هلا اخت بقايا انا اول مرة ارد عليك لكني متابعة لقصتك منذ فترة
قصتك اكثر من رائعة كقصة وحكايةواسلوبك في السرد رائع مع التشويق الي في القصة
بصراحة نفسي اعرف سر معاملة اهل ماجد لمها وليه طردوها بعد موت منصور مهما كان هذه زوجة ابنهم ولها عليهم حقوق هي وبنتها
وانا ايضا مع الاخت ارادة الحياة ان الواحدة لازم تدافع عن شرفها بكل ما اوتيت من قوة
واستغربت ماعمله منصور كيف انه يتهم زوجته الي شرفها من شرفه هو عشان لا يتهم هو رد فعل غريب جدا وكيف مها بعد ذلك سكتت عن الموضوع كيف تسكت عن اتهامها بالباطل وكيف تتزوج واحد وهيه عارفة انه شاك في اخلاقهامهما كانت تحبه
اما ماجد فانا اعتقد انه معه حق في معاملته لها مهما كان اسلوبه حاد لان الشك يجعل الانسان يخرج عن شعوره
قصتك اختي من الحياة والموضوع الي هو زواج الارملة من اخو زوجها بعد وفاته موجود في شعوبنا العربية من القديم وحتى الان وفي كل المستويات وشئ عادي جدا ان يجبر احد الطرفين او كلاهما عليه
المهم يعجبني اسلوبك في السرد وخصوصا المقدمة والنهاية لكل بارت والي لقاء في جزء جديد
ورجاء اختي كملي الرواية لان الواحد زهق قرائة روايات وبعد كدة اصحابها لا يكملوها ونكون متشوقين لاحداث النهاية

0السلام عليكم
بسم الله الرحمان الرحيم.
اولا قبل كل شيء أود ان اشكر كل المشاركات على التحليل الرائع لاحداث القصة .
صحيح ان تصرف معا يبدو من الظاهر تصرفا خاطئا و مهينا لكرامة المرأة عموما , لكن لننظر إليه من الباطن سنرى اسرارا كانت تخفى علينا اهملناها.
1ـمنصور : شخصية انانية إعتادت الاخذ لا العطاء و السبب بالدرجة الاولى كان ماجد , اعرف ان الكل سيستغرب قولي هذا لكن انظروا من كان يدلل منصور إنه ماجد من كان ياخذ العقاب عنه كذلك ماجد من كان له مثل الام الحاضنة في كل مراحل حياته ماجد. ماجد الشخص الذي حماه من كل شيء إلا انه لم يعلمه الإعتماد على نفسه و الإلتزام بمسؤلياته او حتى الإهتمام بما يريد الآخرون. منصور هو الصورة المعكوسة لماجد .ماجد طيب منصور فقط يتظاهر بالطيبة, ماجد مسؤول منصور لا ,ماجد حياته كلها للآخرين منصور حياته كلها لنفسه.
زواج منصور من مها كان غلطة وافق هو عليها بإرادته و لدي شك بوجود تصميم خفي لإتمام الموضوع ,السبب? غيرة من ماجد هذا صحيح فالكل يعتمد على ماجد بينما لا احد يفكر مجرد تفكير في طلب شيء من منصور, هنالك نوعين من رد الفعل إما إستغلال الوضع و هذا ما فعله منصور او محاولة إثبات الذات.

::؛::


مساكم الله بالخير ..
وحياكم كلكم ياللي انتقدتوا وياللي مريتوا ورديتوا بطيبه أعرفها منكم واللى مر وقرا بدون ردود ..
بصراحه تفاعلكم مع هالجزء كان غريب
بينى وبينكم .. كتبته بسرعه عشان أقدر انزل لكم شي .. كان قصير نعم .. كانت احداثه تدور بيوم واحد معكم حق ..
لكن اللي يشوف انه بارد أنا مو معاه بالشي هذا .. البارت اللي طاف حبيت ابين لكم أول يوم بعد زواج مها وماجد وشلون بيكون .. لأنه شي طبيعي يعكس الجاي من حياتهم سوا .. وكان من المستحيل يبدون بداية حب وشهر عسل لان الماضى ما يسمح بالشي هذا ابد ..
أدري كثير منكم توقع أحداث قوية واثارة بس هذا مو طبعي ولا طبع قصتي ووضحت لكم هالشي من البداية .. الاثارة لمجرد الاثارة وجذب القراء شي أرفضه .. أنا أكتب لكم من الحياة اللى عشتها ومن التصرفات اللى أتوقع أنى أسويها أو اللي حولها يسويها .. الفترة اللي يدور فيها الجزء ما سمحت بتواجد اى شخصيات ثانية .. يعنى كان الأساس انى أركز على ماجد ومها لأنهم محور البارت اللي طاف .. ويهمكم شلون ماجد يتصرف تجاه مها وهى شلون بتكون ردة فعلها .. يعنى شو بيكون دور سارة في صباحية مها مثلاً ..؟؟
أتوقعها مثل أي بنت بتكون في سابع نومة بعد العرس البارحه :)
ونفس الشي خوات ماجد .. وهذا سبب برود البارت مثل ما كثير منكم حس ..
على العموم أسعدنى جدا تفاعلكم .. لكن فعلا ماقدرت أشبك عشان ارد قبل اليوم ..

NONO123
نظرتس أحترمها جداً .. لكن صدقينى سياسة يا أبيض يا اسود ما تمشى في الحياة ..
والحب مافيه تنازلات .. دامك حبيت الشخص بتحبه بعيوبه قبل مزاياه ..
وسبحان الله .. شخصيات البشر تختلف لحكمة رب العالمين عشان الحياة تستمر ..
ومثل مافيه مظلوم فيه ظالم .. ومثل ما فيه حق يقابله باطل .. وهذي سنة الحياة .. والا كان ربنا سبحانه وتعالى اكتفى بالملائكة اللى هم خلق معصوم من الخطأ ..
وبيني وبينس .. الحب مافيه كرامة .. بتقولين لى غلطانه .. بأقول لس أكيده من كلامي ..
تحبين الانسان هذا دافعي عن حقس فيه ولا تقولين كرامتي .. أخطأ بحقس معليش انتظري الفرصه المناسبة عشان تاخذين هذا الحق .. وصدقينى بتأخذينه وبتاخذين اكثر منه احترام ومحبة الطرف الثاني لما يشوف انس فعلا متمسكة فيه .. وان اى غضب عابر ما راح يمس أساس هالعلاقة اللي بينكم ..
الصبر زين .. ونهايته الحمدلله خير سواء في الدنيا والا الآخرة
مشكورة على التعقيب وما ننحرم منس .. وأبي مثل هالتفاعل في البارت الجاى
وعد .. :)

أستاذتي الفاضلة ارادة الحياة ..
حياس الله ويامرحبا .. وتعقيب رائع جدا ناضج وفيه رؤية عميقة ..
من خلال القصة .. توقعت تلاحظون ان السر اللي بين مها ومنصور وماجد ظل بينهم هم الثلاثة وموضى طرف رابع من بعيد .. الروابط الاجتماعية وخاصه القبلية عميقة جداً وشديدة الحساسية .. وأى زوبعة من هذا النوع تدمر بيوت إن ماكانت تاخذ فى طريقها أرواح .. عشان هالشكل الشخص يفكر الف مره قبل ما يتهم اتهام مثل هالنوع يمس الشرف والكرامه .. ويمكن ماجد تردد يتهم مها لأن أخوه نفسه ما اتهمها .. وهالشي ما خطر على بالكم .. :)
أبو مها وأمها كان واضح ان ماعندهم خبر باللي صار .. وهالشي كان باين من رد فعل سارة لما قالت لها مها انه طردها فى اجزاء سابقة .. وراح تعرفون هالجزء بوضوح جدا وبالتفصيل بعدين .. شك ماجد الجزئي في بنت عمه .. غير عن انها من لحمه ودمه خلاه يسكت وما يتكلم باللي يعرفه أو شافه من اخوه وسمعه منه .. موضي كانت طرف صلح بينهم .. بس بعد ما مات منصور شافت ان ماله حاجه تثير كلام عليه مهما كان هذا اخوها .. وكل شي انطوى يوم انطوت صفحته وراح .. مها ما تكلمت من الاساس .. وصبرت وتحملت وكان هالشي لفترة وجيزة ما تتعدى اربع شهور .. بعدها مات زوجها .. ولانها بنت أصول وتعرف وش ممكن يسوي اى كلام في ان الشرخ بين العايلتين يكبر اكثر واكثر .. تجاهلت ذيك الفترة من حياتها كأن لم تكن وعاشت لبنتها .. لحد ما تقدم لها ماجد ..
وبخصوص الضغط عليها عشان تتزوج بسبب بنتها .. صدقينى فيه ناس تضطر تتزوج لأسباب اتفه من هذا .. :)
مشكورة عزيزتي على الرد المتألق .. وان شاء الله الجزء الجاي يكون أفضل وينال رضاس ..
ولى عودة لباقي الردود .. مكانكم كان ولا زال القلب يا أغلى قلوب


بقايــا

:::؛::


مساكم الله بالخير يا كل القلوب ..
وحياكم الله القدامى والجدد ..
نخلص ردود عشان ننزل الجزء ان شاء الله بكره أو بعده بأذن الكريم ..

فراشة الوادي ..
عزيزتي .. سعيدة بكل كلمة قلتيها ومتأكده أنها لمصلحتى ككاتبه ولمصلحة القصة أولاً وأخيراً ..
والله يجزاس كل خير .. فعلاً ملاحظاتس فتحت لى أبواب كانت مغلقة وخلتنى أتوجه توجه جديد بعد الركود اللي حسيتوه فى الجزء اللى طاف .. ولو أنه فعلاً خذا من وقتى وتفكيري الكثير .. بس يمكن ما جاز لكم لأنه كان هادي ..
أتمنى الجزء الجديد ينال رضاس وبانتظار تعليقاتس عليه ..
ماننحرم يارب

لا خلا ولاعدم ..
يامرحبا بس .. وأكيد مابين الطيبين اختلاف ..
وان شاء الله يرضيس البارت الجديد ..
بانتظار ردس عليه وأتمنى يعجبس
ماننحرم يا الطيبة ..


SOSO
أم عنان ..
ouiam
وكل اللى ردوا وانحذفت ردودهم ..
حياكم الله قلوب جديده فى القلوب .. وتسعدنى متابعتكم
وفعلاً زى ما قلتى يا ouiam فيه جوانب خافية على القراء.. أتمنى تبان لهم فى الجزء الجديد
وأنتظر أرائكم بخصوص البارت الجديد ..
ماننحرم منكم كلكم ..

بقايـا

مرحبا بقايا
أنا متابعة معك من الاول
وحبيت اقولك روايتك روووووووووووعة
وننتظر البارت الجاي على نار
بس عندي سؤال ؟!! الروايه كم بارت ؟!!