الجزء الثامن والعشرين

تغدينا بعدين رحنا السينما وشفنا فيلم مصري كان يضحك مره وأنا ماقدرت أمسك

ضحكتي اللي فقدتها يوم سافرت ..حتى فيصل استغرب مني كثير وقالي كلمه حسيتها

يقولها بكل حنيه وعفوبه قالي:

(...لو أدري أنك بتضحكين هالضحك كان من زمان

جبتك السينما... يعلها هالضحكه دايمه ياربي...)



وطبعا أنا الغبيه أنحرجت غصبن عني وسويت نفسي ماسمعه وكملت باقي الفلم

...وياليتني ماكملته ...طلعت لقطه وقحه جدا جدا جدا...وانا ماعرفت وش

أسوي...أستحيت مررررررره خصوصا لأن فيصل جنبي ويطالع اللي أطالعه..بحركه لا

أراديه لفيت وجهي عليه وشفته يبتسم ويطالع السقف...الصراحه كان شكله يضحك

وهو يناظر السقف ..أخفيت ظحكتي اللي كانت بتفضحني وأكتفيت بالأبتسامه ...

وكملنا الفلم...


وبعد ماخلص,..طلعنا وقال فيصل مدام الفندق قريب خلينا نروح عشان نصلي

ورحنا..

واول مادخلنا دخل فيصل غرفة النوم وقط نفسه على السرير..

دخلت معاه عشان اتوضى واصلي...

فيصل وهوحاط المخده على وجهه\حنين..

حنين \هلا

فيصل\كنت أبي اقولك عن ....والا أقولك ولاشيء..

حنين بغرور\كيفك..ودخلت الحمام..





والله أنها بتجنني...بس ماعليه ياحنين ..أنا وراك وراك والزمن طويل...ولازم اكسر

هالغرور اللي تمتلكينه...خليني انام شوي والله أني تعبان...

وبعد دقايق

حنين\فيصل..

حنين\فيصل...

فيصل\نعم..

حنين\لاتنام صلاه..

فيصل وشال المخده اللي على راسه\أن شاء الله...وقام من السرير وقبل مايدخل
الحمام

فيصل\في شي ثاني مدام حنين..

حنين\..أممم ..ايه..

حنين\ممكن تليفونك ..عشان بكلم أهلي...

فيصل\شوفيه على السرير...كلميهم .بس لاتخسرينا...ترى المكالمات هنا غاليه..

حنين وهي تطالعه بنص عين\..خلص ماأبي شي..

فيصل\ههههههههههههههههههه والله أمزززح ..التليفون وراعيه كله لك...أنتي بس

أمري....



لحظات سكوت....يمكن مرات دقايق...... بس الصراحه ماعديتها....

راح فيصل الحمام وترك حنين في غمرة تفكيره وتفاجأها من عمايله..





لحظه...لحظه..لحظه....وشفيه ..والله انه مو طبيعي اليوم....يقط كلمات

كبيره..والمشكله أن تاثيرها قوي ...هذا غير نظرتة الخبيثه....والله أنك تخوف

يافيصل....!!شكلي مهما جفيت بطريقة تعاملي معك ماراح تتأثر..ياترى ليه

يافيصل..!!هذا مو طبياعك اللي أعرفها..!!وش ورى هالأبتسامه...!!وش ورى

هلأسلوب وأحترامك لي...!!تصرفاتك غريبه...وطبايعك جديده....!!وش تبي مني

يافيصل وش تبي...!!...لاتفكر اني يوم راح أتسامحك معك....والا

أتساهل....حقوقك بتجيك كامله على عيني وراسي..بس شي ثاني..لا ..لا يافيصل

لا...مش أنا اللي أستسلم بسهوله..مش أنا....!!!!!

اووووف ...خليني أتصل على اهلي أحسن...

حنين\الو..

العنود بفرحه كبيره\حنيـــــــــن ..

حنين\عنود..حبيبتي...شخبارك..

العنود وهي تمسح دموعها اللي نزلت فجأه\أنا بخير أنتي شلونك وشخبارك..وحشتيني

حنين وحشتيني كثير..ماتتخيلين البيت كيف بدونك ياحنين ..حنين البيت بدونك

مايسوى والله مايسوى....

حنين ووهي متأثر ه حييل\أنا اكثر ..والله اني فقدتكم وأحس نفسي ضايعه بدونكم

..
العنود\طيب ليه ماكلمتينا من زمان..

حنين\ماقدرت يالعنود ماكان عندي تليفون ولا كنت أبغى أطلب من فيصل

العنود\الا على طاري فيصل ..شخباره ..!!وكيف حالك معه...!!

حنين بضيق\الحمد لله.....الحمد لله يالعنود...

العنود\حنين شفيك ..!!

حنين\مافيني شي ...صدقيني مافيني الا العافيه..ويني أمي أبي أكلمها أبي أسمع صوتها..

العنود\أن شاء الله بروح اناديها لكز.بس اذا خلصتي كلميني أوكي...

حنين\من عيوني حبيبتي ...

وراحت العنود تنادي أمها اللي ماصدقت أن حنين أتصلت وكانت وهي تكلم بنتها

ترتجف وتصيح في نفس الوقت ...كان ودها تشوف بنتها..كان ودها تكون جنبها

هاللحظه ..قريبه منها...تطالع فيها بدون ممل..تحضها بصدرها بكل قوتها..كان ودها

تمسح دموع بنتها وتطبطب عليها...تمنت ألف مره انها تشوفه لحظه وحده بس...تمنت

تحبها وتمسح على شعرها...وتهون عليها غربتها ...لاتلومونها بنتها الكبيره..بنتها اللي

عانت عشان تشوف الفرحه بعيون الكل..بنتها اللي ياما تعبت وتعبت عشان أهلها

..وبتظل تتعب وتتحمل عشانهم...

سكرت حنين من أمها وهي تصيح على حظها العاثر اللي خلاها بعيده عن

أهلها..سكرت وهي مش مطاوعها قلبها على اللي يصير بحالها ....كانت تتمنى تكون

قريبه من أمها واخوانها..كانت تتحسف كثير أنها وافقت على الزواج وأبتعدت عن

أهلها...تتمنت وتمنت أن الزمن يرجع لورى وتكون بحضن أمها اذا بكت...أو تكون

عند العنود عشان تهون عليها..أو حتى تكون بغرفتها تشكي حزنها لوحدها...بس أهم

شي تكون جنبهم وقريبه منهم.....!!!


طلع فيصل من الحمام هالوقت وشاف حنين جالسه على السرير وهي ملتويه وحاطه

أيدها الثنتين على وجهها وهي تبكي بمراره ودموع وقهر...

مات هاللحظه...وهو يشوف حنين تصيح...وبأقل من ثانيه قرب منها وجلس جنبها

على السرير...

فيصل\حنين....حنين..شفيك..حنين ..رفعي راسك...الأهل صاير لهم شيء....حنين

...تكلمي...

حنين هاللحظه رفعت وجهها ودموعها تنزف من عيونها المحمره...وهي تصارخ على

فيصل..

حنين\أنت السبب..انت السبب...يافيصل كل اللي جرى لي ..بسببك أنت..وبس

ولو...وو...وأخنقتها العبره ذيك اللحظه وأمنعت نفسها من الكلام....


كان ودها تفضفض باللي كابد بصدرها ..كان ودها تتكلم وتتكلم لمن ترتاح

شوي..بس سكتت ..وامنعت نفسها من أي كلمه وتحس أنها اذا تكلمت بتهين

نفسها قدام فيصل..كانت تحس أنه مايستاهل حتى كلمه وحده بس منها.. ..كانت

تبي تعذبه مثل ماعذبها كانت تبي تقهره مثل ماقهرها من أول ماخذها...كانت تبي

تعطيه من الألم اللي يعتصر قلبها اليوم وبكره وبعده...مثل ماحطمها بتحطمه

وبتهينه...هو السبب ولازم يحتمل مثل ماهي تحملت....هذا الكلام كان يدور في بال

حنين وهي مصره أنه تذوق فيصل كاس المر اللي ذوقها أياه..



فيصل وهو متفاجأ\..أنـــــا...أنا ياحنين..ليش..!! وش سويت...!!ماأظن أني

سويت جريمه عشان تتهمني كل الأتهامات,,,ممكن توضحين لي...!!أرجوك ..با حنين

لا تسكتين....!!تراني مليت ..ماعدت أستحمل..خلاص..ياحنين...انا تعبت...

صدقني تعبت معك...تعبت..وطلع من الغرفه وهو متضايق من تصرفات حنين ...







كان جالس في حديقه قربيه من السكن حقه...يبي يتكلم..يبي يصرخ....ويقول باللي

جاثم على صدره..يحس بضيقه مو طبيعيه...يبي يتنفس مش قادر...الدنيا نهار ..لكن

بنظره هو أنه أحنا بالليل..كل شي يشوفه أسود..وماصار يميز بين الأشكال ..كل شي

يشبه بعض..غيوم وهموم وجروح...هذا اللي صار يعرفه..اذا طالع فوق يشوف

غيوم..واذا لف يمين ويسار يشوف هموم واذا رجه لورى يشوف جروح قديمه...


وماعرف يعبر الا لورقه ..ورقه كانت فاضيه وتتنتظر حبر يقتحم بياضها الباهت


وكـأنها هالصفحات صارت متعوده كل يوم تنكتب فيها مأساه جديده...




هموم وليلة ن سودا واشاهد في سماي اغيوم
اعيش الليل ظلمه يمكن القى النور في باكر
احاور صمتي القاسي واجاوب بوحي المهموم
احاول اخفي آلامي ويظهر حسي الماكر
نعم اضحك مع اصحابي ولكن داخلي مسموم
على كل الجروح اللي بقلبي يا الغلا شاكر
اشوف ان الفرح كذبه على وجه الزمن مزعوم
واذا عشت الفرح لحظه اشوفه للوفا ناكر
اعيش الحزن في ليلي وكيف انسى وهو مرسوم
واذا حاولت ابي انساه يرجع لي وهو فاكر
صباح الهم ياجروحي اصبحكي وانا مرحوم
صباح ن ماظهر وجهه اذا كان الزمن عاكر
وليل ن طال بي وقته يداعبني وانا مكتوم
ومع كل العنا برجع واقل لك يا الغلا شاكر









...منذ عرفتك...
عادت السعاده تقطنني
لمجرد أننا في كوكب واحدا وتشرق علينا شمس واحده
رائع أنني عرفتك
أسميتك الفرح,الفرح
وكل صباح ..أنهض واستيقظ على صوتي لك...وانا أقول
....صباح الحب أيها الفرح....
ولأني أحب صار كل مالمسه بيدي
يستحي لي ضوءا
ولأني أحبك
أحب العالم كله..
واحب أطفاله واشجاره وبحاره وكائناته
وصياديه وأسماكه ...
لأني أحبك
عاد الجنون يسكنني
في الفرح يشتعل
في قارات روحي المنطفأه
لأني أحبك
كل شي صار أسمك
صار صوتك
وحتى حين أحاول الهرب منك
الى براري النوم
ويتصادف ان يكون ساعادي
قرب أذني
أنصت لأكاد اسمعك
فهي تردداسمك
ثانيه بثانيه
ولم أقع بالحب
لقد مشيت اليه بخطى ثابته
مفتوحة العينين حتى أقصى مداها
أني واقفه في الحب
لا واقعه في الحب
أريدك
بكامل وعي
.....أو بما تبقى منه بعد أن عرفتك أنت.....!

أمل..أمل الحياه....
فهد\يمه حبيبتي..أنتظري عليه شوي...خليه يستقر أول وبعدين كلميه...

أم متعب\وليه ياعيون أمك....!!يعني لي متى بيظل أعزب..الولد خلاص شيب

راسه...واللي بكبره بيجيبون عيال

فهد \يمه أنتي تدرين أنه فكرة الزواج اللحين رافضها رفض قاطع..فلا تزودين عليه

أكثر..خليه اللحين يرتاح ويضبط اموره وبعدين فاتحيه بالموضوع...


أم متعب\وليه ماأكلمه اللحين...!!وبعدبن أحنا خذنا رايكم من البدايه ...وشوف

أيش صار بأخوك..واللحين ماأبي أي نقاش زايد وكلام ماله داعي...خلوني أتصرف

براتحتي...واللي في بالي بسويه...رضا والا مارضى بسويه...وياويلك أن جبت سيره له

او كلمته أنا اللي بكلمه...فاهم..

فهد بضيق\حاضر يمه..على أمرك..اللي تبينه سويه...


أم متعب\أيه كذه اصطلب...ويالله كلها كم شهر وبزوجك بعده...

فهد وهو متفاجأ\لالالالالالا يمه تكفين....هنا ستوب....حطي علي أكس وكبير

بعد...انا ماني متزوح الا أذا أستقريت بوظيفتي...وبعدين الله يلحقنا خير ...وراي

درب طويييييييييل...أنتي بس أدعيلي أتخرج..هذا اللي أبي منك...

أم متعب\أقول بس مالت عليكم...صايرين لي عوانس انت مع أخوك..انا مدري

طالعين على مين انتوا الأثنين..

فهد وهو يبتسم\على مين بعد يايمه على الوالد الله يرحمه...حسب اللي سمعته انه جنن

اهله وبالمووت تزوج..

أم متعب\ومين قالك هالكلام...!!

فهد\وفي غيرها حبيبة قلبي روبه...

أم متعب\روابي ياولد استح على وجهك..

فهد\أنشاء الله روابي روابي المهم الغاليه ماتزعل علينا؟؟؟





مرت ساعتين ثقال على قلبي حسيتهم كأنهم دهر بالنسبه..كل ماأبي أقوم عشان

اراضيها غروري مايسمح لي وارجع مكاني مثل اول وأردى..لين متى

يعني..!!لين متى بظل اتحمل أسلوبها معي وبرودها ولا مبالاتها...!!!أحس أن

الوقت يمر بطيىء جدا وماله فايده...أحس ان الوقت ضايع وقصير

حييل..حاولت فيها أكثر من مره وجيتها بكل الوسائل عشان اكسب ولو القليل

من رضاها...لكنها تصدني بأقوى الأسلحه اللي تمتلكها..عايشه معي ولا كأنها

عايشه....!!واذا كلمتها عشان أحس بوجودها ترد علي بكلمتين عشان تنهي

الحديث اللي بينا...!!أنا أدري أني غلطت وغصبتها...بس مو معناها أتحمل

الغلطه طول العمر..انا بشر ياناس من لحم ودم...عندي أحاسيس ومشاعر

...أتمنى كل اللي يتمناه أي زوج باول أيام زواجه...لي حقوق عليها مثل مالها

حقوق علي...والأدهى من ذلك تخليت عن اشياء كثيره بحياتي وماعارضت

مثلها...بالعكس تقبلتها بكل رحابة صدر..

وهي تعاملني بكل طرق الصد الي تعرفها...!!آآه منك ياحنين..



يعني شتفكر يافيصل..!!!وأيش كنت متوقع منها...!!تتوقع انها ترضى عليك

بسهوله وأنتوا ماخذتوا على زوجكم الا كمن يوم...!!!!تتوقع انها تنسى الجرح

اللي لحد اللحين ينزف منها..!!تتوقع تنسى مرارة وألالام 24 سنه مضى من

عمرها..!!تتوقع أنها تجيك وتقول خلاص يافيصل ماعدت أستحمل ورضيت

بالأمر الواقع..تتوقع أنها بتتقبلك كزوج وبتنسى الحرمان اللي عاشته طول

حياتها!!!!وش تتوقع يافيصل...!!ها.,!! قول وش تتوقع..!! حنين ذاقت اللي

ماذاقه بشر..وصبرت وكابرت..ولا نطقت بأي كلمه...!! ويوم تحدد مصيرها

..أستسلمت للأمر الواقع بنظركم...لكنها لا وألف لا..بداخلها عافت الدنيا كلها

وكأن العالم كله وقف..يوم درى أن حنين أنتهت حياتها.. مات أخر أمل كان

ينبض بقلبها...حتى الأرض بسماها ونورها شاركوها هالحزن اللي كان محتوي

قلبها وروحها... ..وخلاص أنتهى كل شي حلو بالنسبه لها..حتى لو هالشيء

الحلو قليل ..بس أهم شي يمهل الصابرين أمثالها...واللحين وبهاليوم..قلبها

ماعاد يتحمل أي شيء...اللي جاها من هالدنيا كفايه...وكل أنسان له طاقه

بالتحمل...وهي نفذت طاقتها...!!


هذا كان الكلام يدور في بال فيصل...بلسان شخص ثاني...ونتيجة هالكلام صحى

فيصل من غفلته...وقام يعيد حسباته من جديد..وحن على حنين...وتذكر

دموعها اللي تنهمر ووجها المحمر ..هذا غير صوتها اللي خنقها مره

وحده...واشفق عليها...لأنه تذكر كلمتها اللي قالتها أمس....تعاني ولا زالت

تعاني....كانت كلمات بسيطه...لكنها قويه بالنسبه لها ولحد اللحين ترن في

أذنه..وهو يتذكر صوتها الحزين ..اللي عذبه...

قام من كرسيه وهالمره مارجع مثل أول وجلس ..وعلى طول دخل الغرفه عند

حنين وهو مصمم أنها يرق قلبها عليه...


فيصل\وينــها..!!!

لف نظره مره ثانيه على الغرفه ومالقاها...مشى لعند الحمام وسمع صوت

الماي...وارتاح شوي...

وبهاللحظه...فتحت حنين باب الحمام,,وشافت فيصل قدامها...

طال التأمل بينها وبينه..وكلن ساكت,,,,

فيصل يشوف عيونها المتعذبه ..

وحنين تشوف فيصل وتحاول انها تعرف أي شي من تعابير وجهه بس

ماقدرت..

وبعد ثواني..

مسك فيصل ايد حنين ..بس حنين على طول جرت أيدها منه...وكانه شي وصخ

ماتبي تسلمه..

فيصل \أوكي..أوكي..ممكن نتكلم...!!

حنين\...لا يافيصل راسي مصدع وماأبي أتكلم لشيء...

فيصل وهو يترجاها\حنين صدقيني مش ماخذ من وقتك الا القليل..

حست حنين بترجي فيصل لها وانكساره الواضح..

بس ماسرع ماتذكرت كرهها للشخص اللي وقاف قدامها...

حنين\....اسفه فيصل...بصلي ماأبي أتكلم باي شيء....وابتعدت عنه وخذت

المصلى عشان تصلي..وصلت..

طبعا هالحركه أقهرت فيصل زود لأنها مو أول مره حنين تسفهه بس أستغفر

ربه..وحاول يكتم أعصابه..وهو يقول بنفسهالأيام بيننا ياحنين...


ودخل الحمام عشان يتوضا وهو مضايق مره..

خلصت حنين من صلاتها وهي تحس براحه خفيفه ..بس مشرع ماتكدرت يوم

شافت فيصل واقف قدامها..ولا يبتسم بعد.....!!!

فيصل\حنين...

ماردت عليه

فيصل\حنين..

ماردت عليه..

فيصل\أوكي لا تردين..بس قومي لبسي عباتك عشان نطلع...

وتركها وراح غرفته عشان يغير ملابسه ...لأنه ناوي بطلعه مختلفه اليوم...

بعد ماأتجهزوا وبعد اصرار فيصل وعناد حنين...طلعوا من الفندق وأركبوا اول

تاكسي شافوه...


السواق\أيوه انا بعرف مكان أنما أيه ..كل السياح يروحوله وفيه مراكب كتير...

فيصل\طيب مافي غيره!!أحس أنه بعيد شوي..
.
السواق\لا هو الصراحه بعيد شويه بس صدقيني ماحتندم ...

فيصل\أوكي ...شورك وهداية الله...


وبعد ساعه الا ربع وصلوا البحر اللي كان مليان اللي كان مليان مراكب فاضيه

مافيها أحد...

حجز فيصل واحد من المراكب اللي توصل الى قريه صغيره يبيعون فيها بعض

الأغراض المصريه القديمه..والملشتت وبعض الأكلات الغريبه...هذه كانت من

عادات المصريين ..الصعيده بوجه خاص..


وقبل مايركب فيصل المركب..كان متردد مره..مايدري ليه..!!يمكن لأن مافي

أحد من الناس...أو يمكن لأن هذا أول مره يجي هالمكان الغريب..او يمكن لأن

المنطقه كانت بعيده كثير عن العاصمه...وشاف نفس التردد في عيون حنين

..وحس أنها ماتبي تركب معه..بس ماسرع مابعدت حنين هالنظره لأنها ماتبي

تبين أنها خايفه...




كانت جالسه على سريرها وهي متفاجئه من الخبر اللي قالته لها

مروى...صح أنها وافقت..بس مش على طول..يبون يزرونهم ويسون كل شي

رسمي...توها موافقه على بدر...والأدهى من ذلك أنه يبي يشوفها....يعني يبي

نظره شرعيه...هذا اللي قهرها زود أنها يبي يشوفها...وباسرع وقت

ممكن..وبيجي بكره.... وهي تحس أنها ماستعدت...أبدا..وماتبقى شي على

بكره..خافت مره من هاللقاء.وأنقهرت حييل لأن اهلها ماقالوا لها..وعرفت من

مروى...وتوها بتطلع من غرفتها عشان تسال امه الا ورجعت ثانيه...


أستحت...حست أنها اذا قالت لأمها ,...بتستحي....وقررت أنها ماتستعجل وأكيد

امها بتقول له كل شي..






كانوا ساكتين طول الوقت...وماينسمع غير صوت الهواء والأمواج اللي اللي

تتلاطم مع بعضها البعض..وكانوا تقريبا بعيدين شوي من بعض حنين من جهه

وفيصل من جهه ثانيه..والشمس بدت تغرب وتعلن عن وصول خيوط

الليل...وبدى المكان يظلم..وشعور الخوف مسيطر على حنين...لأنها من جد

توحش عليها المكان...وحست أنه الليله مش معديه على خير...واللي مخوفها

أكثر وأكثر أنها مش قادره تعبر عن شعور الرعب اللي تحس فيه...



غربه...خوف ...الم ..ضياع....هذا اللي كانت تحس فيه حنين...وكانت تتمنى

أنها تبعد ألأفكار السوده من مخيلتها..وتحس بشوية أمان..لكن لا الجو ولا

المكان يساعد على النسيان..حتى فيصل تحس أن مستوحش المكان مثلها...


مرت النص ساعه الأولى وهم جالسين في المركب وكان الوقت يمر بطيء

جدا..وكل مامضى الوقت اكثر تخاف اكثر ..وتحس أنها مختنقه...حتى العرق

قام بتصبب من جبينها...


وحس فيها فيصل وكان يبي يواسيها أو يخفف عليها شوي..بس ماقدر يسوي

شي..لأن الحواجز اللي بينهم كبرت اكثر من أول وخصوصا سالفة اليوم للي

زرعت الحقد في نفس حنين..



ظلوا على هذا الحال..نص ساعه ثانيه..وحنين خافت أكثر واكثر وغربت

الشمس..وظلم الليل..وخلاص حنين الدموع بعيونها متحجره وشوي وبتنزل...

وشاف فيصل عيونها كيف حمر..وعزم انا يكلمه..وحتى لو صدته المهم أن

يوسيها ويطمنها شوي..

قرب منها وجلس جنبها بالظبط..وهنا حنين أبد ماعارضت...لكنها لفت الجهه

الثانيه...




فيصل\..................حنين..

فيصل\حنين ...تكفين شوفيني...بقولك شيء..

فيصل\ طيب..لاتردين...بس حبيت اطمنك..لاتخافين أحنا شوي

وبنوصل....وصدقيني مش صاير لنا أي شيء...




الكلام اللي قاله فيصل لــ حنين...كان متوقع أنه يهديها ويريح بالها..بس هي

بالعكس..حست بالخوف أكثر..ماتدري ليش...يمكن لأن فيصل حاس مثلها

بالرهبه..أوي مكن لأنه كلامه فيه نوع من التردد ..ماعرفت ليه هي خافت من

كلامه..لدرجه أن أيدها أرتجفت ..وحس فيها فيصل..وبحركه غير مقصوده

مسك ايدها وظغط عليها عشان يحسسها بالأمان......


وبهالحظه... غمضت عيونها بقوه ونزلت دموعها..وكأن هالدموع تنتظر لمسه

من فيصل عشان تنزل...



وطالعها فيصل..وحس بالذنب..وتمنى أنه ماطاوع السواق ..وراح بحر ثاني

أحسن له...


البحر عن جد شكله كان يخوف في الليل وخصوصا اذا كنت أنت بوسطه..يعني

كأنك داخله...لأنه اذا بغيت تمر هالقريه لازم تدخل داخل البحر وهذا اللي كان

مخوف حنين..وزياده على كذه ماكان في مراكب جنبهم...الا هم...واللي يسوق المركب..



حنين ودموعه بعيونها\فيصل...

فيصل\عيونه...

حنين وهي تمش دموعها بطرف كمها\متى بنوصل...!!

فيصل بحنيه\اللحين بنوصل...أنتي بس أذكري الله..,وكل شي بيصير أوكي...

حنين\فيصل.....أنا..انا..خايفه...

فيصل\حنين....طالعيني...

حنين\همم

فيصل\صدقيني مدام أني معك..مراح يصير أي يشء لك..كوني واثقه ...واذا

صار لك شي لاسمح الله بضحي عشانك أنتي بس...



سكتت حنين..وماردت عليه....حست براحه غريبه ...يمكن لأنه كان صادق

بكلامه هالمره...ويمكن لأنه شافت أنه المصدر الوحيد للأمان بالنسبه لها...لأنه

مافي أحد غيره ممكن أنه يدافع عنها...




ترك فيصل أيد حنين وقام عشان يكلم الصبي اللي يسوق المركب ...بس على

طول مسكته حنين...

حنين بخوف\...وين بتروح...!!







ماقدر..ماقدر فيصل...ماقدر أنه يشوف نظرة الترجي بعيون حنين ...ماقدر

يشوفها وهي ماسكه أيده بقوه وكانه تقوله لاتخليني بروحي..ماقدر يشيل عينه

عنها...يحس أن الوضع اللي هو فيه أكبر من اللي كان يتمنى....

حنين تشوفه بنظره غير عن أي نظراتها اللي قبل..ولا ...وماسكه أيه بعد...


كم بتعيش يافيصل!!!

حسد نفسه الف مره وحمد ربه مليون مره على هالوضع اللي هم فيه و قربه

من حنين اللي ياما تمنى ولو القليل من حنانها وعطفها عليه...

سبحان الله كل ضره نافعه....


بس اللي معذبه أنها لازالت خايفه...


توها تحس حنين أنها ماسكه فيصل وتطالعه..وعلى طول شالت أيدها ونزلت

عيونها...واللي يشوفها يقول كأنها مسويه جريمه يعاقب عليها...


فيصل بابتسامه\لاتخافين....بروح أكلم الصبي بسأله متى نوصل..وبجي..

حنين وبدون ماتحس\بجي معاك....

فيصل ولازال مبتسم\خلص ..مش رايح..بخليه يجينا هنا.....بس ...

حنين\بس أيش!!

فيصل\تغطي عشان يجي..وضحك

شافته وهو يضحك وقالت في نفسها والله أنك فاضي ومروق

حنين\طيب ..وتغطت

نادى الصبي وقاله أنه ربع ساعه وبيوصلون...

ومرت ربع ساعه...ومرت ربع ساعه ثانيه وماوصلوا ولا حتى شافوا من بعيد

أثار القريه....








\يااختي والله أني ميته طفش...


سوزان\حتى انا ملانه,,,واختك العنيده مدري شفيها مش راضيه تكلمني...

رهف\طيب شرايك انتوا تجونا ..او نطلع مع بعض...!!

سوزان\وين يعني...!!


رهف\مدري أهم شي نطلع...!!

سوزان\طيب ياحسره مين بيطلعنا!!

رهف\أحد من الأولاد....

سوزان\مالت عليهم كلهم...مااحد راضي...وخالد لاهي مع نواف...

رهف\طيب شرايك نقول ...لــ زياد.....بس لحظه حتى زياد طالع...أوووف

ملل...

سوزان\طيب خلينا نروح مع السواق السوق...

رهف\لالالالا ماأقدر زياد محلف علينا مانروح لوحدنا مع السواق..

سوزان\وليه ان شاءالله أحنامش رايحين لوحدنا معنا البنات كلهم..

رهف\ولو مش راضي...

سوزان\طيب خلص خليه هو يطلعنا مدام مش راضي الأخ زياد..

رهف وهي تبتسم\متأكده..تبين زياد يطلعنا..!!

سوزان\أيه عادي مافيها شي ولد عمي أولى من السواق...

رهف\ههههههههههههههههه ولا يهمك اذا جاء بقوله...

وتوها بترد سوزان الا شافت يوسف على الخط الثاني

سوزان\أوكي رهف أنتي شاوري خواتك وردوا علينا...يالله مع السلامه...

رهف\وشفيك مستعجله...

سوزان\مافيني شي بس معي خط...

رهف\أوكي بااااي

سوزان\باااي




الأعصاب صارت مشدوده ..وفيصل عصب حييل على هالصبي الكاذب اللي كل

مره يقول ربع ساعه ونوصل....وماقدر فيصل أنه يكتم غيظه خصوصا أن حنين

رجعت تخاف أكثر وأكثر...وفقد أعصابه فيصل وقام يصارخ على الصبي

ويتهاوش معه...



وبعد وقت طوييل وصلوا هالقريه ...وكانت ماتبعد عنهم الا متر...

ويوم قربوا أتضحت الصوره لأهل القريه اللي كانوا ملتمين على شكل مستطيل

..وكانوا شكلهم مرعب جدا وماتفرق بين الحرمه والرجال ..الرجال لابسين زي

الصعيد المعروف الجلابيه واللفافه على روسهم والشنب اللي واصل

رقبتهم..والحريم لابسين أسود في اسود هذا غير الوشم اللي في وجهم من جد

كان شكلهم جدا مرعب...



صاروا قبالهم وطلع فيصل مع حنين لهم ..

وحنين هنا ماتت خوف لأن شافت الحريم يطالعونها من فوق لتحت وكأنها شي

غريب بالنسبه لهم...

ماطول فيصل شرى الملشتت (خبز مشهور فيه الصعيد) اللي كانوا يبيعونه


وحس فيصل أنهم جالسين يتغامزون مع الصبي ..وقال بنفسه شكلهم وراهم
شيء...


عشان كذه فيصل سرع على الصبي عشان يوصلون مبكر.
..
وراح الصبي يكلم الرجال وبعدين رجع عشان يمشي..



واخيرا مشوا وابتعدوا من هالقريه العجيبه...وأرتاحت نفسية حنين شوي...لكن

فيصل ماارتاح من نظرات الرجال وكلامهم مع بعض وحس أنه في شي بيصير

...

مد فيصل لــ حنين عشان تاكل

فيصل\خذي ...وقولي بسم الله..

وماعارضت حنين وكلت لأنها كانت بالفعل جوعانه..







(العنود..بدق اللحين...ردي لاتسفطيني..)

ترددت العنود ترد عليه والا لا...بس في النهايه خافت,,,,وماردت يوم اتصل,,,,


بس هو دق ثانيه وثالثه ورابعه...والعنود حاطته على الصامت...


وبعدها جاها مسج من لافي.....!!يقول فيه..

(أرجوك ردي علي...الأمر ضروري...)

ودق لافي...وبالأخير ردت العنود...

.
.
.
.
.
.
.
.
.
.
.
حنين وفيصل تتوقعون هالرحله قربتهم من بعض...!!وبيرجعون سالمين!!


ولافي وش يبي من العنود....!!

زياد ..بيطلع البنات يتمشون.!!والا بيسفطهم!!

الجزء التاسع والعشرين



مر الوقت علينا بسرعه وماحسينا فيه لكن من تعابير وجهها عرفت

انها لازالت خايفه ومش مطمنه الا لحد مانوصل الفندق..حاولت

أجرها بالكلام واقولها بعض السوالف اللي تضحك ..والحمد لله

اندمجت معي بصعوبه ..بس كل ماتتذكر انه أحنا لسه على البحر

يرجع هاجس الخوف يقتحمها من جديد..بس أحلى شيءانها نست

أو تناست أني فيصل زوجها أكبر عدوا بنظرها...وحسستني كأني

صديق تستنجد فيه ..بس ماعليه كل شي منها حلو..أهم شي أنها

تشوفني مصدر الأمان بالنسبه لها...هذا الشيء يسعدني ..يسعدني

بشكل مو طبيعي ..وياليت هالشيء يستمر طول العمر...!!

وبعد مامر الوقت بدى الجو يبرد أكثر من اول...وشفت حنين وهي

تضم ايدينها حول جسمها ..شكلها ميته برد..وانا للأسف كنت

متحسف اني ماجبت معي جاكيت عشان أعطيها أياه...

فيصل وهويبتسم\بردانه...

حنين\..أيه.......وانت.........وطالعت فيه......بردان!!!

فيصل\الصراحه..... ميت برد..




حس فيصل أنا هذه فرصه عشان يتكلم مع حنين ويبدى معها صفحه

جديده ..وتوه بيتكلم الا سكتت..لأنه توه ينتبه أن الوقت مايسمح له

يتكلم في هالأمور..صحيح أن حنين بدت تحس فيه..بس لسه ماجاء

اليوم اللي تكون فيه راضيه عليه كل الرضى...تنهد بضيق وهو

يتمنى من كل قلبه أن حياته مع حنين تتعدل ويصيرون مثل أي

متزوجين عايشين بسعاده وراحة بال...





\الوااااا

لافي\.........العنود....

العنود وهي بتمووت من الأحراج\هلا

لافي وهو يبتسم\هلا وغلا...شخبارك....يالعنود!!

العنود\.......بخير

واسكتوا...لافي مش عارف كيف يبدى الموضوع معها...

وحنين من كثر الأحرج ماهي قادره تنطق بكلمه...

وبعد دقايق

لافي\عنود...

العنود\هممممم

لافي وهو مغممض عيونه\..وحشتيــــــــني

.................................................. .................................................. ...



مر وقت طوييييييييل بالنسبه للعنود...هالكلمه ياما تمنت انها

تسمعها...تحس أنها فاقدتها...من زمان ماسمعتها....كانت تتمنى

تصرخ وتقول بأعلى صوتها..وأنا مشتاقه أكثر واكثر...كانت تتمنى

تقول له أنها فقدته وفقدت حسه من زمان..كانت تتمنى تقوله أنت

وينك عني ..!ليش ماتسأل ..!! ليش صرت قاطع ...!! أنا محتاجه لك

كثيير..!! أنت غبت وغابت أختي معك..!! وحاسه بفراغ

كبير...فراغ كبير يعذبني..يذبحني ويصرخ ويقول الآهات..!!




لافي\العنود...انت معي!!


العنود\...........ايه معك يالافي..

لافي\طيب تكلمي ..قولي شي....!!

العنود\...مثل أيش يعني...!!

لافي وهو متضايق\..قولي أي شي بس لاتسكتين..خليني أسمع

صوتك اللي انحرمت منه طول هالأسابيع..العنود...فقدتك..وربي

فقدتك وهو شاهد علي...

كنت العنود متضايقه ومنقهره..

متضايقه لأنها لحد اللحين زعلانه منه

ومنقهره لأنهاماتقدر تقول له عن اللي بخاطرها من شوق ووله

..ففضلت السكوت أحسن...

لافي\الله يخليك العنود تكلمي...

العنود\لافي..معليش أنا بسكر اللحين..

لافي وهو يتنهد\.......براحتك....بس أوعديني أني أسمع صوتك..

العنود\أسفه لافي ماأقدر

لافي\ليــه..

العنود\أنت تعرف ليش!!

لافي \بس أنا ولد خالك مو غريب...وقريب أن شاء الله بصير زوجك

وانتي تعرفين بهالشيء

العنود هاللحظه حست بحراره موطبيعه..تحس أن الأكسجين خلص

بالغرفه...بكل سهوله يقولها بصير زوجك

..بصير زوجك...

بصير زوجك...

ياويلي عليك يالافي...<<<صج الأولاد ماينعطون وجه

وعلى كول سكرت السماعه بوجهه..بدون ماتحس...وحبت الجوال

وهي تصرخ وتقول ..أحبك يالافي..

وظلت سرحانه بأحلامها الورديه...

لمن قطع سرحانها صوت المسج..وطبعا كان من لافي حبيب القلب




...لو انك جمره تحرق كفوفي....لضمك دوم في كفي...

واسوي نفسي ماحسيت.....












حنين\فيصل....تكفى..خله يسرع..انا خلاص فقدت اعصابي ماني قادره

استحمل...


فيصل\حنين...الكثير راح ومابقى الا القليل ..صبرتي كل هالساعات

وماتقدرين تصبرين كم ساعه ..!!


حنين والعبره خانقتها\..بس أنا أنا خايفه...

فيصل\ياحنين لا تخافين انا بجنبك مارحت...أنتي أدعي ربك ان نرجع

سالمين....مالنا الا الدعاء...

حنين وهي تطالع السماء \يارب يارب...


طالعها فيصل ومهو متحسف ومتندم اشد الندم أنه طاوع هالسواق...


حاول ينسى هالسواق ويقول في نفسه خليني اشوفه بس اذا رجعنا

والله لأذبحه أكيد اللحين ينتظرنا..يصبر علي...

أبعد هالأفكار من باله وهو يشوف حنين كيف مغمضه عيونه وتدعي

ربها ..وسوى مثلها ودعى ربه يوصلون بالسلامه..


واخيرا وصلوا للشاطىء ونزلوا من المركب لكن المفاجأه اللي

ماتوقعوها أبدا....أن ............








جالسه تحاول تقنع في أخوها أن يطلعهم من هالملل اللي عايشه فيه..


البيت كله مش حاس فيها...


مرام كله صاكه عليها باب الغرفه وتفكر بــ فيصل وشلون تنتقم

منه..!!أو أنها بيت العمه..


وأمها أربع وعشرين ساعه بره البيت يا في الكوافيرا تعدل قصتها

الجديده أو لاهيه مع صديقتها من سوق لسوق..

ونواف ماينشاف كله طالع بره مع ولد عمها خالد..


وابوها مايدري وين الله حاطه فيه يا بالشركه أو مسافر خارج البلد


أما ترف كل مره تطب عليها وهي سرحانه وبعالم ثاني وماتدري وش

الشيء اللي مغير طبايع أختها..!!

وبعد أصرار شديد ومحاولات رضى أخوها يطلعهم بكره مدام فيها

السالفه سوزان بنت عمه...وعلى طول راحت رهف تبلغ البنات هالخبر

واولهم سوزان....








فيصل وهو مايشوف اللي قدامه من العصبيه\نعـــــم..شتقول

أنت...!!!


الصبي\أأٌولك ياحضرة البيه انا السواق رح يوصل العايله اللي

ابليكم.وكلها كم ساعه يوصل..

فيصل\لا والله....وهالحيوان مايدري أن كلها وكم ساعه وبنرجع !!

الصبي\أوقلك ايه..بلاش تطاول لسانك احسن لك..حنا ناس محترمين

ونعرف الواجب أوي..

فيصل\ايا النذل يالحقير...أنتتوا تستغفلوني ها...يلعن الساعه اللي جينا

فيها بلادكم

الصبي\لا بأه هالليله مش معديه على خير...وطلع السكين من بنطلونه

وتوه بيقرب منه الا جاوا أهل الصبي اللي كانوا ساكنين في بيت قريب

من البحر ومسكوا ولدهم ..وحاولوا ياخذون السكين منه بالقوه وهو

مارضى لأنه كان أقوى منهم كلهم.

أما فيصل فقد اعصابه كلها والود وده يذبحه ويتخلص منه..

وحنين تحاول تمسكه بكل قوتها عشان مايتهور بس فيصل معاند ونسى

أنا أصلا معاه حنين...لأن يحس أنه مغفل وضحكوا عليه يوم رضى

يركب المركب حقهم..وعرف اللحين أن هذه كانت خطه مدبره من

السواق والصعايده..



وصارت خناقه كبيره بين فيصل والصبي والرجال يحاولون يفككونهم

بس كل واحد فيهم يعرض قوته قدام الثاني والضحيه حنين اللي تحس

أنها في جلم مزعج ومش قادره تصحى منه..هذا غير الكلاب اللي

تنبح وكانت تنسمع بشكل واضح جدا



وبلحظه غير متوقعه جرح الصبي يد فيصل وعلى طول نزف دم كثير

منه...وحنين ماستحملت وصرخت بأعلى

صوتها....فيصــــــــــــــــــــل..





وماوعوا الا بطلق مسدس كان جاي من نهاية الشاطي...وكلهم أرتجفوا

من هالطلق ..وفيصل حاول يمسك نفسه ويرص على الجرح..بس كان

الجرح أقوى منه وماتحكم بنفسه وطاح وجات على طول حنين مسكته

من ورى ظهره..وقعدته على الأرض وهو ميته صياح ..وتحس أنها

صارت مجنونه هاللحظه..لأن الموقف كان أكبر منها



..خناق ...دم...وضرب نار...


حنين وهي تصيح\فيصل..فيصل قوم..قوم يافيصل..حرام عليك ليه


تسوي فيني كذه...انا قلبي صغير ومايتحمل..فيصل قوم الله يخليك

قوم...خلاص أوعدك..أوعدك..اني ماتخانق معك مره ثانيه ولا

أنرفزك..بس قوم الله يخليك..قوم نرجع الفندق..وبخليك تدخل الغرفه

وتنام على السرير وبسويلك الفطور وبجهز ملابسك وبعطرها ..

..وبسويلك أي شي تبيه..بس لاتتركني..لاتتركني وحيده..لا تتركني

وحيده يافيصل أرجوك قوم..وتمش دموعها اللي ملت وجهها ...فيصل

..اذا رجعت السعوديه أمك وخواتك بيسألون عنك وبيقولون وين

فيصل..ايش أقولهم..!! بيقولون لي أنتي ذبحتي فيصل ..فيصل يحبك


بس أنتي ماتحبينه...فيصل يبيك بس أنتي ماتبينه... وتصرخ

حــــــــــــــــرام عليك أنا مااقدر استحمل..وبعدين

لسه احنا في بداية زواجنا...وانت..وانت ..وانت ماعشت معي يوم

حلو...يافيصل..كل مره نتخانق على اشياء سخيفه وتافهه ..فيصل

اوعدك أوعدك أني أكون الزوجه المطيعه بس قوم الله يخليك لاتتركتي

لوحدي..أنت الأمان يافيصل..أنت الأمان لاتروح...لاتروح

يافيصل.لاتروح..وضمته بكل قوتها..


وفيصل مايسمع شي كان غايب عن الوعي لأن الدم اللي نزف منه

كثييير ..


اللي أطلق النار كان عمدة القريه يوم سمع أن في هوشه صايره قريبه

من الشاطىء ..بس للأسف ماجاء الا في النهايه واللي صار صار...

جاء العمده واخذ هذا الصبي وبعض الأشخاص اللي كانوا موجودين ..


وطلبوا الأسعاف من المستشفى اللي كانت قريبه من القريه وركبت

حنين مع فيصل...



والحمد لله ان المستشفى كانت نوعا ما قريبه ودخلوا فيصل على

الطوارىء ..وكانت المستشفى فاضيه ومافيها الا أشخاص قليلين ..

وحاولت حنين تدخل معا زوجها بس مارضوا لها خلوها تجلس بره في

الأنتظار..


كل هالأشياء كانت تصير وحنين مش حاسه بأي شيء ..لحد اللحين

تفكر أنها بحلم..حلم مزعج ويخوف..واللي كان حاس فيها فيصل كان

يتألم من الجرح اللي ينزف ..كان يتألم من اشياء كثيرة..بس نسى كل

شيء يوم تذكر صرخة حنين اللي هزت كيانه وروحه..كانت صرختها

طالعه من قلب ..وكان صوتها وحتى وهو عالي مؤلم..مؤلم كثير ..


كانت تصرخ بدون شعور ..كانت تحس أنها بتموت في ذيك اللحظه...

ماقدرت تقاوم أكثر...




يكفي أنها في غربه..وبعيده عن أهلها..لازم تخاف..لازم تخاف من


هالدنيا...اللي حتى وهي قريبه من ناسها اللي يحبونها تعاني أنواع

الظلم والعذاب...أجل كيف لو صارت بعيده ومسافره ..والشخص الوحيد



اللي يحسسها بالأمان وهو معذبها ..بلحظه..بلحظه وحده بس كان

بيضيع بين أيدينها...!!!!!

صعب...صعب وصوف شعور حنين هالوقت....!!!






\أقول عالعنود....!!!

عمر\عنــــــــــــــود...


عمر\عنود وصمخ أن شاء الله...

العنود وهي توها تستوعب أنها في الدنيا\وعمى.....أنت ايش

!!!ماتحس..كنت بتفقع طبلة أذني...!!

عمر\شسوي فيك أناديك من زمان..وماأنتي حاسه فيني!!

العنود\شتبي أخلص..ماعندنا وقت...

عمر\هذه من بدايتها وتقولين لي شتبي أخلص,,اجل لو أقولك وش

بتسوين فيني!!!


العنود\يعلك العافيه أن اشاء الله شتبي,,والله مالي خلق لك...

عمر\ليه أنسه العنود..وش شاغلك يالغلا..

العنود وهي متنرفزه\أوووووووووووف يبى قول شتبي وفكني يرحم

والديك...,الله مالي خلق لك...يكفي أنك صحيتني من حلمي الوردي..


عمر\تكفييييين ياأم حلم وردي....أحم...أقول العنود


العنود\عمـــــــــــــر..شفيك...!!

عمر\مافيني شيء..انتي ألللي أيش فيك...كلتيني بقشوري.الله يهديك..

العنود وهي تحاول تحس فيه\أوكي عموره...حبيبتي أنتي...قولي أيش

تبين..

عمر\أحم أحم...

العنود\أيه تنحنحي حبيبتي خذي كل الوقت..بس فكينا..

عمر\آآه...أمم شخبار..بنت خالي...

العنود\منوا...!!منوا بنت خالك!!

عمر\في غيرها..ريم...شخبارها من زمان عنها!!

العنود هنا فقدت اعصابها..جاي الحبيب ومزعجني...وأنا أرسم أحلى

الأحلام الورديه مع حبيب القلب لافي...ويسال عن ريم..مالت عليه

وعليها...



تبي أي شيء عشان تضرب فيه وتفتك منه ومالقت الا مخده كانت

قربيه منها..وضربته بكل قوتها..وهو يوم درى أنها بتجيه هالمخده

نزل راسه وطاحت المخده..وبعدين خذها من الأرض ورماها على

العنود....وقال


عمر\أنت مو وجه أحد يسولف معك....مالت عليك...

وطلع وهو معصب

لأنه ماعرف ولاشيء عن ريم اللي له فتره مايدري عنها...!!




طلع الحارس اللي كان ملازم لــ فيصل وخذ أقواله مع الدكتور اللي

أشرف على علاج فيصل من الغرفه وأول ماشافته

حنين فزت من مكانها وسألته عن فيصل وقالها ان الحمد لله الجرح

ماكان عميق وقدرنا نخيطه بس أنه ينزف بشكل قوي ..ويبيله يجي كذه

مره عشان نتابع حالته ونظف الجرح..



وأول ماتطمنت عليه دخلت عليه الغرفه بعد ماأستأذنت من

الدكتور...وحاولت تدوره بين الأسره لأنه كان فيه كذا شخص موجود

بالغرفه الكبيره..

وأخيرا لقته جالس على السرير ومغمض عيونه...


قربت منه لمن صارت قبال وجهه اللي باين عليه التعب..


وهو حس فيها وفتح عيونه

واول ماشافته مفتح دمعت عيونه لاأراديا...




وكانت هالمره دموع فرح وراحه كبيره ...كانت تبي تعبر بأي شيء

ومالقت غير هالدموع اللي تغني عن أي كلمه وكلمه ممكن تنقال

بهالوقت وبهالموقف الصعب ..


كانت تدمع باستمرار وبدون شعور...يكفي أنها شافته وتطمنت

عليه..هذه أكبر نعمه ممكن تعوضها عن اللي صار اليوم من عذاب ...

مد ايده اليمنى ومسح دموعها اللي كانت تنزف ...

فيصل بحنان\حنين....أنا موجود...خلاص....ملا داعي هالدموع..



بس هي زادت دموعها أكثر واكثر...يمكن لأنها لمست الحنان والأمان

اللي كانت فاقدته وهي بأمس الحاجه اليه..

فيصل يوم شافها زادت كره نفسه لأنه حس بتأنيب ضمير قوي

هالمره...وقال أكيد بتكرهني أكثر اللحين...

حاول أنه يضحكها بشتى الوسائل وقال


فيصل بصوت واطي\وبعدين شوفي..شوفي الناس كيف

يطالعونك....يقولون من هالمجنونه اللي تصيح كذه!!


أبتسمت شوي من بين دموعها ..وحمدت ربها أنه عدى اليوم على

خير....

وبعد نص ساعه شالوا المغذي من فيصل وكمل أجراءته وخذ الأدويه اللي أعطاه أياه الدكتور

وخذوا لهم

سياره مؤجره وراحوا الفندق...وانتهى اليوم بسلام...

والصبي خذ جزاءه واكثر لأنهم قبضوا عليه وحجزوه







صحيت من النوم وشفت الساعه 12 الظهر وانا ميته تعب...اول مره

أنام على الكنبه واحس ان رقبتي تألمني...قمت ورحت الحمام وأنا

أحاول قدر الأمكان أني ماأسوي أزعاج وأصحي فيصل اللي بالمووت

نام عقب اللي صار أمس...كنت أسمعه بالليل وهو يلتوي من الألم اللي

يحس فيه بس كان مخفض صوته عشان مايبيني أسمعه وهو يتألم

...!!ويوم حسيته أنه نام أرتحت نفسيا ونمت عقبه وكانت الساعه 4

الفجر ذاك الوقت ...




كنت اتمنى أجلس جنبه واواسيه وأخفف عليه..بس ..بس ماقدرت

اسوي ولاشيء ..انا لحد الحين أنحرج منه وغير كذه مانسيت الحرمان

اللي عشت بسببه ...وأحاول قدر الأمكان أني ماأحتك فيه كثير ..واللي

صار أمس ردة فعل طبيعيه..واي أحد مكاني تعرض لـ هالموقف


بسوي مثلي واكثر...أنا ماأنكر أني أمس كنت بين الحيا والمووت يوم

شفت الدم يسيل من يده وغير كذه حسيت بالأمان والراحه اللي كنت

محتاجه لها وهو ماقصر معي لأول مره أحس أنه طيب وحنون...أبدا

أبدا ماتوقعت كذه ..كنت راسمه شخصيته في بالي غير ..كنت دايم افكر

انه هو مع عمامي سوى ..بس اللي شفته أمس شي ثاني...الصراحه

تفاجأت منه..وتفاجأت أكثر من نفسي...أحس أني تقبلته ...تقبلت قربه

لي...تقبلت لمساته العفويه..



ويوم شفته بالمستشفى حسيت اني بفقد شي.شي غالي..قلبي حسيت

بلحظه انه مات...مات من كثر الألم اللي يعتصر فيه...بس يوم شفته

وهو مفتح عيونه..نسيت كل شيء..نسيت ظلمه.. نسيت تحكمه فيني

نسيت العذاب اللي عشته..ونسيت نفسي معاه..وعرفت شي واحد بس..


أن فيصل رجع ..رجع للدنيا..مش مهم أنه رجع لي..المهم انه حي

مامات...!!!


طلعت من الحمام بعد ماخذت دش دافي..وشفت فيصل صاحي و جالس

على السرير ويكلم تليفون وشكله يكلم اهله ...

بدون شعور أبتسمت له لأني شفت الراحه مرسومه على وجهه ..الحمد

لله شكله احسن من أول..!!



خذت السجاده عشان اصلي وهو لازال يكلم بالتليفون...







زياد\ترف ..رهف .مرام...والله العظيم خمس دقايق وان

ماطلعتوا بروح واهدكم..


مرام\أصلا أنت ماصدقت على الله نتأخر عشان تهدنا....

زياد\ههههههههه كاشفتني.بس تصدقين ماأسويها لو وشوا!!!

مرام\أكيد ماتسويها مدام الحبايب بيرحون معنا..!!!

رهف توهاتنزل من الدرج\وتوك تدرين بالحبايب ..مسكينه بنت عمي

لها أيام تكلمك وانت ماتردين عليها.

زياد وهو مستغرب\ليه!!! أشفيك ماتردين عليها..!!


مرام\بس ..مالي خلق...مش فاضيه عشان ارد عليها..المهم يالله

البنات ينتظرونا...!!

ترف\لحظه يبا لحظه....كاني جيت بتروحون وتهدوني


زياد\واحنانقدر نترك الغلا كله!!!

ترف\متأكد!!!

زيادوهو يبتسم\وابصم بالعشره بعد...يالله عاد أكيد خالد ونواف

بينتظرونا....

رهف\ليه هم بيرحون معنا!!!

زياد\أكيييييييييييييد ...أجل مين خذ بنات عمي خالد...

مرام\وأنا اللي مفكره أنه بنروحح ناخذهم...

زياد\ياليييييييييييييت..بس يوم درى خالد أنا بنطلع قال بيطلع

ويانا...وخذهم...



يوم أنقال أسم خالد...في قلب فقد دقه من دقاته,,,بس ماسرع الجياه

عادت من جديد لها...

خالد..موجود بنفس المكان اللي بتروح له...يعني بتشوفه.. بيكون


قريب منها...!! وبتسمع صوته...!!ياحظكـ يا ترفـ





في المطعم الصيني كانت الأجواء ربشه في ربشه ..

ضحك وناسه سوالف نكت...اللي تبي بتشوفه...

واللي يضحك أكثر وأكثر...

أن المطعم كان مافيه الا كم عائله..يعني تقريبا شبه فاضي...<<الناس

ظهر وهو لهم خلق مطاعم

هذا غير أنهم ماخذين أكبر طاوله في المطعم....على قولت نواف يبي

ياخذ راحته الولد..

البنات جالسين بطرف والأولاد بطرف ثاني..والجو ولا أحلى...


لكن في عيون تراقب وتسرق بعض النظرات اللي تقدر عليها المهم

شوفه بعد طول غياب...

ساره\أحم أحم شرايكم بذوقي...!!الأكل حلو صح..!!

خالد\اللي يشوفك يقول أنتي مخترعه المطعم أخنا دايم نجيله..

ساره\عــاد خالد أحترمني شوي..قول ياأختي ذوقك

جنان..رهيب..شي من هالقبيل...مو..وتقلد صوته....اللي يشوفك يقول

أنتي مخترعه المطعم أحنا دايم نجيله..

نواف\تصدقين عاد يابنت العم هذا حالتنا يالشباب من نعرف أنا في

مطعم فاتح بالشرقيه تشوفين طابور على هالمطعم..هو زين

شين..المهم أنا أحنا رايحين له....


مرام\هههههههههههه يعنني أنتوا أول ناس رايحين هالمطعم..

نواف\عليك لمبه حمره يااختي هذا قصدي...

زياد\الا تعالوا ليش ماجبتوا ريان وياكم...!!

خالد\ريان بالبيت يلعب بلي ستيشن ...بزر هالود ماكبر..


مرام\عادي ترف ورهف دايم يلعبون بلايستيشن...




خالد هاللحظه ماصدق شي ينقال عن ترف وبدى بالهجوم لأنه مش

عاجبه هدوء ترف اللي مو طبيعي...


خالد\يؤيؤؤيؤ ..ترف .تلعب بلاي ستيشن...أجل والله مالوم ريان اذا

لعب كلكم بزارين...ههههههههههههههههههههههههههههاي


رهف\عادي خالد حتى انا العب مافيها شيء..بس في الأيام الأخيره

ماقمت العب كثير...


خالد\لا زين في تطور البنت كبرت..



ترف هالحظه ماتت قهر من خالد وتندمت أنها فكرت فيه لو دقيقه

وحده..وكان ودها ترد عليه..بس في أشياء كثيرة مانعتها وتحس أنا

لسانها مش قادر ينطق..تمنت ترد عليه مثل قبل وأكثر...وحاولت

تستجمع قوتها الي باقيه..بس في النهايه فشلت
وماتكلمت...

وخالد أستغرب اكثر واكثر...


خالد(معقوله هذه ترف أكيد فيها شي..مو طبيعيه البنت...وانا شعلي

طبيعيه والا مو طبيعيه كيفها ..يمكن كبرت البنت وانا مدري.!!

لالاأكيد فيها شي...أوهوااا وانا ليه راز وجهي بالطقاق...!!)

أنتهى الحوار الي كان يدور في بال خالد لأن وصل الطلب...


سوزان\مرام ..ليه ماتردين لى مكالمتي..!! كل هذا زعل مايسوى يابنت

العم...

مرام\لا عادي ماتشوفيني أسولف واضحك..انسي..انسي ياسوزان...


سوزان\ولو أني شاكه انك تغيرين الموضوع بس بنسى هالمره

بمزاجي...


مرام\ياشينك اذا تدلعتي..


سوزان بغرور\شسوي...طالعه على بنت عمي..

مرام\ههههههههه في هذه صدقتي..

سوزان\ اقول خلصوا علينا الأكل.خلينا ناكل...

مرام\زين ...يالله ناكل قبل مايخلصه نواف..

سوزان\أقول مرام تكفين قولي لأخوك يجيب الشوربه اللي جنبه..

مرام\وليه ماتقولين له أنتي !!

سوزان\مراموا ..استحي عاد..يالله قولي له!!

مرام\أوكي..زياد

زياد\هلا..

مرام\جيب الشوربه اللي جنبك.تبيها سوزان...

ضربت سوزان مرام في رجلها وهي ميته قهر من الفشيله

ابتسم زياد هالوقت على خجل بنت عمه الواضح...وأعطاها اللي تبيه..



خالد\أقول ...وين بتروحون بعدين...

رهف\ويبيلها كلام ياولد العم.السوق طبعا...!!

خالد\من عيوني الثنتين....أنتي أمري بس...!!

ولأول مره ترف ترفع عيونها لــ خالد...من القهر....تحس أنها

أنقهرت من كلمة عيوني..

ترف( ياربي والله اني مجنونه...معقوله وصلت معي أني أغار من

أختي...اوووف كله منك ياخالد..)

وخالد شافها وهي تطالعه وهي معصبه..وكبرت تسائلاته أكثر واكثر..

خالد(لا بالله البنت غريبه..شالنظرات بعد ..تعرف تخز.....!! والله مو

هينه أنتي ياترف....بس مردي أعرف وشفيك متغيره..!!)


ساره \ترف ..ايش فيك ساكته..والا مش عاجبك الأكل...

ترف\لا بالعكس ..حلو الأكل.بس شبعت الحمد لله..بروح اغسل ..احد

يجي معي...

سوزان\حتى انا شبعت..بجي معك..

ترف\يالله..

أستغل خالد فرصة طلوع ترف ولحقها عشان ينرفزها ويعرف أيش فيها

متغيره..








فيصل\حنين...تعالي شوي أبي أكلمك...

قربت حنين منه لمن جلست على طرف السرير

حنين\خير فيصل ..في شي صاير..!!

فيصل بابتسامه\تطمني...مافي يش..بس توه داقين الفندق اللي حجزت

فيه غرفه بشرم الشيخ...يستفسرون ليه ماجينا أمس وقلت لهم انا كان

عندي ظروف بس هم أحسبوا الليله لأنا كنا بنجيهم وسألوني نكنسل

الحجز والا لا..!!

أنت أيش رايك!!!

حنين\وأنا اللي فكرت أنك تكلم أهلك...

فيصل\لا ماكلمتهم مابغيت يحاتونا كذه احسن...أيوه مارديتي...!!

ظلت حنين ساكته...تفكر توافق والا لا!!!هي ودها وماودها...تدري اذا

وافقت على هالطلب بيصير فيصل قريب منها كثييير واكيد بيظلون اكثر

من يوم هناك..!!وودها ماتوافق لن اللي صار أم س مو شويه عليهم...


ولو عليها ترجع السعوديه أحسن لها ..لأنه كرهت مصر باللي فيها

بسبب مأساة امس...


أحتارت كثير..وكان باين على وجهها هالحيره..

فيصل بضيق \خلص حنين اذا ماتبين نكنسل مو مشكله...

حنين \..لا أنا موقصدي..بس ..

فيصل\بس أيش!!

حنين وتحس بصعوبه بالكلام\يعني...اللي صار امس موقليل علي ولا

عليك...عشان كذه..كرهت الجلسه في هالبلده..

فيصل\يعني رايك نمشي من هنا!!

حنين وبالمووت تتكلم\لا خلص فيصل..نروح ...بس بس..بعدها نرجع السعوديه

ممكن..!!!



فيصل\ممكن

أبتسمت حنين أبتسامه كلها رضى...



فيصل. هنا..ماأستحمل...ذاب من كلامها الهادي هذه غير ابتسامتها

المنوره ..

ماقدر يخفي مشاعر الحب اللي فاضحته...خلاص اليوم تأكد اللي يحسه

صوب حنين هو حب وهيام من الدرجه الأولى...

تأكد أنه مايقدر يستحمل ولو لحظه تكون حنين بعيده فيها..


تأكد أن حياتها مع حنين ..وبدونها ماتسوى....


وبيظل يحارب ويحارب عشان يكسب هالحب اللي من يوم ماعرفه وهو

في دنيا ثانيه دنيا غير واحساس جديد ..أحساس حلو ومعذب في نفس

الوقت..!!





رحت دورية المياه وغسلت...وطلعت بسرعه انتظر الآنسه ترف تطلع

عشان اكلمها...أنتظرت كثييير ولسه ماطلعت,,,,

الصراحه زهقت..وقلت بدخل داخل بلا ترف بالا بطيخ...


وتوني بدخل الا اشوفها طالعه ..

أخيرا..

طالعتني وهي متفاجأه...ومليون سؤال احس انه يدور في بالها..!!

قبل ماتسال بديت بالهجوم..وقربت منها كثير وهي خافت ورجعت على

ورى....

انقهرت...شالحركه البايخه!!

لهدرجه انا أخوف وأنا مدري!!!

تجاهلت الكلام اللي يدور في بالي وحبيت أخفف التوتر

خالد\شفيك ..تراني ماأخوف....اللي يشوفك يقول مو ترف بنت

عمي...!!

ترف\لا..عادي....وسكتت حسيت انها مرتبكه مره....ياربي أيش

فيها,,,أنا ماأذكر أني سويت لها شي..أصلا أنا من زمن ماشفتها!!!

خالد\الا اقول وين سوزان..طلعت...

ترف\أيه ...عن أذنك...

خالد وبسرعه\لحظه ترف...

ترف وهي لافه وجهها\نعم..

خالد\ترف....فيك شي!!! تعبانه..أحد مضايقك..سويت لك شيء...!!

ترف\لا خالد..مافيني شي...


خالد\طيب شفيك تكلميني وأنت معطتني ظهرك..ترف تراك مو


طبيعيه...شفيك تكلمي!!

ترف\مافيني شي..مافيني شي.....وراحت بسرعه قيبل مايسألها سؤال

ثاني..







لبست بدله عاديه ووسيعه شوي...يعني لبس محتشم وماحطيت ولاشي

في وجهه ماعاد مرطب وكل خفيف..يعني شكلي عادي...كأني طالعه

بره...

وجلست في غرفتي ..أنتظر فهد يدخل عشان يناديني,,,

وبالفعل فهد لأن الأخ بدر وصل ...من زمان بس أنا تأخرت في

لبسي...

طلعت معاه للمجلس وانا أرتجف...ارتجاف مو طبيعي ...ظحكت على

نفسي شوي..والمشكله الموقف مايستدعي الضحك..معليش طوفوها

تجيني حركاات خبال أحيانا...من كثر ماني مرتبكه اسوي أشياء غريبه...


سميت بسم الله ودخلت المجلس..وأنا عيوني في الأرض مارفعتها وقلت

بصوت واطي \السلام

وسمعت صوت جاي من بعيد ....شكله هذا زوج المستقبل بدر

بدر\وعليكم السلام...

جلست بكنبه بعيده شوب عن فهد وبدر ,انا لحد اآن منزله عيوني..



بدر\شخبارك هيفاء!!

هيفاء\الحمد لله..

بدر\وشلون الجامعه معك...

هيفاء\الحمد لله...

بدر\وأخبار مرام معك زينه...!!

هيفاء\الحمد لله...وهنا جاتني الضحكه...لأني توني أحس أني كررت

كلمة الحمد لله ثلاث مرات...

سمعت صوت ضحكه خفيفه ويم ناظرت على جنب شفت فهد ميت

ضحك علي وبدر ماسك ضحكته...

مالت عليهم يطنزون علي..اوريهم...

طلعت من المجلس على طول ورحت غرفتي وسكرت الباب وقفلته...

فهد\أعذرني بدر البنت مستحيه

بدر\لا عادي...

بدر\فهد!!

فهد\سم

بدر وهو منحرج\...................أبي أملك!!!

..
.
فيصل ومشاعر الحب اللي أتفجرت أخيرا.حنين واسلوبها الجديد وتعاملها مع فيصل . ..وروحتهم لشرم الشيخ ...هل بيصير تغيير في مجرى قصتنا!!

لافي والعنود عصافير الحب ..ونهاية الحب الكبير....تتوقعون ناهية هالحب سعيده!!

خالد وترف ومشاكلهم اللي كل مالها وتكثر وش مصيرهم..وهل بيواجهون عقوبات!!

متعب واوراقه اللي تبين مدى حزنه ...بتبتسم له الدنيا ثانيه..!!

أمل ..أمل الحياه..من تكون هالآنسانه الصبوره..!! ووش علاقتها بقصتنا!!

هيفاء وخطيبها الجديد بتتوفق معه وبترسم مخطط لمستقبلها!!

عمر ورفقاء السوء اللي أبتعدوا هالفتره ..بيرجعون مره ثانيه بنوايا خبيثه!!

الجزء الثلاثون
الفصل الأول
.........................


(1)


أربع شهور مرت على رجعتنا من السفر .وحسيتهم كأنهم يومين..!!وكل المواقف اللي مرت علي كأنها شريط ينعاد قدامي…
الحادث الغير غير متوقع اللي صار بالشاطي..وجرح فيصل اللي صار له ماله أثر ..وروحتنا لشرم الشيخ ..
وجيتنا للسعوديه
…وأهل فيصل ومعاملتهم وحبهم أحترامهم لي..
كل هالأمور …خلتني أتقرب من فيصل بشكل غير عادي…
خلتني أحس فيه كزوج ..واهتم بأدق تفاصيل حياته..
شي غير متوقع..ولاجاء على الباب ولا على الخاطر..
أنا أحس بفيصل…
أنا أتضايق اذا تضايق…
أنا أضحك اذا ضحك…
معقوله تأثيره قوي علي…!!!
بسهوله قدرت أعيش بجو مختلف عن جونا!!
بسهوله قدرت أنسى الالام وجروح فيصل اللي سببها لي.!!
سبحان الله دوام الحال من المحال…!!
واللي مخليني مرتاحه أكثر وأكثر أني قدرت أغير بعض من طبايع فيصل التقليديه…
شي جميل ..ومبشر …
صار هادي..ورمانسي بعض الشيء…مايعصب على أقل شيء…
بس اذا عصب أخاف منه...يتغير شكله ووجهه يحمر...
لكن احاول قدر الأمكان أني أمتص غضبه بكلمه أو كلمتين...!!
جلساته بالبيت أكثرت عكس قبل زواجه كانوا خواته نادر مايشوفونه جالس أسبوع على بعضه بالبيت…
لكن اللي مضايقني كثير وعجزت القى له حل …
هو تدريسي وروحتي لبيت اهلي كل يوم أحد وثلاثاء…
صح أنه صعبه علي الروحه والجيه وخصوصا أنه هالشي وقت الصبح..
لكني مغصوبه على هالشيء ..
ودايما القى المعارضه على وجه فيصل وأهله … خصوصا أمه ..أنا ادري ان الذنب مش ذنبها لكن كل اللي يشوفونها يسألونها وش أشتغل وتتضايق اذا ردت عليهم..
وأنا متأكده أنه بيجي يوم وبيناقشني فيصل..لكن لا والف لا..تدريس بدرس حتى لو فقدت أعز مااملك..
يكفي أنه حالة أهلي الماديه ضعيفه..
والمشكله انه المسئوليات كبرت والدنيا أتغيرت…
هذا غير وظيفة أختي العنود في مشغل لأم صديقتها هند
كانت تمكيج بشكل رهيب ودايما اذا تمللت تحط حرتها بالمكياج وأغراضه..
صحيح انها ماتجيب دخل كبير في الفتره الأولى بس يوم أنعجبوا بطريقة رسم العنود زاد عدد الزباين وفي نفس الوقت زادوا من راتبها…
الكل عرف بوظيفة أختي في المشغل والكل عارض ووقف بوجهها حتى أمي عارضتها وخالي وزوجته بس هي أتمسكت برايها لمن حاولت تنقنعهم ..
أما عمامي وأولهم عمتي يوم درت قامت تعايرنا وتغط كلمات زي السم وماأنسى كلمتها اللي دايم اسمعها تقولها لنا :

الأولى تدرس خصوصي والثانيه حلاقه …مصاروه على غفله..!!
لكن جاء يوم ووصلت حدي فيه وماقدرت أمسك نفسي ورفعت صوتي عليها بدون ماأحس ..ومدري حتى ايش قلت..!! المهم أني طلعت حرتي فيها ..!!
ومن بعدها صارت تتجاهلني وكل ماتشوفني تبعد ناظرها عني…!!
فكه..!! هذا أحلى شي صار..!! أني أبتعدت عن شرها بهالفتره..!!
وياليت هالشيء دوم ….!!
أما ست الحسن والجمال مرام كل ماتشوفني مع فيصل تحاول تبرز وجودها وتخلق أي سالفه عشان الكل ينتبه لها…
بس الحمد لله فيصل مطنشها على الأخير ومش عامل لها أي حساب….!!
فيصل\قولي والله!!!
حنين بابتسامه\والله..بس ليش أحلف!!!
فيصل\هذا أنتي حلفتي بعد ليش تسألين!!
حنين\زين….أنت من متى جاي..!!
فيصل\من أول ماعبس وجهك وضاقت عيونك…!!
شكلك كنتي تفكرين بشي مو زين!!صح!!

حنين\يمكن….المهم تغديت…!!
فيصل\لا والله ميت جوع ….أنتظرك تتكرمين وتحطين لي أحلى غداء من ايدك الناعمه..بس ليكون أتغديتي عني!!
حنين\لا تطمن مااتغديت ..يالله أنت بدل وأنا بحضر لك الغداء






ساره\والله مش عاجيني حاله!!
سوزان\طيب أنتي سألتيه ….!!
ساره\حاولت أكلمه بكل الطرق بس مش راضي يرد علي…مدري أيش فيه الولد أختبص مره وحده..!!
سوزان\تصدقين مدري ليه احس أن ترف لها دخل بالسالفه !!
ساره\شلون!!
سوزان\تذكرين يوم جبنا طاري خالد وتغيره الملحوظ على الجميع…
ساره\أيه..
سوزان\حسيت انه أختبصت مره وحده يوم سمعت أسمه وعبس وجهها…!!
ساره\تهقين في سالفه بينهم !!
سوزان\أكيد….وأنا اتوقع أن ترف لها مكانه مختلفه عن باقي البنات بالنسبه له..
ساره\بحاول أكلمه مره ثانيه ..وان شاء الله مايفلت مني هالمره…
سوزان\أوكي يالله بروح أكلم صديقتي أكيد تنتظرني اللحين…
ساره\ياكثر مكالماتك لصديقتك…
سوزان\شسوي بعد صديقتي…







في بيت بو متعب صارت احداث كثير ومنها
ملكة هيفاء على بدر من3 شهور ونصف..
ورجعت متعب من المانيا وتحددت ملكته غصبن عنه وماقدر يرفض طلب أمه..واذا هو ماتقدم خطوه الى الأمام ..الأيام بتركض وهو بيكون على حاله..وحب حنين بالأخير بيكون حبه من حبات رمل متمرده بتطلق لنفسها الهبوب والترحال …
والنسيان نعمه عظيمه ..ومابقى غير الذكرى..
الذكرى الحلوه ..اللي تجمع اطياف المحبين...

بدر\قلت لك ألف مره أني بسافر...لكن أنك تدخلين في أموري وتقولين لي على وين مسافر ...أسف مدام..مش قايل لك...
هيفاء\أتوقع يابدر أن هذا الشيء من حقي..صح والا لا!!
بدر\مابقى الا حريم يمشون كلمتهم على الرجال....أقول تراني معطيك وجه زياده عن اللزوم باااي..وقفل السماعه في وجهها..

هذا حال بدر مع هيفاء من أول ماملكوا كان معها هادي زي العسل ...لكنه من بعد أسبوع على ملكتهم كشر على أنيابه الولد وظهر على حقيقته...
وكل يوم هيفاء تكتشف خصله جديده سيئه..
بس ماكانت تقدر تتكلم خصوصا لأنه ماصار الزواج رسمي..وماتبي تزعج أهلها بأمورها الخاصه..لأنهم جالسين يحضرون لملكة متعب اللي بعدها بيوم واحد بيصير العرس...
وتتوقعت أنها تقدر تحل مشكلتها مع بدر..
بس للأسف اللي صار أن بدر تمادى في أسلوبه الكريه وماعاد يهتم فيها ..أزعلت رضت بالطقاق أهم شي وناسته وراحته...





غفيت..وليتني ماغفيت..!!
بسم الله الرحمن الرحيم..
معقوله..!!
معقوله هالحلم اللي حلمته..!!
أي حلم ..هذا كابوس مو حلم..!!
بس لحظه..!!
سوزان..!!
أيه سوزان..!!أنا حلمت فيها..!!
بس ليه ..ليش شكلها كذه.!!
يارب ..!!
أن شاء الله خير...
خليني أقوم بس..
الساعه 5 ومابقى على دوامي الا ساعه..







..بعد مرور يومين على الأحداث السابقه..

\شنوا..!!
فيصل وهو يجلس جنبها\أقولك بكره بنروح الشاليه...
حنين\أيه...
فيصل\شكلك ماتبين تروحين...!!صح والا أنا غلطان..!!؟
حنين\لا....عادي..
فيصل\لا تنسين قولي لأهلك يروحون معنا..!!
حنين باستعجال\لا..
فيصل\..ليه لا..!!!
حنين\بس..ماأبيهم يروحون معنا..!!
فيصل\غريبه..
حنين\وش الغريب..!!؟؟
فيصل\في أحد مايحب يروح مع أمه وأخوانه..!!
حنين\أيه..أنا..
فيصل\أوكي...اللي يريحك...
بعد ثواني معدوده....
فيصل\حنين..
حنين وهي سرحانه\همم
فيصل بصوت هادي\همم
حنين\هممم
فيصل بصوت اهدى\شكلك ماتبين تروحين حتى أنتي...
حنين\صدقني عادي...
فيصل\أكيد
حنين بابتسامه\أكييد..
فيصل\عاشت أم تركي...
حنين وهي مفتحه عيونها بقوه\منوا..أم تركي...
فيصل وهو يأشر عليها\أنتي....وأنا ويأشر على نفسه بو تركي..
حنين\وليه بالذات اسم تركي..
فيصل وهو يهز كتوفه\مدري..بس اللي أعرفه أني أحب هالأسم..وكلهم يسموني بو تركي



سوزان\ياعيني ياعيني ..ياعيني على الحب وسنينه..
فيصل وهو منحرج بس مقوي نفسه\عذال الهوى شنوا تبين..ماتشوفين رجال يتكلم مع حرمته..
ابتعدت حنين شوي عن فيصل وانحرجت أكثر منه لأسباب كثيره
وأهمها أنها شافت الخجل بعيون فيصل...
صحيح مضى على زواجهم 4شهور
لكن هالأربع شهور أستفادت منهم الكثير..
وخصوصا أنها عرفت شخصية فيصل زيين..
لكن فيصل ولاعمره صرح لتـ حنين عن مدى حبه لها..
لكن كان يبين هالشيء بأفعاله الواضحه..

سوزان\المهم ..فيصل..تكفى قولي..صج بنروح الشاليه بكره...
فيصل\لا..وتتصمخ بعد...
سوزان\الله يخليك قولي.لاتخليني أتحرقص..
فيصل\أيه..بنروح بكره...
سوزان\وااااااااااي وناسه...بروح اقول لــهم
فيصل\زين..يالله فكينا...




\أقنيعيها....أرجوك حاولي..
هيفاء\ماأقدر.ماأقدر يامتعب.أرجوك أفهم موقفي..
وأنت تدري أن أمي ملزمه على زواجك من مريم..
متعب\يعني مافي أمل...
هيفاء بحزن\أبدا..
عاد تصدق ..أنا ماأبيك تتزوح مريم....!!.؟؟
متعب\غريبه...أنت أول وحده تعارضين الفكره معي...
بس في شي أنا ماأعرفه..!!؟؟
هيفاء\لا أبد....بس مريم شوي مغروره وشايفه نفسها مدري على أيش..!!
متعب\ليه..هي حلوه ...!!
هيفاء بقهر\مووت...
متعب\آآآآآآآآه بس ياهيفاء...وين أحلامي...وينها..!!وين اللي تمنيته...!!
كنت أتمنى على الأقل بعض المواصفات اللي بيخيالي تكون موجوده بالأنسانه اللي بتزوجها...
تذكريين..!!
هيفاء\أيه أذكر يامتعب..بس شتسوي... وبصوت مؤلم...أحيانا لازم نمشي مع القدر ..
متعب\ هيفاء......ليه هالحزن بعيونك...!!
هيفاء وهي تضحك باستهزاء\وش دراك بعيوني..ليكون تقرى كلام العيون...!!؟؟
متعب\وأنا أيش اللي معذبني غير العيون..!!

المهم....هيفاء بس أسالك سؤال...!!
هيفاء\امر ياخوي...
متعب\السالفه فيها..بدر صح...
هيفاء\.......................
متعب\اكرر مره ثانيه السالفه فيها بدر..
هيفاء\متعب صدقني هو خلاف بسيط وبينحل..لاتشيل هم..
متعب بصوت حازم\هيفاء....أسمعي..صحيح أنا توني راد من السفر..
بس صدقيني كل اللي صار في غيابي اعرفه زين..
ولاتفكرين اذا سكت أني راضي بالموضوع...
لا يا هيفاء..أنا ساكت بس علشانك..والا لو علي كان صار تصرف ثاني معاه..
هيفاء بخوف\ليه أنت وش تعرف.!؟؟
متعب وهو قايم\كل شي ياهيفاء..كل شي ..
قال هالكلمه وبعدها طلع من الغرفه وهو تارك أخته بحيره كبيره....





\أبي أتزوج
ريم\أحلف أنت بس...!!
لافي بثقه\والله..
لافي\ياولد اعقل..
لافي\هو بقى فيني ذرة عقل يايبه..!!
أم لافي بابتسامه\ومنوا هذه سعيدة الحظ..!!
ريم\هههههههههههه منوا يعني..العنــــود..
بو لافي بحيره\..بــس..!!
لافي\بس أيش يبه..!!
بو لافي\ياولدي فكر عدل..انت لسه ماأكدو لك قرار وظيفتك...!!
وأخاف..
أم لافي وهي تقاطعه\ياأبو لافي...تفاؤلوا بالخير تجدوه...وان شاء الله لافي قدها وقدود...أنت لاتشيل هم....
لافي\يبه...لاتخاف..وباذن الله وظيفتي بتكون مضمونه طول عمر...أنت قول تم ومش صاير الا الخير...
أم لافي\هاياأبو لافي...وش قلت..!!
عم الهدوء لحظه..وعيون الكل مرتكزه على بولافي...وكأن هالعيون تترجاه أنه يوافق...
بولافي\..تــــم...
ريم\واااااااااااااااااااااي بصير عمه...
أم لافي وهي تصارخ على بنتها\عيب يابنت استحي على وجهك الولد لسه ماتزوج...
قرب لافي من أبوه وهو طاير من الفرحه وحب راسه
بولافي\مبروك يالافي...
لافي بعيون حالمه\الله يبارك فيك يبه..








فـي الشـــاليـــــه..
...............................

ساره\بتجي عمتي...!!
أم فيصل\أيه..هي أول المدعويين...
ساره\الله يستر..
أم فيصل\أسكتي..أسكتي هذا هم جوا....

واقفه وسط الشاليه..وماسكه الجوال بأيدي أنتظر مكالمه منه...

أنتظرت ساعه..ساعتين...بس لسه ماجاء..!!!
فكرت أني أروح وأنهي هاللقاء...بس أني ماتسمح لي الفرصه أني أتقابل معه مره ثانيه..
ولما يأست....!!
قررت أني أرجع ...
بس حسيت ان في أحد يناديني ..لفيت ورى...وشفته...وبنفس الوقت رن تليفوني...
وابتسمت أخيرا\هلا...
يوسف\هلا وغلا..علومك حبي...!!؟
سوزان\تأخرت وينك..اناأنتظرك من ساعتين...!!
يوسف\آسف\سوزان..بس كنت انتظر خوي يروح معي..وبالمووت رضى ...والحمد لله أنه في حجز على أخر وقت..
سوزان\المهم..شخبارك..!!!
يوسف\تمام..تصدقيين شكلك كووول..كل مره تحلويين اكثر..
أستحت سوزان وحاولت تبعد عنه خطوات معدوده...
يوسف\ياحلو اللي يستحون ويبتعدون...

ساره\ســــــــــوزان....
سوزان\بااااااااي أختي تناديني...
يوسف\أوكي باااي بس لاتنسين ابي اشوفك اليوم..
سوزان\طيب بس روح الله يخليك لاتشك فيني أختي...
لف يوسف الجهه الثانيه ورمى نظره على ساره ..وراح
وساره أنتبهت له..
وحست باحساس غريب..وعورها قلبها..بس ماتدري ليه..!!

أرتبكت سوزا وشكت أن ساره عرفت...واشرت على أختها عشان تنتبه لها...!!
سوزان\ســأره..
سوزان\ساره..شفيك...!!
ساره\ها..ولاشيء..خلينا ندخل داخل البنات يسالون عنك...
أرتاحت سوزان شوي..بس لسه متوتره ...!!









جالس على التراب..قدام البحر اتامل فيه...واتنفس هواه...والسماء جوها مغيم...وشكلها بتمطر..!!
واللي أحلى من كذه أنها معي...معي حنين...!!وأيدي بأيدها...
مدري ليه ..جاني شعور قوي أني أبي أحط راسي على كتفها واغمض عيوني...
وبالفعل ماقاومت هالشعور..وحطيت راسي وغمضت عيوني..

وبصوت واطي تكلمت...\تحبين البحر..!!؟
حنين وهي تناظر للبحر\ايــه..
فيصل ولازال مغمض\وش اللي تحبينه فيه..!!
حنين وهي مركزه على البحر\أحبتـه ..اذا تلاطمت الأمواج....
مدري ليه...مدري...أحس بقشعريره ورجفه...وبنفس الوقت أحس أنه هالموج حياتي...

فيصل\كيف ..كيف يعني حياتك...!!؟
حنين\أنا قصدي..أحس أن حياتي..زي الموج اذا تلاطم مع موج ثاني..
يعني..حياتي مش ثابته...مش مرتكزه على شي معين...!!
متغيره..وباي حركه بيتغير مجراها....!!
فيصل\وبان على وجهه الحزن\طيب...واللحين..وبهالوقت بالذات....حياتك... أمــــواج..!!
حنين\ودك تعرف الأجابه..!!
فيصل\..أرحمينـــــي...!!
حنين\أعذرني فيصل..الجواب مش مناسب لابهالوقت..ولا بهالمكان..!!بيجي يوم وبتعرف الأجابه...
فيصل\واذا تأخرت الأجابه...
حنين\لاتخاف مش متأخره..لأن النهايه قربت...!!
فيصل وهو رافع راسه ويناظر حنين\أعطي الهوى جزره ومده..صبري وصل يازيين حده...للصبر قالوا حدود..
حنين\يامصبر الموعود
فيصل\نمشــــي...
حنين\على راحتك..
فيصل\وراحتي..معك....
حنين\خلص نمشي..
فيصل بابتسامه حلوه\يالله...







كانت معهم في الشاليه لكن قلبها وتفكيرها مش معهم.!!
كل تفكيرها عند الللي جالسين بالبحر..
تذكرت خواتها يوم دخلوا وسألوا عن حنين ..وماتت قهر يوم درت أنها معه...
وهذا القهر لازم تفجره اليوم على حنين وعلى اللي جاب حنين..
فكرت في أشياء كثيره وخطط خبيثه..لكن للأسف كل خططها سخيفه مثلها وماتجيب أي نتيجه..
وزادت حقد وكره عليها يوم شافتها واقفه قبال باب الشاليه الزجاجي ومساكه أيد فيصل
وكان الود ودها تقوم تذبحهم وتفتك من هالقلب اللي يألمها اذا شافتهم مع بعض...
بس مسكت نفسها وحاولت تبرد أعصابها لمن ينتهي اليوم على خير...





مهمومه..حزينه..بس ماأدري ليه..!!!؟؟
معقوله كل هذه غيره من أختي.!!
والا علشان عرفت أشياء جديده عنه ماكنت أعرفها من قبل..!!؟؟
والله محتاره ومش عارفه أيش أسوي..!!
والا كيف لأتصرف بطبيعيه..!!
ماني عارفه أرجع ترف الأوليه...ترف البشوشه..ترف اللي ضحكه ماتفارقها..!!

تميت مع البنات لأنهم بيطلعون على البحر ...
بس صدقوني ماكنت معهم...
كنت عضو يتحرك...بس مايدري وين بيروح..والا وين بيوقف..!!
لا تسألوني ليه أرجوكم...!!لأن وبكل صراحه ماأعرف الأجابه..!!
لحظه...شكلي ضيعتهم من كثر تفكيري وغبائي الزايد...
زين أني ماطحت على احد بدون ماأدري...(والله تسوينها ياترف زمانك)
هههههههههه الله عليك ياترف...حتى وأنتي متضايقه تتطنزين..مالت عليك!!
أووووف أخيرا وصلت....
ويه..منوا هذا اللي جالس معهم...
ليكون..ليكون خالد....!!
ياربي لا..يارب...
ماأبي أشوفه..ماأبي...
قربت منهم أكثر وأتضحت الصوره ....
نواف\هلا والله هلا بأختي اللي جالسه معي بالبيت ولا أشوفها الا نادر هلا...
واذا شفتها لازم رافعه خشمها لفوق..يعني سمعوا لحد يكلمني...!!
مرام\لا والمشكله أنها بتروح ثالث ثانوي...مصدقه نفسها...!!
ترف بصوت عالي\وليه ماأصدق نفسي...بسم الله علي نجحت وصرت احسن من غيري ..
نواف\أيه هذه ترف أختي اللي أعرفها أم لسانين..
سوزان\وأيش قصدك بأنك أحسن من غيرك..!!!
ترف\والله اللي على راسه بطحه يحسس عليها...
ساره\ههههههههه والله أنك يارتف شي...
بس زين منك يانواف أشكرك الصراحه رجعت ترف الوليه..
سوزان\أيه على حسابي..
نواف\والله محد قالك يابنت عمي تسقطين في نص المواد..
سوزان بغرور\وأنا شوراي شهاده وباخذها وجامعه وبدخلها...ليه احرق أعصابي...!!
وقطع كلامهم صوت تليفون نواف
نواف\وينك ياأخي...أحنا قدام شوي...أيه..على البحر..قريب...كلنا...ننتظرك...سلام...
رهف\منوا اللي تنتظره..!!
نواف\وأنتي ايش لقفك..!!
رهف\يمه منك..ماأحد يطيح في لسانك..
نواف\شسوي.بنات مايجون الا بالعين الحمراء..
نواف\هذا هو جاء.....
ونادى بصوت عالي...خـــــــــالـــــد...







سمعت احلى خبر بحياتي..سمعت كلمه ياما كانت تتمنى تسمعها..
كلمه حلمت فيها ليل ونهار...
كلمه تبرد قلوب تعبانه من كثر الوله والشوق...
حلم قرب يبتدي...
وشموع بدت تضوي...
,,....أنا لي لــ لافي..ولافي لي أنا....,,
في أحلى من هالكلمه...!!
وفي أحلى من هاليوم..!!
يارب مش مصدقه...
واخيرا القلوب بتجتمع...
وأخيرا النفوس بترتاح...
واخيرا بكون لــ لافي...

أم لافي\ها يابنتي وش قلتي..ماعطتيني رأيك.!!
العنود\موافقه.....موافقه يمه..
أم لافي والعبره خانقتها\مبروك يابنتي ألف مبروك...
العنود\الله يبارك فيك يمه...


حاولت أدقق النظر فيها...حاولت أبين مدى شوقي لهالأنسانه....
حبيتها...!!أعترف أني حبيتها....!!
بس متى ...!!وشلون..!!وكيف..!!مدري...!!
ماكنت أدري من متى أحبها..!!ماكنت أعرف أن المشاعر اللي تخليني أغتاضها هي مشاعر عاطفه مدفونه بشكل عكسي..
كنت افكر أن تصرفاتي وعصبيتي الطبيعيه مشاعر باهته وروتينيه..
كنت اترجم أحساسي لها باحساس أخوي...!!

كثير سألوني ياخالد ..علامك متغير...!!علامك صرت جاف وهادي الملامح...!!
وفي ساعتها كنت أتذكرها...هي بحد ذاتها..!!
وأعصب زياده ...واتنرفز..ليه ..!! وأقول ليه أتذكرها..!!
ماعندي جواب...

واليوم....يوم شفتها قبالي ..عرفت ليه اتذكرها...!!
طلعت أحبها.....وأنا مدري...!!
واللحين لهفتي لها وصلت حدها...
لكن اللي قاهرني ومفور أعصابي...أني مشتاق لها حيييل ...وهي ولاعبرتني...ولاسلمت علي حتي....
والمشكله أنها منزله راسها وحاطه ايدها الثنتين على بعض....
واللي يشوفها يقول ماعمرها شافت أيدها....
غبيه....!!
بس هالغبيه أحبـــــــــها...

سوزان\خالد..خالد..خالد..خالد..خـــــــــــــــالد. ..خالد...وصمخ...
خالد\سوزان شفيك...فقعتي طبلت أذني...!!
سوزان\من متى وأحنا أناديك وانت ولا داري عنا...!!
خالد\أوكي شنوا تبين..
نواف\خالد البنات يبون يلعبون بالدبابات...!!
خالد\لا...ماينفع اللحين...!!
رهف\ليـــــــــه!!
خالد وهو يطالع بترف\لسه الوقت ماظلم والشباب ياكثرهم خلوها بالليل أحسن...
رهف\خساره أبي أروح اللحين...
نواف\صادق خالد..بالليل أحسن..
سوزان\أووووف..ننتظر ..بس المهم نروح..



رجعوا البنات والشباب الشاليه عشان يصلون المغرب..
وكانت طول الوقت القعده حلوه لولا الكلمات اللي تقطها العمه على حنين...
لكن حنين ساكته لها أحترام للموجوديين وماكنت تبي تعكر مزاجها وهي رايقه...
سوزان\يالله يالله بسرعه..مالي شغل اللحين نروح....
ساره\أنتظروا شوي الأولاد مادقوا علينا...
سوزان\يووه لين متى أنا بنتظر....
مرام\طيب دقوا عليهم يمكن نسوا الموضوع...
ساره\لا ماأتوقع...
مرام\وش اللي يخليك ماتتوقعين أنسه ساره...
سوزان\طيب منوا بيدق عليهم..
رهف\خلص أنا بدق على نواف....
حنين\ساره وين بتروحون...‍‍‍‍‍‍‍‍‍؟؟
ساره\بنروح نلعب دبابات تجين معنا...‍‍؟؟
حنين\لالالا ماأتوقع...
ساره\ليه..؟؟عشان فيصل يعني قولي له حتى هو يحب الدبابات..؟؟
حنين\لا ماني قايله له..
ساره\على راحتك..





رهف\الوا..منوا زياد...‍‍؟
زياد\هلا رهوفه ..
رهف\أجل وين نواف ليه مارد علي...
زياد\نواف بالحمام تبين شي..
رهف\أيه الأولاد مواعدينا نروح الدبابات ومادقوا علينا...
زياد\أوكي اذ طلع بقول له..
رهف\بتجي معنا..؟؟
زياد\أنتي تبيني أجي..؟؟
رهف\أكييييد...
زياد\خلص ولا يهمك بروح معكم..
رهف\أوكي لا تنسى قول لهم...احنا ننتظركم...
زياد\أن شاء الله مع السلامه..
رهف\مع السلامه..

مرام\ها وش قال...؟؟
رهف\بيودونا...يالله تجهزوا..؟؟
طلعوا البنات بعد مادق لهم زياد
وكلهم راحوا ماعدى فيصل لأنه بيستقل الفرصه وبيتمشى مع حنين...
وركبوا كلهم بسياره وحده وكلها دقايق ووصلوا ..
والحمد لله ماكان فيه أحد زي ماقال خالد ...
قرب خالد لكل واحد دباب وطبعا البنات كان لهم دباب حجمه صغير عشان مايطيحون أما الأولاد كان الأكبر لهم..
بدى الكل يلعب وهو فرحان وكل واحد من الشباب يسوي حركااات روعه..اللي يكون واقف وهو يلعب واللي يفحط عشان الغبار يطلع للبنات..واللي يتمايل عشان يطيح اللي جنبه...
كان الجو ولا أروع...وخصوصا أنه بالليل ومافي احد جنبك..والبنات خذوها فرصه وأرتاحوا أكثر
أما رهف حاولت تكون بعيده عن الشباب وخصوصا خالد وحاولت تمشي لوحدها...
لكن حصلت المفاجأه اللي محد توقعها...
سوزان وهي تمشي علقت العباه بالدباب بدون ماتدري....وحاولت توقف الدباب وتشيل عباتها بس بدون فايده...
وقامت تصارخ عشان يجونها..بس محد داري عنها لأنه ظلام...
لكن اللي كان حولها هو زياد...وحاول يقرب منها عشان يشوف شفيها...
زياد\سوزان..شصاير...‍‍؟؟
سوزان\مدري..العباه نصها علقت بالدباب...
نزل زياد من الدباب وقرب منها وحاول يفك العباه..وسوزان ميته من المستحى...
لكنه حاول وحاول..بس بدون فايده..
زياد\سوزان معليش...
سوزان\شنوا..؟؟
رفع زياد الدباب وسوزان راكبه فيه وشد العباه ونزل الدباب...
لكن للأسف أغلبها تمزعت وتوصخت..
هنا سوزان ماهتمت بالعباه..لأنها خلاص ودها تموت من الأحراج ..
وكل أنواع الجرأه اللي كانت ممتلكتها نستها يوم حصل لها هذا الموقف..والمشكله أنه كان قدام زياد...
وكانت تبي تقول كلمه لى بعضها..بس خانها التعبير وأنخرست...
حس زياد بخجلها وحاول يدارك الموقف...
أبتسم وهو يركب الدباب ويقول
زياد\حصل خير سوزان...كملي لعبك...ومشى...
غطت سوزان وجها بأيدها الثنتين وهي ميته من الضحك...
سوزان\ليتني مت ولا تعرضت لهالموقف...وركبت الدباب...



ظلوا الشباب يلعبون ثلث ساعه بعدها جاء الهندي راعي الدبابات عشان ينزلهم..بس ولا واحد مفتكر فيه..وكلن معطيه طاف...
يوم زهق منهم الهندي حاول يلحق كل واحد بالدباب..لكن برضوا ماعطوه أي أهتمام..
وأختموها الشباب بسباق منوا أول واحد يوصل للبدايه وكانوا معهم البنات بالسباق ويوم بدوا
كانوا أول المتحركين الشباب لأن سرعتهم أقوى اما البنات وراهم وهو ميتين ضحك...
واللي فاز طبعا خــالد ...وقامت التصفيرات...

رهف\مالي شغل أبي العب ثانيه..تكفون خلونا نعيدها..
نواف\حلا هو نعيدها كل مره..صج ماتنعطون وجه يالبنات..
مرام\سوزان شفيك...ليه عباتك متقطعه..؟؟
سوزان\أسكتي فضحتيني..وبصوت واطي أقولك بعدين...
ساره\سوزان ليكون تقطعت عباتك..!!
ترف\أي والله صدق عباتك متقطعه...
هنا سوزان ودها تذبحهم وحده وحده.هي ماكانت تبي تقول لهم عشان تنسى السالفه..بس بسببهم حمر وجها مره ثانيه...
لأنها تذكرت الموقف ...
بس زياد أنقذ الموقف وقال ...
زياد\يلا شباب تأخرنا....ومشى للسياره...
وبكذه تناسوا سالفة سوزان....لكن مرام مستحييل تتركها لازم تعرف سالفتها ...!
رجعوا الشباب والبنات للشاليه
وشافوا فيصل مع حنين جالسين يرتبون عدة الشوي وبدوا يحطون الجمر عشان اليوم بيشوون...
نواف\يعطيك العافيه فيصل...لأني ميت جوع...
فيصل\أيه مو لله تتمنى لي العافيه مع هالويه...
نواف\شسوي بعد ياولد عمي الأكل سلطان...
خالد\أنا خبري النوم سلطان مش الأكل.....!!
حاولت حنين تدخل للشاليه بدون ماحد يدري لأنها لحد الآن ماتعودت على عيال عمها..شافها فيصل وابتسم لها...

وعلى طول تبعتها ترف..ودخلت ..وكان طبعا خالد..عقله وروحه وقلبه معها..وحس فيها..لكن هالمره أعتصر قلبه...

يحس بمراره بس مايدري ليش....!!
وصمم على رأي فيه خطوره.. لكنه معزم على هالشيء....






\شفيك ماجلستي مع زوجك......ليكون زهق منك..!!
أم فيصل\أفا والله فيصل يزهق من هالقمر...معقوله ..!! مايصير..!!هذه حنين مو أي وحده..
حنين\لا بس قلت حر بره خليني أدخل شوي...
العمه\أوووه نسينا حنين ماتحب تجلس الا مع المكيف.....تخاف بشرتها تخترب...
حنين بتحدي\عليك نور ياعمتي..اخاف بشرتي تخترب..تدرين الزم على الأنسان صحته وجسمه..
العمه\أيه ايه ..الزم على الأنسان صحته وجسمه...زين انك أعترفتي ياحنين...
الا أقول شخبار أختك العنود لحد اللحين حلاقه...وامك لحد اللحين تبيع هالبخور اللي يضيق الصدر...!!
حنين\اذا كان يضيق صدور ناس ..فمحد قالهم يشترونه...واذا ماعجبك ياعمتي..محد ضربك على أيدك وقالك اشتريه...
كل واحد حر بنفسه وبتصرفاته...
وقامت من مكانه ودخلت غرفة النوم...
العمه\صج ماتستحي على وجهها ...لسانها طوييل ويبيله قص....والا شرايك ياام فيصل...
أم فيصل\الله يهديك بس...أنتي اللي خلتي البنيه تفلت اعصابها ..
العمه\يعني أنا اللي غلطانه..!!
أم فيصل\أنا ماقلت أنك أنتي الغلطانه ...بس أنتي غلطتي على أمها والواحد مايرضى على أمه...




دخلت حنين الغرفه وهي خانقتها العبره...!!
مش مصدقه أنا في عمه بهالقساوه...!!
تحس أنها تتلذذ في تعذيبها..!!
تحس أنها تموت من الفرحه اذا تضايقت..!!
وعلشان شنوا..!!
ماتدري..!!
معقوله في ناس همهم بهالدنيا أنهم يجرحون ناس بدون سبب..!!
معقوله في قلوب من حجر...قاسيه...ماتذوب..!!
حاولت أكثر من مره أنها تكف شرها ..وتسكتت لاتقول لاخير ولا شر...
بس مع ذلك الشر يجيها وهي ساكته..!!
ماتدري وش تسوي....!!
ماتدري تضحك ولاتبكي...!!
أحس لها أنها تبتعد عن هالناس..عن أصحاب القلوب الخبيثه..!!
بس كيف...!!
اذا حياتها تحتم عليها أنها تقابل هالأشخاص كل مره...!!
كيف تبتعد عنهم...!!
بين هالحزن وهالدموع وهالجو الكئيب....دق جوالها وشافت رقم بيتهم...وردت عليه وهي تمسح دموعها...
حنين\ألو...
أم حنين\هلا حنين..شلونك يمه..!!
حنين وهي تجاهد بتغيير صوتها\أنا بخير..دام أسمع هالصوت اللي يبرد الفؤاد...
أم حنين\يابعد هلي والله...شخبار الجو عندكم..عسى مستانسين...!!
حنين\أيه وناسه يمه..ماناقصنا الا شوفتكم...
ام حنين\حنين..
حنين\نعم..
أم حنين\أختك العنود خطبها خالك لولده لافي...
مرت لحظات طويله ماينسمع فيها غير صوت هوى الغرفه...
وبعدها...طلع صوت حنين وهي تصيح بصوت مسموع....
أم حنين\ألو حنين أنتي معي..
حنين\صج يمه...صحيح الكلام اللي قلتيه...!!
أم حنين\أكيد ياحبيتي هذه سالفه ينلعب فيها!!
حنين وهي تصيح\الحمد لله..الحمد لله...مبروووك يمه ألف مبروووووك...
أم حنين\الله يبارك فيك حبيبتي..
حنين\آآه يايمه...مابعد صبر..مابعد وقت طوووووويل جاء الفرج....ياكثر فرحتي يايمه...
أم حنين\أي والله صادقه ياحنين...يالله الله كريم...
أم حنين\المهم حنين ماابي أطول عليك وأنتي جنبك الناس...سلمي عليهم...
حنين\ان شاء الله يمه يبلغ....سلمي على العنود وان شاء الله بكلمها بعديين...
حنين\مع السلامه..
أم حنين\الله يحفظك..
سكرت حنين من أمها وهي شاكره ربها ألف مرره...
قبل لحظات كانت في قمة حزنها ...
وبعدها بلحظات صارت أسعد وحده بالدنيا,...!!
سبحان الله...!!
دوام الحال من المحال...!!

...يادنيــــــــا....كم تسوين...!!

طلعت حنين من الغرفه وراحت للصاله وهي على وجهها احلى ابتسامه...
حاولت تتناسى كلام عمتها وتفرح بالخبر اللي سمعته....







\أنت من صجك..!!
خالد\أيه من صجي وبكامل قواي العقليه...
ساره\آسفه خالد أخاف البنت تزعل علي....!!
خالد\وهي شدراها انك أنتي تدرين...لاتصعبين الأمور..!!
ساره\طيب أيش تبيني أسوي...!! كيف أخليها لوحدها وبعيده عنا...!!
خالد\مدري..مدري ياساره..أنا أستنجد فيك..ولا ترديني الله يخليك...
خالد\تكفييييين..
خالد\أول طلب واخر طلب...
ساره\أوكي....بس تعال أنت ليش تبي تكلمها...!!!أعترف..!!
خالد\لاتسألين الله يخليك...أنا حدي متوتر ومرتبك...
ساره\والله وكبرت يأخوي وقمت تتوتر وتهتم...قول..قولها وارتاح...!!
خالد\شقول..!!!
ساره\قول أنك تحبها...!!!
أنتظرت ساره رد من أخوها وبعدماطال الأنتظار....
خالد بابتسامه حياء\أيه..أحبها...
ساره\أخيرا حسيت على وجهك من متى واحنا ننتظرك....
خالد\يعني أنتي كنتي تدرين...!!
ساره\أصلا ملامحك...لهفتك ...نظراتك...فاضحتك ياأخوي...!!
خالد\لهدرجه انا شفاف...!!
ساره\جدا....
خالد\طيب تهقين هي لاحظت اني أحبها....!!؟؟
ساره\لاماأتوقع....!!
خالد بخيبة أمل\ليـــــه..!!؟
ساره\لأنها طول هالفتره بعيده ..مو ترف الأوليه...اللي الضحكه ماتفرق شفايفها...!!
ترف تغيرت ياخالد....
خالد\أدري...وهذا اللي ذابحني...
ساره\الله يعينك ياخوي..

فكرت ساره بمكان هادي وبنفس الوقت قريب...عشان يتلاقون ...
ويوم فكرت أكثر لقت مكان مافي أحسن منه...
وبنفس الوقت مافيه شبهات...
رجعت للبنات وهي تبتسم لأخوها ..وفرحانه حييل ودعت ربها أن هاللقاء يجمع بين قلبين..





حطوا الجماعه العشاء وطبعا اللي كان مسويه فيصل وشوي الشباب...
وطبعا كان الوقت متأخر ..لكن كان عادي لأن حلات هالمكان بالليل...
ولمن خلصوا العشاء قرروا مره ثانيه يطلعون بره لكن هالمره فرشوا لهم سجاده وجلسوه قريب من الشاليه لأن الكل كان معهم حتى الحريم الكبار...
وكان الجو حلو وبارد شوي...
هذا غير المسجل اللي كان بأيد ريان وكل مره يغير الأغنيه لمن أستقر على أغنية للجسمي عالي مستواه...
وارتبش الكل على هالأغنيه...
فيصل\حنين...
حنين\هلا...
فيصل\سمعي الكلمات زين...لأنها أهداء لك انتي...
سوزان\شتقولون ها...أبي أسمع....
فيصل\عيب..اذا تزوجتي خلي زوجك يقولك..هذا كلام كبار ياماما..
سوزان\أنا أصلا سمعت اللي قلته..
فيصل\ومدام سمعتي ليه تتلقفين...!!
سوزان\بس...كذه..
فيصل\غــرور..
سوزان\ياحلو الغرور مدام أنها مني...
وبعد ماخلصت الأغنيه حطوا أغنيه ثانيه وهالمره حطها خالد وكانت أغنيه لعبد المجيد عبد الله
منت رايق...وطولوا على الصوت حده...
ويوم شافت ترف أن خالد اللي حاطها أندمجت مع الأغنيه ودققت في كلماتها..
بلحظاتها حست أن هالأغنيه مقصوده لها ...
رفعت نظرها لــ خالد وشافته يطالع فيها بعيون حزينه...
وكان هالوقت مقطع الأغنيه يقول
التفت لي شوي....محتاج لدقايق....
أنا ماصدقت اشوفك ونتواجه...
منت رايـــــق..
أكسرت ترف النظره وحاولت تلهي نفسها بأي شي..
المهم أنها ماتشوف خالد....!!






ساره\أقول بنات..شرايكم نتشمى..!!وتغمز لــ خالد..
سوزان\لا أنا مالي خلق..خلوها بكره..أحس جسمي متكسر
رهف\أي والله صادقه خلوها بكره..
ساره\حرام عليكم والله ودي أتشمى..!!ترف تقومين معي..!!وتغمز لــ خالد
أحتارت ترف..تقوم والا لا..
بس بعدها رضت أنها تقوم عشان تشرد من خالد ونظراته..
ترف\يالله..
مشت ترف مع ساره مسافات طويله..وهم ساكتين..
ترف تطالع الفراغ اللي قدامها..
أما ساره تناظر النجوم وتبتسم أبتسامة رضا..
ساره وهي تناظر الجوال\أقول ترف..!!
ترف\هلا
ساره\مو كأن مشينا كثير...!!
ترف\عادي ..المهم نبتعد..!!
ساره\من منوا..!!
ترف\من الجو الكئيب ..أحس نفسي مختنقه..
ساره\بالعكس ياترف...مافي أحلى من هالجو...براد..ووناسه..قولي الحمد لله..
ترف\الحمدلله..
ساره\أمشي نتمرج...نفسي العب شوي..
ترف\أوكي..
وبهاللحظه دق جوال ساره وكان خالد يسألها وينهم..
قالت له ساره أنهم جنب الألعاب..
ترف\منو تكلمين..
ساره\خالد..!
ترف\منوا خالد..!!
ساره\في غيره خالد اللي بالعايله...
ترف\خالد أخوك..
ساره\أيه..بيجينا اللحين..
ترف وهي معصبه\نعم..أيش يبي...!!
ساره\سمعي ترف...بس تكفين لا تعصبين..
ترف وبقلة صبر\أسمعك..
ساره\خالد بيجي اللحين..عشان يبي يقولك شي وبيروح...
تكفين ياترف..سمعيه لحد النهايه ولا تقاطعينه..
ترف\ليه..شيبي مني..أنا أصلا مابيني وبينه أي كلام...
ساره\ترف..الكل مستغرب من تصرفاتك مع خالد,,والكل يتسائل..فلو سمحتي سمعيه بعدين سوي اللي تبينه..
ترف\بس ياساره..
ساره وهي مقاطعتها\ترف ..أحنا وش قلنا..!!
ترف\طيب ..تعرفين ..شيبي مني..!!
ساره\اذا جاء أسأليه...هذا هو جاء..



شافت ترف خالد من بعيد وهو يمشي قدامهم بخطوات سريعه..
ماتت خوف..
تحس أنه دقات قلبها مش منتظمه..
تحس بحراره..وعرق بجبينها...
تحس باظطراب وارتجاف بجميع أنحاء جسمها..
المشكله أنها لسه ماكلمها..وهي تحس بهالأحاسيس..!!
أجل اذا كلمها..
وش بتسوي..!!
خالد وبعد ماخذ شهيق\السلام ..عليكم..
ساره\وعليكم السلام..هلا خالد..بروح شوي وبجي ..
خالد\أوكي
مسكت ترف أيد ساره ..وكأنها تقول لها..وين بتروحين وتخليني..
ساره بابتسامه\مش رايحه مكان بجلس على البحر شوي ..بصير قدامكم..
ترف\ساره..حرام عليك..
ساره\ترف..ايش قلنا أحنا..!!يالله مع السلامه..
كل هالحوار يدور ..وخالد يناظر فيهم..ينتظر أنهم يخلصون كلامهم..
لكن في نفس الوقت ..وده أنهم مايخلصون..
لأنه توه يحس أنه مرتبك ومتوتر..وهالشيء واضح كثير عليه..






الأغلبيه راحوا ينامون عشان يقومون الصبح
..ومابقى غير الشباب اللي داقينها طرب...
وكان عند باب الشاليه فيصل حنين يسولوفون..أووه قصدي يتخانقون..
فيصل ..مش راضي يترك حنين تروح تنام..
لأنها اذا راحت بيظل لوحده..وهو مايبي هالشيء..
فيصل\حنين..حنينوا..غيري رايك..صدقيني بتسهرين علي سهره موب صاحيه..
حنين\فيصل..حرام عليك..والله فيني النوم..تكفى أجلها لبكره..
فيصل\لا..يعني لا..
حنين\يالدلوع..
فيصل بترجي\تكفيين..
حنين\ماأبي..
فيصل وهو مسك عباتها\تعالي..
حنين\فيصل..تكفى هد عباتي...لا تفضحنا..اللحين أحد يمر ويشوفنا..
فيصل\وش فيها يعني..زوجتي وكيفي..
حنين\فيصل..خلص عاد..
فيصل\لا..
حنين\أصلا وش السهره اللي بتسهريني أياها..تذكر أيام شرم الشيخ..والا تبيني أذكرك..
فيصل\واللي يرحم والديك..تراك ذلتيني بهالموقف...صدقيني هذه أخر مره..
حنين\لا..لازم اذكرك..عشان تتفشل..تذكر يوم جلسنا على البحر بالليل..وكنت اقولك ماابي أطلع..وانت كنت تغصبني على الطلعه..وبعدها يوم طلعنا على البحر..جلسنا شوي..وبعدها نمت..ولا حسيت بروحك..ههههههههه والله كنت تضحك يافيصل..
الناس طالعين عشان يتأملون بالبحر وأنت رايح عشان تنام..ههههههههه
فيصل\يعني لازم تذكرني.أصلا كنت ذيك الحزه فيني النوم بس كنت اكابر عشانك..
حنين\لا والله..!!
فيصل بابتسامه\أي والله..
حنين وهي تجر العباه\خلص فيصل..تكفى خليني أروح..
فيصل وأخيرا ترك عباتها\خلص روحي..بس لاتكلميني بكره لأني زعلان عليك..
حنين بابتسامه\ماتقدر..
فيصل\الا بزعل..وبزعل وبزعل..وبعدها تجين وتراضيني غصبن عنك..
حنين\وثوق..
فيصل\أكييد..يالله عمري..تبين شي بروح أنام..
حنين\لا سلامتك..بس تلحف زين..
فيصل\لا.مش متلحف.. كيفي
يالله تصبحين على خير
حنين\وانت من أهل الخير..
فيصل\مع السلامه
حنين\مع السلامه
فيصل\يالله روحي..
حنين\لاأنت روح قبل..
حنين\لالالا.أنت قبل..
فيصل\لا أنتي قبل..بعدين انا..
حنين\فيصــــــل
فيصل\حنيــــــــن
حنين\روووح
فيصل\روحي..
حنين\خلص استسلمت..بروح باااي
فيصل\بااااي
وأخيرا راحت حنين..ودخلت الشاليه
وفيصل يناظرها..لمن دخلت وأختفت عن عينه..
أبتسم وهو بعد راح ينام..









\خايفــــــــــــــه..صح..!!
ترف وهي مرتبكه وتسوي نفسها عاديه\.....لا....أصلا..ليـ ـــش..ليـ ـش..أخــ ـــاف..!!
خالد\واضح..
ترف\نعم..
خالد\لا..ولا شيء..
وسكتوا...
وطال السكوت..
مرت نص دقيقه...مرت دقيقه..دقيقتين..ثلاث..أربع...ولحد اللحين ساكتين..ولا أحد راضي يتكلم..
وبعد لحظات..
تكلم خالد..
خالد\أممم..ترف..
ترف\هلا
خالد\طالعيني..
طالعته ترف..
ترف وهي تناظره\نعـ ـــــــم..
خالد\ليش..ليش ياترف متغيره.أحنا سوينا لك شي..غلطنا عليك..أحد مضايقك..قولي لي..!!
ترف وهي تبعد النظر عنه\لا..منوا قال أني مضايقه..عادي مافيني شي...ليه السؤال..!!
وفتحت عيونها..
أنت لاحظت شي..!!؟؟
خالد\ترف..تكفين...كلن يسال ليه أنتي متغيره..يعني الكل لاحظ مش أنا بس..!!
ترف\صدقني مافيني ..مافيني شي..
خالد وهو بدى يعصب \ترف..وبعدين معك..تكلمي تراك ذبحتيني..لي أكثر من شهر ..وانا اسال نفسي..ليه انتي متغيره علي..ليه صارت معاملتك لي جافه..باره..مالها طعم..
حتى..حتى..أنا صرت مثلك..صرت هادي ..وعصبي وعلى أي شي اتنرفز...!!
ترف\ليه..ليه تبي تبي تعرف ياخالد ليه..تبي تعرف اللي فيني..!!
خالد\بس كذه أبي أعرف.!!
ترف\روح أسأل اللي ترابعهم..روح..وبتلقى الجواب..
خالد وهو مستغرب\منوا..منوا اللي أرابعهم..
ترف\أسال نفسك...
خالد\ترف لا تجنيني..ترى اللي فين كافيني..!!يالله ردي علي
ترف\حتى أنا اللي فيني كافيني ..!!
واذا قلت لي ليه تسأل برد عليك..!!
يالله أستأذن.. وقامت وهي ناويه انها تمشي...
لكن كان خالد اسرع منها ..ومسك يدها بقوه..
ترف\خالد أتركني..أتركني لو سمحت..
خالد وهو متجاهل كلامها ويطالعها بعيونه\تبين تعرفين ليه أسال..!!
ترف وهي طالعه\أيه..أبي أعرف..




خالد بعيون حزينه\لأني..لأني أحبك..أحبك...وأحبك..........بس...... هذا اللي أقدر أقوله..
ناظرها نظره اخيره..ومشى...وين...!!
مايدري....!!؟بس المهم أنه يبتعد عنها..!!




رجعت ساره لــ ترف بعد ماشافت أنه أخوها راح...
ساره\ها ترف..وش صار..!!
ترف وهي مخدره\يحبني...قال يحبني أنا..!!
ساره بفرحه\مبروووووووووك..
ترف وهي تمشي للشاليه وتررد الكلمه الأخيره\يحبني..يحبني..خالد يحبـــني..

صحوا الجماعه بدري اليوم الثاني وقرروا أنهم يستقلون الصباح لأن العصر لازم يطلعون من الشاليه
راحوا الحريم البركه بعد مافطروا
ويوم رجعوا حنوا على الأولاد مره ثانيه يروحون الدبابات لكنهم مارضوا..
حنين وفيصل مشوا أول الناس عشان حنين تبي تروح بيت اهلها وتبارك لهم
أما البقيه جلسوا لحد أخر الظهر وتغدوا وبعدين كل واحد راح بيته...






أول ماجينا من الشاليه رحت بيت أهلي مع فيصل..
ويوم شفت أمي على طول ارتميت في حضنها وأنا أبارك لها ..
فيصل\أقول ..نحن هنا ..حتى أحنا ودنا نبارك...!!
أتركت أم حنين بنتها وسلمت على فيصل..
ام حنين \شخبارك ياولدي ان شاء الله بخير!!
فيصل \الحمد لله ياعمه..مبروك وعقبال الصغيرونه سمر...
سمر\لالا أنا ماأبي اعرس..أبي أجلس مع أمي وحضنت أمها..
ضحك الكل على سمر وحركاتها الطفوليه..
جلس فيصل معنا شوي بعدها راح عشان عنده شغل بالشركه
حنين\أقول يمه..وين العنود..!!
ام حنين\منخشه بغرفتها..!!روحي شوفيها..!!
العنود\وليه تروح انا اللي أجيها...!!
حنين بفرحه كبيره\عنـــود..
سلمت العنود على أختها وتركتها على اساس أنها مستحيه..
وبعد ماجلست قامت مره ثانيه وحضنت أختها بكل قوتها ..
حنين\مبروك حبيبتي ..ألف ألف مبروووك..
العنود\الله يبارك فيك..!!
دمعت أم حنين عيونها وهي تشوف بناتها قدامها
حنين\متى بيجي خالي..!!
أم حنين\بعد المغرب بيجون..قلتي لزوجك...!!
حنين\لا والله نسيت اقوله..
أم حنين\طيب دقي عليه
حنين\بعد شوي يمه...خليني أسولف معكم..
جلست أسولف مع أمي والعنود كل شي صار لي بالشاليه ..بس ماذكرت لهم عن سوالف عمتي الماصخه..لأني ماأبيهم يضايقون عشان شي مايسوى..
حنين\صحيح بكره ملكته..!!
أم حنين\أيه بكره..وبعده على طول زواجه ..
حنين\الله يوفقه ان شاء الله..ومنوا بياخذ..!
العنود\أخت زوج روابي..اسمها مريم..
حنين\أها..بتحظرين يمه..!!
أم حنين\مدري يابنتي ,..بس شكلي مش رايحه..مافيني حييل..
العنودأقول حنين تعالي معي الغرفه..
حنين\ليه..!!
العنود\يعني ليه بالله عليك..الوقت تأخر وماسويت شي..
حنين\ههههههه طيب ياعمتي يالله







\سويتها بدوني يالخاين..!!
لافي\شسوي فيك أنت اللي مش راضي تتزوج..قلت خليني أدقق الحديد وهو حامي...بعدين اللي يسمعك يقول ودك تتزوج..الناس كلها بتتزوج الا أنت..!!
فهد\وليه ألأستعجال ماوراي شي...خلي متعب يتزوج وبعدين يصير خير..!!طيب اللحين قولي متى الملكه..!!
لافي\مدري يافهد لو علي أنا أبي كل شي بيوم واحد..
فهد\ومتى بتروح بيت خالتك..!!
لافي\بعد المغرب باذن الله..
فهد\الله يسهل عليك ياأخوي..
لافي\أيه ايه كثير من دعواتك اللله يخليك..
فهد\ههههههههه أوكي يالله ماأطول عليك أبيك تشوف أمورك أكيد الحين مشغول..أشوفك بالليل
لافي\طيب ..فمان الله..






الساعه سبع بالمغرب جاءت بو لافي مع عياله
والفرحه مرسرومه على وجه الكل..
لأنه أخيرا هالرباط اللي يحلمون فيه من سنين بيتحقق
اشخاص يسولوفون..واشخاص يضحكون..
أما اشخاص طايريين من الوناسه والود ودهم الزمن يمشي بسرعه عشان ترتاح قلوبهم..
العنود وهي مرتبكه وبصوت واطي\أقول حنين...شكلي عدل...!!
ريم\سمعتك يالسباله..لاتخافين قمر ..قمـــر..
العنود\الله يقطع بليسك..احد كلمك أنتي...!!
ريم\أوص ..أوص أحسن ترى في رادار قريب جالس جنبك أي سبه عند حبيب القلب لافي...
أم لافي بابتسامه\ها يالعنود..متى تبين الملكه..!!
العنود\مممممـ ــدري...على راحتكم..
ام لافي\وراحتنا راحتك..أنتي أمر بس...
العنود وهي مستحيه\كيفكم...
ريم\بس يمه أحرجتني البنت من اول مادخلت علينا وانت ياطالعينها ياتحرجينها بكلامك..
الخبله ريم تفكر انها بهالكلام بتخفف التوتر ..بس ماتدري أنها زادت الطين بله...
حنين\عليك لسان ياريم..عســل..هههههههه
ريم\ليه..ليكون غلطت..!!ماقلت شي..
العنود بصوت واطي\هيين ياريم..مردوده ياحبيبتني مردوده..
دخل عمر هالوقت وهو يتحنحن وسلم عليهم
عمر\خالي لافي وولده بيدخلون اللحين
زقبل مايكمل عمر كلمته قامت العنود ودخلت غرفتها والكل ميت ضحك عليها
حنين\شسالفتكم أنتوا..اليوم كله تحرجون البنت...مره أنت ومره ريم..!!
ريم بدلع\ليه ياحبيبتي وش قلت أنا,..!!
حنين\أبدا ماقلت شي..خليني أروح اشوفها
شاف عمر ريم وهي تتكلم وأبتسم لها بس ماسرع ماأبعدها عن تفكيره..
لأنه مايبي يفكر فيها ولو دقيقه وحده..
يبي يبتعد عنها..
مايبي يحبها اكثر...
يخاف يتعلق بوهم..ماله امل..
لاحظت ريم تغيرات وجه عمر وأختفت الضحكه من مبسمها..
وهي تفكر وشفيه عمر متغير..
حتى سلام ماسلم عليها ..والمشكله صار لهم فتره ماشافوا بعض..
عمر\واللحين يدخلون والا لا..!!
أم حنين\أيه قول لهم يدخلون..
دخلوا بو لافي وابوه وسلموا على الموجوديين..
وسولفوا عن أشياء كثيره
ولافي يتحرقص يبي يشوف العنود..
أبو لافي\وين العروس...!!
لافي بصوت واطي\أخيرا تكلمت يبه..!!
أم حنين\العروس مستحيه ..مستحييل تطلع لكم..
بو لافي\ياحليلها عنود..كبرت ...
لافي بصوت واطي\لا حرام عليكم..صدقوني برتكب جريمه...جيبوها لي أبي أشوفها..
ريم حست بأخوها وحزنت عليه كثير لأنها تعرف أنه اخوها يبي يشوف العنود من زمان وشكله مش شايفها..









\هلا وغلا
حنين بزعل\ليه ماجيت..!!
فيصل\الصراحه..!!
حنين\الصراحه..
فيصل\الصراحه كنت أبي تخذون راحتكم..عشان كذه ماجييت..
حنين\طيب ليه ماقلت أنك مش جااي..!!
فيصل\طافتني هذه ..سوري...
حنين\وهالسوري هذه وين اصرفه..
فيصل\عند اللي قلبها حنون ويسامح..المهم بمر اللحين أخذك..!!
حنين\الحين..!
فيصل\ليه ماشبعتي..!!
حنين\أحد يشبع من اهله..!!
فيصل\لبسي عباتك انا جنب الباب
حنين\من صجك..!!
فيصل\يالله عاد طلعي...أنتظرك وسكر السماعه في وجهها...


على كثر الشهور اللي مرت..
لكن لحد الآن علاقة فيصل بــ حنين متحفظه..
يعني مايقدر يعبر بكلماته بمدى حبها عنده..لكن يحاول يبين هالشيء بأفعاله وتصرفاته..
وحنين نفس الشيء..ماتقدر تتجاوز حدود الأحترام..هذا غير الحياء اللي تحاول قدر المستطاع أنها ماتبينه..





بعد ماطلعت من بيت اهلي رحت مع فيصل البيت وأول مادخلت شفت الكل نايمين..
مسكني فيصل بأيده وطلعنا مع بعض لــ فوق بدون محد يتكلم..حتى بالسياره..محد تكلم..
ياترى شفيه ساكت..!!
مش من عوايده..!!
راح غرفة الملابس وبدل ملابسه ..وأنا رحت أفصخ عبايتي..وجلست اتفرج على التلفزيون..
و أفكر فيه ..احس أنه فيه شي..يبي يقول شي بس مش قادر...

وبعدها بعشر دقايق جاء وجلس جنبي ...ونفس الشي ساكت..
وبحركه جريئه حط راسه على حضني...وغمض عينه
وانا هنا..توترت..
أولا بسبب الحركه اللي سواها..وثانيه لأنه لحد اللحين ساكت...
جلسنا فتره كذه ...هو ساكت وأنا ساكته..
اللي يشوفنا يقول اليوم ليلة زواجنا..



فيصل\حنين...
أخيرا تكلم...
فيصل\شفتي هالأربع ساعات اللي جلستي فيها بيت اهلك..!!
حنين\أيوه..أنتظره يكمل
فيصل\وحشتيني فيها...البيت كان فاضي بدونك ماله طعم..
أنصدمت..ماتوقعت أبدا هالكلام بيطلع من فيصل..
أنربط لساني هالوقت وماقدرت أتكلم..
فيصل\حنين..ليش ساكته...!!
حنين بصوت وطي\شتبيني أقول..؟؟
فيصل\أي شي..لا تظلين ساكته..
حنين\........
فيصل\أوكي على راحتك لاتتكلمين..مابي استعجل على شي...
وعدل قعدته..
فيصل بابتسامه\شسويتي اليوم أحكيلي والا هذه بعد ممنوع..
أبتسمت له..بعدها قلت له كل شي بالتفصيل..
ومن بين سوالفنا قلت له عن عرس متعب وأني أبي أحضره
شفت على وجهه الضيق والكآبه..
شكله لسه مانسى الموقف..
وطال سكوته وأنا أنتظر منه الجواب..
فيصل\أوكي ..روحي .بس أنا مش رايح ..
حنين\ليه..!!
فيصل\بس كذه..لاتسأليني أكثر..يالله تصبحين على خير..









\ألف مبروووك..
متعب\الله يبارك فيك...
روابي\لولولولولولييييييييييش مبروك يامتعب ...أخيرا بنفرح فيك..
متعب\الله يهديك ياروابي...ويظغط على راسه..شوي شوي علي ..صوتك عالي..
روابي\أقول أخ متعب اليوم ملكتك..خلك مبتسم شوي..
متعب بابتسامه\هاهاها بايخه..ندري أن اليوم ملكتي..
هيفاء\خذ المدخن بخر نفسك..
متعب\مو تقولون اليوم ملكتي..بخروني يالله...
هيفاء بابتسامه\ولا يهمك...
بخرت هيفاء أخوها وعطرته بعد..
لمن قال بس..
متعب\أقول وين حبايبي,,,ماجبتيهم..
روابي\بتشوفهم تحت..يالله مافي وقت تأخرنا...بروح اشوف أمي..
طلعت روابي من الغرفه..وجلس متعب على السرير وهو يتنفس الصعداء..
متعب وبعد تنهيده\خلص..من اليوم ورايح..كل شي بيتغير..
متعب بيحاول يتغير...
هيفاء\عشان ايش..!!
متعب\عشان نعيش ياهيفاء..عشان نعيش..
هيفاء\وانت وينك من هذا كله..!!!
متعب\أنا....!!مش مهم أنا ويين ..المهم أمي ترتاح..ماأبي أصير أناني ياهيفاء...أبي أفرحها..الزمن يمشي..وأنا لازم امشي مع التيار..
هيفاء بابتسامه\الله يوفقك يامتعب...الله يوفقك..
متعب بابتسامه\محلى دعوه تجي من قلب صادق....
وبعد فتره
متعب\يالله قومي ..تأخرنا..
هيفاء\يالله..

راح متعب واهله بيت مريم ولما وصلوا الكل درى بحضورهم حتى المعرسه..
ومريم تكون بنت اخت نايف زوج روابي...يعني نايف يصير خالها..
كانت الخطبه سريعه وكل شي صار رسمي
ومريم صارت زوجة متعب على سنة الله ورسوله..




كان رافض متعب أنه يشوف زوجته وقال هالشيء لــ روابي من زمان ..
بس روابي أصرت عليه يدخل يشوفها ..لكنه رفض مره ثانيه لأنه بكره بيشوفها..
فماله داعي يشوفها اليوم..
وارسل الشبكه والهديه لــ روابي..وهي تتكفل بالموضوع وامه تلبسها الشبكه..

لكن اللي طلع حتى مريم كانت رافضه تشوف متعب الا في ليلة العرس
ويوم درت عن هالشيء تضايقت شوي.بس ماسرع مانست الموضوع مع تجمع الأهل

ويوم خلصت الملكه وأمورها الرسميه طلع متعب وخذ أهله ووصلهم البيت ..
وبعدها طلع بسيارته لوحده..
مــــــريـــــر هذا الأحساس
بشوق ناري لايهدأ,,,
لا اللقاء يطفىء وهج نيرانه..
ولا الفراق..

دوما دوما أفتقدك
باستسلام كوكب
لمداره حول الشمس

وحين اسمع صوتك
يتناسل شوقي اليك ويتكاثر
وحين يغيب صوتك..
ماذا اقول قبيلة الشوق..!!
التي تقلع طبولها داخل راسي..
دونما توقف..

أناديك
والليل جاثم خلف الجدران
والفراق قد شهر مخالبه
أناديك
والنوم يتقدم مني مهددا
بعشرات من كوابيس الوداع

آه كم أفتقدك..
أنا التي ودعتك للتو
وكيف اتحمل رحلة الليل
ريثما تشرق في عالمي..؟؟

امل الحياه..









صحيت الظهر وأنا مضايقه....ليه..الصراحه مدري...!!
حلمت حلم مزعج..وعشان كذه صحيت بدري...
طلعت لأمي بالصاله وشفتها جالسه لوحدها...
العنود\صبــــــــاح الخير على أحلى أم...
أم حنين\قولي مساء الخير
العنود\ههههه أوكي مساء الخير...تغديتوا والا
ام حنين\أيه تغدينا..بس عشان دواي والا أنا مالي خلق حق الأكل..تبين احط لك غداء
العنود\لا يمه مالي نفس اللحين..
العنود\..الا اقول يمه...ماتلاحظين شي...
أم حنين\شنوا يابنتي..
العنود\أبوي..
أم حنين بحزن\شفيه ابوك..
العنود\من زمان ماشفناه..ولا سأل حتى...
ام حنين\والله مدري يابنتي عنه..ولا أعرف اخباره...وأنا من زمان وأنا احاتي..بس ماباليد حيله..
العنود \مو معقوله كذه يمه..أبوي مانعرف اخباره من شهور...وهو حتى مافكر يسأل عنا...ولا يدري أحنا ميتين أحنا عايشين..
يكفي أنه مايصرف علينا..بعد مايسأل...!!
أنا ماعمري شفت اب مثله..!!ماعمري..
قطت العنود هذه الكلمت على أمها ودخلت غرفتها ثانيه...
هي خلقه اليوم مالها نفس لأي شيء..وتضايقت زود يوم عصبت على أمها..
هي تدري أنه أمها مالها ذنب..بس عصبيتها نستها كل شي..









\وش فيك متوتر...!!
عمر\لا..أبد ..مافي شي..بس المكان اول مره ادخله..وناس كثار داخله وطالعه..أحس شكلي غلط..
أحمد\طيب انت مو اول مره تطلع معنا,,
عمر\أيه بس هذه أول مره اروح مزرعه..ولا مع ناس غرب...
أحمد\أفا ....عديت اخويائي غرب..!!
عمر\لالالا مو قصدي والله..
أحمد\المهم ماعلينا..أمش نلعب ورقه مع الشباب ..بقى وقت على غداهم..
عمر\أوكي يالله..

قمت العب مع الشباب ورقه..بس أحس نفسي صغير قدامهم..
بس مش هذا السبب اللي يخليني أضايق..!!
مدري حسيت جو المزرعه غريب..فيه شي موطبيعي
والشباب اللي يجون كبار ..ودخلتهم وراها شي..
حتى ضحكهم مغزز..أنا اول مره بحياتي أشوف ناس مثل كذه..
ومستغرب كيف احمد ماصر يرابعون هالأشكال..
واللي مستغرب منه زياده..ناصر وينه..مختفي له ايام..!!
الله يستر بس..ليتني أطلع من هنا..
بس كيف...!!
أحمد ملزم علي أتم لحد الليل..






\لا..مش رايحه العرس..
ريم\لييييييييييه...!!
العنود\بس كذه مالي خلق...
ريم\طيب أيش اللي غير رايك..مو انتي قلتي بتروحيين..!!
العنود\صحيح ..أنا قلت..بس اللحين مالي مزاج..وماتجهزت...
ريم\طيب عمتي تدري أنك مش رايحه..
العنود\أيه تدري...
ريم\أجل حتى انا مش رايحه...
العنود\ليه..!!
ريم\بس كذه..شسوي أروح..اجلس مع الجدران..
العنود\أوكي أجل تعالي عندي...
ريم\وليه انتي ماتجيين عندي...!!
العنود\لا ماأقدر...
ريم\ليه..!!!؟
العنود\أولا لأني أستحي...توكم امس خاطبيني..
ريم\أحلى احلى..البنت كبرت..وصارت مره..
العنود\هههههه بايخه...المهم وثاني سبب والأهم..عمر طالع من الظهر ولسه ماجاء..واذا رجع لازم يشوف احد في البيت..
ريم\أقول بلا خراط..عمر عنده مفتاح ومهو بزرعشان يجلس لوحده...
العنود\لا تحاوليين أنا مش جايه..وأنتي بتجيين غصبن عنك..
ريم\غرور...وربي غرور بس أمري لله بجي..شسوي فيك..!!








تعبت من التفكير...لين متى بظل ساكت..!!
لازم اكلمها..
أمي زهقتني..كل يوم تعيد لي نفس الموال...
أنا أدري أنا أمي معها حق..بس برضوا حتى حنين ماأقدر اغصبها على شي هي ماتبيه..
بس لين متى بتظل كذه..!!
لازم تتفرغ لي..موكل مره بتروح وتجي من بيت لبيت..!!
فيصل..؟؟
علامك...!!اللحين توك تحس...!!أنت تدري أنه هذه شغلتها ومستحيل تتركها..!!
ليه الحين بالذات بتكلمها..!!والا تعبت من هالموال..!!؟
أيه تعبت منه..مره امي ومره عمتي..حتى البنات ماودهم بهالشيء يصير..
وانا بعد ماودي الف...
لازم اكلمها..لازم..

طلعت الطابق الفوقي ودخلت غرفتي..
وشفتها جالسه على التسريحه تتمكيج..
كان شكلها جنـــــــــان..
لابسه فستان أسود ورافعه شعرها لفوق...وخصلات طايحه من شعرها..
أبتسمت لها ..ونسيت كل شي...وقربت لها وتساندت على التسريحه..
فيصل\شكلك...وأشر بأيده ...كذه..
حنين\شكرا..أدري أني حلوه..
فيصل\لا..ومغروره بعد...
حنين\منت مغير رايك..!!
فيصل\في أيش..؟؟
حنين\منت حاضر الزواج..!!
نسيت ان اليوم عرسه..ورجعت لي الضيقه من جديد..
وتذكرت كل السوالف...من أول خطبته لــ حنين لأخر سالفه..سالفتي مع حنين..
آآه بس شقول لها اللحين..
فيصل\لا..مش رايح..حنين
حنين\نعم..
فيصل\..ماودك تفتكين من هالتدريس..!!
حنين\فيصل..اتوقع أن مش وقته نتكلم في هالأمور..أنا اللحين بروح الزواج..
فيصل\يعني عندك العرس أهم...صح..!!
حنين\فيصل...شفيك..!!
فيصل\أبيك تتركين هالشغله..وماأتـوقع أني مقصر معك بشيء..رصيدك بالبنك كل مره يزيد والحمد لله مستوره..
حنين\أدري ..أدري أنا اللي عندنا يكفينا وزياده..بس هذا مو معناته أني أترك شغلي اللي جلست فيه سنين..
فيصل\أي شغل اللي تتكلمين عنه...هالدروس الخصوصيه تسمينها شغل...من بكره أقدم لك أي وظيفه بس تتكرين هالشغله..
حنين\فيصل..أرجوك..أرجوك يافيصل..تدريسي مش تاركته..لا تعب نفسك...وانت تعرف من زمان هالشيء
وقامت من الكرسي..وهي معصبه من موقف فيصل...
فيصل هنا عصب أكثر منها..أولا لأنها معانده وثانيا لأنها قامت وتركته...
مشى ورها وجرها من ايدها..
فيصل\أتوقع أن كلامي ماخلصته عشان تقومين...!!
حنين وهي تشيل ايده\وأنا ماعندي كلام أقوله لك...
فيصل بصوت عالي\حنين..لاتعانديني تراك منتي قدي...
حنين\لو سمحت لاتصارخ علي...أنا ماأرتكبت جريمه عشان تعصب ..
وأنا من زمان قايله لك...ولحد اللحين اقولك تدريس مش تاركته ..فهمت مش تاركته ..!!
وبعدين انت تعرف هالشيء من زمان..ليه توك تتكلم..!!
فيصل بصوت حاد\صحيح معك حق ..أنا أعرف هالشيء.بس توقعت بيجي يوم وتتركين شغلك عشاني...توقعتك انتي اللي تجين وتقولين..خلاص أنا تعبت..
بس شفتك أنك مصممه ولا على بالك باللي صاير حولك..اهم شي ترضين نفسك...
ولا تحطين لي حجه أهلي واهلي..
أهلك ماعليهم قصور..معاك والا بدونك..!!
وبعدين يكفي أنانيه..فكري فيني شوي...
حنين بألم\أرضي نفسي...!!ولا على بالي باللي صاير حولي..!!أنانيه..!!
أنا ..!! أنا يافيصل...!!
..وين كلامك اللي كنت تقولي أياه...
والا تبيني أذكرك..
وين اللي يقول بنسيك كل اللي فات...
مستحيل أخليك تعيشين بهموم..
وين اللي يقول بتغير..!!
انا رضيت فيك ...وتحملتك..تحملت قسوتك وطيبتك..
تحملتك وأنت معصب..
تحملت أسلوبك وطبعك...
وماقلت شي..سكت وحمدت ربي...
وفرحت..وفرحت لمن الله هداك وصرت احسن..
واللحين لأني صبرت ووفيت..تجي وتقول ..بسهوله لاتشتغلين..
وأهلي..!!
نسيت اهلي..!!
وبدت دموعها تنزل
أنا اللحين اشتغل واختي تشتغل وامي ماتقصر تسوي اللي عليها..وأحنا مش قادرين نلحق على شي..
كيف اذا تركت شغلي...!!
مين اللي بيساعدهم..!!
مين اللي بيعتمدون عليه..!!
أمي اللحين بالمووت تشيل نفسها..
العمر يمضي..وامي كبرت..لين متى بتظل تشتغل ..وتروح تبيع من بيت لبيت..!!
من صبح الله تطلع عشان تجمع لأخواني كم فلس...!!
هذا بعد اذا أحد شرى منها..!!

أنت تتوقع أني ماأسمع الهمز واللمز اللي يقولونه عني...!!
أنت تتوقع ماعندي أحساس..!!
مأنجرح...ماأتألم...!!
حجر..!!
والله يافيصل..أن كلام الناس كأنه سكين ينغرس بصدري..وكل مره هالسكين ينغرس أكثر واكثر..
يعني يكفي كلام اهلك ..حتى أمك وابوك وعمتك وخواتك..أغلبهم ماخذيني طنازه ..
ماخذيني علك حلو ..اذا ودهم يضحكون يجبون سالفتي أنا مع أهلي..وخذ من الكلام اللي يسم البدن...!!
وأنا ساكته..منطمه...عشان ماأبي مشاكل ..ماأبي أصير قثيثه على قلوبهم...
وبعد هالسكوت والصبر..تجي أنت وتقولي تركيه..
بدال ماتهون علي!!بدال ماتريحني...تزيدني..!!
ماكان العشم فيك يافيصل...!!
صرت مثلهم...
كلكم نفس بعض..نفس بعض
أهم شي نفسكم...
أما أحنا بالطقاق ...نموت ...نحيا..
أهم شي أنكم ترضون غروركم..
وهذا أخر كلام عندي يافيصل..اذا تبيني لازم ترضى في كل شي اسويه...
واذا ماتبيني..الفراق احسن حل...
سو اللي يريحك...!!............عشان ترتــاح ..
وبعدها ضحكت من بين دمـــوعــها....وقالت
حنين\آآه يافيصل..حياتي أمواج...وبتظل أمواج...مو قلت لك...!!



كان هذه اخر كلمه قالتها لي ..وبعدها طلعت للصاله..
وأنا ظليت منصدم..أفكر بكلامها..مره وحده أنفجرت..
ماتوقعت أنه كل هذا مكبوت بقلبها...
جلست على أقرب كرسي..وأنا متشتت ..أحس برعشه كبيره..
هزتني..
هزتني كلمتها الأخيره..
نفترق...معقوله نفترق...!!
..حياتي..
..أمواج..
..نفترق..
مستحيييييييييل..





مرت نص ساعه وأنا على هالحال أفكر بكلامها..وهي لسه ماطلعت...
لكن أحس فيها..اسمع صياحها وشهقاتها اللي ماتنتهي...
قسيت عليها..أعترف أني قسيت عليها...
بس مش جيتني الجرئه عشان أقوم وأتسامح منها...
أحس أنفسي صغير جدامها...
ودي أضمها..وأقول لها أنا آسف سامحيني....سامحيني على كل جرح سببته لك..!!
شلت الشماغ من راسي وضغطت على راسي بأقوى ماعندي...
صداع ..صداع فضيع...
والم بصدري...
سمعت طرقات على الباب..
وكنت متعيجز..بس بعدين قمت وفتحته وشفت امي واقفه على الباب...
فيصل\هلا يمه...
أم فيصل\ هلا ياولدي ها جهزت حنين...!!
فيصل\حنين...مدري..!!
أم فيصل\كيف ماتدري..!!
حنين\أيه أنا جاهزه ياخالتي...
شفتها واقفه وراي ولابسه عبايتها
ومشت وتخطتنا ...
أم فيصل\يالله يابنتي..
نزلت مع امي وانا واقف ماتحركت...
وبعدها هزيت راسي..ونزلت وراهم...وشفتهم بالصاله ..
خذت مفتاح السياره وقلت لهم أنتظركم...
ركبنا السياره..ووصلتهم الفندق وانتظرت أمي تنزل عشان أكلمها..
وتوني بناديها..الا نزلت بدون ماتسمعني...
تضايقت..مت من الضيقه...
بس أستاهل..أستاهل كل اللي يصير لي...!!










طلعت أمي مع خالتي أم لافي للعرس وظليت مع ريم لوحدنا في البيت..
جلسنا نسولف ونضحك..بس مدري..لحد اللحين مضايقه..
كل مره اشوف الساعه..
كانت 8..واللحين تسع..وعمر لسه ماجاء...
طالع من الظهر ولا جاء..
هو مش من عوايده يتأخرمع ربعه..
غريبه أول مره يسويها..
زين ان أمي راحت العرس..والا هي أصلا ماكانت بتروح عشان عمر...
بس الحمد لله خالتي أصرت عليها لمن أقتنعت وراحت..
العنود\ريم..تصدقين...أحس أني..أني ...
ريم\ايه..
العنود\أبي أصيح...ليش..مدري..!!ووصاحت...
تأثرت ريم...وحضنت العنود وهي تهديها..
حتى ريم متضايقه على عمر..لأنها درت أنه طالع من الظهر ولسه ماجاء...
ريم\طيب..العنود..سمعيني ..سمعيني شوي..أنتوا ماتدرون مع مين رايح...!!
العنود\أصدقائه..
ريم\طيب أصدقائه هذيلا وين ساكنين...وش عايلتهم... ماعندهم أرقام تليفونات..جوال..أي شي..!!
العنود وهي تصيح\ماأعرف.لا تسأليني...ماأعرف شي...أنا اول ماصحيت وأنا متضايقه ..أحس أنه بيصير شي...وخايفه..خايفه على عمر...
ريم\حرام عليك يالعنود لاتخوفيني أن شاء الله عمرمافيه الا الخير أنتي بس ذكري الله...وأدعي أنه يرجع لنا..
العنود\يارب يارب..
ريم\تبين ادق على لافي يدور عليه..
العنود\ياليت..بس هو في العرس اللحين...
ريم\لا أكيد طلع من زمان...لافي مايحب العروس..بدق عليه..
العنود\أوكي بسرعه...
دقت ريم على لافي وقالت له كل شي..
وقال لها بيدور عليه وبيدق عليهم...








مرت ساعات طوييييله وعمر لسه ماجاء...ولافي مااتصل...
والتوتر والخوف خيم على ريم والعنود...
وكل وحده منهم تنتظر كلمه أو أي شيء يدل أنه عمر بخيير..
فكروا أنهم يدقون بــ حنين..بس ماسرع ماتراجعوا عشان مايبونها تحاتي مثلهم..
ويوم جات الساعه 11 دق جرس البيت وكان لافي...


العنود\ريم...لافي على الباب ..
ريم\فتحتيله..!!
العنود بخوف\لا...
ريم\أيش تنتظرييين أمشي نفتح له الباب بسرعـــــــــــــه..يمكن معاه عمر...
العنود\يالله..
فتحت ريم الباب وظلوا ثنتينهم يطالعون ورى لافي...يمكن يشوفون ظل عمر..
يمكن يسمعونه يقولهم أنا جيييت ويضحك...
بس للأسف ماله اثر..
لافي\السلام عليكم
العنود\وينـــه..وين عمر..!!
لافي بابتسامه\الناس يردون السلام أول...
العنود وريم\وعليكم السلام...
لافي\شفيكم ساكتين..منتوا مدخليني...!!
العنود\تفضل...حياك..
دخل لافي مع البنات وجلسوا بالصاله...
وكل وحده منهم ساكته ينتظرون لافي يتكلم
لافي\شفيكم.....طرمان...!!لحظه,,,وبعدين وش في عيونكم منتفخه...
ريم\لافي ترى والله مالنا خلق..تكلم شفت عمر...
لافي\لا..الصراحه ماشفته..تلاقينه مع ربعه..اليوم خميس..والناس بره...ريم جيبي لي مااي عطشان..
قامت العنود من عندهم وهي معصبه وجلست على كرسي بعيد بالزاويه..وهي مضايقه من لافي...
أحر ماعندهم أبرد ماعنده...
قام لافي لها ..وجلس على كرسي قريب منها
لافي\العنود..شفيك...قلت لك عمر مافيه شي وان شاء الله هو على جيه..
العنود\لافي..انا..انا..واخنقتها العبره..أنا خايفه...وصاحت مره ثانيه...
لكن هالمره بدون توقف..صاحت وطلعت كل اللي بقلبها من خوف ورهبه..






شاف لافي منظر العنود وهي ميته من الصياح وتقطع قلبه عليها قطعه قطعه..
يحس قلبه ذاب بين ضلوعه..
أول مره يشوف العنود تصيح...أول مره..
كل مره يشوفها تضحك والأبتسامه ماتفارق شفايفها..
واللحين الموقف أكبر منه..حبيبته ..خطيبته تصيح..وهو مش عارف أيش يسوي..
قرب منها وكان بيضمها بس ماسرع مامسك نفسه وتعوذ من أبليس ...واستغفر ربه..
لافي\العنود..العنود..تكفين ناظريني...
ناظرته العنود وهي تمسح دموعها..
لافي بصوت واطي\أنا هنا...لاتخافين..وعمر مراح يصير له شي...
العنود وكأنها رجعت زي الطفله\طيب...هو ليه ماجاء...؟؟
لافي\تلقينه عازمينه ربعه على العشاء وبيجي...أنا أعرف حركاات الشباب...لاتخافين..
يالله لاتصيحين ومسحي دموعك...
العنود\ماأقدر..
لافي\واذا قلت لك عشاني أنا...
ريم\أيـــــــــوه..أيــــــــــــــــــوه..اق ول شباب..ترى أحنا تونا صغار...عيب...عيـــــــب...
قدروا شووي...وعطته كوب الماي
لافي\والله محد قالك تطالعينا روحوا حطي على سبيس تون..جابوا البرنامج اللي أتابعينه.
ريم\هههههههههههه ظحكتني ..أقص أيدي ان تركتكم لوحدكم مره ثانيه...
مالي شغل بجلس معاكم ممنوع الخلوه...
لافي\والله ياحبيبتي العنود خطيبتي وكلها ايام بتصير زوجتي..يعني ورينا مقفاك بدون مطرود..
ريم\لاتحلم كثيييييييير ياأخوي الأحلام موزينه هلأيام ماتمشي بالسوق...
لافي\ماعلينا منها..وبصوت واطي..أقول العنود...أنا زعلان..!!ويسوي نفسه زعلان
العنود مستغربه\لييييييش..!!
لافي\ليش أمس مارضيتي تطلعين لي..!!
العنودوهي منحرجه\بس..كذه...
لافي\افا يالعنود..أفا والله وأنا اللي متلهف بشوفتك..وأنتي بسهوله ماتبين تشوفيني..
العنود\لافي..خـلاص..والله استحي..
لافي\العنود..
العنود\هلا
لافي\ماأقدر..ماأقدر..
العنود\على أيش ماتقدر...
لافي\أرحميني...لاتقولين هالكلام مره ثانيه..الا يوم العرس..
أستحت العنود أكثر وقامت ..بس لافي مسكها من ايدها يبيها تجلس...
لافي بابتسامه\قعدي...أبي أسولف معك...
أبتسمت له العنود..وبعدها دق تليفون البيت وكلهم قاموا يطالعون التليفون...
وركظت العنود ترد عليه



العنود\ألــو...أيه..هذا بيت بو عمر...منوا...!!
أبوي..!!وعمر...!!وتصرخ لاااااااااااااااااااااااااااااااااا وطاحت
ومسكها لافي قبل ماتطيح وهو ينادي بأسمها..
لافي\عنود..عنود..اصحي..أصحي ويضربها على خدها...ريم..ريم مسكيها...
لافي\الو منوا معي..ايوه.. بوعمر...أي مغفر...!!أيه عرفته...
وعمر... مستشفى..!! ويتنفس بقوه طيب أنا جاااي مع السلامه...
ريم\لافي قولي ..قولي أيش صاير شفيه عمر..
لافي وهو مرتبك\مافي شي..لاتخافون...العنود..عنود قومي..جيبي الماي اللي هناك بسرعه...
جابت ريم الماي وهي ترتجف من الخوف ورشت بأيدها على وجه العنود..
وصحت اخيرا..
العنود\لافي..أبوي...ألحق على ابوي وعمر..الحق عليهم...
لافي\أنش اء الله..أنت أهدي اللحين...
العنود\لالالا بروح معك..مأقدر..لازم اشوفهم تكفى يالافي...تكفى ودني..؟؟
لافي\لا..العنود ماأٌقدر المكان كله رجال ومايدخلون حريم...أنتوا ظلوا وبدق عليكم..يالله سلام...وطلع بسرعه
العنود وتصرخ\لا يا لافي..تكفى خذني معك لاتروح الله يخليك لاتروح ..أبي أشوفهم..ابي أشوف ابوي..ابي أشوف عمر تكفــــــــى... وتصارخ لاتـــــــــــــــروح وصاحت أكثر وضمتها ريم..
وجلسوا ثنتينهم يصيحون وهم خايفين من اللي المجهول..

طلع لافي من البيت ودق على ابوه وقاله عن بو عمر وولده..
واتفق أنه يروح يجيب الحريم من العرس وبعدها يروح المستشفى لعمر ..وابوه يروح لـــ لأبو عمر..
خذ لافي أمه وخالته وحنين..والكل استغرب أنه حنين بتجي معهم بس ماعلقوا على الموضوع..لأنهم اللي في بالهم أكبر من حنين وسالفتها..
أم حنين\لافي..واللي يسلمك..حلفتك بالله قولي شصاير..!! العيال فيهم شي...!!
لافي\ياخاله..ياخاله قلت لك مافيه شي...بس الوقت متأخر وقلت خليني أخذكم...بس هذا السالفه...
أم لافي\متأكد يالافي...
لافي\ايه متأكد...شفيكم خلوني أسوق براحتي...
أم حنين\خلاص ياولدي سوق براحتك...
حنين كانت معهم..بس ماكنت تسمع لافي..كانت تشوف شكله وتحركاته..
هي تعرف أن اذا لافي فيه شي لازم يرتبك ومايتصرف بطبيعته..
عشرة عمر كانوا متربين ويابعض ..
واللي ضايقها زود أنه كان كل مره يمسح على جبينه ويحرك أيده..
وهنا تأكدت الف مره أنه فيه شي صاير...بس ماعلقت لأنها بتعرف كل شي بعد لحظات..













راح بولافي المغفر وسأل عن بوعمر...
وبعد ماقالوا له عن اللي صار ..
طلب أذن أنه يشوفه وبعد اصرار منه رضوا له بخمس دقايق..
راح مع العسكري عشان يشوف سعد..
وأول ماقرب من البوابه حرقته عيونه غصبن عنه وهو يشوف سعد كيف متكور على نفسه ويأن من الألم..ووجهه شاحب وأسود...وملابسه متقطعه..وشعره أبيض ...
تمنى ألف مره أنه مايشوفه بالهمنظر..!!
بس أيش كان يتوقع يشوف ..!!
أنسان مدمن...غير مصلي..قاطع أهله..
هذه أخرته...
الزنزانه قليله عليه..
لكن المنظر كان يقطع القلب والروح..
يذوب الصخر...
بو لافي\سعــد.....
لف سعد وجهه وهو يشوف صديق عمره اللي نساه مع زحمة ملاذ الزمن
سعد\عــــادل...عادل...
عادل وهو يسمح دموعه\شخبارك ياسعد...عساك بخيير..!!
سعد\آآآآآآآآآآه ياعادل...من متى ماشفتك...!!
عادل\تسألني..تسألني أنا...!!
سعد وهو يحك صدره\ماعلينا من اللي فات..أنا الحمد لله عايــش بهالدنيا...آآه ويتألم...
عادل\علامك...!!شي يعورك...
سعد\كليتي ..كليتي ياعادل ذبحتني...!!ويمسك على بطنه وكليته بقوه...ويتأوه..
سعد\عـــادل..!!
عادل ويقرب منه\سم ياسعد..تكلم اسمعك...
سعد وبالمووت يتكلم\عــــ ــــــــادل...عيالي عادل...قول لهم يسامحوني..أنا خلاص أحس نهايتي قربت..آآآآآآآآآه
عادل\لا ياسعد لاتقول كذه..أصبر خليني أنادي لك العسكري...ياعسكري ..وبصوت أعلى..ياعسكري...
سعد\عـــــــ ــــــادل..أسمعنـــ ــــي ويظغط على بطنه...وزوجتي ..قولها تسامحني...
جاء العسكري بسرعه وهو يشوف سعد كيف يتألم ..وماانتظر عادل يتكلم على طول طلبوا له الأسعاف..
وجاء الأسعاف خذوه..وركب معه عادل...
قاسوا له حرارته وظغطه وحطوا له أوكسجين...
سعد وهو يشيل الأوكسجين\عادل....حنين..قول لــ حنين أني أحبها..أحبها كثييير وأفتخرفيها..
قول لها تسامحني..أنا غلطت عليها كثيييير..قول لها أني أحبها وبظل احبها..قول لها تدعيلي أن ألله يغفر لي سيئاتي..قول لها كنت اتمنى أكلمها يوم عرسها..كنت اتمنى أضمها واقول لها مبروك ياأحلى بنت بالدنيا..كنت اتمنى أنها تسامحني..ويصيح..أنا أعرف أنها مستحييل تسامحني أعرف...
عادل\لا ياسعد..أنا مش قايل شي لهم..انت اللي بتقول لهم كلهم ..وبترد لنا سالم..أن شاء الله
ووصلوا المستشفى ونزلوه وودوه للطوارىء..
سعد\وعمر...وعمر قوله يتخرج ويجيب أحسن العلامات ويتوظف ويرفع راس أمه..قوله اني أحبه..قوله يسامحني..
عادل وهو يمسح دموعه ويجر السرير للغرفه\ بس ياسعد بس أرتاح..أرتاح ارجوك...أرتاح...
سعد\لا ياعادل خلني أتكلم....انا اعرف اني بمووت ويرص على بطنه بأيده..
وعرق جبينه وزادت حرارة جسمه وانتفض بكبره..
وكانت هذه رعشة قبضة الـــــــروح ....ومـــــــــــــات..



مـــــــــــــــــــــات..وهوحزيين...
مــــــــات وهو قاطع...
مات وهو مدمن..
مات وهو مايعرف ربه..
توه يحس بالأيمان...
توه يتذكر أنه له رب قادر على فعل أي شيء..
توه يتذكر أنه عنده عيال لهم حقوق وواجبات..
مــات ولا اهله..ولا عياله راضيين عنه...


اللهم أني أسألك حسن الخاتمه...
اللهم أني أسألك حسن الخاتمه....










كانت معاهم...كانت تحس فيهم...
رصت على عيونها ثانيه وهي تذكر أخر موقف صار ..
تذكرت توها أن عمر بالمستشفى...تذكرت أنه أبوها بالمغفر..
تذكرت أخر كلمه قالها..لافي....!!
وصحت على هالذكرى..
وماشافت احد حواليها..
وينها هي...!!
شالوايرات المحطوطه..!!
أنا بالمستشفى..!!
ليش..!!
شصاير...!!
شالت المغذي من أيدها وطلعت من الغرفه...
وشافت الكل مجتمع بره...
أمها تصيح وحاضنه العنود...لافي ماسك ابوه ..
وريم وخالتها...
شافتهم كلهم...


ام حنين\حنيـــــــــــن...
الكل ألتفت على ام حنين وشافوها تطالع حنين...
قربت أم حنين لبنتها وهي تصيح..
أم حنين\ليه قمتي من سريرك يابنتي روحي أرتاحي..تعالي معي...
حنين وهي تتجاهل كلام امها\يمــه...وين عمر...وأبوي...شصار عليه...!!
ام حنين\عمر موجود...
حنين\وأبوي...!!وينه..طلع...؟؟
أم حنين\أبوك ماندري عنه...خالك راح له..ولسه ماجاء...
حنين\طيب وين عمر أبي اشوفه...
أم حنين\هذا هو واشرت على الغرفه...نايم مش حاس فيك..
راحت حنين للغرفه تشوف أخوها..
واول مادخلت تجمعت الدموع بعيونها وهي تشوف أخوها نايم لاحول له ولاقوه...
وشكله كان متضايق لأن عاقد حواجبه...



غمض عيون صديقه ..وهو يترحم عليه من كل قلبه..
ومشى..!!
وين...!!مايدري...!!
أهم شي انه يمشي..!!
تذكر أخته..تذكر بناتها...وانعصر قلبه عليهم...
دق على ولده وقاله أنهم كلهم موجوديين بالمستشفى..
عطاه رقم الغرفه وطلع لهم....
وأول ماطلع...دخل الغرفه وشافهم مجتمعيين كلهم..
أم حنين\ها..يشر ياخوي...
نزل عادل عيونه اللي بدت تدمع...وقال كلمه وحده..
عادل\سعد يطلب منكم الرحمه..أدعـــوا له...

الجزء الثلاثين -- الاخير
الفصل الثاني والأخير..
....................................


مرت ايام العزاء بطيئه على الكل
وام حنين مسكت العده والحريم يتوافدون عليها من كل مكان..وهي صابره وحسابه أجرها عند اللي عيونه ماتنام..
عمر طلع من المستشفى بعد ليلتين وكره عمره على اللي صار له وحس نفسه غبي لأته ماعرف مين يصاحب..!!
وكل مايتذكر أيش صار له..!! ومين تعرض له..!!
يحس نفسه وصخ ..والود وده يموت ويفتك من هالأحساس الميت..
ويم درى أنه لولا الله ثم ناصر صديقه ..كان هو في حاله مايعلم فيها الا الله سبحانه...
لكن الحمد لله..ناصر بلغ بالوقت المناسب والشرطه هجمت على المكان ..
بس بعد أيش..!!
بعد مانولد أحساس القرف والأهانه عنده..
وماتوقع أبدا ابدا.. انا في اشخاص يفعلون هالعمل الخبيث
اللي لايرضي الله ولارسوله..
وهذا الشيء قانونا وشرعا صاحبه مجرم وملعون الا ذا تاب عند ربه..
والحمد لله أحمد ووكل اللي موجود بالمزرعه خذوا جزائهم واكثر بعد
لكن اللي يعور القلب أن اغلب الأولاد بعمر الزهور..
ناس مايتعدون 18 سنه..
منهم قاصدين هالشي والأغلبيه جرتهم المتعه




العنود هي الوحيده اللي متماسكه بينهم وحاسبه أجرها عند ربها ..وكل لهم مستغربين منها ومن قوتها
اللي جات فجأه...أبدا ابدا ماتوقعوا هالصبر وألأراده القويه عند العنود..
لكن بتلاقيها من وين..والا من وين..!!
البيت كله فوق راسها..وهي محتاره في أمرها وقلبها يتقطع كل ماتشوف أنه كل شي ينهدم يوم عن يوم..
لكن لحد الآن متماسكه بوظيفنها اللي ماتركتها..

أما سمر ..ماتدري عن شي...البنت تكسر الخاطر..
وكل اللي يشوفها يتحسر عليها..
اذا شافت أهلها صاحوا..صاحت معهم...وهي في بالها ليش أهلها يصيحون...!!
لكن اللي عرفته منهم ..
أنه أبوها اللي ماشبعت منه..ولاعرفته اساسا..
مــــات ومستحييل يرجع..
معقوله تتأثر ..!!
توها صغيره..!!
ماحست بطعم الأبوه..!!
ولالمست حنانه..!!
معقوله تتأثر..!!

أما الوحيده اللي ماتحس بطعم الحياه بالبيت...
أكيد عرفتوها...!!
حنين...!!
حنين من اول مادرت بالخبر...وهي حابسه نفسها بالغرفه..
واللي يبي يعزيها يجيها لحد غرفتها..
ماااات كل أحساس عندها..!!
لاتاكل ولا تشرب ولاتذوق طعم النوم..
جالسه بالظلمه وسرحاانه..
مايدرون وش تفكر فيه..!!
ودمعه ..وحده ماذرفتها لحد اليوم..
تحس نفسها ماتقدر تسوي شي..
تبي تعبر..
تبي تقول...وتتكلم..
.وتعزي نفسها...
تبي تصرخ ..وتقول لاااااااا
بس ماتقدر...
الكل يصيح...وهي دموعها جفت...
الكل يصرخ من الم القلب..وهي تحس أن قلبها ماات..
الكل ينام ويرتاح..وهي عيونها ماذاقت الراحه...

وكل ماتتذكر كلام خالها يوم جاء وعزاها وهو يقول لها أيش قال ابوها...!!
تموت الف مره...والسكاكين اللي في قلبها تقطعها أكثر وأكثر..

أبوها ذكرها قبل مايموت...
أبوها مانساها...
ابوها وصى عليها هي بالذات..
أبوها يحبها..!!قال يحبها...
أبوها يبي قربها.......ويطلب رضاها..
أبوها مااااااااااات وهي ماااتت بعده...
.
.
.
.
.
.
.
..

ماسكه دمعتها..وحرقتها...
مو قت دمووع اللحين..
وحاطه ايدها على خدها..
تنتظر نظره..
تنتظر كلمه..
تنتظر معنى..
تنتظر أحساس
..ييريح قلبها الضايع بين زحمة الهموم..
ملقت الا تشتكيبنت خالها..
يمكن تفرج كربتها..




\وبعديين...!!لين متى..!!
ريم\شنوا..
العنود بكآبه وتناظر الفراغ اللي حولها\مر شهر..وأحنا ضايعين..!!
ريم\اللي يسهلها أن شاء الله و راح الكثير ومابقى الا القليل..
العنود وتنهدت\أي قليل ياريم..!!أي قليل اللي تتكلمبن عنه...!!
امي السكر مرتفع عليها..وماتدري شالحل عشان نطلع من جو الكآبه..
وعمر...عمر مايدري عنا..اللي فيه كافيه..
وحنين..الله العالم بحال حنين...
زوجها كذه مره جاء عشان يكلمها وهي ماتسمع شي..
ولا كأن أحنا نكلمها..
وبا لأخير نستسلم...ونقوله حنين تعبانه...ويروح مثل كل مره يجي فيها...!!
تخيلي ياريم ماشافها الا يوم العزاء عشان يعزيها ..وهي بس ردت عليه ..وبعدها مانطقت بحرف..
وبعده اذا جاء يحاول يكلمها..بس هي ماتحس فيه..تظل سرحاانه وتفكر بشي ثاني..
وأحنا ماندري وش تفكر فيه..!!
ريم\ اللي جاء لــ حنين مو هيين وبعدين هي تلقت صدمه ورى صدمه يعني يكفي صدمة عمر...وبعدين ابوك ..وغير اللي ماندري عنه..أنتي تعرفين حنين بحر مكنون..
العنود\الله يهديها..ليتها تتكلم..أو حتى تعبر..المهم نسمعها..نحس أنها عايشه مابيننا..

ريم\وأنتي..!!
العنود\أنا..
ريم\أنتي وينك من هذا كله..!!
العنود\أنا..أنا ضايعه ياريم...ضايعه بينهم..مدري أوقف مع مين والا مين..
الكل تخلى عني وماأهتم الا بنفسه...
بس انا والله عذرتهم..حاسه بجروحهم..
حاسه بألمهم..
بس كل واحد له وقت وينفجر..
وأنا احس أني بنفجر...
كل شي فوق راسي..
حسيت بالمسؤليه وأنا صغيره..
حسيت أني لازم أكون اقوى..لأن الكل فجأه أنهار .وبقيت لوحدي
حسيت انه غصبن عني لازم اتماسك..!!
مدري من وين جاتني القوه هالشهر اللي مضى...
بس حسيت اني لازم اكون جامده..
لازم ماأنهزم من أول صدمه...
مدري...!!
مدري شقول...!!
يمكن لأن اللي صار فرض علي أني اكون كذه..
وحاولت ..وقدرت..
أو يمكن لأني مش حاااسه أني أبوي مات
أو لأني أصلا ماحسيت فيه..
كنت متضايقه منه وزعلانه...
زعلانه ليه ابوي يتصرف معانا بهالوحشيه..وأحنا عياله..!!

يمكن كرهته...
حقدت عليه...
بس صدقيني..

وارتجفـــــت شفايفها وهي تنطق ...

كنت..كنت احبــــــ ــــــه..
كان عندي مشاعر بداخلي تقول أني أحبه..
أحب أبوي..وابتسمت
كنت أتمنى يتغير ويصير مثل أي أب ..
مش مهم يكون مثالي..
المهم على الأقل نحس فيه...
نحس أنه عندنا سند نستند عليه..
نحس بوجوده وقت ألأزمه...
وقت مانحتاجه..
بـــس ...
أنا ماطلبت الكثيير..
كنت اتمنى أني أحس فيه...
أحس فيه..
لكن رااااح...
رااااح
وأنا حتى وجوده...
ماحسيت فيه...
الله يرحمك يايبه..
الله يرحمك...







غمضت عيوني بشده..
على أمل أني أنسى اللي صار...
لكن حتى وانا مغمض..
الحدث أعيشه
وكأنه صار اليوم وبهالوقت..
عشت عذاب نفسي مابعده عذاب..
وأنا أتذكر اللي كل شي..
حاولت أنسى..
أبتعد
أقاوم
ألهي نفسي باي شيء...
لكن مافي أمل أني أنسى ..
أحس أني أتألم وانا اتذكر,,
أحس أني أحترق
غيض
وقهر

تذكرت العزيمه...الشباب..أحمد..الشيشه..الزقاير..الظحك..لي ن اخر شي...
مابعد الظحك..
عطوني شاي...
في البدايه مابقيته...
لأني كنت شاك ..
كان لونه غريب...
كثير غريب
مايل للسواد..
بس مع اقناع أحمد شربته...
وبعد الشرب اللي صار بصعوبه...
حسيت الكون دار فيني...
الدنيا صارت تدور ...
ماعدت أميز شي...
بس اللي عرفته..
أني بعد مافتحت عيوني
لقيت شباب مجتمعين حولي
في غرفه منفصله
وكان معهم أحمد...وكذا واحد عرفته....
تقريبا عشره أو أكثر حتى..
وكلهم يظحكون...
ويتكلمون بنفس الوقت
ويوم شفت اللي شفته
صرخت بصوت عالي..
وانهرت..
واغمى علي...

بس هذا اللي اذكره...
مافيني أتحمل أكثر...
يكفي اللي شفته..

وبعدها ماحسيت بنفسي الا بالمستشفى وجنبي أهلي..
والظابط يحقق معي...
وانا ساكت...
والدموع متجمعه في عيوني...
حاول الظابط يكلمني..
يستدرجني بالكلام..
بس الموقف كان أكبر مني...
خلاص..
أحس مالي طاقه...
ماقدرت اقول شي...
أكتفيت بدموع الم وقهر

وبعدها
حسيت نفسي وصخ..
صرت مش طايق روحي
كرهت نفسي بمعنى أصح...
وماصرت أتحمل من أي شخص كلمه..أوحتى نصيحه...
ويوم دريت بالخبر اللي زلزل كياني..
أنهرت أكثر واكثر..
,,
وتعبت نفسيا..
وصار اقوى من التعب الجسدي..


أيام مرت علينا صعبه..
نحاول نتماسك الأمور...
لكنها تفلت من ايدينا..
وكله بسبب ..
الذكرى الأليمه اللي نتذكرها..
يكفي موتة ابوي..
اللي نحرمنا منه حتى في اخر أيامه...
من كان يتوقع هالشي يصير لنا..!؟
والله لاجاء على البال ولا على الخاطر...

واللحين...
أحس أني خسرت كل شيء..
خسرت أب ماعرفته...
خسرت صداقه كنت اعتبرها وفيه..
لكنها هزتني وقلبت كياني...
هذا اذا ماذبحتني...

مشكله اذا كنت تعتبر الوفي خاين
والصديق عدوا..


أنا اللحين جالس أرثي حالي..
لكن حتى وانا أرثي حالي..
أذكر الحادث المؤلم..
اللي طعن قلبي..

فتحت عيوني بصعوبه وظغطت على راسي وانا ابي أنسى اللي صار...
لأني تعبت...تعبت من التفكيير..
اللي ماله نهايه..


وجاني صوت قريب لي..
صوت حنون..
صوت مالي غيره في الدنيا..
صوت بعيش له وبظل اعيش...
صوت القلب الحنون..
صوت امي...
مسكتها من ايدها وجلستها جنبي...
وانا أتصنع الأبتسامه
عمر\هلا يمه..حياك..
ام حنين\وبعدين ياولدي....لين متى بتظل حابس روحك..
عمر\معليش يمه...سامحيني.
أم حنين\طيب ليه جالس لوحدك..تعال اجلس معنا
عمر\عادي يمه..أنا بس كنت افكر وبجيكم...
أم حنين\وشنوا اللي تفكر فيه...!!
أبتسمت بألم وقلت
عمر\في حالنا...
أم حنين\وشفيه حالنا ياولدي....الحمد لله احنا أحسن من غيرنا...واللي الله كاتبه بيصير..
لاتفكر كثير..فكر بدراستك بس...

يالله يايمه..وحتى وانتي حزينه..تبعثين ألأمل في قلوبنا..
عظيمه..ياأمي أنتي عظيمه...
عمر\يمه..
أم حنين\نعم..
عمر\الله يخليك لنا..ولايحرمنا منك..
أم حنين\وأنتوا بعد الله لا يحرمني منكم...عمر...حبيبي..لاتعب نفسك وحاول تنسى اللي صار...عشاني يمه..انسى..
حب عمر يد أمه وأشر على عيونه
عمر\من عيوني يمه..بحاول أنسى..
أم حنين\طيب يالله تعال اجلس معنا..بنت خالك بره...
عمر\منوا..ريم...
أم حنين\أيه...
عمر\أن شاء الله..شوي واجيكم...



ظلت ريم مع بيت العنود..وكانت تتمنى تشوف عمر...
أيام مضت وهي ماشافته..
المره الوحيده اللي شافته فيها قبل اسبوعين...
وبعدها لمحته مره وهو طالع للمجلس عند الرجال..
تحس أنها من زمان ماشافته..
ولهانه عليه..
وخايفه اكثر..
تبيه يرجع مثل اول..
تبيه يتغير..
وينسى اللي مضى...
تبي تشوف ابتسامته..
بس شكل هالشي مستبعد هالوقت...
ويوم زهقت ...
دقت على لافي وأستأذنت منهم..
لأن الوقت تأخر وهي من العصر موجوده...

في السياره
بصوت ملهوف\شخبارها...!!
ريم\الحمدلله..تسلم عليك..
لافي\الله يسلمها..ماتتوقعين قد أيش وحشتني...والشوق ذابحني...
ريم\الله يصبرك ويصبرها..هي بحاله صعبه ومتضايقه ومش قادره تتنفس ..كل المسؤليات فوق راسها..
لافي\ياعمري يالعنود ليتني أخفف عنها شوي..أو حتى اواسيها..لكن ماباليد حيله..بنتظر لمن الله يفرجها...
ريم\أن شاء الله..




سكرت منه السماعه بعد ماقطع اخر امل عندي...
مدري حسيت أنها المكالمه الأخيره..
كل شي خلاني أستنتج هالفكره...
وهذا شي مو جديد على شخصيته..
طبعه أناني وبيظل أناني..قصر الزمن ولا طول..
حاولت أكلم أمي واقنعها بأني ماابيه..بس ماقدرت..
حاولت أصرخ واقول لا..تعبت..ونفس الشي ماقدرت..
كلمت روابي وطنشتني..
أبي أحد يفهمني...
لأني خلص تعبت..طفح الكيل..
طفح الكيل منه ومن تصرفاته..
كرهته...أقسم أني كرهته...
وانا اللي ماعمري كرهت أحد..
لدرجة أنه كرهني بنفسي..
ماصرت اهتم بشكلي..ولا بأسلوبي..ولابشخصيتي..
اهم شي أني أدرس واكل وأنام..
هذه حياتي اليوميه..
صارت روتينيه...
وين ظحكتي..
وين راحتي..ووناستي..
ماعاد لهم مكان هالوقت..
فكرت أني أكلم متعب..لأنه هو الوحيد اللي فاهمني وحاس فيني...
بس بعدها تراجعت..
ماأبي أعكر عليه وهو في بداية زواجه..
والمشكله هو مايعطيني مجال أتكلم فيه..
كل أحاول أفتح الموضوع معه..وأساله عن مريم وزواجه..
مايرد علي الا بكلمه وحده..
الحمد لله..
بس هذا اللي يعرفه...
طالع على مين ياهيفاء...!!
طالع عليك...!!
كل واحد منكم ساكت ومنطم..
ومش عارف الأيام وش تخبيله بكره...!!

فهد\أنتي هنا وامي تناديك..!!يالخبل..
هيفاء\أنت خبل..
فهد \حلفي..
هيفاء\والله..
فهد\هيوفه..
هيفاء\ها...
فهد ويقلد صوتها\ها..الناس يقولون ..نعم ..هلا ..لبيه..مو ها..ماااااااااااالت عليك..المهم تعالي..العشاء..
هيفاء\طيب يالخبل..جايه..
فهد\بسرعه..
هيفاء\ان شاءالله
فهد\يالله
هيفاء\طيييييييييييييييب..فكنا..
فهد\أحترمي نفسك أنا اخوك الكبير..
هيفاء\أن شاء الله عمي..



فـي غيـبتك كل المـلا عنـدي أغراب
ماأحـــد أبي قــربـه..ولا أحـــد يبـني
لا يــا غـــلا القرابــــة والأصـحـاب
ضاع العـدل في الناس لـــو تظلميـني

ضايع بدونها...!!
أحس نفسي مو أنا...!!
أحس أني غريب..!!
تركت كل شي..وابتعدت..
شغلي..
بيتي..
أهلي..
.ديرتي...!!
كل شي تركته...
ماأتحمل أعيش لحظه بدونها..
وبساعتها سافرت من أي مكان يذكرني فيها..
ورحت البحريين ...
لعل أنسى الشوق اللي ذبحني..
بس هيهات يافيصل تنسى...
كنت متوقع أنساها بزحمة الجو ..
أنساها بالمكان اللي تعودت أجلس فيه قبل ماأعرفها..
لكن للأسف كل محاولاتي باأت بالفشل...
لأن خــــــــــلاص..
حبها تغلغل داخل ضلوعي..
صرت اسير له...
صرت ماأعيش بدونه..
صرت لــ حنين..
لها لوحدها..!!
لكن ..
وينها..!!
وينها ..اللي علمتني أن الدنيا غير..
وين اللي نستني كل شي..
كل شي وحشني فيها..!!
أبتسامتها..
حنانها..
جمودها..
شخصيتها..
كل شي وحشني فيها..!!
حنين..
تسمعيني..!!
وحشتيني ياحنين..!!
صرت ضعيف بدونها..!!
صرت ضعيف بالحب...

ساره\..فيصل ارجوك أرجع...
فيصل بملل\غيري الموضوع ساره...شخبار أمي وأبوي وأخواني..!!
ساره\أمي متضايقه علشانك...أنت تركت البيت..وحنين تركته قبلك...وابوي نفس الشي ماتغيروأكيد أنت تعرف أخباره اكثر مني.. ..
وسوزان وخالد..كل واحد فيهم لاهي بخصوصياته...
فيصل بتردد\طيب..ساره..
ساره وكأنها عرفت سؤال اخوها\هلا
فيصل وغمض عينه\مافي أخبار... عن حنين..!!
ساره\لا ياخوي ..حنين على نفس حالها ماتغيرت..ولحد الحين ساكته مش راضيه تتكلم..
الله يعينها..شكل الصدمه قويه عليها..
فيصل بخاطره\وانا اقوى ياساره...أقوى..
فيصل\أوكي ساره ..سلمي على أمي..مع السلامه..
ساره بحزن\مع السلامه

سكرت ساره التليفون..وهي متضايقه على حال أخوها مع حنين..
لحد اللحين زواجهم مش راسي على بر..
ماتدري توقف مع ميين..!!
مع حنين اللي تعبت من هالدنيا..!!
والا مع اخوها اللي حاس بالذنب أتجاه حنين..!!
وكل ماتتذكر وحدتها العميقه..تكره نفسها أكثر..
البيت صار فاضي..بعد ماكان ممزوج بالسعاده من كل جانب..
يأست من الصبر نفسه..
وزهقت من الأنتظار...
كل مره تقول الله بيفرجها عليها وحدتها..
ويوم تزوجت حنين من اخوها..فرحت كثيير لأنها بتلقى الأخت الللي بتعوضها الوحده..
(زي ماقلت لكم سابقا أن ساره من زمان مخلصه كليه ..ولسه ماجاتها وظيفه..)
وعاشت ساره في الأيام الأخيره سعيده مع تغيير جو البيت..
حتى اختها سوزان تغيرت وصارت قربيه منها...
وفيصل تغير بشكل ملحوظ جدا...
لكن اللحين..
وبهالوقت تحس نفسها وحيده...
وحيدة الأخت...
وحيدة الصداقه...
ومافي أحد حاس فيها..غير الله سبحانه...
عشان كذه..
بتظل صابره طول العمر...
يمكن الله بيفرج عليها وحدتها..
أم فيصل\ساره..!!
ساره بابتسامه حزينه\هلا يمه...
أم فيصل\شفيك يابنتي...
ساره\مافيني شي يمه...على فكره فيصل يسلم عليك..
أم فيصل بلهفه\كلمك..شخباره...ووينه اللحين..ومتى بيجي...!!
ساره\الحمد لله بخير يسال عنكم..والصراحه ماقالي متى بيجي..!!
أم فيصل\حرام عليه..والله أن قلبي يتقطع ..أبي اشوفه..حتى مافكر أنه يدق علي..
ساره\معليش يمه..فيصل متضايق هالأيام..وان شاء الله فتره وبتعدي..
أم فيصل\آميين..والله البيت ماله طعم بدون فيصل وزوجته..المهم أنا بطلع غرفتي..تبين شي..
ساره\سلامتك يمه..روحي أرتاحي...
طلعت أم فيصل لغرفتها..
وتركت ساره وحيده..
مثل ماكانت..






بين الدموع..والكتمان...
بين العذاب..والجروح..
بين الألم ..والأهات..
كان في قلب كبير وتعباان..
قلب شتته الدنيا من كل جانب..
قلب تعذب من صغره وبيظل يتعذب في شبابه..
قلب حنون..
قلب حي..ماماات..
قلب يون من الألم..
قلب يصرخ..
ويقول كافي عذاااااااب..

يادنيا أكتفيت...
يدنيا تعبت..
يادنيا أختسرتي لحظه..
أختسرتي فينا لحظة سعاده..
لحظة امان
لين متى بنظل بهالعذاب..!!
قبل مايموت مشتيتين..
وبعد مامات ضعنا...

أنجرفت
وانا اللي في وسط التيار..

صرخت..
ومحد منهم سمعني..

بكيت
وجفت دموعي من الصدمه.

مت أمس واليوم وبكره
ولا أحد درى عني

وبعدها يتسألون ويقولون علامها هالبنت..!!
وبسهوله يكملون
ترى عمركم الباقي..والحي أبقى من الميت..!!
وهو مانفعكم عشان تبكون عليه..!!
عيشوا حياتكم...!!
ولاتتذكرونه...
لابخيره..
ولابشره...

وأرد عليهم واقول..
أنا اللي ضحيت..بعد ماشكيت..
أنا اللي أبتليت بعد ماحييت..

يادنيا رسينا على بر...!!
والله مليييت..!!
.................................................. .............


أحداث قصتنا أنتهت بأحزان وبدت بأحزان جديده..
مرت الشهور عليهم غريبـه...صعبـه...بطيئـه
كلن تايه بجهه..
كلن ضايع بدوامه..
كلن ينتظر لحظة امل عشان يكمل مشواره..
ومرت ايام وأيام وهم على نفس الموال...
ومافي شي جديد يسعد حياتهم..
ياترى كيف بيكون الزمن معهم...!!!
معقوله بيوقف ضدهم بنهاية المشوار...!!


(2)

أم حنين\العنود يمه..روحي نادي أختك خليها تتغدى..
العنود\يمه أنتي تعرفين أنها مستحييل ترضى..خليها على راحتها مردها بتطلع وبتاكل ..
أم حنين\بس ياحبيبتي هي ماكلت شي من امس...
العنود\طيب هذا مو شي جديد..من متى هي تاكل أصلا...
أم حنين\عنود...ماهقيتك كذه..شاللي غيرك...
العنود بضيق\خلاص يمه..بروح اشوفها..
عمر\اذا ماتبين بروح اناديها
العنود\لا خلاص ياعمر بروح انا...
طلعت العنود من الصاله وهي متضايقه..
أمها فهمتها غلط..
تفكرها أنانيه...ومالها خلق لأتها...
بس اللي ماتعرفه أن العنود ماتبي تشوف أختها بهالحاله وتحاول قد ماتقدر أنها ماتناظر عيونها اللي الحزن بينفطر منها..

بس أكتمت بنفسها وهي تقوي نفسها عشان أمها ماتزعل.

فتحت الباب وشافت حنين نايمه على السرير..
وهذه عادتها ماتغيرها ..
تسوي نفسها نايمه عشان محد يكلمها..

قربت من اختها..وهي تتنفس بعمق..
العنود\حنين...حنين...حنين قومي الغدى...
العنود\حنين..حنين..
قربت أكثر وهزت كتفها
العنود\حنين..حنين..
خافت العنود وأستغربت من هدوء أختها..
لفت الجهه الثانيه عشان تشوف وجه أختها..
واخترعت اكثر...
كان وجه حنين أصفر ومعرق وخصلات من شعرها مغطيه على عيونها المسكره..
مسكت ايدها وصرخت
العنود\حنيــــــــــــــن....يمه لحق علي..
ركظ عمر ووراه أمه وسمر...بسبب صرخة العنود...
عمر\العنود ..شفيك...
سكتت العنود ..ماقدرت تتكلم...الموقف أكبر منها
قربت أم حنين لبنتها وشافتها وحضنتها
أم حنين\حنين يمه...شفيها بنتي...وأذرفت دموعها...يمه حنين..شفيك يابنتي ردي علي...ردي علي يايمه..
عمر\يمه...بروح أشغل السياره لازم نوديها المستشفى لبسوها عباتها بسرعـــــــــه...

لبسوا حنين عباتها بسرعه ولبسوا عبيهم
وجاء عمر وحاول يمسك أخته من جهه والعنود من جهه ثانيه..
وركبوها بصعوبه السياره...

العنود تصيح على أختها وتمنت أنها تشوف أختها قبل ماأمها تطلب منها هالشيء...
حست بضيق بسبب تصرفها..
وندمت أشد الندم على هالشيء..

أما ام حنين ماسكه بنتها وتقرى عليها وهي ميته خوف ..بس تحاول تقوي نفسها...

وعمر كل شوي يطل من المرايه يطالع أخته اللي وجهها مافيه أي نوع من انواع الحياه...

الكل خايف..وخصوصا من المستقبل ..
ومايدرون وش تخبي لهم الأيام...
ولين متى بيعشون بهألالم..!!!

أخيرا وصلوا المستشفى
ودخلوا حنين أقرب غرفه وأمها دخلت معها وهي متجاهله كلام الدكتور..
وبعد أقناع من عمر قدر يطلع امه..

وجلسوا ينتظرون الدكتور بره...






\أأأأأأأأأأأأأأأأي..يألم...مش قادره...بمووووت...
رهف\ترفوا شفيك يالخبله...
ترف\لحقيني رهف..راسي...أذني...أسناني..يألم..
رهف وتبرد أظافرها\شفيك أنتي...وش اللي يألمك بالظبط...أسنانك ولا راسك والا أذنك...!!
ترف \كلهم..آآآه كلهم يألمونــــــ ــــــي...رهف لحقي علي..بموووووت.. نادي أمي بسرعــــــــــــه
وجلست على السرير وهي ماسكه راسها اللي بينفجر بلحظات..

رهف ومبرده\زين لاتصارخين....صبري شوي..
ترف\رهفوا الله ياخذك..بموووت وأنتي مبرده...يالثلج يالبقـــــــــــــــــــره....نادي أمـــــــــــي بمووووت
رهف\أوكي..وقامت ببرود وهي تبرد اظافرها ولمن سمعت صرخة رهف ركظت زي البرق

رهف\يمه بنتك..ترف..
أم زياد\شفيها...!!
ترف\تعبانه...
وطلعت الأم أبرد من بنتها..

أم زياد\ياربي على هالترف دلعها زايد ..يعني شفيها..تعبانه!!كل يوم على هالحال...
رهف\لا يمه هالمره جد تعبانه..تعالي شوفيها تبيك...
أم زياد\زيين..

راحت أم زياد لــ بنتها وأول ماشافتها ترف صرخت اكثر وهي تدعي على رهف المبرده..
وعلى طول راحوا المستشفى..

ترف\دكتوره..مدري شفيني من يومين احس راسي يألمني وكله مصدعه وأسناني ذابحتني...
الدكتوره\أنتي من متى ماشديتي أسنانك ...!!
ترف\من أسبوعين..بس ماأتوقع هذا السبب...
الدكتوره\طيب خليني أسوي لك أشعه وأشوف...
ترف\لا دكتوره أخاف...!!
الدكتوره\يابنتي أشعه عاديه مافيها شي...
ترف\لا
ام زياد بصوت واطي\ترف بلا دلع..والأشعه ماتضرك..
ترف بضيق\أوكي..

طلعت ترف مع النيرس لغرفة ألأشعه...
وبعد جهد جهيد أنتهوا
وبعد ماخلصوا طلعوا على البيت لأن الأشعه نتيجتها بكره وأعطوا بعض الأدويه لـ ترف عشان الصداع..






? حـــــــــــــامــــــــــــل?

رمى هالكلمه علينا وسكت....
حنين حامل وبالشهر الثالث...
ياربي...ياحبيبي...
شكثر أنت رحيم...
حضنت أمي ودموعها تسبق كلماته ..وهي مش مصدقه...
أخيرا بتصير جده...
وبعدها من فرحتي حضنت عمر اللي أول مره أشوف الفرحه بعيونه بعد هالحادث المشئوم...
ومسكت سمر وانا فرحانه..
واقول لها...
حنين حامل..
حنين بتجيب بيبي..
حنين بتصير ام...

الدكتور\بس لحظه..أنا ماكملت كلامي..
ام حنين\شفيه يادكتور...
الدكتور\المريضه تعرضت لنزيف قوي...وفقدت دم كثير
أم حنين بخوف\أيه..
الدكتور\لأنها كانت مهمله صحتها والواضح أنها ماكانت تاكل وبنيتها ضعيفه جدا..لذلك
لولا رحمة الله كان الجنين ميت من زمان وخصوصا أنه في اشهره الأولى..
عشان كذه أنا مظطر أخليها عندنا أسبوع لمن تستعيد صحتها ..
عمر\خرعتنا يادكتور الله يهداك...ولايهمك..أهم شي الجنين ماصار له شي..
الدكتور\خافوا على أختكم أول لأن هي اللي حالتها مدهوره جدا..عن أذنكم..وتقدرون تشوفونها..
العنود\واااي أنت فشلوه..
عمر\بل..اللي يشوفه يقول خايف على أختي أكثر مني.مالت عليه..

العنود\أمش ندخل ..أمي دخلت قبلنا وأكيد قالت لــ حنين...
عمر\أي والله أمشي...






حنين بهمس\صج يمه...!!
أم حنين وتمسح دموعها\أيه يابنتي..
حنين وتمسك بطنها\يعني...انا..بصير أم...
أم حنين\أنتي بتصيرين ام..وانا بصير جده...
حنين وأختقتها العبره\ياكريم ياربي..ياكريم...ماتتخيلين يمه شكثر أنا فرحانه..أحس أني طايره..طايره فوق...
مش مصدقه أنه بيجي لي ولد..مني أنا..ملكي أنا...أسميه.واعتني فيه..والبسه وأعلمه..واعلمه احس تعليم..وأكله أنومه..واغنيله وألعب معاه...
أم حنين\وذا صاح تسمين عليه...وضحكت بين دموعها..واذا ضحك تضحك لك الدنيا كلها...
العنود\واذا صرخ أشوته بره..واقوله صدعتنا نبي ننام...
عمر\أشوتك أنتي قبله يالبقره...شالرومانسيه هذه ويهالوجه.
حنين يوم شافت أختها أبتسمت بفرح\عنود...عنود بصير أم...!!
عنود\مبرووووووك حنين..مبروك..ويالله ياسمر بيطيح كرتك ..وبيجي الصغير..وطقتها..
سمر\ماما..شوفي عنود..!!كله تطقني...
أم حنين\عنود..تركي أخت..
العنود\مقدر..مقدر لازم أجننها...
حنين\سمر...
سمر\نعم...
حنين\تعالي..
سمر ببراءه\طيب..
قربت سمر من اختها وحنين مسكتها وضمتها لصدرها
وهي تدمع..
مشاعر...
مشاعر أنتهابتها...
مشاعر أنتابتها وهي في غمرة فرحها..
تذكرت الطفل..وفرحتها فيه..وشكثر هي ممتنه لربها..
وتمنت يجي اليوم اللي تشوفه وتملي عيونه بشوفته..
ولمن شافت سمر...
تذكرت ابوها..
وحزنت على سمر اللي ماحست بمشاعر الأبوه..
ماحست بحنانه..
ضاعت بينهم..
ضاعت ضحيه اب قاطع
وأسره مشتته..
ويوم ألتموا..
ورجعت الحياه طبيعيه..

مات اخر أمل..
مات اخر رجا..
مات الأبو..
وضاعواواتشتتوا
بوسط هالزحمه
.............................
واللحين
وبهالوقت..
التموا ثانيه..
وبنفس الألم والأمل...
ومايدرون الدنيا بتفرقهم والا بتريحهم..

أنتشر الخبر بيت بيت الخال عادل وعلى طول لافي وريم أسبقوا أمهم وابوهم وراحوا للمستشفى
وحتى بيت بو فيصل دروا..وبكذه الكل راح يعرف..!

لكن وش موقف حنين من هذا كله...!!







\أها...وبعد..بس...أوكي...اذا تذكرتي دقي...أنا عندي بريك اللحين...مع السلامه..
سكرت السماعه من مريم وأنا اضحك على طلباتها اللي ماتخلص...
والمشكله أني ماأقدر عليها..
لازم أستجيب لها..!!
ليه...!!مدري...!!
وفي غمرة تفكيري جاني صوت من بعيد مألوف..
ويم قربت أتضحت الرؤيا...!!
عمر..!!
شعنده..جاي المستشفى..!!
الله يستر..!!
عمر\السلام عليكم...
متعب\وعليكم السلام..هلا والله عمر..شلونك..وأخبارك..!!
عمر\الحمدلله بخير وصحه..
متعب\طمني ..عسى ماشر..!!
عمر\الشر مايجيك...أختي تعبت علينا شوي..
مدري ليه حسيت برجفه...وأنتظرته يكمل وأنا عيوني منكسره..
عمر\وأتضح أنها حامل...





دارت فيني الدنيا..
تذكرت كل شي...
تذكرت أيام حبي لها..
وحاولت أطلع الأبتسامه غصبن عني..
ومدري شلون اطلعت الكلمات من لساني
متعب\لا..مبرووووك...والحمد لله على سلامتها...
عمر\الله يبارك فيك ويسلمك يارب...يالله مااطول عليك بروح اشوف ألأهل..
متعب\سلم عى الوالده ..واي شي انا حاضر...وان شاء الله بقول لأمي تمركم العصر...
عمر\يبلغ ..مع السلامه
متعب\الله يسلمك..



رحت لمكتبي وأنا محتار..
حنين..
حامل...
الله يادنيا...
شلون هي دواره..
من حال ..لحال...
وين كنا..!!
ووين صرنا...!!
الله يوفقها أن شاء الله...
هذا اللي أقدر أقوله...
أني أتمنى لها السعاده..





\واااااااااااااي حنين ..مش مصدقه..بيجينا بيبي أخيرا...
العنود\أجل أنا شقول بموووت من الوناسه...
ريم\طيب...حنين..اذا جات بنت..وأن شاء الله تجي بنت..وش بتسمينها...!!
حنين\تصدقين مدري...مافكرت...
ريم\وهي يبيلها تفكير..سميها ريم...وأفتكي...
حنين\أفكر..
ريم\طيب واذا ولد...وش بتسمينه..!!
حنين\ولــــد...
نزلت حنين عيونها وهي تتذكر فيصل..وكانت هذه المره الأولى اللي يمر فيها طيف فيصل من أول ماجات المستشفى..
وحتى يوم درت أنها حامل ماتذكرته...
واللحين أنعصر قلبها من الضيقه..
ورجع الألم يحتويها بكل مكان...
تذكرت أنه كان يحب أسم ويتمنى اذا جاه ولد يسميه تركي..
وكيف هي فرحت يوم درت ان فيصل وده بطفل..
بس مابينت الفرحه لــ فيصل..وغيرت الموضوع بسرعه..

تذكرت..أيامها الأخيره مع فيصل وكيف كانت سعيده بحنانه وعطفه اللي مغرقها ومنسيها همومه...
تذكرت كل كلمه وكل أحساس ونظره كانت بينهم..
ويوم وقفت لأخر موقف ..والتوتر اللي كان مغطي على الجو..
دمعت عيونها وهي تتمنى تنسى هذاك اليوم الأسود..
اللي كانت المصايب تتحذف عليها من كل جهه.
أولها بزعلها مع فيصل ..
وأخرها بموت ابوها..
وماوعت الا بصوت العنود يناديها..
وكأنه يصحيها من حلم مزعج...
عنود\حنين...وين رحتي...!!
أبتسمت حنين بحزن وهي تهز راسها بالنفي..وكأنها تبي تصحى وتنسى همومها ولو دقايق معدوده..





ساره\يمه..يمه..يمه...مش مصدقه..حنين حامل...ياربي...وناااااسه..
أم فيصل\واخيرا بشوف أحفادي
ساره\طيب يمه متى بنزور حنين...!!
أم فيصل\والله مدري يابنتي...الود ودي اللحين نروح لهم...
سوزان\لا يمه فشله اللحين الظهر...
ساره\أي والله صادقه سوزان..فشله ...
أم فيصل\صح..نسينا نخبر فيصل..
ساره\وهو يرد على مكالمتنا أصلا...كيف تقوله يعني...
أم فيصل\الله يستر والله أني خايفه عليه...من زمااان ماكلمنا..
سوزان\طيب دقوا عليه يمكن يرد اللحين
ساره\أوكي..بدق..وان شاء الله يرد..
دقت ساره على فيصل..مره ومرتين..وثلاث...لكن لا رد...والجوال مقفل...
ساره\يمه مقفل جواله...
أم فيصل\مومعقوله...الجوال دايم مقفله,,لعنبوا شالولد...حتى ماسأل عنا..!!
ساره\والله أني خايفه عليه..هو بالعاده مره في الأسبوع يدق..بس اللحين صار له فتره مادق علينا...الله يستر..
أم فيصل\طيب واحنا بنظل كذه ساكتين...لازم نتصرف..
سوزان\يايمه...يعني أنتي ماتعرفين طبايع فيصل هذا هو رجع مثل اول قبل مايتزوج مانشوفه الا مره بالأسبوع وكله مسافر..يعني عادي..لاتحاتون..مرده بيرجع أو بيكلم...
ساره\يابرد اعصابك ياسوزان..
أم فيصل\ياخوفي فيصل يرجع مثل أول ..أنا ماصدقت يتغير...واللحين يرجع..!!
ساره\لايمه..فيصل تغير...
سوزان\أجل شتسمين اللي يصير اللحين..مر شهر كامل وهو مسافر وكان يدق علينا..واللحين مستخسر مكالمه وحده...
ساره\وانتي شعرفك بظروفه...!!يمكن فيه شي خلاه مايتصل علينا..
سوزان\وانتي تعلميني بأخوي..الكل يعرف فيصل وطبايعه...عن اذنكم بنام شوي أحس راسي صدع بما فيه الكفايه..
أم فيصل \ساره شنسوي...قلبي ماكلني على ولدي..
ساره\اهدي يمه..والغايب عذره معه..وانشا الله يدق علينا...
كانت ساره تهدي أمها..
لكنها من داخلها متضايقه من فيصل..
لأنه له فتره مادق ولاسأل..








\شخباره...!!؟
ريم \منوا..!!
العنود بصوت واطي\تتغيبين يعني...!!
ريم\لا صج منوا...!!
العنود\آآه..لافي...
ريم بلا مباله\الحمدلله..
العنود بقهر\لا..مادريت...
ريم\وهذا انتي دريتي...
العنود\طيب..شخبار شغله...مرتاح فيه...
ريم\ايه زين..
العنود وماتت قهر\ريـــــــــــــم..والله لأذبحك...
ريم\ياختي قوليها وفكينا...!!
العنود باستسلام\ماسأل عني...!!
ريم\ أخيرا...
العنود\ريممممممممم
ريم\أوكي أوكي...الا سأل ووده يشوفك بس تعرفين صعبه...
العنود\تهقين هو بره اللحين...
ريم\أتوقع
العنود\طيب امشي نتأكد...
ريم\أنتي من صجك..؟؟
العنودأيه من صجي..اجل أتغشمر...الله من ماشفته حرام عليكم..حسوا فيني شوي...
ريم\لا عنود..صبري شوي..فشله نطلع قدامهم...
العنود\ماااااااالت عليك...شعليك متى ماتبين تشوفينه شفتيه واليوم شبعتي من الشوف...كل مره يدخل ويطلع..
ريم\الله والشوفه عاد..حتى عينه مايحطه بعيني..ولا فكر حتى يسلم علي...والله أني ميته قهر..
العنود بضيق\أعذريه ياريم..أخوي لحد الآن مانسى الموضوع..ولاتفكرين اذا أبتسم لنا..يعني نسى..والله أحس أن الحزن صار منه وفيه..وحتى لو أخفاه...
ريم وأندمجت بالموضع\بس لين متى بيظل بهالحال...!!مايصير يالعنود..والله مو زيين عليه...
العنود بمكر\أعترفي...
ريم\بأيش...!!
ريم\أعترفي أنك تحبينه...
ريم\والله أنك فاضيه...انا وين وانتي وين..!!وبعدين مافيها شي اذا قمت أحاتي ولد عمتي أنتي نسيتي أنه ربينا سوى..
العنود\أيه واضح...
ريم\أنقلعي...
أم حنين\العنود..منت رايحه المشغل..!!
العنود\يووووووووووه..والله أني نسيت أووووف شالحاله...!!
أم حنين\طيب روحي قولي لأخوك..عشان ماينسى..
العنود\صبر يمه توه بقى وقت..
أم حنين\لا..روحي قولي له اللحين..أنتي تعرفين عمر أكبر نساي...
العنود\أوكي..


طلعت العنود من الغرفه وهي فرحانه لأنها بتشوف لافي
وأول ماطلعت أبعدت هالفكره وبان الأرتباك بعيونها وخصوصا انها ماشافته من فتره...
العنود\عمر...عمر..
لافي\العنود..أخيرا...
العنود\لافي...
ظلوا الأثنين يناظرون بعض بدون كلام
يمكن الشوق اللي بداخلهم يرتوي شوي..
ولافي ماصدق خبر...
وماأقدر يستحمل اكثر...
ورمى اول قنبله...
لافي\وحشتيني..وحشتيني عنود...شهر ..شهر ماأشوفك..حرام عليك...كيف طاوعك قلبك..
العنود بخجل\لا يالافي لاتقول كذه...بس أنت تعرف الظروف...
لافي\أي ظروف اللي تخليك حتى ماتسـألين عني.وأنا اللي كل يوم اطرر أخبارك طراره من ريم النذله..
العنود\حرام عليك..حتى انا أسال عنك..بس يمكن ريم ماتقول لك...
لافي\المهم..أنتي شخبارك..والحمد لله على سلامة حنين..
العنود\الله يسلمك يارب...وانا الحمد لله عايشه..وأنت كيف صحتك..!!
لافي\أنا..وبجراه..أنا تعبان وولهان..ومافيني صبر...





بو لافي\ياحليلكم والله..
لافي\يبه...!!
العنود\خالي..
بولافي\احنا قلنا مخطوبين ..بس مو لهدرجه...
العنود..ماتتت...
ماتت وهي تسمع كلام خالها اللي أحرجها
أم لافي\عادل..أحرجتهم خلاص تعالي سلمي علي ياالعنود...
العنود\هلا خالتي شلونك..
أم لافي\الحمد لله يابنتي...
بولافي\وأنا منتي مسلمه علي..!!
العنود\أكيد ياخالي أنتي الخير والبركه..
وسلمت على خالهاوهي تقوي نفسها..
بو لافي\الحمد لله على سلامة حنين..
العنود\الله يسلمك
أم لافي\في احد داخل..!!
العنود\لا خالتي..مافي غير أمي...
دخلت أم لافي وعلى طول دخلت بعدها العنود بعد مارمت نظره على لافي وكأنها تحمله سبب اللي تعرضت له من أحراج..
أما لافي أبتسم وهو يناظر العنود وتمنى الأيام تسرع وتكون العنود حليلته بدون قيود وحواجز..







جاء العصر وأمتلت غرفة حنين بالأهل..
أم فيصل جات مع بناتها..
ولحقتها ام زياد وبناتها..
لكن العمه ماجت لأنها مسافره دبي ..
وبعدها جت أم متعب وهيفاء أما روابي كانت بالرياض
وغير طبعا أم لافي وريم..
أما العنود في شغلها لسه ماأنتهى دوامها لأنها ماترجع الا بالليل..

ساره كانت تبي الغرفه تفضى وتجلس تسولف مع حنين وتحكي لها عن الأيام اللي مرت بدونها..
وكيف هي فقدتها وحست بالفراغ بعدها..
لكن لا الوقت يساعد..ولا المكان يساعد..
وحتى حنين شكلها تعبان وألأراهاق باين بعيونها
وأكيد مش متهيأه لها الموضوع..
واللي أستغربت منه اكثر..
أنا محد سأل عن فيصل وكأنهم يعرفون أنه مسافر ومش داري عن أي شي..

أما اللي ماكان أحد يعرفه أن حنين كانت تفكر بــ فيصل من أول ماطرى أٍسم تركي في بالها..
ويوم شافت ساره أكتئبت اكثر وخصوصا أنه مافكر يسأل عنها حتى لو عن طريق أخته...
وأول مره تحس بالضيق بسبب حمالها اللي جاء بوقت حرج جدا..
لكن ماسرع ماأبعدت هالفكره خصوصا يوم شافت نظرة أمها لها..
وهالنظره كانت حالمه وحنونه...
كأنها هالنظره تريحك من هموم الدنيا كلها..
وكرهت نفسها على أنانيتها ..
وحست بتأنيب الضمير..
لأنها ماسرع مانست فرحة أخوانها والأهل كلهم بهالخبر..
حتى عمتها ام فيصل..ماتدري ايش تسوي من الفرحه..
تحس أنها ودها تطير من الوناسه وهالشيء واضح من عيونها...
لكن الظروف اللي تعيشها هالوقت صعبه
ولازم تحط النقاط على الحروف ..
لأن السالفه ماتتعلق بمصيرها فقط..
تتعلق بمصير طفل لسه مافتحت عيونه..
ولازم تاخذ القرار اللي بيريح الطرفين...
.................................................. .........................






طلعت من الفندق وأنا ناوي أني أتغدى..
صار لي يومين ماذقت أي شي..
وتوني أحس بالجوع
بس والله لاعت كبدي من أكل المطاعم وولهت على أكل البيت
جلست أفكر بالمصيبه الي أنحذفت علي..
وأنا ميت قهر من هالفندق المخرف..
أنا لازم أطلع منه..
من قبل كم يوم انسرق جوازي وجوالي..
وزين أنه المحفظه كانت بجيبي..
والا كان انسرقت مثلهم..
ويوم قدمت شكوى للفندق قابلوني بابتسامه غبيه وكأن هالحادث كل يوم يصير عندهم...
وأستلموا المهمه بنفسهم..
وقدموا طلب للشرطه..
وأنا اللحين غصبن عني منحجز بهالديره..
الجوال بستين داهيه ..مش مهم عندي...
لكن الجواز...
اذا ضاع كأني أنا اللي ضعت..
والسالفه شكلها بطول ...
وأنا لازم أسرع بالموضوع..
مو ناوي أظل طول عمري منحبس بالبحرين...
لازم أتفرغ لأشغالي..
شهر كامل طقت كبدي..
لازم أتصرف...!!
لكن شكل الأجراءات بطول..
الله يعين..

وبالصدفه شفت اللي ماتوقعت أبدا أني أشوفها..!!






\يالله يمه...الكل راح ..والوقت متأخر..
أم حنين\أصبر ياولدي...تو الناس ليش مستعجل...!!
عمر\يمه الله يهديك العنود أكيد جالسه تنتظرنا..
حنين\أيه يمه..خلاص روحوا..وتعاولوا لي بكره بدري..
ام حنين\بس ياحبيبتي قلبي مو مطاوعني أتركك لوحدك..
حنين\يمه لاتخافين أنتوا بتطلعون من هنا..وأنا بنام على طول لأني تعبانه..وودي أراتاح..وبعدين العنود مسكينه أكيد اللحين معصبه...
أم حنين\طيب أمري لله..بتركك اللحين وأي شي تبينه دقي علينا..وان شاء الله بكره نجيك الصباح..
حنين\طيب يمه..جيبوا لي شوية ملابس لاتنسون..
أم حنين\ان شاء الله ..تبين شي ثاني...
حنين\اذا بقيت بدق عليكم..لاتخافين..
أم حنين بضيق\طيب ياعمري ..ماتبيني أنام معك..!!أو حتى العنود..مايصير نخليك لحالك..
حنين\يمه الله يهديك أنا مش صغيره..أنتي بس لاتحاتين وكل شي بيمر بسهوله
عمر\يمه...يالله عاد تأخرنا...وسمر نامت..
أم حنين\خلاص ياولدي يالله شيل اختك..مع السلامه حنين..
حنين\مع السلامه





\خلاص أنا قررت ومستحيل ارجع بقراري...
فهد\طيب ليش..عطيني سبب واحد يخليك تنفصلين عنه..
هيفاء\بس ..كذه..مش مرتاحه له...ماأبيه..فكوني منه...أكرهه..
أم متعب\أقول بلا دلع بنات وأصطلبي..وبعدين الزواج مو لعبه عشان تنفصلين بدون اسباب..
هيفاء\معقوله..معقوله يمه ماتعرفين ليه أنا ماابي بدر...!!
ام متعب\وش فيه بدر ..!!رجال ونعم الكلمه ومايعيبه شي..
واذا على أنه ماقرروا متى العرس..فاأكيد ماستقرت أموره...
واذا على غيبته فيمكن منشغل...
هيفاء\أي أنشغال هذا اللي يخليني ماأعرف أخباره..وكل ماسألته وين رايح..مايرد علي..وكل أسبوع مسافر مكان...وغير كذه مايرد على أتصالاتي ..يمه..
أنا ما تزوجت عشان أبقى معلقه ..مش عارفه وين أرضي وسماي..
حرام عليكم حسوا فيني..
تراني مليت تعبت..
حسوا شوي...
مو كل مره بسامح زلاته..
الواحد له وقت ويمل من عيشته..
أنا تعبانه يمه..
تعبـــانه
أنهارت هيفاء وهي تبكي على حظها العاثر اللي علقها بزوج مايقدر وولايعرف أيش معنى المسؤليه
صبرت عليه كثير..
صار لهم 5 شهور وهم متزوجين..
وهو لسه ماتحرك خطوه وحده...
فهد\هيفاء..هيفاء لاتصيحين..واذا على هالخسيس أنا بتصر ف معه..
بس أنتي خلي كل شي علي...
هيفاء\فهد..يمه...لاتفهموني غلط..بس أنا والله مليت من هالعيشه...مش قادره استحمل..
أحس أني مخنوقه...
ماعمري ضقت يوم حلو من أول ماملكت..
ومش مستعده أخسر باقي حياتي مع أنسان أناني...
ام متعب بصوت حازم\سمعي ياهيفاء..انا بكلم أمه وبقول لها عن تصرفات ولدها...وان شاء الله خير..
قومي غسلي وجهك يابنتي..ولانكدرين نفسك..
هيفاء فرحت لأن أمها حست شوي فيها\أن شاء الله..





فيصل\لينــا...
(لينا..صديقة فيصل قبل زواجه وعشان تتذكرون أكثر اللي كانت تونسيه وساكنه مع خالتها بالسعوديه)
لينا\فيصـــــــــل...مش مصدقه..واخيرا شفتك..!!
شو أخبارك..وكيف صحتك..!!
فيصل\أنا بخير والحمد لله..وانت أيش أخبارك وأخبار خالتك والأهل..!!
لينا\خالتي بخير ودايما تسال عنك..!!وبجرأه..اخبار مرتك..!!
فيصل وتو تذكر أنه متزوج\الحمد لله
لينا\هي معك ..والا..!!
فيصل\لا أنا جاي لوحدي..
لينا\شغل...
فيصل وبعجله\أيه شغل..المهم لينا ماأطول عليك..وسلمي على خالتك..!!
لينا\طيب فيصل..أنت ساكن بهالفندق..
فيصل\أيه..
لينا\لحد اللحين تتذكره هالفندق..!!
فيصل وتجاهل سؤالها اللي مش في وقته أبدا\عادي...انا متعود أجلس فيه..يالله مع السلامه..
لينا\مع السلامه





مر اليوم بأحداثه الكثيره وجاء يوم ثاني صعب للكل

أم حنين قومت عمر الصبح وعلى طول راحوا المستشفى لــ حنين..
فيصل طلع من .بدري عشان يمر المغفر ويستفسر عن جوازه..
وكره حياته يوم شاف لينا تعترض طريق حياته من جديد
ترف راحت مع امها المستشفى عشان تشوف نتيجة الفحوصات...
ساره تبي أحد يوديها عند حنين بس لحد اللحين مالقت أحد.
وكانت تبي تروح بدون أمها عشان تكلم حنين بهدوء..








\والله أني متوقعه أنك بتجون بدري..
العنود وهي تتثاوب\آآه بس..والله فيني النوم ..حنين وسعي لي أبي أنام..الوالده ماخلتنا ننام زين..
حنين\يمه الله يهديك ليه جايين بدري..!!أنا قلت الصبح بس مو لهدرجه..!!
أم حنين\وأنا اقدر أتركك ياحبيبتي..طول الليل مانمت وأنتظرت الصبح يجي عشان أطير جنبك..
حنين\الله يخليك لي ولايحرمني منك...





\لالالا..مستحييل...توني صغيره..ليه أطلعوا ليش...!!!
مرام\يمه ..بنتك ذي من وين جايبينها..!ولفت عليها..هي أنتي بالبزر...احد يخاف من ضروس العقل..!!
ترف\أيه أنتي شعليك..!! الــ أيده بالماي مش مثل الــ أيده بالنار...يمه تكفين واللي يسلمك..ماأبيهم يشلونهم..كيفي ماابي..أنا حره...
ام زياد\يابنتي ياحبيبتي ..هذا أنا شلتهم..وماعوروني ..هي عمليه بسيطه وبترتاحين..
ترف\لالالالالا أنا اعرف وحده من صديقاتي شالتهم وتنفخ وجهها...لالالا يمه مستحيل أشيلهم مستحييل...
أم زياد\ترف..ياعمري ياماما..بكره العمليه وكلها كم ساعه وبتفتكين من الألم..أنتي طول امس مانمتي والسبب أسنانك..شوفي حالت كيف..التعب والأرهاق مبين بوجهك..
ترف\لايمه ..والله مافيني شي..وخلاص انا مش تعبانه...حتى الصداع رااح...بس تكفون ماابي أسوي العمليه...تكفوووون..
زياد\يمه...شسالفه...ترف ..ليش تصيحين...!!
أم زياد\زياد..جيت والله جابك...خذ أختك تراهي جننتني..
زياد\شصاير..!!
مرام\أختك البزر طلعوا لها ضروس العقل وماتبي تسوي تشيلهم...!!
زياد\وكل هالصراخ والصياح عشان ضروس العقل..!!صحيح أنتي وعذرا يعني..بزر..
ترف\حرام عليكم..ليش محد راضي يفهمني.هذه عمليه مو سهله..ياربي شسوي..ماأبي ماأبي..
زياد هنا مااااااات ضحك على أخته وخلاص مش قادر يستحمل هالطفوله
يحس أنه أخته مستحييل تكبر..
بس ياحلو دلعها ...يضحك..!!
زياد\ترف حبيبتي..
ترف ماردت
زياد\تروفه..سمعي هي عمليه بسيطه..وصدقيني مش حاسه فيها..
ترف\ليه انت جربتها!!
زياد\لا..
ترف بصراخ \أجل شدراك أنها بسيطه..ها!!
مرام\بروح اكمل نومي أحسن لي...هالخبله صدعت راسي..
ترف\روحي ..روحي لاتخترب بشرتك..آآه راسي..ألم...الم فظيـــــع...!!






فكرت أم حنين تسأل بنتها عن فيصل..بس ماعرفت كيف تبدى..
ماتدري وش بتكون ردة فعل بنتها..!!!
لأنها لحد الآ ن ماتعرف أيش سبب أبتعاد فيصل عنها وعدم سؤاله...
كانت تتوقع أن عشان موت أبوها ..
لكنها خست أن السالفه أكبر من كذه..
أقتمنت فرصة دخول العنود الحمام
وايضا كان عمر طالع ..
فسألتها بصعوبه...
وهي ماتدري وش تقول وماطلعت منها الا هالكلمات,,,
أم حنين\حنين..
حنين\ها يمه...!!
أم حنين\أأ مش ناويه ترجعين بيت زوجك...!!
حنين\بضيق\ليه يمه مليتي ميني..!!
أم حنين\لاياحبيتي..بس ماتحسين أنك..آآآه والله مدري شقولك...
طيب ..فيصل ماسأل عنك...!!!ماقالت لك ساره شي...!!
حنين\لايمه..ماقالت شي...ولو سمحتي يمه ماأبي أتكلم بهالموضوع اللحين..
أم حنين\بس ياحنين..لين متى بظلين بهالحال..!!أنتي اللحين حامل ولازم تفكرين عدل..
واهم شي تفكرين باللي بــ بطنك..
حنين\هذه أنتي قلتيها باللي ببطني...
أبسألك سؤال...وين ابو ياللي بــ بطني ..ماأشوفه سأل عنه ..
والا هو خذها فرصه وأبتعد فجأه...
أم حنين\طيب يمكن مايدري لاتظلمينه...!!
حنين\أي مايدري يمه..معقوله ماخبروه..تبيني أصدق..مستحيييل..
أنا أعرف فيصل..والكل عرفه على حقيقته..
و اكبر دليل أنا أهله متفشلين على سوالف ولدهم..حتى مافكر يسأل عني والا يكلم..!!
والا حتى يتحمد لي السلامه..
أم حنين\بس يابنتي..
حنين\يمه ارجوك..كفايه..انا ماأبي افكر بشيء غير ولدي اللي بيجي
واللي مايبيني مره أنا ماابيه ألف مره..






جلست ام فيصل تحاتي ولدها وتفكر كيف تلقاه..
ومره تلومه على عدم وجوده..
ومره تحن له وتشتاق له أكثر..
وظلت على هالحال فتره طويله..
وكل ماتتذكر يوم راحت المستشفى عند حنين ونظرات أم حنين لها تتفشل اكثر واكثر..
هي ماعمرها ضايقت أحد ولاكدرته..
لكنها تحس بسبب أفعال ولدها صغرت شخصيتها قدام الكل...
واللحين هي ماتدري كيف تتصرف..!!
والا كيف تبرر غياب ولدها عن الديره..
لكن اللي تعرفه انها لازم تلقاه...
وماتدري ليش تحس أنه ولدها هالوقت محتاس وفي مصيبه كبيره..
هذا أحساس الأم ومستحيل يخيب...











بعد ماطلعت من المغفر
طلعت رقم جديد وجهاز..
وعلى طول دقيت على بيت
ورد عليه ريان
ريان\الوا
فيصل\هلا والله
ريان بفرحه\فيصـــــــــــــل..انت وينك...!!
فيصل\موجود ريان والله أني مشتاق لكم.....شخباركم وشخبار أمي وأخواني..!!
ريان\الحمد لله كلهم بخير يسألون..بس ماسألت عن ابوي والا محذوف من القائمه..!!
ريان \أبوي اعرف أخباره وحتى وأنا في البحرين مسلمني الشغل يا في شركاته أو المناقصات ..المهم ماعلينا سلمي على أمي وقولي لها لاتحاتيني كلها يومين وراجع..
ريان\صج فيصل بترجع...
فيصل\أيه...أوكي ماطول سلام..
ريان وتوه تتذكر\فيصل لحظه...لكن فيصل كان اسرع منه وقفل السماعه بدون مايقوله عن حمل حنين..
وسب عمره على غبائه اللي مو جاي بوقته...
ودق عليه عشان يخبره عن حنين..
ويوم دق شاف أن الجهاز مغلق ..
واستغرب...
وتساأل ..ليه فيصل قافل جواله وهو توه مسكر منه..!!

جات أم لافي مع ريم للمستشفى يوم أذن العصر..
وكالعاده ريم ماجلست مع العنود ولاحقت عليها لأن بدى دوامها..
وهنا ريم ماتت قهر..
كانت تتمنى أنها تشوف العنود وتجلس معها...
لكن ماحالفها الحظ والعنود راحت..
وجلست مع حنين تسولف معها شوي..
..
أم حنين\كلها ساعه وبجي..والأغراض اللي تبينهم بحاول القاهم..تبين شي ثاني...!!
حنين\لايمه سلامتك..
أم حنين\يالله ريم تعالي معي...
ريم تفاجئت\أنا!!
أم حنين\أيه تعالي ساعديني ..والا ماتبين تساعدين عمتك..!!
ريم\لا عادي بس مستغربه......
حنين\لاتتأخرون...
أم حنين\أن شاء الله
كل هذا يصير وعمر ساكت وبداخله مشاعره مختلطه ممزوجه بحزن فظيع وشوية سعاده..
ريم قباله طول اليوم وهو مش قادريقول لها كلمه على بعضها والا حتى يلتفت لها
شي بداخله يمنعه..
وهالشي كان قبل مايموت أبوه..
ويوم صار له هالحادث المشئوم
حس بالأشمئزاز من نفسه
وغير كذه يحس اللي حوله يحسون بنفس الأحساس اللي يحس فيه
وعشان كذه كرهه تفسه اكثر وأكثر
مايبي ييعلق البنت بأوهام هو مش عارف وش نهايتها
وخصوصا وأنه توه صغير وحالتهم الماديه سلبيه
ويوم توفى أبوهم ماات أخر أمل عند عمر
وكل مايشوف نظرة الألم اللي بعيون ريم يتضايق أكثر واكثر..
هو يعرف أنها تبادله نفس الشعور
لكن كل واحد منهم يكابر..
بس لين متى..!!
الله يعلم...
ويوم درى أنه ريم بتروح معهم..حس براحه غريبه..
براحه أول مره يحس فيها بعد كل اللي صار...
تنهد من قلبه وهو يتمنى هاليوم يعدي على خير
ويبتدي يوم ثاني بعيد عن ريم كل البعد...
لكن هالدعوه ماكانت من قلبه ..أبدا
أبــــدا











طلعنا من المستشفى وركبنا السياره..
وأنا قلبي يدق طبول...
وينك عني يالعنود...!!
بس تخيلت أني أكون معه في بيت واحد وبسياره وحده..
تخليني أطير الفرحه..
خاطري أرقص ..بس الحيا مانعني..
مدري..شقول أحس أني أخربط من زود الوناسه..
بس يوم فكرت تواجدي معه..
خلتني أحس بحميمه
وهذا قبل مايصير أي شي..
وبحركه جريئه وغبيه ناظرت المرايه
وتوقعت أنه يناظرني زي كل مره اكون متواجده معه..
لكن للأسف خاب ظني..
وهو أصلا مافكر يناظرني حتى لو نظره وحده..!!
ضاقت بي الدنيا بعد ماكنت طايره من الوناسه..
وأعتصر قلبي بالحزن..
لين متى بيظل بهالحال...!!
حتى اذا ضحك مع خواته ..تحس أنه الظحكه مو من قلبه..
كل هذا عشان اللي صار له...
معقوله تأثر هالكثر..
ياقلبي عليك ياعمر...!!






طلعت ساره من البيت مع خالد وراحت للمستشفى
بعد ماواعدها بنص ساعه وبعدها بيجي ياخذها
وأول مادخلت الغرفه توقعت تلقى الكل موجود..
بس أستغربت يوم شافت محد غير حنين جالسه وشكلها سرحانه بعد..
أرتاحت كثير وحمدت ربها على هالفرصه الذهبيه اللي مستحييل تتعوض..
ومافي أحلى من هالوقت عشان تكلم حنين بموضوعها مع فيصل
حنين بابتسامه\هلا والله..
ساره\ أرتاحي أرتاحي لاتقومين..
حنين\تسلمين ياعمري..شخبارك..تصدقين ماتوقعت جيتك..!!
ساره\وأنا اقدر أني ماأزورك...وماعليك من أخباري...أنت اللي أخبارك ..أن شاء الله احسن من أمس..!!
حنين\الحمد لله..وين عمتي ماجبتيها معك..!!
ساره\الصراحه ...الصراحه أنا جيت لوحدي عشان أبي أكلمك في موضوع ضروري..
حنين\خير ساره في شي...!!
ساره\أولا ..تصدقين..وحشتيني..والبيت..
والبيت بدونك فاضي وممل..
حنين\ياعمري ياساره ..حتى انتي واحشتني مووت بس ...الظروف اللي مرينا فيها أبعدتنا..
ساره\طيب ..حنين..
حنين\نعم..
ساره\فيصل..فيصل صار من أول أيام العزاء وهو طالع من البيت..
لكن كان يكلمنا ونعرف أخباره بالتليفون..
واللحين صار له فتره ماكلمنا ولانعرف عنه أي شي..
وخايفين عليه مره..
والكل مستهم عليه..
وامي متضايقه من موضوعك أنتي وفيصل
ويوم درت عن حملك تضايقت أكثر واكثر
لأن المفروض يكون موجود بهالوقت..
وماتدري شتسوي..
عشان كذه ياحنين أنا جيتك اليوم وأن شاء الله ماترديني..
وبسألك سؤال واتمنى أنك تجاوبين عليه..!!

أنتي متهاوشه مع فيصل..!!!
.
.
.
.
سكتت حنين..وظلت فتره على هالحال..
وساره تتنتظر منها أجابه ..
أو حتى نظره أو أحساس..
لكن حنين كانت مشاعرها جامده ..ومابين عليها أي أثر..





ياربي ..شالبلشه..!!
لينا\هلا فيصل..
فيصل\اهليين..
لينا\شو أخبارك..
فيصل\تمــام..
لينا\تصدق يافيصل..ماني مصدقه أني شفتك..وكنت اتمنى اوتواجه معك مره تانيه..والحمد لله..
فيصل\أيه..
لينا بابتسامه\ماتعزمني على قهوه...!!
فيصل\لا..أيه..عادي..تفضلي..
لبست نظارتي ورحت معها لأقرب كوفي من الفندق
وطلبنا.
لينا\خبرني عن حياتك..وزواجك..
وقلت لها كل شي ..من بداية زواجنا..لنهايته..
رجعت لأحاسيسي قبل مااتزوج..
وكأنها هي الصديقه المفضله بالنسبه لي..
اللي دايم أسولف لها عن حياتي وأشغالي وسفراتي وطلعاتي..
ونسيت بلحظات أني متزوج وكأن الزمن رجعني لورى فتره مو بعيده..
..
وهي نفس الشي كلمتني عن وحدتها وغربتها بعد ماأبتعدت عنها..
وكيف عانت وتأثرت على فرقاي..
والصراحه أنحرجت منها..
أنحرجت لأني جرحتها وجرحت الف بنت غيرها,,
واعتبرت نفسي اناني من الدرجه الأولى..
هي مو ذنبها أنها تعلقت وبنت آمال على شخص مثلي
بالنسبه لها مثلي..
هي تربت على مفاهيم غلط وتعودت على قربي وصداقتي
ويوم ابتعدت عنها واعلنت زواجي
أنهارت..
هذه أقل كلمه أقدر اقولها
لأنه تقاسيم وجهها تبين أكبر من هالكلمه
وتفسر ألف معنى ومعنى

حاولت قدر الأمكان أني أواسيها بشتى الطرق وعلى أنا الوقت مش مناسب ..بس حاولت اخفف عنها شوي..
وأنا بداخلي مشاعر ممزوجه..
قلبي يقولي أسمعها..
وعقلي يقول انت متزوج ولازم تطلع من حياتك..
وبكذه أحترت ..ومش عارف ايش أسوي..

ومدري ليه تذكرت ساعتها مرام بنت عمي..
أكيد أنا جرحتها مثل ماجرحت لينا..
بس ياترى لحد اللحين مجروحه..!!

لينا\فيصـــل..!!وين رحت..!!
فيصل \ها..ولاشي..بس سرحت شويه..يالله لينا تأخرت..واكيد بعد أنتي تأخرتي
لينا\ايوه صحيح..ومشكوره على القهوه..
فيصل\العفو..
وبكذه أنتهى اللقاء على خير ..
وكل واحد منا راح لغرفته



دخلت عمتي تتسبح ومره وحده تتوضا لصلاة المغرب..
ودخلت أنا غرفة حنين عشان أصلي و أحضر أغراضها اللي تبيها
ويوم صليت وجهزت الأغراض حطيتهم بشنطه صغيره وطلعت بره انتظرهم يخلصون..

وأول ماطلعت شفت عمر جالس مع اخته سمر وشكله سرحان..
بالبدايه حاولت أني أرجع الغرفه..
بس الشوق غلبني وطلعت معهم للصلاه وأنا اكح عشان اصحيه من سرحانه

سمر\ريـــــــــــم...
ريم\حبيبتي...تعالي...
وجات جنبي وجلست بحضني..وقامت تسولف
سمر\تصدقين ريم...أنا فرحانه لأن حنين حامل.وناسه بيجي أحد ألعب معاه..
ريم بابتسامه\كلنا فرحانين..مو بس أنتي..
سمر \أيه بس انا اكثر...واذا جاء بعلمه أشياء كثيره وبنلعب بالباربي حقيني..
وبخليه يحترمني ..لأني بصير خالته ..
ريم\لا والله..ياحليلك اللي يشوفك يقول أنك كبيره...وأنتي توك نونو ..
سمر\عمر...شوف ريم تقول عني نون هي النونز صح...!!صح عمر...!!
رفعت عيني لــ عمر وانا انتظر منه أجابه أو حتى مداخلته معنا...
لكنه سكت وابتسم لــ سمر
وقام..
وانا هنا مت قهر..
يعني يكفي أنه مايكلمني وسافطني ..بعد يتركني لوحدي...!!
صج يوم قالت العنود...
عمر تغير ..
تغير بشكل خرافي..!!
سمر\ريم..شفيه عمر.!!
ريم\مافيه شي...
سمر\أووووف..كله زعلان..كله ساكت..عمر مايلعب معي مثل اول...أنا ماصرت احبه..
ريم\لاحبيبتي سمر ..لاتقولين كذه..بس عمر تعبان شوي..وبعدين بيرجع مثل اول وأحسن..
سمر\صج..عمر بيرجع مثل أول..وبيلعب معي..
ريم\أيه صج ...بس أنتي قولي يارب ترجع عمر مثل أول...
سمر رفعت ايدها وهي تدعي لأخوها عمر..
وكانت تدعي بكل صدق وبراءه..
وعمر شافهاوسمع كلامهم..وأنفطر قلبه عليها..
وحس بالضيق والكآبه..




حنين\وش تبيني أقول...!!
ساره\أي شي..بس لاتظلين ساكته..
حنين\تبيني أقولك أيه..أنا متخانقه معه..
ساره\والله اني كنت حاسه أنه بينكم شي..
لكن ياحنين مهما كانت المشاكل اللي بينكم ..
تقدرون تحلونها بالتفاهم..
مو معقوله كل واحد مايعرف أخبار الثاني ولاكأنكم متزوجين..
صار لكم بالشهور ماشفتوا بعض..!!
لين متى بتظلون على هالحال..!!
ياحنين فكري زين انتي اللحين حامل مش مثل أول
وهالطفل اللي بتجبينه محتاج لتواجدكم مع بعض..
وانتي أكثر وحده حاسه بقيمة الأب..!!
لاتخلين الكره تنعاد مره ثانيه ..!!
حنين وتقاطع ساره\ساره ..أرجوك أسكتي..ماأبي اسمع شي..لو سمحتي..
ساره\لاياحنين خليني أتكلم..أنا

حنين\أنتي شنوا...!!
وش تبون مني...!!
وبأي حق تفرضون رأيكم وتوجيهاتكم..!!
أنتوا ماتعرفون ولاشيء..!!
ولاشيء..!!
وجايه بعدها تقولين ماتبين تنعاد الكره ثانيه..!!
ياساره أنتي ماعشتي اللي عشناه..
ولاذقتي اللي ذقناه..
أصلا انا متى حسيت بقيمة الأب..!!
وبصوت عالي
قولي متى.!!
بأي عمر كان ابوي يرعاني..!!
وبأي وقت حسيت فيه ..!!
من أول ماجيت من على هالدنيا وأنا فاقده كلمة أب...
حتى ..
حتى ماأذكر أني سمعت منه كلمة يابنتي...
هالكلمه أنحرمت منها من يوم أنا صغيره..
ماعمره حسسني بحنانه...
حتى عيونه..
عيونه كلها كانت أتهامات وظلم لنا..!!
صدقيني ماشعرت بوجوده..
كنت اعتبره أنسان عدمه ووجوده واحد...
كان يحسسني بالأهانه..!!
ليه.مدري..!!
وكل يوم عن يوم يبتعد أكثر...
وبعدها صار ماله وجود...
صدقيني مافرق عندي موته..!!
لأنه كان ميت من زمان...
بس اللي ذبحني وقتلني
أنه في النهايه..
خاف ربه..
وتذكر انه عنده أهل الله بيسأله عنهم...
ومسحت دموعها...
والله العالم ...
والله العالم
كيف بيقابل ربه..!!

صدقوني
صدقوني أنتوا ماعشتوا اللي عشناه..
أحنا عشنا بظلم..
بظلم فضيــــــ ـــــع..
وغربه تذبح..
وأنا اليوم أشوف نظرة الظلم فيكم كلكم..
وأولكم فيصـــل...
لاياساره..
لااا
لاتزيديني أكثر..

ترى اللي جاني من هالدنيا كفايه...
السالفه مو سالفة فيصل بس...!!

السالفة سالفة عمر
ماعـــاش لحظه حلوه...






?..والله ولدي لسه ماجهز نفسه..ولاتفكرين أنه العرس يجهز بيوم والا ليله
خلي الولد يستقر أول عشان يتزوج..!!
واذا تبون حياكم الله..
واذا ماتبون نطلع بالمعروف مثل مادخلنا بالمعروف... ?


هذا كان كلام أم بندر يوم كلمت ام متعب عن زواج هيفاء وولدهم..
وطبعا مثل أي تصرف أي أحد يتخذه بعد هالكلام الجارح
ام متعب قررت تنفذ كلام بنتها وتفكها من هالمصيبه اللي تعرضت لها...
الكل أنصدم من كلام ام بندر وأكيد هالكلام كان مأيده ولدها لأنه لايقل عن أمه وقاحه..
والكل وافق على هالأنفصال اللي بيريح هيفاء..

في المحطه
...........................
\مافي بنزين...
أم حنين\طيب ياولدي ليه ماقلت من البدايه...
عمر بضيق\يمه أنا قلت لك من قبل بس أنتي ماسمعتيني..!!
أم حنين\طيب شفيك معصب..!!انت ماعندك فلوس..!!
عمر\لا..ماعندي...
أم حنين\الله يهديك ياعمر من وين لي اللحين...!!
عمر\والحل..
أم حنين\والله مدري..
ريم\خالتي أناعندي...
ام حنين\لايايمه مايصير..
ريم\عادي خالتي..والا مش حاسبيني من الأهل...!!خذي الفلوس مابينا حساب...!!
ضاقت الدنيا على عمر بعد ماتعرض لهالموقف قدام ريم..
وخذ المسأله مسألة كرامه وطلع معصب من المحطه وهي تصفر ومابقى الا قليل من البنزين..
يعني أحتمال كبير توقف في وسط الشارع قدام الناس..
لكنه مستحيل ياخذ فلوس من بنت..
وحتى لوكانت بنت خاله..
وأم حنين أستغربت من حال ولدها ..
وماتوقعت منه هالحركه..
وتناست الموضوع لأنها لو تتعمق فيه اكثر
بتلاحظ كيف حالتهم الماديه مدهوره..!!
لدرجة أنا الفلوس وبهالوقت الضيق
صعبه تكون متواجده بين ايديهم..
حنين من زمان مادرست
وهي لها فتره ماباعت الأغراض اللي تصلحهم
ومابقى غير العنود ..
هم معتمدين عليها اللحين..

أما ريم حزت في نفسها هالحركه
وتمنت أنها ماجت معهم..
ولا شافت عمر..
لأنها بدال ماتصلح العلاقه أبعدتها أكثر...
ودمعت عيونها غصبن عنها..







شفيك..!!
\مافيني شي...بس شوي متضايقه..!!
خالد\شخبار حنين بخير..!!
ساره بضيق\الحمد لله..وسكتت
خالد\لا بالله منتي ساره أختي اللي أعرفها..سارونه...صدقيني فيك شي..قبل ماتروحين المستشفى كنتي متشققه من الوناسه ..واللحين اللي يشوفك يقول ميت عليها ميت...تكلمي.أنا اخوك وأعرف حركاتكم يالبنات اذا عصبتوا وجهكم ينقلب لوحه تشكيليه خخخخخخخخ
ساره\أوووف خالد والله مالي خلق لك ...أسكت أحسن..
وبكذه سكت خالد وهو مستغرب من حال أخته..
هو يعرف كيف ساره متعلقه بــ حنين ..
وأول ماقلت له ساره انها تبي تزورها وافق على طول ..
وكله علشان اخته..
لأنه يحس بأمتنان صوبها بسبب سالفته مع ترف
ومش عارف كيف يرد لها المعروف..
وأول ماوصلوا البيت نزلت ساره من السياره
وتبعها خالد على طول...
ويوم دخلوا البيت شافوا ريان وسوزان جالسين بالصاله..
وساره على طول طلعت غرفتها...


ياعمري والله..!!
خانت حيلي قطعت خاطري...!!

خالد\منو هذه اللي قطعت خاطر سوزان عشان أعطيها هديه..!!
سوزان\مااالت عليك..أنا أدريبك تكرهني مدري ليش..!!
بس لاتخاف الكره شعور متبادل بيني وبينك..!!
خالد\شكرا شكرا ...عاد لاتطيحين علي من كثر الكره ....ياصخــــــــــله...
ريان\علميه...علميه مين اللي كسرت خاطرك..!!
سوزان\لا مش معلمه..موت حرررررررررررره...
خالد\يعني انا اللي مهتم بالطقاق اللي يطقك أنتي واللي كسرت خاطرك ...
ريان\أنا اللي بقول... وا عليه مسكينه بكره بيسون لها عمليه..
سوزان وبنفس الصوت\ياعمري
ريان\ياعمرها...
سوزان\ياقلبي..
ريان\ياقلبها..
سوزان\ياكلي...
ريان\ياكلها....للحين ماعرفتها..!!
خالد وأستخف\منوااااااااااااااااااا!!
سوزان+ريان\قلبـــــــــــــــك..
خالد\منوااااااااا!!
سوزان+ريان\ترررررررررررررررررررررف..
.
.
.
.
.
خالد\حلفوااااااااااااااااااااااااااااااا!!





حنين\وينه عمرماأشوفه...
أم حنين بصوت حزيين\مدري عنه..شكله راااح يجيب العنود من المشغل...!!
ريم\يالله خالتي أنا أستأذن...!!
أم حنين\وين وين..!!
ريم\لافي بره ينطرني..!!
أم حنين\تو الناااس..
ريم\معليش خالتي أجيكم بكره أنشا الله..مع السلامه...
حنين+أم حنين\الله يسلمك
أم حنين\مسكينه...
حنين\يمه..شفيها ريم...!!
أم حنين\ولاشي يابنتي لاتهتمين..!!
حنين\يمه شلون ماأهتم...البنت شكلها معفوس..
ام حنين\ولاشي..بس صار شي وشكلها زعلت منه..
حنين\أيه..شنوأ..!!
أم حنين قالت لبنتها السالفه كلها...
حنين\انا لازم أطلع بأسرع وقت..
أم حنين\ليش..!!
حنين\بس يمه لازم أدرس..لي فتره مادرست..
ام حنين\بس يابنتي أنتي تعبانه..وحامل مايصير أخليك تدرسين..!!
وبعدين ..مااظن فيصل يخليك تدرسين بهالوقت..!!
حنين بضيق\وهو شعليه...موعلى كيفه...!!
وتدرسي بدرس..
وبعدين يايمه أنتي ماصرت تقولين لي كل شي...!
واذا سألتك عن الفلوس تقولين لي
مستوره والحمد لله..
يمه ليش قمتي تخبين علي..!!
نسيتي أني بنتك...!
والا علشان العنود أشتغلت خلاص كل شي بأيد العنود..!!
أم حنين\لايابنتي بس أنا ماأبي أثقل عليك..!!
حنين\تثقلين علي...!!
الله يايمه ..
مين أنا عشان تثقلين علي..!!
أنا حنين...
حنيــــــــــــن..
والا نسيتي...
أم حنين\لايابعد قلب أمك مانسيت...







ساره تكفيييييييييييييين تكفين خليني أكلمها..!!
ساره\لا
خالد\سارونه..
ساره\لالالا..وبعد لا
خالد\ساره عشان خاطري خليني أكلمها..
ساره\قلت لك لا ياخالد ..واذا تبين ازعل كلمها...
خالد\خلص بروح اكلمها بتليفوني..
ساره\نشوف اذا ردت عليك...
خالد\طيييييييييييييب طيب ياساره..
وطلع خالد...



وكلها ثواني ورجع محل ماطلع..
وجلس جنب ساره ..وهو يحط ايده على خده مثل أخته..
وبعد هدوء...
خالد بهمس\ســــــــــاره..
ساره\هممممممم
خالد بصوت حنون خلى ساره تتأثر\ليش هالدموع..!!
ساره ودمعت أكثر\خالد..
خالد\أمري ياساره..!!
ساره بدت تفرغ كل اللي بقلبها وكانت هذه أول مره تفتح فيه قلبها لأحد
\ليش الناس مايحبوني..!!
ليش كل ماأترقب من شخص يبتعد عني..!!
أنا شفيني..!!
أنا شفيني غير عن البنات..!!
ماعمري صادقت وحده الا وتخلت عني..!!
ويوم شفت الصديقه اللي تفهمني..
تخلت عني بأول موقف بيني وبينها..
والمشكله أنها فهمتني غلط..
وتقول أني ماأحس ..
أنا ..
أنا مااحس..
حرام عليها..
اذا هي جربت الفقدان مره...!!
فاأنا عمري ماجربت شعور العايله ولمتهم..
كل واحد فيكم لاهي بــ خصوصياته..
أنت دايم طالع مع نواف..
وفيصل مثل ابوي مانشوفه الا بالشهر ويوم تزوج تغير بشكل ملحوظ
ويوم طلعت حنين عن حياته رجع مثل اول..
وريان لاهي بدروسه ولاعمره فكر يطلع من غرفته الا بوقت الضروره
وسوازن ماعمرها حسستني بأنها اختي..
ماكنت تجيني الا اذا طلبت مني شي..
ماكانت تحبني..ومسحت دموعها
ماعمري جلست معها وحسستني أني أختها..
أماامي ضايعه بينكم..
أستسلمت للأمر الواقع وعاشت حياتها بعيده عنا وعن أبوي..
اللي مانشوفه الا في وقت الغداء أو العشاء..
شفت ياخالد كيف أنتوا بعيدين عن بعض..
الناس يحسدونا على قربنا ..
وهو مايدرون أنا كل حياتنا مظاهر..!!

كنت دايم أقول بيجي يوم وبنجتمع..
وكنت أحط أمال وأحلام على جمعتنا اللي بتكون بيوم من الأيام..
كنت دايم متفائله وصابره على وحدتي..
ويوم سكنت حنين عندنا بالبيت..
ماتتخيل قد ايش فرحتي..
وابتسمت بين دموعها
كانت سعادتي ماتوصف ..
كنت ولأول مره أحس بطعم العايله
لأن حنين قدرت أنها تجمعنا كعايله مترابطه..
وكنت اشوف الدنيا حلوه بلمتكم وضحكم..
وحمدت ربي كثير على وجود حنين مابيننا..
لأنها ردتكم كلكم وأولهم فيصل..
واللحين
كل كل شي رجع مثل اول..
وصرت وحيده..
ماعندي احد أشكيله..
والله العالم قد ايش أنا ضايعه بينكم..

آآآه ياخالد..
الحياه صعبه ..
صعبــ ــــــه..
ضم خالد اخته..وهو يحاول يهديها ويحسسها بانه موجود معها
ولأول مره ساره تحس
بحنان الأخو وكأنها هي الصغيره وخالد الأخ الكبير..

خالد\كل هذا فيك ياساره...ياحبيبتي اللي يشوفك يقول شي ثاني..
الله يهون عليك ..الله يهون عليك..

ساره \خالد أنا ماأبي الكثير..
صدقيني أبي وجودكم بس...
ابيكم تصيرون اخوان لي..
أبيكم تحسسوني بوجودكم جنبي ..
انا مااطلب الكثير ياخالد..
ماأطلب الكثير..

خالد\ياعمري ياساره..خلاص لاتصيحين ..أعذرينا على تقصيرنا بحقك ..
أنا اعترف لك أنا أحنا بعاد عنك..
بس صدقيني ماكنا حاسين بهالشيء أبدا..
مدري كيف اشرح لك شعوري..
بس اللي أبيك تعرفينه أنك كنتي الأخت والأم لي...
ماكنت اعرف أتصرف الا بوجودك..
في الحلوه والمره ماالتجأ الا لك أنتي..
مو شي في أمي ولا في سوزان ..
بس أنتي غير عنهم..
أنتي بتفهميني أكثر..
وأكبر دليل يوم قررت اني ابي أكلم ترف ما كلمت أحد غيرك..
لأني أعرف أنك بتحسين فيني..
أنتي حنونه ياساره حنونه..
أنتي كنتي أمل لي..وامل لــ ترف..
وبتكونين باذن الله أمل لــ فيصل ولــ حنين..
بس لاتيأسين عن رحمت ربك..
واللي الله كاتبه بيصير..
وان شاء الله حياتنا ترجع مثل أول وأحسن بعد..





ساره\ريحتني ياخالد..الله يريحك ان شاالله..

خالد\طيب يالله أبتسمي..مو حلوه وأنتي كذه..
ساره\طيب وهذه احلى أبتسامه..

حمد ربه خالد على وجود اخت له مثل ساره
وماتفاجأ من رضاها السريع ..
لأنه يعرف أن قلب اخته كبير وسموح..

وبعد هدوء ..
خالد\طيب ساره..أحم..
ساره\ردينا
خالد\...تدرين أنها بتسوي عمليه ..!!
ساره\أدري..
خالد\ وليش ماقلتي لي..!!
ساره\مو كل شي بقولك اياه..
خالد\هي شفيها بالظبط..َ!!وعملية أيش بتسويها..
ساره\مافيها شي بس دلع بنات..بتشيل اسنان العقل وبكره عمليتها بس..!!
خالد\بس..!!
ساره بابتسامه\بس..
خاد\وتقولين بس بعد..هذه عمليه مو سهله..!!طيب ساره تكفيين كلميها..
ساره\من صجك ياخالد..الناس ليل وبكره بنزورهم ..
خالد\بس أنا مقدر أستحمل لين بكره..
ساره\والله هذا شي راجع لك..
خالد\وأهون عليك..!!!!!!
ساره\أيه تهون..
خالد\أفا..
ساره\خالد..ياخالد..انا اعرفك متهور والصراحه..ماابيك تكلم ترف...
خالد\آآآه بس..بصبر لبكره والله يهونها..أيه صج..وش درى سوزان وريان اني أحب ترف..!!
ساره\هههههههههههه أصلا الكل يدري أنكم تحبون بعض بس تكابرون وبعدين حركاتكم كلها مكشوفه..
خالد\بس فشله أحرجوني الصراحه..
ساره\قو قلبك...عادي ..وشفيها أنت ماسويت شي غلط..أنت تحب..وياحلو الحب..!!
خالد\ساره..
ساره\هلا
خالد\مره حبيتي..!!
ساه بابتسامه\ليتني أحب..!!
خالد وعصب\شنوا...!!!
ساره\هد أعصابك..وبعدين حلال عليك وحرام علينا..
خالد\لا..بس..!!مدري..
ساره\الحب مش عيب..بس أهم شي تكون المشاعر صادقه ومش بالحرام..والحب كل شي بهالدنيا..
خالد\طيب مارديتي على سؤالي ....!!
ساره\شوف خالد..تقدر تقول أنا أنسانه حالمه ورمانسيه بشكل ماتتصوره..ومش مهم أترجم أحاسيسي بشخص غريب...
يكفي أني أحب الحب نفسه..
وهذا كافي بالنسبه لي..!!
وبصوت عالي
ويعيش الحب..
خالد\ويعيش خالد وترف..!!
ساره\ههههههههههه ولايهمك..ويعيش خالد وترف..



وفي هذه الليله قلوب كثيره ماقدروا يذقون طعم النوم..
وأولهم ريم وهي تتذكر موقف عمر ناحيتها وقد أيش هو تغير..
وعمر يفكر بحالتهم الماديه المدهوره وقرر أنه يدور له شغله قبل ماتبتدي الدراسه
ولايعتمد على خواته وامه..
لأنه هو اللي صار رجال العايله اللحين..
وخالد يفكر بــ بنظر عينه ترف هانم..وكل مره يمسك جواله ويدق على رقمها وباخر رقم يسكر جواله وهو يسب عمره ..لمن طلع الفجر وعينه ماذاقت طعم الراحه..
أما ترف تفكر بعمليتها المتخوفه منها وبناحيه ثانيه تفكر بخالد وردة فعلها بالموضوه اذا درى بالخبر..
وبالأخير
حنين تلخبطت مشاعرها وماتدري ليش تحس أنها قست على ساره وتبي أي فرصه عشان تعتذر منها..لأنها هي مالها ذنب بكل اللي صار..

وبكذه أنكتب يوم ثاني على الكل وأولهم اللي عيونهم ماذاقت الراحه..

الساعه 10 عملية ترف ولازم تكون متواجده هناك بدري..
وراحت معها أمها ومرام ونواف ورهف.. وزياد لحقهم بعد ساعه وكل هذا عشان الأميره ترف ماتخاف لوحدها..

ترف\يمه ..لحظه.لحظه..شوي شوي.بس ..
أم زياد\ترف وبعدين يعني تراك أذتينا ..
مرام\ياربي على هالدلع الماصخ..هي أنتي كلها شخطة موس وتفتكين...
ترف بخوف\مووووووووووووس..!!
مرام وفيها الضحكه\أيه موس شفيك مخترعه..
نوف\ياحسريتي عليك ياترف ..توك شباب وقاموا يشلون ضروسك..!!
ترف وقامت من سريرها\لالالالا ماأبي ماأبي ردوني البيت..تكفون ردوني البيت..حرام عليكم..حرام
زياد\مراموا..تركي ترف..ترف حبيبتي ترى تقص عليك ..واذا جاء الدكتور لاتفشلينا وتقولين ماأبي..!!
ترف\كلكم ماتحبوني أنا أعرفكم..يااختي التوأم تكلمي ..قولي شي..نطقي بيموتوني وانتي ساكته..!!
رهف\والله ياحبيبتي في هالمسائل أنا مقدر أتكلم..وبعيدن وبعدين كان ودي أضحي بس تدرين العين بصيره والأيد قصيره..
ترف\ماااالت عليكم كلكم..
الكل\ههههههههههههههههههههههههه



\الو
سوزان\فيصـــــــــــل..!!
فيصل\هلا سوزان .شلونك..!!
سوزان\فيصل أنت وينك..خرعتنا عليك..ليش مادقيت علينا..وليش ماجييت!الكل يسأل عنك..
فيصل أ
فيصل\شوي شوي علي..سوزان أنا سالفتي طويله ماعليك مني انتوشخباركم وشخبار أمي..!!
سوزان\الحمدلله كلنا بخير...!!بس ..
فيصل\بس شنوا...أمي فيها شي..!!
سوزان\لا..مافيها شي...
فيصل\أجل شفيكم تكلمي..!
سوزان\حنين..
فيصل\شفيهـــا,,شفيها حنين..تكلمي...!!
سوزان\حنين ..حامـــــــــــل..
.
.
.
.
فيصل وغمض عيونه\حــــــامل..
سوزان\فيصل وينك..!!
فيصل \صج..سوزان..حنين حامل..!!
سوزان \أيه حامل..
فيصل\قولي والله ..قولي والله انها حامل..!!
سوزان\والله ..والله أنها حامل..
فيصل ومسح دمعه \الحمد لله..الحمد لله..
سوزان\فيصل..فيصل....!!
فيصل\صدقيني ياسوزان هذا أحلى خبر سمعته بحياتي .ماتتخيلين شقد أنا فرحان..!!
سوزان\طيب ..فيصل متى بترجع..!!أنت لازم تكون موجود..
فيصل\مقدر ياسوزان..مقدر أرجع اللحين..
سوزان\ليش.!!أنت تدري أن حنين بالمستشفى ماطلعوها..!!
فيصل\ بالمستشفى ..ليش..!!
سوزان\يقولون أنها تعبانه مره..ولازم تجلس كم يوم عندهم..!!
فيصل بعجله\طيب سوزان مع السلامه..
سوزان\مع السلامه

بعد ماقفل فيصل من سوزان دق على جوال حنين على أمل أنها ترد عليه..
لكن حنين شافت الرقم واستغربت..
ولأنها متضايقه ومالها خلق ماردت على المكالمه
لكن فيصل حاول مره ومرتين وثلاث..
وهي ماترد
العنود\شفيك ..ردي على التليفون..!!
حنين\مالي خلق...وين عمر..!!
العنود\مدري..قطنا ومشى..









هد أعصابك..!!
خالد\تدرين,,والله عيوني ماذاقت النوم..!!أبي أشوفها بأي فرصه..
ساره\أن شاء الله تشوفها..
خالد\يالله وصلنا..
نزل خالد مع أخته للمستشفى وأول ويوم وصلوا لقوا الكل مجمتع بره وعرف أنه العمليه بدت..
نواف\هلا بو الشباب...لكن تعبت روحك وجيت..
خالد واستحى\لا عادي..بس ساره أذتني من أمس تبي تشوف ترف..
نواف\حسافه مالحقت عليها..
عند البنات.
ساره\متى بدت عمليتها..!
رهف\تقريبا من ربع ساعه
أم زياد\شلون أمك ساره..
ساره\الحمد لله..كان ودها تجي..بس تعبت شوي
أم زياد\أيه..واضح.
رهف وعشان تغير الموضوع\أمشوا نجلس قعدتنا غلط كذه..







متى بتطلع من الدوام..!!
لافي\ساعتين وطالع..!!
فهد\لافي..علامك..!!
لافي \ولا شي ..بس متضايق شوي..!!
فهد\عسى ماشر..!!الأهل فيهم شي..!!
لافي\لايافهد..مافيهم شي..
فهد\بس عرفنا...العنود..
لافي وهو يبتسم\تصدق عاد..كل ماأٌقول خلاص هالولد مستحيل أقوله شي..تلف فيني الدنيا وتدور وأرجع لك..!!
فهد..!!
الله لايحرمني منك..!!
فهد\ياحبيبي يالافي..وانت بعد حياتي بدونك ماتسوى..!!
لافي\هههههههههه فهد شفينا صايرين على الدقه ورومانسيه
صرنا بنات على غفله...؟؟!
فهد\لا والله يالافي هذه الأخوه اللي ماتتقدر بثمن ومستحيل أنها تنمحي مع الزمن..
لافي\صدقت يافهد..
تصدق اذا تزوجت وجبت ولد بسميه فهد عليك..!!
فهد\وأنا بعد ..بس لحظه ونعس عيونه....أسمك مو شي..!!
لافي\لا والله من حلاة أسمك اللحين..!
فهد\حدك عاد..أنا على اسم بو فيصل الله يرحمه..!!
لافي\ ونعم والله..الله يرحمه ويسكنه جناته..
فهد\آميين..تعال وش سويت على بعثتك..منت رايح..!!
لافي\عشان كذه متضايق ماأبي أسافر بدون العنود..بس أخاف أنها ترفض..!!
فهد\أنت كلم أهلها وشوف الوضع والله بيسهل عليك أن شاء الله
لافي\الله يسمع منك
كملوا الشباب سوالفهم وكل واحد ممتنن لربه على نعمة الأخوه اللي اللي مستحيل تتعوض ولو بكنوز الدنيا كلها..










نزلت ساره البيت وطلعت وأنا حدي معصب..
أجل أنا ماتبي تشوفيني..!!
مالت عليها..!!
يعني أنا اللي ميت عليها..!!
وشفيها يعني اذا شفتها وهي بالحال ..بتموت يعني..!!
والا بتجيها جلطه..!!
هي لو تدري شكثر أنا مشتاق لها..!!
كان خلتني متصنم عندها لبكره..!!
بس هي شعليها..!!
أنا اللي أحترق ..وهي صايره زي الثلاجه..!!
أنا لو خذتها.والله لكسر راسها بسببت دلعها الماصخ..!!
.
.
أجل أنا..
أنا..
خـــــالــــــــــد
ماتبي تشوفيني..!!







وشفيها يعني..!!شغله شريفه وبتكسبنا فلوس..!!
ام حنين\بس ياولدي..أنت داخل على ثانويه عامه..ولازم ماتفكر الا بدراستك..!!
عمر\يمه ارجوك ماأظن هالشغله بتلهيني عن دراستي..وبعدين انا عارف مصلحتي زين..!!
حنين\عمر..كلام أمي صح..وان شاء الله اذا تخرجت سو اللي تبيه بس اللحين ياأخوي التزم بدراستك أحسن لك..
عمر\وبعدين يعني لين متى بفهمكم أني أبي أعتمد على نفسي..والا انتوا عاجبكم هالحاله اللي نعيشها..!!
أصحوا شوي..
أحنا كل مره ونرجع لورى..
واليوم غير عن أمس..!!
أم حنين\ونسيت..!
عمر\نسيت شنوأ...!!
أم حنين\نسيت وصية ابوك لك..!!
عمر \أبوي..
أم حنين\أيه أبوك..والا حتى ابوك نسيته..!!
مارد عمر ولا أمه وطلع بره الغرفه ومن الغرفه لبره المستشفى بكبرها
وهي تنعاد كلمات أبوه براسه كل مره..
(وعمر...وعمر قوله يتخرج ويجيب أحسن العلامات ويتوظف ويرفع راس أمه..قوله اني أحبه..قوله يسامحني..
قوله يسامحني... )
عمر\لايايبه ..لا..انا لازم أرفع راسك..!!
بس شلون ...!!
شلون ياربي..!!



لافي ..مع السلامه..

لافي\العنود ..ليش..!!
العنود\شنوا ..اللي ليش...أنت من صجك..!!
لافي\أيه من صجي...يا عنود..حسي فيني...!!وأنا أبي نتزوج ونسافر ..البعثه مابقى لها شي..
العنود وتناظر الباب\لافي أرجوك..مقدر أكلمك أخاف احد يدخل علي...
لافي\مستحيييييييييل..مستحييييييييييييل اسكر قبل ماأعرف رأيك..
العنود وأنهارت\شتبيني أقول!!
لافي وهو هيمان\قولي كلمه من أربع حروف..
العنود\لافـــــــــي..
لافي\أنا تعبان ياعنود حرام عليك حسي فيني...
لافي\أسمعي عنود..بكره بكلم خالتي عن موضوعنا وبقول لها عن السفر..وماعندي غير هالكلام..سلام..
وقفل بدون مايسمع ردها
..وهو ينتظر بكره عشان يحسم الموضوع..

العنود رمت نفسها على السرير..
وجلست تفكر بتصرف لافي المتهور
أولها كلمها بدون قيود..
وآخرها رمى عليها خبر هي مو قده..








بعد يومين من الأحداث السابقه..


طلعت من المغفر والجواز بأيدي..
والحمد لله لقوه بالوقت المناسب..
مافيني أقعد الصراحه اكثر..
أبي ارجع بسرعه عشان أشوفها..
وشكلها ماعرفت أني أنا اللي داق عليها..عشان كذه ماردت..
يالله خيره..
يمكن المقابله احسن من أني أسمع صوتها...
الله كريم..
رجعت الفندق وجهزت أغراضي كلها
وطلعت للرسيبشن عشان ادفع باقي الفلوس..
وبكذه أنتهيت وكلها نص ساعه وارجع ديرتي...
وكل ماأتذكر أني بصير أبو..أطير من الوناسه..
يارب شقد أنت كريم..!!
وأحنا اللي مبتعدين عن رحمتك..!!
من أول ماتركتني حنين..
وأنا أتخذت قرار أني لازم أبتعد عن كل شي يذكرني فيها..
واللحين بعد ماسمعت الخبر..
مشيت اهرول لها ونسيت كل شي صار بينا..
لكن الله يستر ..
اخاف أنها ماتتقبلني..
وتتذكر كل اللي صار..
أو أنها تصير جامده..وماتحس فيني..
وأطلع من عندها مثل كل مره جيت فيها لها...
يارب ..ساعدني
لازم أرجع حنين لي..
لازم.
ركبت سيارتي وأنا أتذكر اخر مقابله بيني وبين لينا..
كانت مقابلة تصفية حسيبات قديمه
وشفت الحزن بعيون لينا لأني قلت لها عن حمل حنين..
لكنها لازم تعرف أني مستحيل أرجع لها ثانيه
وطول هالمده اللي جلست فيها كانت هروب بالنسبه لي..
ومردي برجع لها..
ومره ثانيه حسيت بجرحها ..لكني مش قادر أسوي شي..
وتمنيت اني أبدا ماأتعرض لهاالموقف السخيف لكن..
الله كتب انا نتقابل..وتقابلنا..
لكن الحمد لله أنتهينا بتصالح أبدي ..
وتفارقنا ..

لكن مع ذلك أنبني ضميري على خيانتي لزوجتي....
لأن حتى لوكان لقائنا عادي بس المفروض اني ماأخون .
على أنا كل لقائتنا كان محور حديثنا عن حنين ..
بس ولو هذا مو عذر..
لأني لو كنت أنا بدال حنين أكيد بنهار وبقلبها حريقه بعد..
بس في شعور بداخلي يقول ..
هي اللي أبتعدت عنك..وماتبيك.وتكرهك..
أتركها وخلها في طريقها..أريح لها..
لكن في شعور يمنعني وصار اقوى يقول
خلاص يافيصل..
لاتفكر باللي فات..
أنسى لينا..
وأفتح صفحه جديده ..
وتذكر حنين وحبك لها..
والمولود اللي جاي بالطريق..

وبكذه حاولت أنسى وأركز على حياتي مع حنين..






يمه ترى مليت..
أم حنين\خلاص يابنتي هانت وبكره بتطلعين..بس تصدقين الحمدلله ,..صحتك صارت احسن من قبل..
حنين\أي صحه يايمه..لولا الله ثم هالمغذي اللي حاطينه لي..كان صارت علوم..
أم حنين \بس لحد اللحين مارجعتي مثل أول الهلات مغطيه على وجهك..يابنتي أرتاحي ونامي لاتفكرين بشي..
حنين \الله كريم ..يمه
ام حنين\نعم يابنتي..
حنين\أنا قلت لــ العنود تدق على طالبه كنت أدرسها ومادفعت فلوس الماده..
أم حنين\ليكون مريم..اللي قلتي لي عنها..
حنين\أيه
أم حنين\بس يابنتي هذه ظروفها صعبه..
حنين\يعني أحنا اللي ظروفنا سهله..وبعدين لاتخافين صار للبنت اكثر من ثلاث شهور وأكيد قدرت تدبر المبلغ..
أم حنين\والله مدري شقولك..
حنين\لاتقولين ولاشي..واذا طلعت أنا الله بيسهلها أن شاء الله..
أم حنين\ا،تي لحد اللحين مصره..!!
حنين\ومستحيل اتخلى عن قراري مهما صار..
ام حنين وعشان تغير الموضوع\كأن عمر تأخر..ليكون صار له شي..
حنين\مسافة الطريق وجاي..

فيصـــــــــل..
فيصل\هلا يمه..وحب راسها وحضنها..وحشتيني..وحشتيني كثير..
أم فيصل دمعت عيونها فرح\وينك ياولدي ..حرام عليك..كل هالمده تاركنا ولا تسال عنا..لهدرجه قلبك صار قاسي علينا..!!
فيصل\آسف يمه..آسف أعذريني .انا أدري أنا مقصر..بس الله يعلم بحالي..
أم فيصل \لاتحاول يافيصل..شهرين وأنا مدري عنك..لهدرجه هنت عليك..!!
لهدرجه صرت رخيصه عندك..!!
فيصل بلوم شديد\آسفه..آسف ياغلى أم آسف..وحب أيدها..أوعدك ماأعيدها بس أرضي علي ارجوك..
أم فيصل\قلبي راضي عليك ..مهما قسيت وأبتعدت..
سمعت ساره صوت أخوها وعلى طول جات الصاله
ساره\فيصـــــــل..توه مانور البيت ..وركضت تسلم عليه..
فيصل\هلا ساره..شلونك ..!!
ساره ودمعت عيونها\اللحين أحنا بخير..وأخيرا رضيت علينا وجييت..
فيصل\أهم شي تكونون راضين علي قبل..
أم فيصل\أجلس ياولدي..تعال..شسويت طول هالمده..!!وليش ماقمت ترد علينا ..!!

فيصل\يمه سالفه طوييييييييييييله..بعدين اقولكم أياها..بس اللحين علموني ..حنين بأي مستشفى...؟؟!




جلست لحالي زي كل مره أهلي يطلعون فيها
جلست لوحدي وأفكر بالسالفه اللي أتظاهر للناس أني مش مهتمه فيها..
الكل يفكر اني متجاهله موضوع حملي ..
وهو مايدرون أنه هالشي كبير بالنسبه لي..
وخصوصا أنه قلب كل شي كنت أفكر فيه..
وبديت أراجع حساباتي من اول وجديد..
..
وبالنهايه رجعت مثل مابديت..
بدون هـــــــــدف



نزلت من السياره وانا قلبي تنسمع دقاته..
تلخبطت مشاعري بين شوق ولهفه ومراره..
ياترى كيف بتقابليني ياحنين.!!
ليتك تسامحيني على غلطاتي وتبتدين صفحه جديده مثل مابديت..
ليتك ترحميني وتحسين فيني..
آآآه ياحنين ..
وش سويتي فيني..!!

دخلت السمتشفى وأنا مرتبك..هذا غير الأرتجاف اللي يحتويني..
سالت عن رقم الغرفه
وطلعت لها..
وأول مادخلت الغرفه
كانت مظلمه ومافي غير أضاءة السرير..
وشفتها
.
.
وعلى طول رف قلبي على منظرها اللي يقطع القلب..
كان شكلها تعبان ووجها أصفر وهذا غير الهالات اللي بعيونها.
ياحبيبتي ياحنين..
ليت اللي فيني فيك..

وبصوت واطي همست لها على أمل أنها تصحى
فيصل\حنين..
وعلى طول فتحت عيونها..
شكلها ماكانت نايمه..
بس مغمضه عيونها..
حنين\فيصــــــــل..!!
فيصل\ايه فيصل وجلست جنبها على السرير..
فيصل\الحمد لله على السلامه..
حنين وهي لحد اللحين متفاجئه وماتوقعت زيارته\الله يسلمك..
فيصل وفرح برد حنين\حنين..مبرووك علينا أحنا الأثنين ..
حنين \الله يبارك فيك..فيصل..
فيصل\هلا..
حنين\فيصل..أنت فيصل..!!
فيصل\ايه فيصل.شفيك حنين..لحظه..(وشغل اللمبه..(تأكدتي أني فيصل..
حنين\أيه..
فيصل بابتسامه حزينه\وحشتيني..
نزلت حنين عيونها وماعرفت شترد عليها ...
كل الكلام اللي كانت بتقول له تبخر من أول ماشافته..
وماتري ليه كانت تبي تقول حتى انت وحشتني أكثر..
ماتدري ليه ..كانت تبي تضمه وتصيح في حضنه..
وتقوله ..معقوله هنت عليك كل هالمده..
معقوله ماصدقت على الله وابتعدت بأول موقف..
معقوله خذلتني ..وخذلت نفسك..وماقدرت تتحمل المسؤليه..
كلام كثييييييير في قلبها وتبي تفرغه قبل ماتنفجر..
لكن مثل كل مره..
دايم يخونها التعبير..
وهي في عظم حزنها..
وبالأخير..
نزلت دمعه من عيونها ..
وهالدمعه ممكن أنها تكون جواب لــ فيصل الغايب..
فيصل \ليش..!!ليش الدموع..حنين..يابعد هلي..تكلمي..لاتمين ساكته..ترى مافرقنا الا سكوتك.. صدقيني أنتي تذبحيني بسكوتك ..
حنين\ايش تبيني أقول..وأيش تبيني أسوي.. تبيني أقابلك بالأحضان وأقول ونعم الزوج اللي يفارق زوجته وهي أمس الحاجه له.. والا تبيني أضحك وامشي الموضوع بسهوله..
خلني يافيصل ساكته..
خلني ساكته أحسن لي ولك..

فيصل هنا تضايق أكثر واكثر..حنين أستزته بكلامها..وحس أنه هالكلام جرح على قلبه ..
ماقدر يستحمل..وقال كل اللي بقلبه

فيصل\لا ياحنين ..هذا مو حل .... أسألي نفسك ليه أنا أبتعدت قبل ماتسأليني..
أنا كل مره أحاول أتقرب منك وانتي تبتعدين أكثر واكثر..
وكل ماأجي أزورك تصديني وتتمين ساكته سرحانه وانا المغفل اللي ينطم ويسكت..
وكل مره على هالحاله..لمن تعبت..

صدقيني تعبت نفسيا..
ماقدرت أشوفك وانتي بهالحال وأنا مكتف الأيدين ..مش عارف كيف اطلعك من حزنك..
صدقيني تعذبت عشانك وأنتي مش حاسه فيني ولا حاسه بوجودي أصلا..
كنت أطلع وادخل وأنتي ماتدرين عني..
عشان كذه ابتعدت..
يمكن البعد يحننن قلبك علي..
لكن صدقيني وحتى وانا مبتعد عنك كنت أتعذب لفرقاك
كنت اتمنى أرجع وأشوفك..
لكن شالفايده مدام انك على حالك..
كنت أسأل خواتي عنك..
وهو يجيبون اخبارك ..
وكل مره قلبي يتقطع لمن اعرف أنك على حالك ماتغيرتي..

وبعدها لمن جابوا لي خبرحملك..
طرت من الفرحه ساعتها..
حسيت أني مجنون من الوناسه..
وعلى طول بعدها جيت اركض لك..
جيت اطلب سماحك حتى لو مابرأت جروحي..
...
حنين.. (ومسك أيدها..(
سامحيني..كلنا غلطنا..
ولازم نتحمل نتيجة أغلاطنا..
أرجوك سامحيني..
أنا حياتي من دونك مستحيله..
أرجوك ارجعي لي...

أنا بتركك تفكرين على راحتك..
واذا توصلتي لحل ..
بتشوفيني بنفس المكان اللي طلعتي منه..
بس تذكري شي واحد

أنا محتاج لك..وانتي محتاجه لي..


ماردت عليه حنين ولفت وجهها عنه..
وهو فكر أنه حنين بالحركه رافضته..
وطلع من عندها..
وركب سيارته..
"أعذريني ..ولو غلطت صعبه يعني تعذريني..
.....................................


جاء يوم ثاني...
وطلعت حنين من المستشفى وراحت لبيت اهلها
وفيصل درى ..وتضايق كثير..بس صبر نفسه وعرف أنها لسى ماأتخذت قرارها


أم حنين\ها ..وش قلتي.!!
العنود\ بس يايمه انتي تعرفين ظروفنا عدل وأنا اذا وافقت ورحت معاه بصير أنانيه في حقكم..
أم حنين\ياحبيبتي انتي لاتشيلين همنا..والله سبحانه ماينسى عباده..ولاتخافين ماأحنا ميتين جوع..وفكري بنفسك شوي..وبعدين أنا ورحت..وحنين بعد بترد تدرس وكل شي بيتصلح..
العنود بضيق\ولو ..ماأقدر..مأقدر..عن اذنك يمه..
أم حنين\الله يهديك ياعنود..أنا لازم اكلم حنين..
.
.
حنين\من صجها هذه..!!
أم حنين\والمشكله أني متفشله من خالك شقوله...ياحنين تكفين كلمي أختك..تراهي مصممه على رايها..
حنين مسكت ايد أمها\لا تخافين يايمه..بكلمها اللحين وان شاء الله توافق..
أم حنين\يارب..
وراحت حنين لعند أختها بالغرفه..وشافتها جالسه على السرير ومغمضه عيونها..
قربت منها وجلست جنبها ..
حنين\العنود..
حنين\العنود..أختي الصغيرونه..
العنود ومغمضه عيونها\حنين..ترى مالي خلق أبي أنام..
حنين بابتسامه\أفا...اللحين انا أجيك وأتواضع وتطريديني من غرفتي..!!مايصير..قومي يالله..وسحبت الفراش..
العنود\أوووه...حنين.وبعدين قلت لك خليني أنام...بليز اذا تبين تجلسين اسكتي ..
حنين\طيب يالعنود..مشكوره على كلامك ويجي منك أكثر..أنا بطلع..وقامت..وتوها بتمشي الا مسكتها العنود من ايدها..
العنود وهي تصيح\آسفه حنين ..لاتزعلين..بس أنا متضايقه شوي..
حنين سمعت صوت أختها وتأثرت..لهدرجه اختها مش وافقه..
تساؤلات كثير جات في بالها..
وماحست نفسها الا وهي جالسه وتمسح على راس أختها..
حنين\عنود..فيك شي...!!لافي سوى لك شي..تكلمي..!!
العنود عدلت جلستها وتكلمت\لا ياحنين؟؟لافي ماسوى شي..
لكن انا..أنا
حنين\أنت أيش..؟؟
العنود\أنا مااقدر أتركم لوحدكم..وخصوصا بهالأوقات..
أنت عارفه ليش طبعا...!!
صدقيني فكرت كثير ..لكن ماتوصلت لحل..
ولافي ملزم علي أنا نتزوج..
أنا ماألومه..
صار لنا شهور وأحنا مخطوبين..
وهو صابر..وانا بعد صابره..
لكن ماأقدر..مااقدر أتركم واسافر..
مأقدر أبتعد عنكم..
لأني ماتعودت على البعد..
وبالنفس الوقت ودي أريح لافي وأرتاح..
بس ماباليد حيله..
وهو اللحين بدون مايعرف اني رافضه زعلان..
أجل كيف لو عرف..!!
أنا أحبه وماأبي أخسره..
لكن مش قادر اتخذ قرار..
احس أني تعبانه..منهاره..
حنين بحزن فضيع\ياحبيبتي ياعنود...أحنا وين رحنا..أنا الحمد لله برجع أدرس وامي نفس الشي تبيع اللي تقدر عليه..وربك كريم ماينسى عباده. .وهذه حياتك..لين متى بتظلون مخطوبين..الولد معاه حق..
وهو بعد مايقدر يترك بعثته..
وبنفس الوقت يبيك تكونين معاه بغربته..
واذا أنتي متضايقه عشانا ..لاتخافين..
ربك بيفتحها..
أهم شي انتي ترتاحين..
وغير كذه أنتوا مش ظالين طول عمركم مسافرين كلها كم شهر وبترجعون..
وبترجعين تشتغلين وتساعدينا..
العنود\بس ياحنين أفهميني..؟؟
حنين\ايش تبيني أفهم..خلاص مافي مشكله صارت عندك..وانت لاتعقدين الأمور أكثر..سهليها والله بيفرجها..
العنود\يعني هذا رأيك..!!
حنين\أيه هذا رأي..ويالله قومي غسلي وجهك أنتفخ من كثر الصياح..وأنا بروح ابشر أمي..
العنود\أن شاء الله..

قامت العنود تغسل وجهها وظلت حنين تفكر بكلام أختها..
هي معاها حق بكل اللي قالته ..وفلوس التدريس ماتكفي..
لكنها ماتقدر توقف في طريق اختها..!!
واذا على هالشهور اللي بتمر
جاتهم شهور أصعب وقدروا يتعايشون مع الوضع..
واللي الله كاتبه بيصير..بــ العنود او بدونها..







ومشت الأيام عاديه
مالها طعم..مالها حياه..
صارت روتينيه..
فيصل داوم بالشركه وخذ مسائي عشان يشغل نفسه بالشغل
ومايرد الا تالي الليل..
ويحاول انه يكلم حنين بالتليفون عشان يطمن على صحتها وصحت اللي في بطنها..
حنين رجعت للتدريس للي ماخذين دور ثاني ..وبنفس الوقت تلهي نفسها عشان ماتتخذ قرارها بظغوطات نفسيه..
العنود على نفس حالها تشتغل بالمشغل.. واذا طلعت منه تروح تروح السوق عشان تجهز لزواجها


عمر مايحس أنه له هدف ..هو الوحيد منهم اللي ماقدر يتأقلم مع الجو ويحس نفسه ضايع وبحلقه مغلقه
الدنيا تدورفيه..وهو مش حاس بنفسه..أنعزل عن الكل ..حتى من خواته..والكآبه صارت عنوان حياته..

ترف وخالد ..على حالهم . لكن خالد لحد اللحين ماخذ على خاطره من ترف لأنهامارضت تشوفه وهو جايها المستشفى..وترف ماتدري شسالفه لأنها ماشافته من ذاك اليوم

سوزان..كبرت علاقتها مع يوسف ولحد اللحين محد كشفها على طلعاتها معه أما زياد حاط في باله أنه هذا الوقت المناسب عشان يتقدم لها ..وكلها مسألة وقت ويحسم الموضوع..


هيفاء تحررت اخيرا من المعصم اللي كابد في قلبها وفتحت صفحه جديده كلها تفاؤل..
وكانت خايفه انه علاقتها مع صديقتها تخترب لكن الحمد لله صديقتها تفهمت الموضوع لأنها تعرف مين اخوها مش حاس بمسؤلية زواجه..

متعب قدر يتعايش مع جو الزواج وحس بطعم المسؤليه وحلاوتها..وطبعا هالشي لازم يكون من الطرفين عشان ينجح الزواج..وبالفعل نجح..

ساره...أبتسمت للحياه مره ثانيه وطوت صفحة الحزن..ومتأمله خير لحياة حنين وفيصل..ودعت ربها أنه يردهم لبعض..

بعد مرور شهرين على الأحداث السابقه..