مساء الخير
حبايبي
وبالذات اللي عبروني وردوا على البارت
جودي
اماني قاحله
وردة الياسمين
اشكركم واعتذر لكم عدم ردي على كل وحده على حده
بس صراااااااااااااااااااااااحه
جبت اللي احسن من ردي جبت البارت
الجديد
اقروه واهضموه عل اقل من مهلكم
وراح انتظر تعليقاتكم وردودكم على ناااااااااار
اعذب التحايا

((الجزء الخامس والعشرون ))
(هو وهي )

تنويه :- سيكون هذا الجزء مختلف قليلا لأن كلا من هو وهي سيقومان بروايته معا
هو يرى المراه كائن جميل رقيق حساس وضعيف ودائما يحكمه مشاعره .
هي ترى الرجل مخلوق خشن قوي متسلط دائما يحكمه عقله ويكتم مشاعره ...ورغم جفافه إلا انه قد يمثل مصدر امانها او اساس خوفها

ولكن ما يجهله هو ان بإمكان المرأة أن تكون اقوى وأشرس واقسى منه وانها تستطيع أن تدفن مشاعرها
وما تنساه هي ان الرجل قد يحمل قلبا حنونا يفيض رقه وان تربيته ومجتمعه ينكران عليه إظهار هذا القلب



علـــــــــــــــــــــــيــــــــــــــــــــــــــاء و خــــــــــــــــــــالــــــــــــــــــــــــد



رن موبايلي رفعته شفت ان المتصل هو خالد ما حبيت ارد وحاولت اتجاهله ...لكن وجودي بروحي في غرفة الانتظار وجو القلق والتوتر خلاني أرد على امل ان يمر الوقت بسرعه ولاني في النهايه لازم اكلمه ضغطت على زر الرد وقلت بصوت مبين عليه التعب والوهن
:- نـــــعــــــــــــم ؟
هدوء على الطرف الثاني وبعدها رد خالد
:- عليا أنا .....(ما عرفت وش اقول ...اقول اني ابي اسمع صوتك واعتذر؟؟...اخاف تسخر مني وساعتها .....)

طول سكوته وهالمره بنبره حاده وبجفاف
:- نعم ؟خير ؟ وش تبي ؟

وش فيها :- وش هالاسلوب ليه تحكي معي كذا ؟!!

نرفزني داق بوقت متأخر وبعد ليله موجعه ومتعبه ويستهبل بعد
:- ليش وش فيه اسلوبي علشان مو عاجبك ؟وشلون ان شاء الله تبغاني اتكلم وياك ؟؟

من جد هذي فيها شي
:- ليه منتي شايفه حالك كيف تحكين ؟ لو انا قدامك كان عطيتيني كف

افففف لا اله الا الله
:- وشلون تبغاني اكلم حضرتك ؟

تغير مزاجي ...واحساسي بالذنب تبخر وحل محله الغضب
:- مثل ما بنات الناس تكلم ازواجها

يستخف دمه هذا ولا ويش ؟
:- لا والله ليكون انا مو بنت ناس؟

هذي اللي بتقهرني اجي لها يمين تجي لي شمال
:- انا ما قلت كذا...بس انت تشوفين ان كلامك معي عادي ولااا؟؟

الظاهر الاخ ولا على باله كل اللي قاله لي من كم ساعه فقلت اذكره
:- اكيد عادي واقل من العادي بعد خاصه بعد السمفونيه اللي سمعتني اياها قبل ما تطلع من البيت ...ولا ناسي انت وش قلت ؟؟

كنت غلطان صح وتهورت لكن ليه توها تحكي؟؟
:-ما قلت اني نسيت بس بعد اذكر انك ما تضايقتي وانك رميتي حالك على صدري

اخخخخخخ لمت نفسي على ضعفي في ذيك اللحظه لكني رديت بصراحه
:- كان قلبي محروق وكنت مستعده ارتمي في حضن الشغاله (وعلشان اختصر المكالمه اللي صارت تخنقني) وما قلت لي وش تبغى متصل هالحزه؟؟

انا تقارني بالشغاله !!!تماسكت وعديتها
:- ابدا قلت نستكمل حديث الصراحه اللي بدأناه

صدق اني اكره الجدل والمناوشات لكن في حالة خالد لازم احط حد يعرف من خلاله من تكون عليا
:-على طاري الصراحه وهذا شي علشاني مو علشانك اولا انا كنت اكلم امي ...وما همني اذا صدقت او لا ...(اخذت نفس لان اللي بقوله اللحين هو المهم ) وثانيا والاهم يا ولد الناس انا ما اسمح لك تتهمني او تشكك في اخلاقي وتربيتي او حتى تخدش كرامتي ...واظن هذا موضوع سبق وتكلمنا فيه ...فلو سمحت ابعد شكوكك المرضيه عني

انا شكاك وبشكل مرضي بعد !!! انا مجرد رجل حس بالاهمال وانه صفر على الشمال من وحده وجه لها كل اهتمامه ومشاعره ...صحيح ما اظهرت هالش ولا عبرت عنه لاني وبكل بساطه ما احب ابان ضعيف
:- مصدقك ...(تنهدت بصوت مسموع )وصدقيني ما كنت اقصد اهانتك او التشكيك فيك بس ....(وش اقول يا ربي ...قررت اني اغامر واكون صريح ) يا عليا ترى قلبي ما تحمل الكلام اللي قلتيه ( كملت بنبره استجدي فيها عاطفتها ) يعني الكل تدارينه وتدللينه وانا اللي اسمي زوجك محروم واتشفق على كلمه او حتى نظره وما تعطيني ....وتاليها اسمعك تقولين كلام يذوب الصخر ...ساعتها انجنيت صرت احس ان كل الناس حتى امك سلبوا حقي فيك وبرضاك ...صرت اشوف انك كذا تظلميني وتقصدين تعذيبي

احمرت خدودي احرجني بكلامه معقوله يحبني ويغار حتى من امي ؟!! هي ثواني بس وبعدها صحيت من احلامي الورديه
:- شوف لا تتوقع انك تقص علي بهالكلمتين ...ومن اللحين اقول لك انه مو جبن او ضعف مني اني سكت عنك المرتين اللي طافوا لا ....ترى سكوتي كان حشيمه لعمي وعلشانك ولد عمي قبل ما تكون زوجي ...لكن صدقني اذا تكرر هالشي مره ثالثه ساعتها مو انا اللي برد عليك لا ...ساعتها كلامك بيكون مع ابوي وجدي

حسيتها تهددني وتصرح بقوه ان مشاعري وكلامي ما همها ابد....ثارت كرامتي لكني سيطرت على نفسي لاني لو تركت العنان لها اكيد وبعد اللي قالته بخسرها وعلشان اكسبها ولاني الغلطان والمفروض ادوس على كرامتي واعتذر قلت
:- واذا قلت لك ان سويت كذا لاني اغااااااااااااااااااااار؟؟

غمضت عيوني وهزيت راسي لا يلعب عليش يا عليا تراها بعد كل اللي قلتينه ما اعتذر وبدل ما يقول كلمه حلوه يطيب بها خاطرش ... ظل يحاول يوجد لنفسه عذر بانه يغار
:- بقول اني ما اقدر اعيش مع انسان غيور ...واني ابي الثقه اساس لعلاقتي بشريك حياتي

كلامها صح بس توجست منه وكأن بين ثناياه كلام ثاني
:- ومن قال اني ما اثق فيك ؟؟

رديت بسرعه ومن غير تردد
:- قالت لي الغيره والشك اللي تفسر من خلالهم كل تصرفاتي ...(كملت بسخريه )واي ثقه هذي وانت من تشوفني مجوده التلفون او حتى اكلم احد تغرقني بكلام واتهامات تسم البدن ؟؟

تذكرت اول مكالمه لها مع امها ووقفت ولد جيرانهم عند سيارتها
:- بما اننا نتكلم بصراحه ...بقولك ايه رغم كل اللي صار الا ني اثق فيك ...وعلشان تفهميني ...وش تتوقعين من شخص اختاروا له زوجه ما يعرف عنها غير اسمها شخص كان يعيش الاحساس بفقدان حريه اختيار شريك الحياه ؟؟؟ وش تتوقعين منه لمن يسمع مكالمه مثل مكالمتك مع امك وما يسمع اي تبرير من الطرف الثاني ؟؟؟وش تتوقعين من رجال حر عاش في مجتمع محافظ وهو يشوف رجال غريب يكلم حرمته بكل اريحيه؟؟؟؟......اكيد بتشتعل نيران الغيره في صدره وبيحركه الغضب وبينسى عقله

ما حبيت اكون ضعيفه وبكلمه ارضى وابين اني تنازلت بسهوله
:- بس المفروض انك تملك حلمك عند الغضب وتتناقش ويايي بهدوء وتستفسر عن كل شي قبل ما تطلق اتهاماتك وتصدر حكمك ....ولا انا غلطانه ؟!!

من بداية المكالمه والى الان وانا لازلت مدهوش معقوله تكون هذي هي عليا اللي تكلمني ....حسستني بالخجل من نفسي فقلت اعتذر
:- اوعدك اني احبس غيرتي في صدري واتمالك نفسي ....وتكون لغة الحوار مفتوحه بينا (سمعت صوت الاذان ) بس اوعديني انك ( كنت بقول انك تحبيني لكني قلت ) تتفهميني

ابتسمت في حياتي كلها ما سمعت رجل شرقي يعتذر بسهوله او بشكل مباشر وخالد مو رجل شرقي وبس الا مغرور بعد
:- اوعدك ...بس اذا وفيت بوعدك ووعدتني انك تكون حصني مو سجني




عــــــــــــــــــــــــــــــــــــــلي و اســــــــــــــــــــــــــــــــــــــــيل



طلعت من المسجد بعد صلاة الفجر مع عزيز وبعد ما عرفت انه بيستنا الى ان تطلع حرمته من العمليات وتفوق من البنج اتفقت معه اني اذا خلصت مناوبتي استناه ونرجع للبيت مع بعض

شغلت حالي بالتقارير الى ان داهمني الاحساس بالجوع فقلت انزل الكفتيريا افطر دقيت على عزيز وعرفت منه ان زوجته طلعت من العمليات ويستناها لمن تصحى فقلت له
:- يا اخي حرمتك بتاخذ لها وقت على ما تصحى من تأثير البنج وبعدين بتكون تعبانه ولا لها خلق اللي حواليها فوش رايك تخليها على راحتها اللحين وتجي تفطر معي؟؟

رد عزيز بعد ما تثاوب
:- معليش افطر لحالك ماني بمشتهي شي

لزمت عليه لكنه رفض توجهت للكفتيريا اللي كانت في ذاك الوقت شبه فاضيه طلبت لي فطور واخترت طاوله في زاويه وجلست لحالي افطر ...كلها لحظات وانتبهت لصوت ضحك عالي رفعت راس شفت اسيل ومعاها دكتور شكله جديد على المستشفى ... انتبهت لي والتقت عيني بعينها بعدها كملت حديثها معه بهمس على ما وصل طلبه وطلع ....اما اسيل حملت كوب الكباتشينو في يدها واتجهت ناحيتي ..


شفت على اول ما دخلت مع عصام وتعمدت اضحك بصوت عالي علشان الفت نظره واعرفه اني انا كذا وعاجبني وضعي ومو هو اللي بيغيرني ...حملت حالي وتوجهت لطاولته وكان مشغول بسندويشته قربت منه
:- صباح الخير دكتور علي ...ممكن اجلس هنا

ما رفعت راسي ابدا لها
:- صباح النور ... (وكملت وانا ادري ان استأذانها القصد منه انها تتحداني ارفض فقلت ) ما اظن انه يصح انك تجلسين معي بنفس الطاوله لانه ما .....

قاطعته وانا اسحب الكرس اللي قباله واجلس عليه
:- عاااااادي حنا زملاء

((قررت اتجاهلها وما اناظرها حتى وتشاغلت بفطوري ))

ما عبرني ولا التفت لي ازعجني بروده خاصه بعد ثورته البارحه فقلت خلني العب باعصابه مثل ما لعب باعصابي
:- شفت اللي كان معاي ؟؟

((ولا كأني اسمعها واستمريت في عمليه المضغ اللي موجه لها كل اهتمامي ))


مافي من قبله اي رد فعل لكني واصلت وهالمره استرسلت
:- هذا دكتور جديد بالمستشفى اسمه عصام تخصص عيون (رفعت الكوبه لفمي ورشفة رشفه وعيني على علي احاول اتصيد اي رد فعل )تدري انه خفيف دم ولبق درجه اولى


((مسكت نفسي علشان ما ارد عليها ...اساسا متى لحقت تعرفه وتقيمه بعد؟!! ))

اففففف معقوله ما شده الحديث او اثار فيه شي
:- صار لي كم يوم احس اني مرهقه وان عيني تعبانه فطلبت منه يفحص عيني

((رغم انها سكتت شوي لكني احس ان كلامها ما خلص وان للحديث بقيه وبقيه شينه بعد ))

داخلني احساس انه ما يسمعني اصلا لكني واصلت
:- طلب مني اقرب منه وارفع راسي واناظره في عينه

هذي تتكلم صدق ولا تستهبل وهالمره ما قدرت اتجاهلها فقلت بحده
:- وشو ؟؟وليش؟؟؟ وان شاء الله نفذتي طلبه ؟؟؟؟

ابتسمت واخيرا في شي حركه فقلت بلامبالاة وانا قاصده اشعل نيران صدره خاصه بعد ما تركني من غير ما يجاوب على سؤالي البارحه
:- عااااادي مو قلت لك هو طبيب عيون

انسدت نفسي وما عدت طايق اناظر الاكل حتى
:- الحمد لله (وقفت ابي اطلع لاني لو جلست اكثر اكيد بذبحها )

شفته وقف واكيد بيتركني وبيطلع فقلت علشان اخليه يرجع يجلس
:- علي ...ناظر عيوني

لا اراديا التفت لها وعلامات الاندهاش واضحه على وجهي
:- هاااا وش قلتي ؟!!!!!

ابتسمت وانا ااشر له يجلس
:- قلت ناظر عيوني صحيح لونهم غريب(عضيت شفتي وكملت افسر ) ادري ان في عيون عسليه كثير بس صحيح ان في عيني نقاط خضرا ؟؟؟

هذي تستهبل اكيد وقاصده تهزأ مني ومن غير ما اناظرها
:- والله عندك المرايه ناظريها وانتي تعرفين

اتكيت بكوعي على الطاوله وقلت له
:- عمري ما انتبهت لهالشي بس عصام قال لي ان عيوني كانها قطعه من الكون يضيع فيها الواحد واللون الاخضر مثل شظايا اللي تبين عمقها وتشد مثل المغناطيس

وصلت حدي وما عدت اتحمل اكثر فقلت بسخريه
:- ما شاء الله شاعر هالعصام مو طبيب

تغاضيت عن سخريته
:- ما قلت لك لبق وحساس بعد

هذي اما غبيه او تتغابى وقلت في محاوله لكتم غضبي وان صوتي ما يعلى
:- لبق وحساس وشاعر ...وكلام حلووووووووووووووو ...مو حنا في كوفي مو في مستشفى
ولا هالحديث بعد عاااااااااااااااادي ويحصل بين الزملاء يا ....دكتوره

رجع يهين من جديد وقلت ادافع عن نفسي
:- انا ما اسمح لك تهيني ...ترى حنا ما تجاوزنا الحدود رجل وابدى اعجابه وش تبيني اسوي له اخانقه وافتعل مشاكل ؟؟؟؟؟

عديييييييييييمه احساس ولا ما كانت قالت كذا
:- لاااااااااااااا وين تجاوز الحدود ...حديثه كله اخوي...وكان المفروض تطبطبين عليه وتصفقين له ...لانه يستحق التشجيع

ثرت وعلشان مالفت نظر الناس لنا ضغطت على اسناني وانا اتكلم
:- لاااااااا انت اللي تجاوزت الحدود ... (واكملت بغرور ) ولا زم تعرف انك مهما لفيت او درت ما راح تلاقي وحده مثلي تقبل فيك وانت متخلف كذا

((ما عجبتني لهجتها وتكبرها على لكني كبحت غضبي وبكل برود وهدوء فتحت جوالي ودورت في الاسماء الى ان وصلت للاسم المطلوب ودقيت عليه ))

((استغربت علي ما رد رغم ان كلامي كان في اهانه له كان قمه في البرود وفوق هذا مسك الجوال واجرى اتصال ...انصدمت اول ما سمعت صوت اللي يكلمه ...والذهول والجمود قليل على اللي حسيته بعد ما قفل المايك وواصل علي مكالمته ))



نـــــــــــــــــــــــــــــــــــــــدى و عـــــــــــــــــــــــزيـــــــــــــــــــز



فتحت عيني وصدمني الضوء رمشت اكثر من مره الى ان اعتدت على الاضاءه ناظرت في المكان حولي واضح انها مو غرفتي وانه غرفه في وحده من المستشفيات ....ليش وش صار وكيف وصلت انا هنا ....كلها اسئله اجهل اجابتها...
انتبهت للكرسي اللي عن يميني ولقيت عليا جالسه عليه وفي يدها اليمين مصحف وماسكتني بيدها الشمال
الظاهر انها هنا من زمان معي والنوم غلبها
حاولت اناديها وانا لا زلت احس بثقل في راسي وبطني لكن حلقي جاف وكان من الصعوبه اني اناديها
:- عليا ...عليا

رغم ان صوتي منخفض الا انها تنبهت وقربت مني اول ما استوعبت ان صاحيه واكلمها قالت بلهفه وابتسامه غطت على ملامحها المرهقه
:- ندى ...هلا حبيبتي ...اول العافيه والحمد لله على سلامتش...امري يا عمري

كنت ابي ارد عليها واسألها عن حالي لكن احساس العطش كان اقوى
:- ابي ماي

ابتسمت
:- ما اعرف اذا زين اخليش تشربين شي اللحين وتوش صاحيه من البنج ...تدرين بروح اسأل وحده من الممرضات وبرجع علشان بالمره اطمن طلال وعزيز عليش

قامت من جنبي من غير ما تستنى ردي وطلعت من الغرفه ... معقوله عزيز هنا؟؟ومن متى ؟؟
حسيت بالالم في ذراعي توني انتبهت ان في كيس دم ومغذي موصولين بيديني ...وانا اناظرهم سمعت صوت الباب ينفتح ابتسمت اكيد هذي عليا رجعت ومعاها الماي
لكن ابتسامتي اختفت وحل محلها شعور غريب غير محدد لمن شفت وجه عزيز يطل علي من الباب تقدم ووراه طلال

ما استوعبت الكلام اللي قاله طلال لي لان بالي مشغول بعزيز...وما وعيت الا طلال طلع فقلت
:- ليه طلع ؟؟وين راحوا عني وخلوني ؟؟

ابتسمت يعني ما سمعته وش قال معقوله هذا تأثير البنج
:- ابدا كثر الله خيرهم طول الليل وهم معك ما ارتاحوا ...واللحين بيرجعون يريحون وبيرجعون لك على العصر

كنت بسأله وانت من متى هنا لكني قلت له
:- عزيز بتجلس معي ؟؟

رغم الانهاك اللي احس فيه لكنها في الاول والاخير مسؤليتي
:- تطمني ما بخليك لحالك

قطع حديثنا دخول الممرضه وفي يدها كاسة ماي شربتني منها شوي بس وقالت لمن طلبت المزيد
:- مو زين يشرب مويه واجد اللحين بعدين عقب يروح البنج ويخلص السيلان (السيلان =المعذي) انا في يجيب اكل ومويه

ابتسمت وطلعت ورجعنا انا وعزيز من جديد لحالنا ساعتها سألته
:- عزيز انا ليش هنا ؟؟...اقصد وش صار معي ؟؟

ما اصدق انها ما تدري عن شي
:- طلال نقلك للمستشفى لانك كنتي تعبانه ونزفتي كثير

تذكرت فقلت اعاتب عزيز
:- مع انه مو وقتها بس اكيد هذا تأثير ترك المانع كذا مره وحده

تستعبط ولا فعلا ما تعرف انها كانت حامل
:- ندى ...النزيف حصل لك لانك كنتي حامل وسقطتي

وش يقول؟؟... عقلي مو راضي يفهم شي أنا
:- انا كنت حامل وسقطت ؟؟؟؟؟؟؟؟

هزيت راسي وقلت
:- ايه (وما عرفت اسكت فقلت بنبرة مشبعه بالعتب واللوم ) ليه ما قلتي لي وانتي تدرين اني متشفق على طفل

لازلت في طور الاستيعاب ومو وقته ابين لعزيز انه غلطان
:- يعني ولدي ...(تجاوبت اخيرا دموعي مع احاسيسي فكملت بصوت باكي ) مااااااااااات

ما اتحمل احد يبكي وبالذات البزران والحريم احس بكاهم يضعفني وينرفزني
:- هو لحق يتكون علشان تقولين ولدي ..هذا حتى الروح ما دبت فيه

ما يحس ولا عمره بيحس مهما يكون هذا قطعه مني ومجرد اني اعرف انه راح مني قبل ما اشوفه زاد من خلجات اللم اللي تضرب روحي كنت بتكلم بس الغصه خنقتي
:- اممممممممممممممم امممممم اااااااااااااااااااااااااااااه
ما تحملت بكاها كسرت خاطري ونستني زعلي منها وكلام العتب واللوم الل كنت ناوي اقوله لها
:- سكتي با بنت الحلا ل...لا تبكين واذكري الله

حاولت اكتم عبرتي واكتم الاه وانا احس بوخزات حارقه في قلبي غمضت عيني وغرقت خدودي من دمع عيني
:- لا اله الا الله ...لا حول ولا قوة الا بالله إنا لله وإنا إليه راجعون (استرخيت بس اول ما فتحت عيني وشفت عزيز في وجهي سألته ) طيب كيف وليه رااااااااااااااااح

ما كنت ابي افتح الموضوع بس هي فتحته
:- الاهمال ...الاهمال الدكتوره تقول السبب مجهود بدني ونفسي (وضغطت على حالي وانا ودي اعرف كيف صار ذا كله ) واللي اعرفه ان في شغالات في البيت فاي مجهود هذا ؟؟

هدوء ما ردت ما ادري ما سمعتني او تعمدت تحقرني فقلت وطفح الكيل خلاص ما عدت اتحمل الدوامه اللي انا فيها
:- ندى ...(ترددت وانا اشوف دموعها لكني سألتها ) يعني انتي ما كنتي عارفه انك حامل ؟؟ معقوله ما حسيتي بش ؟؟ (واصلت مع صمتها توترت وما عرفت اسكت ) يعني خاصه بعد فراس اكيد صرتي تعرفي حالك حامل او لا ...ليه ما اخذتي بالك (حاولت ما الومها ) ليه اجهدتي حالك و.......

ما كمل كلامه لكني عرفت المغزى منه مهما حاول يلف ويدور ..قلت ودموعي تحاول تغسل همي
:- وش قصدك ؟؟... يعني انا اللي ذبحت اولدي ؟؟؟؟؟؟

وش فيها انا ما كنت اقصد اتهامها وما كنت ابي حتى الومها او افتح معها الموضوع اللحين
:-اهدي وتعوذي من ابليس...انا ما كنت ....

هجت وصابتني هستريا وعبرت ساعتها عن التراكمات اللي بصدري
:- انت اللي ذبحته ...ذبحته بانانيتك ونرجسيتك مثل ما ذبحت روحي ...ذبحته لمن حطمتني ولغيتني بدم بارد وانا ...انا ساعدتك لمن سمحت لك تدوسني وتعاملني كرقيق مو كزوجه
...محد ذبحه غيرك انت اللي ذبحته

حاول يقرب مني علشان يهديني لكني رفعت يدي قدامه وبجنون ابعده عني وصرت اصرخ في وجهه
:- بررررررررررررررررى اطلع بررررررررررررى ما ابي اشوف رقعة وجهك برى


طلعت من الغرفه مذهول وش اللي صار عليها ليكون جنت الا اكيد جنت اجل عقب كل اللي سوته تتجرأ وتصرخ في وجهي وتتهمني بعد!!!!!!!!!!! ....ناديت على الممرضه علشان تدخل لها وتهديها وابتدأ في راسي موال ثاني



تمنياتي بقراءة ممتعه
في امان الله
اعذب وارق التحايا

السلام عليكم ورحمة الله وبركاته


حلو الجزء ..... وجميل جدا حركة ان الاحداث تدور من خلال احاديث الابطال ووصف مشاعرهم على السنتهم ....

محاولة خالد للاعتذار .... دليل كبير على ان الرجل الشرقي لا يعرف التعبير عن مشاعره بالاعتذار ... ولكن عن تجربة ليس جميعهم ...



علي واسيل .... لعبة حرقة الاعصاب ... والكر والفر لن تنفع الاثنين ... ومصير العلاقة الفشل ... لانهم نقيضين ......

ندى وعزيز ....

بكل انانية جاي تعاتب ونسيت ما فعلته ... قليل عليك انفجارها فيك .... لكن ماذا بعد ؟.........



تميزتي بطريقتك الجميلة والمبدعة ... فتقدمي واستمري منتظرين القادم لا تطولين علينا ......

يسلموووووو والله هلا تركت وخلصت دراسة الامتحان ودخلت اشوف ازا في شي نازل لقيتك انتي يا قمر منزلي بارت بس مو طويل بس بردو يسلمووو لانك بردتي قلبي ونزلتي شي يسليني وينسيني انو علي بكرا امتحان فاينل واخر واحدددد اخيرا رح اخلص الكورس هاد الله يوفقك يا رب ويوفقك الجميع ان شاء الله سلاممممم بنشوفك يا حلووووو

ياهلا والله

يعطيج العافية على الجزء


عزيز المره هذي تعاطفة فيها معه خخخخخخخخخخخخخ بس ندى رهيبه

طلعات كل قهره الى كان قبل في اليوم بس عزيز عنده قوه وسيطره على ندى وعزيز باين عليه مو من النوع الى يحب يظهر مشاعره من النوع الى يظهر القسوه بعكس الى في قلبه >>يقهر


خالد انا الى راح ارتكب فيه جريمه ليه يسوي كذا في عليه

وبعدين انا ملحظه اليوم الحريم ماخذين حقهم

عليا اليوم صاايره ذكيه وعرفات كيف تخلي خالد يعتذر بس بسلوبه
وبطريقه تريح فيه خالد خخخخخخ

اسيل ماحس انها بستمر مع علي شخصيته فيه غباء ترها خخخخ
>>>وجهة نظر

وننتظر الباااقي بكل شوووق

مذهلة