في غرفة الملاحضه


نوره وقلبها متقطع على بنت خالتها:ساره قلبي يعورتس شى

ساره وجها باين عليه التعب وشاحب لونه وشفايفها بيضا:لا بس الدواء الي حطته في لدرب حار واحس بعوار شوي

نوره :لا هذا إن شا الله عشر دقايق ويروح الالم

ساره :إن شا الله

نوره :سوسو تبين ملابس ولا شى من البيت

ساره تغيرت ملامحها : ليه بتروحين وتخليني

نوره :لا يا قلبي انا برافق معتس بس بخلي سعد يجيبلنا اقراض من البيت

ساره :ليه وهو لا لحين موجود

نوره :ايه يسوي الاوراق

ساره :يا فشله وربي تعبناه

نوره : تعبتس راحه عنده

ساره : فديته والله ماقصر

نوره تبتسم: والله ما شفتي حالته يوم شافتس طايحه على الارض بقا يموت

ساره :بسم الله عليه جعل يومي قبل يومه لبا شبابه والله

نوره : من الحين قمتي اتفدينه ؟! الا شلون طحتي وما شفتي البطل الي تحتس

ساره :بالله وشلون اشوف واختس تبيني اركض

تخيلي مندمجه اطالع اللمبه اشوفها قريبه ولا بعيده وما حسيت الابشي داش فيني وقمت امشي

خطوه الا طحت من طولي احس بشي
يقطعني

ابي اشوف شنو ما قدرت اشوفه من كثر الدم والعوار يذبح واصايح ولا احد يمي والله اني اتقطع ابي اطلع القزازه تعورني ما قدرت احركها واصارخ محد حولي وخفت من الظلمه وما كان فيه الالمبه وحده وبعيد عني وابكي الا جيتيني وعقبه ,,,, احس فيكم ومره افصل عنكم واذكر إني شفت سعد وكان يسحب القزازه وكانت تعورني والله كنت اتكلم مدري وش اقول وعقب اللحظه هذي ما عاد حسيت بشى وما حسيت بنفسى الا وانا على السرير

وقطعة عليهم السستر : لوسمحتي يااختي في واحد يبيك برا

نوره: إن شا الله بجي الحين

ساره :هذا اكيد سعد

نوره وهي تلبس عبايتها وغطاها

نوره: هلا سعد امر ؟؟

سعد: قوليلي تبين شي من البيت

نوره: تؤبرني بدنا ملابس وبدنا كمان بطانيتين وو...

سعد: اقوول اخلصي؟؟ تحاكي زين وش تبين عجلي علي

نوره: طيب طيب وش فيك عاقد الحاجب ؟؟

ولا اقولك خلاص سعد بكلم نموش اطلع لنا ملابس وتعطيك إياها...

ساره : لا نوره حرام الرجال تعبان صارله ساعتين وهو يفتر ورانا

نوره وهي واقفه على الباب مره تكلم سعد ومره تلف على ساره : ياسويره هو يبي يتعب خليه

سعد: نوره مايصير ادخل ؟؟ بس دقايق

نوره: اقووووووول امرح علينا البنت للحين وجها مارد واخاف اذا دخلت تتعب زياده ؟؟

سعد : افا والله ماظتني ساره تتعب مني ..

هذا مهب كلامها ؟؟ كلامس انتي ..
على العموم ماصار الا كل خير ..

امسكي هذا جوالي وانا بروح البيت اجيب اغراضكم وبجيب جدتي وخالتي مصرات انهم يجون

نوره : سعد ما يدخلونهم لان الحين بيرقونا الجناح

سعد : والله حاولت افهمهم ما قدرت مصرين يجون

نوره : خلاص روح وبراحتهم زين سعد وانا اشلون ادق عليك

سعد : معي خطي الثاني

نوره : اوكيه خلاص

سعد : تبيني اجيبلتس وجبه انتي وساره

نوره : لا ساره ما يصير ما تاكل من برا

سعد : زين وش تاكل

نوره : تاكل اكل مخصص من المستشفي


سعد : ياويل كبدك ياسعد ,, بيعطونها رز مسلووق وووو... يا الله تهوون عليها

نوره اصلآ اعرفها ماراح تاكله بس بغصبها

سعد : الله الله فيها لا تخلينها

نوره : لا توصي حريص

سعد : يالله فمان الله وإذا بغيتي شي دقي علي

نوره : ابشر


,,,,,,,,,,,,,,,,,,,,,,,,,,,,,,,,,,,,,,,,,,,,,

،،،،،،،،،،،،،،،،،،،،،،،،،،،،،،،،،،،،،،،،،،،،،،


امريكا "ميامي"

محمد.. توته حياتي ,,., يالله صحصحي وتعالي الصاله مسوي لتس فطوور ...

تهاني .. خلني شوي بس اناام بس شويه ..

محمد يارروح محمد بس شووويه ابشري على ذا الخشم << ويحرك خشمه على خدهاا وعلى نحرهاا وعلى اذنهاا ,,,

تهاني .. محـــــــــــمد اشهد انك بترقدني زياااده,,

محمد.. لاتوته تراني زهقت وانا لحالي ,, خلاص نامي واذا ودك تنامين للعصر <<

تهاني تمسك يده قبل لا يقووم ,, وين رايح

محمد..بنزل تحت اشوفلي مزيونه شقراء
غيرك وتدلعني

تهاني ويدها على خصرها..وليه أتضن انك بتلقي وحده احلى مني << مهب غرور بس الواثق يقول الصدق .. وعلى فكره ماينفع الجمال من غير حب اما انا جامعه لك الثنـــــــــــتين

محمديضم تهاني بقووووه ... لا ياقلب محمد والله لو ألف الدنيا ما لقيت مثلتس

تهاني تضمه بقوه : ما عليك زود يا حموتي وعسى ربي يخليك لعيوني

محمد يغني بصوت عالي

عسى ربي يخليك"" لعيوني""
وعسى ربي يخليني<<< لعيونك
حبيبي دنيتك% صعبه% بدوني
وتقاطعه تهاني
ولا شئ دنيتي تسوء (((بدونك)))


محمد... يحب تهاني على جبينها

رن تلفون محمد

محمد : الو الو الو

ام محمد : الو محمد

محمد يفز من مكانه ..مرحبا والله بذا الصوت

ام محمد : مرحبا بك

محمد :يمه متاكم بتجون ترانا اشتقنالكم

ام محمد .. بكره الساعه 1 الظهر حنا عندكم

محمد.. يا هلا ومرحبا بست الحبايب

تهاني :تسحب منه التلفون

تهاني : الو وش لونك خاله

ام محمد : والله طيبين ونسأل عنكم

تهاني :اسألت عنكم العافيه

ام محمد : شخبار الجازي اربها مزيونه مثل امها

تهاني : لا ابشرك مزيونه تشبه ابوها

ام محمد : ماعليها خلاف كنها غدت لبوها ولا لس

اربك ما تعبتي يا بنيتي

تهاني : والله يا خاله شوي << وهي تضحك << أي هين شوووي ..


محمد ياخذ التلفون
لبيه يا احلا ماما

ام محمد لبية في منى

محمد : امين

ام محمد :محمد فديتك ابيك تستقبلنا بكره

محمد : افا عليك منهو بيستقبلكم غيري انا وتهاني ولا بعد بنجيب جوجو

ام محمد ... لا يا ولدي خل تهاني وبنتها المره توها تعبانه ولا يدخلهم هواء وهواكم بارد بعد

محمد ...ابشري
ام محمد ,,,يالله مع السلامه

تهاني :: محمد متى بيجون امي و خالتي

محمد .. بكره الساعه 1 الظهر عندنا

تهاني حارت الدمعه في عيني صوتهاتغير .. والله من الفرحه ما راح يجيني نوم صارلنا عنهم سنه وزياده ما شفناهم """""يا شين الغربه والله"""

محمد عينه بعينها ... ادري اني تعبتك وياي وابعدتك عن اهلك بس والله ما اقدر اعيش من دونك

تهاني .. ولا انا اقدر اعيش من دونك خليت اهلي وديرتي وتحملت الغربه على شانك

محمد يمسك يدها ويبوسها ... احــــبـــــــــــك هذا الي اقدر اقوله

تهاني بينها وبين نفسها اه اه اه من حبك وربي ما تدري وش كثر احبك لو قلت احبك ما تكفي حبك غريب ونادر وجوده وحبك مهب مثل باقي الخليقه لك انا احبك حب جنوني

محمد ... الحلوه وش اتفكر فيه

تهاني ارتبكت.... ولا شي

محمد يغمز .. لتوته لا تخشين على

تهاني ...محمد اتهقى إن حبنا له حد ويمصخ ويصير قديم

محمد عاقد حواجبه ...تهاني انتي من جدك اتكلمين

تهاني بكل عفويه ...ايه وش فيك عصبت

محمد وهو قايم... التفكير الوصخ هذا فكريه بروحك واحتفضيه لنفسك فهمتي

تهاني توقف ... واناوش قلت علشان اتصارخ وتنفخ ريشك علي وش الغلط في كلامي

محمد يطول صوته .. انتي كلك غلط

تهاني ودمعه على خدها .... انا كلى غلط!!!

طلع محمد وصك الباب بقوه

وقامت الجازي متروعه من الصوت وتبكي


تهاني والدموع على خدها ما وقفت راحت لبنتها

ولمتها لحضنها ... الله يسامح ابوك حطمني انا كلي غلط ياليته قال وش الغلط الي ارتكبته والله ......

السالفه ما تسوا كبر الموضوع على الفاضي

استغفر الله .. تونا وش حلاتنا وكله مني بعد ليه اساله هذا السؤال يا ليتني ما قلت بس بعد هو كان مشى الموضوع وجاوب عليه او سكت ؟؟
يا ربي عليه الحين وين راح وبرد تحت ولا لبس جاكيت اروح ادوره !!! لا لا مفروض هو الي يجيني هو الي غلط لازم يتحمل غلطه
....

محمد :بينه وبين نفسه .. والدنــــــــــــــــــيا صاكه فيه >>>>>>>>>>>

والله ماهقيتها منس يا الغاليه حبنا يمصخ ؟؟

ويصير قديم !! ااااااااااااااااااخ لمن اروح لمن اشكي انا محمد اللي عمره ماحس بالضعف ولا شكى همه الا لتهاني .. كيف يشكي لها وهي اللي ضايقته!!!!!

تهاني : يا محمد وينك تكفى لا تعذبني وين ادورك أي شارع اروح أي منطقه القاك بها .........
عندي احسااس انه بيطوول ... لان ضيقته كبيره وانا اعرف محمد مايضيق الا من شي كبير ..
ياجعلني المرض انكاني ضاايقته ...

محمد بنفس الوقت : ميت من البرد بس كلام تهاني محرقه ومدفيه ..

تهاني من كثر البكي دااخت وغفت في الصاله
لانه طووووووووول عليهاا ...

محمد:دخل البيت على الفجر ,, ومعه اكياس واجد..

تهاني : فزة من غفوتهاا


(( نظرااات العيون بين محمد وتهاني ))

>>>>>>>>>>>
محمد عينه بعين تهاني :حس بحساس غريب انه غايب سنين عن البيت من نظرات تهاني له ..

تهاني :ودها تجي تحظنه بس طوله وهيبته ونظرته لها بستغراب وشافت فيها ضيقه مخلوطه بشوق

محمد : وده يجي عندها ويشكي بس حازه بخاطره انها هي اللي اجرحته وهي اللي تداويه..

تهاني وعيونها مغرقه دمووع : م ح م د احبك

محمد :ابتســــــــــم >> وحس بحساس الحب وبدون شعور فتح يده كلهاا ونادهاا تعالي تعالي

في لحظة العناق >>>
تهاني & محمد كل واحد يعاتب الثاني

محمد : نعبوا عدوس مالي الا انتي وااثقه اني احبس ليه تقولين كذا ,,, بس معليه يااتوته بحرق اعصابس اشووي عشاان اتأدبين .. ومره وحده رحت اشتري هالأغراض اللي شايفتهم لهلي بكره ..

تهاني : تكــــــــــفى ضمني بعد بقوه ...وربي معاد اقوول ذا الحكي مره ثانيه ..

محمد : بس ابشري الا بسمعس صوت ضلوعس
وبعدين ليه تقولينه ليه ؟؟

تهاني : ابغي اتدلع عليك ..

محمد: تدلعــــــــــي ياروح محمد بس مهب تسذا

تهاني :ابشر ابشر قلت لك خلاص عاد يوه ...

محمد : بعد يوه << شوفي انا بعلمس الدلع حتى انا ابيه مو بس انتوا يا الحريم اتدلعون حتا حنا؟؟

يووه هذي تسحبينها وتعطيني بدالها عشر بوساات

في المكان اللي تبينه ..يا الله بسررعه ؟؟

تهاني :عشر؟ في وقت واحد !! بعدين شفتي بتوجعني

محمد : اقول يا العويبه اخلصي عشر بوقت واحد وابشري اذا شفتس اوجعتس بداويها بطريقتي الخاصه لا تحاتين ..

تهاني : طيب كيف ابوسك واتن واقف اجلس

محمد : هذا حنا قعدنا على الأريكا ... لحظه بس خليني احط الكوشيه على راسي عشان ارتاح في قعدتي ..

تهاني : يووه محمد خلاص عاد اثبت << شوقتني

محمد : حلــــــــو حلـــــــو بعد يوه يعني فيها زياده عشره بعد ... ويحسب بيده عشره وعشره =20 يس يا الله مداام ..شوفي شغل مال انتى

تهاني : لا والله وش انا شغاله >> شوفي شغل مال انتي <<



زين كفيل >>> ماابي كيفي ..

محمد :انا ابي ويسحبهااا بكل قـــــووته ....


............................................



...........................................




.............................................




في المملكه ( في مستشفى ؟؟)

ساره.. النوري انا زهقت من ذا السرير

نوره ... ياقلبي عليتس توس جايه مايمدي زهقتي .. لا ياحبي لازم تصبرين واتحملين شوي

ساره .. يا ليل مطولك .. بتروح العطله وانا ما استانست في السعوديه

نوره .. يا حياتي تو العطله .. وان شا الله بنستانس

ساره ... امحق وناسه اللي اول طلعه لنا تعبتكم فيها وروعتكم وخربت جمعتنا وطلعتنا ؟؟

نوره ... لا يا الغاليه .. هذا قضاء وقدر والحمدالله جات على كذا ..

ساره .. الحمدالله بس والله اني تعبتكم بالروحات والجيات والمحاتات ؟؟

نوره .. قولي كـــــــــــذا من الاول الروحات والجيات
احم احم ( تقصدين الغالي )

ساره .. النوري يا لبيه << والله مب عشانه اخوتس امدحه لا انا اقول الصدق .. والله انه ماقصر معي عدني مثل اخيته

نوره اقطعت كلامها .. وش وش ياساره اخيته !!

لا يا امي خواته مايعاملهم مثلس ( اللي هي انا ونموش ..)

ياساره انتي حبيبته أي حبيبته اصحي يا حلوه هو يحبتس حب غير عن حبه لنا .. يا ساره عمري ماشفت وجه سعد كذا!!!

ساره .. اخ النوني تكفين عدلي قعدتي شوي

واسحبي وايرات الدرب ( المغذي)

نوره .. ابشري >> الاخت عدلت القعده وصحصحت معي ؟كل هذا عشان السوالف اللي تنعش القلب


ساره ..اي يا النوري الحب احساس يجنن خصوصآ اذا بادلس الطرف الثاني ..

نوره.. سوسو حبتس انتي وسعد روعه ؟

ساره .. اخوس اللي خلاه روعه

نوره .. والله اني جديه في كلامي عساني ما احسدكم ؟؟

ساره ... العين اذا جات منتس سالمين والله

نوره ...فديت روحتس .. انتي وياه ماتشوفون بعض الا من العطله للعطله ... واذا تقابلتوا كل واحت ملهووف على شوفة الثاني .. يا لبيه يا الشووق اللي اشوفه في عيونكم >> بس سبحان الله <<

ساره .. ونعم با الله بس ليه سبحان الله ؟


نوره ... شوق الرجال يلعب فيه لعب ..

ساره .. مافهمت كيف يعني

نوره .. انا اقولس يا العويبه كيف يعني >> تستعبطين وانتي اكثر وحده عارفه اللي يدور في بالي؟؟

ساره .. قولي احب اني اسمع حتى لو اني فاهمه

نوره .. اقولس >> يعني شوق سعد فاضحه واضح عليه مايقدر يخبيه >> هذا مهب نقص في حبتس له لا .. بس حنا يا البنات نقدر نخبي اشياء كثيره لان بيئتنا ماتسمح لنا نظهر مشاعر الحب


ساره اتنهد .. بس اذا الحب اكبر من سماح بيئتنا وش نسوي به ؟؟

نوره .. والله ياسوسو ما عندي جواب ؟ وش تبيني ارد عليتس ...


ساره.. نوره كل اهلي يدرون ان سعد يبيني ؟

نوره .. أي يدرون حتى عوال حارتنا !!

ساره .. اف يا نوره تظنين استاهل كل هالحب

نوره .. وليش عيوني ماتستاهلين .. والله ان سعد عرف يحب بدون مجامله ولا حاجه .. اجل تبينه يحب الجازي << عشان تنكد عليه عيشته ..


ساره... يمال المرض يا نويره وش جاب ذا الطاري امحق اسم اشهد اني ما ابلع بنت عمكم ذي ..

اخيه صدق .. يووه يوه مدانيها >> يا الله لا تعاقبني

بس وش اسوي المحبه من الله .. اما ذا المودميه ماتنزل من حلقي

نوره .. اسم الله عليس الرحمن الرحيم .. ماعليس منها .. وافديت اللي اشتب غيره ..

ساره .. يوه لا اشتبيت ولا شي وش جاب القمر عند النجوم

نوره .. كفو أي وبالله وش جابس عندها .. لا تحرقين اعصابس ارتاحي عشان نطلع بالقرب وقت ..


طق طق >> باب الغرفه <<

نوره ... من !!

الجده .. خطاتس السو يابنتي( وتبكي ) مالها قلب

ساره .. خطاتس الاش يالبيه ياجده وش قومتس

الجده .. يابنيتي وجيهتس غادي اصفر وتعيبينه !!

ساره .. افا يا جده مافيني الا العافيه وتاخذ يد جدتها وتحبها وتلعب في خواتم جدتها ( مثل ماتسوي قبل )

الجده ... لبيتس والله ماتغيرت حركتس تلعبين في خواتمي يومنتس بزر ويومنتس جذعه >> مراهقه<<

وللحين ... وجعلتس تلعبين بها وانتي عروس

ساره .. وش تبين يقول الرجال عني ذي خبله تلعب في خواتم جدتها


الجده .. لا يابنتي سعد مهب قايل عنتس ذا الكلام


الا صدق ترا سعد برا واقف ..

نوره .. بدري يا جده نسيتي سعد وحتى انا ما سلمتي علي بس معليه سويره كلها اسابيع وتروح الكويت تخليس عندي


ساره .. نوره شوفي سعد حرام برا

نوره تغمز لساره .. زين زين بروح اشوفه

نوره .. سعد سعد س ع د

مافي احد


الجده.. توه حاطني عند الباب ..

ساره .. جده وش تشربين !!

نوره .. كبتشينو وكيكة سينابون ؟؟الحمدالله وش تشرب جدتي يعني اكيد حليب الصافي واذا مافيه قهوه

ساره .. يوه وش فيس قلبتي علي توس وش زينس معي

نوره تضحك .. شفت كلهم مهتمين فيس الجده والاخ و العائله الكريمه .. ليه ما اغار ولا بدون مشاعر حنا ؟؟

الجده .. لبيه والله يا سميتي والله يابناتي قدركم واحد عندي ..

طق طق ( باب الغرفه)


سعد ..يا عرب ادخل ولا توقفوني عند الباب !

الجده .. ادخل يا وليدي ..

ساره .. تلبس لفتها وتحط طرف اللفه على وجها معدا عيونها ..وتعدل قعدتها ...


نوره ... حياك يا سعد ..


سعد والابتسامه شااقه حلقه .. الحمدالله على السلامه وماتشوفين شر يا ساره ..

ساره بصوت هادي .. الله يسلمك ويعافيك

ويسحب الكرسي ويحطه على طرف السرير عشان يقابل ساره

ساره .. بينها وبين نفسها ( عليك تفكير ياسعد روعه)

نوره .. سعد وين رحت عقب مادخلت جدتي ؟

سعد ... رحت فوق ادور لكم غرفه خصوصيه عشان ترتاحون فيها وكبيره وشرحه وفيها تلفزيون ووالحمدالله اليوم العصر بتطلع مريضه وتدخلون محلها ..

ساره .. ليه تعب حالك ماله داعي

سعد ... مابه تعب يا الغاليه ..

نوره تكلم سعد بصوت واطي >> الا عشان كل شوي تدخل علينا وفي أي وقت الزياره مفتوحه للغرف الخاصه !


سعد .. اهب يا ذا الخشه محد يعرف تفكيري غيرس انتي وساره ..


نوره .. أي اعجبك ! اعرف تفكيرك من كل النواحي واعرف تفكير سوسو ..


سعد .. لبا والله اخيتي اللي تعرف كل صغيره وكبيره بس يانوره شوفي لنا حل ؟؟ ابي اسولف واقعد معكم على راحتنا ..

نوره .. وش اشوف لكم حل !!

سعد ...افا وين اللي تفهم التفكير وتعرف !! ولا طلعتي خرطي

نوره .. افا عليك ازهلها يا ولد ابوي

ابشر بس انت ود جدتي البيت وعين من الله خير

وتعال على الساعه 10 الليل قدنا في الغرفه الخاصه واخليم انت وساره تسولفون على راحتم ..

امر وش تبي اكثر من كذا


سعد طاير من الفرحه ويلعب في مسباحه ..
نوره صدق اللي تقولين ..@@

اخاف ساره ماتبيني او منحرجه !!

نوره .. انت مالك دخل بس تعال وانا اسوي الباقي..

سعد .. اقول جده وش رايس نروح البيت نريح شوي ترا ظهرس تعب من قعدة الكرسي


الجده .. لا ياسعد خلني شوي اقعدمع ساره

سعد .. ياجده الله يهداس ماتشوفين ساره نايمه

خلينا نروح الحين وبكره نجي من الصباح

وعد مني اخليس عندها بكره لحد الليل


الجده .. اجل شورك وهداية الله ..


سعد وهو يبتسم ... نوره تبين شي قبل لا اطلع ؟


نوره .. لا فديتك جعل راسك سالم


سعد .. يا الله في امان الله بجيكم 10>>> اقصد بكلمكم 10 الليل


نوره .. ميته ضحك .. ننتظر اتصالك ياسعد ’؟’’


.................................................. ..


.................................................. ..

.................................................. ..


ساره ..
(توها قايمه ) نوره ! وين جدتي وسعد!!


نوره.. ياحلوه راحوا البيت من ساعه وربع ..


ساره .. اف اجل انا نمت كثير ؟



نوره .. أي فديتس من التعب


ساره .. راحت التعب يوم شفت عيون الغالي


نوره .. ياااااااااعمري على الرمنسيه (( اموت انا ))


ساره .. انا اشهد ان عيونه تشفي العله @@

نوره .. سوسو عندي لس مفاجأه ...


ساره.. مفاجأه !! ولي انا

نوره .. أي لس انتي

ساره .. وش علميني تكفين ..


نوره .. لبا روحس اكيد بعلمس >> سعد بيجي اليوم <<


ساره تضحك .. وش الجديد !! كل مره يجي

نوره ... ياحلوه هالمره غير بيجي يسهر ولحاله يعني مامعه احد


ساره ... وش تقولين يسهر

نوره .. أي يسهر ؟ ليش ماتبينه يسهر ؟؟؟


ساره .. نوره مدري وش اقولس


نوره .. وش ماتدرين ؟؟ وش اقوله لا تجي (( حرام عليس تراه مستانس حده ))


ساره .. لبا والله روح اللي مستانس ياعساه دوووم


نوره .. يعني اقوله يجي ..


ساره تبتسم ..كيفس


""ترقبوا الفصل الثاني""

السموحه على التقصير والفصل الثاني من الجزء الرابع بعد ما اخلص اختباراتي اكتبه ""