كاتب الموضوع :
حلاوه مره
المنتدى :
الارشيف
الجزء الثالث..
ابوسعد: ياااوضحــــــه..ياام سعد.. يامرهـ
ام سعد : امرر ؟؟ وش في صوتك عالي !!
ابوسعد: انادي صارلي سااعه مارديتي ..
ام سعد:يسلم لنا راسك السمووحه .. ماسمعت صوتك من صووت المووج عالي ..>> وانت خابر سمعي مب لهنااك
ابوسعد:الا كبررتي (: طيب ياالعجوز>اقصد يا البنت خلي ذا الاغرااض ونزلي عمتي من السياره.. خليها تشووف ذا الجو
ام سعد:يمه أراحتس فديت عمرس .. عطيني يدتس وشوي شوي السوبربان مرتفع حيل انتبهي
هيا : مريم البناات ماكنهم تأخروا ! معنهم ماشين معناا >>> هيا <<<(( دائمأ ناشبه لهم ))
مريم: يمكنهم يعبوون بانزين ولا يشترون اغراض للبحر والغايب حجته معه ..
هيا: لا وفي ذمتي اعرفهم تربيتي عوووووووووب ولقوولهم وجهه .. ماقوول غير عزتي لولداخيتي منهم
( لو اني راكبه معهم كاان ابرك ) بس معليه المره الجايه
ام سعد: مريم هيا تعالوا اشربوا قهوه>> حتى في البحر قهوه << بدو وين مايروحون ملازمتهم القهوه(:
ابو سعد: بشروا يا ضيووفنا ارب المكاان عاجبكم .. وانتي يا عمه اربتس مرتااحه ..
ام سعـود ( الجده) : اي با الله عاجبني .. الجو طبيعي والهواء يطرقني من كل جهه ورجيلا تي امددتها وجمعه وبنااتي حولي وشوفة راسك سالم وش ابي اكثر من ذا ..
هيا&مريم : ماتقصر رايتك بيضه يابوسعد
نوره: سعد فديتك لا تودينا لهلي الحين خلنا شوووي نفر بالسيااره...
نموووش: اي سعد تكفى من زماان ماطلعتنا وحنا ماصدقنا على الله يجوون خوالي عشان نركب السياره معك
سعد : النوري ابشري ابشري على ذا الخشم بفر فيكم ليــــــــــــن ادخوووون >> وهوو يطالع المنظره على ساره
اي ا د و خ ون
ساره: في حاله لا يرثى لهااااااااا
نوووف : اقوول السوري تهمس بذنهاا عسااتس بخير ...والله ماضنتي اذا انا خقيت من كلمته اجل انتي ياام قلب كنه ورقه>>من شدة ماهو رقيق<<.. وش بتسووين!!
ساره:نوف يا سخيفه البخي
نوره : سعد ودنا البقاله
سعد : ابشري بس ولا وحده تنزل
نموش : سعد تكفي بس أنا وحده ما اتاثر
سعد :اقولتس لا ربعي كلهم في ذي البقاله
نوش : واذا يعني هم في البقاله
سعد عطاهل خزه محترمه:نوره وش تبون
نوره وهي تألتفه لسعد : شوف نبي حب وفستق ودبت بيبسي ودبت مريندا فراوله وبرتقال
وشكل لانا بطاطات وكاكاويات
سعدوهو نازل من السياره يطالع ساره :وما تبون عصير ربيع وحلاو غندور وعلوك غندور وبفك نسمه <<<هذا الاكل ساره اتحبه من يوم كانت صغيره < وسك الباب وراه
ساره ((لبيه والله لا الحين ما نساها فديته والله))
ريما : اوف وش ذا الحركات والله انكم مهب هينين
نموش:ساره مالت عليتس انتي والسخيف اللي تحبينه (مساكين عالبالهم رميووجليت ولا غيس وليلي )
نووف تواسي نموش : نمووشه لا وانتي الصادقه متأثرين بعين ابووي وضحى وبوعقااب<< انتوا هنود ويخب عليكم
ساره : والبلا من لهنود حبهم قتال ..؟ ياي وش حاركم
.............................................
في امـــــــريكــــا (( ولاية ميامي))
محمد طلع من الحمام ((وانتوا بكرامه)) سمع صوت الجازي تبكي
وراح ويشيلها ورفع يد تهاني الي كانت لامه بنتها بحضنها وشال يدها شوي شوي إلين خذا
بنته وطلعها
وراح لصاله والجازي لالحين تبكي ما صكتت
محمد :لا إليه إلا الله محمد رسول الله ...بسم الله عليتس خلاص حبيبتي اسكتي
ويقعد ايهز فيها علشان يسكتها
يا ربي هذا شلون اسكتها لا تقوم توته حرام طول اليلل ما نامت لا حول ولا قوته
إلا بالله خلني انزلها الحديقه يمكن تسكت وينزل الحديقه ومقعدها في حضنه
محمد وهو حاط يده على خد بنته :يا حلوتس والله وطلعتي لمتس مزيونه جعل ربي لا يحرمني منتس ومن امتس
((تهاني))
قامة متروعه :بسم الله وين بنتي..؟؟ فديتك والله اكيد كانت تبكي وخذاها علشان ما تزعجني
وقامت اتروش
مر من جمب محمد واحد مع امرته وشكلهم خليجين:وقرب الرجال من عنده السلام عليكم
محمد : وعليكم السلام ويقوم ويسلم عليه
بندر: انت شكلك خليجي
محمد وفي حضنه بنته :ايه والله وسعودي
بندر:يا هلا والله بأهلي والله وانا من قطر
سجى مره بندر كانت واقفه عنهم بعيد شوي
محمد : يا مرحبا والله بكم
بندروهو يحط يده علي الجازي: ما شاء الله هذا بنتك
محمد : ايه بلا بنتي
بندريا خذ الجازي: بسم الله عليها.؟ إلا انتوا وين ساكنين والله انا صارلي سنه 7 شهور ونفسي في عايله خليجيه والله طفشناء من ذا الاجانب وتعبت نفسيتنا
محمد يأشر على عمارتهم:هذي عمارتنا والله حتي حنا ما عندنا إلا عجوز مصريه مع ولدها وماتحب احد
بندر:والله يوم شفتك فز قلبي قلت ذا شكله خليجي
محمد :فديتك والله وفي غربتنا ما لنا الا بعض ..
بندر : خلاص انا استاذن وإن شاء الله انتقابل مره ثانيه
محمد ياخذ بنته من بندر: ولا لزم تقلط عندي
بندر: لا تسلم بس عندنا كم شقله وبخلصها والايام الي جايه اكثر بس حنا تعرفنا على بعض على الاقل الحريم يكونون مع بعض والله انهم طفشانين
محمد :صدقت وعسى في صحبتهم خير إن شاء الله
بندر :يالله فمان الله
تهــــــاني
طلعة لصاله ادور محمد ما لقته
بسم الله وين راح هذا اخاف في المطبخ ((راحت للمطبخ)) يا ربي حتي هنا مهب موجود
وين راح بالبنت الله يهديه ولا بعدا مخلي تليفونه ما خذاه وياه اللهم يصبرك يا روح
ياربي ولا بعد ما يعرف يشيلها اخاف اتطيح منه
صارلها ساعه وهي تنطر في الصاله ومحمد وبنته تحت
تهاني راحت تلبس شيلتها : خلاص ما اقدر استنا اكثر من كذا وهي تنزل الدرج خطوه خطوه
وتحت عيونها اسود من التعب ومن السهر الي تسهره مع بنتها
((تــهــــاني))
يا ربي وانا وش منزلني اه اه اه احس في الام وتوقف عند اخر ادرجه وتقعد
ام محمود جايه بتروحبيتها: ايه مالك يا تهاني ايه الي منزلك يا بنتي
تهاني مالها خلق لها: نازله اشم هواء
ام محمود : يا بنتي موش زين لكي الهواء يا بني استغفر الله يا الله يابنت وروحي لقوتك
تهاني : خليني ما لي خلق لتس
ام محمود : ايه بتولي
تهاني : سلامتس يا قلبي بس بقعد مهب رايحه
ام محمود : تصطفلي <<< وراح
تها ني قا مت تبي اتكمل طريقها : يا ري الحين وين ادوره
وراحت للحديقه
شافته قاعد على الكرسي ويطالع بنت
""تهاني""
الله لا يحرمني منه ومن الي معه فديته والله بس روعني عليه وعلى بنيتي
محمد التفت على يمينه وشاف تهاني"شهق وفز من مكانه :وش منزلتس
تهاني وهي تأخذ بنتها منه وعينها بعينه:والله قمت من نومي ومالقيتكم وخفت عليكم
محمد يفصخ جاكيته ويلبسه تهاني وهو مقرب منها حيل:توته ثاني مره ما تطلعين بالبرد
تهاني ابشر وثاني مره ما تطلع انت وبنتك وانا ما ادري
محمد :إن شاء الله ما اتعودها وهاتي بنتي
""البحر""
سعد : يمه يمه يمه
ام سعد وهي اتصب اقهوتها لأم نصار:هلا سعد وش تبي
سعد : تعالي ابيتس
ام سعد: تعالي ما عندنا احد
سعد قعد جنب جدته :يا حيالله زينت البنات
جدتها :الله يحيك يا زين الشباب
سعد : جده وش رايتس بذا الجوي الزين
الجده:وبه ازين من جونا
سعد : لا والله يا جده وصار ازين من جوي فينا
الجده: فن فين وش ذي
سعد يضحك:هذي منطقه في شمال المملكه : )
الجده : والله يا وليدي ما قد سمعت بها
سعد :ابشري إن شاء الله عادني بوديتس لها
سعد طاحت عينه على البنات الي قاعدين بعيد منهم ويشون
وقاعدين يتراكضون وصوت ضحكهم
""ســـــــــــعــــــــــــد""
يا حلو ايامنا يا ليتني ما كبرت عزاه يوم كنا نلعب مع بعض وكنت انا وساره دائمأ في فريق واحد
اه اه يا حلوها من ايام كنت استانس يوم يجونا و ماا كنت اطلع من البيت مثل قبل وكانت امي اتهاوشني
وتقول وانت قبل ما تقعد في البيت والحين ناشب عندنا يمكن امي ما كانت اتحس فيني ""
************************
الـى متى والخـفوق يذوب في شوقه
والـى متى ذكرياتي تسكـن في اعماقي
[ القلب كنه يتيم ضاعـت حقـوقـة ]
والروح تذكـر زمـان اول وميثاقي
اول كان الحـكي ياحـلو منطوقــة
مـا غير كلـمة ~ أحبـك ~ وانت واشواقـي
***************************
اقطعت امه حبل افكاره: سعد سعد الا وش كنت تبي
سعد: اخ اخ اخ نسيت ابوي يقول عطونا ماء بارد
ام سعد : الله يهديك يا وليدي وليه ما قلت لنا الحين ابوك بيهاوش
سعد يضم جدته:والله عين السيح نستني
ام سعد : خلك عند عين السيح وانا بروح اودي لبوك الماء
سعد :لا يمه انا اوديه
ام سعد :لا يا وليدي انا الي بوديه
هياء : خلها مشتاقه تقعد معه لا عاد الجوي يساعد بعد
سعد :لا ما ضنتي عندهم الشيبه مهب مستانسين
""عند البنات""
نموش بنات جبت لكم دبة المويه خلونا نلعب لعبة ( صراحه جرائه)
نوري :يالله وش رايكم
البنات :اوكيه يالله
نموش :بس امانه نبي صراحه والي مهب قدها يطلع من الحين
ساره : يالله يا حياتي يعني وش بنخش عن بعضنا
نوره اطالع ساره : اكيد ما خشينا شى
ساره: اكيد وبلا ملاغه
نوف بستهزاء "صدق كويتيه بلا ملاغه
ساره : ايه حبيبتي كويتيه وافتخر بس انطمي
ريما: يالله خلصوا علينا خلونا نلعب
ساره بس لحظه خلوني اشوف الشوي لا يحترق وانتوهق
نوف:يالله بنات خلوكم قاعدين على شكل دائره
نوره : ترا مكان ساره الي جنبي
ساره: بنات ريحت الشوي اتجنن
نموش :اقول لحد يشهيني تراني على طريف
ساره:يالله انا الي ابي افر البطل
وجاء البطل بين نمشه وريما:نمشه يالله يا ريوم تبين صرحه ولا جرائه
ريما :يا ربي وش الي وهقني بهذي اممممممممممممممممممممم امممممممممه صراحه
نموش : انتي تحبين نصار إذا نعم ليه وإذا لا ليه
نوره وسار ونوف بصوت واحد ::وااااااااااااااااااااااااااااااااااااااااااااااااااااااااا اااااااااااااااو
ريما وجها حمر:لا وربي عادي عندي لا ني الي احبه ولا اني اكرهه وش ليه بعد
نموش : معليه امشيها بس ما ضنتي الي اتقولينه
ريما :جعلتس ما صدقتي
نوره يالله اخلصو علينا
وفرت ساره البطل وجاء علي نمشه وبينها
ساره صرخت :لا تكفون وش يفكني من اسألتها المحرجه
نمشه تضحك : يالله ياحلوه صراحه ولا جرائه
ساره :والله لو تموتين ما قلت صراحه ابي جرائه
نموش :عادي يا حلوه انا وراتس والزمن طويل ابي شى عجيب يا ربي وش وش وش وش
لقيتها شتفتي هذيك اللمبه روحي اركضي رايحه وجايه
ساره : لا حرام عليتس كل هذا لا خففي على شوي
نموش :اسفه تحملي ما جاك
ام ساره:يا بنات تعالوا جهزوا العشاء
ساره :اشواء يا قلبي هونتها على امي
نموش :لا والله بعد العشاء اتنفذين اطلبي
ساره :اوكيه بعده علشان اهضم ما فيه مشكله
ريما :يالله ساره شوفي شويك لا يحترق وجيبيه
ساره :إن شاء الله عمتي
نوره :ساره هاتس الصحن وشوي شوي لا تحترقين علينا ويبتلش فيتس اخوي
ساره : يحمد ربه اخوتس ويحب يده وهي مقلوبه
نوره :اقول اخلصي بلا هرج الرياجيل ينطرون الشوي
ساره :ليه حنا ما حسبنا لهم والله فشله شوي الشوي
نوره :اقول كل هذا شوي اخلصي طلعيه والحقيني
سعد ينادي امه:يمه يمه يا ام سعد
نموش :وش تبي امي مشغوله
سعد :عشاكم ما خلص
نموش :الا بس ننطر شوي ست الحسن والدلال على ما تجيبه
سعد :منهي ست الحسن والدلال
نموش وهي معطيته مقفاها بتروح: وش دخلك انت بس اهم شى تاكل وبس ومهب لازم اتعرف منهي
سعد يسحبها من شعرها:اذا كلمتس ما تعطيني مقفاس وتروحين وجاوبيني منهي الي مسويه الشوي
نموش :وفيه غيرها الطباخه الماهره سويره راعيت الفال
سعد : زين الحين انقلعي وشوفي العشاء
نموش :اكيد اني بنقلع
ام سعد :نوره ودي العشاء حق الرياجيل
نوره:يمه اخاف عندهم نصار
ام سعد:لا ما عندهم احد بس جدتس وابوتس وسعد
نوره:ساره تعالي ساعديني بس وصليه لين السوبر بان وانا اخذه منتس
ساره : يالله انتي شيلي الصينيه هذيك وانا هذي
وفي طريقهم شافوا نموش معصبه
نموش:زين فكيتوني من حنت سعد يبي العشاء
نوره :خلاص انقلعي انا وساره بنوديه
نموش:هيه يا حلوه ترا سعد عندهم
ساره :ادري ما راح اروحلهم النوري هي الي بتوديه لهم
وراحوا
نوره كملت طريقها عند جلست الرياجيل وساره واقفه عند السوبر بان
سعد واقف يشرب زقارته وراء السياره "" والتفت وشاف زول وحده يا ربي هذي ساره ولا يتراولالي لا اكيد ساره ويالله هذي فرصه اني اشوفها واخذ منها الصينيه
سعد جاء من وراها :مرحبا ساره
ساره تروعت :بسم الله منين طلعت
سعد ياخذ الصينيه من يدها:من تحت الارض سوسو محلوه
ساره وهي توخره منها:سعد لحد يشوفنا تكفا
سعد يهمس باذنها:اشتقت لتس
ساره خانقتها العبره والخوف مالي قلبها:زين روح
سعد:هانت يا سوسو كلها سنه وكم شهر وتكونين عندي
ساره دزته وراحت وهي ترجف مهب مستوعبه الي حصل
شفت "الحب"
شفت "الوله"
شفت "الشوق"
شفت "الحنين"
شفت "الصبر"
شفت "الغلا"
شفت "الوفاء
نوره شافت سعد معه الصينيه:سعد منين خذيت الصينيه
سعد : منين بعد؟؟
""الحريم يتعشون""
الجده :يا ساره تعالي تعشي يابنيتي
ساره قاعده علي الشاطي:لا يا جده شبعانه
ريما:وش كليتي علشان تشبعين
ساره:والبطاط والعصيرات الي قبل شوي
ريما:وهذي اتشبع
ساره:ايه شبعتني
""بلاتس ما تدرين وش الي شبعني شوفته تسواء الدنيا وما فيها""
""الرياجيل ""
الجد :ما شاء الله وش ذا الشوي الزين منهو اللي مسويه
ابو سعد: اكيد هذا شوي ام ساره معروف شويها الله يعطيها العافيه
سعد :لا والله يقولون ساره
الجد :ماشاء الله طالعه لمها في الطبخ
سعد :ايه والله خالتي مافيه مثلها بالطبخ
ابو سعد: كل بنات عمتي طالعين لمهم بس مريم متفوقه عليهم
"عـــــــــند البنــــــــــــات""
نمشه :ساره والله إن اتقومين وإنكمل لعبتنا
ساره :ياعوبس عوباااااااااه ما نسيتي
نمشه:افا عليتس هذا ينساء لانتس فاقعه كبدي ما خليتيني اسألتس وابري خاطري
ساره : احلمي تسأليني
نموش :يالله قوموا خلونا انروح مكان ونلعب
ساره تمد يدها لنمشه :يالله قوميني
نموش أطول صوتها: يالله بنات بنلعب
تجمعوا البنات
نموش اتخز ساره :ها ها ها يالله حبيبتي اتروحين وتردين اطقين ذيك اللمبه وترجعين ركض
ساره : زين نوني تعالي معي خايفه
نموش : لا ولا وحده اتروح معتس
ساره : حرام عليتس وربي اخاف يا النحيسه
نموش : والله محد قالس ما تختارين صراحه
قطة ساره جواتيها ""وانتوا بكرامه "" وقامت تركض
نوف : بنات شوفي جدي و عمي وسعد قاموا شكلنا بنروح
ريما : لا ما ضنتي اكيد بيقعدون عند الحريم
ساره المسكينه شاده حيلها تركض: الله يا خذس يا نموش
وانا وش الي امخليني العب معتس
نوره : حرام شكلها اتعبت يا ويلي على سوسو
نموش معصبه : انا اوريها لا بعد قاعده
ريما : حرام اتعبت والله المسافه طويله
ساره اتالم والدم ينزززززف :اخ اخ اخ اخ أي أي يا رجلي
والدم ينزق اكثر ومحد جاها وتصايح ومحد يسمعها واطالع الشق الي برجلها شكله كبير وما اقدرت اطالعه عدل لان الدم مقطي عليه وينزف بقوه
""ساره ""
يمه الحقيني أي أي أي يعور والله يعور قعدت تبكي وتصيح ولا احد حولها
نوني : بنات انا بروح عند سوسو شكلها تعبت
نموش : روحي وترا بطلب منها طلب ثاني لانها ما نفذت طلبي الأول
نوني وهي رايحه لساره: اقول انقلعي بس حلوه تطلب طلب ثاني
نموش :بنات تبون اجيبلكم شي معي انا برح اشرب قهوه وبرجع
ريما: حطيلي قهوه في بياله
نموش : بيااله !!
ساره عيونها اتقلب ويا لله يالله اتكلم: دخل في رجلي بطل مكسور ما شفه
نوره خذت ربطتها : وتبي تلف رجل ساره وساره اتصايح لا تكفين القزازه لا الحين داخل
نوره تصايح تنادي البنات بس محد يسمعها وراحت تركض لهم راحت معها ريما ونوف راحت تقول لمها
ريما ونوره : يحولون يقومون ساره ما قدروا لانها اتلام وتبكي ومهب قادره تقوم
ومره تفقد الوعي ومره ترد عليهم
نوف جايه تركض عند قعدة الحريم الي كانوا الرياجيل قاعدين معهم :خاله مريم ساره طاحت وتنزف ومهب قادره تقوم
سعد فز من مكانه بدون ما يحس بنفسه ويمسك نوف: وش فيها
نوف بخوف ودمعتها على خدها :أنشقت رجلها والدم مالي الأرض
سعد :يمه انا بشغل السياره
وراح : يركض لسياره مثل البرق و وقف عند الرصيف الي قريب من محل ساره وكان متوتر ومعصب
هيا ومريم راحوا لساره
الجده : يا ويلي على بنيتي وش جاب ذا القزاز عندها
نمشه :حست بذنب والدمعه حارت بعينها وهي تشوف ساره اتألم
وكانت مع سعد جايبه عبات ساره ونوره
ام ساره :انهارت يوم شافت الدم الي حول بنتها
هيا "ام ريما : يالله بنات شيلوها
البنات شلوها بس كانوا يمشون بطئي لأن الرمل ماسعدهم على المشى
هيا : سعد تعالي شلها البنات ما قدروا يمشون
سعد فز من سيارته وراح ركض لها : نوره جيبي شماغي من السياره بسرعه
ويوم شاف الدم انصدم ومسك رجلها علشان يطلع القزازه ويسحب اشوي اشوي
ساره تمسك يده وتبكي: لا تكفي لا تكفي الله يخليك يعور يــــــــــــــعور
سعد شفق عليها يهديها :والله اشوي اشوي علشان ما تنزفين
وطلع القزازه ولف رجلها بشماغه
وحط يده تحت ظهرها والثانيه تحت رجلها :وهي بين يده تبكي من شدة الألم
وداها السياره وحطها وراء ونوره اركبت معها بس عقب ما لبستها عباتها ولبست
ام ساره : سعد يمه انطرني بجيب عباتي
نوره : خاله ما يحتاج انا معها
سعد : خاله والله بطمنتس
هيا : ما فيها شي ان شاء الله بس نص ساعه ويرجعون
"" في السياره "
ساره : اه اه اه اه اه اه
سعد يلتفت عليها وقلبه اتقطع على بنت خالته
"سعد"
والله ماتمنيت اشوفس كذاوتبكين قدامي واترجيني تعوت اشوفت البنت القويه الي ما يهزها شي وياليت الالم فيني ولا فيتس تكفين لا تقطعين قلبي ونتس تبحني ؟؟
نوره : ساره ردي على ساره ساره وش فيتس
سعد يلتفت : وش فيها ليه ما ترد
نوره وهي تبكي: والله مدري
سعد يمشي بسرعه خياليه ويطوف الأيشارات ودقات قلبه اسرع من سرعتة
ويشوف قدامه زحمه وسيارات وناس متجمعه
سعد ومعصب :إن لله وإن اليه راجعون
نوره : سعد شكله حادث وزحمه ما راح اتخف وساره ما تحرك تكفا سو شي
سعد يطمر الرصيف وكانت الشرطه قدامه وتبي توقفه مهب قادره واخر شي وقف لها
الشرطي :اقول انزل يا رجال
سعد حذف عليه الرخصه : اقول يا طويل العمر معي حاله مستعصيه اذا تبي اتخالفني هذا الرخصه عندك... ومع السلامه
ومشي سعد وخلاه
بعد خمس دقايق اوصلو المشتشفي
السستر تكلم نوره :انتي اختها
نوره :ايه وش فيها
السستر:ساره فقدت دم كثير والجرح خيطناه 8غرز وكان عميق مره
نوره :زين ابي اشوفها
السستر : هي الحين تحت الملاحظه وما راح اتحس فيك ولازم ترتاح
نوره : لا انا برافق معها
السستر : مافي مشكله ان شاالله بس سوي اوراق المرافقه تحت واكيه
نوره :يعني هي مطوله في المستشفى
السستر :يبيلها يومين بالكثير
سعد قاعد في غرفة الانتظار ويزقر من كثر التوتر :يا ربي والحين وش صار معهم والله يهدي نوره ما جابت تلفونها معها على شان اتظمني على الأقل والله ما تستاهل ساره عسى ربي يقومها بسلامه .. ااااااااخ ليتني محلهاا
والوجع فيني مهب فيهاا...
نوره : سعد لازم تسوي اوراق المرافقه ... لاني بقعد معهاا ..
سعد: اول علـــــــــــــــميني سااره وش اخبارهاا وش صار لهاا
نوره: الحمدالله على كل حال .. خيطوهاا 8 غرز .. والحين هي تحت الملاحظه
سعد: الله يهون عليهاا ان شا الله .. وابشري بسوي اوراقك بس انتظريني
الرسبشن : هلا اخو امرنا ؟؟
سعد: بغيت اورقة مرافقه مع المريضه ساره في قسم النساء
الرسبشن : لحظه اخو شوي ادور الاسم
؟؟
؟؟
سعد : الو هلا يمه لا ابشرك انها بخير وعافيه ... نوره بترافق معهاا... لا ماله داعي تجوون .. هي نايمه الحين .. وانا ربع ساعه وجايكم ان شا الله .. طيب فمان الله ..
الرسبشن: يا اخ ماعندنا مريضه بأسم ساره ؟؟
سعد : لا طال عمرك .. موجوده في قسم الجراحه ( ملاحظه)
الرسبشن : عليك نور .. اللي في قسم الجراحه وتحت الملاحظه .. مايجبون
ملفهم الا بعد مايصعدونهم الجناح .. بس ابشر بسعدك ( عطني اسم المرافق مع المريض وانا اخلص كل اجرائاتك)
سعد: لاهنت ..ان شا الله
ترغبوا الجزء الرابع
وسوري على التأخير <<<ظروفها ما سمحت لها 
|
07-11-07, 09:53 AM
جديد مواضيع قسم الارشيف
العرض العادي
