في بيت بو سعود
أم سعود:إن شاءالله اخوي أول ما يخلصون من صلاة العشا تشوفنا عندكم
سلمي لي على آمنه .يالله عيل أشوفك بالليل بإذن الله

بعدما سكرت من اخوهـا ... فاجأهـا ولدهـا سعود
أم سعود:ويه طيحت قلبي
سعود:فديت قلبج والله عيل بعدما بتسمعين هذا شو بتسوين؟
أم سعود متلهفه:ها شو عندك؟
سعود: لقيت لي على وظيفه وبداوم من باجر
أم سعود استانست:والله لله الحمد (باست راس ولدهـا)
أم سعود:وشو اللي خلاك تفكر تشتغل
سعود:ممم قلت أعتمد على نفسي
أم سعود:زين سويت حبيبي .. بس ما قلت لي شو اشتغلت؟
سعود:موظف في بلديه
ام سعود:الحمدلله .. فاجأتني الصراحه أبوك أول ما بيسمع بيستانس
سعود:ألا قولي بقول لي يوم قلت لك بوظفك عندي ما رضيت
أم سعود:صدقه أكثر من مره قالك حتى خالك سعود قالك بشغلك عنده
سعود:حبيت اعتمد على نفسي
أم سعود:على طاري خالكـ اليوم بنتعشى عندهم
سعود:لا اليوم أنا مشغول
أم سعود:لا تزعلني عاد ,, خالك بروحه زعلان مني عشان ما رحنا لهم من فتره
سعود:خلاص كله و لا زعل خالي

بعد المحاضره
طيف:ريمو سمعتي آخر الاخبار
ريم:تقصدين عن المذيع عمر
طيف:هيه
ريم:الكل قاعد يرمس عنه
طيف:واااي متحمسه الصراحه
ريم:خخخخ زين والله
طيف:يعجبني هالمذيع ستايل ولوك وفوقه خفيف الظل
ريم:كل هذا تعرفين عنه
طيف:ما فوت ولا حلقه ماله حتى الإعاده أشوفه بعد
ريم:أنا بس مره أو مرتين شفت برنامجه
طيف:استمري فيه صج بيعجبج ولا تكونين مثل هذي
منى كانت سارحه في عالم ثاني ... تفكر بسعود ومب منتبه لكلامهم
طيف:منى .. منى
منى:ها؟ شو ؟
ريم:وين سارحه؟
طيف:منى؟! وش فيج؟
منى:ولاشيء كنت أفكر لازم أحضر اللقاء يعني؟
ريم:تقصدين لقاءكم مع المذيع عمر؟
منى:مب متفيجه الصراحه
ريم:إنزين لا تحضرين
طيف:وين الغاليه ما تقدر لأنه مجبوره تحضر ولا بترسب
ريم:خخخخخ ماشيء حل ثاني عيل
منى:الله كريم



عمر :ها فواز شو عندكـ
فواز مدير اعمال عمر: غير إنك تقدم البرنامج ما عندك شيء هو بكون عندك شيء ثاني بس لأنكـ لين ألحين ما رديت على الجامعه اللي طلبت منك تحضر لهم
عمر باستغراب:واللـه؟
هز فواز راسه بالموافقه
عمر:خلاص عيل بروح لهم .. بس متى
فواز:بعد يومين
عمر:خلاص مب مشكله
رن تلفونه واستانس لأنه الاتصال من الخارج
عمر:هلا والله هلا هلا بأخوووي الغالي وينكـ؟ ما اتصلت خفت عليكـ الصراحه حتى يوم اتصل لكـ مـا ترد علي ليش شو عندك؟

محمد يضحكـ: شوي شوي علي .. كل هالأسئله ما تنلام متعود على المقابله
عمر:هيه والله صدقت بس صج انت وينك؟ وشو أخباركـ
محمد:الحمدلله بخير يا اخوي انشعلت بأمووور .. لا تحاتيني بس أنت ما قلتي لي شو هي أحوالكـ؟
عمر:أنا اشكح يا اخوووي الله يخلي يوسف مهتم فيني وايد
محمد:زين والله س أكثر من مره قلت لك تعالي عيش معااي
عمر:مشكووور بس أنا مرتاح في بلادي شغلي وشهرتي كله هنا تعرف عاد شهرتي يعني
محمد:خخخخ ذبحتني يا ريال بها الشهره
عمر:خخخخخخ



منى وصلت البيت وكانت تعانه حيييل ... سلمت على ابوها وامهـا وصعدت لغرفتهـا لكنها تحمست يوم عرفت إنه عمتهـا بتي بتتعشى عندهم .. دام عمتهـا بتي معناته سعود بكون معاهم ..
طاحت على السرير وبدت تكلم نفسها
سعود آخ سعود والله بس لو تحس بحبي لكـ ... أمووووت فيكـ
حب حياتي شو بسوي أنا بدونكـ وييييي ما اتحمل ما اتحمل تكون لغيري
اتصل في ريم واسألهـا عن مشاعرهـا صوب سعود وإذا طلعت صج تحبه
بذبحهـا.. لا ما تنلام تعجب في سعود يوم سعوودوو جذي حليو وحبوب
خقاق وياء ويه خخخخخخخ
ما قدرت تنام رغم إنها تعبانه تمت ترمس مع حالها حب سعود مجننهـا
راني:بيهلتو كبي كبي غمتا
آآآآآآآآآآآآآآآآآآآآآ
آبتوا هالبل تيري ياد ستاتيهي

آمنه: راااااني
راني حطت يدها على قلبها: آي قلبي ماما أنتي في خوف أنا
آمنه:حاشرتنـي بهـا الأغنيه
راني:ماما أنتي مافي معلوم هذا اغنيه وااااجد هلو انتي لو في معلوم شو معناته انتي في صيح
آمنه: مينونه أنتي ؟ بسألج العشا خلص
راني:من زماااااااااااااااااان
آمنه:زين عيل غسلي الفواله ورتبينهم ما تحطينه على مزاجج
راني:أوكي ماما

دخلت عليهم منى فجأه: هاااااااااااااااااااي
آمنه:شو هاي انتي بعد؟
تاخذ التفاحه من الثلاجه:هاي يعني هاي
آمنه:الله يهديج بس .. إنزين اغسلي التفاحة على الأقل
منى:خلاص راح في بطني
آمنه: الكلام معاج ضايع
منى:ضايع روحي دوري هههههه
طالعتها منى بنص عين
ابتسمت منى بكل براءه:أوكي ضايع مب مشكله لا أدورينه على راحتج .. أنا بروح أتكلم مع راني الحلوه

راحت عند راني اللي كانت تغسل الفواله ..
منى:راني شو أخبارج
راني:أنا في اوكي أنتي بعد في أوكي؟
منى:اوكي اونه .. لا يا راني لازم تقولين أنا بخير أنتي شو أخبارج؟
راني:أنا بكير أنتي شو أخبارك؟
منى تضحك عليها: أخبارك فهمته بس بكير شو هذا لا يكون تقصدين عبدالله بالخير .. لا هذا اسمه بالخير مب بالكير آآآ يمكن تقصدين أنتي كير مال السياره .. قاطعتها آمنه
آمنه:الحمدلله والشكر تخبلتي شو.؟
منى: ما تخبلت بس تقدرين تقولين ملانه
آمنه: احتمال قوم عمتج في أي وقت بيوصلون وبتشاركج الجنون طيف
منى:وووي لين ما يوصلون خليني اقردن مع راني
راني:أنتي يبى يقردن مع أنا
هزت منى راسها بالمـوافقـه
راني:سمعي هذا أغنيه
وتمت تغني الاغنيه وتعلم منى معاها

خلتهم آمنه وطلعت من عندهم تضحكـ

طيف يالسه في سياره سعود .. أول وحده راكبه تتريا اخوها وابوها وامها يركبون... حاشرتنهم بالهرنااااااات

ام سعود في غرفتها:ألحين بطلع وبروح أكفخها
بو سعود:خخخخ تكفخينها مره وحده
ام سعود:ما تشوفها حاشرتنا حشره
بو سعود:البنت متحمسه ولا بعد.. مخلصه أول وحده
أم سعود:آآآآآي اذني قطعتني
وفجأه سكت صوت الهرن
بو سعود:تعبت شكلها

الآنسه كانت ما بترحمهم لو ما رن تلفونهـا
طيف:هلا هلا ريم
ريم:أهلين
طيف:علموج اخبارج
ريم:هههه وش فيج ترمسين بسرعه مشغوله شو؟
طيف:لا بس حاشره الاهل بهرن سيارة سعود
ريم:أيــوا طالعين يعني؟
طيف:هيه رايحين بيتكم خالي
ريم:عند منى يعني
طيف:طلعتي ذكيه الصراحه ههههه بتين معانا
ريم:لا بس كنت ناويه امر عليج
طيف:تعالي معانا إنزين
ريم: لا مشكوره الغاليه تروحين وترجعين بالسلامه
طيف:خلاص عيل اشوفج في الجامعه
ريم: إن شاءالله .. يـالله عيــل

بعدما سكرت من عندهـا رجعت تلعوزهم بهرن السياره
لكنهـا اهتزت يوم شافت سعود فتح عليها الباب فجاه .. حتى رجعت لمقعد الورا بسرعه عن يضربهـا
ركب سعود السياره:تخبلتي شو؟
طيف:عيل ليش تتأخرون جذي نحن مب رايحيين عرس
سعود:محد متأخر ألا قولي أنتي مخلصه قبل الكل
طيف:وينهم والدي؟
سعود يقلدها:والدي؟ ألحين يايين وامي متحلف عليج
طيف:وين أبوي ما بخليها تضربني
سعود:واثقه اشوفج
طيف:أكيد
سعود:بش شكلج ناسيه إنه امي بتركب معاج ورا
طيف تمت ساكته وفي خاطرها: هيه والله
سعود:بلاج سكتي؟
طيف:ها؟ ولاشيء
سعود:خفتي صح؟
طيف:لا .. ابصم لك بعشره امي ما بتسوي لي شيء
سعود:هذا هم وصلوا وبشوف كيف امي ما بتسوي فيج شيء

ركبوا السياره .. وأم سعود اول ما ركبت السياره كانت بتسمع طيف توبيخ حار بس طيف سبقتها: انتوا وينكم خالي أكثر من مره متصل ويتنازع بعد
أم سعود نست كل شيء : والله .. يالله ابوي سعود تحرك ما فيني على كلامه
سعود: من عاشر قوما اصبح مثله
طلعت له لسانهـا وتمت تضحكـ


في المطبخ
منى بعدها مع راني تتعلم الأغنيه
منى:قبل كان في غما
أبتوا كل مره في ذكر أنته

راني:أنتوا شو يقول
منى:عربي على هندي
راني:لا أنتي خرب اغنيه
منى:أنا ما يخرب أنا يسوي ريمكس اطوري يا عصير راني
راني:اطلعي من هنا انا ما يرضى في خرب كلام مال بلاد أنا
منى: عيل انتي يا راني مخربه كلامنا تقولين هذا وتمسحين هذا وهذا فوق هذا محد قالج شيء
راني:أنا عادي بس انتي لا
منى: لا عاد حدج تخربين الكلام قلت عادي اطرديني من مطبخنا بعد قلت مب مشكله لكن تسرقين كلمتي .. حدج عاد

آمنه اللي توها كانت داخله المطبخ:انتي بعدج معاها روحي سحي هالشعر روحي غيري ملابسج
منى ضمت أمهـا وبكل دلع:بروووووووووح إنـزين

طلعت من المطبخ ركض وراحت لغرفتهـا


دخلت غرفتهـا ولقت ثوب طايح على سريرهـا .. تقربت منه وخذتـه
منى :خـواااار؟!
رجعت لمكـانهـ : امي من صدقهـا تبانـي ألبس الخوار وأنا في حياتي ما لبسـت ثوب فيه فصوص هالقد
تركتـه وراحـت لخـزنـة ملابسهـا طلعـت لهـا قميـص و تنـوره
تلبسـت وتجهـزت ..
طالعت نفسهـا على المنظره ...
منى:لا باس
طالعت ساعتهـا : وييي بعدهم ما وصلوا
راحت عند مسجلهـا وحطت على إف إم وبالصدفه كانوا حاطين أغنيه يا ورده ... تمت مثل المجانين أدور على الورده .. لقت ورده صناعيه على طاولة .. خذت وتمت تغني وتكلم مع الورده

قولي لي يا ورده يحبني ما يحبني لو أقطع حبه حبه
وإن قلتي ما يحبني قولي لي شو أسوي وأنا اللي موت أحبه

دخلت عليهـا طيف فجأه وكأنهم من زمـان مب شايفات بعض
وتمن يصرخن أول ما شافوا بعض وقامن يتناقزن.. كل وحده ضمت الثانيه
وقاموا يرقصون على الأغنيه ومنى توجه لطيف الكلام

يا ليته يدري بي كم قلبي في حبه تعذب ليته يدري
لو يدري عن قلبي انا اشهد بإنه يحبني وبيعرف قدري


امـا تحت في الصاله فيوم سمعوا صراخهـم
الكل تم يضحك عليهم
آمنه: صج مجانين
أم سعود:الله يخليهم لبعض
آمنه: شو أخبارج يا أم سعود؟
أم سعود:الحمدلله بخير انتي وينج؟ مانشوفج يا حرمه
آمنه:موجوده يا خويتي بس ما أطلع مكان
صدت عند سعود: ها سعود شو اخبارك؟
سعود: بخير والله
ام سعود:قولي له مبروك .. الريال لقى له على وظيفه
آمنه:والله ؟1 هذي الساعه المباركه ما قلتي لي من قبل كان سوينا عزيمه كبيره
سعود:لا عاد ما يحتاج يكفيني بين أهلي وناسي
آمنه: الله يوفقك إن شاءالله

ضربه سعيد على ظهره: مبروووووك أخيرا قررت تشتغل
سعود: هيه شو نسوي بعد
سعيد:زين زين بس ما وصيك ما تفر المعاش على الخرابه وعلى هالخرابيط
سعود:أطمن خالي لا توصي حريص

في غرفة منى
منى وطيف:خخخخخخخخخ
منى:وااااي بطني يعورني
طيف:كله منج أحد يرقص جذي (تقلدهـا فنقعت منى مره ثانيه من الضحك)
منى:دخليج سكتي شكلي بصيح اليوم
طيف: خخخخخ يقولج كثر الضحك يميت القلب
منى:بسم الله على قلبي ..
طيف: وبعد يقولج
منى:انطبي وخلينا ننزل تحت عندهم واسلم على أمج وأبوج
طيف:هيه صح وقوليهم بعد يحطون العشا تراني صج يوعانه
منى: ومنو قالج نحن مسوين عشا لا حبيبتي استريحي
طيف:لا تكذبين وايد يالله خلنا ننزل


نزلن تحت وكالعاده منى شقت حلجهـا أول ما شافت سعود
الابتسامه ما كانت تفارقهـا .. وكالعاده سعود تغصص من نظراتهـا وكان أكثر الوقت يجـنـبهـا

يلسوا كلهم على العشا .. توهـا كانت بتحط اللقمة في حلجهـا قاطعتهـا طيف : ما قلت لج سعود اخوي اشتغل
طالعته :والله مبروووك سعود
ابتسم غصب عنه: الله يباركج
منى:يالله عيل عمو دوري له على العروس
غص الولد وفي خاطره: هاي على شو تلمح؟؟
أم سعود:فهمي إذا تقدرين مب راضي يقتنع
يطالع أمه وبعد في خاطره يتكلم: أمي شو تقصد لا يكون ناويه ...
لا لا أنا لازم أحط حد لهذا سكت عنهـا وايد وما اقدر ألحين
آمنه: يا وليدي ليش ما تفكر بالزواج ؟
سعود:ها؟ أحس نفسيتي مب مستعده للـزواج
سعيد:جيـل هالأيام عليهم حركات مب طبيعيه
منى:صدقت والله
سعيد: تراج منهم
منى:لا ابوي أنا منهم بس مب مثلهم
هذي وهذا مثلهم
طيف:وين وين أنا مثلج بعد
آمنه:بـدأو الميانيـن .. سويت لهم سبب
بو سعود: ألا أنتوا الاثنين متى بتعقلون
منى: أنا اسمح لي عقلي أجرت لطيف وطيف أجرت عقلها لي
أم سعود:كيف هذا بعد .. قاموا يأجروون العقول البشر بعد
سعود:صدقتيهم يمه تراهن قاعدات يستعبطن ما عندهم غير هالشغله
طيف:بدأ أستاذ سعود يغلط علينا
منى:بس يدور على فرصه
طيف:والله مخلي عمره أونه عاد
منى:هيه أونه عاد
سعود: مب كأنكم مصختوهـا
منى:أونه ألحين يبى يخوفنـا
طالعن بعض ونقعن من الضحك
طيف:شوفي ويهـه كيف صار
منى:عباله نحن صج طايحيين نكت عليه

بو سعود:خخخخ بعدما نكتوا عليه تقولون عباله
سعيد:صج حالاااااااات

الكل:خخخخخخخخخخخخخخخخ
خخخخخخخخخخخخخخخخخخخخخخخخخخخ
بعدمـا خلصوا من العشا
بو سعود وسعيد يلسوا في الميلس وقعدوا يلعبون الورق وسعود معاهم بس هو قعد يطالع التلفزيون
اما آمنه وآم سعود فجلسوا في الصاله وتموا يسولفون
والجناكل
طيف و منى رجعن للغرفه ويلسن على النت
طيف: منى أنا عطشانه
منى:توج شاربه
طيف:بس بعدني عطشانه
منى: تعرفين المطيخ وين
طيف: يالله حبيبتي أنا طيفوا حبيبة قلبج
منى:خـلاص إنزيـن خخخخخخ

كانت بتطلع بس طيف وقفتهـا
طيف:منى
منى:شو عندج بعد؟
طيف:إذا ما عليج أمر جيبي معاج بعد تفاح
منى: حاضرين
طيف:منى؟
منى:تعرفين شو روحي لحالج
طيف:لا لا بس بغيت أقول تروحين وترجعين بالسلامه
منى:ها ها ها لا يكون رايحه أحارب
طيف:يمكن
منى:انطبي

طلعت من عند طيف ونزلت للمطبخهم .... وبالصـدفه سعـود موجـود هنـاكـ فـاتح الثـلاجـه ومحتـار مـا يعـرف شـو يـاكـل
منى يـوم شـافتـه واقف صـوب الثلاجـه فـاجـأت: مسكـتكـ يـا سـراق
سعود غمض عينه: الله يخليـكم قـولـي لـي مـا تكـون الخبـلـه منـى
صـد وفتـح عينـه لقـى منـى واقفه وقـاعـده تبتسـم
منـى:للـأسف مـا تحـقـق حلمـكـ
سعود: ارحمينـي يـرحمـج مـن فـي السمـا
منـى: أنت اللـي أرحـم قلبـي اللي متعـذب فـي هـواكـ
طـاالعهـا مستغـرب: ما تحسيـن اللي قـاعـده تقـوليـنه جـريء
منى: أنا مب من نـوع اللي تسكت إذا حبـت شـيء
خذا نفس عميق وريـح أعصـابـه وبكـل جـد: منى أنتي بنـت خـالي على العين وراس وأنا أحترمـج وهذي آخر مـره تعـدين فـي حـدودج
منـى تقلده: سعـود أنت أكثر من ولد عمتـي وأنـا أحبكـ وأمووووت فيكـ
عصب سعود: خلاص من هنا عاد حدج سمعيني زين منى
الحب مب بالغصب .. وتبين الحقيقه أنا أحب وحده
منى بطلت عينهـا وكأنهـا شـاكـه على اللي يقوله: أنته تقول هذا عشان تغايضني
سعود:لا , دليل على كلامي أنا بطلب من أمي تخطبهـا لي وأنتي تعرفينهـا ريم
منى:ريـم؟
سعود:لا تستغربين ريم بنت ما عليها كلام رقه وجمال ووحسن التصرف و
قـاطعتـه: بس بس أنت ألحين اخترت ريم عشان على اللي قلته وشو عن حبي لكـ ما قـدرت تشوفه وتحس فيه
سعود:قلت لج الحب مب بالغصب وأنا قلبي أختار ريم .. فرجاء رجاء يا منى بطلي عنج هالحركات وتصرفي كبنت عاقله

خلاص الدموع تجمعت على عينها بس كانت ماسكتنه ما تبى تصيح جدامه : هذا آخر كلام
سعود:منى لا تزعلين مني .. صح جت فتره كرهتج فيه بس في نهايه أنتي بنت خالي وما اروم أكرهج لكن بعد أحبج هذا ما يصير أعزج واحترمج صح فإذا انتي بعد تحترميني وتعزيني أرجووج لا تفشليني جدام ريم

نـزلـت راسهـا وتـمـت سـاكـتـه ... سعـود حس إنهـا بتصيـح
فقبـل لا تطـلـع وجهـا لهـا كـلام: أعرف هالشيء جرحـج بس ان شاءالله تلقين شخص أحسن عني
قـال هـالكـلام وطلـع مـن عنـدهـا

أمـا منـى فتمـت سـاكتـه لين مـا طـلـع سعـود مـن عنـدهـا و أول مـا تـأكـدت إنه طـلـع رفعـت راسهـا وطـاحـت الـدمـعـه

كـل مـا تمسح الدمعـه تنـزل أكثـر ... ظلـت واقفه وفي مكـانهـا تقريبـا 5 دقـايق ..
تـذكـرت طيـف تتـريـاهـا ومـا تـبـى طيف تعـرف بشـيء
فراحـت وغسلـت ويهـا بسـرعـه .. وخذت كوب الماي والتفاحـة
صعدت لغرفتهـا .. وقبل لا تفتح الباب تحاول إنهـا تبـتسـم بس مب راضيه تركـب الإبتسامـه على ويهـا .. ونزلت الدمعـه مـره ثـانيه .. مسحته بسرعه .. وفتحت الباب ..
تظاهرت ولا كـأنه شيء صاير: سوري سوري تأخرت خـذتني السوالف
مع العياييز اللي تحت
طيف عينهـا على شاشة الكمبيوتر: وأنا اقول وين اختـفيتـي
حطت الكوب و التفاحه صوب طيف
حست إنه خلاص ما بتقدر فقالت بشكل سريع
منى:بروح الحمام
طيف: محـد يـودج

دخلت الحمام وتمت واقفه على الباب .. مب قادره تتحمل أكثر ..
خلاص .. دمعه ورا دمعه تنزل .. حتى إنهـا حطت يدهـا على حلجهـا
عشان ما ينسمع صوت صياحهـا

طيف حست إنه منى تأخرت فسارت صوب الحمام ودقت على الباب
طيف:يا بنت شو قاعده تسوين

انتبهت منى وسارت صوب المنظره شافت ويها تغير ...
فتحت الحنفيه بسرعه وتمت تغسل ويهـا

طيف يوم ما لقت رد رجعت تسألهـا: منى ؟

منى تعدل من صوتهـا: احم أحم وش فيج ؟
طيف:تأخرتي
منى: هذا الصابون غربل ابليسه دخل في عيني وألحين صارت محمره
طيف:خخخ خوفتيني عبالي انتحرتي
منى نزلت الدمعه مره ثانيه : ههههه وين أنتحر وانتي معاي
طيف:خلصي بسرعه وخلنا ندخل الشات
منى: اوجي أوجي

ترش وترش وترش وترش المـاي على ويهـا .. يـوم حسـت الإحمـرار خف .. طلعت من الحمـام وعشان مـا تشكـ أكثـر
تظـاهـرت بألم : آخ عيني آخ عيني
خلت عمرهـا تمثل إنهـا عميـه: وينج طيفوا ألحقي ما أشووووف شيء
طيف: أونج عاد .. أخبرج لا أطالعين وايد أفلام صج قام يأثر عليج
ضربتهـا على الراس:عبالج أنا وأنتي واحد شو؟
طيف: أكيد لا
صدت طيف على ويهـا : ويييي شو هذا منى صج وايد محمر
منى: إذا ما خف مب رايحه الجامعه
طيف:إذا ما بتروحين قولي لي عشان مـا أروح
منى:الناس يقولون لا سلامات إن شاءالله يخف وبتقدرين تروحين .. لكن انتي لا أونه (تقلدهـا) إذا ما بتروحين قولي لي عشان مـا أروح
طيف:لا تقلدين
منى:على كيفي مب على كيفج

حاولت منى إنهـا تنسى ألمهـا اللي صابهـا بسبب أعترافـات سعـود لهـا
لكنهـا مـا قـدرت ... حتى بعدمـا غادروا من عندهـم ..
مست على أمهـا وأبوهـا وركضت لغرفتهـا .. وهنـاك مسكت الموسده وتمـت تبكي وتبكي وتبكي

ومثل ما قالت ما قدرت تروح الجامعه بعدمـا شافت في نفسها على المنظره .. عيونهـا متورمه ومحمره وتحس راسهـا صاير ثقيل
لكنهـا أول مـا سمعت صوت أمهـا عرفت إنهـا جـأيـه تـوعيهـا نقـزت على سريريهـا وتلحفـت بالكـامل عشان ما تشـوف حالتهـا

آمنه:منى يمه قومي
منى: مب رايحه اليوم
آمنه: بسم الله لا يكون فيج شيء
منى: ما فيني شيء فيني رقاد بس
آمنه: هذا مب مدرسه هذا الجامعه اللي يهديج قومي
منى: أمايه أقولج مب رايحه .. وأصلا اليوم مالي بارض اروح
وبعد طيف بتسجل لي كل شيء
آمنه: على راحتج .. أعرفج زين يوم تكونين جاده محد بغير كلامج بس العذر اللي قلتي إنه فيج رقاد مب داخل مخي على عموم نوما هنئيا

يـوم تأكـدت إنه أمهـا طلعـت .. خذت موبايلهـا وطـرشـت مسـج لطيف إنهـا مـا بتروح وطيف اللي كـانت واعيه ومجهـزه رجعت ترقد
امـا منى فمـا قدرت ترقد ظلت تفكر بكلام سعود
وفي خاطرهـا : شافني استعبط معاه عباله ياهله جدامه
دامكـ حبيت ريم عشان رقتهـا وأنثوتهـا اللـه يوفقكـ
وبثبت لكـ إني بعد مب من نوع اللي تستمر في الحسره ..
الله يهنيكـ يا سعودوووو أقصد سعود
دخـلـت آمنـه عليهـا وتفـاجـأت مـن اللـي شـافـتـه ... تـوجهــت صـوبهـا
وبكـل استغـرااااب وتعجـب: منــى؟!
منـى بكـل بـروده: هـلا أمـأيـه
آمنـه: يمـه شـو قــاعـده تسـويـن
منى : يمـه عـاد لا تسـأليـن أسئلـه والجـواب جـدامـج .. شــو أســوي يعنــي قــاعـده آكـل آيس كـريـم
آمنـه: وتقـولينهـا بكـل بـروده ...
منـى بضيـق : ليـش مكبـره السـالفـه هـو إلا آيس كـريـم
آمنـه : لـو آيس كـريم واحـد مـا يخـالف بـس أنتـي مـاكـلـه فـوق ايس كـريـم
مـا أهتمــت لكـلام أمهـــا واستمـــرت فــي الأكـل
آمنـه: عـلى راحتــج يــوم بـصـيـريـن دبــه مثــل قبــل بعــديـن بتعــرفيــن
تــركتهــا وراحــــت
أمــا منــى بعـدمــا راحــــــت امهـــا عنهــــــــــا ... حطــت الآيــس كـريــم عـلى الطــاولـــه ...و تـــذكــرت أيــامهــا يـــوم كــانــت دبــه وحــاولــت تخــف وتكــون رشيقــه عشــان خــاطر سعـــود يحبهــــا ... واليــوم حســت كـلــه المحــاولات بــاءت بــالفشــل فـرجعـــت لعــادتهــــا ... والآيـس الكـريـم اللـي حطـت عـلى الطـاولــه خـذتـه ورجعـــت تــاكـلـه


قطعــت رانـــي حبــل أفكـــارهــــــــا : أنتـــي شـــو يســــــوي مــا في معلـــوم يــاكــل زيــــن كــلـه وســـخ .. قــاطعتهـــا منــى: رانــي مــالــي خلـقــج نظفــي وفكينــي مــن حشـــرتـــج

قــامــت و راحــــت غــرفتهـــا ... دخلـــت الحمــــام تغسلــت وغســلــت ويهـــا
خــذت تلفــونهـــا وفــوق 10 مكــالمـــات لــم يــرد عليهـــا وكـلــه لطيـــف
فــرت مــوبــايلهــــا ورجعـــت تـــرقــد مــره ثــانيــــه


فـي بيــت بــو سعـــود
طيــف كـل مــره تشيــكــ مــوبــايلهـــا
بضيــق: هــأي وينهـــا مــا ردت عــلى مكــالمــاتــي ولا حتــى رجعــت أدق
أم سعــــود: يمكـــن مشغــــولــــه
طيف: حتــى لــو كــانت عــلى حــافـة المــوت واتصلــت لهـــا بتــرد عــلي
سعـــود: وايـــد واثقـــــه الـأخـــت
طيف: ربيعتـــي وبنــت خــالتـــي محــد يعــرفهــا قــدي أنـــا
بــو سعـــود: إنـــزيـــن دقـــي عــلى البيـــت
طيــف: دقيـــت قــالــت لــي رانــي إنهـــا راحــت تـــرقـــد
أم سعــــود: خـــلاص عيــل يمكــن عشـــان راقــــده
طيف: يــالــاـــه مــن الظهـــر ليــن ألحيـــن راقـــده , أنــا متــأكــده إنــه فيهـــا شـــيء
سعــود فــي خــاطـره: لا يكــون بعــده متــأثــره .. صـج مـا عنـدهـا سـالفـــه
طيف: إن شـاءاللـه بـاجـر أشـوفهــا وأعــرف شــو ســالفتهـــا

اليـوم المـوعـود (اجتمـاع مـع عمـر)

قـامـت وكـل حـركـاتهــا كـان فـي استعجــال .. مـن حقهــا الأخــت واعيــه متــأخــره رغـم إنهــا رقــدت بـــوقــت
تلقطـ كتبهـــا وتلقــط أغــراضهـــا تحطهـــم بشكــل عشــوائي في حقيبتهـــا
تتطــالع ســاعتهـــا : ووييييي تـــأخـــرت

نـــزلت بســرعــــه حطـــت حقيبتهـــا عــلى الطــاولــه وخــذت التــوســت
تمــت تحـط عـليـه الجبــن بشكــل ســريـــع

آمنــه : أرحمـــيــه
منــى: تــأخـــرت
لفــت إنتبــاهــا محتــوى شنطـة بنتهــــا : منـــى كل هـالشكــولاتــات
منــى: محــتـاجتنهـــم
آمنـــه : بـس
قـاطعتهــا: بعـديــن بعــديــن (باست راس أمهــا وخذت التوســت وطلعــت)

وصـلت الجـامعــه واستغـربــت إنــه طيــف مــب مــوجــوده كـل مــره تقعــد تتــريــاهــا .. حطـت فـي بـالهــا يمكــن مــا قــدرت تتــريـاهــا وايـــد ويمكــن تـلقـاهـا فــي الكـلاس ومن هنـاك يـرحــون للإجتمـــاع

دخـلت الكــلاس ومـا لقـت أحـد .. أصـلا الجـامعـه شبـه فـاضيـــه
منــى: لايكــون سـوتهــا وراحــت مــن دونـــي
ألحيــن كيــف أدخـل بـروحـي محـد معــاي ... صـج خـاينــه خـانتـنـي عشــان التـافـه عمــر ... طلعــت مثــل ..... سكـتت

تـركـت شنطتهــا وخـذت معـاهـا دفتـر ملاحظتهــا وقـلم ... مشـت بسـرعـه ليـن مـا وصـلـت القـاعـه
تمــت واقفــه متـــردده ... طيف تـدخـل أكيــد الكــل بيطــالعهـــا
تنفســــت: بســم اللـــه
فتحـــت البـــاب ودخـلـت ومثـل مـا توقعـــت الكــل تـــم يطــالعهـــا
ابتسمـــت بتــوتـر: السـلام عليــكم
الدكتــوره كـانت تتطـالعهــا بنـص عيـن : وعليكم السـلام آنســه منـى آخيـرا شـرفتـي
منـى تطـالع طيف اللي كـانت تـلوح لهـا لكنهــا أنتبهــت على كلام الدكتــوره
الـدكتـوره: بتقعــديــن ولا بتطليـــن واقفــــه
منى: لا بقعــــد

من بين اللـي كــانوا يطـالعــونهــا سيــد عمــر .. عينــه أبــدا مـا ابتعــدت مـن أول مــا دخلــت ليــن مـــا راحــت تقعـــــد
ومنـى عشــان تـأدب طيــف اللـي كــانت قــاعــده ورا .. تجـاهلتهـــا منــى وقعـــدت جـــدام ... استغـــربـــت طيــف مــن تصـرفهـــا
الدكتــوره: آسفين عمـــر تقــدر تـكمــل وآسفيــن عـلى المقــاطعـــه (وجهـت نظـراتهــا عـلى منـى اللـي كـانت تبتســـم مـن التـوتـر)
ضحكـ عليهــا عمـر عـلى الخفيف : مـب مشكـله
وألحيــن ويــن وصلنـــا
وحـده مـن البنــات: كنــت تـرمـس عـن حيـاتكـ
عمـر: هيـه رغــم إنـي فقـد والـدي بسـن مبكـر بس هذا مـا منعـي أوصـل لهــدفي
أصـلا شو مـا يصيـر لازم مـا تستـسلمـــون

منى يد اليسار على خدهـا ويد ثاني قاعد تكتب فيه وفي نفس الوقت تكلم نفسها بصوت غير مسموع بين نفسها يعني: ماتوا اهله في سن مبكر ويعيش مع اخوه اللي مسافر وفوق هذا ما استسلم وحقق على اللي يبى وبعد يبى يوصل لبعيد (كتبت بين قوسين (طماع) ههههههه
كـانت تضحـك وهي منـزلـه راسهــا وتحسـب إنـه محـد يطـالعهــا لكـن عيـون ناس من أول مـا دخلت كـانت تراقبهـا بخلســه

عمـر: هذي هي حيـاتـي بإختصـار بس إذا عنـدكـم شـيء أو أي استفسار حيـاكـم أسألوا
نـوره بكـل رقه : أنــا
عمـر: نعـم أختـي
صــدت وراهــا ورجعــت تكـتـب : نـوره الدلوعه أونه عندهـا سـؤال
نـوره تلعـب بخصلتهــا:يعنـي أنت ألحيـن صـج تعيش لحـالـكـ ؟ مـا تخـاف يعنـي.
منى تكـتب : الريال قال إنه يعيش مع أخوه وأخوه مسافر فشيء طبيعي عايش لحـاله لكـن (استعباط على الفاضي) خخخخخ
وتضحـك الأخت على تعليقـاتهـــا
عمـر: هيه أعيش لحـالي وليش أخاف الحمدلله بيتنـا فيـه الأمـان
طيف: أنـا عنـدي سـؤال
يوم سمعت صوت طيف كتبت: الخاينه عندهـا سؤال نسمع شو ها السؤال
طيف: بعدك تدرس ولا مخلص
عمر: لا بعدني أدرس وهاي آخر سنة لي وطعا تخصصي الاعلام
منى: على الأقل سألت سؤال محترم والريال في آخر سنه ومتخصص في الإعلام
(مثلي يعني أكيد مثلي دامه مذيع) خخخخخ

عمــر: خــلاص محـد عنـده أسئلـه؟
نـوف: أنــا عنـدي بس هـو سؤال محـرج شـوي
عمـر: حيـاج؟ قولي اللي عنـدج
منى : سؤال محرج (ماهو يا ترى ؟؟؟)
نـوف: أنت مرتبطـ ؟
طالع منى لثـوانـي: لا بس بـديـت أفكــر
البنــات: يـااااااااااااااااااااااااااااااااااي
الدكتـوره: بنـــات ؟!
عمر ضحك عليهـــم
أمـا منـى : مب مرتبط بس بدأ يفكـر (الله يعينهـا)

عمـر:واللي جـدام مـا عندهم أسئله
منى: واللي جدام مـا عندهم (انتبهـت ورفعـت راسهـا)
عمـر: اقصـد اللي جـدام مـا سألونـي شيء مـا أنطقـوا ولا بكلمـه مـا عنـدهـم شـيء
البنت اللي كـانت حـذال منى تهمس لمنـى: سألـي إذا عنـده مشاريع يديده
منى : أسألي أنتي
البنت: استحي
منى: ما يخصني
الدكتور: منى شيء عندج
في خاطرها: بلاهـا هذي حاطه دوبهـا في دوبي
منى: هـا ؟ هيه هذي البنت تبى تعرف عن مشاريعك القادمه

ابتسم عمر لهــا : عندي برنـامجين لكن بعدنـا مـا قررنـا شو بكون العنوان بس شيء الاكيد يطرح مواضيع شبابيه

عمر: شيء ثاني؟
منى: لا شكرا
عمر: العفوا

الدكتوره: شكرا يا البنات بس أنا عنــدي شـي أقـولـه نيـابـة عــن
المـذيـع المحتــرم عمـــر
الآخ عمــر يبحــث عــن وجــه جــديــد لبـرنــامجـــه

منـى كـله الـلـي همـهـا تكتـب التقــريــر : الدكتــوره فجـأه قـامـت تـرمـس بـلغـه العــربيــه ,, ليش؟؟؟ اللـه يعلــم يمكـن تفكــر تكــون وجــه اليــديد
خخخخخ منـزلـه راسهــا عـلى دفتـــر مـلاحظتهـــا وتضحــكــ

الـدكتــوره: فهـذه فـرصتكــم والـتي تـريــد أن تجـــرب تملئ هـالـأستمــاره
والتي لا تــريــد تستطيــع المغــادره ... وشكـرا

منـى وكـم من البنــات طلعـــن لكـن منـى أول وحـده قـامت وقـامن بعدهـا كــم مــن بنـــات
عمــر في خــاطره: ويــن رايحـــه؟؟
طيف تحــاول تعــدي صفــوف البنــات عشــان تقــدر تلحـق منـــى ... بس مــا قــدرت وقفــت على البــاب مره تتطــالــع البــاب ومــره تتطــالع الصفــوف اللي واقفــه عشـــان تعبــي الاستمـــاره
طيف: آخ ألحقهــا أحــســن

لحقتهــــا شــافتهـــا تمــشــي لحــالهـــا وببطـــيء ... أســرعــت مــن خطــواتهـــا
عشـــان تقــــدر تلحقهـــــا ...

دخـلــت منـــى الكــلاس ورجعــت الـدفتــر والقــلـــم في شنطتهـــا .. فـاجـأتهـــا طيــف مــن ورا : الحـلـوه زعـــلانـــه

مــا اهتمـــت منــــى لهـــا .. سكـــرت أزرار شنطتهــــا وشلتــــه
طيــف: منى أنــا أكلــمـــج
منــى مستمــره في المشـــي: وانــا مـب متفيجـــه لــج
طيـــف: لحـــظه أنتـــــــــــي ألحينــــــــــه زعـــــــــــلانـــه عشــــان مــا انتظــــرتــــج ..
منــــى تبتســـم بسخــريــه: وليـــش أزعـــل أنتـــر حـــره بتصـــرفــــاتـــج

طيـــف :زيـــن عيـــل (مسكتهــا بيــدهـــا بــس منـــى سحبـــت يــدهـــا)
طيــف بـإستغـــراب: تقــوليــن مــب زعـــلانه عيــل شو يتمســى هالتصـــرف
منــى: حــريـــة التصـــرف (تحــركــت عنهـــا)
لحقتهـــا طيــف ومسكتهـــا بــذراعـهـــا: أنتــي اليــوم كلـش مــب عــلى طبعــج
أصــلا مــن البــارحــه فيـــج شـــيء اتصــل فيــج مــا تـرديـــن علـــي
واليـــوم هـالتصــرف السخيــف
منــى بغضــب: لأنــي سخيفـــه مــن جـذي تصــرفــاتـي سخيفــه
طيــف عصبت هـي بعــد: ألحيــن انــا تــركــت كـل شـيء وراي عشــان اراضيــج وأنتــــي ....
قــاطعتهـــا منـــى: محـــد طلـــب منـــج رجعــي وخلصـــي اشغــالــج ولا تعبيـــن
نفســـج معـــــأي

قـــالت هـــالكــلام وراحـــــت عنهــــا ... أمــا طيـف فمــن الغصــه قــالــت بصــوت عــالــي: روحـــي مــب هـــامنـــي

يلســـت فـي كــافتــريـــا وطلعـــت الحــلويــات وتمــت تــاكــل واحـــد ورا واحــــد
تبـــى تصيـــح بــس كــانــت مــاسكـــه نفسهـــــا
تخبــي حــزنهـــا عــن طــريــق الأكـــل

طيــف مـن الضيـــق اللــي فيهـــا مــا قــدرت تــروح وتسجـــل
رجعـــت لكــلاسهـــا وتمـــت يــالســــه ... وأثنـــاء ذلكــ (لغة العربيه خخ)
مـــرت ريـــم لأنهــا تــوهــا مخلصـــه مــن محــاضرتهـــا ... فشــافـــت طيـــف يــالــســـه لحــالهـــا ... دخــلــت عليهــــا : طيـــــف؟
مــاردت عليهـــــا تقـــربــت منهـــــا: طيـــــف؟
طيـــف : هـــا؟ أوه ريـــــم
ريـــم يلســـت حــذالهـــا: عســى مــا شـــر طيـــف يــالـســه لحــالـج ويــن مـنــى عيـــل؟
طيف: لا تــذكـريــن اسمهـــا جــدامـــي
ريــم: ليش؟ شـــيء صــار بينكــــم؟
خبرتهـــا طيـف بكــل شـــيء وختمــت كـلامهــا بـ : مــا أدري شــو تحـسب نفسهـــا
ريــم: حــرام عليــج اللـي تتكلمـيــن عنهـــا صــديقـتـج روح بـالـروح
طيـف: وليـش هـي مـا تفكــر جــذي؟
ريــــم: تبيــن الصــراحــه هــي متعــوده تشـــوفـج تـنـظـرينهـــا ويمكــن ألحـيــن هي تحـس إنــج تخليتــي عنهـــا عشــان واحـــد مشهـــور
طيف: لا تضحكينــي ريــم لـو كـان فنـانهـا ألحـين حـاضر كـان بتشــوفينهـــا مــن الصبـــح واقفــــه
ريـــم: شــو دراج لا تحكميـــن عليهـــا عـلى شـيء بعـده مــا أستــــوى
ظلت ســاكتـــه طيـــف
ريـــم: يــاللـــه قـــومي خلينـــا نـراضيهــــا
قــامــت طيــف مــع ريـــم وراحــــن صــــوب الكــافتيــريــا

وهنـــاكـ مـنـى طلعــت حــرتهـــا عــلى عنــــود اللـي يـــوم شــافتهـــا يــالســـه لحــالهـــا راحــت عنـدهـــا وقبــل لا تقـــول شـــيء منـــى وبختهــــا
منــى: لا تظنيــن إنــي مـن البنـــات اللـي مثـلـج مــا عنــدي هــالســوالــف ,,
احتــرمــي نفســـج وانجلعــــي مـــن هنـــــا

عنــــود حســت بالـفشــلــه وطلعـــت معصبــه وطبعــا ربعهـــا لحقـــوهــــا
هنــا طلعـــت عنـــود وهنـــا دخلــت طيـــف وريـــــم ومنــــى أول مـا شــافتهــم شــلـت بعمـــرهـــا وطلعـــــت ... مــا ســـوت لهــــم ســـالفـــــه أبــــــدا

طيـــف: شفتيهــــا ولا كـأنـا مــوجــوديــن جــدامهــــا
ريــم مستغــربـــه: بصــراحـــه متـفـاجـاه مــن شــيء؟
طيــف: مــن شـــو
ريـــم أشـــرت عــلى طــاولــه اللـــي كــانــت منـــى قــاعـــده فيـــه
صـــدت طيــــف : مــا صـــدق
ريــــم : نـــاويـــه تمتـــن شـــو ؟ هـالــقــد حـلويــات مــاكلـــه

قــاطعتهـــم وحــده مــن البنـــات: مـــب بــس هـــذا يقــولــكم ربيعتــــكم صــرخت عـلى ويـــه عنــــود
طيــف: عنـــود مــا غيــرهـــا
البنــت هــزت راسهـــا بالــموافقـــه وراحــــت عنهــــــم

ريـــم : منـــو هــذي عنــــود
طيــف: البنــت تخبلـــت .. ألحيـــن مـنــو بيمسكــ عنـــــود
ريــــم: إنـــزيــن منـــو هـــذي عنــــود؟
طيــف: هــذي تشــوفينهــــا طيبــه لكــن الحقيقــه تقــول شــيء ثــانـــي
عــادي تنتقــــم مـــن مــنـــى
ريــــم: لا مــا أظــــن
طيـــف: هــع حبيبتــــي تعــالي نقعـــد وأخبـــرج عـــن ســوالفهـــا وضحــأيــاهــــا


اتصـلـت منـــى فـي ســايقهــــم اليـــوم نــاويــه تــرجـع البيـــت بســـرعـــه
مـالهـــا خــاطر فـــي شــــيء .. العصبيــــه واصــل حــــده

تمـــت تتـــــــريــاهـ وصــادفهـــا خـــروج عمـــــر ... هـــو مــا لاحظهــــا
لأنهـــا كــانــت واقفــــــه ورا ...
وهـــو مــاخــذ حـــريتــــه رفــــع يــــده الثـنتـيــن : أخيــــرا مـا بغيــت أخــلــص
طــلــع مفتـــاح سيـــارتـــــه .. فطــاح بطـاقـــه ومــا حـــس

لاحظــت منـــى وتمــت تأفف صــج مـب متفيجــه لشــيء وخــاصــة له بــس لازم تنبهـ
منــى : شــو هـاليـــوم ؟
نــادت عليــه : لــو سمحــت شــيء طــاح مــن جيــبــكـ
صـــد عمـــر وتـــم يطــالعهـــا
مــنــى تتطــالــع يميــن ويســــار: هــذا يطــالــع منــــو؟
صفقــت بيــدهـــا: إيـــه أقــولــك شــيء طــاح من جيبــكـ
انتبــه عمـــر: هـــا ؟ هيــه أعــذرنــي ســرحــت فيــج ؟ شــو كنتــي تقــوليــن؟
منــى في خــاطـرهــا: ســـرح في ؟!
ردت عليه بـدون نفــس : اظــن بطـاقتكـ طـايحـــه على الأرض
صد تحــت : هيــه واللــه .. لقطتـــه وابتســـم لهــا: أشكــرج ولا كــان مــا بــدخــلــونــي اليــوم الاستــديو (وتم يضحـك؟)
مــا اهتمـــت منـــى أبـــدا بـاللــي يقـــولــــه
عمــر: اضحكــي عــلى الأقــل
طـالعتـــه بنــص عيــــن: لأنـــه مــا يضحــكــ وأصــلا هــم يعــرفــونكــ فمستحيــل مــا يــدخـلــونــك
عمــر بعـــده يضحــكـ: هيـــه صــــح

وصــل ســايقهـ كــانــت بتــركــب بـس ســؤال عمــر وقفهـــا:
ليـش مـا سجلتـــي؟

ركبــت السـيــاره: مـا أهتــــم
بشكــل ســريــع قــالهــا: اللـي فـي قلبـي علـى لسـانـي أنتــي عــاجبتنـــي
طــالعتــه بـاستغـــراب
عمــر:هيـــه عــاجبتنـــي وأظن يسمــونــه حــب مــن أول نظــره أول مــا شفتــج شــيء صــار فــي قلبــي
طــربـااااااااااااااااااااااااااااااااخ
صكـت البـاب عــلى ويـــه طلبــت مــن الســايق يتحــــركــ

عمـر ابتســــم: ومــا تتعــامــل بعـــــد ... عيـل أكيــد أختـاري صحيــــح

فـــي السيـــاره
منــى تــرطــن : شــو يحســب نفســـه مـب مـن حســافــه لــو واحــد مشهــور عــالمــي و إن يكـــن كيــف يـجـرأ ويقـــول لــي هــاالكــلام .. قليـ،لـه الحيـــا مـا يستحـــي آآآآآآي يييييييييييييي
طلعــت كـاوكـاو من شنطتهــا وتمــت تـاكـل بعصبيـــه

الســايق: هـذا فيمـس عمــر صـح؟
منـى: بـل حتـى أنتـه تعـــرفـــه ؟
السـأيـق: انــا يشـــوفـــه كـل يــوم الصبـح في المطعــــم
منــى باستغـــراب: مطعــــــم؟ تخـرط عـلي شــو ؟ شــو مـودنــه مطعـــم مـالكــم
السـايق: هــو في يســـوي ريـــوق عنـدنــا يطلب سنـدويـج كيمـــا
منـــى: غلطـــان أنــت يمكـــن مــا هــــو
السـأيـق : واللــه هـــو وايــد يســـوي مصخــره معــانــا وايــد طيب
خلصـت مـن الكـاوكـاو الأول طلعـت الثـانـــــي
السايق: واليوم يسوي مغازله أنتي والله عجيب انا ما يشـوف هـو يسـوي معـازلـه
منـى: اللـي يقـول سـاكـن معــاه ألحيــن , أنطــب اللـه يخليـــكـ
في الجامعه
طيــــف: ويـــن راحـــت
ريـــــم: يمكــــن رجعــــت الكـــلاس
طيــــف: تـــرى تـــونـــا كنــا هنــاكـ ..
ريـــم: أنجــرب يمكــن تكـــون هنـــاكـ
طيــف: نــروح وأمـــرنـــا للـــــه

وصـلت البيـــت ونـــزلــت مــن السيـــاره بعــدمـــا صكــت بــاب السيــاره بقــوه
دحلـت البيــت وبيـــدهـــا كــاوكـــاو
لقـــت أمهـــا يــالســـه سـلمــت عليهـــا مــن البعيـــــد
حطــت المجلــه عـلى صـــوب و وقفـــت بنتهــــا: تعـــالـي أنتـــي شـــو سـالفـتــج؟
مـب متفيجـه الأخت: مـا فينـي شـيء
آمنـــه: تعـــالـــي عنـــدي أول شــــيء
منــى : يمـــه بعـــديــن تــرانــي صـج تعبـانـه
آمنـه بجـديـه: أقــولــج تعـــالـــي

ضربــت الأرض متغصـصـه وراحــت عنـــد أمهــــا . طـالعتهـا امهــا وعلامـات الحيـره عـلى ويهـــا بعـدمـا شـافـت شو اللـي بيـدهـــا
آمنـــه: منــــــــــى؟!
سحبتهـــا ويلستهــــا حـــذالهــــــــــــا
آمنــــه: ممكـــن أعــرف شــو اللـي صــار و تقلبتـــي 180 درجـــه
منـــى: مــا صـار شـــيء
آمنــــه : خــلاص عـلى راحتــــج مــا تبيـــن تقــوليـــن لا تقـــوليـن لأنـي أعـرفـج أنتــي عنيـــده ومــا بتقـــوليـــن لـــي
منــى: خـلاص عيـل أقــــوم
عصبـــت آمنـــه وسحبــت عنهـــا الكــاوكـــاو
آمنــــه: وش فيـــج أنتـي ؟! سمعـي أنـا مـا اعرف شو اللي غيـرج بـس تـأذيـن نفسـج جـذي مـا ارضـى .. إذا أنتـي صـج عـاقـلـه فكـري عـدل اللـي تسـوينـا زيـن ,, تشـوفيـن عـأدلـه تضـريـن نفسـج عـلى اللـي مضـايقنـج
خـذي وقتـج وفكـري تبيـن تـرديـن نفس الأول على راحتـج
قـالت لهـا هـالكـلام وراحــت عنهــــا ...
قعــدت تفكـــر لـدقـايق .. وبعـديـن قــامــت وهــي رايحــه فــرت الكــاوكــاو فــي الـزبـــالـــــه ... وطلعــت كـلــه اللـي فــي شنطتهــــا وعقتــــه

صعــدت لغـــرفتهـــا فصخـــت عبـاتهـــا و تــوجهــت صــوب المنظـــره وتمـــت تتــأمـــل نفسهــــا وتكــلــم نفسهــــا: يستـــاهــــل؟!
بعـــد عنــا اللـي عــانيتـــه عشـــان أخـف وزنــــي , وألحيــن أخــرب نفســـي عشـــانـــه , لا لا صــدقهـــا أمـــي مـ ب عـدلـه أضـ ـر نفـ ـسـي عشــانـ ــه ,

وقفــت وشـدة ظهــرهــ ــا وبكـ ــل الثقـه قـ ـالـت: اليـوم أنــا منــى سعيـــد مــا بتضــر نفسهـــا عشــان شـــيء مــا يســــوى ومـا بـرضـى أحــد يقـلل مـن شـأنــي
هيـه نعــــم

فـي الجـامعـــه
طيــف: ابـــوي شكلهـــا محــد وأنـا تعبــت كثـر مــا أدورهـــا
ريــــم: يمكـــن رجعـــت البيــــت
طيــف: عـلى طـاري البيـــت عــادي أخـــوي يـوصـل فـي أي وقــــت
ريـــم: في حفظ اللـه عيـــل واللـه يـوفقـج مـع طيـف
طيـف: اللـه يسـمع منـج تعـالـي أنتــي مـب رايـحـه؟
ريـــم: لا بـروح المكـتـبــه عنـدي بحـوث لازم اخلصهـــم
طيــف: اسمحــي لــي ضيعــت مــن وقتـــج
ريـــم : لا تــزعليــنــي عـــاد

ودعـــت ريـــم وراحـــت عنــد مــوقــف السيــاييـــر , ولقــت أخــوهـــا يتــريـــاهـــأ .. ركبـــت السيــاره سلمــت عليـــه وتمـــت ســـاكتـــه

سعـــود" يطــالـعهــا ويطــالـع بـــرع , اليــوم ريـــم مـــب معــاهــــا
انتبهــــت عـــلى أخــوهــــا : أدور عــلى منــــو؟
سعــــود: هـــا؟ لا بـس ويـــن ربعـــج اليــــوم؟
طيــف : ريــم عنــدهـــا بحــث في المكتبـــه (بضيق):ومنــى رجعـــت قبــلــي
سعـــود: أيـــــــــــــــوا

فــي بيـــت سعيــــد

مـنــى بعــدمــا خلصــت مــن السبــاحـــه ,, حــســت نفسهـــا فــريـش والابتســامــه رجعــت لهــــا
رجعــت تشــوف نفسهـــا عـلى المنظـره: يــااااااي هذي منى ولا بلاش ,, قربت ويهـا عـلى المنظـره أكثـر: فـديـت هـالـويـــه

طلعــت مــن غـرفتهـــا وراحـــت عنــد أمهـــا .. فتحــت الـبـاب ويـوم لقــت أمهـــا واقفــــه ركضــت وضمتهـــا
منــى: صــدقتــي الحيـاه حـلوه ولازم مـا نضيعهــا عـلى أحـزانــا
ارتاحت واستانست يوم سمعت الكلام اللي طالع من لسان بنتها .. باست راسها وضمتها مره ثانيه


بعد ما خلص مشواره رجع البـيـــت وحــط راســه عـلى المـوســده والضحكــه مــا كــانــت تفــارقــــه بـالـأخـص نقـدر نقــول صـورة منــى مـب راضيـه تتـركـ ذاكـرتــه

عمـر: كيـف كيـف ؟ يـا أخـي خلاص دخـلـت قلـبي
خخخخخ تضحكنـي بس شكلهــا عصبيـــه , لا مـا اظـن أكيـد كـانت معصبـه مـن ههههـــــــأي تعــرف تنكــت بعـــد

رن تلفونه فـز من مكـانـه
عمــر: بـل منو هـذا اللي ما يستحي وقطع أحلى افكار
شاف تلفونه وكان اخووووه محمد

عمـر: هـــــلا واللـــــه بالعــــــم والخال وهلي كلهم


في بيت سعيد
في غرفتها يالسه تفكر كيف تصلح الامور مع طيف وتعتذر منها
فجتهــا فكــره قــامــت واتصــلــت لهــــا

طيـف شـافـت منو المتصل .. مـا ردت وصكت على ويهــا

منى: بـل صكـت عـلى ويهــي
رجعــت أدق لهـــا .. وبعـد مـره ثـانيـه صكـت على ويهــا

طرشت لها مسج : أخبـرج عن التغـلي زايــد ردي علي
عندي لـج عرض ما يتفـوت على كيفج والله

بدال ما تترك منى ادق هي دقت لهـا
طيف أونهـا زعلانه: نعـــم؟!
منى تضحك:خخخخ يا أم الفضول نقطه ضعفج الفضول
طيف بعدت الموبايل من إذنها وضحكت وبعدين رجعت لوضعها: شو عندج اختصري
منى: اونه الحلوه زعلانه
طيف:بعد اللي سويتي فيني ما تبيني ازعل
منى: واااااي انتي ترى حتى انتي بعد ضربتي فيني خيانه
طيف: بس ما يستاهل تسوين كل هذا
منى: كنت مضايقه من شيء وانتي ضايقتيني أكثر
طيف: حسيت بعدما شفت الدكان مال حلويات خلص قلت أكيد منى فيها شيء خطير
منى: دكان مال الحلويات؟؟
طيف: هيه بعد شو أكيد طفتي على كلهم
منى:خخخخخخ وياء ويهج إنزين سمعيني عدل أنتي مب في خاطرج نطلع بروحنا
طيف:هيه
منى:خلاص بنطلع
طيف:والله .. يعني بروحنا ما تبين سعود يودينا
منى: لا بس أنا وانتي .. انا وانتي اوجي؟
طيف تحمست: أوجي أوجي
منى: خلاص عيل بعد صلاة المغرب
طيف: يااااااهــــو بس وين
منى: يوم بنطلع بنفكر
طيف: أحبــــــــــــــــــج مــــــــــــــوت وآه لو تــدرين باللـي داخـلـي
منى: ههههه خربتي الاغنيه مب كأنها أغنيه يوري الراقد
طيف:ههههه ذاك أول ألحين هذا توه طالع من تأليفي
منى:خخخخخخخخخ
طيف:خخخخخخخخخخخخخ

ورجعــت الميــاه لمجــاريهـــــــــــــــا .....

بعد صلاة المغرب
منى اليوم غير اليوم البنت مستانسه ومتحمسه منى اللي كانت ما تهتم لمظهرها صارت تهتم لكنها مب ناويه تبالغ
لبست تنوره بنيه ومن تحت مخطط بكـركاش خفيف جدا بلون بني فاتح
وعلى تنوره خطوط بالطول وبلون بني فاتح مع حزام بني
وقميص بلون بني وتحت عليه خطوط بني فاتح
مكياج خفيف بودره وروج وردي وطبعا الجحال

نزلت وعباتهــا بيـدهـــا وقفــت في نص الـدري
وبصـوت عالي : إنتبــاه إنتبـــاه ست الحسن والجمال الأميره منى بتنزل ألحين
آمنه وسعيد يطالعون بعض مب مصدقين هذي بنتهم منى

نزلت منى بكل دلع ورقه مره تبتسم لهم ومره ترفع يدهـا وتلوح
اونه للحاضرين

راحب صوب امهـا وأبـوهــا وانحـنت لهم مثل الأميرات : ها شو رايكــــم فيني؟
آمنه مسكت بيد بنتها وتمت أدورهـا: ما شاءالله ما شاءالله أنتي متأكده إنج مني ما غيرها
سعيد: تعالي أشوفج عدل
بعدما شافها : هيه هذي منى
آمنه:أكيد هذي بنتـنـا (طالعتهـا): منى وين كنتي خاشه كل هالجمال
منى:ممممم هو كان موجود بس أنتوا ما لاحظتوا يوم أقول كبرتوا في العمر
سعيد: ردت وقالت كبرتوا أنتي ليش حاطه دووبج في دووب عمرنا
منى: بس جذي عاجبني
مطت إذنهـــا: مثل ما تغير ويهج لو يتغير لسانج بعد كان أحسن
منى: آآآخ أمايه خلي إذني عن يكبر مثل إذنج
رصت عليها زيــاده
سعيد: يا حرمه خليها .. بعدين الريل ما بيختارها إذا شاف إذنهــا كبير
آمنه تركت إذنهــا وبزعل: أنت بعد معاها
سعيد: وووييي بعض الناس زعلوا
منى: لا لا ما ارضى أحد يزعل أمي الغاليه
باستهـــا على خدهـــــا
آمنه:فــديتـــج والله
رن تلفون منى وكانت طيف اللي متصله ... باستهم بسرعه وطلعت من عندهم

وصلت بيتكـم طيـف ونـزلت بســرعــه ... دقــت عـلى جـرسهـــم ..
منى:وينهــا رغم إني متصله لهــا
دقــت مــره ثـــانيــــه .. وأول مـا سمعــت صـــوت سعــــود: يقــول إنــزيــن إنــزين

خفق قلبهـــا حطت يدهــا على قلبهــــا: بلاك مب قايليين بننـسـاه
قلبهــا: هيه بس يباله وقت
منى: صحيح معذور بس لازم نكون طبيعيين

فتح سعود الباب ورفعت عينهـا من قلبها بسرعه .. ابتسمت له: هلا سعود وين اختك أخـرتنـي من الله لازم نرجع أول ما يأذن صلاة العشا

سعود قاطعهــا: منـــى؟؟؟!!!
منى رفعت حواجبهـا: وش فيك قـوم خلني ادخل وامط شعر أختك
دخلت وهو ظل واقف على الباب .. منى تمت تتطالع بالخش وتضحك:بلاه مب مصدق شو؟
ركضت لغرفة طيف
سعود: معقوله هذي منى؟ لا ما صدق .. ماشاءالله صايره حلوه
صك الباب ورجع يقعد في الصاله

أما منى فسحبت طيف لبرع
منى: يالله تأخرنا
طيف تقفل باب غرفتهـا: إنزين إنزين
منى: بروح اسلم على أمج وابوج وينهم؟
طيف: محد طالعين
منى: يالله عيل إنزين .. إلي يقول ألحين ملاييين الدنيا فيه
طيف:إإإإإيه منج .. طووووفي

نزلن وهم رايحات : مع السلامه سعود
سعود: لا تتأخـــرون
طيف: إن شاءالله (صكت الباب)

في السياره
طيف: خليني أطالعج يو يو شو ها ؟ شو ها؟
منى: ههههه وين تبين أصبري إنزين ما تشوفين السايق شو؟
طيف: لا مستغربه الصراحه وإلي مستغربه من أكثر ما سويتي سالفه لسعود
منى: سعود؟؟

في المطعم في مركز تسوق
طيف:جذي السالفه يعني؟؟
منى تهز راسه بالموافقه
طيف: طلع يحب ريم (وبكل حنيه):واااااااااي على حبيبة قلبي كنتي تعانين وأنا ما عندي خبر
منى: وأنتي كيف بتعرفين يوم انا ما قلت لج
طيف:هيه صح؟
منى: ما علينا اللي صار صار وانا إنسانه قويه وما أحب اعور قلبي على شيء مب لي
طيف: عفيا عليج هذا اللي أتوقعه من صديقتي القويه منى
منى: خلنا نطلب شيء عندي لج شيء عن مذيعج الصايع عمر
طيف: صايع؟؟ شو ؟ شو؟
منى: أول شيء نطلب
طيف: لا خبريني ألحين
منى:وش فيج أقولج أول شيء نطلب

بعدما طلبن طيف أصرت منى تخبرهــا
ويوم خبرتهـــا منـى بكل شيء فجت حلقهـــا طيف من الدهشه
منى: إيه فضيحه صكي حلجج
تداركت طيف وصكت حلجها وبكل حسره: وليش ما كنت معاج خساره
منى: إنتي من صدقج
طيف: هيه هذا كان لازم يصير لي أنا
منى: يعني أنتي عاجبنج سالفة التحرش
طيف: إذا عمر ما غيره فما عندي مانع .. انا ضيعت فرصة اشتراكي معاه وبعد ضيعت ألتقي معاه ويه بويه
منى: ضيعتي عشاني صح؟ آسفه حبيبتي
طيف: يفداج حياتي يفداج

يوم وصل الطعام انشغلوا بـالـأكل ... وبسوالفهــــم ... هنا نخليهـــم على حالهــم
ونــروح لسعــــود اللي يحاول يكلم أمه عن ريـــــم
سعـــود: أم سعود
أم سعود: هلا
سعــــود: أنتي ما تبين تفرحين بعرسي
أم سعود: أكيد حبيبي هذا حلم حياتي
سعــود: إنزين وإن قلت لج شفت لي وحده
أم سعود: أقولك ألحين بروح أخطبهــــا لك
ضحك سعود: ألحين خخخخ مو وقته
أم سعود: إنزين ما قلت لي منو هذي سعيدة الحظ
سعود: إنهـــا ريــــم
أم سعود:ريم؟؟
سعود: هيه ريم بنت جيرانا
أم سعود: والله ونعم الأختيار .. ألحين بروح ألبس عباتي وأكلم أمهــا
سعود: كان ودي بس الوضع ما يساعد روحي لهم في وقت مناسب
بس يمه تظنين بوافقون؟
أم سعود: أكيد حبيبي وليش ما يوافقوووون وفي أحسن من الغالي سعود
حضن أمه وباس راسهــــا

الشله في بيت عمر يالسين يدقون سوالف في الصاله
قام يوسف وشغل على التلفزيون
عمر: شوو تتريا؟
يوسف: برنامج مسابقه بين الناس
عمر: من صدقك تتطالع هالبرنامج؟
يوسف:هيه يضحك أقولك أسئله سهله وما يعرفون ومرات أجوبتهم تضحك
وأشياء حلوه بعد فيه
عمر: والله نشوف عيل معاك
الكل ترك اشغالهم وقعدوا كلهم على أريكه وحده
يوسف: جسوم اقعد تحت
جسوم: لا إلا اقعد قوفك انت مقعد مريح
عمر:هههههه عن يموت علينا
نزل عمر وقعد تحت وعطا المجال لجسوم
يوسف: رحمتنا يا ريال
عمر: هههههههه
عيسى: حتى أنا أعرف الجواب
يوسف:شو إنزين
عيسى: بقولك بعد ما بقول المذيع
يوسف: تقص علينا شو؟
عمر: أصلا ما يعرف
جاسم: اونه عاد
عيسى: اعرف بس اصبروا علي
ويوم جاوب المذيع قال كنت متوقع هذا الجواب
الكل نقع عليه من الضحك

المذيع: ياكل ولا يشبع
يوسف: النار يا غبي النار
عمر: صج غبي الجواب حتى الياهل يعرفه
جسوم: عطني الفراخ
عيسى وهو يعطي الفراخ لجسوم: يمكن ما يكون نار
عمر: هذا السؤال أيام أجدادنا

يوسف: شوفوا هالغبيه بعد ماتعرف الجواب
عمر يوم دقق استغرب

في تلفزيون
منى: ياكل ولا يشبع شو هالسؤال
جسوم: كان ذكيه جاوبي عيل
منى: أكيد النار
عيسى: وييي طلعت ذكيه
يوسف: مايباله ذكاء
عمر في خاطره:هذي مب كأنهـا منى؟
هيه هي أكيد متأكد

المذيع:مبروووك ربحتي تذكرة سفر لشخصين
طيف:تذكرة سفر على جواب بسيط
منى: بلاج أنتي عندهم خير وايد ما فيها شيء إذا عطونا

عيسى وجسوم:خخخخخ نكيته بعد
يوسف: بصراحه حلوه
جسوم ياكل الفراخ: لو يعيدون المشهد مره ثانيه جان زين
عيسى: هيه والله
قام عمر فجأه
يوسف: وش فيك؟
عمر: هذي حرمة ربيعكم عمر في المستقبل
عيسى: ويقولون أنا الغبي شوفوا هذا توها شايفنها وسواها حرمته
يوسف: خخخخ هيه والله شو عندك أقعد
عمر: أنا أتكلم جد
جسوم: اقعد يا عم الجد وين وانت وين؟
عمر: أقولكم االصدق أعرفها اسمها منى
يوسف: لا تقص علينا توها قايله أسمهـا
عمر: إنزين وقالت إنها تدرس في جامعه وتخصصها الاعلام وهذي آخر سنه لهـا
عيوناتهم توسعت
وجسوم فاج حلجه والفراخ عالق بيده
يوسف: يعني أنت صدق تعرفها
عمر: وأنا شو اتكلم من مساعه هندي
كلهم سحبوا وقعدوا على الارض
عيسى: وين وين شفتها
جسوم: كيف خبرنا
يوسف: لحظه خلو الولد يتنفس
عمر تنفس : الله يسلمكم ........................... جذي السالفه

يوسف: ايوا وخلاص يعني ناوي تكون زوجتك في المستقبل
عمر: نعم زوجة عمر المذيع المشهور
جسوم: لا حول رجع لتكبره
صربه عمر على الراس: أنا مب متكبر
يوسف: وألحين شو ناوي تسوي؟
عمر: ما ادري شكلها مب من نوع اللي يرضى بسهوله
عيسى يهمس لجسوم: عرف شخصيتها بعد
جسوم:خخخخ

يوسف: سهله اخطبها من أهلها أكيد بتوافق
عمر: لا أنا مع الحب قبل الزواج لازم يكون بينا حب ونتأكد إنه بنقدر نعيش مع بعض بالخير لسنين طويله
يوسف: على راحتك يا عم


اول ما أذن العشا طلعوا من المركز التسوق