كاتب الموضوع :
معاميريا
المنتدى :
القصص المكتمله من وحي قلم الاعضاء
الجزء الثامن
((احساس))
في كثير من الاحيان نتصرف على اساس احساسنا بالاشياء واغلب الاحيان نحكم على الاشخاص نتيجه لاحساسنا وبغض النظر عن صحة احكامنا او تصرفتنا..... هل مره سألنا انفسنا هل احنا فاهمين احاسيسنا صح ؟يعني هل احنا قادرين على فهم انفسنا وبالتالي قادرين نترجم احساسنا صح ؟ مهما كانت الاجابه
يا ترى ابطالنا فاهمين انفسهم صح او لا؟؟؟؟؟؟؟
طــــــــــــــلأل
وصلت الجماعه ورجعت على البيت لقيتهم لسه ما وصلوا كنت تعبان ونعسان حدي وتوني بحط راسي وانام وتذكرت ان في اوراق مهمه لا زم اخذها من خالد علشان كذا اتصلت عليه واول ما رد علي قال
:هلا وسهلا ....
قلت له وانا ماني عارف سر مزاجه الحلو عقب السهر والتعب من مشاوير اليوم :- هلا بيك ...الا وينك فيه؟ وش سر هالانتعاش؟ترى رغم اني نمت البارحه الا اني ما ني قادر اوقف من التعب
ضحك وقال :- انا في المزرعه ...وتعال شوف الجو وانت تعرف السر
حكيت راسي من التعب ابي انام ورديت :- والله انك فارغ يوم انك ترد المزرعه ...وما دام المزاج عال وش رايك اليوم تتغدى عندي
سمعته يرد السلام على احد جنبه وبعدها قال لي :- ما اظن اقدر اجيك ليش في شي ؟
جاوبته والنعاس غالبني :- انا استناك على الغدا علشان نتناقش في المشروع اللي اوراقه في سيارتك
ردعلي وكل اللي سمعته :- تدري خليها على عشى وراح اتصل عليك قبل ما اجيك
طاح الجوال من يدي من التعب رفعته وقلت له :- صار اجل اشوفك على العشى
وسكرت قبل ما اسمع رده واستسلمت لسلطان النوم
علـــــــــــــــيـــــــــــــــاء
رحت المطبخ اجهز لسي السيد العصير وتوني بحطه في الصينيه الا ساره ماره قدامي وريحة عطرها سابقتها وطاقه اللثمه اللى تكشف اكثر مما تخبي ما ادري ليش استفزني منظرها فقلعت عبايتي وشيلتي وفتحت شعري اللي كنت لامته واضفت كاسه عصير ثانيه للصينيه وطلعت اول ما قربت لمحتها واقفه قباله وهو يبتسم لها اول ما وصلت سمعته يقول
:- صار يلا في امان الله
رفع عينه يطالعني وابتسم ابتسامه ما فهمت وش قصده منها رديت له الابتسامه وهمست وانا انزل الصينيه على الطاوله
:- سلام ،وصباح الخير
وتوني بقعد على الكرسي اللي عن يمينه بس قبل ما اقعد قرب الكرسي منه وقال
:- وعليكم السلام ،وصباح الانوار ((ومره ثانيه ابتسم نفس الابتسامه وكمل))اللحين تفضلي جلسي هنا
قعدت وانا ندمانه اني قلعت عبايتي وعلشان ما ابين ارتباكي شغلت نفسي بصب العصير ووقدمته له اخذه وقال لساره
:- مسامحه انشغلت في التلفون شوي وش كنتي تقولين
سحبت ساره الكرسي اللي قبال خالد وقالت بكل مياعه
:- سلامتك بس امي كانت تبي تكلمك
اول لف راسه لي وبعدين طالعها باستغراب
:- وينها عمتي اروح لها اللحين
قاطعته ساره :- لالا اهي قالت لي تدق عليها وبتكلمك
رفع خالد جواله وقال :- ما كنت اعرف ان عمتي عندها جوال
الا كم رقمها ؟
ضحكت ساره بمياعه خلتني التفت لها بحده وقالت
:- لا ما عندها بس كلمها على جوالي وهذا رقمه
قالت له الرقم وكلم عمته وكل اللي فهمته انها طلبت منه طلب لان رده الاخير كان :-لا تشيلين هم من عيوني ، ولا يهمك يلا في امان الله
رفع راسه لساره وقال :-يلا جهزي حالك علشان ترجعين مع البنات
واخذ كاسه العصير وشربها واما ساره قامت بعد ما عطتني ابتسامه صفره وكريهه نزلت راسي وانا اقول في بالي ((يعني لازم تلصقين فيه ))
وانتبهت على صوته يكلمني ورديت بلاهه
:-هاا
ضحك وقال :- اقول صبي لي كاس ولك بعد
اخذت الكاس من يده وصبيت له حطيت العصير قدامه وقلت
:- انا ما ابي ،توني افطرت و....
قاطعني وقال وهو يأشر على الكاس الثاني :- اجل هذا لمن ؟ابتسم على جنب وكمل لا تقولين انها لساره
ما ادري شلون فتحت فمي باستهجان وقلت :-هذا اللي ناقص عقب كل اللي سوته اضيفها بعد
سند ظهره على الكرسي وقال :- ليش هي وش سوت ؟
بلعت ريقي وقرصت عيوني فيه وقلت بحره :-المياعه والضحك ورقم تلفونها وما سوت شي (قهرتني نظرته البارده فكملت )يعني ترضاها
اوقف قدام ولد خالي جذي واتميع قدامه وارقمه بعد؟
قرب راسه مني بكل هدوء وقال :هه وش هذا غيره ولا؟؟؟؟
(ما رديت عليه قرب راسه مني اكثر )على العموم انتي سويها وذبحك بيكون على يدي فاهمتني يا بنت عمي؟
بلعت ريقي حسيت بخوف من نظرته وكأنه يعني كل حرف قاله هزيت راسي باشاره نعم
رجع سند ظهره وحط يده تحت ذقنه وقال :- نجي للمهم (طلع من جيبه موبايلي القديم حاس فيه وكمل)نصي الثاني اتصل فيك( ضغط على زر المايك وقال) كلميه
اخذت التلفون توني بمد يدي ارجعه لوضع الهاتف مسك يدي وطالعني بنضره تهديد وقال بهدوء يناقض الثوره اللي في عيونه وقال باصرار
:-كلميه على المايك ولا خايفه ؟
سحبت يدي من تحت يده فركتها وقبل ما ارد عليه جاني صوت هاجر تعاتب:- واخيرا ما بغيتي ...صار لي ساعه ادق عليش وانتي ما تردين
..ايه اكيد خلودي لحس مخش ونساش عمرش و هجور الحلوه
المهم ما قلتين بصراحه شلون شكله ومواصفاته هالخالد؟؟
ارتبكت ما عرفت ارد لكن خالد كان اسرع مني لغى المايك وحط الموبايل على اذني رديت على هاجر وانا اتجاهل سؤالها الاخير :-ابدا كنت نايمه وما سمعت التلفون ...الا انتي قولي ليش ما اتصلتين فيني البارحه ؟
ردت بكل بساطه :- بعد فيها اسباب؟موبايلي ما فيه رصيد عبيته اليوم وقلت اتصل ابارك وقبل ما انسى مبروووووووووووووووووووووووك
طالعته ورديت :-الله يبارك فيش حبيبتي
وقبل ما اسكر سجلي عندش رقمي الجديد (وانتبهت اني ما اعرف الرقم فقلت لخالد )كم رقمي؟
ضحك وفتح موبايله على رقمي اخذته ولقنته هاجر اللي علقت على وبعدها سكرت التلفون
مديت يدي بالموبايل لخالد وقلت له :-شكرا انقذتني من الاحراج (اخذ الموبايل وما تكلم وصرت اتكلم من غير هدف بس علشان اسيطر على
اعصابي المتوتره ) لانها كانت ما بترحمني من تعليقاتها و....
زهقني صوت موبايلي الجديد يرن وقبل ما اشوف من المتصل رفعه خالد وقال
:- عرفنا نصي الثاني وصدقنا ...لكن لهيب الروح ؟؟؟؟؟؟؟؟
شلون وليش؟
ارتبكت وما عرفت ارد وكالمعتاد ما لقيت غير اطراف شعري العب فيهم :-ابدا ........ اصلا...(اخيرا قدرت اجمع افكاري وقلت )انت مو قلت ما نحسس احد بالي بينا ؟
ابتسم على جنب :- بس ما قلنا نتصنع الحب
صدمني كلامه فرديت :- ابدا ...بس كل البنات تسوي جذي وانا سويت جذي علشان محد يشك
طالعني بنظره انه مو مقتنع وصعقني لمن قال :- طيب ولولا الناس تحت أي مسمى بتحفظين رقمي ؟
اكيد قلب الصقيع بس طبعا ما اقدر اقوله جذي قدامه فكذبت :- عادي
كنت بخليه خالد مثل ما كان
ناداني بصوت هادي ورخيم وكانه صادر من شخص ثاني:- عليا
طالعته التقت عيني بعينه حاولت اعرف وش تقول عيونه او وش اللي يدور براسه وياريت اعرف شلون يفكر انتبهت ان عيونه حلوه واسعه ومكحله برموشها ولونها عسلي صافي و لكنه قطع حبل افكاري ولحظة الاستكشاف لمن سأل السؤال اللي ما تمنيت يسأله
:- عليا من اللي اتصل فيك ؟ وليش طلب منك تهربين؟و
الحمد لله جت نجود وكانت حامله في يدها عباتي وشيلتي عطتني اياهم وقالت لخالد :-يلا ترى كلنا جاهزات(ولوت بوزها على صوب ) صدق ساره بتجي معنا
رد عليها خالد:- ايه مو انتم اللى قلتم لعمتى تبون ساره معكم
فتحت نجود عيونها على وسعها وقالت بتهور :- حنا ما عزمنا على احد يجي معنا واساسا حنل متفقات ننزل كلنا بيت عمي
رد خالد بحده :- طول عمرك ما تحبين بنت عمتك ليش ما اعرف (تأفف وهز راسه علامه لا ) على العموم انا بنزلكم بعدين بوصلها بيتهم ويلا اغراضكم في السيارة ولا لسه
ابتسمت نجود ومسكت يد خالد في يدها وباليد الثانيه سحبتني وقالت
:- مو بس الاغراض الا حتى البنات في السياره (التفتت لي )يلا انا باسبقكم
تركتني وركضت وما عرفت اركض وراها فخففت سرعتي وصرت امشي وراه وقف فجأة ورفعت راسي قبل ما اصدم في ظهره التفت لي واعطاني موبايلي القديم :- هذا جوالك ورجع لك
اخذته وقلبته في يدي:-ابوي عنده رقمي الجديد؟(طالعني بنظرة استفهام ما فهم وش دخله بالموضوع فوضحت ) ابوي ابو محمد عنده الرقم ؟
رد وهو مو فاهم :- امس عطيته الرقم علشان يدق عليك متى ما حب
ابتسمت مديت يدي بالموبايل وقلت :- خلاص عجل ماله داعي يكفيني هالموبايل (ورفعت الموبايل الجديد)
رد :- على راحتك بس بعد خليه عندك يمكن تحتاجين منه ارقام او...(ولمعت عيونه ) تردين على مسجات ما رديتي عليها مثل
شلون خالد حلو لو جيكر ...(ابتسم بمكر ) صحيح ما قلتي خالد حلو لو جيكر؟؟
احرجني شؤاله وحسيت ان حرارتي ارتفعت اغلقت موبايلي القديم ورميته باهمال في الشنطه وحمدت ربي اننا وصلنا للسياره لا حظت ان في كرسي فاضي ورى والثاني جنب السائق فتحت الباب بركب ورى صرخت على العنود
:- وين رايحه هذا مكان ساره ؟
رديت ببلاهه :-هاااا عجل انا وين اقعد ؟
ضحكت العنود على تعابير وجهي وقالت وهي ترقص حواجبها :-وين بعد ؟ اكيد جنب زوجك
توني بناقشها الا بصوت خالد :- يلا نبي نوصل قبل اذان الظهر مشينا
ردت العنود :-لسه ناقصين وحده
التفت للعنود ولي واقفه عند الباب :- من الناقصه ؟ نجود؟
هالمره ردت نجود :- لا انا هنا ناقصنا ساره
طالعني مره ثانيه والتفت على الكراسي ورى وقال:-يلا تحركن وحده تجلس قدام ترى ما ني بسواقكم
ردت العنود :- لا تخاف هذي علياء بتجلس حذاك (واشرت على الكرسي جنبها ) عندي سالفه مع ساره
طالعت نجود برجا وقبل ما اتكلم قالت نجود :- هذي ساره جت يلا يا علياء لا تأخرينا
قربت ساره وشافت ترتيبنا والقت على نظره قاسيه وحقوده
قهرتني فبادلتها بنظره لا مباليه وفتحت الباب وجلست جنب خالد
المشوار غلب عليه طابع الهدء والاحاديث الجانبيه الهامسه بين نجود وسعاد وبين العنود وساره بينما ندى كانت هادئه وكانها نايمه
وانا كنت العب باصابعي من الملل وبين لحظه والثانيه ارفع عيني اتأمل ملامح خالد وكل مره يكون انطباعي مختلف
( ليش يسأل عن المتصل ؟ يبي يعرف لانه مهتم ؟ ..ولا لانه يبي يأكد شكوكه تجاه سلوكي واخلاقي ؟؟ واذا عرف بيصدقني ؟ واذا صدقني هل بتتحسن صورته عني ولا بيقول البنت مثل امها ؟ ما ادري اقول له ؟
لا ما اقول احسن لانه ما بيصدق وساعتها بيحتقرني وبيقول اني استغل امي علشان اغطي على افعالي .....واذا صدقني بيشفق علي وانا ما ابيه يشفق علي انا ابيه يحترمني و........)
قفلت على افكاري ورجعت اتأمله تذكرت كلامه خالد حلو ولا جيكر؟
ابتسمت في نفسي خالد حلو مستحيل احد يقول عن صاحب هالملامح والتقاطيع جيكر...واساسا من اللي تطال واحد مثله صبور حنون
متواضع محترم و مهيوب وتقول عنه كلمه شينه ؟!!! .....وعيت لنفسي( علياء !!وش فيش ليكون انجنيتي ؟ تقولين عن اللي اهانش هالكلام ... واحذري لا تدورين له اعذار ) صحتني من افكاري
نجود تقول
:- ملينا خلودي ما عندك شي نسمعه ؟
رد عليها :- اصغر عيالك يا نجيد تقولين خلودي ؟
ابتسمت نجود ورمشت بعيونها بكل برائه :- افااااااااا يا ذا العلم ....ادللك ولا ما تبيني ادللك
ابتسم من ورى النظارات وقال :- خليت الدلال لك واذا تبين ما في اغاني واظن في سي دي قصايد هنا( واشر على مكانها)
ردت نجود :- امرنا لله قصايد قصايد ...علياء حبيبتي شوفيه وينه فيه
فتحت الدرج اللي قدامي شفت مغلف عليه شعار جامعه البحرين استغربت مديت يدي عليه وانتبه لي خالد وقال
:- تلقين السي دي تحت الظرف
رفعت الظرف وطلعت السي دي تلقائيا فتحته وشغلته واول قصيده كانت
اه يالجراح
لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ....
حسيتها تقصدني وان خالد يقول لي انه خلاص ما في امل انه في يوم يفهمني ... وان الصوره اللى رسمها عني في راسه مستحيل تتغير او ينساها...جرحني هالشعور...مهما يكون شعوري تجاهه ما احب انه يشوفني اقل من ..... من ويش يا علياء اقل مما يشوف ساره او اقل من خواته وخواتش او اقل مما تحبين انه يشوفش ؟؟؟ ومره ثانيه قفلت على الافكار اللي توديني لمكان ما احب اوصل له مكان فيه اسئله غريبه ومن غير اجوبه ....اساسا يكفي غرابه تصرفاته اللي تشغل تفكيري مره يعاملني ببرود ومره بحنا غريب
خــــــــــالــــــــــد
ركبت السياره جنبي حاولت اتشاغل بالسياقه والطريق عنها ما ابي افكر في الاسئله اللي طرحتها عليها وما جاوبتها وبالذات من اللي اتصل عليها هذاك اليوم معقوله تكون امها فعلا ؟!!واذا كانت امها فليش تطلب منها هالطلب الغريب ؟ وليش عليا ترفض انها تجاوب ؟ طيب بس هي قالت لطلال انها كلمت امها ...اووووه بس ما قالت له انها تبيها تهرب يعني ممكن تكون تكذب عليه ....ما يبان عليها انها تسوي كذا ...شكلها برئ وما يطلع منها ...غير ان جوالها ما به شي ونصي الثاني وعرفناها
(ابتسمت في دخيله نفسي ) ولهيب الروح وعرفناه بس غريب ليش اختارت هالاسم ... معقوله بس علشان حركات بنات وقاصده تغيضني
اااااه اتمنى لو افهمها ....انتبهت لها اكثر من مره واضح انها سرحانه ولا هي هنا ...بس فعلا كان باين عليها انها منحرجه انها جلست جنبي
لدرجة انها غطت وجهها ولا عادت فتحته.....
ما عجبتني القصيده ذكرتني بحيرتي فهالمخلوقه اللي جنبي معقوله اكون ظالمنها ؟ واذا كنت ظالمنها هذا انا احاول افهمها واعرف الحقيقه
واذا كانت فعلا مثل ما ظنيت ساعتها ما تلوم الا نفسها ...لاني مستحيل انسى او اسامح انتبهت على جوالي ناظرته لقيت المتصل تركي سكرت السي دي ورديت عليه
:-هلا حيا الله الشيخ
ضحك :- شيخ مره وحده ...اقول وينك فيه اللحين ؟
ابتسمت :- اذا كنت وصلت فأنا لسه في الشارع ...واخلص وش بغيت
رد على بعتب :- افااااااااااا هذا وانا ابي اخدمك
ما فهمته :- تخدمني ؟!!!!
ضحك :- هههههههههه اللي واخذ عقلك ومسهرنك ... هذا من قل النوم انت وطلول ...وقبل لا تعصب هذا يا طويل العمر شفت لك واحد يخلص معاملات الجامعه حق حرمكم المصون فقلت ادق عليك تجهز الاوراق علشان اخلص لك المسائل
:- اسمعني كلها ربع ساعه بالكثير واكون عندك اعطيك الاوراق ...وقبل ما انسى اليوم عشاك معنا علشان مشروع جده الجديد
رد وهو ومو عاجبه الوضع :- يا اخي انتم ما تشبعون شغل؟ خليها بكره
ابتسمت :- كان المفروض نتكلم على الغداء بس طلال تعبان شوي فقلت نخليها على العشا احسن
حسيته ابتسم لانه قال :- مو قلت لكم من قل النوم وين بتجتمعون
رديت عليه :- والله العلم عند طلال يلا اشوفك على خير
سكرت التلفون ودخلت السياره عند بيت عمي ونزلن البنات كلهم وما بقى غير ساره وعليا اللي قفلت الباب عليها وما تكلمت لوجود ساره
دقت نجود على دريشه السياره فتحت لها وسألتني:-علياء مهي بنازله؟
رديت عليها :- اول بنوصل بنت عمتك بعدين بردها لكم
ابتسمت بدلال وعرفت انها تبي شي فقلت :- امري وش تبين ؟
ضحكت :- بعد عمري اخوي اللي يفهمني ... ابي ايسك كريم لنا من روبنز
اشرت على خشمي :- من هالخشم ..وبعد ؟
ابتسمت ابتسامه دلال وقالت :- سلامتك ..لا تتأخر
حركت السياره وطول الطريق كنا ساكتين واول ما وصلنا بيت عمتي قالت ساره :- معقوله بتروح من غير ما تنزل تتغدى عندنا تفضل حياك
عدلت شماغي وقلت :- تسلمين وما تقصرون بس ورانا مشاوير
فتحت الباب وقالت :- هالمره عاذرينك بس مره ثانيه ملزوم تجي عندنا
سكت ما رديت لكن عليا قالت :- خالد كأن وقت الصلاه قرب
ناظرت الساعه لقيتها فعلا قريب وقت الصلاه فقلت :- يلا في امان الله
وبس سكرت الباب حركت ورحت على روبنز وقفت السياره والتفت عليها :- وش نوع الاسكريم اللي تبغيه
ردت بكل هدوء:- سلامتك ما ابي شي
سألتها مره ثانيه :- وش النوع اللي تحبينه ؟
رفعت النقاب عن عيونها ناظرتني وقالت :- بس انا ما ابي ؟
ركزت على عيونها وقلت :- بس انا ابي ...يلا اختاري لي
واضح انها خجلت لانها غطت عيونها واكيد انصبغ وجهها بالاحمر مثل لمن البنات خلوها تجلس جنبي وقالت بصوت منخفض كلمه بس :- توفو
نزلت واشتريت لهم كلهم توفو مثل عليا واخذت لي بعد دخلت السياره عطيتها كيسه فيها اثنين ايس كريم والكيس الثاني وراي وقلت
:- فتحي لي واحد
فتحت واحد وعطتني اياه ناظرتها ما فتحت الثاني قلت لها :- فتحي الثاني واكليه
ميلت راسها على جنب :- بس انا ما ابي
الحيت عليها :- وانا ما احب اكل لحالي ولا احب احد يناظرني وانا اكل
تنهدت بقوه وقالت :- احس بالشبع وصدقني ما بطالعك
ابتسمت واصريت :- ولو اكلي معي
اخيرا استسلمت فتحته واكلت منه وقبل ما نوصل بيتهم قلت لها :-
عليا ... كلها كم يوم وتخلص معاملات قبولك في الجامعه و...
وبكره البنات بيروحوا للسوق علشان السنه الدراسيه الجديده (مديت يدي في جيبي وطلعت بوكي وعطيتها منه الفيزا كارد ) وهذا علشان تتسوقين على راحتك
ما مدت يدها وقالت :- بس انا عندي فلوس وما ني محتاجه و
ما عجبني كلامها فقلت لها :- ادري ان عندك فلوس بس لا تنسين اني صرت زوجك خلاص وانا المسؤل عنك
بعد رفضت تاخذها عصبتني فرديت بحده :- عليا لا تخليني اطلع من طوري خذيها وكلها يومين وتجهز بطاقتك وساعتها مصروفك بينزل في حسابك بس اللحين خذيها ....
اخذتها ودخلتها في شنطتها فتحت الباب علشان تنزل وقالت :- حياك انزل تغدى عندنا ما يصير تجي وما تتغدى
تذكرت جملة ساره وضحكت من قلب:-هههههههههه ولا يهمك بس اذا جيت اتغدى ابيك انتي تطبخين
ناظرتني بتحدي وقالت :- حياك واللي تبيه اطبخ لك
ابتسمت :- قريب وساعتها لا تتعذرين
انتظرتها الى ان سكرت باب بيتهم وحركت السياره وانا لازلت مبتسم على فكره انها بتطبخ والله يستر يمكن من القهر تسمني هذا اذا تعرف تطبخ اساسا
العــــــــــــــــنود
صلينا وتغدينا وبعدها نمنا ما قدرنا نقاوم عقب سهر البارحه نمت مع ندى في غرفتها ونجود مع سعاد وعلياء في غرفتها لحالها صحيت من النوم عل صوت اذان المغرب صحيت وداد وقلت لها تشوف البنات اذا صحو ولا لسه راحت تصحيهم ورجعت عقب خمس دقايق تقول
:- نجود وسعاد تعبوني على ما صحوا علياء تقول ما جاها نوم وجلست تعمل لنا بيتزا بتذوفنا اياها بعد الصلاه
قلت لها وانا اضبط جلالي :- وخالتي ام طلال تدري ان علياء في المطبخ
قالت وداد وهي تدخل الحمام علشان تتوضءللصلاه
:-موهنا المشكله ان امي تعرف وتخيلي اذا استمرت علياء على هالحال وشو بيصير
ضحكت على وداد :- اتخيلك واني في المطبخ وكيف تمسكين السمك واللحم وغيره
طلعت وداد من الحمام :-وع قرفتيني الله يقرفك ما قلتي حلا قلتي سمك
والجلال شيليه طلال مو هنا
شلت الجلال تركت وداد تصلي ونزلت تحت لقيت خالتي ام طلال وعندها علياء وقدامهم صحن بسبوسه وعلياء تصب قهوة لخاتي ام طلال سلمت عليهم وقعدت قبال خالتي وظهري لباب الصاله مديت يدي على قطعة بسبوسه :-واو لذيذه من عاملها الطباخ ولا من مخبز
ابتسمت خالتي ام طلال :-لا ذا ولا ذا هذي علياء سوتها
بحلقت في علياء:- من جد ولا اتصلتي على مخبز من ورانا
ابتسمت علياء :- لا حبيبتي عمايل ايديه وحيات عنيه
رديت عليها :- لا وتقل وداد انك مسويه بيتزا بعد !! متى لحقتي تسوي هذا كله ؟؟
ردت علياء :- ابدا طول العصريه ما جاني نوم ومليت وانا بروحي فقلت اشغل نفس بشي
رفعت حاجب :- وما لقيتي غير المطبخ (تنهدت ) ايه يا بخت خالد والله ولقى له حرمة سنعه
ضحكت خالتي ام طلال وهي تشوف وداد تنزل الدرج :- وانتم بعد تعلموا كيف تطبخون ولا ما تبون تصيروا سنعات
ردت وداد :-افاااا يام طلال وحنا مو سنعات ...واذا على الطباخ لا الطباخين ولا المطاعم مو مقصرين
طبعا خالتي ما عجبها رد وداد فقالت :- واذا قالك زوجك يبك تطبخين له ..وش بتقولين امي ما علمتني
مدت وداد يدها على قطعة بسبوسه وقالت :- ابدا بقول ام طلال ما قصرت بس انا ما احب الطبخ
طبعا خالتي ما عجبها الكلام حطت فنجان القهوه على الطاوله وقامت :- وهذا كلام تقوله حرمه لزوجها ؟؟ انا اقوم اشوف وش صار على العشا ابرك لي
راحت خالتي والتفتت وداد لعلياء وقالت :- شفتي وش سوت البيتزا في امي ...انا اقول انسي المطبخ احسن
ضحكت علياء وقلت لوداد :- مو بس بيتزا ترى البسبوسه والقهوه بعد
التفتت وداد لعلياء :- والله وكيف هذي سويتيها ؟؟
ردت علياء:- بكره دخلي وياي المطبخ واعلمش شلون سويتها
دخلت نجود مع سعاد وهي تقول :- بكره بنروح السوق اجلوا مشروعكم ليوم ثاني
وجلسنا باقي الوقت نتكلم عن روحة السوق وين بنروح ومن بيودينا وجدولنا هناك
طــــــــــــــــــــــــلال
رجعت من المسجد بعد صلاة العشا مع خالد وتركي دخلنا البيت وعلى طول دخلتهم المجلس ورحت انا على المطبخ اشوف زهبوا العشى ولا لسه دخلت وشفت وحده من ظهرها فاتحه الفرن قلت :-
هااااا... وش اخبار لبيتزا تبيض الوجه ولا ؟؟
رفعت البنت ظهرها وتجمدت مكانها ولحظتها بس عرفت انه مو علياء هذي وحده من بنات عمي نزلت راسي وقلت :-اسف كنت احسبك علياء طلعت وتوني عند باب المجلس الخارجي الا اسمع صوت علياء
:- العنود وش فيش كل هذا تجهزين صحن بيتزا ؟؟
غمضت عيوني واخذت نفس هذي العنود خساره ما شفت وجهها اخ لو التفتت لي بس ... ضربت جبيني واستغفرت ربي مهما يكون لسه ما صارت حلالي
رجعت عند الباب تنحنحت قبل ما ادخل وما لقيت الا علياء فقلت:- وش اخبار العشا عساك توصيتي فيه
ابتسمت بنعومه وقالت :-خالتي ام طلال ما قصرت كانت على راسهم لين كملوا شغل ...وانا ما سويت شي غير البيتزا وطبق الحلاوه اللي في الثلاجه .
حطيت يدي على راسها وقلت :- اهم شي تبيضين وجهنا قدام عريس المستقبل ...والا راح اقول له ان الحلا والبيتزا شغل الهنديه الجديده
دزتني من جنبها وقالت :- لا والله ...هنديه هاااااا (واشرت على نفسها )
ترى انا بنت يوسف ومافي احد يطبخ نفسي ...واذا ما عجبه ترى ما عنده ذوق
ضحكت من قلب :-هههههههههه زين يا بنت يوسف نشوف ...(هدأت عن الضحك وكملت ) بس اذا ما عليك امر خلي الشغالات يوصلن العشاء
للمجلس
تعشينا وعقب العشا فتحنا ملف المشروع وجلسنا نتكلم عنه طبعا تركي ما كان عاجبه ان يشتغل طول الوقت علشان كذا اول شي سويناه تناقشنا في المخطط الهندسي اللي هو من اختصاصه ولمن ابتدأ النقاش عن الميزانيه والعروض اعترض تركي
:- بس عاد لهنا وخلاص انا شغلي خلص والامور الماليه انا مالي شغل فيها
رفع خالد راسه لتركي وقال :- بس هي امور لازم تتعلمها لانك بعد كذا راح تستلم مشاريع وتكون مسؤل عنها من الالف الى الياء
حك تركي راسه وقال :- ان شاء الله عمي بس مو اليوم ..(وكمل يبرر) انتم اليوم ارتحتم الظهر وانا لا
ناظرته بخبث وقلت :- اذا كذا ما في مانع بس بكره انت اللي بتودي البنات السوق
فتح عينه وقال :- انا !!!وليش والسواق وش شغله ؟
رد عليه خالد :- السواق بيوصلهن للسوق لكن ما بيدخل السوق معهن
وانت تعرف اني ما احب يروحن السوق لحالهن
عدل تركي شماغه :- زين اجل سلطان يوديهن انا رجال عندي ارتباطات لكن سلطان ما عنده غير الطلعات مع ربعه
خالد :- صار بس قبل ما تروح ترى خواتك هنا يا ريت تاخذهن معاك للبيت
ابتسم تركي :- امري لله ... يلا في اما الله
تركنا وطلع وعقب ربع ساعه مليت من الشغل سكرت الملف رفعت راسي لخالد وابتسمت رد الابتسامه وقال
:-اعرفك زين يا طلال في راسك كلام قول واخلص
تذكرت علياء فقلت له :- ما قلت وشو رايك في عشانا؟
ابتسم خالد :- الحمد لله...والله ينعم عليكم ويزيدكم من فضله
سألته مره ثانيه :-و وشو رايك في البيتزا والحلا ؟
هالمره ضحك خالد بقوه وقال :-بس خلاص فهمنا يا رجال بكره عشاك على حسابي
ابتسمت بمكر :- من جد اسألك وشو رايك ؟
تحير خالد وعقد حواجبه :- ليه تسأل ليكون الطباخ جديد؟!!!
تذكرت كلامي لعلياء وابتسمت :- ايه وش رايك ؟
ردخالد وهو يمد رجليه ويمسح على بطنه :- والله انه طباخ(ن) سنع
بتزا كانها شغل مخبز والحلا لذيذ مره ...وهالمره اذا عزمنا الشباب
قول له يسوي لنا منه
ضحكت :- اذا تبي من هالحلا انت وصي الطباخ بنفسك ( ما فهمني فكملت ) لان طباخنا الجديد بنت يوسف حرمتك
ابتسم خالد على جنب وقال :- متأكد انها مسويته ؟
ضحكت :- لا تخاف حرمتك تعرف تطبخ مو مثل ما سوت ندى في عزيز
عزمته على العشا وجابت نص الاكل من المخبز والنص الثاني شغل الطباخ وقالت له انها طابخته
سند ذقنه على يده المتكيه على الكرسي وقال :- مو المهم الطباخ المهم المره تحافظ على حرمه بيتها وزوجها ... والباقي تتعلمه مع الايام
سندت ايدين على اركبي وشبكتهم ببعض وقلت له :- يا بختك حرمتك جاهزه ما يحتاج تتعلم شي
ابتسم لي :- ايه بكره نشوف ( وقف ودخل جواله في جيبه وحمل مفاتيح سيارته والملف )يلا ورانا بكره شغل من بدري
((وداد))
كنت قاعده في الصاله جنبي عباتي ومجهزه حالي علشان السوق وجنبي علياء وشوي الا تجي سعاد وفي يدها جوالي يصيح عطتني اياه وقالت
:- نسيتيه فوق وخذي كلمي هذي العنود
رديت على العنود :- هلا .. وينكم فيه ترى كلنا جاهزات
العنود :- ابد كلها خمس دقايق ونكون عند الباب
تأففت :- يعني لسه ما وصلتوا وليش كل هالتأخير
ردت :- ابد الله يسلمك هذا سلطان نسانا وطلع مع ربعه ولمن اتصلت عليه قال ما يقدر يجينا
ميلت فمي على جنب :- اجل من بيودينا
ردت العنود :- من غيره اخوي حبيبي تركي
ما ادري ليش ما احب سيرته يمكن لاني احسه مغرور وشايف حاله او لانه كان دايما يتحداني ويفرض شخصيته علي لمن كنت صغيره وكنت برد على العنود برد خشن بس خفت تكون تكلمني على المايك علشان كذا قلت :- المهم في من يوصلنا .. يلا احنا نستناكم
سكرت الجوال وقلت لعلياء وسعاد :- الاخ تركي بيوصلنا
لاحظة علامات الارتياح على وجه سعاد الي قالت :- احسن ... بيخلينا على راحتنا ولا بيستعجلنا ولا بيتدخل في اللي ما له مثل سليطين
اما علياء فكان عندها الامر سيان وانا قلت :-بالعكس على الاقل سلطان خفيف دم والجلسه معه ما تنمل لكن تركي ثقيل و......افففففففف خليها على الله
دقت العنود علي وقالت انهم عند الباب ركبنا السياره واول ما وصلنا المجمع قال تركي :- اسمعن زين ابيكم كلكن مع بعض مو كل جماعه في صوب
لويت فمي من تحت الغشوه وقلت في نفسي بدينا لكن نجود قالت
:- بس كذا بناخذ وقت طويل
ابتسم لها :-ولا يهمك بالنسبه للوقت خذوا راحتكم
فعلا الحسنه الوحيده انه خلانا على راحتنا لكنه طول الوقت كان معنا ويتكلم مع العنود عن عدة مواضيع وما يتركها الا اذا كلمته نجوداو اذا سحبتها علشان تنقي معي بعض المشتريات
دخلنا مانجو وما قصرت نجود في المشتريات وبعدها قالت لتركي
:- تركي حاسب لي
اخذ منها تركي الاغراض وفوقها اخذ اللي شرته العنود وراح يحاسب عنهن قربت من العنود وقلت
:- زين انه حاسب خفت لا يتركنا علشان نجود قالت له حاسب
ظربتني العنود بكوعها وقالت :-لا تغلطين ترى اخوي من يومه كريم
ولعلمك قبل ما نجيكم عرض بطاقته علينا بس حنا مارضينا ناخذها
لويت فمي وقلت :- ااه وجعتيني وكل هذا علشان تريك زين لا تزعلين
صدقنا انه كريم
العنود ما عجبها كلامي فقالت :- طبعا كريم لكن الدور والباقي على عريس المستقبل الا ولا مره سمعت انه عازم اخته او تركي على
فطور ولا كوفي حتى
قرصتها بعيني وكانها تشوفني من ورى الغشوه :-واخوك يا عيني مقطع حاله من العزايم
طبعا انا ما احمل مشاعر خاصه تجاه ماجد بس أي كلام في صالح تركي يغيضني وقبل ما ترد على العنود قرب تركي مننا وقال
:- اذا ما تعبتوا من السوق انا تعبت فوش رايكم اعزمكم على الفطور في دي كيف
ردت العنود تغايضني :- يسلم لي الكريم
قهرني الوضع جلسنا وطلب لنا فطور وقعدنا على طاولتين طاوله هو معاه خواته والثانيه قباله عليها انا وخواتي وقبل ما يكمل فطوره جاه تلفون رد عليه
:- هلااااااااااا وعليكم السلام حيا الله هالصوت ........ايه اعرفه ليش؟؟
....... بس انا امس كلمته واتفقت معاه.......طيب طيب انا جاينكم اللحين
سكر الجوال وسألته العنود :- وش فيه وش صاير ؟
رد عليها وهو يتصل :- ابد مشكله في الشغل
الظاهر رد عليه المتصل لانه قال :-سلام ....وينك فيه ؟..........
تمام اجل تعال مجمع ال........علشان البنات لسه ما خلصوا
........ايه بس سلطان بعيد وكذا انا بتأخر على شغلي ........طيب استناك
سكر الجوال وقال للعنود قبل ما تسأله : كلها ربع ساعه ويجيكم خالد
ما ادري ليش ارتحت يوم سمعت انه بيفارقنا لكن انتبهت لعلياء توترت
وصل خالد سلم علينا وتكلم مع تركي شوي وعقب ما خلصنا فطور طلعنا نكمل مشاويرنا وطلبت نجود منه يودينا مجمع ثاني ابتسم لها وقال
:- من عيوني بس اول نروح مسجد علشان نصلي الظهر بعدين نروح مكان ما تبون
وصلنا عند المسجد نزلنا كلنا وقبل ما ندخل المسجد نادى العنود كلمها وبعدين دخلنا للصلاة
علـــــــــــيـــــــــاء
صدق اني ما تعودت اروح السوق وفي رجال ويانا يعني عادة نكون شلة حريم وبس لكن وجود تركي كان ارحم بالنسبه لي من وجود خالد اللي حسيته مثقل على انفاسي لانه من لحظة وصوله حسيت اني مراقبه وانقلب مشوار التسوق من متعه الى كابوس
ارتحت اول ما دخلنا المسجد وعقب ما خلصنا صلاة سبقوني البنات على السياره وحطيت ايدي على قلبي خايفه يكونون مثل المره اللي طافت يخلوني اقعد جنبه لكن قبل ما اقرب واشوف وين بقعد سمعته يناديني
ياترى وش يبي خالد من علياء ؟؟
وساره وينها ومعقوله خلاص تراجعت عقب اللي سوته ؟؟
هاجر وش الحدث المهم اللي صار لها ؟؟
اذا تبون تعرفون انطروا الاجابات ان شاء الله في البارت القادم
اتمنى ان البارت مو ممل
اعذب وارق الامنيات
|
15-12-08, 01:09 PM
جديد مواضيع قسم القصص المكتمله من وحي قلم الاعضاء
العرض العادي
