السلام عليكم بنات ..... أتمنى أن تكونون بخير

والله أنا مستحيه منكم .... ومضايقه مثلكم من عدم نزول أجزاء جديده للقصه
بس والله كل هذا مو بيدي ... الكاتبه هي إللى موقفه الكتابه بالوقت الحالي ..........تقول أنها مشغوله بالدراسه .... الانها بسنه نهائيه وماتبي شيئ يشغلها عن دراستها ..... والله وحتي المنتدا الأصلي إلي تكتب فيه قافله القصه للسبب ذاته ..... أدعولها بالتوفيق والله يحقق مبتغاها
وصدقوني أول ماتنزل جز جديد يكون عندكم على طول .... وأنشالله ماتأخر عليكم


أختكم :وهايب

السلام عليكم


أبشركم بنات ....... الجز الثامن والأربعين .... نزلته الكاتبه

الحلقه الثامنه والأربعـون

سارا ..
تجمدت من البرد بقميصي القصير هذا ... ببيتنا الدافي كان عادي البسه بس هنا مايصلح ابداً .. الأرض سيراميك وبارده مره مافيه أي تدفيـــه ... دورت شنطتي وبالأخير لقيتها بالغرفه الثانيه مو اللي كان فيها نايم الوحـش .. فتحت لقيت ملابسـي ياربي مين اللي رتبها وحطها لي يعني خواتي كانوا داريــــن .. انا شفت الشنطه وهو يشيلها وعرفتها هذي شنطة ضحى اللي كانت تأخذها لما كانت بالقريه ...
خواتي يعرفون ولا مارتبوا لي الشنطه لااا ماأصدق ان خواتي تخلوا عني اكيد هو قال لهم انها زوجتي وخلاص بأخذها ولاخواتي مستحيل يتخلون عني ... ملاك اكيد بتجنن بعدي وانا بعد بنجــــن من غيرهاا .. بس ليش كل هذا ...
ليش اخذني بهالطريقه اللي تقهـــر لأنه متوحش غبي مو غريبه عليه هالحركـات ...
سحبت بنطلوني الجينز اللي مقطوع تحت الركبه من كثر الأستعمال ... ومعه التي شيرت الأورنج بالأصفر اللي عند ملاك مثـله ...
ضميت التي شيرت بحب لصدري .. بس آآه وش ذا .. هذا تي شـيرت ملاك مو حقــــــــي ..ضمته اكثر واكثر وقطعته من البووس هذا اللي بقى لي من توأمــــــي الله لايحرمني منهــــا ..
غيرت ملابسي ... ولبست فوق تي شيرتي جاكيت جينز ...
كنت مره بردانه ... الوقت المغرب تقريباً ياربي بموت من الرعب اخاف اجلس بمكان لحالي وخصوصاً بمثل هالوقت والمكاااان يووحش واصلاً ماعمري جربت اجلس لحالي دايــــــم ملاك معي بكل مكااان .. واللحين اذا ماجلست لحالي بيكون الوحش معايه ...
سحبت البطانيه لأني بديت ارتجف كنت جالسه على الأرض ومتركيه على السرير تلحفت فيها وجلست محتاره مأدري وش اسوي خايفه وطفشانه وفيني الصيحـــه ..
شوي شوي بديت اغفي وفجأه سمعت صرخه صحيت ولقيت قيس جالس يخنق ملاك اختي ....
صرخت فكهاااا اتركهاااااا اختييي ملاااااك اتركهااا بس هو ماهمه كان جالس يخنق فيها ويخنق وانااا ابكي ...
خلاااص بس اتركهاااا يامتخلف اترك اختــي ...
***
دخل الشقه على صراخها اللي يسمعه يجزم انها جالسه تخانق مع احد وصراخها هذا صدقي ... مو مثل ماكان حلم ..دخل عليها الغرفه لقاها متكومه تحت البطانيه وجالسه وتصرخ بالكلاااام اللي دخل عليه ... من هذا اللي تحلم فيه وتبغاه يترك اختهااااا كان كلامهاعجيب مرررره ...
هزها لين فتحت عيونها وسط صراخها :انهبلتي انتي .. اعقلي ولاترى شهار يرحب بأشكالك ....
رمى بطانيتها عليها وطلع من الغرفه ....
شغل التلفزيون وولع له سيجاره .. يسوي اللي قالته امـه يعني .... حفله بعد رجعتهم بتكون غطى مثل ماقالت عن أي كلام ممكن يطلع عليهم ...
ههههه ضحك على كلمة امه يعني وش بيطلع عليهم قيس ماقدر يصـبر عن ليلى آآآه هههه بس آآآه ... لوتدرين يمه وش الحقـيقه آآآه بس لو تدرين كان تفلتي بوجهه ولدك وطردتيه من حيــــاتك كلهــــا ... ولدك المجنون عاشق الشحاده ...
آآآه يمه الله سويته انجس من ان بتفكيـرك الطاهر تفهميــــــــنه ...
اللي سويته واللي جالس اسويه واللي مصــــــر عليه مايسويه رجالل عاااقل بس اظل حقيـر خبيث ومرادي اخبـــــث ...
ولا من هو اللي متزوج وحده ويفكر بأختهــا وتوأمهااا بعد غير رجااال معدوم الرجـــوله ...


***
ميشو
من الحماقه مايحدث ...
هل تعلمون أن هروبي متوقف على موافقة ذالك الجرذ مالك ... أجل هذا مايحدث ....فهو الوصـي عليناااا ...
وهكذا تسخر مني الحـياه ..
قيدي وسجني .. نجاتي وحريتـــي ... بيد مالك شقـيقي الذي يراني أسفل من عاهـــره .. هل تتوقعون ان يسهل امر زواجي من شخص اخـــر ...
أم سيكون متعاطف مع شخص من جنسه ... وسيرى أنه من الظلم ان يربط مصير ذالك الشخص مع عاهــرة مثـلي..
هل سينقذه منــــــــي ...
يألهي يال سوداوية افكاري ... مالك بالتأكيد لاشأن له بالشخص الأخر .....
لأعلم ماذا اصابني لاأستطيع التفكـــير ..... ربما بسبب مصيري المتعلق بهذا الزواج اصبحت أرى انه لن يتم بسهـــوله وستقف جميع الظروف بوجهي حتى لايتحقق هروبـــــــي ..
ميشو :يال غبائي ..
وعد :الحمدالله والشكر حتى مع نفسها تكلم فصحــى ...
اوووه ماذا تريد هذه الطفيليه ...
ميشو :ابتعدي عن سمائي فبتواجدك قريب تسببي لي الكثير من الكوارث ...
وعد :كوارث تسمعين بالحرب انتي كثير وش دخل كوارث وسماك بسالفتنا قسم بالله ان فيوزاتك ظاربه .... بس غريبه للحين مانفشت شفايفك وخدودك ...
ميشو:وماشأنك بشفايفي وخدودي ...
وعد :وععععع مو حلوين صايره مثل شيماء علي ..
ميشو :ومن هذه معلمة التاريخ ...
وعد :لو انتي الصادقه معلمة الملاغـه والمصاخه .. الا صدق ميشو بسألك سؤال بس بليز لاتعصبين ولاليش اصلاً انتي ماتعرفين تعصبين صح ...
ميشو :هل ستقولين مالديك ام اصمتي ..
وعد :وانتي ليش معصبه ترى للحين ماقلت شـي اوووف طلعت تعصب هي ووجهها بعد .. بسألك اللحين تلفون وش اسوي فيــــه ..
ميشو :هاتف ماذا ..
وعد:هاتفنا شايفه عندنا الف هاتف .... يعععع مو لايقه عليه هاتف احس اني بافلام كرتون المهم .. الدوبية شدن قطعته وش اسوي اذا دق علينا احد ولااحدات مثل صديقتك ام صوت مرعب ...
ميشو :لاتفعلي شي فقط ضعيه امامك وحدقي به ربمـا يُصلح نفسه بنفسـه ...
صرخت تلك الخرقاء بطريقه مزعجه ... وهي تحدق بي بغضب ..
وعد :شوفي انا هبلا بس ماني مجنونه والله هذا اللي ناقصه تضحكين علي سارا وملاااك .....
وفجأه هزت راسها وقد تحولت ملامحهاا للبؤس...
وعد :لااعاادي خليني اصير مجنونه وين سارا وملاك عشان يضحكون علي ...
ياءلهي مااقسى هذه الحياااه التي جعلت من طفله كوعد بمنتهى البؤس ....






سارا

اندسيت تحت البطانيه انا ترتجف وش يبغى الوحش من ملاك... وش هالحلم ... موكفايه أنا ليش ملاااااك بالحلم ...اكيد هذا الم ملااااك.. هو يوم فرقنا عن بعض ذبح ملاااك وألمهااا ..
آآآه ياملاااااك اشتقت لك حيييييييييييل ياليتك عندي ماكان حسيت بهالخوف من الووووحشششش ..
ياربي ليش يصـيرلي كذا متى بينتهي هالكابوس ملييييت ملييييييييت منه ... يارب ارحمني وش الحياه اللي كلها خوف ورعب ودي انام ليله متهنيـــــه ... طول عمري بشقاء وخوف ورعب وقلة امــــاااااااان ....
ملليييت الخوف ملييت الوحش ابغى احس بأمان ابغى خواااتي ابغــــــــى ملااااااااك ....اللي معهااا مأحس بالخوف .. ليه اناااا هنا لوحــدي ... لي هالحـياه ... ليه ياربي .. ياررررب ارحمني يارب ارحمني يارب ارحمني مللليت العذاب ....
يارب لو بتبقى حياتي كذا عذاب بعذاب يارررب موتي ارحــــــــــم ..




ملاك
كنت ادور بالصاله مثل المجنونه ماني قادره استحملللل كيييف هم عايشين حياتهم وناسين سااارراا .. سارراا تتعذب مع الوحش وهم يضحكــون هنااا ولاكأن لهم اخت اسم ســـــــارا ...
ياليتني مت قبل ماأشوف خواتي كذا يوم نسوا شهــد قلت لأنها حيوانه تستاهل بس سارا كيف ينسونها وهي اللي كانت تحبهم وتخاف عليهم اكثر من نفسهاااا ..
سارا ضحكة هالبيت وبهجته كيف ينسونهااا كيييييف ..
وعد :اهجدي اقضبي ارضك خليني اعرف اصلح هالتلفــــــون ...
ناظرتها بأحتقار وكملت مشيي كنت بموت ماني قاااادره خلااااص انتهى صبري ماني قاااادره اجلس لحضه بدون سااارا ..
صرخت بقهــــــــري ..
ملااك :ابي ساااااااااااار جيبوا لللييي سااااااااارااا ..الله يأخذكم ان شاء الله انقلعــــــوا وهاتوا لي سااااااااارااا ...
هند :ملااك وش نسوي من وين نجيبهــا ان رحت لهم العصر يقولون سافروا وش نسوي انتظري لين ترجع وهي بنفسها بتجينااا ...
ملاك :انتظر الين متى انتوا ماتفهــــــــمون سارااا مع الوحش وتبغوني اصبـــــــــر .حسبي الله عليكم حسبــــي الله عليكم ..
طلعت لغرفتنا انا وسارا وانا ادعي عليهـــــــــــــــــم ... قفلت الباب ورميت نفسي على فراش ساااارا اضمـــه واشم فيه ريحة صاحبته ...وانا ابكي قهر وضيم من اللي قاعد يصير لناااا ..

ضحى
طلعت من غرفتي بعد ماتمالكت نفسي بعد صدمة سارا وانسحاب عســـــاف ... خلااص اللي راحـوا راحـوا .. واللحين ببدأ حياة جديده ...
جلست بأقرب مقعد واجهني بالصاله واناااا منتبه على كلام خواتي اللي تحول لصمـت من دخــــــــــلت ...
ضحى :شوق سويلي عصير ليمـــــــون ...
وسالت وعد اللي حاطه التلفون بحضنها وتعبث فيه ..
ضحى :وش تسوين انتي ..
صدت عني وكأنها ماراح ترد ثم جاااوبت وحمدت ربي لأني ماكنت بتحمــــــل لو خواتي رجعوا يجافوني كفايه علي ملاااك ..
وعد :خربااان قطعته الحيوانه شدن ...
ضحى :بدون الفاظ شوارع وهاتي اشوف وش فيه ..
رمته على الأرض وهي تقول ..
وعد :ماراح يصلح لازم نجيب واحــــد جديد صح ميشو ..
ياسلااام من متى صارت وعد وميشو على وفاق ..
ميشو :هذا ماأراه ..
شدن :اصلاً انا من البدايه قلت بقول لبابا ويجيب لنا تلفون جديد صح ماما ..
ضحى :لاااموو صح وخلااص انسي ابوك لأنه خلااص طلع من حياتنا
فتحت شدن عيونهااا على الأخيـــــر وهي تسأل ..
شدن :كيف طلع من حياتنا ماااات ...
ضحى :الله لاااااايقوله .....
قلتها بحده طلعت عني غصب ... انا مأتمنى موت عساف مهمااا كان ومهما سوى فيني مأتصور حياتي من دونه ... حتى لو رفضته وطردته من حياااتي يبقى موجود وممكن يرجع لحياتي بأي وقت بأذني او بدونه ...
بس مايختفى كليـاً من عالم الأحيــــاء ..
للحين أبغاك ياعساف حــــي بس خوفي ومصدر قلقي اني احتاجك بيوم وماألقاك واتمناااك ساعتهــــــا مييت ....

عسـاف
تحملت الجفـــا وتجرعت الظلم والأجحاااف وأنا صااابر .. طردتني كثير ومااا نسحبت .. بس بأخر مره ماتحملت شفت الكره بعيـــــونها كان كلااامها سكاكين تقطع بقلـــــبيي .. مأدري وش تحسبني هالأنسـانه ...
معقوله لهدرجه ماأعني لهااا ولاشـــي .. كل اللي سويته ماغيـر فيهــا شـي ...
ماحست بحبي لها مع كل اللي بذلته عشــــانهاااا ..
نست سواياااي يوم لقيت صورهااا بكل مكــان واللي مايسويها رجال ثاني ...
نست الأيام اللي قضيتها سهران عليــــها وهي مريضه .. لو غيري رماها ببيت اهلها وولاسأل فيهـــــا ..
ناكرة الجميــــــــل .. قلبها مثل الصخــر كنت عارف انها مستحيل تسامحني بس كنت انتظر تصير معجزه وتلين قلبهـــا ...بس القاسي يبقى قاســــــي ... اذا موت ابوهااا ماحنن قلبها ومانزلت عليه دمعه ... انسانه مثل هذي مستحيل تذكرني او تذكرشي سويته عشااانهااا الجفااا وانعدام الحنان والحب اللي ماذاقته بحيااااتها قســـــى قلبهااا لين صار مثل الصخـر ...
كنت اظن اني بحبي لها بغيــرهااا بس فشـــــلت اويمكن اني مابذلت اللي يحنن قلبهــــاااا ...
غلطان اللي قال المـره ماتقاااوم الحب والحنــــــــااان .. لأني شفــت مررره حديديه قاومت كل شـي بذلته عشانها ورمتـــه بوجــهييي ...
انسـانه حاطه كرامتهااا فووق كل شــــي وكبريائهاااا دمرهااا ودمــــــــــرني ....
تذكرت اخر كلماااتهااااا بس بموتهااا ماأسويهااااااا ماراح اتركها لو وش ابتعد ايه بس اتركهاااا .. لااابغيب لين تعررف قيمـتي وبعدهااا برجع لهااااا وبنشوف اذا بتقدر تعيـش من غير حبـي ...
انا عارف ان فيه امور كثيره مرت عليهااا ماكنت بتقدر تعداها لو ماكنت جنبهاااااا وتكاابر يوم تقول انهاااااقويه من غيررري . مصيرها تعرف قيمتي وتعرف اهميتي بحياتهـااا ..



سارا
تدرون قمة الجنووون انك تضحك بوقت ودك تبكـــــي فيه ...
اناااا كذا اضحك وخاطري ابكــــــي من اللي قاعد يصـير فيني ..
وحالي المجنـــون اللي لوتدوروا الدنيا كلهــا مابتلاقوا انسان حاله مثل حالـــــي ..
بدون اسـباااب انا حياتي مجنونه.. اعيش مع عدوي ههههههههههه هو عدوي وهو صديقي ...
اكيد بيكون صديقـــي وسط كل هالناااس اللي ماأعرفهم تصدقون اني اللحين متمسكـــه بذراع قيس تضحكون صح مانتم مصدقين بس صدقواااا صدقوااا لأن الجنون بحياتي توه يبدأ ...
كنت نايمه صحيت وهي يجمع الملااابس ويرميها بالشنطه زي المجنووون كنت خااايفه موووت من وجــــــوده ...
لف علي وطالعني وكأنه هو خايف بعد بس اكيد ماهو خايف مني ...
قيس :امــــــي تعباااانه بنرجع للرياض ......
وشال الشنطه اللي معي ومد يده لي وهو يقول ..
قيس :يالله بسرعه البسي عباااتك بنروووح .......
والله مأدري وش سويت مالقيت نفسي الااا بسيارة أجـــره .. سألت نفسي ألف مره وين سيارته بس ماتجرأت اسأله اصلاً كنت لاصقه عند باب وهو عند الباب الثاني .. طول الطريق وهو يتصل يكلم أخوانه ويصرخ عليهم .....
كنت ارتجف خايفه حتى اتنفس وفجأه صرخ علي وأنا ماني متوقعه انه منتبه علي حتى ......
قيس :ليش تتراجفين من ايش خايفه انتي انااا ماأكل .... وش هالخوف مني احد قايل لك انيي مو بشـــــــري ...
كااان يصارخ علي ولامهتم انا بالشاارع ..... ماني مصدقه نفسي اني ماني خايفه لدرجة اني افكر بهالأمور التافه بوجود الوحش وانا بوجوده كنت انسى حتى اتنفـــــــس ...
شووي ووصلنا الشي اللي ماتوقعته... المطـــــــار ..... بنسافر بالطيااره ليش مافكرت حتى اسأل..؟!... بركب الطـياره ماني مصدقه نفسي ولاحتى ملاااك ووعد وباقي خواتي راح يصدقون اني ركبت طيـــاره..
اول مااانزلنا من التاكسي مسكني بقوه مع يدي وشبك ذراعه بذراعـــــي ودخلنااا بسرعه ربع ساااعه وكنا محلقين بالسمـاء ماخفت ماأرتبكت ولابطني اوجعني بالعكس كنت برقص من الفرحه وانا حس نفسي طايره بس ماسكه نفسي لأضحك ويسمعني الوحش .... ويمكن يذبحني لأني ماراعيت شعوره امه مريضه وانا مبسوطه ......
كان مرجعه راسه على ورى ومغطي وجهه بالشماغ كنت احسبه نايم واخذه راحتي باللعب واتعبث بكل شــي ...
ماحسيت الا بيد تمسكني كنت بصرخ بس صوته اللي وصلني هداني .. تسمعون وش اقول صوته هداني .. يعني فيه شي ممكن يرعبني اكثر منه ..
قيس :مثل البزران كل شي تجربينه لاتعبثين هذي طياره مو باص المدرسه......
مسكت لساني ولاكنت برد عليه رد قوي الحمدالله اني مسكت نفسي ولاا يمكن يقص لساااني بس طالعته بنقمه ولاخفت منه وش بيسوي يعني مايقدر يذبحني بالطياره الدوله مافيهااا قانون ...
قيس :انتي ليش فاتشه وجهك ..
حطيت يدي على وجهي وأنا اتذكر اني فكيت اللثام عشااان اخذ راحتي ..
قيس :غبيه انتي تحسبين نفسك بالطياره لحالك ماتشوفين المسافريين الباقي والمضيفين وش التخلف اللي فيك .. غطي وجهك يالله ..
الصراحه خفت منه بس كيف ماني متغطيه انا ماصدقت افتكتيت من ضحى وملااك اللي واقفات لي على الوحده تغطي وتغطي ...
قيس :صمخا انتي ماتسمعين اقولك غطي وجهك ...
مااابغى اتغطى اوووف لعنه لازم اطيعه ولايذبحني ياربي وش هالحياه اللي كل شي لازم تنفذه ولاتخاااف تمووت ...
غطيت وجهي وانا ادعي عليه ان شااءالله تطيح الطيااره ويمـــــووت .. متخللللللف ...

***
غمض عيونه بتعـــب مرض أمه صدمه ودخولها المستشفى بحاله طارئه عجز يستوعبه كانت حالتها مستقره لدرجة انها تحملت السفـر لمنطقه ثانيه وماعليها شر وش اللي صابهااا اكيد واحد من خوانه الحيوانات رفع لها ضغطها بتصرفاتهم المتخلفه .......
ماكان بينام لأن اصلاً المسافه ماهي طويله بس غصب غفت عينــــــه .. صحى على حاجه تهزه وصوتهااا صوت شوشو يناااديه ...... :قيـــــس قيـــس ..
فتح عيونه بقوه وبصوت عالي :شوووشوو ..
شاف الذعر بعيونهااا يوم نطق كلمته ... وشوي شوي استوعب الوضع هذي ساارا مو شوشو هي توأمهااا وعشان كذا لهااا نفس الصوت ونفس اليد الفاتنه .... ولهاا طول شوشو وعرضهااا وشكلهاا باللثام كله نفسه بس هنااا بدون نظاره وشوشو بنظااره .....
قيس وكأنه يأكد زلة لسانه بالكلاام والحروف اللي نقص :وشو ..
ساار بتلعثم :وصلنااا .....
غمض عيونه يستوعب الوضع ثم فتحهااا وصلوا ...الرياض ...امه والمستشفى ..
من المطـــار طار للمستشفى ولاحتى فكر ينزل سارا بأي مكااان وكااان شبه نااسيها بس صوت انفاسها المقطوعه من الركض وهي تحاول تجاااريه بمشيته السريعه ويدها اللي تنفلت من يده وكأنهااا منهكه ويرجع يقبض عليها من جديد تذكره دايم بوجودهـــــا ...
كان يركض للمكان اللي خبروه اخوانه انهم فيه ...
قيس اول ماشاف اخوانه ترك يدها وراح يركض لهم استقبله جابر :وينهــــــا .
جابر :دخلوهااا العناايه يقولون حالتها حرجه المره هذي لاازم يسوون لها عمليه ...
قيس :عملية ايش قلبها ؟؟
جابر :ايه خلااص لازم تسوي العمليه على الكثـير بكره ...
يارب سترك لهدرجه حالتها صعبــــــــه ...
قيس:ليه وش صاار عشان تدهور حالتهاا كذا من اللي متعبها منكم يامـلا ***
جابر:والله محد كدرها كانت وش زينها وفجأه طاحت علينـــا..
قيس :والله انكم ملاااعييييي* اكيد احد منكم منكد عليها اعرفكم حيوانات مأحد يتكل عليكم ...
فادي :قسم انا ماقلنا لهااا شـــي يمكن درت عن اسمااعيل ..
جابر:سالفة اسماعيل شاكه فيها من مبطي وماهي راميتها هالرميه هذا قدر ...
قيس :ايه العبوا علي وين أبوووي ..
طالع جابر وفادي ببعض وكانهم محتارين بشي .. بس هو مايتحمل للعب بالأعصاب هذا ..
قيس :وش فيه ابوي لايكون احرقتوا دمه هو الثااني ...
فادي :مافيه شي انت بس مشتهي تصارخ علينا ابوك جاء هنا وسمعنا كلام زي السم وراح يرقد بالبيت ....
وتكلم منير اللي كانت عيونه حمراء مثل الجمر من كثر الصياح :يقوول انتم اللي ذبحتوا امكم لاتجلسون تبكون عليها مافيها رجاء خلاص انتهــــــت حتى المستشفيات ملت منها ومنكم ....
وانفجر يبكي :قيس خلني ادخل اشووووف امي كلهم دخلوا وماخلوني اشـــــــوفهاااا ...

سارا ..
اول ماوصل قيس لأخوانه جلست انا على كراسي الأنتظار وانا ماني مصدقه اني اجلـــــس واخيراً خلاااص ماعاد احس برجــولي من التعب ... كنت اسمعه يصارخ على اخوانه وهم يردون بأصراخ ماكأن فالمستشفى غيرهم ولاهامهم نظرات النااس اللي لحسن حظهم ماهم كثيرين واغلبهم من العاملين بالمستشفى .. سمعت طلب منير الأخير وصياحه وكسر خاطرري حيل بس اللي صدمني تصرف قيس اللي طنشه وقال أنه بيدخل يشوف امه لحـــــاله ..
قالوا له اخوانه انه ممنوع لأنه مو وقت زياره .. بس هو قال انه يعرف كيف دخل ... وطنش ترجيااات منير وصياحه ولاكأنه موجود ... الحيووووووان الخسيس اللي ماعنده قلب كيف يعامل أخوه كذا .. حسبي الله عليه ...
منير اللي دايم يسوي نفسه رجال ومايحب يبكي قدامنا يبكي كنه رضيع بصوت عالي ولا واحد من اخــــوانه ملتفت له ولاكأنه موجود مأدري كيف جتني الشجاعه اقوم واضمه ... قطع قلبي منظره وهو يبكــــــي ..
ومهما سوى فيني يبقى منير صاحبنا وأخونا اللي ماجابه أبوناااا ...
قال يبكي من بين دموعه بلوعه ..
منير :مايبغوني اشوووووف امـــــييي .. ساااراااااا اكرررررررهمممممممم ياليتني اخوكم يالللللليييت ...
ماحسيت اني ابكي مثــله لين ذقت طعم الدموع على شفايفـــي....
ههههههههههههه والله الدنيا نكته اللحين حنااا كارهين انفسنا ولاعنين عيشتنا ومنيــر متشفق انه يكون أخونااا ...
ضميت اقوى وانا اقوله ..
سارا :ياليت بيدي شي والله اخليك تدخل غصبً عنهم جميـــع ...
جلسنا انا ومنير بالأنتظار واخوانه يدورون حوله ومشغولين مع الدكاااتره .... لين بالأخير قبل الفجر بشوي جااناا وقال يالله بنروح البيت واطلعوا اخوانه قبلنا مابقـــــي الا انا ومنيـــــر ..
ركبنا سياره شكلهااا وحده من سيارة اخوانه منير ركب جنبه قدام وانا ورى .... كنت بطير من الفرحه اللحين بروح لبيت خواااتي واخيـراً هو اكيد يبغانا نروح لبيتهم ومن هناك بهرب لبيت خواتي واخيــــــراً ..
بس مارحناااا له لااااااااا ياقهر وقف عند عماره ونزل هو ومنيررر وانا جلست لحالي شوي ورجع لحاااله ... وبصوته المخيف طلب مني اجلس قدام ... ومشى شوي وقف عند عماره ثانيه وطلب اني انزل .. وحنا ندخل قال ان هذي شقته اللي بنعيش فيهااا ..لاااااااااااااااا ليش مانروح لبيت اهله ليه مايبغاني اروح لخواتي .. الظالم الحقيـــــــر الووووووووووحـــــش ...
بس هيـن انا اوريه ... وطرت في بالي الفكــــــره .. هناااك ماكنت اقدر اجي لخواتي بس هنــااا بالرياض كل اللي علي اركب التاكسي وادله بيتنـــــــا .. شكله مافكر ابداً فيني على طول دخل الغرفه ونااام .. وانا استغليت الفرصه انتظرت نص ساااعه لين حسيت انه خلاااص نااام وطلعت بسرعه كنت حتى مانزلت عباتي من حماسي لشوفت خواتي ..... حسيت بخوف لأول مره اركب التاكسي لحالي بالليل .. وغير ان هالحي ماأعرفه الله يســــتر ...اول ماوقف قدام بيتنا شهـقت ماني مصدقه واخيراً بيتنــــااااااااا ... نزلت بسرعه بدون مأدفع له لأن مامعي ولاريااال .. وقبل مأحط يدي على الجرس سمعت صوت سياره توقف وراي بقــــوه لفيت ولقيته الوحش ... اول ماطاحت عيني بعينــــــه الحمراء ذكرت الشهاده لأني شفت نهاايتـــــــــي ...

***

كان يتقلب على السريره ماااهو قادر ينـــام وهو يفكر بأمه اللي تحت رحمة الله ثم الأطبــــاء .. مايدري وش بيصير عليهــا مايبغى يفقدها .. هو من له بالحياااه من بعدهاااا ... بحياته مافيه شـي يسوى يعيش عشـانه لو راحــت هييي ... تقلب لين حفر السرير وعينه مانامت قام جالس وهو يتأفف بطفش وفجأه طرى في باله شـــــــي .. سارا وين راحت .. معقوله جالسه بالصاله لأن على حد خبره الغرفه الثانيــــه مقفلـه ..هو من استأجر هالشقه وهو قافلها مافتح منها الا هالغرفه ..
افكاره خلته يقوم من سريره مثل المجنون وهو يتذكر جواله اللي ضاع منه وللحين مالقــاه كل مره يقول بيفصل عنه الخدمه وينســــى اللحين بس تذكـره ...
وندم انه مافـصله لأنه به جازم انه معها اول ماطلع للصاله وهو حافي وبنطلون وفانيله صدمه منظر الباب المشـرع ..... سوتهااا وهربت .. لبس ثوبه وحذاه وبصعوبه تذكر يأخذ مفاتيحه وجـــــواله ... ركب سيارته وهو يفكر الف تفكير مجنون باللي بيسويه فيها لمسكـــــهااا .. متخلف وغبي وماهو رجال لأنه مـاعلمهـا من اول يوم معه كيف تحترمــــــه .. علمها من يوم هي صغيره كيف تخاف منه وتهرب لشافته بس نسى يعلمهااا كيف تحترمــــه وماتحرك الا بأمره.. نسى انها مره ماتعودت على رجــــااال .. وشربت التمرد مع حليب امهــا .. بس هو اللي بيعـلمهاااا وبيخليهااا تفكر تطلع من البيت مره ثانيه دون شـــــــوررره .. كان يظرب على الدريكســــون بقهــــر ومعلللق على البوررري كل ماوقفت بوجهه ســــياررره اول مادخل حارتهم انتبه للتاكسي اللي قدامه اكيد هذا هو اللي جايه فيه لحقه لين نزلت منه ووقف السياره بسرعه مرعبه ورى التااكسي وهو ناااوي على النيه الشينه ...
اول مالمست رجله الأرض شافتها تطيح قدام بيت اهلهااا ... راح للتاكسي اللحين واقف ..
قيس :خير وش فيه واقف
السواق وعينه على المره الطايحه :مافيه حسااب مال انااا
قيس دخل يده بجيبه وطلع له الحساب ورماااه بوجهه وصرخ عليه :تحرك مابغى اشوفك هناااا مره ثاانيه ...
حملها بقهر وركبهااا السـياره وهو وده يذبحــهاااا .. حرك السياره وطار فيها لشقته بنفـس السرعه هذا اللي كان خايف منه وعشان كذا استعجل بروحتهم الشقه مع انها مو جاهزه كان يبغى يبعدهااا عن خواتها اللي طردوهـــا ...
حس انها صحت بالنص الطريق بس ماكلمـــــها لأنها شافها كيف ترتجف .. بس صرخ عليه يوم انفك لثامهاااااا ..
قيس بصرخه :غطي ووووجهــــــــك ...
اول ماوصلوا البنايه سحبهااا مع يدهاااا وركبهااا مع الدرج .. دخلوا الشقه وقفل الباب ثلاث مرااات وسحب المفتاح وحطه بجيبــه ..... وانذهل لمــــا شافهااا كيف متكتفه له وتناظره بعصــــــبيه ...

سارا
خلاص انا انجنيت زين مالأحد شغل فينـــــــي .. بصرخ بوجهه واخذ حقي منه حتى لو بيذبحني هنااا ..
.. قربت منه وصرخت عليـــــــه ..
سارا :انت وش تبغى فينـــي ليه تخررررب علي ليه تحرمني من خواتي .. اللحين انا طالعه عشان تلحقني يامتخلف ...
شفته يرفع يده بيظربني بس كنت اسرع منه وهربت ........
سارا :لو تموت ماراح تظربني ....... وفصخت جزمتي وصقعته فيـــــهااا .. ويوم شفته يتألم فصخت الثانيه ورميتها بوجهه وأنا مبســـــوطه على فكرة اني اظربه وبسرعه دخلت الغرفه اللي كان نايم فيهااا اول ماجينا دخلت وقفلت الباب علي وجلست اضحك بقوووووووه مبسوووطه اني نزلت حرتي فيه عشان يعرف يحرمني من خواتي ......... بس غريبه مالحقني ولاحاول حتى يدق الباب علي .......يمه خفت منه وش يخطط له هذا اعرف عقـرب مستحيييييل يسكت عن حقـه .. ياربي بديت ارتجف وهو ماسوى شي صدق اني جبانه ليت ملاااك معي والله مااخاف ....... سحبت الكنبه اللي كانت قدام السرير وحطيته على الباااب ..... كانت الغرفه وااااو تجنن ...و لاااااااااااا ليه نور طفى ... المتخلف طفى الكهرباااا ..... غبي يحسب اخاف من الظلاااااام مسكين مايدري اني تعودت على الظلام وصارمايخوفني ... تلمست طريقي لسرير الكبير الواسع وارتميت عليه وانا اضحك بقوه ووواااو بارد دخلت تحت اللحاف وانا اضحك عليه مسكين بينام بالبرد تلحفت زين وقفلت عيـــــوني ورحت بسابع نومه وانا مبتسمه على انتصاري الصغيـر ....

****
كان نايم بالصاله على الموكيت وتحته الأرضيه الصلبه والبرررد مجمد اطرافه ومتوسد حذاه.. طول الليل يتحسب عليهاااا غير انها حرمته ينااام بالدفاا لاوظربته بعد ..كانت الظربه جايه فوق حاجبه اليمين والظربه الثاني مع جبنه وكلهن يوجعهـــن بس اللي بجنبه تهون على اللي فوق حاجبه متورمه وحرمته النوم برد ومظروب ونايم على ارض صلبه لاوالله الليله الزينــــه ....
مايدري متى نام بس صحى قريب الفجر على صوت فتحت باااب كانت سارا بتروح الحمااام انتظرهااا لين طلعــــت ودخل وقفل الباااب عنهااا ... ورد لها الصاع خاف انها تهرب بس تذكر المفتاح اللي بجيبه لمس مخباته وتأكد من وجـــوده ...
نام بالفراش بمكانهااا الدافي ...
قيس :آآه يازين الدفاااا ... اول ماغمض عينه تذكر الباب اللي قفله وضحك على نفسه لأنه متأكد ان سار مستحيــــل تجي تنام عنده الااا بحاله وحده يوم فكررر فيهااا مات ضحك اكيد ماطلعت الا وهي متأكده انه نايم والكهرباء مطفيه يعني حتى لو فكرت تأكد انه موجود مكانه ماراح تشوفه من الظلااام .. فكر يقوم يفتح الباب بس كان عجزان والدفااا مغري كان خلااص غفى بينام بس قام بالغصب فكرة ان انثى تنام جنبه اغرته اكثر فتح الباب وتركه مفتوح بنفس الطريقه اللي كان مفتوح فيهااا قبل انتظر شوي وجت سار تلمس طريقها بظلااام وشوي وترفع اللحاف وتدخل تحته صقعت يدها فيه شاف يوم جفلت ثم مدت يدهااا تاكد من اللي لمسته مسك يدها اللي مسكته وبين يديه حجزها...
قيس :خلااص اووووششش ولاكلمه خليني انااام والااا بطلع ظربك لي من بين عيونك ...



سارا
ياربي من الخوف ماني عارفه اتصرف وش بسوي اللحين وين بروح الغرف كلها مقفله ومافيه الا المطبخ اللي مافيه مفتاح والحماام اللي مستحيل اجلس فيه .. بعد اللي سواه لازم اتخبى ماأقدر اجلس معاااه وش يضمن لي انه مايحاول يكرر اللي سواه قبل كنت اخاف منه واللحين صرت اخاف منه اضعاف ... ماتصورت يصير معي كذا ... الحيوان الحقير ماتوقعت يعاملني كذا .. مسحت شفايفي بقوه وكبدي لايعه من حركته ... والله لأقطع نفسي ولاأخليه يكرر اللي سواه مره ثاني .. يوم صحيت فيه غمضت عيوني وسويت نفسي للحين نايمه ماأشوفه اللي يأخذه .......
ماراح اسمح له يقترب مني مره ثانيه بس كيف وانااا محجوزه هنااا .......
اول ماسمعت صوته جلست ابكي ياررررررربي ابغى اموووت اختفيييي ماأبغى اشوفه رحت اركض وتخبيه بدولااب المطبخ وقفلت باب الدرج علي وخليت فيه فتحه صغيره اشوف معهاااا ...
قيس :يااازفففت سااار اوووووووووف وينك ياتبن ...
التبن انت ياعساك لنوبه القلبيه اللي تشيلك وتريحني منك وتريح كل الناس منك ....
جلس ينادي ويناااادي ويدورني بكل مكااان وكل مازاد تدويره عني كل مازاد خوفي لأني عارفه اخرتها بيلقااااني اول مادخل المطبخ وشفته متجه لدولااب اللي اناا فيه صرخت وطلعت مع باب ثاني بالدولاااب بس مسكنييي .......
قيس :نلللعب حنااا ...
فكرت وش اسوي اظربه بس اخاف يموتني ودي اتفل بوجهه بس اخاف يخنقني احلى شي اصرخ عليه لأنه بس بيظربني ...
سارا :انت وش تبغى فيني اترك يدييي .. عساك للحريقه ..
قيس :لااه طلع لك لسان بعد وانا اعرف شلون قصه ..
وسوى نفس حركته اللي امس بس هالمره ماسكت له ظربته بقوه مع ساقه .. بس قهر مافكني جيت بظربه مره ثانيه لقيت نفسي معلقه بالهوى ... ياويلي ...
كنت خلااص اتشهد على روحييي بس جواله اللي دق انقذنـــــــي راح يرد على الجوال وانااا طرت على الحمام دخلت فيه وقفلت على نفسي بعد شوي سمعته يناديني جلس خمس دقايق ينااادي بعدين جاء حاول يفتح باب الحمااام سمعته يقول انتي هنااا ... شوي واختفى صوته وسمعت الباب الخارجي للشقه يقفل طلعت ومالقيته فيه اشوى الحمدالله قلعه كانت الساعه عشر وانا ميته جوع ... طلعت للمطبخ وجلست اتحسر على عمري الثلاجه حتى ماوصلت بالكهرباء فاضيه على عروشهاا والدولااب مافيه مواعين ولاشـــــي ياربي بموت من الجوع وش اســـــوي ...
حسبي الله عليه الوحش اكتشف انه مايقدر يذبحني بيموتني من الجوع ..
تذكرت الجوال وطرت عليه بكلم خواتي وياااااااارررب يردون اذا ماردوا يمكن انهبلل بديت اخاااف عليهم ليش مايردون على اتصالاااتي ...
اول مادقيت الرقم وبعد دقتين انرفعتت السماااعه ماصدق جلست اصارخ بأسم ملااااااك وابوس الجوال من الفرحه .....

وعد
دق تلفوننا الجديد وكان ودي اطير وارد عليه يازين نغمته الله ياخذها شدن رفعت السماااعه قبلي يازين نغمتهه كااان ودي انها ماترفعهااا ابغى اسمعهااا تونس ...
سحبت البطه شدون واخذت منه السماعه وركلتها برجله لين طيرتهااا .. وصرخت بصوت عالي ميييييييييييين ...
محد رد علي .. صرخت ..
وعد :ردوا بلاااقلة حيااا ..
محد رد ..
وعد :بتردون او شــــــلون ..ترى والله بقفلللل ..
وسمعت صراخ لدرجة اني ماعدت اسمع شي اوافهم وش ينقـــــال .. حسيت طبلة اذني انفقعت ...
:ملاااااااااااك ..
من هذي اللي تبغى ملاااك ..
وعد :انا وعد مو ملاااك واعصااابك لاتفجرين طبلة اذني ..
:ملاااااك
لحضه هذا صوت ساارا ..
وعد :ساررراا انتي سارااا وينك ........ز
يا ولقيت نفسي طايره بأخر الصاله لأن الكل هجم علي واخذ السماعه منــــــي ...





***
مر على امه بالمستشفى وتكلم نص ساعه مع الطبيب عرف فيها حالة امه من ألى وش اللي استجد لأنه امس بالليل مالقاااه .. وعرف انهم اليوم بيسوون لها اشاعااات وبيجتمعون عشان يقررون يسوون لها عمليه او حالتها ماتسمح .. طلع من المستشفى وصدره ضايق على حال أمه ...
مر على ماركت وتقضى لشقته الفاضيه ... واشترى فطورررر .... اكيد اللحين ميته من الجوع .. تستاهل الشينه .. ولا تصارخ علي وامس مكفختني والله وطلع لك لسان ياسويره .. وطالت يدك ..
اول مادخلت لقيتها واقفه بالصاله شكلها تفاجئت بدخلتي بالبدايه كانت بتهرب بعدين غيرت رايهاااا ووقفت تناظرني وكأنها ناويه علي ......
بس ههههههههه رجليها اللي ترجف فضحتهــــــااا ..
قيس :خير وش فيك واقفه لي كذا ...
سارا بتردد :بتوديني اللحين لخواتي ولااا بهرب وروح لشرطه وبقولهم انك محتجزني ومانعني من اهلي ...
رميت كيس الفطور اللي معي على الأرض وطولت نظرتي لهااا ...
قيس :تدرين وش بيقولون لك الشرطه بيقولون خلااص صرتي زوجة الرجال وهو ولى امرك بيمنعك من اهلك بيمعنك من نفسك بمينعك من الحياه كلهااا هو حرررررررررر ...
ناظرت فيني وانفجرت تبكي ...
سارا :انت كذاب كذاااااااااااااااااااااااااااااااااااااااااااااااا اااااااااب ....
كنت اضحك على طريقتها بالبكاء اللحين ليش تبكي حنااا نسووولف ....
قيس قلت من بين ضحكي :طيب انا كذاب ليش تبكين ...
شفتها تنحني للأرض وعرفت وش بتسوي ومسكت يديها قبل ماتوصل لحذاها اللي بتحذفني فيهااا علقتها بالسماء مع يديها ..
قيس :شوفي يااااحلوووه لوفكرتي بس فكره مره ثانيه تضربين او اترمين علي شــــي قصيت لك يدك هذي اللي فكرتي ترفعينهاا علي ....
مادريت الا شي يلصق بوجهي ناظرتهاا بانفجاااع ..... تفلت علـــــي ..
الحيوانه الحقيرررررره ... ايه طلعت على حقيقتهااا تربيت الشوارع ..
توعدهااا:والله لأعلمك الأدب يابنت مبــــارك ...
طالعها وبلحضـــــه كااانت لاصقه بالجدار بعد مافك يدينه من الرفع بس كان مثبت ذقنه بيدهاااا ويطالعها بغضب عرفت نتيجتــــــــه ...
قبل ماينزل فيها عقابه الخااااص ...
كانت تحاول تقاومه وتبعد عنه بس هو حاجزهااا زين بعد ماخلص وعاقبها زين ...
قال بقسوه :عشان مره ثانيه تعرفين تطولين لسانك علـــــــــي ...
سارا بين شهقاتها وبكائها :انت حقيررر نذل اكرررررهك ياووووحش ..
قيس :لأاتكرهيني ولاأكرهك بروح اجيب الأغراض من تحت وهذا الفطـــــور لجبت الأغراض ابغاك تسوين لي شاهي زيــــــن ...عشان ماأزعل منك ياشطوره ..
ونزل يجيب الاغراض من تحت وهو مايسمع منهااا غير الشهـقات ...

ساارا
الله يلعنه الخسيس لو يموت ماسويت له شــــــي ... ياررربي وش اسوي وين اروح جلست ادور بالصاله مثل المجنونه وانا ماسكه راســــي وين تخبى وين اروح .....
كل مكان يلقاني فيه ... ماأقدر اهرب منه .. سمعت صوته جاااي ينزل اكياس عند الباااب وفتح الباب ويتكلم مع احد شكله حارس البنااايه جايب معه الأغراض وش اسوي يارربي هرب لغرفة النوم وتخبيت تحت السرير انا عارفه انه بيلقاني بس وش اسوي .. ماعندي غير هالمخبأ ..
سمعته يناديني بصوت عالي ونرفزه .. ثم اختفى صوته .. كنت خايفه وجيعانه وبردانه ...ثم نعست ... وبعدها اختفى كل شـي وغصت بأحلامي ..
كنت احس البرد يدخل لأحلااامي ويجمـــدهااا ويكبس على انفاسي وانااا اختنق واختنق حــــررر .. حريقــه داخلــي جسمي ..
احس اني بديت اذوب من الحراره ...
***
عساف
كل مابغيت ابعدها عن تفكيري طلع شي يذكرني فيها حتى بدوامـــي .. تو اتصل فيني واحد يبغى يخطــب أختهاااا ... ومـو أي أخت .. قطوة خلف ... خلف معقوله يكون يفكر فيها للحين مع كل اللي صـــار فيـــه ...
ماأعتقد اكيد نسـاهااا مأدري اذا كنت غلطت يوم حـولته لمالك بس انا اشوفه التصـرف سليم ...
التصرف السليم ولا ماهي هاينه عليك مع كل هالبعــد تبغى تساعدهاااا ..
وياليته يبين فعينـها .. ياترى هي بتشوف هالشي مساعدة او تدخل بشئونها مع خواتها ..
حتى هالكلمـة منها وحشتنــــــــــي ... كل شي فيها وحشني .. حتى هوشاتي معهــا ...
بس هالمرة مستحيل اسعــــــى لها
هي بنفـسها اللي لازم تجينــــــي ...


***
نام حتى صلاة الظهــر وبعد ماصلى قلب الشقه يدورهااا ماهو لاقيهــا والشكوك بدت تلعب بمخه .. بدأ يشك انها طلعت من الشقه بس كيف وهو ماترك المفتاح بالباب ابداً الا يوم نزل يجيب الأغراض .. وبعدها رجع مالقاها قال يمكن منخشه بأي مكااان بس اللحين وينــــــها اختفت عن وجه الأرض مره وحده..تذكر مخبأها بالشرقيه تحت السرير قال يمكن سوت نفس الحركه هنا بس لو متخبيه تحت السرير ليه ماطلعت بعد مانام ... نزل على رجوله يشوف تحت السرير وفعلاً لقاها هنا اول مارفع طرف المفرش شافها تحت السرير نايمــه ..
سحبها مع يدها بقسوة وهو يفكر أي عقـاب يأدبها عن تصرفااات الأطفال اللي تسويها .. اول ماتبين وجهها .. انصدم بالحاله اللي كان عليهااا كان مليان مويااا عرق او دمــــوع وهي فاتحه عيونها المزغلله وتطالعه وكأن روحها بتطلع .. حرارة يدها بيده اكدت له اللي يفكر فيه ... سارا محمومه ... رفع يده لجبينهااا اللي كان قطعة جمر من حرارته .. تنهد بضيق ورفعها على السرير .. غطاها بكل الأغطيه اللي عنده لأن بدت ترجف ..
وش بيسوي اللحيـــــــــن ..؟!



ملاك
ماني مصدقه سارا بنفسهـــــــا كلمتني وتطمنــــت عليهااا صحيح اني ماقدرت اكلمهااا زين من الصـياح بس الحمدلله اني تطمنت انها للحيـــــن عايشـــه ... وان شاء الله قريب بشوفهااا مثل ماقالت بأخر جمله قالتها قبل ماتقفــــــل ...
بشوفهااا بشوف سارا ماني مصدقه الحمدلله وشكر لك يااارب استجبت دعائي ..
نوف :بشويش على السماعه جديده هذي لاتكسرينــــــهااا..
كنت حاضنه السماعه بقــــــــوه ومارضيت افكها حتى بعد ماقفلت ســارا احس للحين اسمع صدى صوتهااا منهااا ..
نزلت السماعه وعطيتهااا والجالسين نظره وطلعت للغرفتي انا وسااارااا ... يحسبون بسامحهم عشااان سمعت صوت ساااررا ماراح اسامحهم حتى لورجعوا لي سااارا اللي سووه فيني وبسارا وانحيازهم مع ضحى ضدي مستحيل انساه ...



ميشو
كانت عيناي تبحث عن أي شيء بالغرفة باستثناء عيناي ضحــــــى التي تحمل تساألت لاأستطيع الأجابة عليهـــــا ...
ضحى :وليش كل هذا ميشو ..
ميشو :بدون تسائلت لن استطيع الأجابه عليهااا
ضحى :بتبعدين عنا بكل هالسهـوله ..
ميشو :لن يأذيكم ذالك ابداً صدقيني ستكون حياتكم أفضل من غيــــــــري ..
صرخت بجزع
ضحى :افضللللل من ايييش بنتفرق عن بعض وتقولين افضل ..
ميشو :أجل افضل لي ولكم ..
ضحى :ميشو كلامك كله على بعضه وتصرفاتك ابد ماهي عاجبتني بالفترة الأخيــــــره .. صاير تفكيرك اغبى من تفكير
وعد ...
ميشو :أنا سعيدة اني مازلت افكر حتى لو بمقدار تفكير وعد ..
وقفت بحملها الثقيل لتختباء خلف الستارة
ضحى :بكيفك ..سوي اللي تبغين بس ماهو ترجعين لي تبكين اذا مانجح اختيارك ...
قلت لها بصدق وثقة بماخططت له ..
ميشو :لن أعـــــود إليكِ ابكي صدقيني ..
ضحى :يعني نقول موافقـــــــــة ..
هزيت رأسي بقوة لأمحي الشك من داخلي بالتأكيد انا راضيه وسعيـــــدة لأني سأبتعد من طريق الأثم ... سأسعى لحياة جديدة بعيــدين عن الجميع ... حتى زوجي الجديد الذي أءسف له كثيــــراً ...
ضحى :دامك موافقة اجل جهزي نفسك العريس يبغى يشـــــــوفك ...



رجع بعد العشاء بعد ماقضى وقته كله بالمستشــفى يركض هنا وهنااااك كله يهون فسبيل شفاء امه ... بس الله يقومها بسلااامه .. اللي مخوفه ان صحتهااا ماتستحمل عملية قلب وخصوصاً بالوقت الراهــن ..
ماهو فاهم شـي مره يقولون لازم عملية بأسرع وقت ومره يقولون حالتها الصحيه ماتسمح بالمخااااطرة بالعمـــلية ..
ومن هالكلام اللي يشعرك ان عنده نقص بالأهتمـام بحياة الناس ...
اول مادخل مع باب الشقه وشاف الظلام اللي لافها تذكر سارا اللي تركها وهي محمــومة ..
تنهد :وش صار لها هذي بعــــــــد ..
دخل الغرفه وفتح الأنوار اللي كانت على تطفيته لهااااا ...
راح لسرير وكاااان على نومتهاااا بس العرق مغرقـــهاااا وتنفسها صعب مره وجسمها كأنه ينتفــــــض .. ارتبك مايدري وش يســـوي شكل حالتها ساءت ...
بيدق على منيرة تشـــــور عليه ...
دق عليها وبعد سوالف عن امه وحالتها قالها عن ســارا وقالت له يوديهااا المستشـفى .... ماأعجبه شور قال يروج يجب لها علاج من الصيدليـــــه .. واكيد بتحسن حالتها هو دايم يسوي كذا وبساعات يقوم وكله عافية ..
قال لصيدلي عن حالتها لأن خاف يأخذ لها الأدويه اللي دايم يستخدمها وماتنفعـهاااا .. وعطاه مجموعة علاجااات ..
رجع للبيت وتوهق كـيف بيعطيها العلاج وهي نايمــه حاول يصحيهــا بس ماصحــت كان تفتح عيونهااا الحمـراء وتناظر فيه وترجع تنام ... جلس ساعه كامله يحاول يصحيهــــا بس ماردت عليــه .. انهــبل الحرارة القويه خطيـره وهي حرارتهااا ولافــرن .. خاف يصير لهااا شــي وتصير بذمتـــه .. لفهااا بلحااف السرير وشالها للمستشــــفى ..

من الساعه عشـر لين الفجر وهو بالمستشفى ... نومها اربع ساااعااات وطلعوهاااا .. كان يحس انها للحيـن ماتحسنت اخر نص ساعه قبل مايطلعونها راح للبيت وجاب عبااااتهاااا ..
كان تمشي وهي دايخه ولاحاسه بالدنيا من الحراره واول ماوصـلوا للشقه كانت نايمـــة .. حط يده على جبينها كأن حرارتها خفت شوي ..
صحاااهااا وطلعها فوق كانت شوي تمسكه وشوي تمسك الجدار ..


وعــد
اليوم اول يوم بالدراسه بعد اجازة العيد ماعطلنا غير سبعة ايام وجرونا للمدرسه يوووووووععععععع غصبت نفسي غصيبه وطبعاً بمساعدة صراخ ضح ضح صحيت غصب عني ... كنت اكل من الفطور وعيوني مقفله مو قادره اصحى ابغى انااام ...
ضحى :ووعد صح صحي خلاااص مافيه مجال تنامين ..
رفعت راسي اشوفهاا بقهر هي مبسوطة عندها اجازة وحنا نكرررف مداومين من اول يوم وكأن دوافــــــير ..
اووومااا دوافير تصور اني الطالبه المثاليه الشاطره المؤدبه ولللللل يازين الأحلااام ..
وعد :اصلاً اليوم حفل معايده داومنا اوغبنااا ماراح نأخذ دروس ..
هند :اووووف وعد قسم قلبتي راسي اسكتي صجيتينا خلي الواحد يقدر يبلع له لقمـــه براحه ..
هع تحسبون برد عليها لاهذي سهجه احســــــن من الرد عليها مالت عليها البارده ..
اووف بجلس اخطط وش اسوي بلاوي اليوم بالمدرسه ..
دامني مداومه غصب بفلهــــا ..
وعد :نوف يالله نطلع ...
شوق :بدري تو الناس الباص موجاي اللحين ..
نوف :الابيجي هو اخر اسبوع صار يجينا حنا اول شـــــي نسيتوا ..
سكتنا يوم شفنا ملااك نازله من فوق وهي لابسه عباتها ومعها شنطــــتها وطلعت بدون ماتكلمنـــــا .. غريبه توقعتها تتركك الدراسه بعد سارا وخصوصاً انها صارت ماتطيــع ضحى ابد ولاتهمـها طيب ليش تنفذ اوامـــرهااا ..
ضحى :حسبنا الله ونعم الوكيل
انا خفت يوم قالت ضحى كثير ماأحب هالمشاكل ولاهـالدعوات لبست عباتي واخذت شنطتي وطلعت بسرعه شوي وصرنا كلنا بالباص اللي فعلاً مرنا حنا اول شـــــــي ..
بالباص كنت جالسه مع نوف اللي جالسه تقشر فصفص ..
وعد :عطيني
نوف :ضفي وجهك
وعد :قسم بالله انك نذله يمل الغصــــه ..
مدت علي الكيس وهي تقــول
نوف :اللي يمغصك يالدوبااا وش تبغين هذا حقي انتي خلصتي حقك ..
سحبت الكيس منها وأنا اسألها ..
وعد :وش نايه تسوين اليوم عندك مخططات شـــــــي
نوف :لااا اوووف مالي خلق شـي واخاف يصير عندنا اختبار وانا ماذاكرته ..
يمه منها دافوره كل همها الدراسه والأختبارات وانا جالسه افكـــــر بالفطـور لأني نسيت مصروفي وخواتي النذلات مستحيل يسلفني شكلي بسـرق ..

ملاك
ادري اللي فكر فيه غبـي بس هذا كل اللي اقدر عليه ... اتمنى اشوف سارا بالمـدرسه ادري غباء منــي هالتفكـــــير بس هذا كل اللي املـكه الأمل الغبـــي ... ميزاجي اليوم غير ان الأياااام اللي فاتت يمكن املي بشوفة سارا .. او اني خلاص تعودت على بعد سارا ويمكن هي بعد تعــــودت .. ياءالله ودي اشوفها بتطمن هي كيف عايشه مع الوحش .. ياربي كل مافكرت بهالنقطه احس بدمي يفــــــــور قهر على سـارا .. ياربي ليتها ابتعدت عني بس وهي متزوجه انسااان غيـــــــر هذا ...
اخترق صوت هوشة وعد ونوف تفكيري ياربي من هالعثيثات بالبيت بالباص بالمدرسه بالشارع بكل مكان يتهاوشن .....
آآآه هوشاتهن تذكرني بهوشاتي انا وسارا اذا زعلنا من بعض وعطينااا بعض ظهورنا وجلسنا نسب بعض بطريقه غير مباشره صدق ذكـــــــريات ...



وعد
دخلت المدرسة وحسيت ان لي شهور مادخلتها كانت خايفة ههههههه صدق اني بزرة .. كانت اسولف والدبا نوف ماترد علي واول مادخلنا مع الباب الداخلي شفتها بالدور الثاني تطل مع الدربزين ... يامامي هذي وش جابها من اول يمة مداومه صدق جنيه دافورة لو اني منها استغل ان اهلي جنون طيبين مو مثل بابا ضحى واغيب ... لفيت على نوف بقولها ان هذي هي البنت الجنية اللي كنت دايم اسألهم عنها كانت بعيده عني رجعت اناظر بالجنيه اخاف تختفي وفعلاً اختفت ياررررررربي ..قسم اني قايله عنها جنية بس محد صدقنــــي .. ولاليش بس أنا اللي اشوفها وخواتي مايعرفنها ولاعمرهن شافنها مع ان شكلها مميز .. شعرها اشقر وطويل وعيونها خضــــراء ولا وحده بالمدرسه بالموصفات هذي غيرها بعدين يكفـــــي جاكيتها الأحمر اللي على مدار السنه تلبسه صيف شتـاء ربيع خريف ... ومريولها المخالف كيف تكون انسانه وماتمسكها عليه ابله عطوف اكيد انها جنية عشان قدرت تهرب منها ...
:غريبه وعد مداومه اليوم وين اللي تقول اسبوع بعد العيد ماهي مداومه ...
العنز هذي وش تبــــــــــي ..
وعد :ايه مداومه خفت اليوم لو ماداومت المدرسه ماتفتحت ابوابها وانا وحدة نذله قلت ليـــه البناااات مايدرسون لازم اداوم عشان يفتحون المدرسه وتداومون غصب طيب ...
:قسم انك سخيفه ..
وعد :بس مو اسخف منك يالعنز .. انقلعي عن وجهي .. صدق اشكال غريبه تطلع للواحد على هالصبح ...
ورحت امشي من عندها وانا اقول بصوت عالي
:يافاتح ياكريم يارزاق ياعااااااليم ...
ثم قلبت الموجــــه وجلست اغني ..
قااني الخاين والأناني عايز يرقع لي تانـــــي
ئل يعني يعني ولاعمرة خدعني
ولاسبني زمان وخدعني ..
استغفرالله العظيم .. ماتصلح الأغاني على الصبح .. صدق اني منتهية الأغاني حرام صبح واي وقت بس انااا عبيطه ..
واستاهل لو تطلع لي الجنيــة .. جالسه اغني وانا ماقريت وردي ...
كله من ام كشة العنز لو ماطلعت بوجهي على هالصبح ماكان تنكدت وجلست أغنـي ..





نهاية الحلقة



تحياتي
عاشقة ديرتها

السلام عليكم ورحمة الله وبركاته


مشكورة يا وهايب على النقل والمجهود الرائع .............


وبلغي تحياتنا للكاتبة الرائعة واعجابنا بالرواية المشوقة ................


ومنتظرين القادم لا تطولي علينا ................

مشكوووووووووووووووووورة مرررررررررررة على الجزء
وعقبال التكملة