كاتب الموضوع :
daneeh
المنتدى :
القصص المكتمله
الجزء الثالث..
.و سكر منها وهي على طول مسحت رقمه من عندها و رمت الورقه بالزباله و سجلت رقم جوال فيصل عندها...
خالد:يا حماااااار يااااااااا فيصلوووووووه...
فيصل وهو مايدري ان المقلب رجع عليه:وييييييييييه كلموووه..
خالد:خخخخخخخخخخخخخ عطيتها رقمك...
فيصل انصدم:كذاااااااااااااب؟؟؟؟؟؟؟
خالد:والله منت مصدقني شسوي لك؟؟؟؟؟؟؟؟؟
فيصل:و ليييييش ان شالله؟؟
خالد:لا والله...حرام علي حلال عليك...وحده بوحده يا ولد العم..
جاهم حمد:ها شباب نروح البيت؟؟
خالد:و ايه نعمل بالبيت؟
فيصل:هو عايز يشوف مامتو
خالد:هههههههههههههه ليش قول لي شتبي بالبيت؟؟؟؟
حمد:نبي نشوي بالحوش و نلعب كوره...
رن جوال عمر:الو...ايه هلا يمه...السوق؟؟؟؟؟؟؟؟؟؟اوكي انا جاي الحين
عمر:شباب امي و خواتي بيروحون السوق و يبوني اوديهم...عدول امي تقول تعال معاها لان امك و خواتك هناك..."هم عيال خاله"و فهد ولد عمهم و هم عيال خالة خالد.:
فهد:انا عندي موعد بالشركه الساعه7...بروح اتجهز...اشوفكم بكره بستار بكس...
طلعوا الشباب من الراشد و كل واحد ركب سيارته...خالد و فيصل بسياره و حمد راح مع سلمان لانه جاي مع فهد:
حمد:سلمان في كوره بالبيت؟؟
سلمان:في كوره عاديه بس حق الباسكت بول مافيه...
حمد:خلاص نزلني عند محل رياضه بشتري و بجي...
نزل حمد من السياره:
اما عند بنات كول...الكل جاهز و لابس و متمكيج و حالتهم حاله تقل رايحين عرس مو بيت جدتهم:
طلعوا البنات من البيت رايحين بيت جدتهم:
اول ما دخلوا الحوش كانوا الشباب موجودين و يسولفون و يضحكون:
عليا:بنات شرايكم بالتماسيح اللي جالسه هناك؟
ريما:لو سمحتي نصوري اخوي مو تمساح...
حمد:هااااااااي بنات كول...تهبلوووون...
سلمان:عيب استح على وجهك...
حمد وهو يطالع ساره:بصراحه الحق ينقال يا سلمان...
فهم سلمان قصده وهو يطالع عليا...و فيصل عينه على نجود...
انفتح الباب و دخلوا ام فيصل و بوفيصل و ام ناصر و بوناصر و بوسلمان و ام سلمان و ام خالد و بوخالد وهم يضحكون:
دخلوا الحريم مع البنات و الرجال معهم الشباب:
ام عبدالله"الجده":يا هلا والله بعيالي يا هلا
الكل:هلا فيك
و قاموا وحده وحده يسلمون عليها...
ام خالد:اقول خالتي
ام عبدالله:هلا يا بنيتي...
ام خالد:ورا ما نطلع كلنا اليوم لاستراحتنا...اليوم اربعاء نجلس فيها يومين خميس و جمعه...
ام عبدالله:ايه والله يا بنتي من زمان ما رحنا لها...انا عجزت من العيال كله مع شغلهم و حلالهم
عليا:ايه جدتي خلنا نروح والله وناسه...
ساره:انا بروح اقردن بابا اعرف اتصرف معاه
ريما:و انا بعد...
راحوا بنات كول للمجلس يقردنون الشواب حق الطلعه:
البنات ما كانوا يتغطون من عيال عمهم بس يتحجبون:سلام
الشباب:سلامات
بوعبدالله:هلا والله ببناتي...حياكم حياكم تفضلوا
دخلوا البنات و سلموا على جدهم و عمامهم:
بوخالد:ها بنيات شعندكم؟؟
عليا:بابا حبيبي الغالي...تقدر ترفض طلب دلوعتك؟
بوخالد:اكيد لا
عليا:اجل...توافق نروح اليوم الاستراحه و نرجع يوم الجمعه بالليل؟
بوخالد:لا طبعا"يمزح"
عليا بزعل:افا بابا...كذا زعلتني؟؟
بوناصر:كلش ولا علويتي...كذا يا بوخالد ترد بنتك؟؟؟؟افا افا بس...
عليا:هههههههههههههه ايه عمي...عليه عليه...
خالد:ماخذه بعمرها مقلب...ههههههههههههههههه انتي من جدك تحاولين تقردنين عمي؟؟
عليا:الغيره و ما تسوي ياخوي...
بوخالد:لا امزح...حنا كنا فاتحين نفس الموضوع...يلا قولي لحريم عمامك يجهزون اغراضهم...الساعه10بنكون هناك...
عليا نقزت و لمت ابوها:يااااااااااي باباتي حبيبي...
و حبت راس عمها بوناصر:
الا يدخل عمها مشعل:اهليييييييين
و ينحاشون البنات داخل...
بوخالد مستغرب:وش السالفه؟
مشعل:ها؟؟لا ولا شي اخوي...
عليا وهي تتنفس بسرعه:يا ويلي يا سوااااااااد لييييلييييي...بموت اليوم بموووووت...
ريما:آخ قلبي بيوقف...
الا يسمعون صوت حمد:الحين تقولون لي وش السالفه...
عليا:السالفه؟؟؟اييييي ساااااالفه؟؟
حمد:سالفه النحشه هذي...
ساره بلعت ريقها:احنا كنا...
و تظربها عليا برجلها:انطمي...
حمد:لا تغلطين انتي اللي انطمي...
ساره تفشلت و حمد قعد يضحك عليها...
نسى حمد السالفه او تناساها و راح عنهم...
جات عمتهم نجلا:انا ما نسيت زي حمد...قولوا لي شسالفتكم مع مشيعل؟؟؟
عليا:بقول لك بس ما تعلمين احد؟؟
نجلا:قولي اوعدك...
عليا منزله راسها:قبل يومين كنت متخانقه مع مشعل...و قام يسبني و يقط علي كلام يقهرني..ساره و ريما و نجود ما رضوا يسكتون على حركته معاي قالوا خل ننتقم...طلعنا بالصبح قبل ما يقوم من النوم امس و كسرنا شبابيك المرسيدس...
شهقت نجلا:ههههههههههههههههههه حرام عليكم حطمتوا قلب اخوي...
عليا:اخوك ما يعرف من هم بنات كول...
نجلا:هههههههههههه مسكين يا خوي...وش سوا يوم درى؟؟؟
نجود:قال بيعلم عمي عبدالله لانه يعرف يتصرف...بس اشوف ان عمي مو مهتم بالموضوع...
نجلا:تعلميني بعبدالله؟؟؟اعرفه...ما يبين لك أي شي بعدين ينقض عليك مثل النسر...
عليا:هيه هيه حدك انتي وياها على ابوي عن الغلط؟؟؟
بعدها الكل طلع بيته يجهزون لطلعة الاستراحه:
فبيت ابوناصر:
ام ناصر:ناصر يا ولدي منت برايح معنا؟؟
ناصر:مشغول يا يمه...
ام ناصر:اكيد على هالاسهم اللي ما تجيب الا عوار القلب...
ناصر:هههههههههههه قالوا لك عمي مشعل؟
ام ناصر:ها اجل وش ذا اللي شاغلك؟؟؟ورا جالسن في ذا؟
ناصر:هههههههههههههههه ان شالله...كم ندو عندي انا؟؟؟؟
ام ناصر:ههههههههههههه اكيد وحده...
رن جوال ناصر...اول ما شاف الرقم ارتبك...:عن اذنك يمه...
طلع من البيت و ركب سيارته:
ناصر بعصبيه:انا كم مره قلت لك لا تتصلين و اناااااا عند اهلي؟؟
:بس يا نااااااصر الحأني تعبااااااانه حمووووووووووت...
ناصر خاف:نادين حبيبتي شفيييييييك؟؟؟
نادين:بطني بيوجعني كتيييييير...رااااح اموووووت يا نااااااصر الحأنيييييييييي...
ناصر:اوكي حبيبتي جايك صبري مسافة الطريق و انا عندك...
سكر ناصر من نادين وهو خايف عليها...حبه الكبير و حياته كلها تتألم...
وصل ناصر لبيته اللي ساكن فيه مع نادين...
نزل و فتح الباب و ركض على غرفة النوم و شاف نادين طايحه ع الارض:
ناصر راح لها:نادين حبيبتي شفيك؟؟ردي علي؟؟؟انا ناصر...
نادين وهي تصيح بألم:الحئني يا ناصر...راح اموت...
و تمسك بطنها بقوه و مسكها ناصر و نزلها تحت و راح جاب عباتها...لبسها العباه وهو مرتبك...نادين الحين بمرحلة الطلق...وهو ما يعرف يتصرف...و طلع من البيت و على المستشفى:
نادين و ناصر متزوجين من3سنين...وهو تعرف عليها لما كان رايح يدرس بلبنان...و حبوا بعض و تزوجوا بعد ما وافق ابو نادين...اما اهل ناصر ماحد يدري فيهم الا وليد لان ناصر ما يخبي عليه أي شي لانه يعتبره توأمه:
اما عند ام ناصر:
ابوناصر:وش بلاك يا مره...يلا تأخرنا...
ام ناصر:لا هذاني طلعت...وين العيال؟؟
ابوناصر:ريما و البنات مع وليد بسيارته...اما رنا مع عمها مشعل و سلوى و مي و جواهر...
ام ناصر:و نصور؟
ابوناصر:راح مادري عنه...يقول يمكن ما يجي...
ام ناصر:والله مادري وش به ذا الولد...من رجع من لبنان وهو ماهوب على بعضه...
ابوناصر:يا ندى لا توجعين قلبك ناصر رجال ماهوب بزر صغير...عمره26سنه و قريب يتزوج...
ام ناصر:امرنا لله...
و طلعوا ثنينهم من البيت و ركبوا السياره:
عليا و ساره و ريما و نجود و رنا بسيارة وليد:
ريما:وليد شغل شريط نانسي شخبط شخابيط...
وليد:قالوا لك بزر؟؟
ريما:انا عاجبني...
عليا:وليد شغله عاد...
وليد:عشان علوي بس بشغله..."يا ويلي من سلمانوه لو درى"
عليا:حليله ولد عمي يسمع الكلام...
طول الطريق و عليا و ريما و ساره و نجود مطلعين روح وليد...:
وليد:ترى بنزل من السياره و بخليكم؟
عليا:عادي نقدر نسوق...
وليد:مين اللي غلط و قال ان البنات كلهم براءه؟؟
عليا:والله محد غلط...الحق ينقال...
ريما:ايه ترانا بنات كول لو سمحت...
وليد:ههههههههههاااااااااي...قال ايش قال كول...
رن جوال وليد:
وليد:الو هلا ابو العريف...
ناصر:مالت عليك...المهم وليد...لما تنزلهم الاستراحه تعال المستشفى...
وليد خاف:سلامات؟؟
ناصر:ابد...بس بعد شوي بصير ابو يا وليد...
وليد فرح:والله...مبروك يتربى بعزكم ان شالله...
ناصر:الله يبارك بحياتك...
وليد:المهم الحين بقط البنات بالسياره الثانيه و اجيك على طول...
ناصر:اوكي...
وقف وليد سيارته و كانت وراه سيارة حمد و معاه طلال:
حمد:سلامات ولود؟؟
وليد:ابد بس بغيتك تاخذ البنات...لازم ارجع الخبر الحين ظروري...
حمد:هات الحموله...
عليا:ليش قالوا لك قطار شحن؟؟
حمد:هههههههههههه بس الرجال مستعجل...
ريما بتوتر:وليد...ليش بترجع الخبر؟
وليد ارتبك:ها؟؟واحد من الربع مسوي حادث و بروح اشوفه...
ريما شاكه:ما يشوف شر...
و نزلوا البنات من سيارة وليد و ركبوا بسيارة حمد...
ريما ابد مو مقتنعه...اجل واحد من ربعه مسوي حادث و يقول له يتربى بعزكم؟؟بس هين يا وليد...ان ما عرفت اللي وراك ماكون ريما بنت محمد...
وصلوا الاستراحه و نزلوا كلهم و كان الوقت6 المغرب...
اما عند ناصر:
جالس بره و يستنى وليد يجي...وهو خايف على نادين و قلبه منفطر عليها...:
بعد نص ساعه وصل وليد:
وليد:ها ناصر بشر...
ناصر:لين الحين ما طلعت...
الا تطلع لهم النرس و معاها المولود:
النرس:مبروك عليكم...بنت زي القمر...
ناصر بتوتر:و زوجتي شفيهاااااااا؟؟
النرس:الحمدلله بس نايمه الحين من التعب...
ناصر خذ البنت من عند النرس:آه يا قلبي عليها...
وليد حظن ناصر بقوه:مبروك ياخوي...تتربى بعزك ان شالله...والله اني فرحت...
و شال البنت وهو مستانس...:سبحان الله...نسخه من امها...الا ناصر ما قلت لي...شلون بتقول لامي؟؟؟
ناصر بتوتر:هذا اللي انا خايف منه يا وليد...ابوي معاه الضغط ولا يتحمل...و امي السكر متعبها...مافي احد بيوقف معاي...
وليد:افا عليك انا وين رحت...
ناصر:ادري يا وليد بس انت تعرف ابوي و خابره اكثر مني...عنيد و راسه يابس...تذكر يوم جيت بسافر لبنان شسوى...ظليت عطلة الصيف كلها 3شهور كامله اقنعه اني اسافر...الحين تبيه يقتنع بزوجتي؟؟؟
وليد:شرايك نقول لريما...
ناصر:هيه هيه انت بعقلك...اقول لك ما قدر اقنع ابوي تقول لي قول لريما؟؟؟؟؟ريما بتقوم المكان علينا...ذاك اليوم قلت لها مزحه اني بتزوج قامت الدنيا ولا قعدت...صاحي انت...شي بعقلك؟؟؟
وليد:عمي مشعل؟؟؟او خالد او فيصل...او سلمان...يعني اقربهم لك...
ناصر بتوتر:اقربهم لي هو خالد...بس مادري متردد يا وليد...
وليد:انت خل عنك البربره الزايده و رح شوف مرتك...و انا بتفاهم مع خالد...
ناصر:اعتمد عليك...لو انك مو موجود معاي كان ماقدرت اتصرف...
وليد بغرور:احم احم...
دخل ناصر عند نادين وهو متوتر و مستانس بنفس الوقت...:
ناصر حب يفاجأها:شو اخبار الحلوين هلأ؟؟
نادين بتعب و فرح:منيحه كتير...لك شو رايك بالأموره؟؟؟
ناصر بحب:تشابهك كثير يا حياتي...ها اختاري الاسم...
نادين بدون تفكير:ندى...
ناصر تفاجأ:ليش؟
نادين:لك بحب هيدا الاسم كتير بتعرف ليه؟
ناصر بحماس:ليه؟؟
نادين:لانو اسم امك حبيبي...
ناصر استانس:والله؟
نادين:اي حبيبي...
وهم يسولفون قامت بنتهم ندى من النوم تصيح...خذتها نادين و بدت ترضعها...:
بعد نص ساعه دخل وليد:الف مبروك نادين...
نادين:الله يبارك بحياتك...شو رايك بالبنت؟
وليد:اكيد حلوه...مو طالعه على امها و ابوها...المهم يا ناصر الشباب يباركون لك...
ناصر استغرب:أي شباب؟
وليد:كلمت النذل خالد و قلت له كل شي و بالاخير دريت انه حاط على السبيكر...
ناصر هنا وقف قلبه:مييين كااااااان معااااه؟؟
وليد:هههههههههههه سلمان و فيصل و مشعل...وهم جايين الحين...
ناصر:ايييش؟و ابووووووي؟
وليد:لا تخاف وعدوني ما يقولون لاحد...
شتتوقعون ردة فعل بوناصر لما يدري؟؟؟
و ام ناصر؟؟؟و اهله كلهم...
شرايكم بالشخصيات؟؟؟؟؟؟؟؟؟؟؟؟؟؟؟
|
31-03-08, 05:14 PM
هذا الحب و هذي جمرة عذابه للكاتبة الدلع مغرور
جديد مواضيع قسم القصص المكتمله
العرض العادي
