كاتب الموضوع :
زيونه الحلوه
المنتدى :
القصص المكتمله من وحي قلم الاعضاء
الجزء 12
الجزء الاول
شذى قامت على ازعاج مشاعل واصراخها : يا الله صباح خير
مشاعل : يا الله قومي ماعندنه بنات ينامون لين الظهاري
شذى : اففف وحطت المخده على راسها
اسحبت مشاعل عنها المخده وحطت بنتها جنان عليها
شذى : فديتج والله وقعدت تبوسها
مشاعل : قومي يا الله
شذى : شفيج تصارخين وقعدت تتثاوب
مشاعل : يا الله قومي
شذى : شفيج معصبه
مشاعل : سكتي لا احط حرت طلالو فيج احين
شذى : وشنو سوه لج طلالو
مشاعل : لا تقولين طلالو بس انا اقول له
شذى : ان شاء الله عمتي انزين شنو فيج وياه
مشاعل : قاهرني وحده مرقمته و تغازله جدامي يعني اشكره واهو يبتسم لها بعد صبيت العصير فوق راسه و رجعت البيت في تاكسي ورقدت في الحجره الثانيه عقب اليوم شلت قشي وييت هني
شذى : هههههههههههههههههههههههههههه وعليه
مشاعل : بدال ماتواسيني تضحكين
شذى : يا الهبله اصلا انا خبري انه يموت فيج اولا وثانيا اكيد يحرج بس يجوفج شنو تسوين هههههههه عيل سبحتيه
مشاعل : جبيي .. تهقين انه عشان يحرني بس
شذى : اي و اهو مستحيل يخونج او يجوف غيرج حبيبتي انتي قمر بس ترعفين قعدي عندنه جم يوم حرقي بصلته شوي و اذا رجعتي تعدلي وتكشخي
مشاعل : فكره حلوه بعد مرت اخوي مو هينه
شذى : ههههههههههه
منار : يا السبلان انتو هني
شذى : لاهناك يا الشمبانزي
منار : اقول على نهاية هل اسبوع بتكون الملجه آآه و وعلى الاسبوع الي بعده الجامعه اووف مايصير اكنسل هل كورس دام بنخطب وبتصير الخطوبه
مشاعل : اقول جبي و الخطوبه يقول على نهاية الشهر مشاري قرر
منار : لاماابي
شذى : اقول نهايه الشهر انتي ناويه تذبحين خالي
منار : انزين ابي اتشرى لي
شذى : يمديج تتشرين
منار : انا ابي اسافر اتشرى من برع
شذى : قلنه لج يمديج واحين بس خطوبه مو عرس فانجبي احسن لج لااقوم ادوس فوق بطنج
عند مشعل الي كان معاه طلال وقال له السالفه
مشعل : ههههههههههههههه عيل سبحتك هههههههههههههههه
طلالل : جب لا ادوس في بطنك
مشعل : هههههههههههه واي بطني يحليلها اختي هههههه
طلال : اقول اسكت ابروحه الي فيني مكفيني وانته تزيد علي
مشعل عدل قعدته و خله روحه جدي : اسمع اهي تغار عليك ومن الغيره سبحتك ورجع يضحك ههههههههههههههههههههههههههههه
طلال : مشيعيل اسكت لا اشق حلجك
مشعل : ان شاء الله عمي هههههههه
طلال : اقول روح نادها ابي اكلمها
مشعل : مشاعل معصبه خلها جم يوم و اهي الي بتييك
طلال : اختك عنيده وراسها يابس و عصبيه
مشعل : والله دام تدري ليش ضحكت للبنت
طلال : كنت ابي اجوف اختك شنو تسوي تغار ولا تطنش
مشعل : اهاا واكتشفت ان اهي ماتغار هههههههههههه
طلال : كلش ماتغار بس سبحتني بالعصير وزين مااذبحتني واجلعت عيني
مشعل :تستاهل هههههههه
طلال : احين ابيك عون صاير لي فرعون و تتمصخر علي انا الغلطان الي يايك
مشعل : لا ياريال وين اقعد خلاص وعن اختي لا تخاف بس خلها جم يوم وانته اتصل فيها اتراضيها او طرش لها مسجات حب و اعتذار وانا ادري ان اهي بتسامحك من اول تلفون
طلال : اهي راضيه تكلمني
مشعل : مشاعل صج عصبيه و غيوره بس طيبه وعلى نياتها
طلال : اي طيبه وايد وكله اذا تعصب يطلع علي
مشعل :ههههه ومن الحب ماقتل يا خوي
طلال : يا الله استاذن
مشعل : وين اقعد تريق
طلال : مشكور خلها مره ثانيه يا الله فمان الله
مشعل : فمان الكريم
ومشعل بعد راح الشغل لانه وايد تاخر عليه
اما عند مشاعل ومنار وشذى كانو فالينها رقص واغاني
ومشاعل تضحك ولاكانه صاير شي و لانها اقتنعت في كلام شذى وعجبتها الفكره ان اتم جم يوم اهي يزعم زعلانه ومره وحده عشان ان منار هذي اخر اسبوع وبعدها بتملج
جنان : ماما
مشاعل : عيون ماما
وحملتها وقعدت ترقصها
جنان : ههههه
ام مشاري : لا حول الله ولا قوه الا بالله انتو ناوين تخفسونه
وراحت بندت المسجل منار : ليش يمه
ام مشاري : بدال لاتقعدو تقرون قران او تقرون اذكار قاعدين ترقصون وتهزون انتوا قاعدين تشردون الملائكه من بيتنه
منار : يمه انزين احنه نقره القران و الاذكار بس احين نستانس شوي عن خاطرنه
ولا كلشي ممنوع
مشاعل : يمه مثل ماقالت احنه شوي وبروحه بنصكه
ام مشاري : وانتي الثانيه ليش هاده بيت ريلج
مشاعل : يمه مزعلني
ام مشاري : المره العاجل ماتهد بيت ريلها واتيي وانا اعرف طلال ريال عاجل ومايزعلج انتي الي دايم تزعلينه واهو مايقول شي
مشاعل : يمه انتي امه ولا امي
ام مشاري : نا معى الحق و اهو اتصل وقال الي صار انا اجوف ان انتي الي غلطانه
مشاعل : انا غلطانه واهو يطالع غيري امتلت عينها دموع ونزلت على خدها يمه احين صرت غلطانه اذا ادافع عن حقي وراحت عنهم غرفتها
جنان الي كانت واقفه وماتعرف شنو صاير بس جافت دموع امها اهي بعد صاحت
احملتها شذى وانسحبت وراحت تلعبها
انتشر خبر ملجه منار على العيله كلها
في يوم الجمعه اجتمعو بنات العيله عشان يسهرون لين الصبح طبعا الاء وريم كل وحده منهم قعدت تحن على امها عشان تخليها لان عندهم مدارس بس تدخل الواسطات الي اهم شذى ومنار خلوهم
اما محمد حز في خاطره انه مابياخذها بس فرح لها ودعى لها بالتوفيق
الاء : وااي مابقيتي تعرسين وتفكينه من ويهج
منار : جبي عاد يحصلج مثل ويهي
ريم : هههههههه منار معليج منها محتره
الاء : على شنو احتر مالت اقول يعني سباله شنو بتاخذ غير سبال
منار : حدج عاد لاتخليني اقوم اكوفنج فديت عزوزي قمر
الاء : اقول راوينه صورته عشان نحكم
شذى يودت شعر الاء : سمعي حدج عاد كل ولا خالي سمعتي وتركتها
الاء : آآآي حرام عليج كلها شعرتين وتبين تطيحينهم
شذى :عشان هل مره تعرفين تتطنزين
ريم : ههههههههههه مسكينه زفوها
منار : وانتي وراها بعد
ريم : انا شلي خص
مشاعل : هي انتو بسكم هواش ازعجتونه
ريم : شفيها صايره شراره كله تزف وبس
منار : هههههه متهاوشه مع حبيب القلب مسكين كل يوم ايي
الاء : ههههههه لاتذكريني جفته ياي البيت واهو متسبح انا سالته شب فيني قعدت اتحندى اسوي لو شعول ماقدرت اتبطل حلجك
منار : هههههههه مسكين ولد عمتي يكسر الخاطر
ريم : هههههههه
مشاعل : شعندكم تضحكون ها
الاء : مافينه شي
ريم بنذاله : يتطنزون عليج وعلى ريلج
منار والاء @@ : ماقلنه شي
مشاعل : اشقلتو و يودتهم من شعورهم
منار : حرام عليج بتقرعيني و توني ماعرست
مشاعل: احسن روحي له قرعه
شذى فكتهم : خليهم مافيني شده خالي يتعقد عقب بقول عرستوني على قرعه
مشاعل : هههههههه تخيلي عاد منار قرعه
ريم : جان تصير تحفه
رهف : اقول بنات ماتبون تعشون
منار : حشى توها 8 ونص وتبون العشى دياي
مشاعل : اي خل السايق اييب الطلبيات
منار : تو الناس
مشاعل : يمه عشان نتعشى و عقب نخليه بعد مره وحده اييب ايسكريم عشان السهره ونسوي نفيش واجباس ومشروبات غازيه
كتبو لسته من الماكولات وعطوه ايبها
العشى طلبو من ماكدونالدز
و لست الاجباس كان عباره عن دوريتوز و فرونسيز و برنجلز
و الجوكليت جالكسي و كت كات و تايم اوت و الايسكريم جالكسي
و مشروبات غازيه عدت انواع
و اخذو لهم جوكليت كيك وجيزكيك
<< حدي يوعانه و صار خاطري في الي كتبتهم
تعشو وسهرو على فلم Mr.Bean's Holiday
وقعدو يسهرون رن تلفون شذى بنغمة عبدالله رويشد احبك
( كثر ماقلت انا احبك كثر ماقلت انا اهواك بغني لك انا احبك وبقول اهواك انا اهواك )
مشاعل : مو جنه ازعجتينه ردي عليه
شذى واهي تاكل من الجبس هذي مسج
مشاعل : انزين سكتي لا اكسر التلفون احين
شذى : انزين و شالت وجافت المسج من عند مشعل
أحبك ...
قلتها ياما وتسمعها على لساني ..
وغير اللي لك في قلبي مشاعر ودي احكيها ،
أنا ماهمني العالم لو ان الكل ينساني أطمن بعدك أشواقي
وأحاول غصب
اهديها ،
ارسلت له
فتحت اغلى اوراقي .. لقيتك عمري الباقي
لقيت اسمي يضم اسمك...ومستحيل مثلك الاقي
بعد 3 دقايق ارسل لها
مشاعل : اذيتينه انتي وهل تلفون
شذى : افف ماتخلين الواحد ياخذ راحته
و افتحته وكان مرسل لها
في بعدك انسى من حولي وارى انا خيالك واسرح في عيناك الجميلتان
واسرح فيك وفي الأيام التي جلسنا فيها سويه
وفي قربك اتمنى لو الوقت يتوقف ونطول من نظرات عينينا لبعض التي هي
كالشظايا المتناثره وكالسهام تسقط على قلبي..
ارسلت له
عشقتك وعشقت كل من حولك..
عشقت الدمع لأجلك..
عشقت الأحساس بهمسك..
يكفي عندما اراك روحي تخرج
من مكانها وتقول صاحب هذا المكان أتـى..
بعد المسج اتصل وكانت حاطه نغمته حلالي ابيك
مشاعل اففف عطيني التلفون واخذت وردت الوو موجنك غربلتنه يا اخي خلنه بنطلع الفلم وسكرته في ويه قبل مايرد
مشعل : بسم الله شفيها ذي صايره حريجه الله يعين طلول عليها
شذى : ليش صكيته في ويهه
مشاعل : ازعجنه مو قلنه سهرت بنات يعني خليه يولي شوي
شذى : حرام عليج
مشاعل : شذوي حبيبتي خلينه نطالع
شذى : عطيني التلفون
مشاعل : لا حريمتج
سهرو لين اذان الفير صلو ونامو لين اذان الظهر
الساعه وحده اتصل طلال
بس مشاعل طنشته
ارسل مسج لها
لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..
نحنت عليه وارسلت له
المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها
على طول اتصل و كان بنغمه يعشقني
مشاعل : ...
طلال: هلا والله حياتي شلونج وشخبارج اشتقت لج يا الغاليه وحشتيني موت
مشاعل:...
طلال : افا يا الغلا كل هذي زعل يعلني الموت لاني فكرت اني ازعلج
مشاعل : لا تقول جذي الله يخليك انا من بعدك اعيش لمن
طلال : فديتج يا الغاليه سامحيني على الي صار والله مافي القلب و العين غيرج
مشاعل : مسموح يا قلبي بس ان عدتها
طلال : توووووووووبه مستحييل اعيدها مينون انا
مشاعل : ههههههههههههه
طلال : فديت هل ضحكه وحشتني الضحكه
مشاعل : بس الضحكه
طلال : وراعيه الضحكه
مشاعل : طلول
طلال : ياعيون طلال امري تدللي
مشاعل : ماابي شي
طلال : يا البخيله حرام عليج ولا كلمه حلوه قلتيها حقي يعني مو مشتاقه لي
مشاعل : هههه محد قال لك تزعلني .. تزعلني وتبيني ادلعك
طلال : مقبوله منج يا الغاليه لو تسميني بالنسبه لي عسل على قلبي
مشاعل : طلول انته شسالفتك اليوم كل دقيقه تيب طاري الموت الله يخليك ويطول عمرك عسى يومي قبل يومك
طلال : الله يخليج انتي بعد .. انزين حبيبي صافي لبن
مشاعل : هههههههه تكلم الشيبه اقول وين ريلي رجعه
طلال : هههههههه الي يقعد مع يدي تبينه يتم شباب فاتج ذاك اليوم
مشاعل : هه يدي واعرف طبعه الله يطول في عمره
عبدالعزيز : هلا شخبارج وشلونج
شذى : بخير الف مبروك يا الغالي
عبدالعزيز : متى يخلص هل اسبوع واملج
شذى : ههه انطر شوي الا متى قررت الحلفه
عبدالعزيز : الخطوبه عقب الملجه بسبوعين والعرس ان شاء الله في العيد يعني على شهر
11 ان شاء الله
شذى : مو كانه مستعيل احنه احين شهر 9 خلها شهر 12 العرس
عبدالعزيز : لا وايد
شذى : عشان يميدنه نتجهز لانه احنه بكون جامعه
عبدالعزيز : افف شكلي بخليها تحذف الكورس لانه جذي وحذاك انا بروح ماليزيا سنه عندي شغل على شهر واحد بروح
شذى : شكله تحذف الكورس وتدرس في ماليزيا
عبدالعزيز : اي والله فكر اخليها تدرس هناك انا اداري اشغالي وانقل معضم شغلي هني
شذى : احم احم انا اعطيك افكار
عبدالعزيز : يا الله قلبي ويهج اقول باي عندي شغل
شذى : مالت عليك شنو شغل هل حزه الناس ظهر
عبدالعزيز : مالج خص يا الله فارجي
شذى : معليه اروايك يا التيس
عبدالعزيز : يا الله مناك وصكه في ويها
شذى : طالع ذي اراويك خذ الي يبيه و كرشني
مشعل كان يتسحب ورها و حط يده على عينها
شذى : مشعوول شيل يدك
مشعل : شفيج قلبي
شذى : هذي عزوز صك التلفون في ويهي
مشعل : ههههههه احسن
شذى : افاا
مشعل : عشان انا ييت وحشتيني امس ماقعدت وياج كله من شعول الدبه
مشاعل : من الدبه يا بوتمبه
مشعل : هههههه ماشاء الله عمرج طويل
مشاعل : اي ادري
مشعل : حياتي تفضلي و عطى شذى علبه مغلفه
كشاعل : اقول بطليها بجوف
مشعل : اقول ذلفي الهديه حق زوجتي مو لج
مشاعل : يا الله اهو اذلف
مشعل : اقول مو جنه تصالحتي ذلفي بيتكم خلينه نرتاح انا ارتحت يوم عرستي بعد ترجعين لي
شذى : ههههه حرام عليك شعول عسل والله
مشاعل حضنتها وباستها : هني الناس الي تفهم فديتج والله
مشعل مسك يد اخته وسحبها و مسك شذى وقربها منها : رجاء خاص لاتلمسينها احاف عليها
مشاعل : مالت عليك خل اجوف بنتي احسن لي
مشعل : ماتبين تجوفين شنو يبت لج
قعدت وفتحتها كانت سواره فيها حرفين في قلب s + m ومكتوب love
شذى : الااي حلوه مشكمور حياتي
مشعل يقلدها : مشكور حياتي بس جي جاف وين البوسه
شذى : مافي
مشعل : افاا
شذى : لاتحاول مابتكسر خاطري مافي
مشعل : افا يا الغلا
شذى : ههههه مافي و مدت له السانها
مشعل : خلاص بزعل
شذى : الي بيزعل بيرضى
مشعل : هذي اخر كلام
شذى تهز راسها باي
مشعل : خلاص زعلت باي و قام بيطلع مسكت يده
شذى : وين يا الدب ماتصدق على الله وبتزعل
مشعل : ماابي خلاص زعلت مو الي يزعل بيرضى
شذى : يا كيف تزعل وانت تسوى عيوني
وانا بعيوني يا عيوني اداريك
حبي لك حبي عذري وجنوني من كثر مااحبك ازعلك وارضيك
مشعل : فديتج والله الله يخليج لي
شذى : ويخليك يا الله قلبي روح بدل عشان نتغدى
مشعل : من عيوني
منار : هايي شخبارك مشيعيل
مشعل : هلا والله بعروسنه والله بخير نسال عنج وينج مختفيه
منار : مع الدنيا
مشعل : الا وين السانج الطويل فيج شي مصخنه
منار : لا مافيني شي
مشعل : غريبه لانه سالتيني عن حالي وانتي يا تصرخين او تعيبين علي ماقط قلتي شخبارك الا مصلحه او مصخنه
منار : افففففف يعني ان صرت ذربه ماعجبتكم وان صرت جنقليه ماعجبتكم
مشعل : ههههههه تعترفين انج جنقليه
منار : يا الله اذلف نبي نتغدى وتره البنات هني
مشعل : يعني يا مشعل اقلب ويهك واكل بروحك شكلي بروح اكل مع جانيت
شذى : روح قدرك و قامت بتروح
مشعل : هههههه وين افا انا عندي قمر اطالع عيوز النار جانيت
شذى : روح لها محد ميودك
مشعل : فديت الي تغار حبي قعدي معاي اكلي
شذى : جانيت بتقعد وياك
مشعل : شذوي يا الدبه اتقشمر شفيج
شذى : لا تقشمر في هل امور سمعت تره والله بكفخك
مشعل : ان شاء الله ماما
منار : يا الله اذلف بدل وه يواعه
مشعل : اقول مو تنطمين احسن تره بيي بكنسلج
منار : خلاص بسكت وحطت يدينها على حلجها وبالعدال وه الواحد مايقدر يتكلم جلجموه
شذى : بسج تحندي وتعالي معاي
------------
قرائه ممتعه للجميع هذي جزء من البارت
بحطه على اجزاء لين النهايه وان شاء الله يعجبكم
ادري انه قصير ومافيه وايد احداث
بس هذي الي طلع معاي
زيونه الحلوه
|
17-03-08, 11:57 AM
جديد مواضيع قسم القصص المكتمله من وحي قلم الاعضاء
العرض العادي
