المنتدى :
الارشيف
((الفـــرح مـره سمعته قال ويـني؟؟__وإنقطع صوته قبل أنوي عناااقه))
بسم الله أبداء بداياتي
((الفـــرح مـره سمعته قال ويـني؟؟__وإنقطع صوته قبل أنوي عناااقه))
هذي قصه واقعيه حدثت لي وفي علمي الخاص وربما غيرت بعض الشئ منها وابي اشوف حماسكم معي وتشجيعكم لي
واخليكم معها ...
الجزء الأول:
تعريف عن شخصيات القصة الاساسين والباقي راح نتطرق لهم خلال سردنا للقصة...
الجد ابو "سعود" رجال كبير بالسن وعصبي ومايحب احد يعصي كلامه وشديد شوي.
الجده ام سعود:عنيده والي في راسها تسويه بس حبوبه وماتحب اتشيل بقلبها على احد
والى في قلبها على لسانها وصريحه جدا وتحب الخير لناس وتحب تسعد الي حولها ؟!
مـريم "البكر " عمرها 39سنه :وتزوجة ولد عمتها في لكويت وساره وحيدتها عمرها
17سنه في 11 ثانوي م وعقب ما ولدتها امها جاها مرض في رحمها واضطروا انهم يشيلونه وصارت عقيم وزجها يحبها بس تزوج عليها وعنده 3 عيال بنت وحده من زوجته الثانيه..
وضحى"عمرها 38 سنه وتزوجة ولد عمها في الشرقيه ومابينها وبين امها إلا نص ساعه وعندها سعد 23يشتغل في شركة ارامكوا السعوديه ولد وسيم ويحب المقناص وعاشق الشعر ورجولي ..
ونوره 17 سنه ثاني ثانوي كبر بنت خالتها ساره وهي وياها حيل مع بعض وكل وحده ما تخش شى عن الثانيه وإذا اجتمعوا محد يقدر عليهم ومشكلتهم مايتجمعون الا بالعطل وهذا الي قاطع قلبهم
نمشه:بنت عربجيهوكتومه ومايهمها احد فله القعده معها واذا قعدت مكان ما تسكت وتصرقع المكان عمرها 15 سنه اول ثانوي
سعودابونصار : 37سنه عصبي طالع لابوه عايش في الرياض
ام نصار "هدى" :بنت عمه
نصار: سمي جده عمره 20 في جامعه الملك عبدالعزين يدرس حقوق
خالد:عمره 15 ولد دجه عربجي ما يحب الدراسه ما ينجح الا بدز والحياه عنده لعب في لعب مستهتر الى الاخر
هيا:34سنه زوجها مات في حرب تحرير لكويت وعايشه في بيت ابوها؟ وجابت منه
ريما:عمرها 19سنه بجامعة الملك فيصل تخصص فزياء
ونوف "15سنه حملت فيها امها عقب وفات ابوها بشهر ونوف شخصيتها نفس شخصيت نمشه بنت خالتها والي يشوفهم يقول تؤام اذا ضحكوا ضحك الكل..
البدايه
الجزاء الاول
في المدرسه : الكويت
ساره وبيدها اوراق المراجعه: هلا بنات اخبار لمتحان
الجوري وهي متسنده على موضي: والله جبت العيد والله يستر
العنود:والله خليت كم سؤال ما حليته والله كيفهم محد خلاهم يصعبون لمتحان ليه شايفينا عباقره والله من كثر ما درست تشققت الكتب
فاطمه:والله من كثر ما تكتبين الاشعار عليهم انتي وجه دراسه
العنود وهي تحذف الكتاب علي فطوم:اقول انتي ان طمي ولا عاد اتحكين
الجوري وهي توقف بينهم :ياحاحوا انتي وياها اعقلن
ساره: هذولي حتي على اخر يوم يتهاوشون الله لا يبلانا
ساره :والله ما الوم العنود لمتحان كان صعب بس الله يوفقنا ننجح
ونفتك من الحادي عشر واروح السعوديه يا سلام والله اني مشتاقه لهم لجدتي فديتها
فطوم " وانتي ما تصدقين ان العطل الا وتفركين لسعوديه
الجوري:وانتي وش عليج منها خليها على راحتها
ساره وهي تلم جوري : الله لا يحرمني منتس
موضي:بنات اليوم اخر يووم لازم نقعد مع بعض ترا ما راح نطلع الا الساعه
12.30
الجوري: اخاف يجحتونا مع الباب
ساره لا ما راح يدرون عنا بنقعد بالصف فوق
البنات: اوكيه
موضي وهي تحط يدها علي بطنها بنات انا جوعانه خلونا نطلب
فاطمه :يا مال الضارب وانتي دايمن جوعانه زين بنطلب
ساره: بنات نبي معجنات
العنود:بنات وش رايكم نروح الجمعيه بلا معجنات وخرابيط
ساره وهي تحط يدها بمخباتها: والله مو شينه الفكره
فاطمه :اقول انتي وياها انطقوا بالا خرابيط
نطلب وبس
الجوري :زين يا حلوين منو بيجيب الطلب
العنودوهي تحط يدها على صدرها:افا عليكم هذي علي انا اخلي كماري اتجيبه
ساره : يا خطيره انتي
وكل وحده طلبت الي تبي
الجوري بنات متي توقعون النتايج
فطوم :اكيد بعد يومين
ساره :انشاء الله اذا ما حطوها بسافر وانتو بشروني بالنتيجه
الجوري : كل عاده قايله شى جديد
فطوم: اثقلي يا هوه
ساره وربي ما اقدر اعيش بدون جدتي كافي صارلي شهر ما شفتها حرام عليكم
العنود"قرد حضها خلوا لبنيه تستانس
ساره :انتوا لون تشوفون جمعتنا هناك كان ما تكلمتوا وانا من عندي في لكويت وبنات عمي مو كبري وش له اقعد وامي عند ابوي
دق تلوفون ساره:هلا والله مشاعل
مشاعل اخت ساره من ابوها :وينتس صارلي ساعه ادورتس
ساره انا فوق في صف 12/ع 1تعالي
مشاعل :يالله بجي الحين
الجوري: منو هذي
ساره هذي شعوله
الجوري:زين حطي جوالتس على الصامت لا تدخل ابله وتاخذه منتس
ساره وهي عاقده حواجبها: وش دخلها يعني شلون يكلموني اهلي كيف اطلع لهم
الا بدخلت مشاعل :مرحبا بنات
قامو سلمو عليها
مشاعل وهي اطالع ساره:يالله يا حلوه السايق برا
فاطمه:لا تو الناس
ساره:شعوله ضبطيني قولي عندها فتره ثانيه
مشاعل :ابشري من عيوني كم سوسو عندي
ساره :والله وحده فديتس يا شعولتي
شعوله:زين يا حلوه متي بتشرفين البيت على شان اطرش السايق
الجوري: الساعه 12/30 خليه يجي
مشاعل وهي تلبس عباتها ونقابها اوكيه خلوني اسلم عليكم قبل ما اطلع
سلمت علي البنات وطلعة
وقعدوا البنات ضحك وخبال الا ما جات الساعه 12/30وانزلوا تحت راحوا البنات
ما بقى الا الجوري
الجوري اقرب صديق الى ساره وصارلهم 7 سنوات
الجوري: سوسو قبل ما تسافرين عطين خبر
ساره:انا من متي اسافر ما اعطيتس خبر يا بعد شبـــــدي والله
الجوري :والله بشتاقلتس
ساره مو كثري يا رفيقت دربي
لا وبجيت سواق ساره وراه سيارت اخوا جوري
وسلموا علي بعض وراحوا ابيوتهم
ســــاره وهي تقط عبايتها عند باب الصاله: الا امها وعمتها مرت ابوها وابوها جالسين بالصاله
ساره وهي تناقز :الله خلصت امتحاناتي ارتحت
وتحب راس ابوها وامها وعمتها
وقعدت جمب امها :يمه متي بنروح لجدتي واشتقتلها
امها :انشاء الله بعد نتايجكم
ساره وهي معصبه :ليش يمه مو لازم صديقاتي بيعطوني خبر
امها:لا يابنيتي حتي اهل السعوديه ما خلصوا اختباراتهم
ساره بترجي:يمه بعداربع ايام يخلصون وش علينا منهم
امها:لا يعني لا افهمي
ساره وهي تشيل عباتها وعاقده حواجبها:اوف ليه كذا يعني
ابوها يمسك يدها "ليه يا بنيتي معصبه افرقت كم يوم يعني على شان تستانسينى مع بنات خالتس وتجهزين امورتس على راحتس
ساره وهي تحب راس ابوها :صدقت يبه
وراحت فوق الا وحمد نا زل من الدرج يسلم عليها مرحبا سويره
ساره مالها خلق له:مراحب
حمد: يا جيكره وش فيج معصبه ترا خلصنا امتحانات
ساره :اقولك انقلع عن خشتي لا انفجر بوجهك
حمد وهو يحط يده على اذنه:لا اروح ابركلي قبل لا يصير انفجار باي
راحت غرفتها وصكت الباب بقوه: قعدت على سريرها وطلعة من تحته صندوق ذكرياتها
وقعدة التصفح الورق الا وشافت اوراق قديمه من يوم كان عمرها 11سنه رساله من
ولد خالتها سعد راسم فيها قلب حب كبير وحاط حرفه وحرفهاS
وتضحك والله ايام ما تنسى والله ما علقني فيه الا جدتي
الجده من يوم ما كان سعد وساره صغار وهي تغول ان سعد لساره
يا حلوتس يا جدتي
ساره وهي تنبش بالصندوق شافت تذكرة العاب لحديقه في الشرقيه وهي التذكر
كانت قاعده عند جدتها بالصيف وامها مسافره وجات خالتها وضحى وخذتها مع عيالها
للحديقه وكانت تلعب مع نوره وسعد
وخالتهم نادتهم علشان يرجعون البيت راحت نوره لمها وسعد مسك ساره عطاها التذكره
سعد:ساره امانه خلي التذكره ذكراء عندتس
ساره:انشاء الله وحطتها في مخباتها
وراحوا البيت
الا وطق باب غرفتها ساره تخرعة :منو عند الباب الا امها دخلت
ساره وهي اتحط الاوراق في الصندوق :هلا يمه
امها:ازلي تغدي
ساره وهي تنسدح على السرير :لا يمه مو مشتهيه بقولي اذا قمت كليته
امها :على راحتس
ساره :نامة
في هل وقت في السعوديه بتحديد بيت ام سعد
سعد توه راجع من الشغل :مرحبا نوره
نوره وهي اطالع التلفزيون:مراحب سعود
سعد وهو يجلس جمب نوره:نوره شخبارتس مع لمتحانات
نوره :ماشى الحال
سعد ليش قاعده ماتدرسين
نوره:والله امتحاني سهل بكره ودرست وخلصت وش عندك تبي شى
سعد:الا اهل لكويت عطلوا صح
نوره وهي تغمز له :والله انت ادراء
سعد بعصبيه:وش دراني
نوره رافعه حاجب ايه خلصوا ليه في شى إن اشاء الله
الا سعد دق جواله
سعدوهو يقوم:ارحبوا والله
محمد ولد عم سعد وصديق عمره يدرس في امريكا حقوق:والبقى يا سعودي
سعد:لبا الصوت والله
محمد وهو يصايح:سعود بـــــــــــــــــارك لي صـــرت بابا
سعــد: ألــــــــــــــــــــــــــف ألـــــــــــــــف ألـــــــــف مـــبروك تستاهل والله بس ولد ولا بنت
محمد:بنت زي القمر
سعد: الترباء بعزك النشاء الله بس وش راح اتسميها
محمد:والله الجازي شارطه على شرط اني اسميها عليها وما اقدر اردها تعرف اختي الوحيده
سعد: خير ما سميت
محمد :تسلم يا قلبي وعاد تشطر واعرس نبي نشوف عيالك وتراك كبرت يا خوي
سعد وهو يضحك:يا ولد تو الناس علينا انطر كم شهر اتقدم واتزوجها
محمد:الله يوفقك يا خوي الا والله مشتاق اطلع معك للقنص
سعد:ابشر ابعزك لجيت رحت انا وياك
محمد :إن اشاء الله بعد 3اسابيع برجع لسعوديه انشاء الله
سعد: اترد بالسلامه
محمد: تامر على شى سعود
سعد:لا سلامتك انت وكتكوتك الجازي حبلي ايها
محمد :ابشر ما طلبت شى
سعد:مع السلامه
محمد:مع ألف سلامه
سعد راح لغرفته يبدل ويتروش
سعد :وهو حاط راسه على مخدته وماسك جواله:رسل لخالته مريم بيت شعر
من اشعاره
***يحن قلبي للحبايب ويشتاق...
والشوق يرسم طيفهم في منامي
<<<أحبـــــــــــــــــــــــهم>>
وأســهر مع الــحب تواق
فيهم حديث النفس وأحلى كلامي
لو يعرف المحبوب قدره بالأعماق
ما يبتعد عن وصل خله ثواني!!
*************
وفي نفس الوقت كانت ساره منسدحه مع امها
على السريرها
الا وجاء مسج على تلوفون امها قالت امها ساره شوفي منو داز مسج
ساره خذت التلفون
وانصدمه يوم قرت لاسم اسم سعد
وقرت الشعر
ساره بينها وبين نفسها: والله عندك حركات يا سعود مو هين والله احس ان امي شاكه فيك على هل مسجات ولا بعد من اشعارك
امها:منو الي داز
ساره برتباك لا يمه الشركات وخرابيطهم
امها :امسحيها هذوالي فاضين يدزدزون على خلق الله
ساره انشاء الله ودزتها لتلفونها
وهي حاطه حافضه لاشعاره بتلفونها
في يوم النتائج
يدق تلفون ساره :ساره وهي فاتحه عين ومسكره عين الا الجوري الدق عليها
ساره وصوتها مختفي من كثر ما النوم متغلب عليها:هلا جوري
الجوري وهي تصارخ:يا بــــــــــــنـــت النتائج اطلعت
ساره" بشري انشاء الله ناجحين
الجوري:لا ما شفتها قومي خلينا انتواجه اهناك
ساره: جوري مالي خلق اقوم
الجوري وهي تصارخ:قووووومي اخلصي علي والله مو هامج
ساره لا خلاص بقوم نص ساعه واطلع
جوري: اذا طلعتي عطيني الو
ساره:زين يالله باي
جوري :باي
ساره نازله عند امها :الا شعوله بوجها صباح الخير سوسو
ساره ما لها خلق :صباح النور
شعوله:بتروحين معي انشوف النتائج
ساره :يعني وش رايتس اكيد بروح
شعوله:لا تعصبين يالله البس عباتج
ساره: اطلعي وانا الحقتس
شعوله لا التتأخرين
ساره :زين
البست عباتها وطلعة
دقت علي جوري :الوو جوري انا طلعة
جوري :يالله حتي انا طالعه
ساره:انا خايفه من النتيجه
جوري:لا يا قلبي انشاء الله زينه
ساره الله يسمع منتس
وصلوا المدرسه والحمد لله انجحوا كلهم
كانت نسبة ساره 83.9 وجوري 85.2
وكانت الفرحه مو شايلتهم
ساره: رجعت البيت وراحت ركض لمها وضمتها :يمه باركيلي
نجحت ونسبتي حلوه
امها وهي تضمها:ألــــــــــف مبروك يا بنيتي وانشاء الله اتجيبن نفسها السنه الجايه
ساره: امين الله يسمع منتس ماما ابي دعواتس لي انتي وابوي
امها: الله يوفقتس يا بنيتي
ساره: يمه الحين متي بنروح السعوديه ترا مليت
امها انشاء الله بعد بكره
ساره بفرح:انشاء الله
امها :انا بروح السوق اليوم اشتري الخوالك هداياء وش رايتس تروحين معي
ساره:وانا كم مريومه عندي من عيوني
امها :تسلم عيونتس يا عيوني
راحت ساره ركض لتلفونها بتكلم نوره الي وحشتها وصارلها سبوع ما كلمتها علشان الامتحانات
ساره دقت علي تلوفون نوره
نوره مخليه تالفونها بالصاله وهي نايمه بغرفتها وكان سعد قاعد بالصاله
تلفون نوره يـــدق :
ساره: اوه هذي اشفيها ماترد
راح سعد وخذ التلفون الا المتصل ((دنيتي ]سوسو[((
ورد
ساره بكل حماس:مرحبا ومسهلا بقلبي والله
(((سعد لبا والله الصوت الي يرد الروح)))
سعد: هلا والله ساره
ساره انطرمت مو قادره اتكلم والله وشتقت لصوتك اه اميزه عن ألف صوت
سعد:اسف بس كان التلفون عندي ويدق قلت خلني ارد لا إن نوره نايمه
شخبارتس ساره
ساره وهي تبلع ريقها :طيبه مع السلامه
سعد:ساره
ساره: خير
سعد :ليش معصبه بس ابي اسأل متي خالتي بتجي لنا
ساره بلعانه:مدري وصكت التلفون
ساره وهي لامه التلفون بيدها الثنتين ياربي انا وش الي سويته
سعد: استرخاء على الكنبه ياربي ليش اسلوبها معي كذا
بس انا الغلطان ليش ارد استاهل
بس حتي لو مفروض ما تكلمني كذا بس وربي صوتها يرد الروح فديت الصوت والله
ساره : الله ياخذتس يا نوره كله منتس يا فشله والحين وش راح يقول عني
نمشه دخلت الصاله ولقت سعد منسدح على الكنبه وماسك تلفون نوره
نمشه وهي اطق الطاول بقوه :قوه سعد
سعد تخرع ومسك الريموت احذفه على راس نمشه:كم مره اقولتس لاعاد اتروعيني
نمشه: هي تمسح على راسها من طقت سعد بالريموت :والله يا حلو محد قالك تقعد بالصاله
صارلي ساعه انا ديك ما ترد علي
سعدوهو يعدل قعدته: خير وش عندتس يا ست الحسن والدلال
نموش: ابوي يقول روح اشتر خروف علشان يمكن بكره ايكون عندنا عشى
سعد :حق منو
نموش :حق خالتي مريم بيجون بكره ولازم اترزز عند خالتي يا حلو
سعد وهو يدز نموش: انقلعي بس خليني اروح لبوي ابرك لي
سعد دخل علي ابوه في المجلس:حب راس ابوه
هلا يبه امر تبي شى
ابو سعد:ابيك اتجيب لنا ذبيحه بكره خالتك بتجي ابي عشاهم قدامهم
سعد : ابشر بعزك
اليوم الثاني
ام سعد :الو هلا يمه
الجده:هلا فيتس وضحى
وضحى :يمه ترا اليوم عشى مريم عندي ولازم تجين
الجده:ليه مريم جات
وضحى :لا ماجات بس انا قلت لها لزم تجي عندي وعشاهم اليله عندي
امها ابشري انشاء الله بجي
وضحي: يمه علمي هيا وسعود وابوي
امها ابشري انشاء الله
ساره: وهي من سدحه في السيت الثاني : يمه كم كيلوا بقي
ابوها :نص ساعه وحنا عندهم انشاء الله
ساره عدلت قعدتها وطلعت من جنطتها المكياج
وحطت مسكره وكحل ابيض طاخل عيونها وكحل اسود على اطراف عينها
وروج فوشي هادي وبردت خدود فوشيه كان شكلها ناعم وحلو وهادي
ولبسه خواتمها وكسسوراتها ولابسه بنطلون جنز وبدي فوشى طويل
وصلوا عن بيت خالتها وضحى
وكانوا واقفين الشباب خالد ونصار وسعد عند الباب
دخلت امها وكانت ساره راحت التشيل جنطتها كانت ثقيله وعند الباب قابلها سعد وعط يده علي الجنطه
الجـــزاء الــــثانــي
((ســـــــــــــــــــاره))
وكان طرف اصبعه الاخير على يدها
ساره حست برعشه ووخرت يدها
ارفعت عينها والا عينها بعين ســـــــعد
اه اه اه اشتقت لعيونك واشتقت لسوالفك وقعدتنا مع بعض ليت الطفوله تنعاد(( في خاطرها))
صارلها فتره وهي حاطه عينها بعينه ونزلت عينها بسرعه
يا فشله وش بيقول عني الحين
(( ســـعـــــد))
لبا والله العيون المكحله والرمـــوش الكـــثيــفه ولبا كلتس يا دنيتي والله
افا ليه تحرميني من عيونتس نفسي اصايح بأعلا صوتي واقول
مــــــــــــــــشـــــــــــتاق لـــــــتس
ســعد وهو يقرب شفته عند اذن ساره ويهمس :تو ما نورت الشرقيه
وياخذ الشنطه منها
ساره وهي تروح : بوجود أهلها
الا خالد قاعد عند مغاسل الرياجيل وهو يضحك:سعد وش قلت للبنت
سعد وهو يلتفت وراه يدور هذا من وين طلع له:خير وش دخلك
خالد وهو يدخل في مجلس الرياجيل ويأشرعلى الباب :هذا الي دخلني
سعد : خذا الشنطه حطها عند باب الحريم
مريم دخلت ولا بوجها وضحى اختها:يا هلا والله بأهل الكويت ارحبوا والله.. وتسلم عليها
مريم: يا مرحبابكم والله لكم وحشه
وجاو البنات (( ريما .نوره .نمشه .نوف))
وسلموا على خالتهم
ريما بستغراب : خاله وين ساره
الخاله: وراي اتجيب الشنطه
نمشه وهي تغمز :وش عندها كل هذا تشيل الشنطه ما صارت
الا ادخلت ساره
نوره وهي تركض وتلمها:يامرحبا يا خراء اشتقتلتس مررره
نوره وهي تلمها اكثر : والله حتي انا والله فقتتس هل الاسبوع
ريما وهي تسحب نوره:يا هيه بقولي شوي
وسلموا على بعض وهم رايحين الا سعد يطق باب الحريم
راحت نمشه تشوفه وش يبي
سعد وهو يمدلها الشنطه: اخذي شنطة خالتي وديها فوق
نمشه وهي تضحك:هاهاها لا غلطان مب حقت خالتي حقت بنتها
سعد يسوي نفسه ما سمع ويروح ويخليها
نمشه:خذتها وددتها غرفت نوره
ساره راحت اتسلم على خالتها وجددتها ومرت خالها
ساره وهي قاعده جنب جددتها وهي ماسكه يدها تحبها:والله اشتقتلتس لبا عميرتس ..
نوف: جده تراها تجاملتس لا تصدقين
الجده وهي اتطق نوف بالعصاء: وانتي وش محرق مرارتس
ساره وهي اتحر نوف :طاح وجهتس لقطيه يالله
نوره وهي داخله عليهم : يا بنات قومواا خلونا نقعد بالصاله الثانيه
قاموا البنات وراحوا
نمشه وهي تغمز حق ساره:وش عندتس تأخرتي وما دخلتي علينا بسرعه
ساره وجها احمر :كنت انزل الشنطه
نمشه :اكيد انتي الي جبتيها ولا قابلتي احد وخذاها منتس
ساره اتضيع السالف وتلتفت حق ريما: لملم كم باقي على عرستس
ريما:باقي شهر و16 يوم
ساره وهي مصدومه:يعني ما بقي شى عليه وانا ما فصلت
نوف:حتي حنا ما فصلنا ا ن شاء الله الاسبوع الجاي متفقين ان كلنا نروح مع بعض
ساره زين حلو علشان اروح معكم
ساره : لملم ما شريتي ثوب العرس ولا توس
ريما :الا .. بس لا للحين ما خلص
ساره : منين فصلتيه
ريما : في الرياض عند المصمم (........)
ساره : هذا حلو تصميمه حتي أهل الكويت يتكلمون عنه روعه
ريما : ايه والله تصاميمه اجنان
وقعدوا ايتقهون
الا ادخلت الجازي بنت عم نوره ونمشه
نوره وهي تسلم عليها :مرحبا والله بالجازي
والجازي اتسلم على ساره ومالها نفس:هــ ــلا مــ ــرحــ ـبا بلكــ ــوتـ ــ ــيــ ـه
ساره : الله يحيج ويبقيج <<< ساره اتعمد اتكلم كويتي علشان اتغثها
سلمت على البنات وقعدت
البنات ساكتين
الجازي قاعده اقبال ساره اطلعها من فوق لين تحت
((الــــــــجــــــــــــــازي))
والله اللعينه صايره حلوه مشاء الله على الشعر الي مغطي ظهرها مسويه
استريت وحاطه بف خفيف ولا هالنوعومه<< مالت على مدفشه في عمري
هذي وهي ما حطت مكياج وحلوه واكيد سعد بحط عينه عليها جعلها
ما تهنا فيه مالت عليه ما فكر في بنت عمه بس انا اوريتس ان ما فقعت كبدتس ما كون بنت عبدالله
نوره اتصب القهوه للبنات صبت للجازي
الجازي:لا يانوره انا ما اشرب قهوه مب زينه لنا تراها تضر العقل وتراها من المنبهات
نمشه:توك الاسبوع الي طاف شاربتها معنا الحين صارت مب زينه
الجازي قمط وجها:ايه يا حبيبتي توني دريت والافضل اني اهتم بصحتي
نوف : الله يدومها من صحه عليتس
الجازي : ساره شخبار نتايجكم ان شاء الله نجحتي
ساره: الحمد لله نجحت
الجازي :كم نسبتس
ساره:83.9
الجازي:الله نسبتس مب حلوه الله يعينتس السنه الجايه وش راح اتسوين الله يعينتس على ما بلاتس
ساره : مب حلوه اذا انا كنت في السعوديه بس عندنا فوق الحلوه وادخلني الجامعه ونص على بالج نفسكم
نسب قبول جامعاتك :85 وحنا 74 يعني فرق كبير ولو اني عندكم كان جبت 100% لان دراستكم سهله عندناا ..اما حنا ناخذ فرنسي وفلسفه وعلم اقتصاد وعلم اجتمااع.. الخ.. وحتى الرياضيات في الادبي معنا..
(( الجـــــــازي))
الله ياخذ عمرتس والله واتعرفين اتسكتيني يا بنت مريم بس انا وراتس والزمن طويل.....
ريما: الجازي كم نسبتس يوم تخرجتي <<< تبي تردها لها
نمشه ردت بدالها تبي تفشلها:81
الجازي : اصلاآ انا ما كان ودي بالنسبه وفي نفس السنه كان متوفي ابوي واذا تخرجت حالي حال غيري
مصيري بقعد بالبيت فا ليش اتعب نفسي
ريما : بالعكس اهم شى الشهاده اخذي الجامعه واكيد ربي بيفرجها عقبها وترا الشهاده سلاح للانسان
في مجلس الحريم
ام سعد: مبروك ما جاكم يا ام محمد
ام محمد(ام الجازي)): الله يبارك في عمرتس
ام ساره :وش جاء على محمد
ام محمد : بنت وسماها الجازي على اخته
هيا: تستاهل الجازي من يسمي عليها
ام نصار:يا حرام وهي منو ينفسها في غربتها ما عندها احد
ام محمد: ان شاء الله انا و امها بنروح لهم على الاسبوع الجاي
الجده :اتروحون وترجعون بالسلامه
في امـــــــريكــــا وبتحديد في (( ولاية ميامي))
بيت محمد
محمد وهو يفتح باب بيته :توا ما نرور البيت
تهاني بصوت تعبان: منور بوجودك
محمد يدور في بنته :هذا اول يوم تدخلين بيتنا
تهاني وتمسكه مع يده:حــرام عليك البنت توها ما صارلها 5 ايام شوي شوي عليها
محمد : اول انتي روحي ارتاحي وما لك شغل في بنتي
تهاني وهي تا خذ الجازي من يده خلني اغير لها ملابسها
وراحت وغيرت لها ملابسها
تهاني وهي مسترخيه على السرير والجازي جنبها
إلا محمد دخل وقعد جنب تهاني ويحبها على جبينها
الحمدلله علي سلامتتس يا الغاليه
تهاني خانقتها العبره: الله يسلمك
محمد يده على شعر تهاني : والله مدري شلون عشت بدونتس 5 ايام احس اني في غيبوبه
امشى مسبه ومو مصدق اني صرت ابوا احس اني اتحلم
اول ما طلع الدكتور وقالي انتس بخير وجبتي بنت قعت اضمه واحبحبه لا شعورينا الي يشوفني
يقول مرجوج احس اول مره افرح كل هالفرح مب مستوعب
تهاني قعدت تبكي((حساسه حيل ))
محمد انتبه لدموعها وكانت حابسه انفاسها
محمد وهو يعدل قعدته : حبي وش فيتس افا ليه تبكين
تهاني:بدون صوت .................
محمد : اتحسين في شى يعورتس تبيني اوديتس الدكتور
تهاني وهي تبلع ريقها: لا ما فيني شى
محمدوهو يمسك يدها: اشفيتس يا قلبي
تهاني: ابي امي مشتاقه لها والقعده معها
محمد : افاء صرتي بزر والله بتجي الاسبوع الجاي مع امي لان ما في حجز الا الاسبوع الجاي
ولا ما تبيني مليتي مني
تهاني: محمد ابي اكلم امي
محمد وهو يضمها لصدره: يا قلبي زين بتكلمينها بس بكره مو الحين الحين ارتاحي ولا قمنا خليتس اتكلمينها
تهاني استرخت على السرير
محمد وهو يغطيها : يا قلبي نامي وانا بنام بالصاله اذا بقيتي شى بس ناديني وانا اجي
تهاني وهي تسمتك يد محمد الي كان بيطلع: اسفه اذا ضايقتك
محمد وهو يحبها على خدها:لا انتي بس زعلتيني كل هذا ما تبيني مليتي مني ...
لا ترا اضحك معتس لا ضايقتيني ولا شى يا قلب حمود يالله نامي ريحي جسمك وطلع من الغرفه
((تـــــــــــــهــــــــــانـــي))
والدمعه على خدها اخ اخ اخ يا يمه اشتقتلتس يمه الغربه تذبح وتقطع القلب
وينتس يا الصدر الحنون وينتس في اول طفل لي تعذب يا يمه اول حمل لي وما كنتي معي
منو الي بيقوم فيني ما اعرف شى عن الولاده ولا النفاس وحتى بزري والله ارجف وانا امسكه .. تمنيتس معي علشان اتخففين الامي وتواسيني
وتنسيني التعب اااااااااااااااخ يا يمه حسيت بالأمومه الحين حسيت بقلبتس تغرب علشان محمد
وحولت اصارع الالم علشانه وماحبيت انه يحس فيني ما ابي اضايقه وازيد همه
صارلي سنه و3 اشهر وانا ما شفتكم واشتقت لبوي واشتقت اتقهوا معه الصبح واشتقت
لغريفـــــــتي ولممكلتي يايمـــه ليتس تسمعيني الغـــــــــــربه ذباحه مره ((بس لجل عين
تكرم الف عين))
ونامت ودمعها على خدها
محمد وهو يفرفر باهل قنوات
((مـــحمــد))
وربي مب جايني نووم انزل للكوفي شوب اشربلي قهوه احسلي
راح لغرفته علشان يبدل ملابسه
دخل راح عند السرير علشان يتطمن على تهاني وبنته
ولا الجازي مفتحه عيونها الصغار خذاها ويومه وصل عند الباب
تهاني: محمد وين ما خذ البنت!!
محمد وهو شايل الجازي ولتفت لتهاني:ابي العب مع بنتي
تهاني صوتها تعبان:لا حبيبي تعال ردها مكانها هذي مب لعبه وانت فاتح البلكونه اخاف يلفحها هواء
محمد وهو معقد حواجبه : لا بنتي وكيفي
تهاني : لا حمود حرام عليك لبنيه توها صغيره اخاف اتطيح من يدك
محمد بعناد: كــــــــيـــــف وطلع وخلاها
وراح لصاله وفك لفتها الي ملفوفه عليها وقعد يلعب معاها
تهاني وهي تنزل من السرير ويا الله يالله تمشي لين وصلت الصاله
محمد كان حاط بنته في حضنه وشكله مو مقعدها عدل يعني شوي وطيح على الارض
الا اصرخت تهاني: مـــــــحمـــــــــد البنت بطيح
محمد ينتبه لبنته وقعدها عدل: اشفيتس يا مره روعتيني وانتي وش امقومتس من افراشتس
تهاني وتحت عيونها سواد وكان شكلها تعبانه حيل : اشتقت لك!
محمد يحط عينه بعين تهاني: والله مشتاقه لي وريني عيونتس
تهاني تقرب منه وتحط يدها على عينها : شفت وش كثر اشتقتلك
محمد قعد تهاني جنبه ولمها بيده اليسار : والله انا اللي اشتقتلك
في بيت ابو سعد
سعد يدق على نوره تلفون
نوره:هلا سعد
سعد :يالله عشاكم ما خلاص
نوره : إلا خلاص تعال اخذه
سعد يالله جايكم
نوره راحت للبنات علشان تقولهم يتغطون لان الصاله قبال المطبخ
البنات تغطوا
سعد : احم احم يا عرب يا هوه
نوره سعد ادخل ما فيه احد
سعد كان لابس ثوب ابيض سعودي ومتعيصب
ومكتف اكمومه
دخل
((ســــاره))
اموت انا على العصبه ياويل تسبدي الولد ذا يذبحني برجولته جعلني ما انحرم منه يا ربي
تذكرت يوم كانت صغيره
كانوا جاينهم في الكويت
وطلعنا طلعت بحر وكان عمي مبارك معانا هو واهله
سعد وفهد ما يدانون بعض القطو والفار اذا تقابلوا
لاحد اليوم يكرهون بعض
وكان لعيال يلعبون كوره وسعد كان في فريق
وفهد كان في فريق لانهم مستحيل ينحطون في
فريق واحد
وانا وبنات خالتي وعمي نلعب
إلا فهد حذف الكوره علي بقوه متعمد علشان يحر سعد
وانا احس الدنيا صارت الواااااان ما قعت اركز وش الي انحذف علي
إلا فهد الدب ينحاش واشوف سعد يركض وراه وطقه طق الحمير
يا كرهي لفهد
وانقطع حبل أفكارها لان البنات بضحكتهم .. ها ها ها ها
ريماوهي تضحك: الولد راح وصارله ساعه وانتي لا لحين متغطيه
ساره حمر وجها: نسيت
نوره :ولا كنتي سرحانه
نمشه: الي ما خذ عقلتس يتهنابه
ساره وهي ترفع يدها : اللـــهم امـــيـــن
الجازي تبي تخرب عليها
الجازي وهي اطالع ساره:يا حليل سعد ذاك اليوم كان عندنا وكنت ابي اروح السوق
والسياره تعطلت ويوم دراء سعد إني كنت ابي اروح السوق وتعطلت السياره
قال محد يودي بنت عمي إلا انا واناأستحيت اروح معه وخذيت امي معي
والله طول الطريق وهو يطالعني بالمرايه والله اني أستحيت من نظراته
ولا مشغل اغنية مخاوي الليل (( اصدق معاذيري))
ان كان حبي لك هو اعظم خطاي...
ماقول يانفس عن الحب توبي ...
نمشه وهي تضحك : يا حلوه اصلاآ سعد مستحيل يشغل المسجل ومعه حرمه كبيره وحتي امي الي هي امي ما يشغله اذا كانت معه
الجازي وهي معقده حاجبها: ليه يعني اكذب عليتس
نوره وهي تسكت اختها : لا ما عاش من يكذبتس يا بنت العم
نمشه : يمكن انتس اتحلمين
وتضحك نمشه مع نوف
وساره وريما فيهم الضحكه بس ما سكينها
الجازي تفشلت وحست انهم يدرون انها تكذب
ام سعد: يالله يابنات قموا تعشوا
البنات قاموا الا ساره
نوره : يالله ساره قومي تعشى
ساره : لا نوره وربي شبعانه
نوره يا حبي ترا امي بتذبحتس قومي
ساره : وربي مو مشتهيه في الطريق ما كله
ام سعد: ساره يا حبيبتي قومي تعشى
ساره : لا خاله فديتس شبعانه توني ما كله في الطريق
ام سعد : براحتس يا بنيتي
نوره قعدت جنب ساره: سوسو لايكون اتصدقين كلام الجازي تراها محتره منتس وما عندها ما عند جدي
ساره والعبره خانقتها: ادري يعني هذا شى جديد بس والله غثتني وانا وش سويتلها
وربي ما قد سويتلها شى ليه تكرهني وليه تحرني حرام عليها ما تحس هذي ولا مب ادميه
نوره: فديتس هذي بزر ومحتره منتس عطيها على قد عقلها
ســاره بعصبيه:اذا عن سعد وهي ميته عليه تأخده وتهنا فيه بس ما تغثني واذا على قولها انها يحبه اتهنا فيه ما راح اموت عليه
نوره: انتي صاحيه وش ذا الكلام وربي لو يدري سعد انتس قايله كذا وربي يزعل عليتس
ساره وهي قايمه
نوره مسكت يدها : على وين رايحه
ساره :بروح الحمام (( عزكم الله))
زين اذا خلصتي تعالي فوق بغرفتي ابيتس
إن اشاء الله
في مجلس الرجال
اخلصوا من العشاء
ابوي سعد : سعد روح فوق لغرفتي وجيب من التجوري العود وخلهم يشبون جمر بسرعه
سعد: ابشر يبه
سعد يدق على امه
ام سعد: هلا سعد
سعد : يمه شبوا جمر ترا بروح فوق اجيب العود شوف لي درب
ام سعد:ما فيه احد فوق كلنا ان تعشاء والبنات مسوين رجيم في الغرفه
سعد:يالله مع السلامه
رقااا فوق
ساره حست احد وراها
لفقت ولا شافت سعد واقف عند باب غرفة ابوه ويطالعها
كانت مسويه شعرها استريت وبف خفيف وحاطه روج وردي
ولابسه جنز وبدي طويل وردي علي صورت بنت
كان شكلها ناعم
كان شكلها معصبه وما لها خلق اطالعه ودخلت الغرفه بسرعه وصكت الباب بقوه
((ســــــــعد))
ما شاء الله والله وكبرتي يا ساره وكل يوم عن يوم تحلوين
يوم صكت الباب انصدم
افاء ليه شكلها معصبه اكيد فيها شى الله يستر
الا تلفونه يدق
سعد : هلا يبه
ابو سعد بعصبيه: وينك اخلص علي جيب العود جاء الجمر ولا جبت العود
سعد : ابشر هذا انا جاي
في غرفة نوره
نوره : ساره وش فيتس صكرتي الباب بقوه
ساره وهي تسترخي على سرير نوره: لا شفت هذا اخوتس
نوره بصدمه: ليه اخوي ما له اسم
ساره: اسفه نسيت اسمه
نوره : اموت انا على الغيره هذا وانتي ما بعد خذيتيه وتسوين كذا
ساره : اقول اسكتي احسن لتس ومالت عليتس وعلى بنت عمتس زين
وعطتها ظهرها وتغطت
نوره وهي تسحب الغطاء من ساره: سوسو لا تصيرين سخيفه واخوي وش دخله
ساره : هذا ذنبه مب ذنبي
نوره: حبيبتي لا تخلين الجازي اتنكد حياتس يا ذكيه ولا تخلينها تحرتس اكسري عينها واقهريها بصمت صدقيني اتموت قهر و ما قالت كذا الا تبي تقهرك وانتي خليتيها اتسوي الي في راسها
ساره : والله يا نوني ما اتحمل كلامها احس اني احترق من داخل مدري ليش
نوره : زين ليه صكيتي الباب بقوه وسعد شافتس ولا لا
ساره : كان واقف عند باب غرفة ابوتس وصكيت الباب بوجهه لاني كنت مقهوره منه
((ســــــــاره))
ليه أنا سويت كذا هو وش ذمبه معقوله إني اغار عليه كل هالغيره ولا علشان الجازي قاهرتني معقوله كل هذا الحب له والله مدري وش ذا الاحساس مره اتعلق فيه ومره عادي بس كله من جدتي فديتها من يوم كنا صغار وهي محببنتنا في بعض يعني علشان كذا
الباب يطق بقوه ودفاشه
نوره :اكيد هذي نوف ونمشه الدفشات عز الله هذي حركاتهم لمهبل سبحان من خلقهم الله يكون في عون رياجيلهم
ساره : نوره افتحي الباب بينكسر علينا ولا بعد من زين الصوت يغنون بعد ارحمونا الله يخليكم
نوره وهي تفتح الباب: خير يا عرابجت الحاره
نمشه وهي تمسك طرف بدي نوره وتخشن صوتها:انتي خليك على الشمال ودزت نوره
نوره وهي توخر نمشه بقوه: اقول لحد يصدق عمره امرحي احسلتس لا افقع وجهتس الودر
نمشه وبغشمره : لا يمه خفت يا الدفشه بتفقعين وجهي !!
نوف اتشغل الاستيريوا : يالله هستروا مشتهياء ارقص
وقاموا البنات يرقصون إلا ادخلت ريما
ريما : يا عيني على الطربانين ياي شخباري من زمان ما رقصنا
(( في هالحضاات اللي براسهم طلعووه كله))
سولفوا واستانسوا وخلصوا وصارت الساعه 2 الفجر
الا طق الباب
نوره اطفي المسجله
وفتحت الباب إلا سعد عند الباب
نوره : وش بغيت
سعد وهو شايل الاكياس بيده: اخذي هل اغراض
نوره خذت الاكياس:وش هذا
سعد: هذي خرابيط لسهرتكم كنت بالبقاله وقلت اجيبلهم معي لاني اعرفتس بدقين على وتقوليلي جيب قلت اجيبهم معي احسلي
نوره وهي تغمز له: اها علشان الحبايب عندنا اتشيحط يا حلو
سعد حمر وجهه :إلا اشفيهم اليوم مو على بعضهم وشكلهم معصبين
نوره : اتعرف سوالف الجازي الي تغث ساره سوسو حسساسه ازياده على اللزوم
سعد وهو معقد حواجبه : هذي وش قالت بعد شكل ذبحتها على يدي
نوره : يا ولد تخربط على روسنا ؟؟ !! يالله تأخرت على البنات
نوره وهي تحط الاغراض جنب ساره : هذي حبيب القلب جايبها لتس مخصصه
ريما : والله وعنده حركات اسعيدااان
ساره وهي تضرب ريما:هي حدتس عليه .. وش سعيداان !!
ريما تسحب الاكياس من ساره:اقول وخري خلينا نأكل بس
نمشه :بنات دريتوا خالي سعود عازمنا على العشاء في بحر ((......))
ساره : الله عاد مشتهيه طلعت البحر والشوي اهناك وجمعتنا وخاطري اتسبح ونلعب شوقتيني يا الدلخه
نوره :ريما بكرا بنشوف زوجك الحنون
ريما حمرت اخدودها : مدري عنه
نوف اقص يدي اذا ما تدرين توتس مكلمته ما صارلكم نص ساعه
ريما وهي تقرص اختها: وانتي وش دراتس عني
نمشه بكل برائه: ترا حنا ما قعدنا إن تسمع لتس ولا انخشينا وراء الباب بس بس سمعناتس وحنا مارين
ريما تحذف عليها المخده : يا تبن انتي ويا ها ما تستحون علي وجيهكم والله انكم غاسلين وجيهكم بمرق
نوف : والله محد قالتس كلمي في الصاله
نوره: بنات عندي ا فلام هنديه لهيرتك اجنااان تبونا انطالعه
ساره فزت من مكانها:ايه الله يخلتس اشتقت لخشته السمحه
وقعدوا يطالعون الفلم ... و ما ناموا إلا الساعه 5 الفجر
في بيت ام امحمد
الجازي توها قاعده من النوم وشعرها متعفس وبصوت مبحوح:يمه يا يمه وينتس
ام امحمد: هلا وش بغيتي
الجازي: يمه اليوم بنروح للبحر مع بيت عمي ابو سعد
امها :لا والله أن تعبانه اليووم ما فيني شده
في بيت ابو سعد
ام سعد في غرفة البنات:يالله اخلصوا علينا لا تأخلرون
نوره تعالي معي ساعديني تحت
نوره : ابشري بس البس واجيتس
ريما :بنات وش رايكم إن تسبح
ساره ونمشه بصوت واحد:اكيد
ساره: والله مشتاقه اتسبح
نوف :يالله بنات نزلنا
البنات : يالله
ابو سعد : يا ام سعد انتي ومريم وهيا وعمتي معي في السياره والبنات مع سعد
ام سعد: ابشر
سعد كاشخ وراكب الرنج يستنا البنات :
ساره ماسكه يد جدتها اتركبها السياره:يالله جده شوي شوي
نوره ركبت قدام مع سعد المقعد الثاني فيه ريما ونوف ونمشه اخر شي
نوره :سعد انطر شوي ساره راحت اتركب جدتي في السياره وبتجي
سعد وهو يلتفت يطالع ساره تعنز لجدتها وركبتها السياره: وانتي ليه ما رحتي بدالها
اتعنزين لجدتي
نوره : مستحيل اتخليني ست الحسن ودلال اسوى شي الجدتي وهي هناء اذا جت محد يمسك جدتي الا هي
سعد : انا اشهد انها احسن منكم وفيها خير
ريما : ما شاء الله كل هذا مدح فيها والله لو وحده مكانها كان ما مدح كثر مدحك لها
ساره اركبت السياره بصوت واطي : السلام عليكم
سعد وهو يلف االمنظره عليها : وعليكم السلام
ساره طاحت عينها على المنظرهوعينها بعينه
ترغبوا احداث طلعت البحر
الجزاء الثالث
|
27-10-07, 03:14 PM
جديد مواضيع قسم الارشيف
العرض العادي
