أطياف الغرام - الصفحة 5 - القصص المكتمله من وحي قلم الاعضاء

26-08-08, 01:41 AM

المشاركة رقم: 21

المعلومات
الكاتب:	معاميريا
اللقب:	ليلاس متالق

البيانات
التسجيل:	Oct 2007
العضوية:	48087
المشاركات:	168
الجنس	أنثى
معدل التقييم:
نقاط التقييم:	63

االدولة

مدونتي

الإتصالات
الحالة:
وسائل الإتصال:

كاتب الموضوع : معاميريا المنتدى : القصص المكتمله من وحي قلم الاعضاء

الجزء الثالث
((احكام مسبقه))

علــــــــــــيـــــــــــــاء

قعدت اليوم من وقت رغم انه يوم الجمعه لان خوالي وعايلتهم يتجمعون عندنا وبما انها اخر جمعه اكون وياهم فيها فقلت لزوجة خالي محمد اني راح اطبخ هالجمعه بدلها.............. لبست دشداشه بيت قطنيه ربع كم ورفعت شعري بكلبسه ونزلت سويت الريوق ........... جهزت صينيه الريوق ورحت ناديت جدي

ابو محمد اول ما قعد يتريق اخذ من علياء كاس الشاي ورقع عينه لها:- علامش يبه وش فيش ما بتتريقين وياي

علياء:- لا يبه انا عازمه هاجر بنت عمي ابو عيسى على الريوق
هز الجد راسه بمعنى انه عارف خاصه انه متعود على جيات هاجر البيت
طبعا ابو عيسى اللي هو ابو هاجر مو عم علياء بس لانه صديق ابو محمد وعلى طول وياه فعلياء تعودت تناديه عمي

عقب ما خلص ابو محمد ريوقه طلع كلمعتاد يشوف زراعته الصغيرة اللي ورى البيت وعلياء قامت تكنس البيت عقب ما غسلت الصحون وبس طفت المكنسه الا هاجر قدامها

حطت علياء ايدها على صدرها وفتحت عيونها على وسعها:-بسم الله خرعتيني من وين طلعتي

هاجر وهي تطالع علياء بنص عين:- ليش قالو لش جني؟ وهذا بدل ما تعتذرين ترى صار لي ساعتين وانا على الباب لو ما جدش فتح لي الباب

علياء بابتسامه وترفع حاجب :- وعليكم السلام .... كنت اكنس ما سمعت الجرس واعرفش ما بتخليني اكنس وانتي اهني بتقولين ما اعرف اسولف لان المكنسه مزعجه

هاجر :- زين سويتين بس عاد من صباح الله خير تكنسين

علياء وهي ترفع المكنسه وتوديها المخزن:- لان هالجمعه انا اللي بطبخ الغدا ويلا تعالي تريقي ترى من قمت من النوم ما اكلت شي

عقب الريوق اللي طال مع السوالف وتفاصيل احداث الامس وفي المجلس الواسع اللي مفروش بجلسه عربيه على كبره وعلياء تنظفه وتبخره لان الرجال يجتمعون فيه شهقت هاجر

:- ويش ؟!!!! يومين يعني عقب بكره وان شاء الله بيملكون مباشره من توصلون السعوديه؟

علياء وهي تضحك من حركة هاجر وشلون تعفس وجهها :- لا اجلناها ليوم الثلاثاء علشان يمديني اوقف قيدي في الجامعه تدرين اني ماخذه مادتين صيفي والمعاملات الباقيه علشان اكمل دراستي هناك بيقوم بها خالي وعلى كلام جدي الملكة بتكون يوم ثاني من وصولنا

هاجر وهي تحوس فمها على صوب:- هه خيبه اجلنا (تقولها بتهكم) اللي يسمعش يقول مأجله شهر... اذا جذي ما لش الا فستان جاهز للملكه ويا الله يمديش

علياء اللي ما فكرت في هالشي ابدا:-تدرين ما فكرت بس ولو يعني وش اشتري وانا ما اعرف اذا بتكون ملكه بسيطه او فخمه ...
((سكتت شوي تفكر وكلامها ما عجبها)) اكيد بتكون بسيطه جدا يعني من انا علشان تكون كبيره

وتوها هاجر بتعترض الا علياء تسألها عن حمد واهني انقلب حال هاجر وردت بهيام:-شفته يا علياء محلو ظعفان(نحفان) بس تدرين الضعف لايق عليه بس هالمره ما قعد ويانا بس سلم على امي وطلع

علياء وقاصده تغايظ هاجر:- اكيد ما يبي يشوف رقعة وجهش قال اطلع ابرك لي

هاجر تخصرت بيد واليد الثانيه تأشر على نفسها :- ليش هو يطول اصلا يشوف هاجر بنت جاسم (( وبحزن تقول)) هو ماقعد لاني اتغطى عنه

علياء باستغراب:- تتغطين بس انا خبري انكم ما تتغطون عن اولاد عمكم وخالاتكم

علياء وهي ترفع يدها بالدعاء :- شفتي شلون حسبي الله على سويلم
كل منه اجبرني اني اتغطى عنهم وانا اصغر وحده صايره عجوز بين خواتي تدرين هم رجالهم عندهم عادي ما يغطون وجوهم ....
((ووطالعت حضنها وبنبره حزينه قالت )) تدرين حمد سلم على خواتي كلهم بالاسم ويوم وصل عندي قال شخبارش حاجيه... انا حاجيه!!!!!!!!!!!

علياء ما مسكت نفسها من الضحك وابتدت التعليقات والمزح
في الرياض

عقب صلاة الجمعه دخل خالد مع ابوه واخوانه بيتهم لقو ام خالد مع بناتها قاعدين في الصاله سلمو وقعد ابو خالد جنب ام خالد واشر لاولاده انهم يقعدون شوي معاهم قبل ما يروح كل واحد غرقته

ابو خالد وهو يوجه نظراته لخالد:- احنا قدمنا رجعتنا من البحرين لان ابو محمد ((وردا على نظرات الاستفهام قال)) جد علياء بنت اخوي
اتصل وقال انهم ما يقدرون يجونا قبل الثلاثاء...........

سكت كانه ينتظر احد يسأله عن شي فقالت ام خالد:- يعني على كذا بتأجلون الملكه؟

وقبل ما يرد ابو خالد قالت نجود بلقافتها المعهوده:-زين احسن بعد اجلوها على الاقل اسبوع كان نقدر نشتري شي يسوى للملكه

العنود ناظرتها بمعنى سكتي احسن وخالد تمنى ان التاجيل يكون اكثر من اسبوع وتركي عاقد حواجبه وسرحان في شي ثاني وسلطان متكتف وماخذ موقف المتفرج اما ابو خالد ابتسم وقال

:- بنأجلها ليوم الخميس ((يناظر ام خالد)) ودبروا روحكم انتي والبنات في هاليومين وشوفي البنات كم يبون وانا اعطيكي... اما انتم ((يقصد الشباب)) تركي وسلطان بعطيكم فلوس وتتكفلون بامور الملكه وهالله هالله ابيكم ترفعون راسي تراها ملكه خالد ولد مشعل بن سلمان ال........ ((والتفت لخالد )) اما انت ابغاك تروح مع طلال ولد عمك البحرين تجيبون ابو محمد وعلياء ((وكمل كانه بيقطع على خالد الاعتراض )) ترى الرجال ما يسوق واولاده كلن لاهي بشغله
وعمك وانا ما نقدر ننزل البحرين هاليومين

خالد وما زال غير مقتنع:-طيب يبه ماله داعي اخاوي طلال هوبالحاله يروح

ابو خالد وهو قايم علامة انتهى النقاش:- ولد عمك ما يدل بيت ابو محمد وانت سبق ورحت مع عمك

خالد وبشبه رجا لابوه انه يتفهمه:- هي مره وحده وصلته ورحت اكمل شغلي حتى ما نزلت معه اخاف اخربط ما ادل البيت عدل

ابو خالد وهو يناظر ولده بنظرة اني فاهمك زين:-دامك تدل الحي خلاص ما بتضيعون ما ضاع من سأل... يلا انا برقى غرفتي ابدل على ما تزهبون الغدا

رقى ابو محمد وخالد بعد ما طاق يجلس من بعد هالخبر هو مو طايق البحرين بكبرها كيف اللحين يبونه يروح يجيبها

اما تركي قال وهو قايم غرفته علشان يبدل هو بعد:- طيب ما قال لنا وين فيه يبون الملكه

ام خالد :- في الاستراحه اوسع واكبر والصاله توسع حريم العيله(( وتاشر على بناتها)) يلا قومو ساعدوني نجهز الغدا

العنود قامت ورى امها ونجود تاففت وقالت :- ليش حنا نجهز والشغالات وش مهنتهم؟ وبعدين يمه الاستراحه توسع للرجال بس الحريم ما توسعهم الصاله

العنود ومو عاجبها كلام نجود :- وانتي ليش مهتمه هالكثر من زينها بنت نجاة علشان تبين تتزينين وتبين مكان واسع

نجود وهي تتخصر :- انا ما تهمني بنت نجاه انا يهمني برستيجي
تبين يقولون نجود بنت مشعل ما تعرف تلبس او يقولون ابو خالد ما اهتم وسوى لولده ملكه على قد الحال

ام خالد علشان توقفالمشاده بين الثنتين اللي يمكن تقلب هواش:- بس انتي وهي واشتغلو بسكات ولعلمكم ثنتينكم بتتعدلون لملكه اخوكم
والصاله توسع لان الملكه ما راح يحضرها من الحريم غير بيتنا وبيت عمكم وعمتكم والحريم اللي بيجون من اهل علياء سمعتون اسمها علياء لا تنسون انها بنت عمكم وابوكم بيذبحكم لو سمعكم ((وكملت وهي تحط يدها على راسها وتغمض عيونها)) وانا ما حب اسمع سيرة نجاة في بيتي والله يستر ما تكون مثل امها

يوم الثلاثاء في البحرين

خــــــــــــــــالد

من اعلن الطيار وصولنا البحرين وانا وطلال حل علينا صمت رهيب كل واحد سارح في عالم مختلف عن اللي حولنا خلصنا امورنا واخذنا تكسي وطول الطريق وانا بالي مشغول حتى ما فهمت شي من هذرة السائق وفقت على طلال يناديني
طلال:- خالد الرجال يقول لك وصلنا والحين وين يروح

وصفت للسائق الطريق وقفنا على باب بيت ابو محمد باب خشي لبيت شعبي قديم بس واضح انهم يرممونه بين فتره والثانيه كنت اطالع الباب واتسأل عن الناس اللي عايشه ورى هالباب او الاصح عن وش الي بيجيني من ورى هالناس غير حرماني من ساره وما انتبهت الا على صوت التكسي متحرك من المكان سالت طلال

خالد :- ليش مشيت الرجال ؟

طلال وكان الامر مسلم به:- احنا ما ندري كم بنجلس عند ابو محمد
فما اقدر اخلي الرجال يستنى في هالقايله

تظايقت من فكرة اننا ممكن نطول هنا ناظرت الساعه وقلت :-واحنا جايين شفت مسجد قريب من هنا خلنا اول نصلي الظهر ونرجع

وافقني طلال وبعد الصلاة وقريب من بيت ابو محمد قلت لطلال ما دام رحلتنا للرياض الساعه ثلاث خلنا نتغدا اول بعدين نجي للرجال
هالمره طلال عارضني وقال:- لا اول نروح له علشان يستعدون تعرف الحريم عاد ما نبيها تعطلنا على اخر لحظه

كنت ابي ااجل بس وش اسوي طلال عنده حق وصلنا عند الباب ودقينا الجرس .........مره .........مرتين .........ثلاث....محد رد قلت بتفاؤل

:- اكيد ما في احد في البيت

طلال :-يعني وين بيروحون في هالوقت؟ وبعدين هالجيب اللي عند كراجهم اكيد لهم

توني برد على طلال الا بشاب طالع من بيت جيرانهم التفت لنا وجا سلم علينا وسالنا

الشاب:-امرو من بغيتو

طلال :- بيت الحاج عبد الرحمن ابو محمد

الشاب :- وصلتو خير هذا هو بيتهم

طلال :- الظاهر ما في احد ندق عليهم ولا حد يرد

الشاب طالع ساعته وقال :- كلها ربع ساعه ويوصل اكيد مر مع الوالد الدكان .... شكلكم مو من البحرين؟

رديت بحده وانا مو عاجبني هالولد ما اعرف ليش :- احنا اهله من السعوديه

رد الشاب وهو يدخل ايده في شعره:- هااااااااا زين تفضلو انطروه في المجلس اذا ابو محمد يدري عن جيتكم اكيد خلاه مفتوح
واشر على باب خشبي صغير قريب من باب البيت الرئيسي وقبل ما يشوف اذا الباب مفتوح او لا دق جواله رد

الشاب :- نعم وش بغيتين؟

الطرف الثاني:-...............
الشاب :- زين اللحين بحركها ((سكر جواله وكمل)) اهل البيت وصلو

والتفت لوراه شفنا بنت جايه مقبله علينا راح لها الشاب بس سلم عليها ومد يده بياخذ شي من عندها الا طلال راح وراه وقف بين الشاب والبنت هنا انا طالعت وجهها شكلها مألوف ليكون...........
اخ هذي اللي اخير من ساره كاشفه الوجه وتكلم ولد الجيران عادي
ضغطت على ضروسي وشديت قبضت ايدي وغمضت عيوني
علشان امسك نفسي ما اروح اصرخ عليها واكفخ الولد

علــــــــيـــــــــاء

اليوم كان متعب انهد حيلي من المراكض من قسم القبول والتسجيل الى رئيس القسم الى العميد صار لي يومين اراكض علشان تواقيعهم
وعاد المسافات وهالحر زين اني خلصت قريب اذان الظهر رحت مسجد الجامعه ومنه طلعت على طول الى البيت وما قدرت ادخل سيارتي الطبيله لان سالم موقف جيبه قدام الطبيله اووووووووووووووووف ما لي الا هاجر
دقيت على هاجر ومن غير ما اسلم

علياء:- هاجر قولي لاخوش يحرك سيارته من قدام الطبيله ابي ادخل سيارتي

هاجروتعرف ان ما في احد يسويها غير سالم:- بس سالم توه طالع من البيت...ان شاء الله ما طلع مع واحد من ربعه باتصل عليه واقول له

رديت من غير نفس:- ااااااااف زين عجل اذا جا خليه يدق جرس بعطيه مفاتيح السيارة يدخلها مره وحده مع السلامه

هاجر :- فيش خير انا قلت ما سلمت ما بتقول مع السلامه على العموم الله يسلمش
قفلت موبايلي وبندت السياره لميت اوراقي نزلت من السياره قفلتها مريت من جنب جيب سالم الا واشوف ثلاثة رجال عند باب المجلس الخارجي اثنين منهم مقابليني والثالث يتكلم في تلفونه وصلت قريب باب البيت الا يلتفت لي الثالث استغربت هذا سالم من متى يمشي مع ناس كشخه جذي شوي الا جاي ناحيتي وعلى وجهه ابتسامه عريضه

سالم وابتسامته شاقه الوجه :- سلام يالجاره شخبارش؟

رديت ببرودالصراحه انا ما اطيق سالم بالذات اني اعرف انه راعي بنات :-الحمدلله

وقبل ما اكمل كلامي قال :- عطيني سويج سيارتش انا بدخلها لش الطبيله

واحد من الشباب اللي كان واقف وياهم جا وما لقيته الا واقف بيني وبين سالم واخذ السويج اللي مديته لسالم قبل ما ياخذه سالم وقال

:- انا بدخل سيارتك ((طالع سالم وكمل )) وانت حرك سيارتك ((رد التفت لي وقال)) باب المجلس الخارجي مفتوح او لا

تجمدت مكاني كان واقف قريب مني بلعت ريقي ورديت من غير وعي:-هاه!!! لا الباب مقفول

رد بكل بساطه :- طيب بس ارجع لك مفاتيحك عطيني مفاتيح الباب

كنت متنحه وقبل ما ارد عليه رد سالم بحده :- نعم يا الحبيب وين تحسب نفسك ومطيح الميانه بعد تعطيك المفاتيح

الشاب الثاني جا وقف بين سالم والشاب الاول وقال للاول:- خير يا طلال وش فيه
رد طلال وهو يطالع سالم :- بصفتي اخوها (( وطالعني بغضب )) للحين واقفه دخلي

دخلت البيت بسرعة وحمدت ربي اني كنت مطلعه مفاتيح البيت من قبل قفلت الباب وراي وركضت في الحوش لين وصلت لباب الصاله دخلت الصاله ورميت اغراضي على الارض طاحت عباتي على كتفي وسندت روحي على باب الصاله هذا طلال؟!!! هذا اخوي؟!! شلون عرفني ؟
وانا ما عرفته واللي معاه يمكن يكون هو بعد اخوي ايه اكيد اخوي لانهم يتشابهون مشاء الله على اخواني طوال وحلوين صدق طلال اقصر شوي وحظه في الوسامه اقل من الثاني رغم ان طلال ابيض وهذاك خمري بس مبين ان طلال بشوش عكس اخوه شكله ما ادري شلون له هيبه وحظور قوي ومبين انه جاف في المعامله وش اسمه يا ربي ............. ضغطت على راسي ابي اتذكر ابتسمت ايييييه فيصل بس فجأة استدركت ان حسب كلام ابوي في زياراته القصيره ان فيصل هذا اخر العنقود صغير ضربت بايدي على جبهتي وقلت بصوت مسموع

:- هذا مو فيصل من هذا؟

وفجأة سمعت صوت الجرس اخذت نفس وعدلت حجابي ورفعت دفتي على راسي ورحت عند الباب وبصوت عالي علشان يسمعني اللي ورى الباب:- من بالباب؟

رد على صوت رجولي صرت اعرفه:- انا طلال فتحي الباب

فتحت له الباب ومد يده يعطيني سويج سيارتي وقال بابتسمه على جنب
ما تعرف هو يمزح او يتهكم:- وتسوقين بعد....هم ما علينا وين مفتاح المجلس ؟

حطيت ايدي على فمي وفتحت عيوني وقلت :- نسيت لحظه بجيبهم لك

طـــــــــــلال

بعد ما دخلت سيارة علياء داخل الكراج طلعت للولد وصرفته تحرك الولد من هنا ونطق خالد من هنا وقال ولا زالت عيونه مليانه غضب

:-من هذا ؟ وش كان يبي منها؟
قلت له وانا حاط يدي على كتفه :- هذا ولد جيرانهم وكان مسكر على الكراج بسيارته فراح ياخذ المفاتيح علشان يدخل سيارتها بنفسه

خالد وزاد غضبه ما قل :- وتسوق بعد ؟ وليكون هي اللي اتصلت عليه
يحرك سيارته ؟ هذا اللي ناقص بناتنا يكلمون شباب في الشارع وفي التلفونات بعد....... والله ثم والله ان كانت تكلمه لكسر راسها

هذا خالد حليم وصبور لاخر درجه لكن لمن يغضب ما يشوف اللي قدامه ((صدق من قال اتق شر الحليم اذا غضب )) بس اول مره اكون انا رغم توتري وغضبي اهدأ منه يمكن لان الضغوط اللي عليه كبيره وفجرها هالموقف

مسكته من كتوفه وضربته عليهم مرتين بخفيف وانا اقول:- هدي هدي اولا من قال لك انها تكلمه في التلفون وثانيا من قال لك انها تكلم شباب في الشوارع (( طالعني بنظره كانه يقول انت وش قاعد تألف)) وثالثا بعدها ما تصير حرمتك علشان تكسر راسها واخيرا انا بروح اجيب مفاتيح المجلس ولا ناوي نحترق من الشمس لمن يجي الرجال

تركته ورحت دقيت جرس البيت بطلت لي الباب عقب ما سالت من على الباب كنت ناوي ان اعطيها المفتاح واهاوشها لان اللي قاله خالد كان يدور في مخي بس مهما يكون ما ارضى احد يتكلم على اختي كذا بس مجرد ما شفت وجهها الشبيه بوجه وداد احلى واهدأ خواتي ما ادري شلون فكرت انه من المستحيل هالبنت تسوي اللي احنا نفكر فيه فسألتها عن مفتاح المجلس وضحكتني حركتها انها نست نفس حركة سعاد و شوي بس الا وهي ردت من الباب اللي دخلت منه كانت شبه تركض ولمن وصلت قالت لي بابتسامه
:- هذا مفتاح الباب الخارجي والباب الداخلي مفتاحه موجود في الباب من داخل بس شوي وبدق عليك اجيب لكم شي تشربونه على ما يوصل جدي..... ما بيتاخر كل ها خمس دقايق ويجي

اخذت المفاتيح ودخلنا انا وخالد المجلس اللي رغم قدمه وصغره بالنسبه لمجلسنا لكنه نظيف ومرتب وريحته حلوه الظاهر شغالتهم تشتغل بضمير
مو مثل شغالاتنا لو ما امي وراهم ما سوو شي عدل توعيت من افكاري على صوت خالد يقول وفي عيونه نظره غضب وحيره

:- يعني بنت تطلع لحالها وترد لحالها في هالوقت وجدها ولا هو هنا وين تروح ؟؟؟؟؟؟؟؟؟

وقبل ما ارد عليه دخل علينا رجال كبير في السن شيباته غازيه لحيته وعاطتنه هيبه فوق هيبته ونور الايمان يطل من وجهه وبابتسامه سلم وقال بعد ما رحب :-سامحوني يا عيالي ما توقعت ان مشوار بو عيسى بيطول ....

رد عليه خالد بابتسامه دافيه ونظرته تقول ان هالرجال دخل قلبه ونال احترامه وهذا كان احساسي بعد:- ما عليك قصور يا ابو محمد وترى احنا اللي جينا بدري ومن غير ما نتصل عليك

ابتسم ابو محمد دليل ان كلام ومنطق خالد اعجبه وقال :- تسلم يا ولدي الا ما قلتو لي من فيكم طلال

واحنا نعرفه عن انفسنا دق الباب الداخلي للمجلس تو ابو محمد بيقوم بس انا اشرت عليه يقعد وقلت له :- استريح يبه انا بشوف وش يبون

رحت للباب لقيت علياء لابسه جلال وحامله في ايدها صينيه فيها عصيرات بارده مع مويه شكلها استغربت اني طلعت لها اخذت منها الصينيه على طول لفت بترجع للباب اللي جت منه وشكله الباب الخارجي لمطبخهم بس انا وقفتها وخليتها تلتفت لي لمن قلت

:- علياء... على الساعه ثنتين لازم نكون في المطار لان رحلتنا على الثلاث
نزلت راسها تطالع الارض وقالت :- شناطي جاهزه واغراض ابوي بعد ((رفعت راسها ناظرتني وكملت)) على جذي بروح انجب لكم الغدا علشان يمديكم تاكلون لقمتين

بعد ما لزم علينا ابو محمد نتغدا عنده اكلنا وعقب ما شربنا الشاي قلت
:- يلا يبه صار لازم نشوف لنا تكسي يودينا المطار

رد ابو محمد بابتسمه هادئه :- وليش التكسي يبه ما دام سيارة علياء موجوده نروح فيها

قلت باعتراض :- بس يبه (( وما ادري ليش صرت اناديه يبه يمكن للراحه اللي يبعثها بنفسك لمن تجلس معه ويمكن لانه جد اختي واللي رباها.... ما كذب خالد انا حساس جدا تجاه خواتي وكاني امهم احب اقعد معهم واسمع منهم وهذا اللي مخلني اعرف كل وحده فيهم وشلون تفكر
ومخلني احس بمسؤليه تجاهم وكاني ابوهم... رغم ان امي وابوي مو مقصرين معهم ... المهم اني كملت)) من بيرد السياره هنا

ابو محمد وهو يومئ براسه :- ما عليك محمد بياخذها من مواقف المطار هو عنده نسخه من سويجها

وقف خالد وقال :- اجل يلا توكلنا على الله

وعقب ما حطينا الشنط في صندوق السيارة اصر خالد انه هو اللي يسوق وطبعا في هالحاله انتظرت ابو محمد يختار وين يركب وركب ورى بحجه ان علياء مو متعوده علي وما بقى لعلياء الي كانت تقفل الباب الا انها تجلس ورى خالد

خــــــــــــالد
ما ادري ليش اصريت اني اسوق سيارتها وكاني بعرفها من خلال سيارتها او كأني بعرف وين تروح بسيارتها او وين كانت او يمكن
علشان اغايضها لاني اعرف ان البنات او على الاقل خواتي ما يحبون احد يلمس او يستخدم اشيائهم لفت نظري علاقة المفاتيح كانت على شكل جوتي رياضه بخيوط ومعلقه على المرايه دبدوب صغير وقران في علبه خشبيه صغيره ما ادري ليش ضبطت المرايه الاماميه علشان اشوفها ولمن التقت عيوني بعيونها ناظرتها بنضره تحمل غضب وقهر
حست فيني ونزلت راسها ومن غير سبب ارتحت انها نزلت عينها

ما صدقت اننا وصلنا مطار الرياض واخيرا بنزل هالحمل عن اكتافي
الشهادة لله اني احترمت جدها حبيته وارتحت له بس هي بالعكس كرهتها اكثر لانها من اول لحظه شفتها فيها حركت بداخلي مشاعر كثيره وكلها سلبيه غضب وحقد وغيره لا يروح فكركم بعيد ترى هالغيره غيره على محارمي مو هي بنت عمي........ التفت لها تمشي ورانا وريحني انها غطت وجهها من وصلنا مطار البحرين الظاهر جدها نبهها لهشي
بس وانا التفت شفت شباب ورانا فعلى طول قلت لطلال

:- طلال خلك جنب اختك

التفت طلال وشاف الشباب وراها على طول راح جنبها بعد مارمى الشباب بنظرة تهديد رغم انهم ما صدر منهم أي تصرف مسيئ
وهالمره طلبت من تركي اني اسوق وما اهتميت باحتجاجه وهالمرة لاني حسيت اني لازم انشغل بشي لان افكاري ما تفارق العبايه اللي وراي وهالمره جلست ورى جدها وطلال وطبعا تركي جلس معي قدام

علــــــــــــــياء

عرفت في طريقنا للمطار ان الشاب الثاني اسمه خالد والشبه اللي بينه وبين طلال يقول انه هو ايه اكيد بيشبهه مو ابوتهم اخوان وامهاتهم بنات خاله ما ادري ليش صابتني رجفه لمن فكرت انه في يوم بيكون هذا الرجال الجامد صاحب النظره المخيفه الغامضه زوجي رفعت راسي شفته يطالعني من المنظره بنظره تشبه اللي شفتها عند باب البيت نزلت راسي ما ابي اشوف هالنضره غير اني ما احب احد يبحلق فيني شلون عاد لو كان رجال ومو أي واحد هذا خالد صاحب النضره الجليديه الخاليه من المشاعر طول ما انا معهم وهو بس مستمع ما يتكلم ما حبيت اني اشوفه او يشوفني علشان جذي لبست الغشوه وغطيت وجهي قبل ما ننزل مطار البحرين ............. وفي المطار والطائرة شغلت نفسي بقصه وفعلا عقب كم صفحه اندمجت ونسيت خالد ........... لكن في السياره عند وصولنا الرياض رجعت لي افكاري كان على عكس البحرين كان طول الطريق يتكلم عن مشاريع وشغلات ما افهمها مع اخوه تركي ((عرفته لانهم عرفوه على جدي)) صوته كان شي ثاني كان عميق وهادئ يوحي انه شخص واثق من نفسه واسلوبه يقول ان كلمته وحده لا تناقش واضح انه معتد بنفسه ......... ومبين من كلامهم انه صاحب
مركز وراي مسموع في شغلهم صحيت من افكاري على صوت جدي يناديني
:- علياء

قلت بهمس مسموع :- امر يبه

ابتسم بحنيه وقال :- ما يامر عليش عدو بس اقول يبه ترى بنروح بيت ابوش ((تنهد )) الله يهديه ابو طلال ما رضى انزل بفندق (( كمل وكانه عارف وش بقول)) وانا ما ردني عنه الا اني ما اقدر اقعدش في فندق وبيت ابوش موجود

سكتني ما قدرت ارد عليه غير ان وجود الشباب منعني من اني اقول أي كلمه وظليت طول الطريق افكر شلون بيستقبلوني اهل ابوي

مع اعذب وارق التحايا
معاميريا

27-08-08, 11:54 PM

المشاركة رقم: 22

المعلومات
الكاتب:	معاميريا
اللقب:	ليلاس متالق

البيانات
التسجيل:	Oct 2007
العضوية:	48087
المشاركات:	168
الجنس	أنثى
معدل التقييم:
نقاط التقييم:	63

االدولة

مدونتي

الإتصالات
الحالة:
وسائل الإتصال:

كاتب الموضوع : معاميريا المنتدى : القصص المكتمله من وحي قلم الاعضاء

الصراحه الوضع يجيب الاحباط
من نزلت هالبارت ما شفت ولا رد
كنت متوقعه اشوف في تفاعل مو مجرد قراءة سلبيه من غير اي تعليق

وطبعا ما اقصد بالتعليق مجرد المديح
يعني حتى لو نقد المهم احس ان فعلا
في احد يقرأ مو مجرد يطلون وخلاص يمكن حتى ما يقرون

على العموم الظاهر انها مو عاجبتكم
ولذلك ااسف على اني حاولت الكتابه
اختكم معاميريا

28-08-08, 06:30 AM

المشاركة رقم: 23

المعلومات
الكاتب:	مذهلة الخليج
اللقب:	مالكة القلوب

البيانات
التسجيل:	Oct 2007
العضوية:	53295
المشاركات:	3,145
الجنس	أنثى
معدل التقييم:
نقاط التقييم:	129

االدولة

مدونتي

الإتصالات
الحالة:
وسائل الإتصال:

كاتب الموضوع : معاميريا المنتدى : القصص المكتمله من وحي قلم الاعضاء

مرحبااا معمريا سوري بس توني اشوف الجزء
اول شي اقولج حرام تحكمين على قصتج بالفشل وهي في بداية طريقه
لاتقولين مافي قراء لان كثير مايتحمسون مع القصة غير اذا اكثرة اجزء القصة ويمكن في النص وفي قصص في النهاية انا اول وحدة اقولج كملي ولا تيسين من اول خطوه خليج قويه اعتبريه نصيحة وان شاء الله اكون خفيف عليج
وبعدين ترى المنتد هالفتره في حالت ركود
تعليق
خالد:روح عني ياشيخ وش قال حاقد >>>الى من الغير بس الخبل مايدري وين الله قاطه
وانطر باقي احداث
طلال:حبيتها يفكر في خواتها ومصلاحتهم احس هو الى بيوقف في وجه الكل ويكون مع علياء
العنود واختها استغرب من حقد العنود على علياء حتى قبل تشوفها حرام تحكم عليها كذا على طول
علياء مسكين افكر كيف راح يكون موقفها قدام الناس الى حاقدين عليها وكيف راح تكسب رضهم ومن راح يكون واقف معها غير طلال
وكلي شوق لي التكمل لان بداء الاكشن>>>>عشان خاطري >>>وثق مررره

مذهلة

28-08-08, 08:25 AM

المشاركة رقم: 24

المعلومات
الكاتب:	بوسي
اللقب:	ليلاس متألق

البيانات
التسجيل:	Mar 2007
العضوية:	26216
المشاركات:	965
الجنس	أنثى
معدل التقييم:
نقاط التقييم:	60

االدولة

مدونتي

الإتصالات
الحالة:
وسائل الإتصال:

كاتب الموضوع : معاميريا المنتدى : القصص المكتمله من وحي قلم الاعضاء

الاخت العزيزه .....معاميرا.....

أعتذر منك لتأخيري بالتعليق علي بارتك الأخير الرائع

والذي أعجبني جدا ....

وأشعرني بأننا علي وشك الدخول الي المعركه.....التي ستخوضها علياء ....

أشعر بأنها ستكون مشتته المشاعر ....وخاصا أن الجميع يتوقع أنها مثل أمها...وبالتالي ...لا يكنون لها مشاعر جيده
وبالأضافه طبعا لأن خالد....قد لاحظ عده ملحوظات
عليها ....قد تكون عاديه في وجهه نظرها ....
وغير متعمده
ولكنه أساء تفسيرها...ولم يري منها غير ما يكره...
ولم ينظر لخجلها ...ولا أدبها ...ولا حتي جمالها الرائع
لأنه لايري سوي ساره فقط حبيبته...
ولكن طالما انه يحب ساره ...هكذا ....لم أستسلم سريعا ولم يدافع عن حبه.....كنت أتوقع منه بعض المقاومه....لأنه الرجل
وبيده الحل والربط ...وموقفه ليس ضعيف ولا تستطيع الضغط عليه كما المرأه....

انتظر بلهفه مواجه علياء وخالد...وعرفتها أنه مجبور عليها
فالرجاء لا تتأخري

أخيرا ....

أختي العزيزه.....قصتك رائعه جدا....وهذا ليس رأي انا وحدي....ولكن عده أخوات بالمنتدي هم من لفتوا أنتباهي لها.....
وانا اعرف انه شيئ يضيق الصدر
عندما لا يتم التعليق علي مجهود الفرد بالكتابه وخاصا لأنه مجهود غير سهل ....
ويحتاج الي الكثير من التركيز
والعمل حتي يخرج البارت اخيرا الي النور....بنتيجه مشرفه
وترضين عنها....

الموضوع يحتاج الي الصبر.....ثم الصبر....ومع الوقت صدقيني ....ستجدين المزيد من التشجيع ...وخاصا مع الفتره القادمه....وبدء الدراسه....وعوده الجميع للمتابعه والتعليق

لا تيأسي عزيزتي ....واكملي قصتك الرائعه...حتي ولو تابعك شخص واحد....
فيكفيكي فخرا ....شرف المحاوله

وماشاء الله ...اذاكانت هذه محاولتك الأولي بالكتابه
فماذا ستكون محاولتك القادمه...؟؟؟
بالتأكيد أروع...... وأروع

موفقه أختي دائما ...وانتظر البارت القادم بشوق ولهفه
والي المزيد من الأبداع

التعديل الأخير تم بواسطة بوسي ; 28-08-08 الساعة 08:33 AM

30-08-08, 02:49 AM

المشاركة رقم: 25

المعلومات
الكاتب:	معاميريا
اللقب:	ليلاس متالق

البيانات
التسجيل:	Oct 2007
العضوية:	48087
المشاركات:	168
الجنس	أنثى
معدل التقييم:
نقاط التقييم:	63

االدولة

مدونتي

الإتصالات
الحالة:
وسائل الإتصال:

كاتب الموضوع : معاميريا المنتدى : القصص المكتمله من وحي قلم الاعضاء

اقتباس :- المشاركة الأصلية كتبت بواسطة مذهلة الخليج
مرحبااا معمريا سوري بس توني اشوف الجزء اول شي اقولج حرام تحكمين على قصتج بالفشل وهي في بداية طريقه لاتقولين مافي قراء لان كثير مايتحمسون مع القصة غير اذا اكثرة اجزء القصة ويمكن في النص وفي قصص في النهاية انا اول وحدة اقولج كملي ولا تيسين من اول خطوه خليج قويه اعتبريه نصيحة وان شاء الله اكون خفيف عليج وبعدين ترى المنتد هالفتره في حالت ركود تعليق خالد:روح عني ياشيخ وش قال حاقد >>>الى من الغير بس الخبل مايدري وين الله قاطه وانطر باقي احداث طلال:حبيتها يفكر في خواتها ومصلاحتهم احس هو الى بيوقف في وجه الكل ويكون مع علياء العنود واختها استغرب من حقد العنود على علياء حتى قبل تشوفها حرام تحكم عليها كذا على طول علياء مسكين افكر كيف راح يكون موقفها قدام الناس الى حاقدين عليها وكيف راح تكسب رضهم ومن راح يكون واقف معها غير طلال وكلي شوق لي التكمل لان بداء الاكشن>>>>عشان خاطري >>>وثق مررره مذهلة

هلا فيج حبيبتي
وما في داعي للاعتذار
ومشكوره على النصيحه وراح اسوي فيها ان شاء الله

إلا لش خاطر ونص
وعلشان خاطرش
بنزل البارت الرابع

لك مني اعذب وارق التحايا