كاتب الموضوع :
غرور الهلال
المنتدى :
القصص المكتمله من وحي قلم الاعضاء
{هلآ بـ ’ اللي نسي ’’ صوتـﮧ ‘‘ بأذني البآرحـﮧ ..
و عوّد ،
يبي يسمع معي كلّ الكلآم و يعترف .. زيي !
هلآ بـﮧ گثر ..
مآ آزوِّد غرآمـﮧ ..
و المحـﮧ زوَّد !
هلآ بـﮧ گثر مآ يلعب ..
بـ حسبتـﮧ وقتي ،
و غيي !
قبل لآ آقولّـﮧ جآگ الخفوق ..
بـ ’ ذمِّتگ : جوِّد ،
سبقني !
وقآل لّي :
جوِّد خفوقي ....
يآ بعد حيي !!
شوق: الو هلآ مشآري
مشآري: مشاري ساده من غير تدليع
شوق: هههه
مشآري: فديت هالضحكه وصاحبتهآ
شوق: وش سويت اليوم بالدوآم
مشآري: والله ضغط ياحبيبتي لدرجة ان الدكتورة ليلى الي كلمتك عنهآ بتسآفر الآسبوع الجآي وفيه دكتورة مو شآطره بتصير محلهآ
شوق: مشآري ممكن آطلب طلب ؟
مشآري: ولو حبيبتي انتي تآمرين ومشآري يقول لك حآضر ..
شوق: تسلم لي يالغآلي .. انا نفسي ادآوم بكرى عندكم
مشآري: جد؟
شوق: انت اللحين بحاجه كآدر طبي بقسم النسآء ومافيه عندك الا دكتورة وحده
وانا طفشت من جلسة البيت وش قلت؟
مشآري: وش اسوي فيك انا من جد انا افتخر اذا تفكيرك كذآ حبيبتي انا مقدر اقول لآ اكيد يشرفنآ
كلنآ انك تجين وتبآشرين بالدوآم ومن سعد حظي محبوبتي بتدآوم معي
شوق: يعني موآفق ؟
مشآري: وهذي يبي لها كلآم .. بس انتي قولي لعمتي صيته وخالي عبدالرحمن
شوق: مآراح يقولون لآ اذا عرفوآ اني معآك
مشآري: ارحميني تراني ماتحمل كل هالكلآم الحلو
شوق: ياعساني مـآ فقدكـ ..
/
{ مدري ...؟!
علام " الرياض" اليوم مرتبكه.
كن القلق .. ينتثّر فيها و يجمعها..!
ما كنها..؟!
الا..! عروسٍ "ليلة الشبكه" .كل ما ذبحها " الخجل" عضت اصابعها ..!
... ][ يوم زوآج ريــآنه ][ ...
عبير :ريانه جت الكوآفير
ريآنه: يالليل الليل خليهآ تدخل
العنود: ريانه وصلت الشوكولآته
ريآنه: ترآكم غثيتوني وش اسوي انا ارقص لهم يعني
عبير: هدي رنوش وش فيك معصبه
ريآنه : مدري عنكم نشبتوآ بحلقي
العنود: ريلآكس عروستنآ
ريانه: لاتقولين عروستننا قولي ريانه
عبير + العنود :ههههههههههههه
البنـآت تجمعوآ بالبيت بمآ ان العرس عآئلي طلع مرة رآقي ومرتب الحوش كله طآولآت
وكرآسي مزينآت بالورد الطبيعي والمسبح مليان بالونآت وآلحديقه فيهـآ بوفيه
العشــآء والسمـآعات الكبيره بكل مــكآن والـ Dj
شوق: وش فيك جود لآصقه فيني
جود : مستحيه مابي اشوف ام طآرق
شوق:هههههههههه الحرمه طاحت رقبتها وهي تلتفت تدورك
جود : لا انا ماراح اطلع ابي اجلس هنآ
شوق:ههههههههه
ديم: بنآت ريانه خلصت تعآلوآ نصور معهــآ ..
رندآ : يابختك ياتركي والله الزين صار من نصيبك
ريآنه : رندآ تكفين لاتجيبن لي طآري تركي
رندآ: هههههه تستحين
ريآنه عصبت: لآ تلوع كبدي
رندآ: ههههههه اجل كآن الله في عون مآي برذر
ديم : ايه ده ياحمآتي المصونه وش هالزين
ريآنه: ترآكم رفعتوآ ضغطي بكلآمكم
العنود: ريانه وش فيك من امس واعصابك نار
شوق: معذوره الليله تبي تنوم برى غرفتهآ
ريانه: تدرون ان الزوآج خيانه
البنآت شهقوآ على كلآم ريانه
آمل: كيف يعني ؟
ريآنه: اللحين امي وابوي يربوني ويتعبون علي ويجي الشين ياخذني كذا بكل سهوله
يعني كذآ بارده مبرده
البنآت :ههههههههههههههههههههههه
ريانه: آنقلعوآ يالله اكرهكم كلكم
جود : لاتقولين لتركي اكرهك
ريانه: اساسا اكرهك ماتنقال الا له
امل: رندآ بليز نومي عندهم الليله
ريآنه قآمت من الكرسي: ايه تكفين نامي عندنآ
رندآ: خييييييييييييير انتي وش فيك
آمل:ههههههههه امزح يالهبلآ
عبير: مشعل يقول تركي يبي يدخل يآخذ العروسه
ريآنه وقفت : يمممه وين يدخل هذا تونآ
البنآت :هههههههههه
ريآنه رفعت شرعتهآ ورآحت تركض
ديم: وين تبين اللحين ؟
ريآنه: ابي الحمآم
آمل: ياربي مو وقت حمآم اللحين
ريانه: انقلعي هذا الي نآقص اضغط على نفسي علشان الشين
رندآ : قسم بالله اني ارحمه ههههههه
البنآت :هههههههههههههه
رندآ : يالله بنآت فيصل اتصل يقول تركي يبي يدخل
ديم طآرت عيونهآ .. [ فيصل ليش ما يتصل علي ]
طلعت ديم وهي حاسه انها مخنوقه والبنات وراها يضحكون على ريانه كيف
صارت ترتجف يدينها وجلست تصيح علشان العنود مآتطلع وتتركهآ لحالها ...
جلست ديم على الكرسي الي تحت الدرج وهي تفكر بتصرفآت فيصل كيف تغيرت من بعد
المكآلمه .. فتحت شنطتهآ بتطلع الجوآل تذكرت ان شنطتهآ عند آمها على الطآوله رآحت واخذت
الشنطه من وسط الحريم
آم عبدالعزيز: ديم وش فيك متضايقه؟
ديم: لا بس ريانه كسرت خاطري تبكي
ام عبدالعزيز: لا تخافين عليها ريانه ماشاء الله عليها قويه
ديم: أي صادقه ان شاء الله ربي يوفقها
آم عبدالعزيز: آمين
فتحت ديم الشنطة ومسكت الجوآل
آم عبدالعزيز: ترى جوآلك من شوي دق مرتين
ديم على اعصابها فتحت الشنطة ولقت رقم فيصل ارتآحت شوي لما شافت رقمه
ام فيصل: وش فيك ديم ؟
ديم : لآ مافيني شي .. خآلتي تعالي معاي علشان تصورين مع تركي وريانه اللحين بيدخل عليهآ
ام فيصل: يالله اللحين بروح ... ياعمري ولا عليك امر روحي قولي لعمتك صيته خليها تقوم معنا تصور
ديم : من عيوني ..
ديم [ وش عندهـآ اليوم اخلآقهـآ صايره عسل الله يستر من الهدوء هذآ شكله هو الهدوء الي يسبق العآصفه ]
{يأإوجد حإألي وانكسإأري وغيبي وعدمي ..!
وجود من جمع حلاأإله وضإأع اللي " جمعهـ "
المشكله ماهيب " نفسي " وزلات قدمي
ومإأهيب [ بحه صوت ] احبهـ ومإأعإأد اسمعه
المشكله لآ جات من بين دمـي و لحـمـي
مإأدري من ـأخلي ولإ ادري من أوقِف معـه ..!
عبير طلعت للحريم وشافت نجلآء جالسه على طآولة بعيده لحآلها باين من شكلها كيف شاردة حتى مو مهتمه بالناس الي حولها
سحبت كرسي عبير: ممكن آجلس
نجلآء : ايه حيآك
عبير : ياربي من الخبلآ ريانه طول اليوم طايحه سب وشتم في تركي
نجلآء : الله يعينه وربي ريانه بزر مدري كيف اختارها تركي
عبير: القلب ومايهوى
نجلآء زفرت : آيـــه القلب ومآيهوى ..
عبير: نجلآء وش فيك اليوم مو على بعضك
نجلآء : آآآآآه ياعبير
عبير: سلآمتك
نجلآء : نرجـــس يا عبير نرجس
عبير: وش فيها؟
نجلآء: شكلها رجعت تتصل على عزوز
عبير شهقت
نجلآء تجمعت الدموع بعيونهآ
عبير: طيب انتي وش عرفك؟
نجلاء: انا سمعت عبدالعزيز يكلم حرمه وانا متأكده ولما دخلت تخربط وسكر الجوآل غير كذآ قبل
شوي قبل مآينزلني هنآ دق جوآلها حوآلي 5 مرآت كل شوي يعطيه مشغول آخر شي قفل جوآله
عبير: مآســألتيه مين الي يتصل؟
نجلآء : لا
عبير: ليش طيب؟
نجلآء : حاولي تفهميني عبير انا مابي انصدم مرة ثانيه مو كل شوي اشك فيه ابي اعيش مرتاحه معاه
عبير: لا يانجلآء انتي لازم تمسكين عبدالعزيز وتسألينه هالازعاجات وش قصتهآ ؟
نجلآء : مقدر وربي مقدر
عبير: لآزم ننقذين بيتك وزوجك قبل لايطيرون منك ولا ترى لافات الفوت ماينفع الصوت ..
/
مشـآعل جالسه بالبيت ماراحت للزوآج دخلت على غرفة طارق تبي تآخذ اشرطة DVD وشافت اللاب توب حقه مشغل
مشاعل: اكيد نسى يسكره قبل مايروح للزوآج ايه وش عليه يبي يتميلح عند النسايب
جت بتسكره بس شافته تارك المآسن مفتوح دخلت عليه وفتحت ايميله تبغى تشوف الايميلات الي واصلته
مشآعل: ياكرهه كلهم ايملآت اصدقآئه الي برى
وهي تفتح الصفحه الثانيه من الايميل
مشآعل: اوف كل هذولي ايميلات مايسمحهم هذآ و لآ وش قصته ..
شافت ايميل غريب مكتوب Hi tarek… From Anna
مشآعل: والله ويرآسل بنآت الاخ
فتحت الايميل وشآفت صورة البنت Anna مع طآرق جالسه ومعاهم اصدقائه وكآتبه في المسج
:
الى الاخ الذي اعتز بصدآقته طارق
كم انا مشتاقه لك انا والزملاء
افتقدنــآك كثيرآ اتمنى ان تزورنــا في الوقت القآدم
آنــآ ..
:
مشــآعل جت في بالها فكرة ارسلت المسج على ايميلها وسكرت اللاب توب حق طارق وسكرت
غرفته وراحت بسرعه لغرفتها فتحت لاب توبها وشافت المسج الي ارسلته اخذت الصورة وحاولت
تلعب فيها بالفوتوشوب جلست ساعتين وبعدين فبركت الصورة صآرت مافيه الا طآرق وجنبه Anna
مشآعل : والله وطحتي في يدي ياجود وهذي اول المفاجأت الي راح تستلمينها مني
مشآعل معاها البآسورد " الرقم السري " لايميل اختها عبير وطبعا ماسنجر عبير فيه جميع بنات
العائله مضيفتهم عندها راحت فتحته واخذت ايميل جود
وارسلت لها الصورة وكتبت تحت
:
الى الاخت جود ..
الف مبروك الخطوبه تتهني يارب
بس حبيت اقول لك شوفي سوابق زوجك
وترى الرجال يحب وقلبه مع وحده غيرك
واذا مو مصدقتني طالعي الصورة كويس
( فاعله خير )
:
ارسلت الايميل وهي ميته ضحـــــــــــك تتخيل كيف بتكون ردة فعل جود بعد الايميل ..
/
بالفنــدق ريآنه جالسه على السرير وتطالع في تركي ...
تركي: مبروك يابنت عمي
ريآنه اعطته نظره وسكتت ماردت
تركي: الحمام من هنآك
ريآنه : آدري
تركي: ريانه حبيبتي خلينآ نفتح صفحه جديده
ريانه مآقدرت تمسك اعصابها: اسمعني لا تقولي حبيبتي مرة ثانيه انا بنت عمك وبس ولآ تفكر ان
زوآجنا راح يطول لآ تتأمل وآجد ... وبعدين الصفحآت خلصوآ مافيه صفحه جديده خلك على صفحتك
القديمه ياستاذ ..
تركي: انا مآبي نبدآء حياتنا مشاكل
ريآنه: لو سمحت كل وآحد راح يأسس حياه مستقله عن الثاني ولا تجمعنا بالكلآم كل وآحد يتكلم عن نفسه
تركي: ترآك مو قد اللعبه ياريانه
ريآنه: وانا بنت ابوي قدهآ وقدود
تركي: نصبر ونشوف وش آخرة لعبك
ريآنه: لا تستعجل يابابا بتشوف
تركي يتأملها وهي واقفه تهاوشه بفستانها الآبيض الفخم والروج الآحمر وشعرهآ شكلها ولا لعبه
عروسة عيونها الكبار وفمها الصغير وحوآجبها الرفيعه تركي عشق كل تفاصيل ملآمحهآ بس لو
تترك عنآدهـآ الي مايوديها الا بتسين دآهيه ..
ريآنه: هيه وين رحت فيه انا اكلم جدآر
تركي انتبه على حاله وماحب انها تلآحظ كيف كآن سرحآن بشكلهـآ ..
تركي: وش قلتي ؟
ريآنه: انا مآعيد كلآمي الي سمعته
تركي: ماسمعت شي غير صرآخك وكلآمك السريع من غير فوآصل مآفهمت شي يآ مدآم ريانه
ريآنه: لو سمحت مدموزيل
تركي:هههههههههههههههههههههههههههههه انتي على ذمتي يعني مدآم
ريآنه: مدآم بالمشمش ياسيد
تركي: انا بروح ابدل ملآبسي
ريآنه تنآظر له وهو يمشي
...... ريـــــــــآنه .......
يمه قلبي الحمد لله الي راح يبدل ملآبسه ولآكـآن اغمى علي ... هالشين شكله اليوم حلو ولآهيبه ملك
ريآنه نست نفسهآ جلست تغني آغنيه هيبه ملك
طلع تركي وهو لآبس بيجآمته السودآء
ريآنه : وين الحمآم
تركي يحآول مآيطالع لها : مو قبل شوي تقولين اعرف مكانه روحي دوريه
ريآنه عضت شفايفها من الفشيله ورآحت تبدل ملآبسهـآ .. دخلت الحمآم ( وآنتوآ بكرآمه)
ريآنه [ ياكرهه ياناس هو وجهه بزعمه وينه ياحول ...]
جت بتفتح الفستآن بس السحآب مو رآضي يفتح تحآول فيه فوق تحت مو رآضي ثآبت .. عورتهآ
يدهـآ وصارت حمرآء
ريآنه[ يمه وش اسوي مو رآضي يفتح الله يقلعه مو وقته .. ياربي اروح اقوله يجي يساعدني بس
لآ خير ليش يسآعدني بعدين يتريق علي وانا مستحيل اصير علك بلسآنه .. بحآول ياا انا يالسحآب
لازم ينفتح]
جلست نص ساعه بالحمآم وتركي مايدري وش فيها تآخرت
تركي [ وش فيها ذي نآمت جوى الحمآم .. وش اسوي اروح اطق الباب عليها .. لآ بعدين تمد لي
لسانها وش يبي يفكني منها خليها بالحمام متى ماتبي تطلع بتطلع ]
فتحت ريانه الباب وعليها فستانها وهي مستحيه بس بنفس الوقت مسويه فيها بريستيج
ريآنه آشرت بآصبعهآ كنهآ تنآدي قرسون بمطعم
ريآنه: لو سمحت
تركي طآرت عيونه : خير؟
ريآنه: لو سمحت ممكن تجي تفتح لي السحآب
تركي مآسك ضحكته مايبي يخربها قدآمها مسك السحآب وفتح الفستآن
ريآنه: شكرآ
تركي: عفوآ
دخلت ريآنه للحمآم وتركي جلس يضحك عليهــآ ..
/
العمه صيته: خلآص دآم فارس موجود نروح معاه
آمل وقلبهآ يدق بقوه : يمه ليش مانرجع مع السوآق
ام عبدالعزيز: يابنتي انا و جود ونجلاء وعيالها مع السوآق وفآرس برى ارجعوآ معاه
العمه صيته: أي والله يالله ياشوق انتي واختك البسوآ عباياتكم ولد خالكم ينتظرنآ برى
آمل: بس يمه
العمه صيته: مدري متى هالحياء نزل علينآ اقول جيبي عباتك واركبي بسرعه مانبي نعطله
آم عبدالعزيز: يابنت الحلآل انتي تعرفين بنتك امل تستحي من ظلها
/
ريــآنه وهي تفتح بيجآمتها السكريه تذكرت العنود وجلست تضحك
العنود اشترت لها البيجامه وقالت لها تلبسينها ثاني يوم والقميص الابيض تلبسينه اول يوم بس
ريآنه مآوافقت على كلآم العنود
ريآنه[ياحلو شكلي طالعه للأخ الي برى بقميص نوم ] لبست بيجآمتها وعدلت شعرهآ تعطرت
وطلعت تركي شم ريحه عطرهآ اعجبته بس كآن سآكت...
تركي [ اللحين ياريانه راح تبدآء اللعبه على اصولهآ ]
ريآنه جلست على الكنبه الي بالغرفه وهي ساكته
تركي: ريانه انا بقول لك شي اوكي انا وآحد ما آحب يشآركني احد بسريري علشان كذآ كل وآحد
رآح ينوم بعيد عن الثاني...
ريآنه : آحلف
تركي ضحك : هههههه والله
ريآنه: ايه كذا حلو
تركي: اتفقنآ؟
ريآنه: اوكي انت تنوم برى على الكنبه وانا بالغرفه
تركي: خلآص بس آسمعيني هالكلآم بيني وبينك
ريآنه تتريق: وش رآيك يعني تبي النآس تتشمت فينآ
تركي: تتشمت فينــآ ؟
ريآنه انصبغ وجهها آحمر : اوكي خذ وسآده ومفرش وروح نآم برى انا طول امس مانمت كويس
علشان كذآ بنوم اللحين
تركي: ترى بعد 4 ساعات طيارتنآ اقصد الطيآرة
ريآنه زفرت : ايه طيب
طلع تركي واخذ وساده وتمدد على الكنبه وهو يفكر بحياته هو وريانه كيف راح تصير ومين الي راح يكسب اللعبه هو ولآ ريانه ..!!
/
{ 彡سوّيت فيها ...؟
كن مانـي بـ يمّـه
يعني طبيعي رايق و ما ابالـي..
بس الصراحه ...
ودي يا ناس ألمّه
وانساه في صدري و يبقى حلالي彡
ركبت شوق وآمل ورى وآلعمه صيته قدآم آمل حآولت تصير طبيعيه آكثر من اللازم ..وفآرس قبل مآيركبون شغل اغنية عبدالمجيد علشان
محد يحس ان حركته مقصوده..
كلامي اللي أنا قلته .. وهالورد اللي أرسلته ..
ولا حسيت أبد إنت .. تشطر عاد وإفهمها ..
أحبك يعني مو داري .. ولا حسيت في ناري ..
كفايه تشغل أفكاري .. تشطر عاد وإفهمها ..
سلامي واهتمامي فيك .. هديه كل يوم اهديك ..
اكلم غيرك واعنيك ..تشطر عاد وافهمها ..
انا مو ناقص الا اجيك .. واحط قلبي انا بيديك ..
واقولك الله يخليك .. احبك يللاا افهمها ..
متى عينك تناديني .. متى قلبك يحس فيني ..
ياخوفي تروح انا سنيني .. تشطر عاد وافهمها ..
أخاف تكون فاهمني .. وبس ودك تتعبني ..
عشاني قول ريحني .. احبك يللاا افهمها ..
العمه صيته: شلونك يافارس؟
فارس: بخير ياعمه
شوق: كيفك فارس؟
فآرس انا تمآم انتي كيفك يادكتورة؟
شوق: هههه تمام
آمل سآكته وقلبهـآ يدق بقوة ..
فآرس يطالع لآمل من المرآيه ...
فآرس: كيفك امل ؟
آمل بهدوء: الحـ ...ـمد للـ...ـه
العمه صيته : هاه ياولدي وشلونك بعد تركي
فآرس: والله يآعمتي ضايق صدري وبنفس الوقت فرحآن له
العمه صيته: يالله عقبآلك
فآرس : لآ وبعد طآرق الثاني راح يخوني ويتزوج
العمه صيته : ههههههههههههههه الفال لك الا انت متى تبي تتزوج ؟
فآرس آبتسم : ان شاء الله قريب
العمه صيته: عاد انا الي بتخطب لك البنيه وانا الي بتزوجك
فآرس: اكيد ياعمتي انتي اول وحده راح تفرحلي
العمه صيته: أي والله بس انت خلك جآزم وانا ادور لك من بكرى
فآرس: لا تدورين ولا شي انا اجيكم البيت واقول لك
العمه صيته مآفهمت :ههههه شكلك مستعجل
فآرس:ههههههههههههههه
شوق مستغربه هدوء امل وكيف شكلها مرتبكه ومتوتره ...
/
{ ياخي هآآته ..!!
قلبي اللي بين كفينك ممآآته ..
ياخي هآآته ..
ماني خاايف من نزيفه ..
بس خاايف من شمااته .
كيف لا مّروا وقالو
كل هذا النزف ......... ليه
وويش اقول ؟
مات من حرصه علييه ..!
ياخي هآآآته...
السآعه 11 الصبح دق جوآل ديــم وهي غرقآنه بالنوم مو حآسه فيه بس الجوآل استمر يدق لحد
مآزعجهـآ وفتحت عيونهـآ شافته رقم غريب ورجعت الجوآل للكومآدينه بس تذكرت آخر ثلاث ارقام 380
ديم [ هذا رقم البنت الي ارسلت لي المسج ] دق مرة ثانيه وعلى طول ردت ديم
ديم بعصبيه :نعــم ؟
سميرآ: هلآ مدآم ديم
ديم : خير وش تبين
سميرآ : مدآم انا مو قلت لك تتركين فيصل
ديم: اتركه لمين لا يكون لك انتي اقول ترى انا مشغوله ومو فاضيه للتفاهات هذي
سميرآ: استني استني انا ابغى تفضين اللحين وتجين لمكتب فيصل وراح تشوفين
بعينك كل شي
ديم : مكتب فيصل ؟
سميرآ : ايه اللحين يالله باي
ديم رمت الجوآل على الآرض طآح وانكسر وجلست تصيح
..... ديـــــم ....
البنت تتكلم بكل ثقه اكيد راح يصير شي في المكتب وبعدين فيصل ليش يقوم بدري
ويروح لمكتبه اللحين انا ماراح اجلس هنآ وانا متكتفه لآزم اروح اشوف وش
القصه مو اجلس وانا الافكار توديني وتجيبني لازم احط حد للموضوع ..
آتصلت ديم على السوآق علشان يطلع السيآرة برى نزلت بعد مـآ تأكدت ان الكل
نآيم ومحد صآحي ... ركبت ديم بالسيآرة وبالها مشغول في الكلآم الي سمعته
تحآول تصير قويه تصبر نفسهآ آكيد كل شي كذب سمعت صوت اصـآلة سكتت وظلت تفكر بفيصل ....
لا تخاف من الزمان الزمن ماله أمان
خاف من اللي كل امانك في يديه وتامنه
لو حبيبك ماوفى لك لوحبيك فيه خان
إيش ترجي من زمانك؟؟ النتيجه باينه
نكتشف مر الحقيقه بعد مايفوت الأوان
قلتلك لا تندفع له قلت حبي صاينه
وينه اللي صان حبك ما أشوفه يوم بان
قلبك يلي هو قلبك لا تحسبك ضامنه
لاتعذر بإحتياجك كلنا ناقص حنان
كلنا طفل يتمنى أي شخص يحضنه
نبني الدنيا وحنا نوقف بنفس المكان
للأسف ينقص,, وفــانــا مع مرور الأزمنه
ديم وهي تدعي انها ماتشوف شي يضايقها تدعي ان
البنت تكذب وما تكون صادقه ...
/
سميرآ دخلت على فيصل ..
سميرآ : استاذ فيصل انا الي كلمتك قبل كم يوم
فيصل: ايه تذكرتك تفضلي
سميرآ جلست: زآد فضلك
فيصل : خير كيف اقدر آساعدك ..
/
نزلت ديــم من السيـآرة ومشآعل كآنت جالسه بالسيارة مع السوآق تستنى سميرآ
ولما شافت ديم داخله للمكتب اتصلت على سميرآ تعطيهآ خبر ان ديم اللحين بتدخل
عليكم ( هذي هي الخطه )
سميرآ اعطت فيصل الآوراق وجلس فيصل يقرآهم وهو منزل رآسه سميرآ قآمت
من مكآنها و رآحت ورى فيصل وقربت له حيل لحد ماصارت لاصقه فيه فيصل
عقد حوآجبه
سميرآ : هذي الورقة الي كلمتك عليها
فيصل رفع راسه يطالع لها وهو مستنقد حركتها
سميرآ صارت تنزل راسها له لحد ماصارت عينها بعينه
وقفت ديم عند الباب ترددت قبل مآتدخل يدينها كآنت ترتجف اول مرة تسويها تدخل
على مكتبه اول مرة تطلع من البيت من غير ماتقوله بس مآقدرت تصبر اكثر
فتحـــــــــــــــت الباب عليــهم .. وشافت المنظر البنت وآقف قريبه من فيصل وفيصل يناظر لها ديم نزلت دموعهآ وماعلقت
فيصل التفت على الباب و شآف ديم
ديم بصوت مخنوق ومتقطع : برآفو يافيصل وانا اقول لك كم يوم متغير علي
فيصل: لحظة ديم
ديم: تتنهى فيها يارب
طلعت ديـــــــــــــم من المكتب وهي منهاره واعصابها تعبانه وركبت مع السوآق وراحت لبيت ابو
فيصل نزلت من السيارة ودخلت للبيت دموعهآ تنزل رتــبت ملآبسها وخذتهم بالشنطة وهي تنزل
على الدرج تصيح شافتها ام فيصل
ام فيصل: ديم وش فيك وين بتروحين
ديم: خالتي انا تعبت وتعبتكم معاي محد مرتاح لوجودي هنا لا انتي ولا فيصل انا برجع من المكان
الي جيت منه
ام فيصل وش هالكلام الي تقولينه يابنتي فيصل زعلك بشي
ديم صرخت : لاتجيبين لي طآريه
ديم وهي شايله شنطتهآ الثقيله دآست على طرف عبايتها وطآحت بوسط الصاله والشنطة طاحت
من يدينها وتبعثرت الملآبـــــــــــس بكل مكآن وديم اغمى عليهآ
ام فيصل تصآرخ لما شفت شكل ديم كذآ صحت رندآ من النوم مفزوعه ونزلت وشافت ديم طآيحه
جلست تصيح ... دخل فيصل عليهم وشاف ديم معمى عليهــآ وامه واخته يصيحون حولهـآ ...!!!
/
توقعــــــــآتكم ياحلوين ؟
ان شاء الله البارت الجآي ماراح يتأخر عليكم
وحبيت اذكركم ان البارت القآدم هو البارت الآخير ان شاء الله
... غــرور الهلآل ...
|
14-08-08, 01:39 AM
جديد مواضيع قسم القصص المكتمله من وحي قلم الاعضاء
العرض العادي
