كاتب الموضوع :
زيونه الحلوه
المنتدى :
القصص المكتمله من وحي قلم الاعضاء
الجزء التاسع
رجعت شذى للبنات وقعدت في زاويه وقاعده تفكر
الاء : الحلو شفيه قاعد بروحه
ابتسمت شذى : مافيني شي
الاء : عيل ليش بروحج
شذى : طلعت اشم هواء ورجعت قعدت هني
الاء : انزين قومي ويانه هناك بنروح نسبح
شذى : لا موعلى بالي اسبح
ياتهم رهف : الا انتو هني واحنه ندوركم يالله تعالو صوب المسبح
وقامو وطلعو وراحو عند المسبح والنسوان الكبار قعدو يتفرجوةن والبنات بدلو ثيابهم وقعدو يسبحون
بس شذى قعدت تطالعهم
ريم : تعالي هني ليش بروحج
شذى : بطالعكم بس
وياتها من وراها شوق و ادزتها صوب المسبح وطاحت في الماي و طلعت بسرعه وراحت تركض عشان تصيد اختها
شذى : يا البايخه يا السخيفه
الكل : هههههههههههههه
شوق : ههههه فديتج والله شنو تبين اسوي فيج نبيج تسبحين وانتي تتدلعين
شذى الي وقفت وتخصرت : ويهج يا الدبه ان صدتج ذبحتج
شوق جربت صوبها : وانا اهون عليج
شذى : بتجوفين وراحت تركض ويودت قيس
شوق : لاولدي هديه
شذى : بعضه لج
شوق راحت وباستها على راسها :سامحيني يا الشيخه
شذى مدت يدها : بوسي يدي بعد عشان اسامحج
دفعت يدها شوق : ويهج عاد اجوفج وايد تتشرطين مو لازم ترضين
شذى : ههههههههه
وقعدو البنات يلعبون كرة طائره في الماي
وبعدين اتصل مشعل على امه يقول لها ان الجد محمد يبي يجوف شذى
راحت شذى تبدل ولبست فستان لونه ابيض وفيه ورود حمر و من صوب الاكتاف لونه احمر قصير يوصل لين الركبه و لبست نعال ( وانتو بالكرامه ) هبيطه لونها احمر
وراحت المجلس الثاني
شذى : السلام عليكم
الجد محمد : وعليكم السلام هلا بروح البيت
شذى : هلا يدي شلونك عساك بخير ومرتاح
الجد محمد: دام جفت الويه الصبوحي لازم ارتاح
مشعل: يدي شرايك بعد تغازلها
الجد محمد : استحل على ويهك لو انا في شباب جان خذتها من يعاف هل ورده
مشعل بالعدال : عيني عينك يغازلها وبصوت عالي يدي شرايك اعرسك مو احسن
الجد محمد : ماعندي مانع اذا بتحصل لي قمر مثل الي عندك
مشعل يكلم شذى : ياعيني يغازلج عيني عينك ولا بعد يبي وحده مثلج خوش ربحنه
شذى : ههههههههههه
الجد محمد : ها بتحصلي وحده مثلها بتزوج
مشعل : لا يدي مثل شذى مافي فريده ومافي مثلها
الجد محمد : الله يخليكم لبعض بس كاسره خاطري انته مصرقه واهي بنت عاجل
مشعل بطل عينه : يديييييي حرام عليك انا مصرقع
شذى : لا عاقل وكلك عقل هههه
مشعل : تطنزين براويج
شذى : هههههههه يدي جوف يهددني يقول بطقني
الجد محمد : اخس واعقب تبين ادفنه لج هني ان لمس شعره منج لا اكسر هل عكاز على راسه
مشعل : افا يا يدي احين انا ولد ولدك تقول لي جي
الجد محمد: اي احنه نوقف معه الحق ولا شرايج يا بنيتي
شذى : اي نعم احنه حقانيين
مشعل : وانتي ابيج عون صرتي فرعون
شذى بالعدال : محد قال لك طقاق نفسه مايصيح
الجد محمد : الله يخليكم لبعض وان شاء الله اجوف عيالكم
مشعل : آمين
الجد محمد : الا يابنتي مافي شي بالطريج
شذى لما ياب هل طاري تغير لونها وماعرفت شنو تجاوب
مشعل : لايبه تو الناس نبي نستانس
الجد محمد : شنو تستانسون شل خرابيط عقب ماتعيزون بتيوبون عيال
مشعل : يدي عقب العيال
الجد محمد : والله ماينعرف لكم عيال احين يا الله يبه مشعل قول لعمرك يوديني ابي اروح البيت
شذى :يدي تو الناس ماشبعنه منك
الجد محمد : مره ثانيه يا بنتي و تحملي بروحج
شذى : وانته بعد
بروحت الجد البيت الكل راح ومابقى
الا شذى ومنار وام مشاري و مشعل
منار : افففففففف ملل
شذى : روحي سوي لج شي
منار : مافي شي وكان ياتها فكره شذوي حبيبتي قومي وياي
شذى : على وين
منار : قومي وانتي ساكته
وردتها صوب البط والدجاج
شذى بخوف : على شنو ناويه
منار : ولا شي بس ابي اجوف بنت البطه صغيرونه
شذى : روحي بروحج
اسحبتها من يدها منار : تعالي
شذى : لا ماابي
منار : كيفج وراحت داخل القفص وشذى قعدت تراقبها
منار طلعت بطه عوده ونزلتها على الارض
شذى : شيليها الحين تره بذبحج
منار : تعالي جيسيها ماتسوي شي
شذى : انا باروح
منار شالت البطه وجربت من شذى الي ابتعدت عنها
شذى : يا البايخه دخليها محلها
منار : لامابي بويدها وياي البيت
شذى بقرف : يع عليج وين بتحطينها
منار : في الحديقه
شذى : لاوالله
منار : كيفي
شذى : انا بروح احسن لي من اجابلج
ومشت عنها جافت مشعل الي يمشي وميود سرج الخيل ويتمشى وياه
مشعل بصوت عالي : افففففففففففففف مليت شنو اختار صعب صعب
شذى مشت من مكانها ورجعت و دخلت وقعدت مع ام ريلها
شذى : يمه شرايكم اتيون معانه في السفره عشان منار تستانس
ام مشاري : لا مانبي نثقل عليكم
شذى : والله مااسافر بدونكم
ام مشاري : مو زين تحلفين
شذى : مابتنازل يا وياكم يا مابروح محل
ام مشاري : بس يابنتي
شذى : لابس ولا شي بتروحون قبلنه
منار الي دخلت عليهم واهي حامله البطه : عن شنو تسالفون
شذى : يمه جوفيها خليها توديها هناك
ام مشاري : منارو لا تاذين مرت اخوج وعقلي
منار : ماسويت شي واهي تجرب من شذ ى الي كانت بتقوم من محلها بس منار سبقتها وحطت البطه في حضنها
شذى : شيلوها شيلوها و قعدت تصيح
منار : ههههههههههههه
شذى : شيليها يا السباله
منار : انا سباله خلها
شذى : شيليها عاد <<< والبطه حلت لها السالفه وقعدت في حضنها ولا قامت
منار : ماابي
ام مشاري شالت البطه عنها : منار شل سخافه تادبي شوي وانتي مو ياهل تسوين جذي فيها
منار : اتقشمر وياها
ام مشاري : هذي سخافه مو قشمره
مشعل : شفيكم شصاير
منارتصارخ : مو صاير شي ومالك خص
ام مشاري : تادبي وانتي تكلمين اخوج
مشعل : شل سالفه
منار : اوف انته ماتفهم مافي شي ومايخصك
مشعل جرب من شذى : شذى شفيج وليش صايحه
شذى : مو صايحه و موصاير شي وقامت من محلها ومنار بعد طلعت وراها
مشعل قعد يطالع امه
بس بعد اهي ماردت عليه وراحت
مشعل : يه شفيهم ذلين اوهو وانا شلي اعور راسي اكيد مسوين شي
منار راحت حق شذى تطق عليها الباب : شذوي انا اسفه ومو قصدي
شذى بطلت لها الباب : لا عادي بس مو تعيدينها
منار : هههههههههههه بس شكلج حلو
شذى : اقول ذلفي يا البايخه
منار : هههههه فديتج والله يا ام منار
شذى : وه وه بسم الله على بنتي مينونه اسميها منار تبين تطلع مينونه
منار : الي يقول انتي عاقله
شذى :الحمد الله كلي عقل ورزانه
منار : باين
شذى : هههههههههه
منار : اقول جبي زين
شذى : مابي وتطلع لها السانها
مشعل الي بدل ملابسه وطلع راح حق صديق عمره
عيسى : هلا والله بوعيسى شخبارك زين جفناك
مشعل : هلا والله بعد شنسوي مشاغل الدنيا
عيسى : مشاغل الدنيا ولا المدام
مشعل : الثنين
عيسى : اهاا ان شاء الله دوم الا مافي اخبار عن القبسه
مشعل : اي قبسه ؟؟!
عيسى : في غيرها مرامو
مشعل : اولا احترم نفسك ثانيا ماادري عنها صار لها فتره مااتصلت وانا انشغلت
عيسى : ان شاء الله دوم والله لو تخليني ابرد جبدي فيها بنتفها نتفه نتفه واقطها في الزباله
مشعل : خلصت
عيسى : ماادري بفكر
مشعل واهوز يدزه : امش خل نروح ناكل لنه شي احسن
عيسى : خاطري في باجه
مشعل : اذلف مناك الناس تطلب شي عدل مو انته باجه واهو يقلده
عيسى : انا كيفي حر
مشعل : امش وياي بنطلب شي عدل باجر اكل الي تبي
عيسى : يا اخي انا من الصبح خاطري فيها
مشعل : حشى مره انته قاعد تتنسى
عيسى : اوف مايسوى علي ذليتني خلاص ماابي شي بروح بيتنه
مشعل: هههههههه توفر
عيسى : من قال لك اصلا قاعد على جبدك
وراحو طلبو لهم شي وسهرو وعلى الساعه 2 رجع مشعل البيت
بعد اسبوع بالتحديد يوم الاحد كان يوم رحلتهم لماليزيا طبعا البلد من اخيار شذى
و في المطار كل الاهل يودعونهم وام شذى قعدت تصيح لهم واهم يهدون فيها
وركبو الطياره وقعدت شذى ومنار يم بعض وام مشاري ومشعل يم بعض
شذى: منور ليش ساكته؟؟
منار: مافيني شي بس انمتي سكتي عني
شذى : مو من عوايدج
منار : مالج خص سكتي
وضلو طول الرحله ساكتين ولما وصلو بعد مانزلو من الطيار
منار : آآآآآآآآآه واخيرا
شذى : شنو الي واخيرا
منار : ولا شي احين قولي الي تبين وقعدت تسولف لين وصلو الفندق
مشعل : اقول الجزيره ولا العربيه ماتعرفين تسكتين حشى بطيتي راسي
شذى : ههههههههههه مساعه مافيها صوت احين طلع الصوت
منار : كيييييييييفي
مشعل : اقول جبي راسي صدع والسبب انتي وحنتج جنج عيوز بايقين عشاها
شذى : ههههههههههههههه
منار : كيفي انا حره
و كان مشعل حاجز ثلاث غرف وحده لامه وحده حق اخته وحده له اهو وشذى عشان امه ماتحس بشي
مشعل دخل غرفته ونام
وام مشاري مثل الشي
اما منار وشذى قعدو يسولفون ومنار خلتها ونامت
ظلت شذى بروحها وحست بملل
فراحت وغيرت ملابسها ولبست بنطلون جينز و تيشرت بحري على رسمت بطه ونزلت
تحت في الرسبشن
و لما طلعت من المصعد
جافت شخص .... تعرفه عدل .. تعرف ملامحه وطوله هذي اهو ... هل شخص مايغيب عن بالها ولا لحظه وشكله لايمكن ان تنساه هل شخص الي يا ماتمنت تجوفه او تلجأ له
هل شخص .. غالي عليها وايد .........
شذى امتلت عينها بالدموع مو حزن الا فرح لجوفت شخص يمكن ماحلمت تجوفه بعد ماصار الي صار
وراحت له ركض وحضنته من الخلف
... : excuse me
شذى : اكرهك يا الحقير و قعدت تطق فيه
.....: ش...ذ..ى
شذى : يا الخاين اهئ
... : صج صج انتي شذى وحضنها اكثر له
شذى : اي انا شذى
...... : اشتقت لج يا الغاليه وحشتيني مووووت
شذى : باين اني غاليه لو كنت غاليه جان سالت ثلاث سنين يا الظالم لاتسال عني ولا عن احد
...... : آآآآآآه انتي ادرى بالحال
شذى : لامااعرف
... : شوشو قولي لي شخبارج وشلونج وشخبار الاهل و ابوي
شذى : توك تسال عنه
... : ...... آه والله مشتاق لكم
شذى : حتى مافكرة تسال او اتعب نفسك
.. . : غصب عني
شذى : انت اناني مافكرت الا في نفسك مافكرت في امي ولا في يدي ولا في اي احد
... : شذى حرام عليج انا بدون شي تعبان
شذى : انا كنت محاتجه لك في يوم تمنيتك وياي بس للاسف ماكنت موجود
... : الا ابوي شخباره اشتقت له
شذى : يدي الله يرحمه عطاك عمره
...... بصدم : ابوي مات
شذى : يدي الله يرحمه كان يتمنى يجوفك .. عبدالعزيز يدي اخر امنيته كانت يجوفك وانته يا الجنان شردت
عبدالعزيز : الله يرحمه ... انا مااقدر ارجع الديره احس مااقدر
شذى : انته جبان حتى انا فقدت الي ابيه وخذ غيره
قاطعها عبدالعزيز : انتي تزوجتي
شذى : اي بس الحمدالله احس روحي تاقلمت ومرتاح صج كنت ابي عبدالرحمنن مثل مانته تدري بس ماحصل نصيب و خذت ولد رفيج ابوي اذا تعرفه
عبدالعزيز : شوشو الدلوعه تتزوج ماني مصدق
شذى : هههههه الفال لك
عبدالعزيز : لامابي
شذى : مو على كيفك عزوز ومسكته من يده تعال سولف لي عن روحك والله وحشتني موت
(( عبدالعزيز 29 سنه يكون خال شذى , يد شذى تزوج ثانيه صغيره لانه يدت شذى ام شيماء ماتيب الا بنات و يابت اربع بنات واكبرهم ام شذى و زوجته الثانيه يابت له عبدالعزيز وبعد الولادتها كانت تعبانه وياد و الله خذ امانته فعبدالعزيز تبرى على يد ام شيماء وكانت تحبه وتعزه بس لانه مره كبيره فربته اخته وربته مع بناتها و شذى تموت في خالها واهي جريبه منه بالحيل و كل واحد منهم يقول اسراره للثاني ......... وسبب سفرة عبدالعزيز من ثلاث سنوات لانه كان يحب بنت جيرانهم و كان يبيها لاكن ابوها رفض وزوجها واحد غير واهو كره كل شي وسافر و محد يعرف وين راح وحاول يسالن عنه بس ماقدرو و يدها تعب وايد من سفرة وحيده وكان كل يوم يتمنى ان جوفه لين الله اخذ امانته ))
عبدالعزيز : تعالي سولفي لي عنج وعن كل شي مشتاق لج وللكل وشخبار اختج
وقعدو يسولفون ويتكلمون ويضحكون
في هل لحظه نزل مشعل وجاف شذى قاعده مع واحد بالنسبه له غريب و
جاف شياطين الدنيا كلها تتراقص جدامه
وراح وعطاها كف
مشعل : يا المتربيه قاعده معاه و جدام الكل ومسكها من شعرها انا الي بربيج يا الكلبه
عبدالعزيز انصدم : هي انت اوقف واتركها
شذى : انت فاهم غلط
مشعل : وين فاهم غلط وانتي وياه متواعدين
عبدالعزيز وقفه وابعده عنه وحضن بنت اخته : ان لمستها لاتلوم الا نفسك و اسمع ان غلط عليها السانك بقصه لك سمعت
مشعل : ولا حاضنها بعد اكملت وراح يبي يطقها بس عبدالعزيز امنعه
عبدالعزيز : يكون في علمك شذى بنت اختي سمعت وشدد على كلمت بنت اختي
مشعل وقف مصدوم من الكلمه حس روحه تسرع وايد
شذى : خالي انا بروح وياك ماابي اتم
عبدالعزيز : ومن قال بخليج عنده وطالعه من فوقه لين تحته بنظرات احتقار و كان بروح اهو وياه شذى
مشعل : شذى ... لحظه انا
شذى : انت شنو اهئ اهئ
مشعل : انا اسف بس
عبدالعزيز : مو واثق فيها
مشعل : لا انا واثق بس
شذى : بس شنو يا مشعل انا تعب منك
عبدالعزيز : بخليها عندي لين تهدا
قعدت شذى عند خالها و قال مشعل السالفه لامه واخته وامه لامته وايد على تسرعه
بعد ثلاث ايام
شذى في شقة عبدالعزيز : آآآآآآآه
عبدالعزيز الي داخل بصنية الريوق : سلامتج من الاه اشتقتي له واهو يقمز
شذى سرحانه : وايد اشتقت له
عبدالعزيز بحنيه ؟: تحبينه
شذى : اموت في هواه
عبدالعزيز :خلاص اذا يه اليوم ردي عليه
شذى : لا مو انا الي انطق خله يتادب من حركته خله ينذل شوي عقب بسامحه
عبدالعزيز بنظرات شك : شكلج تتغلين عليه
شذى : خله يحس شوي وامممممممم وبعدين اخته وياي اهي الي قالت لي
عبدالعزيز بتردد : شوشو حبيبتي انا كل اسمعج تسولفين عنها وصار خاطري اجوفها
شذى استغربت سؤال خالها عن منار وكان على طول يسال عنها : في ناس شكلهم معجبين في منار
عبدالعزيز : ها .. لالا مو سالفة اعجاب بس امم تقدرين تقولين فضول
شذى : اهاا اي صح صح واهي في داخلها فرحت لانه سئل عن وحده وسؤاله وراه الف معنى لانها تعرفه عدل صج ثلاث سنوات بس ماغيرت شي
مشعل : منور حياتي كلميها قولي لها انا ندمان والله اشتقت لها
منار ك تستاهل محد قال لك
مشعل : يا البايخه احين انا اخوج لازم توقفين معاي
منار : اانا مع الحق
مشعل : بذبحج كلميها
منار : مايخصني
ام مشاري : طبخ طبختيه يا الرفله اكليه محد قال لك طق بنت الناس تبيها ترضى
مشعل : يمه
ام مشاري : صمه تصم العدو انا ماربيتك على جذي تمد يدك على الناس شذى خساره فيك
مشعل : افففففف انا طالع
ور اح شقة خال شذى يحاول فيها
انطق باب الشقه ومحد كان فيها غير شذى <<< هذي حركه من خالها قال حق مشعل وقت الي يكون فيه محد كان يبيهم يتفاهمون
شذى : اففففففف من هل مزعج عزوز . عزززووز وينك افف شكله محد
وراحت عند الباب وقف الطق
شذى : من ؟؟؟ وبطلتا الباب
مشعل كان قلبه يدق بسرعه لانه عارف ان اهي الي تبطل الباب
مشعل ويمد الباقه الورد لونها احمر : ممكن اتكلم معاج شوي يا قمر
شذى : مشعل .. انته شنو تبي
مشعل : ابي روحي الي راحت مني .,.. مشتاق لج ياروحي
شذى ........
مشعل : ممكن ادخل
ماتكلمت بس اشرت له يدخل وقعد
مشعل : انا اسف يا الغاليه بس ماقدرت احتمل اجوفج مع واحد غيري وتضحكين .. آآآه حسيت بنار في صدري ..... شذى . انا احبج
شذى امتلت عينها دموع : دام تحبني ليش ما سالتي اول من ذي
مشعل : اقول لج حسيت بنار وشياطين الدنيا كلها جدامب صرت مااعرف من الي جدامي
مشعل بتردد : شذى
ارفعت راسها له تجوفه
مشعل : لاتصيحين دموع تعذبني وتذبحني و مسح دمعتها وابتسم لها تحبيني ؟؟
شذى نزلت راسها وبصوت مو مسموع : ايه
رفع راسها : ماسمعت
شذى : ايي
مشعل : قولي احبك
شذى : ماابي
مشعل : عااد
شذى : احبك ونزلت راسها
مشعل : آآآآآآآآه يا قلبي شحلاتها الكلمه منج بعد قوليها
شذى : مشعل
مشعل : يا روح وعيون مشعل امري تدللي
شذى : ماابي شي
حضنها مشعل بالقوه : سمعي انتي مكانج هني واشر على قلبه يا الغاليه سامحتيني
شذى هزت راسها باي
مشعل : فديت قلبج الطيب
عبدالعزيز دخل عليه : شنو تسون
مشعل وشذى انتفضو من الخرعه
عبدالعزيز : ههههههههههههههههههههههههههههههههههه كملو فلمكم الهندي عجبني
شذى : جب وحذفت عليه المخده
عبدالعزيز : ههههههههههه وراح قعد يمها بنت اختي شفي ويهج شنو قال لج علميني
شذى : عيب وقامت عنه
مشعل : هههههههه خل مرتي
عبدالعزيز : ههههههه بصوت عالي وصرت\نه نستحي يا شذوي خبري فيج السانج طويل
شذى طلعت من الحجره : اسمع ان ماسكت بدوس في بطنك
عبدالعزيز ومشعل : ههههههههههههههههههه
عبدالعزيز : دام تصالحتو العشى على حسابي وناد الاهل
مشعل : لاعلى حسابي
عبدالعزيز : انتو ضيوف وعلى حسابي سامع
مشعل : كيفك توفر هههه
عبدالعزيز : خلاص قول للاهل عشان يجهزون
اتصل مشعل في امه واخته وقال لهم عن العشى
وعلى الساعه 8 ونص تجهزو وطلعو يتعشون
عبدالعزيز كان يطالع منار بين لحظه والثانيه ويبتسم
شذى قعدت تطالعه وحست بالفرح و في بالها الف شغله تبي تسويها
منار : شذى بترجعين ويانه اليوم وحشتيني وخاطري اقعدج وياج
شذى الي طالعت مشعل وابتسم لها : ايي انا بعد مشتاقه لج موتت
مشعل : بس لها
شذى : وحق خالتي بعد
ام مشاري : فيج الخير يا بنتي الا عبدالعزيز شخبارك و يا ولدي ليش ماترجع ويانه
عبدالعزيز قص في اكله : كح كح ها
ام مشاري : بسم الله عليك عطوه ماي
عبدالعزيز : لا شكرا ماابي والله ياخالتي ماادري بفكر وقعد يطالع منار
شذى طقته بريلها وهمست له : بس استح على ويهك وشيل عينك
عبدالعزيز :هاا
شذى : من قال ها سمع
منار : شرايكم عقب نطلع نتمشى خاطري اطلع يزعم مسفريني واخر شي تخلوني اقعد في هل فندق ولا اطلع منه لو مخليني في بيتنه احس لي
شذى : يا العيوز سكتي وباجر بنطلعج
منار : محد عيوز الا انتي سمعتيي
وبعد العشى طلعو وقعدو يتمشون
وعبدالعزيز كان كل دقيقه يقعد يطالع في منار مايدري ليش بس يحس بانجذاب لها
قرائه ممتعه للجميع
و سامحوني على القصور
وسوري ادري ان البارت حده قصير 
|
19-02-08, 09:21 PM
جديد مواضيع قسم القصص المكتمله من وحي قلم الاعضاء
العرض العادي
