كاتب الموضوع :
daneeh
المنتدى :
القصص المكتمله
البارت الاخير
خالد ياكل وهو ساكت وشوي شوي يبتسم وجواهر ماقصرت بالسوالف اللي خلته بفطس ضحك...
دخل حمد وهو يغني بصوت عالي يفقع الاذن:
القلب سلم لك أمـره
في حالتـي إنت أدرى
ياللي حنانـك وطيبك
تنحـط ع الجرح يبرى
شفـاف يانـورعينـي
حـبـوب قلبك يبينـي
زهرة شبابـي وسنيني
تفـداك ألفـيـن مـره
الله لـمـا تّـكـلـم
كـنـك تغـنـي ترنـم
الورد منـك تعـلـم
والشـاعر يضيع شِعـره
حنـون ربي يصونـك
فـي طيبتـك في عيونك
دنيـاك حبـي وكونك
ياطيب عمـري وعطـره
فديت صوتـك فديتـك
شفتك عشقتـك هويتـك
ياليت تـدري ياليتـك
غـلاك ياكـبـر قـدره
بوخالد:بس بس ابلشتنا انت و صوتك هذا...
حمد بزعل مصطنع:افا يا يبه وش فيه صوتي؟
بوخالد:ابد يا وليدي سلامتك ما فيه شي بس اذني عورتني...
حمد:رغم الاهانه يا والدي لكنني ساحترم كوني ولدك الغالي و انطم و اسكت...
خالد:والله و قمنا نحترم يا حمد...
ام خالد:بس بس هالحين تتظاربون تقل بزارين و بعدها نبتلش فيكم...
حمد:انتووووووووو هيييييييييه...ليش ما تقولون عندنا واحد بالبيت اسمه حمد خل نناديه يتغدى ويانا المسكين ما تغدى من زمان؟؟؟؟؟؟؟؟
خالد وهو ياكل:اصلن انت مو اخونا...شفناك بالبر و انت صغير و خذناك ويانا...
ام خالد بعصبيه:خلوووووووود؟؟؟وش ذا الكلام الباااايخ؟؟؟؟احد يقول لاخوه كذا؟
خالد:بس...
ام خالد:لا تقعد تبس بس لي...اكل و انت ساكت...تعال حمد تعال يا عيون امك الله يحميك من شر الحاسدين ان شالله...
حمد وهو يدعي و يطالع خالد:آآآآآآآآآآآآمين يا رب العالمين...
جواهر:خلاص فكونا الحين بتقوم الهوشه؟
حمد:انا بسكت بس عشان ابوي...أيه صح يبه...
عبدالله:عيون يبه انت وش تبي؟؟؟؟؟
حمد:اتفقنا اانا و ساره على موعد زواجنا...
ام خالد بفرح:والله؟؟؟؟متى تبونه؟
حمد بوناسه:بعد4شهور...يمديها تجهز لكل شي صح؟
عبدالله بابتسامه:الله يوفقك يا ولدي...
خالد بغيره:و انا ورا ما تدعون لي؟
حمد التفت عليه و بقرف قال:حتى بهذي بتغار مني؟؟؟؟والله حاله ويا البزارين...
عبدالله:ههههههههههههههههه والله لو نقعد على هواشكم كذا كان متنا من زمان انا و امكم...
جواهر و خالد و حمد:لاااااااااا ان شالله بعد عمرن طويل ان شالله...
عبدالله:دريت يا حمد ان ملكة خالد بعد3ايام؟؟
حمد بغى يطيح:هاااااااااااااااا؟؟؟؟؟خويلد؟؟؟؟
عبدالله:هههههههههههههههههه ايه معاه تركي و فيصل...
حمد طار غرفته:بااااااااااااااااي...
الكل استغرب حركة حمد:
حمد اول ما دخل غرفته مسك جواله و دق على سلمان:
سلمان وهو يشرب ببسي:ياخي ما تعرف اني طالع مع جولييت؟؟؟؟
حمد:بلا جولييت بلا خربطان اسمعني انت الحين...
سلمان حط الببسي على الطاوله:ها وش تبي؟
حمد:ملكة خالد بعد3ايام...
سلمان:طيب و يعني؟؟؟
حمد بغيض:يعني يا الثور انك تاخذ حقك منه فاهم؟؟؟؟؟؟؟
سلمان فرح:ياااااااااااااي والله لا اوريه على اللي سواه...
حمد:بس ترى معاه تركي و فيصل...
سلمان:والله لو معاه جدتي اهم شي اسوي اللي ببالي...ان ما خليته يجيني و يقول سلمان انا اسف ما اكون سلوم زوج عليا...
حمد:هههههههههههههههههه الله يقطع شياطينك...ههههههههه...ما اوصيك...
سلما:هههههههههه افا عليك لا توصي حريص يا النسيب...
و سكر حمد من سلمان وهو يحس بنشوة الانتصار...
نروح للكويت:
ببيت جروح:
سعود كان بالديوانيه اللي كانت ورا الفيلا مره بعيده...و من زمان مقفله لانهم بنوا وحده ثانيه...و كان هذا بعد وفاة ياسر...لان البيت بالاساس بيت ياسر مو بيت هاني...و سعود وهو يفتش بأغراض ابوه لقى مفاتيح و طلع يجربهم على البيبان و لقى مفتاح الديوانيه المهجوره...
فتح الباب و شغل الليتات و دخل و صك الباب وراه:
سعود بدهشه:يالله شنو هذا...23سنه ما اندخلت هالديوانيه...انا الا اعرف ليش...
كان المكان مره محيوس كله اغراض و صناديق قديمه...وهذا شي ممتع عند سعود لانه يحب يستكشف كل شي...يلس يدور بين الاغراض اللي كلها كانت لعمه ياسر...
سعود:الحين عرفت ليش ابوي يعصب لو قربنا صوب هالمكان...عارف انه راح ينفظح لو دخل احد لهالغرفه...
انتبه لظرف اسود كبير عليه صورة امه...
مسك الظرف و يلس على الارض عشان ياخذ راحته...
فتح الظرف و كان كله وثائق و صور و اوراق...
اوراق زواج ياسر و جروح...
اوراق للينا وهي صغيره...
اخيرا لقى ورقه لونها اصفر بسبب مرور الوقت...
فتحها و انفجع باللي يقراه...ماصدق...يبي يصرخ...يبي يقول أي شي مو قادر...
دمعت عينه و قال بألم:حسبي الله عليــــــك يابـــــــــوي...
المكتوب بالورقه:
يوم مهم في حياة هاني...
يوم موت ياسر...
ايه...
اخيرا مات عدوي اللدود بهالدنيا...
مراح تفرح جروح ببنتها...
والله اني لا ادمر فرحتها...
لا اخليها تبكي و تكره السنين الاربع اللي عاشتها مع ياسر...
ايه...
يوم دريت ان جروح بتولد و بتييب عدوي الثاني ماقدرت اسكت...
ناديت ياسر اللي كان داخل مع جروح...
دخلته لغرفة و معاي واحد من الدكاتره...
عطيناه كميه كبيره من البنج...
لانه اذا زاد عن حده يسبب الوفاه...
ايه...
قتلناه...ارتحت من ياسر ذاك اليوم...
حسيت بفرح بسنين حياتي ما حسيته...
لكن فرحتي ناقصه لان جروح يابت بنت...
دخلت عليها الغرفه بعد3ايام من موت ياسر اللي انفج الكل بوفاته...
اتفقت مع المستشفى اني ادفع لهم4ملايين اذا كذبوا على اهلي و قالوا لهم انه موت مفاجئ...
بجب جروح و ترجتني اني اكون كذاب و ان ياسر مامات...
خذت البنت منها عشان بس يرتاح قلبي ان ما كو شي يذكرها بياسر بعد بنتها...
عذبتها الثلاث السنين الاولى بحياتنا لانها دوم تطعني و تتذكر ياسر...كانت دوم تتعمد انها تجرحني و تتكلم عنه...لكن مادري شنو اللي صار و خلاهاا تسكت بعد...
اخيرا ماني مصدق ان ياسر مات...
و اتمنى بعد انه يكون مات بقلبها...
هــــــــــــانــــــــــــــي...
سعود تم مصدوم مو مصدق:ابـــــــوووووووي...يقتل عمــــــــــي عشــــــــــــان امــــــــــي؟؟؟ حقاااااااااااره...دنااااااااااااائه...والله لا اخذ حق عمي بالقوه والله...بخلي لينا و امي ياخذون بثار عمي...
طلع من الديوانيه و ركض على البيت...
وضحى و جروح و خليفه و جراح و لينا كانوا بالصاله يسولفون...
لينا:ههههههههههههههههه لا ما اقصد شي سلامتكم...
انفتح باب الصاله:يمـــــــــــــا...
جروح باستغراب:هلا سعود...علامك؟؟؟؟؟؟؟
سعود:يمه...ابووووي...ابوووووووي هوووووو...
وضحى خافت:سعود شفيه ابوي؟؟؟؟؟؟؟؟؟
سعود:ابووووي هو اللي جتل عمييييييي ياااااااااااااسر...
لينا و جروح بصدمه:هاااااااااااااااااااااااااااااااا؟؟؟؟؟؟؟؟؟؟؟
لينا بصدمه:ع...عمي...هو...هو اللي قتل ابووووي؟؟؟؟؟شلوووووون؟؟
جروح انفجعت:كيف عرفت يا سعووووود علمنيييييييييي؟؟؟؟؟؟
جراح و خليفه و وضحى ساكتين من الصدمه:......................
سعود مد لامه الورقه لكن لينا خذتها بسرعه...
لينا وهي تصيح:آآآآآآآآآه ليييييييييييش...لييييييييييييييييييييييييييييييييي ييييييش...ليش يسوي كذاااا...حسبي الله علييييييه حسبي الله علييييييييييه...
طاحت ع الارض من الصدمه...
جروح ركضت لبنتها:يمه بنتي...لينا يا قلبي قوووومي...قووومي يااااااا لينا قووومي...شووق...
سعود شال اخته وهو يبجي من الصدمه...ركض للسياره و الكل وراه رايحين المستشفى...وهم طالعين كانت سياره سلطان داخله البيت لانه دق عليها و قال لها انه بيجي يشوفها اليوم و يسلم على اخوانها و اهلها...
سلطان بصدمه:ايييييش؟؟؟هــــــــذي لينـــــــا..."فتح الشباك"خااااالتي...
التفتت له جروح:سلطــــــــــــــــــــــــان؟؟؟؟؟
سلطان بخوف:خالتي...خالتي لينا شفيها؟؟؟؟
جروح سكتت...
سعود مشى بسيارته بسرعه و مشى وراه سلطان اللي خلاص مو قادر يصبر عشان يعرف شفيها لينا...
وصلوا المستشفى و نزل جراح وهو شايل لينا و وراه سعود و خليفه و امه و وضحى...اما سلطان انفجع لمنظر لينا ولا قدر يتحرك...لينا...شفيك حبيبتي...ليش يوم جيت اشوفك تعبتي ليش يا حبي ليش...مين اللي سوا فيك كذا مين علميني عشان اذبحه بأيدي ميييييييين...
ظل بالسياره مو قادر ينزل:
اما داخل الحوسه قايمه و الكل مو عارف شيسوي...
جروح وهي تصيح:بنتي شفيها بنتي...حسبي الله عليك يا هاني حسبي الله عليك...الله ينتقم منك الله ينتقم منك...ياسر...ياااااااسر لينا بتموت...شوووووووووووووق بتموووووت يا ياسر شووووق بتمووووووووووووووووووووووووووووووووت...
وضحى حظنت امها و صاحت:يمه الله يخليج لا تسوين جذي...ان شالله لينا بتقوم...بتقوم بالسلامه ان شالله...ادعي ان الله يكون معاها يا يمه...الله ما يترك احد يا يمه ما يترك احد...
جروح حظنت بنتها:انا ما صدقت القاها...ما صدقت يا وضحى...للحين اخاف اغمض عيوني و افتحهم اشوف نفسي بحلم...ابد مو مصدقه نفسي...
وضحى سكتت...مو مستوعبه اللي صار بأختها الوحيده...ابد مو مستوووعبه...حطت راسها على كتف امها و صاحت:
نص ساعه وهم على نار...
طلع الدكتور و راحوا له جراح و خليفه و سعود:
جراح بخوف:دكتور شفيها اختي؟
الدكتور:.....
خليفه مسك يد الدكتور برجاء:تكفى دكتور قول لنا شنو فيها؟؟
الدكتور نزل راسه:تعرضت لنوبه قلب حاده و على اثرها دخلت بغيبوبه...
الكل سكت من الصدمه:
ثواني...الكل يطالع بالدكتور من الصدمه:
اخيرا نطقت وضحى:ق...قلـــــب؟؟؟؟لينا معاها القلب؟؟؟؟من متى؟؟؟؟؟؟؟
......:من يوم ما درت ان خالي مو ابوها...
الكل التفت للصوت و كان سلطان واقف و الصدمه و الالم واضحين بعيونه:
جروح ركضت لسلطان بخوف:شلون يا سلطان...بنتي ما فيها القلب صح؟؟؟؟تكفى قول...هي ليش مااااااااا قااااااااالت لي؟؟؟؟؟؟؟
سلطان بألم:هي لما قالت لها امي انها مو بنت خالي متعب جتها جلطه و ظلت يومين بغيبوبه...
الكل سكت من الصدمه اللي حلت عليهم:
بيوم الملكة...
الكل متجمع ببيت ابوعبدالله بيسوون فيه الملكة لانه الانسب بين كل البيوت:
مي و مزنه و نجود بغرفة...
مي جهزت و خلصت و نفس الشي نجود بس بقى مزنه:
مي بتصيح:بنات خايفه...والله بموووت من الخوف ابي اصيح...ابي اموووت...
عليا:ههههههههههههههههههه عشان تعرفون لما تضحكون علي بيوم ملكتي تستاهلين...
مي:خلاص معد بعايب على احد مره ثانيه...
التفتت عليا على العنود:عنود دقيتي على لينا؟؟؟؟؟
العنود بخوف:ما ترد يا عليا...لا هي ولا خالتي جروح...حتى سلطان ما جا...
مزنه بخوف:ايــــــــــــــش؟؟؟؟سلطان ما يا للحين؟؟؟؟؟؟؟؟؟
العنود:ايه ما يرد على جواله مادري شفيه...
مزنه:مو نازله الا لما ايي سلطان...هو وعدني انه يدخل مع خالد...
رن جوال مزنه و طلع على الشاشه"معرسنا الغالي":
مزنه بفرح:هــــــذا سلطــــــــان...
و ردت بلهفه:سلطان وينك...ليش ما ييت للحين؟؟؟؟
سلطان بحزن:مزون انا اسف...بس قمت متأخر و موعد الطياره فات علي...و ما فيه حجز الا الفجر...
مزنه بصدمه:شنووووووووو؟؟؟؟؟
سلطان:افهميني يا مزنه ما اقدر اجي...غير كذا لينا تعبانه...
مزنه خافت:من شنو؟؟؟؟
سلطان:حسك عينك احد يدري...طيب...بالذات خالي و زوجته...
مزنه بحزن:ان شالله لا تخاف...بس من ايش؟
سلطان بقهر:الحقير هاني طلع هو اللي قتل ابوها...و قالوا لهم المستشفى ان موته كان مفاجئ بس هم متفقين معاه بكم مليون...
دمعت عين مزنه:و درت عن اللي صار؟؟؟؟؟؟
سلطان:ايه و يا ليتها ما درت...لانها من درت جاها قلبها زي المره اللي راحت بماليزيا...
مزنه:الله ينتقم منه...الله يمهل ولا يهمل يا سلطان...ان شالله ربي يقومها بالسلامه...
سلطان دمعت عينه:الله يسمع منك...من اغمى عليها قبل3ايام للحين ما قامت...ادعي لها يا مزنه محتاجه لدعواتك...
مسحت مزنه دموعها:لا توصي حريص يا سلطان لينا غاليه علي...اخليك الحين يدتي تناديني...
سلطان:فمان الله...
سكرت مزنه من اخوها و الالم بعيونها...
دخلت جواهر:مزون يلا خالد يقول لو ما نزلت برقى لها انا...
مزنه مسحت دمعتها:لا الحين بنزل لا يرقى...
و طلعت من الغرفه و قلبها يدق بقوه...
نزلت مزنه على زفة الف بسم الله عليها...كانت تتمنى بهاليوم ان امها تكون معاها...تمنت اهل امها يكونون موجودين و يشوفونها وهي تنزف لخالد بس للأسف ما احد منهم قدر يجي و السبب هو اللي قاله لها سلطان وهي عاذرتهم...
كانت لابسه:
http://www.debenhams.com/images/prod...411505_LRG.JPG
نزلت وهي خلاص قلبها طبول...
جلست و الكل جا و سلم عليها بس فرحتها بهاليوم كانت ناقصه...ليش يصير لها كل هذا...يوم ملكتها و اخوها الوحيد ما يحضر والله حرام...
الكل تغطى لان خالد بيدخل...دخل خالد معاه ابوها و عمانها...و خالها ظاري اللي كان موجود من ملكة سلمان...
خالد كان متضايق وهذا اللي خلا مزنه تستغرب...بس ما تكلمت...
ابوسلمان:علامك يا ولدي يا خالد؟؟؟
خالد بضيق:بس ابد ولدك السخيف سلوم...شق البشت اللي اشتريته للملكة و اضطريت اخذ بشته...قهر والله بس مردوده...
بوعبدالله:نسيت اللي سويته فيه يوم ملكته والا اذكرك؟؟؟؟؟؟
خالد:لا لا ما نسيت...كافي اهانات من عليا ظرب و جلد و تهزيء...منك و من عمي و من ابوي و من عليا خلاص انهدرت كرامتي...
مزنه ضحكت بداخلها على تصرفات خالد...عمره ما راح يتوب...هههههههههههه مسكين...فرحان بالبشت و اخر شي يشقه سلمان...
ربع ساعه بعدين طلعوا خالد و مزنه رايحين يتمشون...
بعدها دخلوا تركي و مي...
بعدهم الثنائي المظلوم في هذه القضيه وهم نجود و فيصل ههههههه وراح تعرفون ليش...
بديوانية بوعبدالله:
مشعل و سلمان داخل:
سلمان يفتح الكيس:اهم شي مانسينا الباروكات هذا اهم شي
مشعل قام وقفل باب الديوانيه بهدوء ورجع جلس وكل واحد فتح له كيس اكبر منه
مشعل يطلع علبة مكياج:يلا تعال حط لي مااعرف
سلمان:هئ هائ وليش ماتعرف ليش ليش..ماتشوف البنات وهم يحطون لهم شوف انا احسن منك تعلمت من نجود كل يوم اجلس عندها اذا حطت لها
مشعل:والله عاد البنات كل مااجلس اشوفهم وهم يتمكيجون يعصبون و يشوتوني ويقفلون الباب
سلمان:المهم بلا هذره وترقيعه تعال اشوف احط لك
تمدد مشعل عالأرض وراسه برجول سلمان وبدا سلمان وحط له كحل سايل خارجي مفتوح وظل احمر صارخ مع لماع ..وكريم اساس وبودره
سلمان يطالع بودرة الخدود وهو عافس وجهه:احين هذي نسيت وين تحطها نجود..اممممم صح تذكرت تحطها برموشها
مشعل يفتح عينه:لالا هذا يحطونه بالرقبه انا اشوف حوريه تحطه والله اشوفها
سلمان يصرخ ويضربه كف:لاااااااا...لاتفتح عيوونك الكحل بعديين يسيييح على جفوونك ياالثور
مشعل يغمض:هههههه ااي ثور ينطحك يالقرد كم مره قلت لك لاتقول لي كلام وسخ عيييب انا عمك ترى اسكت لك كثير فاهم
سلمان:اسكت اسكت اسكت بس بلا عمك بلا خالك يلا اشوف يلا بلا بربره
مشعل ابتسم وسلمان لعب بوجهه لعب وحط له روج بنفسجي صارخ والمسكره حطها بالحواجب واخذ الباروكه الفصفوريه ومنفوشه بشكل مخيف ومجعده ولبسها مشعل...احسن شي الكحل ولا الباقي تتخرعين لاشفتيه
انتهى سلمان من مشعل:يلا خلصت
مشعل مغمض:.........
سلمان يحركه:مشيعل..هئ هئ.مشعل...مشيعل و وجع؟؟؟ناااايم والله؟مشعل و عمى؟؟
مشعل فتح عينه بنعاس:هااا...خلصت
سلمان:ايه خلصت حظرتك نمت ها...يلا قوم يلا اشوف وجع ماتشبع نوم
مشعل قام يتمغط وبغا كل جزء من جسمه ينفصل :ااااه ياحلات النوم بس(اخذ المرايه وشاف نفسه)يماااااااااااااااااااه جني جني جني
سلمان نقز من مكانه:جني.هئ هـــئ.وينه وينه ..قوم قوم نطلع قوم هالبيت مسكون قايل انا من زمان وانا اسمع اصوات
مشعل يأشر على المرايا وزايغ:اااه هذا هذا هنا بالمرااايا شوف
ويطل سلمان بالمرايا بشكل غبي:اي والله....من وين طلع
مشعل قام من مكانه وإلا المرايه المعلقه قدامه وشاف نفسه:
ويصرخ:يممممماااااااااااااااااااااااااااااااااااااا اه
الدنيا حوسه مع سلمان و مشعل خايفين...
بعد دقيقتين...استوعب سلمان الوضع:
سلمان قام من مكانه و قلبه يدق من كثر الخوف و يرتجف:يالثوور هذا انت...
مشعل يتأمل نفسه:انا.....شلون...هذا انا يعني انا...كذا شكلي...
سلمان فتح الكيس ويدينه ترجف:خواف...تعال خذ الفستان ولبسه...
مشعل مد يدينه واخذ فستنان احمر لأم سلمان مخصر وفيه ترتر ودانتيل ومخمل...مع شال خفيف وناعم ودخل الحمام الموجود بالديوانيه يلبسه...
سلمان جلس عالكنب وفتح علبة المكياج وبدا بالبودره بعدين كريم الأساس وحط له كحل داخلي ومسكره ورديه وظل غروب وشامه على خده اليسار وروج ازرق مع وردي غامق وبودرة خدود ورديه ولبس باروكه طويله عند الركبه ولونها عنابي مخصل بذهبي ولبس طقم الذهب حق امه ماعاد الحلق مايقدر.....واخذ فستان فرنسي طويل واكمامه طويله وواسعه
مشعل طلع من الحمام وهو يحاول يمشي مو عارف الفستان ضيق
سلمان يحاول يسكر السحاب وهو يطالع مشعل:موراضي يسكر هالحقير
مشعل ينقز:حتى انا
سلمان يعطي ظهره مشعل:حاول تسكره الله يخليك
مشعل:الله يعين قلبي احس بيصير شي...
سلمان:خلاص خلاص يابو الاحاسيس اسكت...تذكر ايام لما كنا ننظرب لما كنا نلبس فساتين البنات كان جدي يلعب فينا لعب...اذكر مره انجلدت جلد محترم من خالي لاني لبست فستان بنته و كنت بأول متوسط هاع...
مشعل يسكر السحاب ويضحك:ههههه والله الظاهر ابوي اللي بيعيد لنا هالأيام ...اقل شي بيسويه صطار على وجهنا يطيرنا افريقيا
سلمان التفت:ههههه خلاص شكرا اشوف تعال اسكره لك
مشعل يعطي سلمان ظهره وسلمان سكر السحاب ووقفوا ثنينهم يتأملون في بعض وكل واحد فطس ظحك:
راح سلمان فتح الباب لانه مقفل...:
سلمان:هيه هيه مشيعل...فيصل جا بسرعه...
دخل فيصل:
سلمان ومشعل جالسين بدلع على الأرض ومنزلين روسهم...
فيصل من الصدمه غمى عليه زياده مانام من امس:
سلمان مسك قلبه:ويه...شفيه؟؟
مشعل لام سلمان بقوه وخايف من اللي ينتظره:..غمى عليه
دقيقتين دخلت نجود اللي خافت من منظر فيصل و خافت من وجود البنتين معاه بالغرفه اللي هم مشعل و سلمان:
نجود:لااااااااااااااااااا...
سلمان ومشعل قلبهم رقع بالجدار ووقفوا وراحو بعيد ويتكرفع سلمان بالكعب وهو ماسك الباروكه وتطلع السيقان بس ربكم ستر نجود من الصياح مانتبهت ان السيقان مليانه شعر ورجاليه ومسكينه منهاره
سلمان ومشعل يتشجعون وينفذون الخطه رقم 2
مشعل راح عند فيصل وجلس عنده ورفع راسه ولماه بقوه ونجود تطالعه:حسبي الله علييييييييييييييييك الله لايبارك فيك
مشعل يرمش ولا يرد وهو يلم فيصل....سلمان جا وجلس وباس فيصل بجبهته
فيصل فتح عيونه وجلسه مشعل
فيصل...ربكم ستر انه فطن انتبه للشنبات الخفيفه اللي عليهم وعرف السالفه وجلس بدون مايتكلم:نجود
نجود تصيح وتتنافض:نعـــــــــــــــم...
فيصل:روحي داخل...
نجود تصرخ وهي تصيح:وليييييييييش اروووح داخل ليييش عشااان يحلالك الجو مع هالكلبتيييييييييين؟؟؟
فيصل انصدم:قلت لك روحي داخل بلااااا هالكلاااام الفاااضي...
نجود تصيح:ماني رايحه مااااني راااايحه لاااء لاااء مستحيييل...
فيصل وقف ومسكها لين داخل البيت وسكر الباب:نجود سكتي هذول سلمان ومشعل...
نجود توها تتذكر الشنبات:شلوووون...
فيصل شال العقال وطلع وراح الديوانيه ماشافهم عرف انهم انحاشوا...
طلع و نادا نجود اللي كانت متندمه على اللي قالته و انها شكت فيه بس هو تفهمها و عذرها...جلسوا بالديوانيه يسولفون و يضحكون براحتهم...
فيصل نسى ماضيه و قرر يفتح صفحه جديده و يطوي صفحة الماضي الاسود وراه...
بعد يومين تحسنت حالة لينا و طلعوها من المستشفى بس الدكتور قال لهم لو تعرضت لاي صدمه راح تكون قاضيه على حياتها و هذا اللي عيش سلطان بخوف و قلق مستمرين...
ببيت ابوناصر:
ام ناصر بصدمه:أيــــــــش يا وليــــــد...تتزوج اخت نادين؟؟؟؟
وليد:تكفين يا يمه طالبك...لا ترديني...
ام ناصر بعصبيه:لا يا وليد كفايه...خلاص الكلام اللي قلته ما ارجع فيه...
ناصر:طيب ليه يا يمه؟؟؟؟؟؟؟؟؟؟؟؟؟؟؟؟؟
ام ناصر:بس كذا انا مابي النسب منهم...وليد يا ولدي افهمني...انا ابغاك تاخذ لمار بنت خالك... كان ودي دايم اخطبها لك...تكفى يا وليد فرحني هالمره...نفسي انا اللي اختار لكم حريمكم"حس ناصر انه امه تقصده بكلامها و انه تزوج من وراها"نفسي تكون فرحتي فيكم كامله...مابيها ناقصه...
وليد ساكت من الغيض...
دخلت ريما:السلام عليكم...
حست ان الجو متكهرب شوي و سكتت...
وليد بقهر:طيب عطيني سبب واحد لرفضك لها؟؟؟؟؟؟؟؟؟؟؟؟؟؟؟؟؟
ام ناصر:بس هي مو من مواخيذنا ولا من مستوانا...بعدين كرامتي انا و ابوك ما تسمح لي اني اوافق تكون زوجه لك...
ناصر استغرب:أي كرامه يا يمه؟؟؟؟؟؟؟
ام ناصر بالم:قبل اسبوعين جا اخو نادين هنا و هددنا ان ما عطيناه ندى راح يرفع قضيه علينا... رحنا له نتفاهم وياه لكنه طردنا من بيته...انا على آخر عمري يا عيالي انطرد؟؟؟انا...من يكون عشان يطالب بالبنت و يهدد و ابوها لسه عايش و راسه يشم الهوا...ترضاها لي المهانه يا وليد...
وليد سكت و نزل راسه و ناصر يحس بالنار تشب داخله...انا...امي و ابوي ينطردون؟؟؟؟و من اهل نادين بعــــــــــد؟؟؟؟؟ليــــــش...امي اللي عاشت طول عمرها معززه مكرمه تنطرد؟؟؟؟؟
ام ناصر دمعت عينها:ولــــــيد...ان كان لي خاطر عندك و لي مكانه بقلبك اترك التفكير بهالبنت و انا اخطب لك بنت خالك...ان شالله تعوضك و تعطيك اللي تبيه يا وليد...رفضتها لمصلحتك بس...
ابتسم وليد بحنان:لا عاد اشوف دمعه من عينك يا يمه...ما عاش من خلاك تبكين...
حظنها بقوه:لو لمار هذي بتكون سعادتي معاهاا انا موافق لانها من اختيارك يا يمه...
ام ناصر بحنان كبير:منت زعلان يعني؟؟؟؟؟؟؟
وليد بابتسامه:و ليش ازعل يا يمه...الزم ما علي بهالدنيا رضاك علي...بس هذا كل اللي ابيه...
ابتسمت ام ناصر و حظنت ولدها بقوه...
دخل محمد:لا انا كذا اغار...تدلعين وليد ولا تدلعيني؟؟؟؟؟؟؟؟؟؟؟
ام ناصر:ههههههههههههه انت شغلك بعدين...
فراس من ورا ابوه:يعني فيه اشياء تطلع من ورانا هااااا؟؟؟؟
ناصر:هههههههههههههههههههههه فراس استح على وجهك عيب تقول هالكلام لامك؟؟؟؟؟؟؟
فراس:ههههههههههههههه هي اللي جابته لنفسها هههههههه...المهم انا حاب افتح معاكم موضوع...
محمد:تفضل يا ولدي...
فراس ابتسم:زاد فضلك يابوي...يبه انا قررت اتزوج...
ام ناصر:بس انت لسى صغير على الزواج...
وليد:ليش كم عمره؟
فراس:21يعني مو صغير ياا يمه...بس انا ابي املك و الزواج يكون بعد ما اتخرج...
ام ناصر بحنان:مين هذي اللي عذبت ولدي الغالي؟؟؟؟
فراس وهو مستحي و منزل راسه:ابي امي تختار لي...
ام ناصر بفرح:صدق يا فراس...تبيني انا اختار لك؟؟...
فراس مبتسم:ايه يا يمه...
ام ناصر بفرح كبير..:اختار لك سمر بنت خالك...اخت لمار...
وافق فراس على عرض امه...
الكل فرح بالبيت و ام ناصر فرحتها بعيالها كبيره لدرجة ما احد تصورها...
ببيت ابوعبدالله:
هزاع جالس بالصاله و معاه حوريه و جود:
جود:هزاع؟
هزاع:هااااا...
جود:هويت ان شالله...الناس تتكلم عدل و انت ها...
هزاع:آسفين انسه جود...خلصينا وش تبين؟
حوريه:انتو ما تعرفون تتكلمون بنعومه؟؟؟و بهدوء؟؟؟؟؟؟؟
هزاع:اوهوه الحين بتعطينا محاظره عن الاتيكيت...
جود:لا تضيع السالفه...تعال...انا قررت اخطب لك ريما بنت عمي...
هزاع التفت عليها بصدمه:كيييييف عرفتي اني ابيها؟؟؟؟؟
جود:هذا يحس فيك"و اشرت على قلبها"...
هزاع:والله فديتها انا نصي الثاني اللي تحس فيني...انا اقول ليش احبك يا جود...
حوريه:انت تتزوج؟؟؟؟ماني مصدقه...مبروك...كل هذا غيران من شوق و تركي؟؟؟
دخلوا شوق و تركي:وش فيهم شوق و تركي؟؟؟؟؟؟؟؟؟؟؟
هزاع:ابد ما فيهم شي فيهم الخير و البركه والله...
دخلت شهد:السلام عليكم...
هزاع:هلا والله بأم المهند و ماجد...
جود بسرعه:شهوده حبيبتي...شرايك نروح انا و انتي بكره نخطب لهزاع...
شهد بفرح:والله...هذي الساعه المباركه و اخيرا حسيت على دمك و قررت تتزوج؟؟؟؟؟؟
اليوم الثاني:
راحوا شهد و حوريه و جود يخطبون سلوى لهزاع...و المصيبه انه اصر تكون الملكة بنفس اليوم...يالله يالله وافقوا...
ملكة ناصر قدموها بطلب من ناصر لانه كان يبي ينسى نادين بأي شكل من الاشكال فقال لازم اعجل بالملكة عشان اقدر افكر بانسانه غيرها...و زاد تعلقه بشوق لما شاف اهتمامها الكبير ببنته...بالبدايه قال يمكن عشانها تبي تتقرب مني...لكن اكتشف ان تحليله غلط....شوق اعتبرت بنته بنتها...
بعد سنه و نص...
في السنه و نص هذي صارت اشياء كثيره...
اهمها:
*ناصر نفسيته تحسنت كثير من اول ما ملك على شوق...و كان زواجهم بعد اسبوع من الملكة...
*رفضت شوق انها تسافر شهر العسل بدون ندى لانها كانت يوميا عندها فتعلقت فيها بشكل ما تصوره ناصر...
*تم زواج حمد و ساره...الزواج كان مره كبير...الكل صار يتكلم عنه...وين ما رحتي تسمعين زواج عيال بيت بوعبدالله ال.......و ساره الحين حامل بالشهر الخامس...
*زواج سلطان...كان زواجهم بالكويت...و كان مره حلو...حضرت ناديه اللي كانت موجوده بالكويت قبل اسبوع من زواج بنتها لينا...لان جروح كلمتها و قالت لها ان لينا محتاجتها بهاللحظه معاها...و فرحت لينا ان امهاتها الثنتين معاها بهاليوم...و متعب اللي كان لها الاب الحقيقي بدال الاب اللي حتى ما شافها...مات اول ما طلعت للدنيا...و سكن سلطان بالكويت عشان تكون لينا قريبه من امها اللي فقدت حنانها...
*القبض على هاني بتهمة القتل...و حكموا عليه بالقصاص...لان بعد ما عرف الكل باللي سواه ما رضوا يتنازلون بالذات اهله...امه و ابوه و خواته الكل احتقره...
*احمد خطبوا له العنود و باقي على زواجهم اقل من اسبوع...
*نواف خطب الهنوف و تمت ملكتهم بس زواجهم بعد ما يتخرج احمد من الجامعه باقي له سنتين...
*اقتراب موعد زواج عليا...
*تم زواج مشعل اللي اصر عليهم انهم يعجلون بالزواج و كانت ملكته بعد اسبوع من ملكة خالد...و الحين زوجته هيفاء حامل بشهرها الرابع...
*ملكة وليد من بنت خاله رغم ان قلبه كان متعلق بجمانه اخت نادين لكنه قرر ينساها...
*موت ام سلطان اللي طلعت من السجن بعد انتهاء مدة الحكم و اكتشفوا ان معها الكبد الوبائي و العياذ بالله...الهنوف اكثر وحده كانت متأثره...لانها كانت تتمنى ان امها تكون قريبه منها...كان نفسها تحس بحنان الام...لكن ام فيصل اللي كانت امها بالرضاعه و عوضتها عن كل الحنان اللي فقدته...
*تحدد زواج خالد و مزنه مع زواج عليا و سلمان...
*قرار جراح بخطبة حوريه و خليفه بخطبة جود...وافقوا حوريه و جود على الزواج...
*سعود...خطب ريما و تحدد زواجهم بعد شهر من زواج خالد و سلمان...
*مشاري خال مزنه خطب رنا و تزوجوا و رنا الحين حامل بشهرها الثاني و ساكنه بالكويت...اللي ريحها انها تكون قريبه من لينا...
*نجود و فيصل عايشين حياه سعيده لكن ببداية زواجهم كانت المشاكل اكبر منهم بسبب غيرة نجود و شك فيصل المستمر لكن نجود قدرت تزرع الثقه مره ثانيه بقلب فيصل اللي اعترف لها بكل اللي صار وهي تصرفت بحكمه عشان تنسيه طوايف البنت اللي عرفها...
*تم زواج طلال و جواهر لكن للحين ما حملت...مع ان مر على زواجهم9شهور وهي خايفه من كلام الناس اللي ما يرحم احد...
*ظاري و ميس تم زواجهم ولله الحمد و بعد شهرين من الزواج كانت ميس رايحه للمستشفى الملك فهد لانها تداوم فيه...قابلت مريضه عندهم و بالصدفه كانت خالتها...و الكثير من الاحداث:
اما اليوم:
مفاجئه سعيده:
خـــــــــــالــــــــد بن عـــــبـــــدالله** **مــــــزنــــه بنت عـــــبـــدالرحمن
ســــلمـــــــــان بن عـــــبـــــدالعزيز** **عـــــلـــيا بنت عــــــــبـــدالله
يوم الخميس الساعه 11 في قاعة الهوليدي ان بالخبر..عرس سلمان و عليا و خالد و مزنه ..السعاده بقلوب الكل..البسمه مرسومه على شفاتهم...دمعة الفرح
بعيونهم....انتهت الآهات والزفرات والونات....حياه جديده تنتظر اصحابها الضايعين بدروب الحياه...طبول السعاده تنزف على الجدران
عليا تمشي بهدوء على زفه مسويها سلمان وملحنها خالد وبصوت حمد اللي يطرب الكل والنظرات موجهه لها...كانت لابسه فستان فخم
ابيض لؤلؤي منقوش بالذهبي على الخصر...وهي تطالع الكوشه بعيون تلمع بسعاده وخوف من المستقبل..نظراتها الناعسه تجول بخوف على
جدران القاعه برجفه من الداخل...تمشي بخطا للقفص الذهبي وهي تتأمل مستقبلها ومع كل خطوه بطيئه تتقرب منها الواح المستقبل....
البخار كان حول عليا اللي تمشي للكوشه اللي فيها بدر كامل مع عليا مايله للبدر المنير....وعلى اليمين معروض على الستاره البيضه
صور سلمان و عليا من ايام الولاده الى ايام اليوم..وعلى اليسار معروض بالفيديو مع موسيقى هاديه...وهم يلعبون بالحديقه مع بعض...
وقفت عليا على عتبة المسرح وجات ام سلمان وام خالد ومسكوها بهدوء وجلسوها على الكرسي.....
البنات مستانسين و واقفين ويوزعون ابتسامات وفرحانات على الآخر...وبدت الأغنيه ويرقصون كل البنات مع بعض وعليا تطالع الكل
من فوق الكوشه وهي شوي وتصيح وامها تبوسها وتضحك وفرحانه...وقامت ام خالد من فرحتها تصيح ويهدونها وهي تصيح وام سلمان
مسكتها ورقصوا مع بعض والحريم قاموا يرقصون وحركات ووناسه<<ياليتني معهم <<<
عند الرجال العرضه البدويه الأصيله قايمه عندهم...
سلمان لابس ثوب ولا كل الأثواب وذاك الشماغ الملكي اللي مافيه مثله..والبشت الأسود وريحة المسك فايحه منه
الكل مستخف...المكان صاير زحمه...لان ربع سلمان و خالد ما شالله كثار و كلهم جايين...
الشباب صافين وماسكين بعض وماسكين السيوف ومشتغلين على العرضه ...والرجال الباقي من الاهل والأصدقاء على الوجه الثاني من العرضه والكل ماسك السيف
ابوعبدالله البسمه واضحه بعيونه وابوسلمان الدنيا مو سايعته على ولده...
سلمان :ابوي
ابوسلمان:هلا ولدي الغالي
سلمان يهمس له:متى ادخل اشوف عليا
ابوسلمان يطالع ساعته:...احين احين بس انت هد بالك ياحبيبي ليش ترتجف كذا...
سلمان يبتسم:ههههه بسرعه بسرعه يكفي انها حارمتني اشوفها اسبوعين...اسبووعيين ماشفتها
ابوسلمان:هههههه يا...خلاص لاتموت علينا لاتموت
عبدالله جاهم:ههههه اشوف المعرس خابصنا اليوم ...
سلمان وهو بقمة التوتر:يلااا عاد ما صارت اخاف يوقف قلبي وانا ما شفت عليا
عبدالله وهو يضحك عليه:هههههه الله يوفقكم ويسعدكم ان شاءالله......والله يعينها على دفاشتك وشرك
سعد و محمد و يوسف و مشعل و عبدالرحمن وابوخالد وابوسلمان وابوعبدالله...طلعوا كلهم متجهيين لبوابة القاعه عشان يدخلون وابوخالد اتصل على ام خالد عشان الحريم يتغطون ويدخلون يزفون سلمان المربوش اللي حاسهم حوس وهو يحن ويطن على ابوسلمان الا يدخل احين وبها الدقيقه ...
ابوسلمان وهو عند الباب:ياسلمان يابن الحلال خلاص تراك صندرت راسنا
سلمان وشكله مضحك:ياخي قدر شعوري...من زمان عنها ماني قادر اتنفس
مشعل:شد حيلك وهالله هالله بالركاده...هههههه ينصحون غيرهم وينسون نفسهم
سلمان:شفت شلون عاد
وفجأه تتصل ام سلمان على ابوسلمان تقول دخلوا...
ابوسلمان سكر:يلا جاهزين
وماامداه ينتهي من كلامه وماشافوا الا سلمان يركظ ويسحبونه وهو يحرك رجوله ويمد يدينه للباب عشان يدخل
ابوسلمان يسحبه وكاتم الضحكه ورافع حواجبه:انت وتاااليتها وياااااك.فضحتنا بين الناس واللي يشوفك يقول مو المعرس من هبالك ياااابني اعقل
سلمان يتنفس بسرعه بسرعه:يلااا قبل اموت مااتحمل مااتحمل بسرعه بسرعه قلبي بيوقف بيوقف
ابوعبدالله:سلووووووم؟؟؟
سلمان ينضبط:نعم
ابوعبدالله:هالله هالله بالعقل انت وياه...ها..يمدحونه هاليومين يقولون ينفع صاحبه(يقصد خالد و سلمان)
وسلمان وخالد يهزون روسهم بالموافقه....
ينفتح الباب الرئيسي ويتقدم سلمان وراه المنتخب السعودي...ابوسلمان على يمينه وابوخالد على يساره وبوعبدالله وراه مباشره وماسك بشته بيده و معاه بوفيصل...و وراهم يوسف و محمد... و وراهم مشعل اللي عيونه تحوس منا و منا يدور زوجته ههههه...و معاه اخوه عبدالرحمن... وصل سلمان عند الجسر وصعد الدرجه الأولى على زفة هب السعد ومشى بالجسر والحريم كلهم فاتحين افواههم وعيونهم على سلمان اللي يطيح الصقر من سماه.....سلمان يمشي وهو يطالع عليا ومنبهر بجمالها الفتان وفستانها الروعه ومكياجها اللي مخليها احلى من القمر....الحريم يتهامسون...واللي يقول عليا خذت قمر واللي يقول الله واكبر واللي تشاهق جارتهم بغت تصيبها سكته قلبيه من كثر ماتشاهق....
وصل سلمان للمسرح وعمانه وجده وابوه و ابو زوجته وراه...
عليا وقفت وهي منزله راسها بحيا...ابوها سلم عليها وباسها على ..خوالها سلموا عليها
ابوسلمان فتح صندوق وقدمه لسلمان اللي فتحه وطلع منه طقم الماس ....لبسها العقد والحلق والخاتم وهي تتنافض....
وقف جنبها وهي واصله لين تحت كتفه شوي من طوله وعرضه...
ام سلمان ابتسمت وهي تشوف الفرحه بعيون ولدها:...يابعد روحي والله ياسلمان...مستانسين الله يهنيهم...
الحريم:آآآمين...
جات المصوره وصورتهم صوره جماعيه كلهم ومشعل مستخف يبي يرقص بس ام عبدالله موراضيه عشانها تخاف عليه من العين بس مشعل عنيد واللي براسه بيسويه لو تنطبق السما على الأرض مايتنازل عن قراره اذا كان مصر...ويرقص رقص اماراتي على اغنية قاصد وهو ماسك العصا وييبس وينزل على تحت ولاتسألون عن البنات اللي بالعرس زين بس ماجاتهم جلطه بالدماغ ولا انعمت عيونهم من كثر التبصبص والمشاهق وهو منفتنين على خالد اللي يرقص اماراتي...و هيفا موت مستانسه وهي تشوف حبيب قلبها يرقص قدامها و الكل يطالعهم و الحريم الغيره عمت عيونهم يوم دروا انه متزوج و ان هذي زوجته...
ابوسلمان يحب جبين عليا:الف مبروك يابنتي
عليا وجهها طماطه ومنزله راسها بحيى:الله يبارك فيك
ابوسلمان يسلم على سلمان ولمه بقوه لين سلمان بغى ينعصر:الف الف مبروك ياولدي الف مبروك وتعيشون بسعاده...منها العيال ومنك المال ان شاءالله....
سلمان متأثر:الله يبارك فيك يا يبا...
ابوخالد يسلم على بنته :الله يكتب لكم الخير...الف مبروك
عليا دمعت عينها:يبا...الله يبارك فيك...بشتاق لكم كثير
ابوخالد سلم على سلمان ووصاه خير على بنته جلسوا عشان زفة مزنه...
بعد ربع ساعه...
سلمان وقف ومد يدينه لعليا:علويتي...يلا
عليا وقفت وهي تتنافض وتحس الدنيا بتدور فيها
ام سلمان مسكت يد سلمان:يلا ياعيوني(حبته)الف مبروك..يلا تعالوا الغرفه الصغيره عشان خالاتك يسلمون عليكم وتصورون على راحتكم
سلمان مسك اصابع عليا ومشوا قدام ام خالد و ام سلمان وخالاتهم و ام عبدالله للغرفه الصغيره...
سلمان سلم على جدته اللي فتحتها مناحه وصياح على حفيدها حبيبها,,,,وسلمان يضحك لها ويمسح دموعه...
طلعوا كلهم و بدوا سلمان و عليا يصورون براحتهم...
بدت زفة مزون و كانت نفس حركة عليا:
وقت خروج المعاريس:
عند مشعل:
يكلم بالجوال:هلا والله بحبي هلا والله بحياتي هلا والله بنور عيني يا هلا بهيفاااااااائي...
هيفا بعصبيه:روووووووووح لا تكلمنيييييي...
مشعل مسوي فيها مو فاهم:افا...انا ما تبين تكلميني يا حبي؟؟؟؟؟؟؟؟؟افا ما هقيتها منك انتي بالذات ليش عاد؟؟؟؟؟؟؟؟؟؟؟؟؟
هيفا بغيض:و تسأل بعد تسأل...حسابك بالبيت...
و سكرت السماعه بوجهه وهي ميته من الغيره...لان بعد ما طلعوا الكل قام يتكلم عن رقص مشعل و البنات بس يتكلمون عنه...
اما هو فقع من الضحك عليها لانه عارف السبب...بس يعرف كيف يراضيها...يعرف انه ما يهون عليها...
بدت زفة المعاريس لبيوتهم...بيت خالد و سلمان كانوا ملاصقين ببعض:
بالمقدمه كانت سيارة خالد البي ام دبليو يسوقها مشعل و قدامهم سيارة سلمان البي ام نفس الشي و يسوقها حمد...وراهم السيارات و البوديقارد معاهم عشان يسهلون عليهم الطريق ولا يتجمعون الناس حولهم...فهد و طلال بآخر الموكب عشان يصورون موكب المعاريس و بمقدمة الموكب كانوا فراس و نواف يصورون السيارات و مره مستانسين...
ومشت السيارات بالشوارع بكل زهو وفخر...والسيارات اللي فيها العمام كلهم وراهم ..
بعد ربع ساعه وصلوا للبيت....نزلوا المعاريس ونقلوهم داخل بيوتهم ومشعل ماسك طرف فستان عليا و سلطان ماسك طرف فستان مزنه عشان ما يتعبها وهي تنزل من السياره وبوعبدالله ماسك يد سلمان و خالد وابوخالد فيه الصيحه ومتأثر انه بيفقد بنته دلوعته عليا...
نزلوهم البيت وراحوا بعد ماسلموا عليهم:
بعد مرور4سنين:
ببيت عليا و سلمان:
سلمان منسدح ع الارض و بنته نوره بحظنه و يلعبها:
سلمان يطالع وجه بنته اللي سبحان الله نسخة امها:نونه يع...مو حلوه نونا...
نوره خلاص فيها الصيحه:لاااااااااااااااااااااا...ثلمااااااااااان يئ او نووووووووناااااااا"لا سلمان يع مو نوره"...
عليا دخلت وهي ماسكه ولدها عبدالله:سلووووووووووووم؟؟؟؟وش ذا الاهانه؟؟؟؟؟
سلمان:اي اهانه؟؟؟
عليا حطت عبدالله اللي عمره سنه و 5 شهور على السرير و التفتت على سلمان بعصبيه:اذا سبيت بنتي معناته سبيتني انا...لانها كوبي مني...
سلمان حس بالغيره من نوره و سكت...عليا ما انتبهت عليه و جلست تلبس عبدالله و نوره عشان بتروح بيت اهلها:
بعد ما خلصت:
عليا:سلوم حبيبي...
سلمان ماد البوز و ساكت:............
عليا التفتت عليه:سلماني حبيبي...زعلان؟؟؟؟؟؟؟؟؟؟؟
سلمان مستانس من داخل:.........يهمك؟؟؟؟؟
عليا راحت له وهي ماسكه عبدالله:اكيــــــــد يهمني يا عمري؟؟؟
سلمان مسوي فيها بيبي:مابي انتي تحبين نونه و عبود اكثر مني...
عليا تجاريه:افا...مين قال؟؟؟؟؟؟
سلمان بزعل مصطنع:واضح من تصرفاتك...
عليا...ألله يعنني على زعل سلمان:خلاص حبيب ماما لا تزعل...الحين بجيب لك الرضاعه و اعطيك اياها و تصير انت ولدي الوحيد بدال عبودي و نونه شرايك...
سلمان:ههههههههههههههههههههههه رضاعه بعينك من حرمه...رجال طول بعرض اخرتها بفمه رضاعه؟؟؟
عليا:هههههههههههههههههههه زين يوم حسيت انك كبير...
سلمان:بس انتي من جبتي عبدالله و نوره صرتي كله تهتمين فيهم اكثر مني...
عليا جلست جمبه و باسته على خده:حبيبي...انت هنا متربع على عرش قلبي"و اشرت على قلبها"لو يجون جدان عبدالله و نوره كلهم ما خذوا المكانه اللي انت خذتها من قلبي...انت حبيبي و فارس احلامي اللي كانت دايم افكر فيه...اكذب على نفسي لو قلت بيوم اني اكرهك...
و مسكت يده و باستها بحب كبير...
سلمان خلاص بيموت...
تخدر...
نوره:ماما...ليث انتي تبوثين بابا و بابا ثال بيبي ذي اد الله؟؟(ماما...ليش انتي تبوسين بابا و بابا صار بيبي زي عبدالله؟؟؟؟)
عليا وهي تطالع سلمان:لان بابا نونو زي عبدالله...
و شالت بنتها و انحاشت:
سلمان بصراخ:علوووووووووووووي...مردووووووووووووووده يا عليا...عبودي يلا على ماما...خل نقوم نطقها...
عبدالله راح عند امه اللي بغرفة الملابس و ظربها:ادب ماما...ادب(يعني قليلة ادب)...
عليا شهقت:ههههههههههه عبوووووووووووود؟؟؟؟؟؟بس والله مو منك من هالخبل خالك حمود...
نوره:ماما...متى بنلوح عند خبل؟؟؟؟؟"قصدها حمد"
سلمان:هههههههههااااااااي صدتك انتي و بنتك...
عليا خافت:سلوم يا ويلك ان سويت شي والله يا ويلك...
سلمان قرب منها و شال نوره اللي بحظنها و حطها ع الارض و شالها هي:
عليا منحرجه قدام عيالها:سلووووووووم نزلني الله يخليك اخااااف...سلماااااان...
سلمان طنشها و ركض فيها و عيالهم وراهم وهم يضحكون...
عيال سلمان و عليا هم عبدالله سنه و 4شهور و نوره3سنين و نص
في بيت حمد:
فهد يهز ابوه اللي نايم بعمق:باااااابااااااا...بابا ليش انت تنام واجد...قووووووم يبابا قوم...
فتحت ساره عيونها بكسل:فهودي ارجع نام الحين متأخر...
فهد بزعل:لا مابي بابا قال لي انه بيوديني الكورنيش...ابي اروح الحين...
ساره طالعت الساعه لقتها3العصر...يالله شكثر ناموا هي و حمد ولا حسوا بالوقت...
ساره:خلاص حبيبي انا اقوم بابا بس انت روح و ناد رزان و مها...
فهد:رزان و مها جا خالي فهود و خذهم ماكدونالدز...
ساره بحنان كبير:و انت ليش ما رحت معاهم؟؟؟؟
فهد:بس...خالي فهد قال انك تحبين بابا اكثر مني عشان كذا انا بقعد هنا عشان ما تاخذين راحتك...
ساره استحت:مين قال لك كذا؟؟؟خالك فهد يقص عليك...
فهد:الا هو قال لي...قال اقعد معاهم بالبيت عشان امك ما تاخذ راحتها مع ابوك...
ما حس فهد الا احد ماسكه من ملابسه:و انت حظرتك وش دخلك خذت راحتها معاي والا لا؟؟
فهد بخوف:اسف بابا خلاص اتوب...
حمد:يلا انقلع مناك...
فهد ركض بره الغرفه:والله بعلم خالي فهد اخليه يجيكم بالخيزرانه ولا يخليكم تطالعون سبيستون معاي...
حمد:روح مناك انت و خالك المحشش هذا...
ساره شهقت:بسم الله على اخوووي ان شالله...
حمد التفت على ساره:حبيبتي...بوسيني...
فهد تدخل:لا ماما وخري عنه ترى بابا ما يحبك هو قال لي...
حمد مسك المخده:يااااااااااااا حمااااااااااااار انقلع منااااااااااااااااك...فهووود و عمى؟؟؟؟؟؟؟
ساره ميته من الضحك على حمد و فهد اللي مثل توم و جيري...فهد ماخذ كل شخصية خاله فهد اللي اصر على حمد انه يسميه على اسمه لانه كان يشبهه اول ما انولد...
ساره:خلاااااااص انت وياه يلا كل واحد بجهة...فهد انقلع غرفتك و حمد خلاص روح غسل وجهك و مشط شعرك يلا...
حمد:ان شالله عمتي...
و طلعت ساره من الغرفه و دخلت المطبخ و قفلت الباب:
حمد:عشتوا...ساره من متى تقفلين باب المطبخ ان شالله؟؟؟؟
ساره من داخل:من اليووووووم اكيـــــــــد لان حمد و فهد اجتمعوا اكيد انا بروح فيها فقلت احتمي بالمطبخ احسن لي...
سكت حمد و مشا الغرفة:تعال فهود وياي...خل نتركها لحالها عشان تخاف...
و ركض فهد مع ابوه للغرفه و ساره حست ان المكان هدى و طلعت:
ساره:حمــــــــــــود...حمــــــــــد وينكم؟؟؟؟؟
........لا مجيب...
ساره:طيييييييييييب...طيب يا فهد الحين انا بروح...و بعلم عليك خالك طلال...بخليه يشيلك مع رجولك...
فهد جا يركض خايف:خلاص ماما والله اسف...والله مابي اخاف...
حمد:اذا كان قدها خل يمس شعره من حبيبي فهودي...
ساره:انت بعد عقابك كبير مو بس هو...
حمد:افا يا سانونه...اهون عليك تعاقبيني...
ساره:هههههههههه شكلك مو حلو و انت تقلد رزان و مها سانونه...ههههههههههه...بس تدري وش عقابك؟
حمد:وشو؟
ساره:احبسك وسط قلبي و اقفل عليك و لا تطلع طول عمرك...
حمد حظنها:اموت انا ما اقدر...حبيبتي انتي والله...الله يخليك لي يا بعد هلي كلهم انتي...
حظن زوجته و ولده بحب كبير:
فهد:احسن رزان و مها مو معانا احسن...
ابتسمت ساره و دمعت عينها و قالت:الله يخليكم لي ذخر و سند بهالدنيا قولوا امين...
حمد و فهد بصوت عالي:آآآآآآآآآآآآآمييييييييييييييييييين...
فهد عمره4سنين و رزان و مها توأم عمرهم سنتين...
اما في شواطئ مدينة كوالالمبور و على منظر غروب الشمس كانوا احلى ثنائي يتمشون هناك و معاهم اجمل طفلين...
خالد جالس على الرمل و جمبه مزنه:
خالد بشاعريه:الله...المنظر روووووووعه...
مزنه بحالميه:وااااو مره حلو...
سمعوا ضحكات بريئه نشرت صداها بكل مكان...
التفتوا مزنه و خالد على فجر و عبدالرحمن اللي يلعبون بالماي:
خالد:فجر ابي العب معاكم...
فجر بعصبيه:لااااااا مابي...انت مو ياهل تلعب وياي...
مزنه:هههههههههههههههه ما اطول لسانج...حبيبتي انتي والله...
و ركضت لبنتها و شالتها فوق وهي تضحك معاها...
خالد التفت على ولده عبدالرحمن اللي مسكين يمشي و يرجع يطيح مره ثانيه:
خالد بحنان:دحماني...
عبدالرحمن ياشر على الرمل:بابا...ميه آيس..."بابا...الماي خايس"
خالد راح له و شاله و جلس و حطه على حظنه:دحماني...تحب تلعب بالرمل...
عبدالرحمن ببراءة الاطفال:نا...ما اهب لمل...اهب دلوح..."لا ما احب الرمل احب جروح>>بنت لينا اللي اصغر منه"
خالد:الله الله...قمنا نحب...مزوووون...تعالي سمعي ولدج شيقول...
جات مزنه وهي شايله فجر:شيقول شيخ الرياييل فديت منطوقه؟؟؟؟؟؟؟؟
خالد:يحب...
فجر:حتى انا احب مو بث دحومي...
خالد:تحبين منو؟؟؟؟؟؟؟
فجر:انا احب فهودي...
مزنه جلست جمب خالد و حطت فجر بحظنها:عشتوا...هذا فهد بروحه عن عشر يهال...مدري شلون ساره مستحملته...
خالد:ههههههههههههههههههه والله يكسرون خاطري حمد و ساره...المصيبه ان خالتي تقول انه طالع على فهد وهو صغير...نفس حركاته...نفس طوالة اللسان...لا وش يقول فهود بعد...فهد اسم على مسمى...
بعد اسبوع:
الكل كان متجمع ببيت الجد ابوعبدالله:
المكان مليان ازعاج...عيال ناصر و شوق ندى و ضي و خلود...و عيال حمد و ساره رزان و مها و فهد...و عيال مزنه و خالد فجر و عبدالرحمن و عيال عليا و سلمان عبدالله و نوره...و البزارين اللي يا كثرهم:
كانت المناسبه هي رجوع لينا من بريطانيا بعد عملية جراحية بالقلب...الكل كان متجمع...جدة مزنه و خوالها و خالاتها كلهم موجودين...
جروح بنت لينا وهي تمسك بيد جدتها:يدتي...ماما وينها...
جروح بحنان وهي تحط حفيدتها بحظنها:الحين بتجي مع بابا...
تدخل ياسر:طيب ليث خلتنا هني و لاحت ويا ابوي...
عليا:عشان ترتاح منكم...
جروح:ههههههههههههه عليا حرام عليج ههههههههه تحطمين العيال...
عليا:هههههههههههههههه هذول شيحطمهم...دقايق و ينسون...
جروح بنت لينا وهي تصيح:ابي ماما...ماما طولت وهي بالطياره ليش ما يات؟؟؟؟؟؟؟؟
انفتح الباب و دخل منه سلطان:جروووووووووووح و يااااااااسر تعاااااااااالوا...
جروح و ياسر ركضوا لابوهم بفرح كبير و براءه...لينا تطالع عيالها بفرح كبير و بنفس الوقت حزينه انها ما تقدر تحمل مره ثانيه لانه مو زين لها بس حمدت ربها انه رزقها بثنين احسن من لا شيء:
جروح وهي تصيح:ماما...وين رحتي...طولتي وااااااايد و انتي بالطياره...
لينا بحب كبير لبنتها:انا هنا...و مستحيل اترككم مره ثانيه يا عيالي...
و حظنت بنتها بقوه وهي تصيح...و راحت لياسر و خذته من عند سلطان و الكل يبكي على هالمنظر لان لينا تعبت تعب ما احد تصوره وهي تولد بياسر...و من بعد الولاده وهي تعبانه...و سافرت قبل 3شهور عشان تسوي عمليه بالقلب و الدكتور حذرها من الحمل مره ثانيه...
راح سلطان لزوجته و عياله و حظنهم بحنان كبير:الله يخليكم لي يا اعز الناس...
خلاص...انتهت احزانهم بهذا اليوم...الكل ابتهج...ام سلمان و ام خالد و ام ناصر و ام فيصل فرحانين وهم يشوفون احفادهم حولهم...لكن ام خالد فرحتها ناقصه لان جواهر للحين ما حملت:
طلال بفرح:و الحين انا بعد عندي لكم مفاجأه...
الكل التفت لطلال اللي حاط يده على كتف جواهر بفرح كبير:
ام خالد دمعت عينها:ما اعتقد فيه مفاجأه حلوه غير اني اسمع خبر حمل جواهر...
جواهر دمعت عينها بفرح كبير و قالت بصوت مخنوق من الفرحه:يمــــه...انــــا...حــــــــــامـــــــــل ...
ام خالد تمت مو مصدقه ولا اي واحد من اللي موجودين...حامل...شلون؟؟؟مساكين ما استوعبوا الصدمه:
عليا بفرح:جــــواهــــــــــر...انــتـــــي حــــــــامـــــــل؟؟؟؟؟؟؟
جواهر و دموعها على خدها:ايه يا عليا...اخيرا بحس باحساس الام يا عليا اخيـــــــرا...
راحت جواهر و باست راس امها و حظنتها بقوه...ام خالد من فرحتها فتحتها مناحه...
جواهر:يمــه لا تبكين خلاص ابتسمي يا يمه ابتسمي...
خالد راح لاخته:مبروك يا احلى اخت بالوجود...
جواهر خنقتها العبره و حظنته بقوه:الله يبارك فيك يا خالد...
طلال ههههههههههههههه حس بالغيره وهو يشوف جواهر تحظن اخوها بس عذرها...
طلال:خلاااااص شفيكم ليش خليتوا زوجتي تصيح بعدين ياثر على البيبي...
مي:هههههههههههههه كثر منها...من متى صار الصياح يأثر على البيبي انت و وجهك...
فيصل:ههههههههههه خذوه على قد عقله مسكين فرحان...ع العموم الفففففففففف مبروووووك والله من جد فرحت لك من قلــــــــــب...تستاااااهل يا خوي نتيجة صبرك...
و راح له و حظنه:
ام عبدالله وهي ماسكه يد جواهر و راحت مسكت يد طلال...يلا...بكره عزيمة على شرف لينا و طلال و جواهر...
الكل فرح و استانس بهاليوم اللي يعلن نهاية احزانهم...
بالليل:
طلعت شوق للحوش بطلب من ناصر:
شوق:هلا حبيبي...
ناصر بحب كبير:هلا والله بحبي...هلا بعيوني اللي اشوف فيها...هلا بقلبي اللي اعيش فيه...هلا و هلا و هلا....
شوق استحت:هههههههههههههه ناصر خلاص...
ناصر:شف...تستحي من زوجها...اقول يا مره...وش رايك تخلين العيال عند امي و نروح نتمشى انا و انتي...
شوق بحيا:خلاص طيب...
دخلت داخل و ظل ناصر يتأملها بحب...من اول يوم له معاها توقع انه يكرهها...يبغضها...لكنه اكتشف انه حتى لو غمض عيونه يشتاق لها...شسوت فيني هالانسانه...شهالتغيير اللي صار بحياتي...حظنت بنتي و اعتبرتها مثل بنتها مو بنت زوجها...ربتها و كبرتها...سهرت على راحتها...اهتمت فيني و تسوي كل اللي ابغاه...كنت اكره نفسي لو نزلت دمعه من عيونها...آآآآآآآآآآآآآه يا حبي الكبير...يا قلبي انتي...حياتي... فديتك يا شوق قلبي...
سمع صوتها العذب:حبيبي شفيك سرحان؟؟؟؟؟؟؟؟؟
ناصر مسك يدها:افكر فيك يا حبي...
و طلعوا مع بعض وهو ماسك يدها...
بالسياره:
ناصر بحب:اهديك هالاغنيه...
و شغل المسجل على اغنية مرتاح لراشد الماجد:
مرتاح ويّاه فا همني وفاهم لـه
أناعجبته وهوّه حيــل عاجبـــني
الـحب قا لـوا عذاب وقلت لابالله
شوفوني وشلون احبه وما يعذبني
لو يطلب الشمس قلت المسأله سهله
يامر حبيبي أنا ما أبيه يطلبني
ان كان متعب لعينه منهو اتعب له
تعبه راحه ابيه اكثر يتعبني
ما شفت زيه ولا بألقى أبد مثله
يا قلب صفيله و العالم تحاربني
يكفيني انه يجيني بالغلا كله
يكفيني انه نسى ربعه و صاحبني
يطيح قلبي اذا ناظر على غفله
ان فتح أضيع و ان غمض يذوبني
يا اللي تعاتب خليل ذاب في خله
اراهنك لو تشوفه ما تعاتبني
ابتسمت شوق بحب كبير:
شوق:انا بعد اهديلك اغنية قلبي يحبك...
قلبي يحبك يا غالي
يشتاق لك كل ليله
فراقك أثر بحالي
يا ويل قلبي يا ويله
بعدك سهرت الليالي
وهموم قلبي ثقيله
ما غيرك اللي طرالي
و الروح عندك دخيله
ليتك تشوف ايش جرالي
الحال صارت نحيله
دمعي على الخد سالي
و مالي على الصبر حيله
ان كان قلبك نوالي
فرقا و غيبه طويله
انا دخيلك يا غالي
ترا حياتي عليله
ابتسم ناصر و باس يدها وهي نفس الشي...
الـــــــــــــــــــــــنــــــــــــــــــــــــ ـــهــــــــــــــــــــــــــــايــــــــــــــــ ـــــــــــــــــــة...
الحزن...الكره...الخوف...الالم...الحب...الحقد...الا نانيه...الظلم...التضحيه...الضحكه و الفرحه و البكاء........الخ...
كلها اجواء عشناها بقصتنا...
بدينا مع بعض و بننتهي مع بعض...
آخر المشوار...
اكره لحظة الوداع...
لانها تحسسني اني بأشياء كثيره...
لكن لكل بداية نهاية...
كلمة اخيره...
اشكركم كلكم ياللي شجعتوني
و اشكر كل الاعضاء اللي كانوا ناس تهمني ردودهم و ازعل لو ما شفت رد منهم...
كل اللي قروا قصتي...سواء ردوا والا ما ردوا...تبقى معزتهم بقلبي لانهم بس يقدرون تعبي بالقراءه...
عشت فتره لا تتجاوز6شهور مع احداث القصه...
عشت مع شخصياتها و كأنهم من الواقع...
صعب علي اودعكم لكن بالرغم مني صدقوني
قصة الدلع مغرور
النهــــــــــــــاية
|
11-03-10, 07:56 PM
جديد مواضيع قسم القصص المكتمله
العرض العادي
