كاتب الموضوع :
بقايا بلا روح
المنتدى :
القصص المكتمله من وحي قلم الاعضاء
[FONT="Arial Black"]السلام عليكم ورحمة الله وبركاتة
كيف الحال اختي (بقايا) ان شاء الله تكونين بخير وصحة وسهاله
اولا احب اعتذرلك عن انقطاعي عن كتابة التعليق على القصه بس والله غصب عني ظروف خارجه عن ارادتي-دخلت بنتي السنه هذي اول ابتدائي وابتلشت فيهاكل يوم صياح وبكاء و عندي دوام -لكني ابدا ما انقطعت عن متابعة احداث القصه الرائعه وانتظرها دائما على احر من الجمر----
غاليتي البنات ما قصروا في التعليق على مجريات الاحداث في القصه وبصراحه
ابداع في ابداع في ابداع السرد والخيال والوصف وتصوير المجتمع بدقه بصراحه وانا اقراها احس اني اشوفهم قدامي او اني بينهم وعايشه معهم
ماجد/ ياليت يحاول يتقرب من مها ويتعرف عليها بدون تأثير كلام منصور عليه مازلت خايفه لايكون فيه مرض خطير في الراس يسبب له الصداع الله يستر
مها/ لا تيأسين ماجد زوجك ولك عليه حقوق وله عليك حقوق دافعي عن حقك فيه واعطيه حقه عليك كزوجه
ساره واحمد /احس حياتهم بتصير اكشن مدري ليش
موضي/ مازلت اشوف فيك الاخت العاقله الحكيمه بس ياليت تحاولين اكثر في التقريب بين مها وماجد
روضه/ماعليك من نوف اللي الحقد عامي قلبها قبل عيونها اهتمي ببنت عمك اكثر
نوف/ بصراحه كل بارت اكرهها اكثر من اللي قبله >>>>>هلحين وش دخل مها بولد خالتس هو اللي عافس وراح لها تعاقبينها على شي مالهاذنب فيه(غيرة حريم)
اختي الغاليه بقايا(قرأت ماكتبته الاخت ذات الذوق الرفيع والاسلوب الراقي)بوران >>>><وارتفع ضغطي وجتني صخونه -وماقدر لازم ارد عليها مع ان البنات الله يجزاهم خير ماقصروا فيها بس بعد مابردت حرتي -اقولها لبس البرقع والجلال مهب تخلف يالمتطوره هذا ستر للمرأه اذا كانت داخل بيتها ومعها رجال مهم محارم لهاوهذي عاداتنا وتقاليدنا البدواللي افتخر ا اني منهم غالبا يسكنون في بيت كبير ومقسم الى شقق او اجنحه كل زوجين لهم جناح اوشقه ويجتمعون جميع ولازم الحرمه تتستر بلبس البرقع والجلال
ثانيا القهوه من العادات العربيه الاصيله -اذا كنتي تعرفين عادات العرب(بدو وحضر)عندنا كل وقت واذا ما اشربها ثلاث او اربع مرات باليوم يصكني راسي ولا عاد اشوف الدرب ولا تقولين تخلف الحمد لله ثلاثة ارباع بنات البدو الان متعلمات ومعهن شهادات عاليه انا اتكلم عن نفسي انا معي بكلوريوس ومدرسه ولله الحمدوبأذن الله استعد للتقديم على الماجستير/ومازلت افتخر بعاداتي وتقاليدي البدويه الاصيله مازلت البس البرقع والجلال في المنزل وما يتعدل راسي لين اصبح بدلة قهوه والعصر مثلها وبالليل بعد------------
اما حكايةان البنت ماتشوف خطيبها ولا تجلس معه ايضا هذي عاداتنا وتقاليدنا كبدو وبعد فيه جزء كبير من الحضر عندهم هاالعاده وانا شخصيا ماشفت زوجي ولا شافني الا ليلة الزواج مع انه ولد عمي والحمد لله صار لنا (11)سنه ومشاء الله عندنا عيال ومتفاهمين ومبسوطين وما عندنا خلاف- وبالنسبه لسوق الحسا انا ماشفته ولا عمري طبيتها لاكني اجزم بأن كاتبه مثل (بقايا) يستحيل تكتب شي مهي واثقه منه
اما البر والريحه اقول-الله يشفيك-شكلك ماعمرك طلعتي للبر ولا عندك( tv) تتابعين فيه البرامج والا كان عرفتي التقدم اللي حاصل في المخيمات حبيبتي الناس تخيم بالشهر والاسابيع ومعهم دورات مياه متنقله ومطابخ كامله ومواطير كهرباء تنور المخيم واللي حوله وتلفزيونات وستلايتات واجهزة الكمبيوتر المحمول وكل وسائل الترفيه الموجوده في منازلهم تقريبا-اختي وين عايشه انتي اللي ماتعرفين كل هذا؟؟؟؟؟؟؟؟؟
لكن بالنهايه اقولك كل اناء بما فيه ينضح واسلوب كل انسان يدل على شخصيته>>>اعتقد فهمتي!!!!!!
غاليتي بقايا استمري في ابداعك ولا تدعي مجال لاعداء النجاح بأن يقفوا حجر عثرة في طريقك وفقك الله وننتظر البارت الجاي على احر من الجمر مولعين في هالبرد بسبب قصتك شفتي ياوخيتي عجلي علينا قبل نحترق <<<<<<<<<ياكثر الهذره والله اسمحيلي على الاطاله +++++++++++[/FONT]
التعديل الأخير تم بواسطة (حنين الشوق) ; 01-12-08 الساعة 01:04 PM
|
29-11-08, 09:20 PM
جديد مواضيع قسم القصص المكتمله من وحي قلم الاعضاء
العرض العادي
