السلااااااام علـــيــــــــــكم..

مرحباا اختي .. صرااحه الجزء هذاا رووعه.. احس بدأ الحين الاكشن عدل.. هع هع هع..

حبيت فيه الجده فاطمه.. والله تهبل واحسهاا حنوونه مرره... بس للحين منكسره وكسرهاا قووي بعد وكله بسبب عيالها..

المهم نجي لاهم الشخصياات اللي موجوده هناا اليووم..

ارووى .. تبين الصرااحه كل كلام نووف عنهاا صح.. بس قااعده تصيحين وتبكين على الاطلاال تحبينه رووحي له ..والا خلااص انطمي وسكري هالسيره وعيشي حيااتس من جديد.. بس هالصيااح والونونه والتشكي اللي يبط الكبد.فكيناا منه.. مرره ضعيفه وتزهقين هذا وانتي الكبيره بس تبين اللي يساااعدتس ويسمع كلاامتس و يدوور حل لحيااتس اللي اصلااا تعل من الاول بعيشتس مع زووج اتهمتس بعلووم رديه وانتي تسووين نفستس عندتس كرامه ومب راده له.. خلاااص اذا تبين كراامتس انسي راكان .. او انتس بطلي هالسوااد اللي انتي عااايشه فيه.. مااايقهرني كثر الحرمه اللي تقعد تصيح على شي بامكاانها انها تقوول له ايــــــــــــه.. وتسووي نفسها عندهااا قووة شخصيه وكراامه وتقوول عكس اللي هي تبي.. خلااااص اروى صحصحي شووي ويااليت تبدين من بيتكم وانتس تتعاونين مع جلووى بالمطبخ..

نووف : والله تعجبني قووتها.. والا قصيدتهاا ورسالتها لولد خالها.. ههههههههههههههههههههه

كلاامها يجنن .. بس ماازلت اقوول ان هالشي اللي تسوويه غلط.. ومااراح يجيب الرجال لهاا الا احترامها لنفسها واحترامها لاهلها.. حبيت مره تصرفهاا بانها بتااخذ من خوالها اجاازه مفتووحه.. هخهخهخه.. اعجبتني الكلمه جداا.. واحلى شي في نووف على الرغم من عيوبها الا انها صريحه وشخصيتها قوويه.. حرمه عن 100 رجال .. هذي هي بتجلس عشاان تااخذ دووور اخوانها بالدفاع عن شرف بنت عمهم بس المشكله هناا ان هالشرف مهدد من قبل ولد العم نفسه.. وودي اعرف وش انتي مااسكه ياانوف على الحيوان اخوتس .. يخااف منتس ومااايبي جلوى تقوولتس عن اللي صااير لها؟؟؟ ليش ؟ وش انتي مااسكه عليه.. يعني هاللي مااخاف ربه مستحيييييل انه يخااف منتس الا بسبب ..!!! بس وش هالسبب؟؟ ياليت نعرفه..؟؟ المهم ياا نوف انتبهي لجلووى واحفظيهاا وخليها بين عيوونتس.. لاا يجي الكلب المسعوور ويهجم عليهاا الله يااخذ عمره..

ريــــمــــا : ياااسلام على القوويه.. حلوو انتس الحين سوويتي لتس عدوو .. هخهخهخه.. بس عااد احلى شي وانتي واااثقه انتس تقدرين تتحكمين بمشااعرتس .. وخصووصاا وانتي نااويه تلعبين بفيصل.. هع هع هع.. الله يعينك ياافصووول بيجيك اللي توريك الشغل ياا الدلووع. هخهخهخه..
ايه ريماا حبيت مرره الشووق اللي تحسين فيه عشاان تشووفين اختس. وحااسه انها اذا جت تعيش عندكم بتككونين حليف قووي لها..

خالد : انت وش قصتك؟؟ ليش تكره جلووى؟؟ يعني انا وااثقه ان البنت مستحيييل تكوون مسوويه لك شي..؟؟ مهماا كان البنت مو قدك ولااهي بنفس عمرك.. يعني انت تكرها لسبب قووي وشوووو؟؟؟؟
تدري يااخلوود انا اتووقع انك حبيتها وانك تسووي كذا وتتكلم عليهاا بالشكل هذاا عشاان تقنع نفسك انك مااتحبها ولاا تحمل لها اي مشااعر.. وتبي تخلي هالشعوور يتغير من حب لكره .. بس الحااصل انك يمكن تحبها.. ويمكن انك تكرهاا لسبب وهو انك عاااااارف ان فيه احد اقووى منك يحبها.. هع هع هع..
مدري ليش متوقعه انك يااخالد بتكون من نصيب صالحه صديقة جلووي....؟؟؟؟؟؟؟؟ خلوود بطل حركات بزراان وخلك رجال ابوو 28 . وخليك محترم.. على فكره امك تجيب الهم.. الله يدبل كبدها تزهق مرره..

فــهــد : والله انك عجبتني وانت تستنى اللوح الخااايس وقمت صطرته.. بس اللي ماا اعجبني تفكيرك انك تتزوج جلووى.. مع اني مااا اقدر الا اني احيي فيك رووح النخووه اللي حسيت فيها تجاه بنت عمك .. بس سؤاال يااا فهد.. هل لو انت مااشفتها وماا اعجبت بشكلهاا بيكوون تصرفك هوو نفسه هذاا؟؟ يعني بتفكر انك تزوجها حتى لو ماشفتها ؟؟؟ بس ان شااء الله ماتزوجها.. لان جلووى من نصيب طلوولي.. لاا تقربها هع..

نواف.. الحمد الله والشكر.. الله يهديك ياارب والا الله ياخذك بتريلا على قوولة نوف..

لطيفه..امممممم. اليووم تعاطفت معتس وبينتي انتس مااكرهتي ام زوجتس الا بسبب ولدها الثوور.. وبسبب تعامل اهلتس معها وتفرقت امتس الواضحه بين امهات رجاجيل خواتس وام زووجتس.. بس ياالطيفه. هذاا ماايمنع ان هالتصرف غلط وانتس غلطاانه من راااستس لكريااستس.. المفروض كنتي تمنعين زوجتس عن هالتصرف و تحااولين انتس تخلينه يصحى من هالغفله اللي هو فيها وتبينين له انه المفروض ماايسووي كذاا خووف من عقووبة الله له.. وان عقوق الوالدين من الذنوب اللي يعاقب الله عليها بالدنيا.. يعني من هالكلام .. وتزنين داايم على رااسه.. والله ان اللي انتم فيه من تجااهل عياالكم مااهو الا بسبب شووفتهم لعدم بر ابووهم بامه .. وغير كذاا هالعقووق الفااضح اللي مسوويه لها..
بس والله اتمنى انتس تصحين من هالغفله اللي انتي فيها وتتركين هالكبر والغرور على جلوى وجدتها وتفتحين معهم صفحه جديده.. ويمكن يكوون منعتس لزوجتس من انه يخلي امه بدار العجزه اووول خطووه تخطينها لبر عياالتس فيتس انتي شخصياا..

هند : رووحي يااشيخه الله ينتقم منتس.. قال ايش واثقين ببناتنا ومايحتااج نرااقبهم.؟؟ظ اصلاا مااينترااقب الا بنااتكم واتشكاالهن.. الله يستر علينا ياارب.. والله ان بنتس بتجيب لتس دااهيه وتخلي رااستس بالارض.. هالبنات اللي مدلعتهن وخصووصا الحماره المغرورهخ اللي نسيت اسمها هي اللي بتووديكم بدااهيه.. وانتي هذيك السااعه بتعرفين وش الفرق بين تربية الهنديه وتربيتس ياابنت الاصول..

الجد ابو عبدالعزيز : صح النوووووووم يااعم.. تووك تحرك عقب ماا مرمرتوا البنت بعيشتها.. بس جلووى ماراح تترك جدتها وبترفض انها تجي عنكم. الا عاااااااااااااااااد اذاا بااعهاا عمهاا لكم.. اوو بالاصح لطلااااااااااااااااااااااااااااال.. اتوقع انه جيتها لبيتك بيكووون فيهاا صعوبه كبيره.. وجلووى ماراح تخلي جدتها فاطمه.. وانت اكييد ماتبي الجده عندك.. هناا وش اللي ممكن تسوويه؟؟؟؟؟؟؟؟
اتووقع هناا بيتدخل طلااال ..

طلاااال :ويمكن هالتدخل يغير من احداااث القصه.. هع هع هع.. ايـــــــــــــــــــــه هذاا طلولي والاجر على الله.. هع.. والله ياا طلوولي عجبتني وانت تهااوش جلووى بالشارع وتقوولها تدخل وماا تطوول الوقفه فيه.. هع هع هع.. بس يمكن ترجع لبيت عم جلووى بعد اللي سووته مع جدتك وتطلعها غصب منه.. ؟؟؟؟؟؟؟؟؟ والله مدري..؟؟ المهم انت تحب جلوى وبتسووي شي عشاان تفرض سيطرتك عليها وهالسيطره ماارااح تكوون الا بزوااجك منها وهالزوااج رااح يرحب فيه العم اللي هو وكيلها بحااله وحده بس ...؟ وهي انك تغرقه بالفلووس وانت بتسوووي كذاا عشاان تستاانس جدتك بجلووي .. وعشاان تستااانس انت بعد. بس عااد انت شووي بتكاابر من هالنااحيه. بس اخرتك الا تعترف لناا بهالحب.. هع هع هع. >> والله اني فله وقصتي هذي حلووة.. سكاااي ستاار. ترااني اسمح لتس انتس تقتبسين من افكااري النيره لهالقصه.. والله اني اسمح لتس انتس تستوولين على هالافكاار كلها بعد.. بس خليناا نستااانس.. هخهخهخه

جلووووووى : والله انتي اليووم عجبتني من جهة مرة عمتس واهتماامتس فيها ومسااعدتس لها.. وقهرتيني من نااحيه جدتس وتسفيهتس لها ولجيتهاا لتس وعشاانتس.. ليش سووويتي كذاا وهي حرمه كبيره وانتي عاارفه نووع الحيااة اللي هم عاايشينها وغير كذا كيف مااخطر على باالتس انها يمكن تكون ممنوعه عن شووفتس او زياارتس..؟؟؟؟؟ وخصووصا انتس تعتبرينها حبووبه؟؟ بس عااد انتي لما رفضتي تسلمين عليهاا.. لعبتي ببرميل متفجراات اسمه طلاال.. هع هع هع.. الله يعينتس على اللي بيجيتس ياا جلووى..
ايــه صدق جلووى.. تجنن لهجتس ابداا لاا تغيرينها وخليتس فخووره فيهاا . مهووب بكره ماا ادري الا انتي تكااكين مثل ربعتس اللي هنااا؟؟؟؟؟؟؟ خليتس على الـ(تس) وكوني كلتس فخر فيهاا.. هخهخهخه .. والله ماافيه زي نجد ولهجتهاا.. هع هع هع..


مشكووره سكااي ونستنى الجزء الجااي بكل شوووق... على فكره للحين مااعرفت وش قصة اسم جلووى.. ؟؟ ووش معنااه؟؟؟
وكــــ عاام وانتي بخير ــــــل

ســـــلآم

ســـــــــــــــــــلآم


ســـــــــــــــــــــــــــــــــلآم



مشكوووره يا إبدآآآآع << لقبج الجديد هع

قصه روووعه وحبكه اروووع

تسلم هالانامل ويسلم هالموووخ



احم احم << بداية الحليل << الله يستر


ببدي بصآلحه .. ان شاءالله يااارب تاخذ خالد وتجننه وتطلع الشيب في راسه لين يقوم يمه ماعرفج هع

نوف .. خخخخخخخخخخخخخ قصم انها جوناااان وتووحفه بس يبيلها عقب رزة الفيس هذي تعطيه تطنيييش عشان يحس بقيمة ازعاجه ويفقده ويشتاق له


ريمااا .. ياااااا لبى والله صمااصيم قلبهااا .. اشهد انها يبيلها مطخه على خشمها .. انا لوموكان غاده كان نزلت من السياره عشان ارزف وارجع اصعد .. اجل رناا يافصييييل .. مووولت عليك


فيصل .. بيحب ساره بس عقب معااارك طااحنه هع

نواف .. يارب تجيه بنت الحلال اللي تطخخه .. واتوقع انه قد حاول يعتدي على اخته بس هي كانت قويه ووقفته عند حده عشان جذي يخاف منها << بتنطق على هالتحليل الخورااافي خخخخخخخخخخ

ساره بتاااخذ تركي واتوقع انها بترجع تكلمه بالجوال وبترتاح له من غير ماتعرف انه هو نفسه ولد خالها

هند اكررررههاااااااااا

الجد عبدالعزيز اكررررهه بس يمكن يحن عليها بعد مايعرفها ويذوق وصلها

الجده رحمتهااا وكان ودي اصفق جلوى كف عشان تصحى وترد لجلوى الطيبه الحنون .. بس خساره ميب عندي خخخخخخ


الجده فاااطمه بتبقى عند لطيفه وطبها لطيفه بتصير حليوه معاها مثل اول لانها بعد مرضها ومساعدتهم لها اكيد عرفت غلطتها معاهم


جلوووى .. تكفيييييييييييين عاندي طلال وارفعي ضغطه نبي اكشناااات

طلاااالووه .. يالبى قلب اللي يغارون هع هع هع .. تيب خلاص مره ثانيه لاعاندتك جليو ووقفت بالشارع امعط شعرها

<< مجرمه هالبنت خخخخخخخخ



بغيت استفسر متى موعد البارتات ؟؟ يعني لها أوقات معينه والا شلون ؟؟

يسلمووووو

في شقة مشاري
تركي:ابو الشباب مبسوط اليوم وش عندك
مشاري ::هههههه مبسوط الا طاير من الفرحه فرجت واخيرا
تركي:وش عندك ما تفرح هاالفرح الا اذا كنت متعرف على بنت جديده والا انا غلطان
مشاري:لا ياحلو واخيرا هالخبله بتجي هنا
تركي مستغرب:أي خبله؟
مشاري :من بعد ساره الي كلمتها انا وياك الي قلتلها الله يهديك هههههههههههههههههههههههههههههههههه
تركي:حرام عليك يااخي الي تسويه في بنات الناس والله لو يدرون اهلها عنك ان يذبحونك
مشاري:أي اهل الله يعافيك هذا اذا دروا عنها اصلا ! بعدين محد جبرها انها تطلع معي
تركي: وانت تكلمها ولا تدري هي بنت مين؟
مشاري:ولا ابي اعرف بناسبهم انا ! اهم شي الي ابيه يصير
تركي:الا بسألك انت كيف عرفت هالبنت؟
مشاري: متعرف عليها من 7 شهور في جده شفتها في درة العروس وعطيتها رقمي بعدها هي الي دقت علي
تركي:هالوقت يخوف الله يستر على بناتنا بس صاروا هم الي يدورون الشباب موب العكس. ويهديك انت بعد
مشاري:هاااه بدينا بالنكد ترى مالي خلق نصائحك لو هم متربيات وبنات ناس ماسوو الي يسونه هم الي جابوه لانفسهم وبعدين محد ضربهم على يدهم و قالهم يصدقوني ويجون برضاهم لشقتي
تركي:المهم ماعلي منك انت وياهم تعال نلعب بلوت لاني بطلع بعد صلاة العشاء
مشاري:افا ليه الحين ناوي اطبخ الكبسه الي يحبها قلبك للعشاء وتقول بتطلع والله ماتطلع يارجال
تركي: لا تحلف وش اسوي جدي عبدالعزيز عنده عزيمة رجاجيل وملزم هو وابوي اني اجي بروح لهم من زمان ماشفته تلقاه الحين متشره علي واذا طلعت من عندهم جيت سهرت عندك خل الكبسه بكره
مشاري:الا وش اخبار خالد ولد عمتك من جينا من بيروت ماشفته
تركي:طيب ما عليه مع اني والله من زمان عنه
مشاري:اكيد بتشوفه اليوم قله يجي يسهر معنا والله له فقده
ترن ترن ترن
تركي يرد على جواله
تركي بابتسامه:الطيب عند ذكره يالقاطع تونا نتكلم فيك انا ومشاري
خالد: هلا والله افتح على السبيكر خلني اكلمه
هلاااااااااااااا يالقاطع وينك انت الي ماتنشاف والا طايح على مزز ولا تبي تعلمنا
مشاري:ههههههههه هلا فيك والله اسمع السهره اليوم عندي تعال مع تركي اذا طلعتوا من عند الوالد ابو سلطان ولا تتعذر
خالد: تم ولا يهمك
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::
جلوى
امي فاطمه:اتيني الدهون انا بدهن نفسي
جلوى بعناد:لا والله انا الي بدهنها لك
امي فاطمه وهي تبعد يدي عنها: وكري عني واتيني الدهون
جلوى بزعل: يمه انتي ليه كذا يااسوي الي تبغين والا بتزعلين كل هذا عشان ماجلست مع امي ساره تزعلين مني عشانهم ! ماعمري رديت لك طلب حتى لو على حساب نفسي اقولك انشاءالله وانا مغمضه لين متى تبيني اصير كذا حلال عليهم الي يسونه فيني وانا حرام علي الي اسويه فيهم خليهم يحسون بالي انا احس فيه لين متى تبيني ساكته مااتكلم
امي فاطمه بحنان:انا ماقلت اسكتي يمه بس انتي وهيده مااندك اهد لا ابو ولا اكو تعتمدين اليه يمه لازم تسايرينهم مالك كيرهم يمه بعدين امك ساره هنونه وتيبه انا اارفها زين يمه والي انتي سويتيه قلط يمه هدي اومك يمه هرام مايجوز
قاطعتنا نوف
نوف:اس اس السلام عليكم
انا+امي فاطمه:وعليكم السلام
نوف بتعب"جوجو اطمري دهنيلي رجولي تعــــــــــــــــــــــــــــــــــــــــــــــــــــــــــ ــــــــــــــــــــبت
جلوى:ههههههه بسم الله عليك قايلتلك انا الي بنظف المطبخ متعوده عليه وانتي الي عيتي
نوف:اف والله تعب على بالي الشغله سهله
جلوى:مامريتي خالتي على طريقس تعسينها اذا محتاجه شي
نوف:الا بس لقيتها نايمه توها ما قامت
نوف:جوجو
جلوى:نعم
نوف:جوجو
جلوى:نعمين
نوف:جوجو
جلوى بضحك:يا وات
نوف:هههه حلوه ياوات تغير تصدقين ,,,,,المهم يا حلوه بكرا بروح معك للجامعه مو تنسوني انتي وشذى انا بروح انوم الحين
جلوى:توه خير الساعه 8
نوف: وش اسوي دايخه مره بعدين وراي قومه بدري
جلوى: أروى ماقامت ؟
نوف:لا سهرانه امس مانامت الا الصبح يالله تصبحون على خير
جلوى+امي فاطمه:وانتي من اهله
امي فاطمه:الله يهديها نوف امها تابانه وتنوم لازم تجلس اندها
جلوى:يمه انتي مالك دخل فيهم هم وامهم يتفاهمون خلينا بعيدين عنهم احسن
امي فاطمه:الله يهديهم كلهم شزى وين ماشفتها اليوم ابد
جلوى:نايمه عند صديقتها من امس
امي فاطمه بجديه: جلوى انتي لازم تسلهين قلطك يمه روهي عند اومك ساره واعتذري منها يمه لازم تروهين
جلوى: يكون خير بفكر
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::
في قصر الجد ابو سلطان
سلوى:يمه وشفيك شكلك متضايقه
امي ساره :مافيني الا العافيه
هند:يمه لا فيك شي من رجعتي انتي وطلال وانتي متغيره
امي ساره:قلتلكم مافيني الا العافيه الا ياسلوى ما جاوا عيالك
سلوى:الا جو فيصل وخالد عند ابوي عند الرجاجيل وغاده فوق عند ريما وساره ما جت بطنها يعورها
امي ساره: غريبه ماجت منيره ولا بناتها ماجاء الا تركي وابوه بس
هند: تلقينها مشغوله مع اهلها توهم جاين من باريس
امي ساره: هند زهمتي على جواهر تطمنين على روان والا نسيتيها بعد
هند : الا اتصلت وتطمنت عليه طيبه وماعليها
امي ساره منفعله: مااقول الله يعديك عقوبتك في بناتك جلوى ماتدرين عنها وروان تعطينها عمتها والله انك منتيب كفو تكونين ام غيرك يتمناهم وانتي راميتهم على غيرك
هند معصبه: وش فيها روان بعد ! هذا جزاي انتي عارفه ان عمتها جواهر عقيم وهي طلبتها تبيها وتبي تربيها وانا وابوها الله يرحمه وافقنا والحمدالله روان دائم تجي عندي وعمتها مدلعتها ولا قصرت عنها بشي
امي ساره بحزن: مااقول الا الله يهديك بيجي يوم وتندمين على الي سويتيه
سلوى تغير الموضوع:والله ودي اروح لدبي خلونا نروح مع بعض اسبوع ونرجع
هند:ياليته والله نغير جو بس المشكله ماعندي اجازه
سلوى: دبري لنفسك اجازه والا خلي ابوي يدبرها لك نروح قبل الاجازه احسن فالصيف زحمه مره
امي ساره معصبه:وانتم ماتتعبون اركدوا شوي في كل اجازه مسافرين حج والعيد والصيف حتى بالدراسه تبونا نسافر! بيضركم لو جلستوا لين الصيف وتسافرون مره وحده
سلوى:الله منعم علينا وشوله نجلس بعدين احسن نسافر ونغير جو وترتاح اعصابنا كلها اسبوع بس
هند:صادقه والله بشوف واردلك خبر
سلوى:كيفكم انا عن نفسي بروح انا وفيصل ولمى وغاده وخالد وساره عيوا يروحون بيجلسون في البيت
امي ساره:بدال هاالهجهجه الي مالها داعي اجلسي في بيتك عند عيالك وانتبهي لهم احسن لك ولهم والسفر لاحقتن عليه
هند: اجل وش رايكم اجل نخيم احنا وخالاتي اسبوع ابوي بينبسط وبخيم معنا ونجتمع كلنا ونغير جو في اجازة الربيع مابقى عليها الا اسبوع بس وش رايكم
سلوى:لااااا نسافر الحين واذا جت اجازة الربيع نخيم وش ورانا
امي ساره وهي قائمه بتطلع : لا حول ولا قوة الا بالله العلي العظيم بكيفكم انتم الي دبروا وعبروا انا مالي دخل بشي ولانيب رايحه معكم لدبي بس يكون بعلمكم وعلمن ياصلكم و يتعداكم اذا خيمنا اول وحده معنا هي جلوى
هند: امي من جدها تتكلم وش الي اول وحده هي جلوى الا بالقوه بتنشبها فينا
سلوى: يابنت الحلال خليها اصلا ابوي مهوب موافق
هند: الله يهديها امي هالايام صارت تنفعل على أي شي احجزولي معكم لدبي وبشوف مين بيروح من البنات واعلمك مالي خلق لنقنقة امي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في جناح ريما:
غاده بترجي:ياللللله عليك بيضرك اذا صلحتي لي العصير
ريما:لا مو ضارني بس مالي خلق انزل للمطبخ الحين الطباخ تلقينه حايس المطبخ لانه هو الي بيطبخ عشاء الرجاجيل
غاده:ايش دخلك فيه كل الي بتصلحينه عصير ليمون جيبي الاغراض وصلحيه بالاوفيس
ريما:تدرين انك نشبه بنزل الحين
غاده: كثري الثلج تكفين
ريما:اوامر ثانيه
غاده:لا شكرا ههههههههه
ريما
نزلت للمطبخ في الساحه الخارجيه يووووه ماقدرت ادخل المطبخ حوسه مره والقهوجيه رايحين جايين احب جو العزايم هههههه قلت للطباخ وانا موقفه عند الباب المطبخ يعطيني الليمون والثلج والسكر والنعناع والخلاط اخذتها وانا بطلع شفت فيصل وتركي ولد خالي جايين
ريما :هلا تركي كيفك
تركي:هلا والله وش اخبارك عساك بخير
ريما:الحمد الله كويسه
تركي بابتسامه:ماشاءالله طابخه معهم اليوم
ريما بنعومه:هههههه لا بس غاده بنت خالتي سلوى تبغى عصير ليمون وبصلحها لها
"وفيصل موقف ما عطيته وجه ولا حتى سلمت عليه بس بيني وبينكم خفت منه لا يردلي الكف خخخخخ والله نضراته لي تخوف شوي وتطلع عينه من مكانها "
تركي:زين اجل كنك داريه ان ودي بعصير ليمون اذا صلحتيه ذوقيني منه لا تنسين
ريما بابتسامه حلوه:ابشر ما طلبت
تركي:يالله اجل مع السلامه كنت جاي ابي القهوجيه يجيبون الشاهي ونسيت بروح اقولهم الحين مشينا فيصل
فيصل:يالله جاي وراك انت رح
"يمه النحـــــــــــــــــــــــــــــــــــــــشه رحت على طول اول ماقال تركي مع السلامه وانا امشي الا بفيصل سد علي طريقي
ريما بعصبيه:خيــــــــــــــــــــر وش تبي لا يكون بتمد يدك علي مره ثانيه
فيصل معصب :انتي ماتستحين طالعه برى بدون جلال قدام العمال والقهوجيه
قلتله بصوت عالي :وخر عن وجهي بعدين انت مالك دخل فيني اطلع بالشكل الي ابيه انت مالك دخل سامع انت لا ابوي ولا اخوي عشان تعلمني وش اسوي فاهم
فيصل بهدوء ريما مافي داعي ترفعين صوتك انا ماقلت لك هالشي ال من .......
ماكمل كلامه تركني وراح في الي ما يحفظــــــــــــــــــــــــــــــــــــــــــــــــــــــــ ــــــــــــــــــــــــــــــــــــــه هههههههه اكيد خاف مني لا اعطيه كف محترم مره ثانيه اف ماادري كيف كنت اول احبه صدق سخيفه و ماعندي ذوق هالاشكال ماتنحب ابد
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::
فيصل
"رحت امشي شوي ابغى اهدي اعصابي احس بداخلي شي غريب كنت حالف اني اول ماشوفها بردلها الكف بكف اقوى منه بس من شفتها عصبت من شكلها الي ماتستحي لابسه جنز ضيق مره وتي شيرت ماسك عليها وطالعه بها الشكل عند العمال والقهوجيه اقل شي تلبس جلال قدامهم هالبنت كل شي عندها عادي وفري لازم انصحها وبعلمها ان هالشي الي تسويه غلط اقل شي تتحجب عنهم اذا ماتبي تتغطى بس يمكن ماتتقبل مني كيفها انا الي علي بسويه الله يهديهم امي وخالتي حتى كلمة لا مايقولونها لهم واذا تدخلنا فيهم زعلوا هم في الاخير بنات وينخاف عليهم مشكلتهم مايشوفون الي انا اشوفه غاده وعارفها مستحيل تغلط الخوفه من سوير وبنات خالتي مايندرى عنهم الله يستر بس
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
في غرفة ريما
غاده:هههههههههههه يالخوافه تصدقين غريبه مامد يده عليك كان متحلفلك اول ما يشوفك يردلك الكف
ريما:يخسي يمد يده علي مره ثانيه ماادري كيف انتم مستحملينه لو هذا اخوي تبريت منه لا وبعد يدخل فيني يقول كيف تطلعين كذا قدام العمال
غاده:حـــــــــــــــــــرام عليك والله يجنن حنون وطيب معنا حتى ابوي مايستغني عنه ابد بس هو مشكلته اذا عصب ابعدي عنه لا تكلمينه لين يهدى واهم شي عنده انك تتغطين يمكن عشان كذا عصب عليك ............تصدقين ناويه اتغطى ايش رايك
ريما: كيفك انتي حره ...بس ايش الي غير رايك عن الغطى
غاده:اممم مدري بس فيصل دائم يقنعني اني اتغطى يقولي انا ماابغى اجبرك على الغطى ومابغاك تتغطين عشاني ابغاك تتغطين خوف من الله مو مني ولازم تتغطين وانتي مقتنعه بالي تسوينه يعجبني اسلوبه في النصح ينصحك بهدوء وبطريقه حلوه يخليك تقتنعين غصب
ريما تتمسخر: الله يخليه لكم الحنون
غاده:آمــــــــــــــــــــــــــــــــــــــــــــــين يارب والله يابخت الي بتاخذه
ريما ببرود: هه والله لايقين على بعض رنا وفيصل
غاده:وع انشاءالله ماراح يتزوجها لاتزعلين مني بس اختك ماتنحب ابد حتى فيصل احسه ماصار يهتم فيها مثل اول
ريما تضرب راسها:يووووووووووووه ذكرتيني رنا تقول صحيني وانا نسيت بروح اصحيها وارجع
غاده:اوكيه انا راح انزل عند امي ساره
ريما
"رحت لغرفة رنا بصحيها دقيت الباب ماردت علي رجعت ادق مره ثانيه ولا ردت خفت افتح الباب بدون ماتسمحلي تعصب وتزعل ماترضى احد يدخل عليها الا مستأذن طيب وش اسوي الحين بدخل والي فيها فيها دخلت الغرفه الغرفه مره بارده ومضلمه الا نور الابتوب قربت منها بصحيها انصعقت من الي شفته لا اراديا حطيت يدي على فمي مابغاها تسمع شهقتي طلعت بهدوء عشان ماتحس فيني سكرت الباب ورحت اركض لغرفتي دخلت وقفلت الباب وراي وتسندت عليه ماحسيت الابنفسي اصيح من الي شفته منظر يقشعر منه الجسم شي مقزز معقوله رنا كذا كيف تسمح لنفسها بها الشي كيف تشوف هاالشي من وين لها هالافلام الاباحيه وليه وضعها كذا معقول انها تما........... لا لا مستحيل يمكنها حرانه عشان كذا شفتها بهالشكل لا بس الغرفه بارده لااااااااااااااااااااااااااااااااااا ياربي لاااااااااااااا انشاءالله الي افكر فيه غلط ياااااااااااااااارب
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
جلوى
جلوى:اقول يمه ماتلاحظين من جينا مانشوف عمي الا نادر وش هالشغل الي يخليه 24ساعه مسافر مايجي
امي فاطمه:الله يهديه يمه
جلوى:تتوقعين يكون متزوج استغفرالله هذا بعد اذا كان متزوج مو شي ثاني
امي فاطمه:كلاص يمه قيري هالكلام الي تقولينه وروهي شوفي لتيفه يمكن تبقى شي
جلوى:انشاءالله
"نزلت تحت لغرفة خالتي بطمن عليها نازله وانا انط من الفرحه ودي يجي الصبح بسرعه عشان اشوف صلوحه والله مشتاقه لها موت "
دقيت باب غرفة خالتي ودخلت ارتعت لما شفتها تلم ملابسها وتحطها بالشنطه
لطيفه معصبه لما شافتني:مين قالك تدخلين بدون مااذن لك
جلوى:اسفه خالتي على بالي انس لين الحين ما قمتي قلت بعسس واشوف اذا فيس حراره والا لا
"قربت منها "
جلوى بخوف :خالتي فيس شي عسى ماشر متضايقه من شي !تعبانه!
لطيفه وهي تبكي: عمس الي ماله تاليه اعرس علي تزوج مغربيه
شهقت
جلوى مرتاعه:وش تقولين خالتي ! اعرس عليس
لطيفه منفعله :هذا جزاء صبري عليه يعرس علي ومن وقاحته هو الي داق علي عشان يقولي ويقول بعد بيجيبها تسكن معنا بالبيت اليوم بس والله مااجلس هنا دقيقه وحده
جلوى:اهدي ياخالتي مهوب صاير الا كل خير طلعتك مهيب حل
لطيفه: ومين قالك ابي حل انا اصلا مليت منه ومن فعايله بروح لبيت اهلي خلي المغربيه تنفعه اذا قاموا البنات علميهم اني في بيت اهلي
"خذت خالتي شنطتها وطلعت ولله ماودي انها تطلع من البيت على الاقل هي ولا المغربيه الي ماادري من وين جابها عمي هذولي يخوفون رحت اركض بسرعه لغرفتنا
يمه يمه يمه
امي فاطمه وهي تصكر المصحف: نعم يمه
جلوى:الحقي يمه عمي تزوج مغربيه وبيجيبها للبيت ولطيفه خذت ملابسها وطلعت وهي تبكي وراحت لبيت اهلها
امي فاطمه بضيق: الله يهديه اهمد انا هاسه انه متزوج وهده ثانيه آه ياربي ترهمني يارب
جلوى:يمه لا يضيق صدرس عليه بالطقاق الي يطقه حنا وش دخلنا فيه يعرس والا يقعد بس انا خايفه على البنات اذا دروا عن عمي
امي فاطمه:وينها لتيفه الهين؟
جلوى:راحت لبيت اهلها
امي فاطمه :الله يوستر يمه انا كايفه من اهمد
جلوى بخوف:ليه يمه تخافين ؟
امي فاطمه بضيق:انا اعرفه زين كلانا انده عشان لتيفه بس يومكن اذا جاب زوجته الجديده يطلعنا من البيت
جلوى: وليه انشاءالله يطلعنا هو الي جابنا هنا وياليته يطلعنا احسن نروح عند ام صالحه ونفتك
امي فاطمه بخوف: الله يوستر يمه الله يوستر لا هول ولا قوة الا بالله
جلوى
صراحه خفت من كلام امي فاطمه حسيتها صدق خايفه هالمره وش معناة كلامها انه تاركنا عشان لطيفه يالله الله يستر بس فينا الي كافينا
امي فاطمه: يمه روهي قومي أروى وقوليلها الي صار يمه واتصلي على فهد لازم يعرفون الهين روهي يمه سوي الي قلتلك عليه
"رحت اقوم اروى يالله انها قامت"
جلوى:اروى يالله قومي كل هذا نوم
أروى وهي نايمه: جلوى اطلعي مانمت الا متأخره وصكري النور
جلوى اف الحين وش اقولها ماابي اروعها على طول:اروى الساعه الحين 8 قومي
اروى: طيب انتي اطلعي وانا بقوم
جلوى:منيب طالعه لين تقومين قدامي الحين
اروى وهي تقوم من سريرها: قمت خلاص تبين شي ثاني بعد
جلوى:لا سلامتس انتظرس بالصاله برا
اروى:الا وين امي غريبه ماقومتني اليوم
جلوى:خالتي من الصبح وهي تعبانه فيها انفلونزا وراحت من شوي لبيت اهلس
اروى:وليه ما قومتوني؟
جلوى: تعبنا وانا نقوم فيس انا ونوف وانت ماقمتي وش تبينا نسوي
اروى:والله ماحسيت فيكم وانتم تقوموني
جلوى:انتي غيري وصلي وانا انتظرس بالصاله
" بعد ليه ماقومتوني ! تعبنا وانا نقوم فيها ولا قامت ماادري هالبنت كيف عايشه لو تصير حريقه اخر من يحس هي الله يعينها على الي هي فيه الحمد الله بس الله لا يبلانا ...والحين كيف ادق على فهد مااعرف رقمه لاحول مالي الا نوف لازم اقومها هي الي تعرف تتصرف مع اخوانها بروح اقومها واعلمها بالي صار وهم يتصرفون "
نوف نوف نوف
نوف وهي مفتحه عيونها:بسم الله وش فيك توني قايمه من عندكم مسرع مااشتقتيلي
جلوى:مانمتي؟
نوف:لا توني بنوم دخلتي وش فيكم ؟
جلوى متردده:نوف...خالتي راحت لبيت اهلس
نوف :ماشاءالله هذي التعبانه الحين
جلوى:نـــــــــــــــــــــــــوف وش فيس على امس
نوف:طيب وذا راحت وش دخلني انا فيها
جلوى:الله يهديس بس بدال ماتسالين ليه راحت جالسه تتمسخرين على العموم..... عمي
نوف بهدوء: تزوج عارفه
جلوى: عارفه!
نوف: ايه عارفه طيب وش تبيني اسوي
جلوى معصبه:نوف اقولك عمي تزوج تقولين بكل برود وش اسوي
نوف:عارفه من زمان انه متزوج ولا متزوج مغربيه بعد وش الجديد يعني
جلوى مبلمه:يعني انتي داريه انه متزوج وساكته
نوف:دريت بالصدفه بعدين كلنا متوقعين انه متزوج رجال يطلع الصبح وما يرجع الا فليل ونادرا مايجي يتغدا وش معناته اكيد متزوج
جلوى:بس خالتي راحت لبيت اهلس تقول منيب راجعه لهالبيت ابد
نوف: احسن والله لو اني منها ماجلست في هالبيت دقيقه وحده
جلوى: طيب انتي كيف دريتي انها مغربيه؟
نوف:صديقتي من اهل شقرا وساكنه هنا بشقه في عمارة ال.... هي وامها واخوها تقول انها متعرفه على جارتها مغربيه ومتزوجه سعودي وسالتني عنه بعد ماعرفت اسم عائلته على بالها انه يقربلي ماتدري انه ابوي
جلوى:طيب دقي على فهد علميه عشان يتصرف
نوف :حتى فهد داري انا قلتله اول مادريت
جلوى: طيب وش بتسوون الحين
نوف: ماراح نسوي شي حركة ابوي واضحه دق على امي وعلمها انه بيجيب زوجته هنا عشان يبيها تطلع من البيت بنفسها بعدين هو وامي يتفاهمون انا مالي دخل فيهم
جلوى:بس ولو هذي امس على الاقل وقفوا معها حسسوها انكم مهتمين فيها
نوف: والله ياجلوى انا مااحب انافق ولااجامل احد حتى لو كانت امي خلي شذى ونواف ينفعونها هم الحبيبن والغالين
جلوى: الله يهديس بس مهوب وقت محاسب الحين وقفي معها وش بيضرس عشانها تغلي شذى ونواف اكثر منكم تعاملينها كذا شوفي معاملتس انتي معها اول واحكمي على الاقل نواف وشذى على اخلاقهم وطبايعهم الشينه الا انهم حنونين معها هذي الحسنه الوحيده الي فيهم طول ماهم موجودين بالبيت وهم طول الوقت معها لا يعاندونها ولا يزعلونها مايقولون لها الا سمي وابشري وشوفي معاملتس انتي وفهد واروى معها دائم تحسسونها بالذنب بانها مقصره معكم وتفرق بينكم من تجلسون معها وانتم تتشرهون عليها عشان كذا هي تغليهم اكثر منكم شافت منهم شي احسن من الي تشوفه منكم يانوف انا نصحتس وانتي بكيفس
نوف ببرود :يكون خير بروحلها بكره بس قبل بكلم على هالخايس نواف التبن واعلمه هذا اذا حس اصلا
" نوف تتصل على نواف "
نوف:واخيرا تكرمت انك ترد
نواف ماله خلق:خير وش تبين؟
نوف: ابوي تزوج على امي
نواف اللهم طولك ياروح: داري انا عند امي الحين
نوف:انت عندها مين قالك؟
نواف: امي دقت علي وعلمتني
نوف: طيب وش بتسون الحين
نواف : وش اسوي! اذا امي ماتبي ترجع للبيت لا ترجع الي هي تبيه بيصير
نوف: يعني وش بيصير مافهمت؟ بتعيش أمي عند اهلي
نواف: حاليا ايه لين مااحصل فيلا تناسبنا واشتريها وانتقل انا وياها والي تبي منكم فيها
نوف بأنفعال: وبيتنا؟
نواف: أي بيت هذا بيصير بيت المغربيه وانتم اذا تبون تعالوا عيشوا عند امي واذا ماتبون كيفكم
نوف:وامي فاطمه وجلوى وين يروحون
نواف:انا مالي دخل فيهم الزم ماعلي امي
............................................................ .....................................................
نوف تكلم جلوى: الحمار قفل بوجهي
جلوى:درى عن عمي
نوف: ايه درى وهو عندها الحين تخيلي بيشتري لأمي بيت وبيسكن هو وياها فيه وقال الي تبي منا انا وخواتي تجي تعيش عنده تجي
جلوى وانا مستغربه: ليه هو عنده امكانيه انه يشتري بيت
نوف: ايه عنده هاالي تشوفينه اغنى من ابوي عليه عقليه مو طبيعيه في التجاره امي عطته راس المال وهو اشتغل فيه غير راتبه ياليت هالعقليه الي فيه في فهد اموت واعرف الي يسكر مايقدر يدبر اموره عكس هالعله نوافوه يسكر وناجح في شغله الله يخلف عليك يافهد صدق الطيب ماله حظ

جلوى ودي اعرف ليه يخاف منها : انتي وش فيك عليه شكله يخاف منس
نوف: لال يالحلوه نوافووه مايخاف من احد بس انا ماعندي فيه ارد عليه واذا شفت الغلط اعلم عليه لجدي مثل سالفة الشغاله
جلوى:وش سالفتها ؟
نوف:انتي عارفه ان نوافووه يعتبر وسيم وامي الله يهديها كانت من سنه تقريبا جابت طباخه مصريه توها صغيره ومملوحه المهم انها حملت من نواف ودريت وعلمت جدي وجدي عاد الله لايوريك سوى في نواف الي مايتسوى
جلوى: والشغاله وش صار فيها ؟
نوف: راح معها نواف لمصر وخلاها تجهض
جلوى: حسبي الله عليه الي مايخاف ربه
نوف: المشكله ان نواف ماجاها وهو في وعيه كان سكران والشغاله المصريه على بالها ذكيه مامنعته تبيه اذا حملت يتزوجها مادرت انه بيخليها تجهضه والا لو كان في وعيه والله ان يخليه جدي يتزوجها ثم يطلقها
جلوى: طيب فهد اخوس امس ماعطته مثل نواف؟
نوف: الا امي كان معها مبلغ عطت نصفه لفهد ونصفه لنواف وقالتلهم اشتغلوا فيها نواف عرف كيف يتصرف اما فهد ساهم فيه وخسر
جلوى:الله يعوض عليه طيب كلمي على شذى وعلميها
نوف:ماراح اكلمها متى ماجت بتدري بالي صار والا تلقين امي مكلمتها الحين اكيد تكلمها هذي شذى
جلوى:رجعنا على الكلام الي ماله داعي
جت اروى
اروى:ماشاءالله هاذي الي تنتظرني بالصاله
جلوى: وش اسوي جيت اصحي نوف
نوف تكلم اروى: دريتي عن الخبر السعيد
اروى تبتسم: والله ودي انبسط اليوم اممم وش رايكم انا عازمتكم على العشاء برى بس اول علميني وش الخبر
نوف تتمسخر:ههههه جت الحزينه تفرح مالا تلهاش مطرح ابوك ياحلوه تزوج وخذ مغربيه بعد
اروى شهقت: تـــــــــــــــــــــــــــــــــــــــــــــــــــزوج
جلوى معصبه: نوف هذا اسلوب تعلمينها فيه ........ بسم الله عليس اروى سمي بسم الله الشهقه مهيب زينه
اروى تبكي: بسم الله اهه اهه تزوج متى وامي وينها الحين درت؟
جلوى:ايه درت وراحت عند اهلس ابوس الي كلم عليها وعلمها وقالها انه بيجيب زوجته هنا
اروى: بيجيبها هنا ليه هذا بيت امي مو على كيفه
نوف: قوليله هالكلام في وجهه والله ان يلحقك باامي خليك ساكته احسن وبعدين البيت بيته وهو حر فيه
أروى:انا بروح لاامي الحين وبنوم عندها مالي قعده بالبيت وامي مو موجوده فيه
نوف:جلوى ماتدرين متى بيجيبها ابوي امي ماقالت لك
جلوى: بيجون اليوم كاني منيب غلطانه
نوف: اف الله يعدي هاليله على خير انا برجع انوم مالي خلق اشوفه جايبها هنا
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::
العنود
وينه لي ساعه اتصل عليه مايرد ياليتني رايحه مع بابا وتركي لقصر جدي على الاقل هناك بشوفه واتكلم معه بس مالي خلق لسخيفات ريما وغاده اكــــــــــــــــــــــرهم ماادانيهم طيب ياخالد والله لو ماترد ان تندم
نوره: عنوده رد عليك
العنود معصبه: لا مارد
نوره:طيب طنشيه وخلينا نطلع تراك معطيته اكبر من حجمه كل ماجيتي تطلعين تستأذنين منه من يكون لا خطيبك ولا زوجك
العنود: انا عاديبس مالي خلقه اذا زعل لاانك ماتعرفينه اذا زعل عنيد ومايرضى بسرعه
نوره:طيب متى انشاءالله ناوي يتقدملك
العنود:اذا تخرجت بيتقدم لي عمتي سلوى قالت لماما هاالكلام لاان مثل ماانتي عارفه جدي عبدالعزيز مايحب ان الخطوبه تطول واذا خطبني الحين راح اتزوجه قبل مااتخرج وكذا انا مااقدر راح اتلخبط مره وماراح اعرف اجهز لااني ناويه اروح باريس وايطاليا اتجهز منها
نوره:انتي متاكده ان خالد يحبك؟
العنود بثقه: هه ياليته يحبني بس الا يعشق الارض الي امشي عليها الا وش صار على الحثاله
نوره: لمى طلقها زوجها بعد ما وصلت له الصور هالغبي ماعرف انها تركيب ومي يقولون اخوانها من وصلهم الشريط وعرفوانها تكلم بانها تكلم شبعوها ضرب
العنود بشماته: احسن خليهم يعرفون من تكون العنود بنت سلطان
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في فلة الخاله سلوى
ساره:خلاص حبي ماما راح تسافر اذا راحت طلعت معاك اوكيه
مشاري :ومتى بتسافر الوالده ياساره تراني تعبت ومليت خلاص الظاهر مالنا نصيب مع بعض
ساره بدلع: ميشو لا تقول هاالكلام الله لا يقوله حبي خلاص بكره راح اردلك متى راح اطلع معاك بس ترجع ماما راح اتاكد منها متى بتسافر وقتها ياعمري راح اطلع معاك كل يوم لحد ماترجع ماما من السفر اوكيه قلبي
مشاري يصرفها: حياتي سوسو امي تناديني بوديها لموعدها تبين شي انتي بس امري
ساره:سلامة قلبك انتبه لنفسك وانت تسوق باي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
في مجلس الجد ابو سلطان بالقصر
خالد يكلم تركي: لا تلومني يا تركي والله مشغول الوالد فتح فرع لشركته بجده وانا طول وقتي هناك اتابعهم حتى ربعي ماصرت اشوفهم مثل اول
تركي:يااخي اقل شي اتصل الشباب يسألون عنك قطعت مره وحده
خالد: والله اني مشتاق للجلسه معهم بالذات لمشاري من رجعنا من بيروت ماشفته لين الحين على سوالفه ماتغير
تركي:هههه لين بكره الا مشاري مستحيل يمر عليه يوم مايطلع مع بنت على قولته هم بندوله
خالد: ههههههههه ياحليله خله يوسع صدره البنات هم الي يرمون انفسهم عليه الله لايلومه اذا ما قاومهم
تركي:بس ولو ياخالد الواحد مايتلاعب بشرف بنات الناس الا ها الشي مكالمه نمشيها بس هالشي لا كل شي الا سمعت البنت
خالد: مداهم ماجاهم اذا هم ماخافوا على سمعتهم تبيه هو يخاف عليها بالنهايه هو رجال مايعيبه
قاطعهم طلال
طلال:انا لي كلام معكم بعد مايطلعون الرجاجيل
تركي بابتسامه : عارف وش بتقول الحق معك
طلال: لا انت ولا خالد ماتنشافون ابدا ما كأن عندكم جد تجون تسلمون عليه لنا شهر ماشفناكم مااقول تعالوا كل يوم اقل شي مره بالاسبوع نسينا اشباهكم
خالد :لا الا ال Big boos العاءله ما نقدر نزعله
طلال بابتسامه رجوليه: طيب نشوف
قاطعهم فيصل بعد مارجع للمجلس: عاد بالامانه طلال وش رايك فيني ابظاي والا؟
طلال: كل شي الا انت شاهدتي فيك مجروحه يالله عن اذنكم ابوي يناديني
خالد:ماشاءالله عليه مكينه مايرتاح ابد
تركي: اذكر ربك وقل ماشاءالله
فيصل:انتم دارين ان ابوي عبدالعزيز سوى له وكاله على حلاله غريبه ياتركي عمي مااعترض يعني ماقال انه اولى بالوكاله من طلال
تركي: بالعكس ابوي مبسوط واثق من طلال غير كذا ابوي معه الضغط مايتحمل الشغل ومسؤولياته طلال الله يقويه هو الي يقدر يداري الحلال ويعرف كيف ومتى يتصرف فيه
:::::::::::::::::::::::::::::::::::::::::::::::::::::::::::: ::::::::::::::::::::::::::::::::
جلوى:
" جلست لحالي أروى راحت عند امها وبتنوم عندها و نوف راحت تنوم ولا كأن شي صار الساعه الحين 10 وانا مافيني نوم بروح اصلحلي كوب شاهي احسن وانا نازله من الدرج سمعت صوت تحت يـــــــــمه خفت لا يكون حرامي
جلوى: ميــــــــــــــــــن
نواف: الحرامي
مالت عليه يستخف دمه تغطيت بسرعه ونزلت ماابيه يحس اني خايفه منه رحت لمطبخ وهو بالصاله ناداني
جلوى جلوى
جلوى قلتله من غير نفس وانا اطلعله: خير فيه شي
نواف معصب : تكلمي زين وانتي تكلميني سامعه
جلوى وانا اتمسخر عليه: وكيف تبيني اكلمك انشاءالله الي مثلك الحين خايسين بالسجن مايتكلمون مع احد
نواف معصب على الاخير: اسمعيني زين هذيك المره ماكنت بوعيي سامعه و والله ثم والله ان قلتي هالاكلام مره ثانيه ان تندمين
جلوى صراحه خفت منه قلت : المهم انت الحين ليه مناديني
نواف : خذي هالفلوس وخليها معك يمكن تحتاجون شي بس اسمعي لاتصرفين منها على البيت ريال واحد خلي ابوي هو الي يدفع هالفلوس لك ولاامك ولنوف كنت بعطيها بس لقيتها نائمه
جلوى رميت عليه الفلوس : هالفلوس مانبيها ومنيب في حاجتها وفلوس اختك انت الي عطها اذا قامت
نواف بانفعال: بالطقاق الي يطقك الشرهه مهيب عليك الشرهه علي انا الي فكرت فيكم ومابيكم تحتاجون شي اذلفي عن وجهي
" رجعت للمطبخ وجلست اصلحلي شاهي بس صراحه تحسفت ياليتني مااخذه الفلوس صدق اني غبيه ومسويه فيها ان كرامتي ماتسمحلي اخذ منه فلوس لاحول جهاز تحليل امي حق السكر خربان وادويتها مخلصه مافيه الا بس حق بكره والفلوس الي عطتنياها ام صالحه صرفتها اسعار الادويه ارتفعت غاليه مره والدكتور زود ادويه ثانيه لها يوووووووووووه بلحقه وبطلب منه هالامور ما فيها كرامه بعدين الفلوس الي باخذها منه مهيب لي لجدته
نواف نواف
لحقت علي وهو توه بيطلع من الصاله :نواف دقيقه ابي الفلوس
نواف : توك ماتبينها اسمعي جلوى في هالامور ماله داعي تسوين فيها انك عزيزة نفس وان كرامتك ماتسمحلك تاخذين الفلوس مني ترى مهوب عيب اذا خذتيها في الاخير انا ولد عمك وحسبة اخوك والي صار انسيه ماكنت احس بالي اسويه وغلطه ومهيب متكرره
جلوى ايه تخسي تكون اخوي : الفلوس مهيب لي لعلاج امي فاطمه
نواف مستغرب: علاجها؟ ليه هي تعبانه
جلوى صباح الخير: ايه وادويتها خلصت وانا مامعي فلوس
نواف: طيب من وين كنتي اول تجيبين لها ادويتها من يعطيك
جلوى بملل : جارتنا هي الي تدفع
نواف منصدم: وابوك ماكان يدفع
جلوى: لا المهم بتعطيني والا لا
نواف بعتب: المفروض قلتي من اول ماجيتي انها تعبانه مهوب ضارني ادفع قيمة ادويتها او على الاقل قلتي لفهد هو يدري انها تعبانه
جلوى بتريقه : لا محد يدري لان محد سأل عنها يالبارين
نواف : الظاهر لسانك بيله قص .. روحي الحين جيبلي اسماء الادويه الي تاخذها وكل شي تحتاجه وبجيبه لها تحركي
"رحت بسرعه كتبتله كل شي تحتاجه امي فاطمه من الصيدليه حتى الشامبو والمعجون والي انا احتاجه كتبتله كل شي احسن خليه يدفع وحطيت بعد الجهاز التحليل عشان يجيب مثله ونزلت بعطيه اياه"
جلوى: الي تحتاجه امي مكتوب بالورقه وهذا الجهاز جب نفسه بالضبط
نواف: طيب انا بروح وباخذ السواق معي وبعطيه الاغراض هو بيجيبها "وطلع من بوكه فلوس" خذي ولا ترمينها علي انتبهي
" خذت الفلوس منه وراح وانا الا الان موقفه بمكاني مبلمه مستحيل يكون هذا نواف طلع فيه خير والله طبعا الحين مهوب سكران بس ارتحت لما دريت انه بيسكن مع صديقه لين يحصل فله وينتقل فيها هو وامه كذ اريح على الاقل مااحس بخوف كل ماجيت انزل واطلع الحمد الله يارب"
ماحسيت الا بصوت ارتعت التفت اشوف مين
فهد منزل راسه: عسى ما شر جلوى نواف توه طالع من هنا
جلوى فهمت قصده: الشر مايجيك كنت اعطيه ادوويه لاامي فاطمه يجيب عليها " واشرت له بالفلوس" وعطاني فلوس يقول خليها معك اذا احتجتوا شي لان خالتي راحت لبيت اهلها
فهد:أي ادويه؟
ياللله برجع اعيد :معها الضغط والسكر
فهد:تعبانه وليه ماقلتيلي
جلوى: ماجاء عليه مجال اني اقولك ... اصلحلك عشاء انا ماسويت الكل نايم
فهد: لا مالي نفس... ماتدرين ابوي متى بيجي
جلوى:تقول خالتي اليوم يمكن على الساعه 12 .... رحت لخالتي
فهد: ايه توني جاي من عندها خذي كلمي امي تبيك تقول اذا وصلت البيت خل جلوى تكلمني
" دق فهد على لطيفه وعطانياها"
جلوى: الو هلا خالتي
لطيفه: هلا جلوى جلوى الله يعافيك روحي الحين لغرفتي وحطي الاغراض الي ماأخذتها وكل شي في شنط وعطيها فهد لاتبقين ولا شي كل شي بغرفتي حطيه حتى المفرش والشنط تلقينها فوق بالمستودع نزليها وحطي فيها الاغراض لاتنسين والتجوري تلقينه مفتوح خذت منه مجوهراتي بس نسيت سواره فيه حطيها مع الاغراض لاتنسين
جلوى:انشاءالله تبين شي ثاني
لطيفه: ولاتنسين جزمي كل شي يخصني ياجلوى ارسليه لي واذا جا بكره وجيتي من الجامعه روحي للمطبخ ودقي علي من جوال نوف فيه اغراض كثيره ابيها منه انا الي شاريتها بس الحين بدي اول غرفتي وبكره المطبخ ولا تخلين عمك يشوفك
جلوى :انشاءالله
لطيفه: يالله مع السلامه
" والله اني غبيه على بالي بتكلمني تبيني اسامحها انا وامي فاطمه طلعت تبيني اجمع لها اغراضها ياليت عمي ماتزوج كان الحين لطيفه متغيره علينا وتعاملنا معامله زينه وتنبسط هالمسكينه امي فاطمه الي دايم تتمنى انا تجلس هي وياها مع بعض وتعيد ايام اول بس الظاهر مافيه امل رحت لغرفتها وجمعت كل شي صارت الغرفه فاضيه حتى العطورات والعود حطيته وكان فيه على التسريحه خمس عطورات رجاليه حطيتها بعد حتى السبح والكبكات حقات عمي حطيتها خخخخخخخخخ احسن عياله اولى فيها منه خليت الغرفه فاضيه مره ايه صح بقى التجوري رحت فتحت الدولاب باخذ السواره الي قالت لي عنها لطيفه وانا اخذها لفت نظري اوراق قلت بقراها يمكن تكون للطيفه وناسيتها وانا اقراها لقيت ورقة صك فله مكتوب اسم المالك فاطمه عبدالرحيم غريبه هذا اسم جدتي رجعت اقرا الورقه مره ثانيه انصدمت لقيته صك بيت جدي ومكتوب البيت باسم امي فاطمه !!!!!!!!!!!!!!!! الحرامي الكذاب لعب علينا يقول ان البيت لي وانا اتشارك معكم فيه لعب علينا الله لا يوفقه خذت الصك ووزيته في جيب تنورتي والله مااسكتله النذل خلصت كل شي وعطيت الاغراض فهد "
فهد شكله منحرج: جلوى ابي اكلمك بموضوع اذا ماعليك امر
جلوى : تكلم فهد فيه شي
فهد: لا مافيه الا سلامتك يابنت العم جلوى ابغاك تسمعيني زين وابيك تعرفين ان مهما كان ردك فبتضلين بنت عمي عزيزه وغاليه علي
جلوى بخوف : فهد وشفيك خوفتني
فهد: جلوى انا ابيك زوجة لي لاتردين علي الحين فكري واستخيري وتاكدي انك اذا وافقتي علي بحطك بعيوني انتي وامي فاطمه انا عندي انتداب للشرقيه وبروح بعد شهر وابيك تكونين معي انتي وامي فاطمه اذا وافقتي
جلوى ماعرفت ارد عليه: يصير خير فهد خلني افكر

"طلعت لسطح على طول مستحيل اتزوجه احبه مثل اخوي بس مستحيل افكر فيه كزوج مستحـــــــــــــــيل رحت صليت واستخرت مرتين بس ماقال قلبي اني اوافق بس هو الحل الوحيد لي ولامي فاطمه انا في وضع ماندري وش بيصير فينا الحين لو اتزوجته بتنحل امورنا خاصة بعد الصك الي حصلته وبنبعد عن كل شي بس مااقدر والله ماقدر اوافق عليه بستخير مره ثالثه واشوف لازم افكر بعقلي مهوب بقلبي هه لو على قلبي ماتزوجت ابد وبجلس انتظر سراب انت يا طلال سراب سراب آه بس الي يبينا عيت النفس تبغيه والي نبيه عيا البخت لا يجيبه"
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::
ريما
"احترت اقول لامي عن الي شفته بغرفة رنا طيب يمكن اني اتخيل او الي شفته شي عادي طيب والمقطع الي شفته ياربيــــــــــــــه اقول لمين ماودي اواجهها انحرج ايش راح اقول "
غاده: يالحلوه ايش فيك سرحانه:::: يالله باي انا بروح الحين
ريما: بدري
غاده: ايش بدري اشوفك بكرا بالجامعه
ريما: اوكيه باي
غاده: باي
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::
طلال
امي ساره: يالله عافه عسى ماتعبت من الي جاكم اليوم من الرجاجيل
طلال: وش اعد وش اخلي ماشاءالله كلن جاء
امي ساره: طلال ابيك بكره توديني لبيت عم جلوى
طلال بانفعال: والله ماتروحيلها يمه تنزلين نفسك لبزر ماعليك منها بلي مايحفظها قليلة هاالادب
امي ساره: اذكر الله يطلال ماله داعي تنفعل وانا امك البنت متشرهه وفي خاطرها علينا
طلال: حتى لو كان في خاطرها يه انتي ام مايصير تسفهك قدام اهلها ....... اعوذ باالله من الشيطان الرجيم بكيفك يمه بس والله ثم والله ان ماسلمت عليك ماتلوم الانفسها انا الي بوقفها عند حدها
امي ساره: بس انتبه وانا امك لايدري ابوك يالله تصبح على خير
طلال
من رجعنا انا وامي ساره ودموعها ماهانت علي ابدا امي ساره الي الكل يحسبلها الف حساب تجي هالبزر وتقلل من قدرها لا وقدام اهلها بعد هين يابنت عبدالله الظاهر ابوك ماعرف يربيك الايام جايه
:::::::::::::::::::::::::::::::::::::::::::::::::::::::::::: ::::::::::::::::::::::::::::::
الصبح
جلوى
قمت الصبح وانا مبسوطه مره واخيرا بشوف صلوحه واخـــــــــــــــــــــــــــــــــــيرا لي 3 اسابيع ما شفتها
جلوى بفرح: ماماتي فطومه يالله قومي بروح اجهزلك الفطور وارجع
امي فاطمه: صباح الكير يمه ههههه مبسوطه اليوم عسان بتشوفين سالحه
جلوى: مبسوطه وبس الا طايره يمه من الفرحه بروح اقوم نوف

في غرفة نوف
نوف نوف يالله قومي الساعه 7
نوف نايمه: وخري ابي انوم
جلوى: كل هالنوم وماشبعتي يالله قومي بروح اجهز الفطور
نوف: لاتنسين تصلحين فطور العرسان
جلوى : ههههههه الله لايهينها العروس اذا تبي فطورهي الي تصلحه انتي قومي بروح اقوم شذى مع اني ماتوقع انها جت
رحت لغرفة شذى
دقيت الباب
شذى بصوت عالي: ميــــــــــــــــــــــــــــــــــــــــــــــــــــــــــ ـــــــــن
جلوى غريبه فيه : انا جلوى
شذى: وش تبين
جلوى: ابي اقومك للجامعه الساعه 7
شذى: ومين طلب منك انك تقوميني انا ماراح اروح
" رحت وتركتها اعوذ بالله منها ماعندها اسلوب هذا جزاي اني بقومها صدق مهيب كفو "

نزلت للمطبخ بصلح الفطور شفت وحده فيه لاااااااااااااااااااااااااااااااااااا هذي المغربيه زوجته وش مقومها من الصبح اخس اخس اخس شكلها تصلحله الفطور
الحبيبه لابسه هالروب الاحمر وهالشعر الي فاكته لين اردافها وععععع ياليته زين صاير سباسيب كنها بنت ..... ماادري وش الي عاجب عمي فيها بروح انادي نوف
في غرفة نوف
جلوى:نوف الحقي من في المطبخ
نوف :لا يكون العروس
جلوى :ههههههه ايه هي بشحمها ولحمها
نوف:حلوه والا شينه
جلوى: شفتها من بعيد شكلها عاديه
نوف: الله ياخذها انشاءالله ماادري وش شايفه في ابوي الحقيره ماتبي الا فلوسه
جلوى: طيب كيف اصلح الحين الفطور عادي ادخل وهي فيه
نوف: انتظري بنزل انا وياك مالنا دخل فيها هذا الي ناقص ماندخل عشانها يالله

نزلت انا ونوف ودخلنا المطبخ ولا كننا نشوفها ولا سلمنا عليه وهي تطالعنا مرتاعه صلحنا الفطور وخلصنا وانا بنطلع قالت لها نوف
نوف وهي تناظرها من فوق لتحت: هيه انتي اذا خلصتي من الاكل اغسلي الصحون الي عقبك سامعه ومره ثانيه لاتطلعين بهااللبس برى غرفتك البيت فيه شباب
بعد ماطلعنا
نوف: وع شينه ماادري كيف تزوجها ابوي مالت عليها اكيد ساحرته
جلوى: حرام لاتحطين بذمتك انتي ماتاكدتي من هالشي بعدين ماتدرين يمكن لسانها حلو وتعرف لعمي عشان كذا تزوجها
نوف: قسم بالله الرجاجيل ماادري كيف يناظرون اشينه عندهم حلوه والحلوه شينه والله ان امي احلى منها بمليون مره مالت عليها ايه لقتلها رجال كبير قالت بلعب عليه وباخذ منه الي فيه النصيب هههههههههه والله ودي اشوف شكل امي اذا شافتها
جلوى: والله انس غرسيبه بدال ما يضيق صدرس تضحكين وعادي عندس
نوف: وليه مااضحك من جيت على هاالدنيا وامي وابوي كل يوم طقاق ومشاكل فالشي الي صار عادي ومتوقعينه من زمان
فطرنا مع امي فاطمه وعطيتها حبوبها ورحنا الجامعه
بالسياره
نوف تضحك: لهاالدرجه مبسوطه انك بتشوفينها
جلوى وانا فرحانه مره: يالله دقي خليني اكلمها ترى خالتي قبل لاتطلع رضت علي هههههههه
نوف تتريق: كانت تعبانه ماتدري وش تقول
جلوى:نــــــــــــــــــــــوف يالله عاد دقي بسرعه
"عطيت نوف الرقم ودقت وعطتني الجوال اول ماردت صالحه
جلوى بصراخ: صـــــــــــــــــــــــــــــــــــــــــــــــــــــــــــ الحه وينس مشتاقتلس يالدبا حرام عليك تكسرت رجولي وانا ادورس كل يوم
صالحه تصارخ بالجوال: جـــــــــــــــــــــــــــــــــــــلوى اهه اهه اهه هه اهه
جلوى: صلوحه وش فيس تبكين انا بالطريق جايه للجامعه
صالحه بزعل: مابي اشوفس ولا ابي اسمع صوتس هنت عليس ليه نسيتيني
جلوى: صالحه اسمعي بقولس عن كل شي اذا وصلت انتي الحين وينك
صالحه: بالجامعه توني داخله عند بوابه 2
جلوى : لا تروحين بجي الحين
صالحه:ياويلس اذا تاخرتي
قفلت منها وجلست اصيح
نوف: بسم الله وش فيك تصيحين كل هذا عشان سمعتي صوتها اجل لو بتشوفينها وش بتسوين
مارديت عليها وكملت صياح لما سمعت صوتها عرفت اني مشتاقه لها موت ياعمري ياصالحه متشرهه علي وتبكي يلوموني فيس جعل يومي قبل يومس انتي وامي فاطمه وصلت الجامعه من العجله فتحت باب السياره وهي تمشي
نوف: هههههههههههههه انتبهي شوي شوي
رحت اركض عند البوابه ونوف وراي اول مادخلت وقفت ادور على صالحه شفتها وصرخت باسمها ورحت اركض لها و وصالحه تركض تجيني البنات الي كانو موجودين كلهم وقفوا يناظرونا شكلهم يقولون وش فيه ذولي اكيد انجنو
اول ما قربت لي حضنا بعض هي تصيح وانا الله يحفظني اصيح واشاهق ونوف تهدينا
نوف: ههههههه قسم بالله ان شكلكم نكته وانتم تصيحون ودي اني مصورتكم فكوا بعض فضحتونا ههههههه والله ياجلوى طلع عرق الهنود فيك العرق دساس هههههههههههه
صالحه وهي تبكي: وينس صارلي 3 اسابيع احوس عليس من مكان لمكان والله اشتقتلس
جلوى:حتى انا والله اانتي وش اخبارس واخبار خالتي عساكم طيبين
صالحه: امي لاتسالين عنها من رحتو وهي ضايق صدرها عليكم ودها انها تكلمكم بس مانعرف رقمكم
جلوى انتبهت ان نوف واقفه: صلوحه اعرفك على بنت عمي نوف
سلمت صالحه على نوف: هلا والله وشخبارس
نوف: بخير الله يسلمك واخيرا شفتك من كثر ماازعجتني جلوى وهي تتكلم فيك صالحه وصالحه
صالحه: يابعدي هالجلوى
نوف: تراني انا الي جمعتكم مع بعض ابي الهديه
جلوى+صالحه: هههههههههه
صالحه: ابشري اطلبي الي تبينه تستاهلين جمعتيني بالغاليه بتوام روحي
نوف تضخك: خلاص بفكر واقولكم يالله باي
جلوى: نوف اجلسي معنا
نوف بعد ماغمزتلي: المره الجايه عندي محاضره الحين
صالحه: جلوى اسمعي اليوم منتيب حاضره ولا محاضره بجلس معس
جلوى: ومين قالس بحضر صلووووحه سولفي علي والله ولهت عليكم
صالحه: انتي الي سولفي اعرفس بعيونس كلام كثير
جلوى: صلوحه وش فيس متغيره مره ناحفه ووجهس ذابل عسى ماشر
صالحه تغير الموضوع: ابد سلامتس
جلوى باصرار: صلوحه الا فيس شي تعلميني فيس تكلمي علميني وش بلاس
صالحه: جلوى قلتلس مافيني شي المهم سولفي علي من اول مارحت لبيت عمس لين اليوم
" سولفت لها عن كل شي من طقطق ل السلام عليكم وصلوحه على كل سالفه تتفاعل معي ياحبيلها"
صالحه معصبه: هالكلب الحيوان والله لو اني مكانس بلغت عنه الشرطه
جلوى: وش ابلغ الله يعافيس مااحلاني اروح ابلغ على ولد عمي والله ان يذبحني عمي
صالحه: طيب انتي وش مجلسكم للحين صك البيت وبيدك خلي خالتي فاطمه تشتكي عليه البيت لها والقانون معها
جلوى: انا الى الان ماقلت لامي عن الصك ولا علمتها عنه انتي الوحيده الي تعرفين و حاليا مابغى عمي يدري ياصالحه ان الصك معي واني اعرف انتي ناسيه انه كفيلها والمسوؤل عنها عشان كذا مااقدر اتصرف باالصك الحين
صالحه: طيب وفهد؟
جلوى" والله ماادري صليت الاستخاره 3 مرات واحس اني منيب مرتاحه انتي وش رايس؟
صالحه: جلوى ماادري بس انا من رأي انس توافقين عليه ماتدرين عن عمس وش بيسوي فيكم ولا عن المغربيه الي معه بيني وبينس منيب مرتاح لجلستكم معهم فهد الحل الانسب لكم بعدين فهد على كلامس رجال واخلاقه زينه
جلوى: الله يكتب الي فيه الخير صلوحه اتصلي على خالتي ودي اسمع صوتها والا مشغوله الحين
صالحه: لا ابد هي اليوم اصلا ماراحت الدوام بكلمها الحين
صالحه تكلم خالتي
صالحه: الو يمه توقعي مين معي
ام صالحه: الحين مقومتني من النوم عشان تقولينلي مين معي ؟
صالحه: هههههه بلاس ماتدرين ان الي معي جلوى
ام صالحه بفرح:يلبي قلبها وروحها بجيكم الحين
صالحه: هو يمه وش بيجيبس للجامعه
ام صالحه ا:ابي اشوفها... الجامعه ماتمنع والا
صالحه: ههههه لا ماتمنع بس لا تجين الا الساعه 10 احسن تونا الساعه 8
ام صالحه: طيب الساعه 10 انا عندكم
صالحه بعد ماقفلت: ههههه ياحليلها امي بتجي تشوفس جلوى نسيت اقولس حصه مرة ابوس زهمت علينا وتسلم عليس وعلى خالتي
جلوى: كلمت! وش اخبارها علمتوها عن ابوي
صالحه: ايه تقول اشوى انه طلقني قبل لايموت راح له اخوها وابوس كان توه بيسافر وعلمه وراح ابوس مع اخوها للمحكمه وطلقها بعد مادفعوله 40 الف وبعدها سافر وتقول انه تزهم عليكم ولا احد يرد عليه علمتها بالي صار معكم وضاق صدرها تقول امانه سلمولي عليهم
جلوى: الله يسلمها ماعطتكم رقمها
صالحه : الا بس بالبيت ما سجلته بجوالي
" راح الوقت علينا وحنا سوالف وضحك بس فيه شي في صالحه مخوفني البنت متغيره وذابله كنها تعبانه الله يستر عسى مافيها شي جت الساعه 10 ووصلت ام صالحه ههههههه والمشهد الصياح تكرر معها ماشاءالله علي دموعي ماتخلص
ام صالحه: والله اني فاقدتكم بالحيل وش اخبارس واخبار امس عساكم مرتاحين
جلوى: الحمد الله ياخالتي انتي وش اخبارس
ام صالحه: لاتسالين عن اخباري الاخبار ماتسر من بعدكم
قاطعتها صالحه بسرعه: جلوي مساعد اخوي يبي يكلمس خذي الجوال كلميه
جلوى استغربت من حركتها ونضراتها لأمها حسيت ان فيه شي بس صالحه ماتبي تقول قلت: ماراح للمدرسه اليوم
ام صالحه: لا ماراح يقول ماله خلق
جلوى: ياعمري هالولد احبه رد عليس ياصالحه
خذت الجوال منها وكلمته: هلا بها الصوت سعودي وش اخبارك
مساعد مبسوط مره: هلا جلوى وينكم وين رحتوا من رحتي محد يلعب معي اونو
جلوى: انشاءالله بجي والعب معك سعودي انتبه لنفسك اتفقنا
مساعد: طيب حتى انتي بعد وانتبهي لامي فاطمه
جلوى: تامرني امر يالله مع السلامه
مساعد: جلوى
جلوى: سم حبيبي
مساعد: جلوى احلفي لي الحين انك بتكلميني كل يوم الحين احلفي
جلوى خنقتني العبره من كلامه: والله العظيم بحاول اني اتصل عليك كل يوم
مساعد: مع السلامه
جلوى: مع السلامه الله يحفظك
ام صالحه: وش اخبار امس فاطمه وكيف الظغط والسكر معها
جلوى: والله ياخالتي السكر من اسبوع يرتفع معها مع انها والله متبعه الحميه بس شكله يرتفع من ضيقات الصدر
ام صالحه: الله يعين
وسولفت عليها بكل شي الا قصة نواف مابيها تخاف ويضيق صدرها علي راح الوقت معهم بسرعه وراحو لبيتهم من بعد مااتفقت انا وصالحه على مكان نتقابل فيه كل اثنين وسبت هي الايام الوحيده الي يكون فيها البريك زي بعض"
نوف: هااااا قرت عينك بصديقتك
جلوى: هههههه تتريقين
نوف: لا والله اتكلم جد يليت عندي صديقه مثل صالحه ماشاءالله البنت تنحب وتدخل القلب بسرعه وماشاء الله حلوه بس انتي احلى وش رايك نخطبها لفهد
جلوى : ياليت والله بس ماينفع
نوف: ليه.. اهاااا فهمت يالله الله يرزقها بالرجال الي يسعدها تستاهل ولله
جلوى: آميــــــــــــــــــــــــن
نوف: يالله السواق جاء
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::
رجعنا البيت حصلنا عمي وزوجته الجديده جالسين بالصاله
رحت انا ونوف سلمنا عليه
عمي: سلموا على ثريا زوجتي
رحت سلمت عليها صافحتها بس مع ان ماودي اسلم عليها بس خفت من عمي
عمي: نوف سلمي عليها
نوف: ماراح اسلم عليها ولا اتوقع انك بتغصبني على هالشي
جلوى: عن اذنكم
عمي: وين؟ روحي صلحي الغداء والا راحت لطفوه قلتي خلاص
جلوى: انشاءالله الحين بروح "ورحت"
نوف : يبه ماله داعي تقول لطفوه اسمها لطيفه وإلا ام نواف الا اذا كنت تبغانا نادي زوجتك ثوريوه عادي ماعندنا مانع
عمي : نــــــــــــــــــــــــــــوف عن قلة الادب انا ابوك
نوف: محشوم يبه والي انت تتكلم عليها بعد هي امي وماارضى فيها
عمي يغير الموضوع: الا اخوانك وينهم ماشفتهم
نوف:اروى ونواف راحو مع امي وشذى نايمه وفهد توه ماجاء من شغله
عمي: قولي لجلوى اذا خلص الغداء تعلمنا انا بالغرفه
نوف:طيب
نوف
"الله لايهنيك معها انشاءالله هه قال ايش قال سلمي عليها جعل يدي الكسر ان سلمت على هالخايسه قسم بالله مقززه وجهها اسود مو مريحه كنها خريجة سجون اعوذ بالله الله يستر منها اه بس ودي اروح لبيت اهلي والله اشتقتلهم وش الي حادني اجلس هنا نواف وطلع من البيت يعني جلوى بأمان شكلــــــــــي بروح جلوى ماينخاف عليها لو اجلس هنا دقيقه وحده بنفجر"
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
جلوى
امي فاطمه: والله استقت لهم واجد ياهبيبتي يام صالحه ابقى اكلمها
جلوى: ايه والله ياحبيلهم يسلمون عليس مره والله يمه مره انبسطت يوم شفتهم حتى مساعد كلمني
امي فاطمه: ماسفتي اهمد
جلوى: الا تحت بالصاله جالس معها وع يمه تروع
امي فاطمه: مالك دكل فيها يمه الله يهديه ماسفته من 2 اسبوع الله يهديه بس
جلوى: يمه وشفيك ماتغديتي ليكون طبخي ماصار يعجبس
امي فاطمه: الا واجد هلو يمه بس مالي نفس مو مستهيه
جلوى بترجي:طيب كلي شوي عشان خاطري الله يخليس
امي فاطمه بضحك: هههه تيب بااكل الهين الله يكليك لي مااقدر اليك ابد
جلوى: حياتي فطومه قولي أمين
امي فاطمه بشك:اول قولي بعدين انا اقول أمين
جلوى:كذا لا ماينفع الدعاء الي اقوله لازم تقولين امين قبل
امي فاطمه: لا اهسن لا تدعين انتي دوعاءك يكوف
جلوى: ههههههه حرام عليك فطومه عشان خاطري قولي امين
امي فاطمه تحذرني: بس والله اذا قلتي دوعاءك الي يزعلني والله ازعل منك وما اكمك ابد
جلوى باستسلام:خلاص اجل هونت
امي فاطمه: اهسن
انسدحت على سرير امي فاطمه وانا افكر كيف ارد على فهد وش اقوله انا ماابيك او انا اعتبرك مثل اخوي والله مدري احس اني بظلم نفسي وبظلمه معي اذا وافقت عليه الله يرزقه ببنت الحلال الي تسعده وتهنيه اذا شفته علمته بردي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::
ريما
تعبت توي راجعه من الجامعه جوعانــــــــــــــــــــــه
رحت لصاله لقيت امي ساره حبيتها على راسها : هلا ماما كيفك
امي ساره: الحمد الله
ريما ايش فيها تكلمني من غير نفس: كلثوم كلثوم
كلثوم: نعم
ريما: قولي للطباخ يجيب غداي هنا ماراح انتظر احد بسرعه
امي ساره: وزينة الحلايا الي فوق وراها ماراحت للجامعه
ريما: ماادري عنها
امي ساره : طبعا ماتدرين عنها ماكأنكم خوات اعوذ بالله منكم ومن حالكم
ريما: ماما ووش فيك علي هي ماتبي تروح اغصبها يعني!
امي ساره: الكلام معكم ضايع
ريما: ماما الله يخليك وش فيك علي انا مزعلتك بشي ؟
امي ساره: ايه مزعلتني وحالك ماعجبني ابدا يابنتي خوفي من الله هذا كبرك وماتتغطين نص شعرك طالع يابنيتي انتي كبيره والغطاء واجب عليك لين متى بتبتلين على هالحال محد نافعك لين وقفتي قدام ربك ماعليك من امك ولا من صديقاتك امك لو تعرف مصلحتها والي المفروض تسويه مارمت خواتك على غيرها انا تعبت منها ماتسمع الكلام ابد ولاعليها من احد يابنيتي الجاءي لربك بالرخاء يعرفك بالشده حتى خواتك ماكلفتي على نفسك تتطمنين عليهم واذا هم بخير او لا روان على الاقل انتي تشوفينها دائم تجي بس هالمسيكينه جلوى الي لك فوق3 سنين لاشفتيها ولا تعرفين عنها شي مالك الاخواتك هم الي بينعونك وانا امك
ريما: انشاءالله يمه
امي ساره منفعله: بس هذا الي اسمعه منك انشاءالله يمه والا الفعل ولا شي الله يهديك بس
ريما: طيب ايش تبيني اسوي كيف اشوفها انتي عارفه اني بجامعة الامير سلطان وهي بسعود كيف اشوفها واذا جت ماادري عنها ولا احد يقولي وماما ماترضى نزورها عند ابوها
امي ساره: الله يرحم حالك وش ابوها ابوها توفى
ريما: مـــــــــــــــــــــــــات متى
امي ساره: ياقلبي سوير قلباه حتى ماتعرفين ان ابو اختك ميت مااقول الا لاحول ولا قوة الا بالله
ريما: وانا كيف اعرف محد منكم قالي من وين تبيني ادري يعني؟
امي ساره:اسمعيني زين انا بروحلها اليوم اذا تبين تعالي معي بس لحد يدري
ريما بفرحه : بتروحين لها اليوم! اكيد بجي معك ودي اشوفها اشتقتلها... وامي؟
امي ساره مرتاحه من ردة فعل ريما: امك ماعليك منها لا تعلمينها و تجهزي بعد المغرب
ريما: ابشري بتجهز من الحين بعد يــــــــــــــــــــــــــــــــــــــاي وناسه واخيرا بشوفها
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::

مرحبا كل عام وانتي بخير
الجزء احم حلوو اوكي بس سورري احس بحماااس اكثر في الاجزء الى قبل يمكن لان هذا الجزء جبلي احبط قهر طلال كنت متوقعه ردة الفعل غر منه من ناحية جلوي وكنت انطرها بي فارغ اصبر
احمد هذا بط كبدي افعل كلها غلط والله مسكينه امي فاطمه المفروض على الاقل وحد شين الثاني زين مو الثنين اعوذ بالله منهم
مادري كيف هذول عايشين عائلة الجد ابد مافيهم وزع ديني غير امي ساره وطلال وفيصل والباااقي وووع منهم ريما فيه حسناات بس المكاان الى عيشها فيه معطيها من الامور السئ اكثر وهو التهون في الحجاااب>>وهذا اهم شي
بصراحه مادري ليه احس ان الجزء الجااي راح تكون في تطورات اكثر تعطي الواحد حماااس لي متبعاات الاجزء ونطرين ابدعااتج ويعطيج العافيه وياليت يكون في تفعل معنا ورد على ردودنا وتسالتنا هذا الشي راح يزيد الحمماس في القصة >>وجهة نظر فقط لا غير
مذهلة

مرحـــــــــــــــــــــــبا

مذهله
تسلمي على متابعتك للقصه و بالعكس اتقبل وجهة نظرك و ارائك انت والجميع بكل رحابة صدر ارائكم وانتقاداتكم والاهم وجهة نضركم شي مهم بالنسبه لي حتى توقعاتكم
اما الاحداث في هذا البارت انا كنت مهتمه اكثر شي بالتطورات اكثر من انه تكون حماسيه لاان انشاالله الحماس في البارتات الي جايه وطلال ماعليك من ردة فعله الحين هو ذكي يبي كل شي بوقته اذا انفعل الحين ب..... خخخخخ كنت بقوك وش بيسوي بس لا اقري البارت الجاي

زارا
صراحه بدون مجامله ماشاءالله عليك تحليلك وردودك رائعه غصب تخليني اضحك وحابه اشكرك على متابعتك للقصه في الم تعبتك معي
وبالنسبه لمعنى اسم جلوى:فهو الفرس القويه ...في عهد الصحابه كان اربعه مهم مسمين فرسهم جلوى لانها كانت قويه وجميلة المظهر

وشكرا لجميع من قرا القصه ورد عليها وانا حاضره للي تبون