كاتب الموضوع :
معاميريا
المنتدى :
القصص المكتمله من وحي قلم الاعضاء
((الجزء السادس والعشرون ))
(هياج)
شخصياتنا تختلف علشان جذي تصرفاتنا وردودنا تختلف وان كان الموقف واحد ...
لكن هل هذا معناه ان تصرفاتنا دائما متوقعه ؟؟؟ واذا اختلفت تصرفاتنا وش بيكون الدافع؟؟؟؟ على اختلاف الدوافع الا ان السبب واحد ...........وهو هيجان وثوره لمشاعر كانت مدفونه تحت جلودنا وتمكنت من الفرار ......
بعد مرور اسبوعين وقبل زواج خالد وعليا بيومين ......اليكم ما حدث
هــــــــــــــــــــــــــاجــــــــــــــــــــــــــــر
قاعده على الارض ومتسنده على سريري اهز رجلي الممدوده وحده فوق الثانيه موبايلي في اذوني والعب في شعري بعد ما حررته من الكلبس اللي كنت لامته انتظر الطرف الثاني يرد
واول ما جاني الرد قلت
:- هلا ...هلا والله بالقاطعين اللي ما يسألون
وصلني صوت ضحكتها وبعدها قالت
:- هلا فيش اكثر...وانتين القاطعه محد غيرش...على الاقل انا اسمي مشغوله جامعه وتجهيزات للزواج واوضاع البيت ...لكن العتب عليش لا وراش ولا قدامش ليش ما تسألين ؟؟
ابتسمت ورديت عليها
:- شوفي مو معنى انش عروس خلاااااص بتنازل وبقول انش مو مقصره لااااااا ترى هذا شي ما يشفع لش عندي ...وبعدين من قال ليش اني لا وراي ولا قدامي هااااااااا؟؟
عليا بنفس الروح المرحه
:- زين انا وياش اني مقصره ...بس مو مثلش اللي من انخطبتين ما عاد سمعنا صوتش ...وبعدين تعالي هني وش اللي شاغلنش وحمد في مصر
حكيت شعري وعضيت شفايفي
:- سلمش الله اول شي انا حاليا ادرس في معهد ...وثاني شي كون حمودي في مصر هذا شي مفلسني ....تدرين كل ما اعبي رصيد اقول بتصل فيه وبعدين بدق على عليا ...لكن ما تخلص المكالمه الا الرصيد بح ما في
ردت عليا مباشره
:- حلفي!!!! يعني صدق تدرسين والله انا سمعت غلط (وقبل ما ارد واصلت هجومها ) وحمد مفلسنش هااااااااا ... وعيني عينش تقولين او ل اتصل فيه وبعديييييييييييييييين ادق على عليا
....ليش ما تدقين علي اول ؟؟؟
ابتسمت وانا الف خصله من شعري على صبعي وقلت
:- ما في داعي احلف ايه صدق ادرس مو هذي فايدة الزواج في البيت اذا الزوج وافق سالم ما يقدر ينطق بكلمه وان كان الوضع مو عاجبه ...(كتمت ضحكتي وكملت ) و تصدقين ما قط فكرت ليش مادق عليش اول بس اللي اعرفه اني لازم اسمع صوت حمودي
هاجت عليا
:- الله الله الله ...ومن متى لازم تسمعين صوته ؟؟....(وقالت تقلدني ) مو هذا حمد اللي مستحيل ارد على مكالماته؟؟ اللحين صرنا مو بس نرد الا نتصل بعد
ارتبكت وحطيت يدي على رقبتي
:- فعلا كنت ناويه اطنشه وما ارد عليه بس بعدين فكرت انه ممكن يفشلني عند امي وابوي ويدق على البيت ويقول اني ما ارد عليه فقلت ارد عليه مره وحده واخليه عقبها يحرم يتصل مره ثانيه ....(وتغيرت نبرة صوتي للحده ) لكن عقب اللي صار مع ريموه قلت لا هذا مو بس ارد عليه الا بعد لازم انا بنفسي اتصل واتطمن اول باول
اكيد اشتعل الفضول عند عليا لانها سألت
:- اي ريم ؟؟ وش سالفتها ؟؟
طالعت الساعه المعلقه على الجدار وقلت لها
:- مره ثانيه بقول لش كل شي بس اللحين لازم اقفل يلا مع السلامه
عليا وبسرعه
:- تعالي تعالي اي مره ثانيه اللحين قولي ....وبعدين والاهم لا تنسين عرسي عقب يومين
ابتسمت بمكر لاني احب احرق اعصابها
:- ما عندي وقت انتظر مكالمه من حمودي ...وعرسش خير يا طير وصار عقب يومين وش اسوي يعني ؟؟
ولعت عليا.... و وصلت للتوب
:-عنش ما قلتين وش سالفة هالريم ...لاني طالت الدنيا او قصرت بعرف... واذا على عرسي لا تسوين شي ...يلا مع السلامه
ضحت عليها
:- صدق ما ينمزح وياش ...لا وتزعل بعد ...وابشرش يا اختي ان راح توصلش احلى هديه على الاطلاق
عليا ولا زالت زعلانه
:- ومن قال اني ابي هدايا ....ولا تعبين روحش ولا تكلفين على عمرش هديه منش ما ابي زييييييييييييين
ابتسمت
:- على كيفش رغم اني تعبت في اقناع ابو عيسى الله يطول في عمره علشان احضر عرسش بس ما دام العروس ما تبغاني اقعد مكاني احسن
الظاهر ان عليا قامت تنط من الفرحه وبعدها صرخت في اذوني
:- صددددددددق حلفي .... تدرين خلاص خلي كل السواليف لمن اشوفش واللحين خذي راحتش كلمي حمد وطوايفه بعد ...ايه صدق متى بتجون ؟؟
قطعا البنت استخفت
:- ما ادري بكره او بعده اذا اتأكدت بعطيش خبر و.....(سمعت نغمه تعني ان في احد على الانتظار ) اوووه في احد ثاني على الخط الظاهر انه حمودي ...يلا اشوفش على خير
سكرت من عليا بعد التحايا المعتاده وشفت ان اللي كان على الخط هو فعلا حمد ترددت ادق عليه او لا واخيرا قررت اثقل شوي عليه وانه اذا يبيني بيدق علي
نزلت الصاله رغم اني اعرف ان هالوقت ما في احد تحت بس قلت اشغل نفسي بالتلفزيون
قلبت في القنوات واخيرا استقريت على روتانا سينما
وبعدها سرحت في عالم ثاني .....تذكرت يوم ثاني من الملكه من الصبح وعلى الوقت حمد كان موجود في البيت ...ورغم اني كنت جاهزه الا اني تعمدت اتأخر عليه ...والغريب انه ما علق على تأخري وطلعنا سألته في السياره
:- حمد وين ناوي توديني ؟؟
طنشني ولا رد واخرتها وقفنا عند مجمع البحرين ونزلت معاه واول ما نزلنا نطق
:- هاااااا اول نتريق او نفتر ( نفتر = نلف ) على المحلات ؟
كان خاطري الف على المحلات واشوف البضايع الجديده صار لي وقت محكوره في البيت ولا طلعت للسوق لكن الجوع غلبني خاصه اني نمت من غير عشى فقلت
:- خلنا اول نشحن طاقه وبعدين نتسوق
هز راسه انه موافق واخذني على مجمع المطاعم فوق واختار طاوله في زاويه بحيث تكون بعيده عن الانظار وبعد ما سألني وش ابي اكل تركني وراح علشان يجيب ريوقنا وطبعا
ساعتها شغلت نفسي وانا اتفرج على الرايح والراد ... لفتت نظري بنت طويله شوي كانت لابسه بنطلون سكيني بنفسجي غامق وتي شرت اصفر ضيق وصندل كعب عالي
يرن رن في كل خطوه تمشيها واما شعرها كانت رافعته على فوق والخصل متناثره على وجهها بعفويه مقصوده اما المكياج فحدث ولا حرج كأنها رايحه عرس مو جايه تتسوق من صباح الله خير .....اختارت هي وصديقتها طاوله قريبه منا وقبل ما تقعد لمحت حمد حامل الصينيه متجه ناحيتي
توجهت له والابتسامه شاقه حلقها
:- هاااااااااااي ...ما اصدق حمد بكبره هني ؟؟
التفت حمد وبادلها الابتسامه
:- هلا ...شخبارش ؟؟
ردت وهي تتمايل بشكل مقرف
:- تمامو ...لا انت من نزلت البحرين ما عدت تنشاف وينك فيه ؟؟
ابتسم على جنب
:- ابدا....الدنيا ومشاغلها ...عن اذنش
ما لحق حمد يتحرك خطوه قدام الا نادته ومسكة ذراعه
:- زين وين رايح ؟؟ما صدقنا نشوفك (واشرت على الطاوله اللي فيها صديقتها ) تعال اقعد ويانا شوي
مسك حمد الصينيه بيد وحده والثانيه مسك يدها ونزلها عن كتفه والتفت لها وصار ظهره لي
والقهر ان صوته كان واطي وما سمعته وش يقول لها ...واستمر الحديث بينهم على نفس الوتيره لانها ردت عليه بصوت واطي ....عقب شوي عطاها ظهره واتجه ناحيتي وانا اساسا ما مسكني عنهم الا تواجدنا في مكان عام ولا كان لي تصرف ثاني
نزل الصينيه على الطاوله وقعد قبالي وانا من التوتر والقهر كنت اهز رجولي بسرعه اسحبت مني الكثير من الطاقه وابتسم المسكين وقال
:- وهذا الريوق وصل ...يلا عندش بس ربع ساعه علشان جدولنا فل وما يتحمل اي تأخير
رفعت راسي له ومو باين غير عيوني من البرقع وقلت وانا اضغط على اسناني علشان ما يرتفع صوتي
:- لااااااااا يعني جدولك ما يتحمل التأخير لكن يتحمل الــــ..........
ما كملت جملتي الا البنت نفسها واقفه على راسنا جنب حمد وتقول بكل مياعه
:- اسفه على المقاطعه بس (سكتت شوي وهي تتفحصني مثل ما انا اتفحصها وكملت ) حمد قال لي انه هني مع الاهل فقلت اتعرف
ابتسمت من ورى البرقع ابتسامه مجامله فاشله اما حمد اشر عليها وقال
:- ريم الـ...... بنت الاستاذ عبد الله الـ.......... المحامي المعروف(واشر علي )
هاجر الـ..... زوجتي و....
ما كمل لانها قاطعته
:- زوجتك !!!من متى ؟؟وليش ما خبرتنا ولا عزمتنا ؟؟
ابتسم وهو يطالعني
:- ابدا في ظروف حكمت ان الامر يتم بسرعه ...وتراها ملكه يعني بعدنا لاحقين على العرس والطقطقه ....وساعتها اكيد هاجر بتعزمش
ما ادري شلون جتها الجرأه وسحبت الكرسي اللي جنبه وقعدت عليه وهي تقول
:- ومتى الزواج ان شاء الله؟؟
رد حمد عليها
:- في الاجازه الصيفيه ان شاء الله
وجهت نظرها لي وقالت
:- مو كأن بدري عليك مسؤلية الزواج وتوك متخرج ( ما تلقت اي رد فكملت وهي تبحلق في حمد ) على العموم يسعدني احضر زواجك خاصه انك عزيز وغالي على قلوبنا .... الا ما قلت لي شلون خطبتها ؟؟
ابتسم حمد وقال
:- هاجر تصير بنت خالتي
عضت على شفايفها
:- اهاااا يعني زواج تقليدي ...جذي صار الامر واضح
(وقفت) يلا اخليكم على راحتكم بااااااااااي وحطت يدها على كتف حمد اللي التفت لها بحده على اثرها رفعت يدها ومشت عنا
ما قدرت امسك نفسي وقلت
:- ممكن اعرف من تكون الانسه ريم بالضبط ؟؟
شرب حمد من كوبه
:- مثل ما قلت لش بنت الاستاذ ....
قاطعته
:- انا ما قلت بنت من ....انا قلت من تكون ؟؟وش تعني لك؟ غير سالفه الزماله
رفع حواجبه وكتوفه وقوس شفايفه على تحت
:- غير انها بنت الاستاذ اللي راح اتدرب عنده بعد التخرج ان شاء الله ...ما تعني لي ولا شي
وتراها تدرس ادب انجليزي ...يعني كليه اداب وانا حقوق يعني ما في اي نوع من الزماله بينا
شددت على قبضة يدي وقلت
:- اكيييييييد.... مو اللي شفته مو زماله ....وحده ومطيحه الميانه وتدلع وشوي تمسك يدك وشوي تحط يدها على كتفك ...اكيد اللي بينك وبينها اكبر واعمق من علاقة زماله
حمد ما اعجبه كلامي وقال
:-وش قصدش ؟؟
بعدت الاكل من قدامي ودزيته ناحيته وقلت وانا اقلدها
:- مو كأن بدري عليك مسؤلية الزواج وتوك متخرج.... على العموم يسعدني احضر زواجك خاصه انك عزيز وغالي على قلوبنا....واخرتها تقول وبكل مياعه ... اهاااا يعني زواج تقليدي ...جذي صار الامر واضح...(خلاااااااااص طفح الكيل وما صرت اقدر اسيطر على انفعالاتي )
شوف هالحركات انا مو مستعده اتحملها وهالمره سكت عنها لكن مره ثانيه صدقني ما بيردني عن سحبها من كشتها وسط السوق شي ...(وقفت على طولي ) واللحين ردني مكان ما جبتني
ابتسم حمد ومسكني من يدي
:- صلي على النبي يا بنت الحلال ...وقعدي مكانش (ولمن شافني عندت كمل )رجعه قبل ما اقضي حاجتي ما برجع ...واذا على ريم يعني وش تبيني اسوي لها وحده دلوعه وتربت على اساس ان ما في حدود بينها و بين الناس ...واللي اعرفه انش اكبر من هالسوالف ...طنشيها وتراها ما قالت شي
صليت على النبي وقعدت مره ثانيه وقلت وانا اضغط على اسناني
:- اذا هي ما عندها حدود المفروض عليك انت تحط حدود بينك وبينها ... ولا تقول ما قالت شي ترى هي كانت تقصد كل كلمه وبالذات (رجعت اقلدها ) اهاااا زواج تقليدي ......
ومن اللحين هالمخلوقه مستحيل تحضر زواجي ...واذا على ابوها ترى المحامين تارسين البحرين يعني مو لازم تدرب عنده
نزل حمد كوبه على الطاوله وقال وعيونه في عيوني وابتسم على جنب
:- زواجش وانتين حره فيه تعزمين اللي تبينه وانا ما لي دخل فيكم يالحريم ....لكن شغلي لا انا اللي اختار وين اشتغل ومع من
برووووووود قاتل بيجيب لي الفالج قلت اللي خطر على بالي علشان احركه شوي واعبر عن شي من اللي في داخلي
:- ليش يعني وش معنى هالمحامي ؟؟ولا حجه في حاجه .....علشان كل يوم تكحل عيونك برؤياها وحركاتها المايعه
طالعني حمد بنظره ناريه تخوف
:- اخر مره اسمح لش تهنيني وتشككين في اخلاقي....(اخذ نفس ) وش معنى هالمحامي لانه وبكل بساطه افضلهم ومره ثانيه اوزني كلامش قبل ما تقولينه زين
انقهرت على باله انه اذا قال جذي بصدق ان ريموه مالها دخل
:- زين ....وان كان افضلهم بس انا اشوف ان الابتعاد عنه غنيمه ....(رديت على نظره التساؤل اللي في عيونه ) والصراحه ما حبيت الهمسات واللمسات اللي شفتها من شوي بينك وبينها تكرر والحجه زياره لمكتب ابوها....وانا يا غافلين ليكم الله
مسك حمد يدي وضغط عليها بقوه كانها يبي يكسرها وقال
:- شوفي يا هاجر واسمعيني زين هالخرابيط شيليها من راسش ولا عاد اسمعش مره ثانيه تقولين هالكلام(وضغط على اسنانه )واعرفي حدودش زين والزميها شغلي ما لش خص فيه فاااااااااااااااهمه؟؟؟؟؟
طفرت الدمعه من عيوني انا ...انا هاجر يسوس فيني جذي وعلشان من ؟؟
:- مو انا اللي تهزئني علشان وحده ما تسوى (ضربت برجولي الارض) واللحين اللحين رجعني البيت ...ابي ارجع البيت ما ابي اقعد وياك ...رجعني وروح لها .......
ما قدرت اكمل لان العبره خنقتني وخلاص ما قاومت وقعدت اصيح والظاهر انه خاف اننا نلفت الانظار علشان جذي مسك يدي
:- خلاااااااااص ...ما له داعي الصياح وصدقيني بس نخلص بوديش مكان ما تبين
يحسبني جاهله وبصدق كل اللي يقوله سحبت يدي البارده من دفى كفه بغضب ووقفت وتقدمت كم خطوه علشان اطلع من المجمع لكنه لحقني ورجع مسك يدي وهو يقول
:- يعني خلاااااااص اهون عليش تخليني بروحي وعادي عندش ترميني عليها
رديت بعفويه ومن غير تفكير
:- مستحيييييييييييييل اخليك لها وتراني قاعده على جبدكم
ضحك حمد بقوه لدرجه ان عينه دمعت واول ما تماسك قال
:- يعني افهم انش تحبيني وتغارين علي ؟؟؟
توني انتبهت للي قلته خجلت وارتبكت ما عرفت وش اقول وزين اننا كنا في المصعد بروحنا لانه رفع يدي لفمه وباسها
:- شوفي اذا تحبيني لازم تثقين فيني ... يعني مو هاجر اللي تحط بالها وبال هالاشكال ...باختصار انسيها لانها ولا شي ....وانتي في قلبي مو على جبدي
صعد الدم لوجهي وسمعت طنين في اذوني ما عرفت افكر والغريب انه وبكل بساطه قدر يقنعني اني اتسوق وياه بعدها وتحت الحاحي رجعني البيت
هاجر قويه ومتسرعه وشرسه في هجومها لانها ما تحب الضعف وتحب تاخذ حقها بنفسها
.....لكن هالمره انوثتها وعشقها لحمد تمكنوا منها ولاول مره انهت لقائهم من دون مناوشات او مخطط لانتقام .....والدافع لهياجها كان الغيره
حمد بارد او بالاصح هادي ويفكر بعمق قبل ما يتصرف او يتكلم....لكنه هالمره تصرف من خلال مشاعره مو عقله وتجرأ وقال اللي ما كان يبي يقوله .... والدافع لتخليه عن حذره وتسليم زمام اموره لمشاعره هو الاحساس بالنشوى لفكرة ان هاجر تحبه وتغار عليه
((وداد))
في احد يحدد موعدزواجه قبل اسبوعين ؟؟
ابتسمت ندى و ردت سعاد بعد ما حطت فراس النايم في فراشه
:- فيه ولدعمك ...ولا نسيتي دوارتك في السوق مع عليا علشان تجهزوا لزواجها ؟؟
محد حاس فيني
:- بس اسبوعين ما يكفو والنتيجه ان عليا ما جهزت بالكامل ولا زالت في اغراض ناقصتها
اختفت ابتسامه ندى وشهقت وهي تقول
:- ناااااااااااااااقص !!!وشو اللي ناقص ؟؟
جلست جنبها على السرير وقلت اقلدها
:- ناااااقص .... ليكون صدقتي الكلام اللي حشيتي فيه راس عليا وان اسبوعين يكفو علشان تجهز حالها ؟؟
هزت ندى راسها
:- يعني وش تبغيني اقول لها ؟؟اكيد لازم اطمنها ...بس ما قلتي لي وش اللي ناقص
سحبت نفس قوي
:- لا تخافين كل الاساسيات شريناها بس باقي شويه اغراض تشتريها عقب الزواج
نطت سعادعلى السرير وقالت
:-اذا كذا اجل وش الي حارق رزك ؟؟
كان ودي اخنقها لولا ندى اللي جالسه في وسطنا
:- ايه مو اللي يده في المويه مو مثل اللي يده في النار ...انتوا شعليكم جهزتوا حالكم وخلصتوا الا انا اللي للحين ما شريت شي
طبعا ردت سعاد بلقافتها المعهوده
:- تستاهلين ...كل ما قلنا لك تعالي شوفي لك فستنان قلتي مو وقته ...مسويه حالك ام العروسه لازم تجهزين عليا اول والمصيبه ان ذوقك صعب ولا كنت شريت لك مثل ما شريت لندى وارتحنا
اففففففففففف كنت بمسكها من شعرها لكن وداد قالت
:- ما صار الا الخير وهذا عندك يومين تتسوقين فيهم ...وان شاء الله بتخلصين كل اغراضك
توني برد الا الباب يندق فقلت لسعاد
:- قومي شوفي من بالباب
طبعا سعاد ما تحركت من مكانها وقالت
:- هذي اكيد عليا (وصرخت ) ادخخخخخخخخخخخخخخخخخخخخخخخل
محد دخل وندى ضربت سعادعلى كتفها
:- وصمخ ....قومي شوفي من بالباب ...وعليا تلقينها اللحين تكلم صديقتها مو فاضيه لك
فتحت سعاد الباب بعدها ابتسمت وقالت
:- هلا وغلا بطلول والله... حياك تفضل
مسكها طلال من اذونها
:- طلول هاااااااااا ليه اصغير عيالك وانا ما ادري ويلا روحي صلحي لي شاهي بسرعه
طلعت سعاد من الغرفه وهي تتحلطم ودخل طلال انتبه لي وقال
:-وليه الاخت عابسه
رفعت حاجب
:- يعني ما تعرف ...اجل اطلبك علشان بروح السوق تردني ...وعلى العموم انت الخسران
قطب حواجبه وقال
:- وشو اللي خسرته ؟؟
ابتسمت بخبث
:- العنود.....ما غيرها بتجي معي السوق
ابتسم
:-كنت ناوي اوديكم بس انشغلت مع خالد وتجهيزات زواجه ...واللي اعرفه ان سلطان بيوديكم
ميلت فمي
:-بس انت تعرف سلطان كل ساعه بحال والاخ قال انه مو اكيد يودينا
ضحك
:- مو بكيفه غصب عنه بيوديكم ...ويلا روحي شوفي اختك تأخرت كل هذا تصلح شاهي
وقفت والابتسامه على وجهي
:-علينا ؟!! بلاها هالتصريفه وقول بكل بساطه انك تبي ندى لحالها
طلعت من غرفة ندى ودخلت غرفتي ادور على جوالي علشان اتصل على العنود واول ما قالت الو قلت
:- هاااااااااا بشري....سليطين بيودينا السوق ؟؟
واضح ان مزاجها رايق على الاخر
:- اول سلمي بعدين اسألي
اففففففففف احر ما عندي ابردما عندها
:- سلام ...اختصري بنروح السوق او لا ؟؟
اكيد ابتسمت
:- وعليكم السلام ....ايه بنروح وجهزي حالك كلها ربع ساعه ونكون عندك
ابتسمت لاول مره اليوم من قلب
:- لاااااا........... واخير سليطين رضى علينا ....اجل بروح اجهز حالي بسرعه
ردت العنود بصوت هامس
:- المخطط تغير مو سلطان اللي بيودينا ....ويلا اجهزي بسرعه لان تركي ما يحب الانتظار
تجمدت حواسي وما عرفت حتى افكر الى ان نبهتني العنود
:- وداااااااااااد وينك ؟؟؟اقول لك وين تبينا نروح ؟؟
للحظه كنت بقول لها خلاص ما عدت ابي السوق وروحي لحالك ...لكني تذكرت اني ما شريت شي وما معي وقت
:- ما ادري على راحتك ..ويلا خليني اجهز
انهيت المكالمه وانا اتصرف بآليه وجمود حتى ما ني عارفه انا وش نقيت من لبس او كيف خلصت وما لقيت نفسي الا في الصاله استناهم وكل اللي يدور في راسي هو متى وصل من جده ؟؟؟ ومتى لحق يعرض خدماته؟؟؟والاهم ليش يبي يودينا السوق ؟؟؟
خصه عقب اللي صار يوم ثاني لملكتنا .......كنت مصره اني ما اقابله وحاولت اقنع طلال بحجه ان ودي ازور ندى في المستشفى لكنه رفض لان زيارة تركي ما تتأجل على اساس انه بيرجع جده ....واذا على ندى بيخليني ارافق معها ..............
اذكر انه وصل وما كان في البيت غير ابوي اللي ما طول عند ندى وسعاد اللي اضطرت تجلس مع فراس...بلغني ابوي ان تركي في المجلس يستناني وطبعا ما قدرت اقول له ان ما ودي اشوف ولد اخوه او حتى اتأخر عليه............
دخلت المجلس وشفته جالس على كنبه مفرده وعلى الطاوله اللي قدامه صندوق فخم وواضح انه مغلف في محل هدايا جريت رجلي جر وقربت منه وقبل ما اجلس سلمت وبعدها جلست على اقرب كنبه علشان ما يفكر اني خايفه منه
رفع راسه بعدما سمع صوتي ورد السلام وتسند سكت فتره وبعدها رجع يطالعني بفتور وقال
:- غريبه ما لبستس عبايه ونقاب
ناظرت لبسي وندمت لحظتها لاني كنت لابسه فستان اصفر قصير لحدالركبه بقصه تحت الصدر من غير اكمام لا وكنت راسمه عيوني بكحله و........اكيد اكيد في باله اني متزينه له وقبل ما ارد و ادافع عن نفسي قال
:- مو مهم على العموم هذا الصندوق فيه شبكتك والدبل وكم غرض (قام وفتحه طلع الدبل على جنب والشبكه ولبس دبلته ورجع مكانه ولم شافني ما تحركت كمل ) لمتى بتجلسين كذا ؟؟
تحركي ولبسي الدبله والشبكه
غمضت عيني علشان ما ابكي وقلت
:- بس اللي اعرفه ان العريس هو اللي يلبس الشبكه مو العروس اللي تلبسها لحالها
بكل برود رد
:- مو لو كنتي مثل اي عروس
طعنه ما قدرت اتحملها هذا تجريج واهانه وقفت وقلت
:-ليش وش قصدك ؟؟ووش ناقصني علشان ما اكون مثل اي عروس؟؟
توني بطلع من المجلس الا تركي قام ومسكني من ذراعي ورجعني لمكاني وقال
:- اجلسي ولا تتحركين من مكانك قبل ما اقول لك ...واللي ناقصك يا بنتت عمي كثيييييييييييير واولها القبول بزواجنا ...ولانك مثلي بالتأكيد ما تبين احد يعرف اللي بينا ... اجلسي مكانك والبسي دبلتك وشبكتك
نفس الشي ما تحركت من مكاني لان الالم اللي انتابني خدر روحي وما عدت اعرف اتحرك وقف تركي واخذ الدبله ومسك يدي ولبسني الدبله ناظرت يدي ورجعت ناظرته لقيته يبتسم على جنب
:- تبيني البسك الباقي .....
فجأة دبت فيني الحياه وقلت ويدي ترجف في يده
:- لا انا اللي بلبس لحالي
ما في اي تعبير على وجهه لكنه اخذ الرموت حق المكيف وعدل درجة الحراره
:- كذا الجو تمام ولا اطفيه ؟؟
هزيت راسي بنعم وجلس هو بمكانه على المنبه وسحب جريده على الطاوله يقراها وانا تأملت الشبكه ما عارفه البسها قدامه من موجات الغضب والحيا اللي انتابتني ..بس لما شفته مركز على الجريده قررت البسه علشان مظهرنا قدام الكل
خلصت لبس وهو لازال مشغول في الجريده وبعدربع ساعه من الصمت المطبق ناظر ساعته وقال وبكل برود
:- ما بتضيفيني ؟؟
كانت بالنسبه له كلمه عاديه لكن بالنسبه لي كانت انتقاد عضيت شفايفي وبعدها قلت
:- الخير موجود قدامك واخدم نفسك بنفسك
حس اني متضايقه واني بذلت جهدعلشان ما يعلى صوتي ابتسم بسخريه
:- تعلمي تضبطين اعصابك لانك اذا استمريتي كذا بتلفتين الانظار وبتثيرين التساؤلات وهذا شي حنا في غنى عنه
مسكت اعصابي عن لا اصرخ في وجهه وقربت من الطاوله وقمت اضيفه قطعت له قطعت حلاوه وبعدها صبيت له فنجال قهوه ...شرب فنجاله و وقف
:- يلا انا ماشي وسلميلي على عمي وخالتي وطلال ....(مشى لعند الباب وقف من غير ما يناظرني طلع كرت فيه ارقامه في الرياض وكتب وراه ارقامه في جده ومده علي وقال )
خزنيهم في جوالك ...(وكأنه استدرك شي ) مو علشان شي بس علشان محد يشك لان ما في حرمه ما تعرف ارقام زوجها ...ولا تدقين علي الا للضروره
وطلع من غير ما يسلم علي او يقول مع السلامه وتفاجأت يوم ثاني انه من بعد ما طلع من عندي على طول سافر لجده
يا ترى اليوم شلون بيتصرف معاي بيطنشني مثل المره اللي فاتت ولا وجود العنود بيخليه يتصرف بشكل ثاني ؟؟؟؟؟؟
وداد اهتزازالثقه في النفس والشك في النوايا يخليها دائما تهجم على غيرها على اساس انها تدافع عن نفسها .....لكن هالمره ردفعلها مع تركي اختلف صحيح انوثتها اللي انهانت من كلام تركي ولا مبالاته كانت كفيله بانها تقتله مو بس تهجم عليه بالكلام لكن الصدمه جمدتها
.... الدافع اللي سبب لها صدمه هو الخوف ...من شنو وليش ؟؟؟؟
تركي مراعي للغير وصبور لابعد حد .....لكن هالمره كان جااااااااف وقاااااسي لابعد حد
وش اللي هيج مشاعره وخلاه جذي؟؟؟؟ او بالاصح وش اللي يخطط له ؟؟؟؟؟
عــــــــــــــــــــــــــــــــــــــــــلي
عزيز بحده
:-وليش ازورها ؟؟
ردت عليه امي
:- وهذا سؤال ...مهما يكون ندى حرمتك وصار لها اسبوع من سقطت وانت ما نشدت عنها ...ترى اللي تسويه يزرع الجفا بينكم
رجع عزيز يتأفف وبعدها قال بضيق خلق
:- بس انا مو بس ما ابي ازورها الا ما ابيها بالمره
شهقت مزنه وضربت على صدرها براحة كفها وانرسمت على وجهي علامة استفهام كبيره ومانطق حد غير امي
:- انت انجنيت ولا انهبلت يا ولد وش اللي تقوله وليه ؟؟؟
تكتف عزيز
:- الي سمعتوه ندى خلااااص نفسي عافتها ما ابيها بطلقها ...اما ليه فما له داعي واضحه وضوح الشمس لانها ذبحت ولدي وسقطت حالها عمد
لاول مره اتدخل
:- وش هالكلام الفارغ ..ذبحت ولدك وسقطت عن عمد ....يا اخي تبي تطلق قول كلام غير ذا
وقبل ما يردقالت مزنه
:- عزيز حرام اللي تقوله تتتهم المره وانت عارف ان ندى مستحيل تسوي هالشي مهما كانت الاسباب
اصر عزيز على رايه
:-الا كانت متعمده تسقط ....اجهدت حالها عمد لانها ما كانت تبيه
استغفرت امي بصوت مسموع
:- استغفر الله استغفر الله ....( ولاول مره تصرخ على عزيز) انت سامع وفاهم اللي تقوله ؟؟؟ واسمعني اذا كنت صاحي فاعرف انك غلطان وظالم حرمتك واذا كنت منت بصاحي فلا عاد اسمك تجيب سيره هالموضوع الى ان تصحى من خبالك ويرد لك عقلك
وقف عزيز والغضب معميه بيطلع خاصه انه حس انه انهان بسبب موضوع حرمته لكني مسكته من كتفه وجلسته
:- عزيز ترى امي على حق ...وراعي ربك في كلامك (ورجعت مسكت كتفه ) ووحد ربك يا رجال وفكر قبل ما تتهمها يعني بالعقل كذا كيف تجهض حالها عمد وهي موافقتك من البدايه على هالحمل ؟؟
ردعزيز بعصبيه
:- اساسا هي ما كانت موافقه وكانت تسمعني شويه هرج وكلام فاضي عن عمر فراس الصغير والتربيه وتنظيم الحمل بين طفل والثاني واخر حججها انها ما تبي تترك المانع من غير استشاره طبيه ...لكن لما صار الحمل ما صدقت وجت للرياض علشان تسوي سواتها من غير حسيب او رقيب
اندهشت معقوله اللي يقوله عزيز
:- بس انت قلت انها موافقه وانها مساندتك واللي شفته انها ما اعترضت على كلامك خاصه لما تكلمت عن اتفاقكم على انجاب طفل ثاني
ردت امي
:-كذا هم بنات الحمايل ما تطلع منهم العيبه ابد
وزادت مزنه
:- هذا هي ندى ...عمرها ما طلعت مشاكلها برى بيتها او سمحت لاحد انه يتدخل بينهم ...وعمرنا ما عرفنا اذا كان في خلاف بينهم او لا ...وتلاقيها ما حبت تحرجه قدامك وتصغره اذا كذبته فبينت لك انها موافقه زوجها في قراره
سخر عزيز من تفكير مزنه
:- الا قولي اني احرجتها لما كلمتكم عن الموضوع وقلت انها موافقه علشان كذا سكتت وسوت سواها من وراي
التفت لعزيز وقلت له بحده
:- عزيز ترى انت الغلط راكبك من ساسك لراسك ...فلا تلوم غيرك ...ولا مصدق انها الغلطانه ؟؟
رمى عزيز عقاله وشماغه على الكنبه وصرخ
:- لااااااااااا وشو اللي غلطت انا فيه يا دكتور علي ؟؟؟
رديت بهدوء عكس غضبه وانا احط رجل على رجل
:- انت غلطان من بدايه مخططك للطفل الثاني... وزوجتك على حق في كل اللي قالته ...وغلطك الاكبر هو اتهامك لها من غير حتى ما تواجهها او تسمع رايها ...ولعلمك الدكتوره قالت ان حمل حرمتك كان ضعيف والسبب الموانع اللي كنتوا تستخدمونها والاجهاض هو النتيجه المتوقعه لحمل مثل هذا ...هذا غير احتمالات التشوه وغيره
سكت عزيز وامي قالت
:-فكر زين قبل ما تسوي الي انت ناوي عليه تراك بكذا بتخسر ندى وانت عارف ان اللي زيها قليل
ما ادري ليش سألت
:- ليش يعني وش فيها مو في غيرها
ابتسمت مزنه
:-فيها الكثير ....غير الاصل والفصل والجمال والاخلاق والعقل والتواضع وانها ربة بيت وام ممتازه ...انها صابره على اخوك وغروره و(همست في اذني)وغبائه واصراره على رايه ولو كان خطأ
ردعزيز
:- شوفي مهما مدحتى وقلتي فما راح اغير رايي ابد
وفعلا مع تكرار فضائل ندى على مسامع عزيز الا انه مصر على رايه وهذا شي عجزت عن فهمه خاصه اني اخر مره اندفعت من بعد كلام امي ومزنه وقلت
:- تدرين يمه انا ودي في حرمه نسخه من ندى زوجة عزيز....بس تكون متعلمه
ضحكت مزنه وصرخ عزيز
:- الزم حدودك ولا عاد اسمعك تقول هالكلام مره ثانيه
ناظرت الاثنين وامي الساكته وبعدها قلت وانا ااشر على عزيز
:- انا ماقلت شي غير اني ابي اتزوج وحده عيلتها واتربيتها واخلاقها مثل حرمتك وبعد ابيها حلوه ومتعلمه (وميلت فمي على جنب وكملت بسخريه ) يعني ما قلت بعرس بحرمتك علشان تهيج كذا وهذا وانت تقول عفتها وبطلقها اجل لو كنت تبي تردها لبيتك وش كنت بتقول
سكت عزيز واخذ مفاتيح سيارته وطلع من البيت وبعدها ناظرت مزنه
:- وانتي بعد وش بلاك علشان تضحكين ؟؟
ابتسمت مزنه في وجهي وقالت
:-سلامتك بس ابي اعرف وش نوع الشهاده اللي تبي حرمك المصون تكون حاصله عليها
عرفت انها تستهزء لكني رديت
:- اقلها بكلريوس يعني طلعي بنات العيله اللي ما كملوا غير الثانويه من الموضوع
كانت مزنه بتقول شي لكن امي قالت
:- وليه تبينا ندور لك على حرمه وانت خاطب هذيك الدكتوره ؟؟؟؟؟
رديت بلا مبالاة
:-ابدا ما عدت ابيها ... كلمت ابوها وفضيت الخطبه قبل ما يردون علي
بانت الدهشه على وجه مزنه لكن اتصال من زوجها خلاها تتركنا بعدما سلمت علينا وقالت وهي طالعه من البيت على عجل
:- عزيز مو راضي يودينا نزور ندى فيا ريت تودينا انت
اشرت على عيني
:- من عيوني انا بعد خاطري في فراس وبكره ان شاء الله بنزل الرياض واللي يبي يجي يجهز حاله من بدري لاني على الساعه تسع بنطلق
هزت راسها بالموافقه وطلعت وساعتها امي سألتني
:- ليه فسخت خطبتك ؟؟؟
ابتسمت في وجهها
:- لانها مثل ما قلتي ما تصلح لي ولا تناسبني طبايعها ولا انا بقدر اتقبلها على ما هي عليه ولا هي بتقدر تغير من حالها علشاني (لازالت امي تناظرني وجهها يقول لييييييييييش؟؟ فواصلت وقلت لها عن موقفي الاخير معها في المستشفى )
:- اتهمتني اني تجاوزت حدودي والصراحه ما عجبتني لهجتها وتكبرها على لكني كبحت غضبي وبكل برود وهدوء فتحت جوالي ودورت في الاسماء الى ان وصلت للاسم المطلوب ودقيت عليه ....تعمدت احطه على المايك وشفت صدمتها اول ما سمعت صوت ابوها...والذهول والجمود قليل على اللي شفته على وجها بعد ما قفلت المايك وقلت لابوها وبعدالتحايا المعتاده
(((مسامحه يا عمي ...ما كان ودي اتصل عليك في مثل هالوقت الا ان الامر ضروري )))
طبعا قال اللي يطمن البال مثل الحال واحد وما في مشكله لكني واصلت
(((يا عمي انت تعرف ان الزواج قسمه ونصيب ومهما الواحد حاول الا ان اللي الله كاتبه يصير ......(حسيته فهم الي ابي اقوله لكني كملت ) وادري انكم لسى ما رديتوا علي خبر لكن وش اقولك يا عمي غير ان من ناحيتي ما لي نصيب مع كريمتكم والله يوفقها مع غيري)))
ما حبيت اجلس مع امي بعد اللي قلته فوقفت وحبيت يدها وراسها وقلت لها
:- يلا توصين على شي ترى اخوياي يستنوني ...
ابتسمت في وجهي وقالت
:- ما كنت ولا زلت ما ابيها لك بس بعد ما بغيت الامور تصير كذا والله يوفقك وتلاقي بنت الحلال للي تستاهلك ...وقبل ما تطلع لا تنسى تخبر اهل ام فراس اننا بنزورهم بكره بعد صلاة العصر
رديت لها الابتسامه ورجعت حبيت على راسها
:-الله لا يحرمني منك ... اللحين بدق على طلال واخبره عن الزياره
عزيز وعلي مع بعض التفاوت ثقتهم بالنفس الزايده والغرور هو اللي يدفعهم لاتخاذ القرار من غير ما يفكرون بعواقب الامور....وهذا الحال ما تغير بالنسبه لعزيز
لكن علي حميته وغيرته خلته يصحح غلطه بخطبته لاسيل وان كان الكبر والغرور لهم طابعهم الخاص على تصرفاته ....
لكن الغريب تأثره هو بدل عزيز من كلام امه واخته عن ندى اللي خلاه يحط شروط جديده ممزوجه بالشروط القديمه لعروس المستقبل.....اكيدالدافع شي مدفون تحت جلده .... شي غير....شي عقله الباطن بس يعرفه!!!!!!!!!!!!!!!!!!!!!!!!
نـــــــــــــــــــــــــــــــدى
ظليت انا وطلال لحالنا في الغرفه خفت انه يكلمني عن عزيز وغيابه الملحوظ الفتره اللي راحت وعدم سؤاله عني او حتى عن فراس ااه ما اقساك يا عبد العزيز....خفت لاني ما كنت ابي احد يلاحظ او يعرف ان علاقتنا مع بعض متوتره و وصلت لحد الانفجار.... لكن اللي خفت منه صار وهذا هو طلال الرجال لاحظ اجل كيف البنات والاهم امي وابوي
طلال اول شي سواه سحب كرسي المكتب الي كنت ادرس عليهايام زمان وجلس قبالي وانا متربعه على السرير وسأل بكل حنيه
:- هاااااااااا بشريني كيف حالك عساك طيبه
رسمت ابتسامه على وجهي وانا اناظر المكان اللي طحت ليلتها فيه
:- الحمد لله تمام ...ويسرك الحال
حط كوعه على ركبه وسند ذقنه على اصابعه المتشابكه وقال
:- ان شاء الله دوم يارب ....وعزيز؟؟
ما فهمت قصده او سويت حالي ما فهمت
:- تمام يسأل عنكم
هز راسه بعلامة لا وقال
:- وين يسأل عنا وحنا ما شفناه من يوم المستشفى
كل اللي قلته
:- هو يتصل دايم و.........
قاطعني طلال
:- ندى ....ولو مره وحده في حياتك فضفضي تكلمي ترى مو زين اللي تسوينه في حالك وانا ادري انه لا يتصل ولا هم يحزنون.... انا يتهيأ لي ان فراس نساه ....ندى بصراحه كذا وش بينك وبين عزيز ؟؟؟
رديت على سؤاله بسؤال
:- وش اللي يخليك تقول ان بينا شي ؟؟؟
غمض عيونه
:- لونك المصفر وسرحانك الدايم وهذا الشي قبل (ما حب يذكرني بالطفل اللي راح فقال ) هذا الشي من اول ما جيتي الرياض....واللي زاد وغطى انه من جيتوا هنا وهو ما طل او حتى سال على الاقل عن ولده ....واهله لهم اكثر من مره يزورونك ودوم اللي يوصلهم اما ابو عبد العزيز او علي ....كل هذا وتبيني اقول ما في شي
نزلت راسي وقلت من غير ما اناظر طلال
:- ابدما في شي غير ان عزيز في الاول الشغل كان ماخذ كل وقته ...وبعدها تأثر باللي صار مررره .....وهذا من حقه لانه ابو اللي راح
ما اقتنع طلال بهالكلام
:- على فرض ان اللي تقولينه صحيح ...الا انه مهما يكون مستحيل يكون اعز من فراس اللي من جيتوا لا سأل عنه ولا اهتم يشوفه بينما اخوه علي الا عمره ما كانت بينا علاقه ....ازعجني من كثر ما يتصل يسأل عن فراس واحيانا يطلب مني يشوفه يعني معقوله العم يهتم اكثر من الابو ؟؟؟؟
ما رديت لاني حتى لو برد وش اقول لكن طلال قال
:- المهم ان علي اتصل اليوم يقول ان اهله بيزورونك بكره بعد صلاة العصر (ابتسم ) والدكتور ملزم علي اكون متواجد يقول نفسه في ولدك الدب
رسمت على وجهي ابتسامه رغم ان سيره على او اخوه تنكد علي وتقلب مزاجي ....لانهم في النهايه وان بانوا مختلفين الا انهم في الطباع نسختين من بعض بالذات الغرور والكبرياء الزايد عن اللزوم
:- حياهم الله
ابتسم طلال ومسح على راسي
:- احلفك بالله يا ندى ولاخر مره اليوم انك اذا حبيتي تحكين او تفضفضين فأنا موجود ...مستعد اسمعك واخفف عنك مو بالمشاركه لا بالفعل ...وما اسوي غير اللي يرضيك و...........يريح بالك
حضنته وقلت بانفعال ظاهر
:- الله لا يخليني منك
ابتسم بدفء وطلع من غير اي تعليق .....رجعت جلست على السرير وسمعت نغمة مسج من جوالي فتحته وانصدمت باللي قريته ....ركضت لباب غرفتي وصرخت
:-طلااااااااااااااااااااااااااااال
ندى من النوع اللي يحب يظهر للناس انه قوي وانه ما في شي يهزه ....عندها كل الاستعداد انها تسمع غيرها وتحل مشاكلهم ...لكن من الصعب عليها انها تعري روحها وتبين مدى ضعفها قدام ايا كان ......صرختها كانت نتيجه هياج وجنون وثوره .....لكن هل هذا يعني انها اخيرا بتفتح باب حصنها لطلال وبتقول له عن كل اللي يدور في داخلها ام ان الامر مجرد انذار كاذب؟؟؟؟؟؟؟؟؟؟؟؟؟؟؟؟؟؟؟؟؟
الى هنا واتنهى البارت
اعذب وارق الامنيات
وفي امان الله
|
15-06-09, 07:26 PM
جديد مواضيع قسم القصص المكتمله من وحي قلم الاعضاء
العرض العادي
