الجزء الخامس:

&&الفــــــــــــراق&&بالليـــــــــل

وفي الغرفة النوم(2)


كانت كعادتها تثرثر وتعيد مجريات الاحداث اللي صـــــــــارت...لكن لاحظت فجأة سكوتها

(نهى!!!!!!!)

ردت بسرحان: نعم

قلت: أيش بك سكتي؟

ردت بتردد: بأقولك شئ .. بس ياويلك لو طلع لسانك....

قلت لها بخوف: طيب

قالت: تذكرين الشاب اللي كلم فريدة واعطاها رقمـــــه..

قلت وأنا اتذكره: ايوه

قالت: هذا هو نفس الشاب اللي اعطيته الهدية . .

قلت وأنا مستغربة منها: طيب وايش فيها يعني؟مااظنه يقدر يسوي أو يعملك شئ

ردت بعصبية: ياغبية مالاحظتي نظراته ليه!!!ماادري انا خايفة انه يعتقدني من جد اخت المايعة..

قلت لها: طيب وحتى لو كان يعتقد على قولتك اخت المايعة..هو مايعرف بيتنا..وبعدين اصلا مستحيل فريدة تدق على

عليه...

ردت بتردد:تتوقعين كدا

قلت وانا اشوف ان الخوف مو لايق على نهى نهائي: اكيد حبيبتي ..

وكملت :خلاص بطلي الثرثرة أنا فيني النوم

..وعلطول رميت بثقلي على الفراش وغطيت جسمي باللحاف وتلقائيا عيوني تسكرت

**********************

الصبــــــــــاح

الساعة 9:25

المكتبـــــــــــــــة:

ابـــــــــــــــرار:

جلست تدور على الكتب اللي يعجبهــــــا وفي نفس الوقت تكفي الفلوس اللي معاها ولقت روايات تموت عليها

طبعاا ماكانت مهتمة بالروايات الرومانسية لانها تظن كلها كلام فاضي مالها معنى بس كانت تحب روايات كاتبتها

أغاثا كريستي وهذا المرة لقت (جريمة في القصر) انتبهت للساعة وشافت انها راح تتأخر لو ماطلعت اللحين من المكتبة

ولفت علشان تطلع الا انصدمت في واحد كان يطالعها بنظرات كرهتها ..وبعدين مع القلة الادب؟!!! خرجت من المكتبة واخذت


تاكسي واعطته العنوان ....خرجت من السيارة وراحت تدق الجرس وعلطول فتح لها واحد رجل كبير في السن


تظهر عليه علامات الطيبة ..

دخلت البيت وقالت: السلام عليكم

رد بابتســـــــامة: وعليكم السلام


وكمل: انا اللحين اروح غرفة المكتب وأنتي كملي شغلــــــــــك وخذي راحتك.

..وعلطول تركها بدون ما ينتظر رد.......

وأما هي فتوجهت للشغل بدءا من ترتيب وتنظيف الغرف وبعدما ماخلصت منه..راحت جهزت الفطور لصاحب البيت
ودقت عليه.. ودخلت بدون ماتنتظر الرد .. حطت الصينية على المكتب ..وخرجت بسرعة ...


ورجعت تكمل شغلها من جديد

****************************

ألعنــــــــــــــــــــود:

انا حاسة انه قلبي بيرقع من الخوف!!!ليش ماادري؟اتوقع توتر علشان دا أول يوم لي في العمل مع ناس غراب...

اه اللحين بديت أحس بشعورك ياابرار....اذا انتي كل يوم والثانية تروحين بيت جديد.. كأنك متشردة تنتقلين من بيت

لبيت....أمـــــا انا فأول مرة أروح بيت غريب ..لا واكون طباختهم الخاصة ..ارتجف من الخوف والتوتر... ماالومك أذا

كرهتي نفســــــــك......الله يستر.. ممكن يكونون ناس طيبين..وممكن لا...واذا كان لا..ياربي خلاص وقفي الافكاااااار

خليك أيجابية احسن..

(ماما خلاص أحنا وصلنا) سائق الهندي اللي التفت عليها باستغراب وهي يشوفها لسه مانزلت من سيارته

نزلت من السيارة وهي تسحب رجولهـــــــا سحب ووقفت وهي تشوف القصر المهيب وحاسة انها في حلم وممكن

في أي لحظـــــة تصحى...مشت بخطوات ثقيلة ووقفت عند بواب حارس الامن..

تنهدت بقوة تبغى تخرج الخوف والضعف وتظهر القوة والثقة بالنفس ..

تكلمت:السلام عليكم

رد حارس الامن: وعليكم السلام

قالت: اهل البيت طالبيني

قال حارس الامن بتشكك:طيب لحظة استفســـــــر

..تنرفزت .وكمان ماهو عاااارف !!!!لايكون ماهم طالبيني..اعوذ بالله وش هالغباء هم بنفسهم اتصلوا..

(ايوه صح تفضلي)

..فتح البوابة الحديدية وهي دخلت وشافت بانتظااااارها نفس الشغالة اللي كلمتها من قبل....

****************************


في البيت:

الساعة 10صباحا

في المطبخ:

(نهى تعرفي تعملين بيض؟)

قلت : طبعا انا اعرف اسويهـــــــا

ردت" طيب سوي لي انا جيعانة موت

قلت: طيب

وسوت سندويشات وعملت شاهي وحليب ..وبدأوا يفطروا

تكلمت رنا وهي تأكل: ماتلاحظين البيت فاضي؟

رديت بعد مابلعت اللقمة: معروف دا الشئ الكل لاهي في شغلـــــه ماعدا احنا اعطينا لنفسنا اجازة.

قالت :ماقصدت كدا ..انا قصدت نوالوووو

رديت وانا اكل بقهر: انا نفسي اعرف انتي ليش تحبين تجبين سيرتها؟؟لاتكونين معجبة فيها وانا ماأدري؟

قالت بسرعة: لا والله...بس ماادري انا حاسة بخوف

رديت عليها وانا العن خوفها(اللي يقول ماكانت خايفة أمس): شئ مو جديد عليك..اصلا انتي دوم خوافة

قالت بزعل: لا والله بس انا اليوم وانا قايمة من النوم بس قلبي يدق دق سريع مو طبيعي ...

رديت بدون اهتمااام: طيب وانا وش أعملك؟

ردت بطفش: خلاص أسكتي ..اصلا انا غلطانة اني اقولك

قلت لها وانا خلصت اكلي:كويس عرفتي انك غلطـــــــــــانة

***********************


ابرار:

خلصت من شغلي وكنت ناوية أرجع البيت ..لكن شكله اليوم ماراح يخلص من طلبات الشيبة

قال: شوفي انا راح ازيد لك الراتب علشان تجلسين كم ساعة زيادة مع حفيدي وهو عمره 5سنين

........وانا شكو؟لا اكون حاضنة وانا ماادري؟......

قلت: ياعم والله انا...

قاطعني بترجي: اسمعيني يابنتي ..والله انا ولدي وزوجته دخلوا في حادث .. والله يستر ماعرفت اللحين وش حالتهم

وسبحان الله كان ولدهم ماكان معاهم ..كان عند جيرانهم واللحين جارهم يجيب الولد عندي..وانا مااقدر اتركه لحاله

فطلبتك لو تجلسين كم ساعة زيادة ..وتفتحين الباب وتجلسين مع حفيدي وانا اروح اشوف حالة أبوه وأمه وارجع ثاني...

........اللــــــــــه على هالدنيا ..مافي احد مرتاح!!كسر خاطري هالشيبة ...ضحكت بسخرية: وأنتي يالعنود!!!!!!!!

ابتسمت وقلت: أن شاء الله مايصير الاخاطرك يالطيب ..

ابتسم براحة وقال من قلبه: يارب يوقفك ويسهل مرادك وتتحقق كل أمــــــــــانيك

....قالت من قلبهــــــا أمين ..وماتدري كيف كانت قاسية على هالشيبة...وندمت على قساوتها للحظــــــة

************************

العنــــــــــــــــــــــــــــود:

كانت تطالع المكان بانبهـــــــــار وهذا هي ماشافت غير المطبخ ..........

دخلت عليه وحدة حرمة شوية كبيرة في السن وطالعتني من فوق خشمها وقالت بغرور: هتلاقي كل شي موجود في المطبخ

مع أن الفطور فاتنا بس يلا نبغى نشوف وش راح تسوين في الغداء ..ونبغى شئ معتبر

ابتسمت :ان شـــــــــــاء الله

طالعتني من فوق لتحت وقالت: روحي خذي الثياب من ماري

وصرخت الحرمــــــة: ماري تعالي هنا
.
..جاءت الشغالة بسرعة :نعم ماما

قالت الحرمة:جيبي الثياب
وأشرة اصبعها باحتقار: لهــــــــــاذي...زيما شايفة ملابسها زي القمامة.

..حسيت أني بأبكي..بس مو هذي اللي تنزلي دموعي...حتى لو كان ثيابي زي القمامة ..فيه شي أسمه أسلوب راقي..موتجرح وكأني مو أنســـــــــــــانة ..

انقهرت من قلب..وكنت شوية باصرخ في وجهها واقول روحي دوري غيري...امكن علشان كدا ماقدروا يستحملوا اللي قبلي

اذا كان هذا البداية؟نهايتها راح تكون أيش؟...بس أنا محتاجة ...يلعن الفقر أم الحاجة.. بلعت ريقي معليش نتحمل علشان لقمة العيش...


***************************************
في غرفتنــــــــــــا (2)

نهـــــــــــــــــــــــــــى:

غريبــــــــة!!!المفروض تكون أبرار اللحين وصلت للبيت؟وش عندها ؟امكن لسه تشتغل .؟

(ن..نن نهى) التفت على صوتها المرتجف ..البنت هذي متى راح تبطل الخوف؟

قلت: نعم يالخوافة

شفت دموعها مغرقة على وجهها ..قلبي وجعني ..ماادري حسيت بخوف ..اعوذبالله

قلت: أيش بك يابنت؟
قالت بخوف ودموعها تنزل على خدها: نوالوو جت مع ذيك الحرمة اللي جت من قبل.

قلت انا اطمئنها واهدئ نفسي مع أني مستغربة ليش أنا خايفة: طيب عادي ..شكلها صارت صديقتها..

....سمعنا صوتهـــــا الكريه جاي : رنا وصمخ تعالي هنـــــــــا


وقفت وقلت: خير

قالت بصوتها الكريه: الشر بوجهك يالنتفــــــة..انا ماكلمتك..

ووجهت كلامها لرنا: اقول ضفي أغراضك ..المرأة راح تأخذك

...أيش ؟أنا شكلي ماسمعت زين؟وش تاقول هذي..لا شكلهـــــــا خرفت...لا لااا شكلي سمعت الصح واكبر دليل صراخ رنا
(لا ماابغى اروح ..تكفين أعملك أي شي ..بس لاتخليني أروح)

تدخلت هالمرة وماراح اسكت زيما ماكنت صغيرة..اللحين انا كبيرة واقدر ادافع عن نفسي: ماراح تخلينها تروح غصب.

لانه رجلي على رجلهـــــــــا.


صرخت بوجهي: لا والله..وريني وش راح تسوين يالنتفة

قربت من رنا واخذت تسحبها من ايدها وتخرجها من الغرفة ورنا تصرخ بقوة وانا واقفة متحجرة مااني قادرة اتحرك.. ابغى

اساعدها بس ليش رجولي واقفة..بعدين سمعت صراخ رنا زاد عن حالــــــــــه....جريت تلقائيا ونزلت من الدرج اشوف

وين راح يأخذونهــــــا.

شفت الحقيرة نوالووو ماسكة من ايدها اليمين والمرة ماسكتها من ايدها اليسار..انا صرخت

لاااااا سيبوها في حالـــــــــــــــــها
...جيت اقرب منهم وعلطول صقعتني كف نوالو طيرني ..وحسيت نفسي ظلام في ظلام...

************************

التعليقات +التوقعــــــــــــأت

السلام عليكم
تسلم ايدج عالبارت
بقراه واعلق

رهيبة القصة ... أكشن ... إثارة... وكأن جالسين نحل لغز ..
في البداية نبغى نعرف أي بنت هي التوأم المخطوف ..

كل بنت للها حكاية ..
أبرار ...... الله يعينها على أهل البيت ... لكن ممكن يكون هذا سبيل إلى سعادتها ..

العنود ....... الله يحفظها من شغلت التنقل بين البيوت لأن الدنيا مو أمان .

فريدة .... هل البنت عجيبة أفكارها وراح توديها بداهية ... وان شاء الله ما ينتقم منها طلال على اللي سوته فيه نهى .

نهى .... نمبر تو من ذوات الأفكار والمصائب ... رهيبة شخصيتها عمرها 12 وهي بهذي الأفكار أجل إذا كبرت شتعمل ... يعجبني فيها إخلاصها لرنا .

رنا ... حبيبة قلبي ، صاحبة براءة رهيبة ... ارحمي حالها وأنقذيها من العجوز وتخطيطتها ..


أسلو ب حلو ورائع .. أحداث جميلة ، إنشاء الله نكون من المتتبعين لك مثل الرواية السابقة ..

مع كل بارت اقراه يزيد كرهي لنوالو وتزيد شفقتي وتعاطفي مع المساكين
العنود:اذا اولها جذي بعدين شبتسوي فيها؟!؟!
ماقول غير الله يعينها
و
كسر خاطري الشيبة وحفيده الله يشافي امه وابوه
و
الله يستر من نوال والمرة المجهولة وشنو رح يسوون برنا المسكينة
و
طلعت توقعاتي غلط بشأن نهى بس الحمد لله ان عرفت سر نظراته لها وسر سكوتها لاني اذا ما عرفتهم مارح انام بليل
بس
اهو شنو يبي من نهى؟؟
وحتى
لو عباله ان اهي اخت المايعة بينتقم من المايعة عن طريقها مثلا ولا شنو؟؟
و
الله يقويها وتنقذ رنا من ايد الزفتة نوال والمرة المجهولة
ولا تطولين لاني ميتة ابي اعرف شنو بيصير برنا وشنو تبي منها المرة المجهولة
تقبلي مروري