كاتب الموضوع :
daneeh
المنتدى :
القصص المكتمله
بالسعوديه:
وصلوا بيت بوعبدالله للسعوديه براحه و امان
...راح بوسلطان وعياله بيتهم اما الباقي على الرحلة
اللي متجهة لمطار الملك فهد بالدمام...
الهنوف:يبه...لا يكون بنظل باقي العطله بالرياض؟؟؟
باقي شهرين على الدراسه...
عبدالرحمن بحنان:انا كلمت عمامكم و قلت لهم يدورون لنا بيت بحيهم
و الحين ابيكم تاخذون اغراضكم و تجهزون كل شي لان بعد يومين ابي البيت فاظي...
العنود بفرح:يعنيييي بنعيييييييش بالشرقيه مثل اووووووووووول؟؟؟؟؟؟
عبدالرحمن:ايييه...
العنود من فرحتها مسكت جوالها و دقت على ميس تبشرها...
عبدالرحمن:ههههههههههههههههه شفيك انتي يا ليتني ما تكلمت...
العنود:هههههههههههههههههه ماتدري يا بابا شقد انا فرحانه...
اخيرا بعيش مع بنات عمي مثل ما كنا قبل...
ابتسم عبدالرحمن بس من داخله معصب على ام سلطان...
و عارف انها لين الحين بالبيت عشان كذا حاول يسرع قد ما يقدر.
..عشان الكلام اللي سمعه من سلطان عذبه اكثر و اكثر..
.و قال لازم اوصل قبل لا تطلع من البيت عشان افضحها قدام الكل.
..اخليها تندم على الساعه اللي فكرت فيها انها تتزوجني او تعتبرني زوج لها...
رن جواله:الو..."بصدمه"...اييييييييييييييش؟؟؟؟؟؟؟؟؟؟طي ب طيب
...انا جاااااي الحيين الله يخليك يا خالتي انتبهي لهاااا...
الهنوف طول الطريق ساكته و خايفه من امها...
وصلوا الشرقيه وكلن راح بيته يرتاح...
.
.
.
عند ناصر:
ابوناصر بحنان:ها ناصر...شرايك؟؟؟؟؟؟؟؟؟
ناصر نزل راسه:مادري شقول لك يابوي..
.بس ماقدر اطلع من البيت ماقدر...بيت معشوقتي يا يبه...
سامحني ارجوك يابوي...
ابتسم بحنان:معذور يا ناصر...والله مسموح يا ولدي..
.بس متى ما بغيت تسكن عندنا...باب بيتنا مفتوح لك...
ناصر:مشكور يبه...
.
.
.
فبيت بوخالد:
بغرفة عليا...كانت عندها جواهر و يسولفون كعادتهم:
عليا:واااااااااااااااو اخيرا غرفتييييييييييييي الغاااااااااااليه.
..ستايلي اللي احبه واااااااااو...
جواهر وهي متمدده على سرير عليا براحه:آآآآآآآآآآآآه ما تعرفين يا عليا شكثر
عافت نفسي ماليزيا...حسيت سفرتنا هذي من اولها لاخرها مصايب و بلاوي...
عليا:ايه والله...عملية حمد بعدين سالفة الجوال مع ساره
و المصيبه اللي طاحت فيها لينا و كثير ياربي...
عليا:تعالي انتي...شسالفة مي ويا تروك؟؟؟؟؟؟؟؟
جواهر:ههههههههههههههه الرومانسيه مي ميته عليه...
.
.
.
فبيت ابوفيصل:
دخل فيصل بعصبيه:ساااااااارااااااااا...
نجود اللي كانت عندها...وقف قلبها من صرخة فيصل...
ساره بلعت ريقها:نعم فيصل...
فيصل:ههههههههههههه خفتي صح؟؟؟؟؟
ساره:ههههههههههه حرام عليك ليش تسوي كذا؟؟؟؟؟؟؟
والله اني خفت...
فيصل:ههههههههههه لا سلامتك من الخوف...
بس ابوي يقول يلا تجهزوا بنروح الحين بيت جدتي...
ساره:هئ هئ تونا واصلين وين نروح؟؟؟؟
فيصل:هههههههههههههههههههههه جدتي من درت اننا جينا
ولا رحنا لها سوت تسونامي على ابوي و عماني...
ساره:اوكي...خلاص انا و نجود بنجهز بعدين ندق عليك...
فيصل:اوكي انتظركم...
.
.
.
بالرياض:
نزل ابوسلطان من السياره مستعجل...
البنات مستغربين من اللي بيسويه ابوهم...
ثواني الا شافوا سيارة سلطان تدخل الشارع بسرعه جنونيه...
الهنوف بخوف:العنود وش صاير؟؟؟؟؟؟؟؟
العنود بتوتر:مادري...بس انتي خلك مرتاحه لا تتعبين اعصابك...
دخل ابوهم داخل مع سلطان اللي وجهه محمر من العصبيه..
.فتحوا باب البيت بسرعه و صرخ عبدالرحمن:ويييييييينها الواااااطيه ويييينههاااااا؟؟
سمعوا صراخ ميس:الحأوووووووووووووني يا بااااااااااابااااااااااا...
العنود خافت:وين ميس وينها؟؟...
الهنوف من الخوف مسكينه اغمى عليها..
.العنود من الخوف ما انتبهت للهنوف اللي طايحه ع الكنب...
ركضت لمصدر الصوت و كانت بلكونة غرفة الطعام
...انصدمت بالمنظر...انفجعت...صرخت:مييييييييييييييييييييييييي يييييييييييييييييييييس...
سلطان راح لها:العنوووو......
سكت لما شاف المنظر:ميس...مستحيل...ماصدق...ميس لااااااااا...لا يا ميس
لا...وحش...والله وحش...لا كذب اللي قدامي كذب...هذي مو ميس
يا ناس والله مو ميس...ميس اختي...ميس حبيبتي...اختييييييييييي..
.هذي اللي تربيت معاها...
هذي اللي عشت معاها سنين عمري ببيت واحد و تحت سقف واحد...
العنود مكتومه:سلطان هذا ميييييييييين اللي واااااااااااقف هنااااااك مييييييين؟؟؟؟؟؟؟؟؟
سلطان كانت اطرافه مشلوله...
اقول لكم وش شافوا العنود و سلطان...
ميس كانت ملابسها ملطخه بالدم...الجروح ماليه جسمها...تتأوه مكانها...
الشي الثاني...
رجال متلثم...عيونه حمرا مخيفه...يطالعهم و الشر و الخبث و الحقد بعينه...يضحك بصوت عالي...
عبدالرحمن مصدوم:اييييييش هذاااااااااا؟؟؟؟ميييييس...
راح لميس اللي كانت تتألم...
عبدالرحمن بحنان و خوف:ميس يا بابا شفيك...ردي علي يا بنتي؟؟؟؟؟؟؟؟؟؟
ميس بألم:آآآه يا بابا...انا حمووووت يابابا مش آدره اعمل شييييييي...بااابااا..
.إم سلطان...حاولت تعمل سحر لمزنه...اتلت بنت خالتو إم لينا... لك يا بابا..
.آلت انها بدى تدمر كل واحد هوني بالبيت...منك الى الهنوف...بابااااااا..
.هيدا الرجال صاحبها...آلت لو يجي ياخودا من هوني...
ما بعرف شو صار مبيناتون بعدا ما حسيت الا انو بدو يأتلني..
.حاول ياخد شرفي مني لكن انا منعتوو...كنت حاسه انك حتيجي هون يابابا..
.كنت عارفه انك مش حتتركني لوحدي...
هنا عصب عبدالرحمن...
العنود كانت واقفه عند سلطان و خلاص انهدت بالبكي...
سلطان راح للرجال اللي حاول يهرب...:
الرجال بألم:آآآآآآآآآآآه...والله هذي هيفا اللي قااااااااالت لييييي سووووو كذاااااا والله هيفا
...هيفا هي اللي اجبرتني اسوي كذاااااا...
سلطان وهو يظربه باقوى ما عنده:حسبي الله عليييييييك انت وياااااااهااااااا
...فشلتناااااااا امييي و نزلت رااااااسنا...
تحااااااول تعتدي على اختي يا الواااااااطي...لكن مو عيال راشد ال........
اللي ينلعب عليهم...والله بتشوف شغلك..."التفت على الباب"...صالح و عيسى تعاااالوووا خذوووه...تعاااااالووووواااا...
دخلوا الحراس عيسى و صالح و مسكوه:
عبدالرحمن و الشرر يتطاير من عينه:يلااااااا...
خذووووووه ولا تطلعونه من السجن الااااااااا جثه فااااااااااهمييييين؟؟؟؟؟؟؟
عيسى و صالح بخوف:ان شالله طال عمرك...ما يصير الا اللي بخاطرك...
.
.
.
بالكويت فبيت ام يعقوب:
لولوه و ابرار و الجازي يالسين بالصاله اللي فوق...
و جراح و خليفه بغرفة مشاري...طبعا مو لشي فقط للسطو و الاعتداء على ممتلكات الغير..
.من اشرطه و هدوم و حلويات و مشروبات غازيه...هذي مهمتهم:
خليفه:جراحوه...متأكد ان مشاري مو هنيه؟؟؟؟؟؟
جراح:مثل ما انا متأكد اني جدام عيونك يا ماي توينز...
خليفه:عيل خلننا نشرد الحين قبل لا ايي هالمزيون و يكتشفنا...يلا...
جراح:اصبر خلنا نتلثم اول...
و تلثموا و لبسوا نظارات شمسيه سودا...و كانوا لابسين دشداشه سودا...و حافيين...
خليفه:خلنا نروع البنات...
جراح:انا وياك...
و فتحوا الباب بهدوء...
لولوه:بنات...غريبه جراح و خليفه وينهم؟؟؟؟؟؟مالهم صوت اليوم على غير العاده؟؟؟؟؟
دخلت وضحى:الهدوء ما قبل العاصفه...انتي نطري شوي ما اعتقد بيطولون...
ابرار حست ان فيه احد وراها...التفتت و صرخت:يمااااااااااااااااااااااااااااااااااا...
لولوه و الجازي من الخوف صرخوا وياها:يماااااااااااااااااااااااااااااااا...
وضحى خافت و سكتت...:
الجازي:يمه ينانوه يمه...
دخل جاسم مفزوع و وراه مشاري:
مشاري بخوف:خير ان شالله؟؟؟؟؟؟؟؟
الجازي ركضت لاخوها:مشاري الحق علينا...يناااانوه...
خليفه و مشاري:ههههههههههاااااااااااي...ينانوه بعين بليسج...احنا ينانوه؟؟؟؟؟؟؟
لولوه بقهر:سخييييفييييييييين...جاسم شووووف شسووا باختك...
ترضاها ياخوي الوحيد يا عزوتي ترضاها؟؟؟؟؟؟
جاسم:اكيد ما ارضاها...انت هيه انت و توأمك...ليش؟؟؟؟؟
خليفه:شنو اللي ليش؟؟؟؟؟
جاسم:جراحوه ليش تخرعون اختي لولوه؟؟؟؟؟
خليفه:هع هع لو سمحت انا خلوف مو جراحوووووه...ثانيا اختك هذي تخرع بلد ما تنتخرع...
جراح:صادق صادق توأمي...صح؟؟؟؟؟؟
لولوه:عيب لا تراددون...
جراح و خليفه:عايبت عليج البقره يوم عرسج...لولووه متى بتعقلين؟؟؟؟؟؟
لولوه باحتقار:انا؟؟؟؟؟؟؟شدخلك انت و الثور اللي وياك؟؟؟؟؟
خليفه التفت على جاسم و تكلم بوقت واحد هو و جراح:ترضاها هالمهانه لعيال عمتك يا جسوم؟؟؟؟؟؟؟؟
جاسم يلس ع الكنب:مشكلة الناس الناس المهمين مثلي...طبعا ارضاها...
جلسوا خليفه و جراح يم جاسم و قاموا البنات يكملون سوالفهم بغرفة الجازي:
جراح:لولووه؟؟
لولوه التفتت عليه باستنكار:نعم؟؟؟؟؟؟؟؟؟تحاجيني اناااااااا؟؟؟؟
خليفه باستهبال:لا يحاجيني انا...يعني اكو وحده غيرج هني اسمها لولووه؟؟؟؟؟؟؟
جاسم مسوي فيها محامي الدفاع:انطم انت وياه كله ولا اختي...
خليفه التفت على جراح:ايه انطم باللهجه السعوديه...انجعم باللهجة الكويتيه...
صخ باللهجة الاماراتيه...شرب باللهجه الامريكيه...بيكوايت باللهجة الانكليزيه..
.فهمت والا افهمك؟؟؟؟؟؟؟؟
جاسم:انا ما احاجي جراح بروحه...لانك انت معني معاه...
لولوه باحتقار:انزل ايلس تحت عند عمتي و امي و يدتي ابرك...
و نزلت تحت...
ثواني الا سمعوا صرخة من تحت:واااااااااااااااااااااااااااااااااااااااو مزوووووووووووووونيييييييي...
البنات انصدموا...مزنه؟؟؟؟؟؟؟؟؟؟؟؟؟شلووووووووووون؟؟؟؟؟؟؟؟
الجازي بصدمه:مو كأنها تقول مزون؟؟؟؟؟؟؟
ابرار بفرح:الا يلا خل نتأكد...
توهم بينزلون الا دخلت نوف بنت خالتهم لكنها خالتهم من الجد بس...
بس تعتبر ام يعقوب امها و نفس الشي ام يعقوب تعتبرها بنتها:
نوف بفرح:بناااااااااات...مزوووووون تحت...
الجازي:يلا خل ننزل الحين...
و نزلوا كلهم فوج عظيم...
ظاري:هههههههههههه وخروا عنها بنت الغاليه خلوها تسلم على امي...
جروح وهي تبجي:مابي خلوها عندي الله يخليكم...
و تمت حاظنه مزنه بقوه اللي قطعت عمرها من البجي مسكينه...
مزنه:خالتي...ليش تبجين والله قطعتي قلبي...
جروح:فاقدينج حبيبتي...والله من توفت اختي و رحتي انتي حسيت دنياي انتهت...مزنه ليش ما قلتي بتيين؟؟؟؟؟؟؟؟ليش ما تدقين علي و تطمنيني انج بخير؟؟؟؟؟؟
مزنه:خالتي ما قررت أي الكويت الا امس الفير...والله لكم وحشه يا خالتي
...شلون عمي هاني...شلون وضحى و جراح و سعود و خليفه؟؟؟؟؟
جروح بداخلها...الله لا يهني هاني بحياته يا جروح...
ام يعقوب وهي مصدومه:لا...هذي فجر...قولوا هذي فجر الله يخليكم...ظاري..
.انت كنت تدري ان فجر بعدها ما ماتت صح؟؟؟؟هذي فجر والله بنتي فجر...
يعقوب راح لها بحنان كبير:يمه صلي على النبي...هذي مزنه بنت فجر الله يرحمها.
..فجر راحت يا يمه بطريق كلنا ماشيين له...يلا يمه خلينا نسلم على مزنه...
ام يعقوب وهي تبجي:اللهم صلي على محمد...بس ليش تجذبون لي؟؟؟
انا اجوف فجر ماجوف غيرها...
راحت لها مزنه وهي تبجي بحزن كبير و كأن اليوم امها توفت:يمه انا مزنه
...انا مزنه يا يمه...ما تبيني...والله مزنه...امي ماتت يا يدتي ماتت...
ام يعقوب نزلت راسها تبجي مو مصدقه...على بالها يجذبون عليها...
لان مزنه كانت فاست كوبي من امها...نفس الملامح ولا شي يختلف...
فجر الله يرحمها كانت آيه بالجمال و مزنه خذت هالجمال من امها...
مزنه وهي تبجي:ما تبيني يدتي؟؟؟؟؟؟؟تبيني ارد لابوي؟؟؟؟؟؟
ليش ما تبيني يا يدتي لييييش؟؟؟؟؟
يلست على الارض و حطت راسها بحظن يدتها تبجي:يمه ليش مو راضيه تصدقيني؟
؟؟؟؟؟انا ما اجذب والله انا مزنه...احبج يمه بس طالعي بويهي زين...
"رفعت ام يعقوب راسها"جفتي يا يمه اني مزنه؟؟؟؟؟تبين تصدقين اكثر...بثبت لج.
..شوفي هاي الظربه اللي هني...تتذكرين لما كنا يهال تظاربنا انا و مشاري؟؟؟؟؟؟
ام يعقوب ردت لها الروح مره ثانيه:مزنـــه...
ابتسمت مزنه بفرح:يدتي...اخيرا صدقتيني؟؟؟؟
ارتمت بحظن ام يعقوب اللي حظنتها بكل قوتها و بجت:حسبي الله على من كان السبب بموتج يا بنتي..
.حسبي الله عليج يا مرت عبدالرحمن حسبي الله عليج كانج انتي الشر بعينه
...حسبي الله و نعم الوكيل فيج...حسبي الله عليج...لا بارك الله فيج لا دنيا ولا اخره...
مزنه انصدمت:يدتي...شدخل ام سلطان بامي؟؟؟؟؟؟؟؟شدخلهاااااااا؟؟؟؟؟
ام يعقوب دمعت عينها:تبين تعرفين السبب بموت امج؟؟؟ام سلطان هي السبب...هي السبب...
الكل انصدم...كانوا يجهلون سبب موت فجر...:شلوون؟؟؟
ام يعقوب وهي تتذكر هذاك اليوم الاسود اللي مر عليها بحياتها كلها:
قبل7 سنوات...
فجر هالفتره كانت توها طالعه من المستشفى
مسويه عملية شرايين ماخذت لها يومين:
فجر كانت يالسه بالصاله و مزون و الجازي
و مشاري بالمدرسه اما ظاري نايم فوق:
كانت فجر يالسه تقرى مجلة و تشرب شاي...
يات ام يعقوب:فجر يمه ماتبين ريوق؟؟؟؟؟
من يومج و انتي على الجاي
؟؟؟؟مو زين عليج؟؟؟؟
فجر ابتسمت:ما اعرف يا يمه..
.حاولت اني ابعد عنه لكن ماقدرت...
رن التلفون و ردت ام يعقوب:هلا...
...:.....انتي ام يعقوب صح؟؟؟؟؟؟؟؟
ام يعقوب:ايه يا بنتي انا ام يعقوب...آمريني...
...:ما يآمر عليك عدو بس بغيت فجر...
ام يعقوب توترت:ان شالله...فجر يمه تعالي وحده تبيج ع التلفون...
ابتسمت فجر:اوكي...
فجر:هلا...
...:هلا فيك...فجر اكيد ما راح تعرفيني لكن انا هيفا...
فجر مستغربه:هيفا منو؟؟؟؟؟؟
هيفا:انا هيفا مرت عبدالرحمن زوجك اللي خذتيه يا حراميه...
فجر بعصبيه:خيير شتبغيييييين؟؟؟؟؟؟
هيفا بثقه وهي تطالع اظافرها:ابد يا فجر حرم عبدالرحمن...
بس بغيت اقول لك ان مزنه عندنا بالسعوديه..
.و عبدالرحمن بدل لا ياخذها للمدرسه جابها عندنا للسعوديه...و ابتلشنا فيها...
هنا فجر شهقت:ههههههههههه...هيفا لا عبدالرحمن مستحيل يسويها مستحيل
...عبدالرحمن وعدني انه يبقى طول حياته وياي وويا بنتي... مستحيل يسوي هالحركه...
هيفا بعصبيه مصطنعه:لو سمحتي منتي مصدقتني اسمعي صوتها...
فجر كانت مصدومه...ياها صوت مزنه وهي تبجي...ابي امي ابي اميييييييي...
هنا فجر ما تحملت...طاحت السماعه من يدها و صرخت بألم:مزوووووووووووون...
فجر وهي تبجي:مزنه...ويييين مزنه...
ام يعقوب خافت:يمه بنتي...فجر...فجــــــــــــــر...
فجر كانت حاطه يدها على قلبها و تتألم بقوه:يمه بنتي حطوها بعيونكم...
حبوها ولا تنسونها...يمه بنتي امااااانه بعيونكم...
بهاللحظه دخل يعقوب و معاه زوجته:
ام يعقوب وهي تبجي:يعقوب الحق علينا الله يخليك
...فجر بتموت...بتمووووووت فجر...
خافوا يعقوب و ليلى...راحوا لها:
مسكوها يعقوب و ليلى و امها كانت تطالعها بخوف كبير خايفه
ان بنتها تروح منها...تبجي بنتها البجر...:
ظاري كان نازل من فوق بعد ما سمع الصراخ...شاف الصاله فاظيه
...شاف سماعة التلفون ع الارض:
ظاري مستغرب:الو؟؟؟؟؟؟؟؟
هيفا:وين اختك فجر؟؟؟؟؟؟؟؟
ظاري:انتي منووووووو؟؟؟
هيفا:انا مرت عبدالرحمن...قول لاختك تستاهلين ماجاك.
..خل حب بنتك يعميك لانها اصلن ما تثق بزوجها...مع السلامه...
و سكرت بوجهه...:
ظاري خاف و حس ان فجر اخته و حبيبته و امه الثانيه صار فيها شي.
..طلع من البيت يركض مثل المينون...ركب سيارته و شخطها ع المستشفى
وهو بالطريق دق على اخوه و قال له هم بأي مستشفى...:
بالمستشفى:
ام يعقوب وهي تبجي:شنو قال لك الطبيب يا وليدي؟؟؟؟؟
يعقوب بخوف و توتر:يقول ان قلبها لين الحين ما يتحمل صدمات..
.و انها تعرضت لصدمه قويه..."انهار يبجي"فجر تحتضر يا يمه..
.فجر تودع الدنيا مثل ابوووووي يااااااا يمه...تبي بنتها...تبي مزنه...
ليلى وهي تبجي:يعقوب الله يخليك روح ييب مزون...
يعقوب بخوف:اوكي انا طالع الحين...
ظاري دخل منهار:فجر...فجر شفيج؟؟؟؟؟؟؟
فجر ابتسمت بألم:ظاري...تعال هني يمه...
ابتسم ظاري لفجر و الدموع بعينه...راح لها:فجر...ترى مزون هني بمدرستها والله..
.صدقيني هيفا انسانه مريضه و راعية سوابق...والله عبدالرحمن ماخذ بنتج...
الحين يعقوب راح اييبها من المدرسه...
فجر بفرح:والله؟؟؟"صرخت"آآآآآآآه...ناااااادوا عبدالرحمــــــــــــن...ناااااادووووه...
ظاري بخوف:فجر شفيج فجـــــــر؟؟؟
فجر طول الوقت تنادي بأسم عبدالرحمن و مزنه...خلاص الروح بدت تطلع...:
بنتي...حطوها بعيونكم...ظاري ترى مزنه متعلقه فيك لا تنساها..
.خلووووووونها ترووووح عند ابوها...الله يخليكم خلوها...
قولوا لعبدالرحمن يسامحني...قولوا له اني احبه...اني اعشقه...مسامحته...
قولوا لمزنه تسامح ابوها على كل شي...سامحوني كل أي شي غلطت فيه عليكم...
ظاري وهو يحاول يتماسك:فجر انتي ما فيج شي ما راح تموتين...
حط راسه على سريرها وهو يبجي خايف اخته تضيع منه...
حطت فجر يدها على راسه تمسح عليه بحنان...
فجر بألم و حنان:ظاري حبيبي الرياييل ما يبجون...لا تبجي خلاص...
ظاري:ماقدر يا فجر والله ما اتخيل حياتي بدونج...والله ماقدر...
انفتح الباب و دخلت مزنه تبجي بخوف و هلع..
.طبيعي لانها تحس انها بتفقد اعز انسانه عندها...:يمه...يمه شفيييج يا يمه...
فجر بفرح:مزنه...تعالي يا بنتي تعاااااالي غناتي تعالي...
ركضت مزنه لحظن امها...ارتمت بحظن امها تبجي...:يمه ما راح تموتين صح؟
؟؟؟؟قولي لي انج ماراح تموتين...
فجر من الالم ماقدرت تتكلم...بدت تختنق...لكن بصعوبه قالت:م...مزنه..
.ابوووج سامحيه و بريه لا تعصينه يا بنتي...
حطت يدينها على قلبها من الالم...دخل الدكتور و طلعهم كلهم..
.دخلوا الدكاتره عليها و ركبوا عليها الاجهزه و الاسلاك...لكن بعد ما فات الفوت
...مزنه كانت تطالع امها بنظرات خوف و حيره...
ثواني و طلع لهم الدكتور و علامات ويهه ماتبشر بالخير:
مشاري و جاسم كانوا خايفين...واقفين يطالعون الدكتور بنظرات غريبه
و الالم بعيونهم
...الباقي حالتهم حاله...اكثرهم مزنه...
الدكتور:الحي ابقى من الميت...عظم الله اجركم...
كانوا بحالة صدمه و فاجعه كبيره...
بعد9شهور راحت مزنه مع ابوها:
رجعت مزنه لواقعها...كانت بحالة صدمه:
مزنه بأسى:مو كافيها اللي سوته بلينا؟؟؟؟؟مو كفااااايه
اللي سووته بالعاااااالم حرام عليها...
جروح بحنان:يا مزنه ما يسوي جذي اللي بقلبه مرض...
اكيد معاها مرض نفسي يخليها تسوي جذي...ترى الانسانه الوحيده
اللي حبها ابوج هي امج.
..بعد ما تزوج هيفا تزوجها...
..
.
..
.
..
بالرياض:
عبدالرحمن وهو ماسك هيفا من شعرها
و ركبها ظربها ظرب عمرها ما انظربت مثله بحياتها كلها:انا كذا تسويييين
فييييني تسحرين بنتي
و تدخلين رجال ببيتي عشان يغتصب بنتي الثااااااااااانيه؟؟
؟؟؟؟؟؟؟حسبي الله عليك الله لا يهنيك بآخرتك يا فاجره يا فاسقه...
لكن اوريك ان ما فضحتك ما اكووووون عبدالرحمن ولد راشد ال.........
اليوم الثاني...
..
.
..
.
..
بالخبر:
بشركة بوفيصل:
كان جالس بالمكتب الا دخل عليه السكرتير:السلام عليكم يا طويل العمر...
بوفيصل:و عليكم السلام...هلا وافي...
السكرتير:يا طويل العمر الاستاذ حمد بره يبيك...ادخله؟؟؟
ابتسم بوفيصل:اكيد دخله...
السكرتير طلع و نادا حمد...:
حمد ابتسم:السلام عليكم عمي...
بوفيصل:و عليكم السلام و الرحمه...
اشوفك كاشخ بالثوب هههههههههههه
من زمان ما حسيت انك سعودي اصل يا ولد اخوي...
حمد:هههههههههه بس المصيبه هالعصى العله اللي ملازمتني...
بوفيصل:هونها و تهون ان شالله...انت الحين اجلس ولا تتعب رجلك...تفضل...
حمد:زاد فضلك يا عمي...بس انا جايك ابيك بموضوع خاص...
بوفيصل باهتمام:تفضل يا ولدي قول...وش هالموضوع؟؟؟؟؟
حمد ارتبك:عمي انا ودي...ودي اخطب ساره...
سكوت عم ارجاء المكان:
حمد خاف انه قال شي غلط:اسف يا عمي اذا انا جيتك بوقت غير مناسب...
بوفيصل:ههههههههههههههههههه ليش خايف؟؟؟؟؟؟
؟؟؟؟مبروك عليك ساره يا ولدي...ما يحتاج اوصيك عليها...
حمد تشقق من الوناسه:الله يبارك فيك يا عمي..
.ما يحتاج لا توصي حريص والله ان ساره من زمان بعيوني و بقلبي بعد...
بوفيصل ابتسم:هههههههههههه...الله يتمم عليك الفرحه يا ولدي...بس ابوك يدري؟؟؟؟؟؟؟؟
حمد:ههههههههههه لا ما يدري بس انحشت من المكتب نحشه
و يالله يالله لحقت ع البيت و كشخت و جيتك...
ابتسم بوفيصل:خلاص انا اكلم ساره و اشوف ردها و اقول لك...
حمد بسرعه:لأ عمي لا تقول لها الله يخليك...
استغرب بوفيصل:ليش؟؟؟؟؟؟؟؟
حمد قال لعمه كل السالفه من الالف للياء..
.من اول ما سمعت مكالمته مع فهد بالرياض لين تلاقوا بالمطار:
بوفيصل ضحك:ههههههههههههههههههههههه والله انك مو هين يا ولد عبدالله
...لعبت باعصاب بنتي المسكينه ههههههههه...
حمد برجاء:عشان كذا يا عمي لا تقولون لها ان انا اللي خطبتها...
قولوا له حمد خطب بنت وحده من قرايب امه
و انتي خطبك ولد عم البنت و ملكته بيوم ملكتك
...ارجوك اذا رفضت اغصبها يا عمي...
بوفيصل:هههههههههههههههههه مع اني ما تعودت اغصب احد
على شي ما يبيه لكن عشان حمد كل شي يهون...
حمد تشقق من الوناسه و فرح ان عمه ما قال شي على اللي صار...
.
لعصريه ببيت ابوعبدالله:
ام عبدالله جالسه و عيالها حولها و جمبها يوسف:
ام عبدالله وهي تطالع بينهم تفتش على احد:يا عيالي...حمد وينه؟؟؟؟
سلمان:حمد مات الله يرحمه..
.و احنا طالعين من البيت رايحين الشركه جاته
سوا حادث بالطريق و مات رحمة ربي عليه ان شالله...
ام عبدالله انجنت و صدقت مسيكينه هالعجيز...:
يوسف:هههههههههههههههههههههههههه يمه ترى يستهبلون عليك
...حمد بيجيك مثل الحصان الحين يركض...
ام عبدالله عصبت:أبد...والله ما اصدق الا لما اشوف وليدي عند عويناتي الثنتين...
خالد:ياختي يا جدتي لو اني انا كان ما فقدتيني...لكن حمد ايه...لكن انا؟؟؟
نجلا:انت الله يخلف عليك و يرزقك العقل...
خالد:هئ هئ صادقه عمتي...
دخل حمد:هلاااااااااااااا والله بأم عبووووووووووووودييييييييي>تعمد يقولها كذا...
عبدالله بعصبيه:هيه انت...اصغر عيالك انا عبودي؟؟؟؟؟؟
؟؟؟؟شنو هي الدنيا فوضى والا ايش؟؟؟؟؟
خالد يكمل:مافيه قانون هنا؟؟؟يحتم عليك مراعاة مشاعر الاب
...مافيه اصل ما فيه ذوق عندكم؟؟؟حتى ابوكم تنادونه عبودي؟
؟؟حشى هذا و انا ابوكم اجل لو انا ولدكم الصغير وش سويتوا فيني ها؟؟؟؟؟؟؟
انفجروا كلهم من الضحك:
ام خالد:ههههههههههههههههه حافظ النص كاملا ما شالله عليك...
سلمان:هههههههههههه خالتي...كانوا بالجامعه يعطوننا ماده اسمها الفلسفه و الحفظ...
عاد خالد ما يلقط اللي بالكتاب يلقط اللي تسمعه اذنه هع هع...
خالد:عنبووووو بليييييسك...تتذكر لين الحين؟؟؟؟؟؟؟
عبدالله:ههههههههههه ايه يا ولد اخوي طلع فضايحه ايام الجامعه...
سلمان:ههههههههههههههههه اعلم؟؟؟؟؟؟؟؟؟؟
خالد برجاء:تكفى لا تقول...
سلمان بعناد:الا...عمي الله يسلمك مره كنا انا و خويلد متأخرين عن الكلاس.
..و الدكتور نقص خالد 3درجات لانه قام يستهبل عليه
و انا مؤدب اكثر من خالد عشان كذا ما نقصني..
....عاد خالد حقد عليه و طلع وقت البريك و فقع كفرات السياره
و كسر الشبابيك و شخبط عليها و هج ويا ربعه...
خالد بلع ريقه و نزل راسه...
فواز:ههههههههههههه اكمل الباقي والا استر عليك؟؟؟
؟؟؟؟حتى انت يا سلمان جالس تفضح بولد عمك و ناسي نفسك...
بوسلمان:ايه يا ولدي يا فواز طلع فضايحهم..
.خلنا نعرفهم على حقيقتهم...مسويين فيها مؤدبين قدامنا...
فواز:بصراحه هذي السالفه كنا حاظرينها انا و ناصر...يعني كمل وياي...
ناصر ابتسم:احم احم لا توصي حريص ياخوي...
فواز:ههههههه كنا ايام الثنويه انا و ناصر احم يعني من الطلاب المؤدبين
عكس شلة الخراب...كان عندنا اختبار فيزيا و حظرتهم ما ذاكروا..
. طبيعي بياخذون صفر بالاختبار...
الاخ ابو الافكار فيصل مسك الورقه و خرمها بالخرامه و ربطها بخيط النعال
حق المدرس...و حاط تحتها غلاف الكتاب عشان ما تنقلب.
..و كان الخط كبير يعني بيوضح كل شي..
.و كانوا خالد و فيصل و سلمان قدام بعض...طبعا المدرس بعد الاختبار مستغرب..
.فيصل و خالد و سلمان ياخذون30بالنهائي؟؟؟
؟؟؟؟؟؟؟؟عمرها ما صارت بتاريخ البشريه...
ناصر:لا و ازيدكم من الشعر بيت...بعد ما خلص الاختبار
طلعوا المدرسين يفطرون و خشوا الاسئلة
...تسللوا اخواننا بالله لغرفة المدرسين...ما بقى مكان ما دوروا فيه الاسئلة
...و طلعوا ورقة اشطر واحد بدفعتنا...و عادوا كل اجاباتهم الغلط...
هنا فيصل و سلمان و خالد انواع الاحراجات:
خالد منحرج:استر علينا الله يستر علييك؟؟؟؟؟؟؟؟؟؟
وليد:لا لا الساكت عن الحق شيطان اخرس...يعني لازم يتكلمون.
..مو زين يسكتون...
خالد التفت على فواز و ناصر اللي يضحكون:يعني الحين
صار السكوت عن الحق شيطان اخرس؟
؟؟شمعنى بعد الاختبار ما اعترفتوا؟؟؟؟؟ها؟؟؟
ناصر:السموحه ولد عمي مو قصدي بس تعرف الاحم احم..
.لانه ابو بنتي بعاونه يعني صلة دم فقط لا غير...
خالد:اجل اخذ راحتك...
فواز:يعني ابو بنتك مو اخوك؟؟؟؟؟؟؟؟؟؟والا تبريت منى؟؟؟؟؟
ناصر:اقول اسكت احسن لي قبل لا اوجع قلبي...
هنا فواز تكلم بسرعه...:لا خلاص والله بسكت بس اهم شي قلبك ما فيه شي...
ام عبدالله بعصبيه:انتم وش سويتوا سودتوا وجوهنا بعمايلكم...
الظاهر اهلكم ما علموكم ان الغش حرام؟؟؟؟؟؟؟
نزلوا الثلاثه روسهم...
دخل بوفيصل...السلام عليكم...
الكل...رجال و نساء و بنات و شباب:و عليكم السلام و الرحمه...
بوفيصل راح سلم على ابوه و امه و جلس جمب اخوه عبدالله:
بوفيصل بهمس:تعال المجلس ابيك بسالفه انت و ابوي و اخواني...
عبدالله بالمثل:ان شالله...
عبدالله بصوت عالي عشان الكل يسمعه:لو سمحتوا هدووووء وش ذا الازعاج.
..ترى بكره قررنا نروح بحر ارامكو يعني يا حريم اجهزوا و
يبه و اخواني انا و سعد اخوي نبيكم بسالفه و نجلا ويانا...
يوسف و عبدالعزيز و محمد و نجلا:ان شالله...
قاموا للمجلس و الباقي مستغربين:
عليا:بنات تتوقعون شالسالفه؟؟؟؟؟؟؟
ساره:بصراحه مادري...
بعد 10 دقايق طلعوا الرجال من المجلس مبتسمين:
حوريه:غريبه خبري اجتماعات الرجال اكثر من10دقايق؟؟؟؟؟؟
ريما:صادقه والله...
سعد"بوفيصل":بصراحه حبيت اقول لكم شي مهم...خبر من زمان ما فرحنا فيه...
نقزت مي:وشوووو؟؟؟
الكل ضحك على مي و تركي يطالعها بنظرات اعجاب الوحيد اللي انتبه له ابوه...:
سعد:ساره انخطبت...
هنا ساره حست بقشعريرة بجسمها...انتفضت من الصدمه و الكل انتبه لها:
ام فيصل:ولد مين اللي خطبها؟؟؟
بوفيصل:ولد عبدالله عامر ال.....
ام فيصل:ولد ذيك الحرمه المصيبه اللي كانت ساكنه عند بيتنا؟؟؟؟؟
ساره هنا انهارت...ما قدرت تقوم...من الصدمه تحس انها انشلت:
بوخالد:و عندنا لكم خبر ثاني...
ام خالد بحزن:وشو؟؟؟؟؟؟
بوخالد:حمد ملكته يوم ملكة ساره...
هنا ساره بلعت غصتها و احتفظت بكرامتها وقامت...
عليا وهي تطالع حمد بقهر و دموعها بعينها:اناااااااني ياااااااا حمد انااااااني...
و رقت فوق و البنات معاها...
رن جوال بوعبدالله:الو...هلا بسلطان...ايييييييييش؟؟
؟؟؟طيب جايين جايين يا ولدي لا تحاتي...يلا خل عينك
على ابوك لا يصير فيه شي...
و سكر بوعبدالله من سلطان وهو خايف:يا عبدالله بسرعه
خلووونا نمشي الرياض..
.
الكل استغرب:
فيصل مستغرب:ليش يا جدي؟؟؟؟؟؟؟شصاير؟؟؟؟؟؟؟
بوعبدالله مستعجل:ميس بالعناية المركزه و ام سلطان
خلاص بينها و بين الموت شعره...بسرعه يا عيالي
يقول سلطان ان ابوه منهار على حالة ميس...:
عبدالله:اوكي يبه احنا بالسياره...
و طلعوا كلهم الرجال رايحين الرياض الا حمد مايقدر
يروح و نفس الشي ناصر و فواز:
...
.
...
.
...
بالكويت:
فبيت جروح:
وضحى و جراح و خليفه دخلوا البيت و وضحى بعدها ما تعرف ان امها تركت البيت:
يلست على الكنب:جراح و خليفه امي ليه عيت تيي ويانا؟؟؟؟
جراح يبي يصرف الموضوع:لا بس تبي تيلس ويا مزون شوي
تواسيها لانج تعرفين انها من تتذكر طاري خالتي فجر تنهد بالبجي..
.فقالت بتيلس عشان تواسيها"و بقلبه...امي اللي يبي لها احد يواسيها"...
دخل هاني البيت بهدوء:السلام عليكم...
وضحى ابتسمت لابوها:و عليكم السلام...
قامت و باست يده و راسه...
جراح باحتقار:للاسف ماعندي استعداد اسلم..
.لين تعرف غلطتك و تصححها ذيك الساعه افكر اسلم...
ع العموم خليفه قوم ورانا شغل لازم نسويه بعد شوي بيت يدتي...و انتي وضوح
روحي زهبي عمرج بعد شوي مسويين مفاجأه حق مزون...
خليفه:صدقت يا خوي...وضوح لا تتأخرين...
و راحوا فوق و هاني منفجع من معاملة عياله له...
وضحى منصدمه من اخوانها:يبه؟؟؟؟علامهم هذول؟؟؟
هاني من صدمته ما انتبه ان وضحى يالسه تكلمه...
رقى غرفته بينام و الالم و الهم بقلبه:
هزت وضحى راسها و يلست ع الكنب تطالع التلفزيون..
.تذكرت الكلام اللي قالوه لها خلوف و جراحوه و راحت دارها تزهب عمرها...:
دخل تركي للبيت وهو مفجوع...مصدوم...ليش...
لييييييييش اللي يصيييييير ليييييييش...شنووووووووو
هي الدنيا سااايبه عنده؟؟؟؟؟؟:
سعود بعصبيه:صيتاااااااااااا....
صيتا الخدامه:نأم بابا...
سعود بعصبيه:بسررررررررعه روووووووووحي
نااااااادي ابووووووي من فوووووووق
...والله لا اخليه يندم على اليوم اللي فكر فيه يتزوج امي...
صيتا بخوف:اوكي بابا...
و ركضت فوق تنادي هاني:
نزل هاني:خير...شعندك تصارخ؟؟؟؟؟؟؟؟؟
سعود بعصبيه و حقد:يوبباااااااا...لييييييييش...انت انساااااااااان انت؟؟؟
؟؟؟؟؟؟؟؟؟علمني انت انسااااااان؟؟؟؟؟؟؟؟؟يبه اختي وييييينهااااااا؟؟؟
هاني انصدم:شعرفـــــــــــك؟؟؟؟؟؟؟
سعود باحتقار:عرفت من امي يعني على بالك امي بتسكت لك؟؟؟
؟؟؟؟اختي مثل ما خذتها تردها لا والله ما يردني الا المحكمه..
.خالي يعقوب من زمان سااااااكت عن حق امي لكن الحين مافيه مجال للسكوت
...قال لي قول لابوك يا السجن يا البنت...
انصدم هاني...سجن؟؟؟؟؟؟؟؟؟:انا تهددني يا ولدي؟؟؟؟؟؟؟؟؟
نزلوا خليفه و جراح:سعود لا ترفع ضغطك خل كل شي بوقته حلو.
..المهم يلا امش خلنا نروح بيت يدتي قبل لا مزون تسوي اعصار كاترينا بالكويت كلها...
ضحك سعود غصبن عنه:هههههههههههههههههههه ان شالله...وضوح وينها؟؟؟؟؟؟؟
وضحى نزلت من الدري وهي مبتسمه:كاني هني...يلا انا طلعت كلكم وراي يا شباب...
جراح:الله شنو هالزين شنو هالحلو؟؟؟؟انتي صج حمستيني بالزواج يا اختي العزيزه...
خليفه:يع...هذي لو يشوفها الزهيوي كان مات على طول...
وضحى بأسى مصطنع على حال اخوها:شفت يا جراح اخوك شلون غيران؟؟
؟جوف الغيره و الحسد طايرين بعيونه...
جراح حط يده على كتف اخته:يلا نطلع يا باسكال بيتنا...
خليفه و سعود:هههههههههههههههههه الله يا باسكالنا..
.باسكال بنت هاني ههههههااااااااااااي...
و طلعوا كلهم من البيت تاركين هاني بحال ذهول و صدمه كبيره...
وضحى:جراحوه ممكن تمر بطريجك ياخوي على محل هدايا؟؟؟؟؟؟؟
ابتسم جراح:اكيد...جم باسكال عندنا بالبيت؟؟؟؟؟؟؟؟
وضحى مسويه فيها خجوله:هههههههه اكيد وحده وهي انا...
خليفه:هههههههههههه و امي نوال الزغبي...
وضحى و سعود:هههههههههههههههه حرام عليييييكم امي احلى...
وصلوا محل هدايا و وضحى ماشالله ما قصرت خمت المحل كله:
سعود:يا لهوي؟؟؟ايه الخراب ده؟؟؟؟؟؟؟؟؟
وضحى:هههههههههههههههه شعليك؟؟؟؟؟؟؟؟؟؟؟؟ليش محتر؟؟؟؟؟؟؟؟
وصلوا بيت ام يعقوب:
جاسم و خليفه و جراح اكتمل التهريج بالبيت صج:
جروح:يمه خلينا نقوم و نترك الصاله لخلق الله...
ام يعقوب:ايه والله يا بنيتي مافيني شده على عوار الراس:
جاسم:افا والله ما هقيتها منج عمتي...جذي تحرشين يدتي علينا؟؟؟؟؟؟؟
مزنه:هههههههههههههههه من عماايلكم السوده:
نوف:هههههههههههههههه انتي ما شفتي شي يا مزون تراهم زادوا عن قبل...
رن جوال مزنه:هلا..."وقفت بصدمه"...العنووووووووود...قووووووولي والله؟
؟؟قولي والله العنود الله يخليج...لا تجذبين يا عنود لاااااااا...
انهارت تبجي بهستيريا:لااااااااااااااا مستحيييييييل يصييير جذيييييييي
لااااااااااااااااااااا...لييييش تسوي جذي لييييييييش؟؟؟؟؟
الكل خاف على مزنه...
خالها يعقوب و ظاري قاموا لها خايفين اما مشاري تحنط مكانه...
جاسم بخوف:مزووووون شفييييج؟؟؟؟؟؟؟؟؟؟
ركضت مزنه لدارها فوق و راحوا الحريم وراها...:
دخلت خالتها جروح و وراها خالتها ليلى و وراها خالتها بدريه ام نوف:
بدريه بحنان:مزنه حبيبتي شفيج؟؟؟؟شنو اللي صار؟؟؟والله خوفتيييينا عليج...
مزنه منهاره و مو قادره تتكلم...تحاول تسكت لكن مو قادره...
جروح و ليلى و بدريه بخوف:مزون شفييييييج قولي لنااااااا...
بس...
هل حاز البارت على رضاكم؟؟؟؟؟؟
يلا توقعاتكم شصار؟؟؟؟
شاللي قالته العنود لمزنه؟؟؟
ملكة حمد و ساره تتوقعون شيصير فيها؟؟؟؟
هل راح تعرف ساره انه مقلب من حمد و انه هو اللي خطبها؟؟؟
شصار على ميس؟؟؟؟
و اللي ما تنتسمى هيفا...
جروح...تتوقعون هاني يرجع لها بنتها؟؟؟؟؟
لينا وينها مختفيه؟؟؟
هاني...شراح يسوي؟؟؟؟؟هل بيرضخ لتهديد الكل
و يعترف بمكان شوق"لينا"
[/SIZE][/CENTER]
|
11-03-10, 07:40 PM
جديد مواضيع قسم القصص المكتمله
العرض العادي
