كاتب الموضوع :
زيونه الحلوه
المنتدى :
القصص المكتمله من وحي قلم الاعضاء
شذى : آآآآآآآآآآآه ان شاء الله وانا بحاول اعدل العلاقه بيني وبينه مثل ماقلتي انا على ذمته واهي تحس بالانكسار
لانه خلاص فقدت الامل انها تجتمع مع عبدالرحمن
ولازم تعدل الاوضاع بس نفس الوقت تعرف ان مشعل يحب و مايبيها
وبعدها طلعو من الحجره و في نزلتهم
كان خالد يلعب بلستيشن وقيس يعلب في العابه
شذى : خلوووووووووديييييييييي حبيبيييييي
قام خالد وراح يركض لها وحضنها
خالد : خالو ليش ماتين لنه انا ابيج
شذى : عيون خالو خلاص ولا يهمك بييلك وقت ماتبي جم خالد عندنه
خالد: انا بس
شذى : خلودي حبيبي شلونك
خالد : زين
شذى : قيسو قيس والتقت على اختها شفيه مايعطي ويه
شوق : ولدي ثقيل مايعطي البنات ويه
شذى : عدااااااال بس اقول مالت عليج وعلى ولدج
خالد : خالوو عيب مايقولون هلون
شذى واهي تلمه : اخر عمري هل نتفه يعلمني وقاعده تبوس فيه
خالد: عيب انا ريال لاتبوسيني
شذى تمت تبوسه وتعضه بالعدال واهو يضحك
قام قيس وياهم << الولد غيور
قيس : انا انا
شذى: يا ربييييييييي غيوووور احين يتني
راحت لمته و قعدت تبوسه
وتضحكه
خالد : خالو ودينه حديقه و اشتري لي حلاوه مامام ماتاخذ لي
شذى : افا عليك انته تامر
شوق : خربي عيالي بهل دلع انا مااخليهم ونتي تدلعينهم وتخربينهم علي
شذى : ههههههه عادي عادي
دخلت عليهم ام خالد : شذى يمه قومي لبسي عباتج و شيلتج عشان سامي بيقعد هني
شذى : ان شاء الله وراحت تتلبس ورجعت لهم
فيدخلتها دخل سامي
سامي : هلا غلا هلا بالغاليه اخت الغاليه وينج ماتبينين اشتقنه لج
شوق تطالعه بنظرات تهديد : سااااامييي
سامي : عيونه وروحه وقلبه امري
شوق : ماابي شي
شذى تتكلم بالعدال : تغار اختي ههههههه
سامي : وهذي المطلوب
شذى : عيل براويك فيها سموي شخبارك وانته بعد وحشتني
سامي : والله بخير لما جفتج
شذى : يارب دوم تكون بخير يا الغالي
شوق قامت خذت قيس وطلعت واهي معصبه
سامي وشذى : ههههههههههههههههههههه
شذى : مرتك غيوووووووره تدري ان احنه نحرق اعصابها عيل سامي ابشرك اليوم بات برع البيت
سامي : عيل برزي لي فراش في بيتكم لانج انتي السبب ولا تنسين العشى
شذى : ههههههههههه مالي خص كيفك
سامي : افاااااااااا احين انتي السبب
شذى : هههههههه كيفك محد قال لك احرق دمها قوم قوم راضها واهي تغمز له
قام سامي راح المطبخ وكانت شوق واقفه و تقول حق الخدامه تحط اكل حق قيس وتاكله
حضنها سامي
شوق : قوم عني شنو تبي روح حق شذوي
سامي : عمررررررررري الي يغارون
شوق : بعد عني
سامي حضنها اكثر واهو يهمس : احبج يا الخبله
شوق صار ويها احمر : سامي عيب هني الخدامه واخاف امي تدش وتطالعنه
سامي : حياتي عادي انا زوجج
شوق : بس قيس هني
سامي : مايفهم
شوق : بس اليهال يقلدون
سامي باسها شوق : ساميي
سامي : لاتخافين بقول له غمض عيونك حبي ليحين زعلانه
شوق : وانا اقدر ازعل عليك يا حياتي
سامي تركها ويتكلم بغرور : ادري انج ماتقدرين
شوق طقته على صدره بالعدال : لاتصير واثق وايد
سامي : هههههههه اموت فيج و طلع برع وعطاها بوسه في الجو
عقب ماطلع سامي دخلت شذى
شذى : ها شنو صار واهي تحرك حوةاجبها رضيتي عليه
شوق انا دومي راضيه عنه فديته الله يحفظه لي
شذى : امييييييين ويخليج له ويخلي لكم عيالكم ويعطيج بنوته حلوه مثلي واسمها على اسمي
شوق : اعوذ بالله مينونه انا اسمي بنتي على اسمج
شذى : شنو فيه اسمي يحصل لج عاد
شوق : اخاف تصير خبله مثلج
شذى : اصلا انتي تقدرين تستقنين عني وعن خبالي
شوق : عاد يا الواثقه
شذى : طبعا طبعا اوثق ههههههه
شوق : الحمدالله والشكر ربي لاتبلاني
شذى : يارب ابلاها ببنت مثلي هههههههه
بعد الغدى قعدت شذى تلعب بلستيشن مع خلودي و شوق راحت الغرفه ترقد ولدها اما سامي قعد مع ابو خالد
شذى : بفوز علييك
خالد : لا انا
شذى : لا انا انا انا
وقعدو يلعبون في الاخير فازت شذى
شذى واهي تصارخ : هي هي فزت فزت
شوق : شفيج تناطرين قعدي وعقلي حشى عرسناج استخفيتي زود
شذى : هههههههه هذي مو انا هذي خلود
خالد : مو انا مو انا هذي خالو
شذى : جب انته واهي تحضنه وعضته
خالد : آآآآآآآآآي يعور بقول حق بابا عود
شذى : قول له
بوخالد : شنو بتقول حق بابا عوده
راح خالد يركض له واحضنه
خالد : بابا جوف خالو كله تعضني
بوخالد : شذى
شذى : يا عيون شذى
بوخالد : اخ ياربي مااقدر على هل السان
شذى راحت تحضن ابوها
خالد : هيده هذي بابا مالي انا
شذى : مالي انا واهي تعيب عليه
خالد : بابا قولها تلوح بيتهم مانبيها
شذى : انته روح بيتكم مانبيك بس نبي قيس
بوخالد يضحك عليهم
ام خالد : يمه شذى خلي ولد اختج ولا تصيرين ياهل
ام خالد : بوخالد تقهويت
بوخالد : اي يا الغاليه وقام يالله عن اذنكم بروح اصلي العصر وعندي شغله
ام خالد : بتاخر اليوم
بوخالد : لا ان شاء الله بعد صلاة العشى بكون موجود
ام خالد : تحمل بروحك
بو خالد : من عيني ذي قبل ذي مع السلامه وبنات تحملو بروحكم و شذى لاتتهاوشين ويا نظر عيني خلودي
شذى : ان شاء الله ولا يهمك بنتفه لكم
شوق : ترناي هني وان جستي ولدي بنتفج
بوخالد وام خالد : ههههههههه
الله لايحرمنا منكم
شذى وشوق : امين
راحت شوق تتلبس ورجعت لهم : يالله انا بعد بمشي
ام خالد : تو الناس يابنيتي
شوق : يمه سامي تعبان يبي يرتاح
ام خالد : البيت بيته خله يرتاح فوق في حجرتج
شوق : لا يمه مو عن جذي بس لانه باجر بسافر و لازم اجهز له الاغراض
ام خالد : يروح ويرجع بالسلامه عيل يمه تعالي عندنه احسن من اتمين بروحج في البيت
شوق : ان شاء الله بقول حق سامي و برد عليج خبر فمان الله
شذى : شوق شوق واهي تلحقها
شوق : نعم
شذى : امممممممو ابتسمت مشكوره اختي وحضنتها
شوق : على شنو
شذى : على الكلام الي قلتيه صج مو وايد بس حسيته فتح عقلي على اشياء انا كنت اسويها واهي غلط
شوق ابتسمت : تحملي بروحج وبريلج
شذى : ان شاء الله و صفحة عبدالرحمن خلاص قفلتها
شوق : مع السلامه
شذى : في حفظ الله
ام خالد : شذى
شذى : نعم يمه
ام خالد: شخبارج مع ريلج
شذى : بخير يمه
ام خالد : يمه عاد لااوصيج بريلج واهله
شذى : ان شاء الله يمه احين انا بستاذن عنج وبروح البيت
ام خالد : يمه وين بتروحين ماشبعت منج
شذى : ان شاء الله مره ثانيه
ام خالد : انتبهي على روحج و انتبهي للدرب
شذى : ان شاء الله وقامت باست راس امها وراحت تتلبس
و اهي في الدرب كانت تسمع يا غلا ( حق محمد العريفي )
و لما وصلت البيت فتحة البوابه بالرموت و و وقفت السياره صوب واحد وعطت السايق عشان يبركنها و مره وحده قالت له يغسلها
دلخت داخل ماحصلت احد في الصاله
شذى : جانييييت جاني
جانيت : نعم مدام
شذى : وين مدام و منار
جانيت : مدام في يطلع برع بس منار مافي معلوم وين يروح
شذى : اوكي روحي
جانيت : مدام في شي ثاني يبي
شذى : جانيت ابيج تجهزين لي بعض الاغراض عشان خاطري اسوي شي بس نطري بركب وبفكر شنو ابي وبقول لج
جانيت : ان شاء الله مدام
ركب شذى ودخلت الجناح مالها و حطت العبايه وطلعت وراحت حجرت منار وسمعت الفوضى قايمه
شذى : شنوووووووووووو تسوون
منار وريم والاء تخرعو كلهم بصوت واحد : بسم الله
منار : الناس تسلم اول
شذى : هههههههه ريم والاء شخباركم وحشتوني
الاء قامت لها وحضنتها : بخير يا ام خطيبي
ريم : ههههه مصدق روحج بتعطيج ولدها اهي خل تيبه اول و بعدين يصير خير
شذى : هههههههه
ريم راحت حضنتها بعد : وانتي شخبارج ها شذوي مافي شي بالدرب
منار : تو الناس عليهم
شذى : لا وين تونه لاتنسين ان ليحيني عروس
ريم : متى بتروحين شهر العسل عشان ايي وياكم
منار : اقول لاترزين ويهج بينهم
شذى تبي تغير الموضوع : بنات شرايكم نطبخ ونسوي حق روحنه عشى
ريم : الاااااااي فكره حلوه
شذى : بنسوي سندوشات بتكون انواع منها وفطاير و شوربه و بنسوي ستيك و الحلاوه بنسوي كيك شوكلاته وفوقه كريمه و شوكلاته فليك و بعد نشتري ايسكريم و الشراب نسوي عصيرات
الاء : الله الله مخططه حق كل شي بس وايد بصير اكل
منار : يا الذكيه مو بس احنه بناكل حتى امي و اخوي يعني بصير عشى معتبر
الاء : لا مانبي ناكل وياه نبي ناخذ راحتنه
شذى : لاتخافين احنه البنات بروحنه انزين بروح ابدل وانتوا بعد غيرو ثيابكم
وكل وحده بدلت شذى لبست بجامه برمودا و تيشرت لونهم بطيخي وفيه رسمت بنوته صغيره ومنار لبست بجامه فستان قصير يوصل لين الركبه واليد حفره اما الاء لبست من عند منار
بجامه شورت و تي شرت بحري و شذى عطت الاء بجامه بنطلون وتي شرت لون وري وفيها ورد
ونزلو تحت قعدو في المطبخ مع الاربع ساعات وبعدها خلصو كل شي و راحو ياخذون شور و بعدها نزلو كانت ام مشاري قاعده
شذى راحت باست راس خالتها
شذى : جانيت
ياتها جانيت : نعم مدام
شذى : جهزي العشى والتفت على خالتها يمه اليوم العشى من ادينه احنه الاربع
الاء : خالتي بيعجبج العشى دامه من يدنه
ريم : عن الغرور اكثر الشغل سوت شذوي
منار : وانا سويت الكيك
وياتهم انجلا : مدام انا في حطي عشى
شذى : يا الله بسم الله حياكم
و قعدو تعشو و كان العشى معتبر
ام مشاري : الحمدالله تسلمون بنات وتسلم اياديكم على العشى
على الساعه 11 ونص راحو البنات بيتهم
وام مشاري من بعد العشى راحت تنام لانها تقوم من الفير
و راحت حجرتها و شذى بعد ركبت فوق و بدلت ولبست بجامه تي شرت علاقات خفيفه يوصل لين نص البطن على وشورت على رسمت دبدو بلونها وردي وسوت شعرها مثل جودي ابوت ( عنقوصين ) و قعدت تسمع اغاني وتكتب المقطاع الي تعجبها من الاغنيه
دخل مشعل وجافها قاعده قاعد يفكر اكلها واعتذر بس مالي ويه خلني اكلمها احسن شكلها رايقه
مشعل : مساء الخير
شذى تخرعت و حذفت الدفتر : بسم الله يمه خرعتني
مشعل : ههههههه اسف ماكان قصدي
شى ابتسمت له : لاعادي
مشعل في نفسه شكلها وايد رايقه لانها عمرها ماابتسمت في ويهي : شذى ممكن دقيقه
شذى : امرني
مشعل : مايامر عليج عدو بس
شذى : بس شنو
مشعل : انا اسف
شذى : على شنو
مشعل : على الي صار امس
شذى نزلت راسها وصار ويها احمر : انا الي اسفه انا الي غلطت و دفعتك على جذي
مشعل: يعني مسامحتني ولا شايله علي
شذى رفعت راسها : اي مسامحتك وابتسمت
مشعل : تصبحين على خير بكره وراي دوام
شذى : مشعل
التفت لها : نعم امري
شذى واهي تطالع الارض و ضامه كفينها : ممكن اتكلم معاك شوي واهي تاشر على الكراسي
مشعل: اي ممكن امريني
شذى : تعال اقعد خذت نفس مشعل انا اسفه على كل شي وعلى تعاملي وياك واسلوبي بالصراحه انا ندامنه على الي صار وياريت تسامحني
مشعل حس روحه مو مستوعب لانه هذي اخر شي كان يظنه يصير وان شذى تتاسف له : هاا
شذى : انا غلطت وحسيت بغلطتي و ابي ابدي صفحه يديه انا دري انك تحب وانته ماتبيني بس شرايك انه نتم جدام الناس زوجين عقب فتره نتطلق يعني بعد سنه او اقل انته تقرر بكون احسن لي ولك و بعدين خذ الي تبيها وفي هل فتره بنصير اصحاب شنو قلت
مشعل : مصدوم من الي قالته وماعرف شقول لها : هااااا مادري بس ودي اعرف شلي غيرج
شذى حست روحها بتصير من السبب في تغير : ولا شي بس حسيت بغلطتي
مشعل قام من محله عن اذنج بروح ارتاح ودخل غرفته واهي تمت قاعده حوالي 10 دقايق عقب قامت من محلى و شالت اغراضها ودخلت الغرفه
شذى : آآآآآآآآآه الله يعيني و قرت المعوذات الثلاث ونامت
|
04-02-08, 10:20 PM
جديد مواضيع قسم القصص المكتمله من وحي قلم الاعضاء
العرض العادي
