كاتب الموضوع :
بنت السعودية
المنتدى :
القصص المكتمله
الجزء العاشر
بيت بو فيصل
ساره\بنات بقولكم شي أسمعوني
ترف\نسمعك تكلمي
ساره\ماتلاحظون أن شكلنا غلط ..احنا في جهه والبنات في جهه ثانيه
مرام \والله اذا مو عاجبينك روحي أقعدي معاهم
سوزان\صادقه مرام اذا مو عاجبينك روحي أجلسي معهم
رهف\وليه أحنا مانجلس مع بعض...مش هم بعد بنات عمنا
مرام\وععععع مابقى الا أجلس معه هالأشكال
ساره\ليه وشفيهم هالأشكال مالهم رب يعني!!
مرام وباستهزاء\انا ماقلت كذه واذا أنت ميته عليهم روحي لهم ماأحد ضربك على أيدك وقالك أجلسي معنا
حنين بصوت واطي\ أقص أيدي اذا ماكانوا يتكلمون عنا.........
العنود وبنفس الصوت\وأنا أقص رجولي الثنتين أذا ماكانوا يحشون فينا
حنين وفيها الضحكه\الحمد لله والشكر علينا كنا بزارين قمنا نقصص بعمرنا
من الزهق..
العنود\أي والله من الزهق ...اللي يشوفنا يقول كأن حنا جالسين في
الفصل وداخله علينا موجهه وأحنا عشان مانفشل أبلتنا جالسين مؤدبين
وملتزمين الهدوء ...بس والله المدرسه أرحم من هذا العذاب
حنين\أقول أسكتي كأن ساره جايه عندنا
وبالفعل ساره جتهم وجلسوا يسولفون شوي مع بعض
وارتاحوا لها وهي بعد ارتاحت لهم كثييير
ساره\بنات شرايكم تجلسون معنا عشان نتعرف على بعض أكثر
العنود\ياليت والله ترانا ميتين زهق
ساره\مدام كذه يالله تعالوا معنا.................
والا حنين عندها راي ثاني
حنين\لا والله مو القصد هذا بس أنخاف نثقل عليكم
ساره\أفا ماهقيتها منك ياحنين.....بالعكس البنات ودهم يتعرفون عليكم
حنين\أوكي يالله
مرام بقرف\ويــــــــــه شكل أختك الخبله بجيب البنات عندنا
سوزان\ياربي لا تقولين تسويها والله أختي صايره شريفة مكه
ترف\وش فيها اذا جاو عندنا بالعكس وناسه
مرام\اسكتي الله يخليك امحق وناسه
ساره\بنات اعرفكم على بنات عمنا
حنين والعنود
الجميع\أهلين
حنين+العنود\هلا فيكم
ساره\حنين العنود هذه أختي سوزان في ثانويه عامه وهذيلا بنات عمي
عبد الهادي
مرام في الكليه ورهف وترف في ثاني ثانوي
حنين+العنود\تشرفنا
وساد الصمت بين البنات
ترف بصوت واطي\ياربي بمووت العنود تهبل
رهف بابتسامه\لا حنين احلى
وحبت ساره تقطع هالصمت
ساره\وش فيكم تبتسمون ضحكونا معكم
ترف\لا عادي نتكلم عن وحده معنا في المدرسه حلوه كثيير والبنات معجبين فيها
العنود\انا مدري ايش في هالبنات على هالأعجاب كل وحده تشوف بنت حلوه
وشخصيه وتقول انا معجبه فيها والله يضحكون هالبنات
رهف\طيب عادي مافيها شي هذه الموضه هالأيام
ساره\مالت على هالموضه اللي تعرفونها .........أستغفر الله اصلا هذا شذوذ والعياذ
بالله
مرام تصاصر سوزان\ماقلت لك اختك صايره شريفة مكه..الله يعينك عليها
سوزان\صحيح والله مزهقتني كل ماتشوفني تغط علي ذيك المحاظره الممله
والنصايح اللي ماتخلص
وبعد السوالف والسؤال عن الحال حطوا العشاء وقاموا الحريم يتعشون
على طاولة الطعام
العمه حصه\أقول حنين اكلي حبيبتي شكلك أنت مره ضعفانه..اللي يشوفكم يقول
ماعندكم أكل بالبيت....
ساره\بالعكس ماشاء الله على حنين جسمها مره روعه كانها عارضة أزياء
حنين حبيبتي خليك كذه دايم لاتزيدين ولا تنقصين
العمه حصه\لايكون حاطينك وكيل على العنود وانا مدري....أو لا يمكن حنين صوتها
مختفي ..........أكيد مريضه ...شكله ماعندكم في البيت بطاطين ثقيله اذا ماعندكم
قولي لي وانا أعطيكم....
العمه حصه تفكر ان حنين ماردت عليها لأنها خايفه منها أويمكن مافيها على لسلنها
بس ماتدري أن هذا الهدوء قبل العاصفه
العمه حصه\ماقلت لكم صوتها رايح فيها من البرد...مسكينه
وهنا حنين خلاص وصلت عندها توها بترد وبتسويها خناقه لكن في شي خلها
تسكت وترد بصوت هادي ومرتاح وهذا الشي انها شافت وجه امها وهي تطالعها بنظره
كأنها تترجها أنها تسكت وماتتكلم عشان ماتصير سالفه كبيره
حنين بسخريه وبصوت هادي\تصدقين عاد ياعمتي...ان توقعاتك صحيحه ..أحنا مره
مساكين!!الأغطيه اللي عندنا يادوووب تكفينا..تصدقين عاد حتى لقمة العيش
بالمووت نحصلها بعد جهد جهيد وتسد جوعنا
لكن ياعمتي الكريمـــــــــــــه ألف الحمد لله والشكر مستوره والحمد لله
الله عطنا اهم وأغلى شي في الدنيا
عطانا قلب صافي وروح طيبه وأي وقت نحس بالخوف والحزن والنقص
على طول نرتمي في حضنها عشان ننسى كدر هالدنيا وهمومها
عطانا ام مافي مثلها بهالكون كله
وأتوقع مهما كانت ملاذ الدنيا كثيير ه وممتعه
أحنا سعادتنا في قلب أمنا الطيب اللي مايعرف الحقد والكراهيه ...........
طبعا العمه حصه حست أنا وجهها مغطوط ولا قدرت تنطق بأي حرف ومره متفشله
من الكلام اللي ان قال تدرون ليه!!!!!!!!!!!
لأنها تدري أن مستحيل تحصل ربع السعاده والأمان اللي عايشينها عيال أخوها
لأنها للأسف ماتت أمها وهي صغيره ...
والسبب الثاني أنها ماتزوجت ولا جربت طعم الأمومه ...
وبكذه حنين عرفت كيف تضرب على الوتر الحساس!!!
لكن لا تفكرون ان قلب العمه حصه تأثروالا أنجرح!! لا والله هيهات هذا القلب يتأثر
وهو كله حسد وحقد وخبث....
أم فيصل\الله يخليها لكم ذخر انشاء الله
أم حنين\ويخلي كل أم لعيالها انشاء الله
أم فيصل\آميــــــــــن
أم حنين\الحمدلله أكرمكم الله
أم فيصل\وين!!ماكلت شي
أم حنين\لا الحمدلله الله يعافيكم ماقصرتوا
وقاموا بعدها الكل..
وبعد العشاء
الساعه 1
عند الشباب
خالد\أقول عمر ماتبي تدخل تسلم على عمتي حصه
عمر\الا طبعا أكيد بدخل.........أمممم بس هو في حريم كثيير
فيصل بابتسامةخبث\ليه السؤال .........ودك يعني!!
عمر\لا حرام عليك ليش نواياك سيئه أنا أقصد أني أستحي أدخل على الحريم
نواف\لا عادي تطمن أحنا بندخل معك عشان نسلم
عمر\ايه زين كذه أحسن
فيصل\يالله سرينا
الصاله
فيصل\أحم أحم
سوزان\أدخل فيصل
طبعا حنين والعنود مايدرون ان الأولاد أدخلو ا الا لمن شافوهم وعلى طول حطوا
الطرحه على وجيهم لكن بعد ايش الأولا د شافوهم وخلصوا ولا أحد نزل عينه عليهم..الا زياد نزل عينه لأنه مش مثلهم عينه زايقه
ملا حظه(البنات ماكانوا يتغطون عن عيال عمهم بس يتحجبون لكن حنين والعنود تغطوا لأنهم يعتبونهم غرباء)
وأول ماشاف فيصل حنين انهبل وتيبس في محله وماقدر حتى يشيل عينه من عليها
حتى يوم لبست النقاب جلس يطالع فيها وهو مبهت من اللي شافه
وايضا البقيه خالد ونواف أنهبلوا على البنات وعطوا طاف كبير لبنات عمهم الثانين
وبعدها سلموا الشباب على العمه وعلى أم حنين وسلم عمر على عمته حصه وابتسمت
له حصه بس على طول أختفت الأبتاسامه في وجه العمه يوم تذكرت منهي أمه
وأخته..
خالد\ها عمتي شخبارك !!
العمه\الحمد لله أنتوا ايش مسوين ياعيالي
الشباب\الحمدلله
العمه\فيصل ..شفيك منت معنا
فيصل\ها ...لا معك عمتي
العمه\ايه واضح أنك معنابس ترى حنا في الجهه اليمنى مش اليسرى
فيصل وانتبه على نفسه\افا ياعمه أدري أنك هنا كل هالنور وماأحس..مايصير
خالد\يلعنها تجنن ماني مصدق أنها بنت عمي
نواف\فضحتنا قصر حسك صوتك واضح
خالد\يعني تبيني أشوف هالزين وأسكت مستحيل....
العنود\مالت عليهم شوفي كيف يطالعونا اللي يشوفهم يقول عمرهم ماشافوا خير
حنين\كلهم كوم واللي لابس غتره بيضه كوم ثاني.أحس أنه شوي وعيونه تطلع
(تقصد فيصل)
العنود\أي والله صادقه
مرام\سوزان شوفي أخوك كيف يطالع الزفته حنين بياكلها بعيونه
سوزان\ماعليك منه هو بس أول مره يشوفهم ...عشان كذه مستغرب
والا ايش جاب الربيع للخريف
مرام\الله يستر!! أخوك شكله مايطمن
أم حنين\يالله عمر تأخرنا
أم فيصل \وين تو الناس
أم حنين\لا وش تو الناس تأخرنا كثثير وأنتوا بعد ماقصرتوا جزاكم الله خير ...يالله
بنات
حنين\ساره أشوفك على خير ولا تقاطعينا ترانا عيال عم..ورقمي حفضيه لاتنسينه
ساره\أكيد مش مقاطعتكم وبجيكم بعد
حنين\حياك الله في أي وقت. مع السلامه
وطلعت أم حنين مع بناتها...وبعدها بشوي طلعت أم زياد والعمه حصه لبيتهم
بيت بو حنين
الصاله
ام حنين\ها يابنات ايش رايكم بعيال عمكم
العنود\الصراحه كلهم شايفين نفسهم مدري على ايش
حنين\لا حرام عليك لا تعممين ساره غير عنهم كلهم..ماشفتيها كيف تعاملنا
أم حنين\ماشاء الله عليها طالعه زي أمها لو عمركبير كان زوجته لــساره
عمر\لا تكفون طلعوني من الحسبه أنا صغير على الزواج
العنود بابتسامة خبث\صغير على الزواج والا في بالك شي ثاني
عمر\لا مافي شي في بالي أرتحتي!!
حنين\متأكـــــــــــد!!!!
عمر\أوهــــــــــووووا وبعدين يعني ليش مخليني حديث المجلس غيروا الموضوع
العنود\أوكــــــــــي عشان بس عيون ناس بنغير الموضوع
عمر\أحســــــــــن
ام حنين\وأنت عمر الولاد كيفهم معك
عمر\الصراحه يمه عاملوني احسن معامله واللي جلست معاه اكثر شي ريان لأنه
كبري..اما البقيه كبار علي..عشان كذه ماحتكيت فيهم كثيير
أم حنين\عسى هالزياره فال خير علينا جميعا
الجميع\انشاء الله
اليوم الثاني
روابي\هلا هيوفه
هيفاء\أهلين روبه
روابي\مالت عليك وش روبه ذي بعد أكيد متعب قالك عنها
هيفاء\هذا أنت قلتيها متعب علمني هالعياره بس تصدقين تلبق عليك هاهاهاهاي
روابي\ضحكي أيه ضحكي يعل ضروسك تطيح قولي آمين
هيفاء\ويه بسم الله علي انشاء الحسودين ...
روابي \ومين الحسودين ياأخت هيفاء
هيفاء\والله هم عارفين نفسهم
روابي\المهم ماعلينا شخبارها أمي وشخبار أخواني
هيفاء\أيه تهربــــي من السؤال بس يالله عادي وأهلي بخير والحمد لله ويسألو ن عنك
بعد
روابي\تسأل عنهم العافيه انشاء الله
هيفاء\ شلونك مع الزهق!!
روابي \والله مدري ياهيفاء ممل بشكل فضيع ودي أجيكم وعيالي مراضه مزكمين وحالتهم حاله
وصخونه فضيعه
هيفاء\الله يعينك مدري كيف أنتي متحمله لو أنا منك كان حطيت عيالي عند نايف
وماطقيت لهم خبر
روابي\أيه أنت تقولين كذه بس لو تزوجتي وجبتي عيال راح تعرفين معنى هالشيء
هيفاء\لا أنا مش متزوجه الا بعد 6سنين
روابي\وايش معنى 6 سنين
هيفاء\بس علشان أخذ حريتي وراحتي ولا يجيني زوج وعيال يتأمرون علي
روابي\أيه أنتوا بابنات هالأيام تقولون كذه بس أذا سمعتوا طاري الزواج أنخبصتوا
واتفاجئتوا وتسون روحكم مؤدبات ورقيقات,...لأنكم بتتزوجون
هيفاء\ليه أنت كنت كذه!!
روابي\أيــــــــــه كنت كذه اسوي نفسي رقيقه واستحي
هيفاء\طيــــــب بعلم عليك زوجك
روابي\روحي علمي تفكريني بخاف يعني!!
هيفاء\بعـــــــــــد ماتخافين وتردين صج تزوجتي وخرفتي
روابي\أيــــــــــه ايش مفكره بظل هاديه وخجوله
هيفاء\حرام عليك بتخربين أفكاري وانا توني صغيره خليك قدوه حسنه لي
روابي\لا مالاداعي أمي تكفي صيري مثلها لو علي أنا بخرب عقلك وبقولك الأشياء الشينه عن الزواج
هيفاء ةبدت تخاف من تفكير أختها\من صجك تتكلمين
روابي وتضحك\هاهاهاهاهاها ي والله أنك هبله وبسرعه تصدقين لا طبعا تراني
أتغشمر معك لاتقلبينها جد
هيفاء\ويه الحمد لله تدرين أني شوي وبصدق أن هذا تفكيرك عن الزواج ...
زين انك أعترفتي والا كنت خذت عنك فكره سيئه
روابي\لا شدعوه امزح!!!!!!!!!! وبعدين ماتعرفين تفرقين بين الصح والغلط
هيفاء\طبعا أعرف بس أنت تلخبطين الواحد
روابي\أوكــــــــــــــي حبوبه ماأطول نايف بيجي الحين ولا زم أسويله العشاء
هيفاء\ماأقدر على اللي بيسون العشاء هاالله هالله بالطباخ السنع
روابي\افا عليك أعجبك أنا
هيفاء\أيه ماشاء الله عليك طالعه علي
روابي\ياويلي على الوثوق .اقول بس
مع السلامه
هيفاء\مع السلامه
بيت بوحنين
حنين\شوفوابنات الأمتحانات على الأبواب ولازم كل شي تركزون عليه لأنكم ثانويه
عامه وماتدرون يمكن حتى الأشياء اللي محطوطه على الهامش تجيبها الوزاره عشان
كذه أبيكم من اليوم تراجعون اللي عطيتكم أياه واي حاجه تبونها سألوني o.k
مريم\طيب أستاذه تتوقعين يجيبون الوزاره أسئله من نموذج الدور الثاني
حنين\أكـــــــــــيد يبيلها هذه كلام
سميره\بس الأسئله مره صعبه والصراحه أنا ماعندي أجوبتها بس عندي النماذج
حنين\خلاص حبايبي مايصير خاطركم الا طيب أفرزوا أوراق النماذج كلها وحطوا
الأسئله اللي تبونها في ورقه وعطوني اياها وانشاء الله أنا في خلال يومين أعطيكم
أجوبتها طيب!!
مريم\مشكوره كثيير
حنين\ولو انا أقوم بالواجب...لاتقولين مشكوره ثانيه ..طيب الحين أحنا خرجنا عن
ناطق الدراسه وقمنا نسولف بأمور جانبيه والوقت كذه بيروح عليكم...يالله بسرعه
حلو هالمسأله وبنشوف منوا أسرع وحده
الصاله
سمر وتصيح\ماما شوفي الباربي حقتي فستانها أنقطع
ام حنين\طيب خلاص حبيبتي اذا رحت السوق بشتريلك وحده غيرها
سمر وهي تصارخ\لالالالالا مابي مابي أبي هذه حقتي مالي شغل ليه أختربت
العنود\والله ماأحد قالك تاخذينها معك وانت تتسبحين بزعم أنها وصخه وتبين
تسبحينها
سمر وتصيح بصوت عالي\أبي باربي أبي باربي حقتي ليه أختربت .مالي شغل ماما
صلحيها
ام حنين\وشلون أصلحها خلاص اختربت
سمر\مالي شغل خيطي فستانها
العنود وهي تضحك\الحمد لله والشكر صج بزر
سمر\أمــــــــــي شوفي عنود تضحك علي
أم حنين\يالعنود تكفين لا تضحكين والله راسي مصدع
العنود\هاهاهاهاهاهاهاهاهاهاهاهاهاي ويـــــــــه بزر ههاهاهاهاهاهاهاي بزر ه
تصيح هاهاهاي
وسمر يوم شافت أختها تضحك عليها اكثر أستمرت بالصياح أكثر من أول وماعرفت
أمها كيف أتسكتها..وماسكتت الا لمن جابت امها لها أبره وخيط وخيطت الفستان حق
الباربي
ام حنين\خلاص أرتحتي الحين وهذا الفستان وخيطناه لك ومش شاريه لك باربي ثاني
العنود\استغفر الله على دلع البنات هالأيام..الله لا يبلانا
سمر وهي تمش دموعها\مــامــا
أم حنين\نعم حبيبتي
سمر\ابي باربي ثانيه
أم حنين\وليه انشاء الله ....وهذا الباربي وخيطنها لك وش تبين بالثاني
سمر\أبي وحده تصير أختها
العنود\وليه بعد يكفينا وحده اذا جبنا ثانيه بنبتلش فيهم
سمر\طيب اذا أنا كبرت ورحت الروضه مين يجلس مع الباربي حقتي بعدين تصيح
العنود\هاهاهاهاهاهاهاهاهاهاهاهاهاهاهاهاههاي
أم حنين\الله يلحقنا خير على هالروضه
العنود\موقلت لك يمه دلع بنات بعدها بتقول ابي خدامه للباربي حقتي!! مين
يسبحهم ويأكلهم اذا كبرت ورحت المدرسه,,,,,,,,,,,هاهاهاهي الله يعطينا العقل
أم حنين\والله أني بستخف اذا جلست معكم خليني أشوف العشاء أحسن لي
العنود\يمه خذيني معك ماني ناقصه ضحك زياده أخاف أموووت من الضحك على
بنتك الخبله
سمر\أنت الخبله
العنود\وأنت البزره
سمر وبدت تصيح\ماما شوفيها
العنود\ماما شوفيها
سمر\أنا ماأحبك
العنود\وانا بعد ماأحبك
ام حنين وبعصبيه\عنود روحي ذاكري في غرفتك وفكيني من هذرتك ترى راسي صدع
العنود\خلاص يالغاليه بروح وبفكك من شري ســـــــــــلام
ام حنين\وانت اجلسي وفكينا بروح انا المطبخ
بيت بولافي\
الصاله
أم لافي\لافي يمه تقدر تروح بيت عمتك أم حنين
لافي\أكيد أقدر أروح بس ليه تبيني اروح
أم متعب\أبيك تودي شوية أغراض لعمتك هي تبيها
لافي\انشاء الله أنت تأمرين أمر يالغاليه بس بروح أبدل ثيابي وأجيك
يوم نزلت ريم من الدرج شافت لافي يركض في الدرج وسألته أشفيك تركض
بس هو ماعطاها أي أعتبار وراح عنها
دخلت الصاله وشافت أمها
ريم \أمــــــــــــي وشفيه لافي يركض كذه
أم لافي\مافيه شي راح يبدل علشان بيروح بيت عمتك أنا موصيته على أغراض
ايوديها
ريم\أهـا السالفه فيها عمتي .........طيب يمه حبيبتي قلبي أنت ممكن أروح معه؟؟
أم لافي\وليه ماتقرين في البيت وتقابلين دروسك
ريم\يمـــــــــه عفيه الله يخليك خليني أروح معه صدقيني ماعندي شي بكره
ووجباتي حليتهم.عفيه يمه
أم لافي \طيب فكينا من حنتك واذا رضا بخليه يوديك
ريم وراحت وحبت راس أمها\أمووت فيك أنا ياجميل
ام لافي\بس هذا اللي فالحه فيه وخري عني أشوف
ريم \ياحليلك وانت معصبه يمه
لافي\هايمه وين الأغراض
أم لافي \روح أنت وانا بخلي الخدامه توديهم لسيارتك...اه صح ود ريم معك
ام لافي\لالا يمه هي كل مره ترز وجهها بيت عمتي ..زهقوا منها
ريم\يمـه شوفيه
أم لافي\ بس هالمره خليها تروح معك
ريم\تكفـى لافي تكفـــى
وبعد تفكير
لافي\بسرعه لبسي عباتك والا والله لروح عنك
ريم\ثواني وأكون بالسياره
راحت ريم تجيب عباتها وعلى طول لبستها وركبت السياره
وشوي والا هم واصلين بيت عمتهم
بيت بوحنين
دق جرس البيت كذا مره بس ولا أحد راضي يفتح الباب كلن مشغول بشي
حنين تدرس البنات
وأم حنين في المطبخ
وعمر طالع مع عيال الجيران
والعنود تشوف التلفزيون ومالها خلق تفتح الباب
أم حنين\العنود يالعنــــــــــــــــود فتحي البالب هذا أكيد لافي
وربعت العنود تفتح الباب بسرعه يوم سمعت أسم لافي
وطبعا كان الباب لها تليفون من داخل
لافي\الو فتحوا الباب
وماسمع لافي غير صرخــــــــــــــــــــــــــه هزت البيت بكبره
العنود\آآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآي يمــــــــــــــــــــــه
وكانت أم حنين في المطبخ ويوم سمعت صرخة العنود طلعت من المطبخ وراحت للعنود
وجت حنين بسرعه لأنها خافت من صرخت العنود وقالت أكيد صاير شي كايد وسمر معاها
أم حنين\يمــــــــــــــــــــــه بنتـــــــــــــــــــــي
العنود وكانت تصيــــــــــــح\يمـــــــــــــــــه يمـــــــــــــــــــه لحقيني
وجات حنين تركض وقالت\ايش صاير.........
العنود وتصيح بصوت عالي\أبـــــــــــــــــــــــره أبـــــــــــــــــــــره في رجلي وماني
قادره أشيلها
(وطبعا عرفتوا الأبره من وين !!الأبره هذه الله يسلمكم كانت عند سمر تخيط فيها
الباربي اللي ذبحتنه عليه على قولتها في جهه أمها ماخيطتها زين وجات الأخت
سمر تخيط ويوم زهقت رمت الأبره على الأرض وراحت تلعب بغرفتها <<<دلع بنات)
لافي \العنــــــــــــــود العنــــــــود الو الـــــــــــــــــــو العنـــود ردي علــي
حنين\من وين هالصوت!!
أم حنين\أووووووووووه نسيت لافي فتحيله الباب
العنود\يمـــــــــــــــه تألم رجلي كلها دم يمــــــــــه آآآآآآآآآآآآآآه تعـور
وفتحت الباب حنين لــ لافي وبسرعه لافي وريم ركضوا زي البرق لداخل البيت
لافي\العنـود ايش صايـــــــــــــــرويوم شاف لافي العنود نزل عيونه على طول لأنها
كانت بدون حجاب لكن ريم راحت وجلست في الأرض عندالعنود
ريم\العنود حبيبتي ايش فيك
أم حنين \تكـفى لافي شغل سيارتك خلينا نودي العنود المستشفى
لافي وقف متصنم 5 دقايق مش مصدق أن العنود حبيبته طايحه على الأرض وتصيح
من الألم وهو مش قادر يسوي لها أي شي...
ريم\لافــــــــــــــــي يالله
لافي\طيب طيب يالله بسرعه شيلوها وانا أنتظركم بالسياره
أم حنين\حنين روحي جيبي عباتي وعباة أختك بسرعه
حنين\لا يمه أنت جلسي هنا وانا بروح مع ريم و العنود ماعليها شر انشاء الله
أم حنين\لالا ماأقدر هذه بنتي ماأقدر أخليها لوحدهــا ماأقدر
حنين\يمه الله يهداك أنا بروح معها أنت ماتقدرين تروحين وأنت بهالحاله
ريم\اي والله ياعمتي انت ارتاحي وانشاء الله أحنا بندق عليك نطمنك
أك حنين\والبنات اللي تدرسينهم
حنين\خلاص الحين أبوهم بيجي ياخذهم...أنت لاتحاتين تطمني
أنا بروح أجيب العبايات
وراحت حنين تجيب العبايات ولبست أختها عباتها ومسكوها من أكتوفها لأنها ماتقدر
تمشي
وركبوا السياره ولافي ساق بسرعه جنونيه و راح لأقرب مستشفى
ريم\لافي شوي شــــــــوي..الله يهديك بنصدم
حنين\لافـي انتبه الأشاره
اما لافي خبر خير مش معطيهم أي أهتمام ...مره السرعه 120 وطاف أكثر من أشاره لأنه
مش قادر يتحمل الم العنود وصياحها
واخيرا وصلوا المستشفى والحمد لله مافي اصابات
ونزل لافي من السياره وعلى طول جاب كرسي متحرك للعنود
ودخلوا قسم الطوارىء
ومابقى سبه ولعنه ماقالها لافي للممرضين لأنهم للأسف في مجتمعنا هذا عادي
عندهم واحد مات ولا واحد مصاب ولا واحد مريض..كل الحالات عندهم نفس الشي
وخصوصا المستشفيات الحكوميه
يمشون ببطىء وكأن عندهم حاله عاديه تتكرر كل يوم ومش معطين أي اهتمام
للمريض اللي ميت من الوجع والألم
وكان واقف عند الأستعلامات وكانت اللي تشتغل موظفه أجنبيه
لافي\بســــــــــرعــــــــــه ماتشوفين أن في وحده تنزف دم..
وهي الخبله من الخوف بسبب صوت لافي العالي ماقدرت تقول شي
لافي وهويصارخ \هـي أنت أنا أكلمك
وطلع من الغرفه شاب في مقتبل العمر وكان دكتور مناوب لحالة الطوارء
الدكتور محمد\أشفيك أخوي عسى ماشر ليه تصارخ!!
بس يوم شاف العنود وهي رجلها تنزف دم سكت وماقال شي ودخل العنود في احدى
الغرف وكشف على رجلها وقال لهم لازم نسوي نشق رجلها عشان نطلع الأبره اللي
داخلها
حنين\لا وش تشق رجلها حرام عليك ماتعرفون تطلعونها بشي ثاني
الدكتور محمد\لا أختي مانقدر لازم نسوي عمليه ونشق رجلها لأن الأبره داخل اللحم
والحين لأن مافي وقت
العنود وهي تصارخ بأعلى صوتها\لالالالالالالا ماأبـــــــــــــــــــــي
ابـــــــــــــــــي اروح البيت أبــــــــــــــي امــــــي تكفين حنين لاتخلينهم يشوقون
رجلي
بس حنين ماعطتها أي اهتمام ووافقت ان العمليه تتسوى
العنود\ريـم لافي الله يخليك مأبي لاتخليهم يسون فيني شي الله يخليك لافـــــــي
لا تتـــــــــــــــــركنـــــــــــــي لافـــــــــي
لافي ماقدر يستحمل الوضع أن العنود تترجاه وهومش بأيده أي شي
طلع من الغرفه لأنه خلاص مش قادر يشوف دموع العنود وعيونها اللي تتوسل له
حاولت حنين تهدي أختها ولاتخليها تشوف ابر البنج عشان يسون العمليه
ومسكت حنين أيد أختها بقوه عشان ماتقوم
حنين\أهدي حبيبتي لاتشدين أعصابك وارخي أيدك
وعلى طول جاب الدكتور أبرة البنج وغز الأماكن اللي حول الأبره
وطبعا العنود صرخت ذيك الصرخه لمن خلت أغلب دكاترة المستشفى اللي في قسم
الطوارىء يجون للغرفه
العنود\آآآآآآآآآآآآآآآآآآآآآآآآآآآآآآآآآآآآآآآآآآآ آآآه لالالااالالالالالالالا تركوني أقولكم تركوني حرام
عليكم ياللي ماتستحون
حنين بذبحك تركيني تركينــــــــــــي وخري عني أبي أقوم أبي أروح البيت الله
يخليكم تكفـــــــون آآآآآآآآآآآآآآآآآآآآآآآآآآآآآآآه
لكن مامن مجيب لصرخات العنود
ريم ماقدرت تستحمل وضع العنود وطلعت مثل أخوها بره الغرفه وكانت ميته صياح
وشافها لافي وضمها لصدره لأن هوبعد متأثر مثلها وحابس دموعه ويكابر
لافي\خلاص ريم العنود بتقوم انشاء الله هي عمليه صغيرونه وبتشوفينها تنطنط
مثل الحصان
ريم\حرام عليهم يسون في العنود كذه هي ماتحب الأبر وتخاف منه
ا
لافي\كلن يخاف من الأبر كبير أو صغير بس ايش تسوين لازم نتحمل و نطلع الأبره
من رجلها...ولا تبينها تتم ملازمه للـ ابره
ريم\ياويلي يالعنود الله يعينك حبيبتي
وجاء صوت من بعيد
:لافــــــــــــــــــــــــي
لافي\ متعــــــــــب هلا شخبارك!!!!
متعب\ الحمد لله بخير!!عسى ماشر شفيك جاي المستشفى
لافي\الشر مايجيك لكن بنت عمتي انجرحت و داخله في رجلها أبره وانا اللي جبتهم
متعب\سلامات ماتشوف شر انشاء الله على العموم أي شي تبونه أنا حاظر
لافي\ ليه أنت توك مداوم !!
متعب\أيــــــــــه ماأخذ شفت اليوم يالله فمان الله
لافي\في حفظه
وراح عنهم متعب
لافي\ريم دخلي شكلهم خلصوا
ريم\ماأنت داخل
لافي\لا أول أنت شوفي ايش حالها وتعالي طمنيني بسرعه
ريم\طيب
لافي\أقول ريم لاتطولين الله يخليك
ريم \انشاء الله
متعب\ياربــــــي أكيد حنين الحين موجوده في المستشفى
بس لايكون هي اللي مريضه!!!!
لا انشاءالله يارب ماتكون هي..بس كيف أعرف !! و لافي الله يهديه ماقالي أي وحده
فيهم !!
ياربي كيف أتأكد أنها مش هي!!
بمووووووووووت اذا ماعرفت
أيـه بس بتصل بأختي هيفاء وهي تدق على رقم حنين وبكذه أعرف !!
تتوقعون متعب يصادف حنين بالمستشفى!!
ولافي وش موقفه مع العنود!!
وعيال عمهم لهم تأثير بالقصه!!
الجزء الحادي عشر
متعب\الــــــــــو
هيفاء بصوت كله نوم\اااالــوا منوا!!
متعب\هيفاء انا متعب وينك فيه!!
هيفاء مغمضه عين ومسكره عين\آآآآآآآآآوهــوا شتبي بسرعه خلصني!!
متعب ضحك على أخته لأنه يدري اذا كانت نايمه ماتعرف مين أمها ولا أبوها
متعب بابتسامه\يالهبله أول شي روحي غسلي وجهك بعدها كلميني بسرعه
هيفاء\متـــــعب الله يخليك والله أني مالي خلق لك ..أخلص شتبي
متعب\قلت لك غسلي وجهك وكلميني وماعطاها أي فرصه ترد عليه لأنه قفل
السماعه
هيفاء\أأأأأأأأأأأأوف من هالأخوان مايخلون الواحد يتهنى بنـومه
خليني أقوم أحسن لي شكل السالفه كايده
شركة الحياه للعقارات
كان جالس على المكتب ومش منتبه باللي حواليه
كان سرحان وشارد فكره يفكر لبعيـــد ويتمنى اللي في باله يتحقق
يدري أنها مهمه صعبه وتحول كبير لحياته لكنه مايقدر يسيطر على المشاعر اللي
أقتحمت حياته بدون هو مايدري..مايدري هل هي نزوه وبتروح والا فترة
أعجاب مثلها مثل أي وحده قبلها ...
لينا \فيصل حبيبي شفيك !!لي ساعه وانا أكلمك وانت ماترد علي!!فيصــل
فيصل وصحى من سرحانه\ها حبيبي أنا معك بس شوي متكدر
لينا\عسى ماشر شفيك
فيصل\لا بس تدرين الشغل كله فوق راسي وأبوي وعمي مسافرين وتاركين
الحلال
لينا\طيب حبيبي لاتكدر نفسك وارتاح لك يومين ..مافي شي يسوى
فيصل\أوكـي طيب ممكن تروحين لأني ماأبي أحد يجي ويشوفك ويبلشنا
لينا\ هذه طرده ولا شوا!!
فيصل\مو قصدي بس والله مالي خلق مشاكل
لينا\أوكي بس لا تنسى اليوم تجي تسهر عندي
فيصل\طيب عمري يالله مع السلامه
لينا\مع السلامه وطلعت من الغرفه
فيصل\أوووووووووف ياأخي لزقه هالبنات مايصدقون احد يعطيهم وجه ويقيمون
يتلزقون فيك مالت عليها..
لكنها هي الوحيده من البنات اللي أعرفهم استمرت علاقتها اكثر من سنتين.. تفهمني وافهمها بدون مانتكلم لكنها
غبيه بعض المرات ..... الزين مايكمل
هيفاء\أيــــوه متعب شنوا تبي
متعب\اسمعي أبيك تدقين على حنين
هيفاء مستغربه\حنيــــــن ليــــه!!
وقال لها متعب السالفه كلها
هيفاء\ياويلي عليك ياحنين ياعمري والله ماتستاهلين
متعب وطلع كلمات عفويه\بسم الله عليها لا تفاولين على البنت!!انا لحد الحين
مدري أي وحده فيهم
هيفاء\طيب طيب بتأكد وبدق لك مع السلامه
متعب\باي
هيفاء\لحظـــ.... وسكر السماعه في وجهها
وتوها استوعبت ايش قال متعب!!بسم الله عليها!! لا تفاولين على البنت!! من
صجه هذا!!لا أكيد الولد أستخف!!!!لالا شكله مش قاصدها!!
بيت بو حنين
كانت في الصاله تتحسر على حظ عيالها !! ومن كثر التوتر كانت تمشي بالصاله
كلها وتضرب رجلها بالأرض!! بسبب العصبيه وعشان تفرغ الشحنات اللي
فيها!!وهي مش حاسه بنفسها وكانت ميته خوف على بنتها
أم حنين\ يارب يارب أرحم بنتي وخفف عنها الامها يارب سهل عليها واحفظها
من كل شر يارب يارب
هذا كان قلب الأم اللي يحاتي عياله ومايعرف طعم الراحه اذا صاب أحد من عياله
الشر
.......ويظل هالقلب يفكر ويحاتي ويتعذب ويتألم ويصرخ الآهــات.......
عمر\يمـــــــــــه خلاص جلسي الله يهديك والله أنك وترتيني من
كثر ماتروحين وتجين
أم حنين\ماأقدر ياعمر ماأقدر أحس أعصابي مشدوده و......وقطع كلامها صوت
التليفون وهو يرن
عمر\الو هلا لافي بشر...
وجرت أمه منه سماعة التليفون
أم حنين\الــــــــــو لافي شصار عليكم !!وشخبار العنود!!شالوا
الأبره والا ماشالوها!!بسرعه تكلم لافـي
لافي\عمه هدي شوي الله يهديك العنود ماعليها شر وشالوا الأبره منها ولفوا
رجلها بشاش..
أم حنين\يارب لك الحمد والشكر يارب....طيب وش فيكم ماجيتوا!!
لافي\مانقدر نجي الحين بنجي تقريبا بعد نصف ساعه لأنهم ركبوا لها مغذي عشانها
نزفت دم كثير
أم حنين\طيب ياوليدي تكفى تعال خذني
لافي\ والله ماله داعي جيتك ياعمه!!شوي وبيشلون المغذي وبنجي
أم حنين\طيــب تكفى أي شي يصير دق علي
لافي\انشاء الله ياعمتي أنت الحين روحي ارتاحي ونامي..وبتشوفينا جايين
أم حنين\وكيف ياولدي بذوق طعم الراحه والنوم وعيالي بره البيت الله يسهل بس
لافي\أوكي عمه تأمرين بشي أنا بسكر
أم حنين\مشكور ياولدي والله ماقصرت تعبناك معانا
لافي\أفا ياعمه شالكلام أنا ولدكم والا نسيتي!!
أم حنين\مانسيت حبيبي أحد ينسى ولده!!
لافي\طيب يالله ياعمه بروح اشوف شصار عليهم مع السلامه
أم حنين\مع السلامه ياولدي
المستشفى
العنود\حنين
حنين\نعم حبيبتي
العنود\قوميني أبي اشوف رجلي
حنين\من صجك أنت تبين تشوفين رجلك
ريم\الحمد لله والشكر وش تشوفين الله يخليك رجلك منتفخه من كثر الشاش
العنود بخوف\طيب متى بيشلونها
ريم\أنطر يا....لمن يجيك الربيع
العنود\أنا حماره ياحماره ...هين وربي بس خليني أقوم وبتشوفين الطق اللي بيجيك.
.
ريم\أصلا حبيبتي ماتقدرين!! بتجلسين بهالشاش أسبوعين ياماما
العنود أنصدمت ولفت على أختها حنين\حنين من جد بجلس أسبوعين بهالشاش!
!
حنين\لا وبعد بنشتريلك عكازات..عشان تمشين فيهم وتروحين فيهم المدرسه
ريم \لا مالاداعي عندنا عكازات حقين لافي يوم طاح علينا الصيف اللي طاف
العنود وشوي بتصيح\مجرميــن والله أنكم مجرمين كل شي سويتوه على كيفكم
ودتوني المستشفى وشقيتوا رجلي وامن بالله وبتجلسوني بهالشاش المعفن اسبوعين
وقلنا
قدر الله وماشاء فعل ..لكن بتخلوني أمشي بعكازات أروح فيهم المدرسه !!حدكم
عاد !!
أنا العنــــــــــــــود بنت أمـــــــي أمشي بعكازات
في المدرســــــــه!!هزلت والله !!عجوز على غفله وانا مدري!!
مستحيـــــــــل مستحيل أروح المدرسه وانا بهالحال
حنين\عنــــوده حبوبة نسيتي أنك ثانويه عامه !!واذا أنت مانسيتي!!خلص
عادي!!جلسي في البيت وخلي الدروس تفوت عليك !!وبعدين تعالي صيحي وقولي
: علامات كثيير ناقصتني وبعدها الحلم اللي كنت تتمنينه يتبخر.... والتخصص اللي
تبينه ماتلقينه...
العنود\لالالالالا الا التخصص وقفي عنده أهم شي عندي ادخل التخصص اللي أبيه
ريم\والتخصص هذا مايبيله نسبه حلوه مثلك
العنود\أوووووف شاالحل الحين!!
حنين\الحل أحين أنا أروح البيت .......خلاص بلا دلع المغذي خلصت أخر قطره منه
العنود بفرح\وأخيرا بروح البيت يــاي
ريم \الحمد لله والشكر اللي يشوفها يقول بتروح أمريكا
العنود باعتراض\والله بيتنا يابعد قلبي أحسن من أمريكا واللي جابها بعد
لافي\وأنا اشهد اذا تبين شهاده
والتفتوا كلهم على لافي اللي توه جاي
حنين\أهليـــن لافي وينك!!
لافي\موجــود بره لكن شفت واحد من الربع وجلست أسولف معاه ولف على
العنود شخبارك يالعنود
العنود شقولكم عن العنود !!البنت منحرجه موووت وماتبي حتى ترفع راسها عشان
تشوفه !!لأنها كل ماتذكرت سالفة الأبره وتوسلاتها لـــ لافي تمووت زياده من
الفشيله لكن كل شي يهون عندها مدام فيها السالفه لافي لأنها مش مصدقه أن لافي
موجود قبالها تشوفه ويشوفها ويكلمها وتكلمه
وعلى طاري الكلام يالله يالله طلعت العنود هالكلمات من فمها
العنود بصوت واطي\الحمد لله ...أحسن من أول
ريم\صج هالبنت مكاره من شوي الصوت يلعلع اللي يشوفك يقول طقاقــه
والحين الصوت واطي وخايف وناعم كأنك في الفصل والأبله تسألك سؤال وانت
ماتعرفين جوابه
لافي بابتسامه\لالالا أصلا من عمرها العنود صوتها واطي وناعــم وحلــو بعد
....صح يالعنود!!
وقطع كلامهم صوت تليفون حنين
حنين\بطلع أكلم وبجي أوكي !!وطلعت من الغرفه وجلست على الكراسي اللي
في الممر
حنين\هلا والله
هيفاء\هلا فيك حبيبتي شلونك
حنين\تمام الحمد لله انا الحين في المستشفى
هيفاء وتتظاهر أنه ماتعرف شي\مستشفى سلامات عسى ماشر
حنين\الشر مايجيك لكن أختي العنود داخله في رجلها أبره وسوينا لها عمليه والحمدلله
شالوا الأبره وحطوا على رجلها جبس
هيفاء\ياعمري يالعنود والله ماتستاهل وشلونها الحين !!
حنين\الحمد لله زينه لكن آلالم ماتجي الا لمن يروح مفعول البنج الله يستر
هيفاء\الله يعينها ويسهل عليها يارب ..طيب حنين ماأطول عليك سلمي عليها
وبوسيها مرتين
حنين\مرتين أوكي ولا يهمك ببوسها مرتين يالله مع السلامه
هيفاء\ مع السلامه حبيبتي
لافي\عنود شفيك منزله راسك وماتتكلمين والا يعني مستحيه من وجودي!!
ريم\أكيــد مستحيه منك والا تبيها نفس بنات هالأيام مهبل
لافي\آهـــا أجل خلص بطلع عشان ماأحرجكم وتاخذون راحتكم بالكلام وقام
من الكرسي وبيطلع
وقاطعته العنود\لا ...عادي لافــي أجلــ ـس...............بــ ـس بس أنـــ ـا
لافي\أنت أيش!!
العنود\أنــــا
لافي ونفذ صبره\أيــه
حنين\سلالام
ريم+لافي بقهر\هلا
حنين\أشفيكم تقولونها كذه
لافي\لا.............ولاشي
ريم\لافي نادي النيرس عشان يشلون المغذي من العنود
لافي\طيب.....وتعمد يقول: انا رايـــح سمعتو رايـــح وطلع من الغرفه
حنين\طيب روح..أحد ماسكك
وراح لافي وهو مررره معصب
العنودبخاطرها:أشـــوه الحمد لله أنقظتني حنين والا كان رحت فيها!!يعني ايش
يبيني أقول يبيني أقول مستحيه منه مره لدرجة أن ماني قادره أحط عيني بعينه ماأقدر
أحــــراج!!
بس والله ياحليله اكيد الحين مقهور وميت غيظ ...
،،،،،،،،يازينــه وهو معصب ,,,,,,,,,,,
المهم خلصت اجراءت طلوع العنود من المستشفى وقالها الدكتور تجيه مره كل أسبوع
عشان يغير الشاش وينظف الجرح وعطاها أجازه يومين لأن الدلوعه العنود تقول ماأبي
أروح المدرسه من الحين! لازم نفسيتي تتهيأ وتتعود على العكاز..
وللأسف متعب حبيب الجمهور ماشاف حنين <<ياحرام خيبت توقعاتكم
لكن هيفاء أتصلت عليه وطمنته ان حنين مافيها شي
وقلبه أرتاح داخليا لكن مابين هالشي قدام أخته.لأنه يدري انها فضيحه وماينقال لها
شي وعلى طول cnn لــ روابي
بس مات قهر لأن ماشاف حنين اللي كانت معاه بنفس المكان لكنه قال انشاء الله
الجايات أكثر من الرايحات...<<واثق الأخ
بعد ماوصل لافي بنات عمته.. راح على طول لبيتهم وكانت تقريبا الساعه
10:33وأول مادخلوا البيت عطتهم أمهم كم تهزيئه على هالتأخير لكنها أسكتت يوم
درت عن اللي صار بالعنود بس زعلت كثير لأن مااحد علمها بالموضوع
وقالت بكره من العصر بيريحون للعنود وبيتحمدون لها السلامه
وطبعا لافي اتشقق من الوناسه لأنه صار له عذر أنه يروح ويشوف العنود !!على أنه
بعد بكره عنده كويز مهم لكن كل شي يهون لأجل العنود
بيت بو حنين
أم حنين\والحين تعورك يالعنود
العنود\يعني يمه بدت تروح آثار البنج ..الله يعيني شكلي مش نايمه طول الليل
عمر\ويــه نسينا نقولك عن سمر ..تخيلي يوم درت عن اللي صارلك بسبب الأبره
قامت تصيح لأن أمي صرخت عليها وخوفتها وقالت لها بسببك العنود في المستشفى
ونزل من رجلها دم كثيير ..وعاد تعرفين سمر الا الدم تخاف منه..
العنود\ياعمري ياسمر وهي الحين وينها؟؟
عمر\أمي مسببه لها رعب عشانك
أم حنين\لا والله صاحت لمن قالت بس ..بعدها نامت على الكنبه وشلتها ووديتها
الغرفه
حنين\حرام عليكم الا سمر حبيبتي لاتسون لها شي
العنود\ياسلام وأنا بنت الجيران يعني
حنين\ويــه العنود تغارين من سمر تراى هي بيبي!!
العنود\هاهاهاي لاشدعوه أمززح ياأختي حنين الحنــونـه
حنين\تتطنزين
العنود\خليك واثقه من نفسك!!
أم حنين\طيب العنود خلاص منت برايحه بكره
العنود\أكيـــد مش رايحه بكره
عمر\حتى أنا مش رايح
حنين\لا والله
أم حنين\استريح بتروح غصبن عنك
عمر\ وأنا أقدر أزعل الغاليه!!أنشـــــاء الله بروح بس أمزح معكم ماتعرفون
المزح!!
حنين\أيــه فكرت بعد...
أم حنين\يالله كل واحد على غرفته
العنود\يالله كل واحد يوريني طوله ويشيلني من جهه
عمر وماأخذ الموضوع طنازه\ انت تأمرين أمر على هالخشم وأشر على خشمه بس
أي جهه تبيني أشيلك!!!
من بطنك والا راسك والا رجلك!!
العنود انقهرت\يمــــه !!شوفي ولدك يذلني !!مالت عليك من أخو
ام حنين\عمـــر بس عاد رح غرفتك واحنا بنوديها غرفتها
عمر\ماعاش من يذل أختي وانا حي تعالي حبيبتي بشيلك
العنود\روووح روح يالمعصقل مستغنيه عن خدماتك!! امي وحنين بيشلوني
عمر\كيفـــك أنت اللي قلتيها بلسانك روح بااي وراح ولا عطاهم خبر
العنود وطولت صوتها علشان يسمعها\أصلا أنت ماصدقت على الله!! بس أنا بوريك
بذّلك مثل ماذليتني..
أم حنين وهي واقفه\خلصتي النقاش مع الأخ عمر!!
العنود\أيه يالله شيلوني...
حنين\انشاء الله عمتي
العنود\عفيه على البنت المطيعه.. والأم المطيعه
حنين\ولو أحنا بالخدمه
(ومضى هذا اليوم على خيـــر )
بيت بوفيصل
في الدور العلوي كان صوت الأغاني عالي جدا وواضح وكل الفريج يسمعه..
وكانت سوزان حاطه على أغنية (أيوه)اللي بداية مقطعها \أيوه أيوه غنوا معي هلا
هلا ..وين أنا بدي أروح !!مابدي شي بس هدوء كلموني كل يوم !!أستنوا على
التليفون..مافي أحلى من حايات مافي أحلى من المعلومات..وتسوي نفس حركات المغنيه..هزوا هزوا..واحد اثنين..هزواهزوا ..شمال يمين واحد أثنين ..فوق وتحت تنننا أيوه أيوه غنوا معي \وكانت ممزوجه بـموسيقى
ثانيه صاخبه كأنها راب(ريمكس)وكانت تغني نفس الأغنيه وترقص نفس رقصة المغنيه
لأن سوزان مهاره في الرقص وخصوصا الرقص الغربي وشوي الرقص
الشرقي<<البنت رايحه فيها
وهي مره فرحانه لأنها بتتقابل مع حبيب القلب (يوسف)المهم لبست أحلى لبس
وحطت
أحلى المكياج لكنه كان ناعم عشان يزيدها جمال وأنوثه وتعطرت ولبست شي يسمونه
عبايه للأسف كانت (نص عبايه) شفافه كثيير لأنها كلها على بعضها من قماش
الدانتيل الأسودالخفيف
وطلعت من الغرفه..وقابلت في وجهها أمها
أم فيصل\ها أنشاء الله وين رايحه
سوزان\الله يهداك امي نسيتي أني بروح لبيت صديقتي عشان العزيمه
ام فيصل\ماأذكر أنك قلتي لي...
سوزان\وهذا أنا قلت لك ....باي مـامي.........ونزلت من المصعد ........
ام فيصل\ الله يستر من هالبنت وطلعاتها اللي كثرت يارب تحفظها من كل شر
وتسترها يارب.............
هذا اللي كانت تقدر تقوله أم فيصل فقط تدعي لبنتها لأنها ماتقدر توقف في طريق
بنتها بعد ماكبرت وصارت حره في تصرفاتها.. ودلعها وغرورها يوم عن يوم يكبر
معها..
بيت بوحنين
هند\العنــود يالزفته يالسخيفه ياللي ماتستحين على وجهك ليه ماجيتي اليوم
المدرسه!!
العنود\وعليكم السلام والرحمه انا بخير الحمد لله وأنت شخبارك
هند\أوووه نسيت اسلم السلام عليكم
العنود\بدري.... وعليكم السلام
هند\المهم من جد من جد اليوم ليه ماجيتي المدرسه!!اعترفي!
العنود\الصراحه وقالت لها السالفه كلها
هند\ياحبيبتي يالعنود وانا ظلمتك وجلست أسب فيك وأشتمك..وأنت مريضه!!
العنود\شفتي عاد انا دائما مظلومه من قبل جميع الأشخاص..الله يسامحك
هند\طبعا أنت ماأنت جايه بكره صح!!
العنود\أيه بس بعده خلاص بداوم أخاف فوتني دروس مهمه..وأكيد الحين الواجبات
فوق راسي
هند\أفا لاتحاتين الواجبات أنا بكتبهم لك والدروس انشاء الله أفهمك اياها
العنود\ياعمري ياهند تسلمين والله
هند\ولو احنا خوات وبعدين اذا أنكسرت رجلي لاسمح الله بتسوين مثل اللي سويته
وأكثر بعد
العنود\أكيد يبيلها كلام...
هند\طيب حبيبتي أنا بسكر الحين لأن الوالده تناديني وانشاء الله بكره أكلمك...مع
السلامه
العنود\الله يسلمك
كان نواف مع ولد عمه خالد جالسين في أحدى طاولات الكوفي..وفي نفس الوقت
جالسين يناظرون بنت جالسه في الطاوله اللي مقابلتهم وكانت متلثمه بغطوه شفافه
جدا ..
خالد\يلعنها فضيعه باللثمه...
نواف\أصلا ماله داعي هالغطاء نص وجهها باين..بس تسوي آغراءت على الفاظي
ياأخي فكي اللثمه وريحينا!!
خالد\ياويلي لو فكتها أذوب أنا...
نواف\تكفى لايطيح نصك !!قم قم خلينا نرقمها...
خالد\لالا أقعد شكلها صيده سهله أصبر شوي صدقني هي اللي بتبدى ..خلك ثقيل
نواف\امووووت انا على الثقيل ..ننتظر وأمرنا لله..
وفعلا البنت قامت بعد حاسبت اللي طلبته..ومشت من عندهم ولا كأنها
تعرفهم..بعد ماعطتهم ذيك الـنظره ....
نواف\ويـوا فشلوه وماعطوه وجهه هاهاهاهاهاهاهي
خالد وهو مره متفشل\ماعاش مين يفشل خالد بن عبد الله قم والله لعلمها الأدب
نواف\وش بتسوي يعني!!
خالد\قم وماعليك يالله
بيت بو زياد
كانت في وحده طايره من الفرح أن ولد عمها موجود في بيتهم
مرام\بمووووت فيصل في بيتنا وناسه
رهف\الحمد لله والشكر أمانه انت أختي الكبيره والله ماأصدق
مرام\واحد اصلا قالك صدقي مالت عليك
ترف\طيب وماتبين تشوفينه
مرام بنظره حالمه وهي ترفع عيونها للسماء\أكيد أبي أشوفه بس كيف!!
ترف\أسمعي أنا أقولك قربي.......
.
الصاله
:كيف حالك زياد
زياد\تمام وأنت شلونك وشخبار الشغل معك
فيصل\لاذكرني يازياد ..أحس أني بمووت ...مكتبي مليان ملفات وأوراق وأنا أحس
أن راسي مصدع ...ومدري شسوي والمشكله الكبار غارقين بالعسل
ومسافرين..ولايدرون باللي صاير بالشركه
زياد\الله يعينك ياولد عمي.
فيصل\المهم زياد تكفى هذا عقد مجمع تجاري اللي بتسويه شركتنا..وأبي الوالد يوقع
على بعض معاملات هذا المشروع
زياد\طيب كيف يوقعه وهو مسافر!!
فيصل\هنا المصيبه دائما أنا أدق عليهم وتليفوناتهم مش موجوده بالخدمه
وانا الحين ضايع مدري ايش أسوي
زياد\طيب وش الحل!!
فيصل\مدري والله أني محتار وسفرتهم هالمره طولت كثيير
زياد\الله يسهل عليك ياولد عمي
فيصل\أوكي زياد أستئذن انا الحين وسلم على الوالده ..
زياد\لا يارجال انتظر شوي الوالده الحين بتجي
فيصل\صدقني ماأقدر أطول اكثر من كذه عندي أشغال ولازم أخلصها..
زياد\أوكي هالمره سماح
وقام من الكنبه فيصل\يالله مع السلامه
زياد\مع السلامه ولاتقاطعنا فاهم
فيصل\انشاء الله
وطلع من المجلس متوجهه لسيارته وفتح عيونه على الأخر يبي يعرف اللي يشوفه حلم
والا حقيقه!!
بيت بوحنين
كان الكل مجتمع في الصاله اولاد وبنات وكبار
ام لافي\وشلونك الحين يالعنود طمنينا عليك
العنود\الحمد لله ياخاله أحسن من أول
أم لافي\الحمد لله
ريم \ايش عليك أنت مرت ولدها الوحيد ولازم تسأل عنك وتشوف حالتك الصحيه
في تشوه في كسر..اي شي من هذا القبيل!!
العنود بصوت واطي \الله يأخذك أنشاء الله صوتك عالي ..وبعدين مين قالك أني مرة
ولدها ياماما!!
ريم\الجيـــران الجيران هم اللي قالول لي تتغيبين يعني!!يـــامرت اخوي
العنود ياحلو هالكلمه تجنن بس مابينت\مرت اخوك في عينك انشاء الله
ريم\اكيد في عيني وفي عين اللي يحبونهم بعد وطالعت لافي اللي كان يشوفهم من بعيد
وباصم بالعشره أنهم يتكلمون عنه بس ماسك نفسه..
بعدها قام وأستئذن منهم ونادى ريم أخته لأنها زي ماقلت لكم عنده كويز مهم لكن
ماخلته عمته ام حنين وبالموت رضت أنه يروح البيت عشان بس يذاكر
وأول ماقامت ريم ولافي كانت زوجين من العيون يراقبونهم:
العنودلأنها تبي تعرف ايش يبي لافي من اخته
وعمر اللي كان منقهر من تجاهل ريم له
ريم\هاشتبي
لافي\خذي هذا وعطيه العنود
تتوقعون مين شاف فيصل بره في الحوش!!
ولافي وش عطى ريم !!
|
01-08-10, 06:48 AM
جديد مواضيع قسم القصص المكتمله
العرض العادي
