اهلين بنات
كيفكم انشاءالله بخير ياريت تعذروني على التأخير بس صارت لي ظروف هي الي اخرتني عليكم

راح انزل اليوم البارت عارفه انه قصير بس صدقوني هذا الي قدرت عليه نزلته عشانكم
وانشاءالله" متى ماطلع ابوي من المستشفى" راح انزل لكم باارت طويــــــــــــــــل مره وبيرضيكم وبيعجكم

ولسموحه فديتكم

جلوى
جالسه على فرشتي ومتظاهره بالنوم مع ان الوقت عصر
احس بضيقه وبكتمه ماادري وش سببها كأني مخنوقه و متشتته لدرجة اني ماصرت اعرف نفسي وشخصيتي زين تخالطت القوه والضعف فيني الي اعرفه الحين اني تعبت والله تعبت من كل شي من نفسي وحياتي ومستقبلي الي ماخططت له تعبانه حيل تعبت اشكي وتعبت اتكلم ذكريات الايام الي راحت ماتفارقني كأنها شبح وين مااروح القاها في وجهي ماقدرت انسى ولا حتى اتناسى الي راح تعبت وانا اتظاهر اني قويه مع اني بداخلي انسانه محطمه منكسره وكسري ماجبر ولا اظن انه بيجبر كله منهم هم السبب بلي انا فيه ايه هم امي وابوي هم الي بسببهم خلو الي يسوى والي مايسوى يدوس علي ياما انظلمت بدنيتي وانجرحت و ياما تمنيت اني اعيش مثل صديقاتي ارجع البيت وانا مرتاحه القى من يشيل همي ويخاف علي ويدلعني ياما تمنيت اني اكون بحظن امي والعب وادلع على ابوي بس للاسف صار العكس شلت هم غيري وخفت عليه اتمنى اضحك من قلبي اتمنى اني مااشيل هم بكره ولااخاف منه بس هالخوف صار فرض علي بكل يوم.... وانا صغيره كنت احب انوم اذا اتضايقت او ظربني ابوي عشان احلم بحلمي اليومي الي افرح فيه احلم بأني دلوعة امي وابوي واخواني وعايشين مع بعض وكل يوم ابوي وامي يشترولي هدايا والعاب وعرايس ويدلعوني بجوجو وطلباتي عندهم مجابه واذا قمت من النوم وعرفت انه حلم تضايقت واحاول انوم بدري عشان اشوف هالحلم مره ثانيه........و في المدرسه كنت دايما اغار من صديقاتي ومن صالحه كانت كل وحده منهم تتكلم وش الهدايا الي جابوها لها اهلها وش بتشتري بكره من محل الالعاب امها بتجي مجلس الامهات او لا انا الوحيده الي كنت اسمعهم بس من غير مااشاركهم وماكنت ابين هلغيره اسوي نفسي عادي اني مااهتم واني ماافكر فيهم ابد وهالشي كان يرهقني ويحطمني ويخلي نفسيتي تتعب اكثر واكثر كان ودي بشخص اشكيله كل الي بخاطري مااخبي عنه ولا شي صح صالحه صديقتي واشكيلها بس في بعض الاحيان يبقى في نفس الانسان اشياء مستحيل يقولها حتى لااقرب الناس له
... اذكر مره كانت ابلة التاريخ الي هي مربية فصلنا وانا بثالث متوسط تحبني وتخليني اطلع بالاذاعه دائما انا من بد البنات وكانت زميلتي بالفصل وضحى بنت جيرانا تغار مني كله من سبة هالاذاعه ليه انا الي اطلع وهي لا فجلست مره تبكي وجمعت شلتها بالفسحه وسبتني يوووووووووووه هذاك اليوم ماانساه لين اموت
كنت انا وصالحه وزميلتي مها جالسين على الارض بنص ساحة المدرسه نسولف بالفسحه مادريت الى بوضحى جايه ومعها البنات وبدت تصرخ علي وكل بنات المدرسه التموا علينا اذكر انها قالت
وضحى تكلمني وكانت معصبه وتصرخ: المفروض الي يطلع بالاذاعه بنات الناس المحترمات مهوب انتي " وبصوت عالي وهي تلتفت للبنات الي ملتمين علينا" تدرون يابنات ان امي تقول ان ابوها سكران ويدخل السجن وجدتها هنديه موب سعوديه وامها ماتحبها ومتبريه منها يمكن انها ماتكون امها الحقيقيه يمكن انها بنت حرام امي الي قالتلي
انا انلجم لساني وماقدرت ارد ماخلتي مجال اصلا قاطعتها صالحه: بنات لا تصدقونها والله تكذب
وضحى: لا انا مااكذب حتى اسألوا منور هي معنا بعد بنفس الحاره صح منور
منور: ايه صح حتى ابوي يقوله وبعد ابوي شاف ابوها يضربها بالشارع بالخيزرانه لانها راحت للبقاله مع الهنديه جدتها والله مااكذب
المهم جت المراقبه وفكتنا وجلست بعها 3 ايام مارحت المدرسه كل يوم ابكي ومتفشله اني اروح ويوم رحت وانا بالفصل صاروا البنات يجون وياشرون علي ويوروني صديقاتهم الي ماحضروا السب الي قالته وضحى ..ايام راحت بس ذكراها محفور بقلبي حفر...


. لاخلااااص مااقدر اتحمل.. والسبب كثر الأحزااان وقلـوووب ناس ظالمـه ماأرحمتنـي
عمري بقاياا جروح وآهـاات واحـزاان عمـري سنيـن بائسـه ماأرحمتـنـي
عمري ألم غربه مع جـور الأزمـاان عمري سـراب والصحـاري خذتنـي
عشت بزمن كلـه ظلم وحقـرااااان وحتى القلـوووب الطيبـه ماأنصفتنـي
وفيت انا للكـل واصبحـت غلطـاااااان أعطـي وهالدنيـا أبــد ماعطتـنـي
كلي جرووح وداخلـي قلـب ضميـااان أشرب همومـي والألـم فـوق متنـتني
ماااني على شي أبـد صـرت ندمـاااان غيـر انـي أوفـي ودنيتـي اتعبتنـي
ليه السؤال؟؟ وعمري اليـوم عنـوااان عنـوان لجروحـي ودنـيـا شقتـنـي
عمري فرااق وهم وجـرووح انسـااان عمـري سنيـن بـالأسـى عذبتـنـي
عمري ظلاام وحزن وجرووح احباب ظلمونـي ودمعتـي احرقتـنـي
عمري سجين وضحكتي خلف قضبـان مظلـووم فـي دنيـا رديـه أظلمتنـي
عمري زهر بس للأسف صار ذبلاااان وكـل البحـور بكبرهـاا ماسقتـنـي
عمري بحر وقلبي معـه دوم عطشـااان أشرب بس أكفووف الزمـن ماروتنـي
عمري تجاارب وداخلي قلـب ربحـاان ونفس القلوب السـوود هـي اخسرتنـي
يكفي شموخي وهيبتـي قـوة ايمـاااان وأمووت عااالـي ..ودنيتـي ماوطتنـي
عمري مع جرحي سوى مثل الأخـواان أعشـق جرووحـي دامهـا مانستنـي
ياللي بتسألني ترى الجـرح ماصـااان الا جروحـآ وسـط قلبـي غزتـنـي
وعيوني اللي دمعهـا فـوق الاوجـاان دمـوع مـن ظلـم الحبااايـب كوتنـي
وماصرت اميز .. بين أفـلااان وعلاان لكـن جرووحـي بالبشـر علمتـنـي
هذا العمر عمـري ومافيـه نقصـاااان ودنيتـي دمرتنـي
خلااااص مااقدر اتحمل.. والسبب كثر الأحزااان وقلـوووب ناسـآ ظالمـه ماأرحمتنـي

بس المهم الحين اني لازم ابدا افكر في حياتي الجايه صح بدون خوف من الي بيجي لازم اقوى ياما تحملتي ياجلوى الي راح وش معنى الحين مره خايفه ومره قويه يارب تعيني في بعض المواقف تكون القوه حاضره معي وبعضها يكون الخوف مسيطر علي وش اسوي انا باالاخير بنت عشت وتربيت في خوف من الي انا فيه بس اعتمادي على نفسي من يوم كنت صغيره قواني والا كان انا الحين مثل امي فاطمه ضعيفه وسلبيه بكل شي تعودت انا الي احل امور بيتنا واتحمل مسووليته من كنت صغيره كنت في داخلي انتقد امي فاطمه ليه هي كذا ليه ماتتكلم ولا تاخذ حقها ليه ماوقفت عيالها عند حدهم ولا خلتهم يتجراءون عليها احيانا احملها معهم الغلط واحيانا ارحمها مهوب كل شخص يقدر يغير شخصيته بعضهم يستسلمون ويقولون هذا الي ربي كاتبه ومنهم امي فاطمه كانت ام صالحه بالنسبه لي قدوتي في حياتي اعتبر
ها مره عن 100 رجال توفى زوجها وماتركلهم شي توظفت واعتمدت على نفسها مامدت يدها لحد مع انها مرة بظروف الله العالم فيها جمعت رواتبها واشتغلت فيها شرتلها ارض وصارت تبيع وتشتري فيها ومن بعدها ربي فتحها عليها من كنت صغيره كانت دايم تفهمني وتعلمني وتنصحني في كل شي علمتني كيف لازم اكون وكانت دايم تقولي هالمثل إن لم تكن ذئبا اكلتك الذئاب وكانت تقولي لازم تكونين ياجلوى قويه في هالدنيا مايعيش فيها الي القوي وتتصرفين مع الي يصيرلس بقوه لا تخافين ولا تضعفين ولا تنتظرين من احد انه يدافع عنس او ياخذلس حقس خذيه انت مادامس تقدرين وعزي نفسس لاتخلين احد يتفضل عليس توظفي واستثمري راتبس واغني نفسس وامس عن الغير وعاملي الناس مثل مايعاملونس بالضبط واحذريهم ولا تثقين بااحد خلي سرس بداخلس ولا جنس مخلوق يدري عنه الله من صديق هولس عدو والله من عدو بيصير لس صديق النفوس تغيرت ماعاد تدرين وش الي بداخل الناس عليس يامدحوس في وجهس وذموس من وراس وانتبهي القلب ياجلوى لا عمرس تمشين معه ابدا ابد لين مشيتي مع عاطفتس تدهورتي وتعبتي امشي مع الي يقوله لس عقلس بس حتى لو كان على حساب قلبس وش فادتنا قلوبنا يابنتي غير الحزن وضيقة الصدر ولاتخلين الحزن ابد بسيطر عليس طلعي الي في خاطرس في وقتها ولا تكتمين لا تصيرين مثل امس كتمت كتمت وتاليتها جتها الامراض من ضيقات الصدر ونفسيتها زفت محد نافعس يابنتي فهمتي
كان كلامها واضح ونصائحها محفوره في عقلي حفر كنها عارفه ان بيجي يوم واستفيد من كلامها ونصايخها لي
والله من ساعه لك يااخو ابوي القهر اني مااقدر اتصرف بالصك ابد لسببين اولا اخاف عمي يدري انه معي ويهددني يااعطيه الصك واو يسفر امي فاطمه هو كفيلها والمسوؤل عنها ومحد يقدر يقوله شي وهذا الشي الي كاسر ظهري والا ودي والله اطلع من عنده اليوم قبل بكره وارتاح انشاءالله انا كلها شهرين واتخرج وبعدها بتوظف واصرف على نفسي وعلى امي فاطمه من راتبي والسبب الثاني اني لازم اقنع احد اثق فيه يكتب البيت بااسمه ومتى ماتزوجت يرجع يكتبه بااسمي لان وقتها مايكون لعمي كلمه علي بااعتباره الحين وصي علي ومايكتبه بااسم امي فاطمه لان كذا نكون مااستفدنا شي بس مين! فهد طبعا لا لان لو يدري عمي بيزعل عليه وهنا فهد مايقدر هو قريب من عمي وهو الي ماسك شغله وبيرجعله البيت مره ثانيه ....لقيتها نواف هو الحل مايداني عمي ابد ودايم طقاق هو وياه بس وشلون اثق فيه هالسكير يـــــــــوه الله يعذب هلي مخترعه في قبره مادمر هالشباب الا هو اف مالي الا هو انا من بعد امس وانا نظرتي تغيرت بالنسبه له فيه جانب زين يكفي انه بار باامه وحاس بمعاناتها خاصة بعد مانوى يشتريلها بيت بجرب حظي وش خسرانه كذا او كذا مالي الا هو بس ياليته يجي هنا ويكون مهوب سكران عشان اقدر اتفاهم معه
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::
اروى:
من تزوج ابوي على امي وجاب زوجته للبيت رحت سكنت مع امي في بيت اهلي وابوي سعد وامي شيخه ماقصروا معنا ابد
ورجعه لبيتنا ماراح ارجع والله قهر الرجاجيل مالهم امان ياليتهم اذا يتزوجون على حريمهم يتزوجون وحده احلى منها لا يتزوجون اشين ماادري وش يملى عينهم والله مايملاها الا التراب
المهم اتفقت انا ومنال ومشاعل"خالاتي الصغار" ننزل نتقهوى في الحديقه وانا نزلت قبلهم وبطريقي شفت ابوي سعد
ابوي سعد: اروى وانا ابوك روحي جيبي نظارتي من الخيمه نسيتها فيذاك
اروى: ابشر الله يرضى عليك الحين بروح
رحت وجبتها توني بطلع من الخيمه بسكرالباب الا باب الشارع ينفتح استغربت هذا اكيد واحد من خوالي هم الي معهم مفاتيح للبيت مشيت عادي من جهة الباب
صـــــــــــــــــــــــــــــــــــــــــــــــــــار راكان
ماقدرت اتحرك من مكاني ابد كأن رجلي انشلت من الحركه ابي امشي ما قدرت
راكان بنظرات ابد مو غريبه علي : أروى !
اروى وانا مصدومه: ر ر راكان
شفت العيون الي كنت احب شوفتها شفت نظراته الي اعشقها شفتها فيه الحين سكت وانا بعد سكت بس الي تتكلم عيونا عيون من فتحت عيني على هالدنيا وانا اعشقها وهو عاشق هالعيون نزلت دموعي قدامه ماقدرت امسكها ولا ابي وقتها اني امسكها ابيها تنزل اكيد عيني مشتاقتله ثارت بداخلي لحظتها مشاعر غريبه ماادري كيف اوصفها عتب شرهه حب شوق ماادري تقدم مني ولا قدرت ابتعد ابد ابي ارجع على ورا ماساعدتني رجولي فك غترته وغطاني فيها ومسح باصابعه من فوق الغتره دموعي
وطلع
تمنيت وقتها الارض تنشق وتبلعني المفروض انا الي اروح مو هو مايجوز انه يشوفني وانا كاشفه واخيرا تحررت رجولي وخرت الغتره من راسي ووزيتها جوى بلوزتي وركضت على فوق ركضت ركض عمري ماركضته بحياتي ياليتني مانزلت ولا طلب مني ابوي سعد اجيبله نظارته من الخيمه الي برا بسم الله كل شي فيني يرتجف قلبي شوي ويطلع من مكانه بسم الله الرحمن الرحيم دخلت غرفة منال ورميت نفسي على السرير بسرعه لااراديا بكيت وبكيت والله تغيرت ياراكان تغيرت مره لا مابي اتذكر كيف شفته مابي يارب انسى يارب ياليتي لبست جلا ل ماتوقعت ان بيجي احد ياليتني ماجيت شكلي برجع بيتنا اخاف تجي عيني بعينه مره ثانيه يوووووه ليه ماقدرت امسك نفسي قدامه وش بيقول عني مالت علي وعلى طبايعي هذا الي قدرني ربي عليه!! ابلم فيه وابكي بس وش اسوي غصب عني والهذ ولا شعوريا جلست اشم الغتره واحضنها اه جعل عيني ماتبكيك
منال بسرعه: اروى اروى
ارتعت متى دخلت وحاولت اوزي الغتره: هلا وش فيك
منال: لا توزينها شفتها راكان الي جا وطلع صح؟
اروى بخوف:هااا ايه هو بس امانه منال لحد يدري تكفين!
منال تضحك: هههههه قسم بالله مت عليك ضحك انا ومشيعل ياليتك شايفه نفسك وانتي تركضين امانه ايش قلتوا علميني ايش صار
اروى وانا مالي خلق: منيل اطلعي مالي خلق احد الحين
فاطعتني منال: وتطرديني بعد ناسيه ان هذي مملكتي
اروى رحت وقفت عند الباب: منـــــيل بتطلعين والا وشلون الي فيني كافيني لا تزيدين علي
منال: تصدقين اروى ايش اتمنى
اروى: منـــــيل ترى مو قتك
منال :طيب اول قولي ايش اتمنى عشان اطلع
تاففت وقلت: خلصي وش تتمنين
منال:اممم اتمنى انا ومشيعل نمسكك ونجلدك جلد عمرك ماذقتيه بحياتك واخطب لراكان واخليهم يحطون عرسهم قدامك وانتي عاد موتي بحرتك وانقهري
الحماره انصدمت بكلامها : كل هذ تتمنينه لي يالنجسه!!
منال: ايا وايهين بعد مثل مانتي بنت اختي هو بعد ولد اخوي والله انك مو كفو له ابد !
لا وتزيد بالكلام بعد قلت وانا معصبه منها: والخلاصه وش تبين توصلينله بالضبط؟؟
ضربتني على راسي وقالت: ابي هالراس يلين ترى والله اني سامعه ان امه تدورله بنت تبي تخطبله تقول ولدي مو ملزوم ينتظرها اكثر من كذا هو سوى الي عليه وهي مارضت
حسيت ان الدنيا تدور فيني اكيد ماجلست امه تدورله الا انه راضي وموافق
منال: اروى وش فيك انقلب وجهك ؟ تبينه تحركي فيه قدامك وقت
اروى: منال اطلعي برا خلين لحالي
منال : وانتي بس هذا كلامك اذا نصحناك "وبتريقه"اطلعي برا خليني لحالي الظاهر بتموتين وانتي تقولينها والله انك تقهرين لو اني منه تزوجت وانتي بالطقاق الي يطقك ترفعين الضغط مالت عليك
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
جلوى "المغرب"
امي فاطمه وهي تقومني: جلوى قومي يمه انتي تعبانه؟
قلت وانا فيني النوم : مافيني شي ابي انـــــــــــوم سكري النور يمه تكفين
امي فاطمه: يايمه قومي كلي نوف تقوم من النوم عسان بروه انا وياها لبيت اهلها بسوف لتيفه
مامداني اسمع اسم لطيفه قمت بسرعه وعقدت حواجبي وش يوديها عندها قلت::::يمه انت وش بيوديس لها؟
امي فاطمه عصبت: اهسن قوليلي لا بعد هزا الي ناكس
جلوى: ياربيه يمه وشفيس قبيتي علي انا اسأل بس مجرد سؤال
امي فاطمه: انتي ليه تكدبين انا ارفتك زين من اقدتي هواجبك انتي ماتبقيني اروح سح والا لا
جلوى: تبين الصدق ولا ولد عمه
امي فاطمه: سفتي وتقولين لي قبيتي علي يمه
جلوى: يمه ماله داعي تروحين لها هي مهيب بزر مره كبيره وتعرف مصلحتها ليه تروحين يعني على بالس بتسمع كلامس وبترجع!كرمي نفسس عنها مهيب كفو انس نعنيين لها حتى الاعتذار مااعتذرتلس
امي فاطمه: معليس يمه هادي ام اهفادي وبينا عسرة اومر لازم اوقف معها الهين يمه هادا واجبي
جلوى بتريقه: الله والعشره تكفين انصحس لاتروحين
جلوى: الله بس يهديكي يمه المفروض انتي تقولين لي سح يمه وتروهين معي مو تقولين هادا الكلام
جلوى : اروح ! جعل رجلي الكسر اذا رحت لها هذا الي ناقص اذا رجعت ترجع واذا مارجعت بالطقاق كذا انا مرتاحه على الاقل اطلع وانزل على كيفي
امي فاطمه: مو مسكله روهي الهين كلي نوف تقوم وادا رجعت لي كلام تاني معك
جلوى:طيب بكيفس بروح اقوم نوف
رحت قومتها وقامت على طول ورحت لشذى بعد بقومها بس وانا بطريقي لها هونت مهيب كفو اني اقومها ورجعت للغرفه
جلوى: يمه بطولين
امي فاطمه: ماادري يمه تبين سي؟
جلوى:لا سلامتس بس قولي لسواق لا يسرع
راحوا امي ونوف لبيت اهل لطيفه طفشت لحالي رحت اتحممت وغيرت ونزلت تحت يمكن القى هاالمغربيه ودي اسولف معها كذا لقافه ابي اعرف كيف تعرفت على عمي وبنفس الوقت ابي ازين علاقتي معها مهوب عشانها لا بس عشان ماتتسلط علي وعلى امي فاطمه محد نافعني مهوب باقي بالبيت غيرنا هي و عمي وانا وامي نزلت وشفتها جالسه بالصاله وحاطه طويلة العمر رجل على رجل ولابسه تنوره جنز لركبه وتوب احمر كت وتشوف التلفزيون
جلوى: السلام عليكم
ثريا وهي تناضرني: اهلا
جلوى وجع ماردت السلام: انشاءالله مرتاحه هنا؟
ثريا بكل غرور:طبعا بيت زوجي والا عيندك اعتراط "اعتراض"
جلوى بعد منتيب سهله: لا بالعكس الا وين عمي ماشفته
ثريا : نور عيني راح لعملوا
جلوى
اخس اخس اجل نور عيني بعذر عمي منجن عليها بس !كنها تبي تقهرني الشينه سفهتها وجلست وانا ساكته وهي راحت لغرفتها احسن على بالها ماتبي تجلس معي من زينس ياشيخه مالت عليس ولفت نظري مجله على غلافها كان مكتوب يحيى ولميس قلت بشوف هالي منجنين عليهم الناس والله مهزله لو انه برنامج او مسلسل هادف ماتابعوه الناس هههههه ياحليلس ياصلوح اجل هذا يحيى الي انتي مزعجتني فيه يحيى سوى يحيى قال ودي بزوج مثل يحيى خخخخ والله انس مهويه من زينه كنه معلم شاورما هو وشنباته سكرت المجله احسن شي بس اروح اجهز القهوه لاامي فاطمه ولي عشان اذا رجعت اتقهوى انا وياها رحت للمطبخ وانا بطريقي شفت شذى نازله من فوق
شذى معصبه: ليه ماقومتيني ؟
قلت من غير نفس: وش قالولس منبهس انا عشان اقومس
شذى: اشوف من راحة امي ولسانك طال انتبهي لنفسك ياماما ماتعرفين انتي مع مين تتكلمين
قلت ببرود: لا ابشرس اعرف زين مين الي احكي معها احفظ الاشكال انا مانساها
شذى كنها استغربت من ردي: المهم ... التبنه طلعت من غرفتها والا لا
قلت: أي تبنه؟
شذى : مين بعد المغربيه الزفت عسى الله ياخذها ونفتك
قلت: توها داخله كانت بالصاله
شذى : ونويف وينها
جلوى امسينا وامسى الملك لله: راحت لاأمس
شذى: الحين كيف اروح لاأمي و السواق معهم .. الحيوانه ليه ماقومتني انا اوريها ان ما لعنت خيرها مااكون شذى بكلم على امي ترسلي السواق
الحمد الله حتى اسلوب بالكلام ماتعرف تتكلم اللهم لا شماته
شذى: وعلى وين رايحه شكلك للمطبخ صلحيلي شي اكله
قلت: اخدمي نفسس تتدلين طريق المطبخ روحي وصلحيلس الي تبين
شذى بعربجه: ياليل ابو لمبه جليو مال خلقك اعتبريها خدمه منك ماعندي وقت بروح اغير
جلوى بدق: بيمديك تصلحيلس الي تبين وتغيرين قبل مايجي السواق غيارس انتي بالذات ماياخذ معس وقت ثانيه ومخلصه كل شي لاوراس مكياج بتحطينه ولا اكسسوارات تلبسينها
ماردت علي تركتني وراحت للمطبخ ابرك عشان تحس سبحان الله اذا شفتها اتقزز وانقرف اتذكر كلام نوف عنها الله يهديها ويعجل بهدايتها
:::::::::::::::::::::::::::::::::::::::::::::::::::::::::::: :::::::::::::::::::::::::::::::
في بيت اهل لطيفه بالمجلس الكل موجود
ام لطيفه: تكلمي معها ياام عبدالله تعبت منها تبي الطلاق هذا كبرها وتتطلق وش بيقولون عنها الناس
امي فاطمه: يمه لتيفه مايسير تتلعين من البيت هدا بيتك وبيت اولادك يمه وسلون تتركينه لها
لطيفه منفعله: مالت عليه وعليها وعلى البيت جعله كفوها حميد والله من رداة حظها يوم خذته ماادري وش شايفه فيه
قاطعتها امها: لطيفه عيب عليتس وش هالحكي ماتبينه خلاص بس ماله داعي تحكين هالحكي كرامتن لاامه ولبناتس مهما كان هو ابوهم
لطيفه: ماتبوني احكي سكروا الموضوع ولاعاد تتكلمون معي فيه
امي فاطمه: يمه تيب ارجعي يمكن ازا رجعتي البيت يتلق زوجته
لطيفه: لا يعني لا مالي رجعه على بيته جعله يخيس فيه هو وذي الكلبه الي معه
نوف: امي صادقه ليش ترجع للبيت احسن شي تطلق ابوي اصلا يبيها تطلع من البيت حتى جلس زوجته في غرفة امي يعني افهميها
اروى: كلام نوف صح امي لازم تتطلق منه بكرامتها قبل لايطلقها هو هالمغربيه اكيد بتلعب بعقله
منال تكلم مشاعل بصوت واطي: امحق بنات بدال ما ينصحونها ترجع يأيدونها والله الي ماطلعت وخليت بيتي للغريبه
مشاعل: انكتمي مالك دخل فيهم يالغبيه احنا الي راح نستفيد نويف اكيد بتجي عندنا وناسه
منال: ههه هه ضحكتيني بترجع علشانا بترجع يالخبله علىشان حبيب القلب نصور
مشاعل: يختي تصدقين بنات اختي ماعندهم حل وسط في حياتهم ابد ياطخه والا اكسر مخه الي متمسكه بكرامتها بزياده والي مالها كرامه بزياده والي عربجيه بزياده خخخخخخخخخ
منال: ههههه حلوه بس اسكتي خلينا نسمع نقاشهم المفيد والممتع خخخخ
امي فاطمه: عيب اليكم بدل ماتقولون لاامكم ترجع البيت تقولون هزا الكلام !
نوف: وليه نقولها ترجع للبيت انا صادقه رجعتها مالها داعي ابد
امي فاطمه تتنهد: كلاص الي انتي تبقينه سويه يالتيفه انا مابكاك تتلعين من البيت بس انتي الى كيفك يمه... يالله مع السلامه تولت اليكم
ام لطيفه: توه خير ياام عبدالله تعتمي معنا" تعشي"
امي فاطمه: معليس مره ثانيه بنتي لهالها بالبيت ...نوف بتروهين معي
نوف: لا بجي فااليل مع فهد
ام لطيفه وهي توصل امي فاطمه عند الباب: ماقصرتي ياام عبدالله واعذريها
امي فاطمه وهي تتنهد: الله يهدي الجميع..... يالله مع السلامه
:::::::::::::::::::::::::::::::::::::::::::::::::::::::::::: :::::::::::::::::::::::::::::
جلوى
جهزت القهوه وجبت البساط وفرشته بالساحه برا الجو يهبل وامي فاطمه مسيكينه ماقد جلست تحت رن الجرس ورحت بفتح هاذي اكيد امي ونوف نسوا المفتاح وانا عند الباب
قلت بتأكد: ميـــــــــــــــن؟
............: افتح ام سلطان ال ......................
استغربت و تجمدت بمحلي!!!!!! وش جابها مره ثانيه هنا مابي اشوفها ياربــــــــــيه وش اسوي افتحلها لا لا منيب فاتحه بتمل من الوقفه وبتروح لا مايصير هي سمعت صوتي اكيد عرفت يووووووووه بروح لشذى اخليها تجي تفتحلها وتقولها اني منيب موجود رحت على طول جوا الفله
شذى شذى شذى
شذى وهي تاكل: خير فقعتي اذني وش تبين
قلت بترجي: شذى تكفين روحي افتحي الباب للحرمه واذا سألت عني والا عن امي فاطمه قوليلها هم طالعين موب جاين الحين تكفين روحي بسرعه
شذى:لا ياشيخه احلفي اشتغل عندك انا فاضيتلك منيب رايحه روحي انتي
جلوى: شذى طلبتك
شذى: قلتلك لا ماتفهمين
انا اوريها التبنه مردوده لس اف اف اف ياليتس يمه مارحتوا اموت واعرف وش جابها وش تبي بعد غصب يعني تشوفني بروح عند الباب بشوف يمكنها راحت ياليت... وانا عند الباب سمعت
.... ساعه مافتحوا شكلهم طالعين مافي احد خدامتهم من ردت علينا مارجعت تفتح
...... بنصبر 5 دقايق اذا مافتحوا رجعنا
..... يمه تعبت من الوقفه لو انتي مكلمتهم وعلمتيهم انك بتجين لهم احسن
.... ريما ووجع لا تزعجيني اصبري مافيك صبر
تفاجئت ريما جايه مع امي ساره! بصراحه زاد خوفي انا مابي يكون بينا أي تواصل وزيارات ابي انساهم وينسوني ابيهم ينسون شي اسمه جلوى عفتهم من خاطري وعفت أي احد من طرفهم بس بنتظر هنا لين يروحون اخاف تطلع شذى ويسألونها عني
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::::
طلال:
انا الي وصلت امي وريما لبيت عم جلوى لين الحين محد فتحلهم بس انا اشوف ظل رجول من فتحة الباب من تحت اقص يدي اذا ما كانت جلوى لو غيرها فتح الباب على طول ماراح وجاء بس سكت بشوف وش اخرتها معك يابنت عبدالله مهيب علي هالحركات بنتظر دقيقه والله لو ماتفتح انا الي بتصرف
مرت 5 دقايق جن جنوني ونزلت وظل الرجول ورا الباب ماتحرك
نزلت
طلال وانا انزل من السياره معصب: ريما بعدب عن الباب
امي ساره: طلال!وش منزلك مامليت عينك انا
طلال طنشتها وقربت من الباب وقلت بصوت عالي: افتحي الباب يابنت عبدالله احسن لك واستقبلي ضيوفك بالطيب والا والله لااكسر الباب عليك الحين تحـــــــــــــــــــــــــــركي
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::
جلوى
من سمعت صوته تصنمت بمكاني مت من الخوف كيف عرف اني موقفه عند الباب يارب انك تستر والله ان يكسر الباب علي يسويها .... افتح الباب بكرامتي احسن لي ..... فتحت الباب ووقفت خايفه وراه خفت يدخل يسويها
طلال بصوت خوفني : ادخلي يمه خليني اشوف وش اخرتها معها ادخلي ريما
امي ساره معصبه : طلال اذكر ربك وارجع للسياره وانا امك والله ماادخل الى لين تركب سيارتك
طلال : بروح اركب الحين انتي بس ادخلي ... وراح
دخلت امي ساره وريما وسكرت الباب على طول خفت انه يدخل ويسوي لي شي التفتت امي ساره بتسلم ماتعرف انه انا الي فتحتلهم ومن شافتني وهي حاضنتني بقوه وتصيح وصوت صياحها يسمعه البعيد والله رحمتها معقوله تبكي عشاني!
امي ساره وهي تبكي: ياعلني فدا هالزول وش اخبارك ياامي عساك مرتاحه
خنقتني العبره واستحيت منها وحبيت يدها وراسها : بخير الله يرضى عليس بشريني عنس انتي
امي ساره: بخير يوم شفتك وكحلت عيني فيك يابعد عمري ..ياامي هذي ريما اختك بتسلم عليك
التفت لريما وشفتها تبكي اكيد متأثره من امي ساره ومدت يدها لي مديت يدي لها كنها ماصدقت امد يدي وعلى طول حظنتني وهي تبكي مثل امي ساره
ريما متأثره: والله اشتقتلك والله اني احبك صدقيني
اثرت فيني هالكلمه أحبك هزتني من داخلي من زمان محد قالها لي انربط لساني ماعرفت ارد عليها ماعرفت وش اقول اصلا بعدت عني ريما وقالت
ريما: مااصدق انك انتي قدامي الحين تغيرتي ياجلوى تغيرتي كثير
انتبهت ان حنا الى الحين عند الباب قلطتهم جوا والله ماعرفت كيف قدرت اتكلم وانا اقلطهم لين الحين وانا متفاجئه مصدومه بس بداخلي شي فرحان موت ودي اصرخ من الفرحه عيوني بس طايره فيهم ابي استوعب ان الكلام الي قالوه صدق واني ماتخيل هم قالوا يحبوني وانهم بخير يوم شافوني
دخلنا المجلس
امي ساره وهي تجلس: ياامي تعالي جنبي وسولفي معي
رحت وانا متردده وجلست جنبها مسكت وجهي بيدينها ومسحت على راسي وحظنتي مره ثانيه هالمره انا الي شديت بيدي عليها ماودي اني اوخر عنها ابد حسيت وانا بحظنها بالامان والراحه حسيت بشي حلو ولا اراديا تنهدت بصوت مسموع
امي ساره بعيون مليانه دموع: والله مهوب بهواي اني مااجيك ولا اكلمك والله لو الود ودي ان محد رباك غيري بس الشكوى لله وانا امك
ريما حسيت انها تبي تلطف الجو: يــــــــــــــمه ومتى بتفكين جلوى انشاءالله وتخليني اتهنى فيها
امي ساره بصوت حنون: لو علي ماوخرتها من حظني ابد
ووخرت عن حظنها وهي ماسكه يدها بيدي
امي ساره بحنان: يامي عساك مرتاحه في بيت عمك
قلت وانا ارتجف: الحمد الله يمه "وبتردد" ي يمه ترى والله مـ ماكان قصدي اني مااسلم عليك امـ امس
قاطعتني وقالت: معذوره يا نظر عيني لو اني زعلانه عليك ماجيتك اليوم
حبيت يدها وقلت: انتي وشخبارس يمه ولهت عليس
امي ساره: بخير عساك بخير ما نقصني الا انتي
التفت على ريما وقلت: وش اخبارس ريما
قربت ريما مني وسحبت يدي من يد امي ساره
وقالت بصوت مخنوق: عارفه اني مقصره معك ولا اسأل عنك تكفين سامحيني ياجلوى والله ماكنت ادري انك جايه عندنا الا اذا رحتي محد يقولي " سكتت شوي وقالت" وعظم الله اجرك باابوك مادريت الا من امي ساره اليوم
قلت: اجرنا واجرك...
ريما بصوت يكسر الخاطر: طيب تكفين قولي مسامحتك وانا اوعدك اني كل يوم بزعجك بـ اتصالاتي وبتملين من شوفة وجهي بس انتي اهم شي سامحيني
قلت لها: مسموحه ياريما
امي ساره: كم باقليك يابعدي وتتخرجين
قلت لها: هانت خلاص انشاءالله هالترم اخر ترم لي
امي ساره: الله يوفقك وانا امك ويسعدك بدنياك انشاءالله الا وين امك فاطمه ماشفتها ولا مرت عمك
توهقت وش اقولها: امي فاطمه عندها موعد وبتجي الحين ومرة عمي رايحه تزور اهلها.. عن اذنك يمه بروح اجيب القهوه
امي ساره: اجلسي وانا امك ماله داعي تكلفين على نفسك
قلت: ابد الله يرضى عليس لا كلافه ولا شي
طلعت دورت شذى لقيتها راحت وجبت القهوه والتمر ورجعت
ريما بترجي: جلوى تكفين تعالي معنا اليوم ونامي عندنا بليـــــــــــز خلينا نسهر مع بعض وبكلم على غاده بنت خالتي تجي
قلت: اعذريني ريما مااقدر اترك امي فاطمه لحالها انا المسوؤله عن ادويتها مقدر اخليها
امي ساره: بارك الله فيك وانا امك ونعم التربيه والله سلمت يدين الي ربتك
ريما بااحباط: طيب تعالي بكره اتعشي معانا ايش رايك
انحرجت منها مهبوله انا اروح اذاك القصر: معليش خليها بوقتها وانشاءالله اني بجي ازوركم بوقت ثاني
امي ساره: جلوى وانا امك اذا طلبتك بترديني؟
قلت لها: ماعاش من يردس يمه انتي تامرين ماتطلبين
امي ساره برجا: بعد اسبوع بنروح نخيم اسبوع اظهري معنا كلنا بنطلع وتعرفي على خواتي وبناتهم خبرهم فيك وانتي صغيره ..ومنها تغيرين جو
مستحيـــــــل قلت: ماودي اردس يمه بس والله مالي خاطر بالطلعه غير كذا امي فاطمه مقدر اخليها يوم واحد وشلون بتركها اسبوع!
امي ساره: انتي حاولي وعلميني والله ودي انك تطلعين معي فرحيني وانا امك
ريما: الله يخليك جلوى وافقي والله راح اخليك تنبسطين وودي اجلس معك اسبوع لا تردينا الله يخليك وجدتك خلي وحده من بنات عمك تنتبه لاادويتها اسبوع وانتي تعالي
امي ساره: واذا ماتبين تجلسين اسبوع مايخالف تعالي لو 4 ايام اهم شي انك تجين.. ولا تنسين اني انا جدتك بعد ولي حق عليك وانا امك
قلت بتصريف: يكون خير يمه انا بشوف واردلك
المهم راح الوقت علينا بسرعه راح وهم يسولفون علي بكل شي خصوصا ريما الي كانت جنبي طول الوقت
امي ساره: يالله وانا امك انا نستاذن الحين تاخرنا على طلالل مسيكين لنا 3 ساعات جالسين سرقنا الوقت
دق قلبي يوم قالت اسمه قلت: يمه عوضيني بجيتس لي مره ثانيه انتي وريما وتعشوا عندنا
امي ساره: لا انتي الحين دورك عوضيني بجيتك معنا للمخيم
ريما: جلوى عطيني رقم موبايلك راح اتصل عليك اول ماارجع خخخخ تحمليني
انحرجت وقلت: ماعندي جوال دقي على تليفون البيت
حسيت انهم استغربوا ان مامعي جوال
ريما: اوكي خلاص اج اذا كان تليفون البيت بتصل عليك بكره العصر
عطيتها الرقم ووصلتهم لين عند الباب وسكرته وانا طايره من الفرحه كل شي فيني فرحان رقصت وغنيت ودرت على نفسي فيه احلى من السماح ...فيه احلى من قرب الاهل....
.... افرح معي يازمن...وغني وارقص معي.... اخيرا فرحت ...اخيرا ضحكت من قلب.... لقيت احد غير امي فاطمه يهتم فيني.. لقيت اختي لقيت جدتي لقيتهم بعد فراق ارواحنا وقلوبنا عن بعض ...اخيرا التم شملي معهم.. ويصوت عالي اخيـــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــرا
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::
بسيارة طلال:
امي ساره بعد ماركبت: السلام عليكم عسى ما طولنا عليك!
طلال على طول : سلمت عليكم والا لا؟
امي ساره:اكيد بتسلم جلوى بنتي متربيه ماتطلع منها الشينه ابد
ريما وهي فرحانه: يناس عليها عسل تجنن تاخذ العقل ارتحتلها راحه مو طبيعه ليتها هي الي عندنا ورنيو عندهم
امي ساره: ريما وش هالكلام !كلهم خواتك
ريما: عارفه ان كلهم اخواتي بس جوجو حبيبة قلبي غير ياي صراحه يمه شفتي وشلون تغيرت مره مره تغيرت صارت تجنن وناسه وناسه ونـــــــــــــــــــــــــــــــــاسه ماراح انوم اليوم من الفرحه اذا جا بعد بكره جيت انا وغاده نزورها تخيل طلال
قاطعها طلال : وش رايك ياريما تسكتين!
امي ساره: وش فيك وانا امك تسكت البنت يابعد قليبي فرحانه بشوفة اختها
طلال بإنفعال: تفرح وتتكلم بالبيت مهوب هنا قفلوا على هالموضوع راسي مصدع
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::
ريما
وصلنا ورحت لجناحي على طول فرحانه ياعالم فرحـــــــــــــــــــــــــــــــــــــــــــــــــــــــــ ــــانه و مااقدر اوصفلكم شعوري لما شفتها حسيت اني انانيه مافي بقلبي رحمه ليه تركتها طول ه الثلاث سنين من غير مااشوفها ليه ماسالت عنها رغم اني عارفه ظروفها لما شفتها حسيت براحه غريبه انسجمت معها بسرعه حبيتها من كل قلبي كان ودي اني ماافارقها ابد ودي اشكيلها واحكيلها عن كل شي بحياتي لاني حسيت ان هي الوحيده الي بتفهمني لااني حسيت لاول مره بمعنى اخت اختي جلوى عجبتني قوتها صح انها بكت بس مسكت نفسها ماناقشتنا بالماضي ماشرهت علي ماعاتبتني كان ودي انها تعاتبني وتقولي ليه قطعتيني بس ماقالت اكتفت بانها تسامحني على طول بردة فعلها هاذي احرجتني حيل بطيبتها يمكن لو انا مكانها صرخت وعصبت ليه توهم يذكروني وتخيلت ان كذا بتكون ردة فعلها بس الي صار العكس وهالشي ادهشني انا من الناس الي افهم الشخص الي قبالي على طول افهم نضراته ايش تعني يمكن لااني اقرأ كثير في كتب علم النفس حسي بنظراتها حزن وهم مكبوت عيونها تحزن نضراتها نفس الشي تحزن كأنها مهمومه او حزينه الله يهديك يايمه ليه سويتي فيها كذا ليه تركتيها لغيرك
وطلال استغربت منه اليوم كيف عرف انها موقفه عند الباب وليه سكتني وماحب انا نتكلم بالموضوع قدامه غريبه صراحه
ترن ترن ترن
رديت بفرحه: غدو فاتك جلوى عسل عسل عسل ياليتك جيتي معنا
مها بزعل: كله منك ليه ماقلتيلي ماراح اقول لااحد حتى انا مشتاقه لها ايش معنى امي ساره تاخذك انتي وانا لا
ريما:ههههههه ولا يهمك بعد بكره بروح لها انا وياك قلتلها عنك
مها : احلفي.. وناسه احكيلي عنها والا اقولك تعالي نامي عندي بليز ونحكي براحتنا ونروح سوا بكره للجامعه
قلت : وفصيل فيه والا لا؟
مها: فيه بس انتي ماعليك منه راح نجلس بغرفتنا
قلت: لا عادي ماهمني خلاص راح اجي بس خلي عشانا مع خالتي سلوى من زمان ماجلست معاها اوكيك
غاده: اوكيك يا حلوه بس لاتتاخرين ياويلك
قلت: دقايق بس وانا عندك
صراحه اتقصدت اني اتعشى مع خالتي هالمره لااني ابغى اشوف فيصل ابي اقهره ابي احسسه انه ماهمني واني مااخاف منه انا بطبيعتي ماتغطى واكشف واطلع عند اولاد خالتي بلبسي عادي
تعمدت اني البس جينز سكني ولبست معاه توب فوشي ماسك وعملت شعري ليس ولبست صندل فلات وكحل وبلاشر وقلوس المهم طلع شكلي حلو وناعم ورحت لهم
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::::
في فلة الخاله سلوى

غاده: بدري كان تأخرتي بعد
ريما: طيب خليني ادخل اول والا بتجلسيني بالشارع
غاده معصبه: لاانك تقهرين الدقايق صارت ساعه
ريما وهي تبوس غاده على خدها: حقك علي يالحلوه بس انا عارفه ليه معصبه عشاني رحت بدونك لجلوى اعترفي صح؟
غاده: ايه احنا مشاويرنا سوى ليه تروحين عني وانتي عارغه ان ودي اروح! بس سامحتك لانك بتنامين عندي
ريما وهي تتدخل جوا:هههههههه اهم شي جهزتي مئونة السهره
عاده: افا عليك اعجبك انا
ريما: غدو اخوانك فيه
غاده مستغربه: غريبه ايش فيك اليوم تسألين عنهم مو بالعاده خالد طالع وفيصل جو جالس مع امي
ريما : اوكيه خلينا نروح لخالتي بسلم عليها اشتقتلها
غاده تنادي: زمزم زمزم تعالي خذي عباية ريما بسرعه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
ريما
وصلت لفلة غاده ودخلنا نسلم على خالتي
قلت بدلع متعمده وانا اسلم على خالتي: اهلين خالتي كيفك واحشتنيــــــــــــــــــــــــــــــــــــي
خالتي سلوى: وانت بعد اكثر ياريومه كيفك وكيف رنو
قلت: كويسين ماعلينا
والتفت لفيصل وقلت بسخريه: اوه سوري فيصل ماشفتك اهلين
فيصل حسيته منقهر رد علي بدون نفس: هلا
خالتي سلوى: ريومه وش هالحلاوه حليانه مره
رديت بدلع: تسلمين خالتو عيونك الحلوه
غاده: ريومه اتجهزتي للمخيم
قلت: اكيد من اول ماعرفت وانا متجهزه وقلت متعمده اني اقهر فصيل: خالتي ماتعرفين اذا تركي ولد خالي راح يروح معانا ياريت يروح
خالتي سلوى: لا مااظن ريومه وش رايك تروحين معنا لدبي
قلت: بتروحين دبي ماراح تخيمين معنا!
خالتي : الا المخيم بعد اسبوع وانا قررت اروح دبي بعد بكره
قلت: لا غاده بتروحين
غاده: لا راح اجي انام عندكم جهزيلي مكان
خالتي: كيفكم انتو الخسرانين بروح انا ولمى و هند اختي
قلت مستغربه: ماما بتروح ما قالتلي!
خالتي: توها مقرره الحين من شوي سكرت التليفون منها
حلو فرصه نروح ونجي لجلوى على راحتنا: اوكيه تروحون وترجعون بالسلامه
غاده: ريوم شفتي سنوات الضياع اليوم
قلت متعمده: ايه شفتها ياي ياغدو يحيى يذبح يخقق ياليتني اتزوج توركي راح اعيش متهنيه طول عمري
فيصل بانفعال شوي: الحمد الله العقل نعمه كلامك اذا دل على شي يدل على سخافتك وسطحية تفكيرك
قلت بنعومه وبدلع: اوكيه مو مشكله انا سخيفه وتفكيري سطحي ليه تنفعل فيصل انا قلت الي احس فيه وين الغلط
فيصل بنظرات تخوف: اقول نقطيني بسكاتك
قلت ببرود: تامر امر يافيصل انت اخوي ومايهون علي مااسمع كلامك
غاده تغير الموضوع وتكلمني بصوت واطي: رييم ايش صار على الي خبري خبرك" تقصد جلوى"
قلت بصوت عالي شوي عشان يسمعني فيصل: ههههه يجنن يجنن وعسل ارتحت وانا اتكلم معه وش اقول وش اخلي يبغالها جلسه اقولها لك بعدين
رفعت عيني بشوف فيصل شفته يناظرني بااستحقار من فوق لتحت شكله سمع الي قلته ابتسمتله ورديتله نفس النظره


ناويلك على نية
بس إنت اصبر إشوية
إذا ما علقك فيني
وهواك يصير بيدية
والله لشغل أفكارك
وأشعل بالهوى نارك
وأسكن قلبي بدارك
وأعلمك الرومنسه
ودي أسمع أنا أحبك
بصدق يقولها قلبك
وأشوف الشوق يلعب بك
بالروحة وبالجية

يسلم على الجزء اف وخيرا
الله يقوم الولد لج بالف سلامه وتفرحين فيه يااارب

الجزء اليوم رغم ان قصر الى ان فيه من الامور الكثيره

تصدقين ريما على كثر محسنها بس الامور السياء فيه اكثر يالله هالبنت عقلها صغير ولا احد راح يعرفها كيف تكون ذكيها وتحترم نفسه ودينه وتبديهم على المحاسد مع فيصل غير جلوي
خطوه حلوه تعرف جلوي على اختها ورجوعها لي حظن جدتها
ياربي وش ذا التخلف بنت لطيفه ابغي اربيهم من جد وجديد يرفعون اضغط والله وش ذا الغباء يبغون امهم تطلق والله اعقولهم صغيره
اروى تدرين والله جد تستاهل يتركها لان بي كل بساطه((من تغلى تخلى ))خل تغليها ينفعها

طلال عين السيح لي زارا عجبني موقف مع جلوي خخخخخ مايبي يسمع عنها لان يتقطع يبغيها مافي غيره راح ياخذه

وننتظر باااقي الاجزء بي فارغ الصبر والله يفرج كربج يااارب وتقرين عينج بي خروج ابوج من المستشفى بسلامه
مذهلة

اول شي
معذورة يا قلبي
وان شاء الله يقوم ابوج بالسلامه
ثاني شي
البارت حلو وتسلم ايدج عليه حتى لو كان قصير:)

جلوى
قويه من برا ضعيفه من داخـل...بس هذا الي لازم تسويه ولا بياكلون حقهـا واهي ما تقدر تقولهم شي نفس امهـا فاطمـه...عجبتني ام صالحـه لما قالتلها
نواف عاد ماا لقيتي غيره!!
ترا ممكن يكون زين ويساعدهـا ضد ابوه بس مادري يظل فهد أأمن منه

ريما
تقهر وتكسر الخاطـرواحبهـا شلون صارت مادري هع
تقهر بتصرافتهـا مع فيصل اوك انتقمي منه بس مو جذي
تكسر الخاطر ان مافي احد يقولها غلط الي تسوينه صج كبيره وعندها عقل بس بعد تحتاج احد يقولها وانا حاسة عن هالاحد اهو جلوى
اكثر شي عجبني فيها انها ما احتقرت جلوى وعاملتها زين

طلال
سخــــــــــــــيف
محد قاهرني كثركـ

فيصــل
احس الدخان بيطلع من راسه وشوي ويشب حريجه لما سمع كلام ريما
والله يستر شرح يسوي

آخر شي
اخذي راحتج ولا تظغطين على روحج
متى ما قدرتي تنزلين نزلي
تقبلي مروري