظرتني و ابتسمت: لا انت بس الي ماازعل منك لانك حنون وطيب
جاريتها بالكلام:وكيف عرفتي إني طيب وحنون يمكن انا شرير
جلوى:لا انت مو شرير انا اعرف الشرير واعرف الطيب
طلال بمرح:طيب كيف علميني عشان انا بعد أعرف
جلوى ببراءه:لا منيب قايلتلك انا بس الي اعرف محد يقدر يعرف غيري انت عندك ام وابو صح طيب ليش ماتوا وخلوك لحالك!
طلال:عشان ربي يحبهم "انتبهت على شي ازرق عند صدرها عبايتها كانت مفتوحه ولابسه بلوزه بيضاء مفتوحه من فوق"جلوى وش هذا اللأزرق اللي هنا اشرت على مكان الزراق
جلوى بسرعه:طحت عاالدرج
طلال عرفت ان ابوها ضربها قلت:بس ماعندكم درج صح!
ردت بعصبيه:يووووووووه طحت وخلاص . وقامت مسكت يدها
وين رايحه
جلوى :بستنى ابوي
لا شعوريا حظنتها ومسحت بيدي على شعرها بكت خليتها بحظني لين سكتت رفعت رأسها وعيونها مليانه دموع
جلوى:الله يخليك لا تقول لاحد ان ابوي ضربني واني بكيت الله يخليك
مسحت دموعها بيدي:وعد مااقول لاحد بس خلاص لا تصيحين
طلعت من بوكي 200 ومديتها لها
سعود بحنان:خذي هذي الفلوس اشتري فيها اللي تبين
اتفاجئت من ردة فعلهاقالت: شكرا ماابغى شي انت بالعيد عطيت البنات كلهم عيديه وانا لا والحين انت تعطيني ليه؟شفقه علي صح انا اصلا مااحتاج شي ابوي يعطيني اللي ابيه
جاء الحارس يناديها وما قدرت اني ارد عليها لانها راحت على طول وجلست افكر أي عيد عطيت البنات وهي لا اييييييه تذكرت العيد وزعت عالبنات عيديه 200 على كل وحده جيت بعطيها جت بلحظتها عمتي سلوى وبنتها ساره وعطيت ال200 ساره معقول بقلبها للحين
صحيت من افكاري لان جوالي دق لاحول وش جابها على بالي انوم احسن لي عندي اجتماع من الصبح
............................................................ ...........
جلوى
جانا فهد بعد مانزل من عند امي فاطمه وهي معاه شفت بعيون امي وقتها لمعة فرح من زمان ماشفتها بعينها مبسوطه لان نوف وفهد تقبلونا وجلسوا معنا وجلسنا نسمع فهد سوالفه فهد تجنن هالانسان طيب حيل ومريح يدخل القلب بسرعه جت الساعه تسع وودانا فهد للمطعم كانت هذي اول مره لي اروح لمطعم بس مابينت لهم هالشي انبسطنا فيه كان حلو وفخم وسوالف فهد حلت الجو اكثر طلعنا ومرينا باسكن روبنز ورجعنا البيت بعد ماحطينا نوف في بيت جدها كنت دائخه ابي انوم عطيت امي حبوبها ونمنا انسدحت على سريري جلست افكر بكلام نوف و تحذيرها لنا آه ياصالحه وينك..واستسلمت لنوم
جلوى"صحيت من النوم شكلي تأخرت بالنومه لا الساعه 2 الظهر يووووووووووه فاتتني الجامعه بس ارتعت لما شفت امي فاطمه على سريرها
جلوى قربت منها وهزيتها: يمه يمه
امي فاطمه بتعب:ها يمه بقيتي شي
جلوى:يمه انتي تعبانه فيك شي ليه ماقومتيني لماا صحيتي
امي فاطمه:انا توي صاهيه يمه نومت كثير اليوم كم الساعه؟
جلوى:الساعه 2 الظهر بنززل اجيب لك شي تأكلينه عشان حبوبس
غيرت وغسلت وصليت الظهر وخذت جلالي وطلعت نزلت على طول لغرفة اروى عشان اسألها عن مكان المطبخ توني بدق الباب سمعت:
لطيفه زوجة عمي بصوت عالي:البنت هذي والهنديه أنا ماابيهم في بيتي امها ملزومه فيها والهنديه تروح لاهلها موانا ناقصني انا وجع راس
أروى بترجي:يمه تكفين قصري صوتك لا تسمعك حرام البنت يتيمه والله العالم بظروفها هدي شوي وجدتي هذا بيت ولدها وين تبينها تروح يعني
لطيفه بعصبيه:انا اللي بتصرف معهم بعدي عني
"طلعت بسرعه لغرفتنا وقلبي يرتجف من الخوف الحين تونا لنا يوم وسوت كذا اجل لو تدري ان حنا بنعيش عندها على طول وش بتسوي"سمعت طق باب غرفتنا فتحت البابجلوى :هلا خالتي
لطيفه من غير نفس:اهلين.اسمعيني في موضوع ابغى اتكلم معكم فيه
جلوى:تفضلي خالتي
امي فاطمه:تعالي يمه هياك
لطيفه:اللي اوله شرط آخره نور انا مابيكم في بيتي بس غصب عني واقفت عشان ولدك غرفتك ماأبيك تتعدينها ولا تنزلين علي تحت الي يبيكم يطلعلكم وانتي جلوى انتي المسوؤله عن غرفتكم وملابسكم غير المطبخ الطباخه بتسافر اليوم فالليل انتي اللي بتصرين تطبخين الغداء اول ما ترجعين من الجامعه والعشاء سامعه عجبك اهلا وسهلا ماعجبك روحي لأمك هي اولى فيك! كذا احسن لي ولكم
جلوى بأنكسار:انشاءالله وطلعت
امي فاطمه:تهملي يمه الله يفرجها والله لو عندي مكان تاني رحنا فيه على تول بس ماعندنا يمه
جلوى:عادي يمه مافي قدامي غير اني ارضى واسوي اللي تبيه كنت متوقعه رفضها لنا من البدايه بمشي نفسي معها اللي تبيه بسويه لها
" استغربت من نفسي استسلامي حتى ما عارضت هه مين انا اصلا حتى اعارض اللي مثلي يسكت وبس جلست بغرفتي ماابي اطلع مالي خلق مشاكل معها آه آه بس
اون ورياح الليالي توني والبرد في جوفي كما الغار خاوي
ماكن لي عقل ولأقلب كني جذع وقف في وجه الايام ذاوي
وبي عبرت محبوسة تمتحني في عيني وقلبي وحلقي وصدري شكاوي
وبي من قديم الوقت جرح مكني وبي من جديد ايام وقتي مكاوي
ان قلت زانت خالف الوقت ظني وان قلت هانت عاجلتني بلاوي
اجامل ايامي ولا جاملتني هامت بي الدنيا هيام الخلاوي
والوقت جاير والليالي اسهرنني والحزن مابين الضلوع امتلاوي
دخلت علينا أروى وقطعت حبل افكاري:هلا يمه هلا جلوى بتغدى تتغدون معي
جلوى :لا بس ياريت تجيبين غدى امي فاطمه عشان تاكل حبوبها
أروى:سلامات يمه حبوب ايش الي تاكلينها
امي فاطمه:الله يسلمك يمه هبوب الظغط والسكر
أروى فهمت قصدي:لا مو تحت بجيب الغداء فوق ونتغدا كلنا سوى وندردش سوى وش رايك؟
جلوى:طيب على راحتك وطلعت
شوي ودق باب غرفتنا: ادخل
دخلت علينا بنت تفاجات من شكلها
ابتسمت:مين ماعرفتك اكيد انت وحده من بنات عمي
....لا ياشيخه اجل مين انا بنت الجيران المهم انتي وش خبارك انا شذى
قمت سلمت عليها سلامها غريب ونضراتها مهيب مريحه ابد وسلمت بعدها ببرود على امي فاطمه
شذى باسلوب عربجي:يقولون ناويين تعيشيون عندنا صدق
جلوى:انشاءالله
شذى بخبث:حلو والله اجل فيه وقت نعرف بعض اكثر سييييو ياعسل
جلست اناظر فيها وانا مبلمه لين طلعت شعرها بوي حالقته قزع ولابسه بنطلون واسع مره وتي شيرت كبير لتحت الركبه ومركبه زي الحلقه بطرف لسانها ماحسيت بدخول أروى
أروى تأشر على عيوني:نحن هنا وين سرحتي
جلوى:ها لا لا معك
أروى: هههه يالا اجلسي نتغدى وشفيك متنحه احد دخل عليك
جلوى:ايه لا ايه شذى
أروى بخوف:سوتلك شي قالت لجدتي شي
امي فاطمه مستغربه:لا وش بتسوي يعني سلمت وطلعت, أروى ليه كدا شكلها أختك هي بنته مو ولد
أروى:هي كذا ياجدتي من 3سنين لما كانت بثاني ثانوي وهذا لبسها واسلوبها وحركاتها ماتغيرت ابدا نصحتها انا ونوف وفهد ولا اهتمت وامي الله يديها طلبت منا ماندخل فيها على بالها انها فترة مراهقه وشي عادي وبترجع مثل ماكانت اول وابوي هي دلوعته مايقولها ولا شي طلباتها عنده اوامر
جلوى:بس المفروض ماتخلونها كذا كرروا عليها باالنصيحه ياخوفي انها تتمادى بهاالشي وهذي هي المشكله
أروى :والله انا تعبت منها مليت من كثر مانصحها مايهمها احد اذا امي وابوي ساكتين لها انا ايش دخلني بعد الي فيني مكفيني
بعد أسبوع
"مر هالاسبوع على خير من آجي من الجامعه على طول على المطبخ اصلح الغداء وبعده اغسل المواعين واجهز الحلا والكيك واصلح القهوه ثم انظف البيت وبعدها اصلح العشاء واطلع للغرفه منهد حيلي كرف في كرف وعمي ماينشاف ابد حتى مايكلف نفسه يطلع يسلم على امي حتى أروى ماصرت اشوفها كثير تعبت جتها انفلونزا وانا لاهيه بالمطبخ وشذى ماتنشاف ونوف ساكنه تقريبا في بيت جدها مااشوفها الا الجمعه بس والأمور ماشيه مرت عمي مازالت مصره ان لا انا ولا امي ننزل تحت ونجلس معها هي في حالها وحنا بحالنا ساكته علينا طبعا نافعتها يليتها تصير كذا على طول "
دخلت علي أروى وأنا بالمطبخجلوى :ههه قايمه من الشر الحمدلله على سلامتك
أروى:ههههه الله يسلمك اعذريني والله ودي اني مساعدتك في المطبخ بس تعبانه حيل بس صراحه تسلم يدينك عليك طبخ يجنن روعه روعه وعليك كيك وحلى دمااااار كيف تعلمتي؟
جلوى بضحك: ايه وش عليك تسلم يديني بس انا اللي انكرف خلاص أنا قررت بكلم عمي يعطيني راتب أنا شغاله 5 ستار تنظيف ترتيب طبخ غير الحلى والبتفور والكيك اتحدى تلقون شغاله مثلي خخخخخخخ
أروى بحزن:الله بيفرجها عليك اصبري , نوف وفهد كلموا امي عنك بس الله يهديها عصبت وطلبت انهم ما يدخلون
جلوى:والله عادي بالعكس صح اني اتعب بس شاغله وقتي ولا افكر كثير ومن ادخل غرفتي على السرير على طول وانوم احسن لي كذا
كملت أروى بحزن:لا تزعلين مني جلوى أحيانا احس اني افهم اللي قدامي انتي غريبه احسك مليانه هموم ومع ذلك مابان عليك اللي يشوفك الحين يقول هذي اسعد وحده بالعالم وأنا همي ما يجي شي من همومك بس يبان علي اني مهمومه
جلوى:هههه عرفتيني من أول اسبوع!انتي وش همس ياأروى اذا كان هم واحد بس انسيه وشيليه من قلبس لا يتراكم ويصير هموم خذيها نصيحه مني اذا كثرت همومس وقتها مايفرق بينس وبينها الا الموت!اذا تقدرين انس تنسين انسي احسلس
أروى:انسى هه "باستهزاء" انسى ايش والا ايش انتي تدرين يا جلوى اني مطلقه!
جلوى بصدمه:مطلقه ليه انتي متى تزوجت اصلا "انحرجت منها"آسفه اروى ما ندري حتى امي فاطمه ماضنيت انها تدري
أروى:غريبه ما قالكم عمي الله يرحمه انا كنت متزوجه من ولد خالي راكان من 4 سنوات بس تطلقنا من سنتين
جلوى:والله مادريت الله يخلفه عليس بلي أحسن منه"ما حبيت اني ادخل بخصوصياتها و اسال عن السبب "
أروى بحزن كبير:أبوي رافض اني أتزوج هو وأمي يقولون مالك غير راكان هو يبني ارجعله بس انا رافضه انا....بعد تردد كبير..ليتني مااحبه كان الحين انا مرتاحه احبه واموت فيه ما يفارق عيوني لحظه "كانت تتكلم من دون ماتحس عيونها مليانه دموع لان غريبه تطلع اللي بقلبها لي وهذا اول يوم لي معها"عارفه ان هو يحبني بعد خذنا بعض بعد قصة حب اول سنه كانت اسعد ايام حياتي كنت خايفه احسد نفسي من كثر حبه لي تخيلي كان يقولي جعل يومي قبل يومك كان يدلعني طلباتي كلها مجابه حتى خالي وزوجته يعاملوني كأني أميره حسيت بغيرة زوجة اخوه مشاعل مني بس كنت اطنشها اهم شي كان حب راكان لي بعد سنه تحول لانسان ثاني كان يشك فيني وبتصرفاتي لدرجة ان زوجة أخوه اتهمتني اني طالعه من البيت وركبت مع رجال غريب لما كانت زوجة خالي وراكان مو بالبيت وشهد معها زوجها اخو راكان هذاك اليوم ضربني ضرب حسيت اني بأموت تحت يده ما فكه منه غير خالي وزوجته اللي ما صدقوا فيني كلمه من اللي قالوه عني كنت اصلا هذاك اليوم تعبانه وزوجة خالي عارفه هالشي كنت حاسه اني حامل من قوة ضربه لي نزفت دم نقلوني بالاسعاف اسقطت الجنين انصدم لما درى اني حامل وسقط الجنين من ضربه لي رفض خالي وخالتي اني اطلع من البيت حلفت لراكان اني ماعرف رجال غيره وترجيته انه يسمعني رفض صار اردى من قبل شكه فيني زاد صرت انا بغرفه وهو بغرفه ماكان يطيق يناظر وجهي مشاعل كانت تتكلم علي بكلام يسم البدن مره قالتلي
مشاعل بعصبيه و بقهر:مادري وش شايفين فيك كلهم حتى زوجي يحبونك ويدورون رضاك صرتي انتي الكل بالكل عافني زوجي بعد ماتزوجتي راكان سمعته يقول لامه ليه ماخطبتيلي مره مثل اروى صرت مادانيك اكرهك والله لادمر حياتك مثل ما دمرتي حياتي ما كانت هذي عيشتي قبل لا تجين على هاالبيت
أروى بخوف:بس انا ماسويتلك شي ماله داعي هاالكلام إلي انتي تقولينه
طلعت حتى ما ردت علي خفت وقتها بس قلت هذي غيره وبتروح مع الوقت ماكنت اضن انها فعلا حاقده علي من تجلس مع راكان يجيني زي المجنون ويسبني ويتكلم علي وإلي يخليه كذا اذا شهد اخوه مع زوجته بلي تقوله لان علاقته مع اخوه مره قويه وكان متاكد ان اخوه ما يكذب ابد عشان كذا يصدقه
جلوى بصدمه:معقول اخوه يشهد بشي ما شافه وعلاقتهم زينه مع بعض؟حسبي الله عليه
أروى:لا لاتتحيسبين على اخوه والله كنت اشك ان فواز اخوه مو طبيعي حتى خالتي تحس بهاالشي بس ماكنا متأكدين كان مجرد احساس سكتت ...وجلست تناظر فيني
"انتبهت أروى انها تكلمت معي من غير ماتنتبه فسكتت على طول "
جلوى بحزن على حال أروى:ليه سكتي ياأروى؟انا اسمعك وصدقيني اني احس باللي تحسين فيه اذا مايزعجس هاالشي .انا بنت عمس سترس و غطاس اذا بتحسين انك بترتاحين لما طلعين الي في خاطرك تكلمي "
أروى وهي تبكي:مادري كيف طلعت اللي بخاطري لك ارتحتلك غصب عني ازعجتك من اول يوم بمشاكلي انتي الوحيده الي طلعتلك الي بقلبي
جلوى:كملي لي اذا ودس ترتاحين لاتكتمين بقلبس
أروى تكمل :ضلينا على هالحال مره كانت خالتي تعبانه حيل ماتقدر تمشي من رجولها وكل جسمها يألمها سوت تحاليل طلعت سليمه بس الالم ما زالت تحس فيه استغربت جارة خالتي من وضعها واقترحت عليها انها تقراء عند شيخ كان معروف يجيء للبيوت اتصل عليه خالي وطلب منه انه يجئ يقراء على زوجته جاء الشيخ وماكانت مشاعل موجوده بالبيت ولا كانت تدري ان فيه شيخ بيجي كانت عند اهلها جاء الشيخ وطلب خالي من فواز انه يقعد مع خالتي عند الشيخ لانه بيطلع مع راكان مشوار ضروري ولازم يكون مع خالتي محرم نسيت وش كان عندهم المهم والشيخ موجود رفض فواز انه يدخل مع امه عليه وجلس يصارخ مثل المجنون استغربنا منه خالي وراكان يهدونه وهو يزيد خالتي كانت حاسه باللي فيه دخلت على الشيخ على طول تحت وطلبت منه يروح معها للصاله اللي فوق اللي جالس فيها فواز يصرخ انا من شفت الشيخ طالع دخلت غرفتي على طول خفت وصراخ فواز يعلى ويعلى والشيخ يقراء عليه وخالي وراكان ماسكينه وهم مستغربين من حالة فواز وانا اناظرهم من باب غرفتي طاح عليهم فواز قالهم
الشيخ:لا تخافون اللي فيه ياابو فواز سحرقوي لازم يداوم على القرايه انا بجيه باكر بنفس الوقت بس....
ابو فواز مصدوم:سحر ياشيخ مين اللي ساحره انت كيف عرفت انت اكيد تكذب علينا وتبي تستغلنا
راكان وهو يهدي ابوه:اعذره ياشيخ بس الوالد مصدوم من اللي قلته كيف مسحور ياشيخ.تكفى فهمنا اول مره يصير معنا كذا
الشيخ بهدوء:شف يأخوي انا اقراء على الناس بدون مقابل ولا ارضى اخذ شي من أحد بنتي وزوجتي ماتوا على اثر سحر ماابغى اللي صارلهم يصير لغيرهم عرفت انه فيه مس لانه من عرف بوجودي وهو يصرخ طبعا مهوب هو اللي يصرخ المس اللي فيه غير مسلمه ولما قرأت آيات السحر زاد بالصراخ هو الان غايب عن الوعي اذاصحى مهوب متذكر شي من إلي صارله لانه مهوب بوعيه واذا انتم ما صدقتوا ودوه لشيخ غيري بيقولكم نفس الكلام
راكان:محشوم ياشيخ مهوب القصد طيب الحين وش نسوي
الشيخ:لاتصحونه لين هو يصحى من نفسه وماابغى احد غيركم يعرف هالشي! واذا قدرتوا تجيبونه عندي بالبيت يكون احس ولا تجيبواله طاري عن اللي صار ومثل ماقلت مابغى احد غيركم يعرف باللي صار انتبهوا!
ابو فواز:اعذرني ياشيخ ماكنت قاصد اللي قلته خلاص انا بنجيبه لك بس يا شيخ يعني مانبلغ زوجته
الشيخ بهدوء:هي موجوده بالبيت؟
ابو فواز "لا
الشيخ:يفضل انكم ماتقولون لها تعالولي بكرا العصر خذو الوصف
أروى كملت:المهم خذا الوصف ووصاني عمي اني مااقول شي وصاروا على هالحاله اسبوعين جتني مره خالتي وهي تبكي:
خالتي ام فواز: الحقي علي ياأروى خالك جاء وقالي ان اللي ساحره فواز مشاعل و الحين هم تحت في الحديقه السحر مدفون فيها يا ويلي على ولدي
أروى:انصدمت من الصدمه ما قدرت اتكلم معقول تكون مشاعل لها الدرجه مافي بقلبها ايمان اللي كنت اعرفه ياجلوى ان اللي يسحرون هم الشغالات ما فكرت بيوم من الايام ان اللي تسحر تكون منك وفيك المهم فك الشيخ السحر جلس فواز نايم يوم كامل
قاطعتها جلوى:معقول حسبي الله عليها طيب وش علاقتكم بالموضوع انتي وراكان"وبشهقه"لا يكون ساحرتكم بعد,ومشاعل عرفت, وش صار فيها
أروى بحزن:ياليتها ساحرتنا على الاقل يكون عذر اني اغفرلراكان اللي سواه فيني خليني اكملك وطيت على كرامتي قلت بروح اتحمد لراكان على سلامة فواز كان ودي اني اكون قريبه منه في هاالموقف نسيت لحظتها اللي سواه فيني كان خاطري عليه مكسور كان يجي تعبان حالته ماتسر عدو ولا صديق من تاثره بحالة اخوه تمنيت اني آخذه بحضني اهون عليه اخليه يشكيلي اريحه من اللي فيه رحتله وياليتني ما رحتله كان بالغرفه دخلت عليه:
طق طق طق
راكان:ادخلي يمه
أروى دخلت وانا على اعصابي:الحمد الله على سلامة فواز جعلها نهاية الاحزان
شفته يناضرني بنظرات استحقار خفت منها نضراته تحسسك غصب اتك اقذر واحقرانسانه على الوجودمع لمحت حزن بعيونه ماسرع ماخفاها
راكان بنفس النظره:حسافة حبي لك انتي وحده ماتستاهلين ماتشرف فيك انك تكونين زوجتي وام عيالي ربي بلانا انا واخوي بااقذر حرمتين على الوجود ساحره,وفاجره اطلعي مابي اشوفك مره ثانيه قدام عيني "وبصراخ"اطلعي برا
أروى مسكت يدينه واترجيته انه يسمعني ودموعي ماليه خدي:والله العظيم ماسويت شي ولا خنتك مو انا اللي أسويها وين ثقتك فيني انت عارف من أكون تبي حلفتلك على المصحف اني ماسويت شي
راكان بعصبيه وبصراخ يسمعه من بالبيت مسكني من كتوفي وهويهزني بقوه:هذا اللي انتي تبينه تبين تحلفين كذب عشان اصدقك يالفاجره تحسبيني غبي بخليك تلمسين بيدك القذره المصحف خليني اخلص من سالفة اخوي بعدها انا اللي بتصرف معك مهوب امي وابوي والله لخليك تندمين على اليوم اللي تزوجتيني فيه وبطلقك ياالحقيره بس مب قبل ماخليك تندمين على الي سويته والله لاخليك تبكين دم
قلتله بعصبيه وانا اوخر يده من كتفي:انت اللي بتندم على شكك فيني خل اخوك وزوجته ينفعونك بيجي يوم وتعرف اني مظلومه وقتها والله لو تحطلي اصابعك العشره شمع ماسامحتك تذكر كلامي زين
طلعت من الغرف وانا ابكي بأعلى صوتي ماكفاه اهاناته اللي راحت لي وهاني زياده
جلوى: طيب ليه من اول مارحتي لبيت اهلك من اول مابلوك احس انه فسر جلوسك على انك فعلا غلطتي
أروى:رفضت خالتي و خالي اني اروح ومنعوني قالوا لي انتي ماغلطتي ولا يطلع من البيت الا الغلطان مصيره بيعرف.بس انا ماكان هذا قصدي لما تنجرحين يا جلوى كبرياءك يمنعك انك تيهنين نفسك للي جرحك كنت عارفه انه بيجي يوم ويعرف اني مظلومه وكنت اقدر اروح بيت اهلي بس قلت لا بجلس لين يجي يعتذر لي وقتها انا اللي برده واجرحه وارجع بيت اهلي وانا رافعه راسي وهذ اللي صارلما صحى فواز وعرف باللي صارله قرر يطلق مشاعل بس بيواجهها باللي سوته قبل قدام خالي وخالتي وراكان وانا كنت جالسه معهم حسيت بكره فواز لمشاعل لدرجة خلته يواجهها باللي سوته قدامنا
جمعنا فواز بالصاله وطلع مع مشاعل للصاله باين انها ماكانت تدري عن شي
فوازباستهزاء:الا اقول مشاعل مادريتي اني فكيت السحر اللي انتي مسويته
مشاعل والصدمه تطلع من عيونها:ا..ا..اي س..سحر ما..مافهت
فواز بهدوء:السحر اللي انتي سويتيه لي والا نسيتي يامدام
مشاعل كانت بتقوم وبخوف:انا ما سويت شي شكلك مخرف
فوازبعصبيه تخوف وصراخ فظيع:الا تعرفين ياقليلة خوف الله لا تنكرين "مسكها من شعرها وجاء ابو فواز بيفكهامنه" قال:لحد يتدخل بعد يبه تكلمي انطقي والا والله لاذبحك بمكانك تكلمي
مشاعل بصياح وصراخ هستيري:بعد عني ايه انا اللي ساحرتك ارتحت ماعمرك حسستني اني زوجتك ماكنت تطيقني كنت دائم تقارن بيني وبين أروى جرحتني لين اكتفيت من جروحك تهددني انك تطلقني علمني وين اروح تكلم اروح لمين ماعندي لا ام ولا ابو تبيني اروح لاخوي ارجع للعذاب برجولي مره ثانيه وانت كل دقيقه تهددني بالطلاق بعدين انا ما سحرتك عشان آذيك لا سحرتك عشان اضمن حياتي معك وماارجع عند اخوي
ماقدرت اتحمل رحت لفواز وترجيته انه يفكها بس اللي فأجني ردت فعلها
مشاعل بصراخ:انتي بالذات بعدي قلتلك بعدي عن وجهي"بصراخ اكثر" ودي اني مدمرتك اكثر من كذا "ماكملت لان فواز شد على شعرها اكثر"
فواز بنفس العصبيه:دمرتيها؟عن ايش انتي تتكلمين دمرت مين بعد انطقي
مشاعل ونظرات الحقد موجه لراكان: انا اللي تبليت عليها ولاشي من اللي صار صدق
"فلتت مني شهقه وحطيت يدي على فمي اللي كان يفصل بيني وبينه غطاي:عن ايش انتي تتكلمين؟
مشاعل تكمل بنفس نظراتها:كذبت عليك على راكان واتهمتك وفواز كان يايدني لانه مهوب فوعيه كان ودي اني ادمرك اكثر واكثر
قطع كلامها صوت فواز بكف قوي على وجهها: طراااااااااااااااااااااااخ جب جب انتي طالق طالق طالق
جلوى:لاحول ولا قوة الا بالله اكيد مهيب طبيعيه شكلها مريضه بعدين وش سوى راكان يوم درى؟
أروى والحزن بعيونها:ماسمعت وش صار بعدين رحت على طول لغرفتي جلست على السرير مصدومه ماحسيت الا وراكان عند الباب كانت نضراته ندم وحزن تقرب مني يبي يستسمح مني رجعت على ورى
راكان بندم وعيونه على الارض:أروى انا آسف غصب عني خليك مكاني أروى ردي علي اطلبي اللي تبين لا تسكتين "جلس عند رجولي ويناضرني بتوسل
قلت بابتسامه تعكس الالم والقهر اللي بداخلي:لو اطلب ماتردني
هه بفرح قام وجلس جنبي ورفع ذقني بيده راكان:آمريني لك اللي تبين مايغلى عليك شي
أروى ببرود:أبيك تطلقني
وقف مصدوم ومتفاجئ من طلبي :أروى انتي اكيد تعبانه الحين ارتاحي ونتفاهم بعدين
رديت عليه بابتسامه وببرود:ومين قالك اني تعبانه سمعت اللي قلته طلقني عافك الخاطر ياولد الخال واشرت على قلبي:هذاماعاد لك فيه مكان
مسكني من كتفي يحاول يمسك نفسه:انتي ليه ماتعذريني خليك بموقفي
قاطعته بنفس برودي:صرت بموقفك بس ما صدقت قالت انك تخوني ما صدقت تدري ليه لان حبي لك وثقتي فيك أكبر من هالامور ما سويت اللي انت سويته ماسمحت لنفسي اصلا اني افكر انك تسوي هالشي اسمعني راكان كثر الكلام ماله داعي طلقني واطلع من حياتي كافي اللي جاني منك ماتوقع ترضاها على نفسك تعيش مع وحده كاره انها تعيش معك
راكان:اسمعيني زين طلاق منيب مطلق سمعتي وطلع من الغرفه
خذت ملابسي وكل شي يخصني وجيت عند اهلي حاول اني ارجعله بس اصريت على موقفي ورفضت وان من سنتين عندهم مازور خالي عشانه عندهم بالبيت, خالي وخالتي بين فتره وفتره يزوروني بعد اصراري على الطلاق طلقني طلقه وحده بس
حزنت عليها صدق البيوت اسرارقلت: الله يكون بعونك بس انتي للحين تحبينه صح؟
اروى:ماجربتي الحب ياجلوى اذا جربتيه ماراح تقدرين تنسين اللي حبيته بسهوله لانك حبيته من كل قلبك ونسيانه يكون صعب هذا اذا قدرت تنسينه اصلا
"آه يا قلبي تعلميني بالحب "
جلوى:لاتزعلين مني اروى ليش ماترجعيله وتنسين اللي صار حرام حبكم يضيع به السهوله انتي تحبينه و هو يحبس ليه تعقدون اموركم حاولي انس تبدين معه حياة جديده
أروى: حرام وليه مو حرام اللي هو سواه فيني سهل علي اللي صارلي قدام اهلي سهله علي شكه فيني النار ماتحرق الا رجل واطيها ياجلوى
جلوى باصرار:طيب انتي الحين زعلانه من متى؟من سنتين وهو ماقصر اعتذرلس بدل المره الف ودائم يكلم امس عنس يبغاس ترجعيله اليوم قبل بكره عارفه انه مهوب من السهوله تنسين بس لازم انس تتناسين عشان نفسس ليه يروح عمرس بعيد عن اللي انتي تحبينه بعد هو رجال وغيرة الجال اقوى من المره هو بعد ماله ذنب وش استفدتي انتي الحين غير الهم والحزن واذا مازال متمسك فيس الحين فلاتتوقعين يظل طول العمر متمسك فيس مهما كان هو له كرامه وله متطلبات يبيها باالمره اذا ماشافها منس بيدورها بغيرس وهذا اللي بيصير معس اذا ماداركتي وضعس فكري بكلامي زين سنتين تكفي يأروى انه مايكرر غلطه
أروى :آه بس
قلبي اللي لواه من الصواديف لأوي* جرحته اليالي والحظوظ الرديه
والله اني بوسط الناس كني خلاوي* من يلوم المفارق على فرقا خويه
والله ان المفارق من عظيم البلاوي* ميرهذا نصيبي يالعيون الشقيه
اتصبر واقول إني على البعد قاوي* والله اعلم بقلب فيه الأشواق حيه
كيف راحت ياخلي حياتي شقاوي* وين درب السعاده والحياة الهنيه
ليت لهل الهوى والحب قاضي دعاوي* كان ابشكي عيون الي فراقه خطيه
كني المبتلي اللي قطعته المكاوي* كلما اقطب الونات عادة بكيه
جلوى
"سكت خلاص ما قدر ازيد بالحكي هي ادرى بحياتها بس تفاجاءت من مشاكل بنات عمي فعلا البيوت اسرار سحر,وحالة شذى الي اهلها ماهتموا من عواقب هالشي الله يستر من الباقي هانت علي مصايبي من بعدهم صح ان حظي ردي في كل شي بس الحمدالله على كل حال الله يبعدني عن هالامور كملت شغلي بالمطبخ بعد ماطلعت أروى لامها واخيرا خلصت مابغيت والله هذي التاليه خدامه عند عمي وعياله محد من بناته حتى فكرت تساعدني الله يكون بالعون بس طلعت لغرفتنا أمي فاطمه تغيرت حيل ما صارت تتكلم كثير من الغرفه لساحة السطح الصغيره وبس طول الوقت ساكته او تصلي
جلوى:أه يمه تعبت مره احس رجولي بتتكسر
امي فاطمه:معليس يمه اصبري الله يفرجها
جلوى:يمه انا بنوم انتي بتنومين
امي فاطمه :ايه يمه متى بتروهين تزورين امك يمه لازم تزوريها يابنتي
ياحوووول رجعنا على طير يالي جلوى:انشاءالله بسأل اروى اذا تقدر توديني
امي فاطمه:اكيد يمه
جلوى حظنتها وقلت بابتسامه"اكيد يااغلى واعزم واعظم انسانه بحياتي انا قد رديت لك طلب؟
امي فاطمه:لا يمه الله يرضى اليك يابنتي ياربي
قررت اني اكلم اروى ماودي ازعل امي فاطمه خصوصا بهاالظروف نفسيتها حيل تعبانه
الصبح
جلوى :صباح الخير يمه يالله قومي جبتلس فطورس قبل لااروح الجامعه
امي فاطمه:صباح الكير يمه كلاص انتي روهي وان بفطر واكل هبوبي عسان ما تتاكرين على شدى يالله يمه
"من جيت بيت النصاب اووووووه اسفه اقصد عمي صرت اروح الجامعه مع شذى الحمد الله يوم الoff نفس الشي انا وياه ركبت السياره وكالعاده شذى ماتتكلم وصلنا الجامعه
صالحه وهي تحظني:هلا والله اليوم تأخرتي دقيقه ههههههه وانا صايره لس استقبل وااودع
جلوى:هلا والله وش اخبارس واخبار خالتي
شذى :تمام التمام المهم يالله بروح لمحاضرتي وانتي روحي بعد لا تتاخرين مع السلامه
جلوى : ههههه يالله طيب مع السلامه
"وهذا حالي بالجامعه مااصدق اشوف صالحه واسولف معها بفقدها اذا تخرجت الله يصبرني على فراقها"
التعديل الأخير تم بواسطة Sky_star ; 24-10-08 الساعة 12:22 AM
|
17-09-08, 06:45 PM
المشاركة رقم: 1
جديد مواضيع قسم الارشيف
العرض العادي
