ياااااااااااي بارت مرررررررررررررررررررره خطير ولو انه قصير بس انشالله اذا طلع الوالد بتكتبين اطووووول


اممممممممممممممم

بالنسبة لجلوى مره متحمسه مع روحتها للمخيم
اما نواف: زين ربي هدااه والله يتمم علية يارب..
صالحه: يا قلبي قلبك وش اللي فيك بعدددددددد ما يندرى وش نهايتك ؛-)
نوف:يازييينك زينااااااااه مره انقهرت من التبينه شذيوووو الخايسه اكرهاااااااااااا القرررررف


وبسسسسسسسسسسسسس واتمنى ما تطولين علينااااا
وماقصرتي =)

اول يوم في المخيم
مخيم الرجال
ابوي عبدالعزيز بصوته الحاد: فيصل وانا ابوك قل للعمال يطلعون دبابات البنات ويرسلونها لهم
فيصل: ابشر الله يرضى عليك
طلال : خالد وشلون الشغل معك
خالد: فرع جده ماشي تمام البلا بفرع الرياض الشغل فيه مهوب مره
الخال ابو تركي: غير مكان الفرع وانا ابوك وبتضبط امورك
" وهذا هو طبيعة كلامهم"

مخيم الحريم
ام تركي بكل غرور: مخيم اهلي مثلكم بس هم اكبر والا ياعنوده
العنود بدلع: صح ماما
سلوى بدق: مافي مثل مخيمنا كل شي فيه على مستوى الله يخليلنا ابوي ويطولنا عمره
ام تركي تقهر هند: الا ياخالتي ماجت جلوى؟يقولون بتجي
امي ساره: بروح اجيبها بكره ان شاءالله
غاده تكلم ريما : ريموه تعالي نطلع برا بدا عاد الكلام الماسخ جبت وحطو قالوا وفعلو
ريما:ههههه صادقه تعالي نطلع
العنود: اقول رنا ايش فيها سوسو جالسه لحالها وسرحانه
رنا: وانا ايش يعرفني اسأليها انتي
العنود: اجل بتجي أختك صراحة مااحبها من يوم كنا صغار هالاشكال مااحب اصادقهم
رنا تأيدها: انا مثلك بعد
امي ساره: روان وانا امك قولي للقهوجيه يجهزون القهوه والشاهي
برا المخيم
جالسين على التراب
ريما: كنت توني بناديك
روان: من غير ماتقولين بجي مليت جوا
غاده: ريموه وش رايك نلبس جلال
ريما: لاااااا اليوم مفتوح اذا رجعنا نتغطى
غاده: تنكتين الدين على كيفك انا بروح اجيبلي جلال يمكن احد من العمال او اولاد خالي يمرون
ريما: كيفك روحي روان جايبه الاب حقك
روان: لا متحمسه لبكرا عشان جلوى بتجي مستحيه منها مره مادري كيف بحط عيني بعينها من زمان ماشفتها ولا كلمت اسأل عنها حتى بوفاة ابوها مارحت اعزيها
ريما: كلنا متحمسين انها تجي
روان بحزن: ريما ليه احنا كذا ماكأننا خوات كل وحده فينا بعيده عن الثانيه متشتتين عن بعض مو مثل باقي الخوات تدرين اذا شفت صاحباتي يروحون ويجون مع اخواتهم اتضايق واغار السبب ماما هند صح
ريما متفاجئه من كلام روان: هاااا ماادري
روان: الا تدرين بس ساكته.. صح اني مره مبسوطه عند ماما جواهر وبابا صالح مره مدلعيني ومايردون لي طلب بس دايما افكر فيكم وافكر ليه ماما عطتني لماما جواهر وجلوى اعطتها ابوها احيانا احس انها ماعندها مشاعر قاسيه وماتستاهل تكون ام بالمدرسه دايم البنات اذا سألوني ابش اسم امك مااعرف ايش اقول هند او جواهر
ريما تغير الموضوع: هالعنود ماادانيها اجتمعت هي ورنا شن وافق طبقه
روان: ههههههه لا يسمعونك تروحين فيها
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
جلوى
اكلم صالحه
جلوى: الو
صالحه: هلا والله
جلوى: صلوحه بروح بكره لمخيم اهلي
صالحه: وكيف النفسيه
جلوى: زفت وستين زفت احس اني بجلس على اعصابي
صالحه: ليه خليس عادي
جلوى: انتي مافهمتي قصدي هم غير عنا انا عالم وهم عالم ثاني هم لهم اسلوب معين وكلام معين وكل شي فيهم غيري مدري كيف بنسجم
صالحه: انتي خليس ساكته وكلمي الي يكلمس تراها 4 ايام بس بتروح بسرعه
جلوى: عسى خايفه من ردة فعل جدي اذا شافني وش بيقول
صالحه: لاتزعلين مني جدس بالذات اسفيه واذا قال شي اسمعيه بأذن وطلعيه من الاذن الثانيه ماعليس منه
تقاطعهم نوف
نوف: جوجو تكلمين صالحه عطينياها
جلوى :صلوحه خذي نوف تبيس
نوف تكلم صالحه: هلا وسهلا بشيخة ال .... كلهم لا فرق الله شملهم
صالحه: احم احم هلا فيس
نوف: صلوحه بدت الاجازه الر بيع وش رايس تجين عندي بعد بكره فرصه نأخذ راحتنا جلوى ماراح تكون فيه
جلوى تضرب نوف على ظهرها: مالت عليس اوريس يالخاينه مالس تاليه اجل فرصه هااااااا
صالحه تضحك: هههههه أي صح يانوف واحلى فرصه من زمان ماجلست انا وانتي لحالنا
نوف: ايييييييييييييييييييييييييييييييييييي عمى مو يد مطرقه أي ايي هههههههههههه
جلوى يقهر مصدقه: احسن وانتي ياصويلحه اوريس هين
نوف: ههههههههه تراها صدقت ياصالحه هههههه مكشره الا اقول صالحه وش كنتي جالسه تسوين بالحمام يوم كنتي عندنا ودي اعرف طولتي فيه مره
ضحكت جلوى: هههههههههههههه يالوسخه الله يقرفس
صالحه ارتبكت: هااا مالس دخل صادقه جلوى والله انس وسخه
نوف+جلوى:ههههههههههههههههههههههههههههههههههه
نوف: صلوحه لاتنسين بعد بكره تعالي
صالحه: انشاءالله وترى بجيب معي حلى يحبه قلبس يالله مع السلامه امي تناديني
نوف: مع السلامه
جلوى: الا نوف وش اخبار اروى من راحت عند امس لاكلمت ولا اتصلت
نوف: عشان اذا قلتلك ان عندي خوات يجيبون الهم تصدقين
جلوى: وامس وش اخبارها
نوف: من شوي كنت اكلمها تسلم عليك
جلوى: جايبتها من جنبس امس بتسلم علينا يالكذابه
نوف منحرجه:ههههه يالدبا كاشفتني وش اسوي ابي اصلح صورتها قدامكم هههههه احرجتيني مالت عليك
جلوى:نوف كلمي على خالاتس يجون عندس يونسونس
نوف: لا عادي اصلا ابي اختلي بنفسي كم يوم من زمان ماجلست مع نفسي وصالحه بتجيني خلاص يكفي
يا ولد ياولد
نوف مستغربه : هذا نواف! غريبه امس جاي
جلوى" زين هذا وقته بكلمه عن الصك" قوليله يدخل تغطيت
السلام
نوف+جلوى: وعليكم السلام
نواف: نوف خذي هالشنط وعبي فيها كل الاغراض الي بغرفتي ملابسي وكتبي وصوري كل شي تحركي
نوف: وليه ماترتبها انت منيب خدامتك
نواف بصرخه هزت لبيت:نــــــــــــــــــــــــــــــــــــــــــــــــــــــ ــــــــــــــــــــــــــوف
ركضت نوف من الخوف وخذت الشنط وطلعت
جلوى: نواف
بنفس الوقت
نواف: جلوى
جلوى: تكلم انت تكلمنا بنفس الوقت
نواف تردد: هااا لا بس كنت ابي اسأل عن امي فاطمه خلصت ادويتها
جلوى: لا باقي كثير نواف ابيك بموضوع مهم بس ابيك توعدني تراني داخله على الله ثم عليك اذا وافقت على الي بقوله زين واذا لا انسى الموضوع ولا تسألني عنه مره ثانيه
نواف بهدوء: تكلمي وش فيك؟
جلوى: تعرف البيت الي كنا ساكنين فيه اول هو لاامي فاطمه طلعنا منه عمي وقال مالكم حق فيه وانه حلاله والبيت من حقه بس معي صك يثبت انه لأمي فاطمه وانه كذب علينا وخذ نصيبي واذا وافقت امي فاطمه هي بتسويلك توكيل وانت اكتبه بأسمك ومتى ماتزوجت انا اكتبه بأسمي وقتها مايكون لعمي سلطه علي وش قلت؟؟

نواف بعد تفكير: انتي واثقه فيني!
جلوى: لا بس مالي غيرك مجبوره اني اثق فيك
نواف: وفهد
جلوى: فهد لا مااثق فيه يمكن باي لحظه يرجع البيت لعمي ويكتبه بأسمه
نواف: وانا يمكن اسوي مثله وش يدريك
جلوى: لا انت غير
نواف باصرار: معناه واثقه فيني
جلوى: ماادري.. وش قلت؟
نواف:جاوبيني اول واثقه فيني والا لا؟
جلوى بصوت هادي: اثق فيك اذا ماكنت سكران بس اذا سكرت لا
نواف: يصير خير بفكر بالموضوع وبردلك
جلوى: طيب ترى بروح بكره بتمرني جدتي بطلع مهم للمخيم 4 ايام وبرجع
نواف: وامي فاطمه
جلوى: انا مابي اروح بس هي الي اجبرتني واتفقت مع نوف تجلس عندها لين ماارجع
نواف: خلاص روحي بس لاتجلسين اكثر من 4 ايام اذا رجع ابوي ومالقاك بتصير مشاكل
"اشوى ارتحت يعني فيه امل يوافق واشوى اني قلتله عن المخيم بعد اخاف يصير شي لاقدرالله فيكون عنده خبر "
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في المخيم
اليل

امتلت المخيمات من الاهل الكل جا بما انه اجازه
ريما: شفتي الحظ كل البنات ياكبار اكبر مننا يا صغار مكتوب علي اقابل هالخشه
غاده: لك الشرف يالحماره من زينك بعد
ريما: ههههه امزح ليه زعلتي
غاده: مازعلت الا وين روان
ريما: جو بنات خالة امي بسنها وجالسه معهم
غاده: تعالي نتمشى قدام الجو روعه
ريما: مره "وتأشر بيده" في احد هناك مين؟
غاده: الشباب
ريما: خلينا نرجع
غاده: امشي بس مالنا علاقه فيهم بنمر عادي انا بتغطى وانتي عادي
عند الشباب فيصل +خالد+ تركي
خالد: حيا الله البنات الغنادير
غاده: الله يحيك..كيفك تركي
تركي: هلا والله كيف حالكم
ريما+غاده: الحمد الله
خالد: عاش من شافك ياريما ماصرتي تنشافين
ريما ترد مجامله: مشغوله بالجامعه يالله غاده خلينا نكمل مشي
ريما
لما شفت فيصل حسيت بخوف وبشي غريب ماقدرت احط عيني بعينه ابد مع اني من بعيد ميزته وعرفته من شكله الي منطبع في بالي ماادري ليه احس انه هو الي مرسلي الايميل معقول لهدرجه خايف علي يووووووه ليه شاغل بالي انا نسيته صح نسيته وشلته مع حبه من قلبي
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
عند خيمة امي ساره
امي ساره: روان روان
روان :سمي يمه
امي ساره: روان وان امك روحي قولي لطلال امي تبيك في خيمتها اتصل على جواله ومقفل بس لحد يدري عنك
روان: ابشري دقايق وهو عندك
بعد شوي
طلال في الخيمه
طلال: امري يمه ارسلتيلي
امي ساره: طلال وانا امك ابي ادخل بكره الضحى للرياض وابيك انت توديني
طلال مستغرب: عسى ماشر يمه فيه شي مضايقك
امي ساره ماسكه يد طلال وباابتسامه: سلامت قلبك يالغالي بس بروح اجيب جلوى وانا امك
طلال:بس الله يطول عمرك انا بكره بيجوني رجال ضيوف للمخيم مابيهم يجون وما يحصلوني ارسلي لها واحد من اسواقين ومعه شغاله يجيبونها ولا تعبين عمرك
امي ساره: افا عليك يطلال تردني
طلال يحب راسها: ماعاش من يردك يالغاليه الوقت الي تبيني اوديك فيه انا حاضر انت امري بس
امي ساره: بكره الساعه 11
طلال: تم
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
بكره
الضحى
عند جلوى
جلوى تبكي وتحضن امي فاطمه: يمه مابي اخليس مابي ليه تجبريني اروح اهه اهه اهه ماقدر افارقس دقيقه وحده
امي فاطمه ماسكه نفسها: يمه الله يهديكي بس 4 يوم عادي يمه وانا كل سوي بكلي نوف تتسل عليك يمه هدولي اهلك يمه
جلوى تمسح دموعها: هذي اول مره بحياتي بنوم بعيده عنس يمه ترى والله اذا ماتصلتي علي كل شوي برجع وبكيفس
امي فاطمه جلوى مازالت بحضنها: الله يوفقك يابنتي ويردى عليك دونيا واكره
نوف: خلاص جلوى ماشاءالله فجرتي بير من الدموع بدقيقه ترى كلها ساعه ونص بينا وبينكم
جلوى تحرص نوف: اسمعي تر....
قاطعتها نوف: والله العظيم حافظه الكلام عدتيه لي الف مليون مره وورقة تعليماتك مصورتها بكل مكان موجوده فهمت عرفت والله
امي فاطمه تضحك: هههههه كلاص يمه جلوى ارتاهي انتي نوفاتي مكصرت ابد كلاص
نوف: متى بتجي امك ساره تأخذك؟
جلوى: بروح اغير الحين من شوي دقت على البيت وقالت انها طلعت من المخيم
طلعت للغرفه واحترت وش البس فالاخير لبست تنوره لااني مالبس بناطيل ابد فلبست تنوره سودا مطرزه من الجوانب بورد ملونه ولبسته معها بلوفر فوشي نفس لون التطريز وحزام اسود على الخصر وفلات فوشي وكنت ابي افك شعري بس عيت علي ام فاطمه ونوف خخخخخ خافو علي فربطته على شكل ذيل حصان مرفوع شوي لان شعري طويل لنهاية ظهري ولبست طوق خرز فوشي وكحلت عيوني الشي الوحيد الي اضبطه بالمكياج الكحل اعرف ارسم عيوني زين وابرزها بشكل حلو وحطيت قلوس بس طلع شكلي الحمد الله مرتب
الله الله تجنين ماشاءالله تبارك الله
جلوى: لا تبالغين مرتب شكلي
نوف: لا مو مرتب الا يجنن ماشاءالله جلوى انتي خلقه حلوه واحلويتي زياده ماشاءالله
جلوى: يعني شكلي زين يواجهه ماافشل يعني؟
نوف بصدق:الا يواجه ونص وقطع لسان الي يقول انك تفشلين والله من الغيره يقولها
جلوى: ماقصرتي يانوف هذا ذوقس انتي
رن الجرس خذت شنطتي ونزلت وودعت امي ونوف
طلعت وانا ماسكه شنطتي الي فيها ملابسي بيدي قلبي يخفق بقوه وعيوني تايهه تدور امي ساره تفاجئت انها راكبه قدام رحت من جهتها بسلم عليها وبركب بالكرسي الي وراها
شافتني جايه فتحت الباب بسرعه
امي ساره: هلا وغلا بشيخة البنات كلهم هلا بحبيبة قلبي
انحرجت من كلامها وحبيت يدها وراسها: كيف حالس الله يرضى عليس بشريني عنس
.........: اركبي بسرعه ترانا بوسط الشارع خلصي
انتفضت من سمعت هالصوت طلال لاااااااا ياربي هو الي جاب امي ساره ركبت بسرعه وركبت شنطتي جنبي خير وش هالكلام شوي وبيظربني والله ماسلم عليه عشان يعرف يتكلم زين مره ثانيه
امي ساره بفرحه: يالله حييها ويخليها لغاليها
رديت: الله يحيس يارب
امي ساره: عسى ماضاق صدر امك فاطمه ومن جلس عندها وانا امك
قلت متجاهله سؤالها الاول: جلست عندها نوف بنت عمي
امي ساره: ريما وغاده كل شوي متصلين علي وصلتوا والا لا مشتاقين لك
جلست امي ساره تسولف علي عن المخيم انا جالسه وراها واقدر اشوف طلال بس ماقدرت ارفع عيني عليه مع اني مغطيه عيوني بالطرحه بس ماقدرت مدري ليه خايفه تجي عيني بعينه خايفه اشوف لو لمحة حنان فيها مابي اشوفه مااتحمل حتى صوته ماودي اسمعه عيني على الشباك بس ماحركت عيني من عليه ماحسيت الا بصوت محمد عبده يملى السياره وكلهم ساكتين

إسمحيلي يالغرام العف الـوجه السمـوح
إن لزمت الصمت أو حتى لبست الأقنعة
أعترفلك ما بقى من عالي الهـمه سفـوح
إنحدر كـلي كما طـفل تـحدر مدمـعة
أه يا جود الحزن وياي والفـرحة شحـوح
ضايع بهمومي الغبراء بوسط المعمعة
أشتكي لوسـادتي دنياي وأسمـعها تـنوح
كنها بعضي وبعضي وين هو من هو معه
مختلط في عبرتي حبر الشقى ودم الجروح
مستوي في نظرتي غرب الوجود ومطلعه
عودي المبري بقابه من بقايا الوقت روح
فصل خامس ضايع بين الفصـول الأربعة
راس مالي ذكـريات وحلـم وآمال وطمـوح
لا صديـق ولا رفيـق ولا طريـق أتبـعه
سامحـيني دام عذري واضـح كل الوضـوح
وإسمحيـلي بالرحيل بلا تذاكر وأمتعة
صابتني بالصميم هالاغنيه طول مانا اسمعها حسيت بدموع تملى وجهي احس اني مكتومه ابي ابكي بصوت عالي واتفاجئت لما عاد هالاغنيه مره ثانيه لا اراديا التفت عليه وجت عيني بعينه

لااااااااااااااااااااااااااااا ابو الحمااااااااااااس
ياربي ايش بيصيييييييييييييييييييير اهه اهه

يسلمووووووووووو من جد بارت مرررررررررره حلوووووووووووووووو

يسلموووووووووو =)

السلاااام عليكم..
مرحباا اختي .. وش اخباار الوالد.. ان شااء الله نزل هالجزء وهو بينكم وبصحه وعافيه..؟؟
توني جيت برد على الجزء اللي نزل قبل يومين الا شفت هالجزء الجديد .. رووعه والله اتمنى انتس قررتي تكون الاجزاء كل يومين او ثلاثه..

تدرين اكثر شخصيه اثرت فيني اليوم نواف.. غريب هالرجاال فيه كل علامات الرجوله .. الشخصيه القوويه والهيبه والقووه الجسميه.. وبالاخير يكوون ضعيف بالشكل هذاا .. ويكون اللي مسبب له هالانهيار اللي صار له وفاة صديقه.. انا افهم لو جلس شهوور منهار بس شكل نواف من زمان وهو بالوضع هذاا... يعني بالضبط كم له سنه وهو يشرب.؟؟. احس ان علاقته بصديقه مرره قوويه اللي مسببه له هالتحوول الكبير في حيااته.. بس بعد وين ايمانه؟؟ ليش استسلم بالشكل هذا وهو شخص قووي جدا؟؟ بس والله فعلا النااس مااتعرفينهم عدل.. يجي الشخص من براا مافيه اقووى منه وشخصيته ماافيه اقووى منها. لدرجة ان النااس للاسف يربطون قووة الشخصيه بعدم الاحسااس وعشان قووي بحيااته يحسبون انه يقدر يكوون بعد قووي على احاسيسه ومشااعره.. وشكل نواف من هالنوع.. الشخص القووي خاارجياا بس كله احساااس ومشااعر داخلياا .. وتبين الصراحه والله مااقدرت الوومه بسبب انهيااره بعد صديقه.. لان فيه نووعيه كبيره مثل نواف يعتبرون ان وفااة اصدقاائهم الروح بالروح علاامة تحوول بحيااتهم.. وممكن حتى انه خلااص مااعاد يلقى شخص يكون له علااقه صداقه قوويه بعد وفاة اعز ربعه واصدقاائه.. الا بعضهم حتى يحس انه خااينين للصدااقه لو فضل احد بعد صديقه اللي مات.. فيكون طوووووول عمره بلاا صديق مقرب عشاان يحس انه وفي للصديق اللي مات.. من الجزء اللي فات حسيت ان نواف ممكن يكون بطل في هالقصه.. ويكون سند يعتمد عليه.. بس صرااحه ماافكرت ان ساالفته فيها صديق متوفي.. يااحرام ياانواف واثاريك طلعت منهاار بسبب الصدااقه .. الله يقوويك ياارب وتقدر تترك هالبلااا ويعوض عليك ويجمعك بصديق عمرك بجنات النعيم>> دااخله الدوور مضبوط. هخهخه
ايه صدق نواف بقوولك شي شفت صالحه اتووقع انه يكوون لك معهاا قصه .. يمكن تعالجهاا وتقدم لها المسااعده اللي كنت تتمنى تقدمها لصديقك..بس والله اعجبتني وانت حريص عليها وتغطيهاا .. سبحان الله حتى لو كان الواحد عاصي لكن يجي مواقف يظهر فيها ايمانه. مثل موقف نواف اليوم.. يعني اذا كان هالعاصي بالاصل من اصحاب الفطره السليمه ومااا اندفنت هالفطر بكثرة المعاصي.. واتوقع ان شووفتك لصالحه ماراح تكوون الاولى والاخيره اتووقع بعد بتشووفها قريباا في بيت اهلك لما تزور نوف. بس اتمنى مااتكون زي شووفتك الاولى لها وهي تعباانه..

واتوقع بعد ان ثقة جلوي فيك بتخلي هذا حاافز قووي لك عشان تترك الخمر والسكر.. والله يعينك ياارب ويقوويك ويخليك انت واللي مثلك. تشووفون الخمر ابغض شي بالدنيا..
وباذن الله يكون اللقاء اللي تم بالمقبره وانت منهار بينك وبين ابو العايله اللي توفوا هو بداايه الهداايه وتتغير حيااتك كلها للاحسن..ماا اقدر اقوول زي اوول ..لاني ماا ادري وشلون انت اوول . بس بقوول للاحسن..


صالحه: لاااا.. الف لاابااس عليتس يااصالحه مااتشووفين شر يااقلبي .ز وباذن الله ربي بيعافيتس وتقدرين ترجعين زي اوول واحسن .. بس وش اللي فيها؟؟ هو ورم ؟؟؟ والا وشو؟؟؟ يعني هو حميد والا خطير ؟؟ والله من شفت هالوجع اللي حست فيه وانا قلت شكله شي خطير ولما شفت نواف كيف انصدم من الحبوب اللي تاخذينها وانها نفس حبوب صديقه المتاوفي قلت .. الله يعافي صالحه ياارب..عسى بس ماتموت ويصير لجلوى نفس اللي صار لنواف من انهياار.. والله تدرين صالحه اني سوويت قصه وقلت يمكن بسم الله عليتس تموتين وتنهاار جلوى وياخذها نواف ويوقف معها بعد وفاتس وبيكون هنا اجتماعهم بسبب الصداقه والحزن عليها.. بعدين قلت لااا وش هالخبال ياازارا.. ؟؟ خلينا نشووف وش بتسووي عذبه لها وانتي ياازارا انثبري ولاا تستبقين الاحداث...

نوف : اصعب شي بالدنيا ان الوااحد ماااايامن على نفسه حتى من اقرب النااس له.. والله ياانوف الحين انا ماا اقدر الومتس على هالبعد اللي انتي مسويته بينتس وبين هالنسره الوقحه شذى...؟؟ واتاري المجرمه هي وافكارها من هي صغيره.. اجل الحين وش الافكار اللي ممكن تطلع فيها.. كل مشااكلكم ياارنا من سبة هالتشتت اللي انتم عاايشينه وعدم اهتماام اهلكم فيكم.. والسبب الرئيسي هوو عقووق ابووكم بامه.. والله مااراح ينعدل حال هالعائله الا بعد ماااينعدل حال هالابو مع امه. وهذا شكله مستحييل هالفتره.. ايه نوف خشمتس خشمتس يااشيخه على اللي سويتيه مع جلووى وروحتس معها السووق خليها تكسر رااس امها قبل النااس اللي هناك..

ريــمــا : الواحد ماايضمن عمره عشاان تقدرين تغطين بكره... مشكلتس انتس ظاامنه عمرتس .. وعندتس طوول امل بهالدنياا.. والمفرووض بما انتس شفتي غاده هداها ربي وتغطت ولاا اهتمت بكل هالتعليقات انتس تعتبرينها سند قووي لو كنتي متردده.. عشان كذا اقوول انتي هبلا يااريما واتوقع يمكن يصير لتس شي يخليتس تغطين غصبن عنتس.. يعني يمكن يصير لتس حادث بالبر.؟؟. وتطيحين من الدباب .. ومن هنا بتحسين انتس عشتي من اوول وجديد.؟؟ ويمكن وجوود جلوى يغير حيااتس كلها وتكون سبب بعد الله في انتس تغطين.؟؟.. بالنسبه للايميل. انا بعد زيتس اتوقع انه من فيصل..

سااره : والله انا ماا احبتس.. وتبين الصراحه بعد ماارحمتس لان انتي اللي جبتيه لنفستس.. بس لما فكرت شووي لقيت انتس ضحية امتس اوولا واخيرا قبل ماتكونين ضحية مشااري.. بس المشكله الحين انتس خلااااااااااااااااص غرقتي بهالوحل .. وشلون بتقدرين تحلصين منه.. الا اذا تخلصتي من صااحب المشكله نفسه..؟؟ ويمكن فعلاا تقتلين مشاري وهناا عاد تبدأ تظهر ثار الفظيحه.. بس مع هذاا حااسه ان فيه اشخااص بيتدخلون بموضوعتس.. ماا ادري بالضبط من؟؟ بس يمكن يكونون ناس مقربين .. ويمكن يكون هالتدخل جااي من الهيئه.. يعني انتي مااتقدرين تشكينه للهيئه..؟؟؟ مدري احس ان خيالي شطح واجد...؟؟

هند وسلوى : الحمد الله والشكر.. وين بيجن البنات خلوقات والامهات موليات مرره.. خسكن الله من امهات..
بس والله اكتشفت ان فيه نسبه كبيره من الامهات زيكن..الله يهديكهن ياارب..

جلوى : الله الله بالزين داام هذي اللغه اللي يتكلمون فيها اهل امتس خلااص العبي معهم نفس لعبتهم.. وخليهم يعرفون ان فاطمه ربت بنت وخلتها منتهى الادب والحشمه مهووب مثل هاللي عندهم لاا ادب ولاا اخلاق..
وتبين الصراحه حاسه انه بيكووون فيه اكشن قووي بهالرحله بينتس وبين طلاال.. وتبين بعداقوول لتس على شي متوقعته..؟؟ امتس سااره هذي مهيب سهله ابد. والله ان لها نيه ثانيه غير انتس بس تجين وتوسعين صدرتس وصدرها بهالرحله وهالنيه هي لتس انتي وطلال.. هالعجيز مهيب سهله تسووي احتبارات وتشوف وش نتايجها.. هخهخهخه .. اول اختباار نجحتي فيه لما رفضتي تاخذين الظرف وثاني اختباار اتوقع بيكون بالبر.. وغير اني اتوقع بعد انها تبي البنات يتاثرون فيتس واولهم خواتس..

طلال : عااد انت احس اننا للحين مااشفنا منك موااقف كبيره وقوويه.. غير لما قمت تهااوش على جلوى.. بس تبي الصرااحه رووعه شكلك وانت بتمووت قهر منها وهي ساافهتك عند الباب وعيت تفتح وتااخذ الظرف.. احسن خلك تعرف ان مو الكل بيموت على فلوسكم والا تتوقع ان جلوى نفسها ضعيفه و بتنجلط من الفرحه اذا عطيتوها فلووس.. بس انا ودي ندخل قلبك شووووووووووووووي ونعرف وش اللي تحسه تجاه جلوى.. وبعدين وش حركات المراهقين والاغاني والحاله.. هخهخهخه.ز والله الذيب ماايهروول عبث وان لك قصد يااا طلولي من هالحركات .. وانا عارفتها ..بس عااد بصبر شووي واشووف وش بيصير بالبر..

عذووووبه.. الله يسلم يدينتس ياارب على هالبارت الحلوو.. وياليت فعلا تصير الاجزاء كل يومين وخصوصا انتس تقولين انتس مخلصتها..
ايه صدق عذووبه طلب يااقلبي.. ليش ماا تكتبن رقم الجزء باول كل بارت.؟؟. يعني على طووووووووول تدخلين بالاحداث بدون ماندري حنا نقرأ أي جزء..؟؟ لو كتبتي الاجزاء احس بنقدر نعرف هو جزء جديد والا تكمله.. زي الجزء الاحير هذاا احسه تكمله . للي فووقه..
ونستنى الجزء الجاي بكل شووق..