كاتب الموضوع :
غرور الهلال
المنتدى :
القصص المكتمله من وحي قلم الاعضاء
بسم الله الرحمن الرحيم
الجـزء ][ 29 ][
: : :
آلصبــح وفيصــل نآيم مو حآس بنفسه له يومين مو نآيم متمدد بالصآلة .. ع الكنبه والشمآغ طآيح ع الآرض وازارير الثوب مفتوحة ..
آم فيصل : فيصل يمه قووم
فيصل قآم بكسل : فيكم شي؟
آم فيصل: لا والله مافينآ شي بس انت ياولدي شكلك تعبان
فيصل: يمه محد اتصل علي ؟
آم فيصل: لا سعود ماتصل..طالع وجهك يمه كيف شكلك تعبان نسيت انه بعد بكرى زوآجك
فيصل : اووف يمه خلاص ترى حفظت الاسطوآنه هذي
ام فيصل: وقف فيصل تعااال
فيصل صعد لغرفته وهو طفشان وضايق خلقه
دخل غرفته سكر الستآير ورمى نفسه ع السرير بعد خمس دقآيق ..دق جوآله ..فـّــز من نومه
فيصل: هلا مشاري وش صار طيب ماغير رآيه؟
مشاري: يافيصل عجزت وانا اقنعه مو راضي
فيصل : استغفر الله العظيم
مشاري: سعود مصمم انه مايطب الرياض
فيصل: خلآص هو نقل نهائي
مشآري: ايه واليوم باشر بدوآمه بالخّبر
فيصل: يعني خلآص استقر بالشرقيه
مشاري: ايه
فيصل: طيب خله يرد علي مكالماتي ومسجاتي ..مشاري وربي تعبت انا يعني زواجي بعد بكرى واخوي وصديقي مايحضره معقوله؟
مشاري: للأسف هو يقول انه ماراح يجي
فيصل: أيــــــــــــــــــــــش ؟
مشاري: فيصل طول بآلك انا ماكان ودي اقولك بس....
فيصل: لا قولي انك تكذب مستحيل انا واثق سعود راح يجي يعني راح يجي
مشاري: طييب فيصـ... [ سكر فيصل الخط ]
... مشــآري ...
والله مآلومك يافيصل ..والله يلين قلب سعود ..
/
{ كنـك ليامـن [ تركّيـت ] وميلـت العقـال
تحفة صاغهـا الله علـى شويـة حـلا
فيلسوف تنحنـي لـك فلاسفـة الخيـال
[ فوضوي] معطـي النـاس والدنيـا جـلا
امل وآقفه عند باب بيت خآلها ابو عبدالعزيز الشغآلة فتحت لهآ.. كآنت بتعطي جـود سي دي
شآفت فـآرس جـآلس بالحــوش ع الكرسي وكآشخ شكلة يبي يطلع كآن ودهآ تدخل بس من
شافت فارس خربط كيآنها وماقدرت تدخل اعطت الشغال السي دي تعطيه جود وهي رآحت
/
{ سافرت ناوي اترك الضيق لحظات
لقيت طيفك بالسفر محتريني ..
فـآرس نزل من سيــآرته وجلس على جآل البحــر .. والهمــوم والوسآويس معبيه رآسه
انا ايش اسوي في الشرقية معقولة رندآ البزر حبيتهآ وصرت مثل المجنون مو عارف اسوي شي .. يالله
بكرى زواج فيصل وانا مو معــآه المفروض اللحين انا واقف جنبه ونايم عنده آآآآهـ يافيصل الله يسامحك
حطمت قلبي واهنت كرآمتي اقولك ابي اختك تعطيهآ وآحد ثاني وانا الاولى فيهــآ .. انا لآزم انسى رندآ
لو صدق تحبني ما وآفقت على الي اسمه فهد هذا دليل على انها ماحست فيني وانا اتخيل اشياء مالها اساس
بس مو معقولة البنت من تصرفاتها باين على انها تحبني .. يااااه ياسعود ايش تبي تعور رآسك
البنت وطـآرت منك ايش تبي ..!!
/
{أسألگ بالله وش سويت فيني
وش سرهـ الشوق اللي يجيني
قلبي طول وقته معگ
مايبيني
في بــيت فـآرس ..في قسم الرجــآل .!!
فـآرس: يالله خلنآ نصلي بالمسجد اللحين ابوي يعصب علينآ
طآرق : دقايق بتوضاء واجيك روح قبلي وانا راح اجيكم
فآرس: اوكي احصلك بالمسجد لاتتأخر
طآرق: قلت لك دقآيق
طلع فـآرس للمسجد ورآح طآرق للحمآم [ وانتوآ بكرآمه ] علشآن يتوضآء ..
جود : ليندآ فيه آحد بمجلس الرجآل
ليندآ : لا كوله روح مسجد يمكن بس بابا فآرس
جود :حلووو اوكي شكرآ
... جــود ...
انا رآح اخذ حق آمل بنت عمتي لما دخل عليها بغرفتي وروعهـآ بروح اعمل فيه مقلب ..
دخلـت جود لقسم الرجآل وشآفت انه فيه آحد بالحمـآم توقعته فآرس ..رآحت ودخلت على المجلس
شـآفت الشمآغ والعقآل .. اخذتهم وخبتهم ورى ظهرهآ ..على بآلها انهم حقآـ فآرس
فجـآءة دخل عليهآ طـآرق الي مآكان يدري انه جود بالمجلس كآن يبي ياخذ شماغه ويروح للمسجد
دخل شـآف جود معطيته ظهرهـآ ..وكـآنت لآبسه بيـجـآمه سبور لونهآ بيج وشعرهآ رآبطته ..
طـآرق: آحم آحم
جود: يوووه خربت علي المخطط يالدب .. [ سكتت وما قدرت تكلم لما شآفت طآرق مو معقولة للمرة الثانيه يشوفهـآ وهي مو متغطيه ]
مد يدهـ يبي يآخذ الشمآغ منهآ ..هي ماقدرت تتحمل طآحت من طولهآ
طآرق انصدم مو قآدر يتصرف شـآلهـآ بين يديــنه وسندهـآ ع الكنبه ..جآب كآس مويآ ورشه عليهآ ..
طآرق: جود جود
جود صحت و لما شافت طآرق قريب منهآ انطوت كنهآ بزر ودخلت راسها بين رجولهآ ودموعهآ تنزل ...
طآرق: جود فيك شي؟
جود ماردت
طآرق: اسمعيني انا بطلع اوكي قبل لايجي ابوك او فارس بس ريحيني انتي فيك شي ؟
جود اشرت برآسها
طآرق ابتسم وطلع بسرعه ..!!
... جــود ...
يـآ انه وقح يطآلع فيني ويسألني بعد اذا فيني شي..بس مـآينلآم هو توهـ جآي من برى وتعود
على انه يطآلع للبنآت .. بس جنني هو وضحكته ياااااااااااااربي عليه من جد يخقق .. يؤ يؤ
ايش هالتفكير الغبي الي انا افكر فيه ياااارب مايقول لفارس شي ولا وربي الا يذبحني
/
ريـآنه : ياربي وين الشغالات مايفتحون الباب
ام مشعل: يالله انتي افتحي الشغالات يغسلون
ريانه : شغلتين وكلهم مشغولآت خوش والله
ريآنه لما فتحت البـآب صرخــــــــت ذيك الصرخه الي خلت آم مشعل تطلع برى تشوف ايش فيهآ ..
ام مشعـل: ريااانه وش فيك؟
ريـآنه وهي تبكي: يمممه العنــــــــــــــــود جآت
ام مشعل: صدق ؟
/
جـود: يالله مو مصدقه بكرى زوآجك ياديومه يعني بتتركيني؟
ديم : افا ياجود لاتقولين هالحكي انا مستحيل اتركك
جود ضمت ديم: الله يوفقك ويسخر لك فيصل
ديم :آمين يابعد قلبي
جود: خلاص انا قلت مابي ابكي يكفي بكرى ان شاء الله
ديم: خلآص مابي دموع
جود وهي تشرب القهوة : ايه صح سمعتي بآخر خبر؟
ديم: وشو؟
جود: رندآ بتتزوج
ديم قامت من مكآنها : ايييييييييييييييش؟ رندآ ؟ اكيد سعود صح
جود : مين سعود؟ ولد عمي؟
ديم: ايه
جود: لا بتآخذ ولد صديق عمي آسمه فهد
ديم : شلون يعني وسعود؟
جود: وش دخل سعود؟
ديم: هي تبي سعود وسعود يبيهآ
جود: معقولة هالكلام لا لا لا ..لو هي تبي سعود ماوآفقت على الزواج
ديم: احس انه راسي يفتر مستحيل رندآ تاخذ احد مو عاجبها
جود: كل شي مكتوب والزواج قسمة ونصيب
/
آلعنود: الله يحيك يبه..
مشآري : ايوه قولي لنا تنصحين نروح للنمسا
العنود: مرة تجنن طبيعه وجو ومنآظر كل شي يفتح النفس فيهآ
مشعل: وضاري ينعد من الي يفتحون النفس
العنود: هههههههههههههههه
ام مشعل: والله أني خفت ماتحضرون زوآج ديم وفيصل
العنود: لامستحيل ضاري مايحضر زوآج اخته
ابو مشعل: الله يوفقهم
ريآنه: وين الهدايا؟
عبير:ههههههه وانتي ماتستحين ياريانه
ريانه: استحي من العنود؟ خيير
ابو مشعل: وهي صادقه مرت اخوك استحي
مشاري: عاد ريانه والهديه لو تبي تروحين للدوآدمي قالت وين هديتي
العنود:هههه تستاهل رنوش
ريانه: يابعد الدنيا ياعنوده
العنود: لحظة انا ماشوف سعود وينه ؟
ام مشعل نزلت دموعهآ ..ابو مشعل تغير وجهه ..الكل ساكت وجلسوآ يطالعون في بعض
العنود: وش فيكم؟ سعود فيه شي؟
ابو مشعل: والله يابنتي سعود سافر للشرقيه وراح يستقر هناك
العنود: يستـقر ؟ مافهمت
ام مشعل: نـقل من شغله وراح للشرقيه
العنود: ليـــش ؟
العنود: طيب وزواج فيصل بكرى متى راح يجي؟اذا ماجاء اللحين؟
مشاري: ماراح يحضر
مشعل: وش جالس تقول يامشاري...سعود ماراح يحضر زواج فيصل
ابو مشعل: اتصل عليه وقوله لازم يحضر ولا مو زين له
مشاري: يبه مقفل جهازه من الصبح ... مايبي احد يضغط عليه وهو امس يقول لي لو يطلع جدي من قبره ماراح احضر الزواج..
ريانه بعصبيــه : كله من رندآ
العنود: طيب ايش الي غيره على فيصل؟ مو فيصل اعز واحد عنده يا ناس فهموني شي ..وبعدين انتي الثانية ايش دخل رندآ ؟
عبير: العنود قومي معاي فوق اقول لك على كل شي
ريانه: خذوني معـآكم ..
/
ام فيصل من الصبح وهي صآحيه علشان زوآج فيصل الليله .. ولمـآ جـآء العصر تبي تروح للمشغل عند الكوآفيرآ..
ام فيصل: مـآري وين رندآ؟
مآري: نوم في غرفتهآ
ام فيصل : ماصحت لحد اللحين؟
مآري: لا
ام فيصل: هذي البنت تبي تبهذلني
صعدت ام فيصل لغرفة رندآ تطق الباب ورندآ نايمة .. ازعجتها كل شوي تطق عليها بكل قوة
لما صحت رندآ وفتحت الباب وكآن شكلهآ تعبآنه
ام فيصل: ليش ماصحيتي الى اللحين؟
رندآ: يمة ترى مالي غير 3 ساعات نايمة
ام فيصل: قومي غسلي وجهك وغيري ملآبسك نبي نروح للمشغل
رندآ: يووه مالي خلق
ام فيصل: مجنونه انتي؟ اليوم زوآج اخوك نسيتي ولا كيف
رندآ : طيب خلاص لا تعصبين اللحين اغير ملابسي
ام فيصل: ايش الي غيرك اول كنتي متحمسه وكنت اكثر وحده تهتم لما تصير فيه منآسبة عآدية .. ولما جاء زواج اخوك طنشتي
رندآ [ هذآكـ آول يـآيمــه ]
آم فيصل: وترى خالتك ام فهد تبي تجي هي وآخته يعني لازم تكشخين هالليله وتصير كشختك اوفر ..
رندآ تتنهد: يالليل ابو لمبــه
ام فيصل: ايش؟
رندآ : خلاص انتي انزلي وانا راح اجيك بعد شوي
ام فيصل : لا تتـــأخرين
/
{ لاتطآلع في عـيوني خـآيفة // يضيع الكلَآمـ..
تدري إن الكون وآآآسـع ,, لكن عيونك زحــامـ..!
ضـآري دخل على آلعنود وكآنت بقمة كشختهآ لآبسه فستان اصفر و شعرهـآ نآعم وقاصته
مدرج ومسوية " بف " من ورى ومنزله غرتهآ على عيونهآ والميك آب مسويته شوي ثقيل مع الروج الآحمر صاير شكلها وااااو
و بمآ انها عروس واول زواج تحضرهآ بعد زوآجهآ والكل يبغى يشوفهآ ..
ضـآري اسند ظهره على الباب وقف يطآلع للعنود الي مو منتبه عليه
ضـآري: ليش كذآ ؟
العنود خآفت : ايش؟
ضـآآري: ليش كآشخه ؟
العنود تضحك : ضاري قلبي الليله زوآج ديم ايش فيك؟
ضاري: انا مابي احد يشوفك بذي الكشخه اخاف يحسدونك
العنود قربت لضاري ومسكت يده : الي مكتوب يبي يصير.. بس انا ابي اكشخ علشان يقولون هذي حرم ضـآري
ضـآري باس يديهـآ : يابخــت ضـآري فيك والله ..
العنود : يالله خلينآ ننزل ونروح
ضـآري: ايش رآيك نجلس ونسحب على الزوآج
العنود:ههههههههههههههههههه
ضـآري: لا تتحدين ترى اسويهآ
العنود خآفت : مجنون انت تسويهآ .. لا لا تكفى لا تخرب كشختي
ضآري: تدرين الليله احسد مين؟
العنود: مين؟
ضاري: الحريم الي يبغون يطالعون لك
العنود استحت وطلعت برى الغرفه علشان تآخذ عبآتهآ وهي بالاساس هربت من كلآم ضاري ونظرآته لهـآ ..
/
القـآعة آمتلت من الرجـآل الي يبآركون لفيصل وابو فيصل والكل متجمع وفرحآن الا المعرس
" فيصل " على رغم فرحته انه راح يكون مع ديم... الا انه وجهه مو طبيعي
مو متخيل انه اخوه وصديقه و ولد عمه يتركه في هذا اليوم بالذات .. من كانوا صغار مع
بعض وكل واحد منهم يوقف مع الثاني في فرحه وحزنه اذا كان مهوم فيصل يوقف مع سعود
اذا صار سعود يبي شي اول من يروح له هو فيصل .. مو بالسهوله يتخلى عنه وينقطع عنه ..
تركي يهمس لفيصل: فيصل ابتسم وفك العقده ترى هذي ليلتك لاتخلي الناس تتكلم علينآ..
فيصل: سعود ماجــآء ؟
تركي ضاق صدره من سؤال فيصل: لا
فيصل كل شوي يطالع للباب يستنى سعود يدخل عليه ويكمل فرحته بذي الليله ..
وعيال عمه كآنوا كل شوي يراقبون ملآمح فيصل الي باين عليه انه متضايق علشان سعود مو وآقف معآه..
عند البـآب الشبآب وآقفين يستقبلون المعآزيم والضيوف ..
عبدالعزيز : مشعل مارد عليكم هذآ ؟
مشعل: من الصبح وانا اتصل عليه مقفل جهازه
عبدالعزيز: ياحوول اللحين وش نسوي طالع شكل فيصل وربي يكسر الخاطر
مشعل : والله مافي يدي أي حل
مشاري: المشكلة اني اقنعه بسعود انه ماراح يجي ويقول الا يبي يجي
تركي جــآء للعيال وهو مستعجل
تركي: ياعيال طالعوا الخبل وش يقول
فارس: أي خبل؟
تركي: فيصل قبل دقايق يقول ماراح احد يدخلني على ديم الا سعود
فارس: وش يخربط هذا ؟
مشعل: يبي يفشلنا
تركي: اقنعوه
عبدالعزيز: كيف نقنعه وهذولا الناس يباركون لهـ
مشآري: خلونآ ندخل عند المعآزيم مايصلح كلنآ وآقفين عند الباب
فارس: صادق مشآري اخاف الناس تشك فينآ
مشعل: يالله ياعيال خلونآ نمشي..
فيصــل التفت على عيآل عمه ..وعيونه كآنت تسأل عن سعود .. كل وآحد منهم مآ قدر يحط
عينه بعين فيصل ..فيصل هنآ تحطم جـآهـ اليأس من انه سعود خلآص مآ رآح يجي بعد اللحين
التفت فيصل يبغى يسلم على الرجآل الي واقفين قدآمه الا وهذآ ســــــــــــــعود دآخـل عليهـــم
فيصل قآم من كرسية .. فيصل ضحك ذيك الضحكه الي كآنهـآ ضحكه طفل ..العيآل لما شافوآ
سعود انبسطوا وحسوآ انه ليلة فيصل توهآ تبتدي ..
ابو مشعل: اخيرا جآء سعود
ابو فيصل: الله يريحك كنت قلقان انه مايحضر ويزعل فيصل في هذي الليله
فيصل: كنت متأكد انك ماراح تتركني
سعود: وانا اقدر اترك اخوي بليلة عمره ؟
فيصل ضم سعود لصدره كآن منظرهم مرة مؤثر .. طبعآ الرجآل الي بالقـآعه يعرفون انه فيصل
وسعود مرتبطين بعض من كآنوا صغار بس مايعرفون ايش السبب الي خلى فيصل يقوم من
مكآنه ومايعرفون سبب تأخير سعود عن زوآج فيصل ..
/
في قـآعة الحريــم ..
الكل مبسوط ع الآخر والكل يرقص وفرحآن مـآعندآ رندا الي كآن الكل متوقع آنها راح تكون
نجمة الحفلة ومآراح تجلس بمكآنهـآ لآنه المعرس آخوهآ والعروس ديم بنت عمهآ وصديقتهآ ..
شوق : رندآ قومي تحركي ماتبين تشوفين ديم قبل الزفه
رندآ : مو اللحين بتنزل ماله دآعي اصعد لهآ
ريآنه تركض للعنود الي كآنت جآلسة قريب من رندآ ..
ريآنه: العنود سعود جـآء
العنود: الله يبشرك بالخير
امل : بروح اقول لخآلتي ام مشعل اخليها تنبسط
رندآ حست بشي غريب دخل قلبهآ غير مزآجهآ ..ارتسمت البسمة على فمهآ ..كآن ودها تسمع بهذآ الخبر من بدآيه الزوآج ..
رندآ: شوق يالله خلينآ نصعد لديم
شوق وعلى وجههآ علآمة استفهآم : مو توك قايله اللحين بتنزل
رندآ وهي تضحك من كل قلبهآ : يالله مو معقوله آشوف ديمو مع النآس انا حمآتهآ
ريآنه كآنت حآقده على رندآ الي تعرف انه سعود اخوهآ يحبهآ وعارفه ان سعود ترك الريآض
ورآح للشرقيه بسببهــآ .. مو فاهمه ليش عملت كذآ
ريآنه : رندآ ترى آمك من شوي تنآدي تبيك تسلمين على خآلتك ام زوج المستقبل
العنود ضربت ريـآنه على ركبتهآ ..
ريآنه بعفويه: أي وجع
شوق حطت اصبعهآ على شفايفهآ وتأشر لريانه : اووص
رندآ حطمهآ كـلآم ريـآنه مـآقدرت تتحمل ..دموعهآ متجمعه في عيونهآ حست لو تبي تجلس
اكثر من كذآ بتقلب العرس لحزن رآحــت للحمــآمــآت ودموعهآ خآنتهـآ ..
العنود: ارتحتي اللحين ؟
ريآنه نزلت رآسهـآ
شوق: يالله وين جود تحل المشكلة؟
امل رجعت للبنآت : هيه وين رندآ
ريآنه حست بتأنيب الضمير: أمل انا ضايقت رندآ بكلآمي ورآحت زعلآنه مني
آمل: لا يكون عن زوآجهآ ؟
شوق: ايه
آمل عصبت وقالت للبنات كل شي
آمل بعصبيه وآضحه: اساسا رندآ ماتبي فهد بس علشان عمي طآح عليهم ومآحبت تزعله
العنود: علشان كذآ وآفقت
ريآنه: بس مو قليل الي سوته مع اخوي
شوق: هي وش عملت؟ هو تقدم لها ورفضته ؟ مجرد كلم لآخوهآ ..ماكلم خالي وقاله ابي بنتك
ريانه استسخفت حالها: بروح اعتذر منهآ
العنود عصبت : انطقي هنآ ولا تتحركين .. آمل روحي شوفي رندآ
ريآنه: ياليت ديم موجوده كآن رندآ مابكت
نجـلآء جت للبنآت: يالله ياحلوآت ترى اللحين ديم بتـنزف ..
آمل : رندآ اطلعي من الحمام
رندآ فتحت الباب ولما شافت امل ضمتهآ واخذت تشهق وهي تبكي
آمل: لا لا لا ايش هالدموع رندوش الليله زوآج ديم ..
رندآ : مابي اتزوج امل انتي فاهمتني انا قلبي مو معآي انا ابي سعود
آمل: كل شي مكتوب وبعدين انسي الموضوع اللحين ولا تخربين زواج اخوك بدموع مالها
معنى يالله قومي معآي بعد شوي ديم بتطلع لازم نكون واقفين معاها
رندا مسحت عيونهآ بيدينهـآ مثل حركآت الآطفال..مسكت امل يد رندآ وطلعوآ ..
ريآنه وآقفه عند بآب الحمام تنتظر رندآ تطلع .. لما طلعت رندآ وامل
ريآنه : رندآ
رندآ التفت على ريآنه وعيونهآ مليانه دموع
ريآنه: آنا آسفه وربي ما كنت اقصد انا امممم اااا تبين الصراحة تصرفك قهرني اخوي يحبك
ويتمناك زوجة له وتجين توافقين على فهد
رندآ : بس ياريانه لما رفضت فهد ابوي كآن يبي يموت والسبب انا واذا مات ابوي بسببي
ماراح اسامح نفسي ..!!
ريـآنه ضمت رندآ ..
آمل : يالله بنـآت ديم بعد خمس دقآيق بتنزف خلونآ نوقف معاها هي وجود
ريـآنه تبستم لرندآ : يالله ياحمـآة ديم
رندآ ابتسمت ابتسامة مجـآملة ولا قلبهآ معورهـآ .. كل ماطالعت لوجة ريانه تتذكر سعود الي
فيه منهـآ كثير كبــر عيونهـ .. رموشه الكثيــــفة .. حبة الخآل الي جنب الشفآيف .. ريآنه اكثر
وحده تشبه سعـــود ..
آ نفتـــح البـآب وتحت الانغـآم الكلآسيكــيه تمشـي ديم وكنهآ قمر بليله 14 ..دخـلت ومعـآهـآ
آخوهـآ مـآجد الصغير مـآسكهآ ..الحريم اعجبتهم الفكــرة الكل يطـآلع لديــم واخوهـآ مآجد الي
كآشخ بالبشت وكنهـ معرس وديم عروسته... ديم بفستآنهــآ الابيض
والذهبي كله مشكوكـ لولو ..ومع ورى الظهــر فتحـــه كبيرهـ نـآزل من عنده عقدين لولو
طويلآت على طول الفتحــه
و شعرهـآ رآفعــته بطريقة فرنسية والطرحــة شكلهـآ غريب مع مسكة الورد الي بين
يدينهـآ ونـآزل من عند المسكة كريستـآل ولولو ... الطقم الي لآبسته هديــة من ابوهـآ المـآس
مرصع بالآحجـآر الكريمة الي تبين لمعتهــآ والي بآخر القاعه يشوف بريقهــآ ...
كوشتهــآ كـآنهـآ قبــه وذي القبـة على آطرآفهــآ ورد ابيض ونـآزل من عنده لولو [ فكرة ديم تبغى
كل القـآعة لولو على فستـآنهـآ ] ...ونــآزل من فوق القبــة كور صغيره مليـآنه ورد آبيض ..!!
ومع ورى الكرســي شيفـونـآت باللون الابيض اللؤلؤلي مثبتآت على الستآند على شكل متموج
وعلى طريق الكوشية مفروشة السجـآدة الحمرآء وعلى آطراف السجـآدة شموع مشتعله ..
والآضـآءة خفيفه وهــآدية .. وبعد مـآجلست ديم وآخوهــآ مــآجد جنبهآ على الكرسـي الطويل ..والكل جآء يصور مع ديم
وبعد 10 دقـآيق دخـل فيصل مع آبوهـ وآبو عبدالعزيز واغنية بـآسم ديم وفيصل بصوت
عبدالمجيد عبد الله ..مطرب ديــم المفضل كآنت مصره تكون اغنية زوآجهـآ بصوت عبدالمجيد ..
مع ان جود ونجلآء كانوا يبغون محمد عبده بس ديم ماتبي غير عبد المجيد..
فيصل دخل وعيونه مركزه على القمر الي جآلسة
قبـآله مو متخيل آنه بعد شوي رآح يروح وهو وديــم ويتسكر عليهم البآب كم كآن يتمنى
هاللحظه من كــآن صغير .. ديــم لمـآ شافت فيصل وآبوهـآ وعمهآ دخلوآ وقفت آحترآم لهم..
فيصل مّـر بوسط الحريم .. والحريم يزغردون.. قآمت العمه صيته تحب
فيصل وتبآرك لآخوآنهــآ وبنت آخوهــآ ...اقبل فيصل على ديم وبـآس يدهآ والمصورة
تصورهــم من كل جهه سلم عليها ابوهآ وعمهآ وعمتهآ ..وصوروآ معاهم وطلعوآ
جـت رندآ وباركت لفيصل وديم ..فيصل ضم رندآ وباس راسها وخلآهـآ توقف بينه وبين
ديم وصورت معآهم ..وجههـآ بآين عليه ملآمح الحــزن ...
وبعدهـآ طلعوآ للصـآلة الي في القآعه بطلب من المصورة علشآن تصورهــم على رآحتهــآ مو قدآم النآس ..
طلبت المصورة من فيصل يشيل ديــم بين يدينه .. طبعآ ديم رغم انها مو قصيرة لكن مقآرنه
بفيصل الي طولــه يلفت الانتبـآهـ وعرض كتوفه يعني تعتبر قصيرة ..ديم استحت ورفضت
المصورة صممت على ديم ..
فيصل يطآلع لديم غمز لهآ : مو على كيفك ..هذي ليلتنآ
شـآلهـآ بين يدينهـ وديم وجهها مصبوغ احمر من الحيـآء .. فيصل قرب من ديم وهو شايلهآ ..
وصورتهــم ..
المصورة : هيدي الصورة احلى صورة صورتهآ من كل الاعراس الي دخلتهم ..ماشاء الله لآبقين ع بعض
فيصل ابتسم لهآ ..ديم مارفعت رآسها من الحيـآء ..دخلت ام فيصل وام عبدالعزيز والعمه صيته
ورندآ وجود وقطعــوآ التورته الي مكونه من 6 طوآبــق ..
فيصل يأشر لعمته صيته [ طبعآ فيصل مرة علآقته قوية مع عمته وهو يعتبرهآ آمه الثانيه ]
فيصل يهمس بأذنهآ : متى نروح ؟
العمه صيته :هههههههه مستعجل ؟
فيصل: تقدرين تقولين كذآ
العمة صيته: اللحين اذا تبي ياولدي
ديم تسمع ضحكهم وعآرفة ان فيصل قآيل كلآم يفشلهآ .. ةكآنت على اعصابها بس مارفعت عينهآ و لآسيمـآ ان جنبهآ رندآ وجود يبغون يسلمون عليهآ ..
/
سعود : عن اذنكم
مشاري مسكه مع يده : على وين ؟
سعود: بسافر
تركي: مافيه سفر بتجلس هنا
سعود: بكرى ورآي دوآم وانا جيت علشان فيصل وهذا فيصل مع زوجته
فارس: ياسعود امك تبي تشوفك
مشعل: انت لو شفت ايش عملت ارتفع عندها السكر
سعود: انا ناوي قبل مـآ سافر اسلم عليهآ
عبدالعزيز: بس آمك اللحين بالقاعه عند الحريم
سعود : ولا يهمكم اطلعهآ . يالله توصون شي؟
مشعل: قلت لآبوي
سعود: ايه قتل له وبعدين انا بكرى عندي دوآم من الصبح
عبدالعزيز: اسمعني ترى لآزم تنقل
مشاري: ولا اعجبتك الجلسه هناك؟
سعود يضحك: ههههههه على الاقل ارتاح من ازعاجكم
تركي: الا يادب الحين احنا مزعجين
سعود:عاد انت راس الازعاج
تركي: اجل لا ترجع اجلس بشرقيتك
سعود:ههههههههههههه
/
شوق: العنود طالعي البنات شكلهم مسوين لك سالفه
العنود: ايش بيغون يعملون
جود: طالعي ريانه وينهآ فيه؟
العنود: اووف عند الطقاقه ايش تبي؟
رندآ جالسه عندهم : يقولون هي وامل يبونك ترقصين
العنود: انا ؟ لا فشله
جود غمزت لها: هيه ترآك متزوجه
العنود حمرت خدودهآ : بس آآآ
شوق: خليهم يشوفونك ..يشوفون آخر عروسة تزوجت بالعايله
العنود تمزح : قصدك ديم آخر عروسة
جود: هههههههههههه
امل تأشر للعنود ..
وغنت الطقـآقة ورقصــت جود تحت الحاح العنود معهآ بآغنية ( الله يديم المحبه ويديم ضآري لنـآ ونصير احلى ثلاثه الحب وضاري وآنــــــــــــــا )
العنود تفشلت من سمعت الاغنية مو متوقعتهآ كذآ ..وريآنه وامل وشوق ورندآ يصفقون لهآ ..
آم فيصل مبسوطة علشان فيصل وكآنت ترآقب كل شي بالقاعه علشان بتشوف اذا فيه نقص بحفلة الزوآج علشان تمسك على ديم شي ..
ام فيصل نآدت رندآ ..وجتهآ رندآ وكآنت على الطآولة آم فهد و آخته هــدى ..
ام فيصل: هذي رندآ بنتكم
آم فهد : ياهلا ومرحبا برندآ ..ماشاء الله كبرتي واحلويتي
رندآ باين من عيونهآ انها مو مبسوطة ..
رندآ :تسلمين
هدى : عيني عليك بارده كنك انتي العروس
ام فيصل زلت لسآنهآ : هذا وهي مو متكشخه عدل
ام فهد : ليش ؟ وش فيك رندآ وجهك شاحب تعبانه؟
رندآ : آآآ ممم
ام فيصل تضحك : هههههه مهتمه للزوآج ومانامت كويس علشان كذآ باين عليها الارهاق
هدى : عز الله انه ابوي عرف يختآر لفهد ..
رندآ ماقدرت تجلس آكثر من كذآ حست بآنهآ مكتومه وتبي تطلع تشم هوآء ..
رندآ : عن اذنكم
ام فهد : اذنك معك يالغالية ...
طلـعت رندآ بعيد عن اصوآت الموسيقى والرقص وزحمة النآس سحبت كرسي وجلست جنب
البوآبه حقت القاعه تبي ترتآح من الازعـآج .. حطت يدينها على راسها ... ورآسها مصدع لها
يومين مانـآمت مثل الناس من التفكير الي ذبحهآ ..
/
{ محتار وادري عنك لاصرت محتار
واضح في عينك يوم طالعت فيني
في داخلك تخفي كثير من الاسرار
كنك تبيني وماتبيني وتبيني ..!!
سعــود وآقف عند الباب : هلآ كدوي يالله شطورة نادي ماما
كآدي: ماما عبير تعالي
سعود : لا لا ماما حقتي انا
كادي : تيب ..
سعود:هههههههههههههه
رندآ قلبهآ يدق بقوه هذي ضحكة سعود .. معقولة هذا سعود ؟ يـآآه يا سعود لو تدري بالجمر الي بقلبي ..
نزلت دموعهآ حاولت تمسك اعصابها ماتبي تبكي .. بس فلتت منهآ وجلست تبكي وتشهق من
البكآء سعود سمع الصوت خآف مآيدري مين الي يبكي بهذا الشكل ... دخل وقف عند الباب وكآنت رندآ منزله رآسها
سعــود انصدم : رنــدآ ؟
رندآ شافت سعود ماقدرت تقول شي حتى ماقدرت تقوم من الكرسي ظلت خمس دقايق تطالع
لعيونه الي مآكـآنها عيون سعود لمعه عيونه اختفت وجهه ذبلآن ..سعود نفس الشي معقولة
رندآ بزوآج فيصل تبكي؟ [ سعود يعرف انه رندآ مرتبطه بفيصل اخوها بشكل كبير ] توقع انها
تبكي علشان فيصل راح ..
سعود حس بضيق مايحب يشوف الذل بعيون رندآ ..رندآ القوية العنيده الي تفرض رآيها على
الكل ومحد يوقف بوجهها ..اللحين صارت وحده ثانية منكسره الحزن مأثر عليهآ
سعــود حس بالقهر لما تذكر انها راحت من يدينه
سعود: مبـروك رندآ خطوبتك ..الله يوفقـ ..[ قطعت كلآمه رندآ ]
رندآ : سعود انا يمكن تأخرت ماقلتها لك بس بقولها اللحين وخلها في بالك ..تراني آحبك
وماراح اكون سعيده مع غيرك....
سعود مو متوقع تقولها .. لانه من الاساس مو متوقع انه راح يقابلها .. سعود ماقدر يتحمل
اكثر من كذآ طلع وتركهآ وركــب سيـآرته .. وغصبن عليه نزلت دمعته ..مسحهآ ومشى وترك الرياض ورآح للشرقية ..
لاهي نار ولاهي ماء ولاهي غيمه ولاهي ضمي
إن حكت غنت سنابل من رضى والسكوت إن صار..نيران الغضى
يا رضاها وقف وناظر شوي شف غلاها كيف سوى بشخص حي
كيف حي ولا لقاها وان لقاها مابقى بيدينه شي
غير انه يحتريها
سولفي للناس عني قولي اني ما عرفت اختار من قلبي يحبه
سولفي للناس اني ما عرفت ا قراء وجوه الحاضرين من الاحبه
أعترفلك اني فعلاً ما عرفتك ما قدرت أوصل لحل وما فهمتك
تجمعين الضد في كل الأمور غامظه مره ..ومره مثل نور
تشبهين أيام أوقات الخريف تمطرين أحيان إحساسك زهور
ويارضاها وقف وناظر شوي شف غلاها كيف سوى بشخص حي
كيف حي ولا لقاها وان لقاها مابقى بيدينه شي
غير انه يحتريها
آه ..آه .. من قلبي نصحته بس عيّــا ،،ينتصح نبظه يبيهــــا
آه ..آه .. منّــه ليه عيّـــا ليه عزّم يترك الكون ويجيهـــــــا
ما قدرت القى لهذا القلب حل الجواب اقفى بظله وارتحل
ما بقالي غير أنت ياغريبه يا رحيل العمر فيني يا حبيبه
صدقيني صرت من بعدك أخاف واعترف إن الخلاف واسع طريقه
وإننا ما نلتقي في أي شي .. فينا اختلاف .. وللأسف هذي الحقيقة
ويارضاها وقف وناظر شوي شف غلاها كيف سوى بشخص حي
كيف حي ولا لقاها وان لقاها مابقى بيدينه شي
غير انه يحتريها
/
{ بـس اعـذرونـي لا تـعلقـت بـخيـال ..
فيني طفل ما مل من كلمة {ياليت} ..
كل مـا نهرته غـمض عـيونه و قــال ..
وش للزمن يقسى و يهدم ما بنيت ؟..!!
رندآ قامت من الكرسي تبي تروح للحمآمـآت وشافتها ام مشعل ..
ام مشعل: وش فيك يارندآ ؟
رندآ شافت امس مشعل ضمتهآ وجلست تبكي
ام مشعل: اكيد تبكين علشان فيصل كلنا نعرف انك متعلقه فيه وفي ديم .. بس ان شاء الله كلها
كم اسبوع ويرجعون لنـآ .. وديم بتجلس عندكم يعني بتصير اخت لك
رندآ : ان شاء الله ياخالتي
ام مشعل: ياربي من كادي تقول سعود عند الباب ولا هو فيه
رندآ بعفويه : توه رآح
ام مشعل: صدق
رندآ توترت: ايه البنات الصغار قالوا لي ..
/
{ من دلّعـك .. خـلاّك تـخـتــال عـزّ الـلــــه إنـه بدلالـه متّعــــك
من صـوّرك .. سبحانـه اختـار بالـزين أحلاهـا صــورة شرّعـــك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
وقتي معك .. نظرة وترحـال صدفة تبيّن لي مشارف مطلعك
ما أروعـك .. يا ملفـت أنظـار خليت كل الخلـق خلفـك تتبعـك
فيصــل : سكر باب الغرفة
ديم جـآلسة على السرير..
فيصل قرب من عندهآ باس راسها ..
فيصل: ديم مو مصدق عيوني انا وانتي لحالنـآ
ديم مارفعت رآسها ..
فيصل قرب من عندهـآ حط يدهـ ورى ظهرهـآ ..
ديم وقفت ..
فيصل ضحك
ديم بارتباك : ابغى اااا
فيصل فهم : الحمـآم هنآك
ديم دخلت الحمآم ..
ديم يالله مو معقولة انا بذا الغباء الحمام قدآم عيوني واسأله ..مالي دآعي ..
ديم غيرت ملآبسهـآ وشالت البنسات ونزلت شعرهـآ النآعم خففت من الميكـ آب وحطت عطر وطلعت ..
لما طلعت شافت فيصل يغير ملآبسه بس عليه بنطلون البيجـآمه ومـآسكـ الفانيله بيدينه ..ديم انحرجت من منظر فيصل ..
ديم وجهها مصبوغ احمرر
لفت واعطت فيصل ظهرهآ
ديم بخجل : آسفه ..[ رجعت ودخلت للحمآم مرة ثانية ]
فيصل ضحك عليهـآ وعلى حركـآتهآ حس انهآ طفلة
ديم وجههآ آحمر كآن نفسها ماتشوف فيصل كآن ودها تجلس بالحمام ولا تطلع لفيصل
فيصل استنآهـآ ماطلعت بس تأخرت ..رآح طق الباب عليهآ
فيصل: ديم ممكن تطلعين ..
ديم فتحت البـآب وعيونهآ بالارض رفع رآسها بيدهـ ..وسحبهآ وجلسوآ على الكنبه قريبـين من
بعض حست ديم بتوتر فضيع اول مرة تجلس مع آحد يكون قريب لهآ بالشكل هذآ..
فيصل : الليله هذي غير.. عمري مآحسيت بالسعآده بالشكل هذآ..
ديم ابتسمت ..
فيصل : بقولك على شي بس مو تقولين انك وآثق من نفسك
ديم رفعت رآسهـآ ...
فيصل: كنت حآس من زمآن انك لي .. ومستحيل يأخذك غيري
ديم ابتسمت ..
فيصل يضحك وكآنه تذكر شي
ديم : ايش يضحكك ؟
فيصل: واخيرآ تكلمتي ..
ديم سكتت ..
فيصل : اتذكر لما قالت المصورة شيلهآ بين يدينك وقتهآ كنت ابي ابوس راس المصورة علشانها قالت كذا
ديم ماقدرت تمسك نفسهآ :هههههههه
فيصل: تبين تجربين مرة ثانية؟
ديم خآفت: لا تكفى
فيصل: مآعندي دلع بنآت ..
شأآل فيصل ديم بين دينهـ
ديم: فيصل نزلني تكفى
فيصل وقف يطآلع لديم الي كآنت قريبه منه حيل ..
ديم تطآلع لملآمح وجهه الي حفظتهآ بقلبهآ .. مآ قد شبعت عيونها من النظر له كل ماطالعت
له تستحي وتدنق رآسهـآ..
فيصل نزل ديــم ع السـريـــر ..وعيونه ماشالهـآ من ديــم ..
فيصل : مـآكـنت متوقعك بذي الحلآوة ياديم ... انا ربي يحبني الي خلآك من نصيبي
ديم سكتت ..فيصل جلس جنبهآ ودخل يدينهـ بين خصلآت شعرهـآ ابتسم وجلس يطآلعهآ وكأنه
يبي يرسمهــآ ..
/
{ لو يشاغبني مضيّع مني يعلن الاحتجاج...
و الأكيد أني أضيّع احتجاجه باحتجاجي...
ما يلائمني التعالي و أتحاشى الانزعاج...
أشتري راحة مزاجي في تجنب انزعاجي...
آخر الزوآج مآبقى احد في القآعه غير القليل ..
ريـآنه طلعت من القآعه بتركب مع السوآق وامهآ شآفت تركي
كآن شكله تــوب وآضح انه يستنى آمه ..هو شآف ريـآنه نزل من سيـآرته من غير شعور ..
ريـآنه <<عنيده .. لما شافته نزل رآحت تمر من جنب سيـآرته ..
تركي: كيفك ريـآنه
مشت ريـآنه وكأنها مـآسمعتهآ ..وهي سـآمعتهـ زين ..
ركبت السيارة ومشوآ ..
تركي انقهر من حركتهـــآ ..
/
رندآ اول مـآوصلت لبيتهم صعدت لغرفتهـآ .. ورمت نفسها ع السرير ودفنت رآسها بين
الوسآيد وهي تشهق من الصيـآح ..ملآمح وجههآ تغيرت من البكي الكحل سال على وجههآ ..
وشكلهـآ يكسر الخـآطر ..
رآحت اخذت شـآور علشان تهدئ وبعد مـآطلعت من الحمآم فتحت شنطتهآ حقت الزوآج وطلعت
جوآلهــآ شـآفت مســج ..
مـآلهـآ خلق تقرآء المسجـآت .. نشفت شعرهـآ ولبست بيجـآمتهآ الي تحبهـآ وتغطت بس
مآقدرت تنــوم ..تتقلب بالسرير مآقدرت .. قـآمت من سريرهـآ وراحت ع التسريحة وسحبت الجوآل وقرت المسج
كـآن من ســعود ..
"اذا اهداك الزهر مره فأنا اهديتك بساتينه
واذا ألهاك بفرح ليله فأنا تهت لبكاك سنين
واذا استضعفتك املاكه وشتتك ملاينه
انا حتى فتات الخبزه اقسمها معك نصين
طموحي بس اجي واظفر بشي تستحقينه
تدينته..تسلفته..سرقته.. مو مهم منين
كأني من كثر ما ارضى بكل اللي تمنينه
لو انك تطلبين الله يعنيني بقول آمين
انا ما العب على الحبلين وقت الطيش وسنينه
تبين اللحين يوم اني كبرت العب على الحبلين؟؟
ترى عند البدو بالذات عيب اللي تسوينه
حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين "
/
إلى هنـآ
توقعـآتكم يـآحلوآت كل وحده تكتب ايش تتوقع للبارت الجآي
ان شاء الله ..
اتمنى يعجبكم البآرت ..
والسموحة اذا صآر فيه تقصير ..
... غرور الهــــــــــــلآل ...
|
29-06-08, 12:14 AM
جديد مواضيع قسم القصص المكتمله من وحي قلم الاعضاء
العرض العادي
