كاتب الموضوع :
زيونه الحلوه
المنتدى :
القصص المكتمله من وحي قلم الاعضاء
جزء 12 البارت الثالث والاخير ...منار : سلام
الكل وعليكم السلام
منار : مشاري شخبارك و باسته على راسه
مشاري : بخير يا الغاليه ها شخبار النفسيه قبل حفلة الخطوبه ماباقي شي عليها
منار : الحمدالله تمام رهوفه حياتي شخبارج
رهف : بخير الله يسلمج
وقعدو يتكلمو وتعشو معاهم بعدها رجعو البيت
بعد كم يوم جهز فستانها وكان لونه احمر من فوق لين نهاية الخصر بعدها يطون ابيض وكلوش وله ذيل طويل
وفيه ورود حمر و من فوق كان حماله على الصدر بس صوب واحد له يد وفيها ورده
و كان الصندل لونه احمر كعب عالي
و اخذت كسسوارات لونها احمر للشعر و الطقم كان عبدالعزيز اختاره عباره عن طقم بالذهب الابيض وكان ناعم
شذى : الااي منور حلو الفستان لبسيه
منار : لا مو احين عقب جم يوم اي تعالي وزعتو الكروت
شذى : اي عطيت ربعي و الاهل وعزمت رشا ومروه وصديقاتج بعد طرشنه لهم
منار : اي الحمدالله تعرفين خاطري اجوف الكوشه عزوز مارضى قال يوم الحفله بتجوفينها
شذى : افا عليج دام اهو بختار لاتخافين انا فستاني المفروض اروح اخذه اليوم
منار : تبين ايي وياج ولا بوديج مشعل
شذى : اي شي لين عقب الا تعالي حجزتي صالون
منار : اي من زمان وانتي
شذى : اي ا حجزت تعرفين
منار : شنو
شذى : الحفله بتكون وايد روعه و انتو احلى ثنائي بالنسبه لي
منار : وانتي بعد ويا اخوي ثنائي حلو
شذى : اقول خلنه نرتب كل شي
منار : يا الله
في يوم الحلفه ....
منار قامت من الصبح واهي خايفه ومتوتره ولا كلت شي وسيده راحت الصالون
عشان تسوي شعرها و اجهزت على الساعه 7 وشي بعدها راحت الاستديو تصور مع عبدالعزيز
عبدالعزيز : يا الله شيلي الغطى ابي اجوفج
منار:اوكي وشالته و كانت منزله راسها
عبدالعزيز شهق اول ماشافها بعدين سمى عليه
منار : شفيك
عبدالعزيز : متاكده انتي منار
منار : اي ليش
عبدالعزيز : والله قمر .. شكلج كلش كلش غير
منار : يعني مو حلو
عبدالعزيز : انتي حلوه لو شنو تسوين
نزلت راسها
وياتهم المصوره وقعدت تصورهم
بعد ماخلصو راحو الصاله
وصلو على تسع وشي فخلوهم في غرفة المعاريس
كان في الصاله الرقص قايم
شذى راحت تطل عليهم
شذى : هلا والله بالمعاريس
عبدالعزيز اهلين و سلمت عليهم وحضنته
كان لون فستانها ابيض وفيه خياطه باللون الذهبي له ذيل طويل و حملات على الصدر وفيه من عند اليد سلاسل و ورده تكون على الجتف لونها ذهبي
وعند الالخصر فيه قطع باللون الذهبي و فيها ورده و شعرها رفعته كله و المكياج باللون الذهبي والاسود
عبدالعزيز : الله الله شل زين
شذى : مو احلى من مرتك
عبدالعزيز : في هذي صدقتي
ضربته على جتفه : ويهك عاد لاتصدق عمرك وانته بعد كشخه بالبشت
بعدها راح قعد عند الرجال لين وقت الزفه
شذى ساعدتها في لبس الطرحه واهي تلبست عشان بكون فيه رجال وقالو للي في الصاله
يلبسون
وفي الزفه كانو الرجال ( عمامها وخوالها واخوانها و زوج اختها واهل شذى و اصدقاء عبدالعزيز )
و وراهم كان في فرقه
وزفوهم على اغنيه احلى عروسه
لفطومه
وكانت المصوره تصورهم لين وصلو للكوشه
( كانت لونها احمر وابيض مثل لون الفستان و الورد الموجود مثل الي في الفستان و في شعرها و المسرح مرتفع و فيه من الدرج على الجهتين و على الدرج فيه ورد احمر وابيض )
بعد ماوصلو للكوشه راحت منار جهه و عبدالعزيز الجه الثانيه البنات ركبو من جهت منار و الرجال من جهة عبدالعزيز لين الوسط بعدها مسك يدها وقعت المصوره تصورهم
الشباب سلمو عليه واطلعو اخر ش بقو عمامها واخوانها و جدها شال عنها الطرحه وباس راسها
عبدالعززي : حياتي رفعي راسج
ابتسمت له و باركو لها عماها و صورو معاها وجدها بعد بارك لها وصور معاها بعدها طلعو
شذى و شوق قعدو يرقصون
المصوره صورتهم وقعدو و شربو العصير بعدها قطعو الكيك ..الخ من الاشياء الي تستوي في الاعراس
بعدها طلع عبدالعزيز على زفه
و تمت منار و راحو يباركون لها و الي يرقص والي يتفرج
على 12 ونص طلعت على زفه
بس الحفل كان كانه في اوله الكل يرقص ومستانس
شذى كانت اخر من بقى اهي وام مشاري
رجعو مع مشعل الساعه 3 وشي البيت دخلت الجناح وكانت معده سهره لها وحق مشعل
دخلت الغرفه
مشعل كانت في يده باقه : حياتي من وين هل باقه
شذى استغربت : ماادري مو انت الي يبتها
مشعل : اخ ياقلبي شل زين والحجره بعد
( كان على السرير ورد و شموع والغرفه معطره )
اكتفت بالابتسامه له
مشعل : اهو يجوف الباقه كان فيها ظرفين واحد صغير والثاني
اكبر منه
فتح الصغير وكان مكتوب فيه
(( مشتاق لج يا غلا روحي مشتاق لحضنج الدافي و مشتاق لهمسج وصوتج العذب حبيبي وينك طولت الغياب .. حبيبي بعدك عني يعذبني في كل لحظه .. مشتاق لج موووت يا قلبي .. ياروحي ان شاء الله تعجبج الباقه و الصور ارسلتهم وان شاء الله يعجبونج مع حبي التوقع محبوبك الغالي ))
مشعل انصدم وقعد يقر اكثر من مره
شذى : حياتي شفيك ومسكت يده لانه شكله تغير ولون ويه شحب
مشعل شال يده بقوسه وفتح الظرف الثاني وطلع الصور
وقعد يطالعهم بعدها رماهم عليها ومسكها من يدها بكل قوه
شذى : شفيك مشعل : سكتي ولا كلمه يا محترمه اتنا غبي لاني في يوم تناسيت ان لج ماضي ورفع يده بطقها لاكن تراجع
مشعل : مااوصخ يدي فيج يا قذره و رماها على الارض و بكل هدوء يكتم الغضب الي في داخله : انتي طالق وطلع برع
شذى مصدومه وقعدت في مكانها يمكن نص ساعه بعدها استوعبت الي صار وقعدت تصيح وتندب حضها
وحض طفلها الي ليحين مانمى وتكون
وضلت تصيح فتره لين اشرقت الشمس بعدها قامت و طلعت من البيت واخذت السياره وراحت
للشخص الغالي عليها وكانت تضرب الباب بكل قوه
من الخوف اوتعى وراح فتح الباب
عبدالعزيز : شذى شفيج
شذى : خالي و اغمى عليها
حملها واخذها للمستشفى لاكنه ماخبر احد
بعد مااوتعت كانت تصارخ وتهلوس
عبدالعزيز : شذى حبيبتي هدي شفيج
شذى : خالي مشعل
عبدالعزيز خاف : شفيه
شذى : طلقني وردت تصيح وتصارخ لين عطوها مهدء ونامت
عبدالعزيز وقف مصدوم ومذهول شلون طلقها وليش امس كانو مثل السمن على العسل
كان بتصل بخبر الكل عنها بس لما قالت له ان طلقها مااتصل في احد وكان مابتصل لين يفهم كل شي عشان يتصرف
بعد يومين .. الكل عرف ان اهي في المستشفى و كان مشعل مختفي مافي اخبار عنه من طلع محد يدري عنه
شوق : شذى شفيج وليش صادج انهيار و مشعل وينه
شذى كانت تطالع الكل و تصد في ويها عنهم او تصارخ وتنهار
ام خالد يابنتي مايصير اتمين ساكته
شذى : يمه خليني براحتي
ام مشاري : يابنتي شفيج وشلي وصلج هني
شذى : قلت لكم مالكم خص وطلعو برع
وكانت تصرخ ياتهم الممرضه وطلعتهم وقالت لخالها ان ماتبي احد وان احد ياها لايدخل لانها ماتبي تسمع اسئلت احد
بعد اسبوع
ام خالد وام مشاري عندها
ام مشاري : يمه شخبارج
شذى : الحمدالله بخير
ام مشاري : يابنتي البيت مظلم بدونج
شذى مالي رجعه البيت
ام مشاري : ليش يابنتي
شذى : لانه المحترم ولدج طلقني
ام مشاري وام خالد انصدمو من كلامها
وانتشر خبر طلاقها ..
بعدها بايام قالت لهم عن حملها فعملو لها حفله في بيت اهلها
لاكن الفرحه بعيده عنها
بس اهي خلت الكل يوعدها ان مايقول لـمشعل واهو اساسا كان مختفي
بعد ماطلعت من المستشفى راحت عند عبدالعزيز ماكانت تبي احد او تكلم احد
في بيت عبدالعزيز
كانت شذى ومنار قاعدين
شذى : لاتطالعوني جي انا قلت ابيكم ثنينكم لانكم اقرب الناس لي وهل شي الي بقوله يتم بينه
عبدالعزيز : اوكي
شذى : انا ادري ان تبي تعرف ليش طلقني صح
منار بصدمه : مشعل طلقج
شذى كشرت وقامت من مكانها وراحت عند النافذه وقالت بصوت قاسي : اي طلقني وخله يولي
منار :بس
قاطعتها شذى : الي بينه انتهى واهو ماسال و شرد الجبان انزين بقول لكم الي صار من بعد مارجعنه من الحفله مالتكم
حصلنه باقه في الحجره وكان في كرتين مكتوب في الاول كلام والثاني فيه صور وكانت ماخوذه لي انا وعبدالرحمن وكانت يوم زواج مروه صديقتي ماادري من الي خذاها بس الي ارعفه ان خذوها والمقصود يخربون
اهو اساسا انا وقفت معاه شوي و الي دار بينه كلام عادي بعدها يات زوجته وكلمتني بعدها انا رحت بس اخوج الي يثق فيني ماسمعني ولا طلب تفسير سيده طلقني.
منار : يمكن في لحظه غضب
شذى : غضب ولا غيره المفروض يسمعني حتى الي قاتل يسمعونه شنو بقول بعدين ينفذون الحكم
عبدالعزيز : الحقير لاكن خلاص حتى لو يرجع ويبوس ريلج ماترجعين له
شذى : وثانيا خبر حملي مايوصل له ولدي لي بروحي انا امه
عبدالعزيز : لاتخافين انتي معاي ولايمكن ان يسوي لج شي
منار قعدت تصيح لان شذى غاليه ومشعل مثل الشي
شذى : منار لاتصيحين انا واخوج بدايتنه غلط فمتوقع يصير جي
منار : احسج صرتي قاسيه
شذى : الزمن قساني و اي على فكره انا عازمتكم اليوم
منار وعبدالعزيز طالعو بعض و اسكتو ماعلقو
على الظهر اطلعو وراحو يتغدون بعدها دخلو السينما
ورجع عبدالعززي منار البيت
وفي الدرب كان حاط اغنيه حلالي لميامي
وكانت تطالع الدرب و دموعها تنزل على خدها
عبدالعزيز حس عليها بس حب يخليها على راحتها اطلع الي في قلبها
عبدالعززي : شذوي .. شذوي وصلنه
شذى : ها اوكي بنزل
راحت سيده ترتاح لانها وايد تعبانه نفسيا وجسديا بسبب الحمل
عند مشعل الي صار له شهر مختفي وكان في شاليه صديقه العزيز عيسى
عيسى : لين متى بتم هني
مشعل : مالي خلقك روح عني
عيسى : يمكن تكون ظالمها شنو يثبت لك ان مو شي مفتعل
مشعل : انا ماظلمتها ولا شي و اسكت عني سمعت
عيسى : جوف حالك شلون ويمسكه من التيشرت
مشعل : مالك خص في حالي اذا كنت مضايقك بروح مكان ثاني
عيسى : المكان مكانك بس يا اخوي حالك مو عاجبني
مشعل : اوف وقام عنه
( شعره كان طولان وصل لين كتفه و اللحيه من فتره طويله ماشالها و هالات تحت عيونه ))
بعدها بايام سافر
بعد خمس شهور ....
كانت شذى في الشهر السادس و الحمل خلها تكتسب وزن
في بيت الجد محمد
شذى : يبه شخبارك وشلونك
الجد محمد : بخير يابنتي والله انا خجلان منج بالي سواه فيج الي مايتسمى ومسح دمعه نزلت من عينه
شذى : يبه لاتفكر في هل موضوع انا نسيته انا يايه عشانك اليوم وحشتني
الجد محمد: بنت اصل .. والله انج حرام فيه لو ادري مازوجتج اياه جليل الخاتمه
شذى : يبه الي صار صار وهذي نصيبي
الجد محمد : يابنتي اذا محتاجه شي امريني
شذى : يكفيني انك يمي و انت الي بتسمي الياهل بعد
الجد محمد : الله يحفظج ويتمم عليج ان شاء الله
شذى : يبه انا استاذن
الجد محمد : وين تو الناس
شذى : مره ثانيه يبه احين عندي اشغال ابي اخلصها
الجد محد : في حفظ الرحمن وتحملي بروحج
شذى : الله يحفظ يبه وباسته فوق راسه
وفي طلعتها كان بو طارق مع زوجته بدخون
ام طارق : شخبارج يا الغاليه
شذى : بخير
بوطارق : كيف الحالج
شذى : بخير يا عمي انتو شخباركم
ام طارق : بخير وين بتروحين دشي قعدي ويانه شوي
شذى : مشغوله مره ثانيه ان شاء الله عن اذنكم
بو طارق : اذنج معاج
ومشت عنهن
بو طارق : هل مشعل مفشلنه حرام عليه الي سواه فيها وين بحصل وحده مثلها لو غيرها اقعطت
ام طارق : بنت اصل بس انت ماتعرف شلي بينهم
بو طارق : شلي بينهم يعني اكيد سواد وييه يعني طلقها وشرد
ام طارق : الله اعلم
وفي نفس هل يوم وفي مكان ثاني شخص رجع البيت وفتح الباب
وكان متغير 180 درجه كان ضعفان وايد والهالات السوده تملي وييه وشعره كان قصير واللحيه ماكان حالقها له ايام
|
31-03-08, 11:55 AM
جديد مواضيع قسم القصص المكتمله من وحي قلم الاعضاء
العرض العادي
