حبيباتي عضوات ليلاس
وصلني تنبيه من اخت غاليه وعزيزه علي اشكرها من كل قلبي على هالتنبيه وابيها تتأكد من شي واحد اني ابدا مازعلت ومتقبله وجهة نظرها بكل رحابة صدر

وهو اني ماارد على ردودكم على القصه ولا اتفاعل معكم
الله العالم انو مو قصدي تجاهل لكم او ان ردودكم ماتهمني بالعكس انتو الخير والبركه وردودكم اهم شي عندي وانا بالاخير مجرد كاتبه بسيطه فقط لاغير وما يحق لي اني اتجاهلكم ااو مااهتم بردودكم

وماكنت اعرف بضرورة الرد والتفاعل مع ردود العضوات الا من من خلال تنبيه الاخت الغاليه لي

كنت متعوده اقرا القصص المكتمله على هيئة وورد فما عندي خلفيه عن الردود او كيف تتواصل الكاتبه مع الاعضاء وغيركذا هالقصه اول كتاباتي واول مره اشترك في منتدى عشان كذا انا غافله عن امور كثيره

اتمنى فعلا انكم تعذروني وتتقبلون عذري وابيكم تتأكدون ان مو قصدي تجاهل او عدم اهتمام فيكم بالعكس

قصه مرررررررررررررررررررررره خطيييييررررره بديتها امس الليل


مرره العنوان شدني

بالنسبه عن شخصيات القصه صراحه ما اقدر اتوقع شييييييييييي ابد ابد

وسلامة الوالد سالم انشالله

واكثر شي عجبني بالرواية ان البارت مشبع يعني من جد بارت مو اول ما ابدى اخلص لااااا يطول وفي اكشن واحداث

الله يوفقك ويعطيك الصحه والعافيه

مررررررررررررره متحمسه ابي بارت جديد

ومررره ثانيه يعطيك العافيه وموفقه =)

بيت صالحه
ام صالحه معصبه: والله انس ماتستحين على طول تقولين للبنيه تم افرضي انها قالت تعالي مجامله انتي ماادري متى بتعقلين الله يهديس بس
صالحه بابتسامه: يمه عادي نوف حليوه وتهبل وانا امون عليها لو هي ماتبينا نجي كان ماقالت وش الي يجبرها
ام صالحه: والله ماادري عنس اخبرس قوية وجه ماعندس بااحد بس والله ياصويلحه لو دريت انس انتي الي قلتي بجيكم ياويلس ويلاه مني
صالحه بضحك: هههههههه والله هم الي قالو هههههههه ياحليلس يالنوري تراني كاشفتس وعارفتس زين انتي لو الود ودس تروحين لهم اليوم قبل بكره ومن جواتس مبسوطه اني وافقت على طول بس مسويتلي فيها هههههههه العبي على مساعد مهوب علي
ام صالحه باابتسامه : اه منس طالعه على ابوس الله يرحمه يكشفني على طول مااقدر اكذب او اغبي عليه
صالحه : بس الله يعافيس يمه لاطرين لجلوى شي امنتس بربس يمه واذا سألتس عن شي قولي مافيها الا العافيه مابيها تدري ويزيد همها هم طلبتس يمه
ام صالحه بعبره: حرام عليس الي تسوينه فيني وافقي انس تسافرين برا وش بيضر الحمدالله الخير واجد واقدر اعالجس بأحسن مستشفى
صالحه بحزن: يمه سكري على هالموضوع رحت والا قعدت النتيجه وحده والي كاتبه ربي بيصير والدوخه امرها سهل معي المسكنات والعلاج نفسه هنا والا برا يمه لا تخافين علي كلن بيموت بيومه المكتوب له اغلى ماعندي بهاالدنيا انتي ومساعد ثم جلوى مابيها تحس ولاتدري عن شي مابي شي يكدرها او يضايقها لو تدري انا متأكده ان بيصير فيها شي والله ان تنهار وتتعب عارفه غلاي ومحبتي عندها لو علي ابيها تفرح العمر كله بس مافي بيدي حيله
ام صالحه تبكي
صالحه وهي تحضن امها: افا عليس تبكين مابي اشوف دموعس يالغاليه انتي مؤمنه وانا بعد مؤمنين بقضاء الله وقدره ماتدرين يمكن المرض الي فيني ابتلاء من ربي وتكفير لي انشاءالله انتي بدموعس تضيقين صدري اكثر تكفين يمه مابي اشوفها مره ثاني والله اضعف لين شفتها تبيني اصير قويه واتحمل لا تخليني اشوف دموعس مره ثانيه ياحلى ام بها الدنيا
ام صالحه والدموع مغرقه وجهها: جعل الي فيس فيني ياليتني انا التعبانه مهوب انتي جعل يومي قبل يومس يالغاليه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::
نواف
سلام عليكم دار قوم مؤمنين انتم السابقون ونحن الاحقون
جنب القبر
بصوت باكي وحزين
تكفى كلمني يا محمد والله اني تعبان محتاجك جنبي ضاقت الدنيا فيني ابي انساك ماقدرت زولك قدام عيني وين مااروح ليتني انا الي مت ولا انت تكفى قم حاكني يامحمد تعبت
" ويمسح دموعه بطرف شماغه"
مااقدر اضحك مااقدر ارتاح فيني ضيقه وهم جالس على قلبي صرت ادور بالشوارع من غير شعور ماادري وين اروح ماهنالي مكان من عقبك ليتك معي ياخوي يارفيقي ياعضيدي ليتك معي من عقبك وانا ضايع و تايه
صرت اشرب عارف انك زعلان علي بس يامحمد غصب عني ابي انسى ابي اموت لااني من عقبك وحيد دافن نفسي بشغلي وبس واذا تذكرتك شربت لين انسى تكفى قم والله ماعاد اشرب انت بس قم
وبصراخ عالي
تكفـــــــــــــــــــــــــــــــــــــــــــــــــــــــــ ــــــــــــــــــــــى قم تكفـــــــــــــــــــــــــــــــــــــــــــــــــــــــى
......: مايجوز ياخوي انك تبكي عليه ادع له بالرحمه والمغفره
نواف منهار : راح وتركني تعاهدنا مانفارق بعض تعاهدنا ان مانخلي الدنيا تفرقنا ليه راح
.....: ياخوي انت انسان مؤمن وهذا يومه الي مكتوب له انه يفارق هالدنيا لا تعترض على قضاء الله وقدره
المرحوم وش يصيرلك
نواف وهو يمسح على القبر وبصوت يحزن: رفيقي واخوي
.....:الله يرحمه وويوسع عليه بقبره اسمعني يااخوي عمر الحزن مايفيد ولا يرجع الي فقدناهم كنت مثلك انهرت وكرهت الدنيا بلي فيها
" ويأشر بااصبعه"
شفت هالقبور الخمسه هذي قبور زوجتي وعيالي الاربعه 3اولاد وبنت الله يرحمهم ويجمعني فيهم بالجنه انحرق بيتي من 3 سنين ولا قدرت زوجتي تنقذ نفسها ولا عيالها لاانها كانت حامل بالشهر الاخير وصار لهم حالة اختناق وماتوا على طول انهرت وبكيت وحاولت انتحر كم مره جاني اكتئاب وانعزلت عن الناس منظرهم وهم ميتين مافارق عيني ابد نصحوني اخواني وامي وابوي ولا سمعتلهم وبيوم
حلمت ببنتي الصغيره كان لها جناح وتشبه العصافير حضنتني وقالت لي بابا لاتبكي علينا حنا مرتاحين ومبسوطين حتى ماما انا كل يوم ازورها صارت طويله وحلوه يابابا احلى من اول " قصه حقيقيه"
صحيت من الحلم وكأن احد كاب علي مويه بارده لأول مره بعد وفاتهم ابتسم عرفت اني بلي اسويه بنفسي اضايقهم ومن بعدها وانا متغير ونصحني امام المسجد اني ابنيلهم مسجد وا اسويلهم اعمال خير تفيدهم خصوصا زوجتي والحمدالله الحين انا مرتاح ومتى ماحسيت بالضيقه رحت لمكه وخذت عمره لزوجتي
سو الي انا سويته وبتشوف ....ازعجتك وانا اخوك بس ماهان علي اشوفك وانت بهاالحاله لاتيأس ولا تحزن في الاخير كلنا بنموت مع السلامه
نواف وعينه على القبر: مع السلامه "وبتنهيده" الله يرحمك يامحمد الله يرحمك


لي صاحب ودعت من عقبه النوم
والروح صارت تطلب الموت عجله
ماعاد لي شفن ولا عاد لي يوم
القى فرح من دون شوفه و وصله
ياصاحبي غابت معزيف ونغوم
غابت سواليف لها النفس وجله
اخر فجر عشته معك اخر اليوم
دمعي على خدي توسم بجزله
من عقبك ايامي تهاويل وهموم
تجزع بقلب ناوي الهم قتله
تسري بي الدنيا على الكيف محكوم
امشي دروبي يابس الكدر وحله
تلعب بي ارياح الغرابيل وسموم
من غبت عن دنياي مهيب سهله
اذرف دموع الحزن من صدر مكتوم
عافت عليه جروح بالقلب نهله
ماعاد ابي دنيا ولا عاد بي لزوم
في عالم منتب رفيقي من اهله
دروبي الم مالمني عقبك اللوم
مكتوب اعيش الهم بالعمر رحله
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::
جلوى
بالمطبخ
والله اني خفت يوم صرخ طلال علي جلست اتنافض من الخوف مادري كيف رديت عليه واصريت اني ماافتحله ولا اخذ الظرف منه لأني وقتها حسيت صدق بالاهانه وحزت بخاطري ليه ترسلي الظرف؟ وش قصدها؟ لا ومع طلال الله يهديس يأمي ساره ماتوقعتها منس عارفه ان نيتس زينه وطيبه بس ولو فيه اسلوب احسن من كذا و المفروض ان محد يدري عن هالشي وانس تعلميني قبل اكيد انها مرسله هالفلوس عشان اشتري لبس للمخيم وش شايفتني على بالها اني باخذ الفلوس لا والي خلقني مامد يدي لغيري ولا اخذ شي من غيري حتى لو كنت بموت من الجوع اذا ام صالحه الي اعتبرها امي الثانيه مارضى اخذ شي منها الا اذا ساعدتها وش بيفكر فيني طلال الحين اكيد اكيد بيقول اني طمعانه فيهم واني ماسلمت على امي ساره الا طمع فيها واني انا الي طلبت منها الفلوس والحمد الله منيب في حاجة فلوس من احد مقتنعه بلي عندي مابي الا راحة بالي وعافية امي فاطمه وبس
جلوى ياهووووووووووووووووووووووووووووووووووووووه
ارتعت: بسم الله علي ياحبس لترويع
نوف: لأني جالسه اكلمك ومارديتي علي
جلوى: المهم وش تبين
نوف: وش يبي منك ولد خالك
جلوى: يالقفس منيب معلمتس
توف: والله انك سخيفه انا اوريك
جلوى رحمتها: والله اني رحمتس يالملقوفه جاي يعطيني ظرف ورفضت اخذه وقفلي على الموضوع لااني مابي احكي فيه
نوف: اهااااااااا قفلنا خلاص
جلوى:ههههههه بعدي يازينس لين سمعتي الكلام ايه تعالي زهمتي على البقاله يجيبون لنا عصير تفاح راوخ
نوف: ايه بس يقول دبابهم الي يوصلون فيه خربان ومايقدرون وكلمت على فهد ومارد علي
جلوى: وش السواة طيب
نوف: مادري خلاص ماله داعي يكفي البيبسي والسفن الله ياخذها هالشذى انشاءالله من حقارتها عيت ترجع السواق الحقيره يستناها على الفاضي
جلوى: نوف كلمي نواف او فهد عنها اكيد انهم مايدرون عنها لانهم اكيد لو درو بيوقفونها عند حدها
نوف: فهد يدري بس يقول تعبت ومليت من كثر ماتكلم معها طبعا هو مايدري عن الي تسوييه وانا اخاف اقوله عن الي اعرفه ونواف ماقلت له شي مااصلح نفسه يصلح اخته مالت عليه وعليها
جلوى: طيب والحل معها بعد انا مايصير نسكت ترى وضعها خطير انتي يانوف اختها حاولي تتكلمين معها
نوف: جلوى انا مالي دخل فيها هالحقيره هذي بلوه مو اخت بعدين عندها ام وابو المفروض هم الي يهتمون فيها مو انا
جلوى: والله العظيم حرام عليكم كلكم الي تسونه فيها تراها بذمتك يانوف انتي اختها وتدرين عن الي تسويه وساكته لا علمتي احد يتصرف معها ولا انتي الي تصرفتي والله لو ماخوفي من المشاكل والي بيصيرلي من وراها والا من زمان انا متكلمه معها بس انتي اختها وبيصدقونك وحتى لو كذبوك مهوب مسوينلك شي
نوف: رجاء جلوى لا تتكلمين معي بهاالموضوع مره ثانيه لو سمحتي المهم تراني بصلح سوفليه حلى بعد العشاء وش رايك؟
جلوى:براحتس سوي الي تبينه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
نوف
جلست بالمطبخ وجالسه اقطع حلى القهوه وارتبه بالصينيه
الله يهديها جلوى نكدت علي ماتدري ان الي فيني مكفيني انا وش دخلني فيها اساسا ماعمري حسيت ان شذى اختي وبكل صراحه مااحبها ولاارتاح معها انانيه وحقيره وكل دناءة العالم فيها وينهم امي وابوي عنها تاركينها على راحتها مايقولون لها ثلث لثلاثه كم هم المفروض ينتبهون لها وهم السبب بلي هي فيه ليه يسمحون لها تروح وتجي على كيفها لا وتنوم عند صديقاتها وكرت البنك معها اذا هم الي مانتبهوا لها انا الي انتبهلها تخسي والله ماعلي منها هالخايسه وياليتها بعد كفو اني اتكلم معها وانصحها اصلا ماتستاهل اني احط لساني على لسانها الحقيره والله مانسيت الي سوته معي ولا عمري بنساه 3 سنين مرت ولا قدرت انسى ولااسامحها في قلبي عليها شي ماقدر اوصفه ياشين ذاك اليوم ياشيــــــــــــــــــــــــــــــــــــنه
قبل 3 سنين
في الصاله
شذى بصراخ: نويف يالكلبه ليه تقولين لفهد اني نمت عند الهام بنت جيرانا انتي داريه انه مايدانيها ليه تفتنين علي عنده
نوف: اولا انا مافتنت ولا ادري اصلا ان فهد مانعك تروحين عندها فلا تجلسين تصرخين هو سألني عنك وقلتله انك نايمه عند بنت جيرانا حتى اسمها مانطقته هو الي عرف انها الهام
شذى: على بالك بصدقك يس والله لااخليك تندمين عشان تعرفين مره ثانيه كيف تفتنين
نوف: صدقتي ولاعمرك لاتصدقين خايفه منك انا
بعد ساعتين
في غرفة نوف
شذى بترجي: نوف بسرعه تكفين انزلي عطي الهام الكتاب عند الباب تستناني عنده الحين
نوف: وليه انتي الي ماتروحين نسيتي ان توك مصرخه علي
شذى: افا عليك انا ازعل منك زلة لسان انا بروح اتحمم تكفين
نوف: طيب وين الكتاب
شذى: خذيه
عند باب الشارع
نوف: اف وينها ذي تاخرت غريبه شذى تقول الهام عند الباب
بيب بيب بيب
اكيد هذي الهام جت اخيرا صوت بوري سياره
فتحت الباب تفأجأت بأخو الهام مسعود
مسعود: هلا بالزين والله اكيد حنيتي علي
توني بسكر الباب الا اسمع صوت صراخ ابوي ويده بشعري ونواف يضرب مسعود
ابوى وهو يضربني ويصرخ : الا ياقليلة الحيا ومواعدته عند البيت بعد يلي ماتستحين
قلت وانا ابكي من قوة الضرب: والله يبه ما واعدت احد كنت بعطي الكتاب لالهام صديقة شذى اهه اهه والله العظيم
ويزيد ابوي بالظرب: يالكذابه تكذبين بعد نواف خذ الكتاب من على الارض
فتحه نواف وطلع من وسطه كرت وقراه على ابوي كان مكتوب فيه كلمات حب وغرام والمرسله نوف انصدمت
قلت وانا اشهق من الصياح: والله مو انا والله العظيم صدقوني
ومحد صدقني على قولتهم مسكوني بالجرم المشهود واستلمني بعدها نواف ظرب وكانت امي طالعه فطلعت لغرفتي اصيح ماجا في بالي ابد انها شذى ولافكرت فيها اصلا قلت يمكن انه مسعود الوسخ خذالكتاب وحط فيه الكرت وبلاني
شوي ودخلت شذى الغرفه وناظرتني بشماته
شذى: هذا درس لك عشان تعرفين تفتنين علي هالمره جت على كذا المره الثانيه صدقيني اذا فتحتي فمك بجيك اعظم
وطلعت
جلست اصرخ فيها واسب واشتم وعرفت انها اسبب وبسبتها حلف علي ابوي اني مااحضر شبكة اروى ولا حظرتها
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::
الساعه 7 بعد المغرب
نواف
طلعت من المقبره اول مره اطول فيها مثل اليوم والله لو علي مافارقت قبره ابد حتى وهو ميت ارتاح وانا اتكلم معه عند قبره احس انه يسمعني الله يرحمك يامحمد
قبل ماروح لأمي بمر على بيتنا بشوف اذا هم محتاجين شي هذا وقته يافهد بتروح وبتتركهم والحل اذا راح فهد من بيجلس عندهم ابوي مسافر مهوب راجع الحين من بيجلس عندهم !!!!!!!!
وصلت البيت استغربت من هالسياره مين هالحرمتين الي نزلوا منها بصبر شوي ثم بنزل محتاج اغراض من غرفتي ضروري وبعطي نوف فلوس وبطلع
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::
عند باب بيت نوف
جلوى ونوف بعد الترحيب الحار بصالحه وامها
جلوى وهي طايره من الفرحه: حياك الله يخالتي امي فاطمه ماتدري انس جايه بخليس تدخلين عليها مفاجاءه
ام صالحه: الله يحيس ويبقيس والله اني ولهت عليكم حتى مساعد مزعجني يبي يجي يسلم عليكم قلتله تعال مع السواق اذا جا ياخذنا
نوف بضحكه: صالحه اليوم احترمي نفسك ولا تتكلمين ابد اليوم يوم خالتي وجلوى وامي فاطمه بس وانا عاد بتكرم عليك وبتكلم معك
الكل: ههههههههههههههه
جلوى: ايه صادقه نوف هههههههه حملت عني ثقل كبير
صالحه تضرب جلوى على ظهرها وتتصنع الزعل: الشرهه علي انا الي وافقت اجيكم يالله يمه خلينا نرجع لبيتنا
ام صالحه: لا ياحبيبة امس ارجعي انتي ماصدقت اني جيت
نوف: خخخخخخخخخخخ فشلوها ههههههه عادي صلوح تصير بأحسن العائلات
سبقتهم جلوى بعد ماخذت منهم عباياتهم لجوا الفله
امي فاطمه مستغربه: يمه وس فيك انتي ونوف كليتوني اجلس هنا باالمجلس وقلتو البسي لبس كويس وس ساير يمه؟؟
جلوى باابتسامه: دقيقه وبتعرفين... يالله تفضلوا
السلام عليـــــــــــــــــــــــــــكم
امي فاطمه بصرخه: نـــــــــــــــــــــــــــــوره
ام صالحه تحضنها وتبكي: هلا والله يافاطمه ولهت عليس والله
امي فاطمه: لا رد جالسه تبكي
ام صالحه: وشلونس يافاطمه عساس بخير بشريني عنس
امي فاطمه تمسح دموعها: بكير يوم سفتكم انا بكير ..سلوحه يمه تعالي سلمي الي "وتفتح يدها"
صالحه موقفه بعيد وتبكي ركضت لحضن امي فاطمه: كيف هالك يمه استقتلك واجد
صالحه: والله انا بعد اشقتلس حيل
نوف: خلاص عاد ترى مناديلنا بتخلص
جلوى بعبره: ايه صح خلاص تكفون
نوف: ياربيه جلسوا يبكون ترى والله ما نيب جايبتلكم قهوه فطومه خلاص تكفين ليه الصياح
ام صالحه تبتسم: بلا والله من الشوق خلاص سكتنا
امي فاطمه وهي تبتسم: انا استقربت من نوف وجلوى يقولون صديقة نوف بتجي وتبقى تسوفك هههههه كدبوا الي
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::
نوف
كانت الجلسه معهم كلها ضحك وسوالف ماتنمل
في جلسه اجتمعت قلوب الي حاضرينها على حب طاهر وصادق تكنه هاالقلوب لبعضها نادر مااشوف مثل كذا جمعه مافيها لانفاق ولا مجامله رسمت هالجلسه واخيرا لبتسامه لاامي فاطمه ابتسامتها طالعه من قلب وعيون جلوى تنطق بالفرحه كانت من فرحتها كل شوي تجلس بمكان مره جنب صالحه ومر جنب أمي فاطمه ومره جنب ام صالحه الفرحه ماليه قلوبهم اضطريت اطلع من المجلس لأن نواف دق علي وقال انه برا
طلعت
سلمت عليه
نوف: هلا كيفك
نواف: الحمد الله عندكم ضيوف؟
نوف: ايه صديقة جلوى وامها
نواف مد لها الفلوس: عموما كنتي جاي باخذ اغراض وبطلع اذا احتجتوا شي كلميني لا تنسين فاهمه
نوف :انشاءالله
نواف: خلاص ارجعي عندهم انا بطلع لغرفتي باخذ لي ملابس واطلع مع السلامه
نوف: مع السلامه
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
صالحه
بسم الله الرحمن الرحيم
اعوذ بالله وقدرته من شر مااجد وحاذر مهوب وقته لا راسي بينفجر يارب تسكنه عني يارب مابيهم يلاحظون
أي ياراسي والله بموت اه
صالحه بصوت مهزوز: نوف وين الحمام
نوف بدون ماتنتبه: برا تعالي بوريك
صالحه بسرعه: لا لا علميني وانا بروح فيه احد من اخوانك
نوف: لا نواف كان فيه واظن انه راح ... والحمام اول ماتطلعين على اليمين
جلوى مانتبهت على الي صار: صلوحه تبين شي
صالحه تتصنع الابتسامه : لا بس بروح الله يكرمك لحمام
طلعت وانا ماادري وين اروح خذت شنطتي معي يارب ترحمني ماحسيت بنفسي الا طالعه بره باالحوش حسيت بكتمه والدنيا ظلمت بعيوني يارب يارب يارب بسم الله بسم الله
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::::
نواف
نزلت من غرفتي بطلع وانا طالع بالحوش انصدمت بلي شفته شفت وحده جالسه على الارض و وماسكه راسها بيدها وتون غريبه من ذي مااعرفها ومالبست غطا خفت رحت لعندها
نواف: احم احم ااختي فيك شي
ماردت علي يمكن ماسمعت قربت اكثر
نواف: اختي فيك شي انتي تعبانه
انتبهت للي يكلمها ورفعت عيونها انتفضت وقامت بسرعه لما شافتني وهي تمشي اختل توازنها وطاحت قربت من عندها ابي اساعدها والله كان قصدي مساعده فقط حتى من الخوف الي فيني مادققت بملامحها تذكرت على طول محمد صديقي كذا كان مثلها يتألم لايكون فيها مثل محمد !!!!!!!!!
قربت وفكيت شماغي وغطيتها فيه مابيها تخاف
نواف: لا تخافين اذا انتي تعبانه كلمت على نوف وخذناك للمستشفى
ردت علي بصوت كله الم:: لا لا
ورجعت ضغطت يدها بكل قوتها على راسها لدرجة انها احمرت من قوة ضغطها من الالم الي فيها نست اني موجود وجلست تضغط وهي تتألم خفت و دق قلبي من الخوف لاحول ولا قوة الا بالله جا على طول في بالي محمد لما تجيه هالحاله ياكل مسكن
نواف: اختي معك مسكن ؟
ردت علي بصوت قطع قلبي: في الشنطه اه اه طلعه بسرعه اه اه اه بسرعه الله يخليك
رحت بسرعه فتحت شنطتها وشفت الحبوب لاااااااااااااااااااااااااااا لااراديا طاحت مني نفس حبوب محمد اكيد هالبنت مريضه مثل محمد يعني بتموت لا ياربي لا خذته مره ثانيه ورحت اركض اجيب لها مويه ورحت لها وسندتها ويدي تسند ظهرها صرت اشوف محمد بين يدي شربتها المويه وجلست ادلك راسها واضغط عليه من الجنبين مثل مااسوي لمحمد وهي تنتفض وتتالم ودموعها ماليه وجهها بعد 5 دقايق حسيت انها صحصحت وخف عليها الالم رجعت مره ثانيه غطيتها بشماغي
قلت: اختي خف عليك راسك الحين؟
كل الي سمعته منها ايه وبدت تتكلم بكلام مهوب مفهوم وقامت انتظرتها لين تدخل
لفت علي وقالت بصوت مكسور: الله يوفقك لا تعلم احد على الي شفته الله يخليك
ودخلت جوا وطلعت
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
صالحه
ياربي يكون الي صار فيني حلم يارب من هذا لا يكون نواف ايه هو نوف تقول انه فيه اه يراسي ليتني ماجيت اه دخلت الشماغ بسرعه في شنطتي خفت احد يشوفني ويفهمني غلط والله ماحسيت فيه الي حسيت فيه ان احد دلك راسي وضغط عليه واني بديت ارتاح بس لما انتبهت وبدأ يخف علي الالم حسيت فيه قمت من الروعه وجلست اتكلم بكلا مهوب مفهوم ماحسيت الا انا اقوله تكفى لاتعلم احد كيف طلعت مني ماادري
رحت جوا ودخلت الحمام على طول سكرته وسندت ظهري عليه وغصب عنب بدت دموعي تنزل ماقدرت اوقفها بسم الله علي بسم الله
سمعت طق باب الحمام
جلوى: صلوحه بسم الله عليس وش فيس ههههههههه ترى والله الحلى نظيف لاتورطينا
اتصنع الابتسامه : ههههه اشك فيكم بطلع الحين
سمعت صوت نوف: هههههه خساره ياليت السيفون خربان بتنحرجين صدق وعععععععع
مارديت عليهم كل شي فيني ينتفض غسلت وجهي بالمغسله وطلعت برا
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::

عند ساره
بشقة مشاري
ساره بخوف و بصراخ : لا مشاري الله يخليك لا احب رجولك فكني بعد عني بعد ابعد الله يخليك
مشاري بابتسامه خبيثه وهي بين يدينه:افا ياعمري خايفه مني ادخلي الغرفه احسن لك والا تبيني اشيلك
ساره تبكي: بس مو هذا الي احنا متفقين عليه انت قلت بنسولف صح تكفى وخر عني
مشاري : لا ياحلوه مو صح واحسن لك خليك ساكته لاتجيبين لنفسك الفضايح
ساره بخوف: بس انت بتتزوجني انت قلت اني بكون زوجتك
مشاري: ههههههههههه ضحكتيني انا اتزوجك؟ مستحيل ياماما انا مااتزوج هالاشكال
" ودخلها جو الغرفه متجاهل كل صرخات وبكا ساره وسكر الباب وراه"
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في قصر الجد
طلال بعصبيه وهو يمد الظرف: عيت تأخذه قايلك لا تنزلين نفسك لبزر ماسمعتي كلامي
امي ساره بأبتسامه: كنت عارفه انها مهيب ماخذته
طلال عصب: يمه الله يرضى عليك يومك تعرفين وشوله تخليني اوديه لها انا الي عمره محد رد علي ولا ثنا كلمتي ترد هالبزر كلمتي وتثنيها هالمره انا سمعت كلامك ورحت بس المره الثانيه السموحه منك مهوب طلال بن سلطان الي ينزل نفسه لمره
امي ساره : جهزتوا لغراض المخيم
طلال ببرود: كل شي جهز الله يطول عمرك بافي تطلعون له
امي ساره : بتصل على جلوى بشوف هي عزمت تظهر معنا والا لا
طلال مستغرب: جلوى بتروح؟
امي ساره: ايه وانا امك طلبتها وماهقيت انها بتردني
طلال: وعمتي هند درت
امي ساره: محد له كلمه علي الي انا ابيه هو الي بيصير وبس
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::
هالوقت بدبي
بالامارات مول
هند و سلوى
سلوى: يازين دبي زيناه سفره ترد الروح
هند: صادقه ولله تصدقين نسيت اكلم على البنات وعلى امي
سلوى: حتى انا والله كيفهم اذا رجعنا الأوتيل اتصلنا عليهم مره وحده
هند: تعالي اجل نجلس بالقهوه متواعده انا وصديقاتي فيها
سلوى: يالله والله ياهند ازين شي ان انا وانتي نسافر بين كل لحظه ولحظه نغير جو ونرتاح شوي
هند: صادقه ازين شي
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::
في بيت الخاله سلوى
لمى: غاده مره مليت وديني للملكه ابغى اشتري تي شيرت high school musical
غاده: اوكي بس خلينا نستنا سوسو راحت لموعدها ولحد الحين مارجعت نروح سوى احسن
لمى : غاده الله يخليك ساره بتتأخر خلينا نروح
غاده: اوكيه روحي جيبي عبايتي ونقابي بسرعه
لمى: غدو صرت تتغطين صح
غاده: ايه صح
لمى: طيب ليه ماما وهي كبيره بس تتحجب وبالسوق تتلثم وسوسو تكشف دايما في كل وقت
غاده : لمو حبيبتي الغطاء واجب واحنا مامورين نغطي وجهنا عن الرجال الاجانب عشان نحمي انفسنا ومانخلي احد يطالعنا لاأن كشف الوجه
لمى: صح عليك حتى معلمة الدين كذا تقولنا... طيب كلمي السواق خليه يجهز السياره
غاده: يالله بس ترى ماراح نتأخر ناخذ الي انتي تبين ونطلع اوكيه
لمى: شكرا يااحلى اخت بالدنيا
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
شقة مشاري
ساره بصياح: حرام عليك حسبي الله ونعم الوكيل ليه سويت معي كذا هذا جزاي اني وثقت فيك وحبيتك كذا تسوي فيني حرام عليك وش تبيني اقول لاهلي اذا دروا اهه اهه اهه اهه اهه
مشاري بقلب خالي من الرحمه: محد ضربك على يدك وقالك ثقي فيني لو انك بنت ناس ومتربيه كان ماسمحتي لنفسك انك تصيرين رخيصه
ساره تبكي: تكفى الله يعافيك استر علي تكفى تزوجني ثم طلقني والله لو يدرون اهلي ان يذبحوني
مشاري: ههههههههه ضحكتيني "وبخبث" على فكره تعالي بوريك شي يسعدك ويفرحك وبينسيك دموعك هههههه
مشاري يشغل الفيديو
مشاري بخبث: اتفرجي وعلميني وش رايك يالعسل
ساره بصدمه من الي شافته وبصراخ هيستيري وهي تضربه: يالـــــــــــــــــــــــــــــــــــــــــواطي يالنذل ليه تسوي فيني كذا حرام عليك حرام يالنذل يالحقير
مشاري يفك يدها ويمسكها من شعرها: اسمعيني زين الصراخ والصياح مايفيدك اذا تبين تسترين على عمرك تجيني متى ماكلمتك سامعه والا والله لاافضحك وانشر هالفيديو وانتي حره
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::

ريما في قصر الجد ابو سلطان
بالصاله
ريما
قال ايش انا رخيصه انا اوريه... ياربيه... بس والله الكلام الي قاله صادق فيه اول مره احد ينصحني غير امي ساره يعني وشلون اتغطى ! ماتعودت ايش راح يقولون صاحباتي.. طيب انا ايش علي منهم لو يصير لي شي لا قدر الله مثل ماقال فصيل ان اندم ومحد نافعني.. طيب المشكله اذا انا اتغطيت مااقدر اشوف زين انكتم.. يعني لازم البس نقاب وع وع وع وع كني قروويه لا انشاءالله ...غاده صارت تتغطى لا وتلبس نقاب وقبل امس بالجامعه البنات ضحكوا عليها يقولون انقلبتي ياغاده مطوعة 2008... اخاف يضحكون علي مثلها.. الله ياخذك يا فصيل اقلقتني واشغلت تفكيري بكلامك بدال انا الي اغثك انت الي غثيتني
ريما: اقول رنا ايش رايك اتغطى اممم والبس نقاب
رنا بتكشيره وتطالع الاب توب: وخير تتغطين يامطوعة زمانك لا وبتلبسين نقاب الله يفشلك يالقرويه لايكون غاده مااثره عليك
ريما بااحباط وتغير الموضوع: شفتي ماما من راحت دبي لحد الحين ماكلمت ولاطمنتنا هي وصلت او لا
رنا بملل: عادي وش الجديد تلقينها ماراح تتصل الا اذا ارجعت للاوتيل اخر شي

هااااااااااااااااااااااااااااااااااااااااااي ياحلوين

ريما بفرحه: روانوه يالدبا وحشتيني
روان: وانتي اكثر كيفك
ريما: الحمد الله انتي كيقك جيتي بوقتك كيف عمتي
روان : كلنا كويسين " وتلتفت على رنا" هاي رنا
رنا ببرود: هاي
روان تتجاهل رنا : ريومه وين ماما ساره
ريما: راحت تشتري بيالات وفناجيل للمخيم .. راح تجين صح
روان : اكيد حتى ماما جواهر"عمتها" بتجي عزمتها ماما ساره راح يكون وناسه صح
ريما: اكيد بنات ايش رايكم نطلع نتعشى برا والعشاء على حسابي
رنا: روحي انتي وياها انا ماراح اروح
روان:تسلمين ريومه ماله داعي اصلا انا بروح الحين بس وحشتوني وجيت اسلم عليكم ماما جواهر تقول لاتطولين خخخخخ وراك سكول
ريما: لاااااااااا اجلسي شوي
روان: ههههههه لا مااقدر تخيلي ماما جواهر مستحيل تخليني اطلع ايام الاسبوع بس اشتقتلك انتي وماما ساره فقلتلها انك تعبانه وبزورك
ريما: بسم الله علي ههههه اجل بصير كل يوم اتعب عشان تجين
روان: لا بسم الله عليك ريومه ايش رايك نروح سوى بكرا نتسوق انا وانتي وماما جواهر للمخيم واحنا بنمرك بليز وافقي
ريما: خلاص اوكيه
روان: يالله باي باي رنا
طلعت روان
ريما بعصبيه: رنا ايش هالمعامله الزفت مع روان تراها اختك الصغيره ليه تعاملينها كذا
رنا بكل برود: هالمايعه الماصله مااهضمها لا هي ولا أختك الثانيه كذا من ربي مااحبهم ولا اتقبلهم
ريما: الله يعينك على نفسك انتي من تحبين اصلا اروح اجلس على المسن اصرف لي
رنا تتمسخر: مع السلامه
هالبنت تقهرني ماتحترم مشاعر احد ولاتقدر اصلا نسخه من العنود بنت خالي غرور وتكبر على بالهم انهم احسن الناس وغيرهم حشرات كل ماجيت تكلم معها واواجهها بلي شفته بغرفتها اتردد الله يهديها لازم القى لي حل مااقدر اتركها كذا
فتحت المسن وجاني تنبيه بااميل جديد فتحته واستغربت مااعرف احد بالاسم هذا فتحت الايميل بشوف ايش مرسل
لقيت هالقصيده
أختاه يا بنت الإسلام تحشمي ... لا ترفعي عنك الخمار فتندمي

هذا الخمار يزيد وجهك بهجة ... و حلاوة العينين أن تتلثـمي

صوني جمالك إن أردت كرامة ... كي لا يصول علـيك أدنى ضيغـم

لا تعرضي عن هدي ربك ساعة ... عضي عليه مدى الحياة لتنعمي

ما كان ربك جائراً في شرعه ... فاستمسكي بعراه حتى تسلمي

ودعي هراء القائلين سفاهة ... إن التقدم في السفور الأعجمي

إياك إياك الخداع بقولهم : ... سمراء يا ذات الجمال تقدمي

إن الذين تبرؤوا عن دينهم ... فهم يبيعون العفاف بدرهم

حلل التبرج إن أردت رخيصة ... أما العفاف فدونه سفك الدم

بنت الإسلام ماأرى لك شيمة ... هذا التبرج يا فتاة تكلمي

حسناء يا ذات الدلال فإنني ... أخشى عليك من الخبيث المجرم

لا تعرضي هذا الجمال على الورى ... إلا لزوج أو قـريب مـحـرم

لا ترسلي الشعر الحرير مرجلا ... فالناس حولك كالذئاب الحوم

لا تمنحي المسـتشـرقين تبسـما ... إلا ابتسـامة كاشـر متهـجم

أنا لا أحبذ أن أراك جهولة ... شرقاً وغرباً في الجنوب ومشأمي

أنالا أريد بأن أراك جهولة ... إن الجـهـَالة مُـرَّة كـالعلقم

فتـعلمي و تثقـفي و تنوري ... والحـق يا أختاه أن تتـعلمي

لكنني أمـسـي وأصـبح قائـلاً ... أختـاه يا بنت الإسلام تحشـمي
منقول...غريـــــــــــــــــــــــــــــــــــــــبه من الي مرسلي اياه يمكن احد غلطان رجعت اقراءها مره ومرتين وثلاث صراحه اثرت فيني
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في بيت العم
جلوى
جلوى: خالتي توه خير اجلسوا مابعد ملينا منكم
ام صالحه: هههههه لا خلاص تأخرنا مره الساعه 11 ماعاد الا خير ياامي
امي فاطمه: تألي دايم يانوره عندنا فرهتيني بسوفتك لا توولين علي
ام صالحه: ابد ابشري منيب مطوله عليس الاسبوع الجاي بجيس ....والله ماتطلعين خليس بمكانكس ادل الباب فمان الله الله يحفظكم انشاءالله
جلوى تكلم صالحه: صلوحه وش فيس عسى ماشر طول الجلسه وانتي ساكته فيس شي ؟
صالحه: سلامتس بس راسي يوجعني شوي
جلوى بشك: اكيد
صالحه: اكيدين
نوف: صالحه صيري تعالي عندنا دايم والله الجلسه معك ماتنمل
صالحه: انشاءالله
جلوى: سلموني على مساعد ياليته جا
ام صالحه: والله قايل انه بيجي بس شكله نام هالنوام
جلوى: مع السلامه
بعد ماراحو
نوف: جلوى ماتلاحظين صالحه من راحت للحمام ورجعت وجهها متغير
جلوى: الا ملاحظه وسالتها قالت راسي يوجعني انا بروح اغسل المواعين وانظف المطبخ
نوف: يالله انا معك بعد
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
في فلة الخاله سلوى
لمى وغاده بعد مارجعوا

لمى: غدو شفتي ساره مريت من غرفتها وسمعتها تصيح
غاده : تصيح !!!!! متأكده
لمى: ايه رحت لغرفتها ابغى اوريها الاغراض الي اشتريتها وسمعتها
غاده: بروح اشوفها خليك هنا اوكي

عند غرفة ساره
غاده دق الباب: سوسو افتحي انا غاده افتحي
ساره من ورا الباب تحاول تثبت صوتها: غاده انا بنوم الحين وحدي تعبانه اتركيني بليز
غاده بخوف: اذا تعبانه كلمت على فيصل ووديناك الدكتور او اتصلت على الدكتور يجيك
ساره بسرعه: لا لا ماله داعي بنوم وراح اكون بخير تصبحين على خير
غاده بشك: وانتي من اهله بس اذا احتجتي شي صحيني لا تنسين

ساره
لامه رجولها على صدرها و تكلم نفسها بصوت مخنوق وباكي
ليتني ماصدقته الحقير الواطي ايش اسوي الحين يليتني ماكلمته ولا صدقته والله لو يدرون خواني وابوي ان يذبحوني لا لا يليتني احلم ياليت الواطي يستفزني بالفيديو ويهددني فيه يارب انك تستر علي يارب
أه يابطني آه بموت من الالم حسبي الله عليك يمشاري حسبي لله عليك ونعم الوكيل
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::::::
بعد اسبوع
في قصر الجد
حالة استنفار الكل مستعد بيروح للمخيم
هند معصبه: بس ولو يمه المفروض تعلميني ان جلوى يتروح معنا ليه انا اخر من يعلم
امي ساره: وهذاك دريتي وش بتسوين مثلها مثل بناتك الباقين
هند: ماقلت شي بس انتي داريه ان كل اهلي عماتي وبناتهم وخالاتي وبناتهم بيطلعون معنا للمخيم غير الي يسير علينا وهي بتجي بخلاقينها وبتفشلني عارفتها وعارفه ذوقها زين
امي ساره معصبه: اسمعيني ياهند لاتنكدين علي ولا على البنت بكرا بدخل الرياض وبجيبها وبتجلس معنا 4 ايام ثم برجعها مثل ماطلبت خلي هالايام تعدي على خير احسن لك
رنا تتدخل: المفروض ياماما ساره ماقلتي لها وما....
قاطعتها امي ساره: انتي جب ولا كلمه ولاتدخلين سامعه لااقص لسانك قص انتي لو فيك خير اهتميت وسالتي عن خواتك مهوب تشيشين امك على ختك ياقليلة الأدب.....ريما ياريما انا بالسياره الي يبي يجي معي يجي
وراحت وتركتهم مقهورين من تصرفها
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
في فلة الخاله سلوى
سلوى: اقول غاده وشفيها ساره من رجعت من دبي امس وهي مكتمه لايكون زعلانه اني رحت
غاده والله مافكرت فيك: سمي لا عادي ماما بس هي من كم يوم مصدعه
سلوى: يالله اتجهزوا وعلمي ساره ولمى خليهم يتجهزون ترى بعد ساعه بنطلع
في غرفة ساره تكلم بالجوال
ساره بصوت تعبان : مشاري ووالله مااقدر بطلع مع اهلي للمخيم ولازم اروح مااقدر اجلس واوعدك اول ماارجع بجيك صدقني
مشاري: على بالك بتكذبين علي اذا ماجيتي عندي اليوم والله ان تندمين
ساره: والله العظيم احلفلك اني بروح المخيم والله مااكذب عليك
مشاري: مو مشكله بنتظر اسبوع بس والله ان ماجيتي لي بعدها لانشر قرفك وافضحك عند اهلك سامعه
وقفل الخط بوجهها
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
جلوى
جلوى: نوف متأكده بتنتبهين لاامي فاطمه اذا ماتقدرين علمين منيب رايحه
نوف: جلوى كم مره سالتيني تراك ازعجتيني قلتلك والله لااحطها بعيوني روحي وانتي مرتاحه لا تخافين
امي فاطمه بحنان: يمه لاتكافين نوف ماكسرت بتعتيك الجوال انتي كل سوي دقي واتمني الينا يمه
جلوى: والله ماودي اروح امي ساره بتمرني بكره مع انها اليوم بيطلعون للمخيم وبترجعني بعد 4 ايام بس المشكله عمي لو درى
نوف: لا تخافين ابوي بيرجع بعد اسبوع بتروحين وترجعين وهو توه مارجع .... جهزتي لبسك جلوى
جلوى: لا توني بجهزه بعد شوي والله مدري وش اخذ معي
نوف: تعالي بشوف لبسك واختارلك واذا ماعند بعطيك من عندي عادي
جلوى: لا شكرا ماتقصرين يانوف بلبس من الي عندي
نوف باصرار: جلوى السواق فيه ومن اسبوع نواف عطاني فلوس وماصرفتها خلينا نروح السوق نشتري لك لبس واعتبريها سلف صراحه اللبس الي عندك لا تزعلين مني قديم ومكروف مايصير تروحين فيه بختارلك لبس يجنن والله ان ينجون امك وخواتك واكسري خشومهم خليهم يعرفون انك تلبسين احل لبس ماابيك تصيرين اقل منهم تكفين عشاني وافقي
امي فاطمه: وافقي يمه معليس والفلوس انا بعتيك سواره دهب وبيعيها
نوف: لا وش تبيعين سوارتك انا معي فلوس والله ماحتاجها معي غيرها
جلوى بتردد: بس
نوف: لا بس ولا شي روحي جيبي عباتك بنروح لصحارى يالله عشان يمدينا

جلوى
انحرجت من نوف ماقصرت رحنا صحارى اول مره ادخله صراحه ماعرفت اختار احس ان تفكيري متشتت نص عقلي مع نوف ونص عقلي مع بكرا بروح لناس لي سنين ماشفتهم شايله هم امي هند وكلامها ورنا وجدي ووخالتي وخالد والكل
خلصنا وطلعنا فوق بقسم المطاعم وتعشينا اختارت لي نوف 4 تنانير حلوه مره وطقمنا عليه بلوفرات حلوه و3 بجايم وجزم فلات 3 وعبايه وشالين واكسسوارات
جلوى: تعبتس معي يانوف والله ماقصرتي كالفتي على نفسس
نوف: ترى اذا عدتي علي هالكلام ضربتك بهالشنطه على وجهك كم مره اقولك مابينا شي انتي وجهك
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::::
نواف
في المقبره عند قبر صديقه أحمد
مر اسبوع وماراحت من بالي مادري وش اخبارها الحين تعبانه والا لا خايف اسأل عنها نوف وتفهمني غلط ودي اعرف هي بنت مين
ابشرك ياحمد تراني بكمل اسبوع ماشربت صدقني ماسك نفسي وبكره اتفقت انا والرجال الي شفته ذاك اليوم هنا بالمقبره بروح اخذلك عمره
:::::::::::::::::::::::::::::::::::::::::::::::::::::::::::: :::::::::::::::::::::::::::::::::::::::::
صالحه
ياحووووول هالنواف مرتكز قدام عيني كل شوي اتذكره يافشيلتي منه زين انه ماسوى فيني مثل جلوى وحاول يغتصبني بس جلوى تقول انه كان سكران لما حاول يتحرش فيها بس يوم يدلك راسي ماكان سكران كان طبيعي اعوذ بالله وانا مالقيت افكر الا بها الاشكال
:::::::::::::::::::::::::::::::::::::::::::::::::::::::::::: ::::::::::::::::::::::::::::::::::::::

مرحباااااااااا يعطيج العافية على الجزء

يويل حالي اخيرا عرفنا قصة نواف صحيح في ناس اذا فقدو غالي عليهم ناس يزيد ايمانهم ويذكرهم ان عندهم رب وناس لا يكون عندهم ياس من الحياة ونجرون ورى الخطا بس عشان ينسى الغالي الى فقده وهذا بضبط الى جرى على نواف فقد لي صديق عمره خله يدور اي شي ينسيه ايه الله يديم عليه النعمه بس يالله ماتوقعة ان صالحة تكون مريض بي مثل هالمرض ياحرم والله البنت ترحم الله يشفيه يارب شكل الوحيد الى راح يخليه تتعلج وتترك اعناده هو نواف بس ياترى كيف؟؟؟؟هذا الى ناطرينا عشان نعرف

ساره هذا نهاية الى يستاهتر ويفتكر ان اذا حصن نفسه بالايمان معنه خسران مادرى ان بالايمان النسان هو الربحان
توقعات ان مشاري راح يحن على ساره اذا شافه طلع انسان قذر وبعيد عليه الرحمه الله يخذه يارب انسان مايفكر في غيره واهم شي عنده نفسه ياربي تقهر هذي الاشكال ؟؟؟
اول مره اتعاطف مع ساااره رغم تاكدي انه انسان متستاهل الرحمه بس في النهاية الى صار له شي مو سهل والله يعينها على حل المصيبه الى هي فيه >>>وش راح يصير لو درا تركي وتوقع هو الوحيد الى يقدر يحل مشكلتها

هند هذي ماتستاهل تكون ام اكبر خطا الى مثل هند وسلوى يكونون امهات والمفترض يربون اجيال بس الاسف الى مثلهم المفروض يربون روحهم قبل الله المستعان المصيب انهم يستصغرون بنت الهندية وتربية الهندية مادرو ان تربية الهندية افضل من تربيتهم استغرب وحده مثل امي ساره كيف ماقدرة تربي بنتها الثنتين ويطلعون بمثل هذا الشكل مافي وحده منهم خذت خصله حميده >>>الله يقرفهم

ريما اخيرا اقتنعات وابيات الشعر الى ارسالهم فيصل روع كانو مرررره

نوف والله صدمتني بلي صار له بسبب شذى بس هي غبية المفروض تروح تقول لي نواف لان هو الوحيد الى باين ان شذى تخاف منه اكثر من فهد غلط تسكت عنه وحتى لو تسوي الى تبي بس اذا اعرفو عنه اهله اكيد راح يقدرون يوقفونه عند حدها

جلوي انطر ابدعاااااتج في البر وش راااااااااااااااااح يصير ياااااااااسلام ممكن تاخذوني معكم هههههههههههههههه
وونتظر باااقي الابداع
مذهلة

ماشاء الله ابدع

بس اختي فيه تنبه الله يرضى عليك وهي كتابة كلمة انشاء الله والصحيح ان شاء الله
فقد جاء في كتاب ((شذور الذهب)).. لابن هشام..أن معنى الفعل إنشاء - من انشأ ينشئ - أي

إيجاد ...ومنه قول الله تعالى ((إنا أنشأنهن إنشاء)) آية 35 من سورة الواقعة ...أي أوجدناها إيجادا

فمن هذا..لو كتبنا ((إنشاء الله)).. يعني كأننا نقول اننا أوجدنا الله تعالى- الله علوا كبيرا - وهذا غير

صحيح..

اما الصحيح...هو ان نكتب ((ان شاء الله))..فاننا بهذا اللفظ نحقق هنا ارادة الله عز وجل، فقد جاء في

معجم (لسان العرب)...معنى الفعل: شاء..= ..اراد، فالمشيئة هنا هي الارادة ...فعندما نكتب ((ان شاء

الله)) كأننا نقول ..بارادة الله نفعل كذا ..، ومنه قول الله تعالى ((وما تشاؤن الا ان يشاء الله)) الاية 30

من سورة الانسان..

فهناك فرق بين الفعلين (انشئ اي اوجد) والفعل (شاء اي اراد) ...فيجب علينا كتابة ((إن شاء الله)) و

تجنب كتابة ((انشاء الله)) للاسباب السابقة الذكر.. [/grade]