رواية سعوديه رومانسيه (ريح المطر) للكاتبة (شغف)

رواية ريح المطر

للكاتبة (شغف)….

دعواتكم (لوالدي بالرحمه والمغفره )
.
.
.
.
البارت الثاني…
.
:
:
:

صقر بغرفته متسطح على السرير ويفكر بملاك كيف شافها. بالشارع تلعب ….

كان طالع من المسجد وهو رايح البيت لان المسجد قريب من بيتهم شاف البنات يلعبن ومن بين كل بنات حارتهم تلفت الانتباه الزين كاسيها وهي صغيره كيف لو تكبر.…
لابسه بنطلون جنز سماوي فاتح. وبلوزه صفرا هاديه عليها رسمة ميكي ماوس
وشعرها الاسود مفتوح وخصل ع وجهها
راح يمشي لهم بعصبيه وغيره عليها
شذى من شافت خالها صقر جمدت عرفت انه معصب وتعرفه لاعصب مايشوف اللي قدامه
ملاك/شذى يلا دورك اقفزي
شذى تطالع ورا ملاك مفجوعه/….
ملاك تلف راسها وتشوف صقر واقف
ويناضر ملاك بعيونه الوساع الحاده ويصرخ
صقر/ انتي وش مطلعك لشارع هاااااااه
ملاك تلف راسها ببرئه تطالع وراء تبي تشوف من يكلم بس انصدمت ان مافي احد وراها واللي صدمها اكثر ان صقر شد يدها الصغيره الطفولية بيده الكبيره الرجوليه وقام يهزها وجسمها يرجف
صقر بين اسنانه/امك وينها عنك ليش مخليتك تلعبين بالشارع
ملاك بطفولية متسلطه/ انت منو وش دخلك
صقر مصدوم من طولة السانها وشدها مع يدها بقوه وقام يصرخ عليها
صقر / والله لو اشوفك بالشارع مره ثانيه لاذبحك فاهمه
ملاك بدموع/…..
صقر مزال ماسك يدها/فاااااااهمه
ملاك تبكي /اي يدي كسرتها ي مجنون
صقر يفك يدها ويصارخ /اذلفي للبيت يلاااااا
البنات مصدومات وكل وحده شردت
وامل امسكت يد اختها ملاك اللي تبكي ورجعت فيها للبيت ….

صوت الجوال صحى صقر من تفكيره
اخذ الجوال اللي كان عنده على السرير /الو ……ي هلابك حياك الله….. ….بخير جعلك بخير…..انت اخبارك …..الله يجعله دوم……امرني …..افا عليك بابو عليان يالله جاي ….ابشر بعزك ماطلبت شي ……مع السلامه

وسكر الجوال وحطه على السرير بالجهه الثانيه بعصبيه
صقر/مايعرفون يشتغلون لازم اكون واقف على روسهم
تذكر ملاك وطولة لسانها وبتسم /اجل طويله لسان وعوباء ي ملاكي
اه بس اه متى تكبرين وتصيرين بحضني //
:قام والبس وطلع للمشروع اللي دافع في دم قلبه عشان يكبر ومعه شريك بالمشروع جاسم عليان رجل اعمال وكبير بالعمر

صقر عمره33 سنه دكتور وتاجر كبير يحب التجاره راعي مال وكل بنت تمناه بس هو مايبي الا هي اكبر من ملاك ب20سنه من شافها وعمرها سنه وهو كان عمره 21سنه وشاف جمالها الطفولي الفارق عن بنات عقبيلتهم كلها وهو قايل انها له وينتظرها لين تكبر. الاهل اخذوها بضحك وهو اخذها بجديه وبذات انها كل ماتكبر تحلا بزياده وتولع فيها اكثرر وحاولو اهله يزوجونه بس هو رافض وقال بنتضرها لين تكبر
……..مواصفات صقر…..
صقر طويل وجسمه رياضي ابيض عيونه اوساع خشمه سلة سيف فمه مزموم ذقنه مرسوم وسيم بس مو مثل وسامة فهد وسامته اكثر وفهد جماله يوسفي
فهد بطل من ابطال الروايه تعرفون عليه فيها


…………………………………….
……………………………………..
بمكان ثاني وبقرية ثانيه بارده صوات اذان العشاء
الله اكبر الله اكبر لاله الاالله

فهد يتوضى ويردد الاذان
فهد /الله اكبر الله اكبر هلا بذكر الله
واخذ شماغه وسو لطمه على وجهه عن البرد. طلع من جناحه البسيط وشاف جدته صيته على سجادتها اللي ربته بعد ماصار يتيم الاب ويتيم الام ::راح لها
الجده صيته /الله اكبر الله هلا ي ذكر الله
فهد يحب راسها/مساك الله بالخير
الجدة صيته ترفع راسها وتطالع فيه /يمسيك بالنور والش النوم هذا يكفنا الشرر
فهد جلس عندها على ركبه ونص/وش اسوي يومه انهد حيلي من الشعل
الجده صيته /يمك العمر يخلص والشغل مايخلص ارحم نفسك
فهد يهز راسه/يصير خير يصير خير المهم بروح اصلي وطلع عندي شغل تبين شي
الجدة صيته /تو اقول لك العمر يخلص والشغل مايخلص تبي تروح بعد
فهد يوقف يشر لها بيده/مع السلامه
الجدة صيته/مع السلامه
وترفع يديها لسماء تناجي ربها
يالله انك ترزقه وتفتح على قلبه وتهدي لنفسه
::::::::::::
فهد توفت امه وابوه بحادث وهو صغير بعمر10سنين جده صيته ام ابوه ربته وكبرته وسلمته شيخ القبيله. بمكان ابوه اللي كان شيخ القبيله وله كلمه على الناس. ماعطت جدته صيته احد الشيخه وقفتها لين كبر فهد واستلمها. معن صارت مشاكل عشان الشيخه الكل يطالب فيها بس هي كانت بصحتها وقويه ولان ولدها عقاب ابو فهد ورثها من زوجها الثاني قررت تورث فهد الشيخ من ابوه وجده
فهدعمره 25 سنه وسيم لابعد حد. العيوان وساع والحواجب مرسومه والخشم سلة سيف والفم مزموم وبياضه على العوارض السودا والشعر الاسود جمال يوسفي ...



الجده صيته تجلس عند الدافيه /ام ابراهيم وين بنات بنتك مريم ماشفتهن اليوم

ام ابراهيم/ يلعبن عند بنات حسناء
الجده صيته /وحسنا وينها ماشفتها اليوم
مريم تدخل معها حليب زنجبيل /حسنا تقول انها تعبانه وجالسه بجناحها
الجده حصه /الا قولي زعلانه
ام ابراهيم تعفس وجهها/الله يهديك ي خاله لازم تدخلين بالناس
الجده صيته تطالعها /اللي ساكن بيتي وبيت ولدي فهد بتدخل فيه

ام ابراهيم تطالع مريم بنتها ويطالعن بعض

مريم /الا ي جده فهد مو ناوي يتزوج
ام ابراهيم تبتسم /اي والله كبير ورجال وبنات عمه كل وحده تقول الزين عندي

الجده صيته تاهذ كاسه الحليب اللي تمدها فاطمه لها/والله مادري عنه ليت ربي يحنن قلبه ويتزوج بس مدري وش بلاه ولدي كارهه الحريم كلهن
ام ابراهيم بحماس/عين ماصلت على النبي ماتزوج ولا كان غير رايه::
وتكمل بحماس/انا بزوجه شوق بنت مريم ماحسن منها
الجدة صيته /والله ودي ياخذ ي شوق تبارك الله عنها. ولا نوف بنت حسنا كلهن مثل القمر

ام ابراهيم بقهر/نوف بنت حسنا الله يهديك يومه شوق احلا منها واشيخ منها
الجده صيته /كلهن بنات عم ودمهن واحد بس بعدهن صغار عليه
مريم/لا يومه ماهن صغار 15سنه حريم
ام ابراهيم /اي والله وبعدين شوق عطيتن له مني ومن عمه مايرد العطيه
الجده صيته تطالع فيهن/هو عساه بس يوافق على العرس ويكون خير

:::::::
الجده صيته لها ولدين من زوجها الاول ابو محمد
ولدها الكبير
محمد تزوج فاطمه
جابت مريم
وابراهيم
مريم بنتها تزوجت وجابت شوق عبدالله ومات زوجها عيالها صغار وربتهم عند امها وجدتها بيت فهد الكبير اللي كلهم ساكنين فيه

ولدها الثاني
ناصر زوج حسنا
بنته نوف ولده ونواف


ومات زوجها عقاب ابو محمد

وتزوجت شيخ القبيله فهد
وجابت منه عقاب ومات فهد زوجها بعد ماكبر عقاب واستلم مكان ابوه الشيخه
وتزوج نوره وجاه ولد سماه على ابوه فهد. وصار له حادث هو وزوجته وتوفى وتيتم فهد وربته جدته وسلمته الشيخه بعد صراع وهواش من عمانه كلن يبيها لاكن هي مارضت بالظلم. وتعرف ان اللي احق فيها هو فهد. وان راحت لعمانه راحت لعيالهم وينظلم فهد::::


......………….



بكمل الرواية وباذن الله تعجبكم
تحياتي
(شغف)

رواية ريح المطر …

للكاتبة (شغف)…


دعواتكم (لوالدي بالرحمه والمغفره)….



البارت الثالث :
:
:
:
:
احرص على اللي دايم الدوم شاريك
واحذر من اللي لاقسى الوقت باعك
(بن فطيس )


:
:
:

بيت ابو ماجد

نهيل بعصبيه/اسمع ي بو ماجد ولد اخوك اليوم ساحب له ورع بغى يكسر يدها يقول لاشوفك طالعه اذبحك

ابو ماجد يتركى على المركه /وهو صادق وين يحومن بالشوارع امسكي بناتك لايطلعن عيب

نهيل /وش العيب ورع وتلعب مع الورعان لاوالله بس قل يبي يحكمها من الحين
ابو ماجد/عطيته وهو ادرا
انهيل بعصبيه/وشو عطيته البنت كبر بناته لونه متزوج كان معه كبرها
ابو ماجد /اسمعي ي نهيل هذا ولد عمها. وماسكها من جت وهاذ هو ماتزوج يحتريها تكبر
نهيل /عمره 33سنه وجالس يحتري له ورع بينه وبينها 20سنه انت صادق
ابو ماجد /انتي علامك ي مره كلن عارف ان صقر يحتري ملاك تكبر ويتزوجها خلاص اسكتي لجيتيني الله يلجك
نهيل/روح لام ماجد احسن لك عن لجتي
ابو ماجد /ماهي بعيده عنك لجتها مثل لجتك


عائله ابو ماجد
متزوج من ام ماجد عيده

وعنده ماجد وجاسر
وهند وهنادي:::

وتزوج نهيل
جابت ولدها الكبير مازن عمره 23سنه
وبناتها
حصه عمرها 20وامل14 وملاك 13
................

وخوه الكبير ابو صالح. شيخ قبيلتهم وكلن يهابه هو وعياله
صالح ولده الكبير عمره41-متزوج معه ولد وبنت
فالح 39-متزوج معه بنتين
وصقر33-
وسالم28 متزوج معه ولد
سلمان16سنه
البنات
مها الكبيره37
متزوجه معها مهند عمره 16 وبنتها شذى عمرها13 صديقة ملاك الروح بروح

وهدى 35الثانيه معها عمر
وفاء 20
صباء14


صباء وامل وهند بعمر بعض

شذى وملاك وهنادي بعمر بعض
:::::::::::::::



اصبحنا واصبح الملك لله لاله الا الله

يلا الصلاه ي عيال الصلاه خير من النوم
قومو لصلاه

هذا كان منادا ابو صالح لعياله


صالح يطلع من جناحه /صباحك الله بالخير ي ابوي
ابو صالح /يصبحك بالنور يابوك
فالح وسالم /صباحك خير يابوي
ابوهم /يصبحكم بالنور وين صقر وسلمان ليش مايقومون يصلون
فالح /سلمان رايح بيت ام مهند ونايم عند مهند البارح
ابو صالح بعصبيه/وانا اخر من يعلم ولا خلاص كبرت وصرتو ماتاخذون رايي
صالح /لا الله يطول بعمرك بس انت نايم وماحنا مصحينك عشان شين مايسوى الولد راح لخته مو بيتن غريب واخذ شورنا ي خوانه واحنا رخصنا له
ابو صالح/وصقر وينه
فالح /والله ماضنتي انه بالبيت شكله رايح يشوف مشروعه وشغاله
ابو صالح /الله يبارك له ولكم برزقكم يابوكم
العيال /امين يارب

راحو للمسجد ملبين لصلاة


(الساعه 10صباح)

نهيل جالسه برا عند بيوتهم يجتمعن هي وام ماجد وام صالح وجارتهم

نهيل /عاجبك ي ام صالح سوات صقر
ام صالح/والله ي ام مازن صقر ماسوى الا بياض وجهه بنت عمه وخايفن عليها من الشوارع
نهيل/وخواته ماهن معها ولا بس بنتي
ام صالح/خواته معلمهم مايبعدن
نهيل /لا ماهو عذر ي ام صالح البنت ورع وتعلب مع الورعان ماسوت شي غلط
ام ماجد بتهزي/ وهن وش عليه منها لو دجت بيربيها قبل ياخذها
نهيل بعصبيه/ليش وانا ماعرفت اربيها يومنه يبي يربيها
ام صالح/بنت عمه وعطيته
نهيل /ماهي كبره
ام صالح /الكلام بين الرجال ي نهيل حنا مالنا داخل
نهيل/ليش وهي ماهي بنتي يومنكم تخيطون وتلبسون على كيفكم
ام ماجد/قولن لاله الا الله ماحد ياخذ الا نصيبه
نهيل /ملاك ماهي حوله خلي يدور وحده بعمره
ام صالح/صقر لانوا شي ماحدن يرده يا نهيل واللي يبيه يبي ياخذه وانتي خابرته
نهيل /يصير خير

نهيل لافت وجهها مقهوره. عارفه ان صقر له هيبه وكلمته تمشي وكلن ياخف منه تدري لاهي ولا احدن يقدر على صقر بس عسى ربي يدبرها

........................
.......................
طق طق
جالسه بالحوش وعندها قهوتها وعندها حسنا وفاطمه وبناتهن يلعبن
الجده صيته تنادي/شوق ي شوق ي مال الماحي
مريم جايه تمشي /الله يهديك ي جده لاتدعين ع بنتي
الجده صيته /بناتكم مايستحن يوم يلعبن بهالعمر والباب يطق خلي تفتحه

السلام عليكم
الكل التف ع صوت.
الجده صيته /وعليكم السلام
قامن وسلمن
ام ماهر تسلم وتجلس معهم على الفرشه/اخباركم
الجده صيته /طيبين طاب حالك
حسنا /اخبارك واخبار ابوكم
ام ماهر /حين يرزق
الجده صيته /نويت امره اليوم مع فهد اسلم عليه
ام ابراهيم/يوديك عبدالله فاضي فهد مشتغل
الجده صيته/وانتي وش دخلك من يوديني اخوي وبروح اسلم عليه ماحد له دخل
سكتت ام ابراهيم وهي تطالع بمريم وحسنا ا
ام ماهر/ انا اصلا جايتك مرسلني هو ي ام محمد
الجده صيته/عسى خير
ام ماهر /كل خير بس يبيك تمرينه للبيت
الجده صيته /اي امره ليش مامره ماعندي اخون غيره
ام ماهر /الله يخليك لنا ي ام محمد
وتقوم يلا انا استاذن
الجده صيته اجلسي ي مره تقهوي تو الناس
ام ماهر/تقهوا عندكم العافيه والله بنتي لحالها بالبيت وخوها تعبان
الجده صيته /جايتن مع احد ولا ع رجليك
ام ماهر /لاوالله ع رجلي
الجده صيته/اجلسي لين يجي فهد ولا عبدالله يوصلونك تعب عليك
ام ماهر/لاوالله مامن تعب اطلق رجيلاتي
حسنا /اي والله المشي زين
ام ابراهيم /وش يبي من عمتي ابو ماهر
الجده صيته تطالعه بعصبيه/وانتي وش دخلك اخوك ولا اخوي
ام ابراهيم /اخوك عسى الله يخلي لك
ام ماهر /مع السلامه
الكل /مع السلامه


.......................
.......................


تلعب ملاك وشذى وامل وصباء وهنادي وهند

يلعبن لحقه بالشارع ويركضن بالحاره


جاي بسيارته بعد تعب الشغل من البارح مانام يبي يحط راسه وينام دق جواله
صقر/الو مرحبا يهلا والله بولد العم
........طيب.....لايهمك ابد....باذن الله اليله بحسابك ......ابد وانا اخوك حنا لبعض واللي تحتاج كلمني الخير كثيرر

فجئه
يطالع اللي يلعبن ومن بينهن طفله وعليها فستان كحلي لتحت الركبه ورجليها بيضاء وشعرها مضفور ومفتوح نصه من العب وركض وبدون انعال

…………….

انتضروني بالبارت الجاي وتعطوني رايكم

تحياتي (شغف)

رواية ريح المطر

للكاتبة(شغف)..

ادعو (لوالدي بالرحمه والمغفره)

:
:
:

ياذا القمر قامت تغير مساريك
يابطي مطلاعك وياسرع مسراك
:
:
……………………………,,,,,,,,,,,,

البارت الرابع/-/-

انجن انجن بالشارع واخر الشارع تمر سيارات ورجال وناس وبلبس زي كذا بالشكل ذا وامس مهددها وتوقع ماتطلع وتخاف بس شكل هو اللي بيربيها بنضره
معها صباء وشذى وامل وهند وهنادي لاكن هي فاتنه

صقر/خلاص اكلمك بعدين الحين مشغول مع السلامه
وسكر الجوال بدون يسمع رد المتصل
وقف سيارته ونزل معصب وقف ونادا للبنات هند وهنادي شردن
ملاك من شافته بكت وامل وصباء يطالعن فيها وشذى تمسك يدها وتكلم/لاتخافين ماراح يقول لك شي
جاء وسحبها مع يدها وعينه بعينها بصراخ ويهزها/انا ماقلت مابي اشوفك بالشارع
ملاك تشاهق /انا انا
امل /امي سمحت لها
صقر طالع باامل وقال/ماحد ضيعكم الا امكم
سحبها معه لسياره بين صياحها وتحاول تفك نفسها
اشر للبنات يروحن للبيت وبصراخ/اذلفن للبيت فاهمات بذبحها واجي اذبحكم
البنات راحن يصيحن ويركضن
وملاك تبكي وتصارخ /فكني والله اعلم ابوي وامي
يسحبها ويدفها بالسياره وهي تشاهق وتبكي بخوف وركب بالجهه الثانيه حرك السياره وهو متوتر من العصبيه وقف بنص الشارع وسحب بريك وصدمت هي بالجام
صقر يسحبها مع يدها وقرب وجهها لوجهه وتكلم بين اسنانه/انا ماقلت مابي اشوفك بالشارع
رفعت عينها مليانه دموع وطالعت في ملاك/مو شغلك مانت ابوي
اصدمته صدمتين الصدمه الاولى عيونها من قريب وجمالها الطاغي الصدمه الثانيه تشبهه بابوها
سكت وماقدر يتكلم وهي سحبت يدها وحطت يديها بوجهها وقامت تبكي وتشاهق
صقر تنهد وحرك السياره وتجهه للبيت وقف عند بيتهم وشاف امه وامها وام ماجد واقفات عند الباب
النهيل جت تركض /بنتي وينها ي صقر
صقر نزل وفتح الباب اللي يم ملاك ونزلها وماسك يدها
صقر بغصبيه /مدامك خايفه عليها ليش تفلتينها لشوارع
نهيل تسحب بنتها وتضمها/بنتي ورع وتلعب مع الورعان
صقر بعصبيه وقلة صبر /ورع بعينك بس بعين الناس كبيره الظاهر مانتي قادره تربينها
نهيل سكتت وخافت من صراخه وبنتها ضامتها وتبكي
ام صالح تهدي وتقرب من ولدها/خلاص يمك هد نفسك وتعوذ من الشيطان
صقر /اعوذبالله منها ومن تربيتها اسمعيني ياام مازن اذا مانتي قادره تمسكينها انا امسكها
نهيل ترفع راسه وطالعه/لاصارت حلال عليك امسكها
صقر يقرب وامه تمسكه وتوقف بوجهه صقر/اليله تصير حلال للي وانا اللي اربيها والحين دخليها البيت لاشوفها طالعه مع الباب

نهيل بصدمه تجمدت وش قصده اليله تحل له هذا وش ناوي عليه
صقر يصرخ /داخل
نهيل اخذت بنتها ودخلت
ام صالح /انت وش تقول
صقر رايح لسياراه /اللي سمعتيه
مشى وخلاهم مصدومين من كلامه
ام ماجد /ولدك وش يقصد
ام صالح/يويلي والله انه ي ام ماجد مايقول الكلمه الا عارفه وش وراها
ام ماجد /لاحول ولاقوة الا بالله
راحت ام صالح بيتها بتحاول تهدي الامور
......................
...........................
فهد تو يجي من دوامه بلبس الضباط
فهد ضابط ويداوم الصباح
والعصر يستلم احوال القبيله


الجده صيته /فهد ياامك ابيك توديني اخوي ابو ماهر
فهد/ليش يومه هو مايجيك
الجده صيته/تعبان ومرسل مرته اليوم يبي اجيه
فهد /ابشري متى تبين تروحين له
الجده صيته /العصر
فهد/لا يومه العصر عندي اجتماع ماقد
الجده صيته /وانا امك انت متى تفضى وتفكر بالعرس كل يوم وانت من شغل لاشغل
فهد يتنهد/يومه الحريم مالي خاطر فيهن وانتي تدرين
الجده صيته/ي امك وش بلاك على الحريم ي امك العرس يريحك ويبي لك مره لاجيت من الشغل والتعب تقوم فيك
فهد/الله لايحيجني لهن انا اقوم بنفسي والحريم عايفهن ومابيهن
الجده صيته/والله لو تشوف بنات عمك لاتغير رايك
فهد يقوم/والله لو تجيبين للي بنات حوى كلهن ماغيرن رايي المهم تبين اوديك الحين تسلمين قبل العصر ونرجع
الجده صيته تقوم /يلا بلبس عباتي واجيك
فهد /احتريك بالسياره
الجده صيته /شوق ي شوق جيبي عباتي
فهد تحرك ومشى مايبي يشوف شوق وتنشب له وقبل لايطلع من غرفة جدته الا شوق بشال طويل عليها ومتلثمه فيه عند الباب
شوق/مساك بالخير ي ولد عمي
فهد بدون نفس/هلاهلا
شوق واقفه على الباب وفهد عجز لايطلع
فهد/روحي لجدتي تبيك
شوق فهمت وتحركت وفهد طلع وراح وشوق عطت جدتها عباتها
الجده صيته /مرده بيلتفت لك
شوق تبتسم /الله يسمع منك



راحت الجده لسياره
وشوق مازالت واقفه تذكر شكله وسامته
شوق /يومه يذبح ياربي اجعله من نصيبي


الجده صيته تركب السياره/سلام
فهد يحرك السياره /عليكم السلام
الجده صيته/عسى مابه شي اخوي
فهد /لاباذن الله مافي الا العافيه

وقف عند البيت
فهد/انتضرك برا
الجده صيته تطالعه /وش تنتضرني انزل سلم على اخوي
فهد بقلة صبر /يلا نسلم عشانك مو عشانه
الجده صيته /انت وش بلاك ي ولد ماتحب احد
فهد /ماحب الا نفسي
نزل ونزلت جدته بمساعدته لها طق الباب


كانت تحط لدجاج اكل عليها قميص ضيق ع جسمها زيتي ولامه شعرها ونصه مفتوح من نعومته ينزل على نحرها

سمعت صوت الباب طق
مهره/منو عند الباب
الجده صيته/افتحي الباب يبنت
مهره مالبست الغطاء على بالها الجده بروحها
فتحت الباب وكانت الصدمه
مهره انصدمت بالرجال الوسيم عليه لبس الضباط وطويل وجذاب مره واقف عند الباب مانتبهت لجدته وراه وهو انصدم باللي قدامه ماتوقع ابد في بنت بجمالها عيونها الناعسه العسليه ورموشها الطويله وبياضها الظاهر بشاعة الشمس وبشرتها الناعمه وجهها مليان وخدود مليانه خشمها صغير ومنحوت وشفايف مزمومه ومليانه وجسم مرسوم رسم وشعرها البني هذا لونه من الخالق مرفوع وخصل تنزل على نحرها جميله لابعد درجه وكلمت جميله فيها قليله انوثه طاغيه

فهد تجمد مكانه
مهره شالت يدها من الباب وخلته مفتوح ولفت على ورا تبي تنحاش عن عيونه اللي اكلتها ماتدري ان بحركتها ذبحت قلبه بزياده اختفت من عينه وهو مازال متجمد
الجده صيته/ ورامايفتحون الباب تعبت رجيالاتي
فهد تو ينتبه لجدته اللي وراه /هاه الا افتحو ادخلي يومه ادخلي
الجده تدخل وتنادي/ياهل البيت
ام ماهر بعد ماقلت لها بنتها ان في رجال برا البست عباتها وطلعت
ام ماهر /ي هلا حياكم الله دخلتهم ودخلو بالصاله وسلمو على ابو ماهر وجلسو عنده بالجلسه البسيطه
الجده صيته /شلونك ي خوي
ابو ماهر يكح/طيب طيب انتي شلون وشلونك يابو عقاب
فهد مشتت التفكير /هاه انا زين الحمدلله انت بشرنا عنك
ابو ماهر يكح/مثل ماتشوف وانا ابوك رجل بالدنياء ورجل بالقبر
الجده صيته تمسح دموها بالشال اللي عليها/لاتقول كذا ي خوي ان شاءالله انك من طويلين الاعمار وتشوف عيال عيالك
ابو ماهر كح كح/يوخيك الموت حق لاكن انا يوم طلبتك ابي بموضوع وزين ان ابو عقاب معك

ابو عقاب فهد يلقبونه بالاسم ذا لانه شيخ القبيله وارثها من جده عقاب

فهد /امرنا ي ابو ماهر وش اللي تبيه
ابو ماهر يطالع ام ماهر /ي ام ماهر روحي سوي لنا حليب زنجبيل عن البرد
ام ماهر عرفت انه يصرفها قامت وقالت /ان شاءالله
الجده وفهد سكتو ينتضرونه يقول اللي بخاطره
ابو ماهر يكح /ي ختي ي صيته انا مالي الا الله ثم انتي وعيالك حتى خواني من ابوي ماتو مابقو الا عيالهم القشران وانتي اختي اللي بقيتي للي من امي
الجده صيته/ الله يخلينا لبعض ي وخيتك ماحنا محتاجين احد
ابو ماهر / انا مادري وانا اخوك وش كثر باقي للي بالدنياء بس اخاف على اهلي من عيال عمهم القشران وانتي خابرتهم
الجده صيته/لاتقول كذا ي خوي تكفى
ابو ماهر يكح ويشر لها تسكت وكمل كلامه/ ام ماهر ولدها وبنتها تراهم امنتن عندك ي صيته ان مت تاخذينهم عند لايجلسون بالبيت لحالهم زوجي مهره وربي ماهر مثل ماربيتي فهد
فهد يطالعه مصدوم من كلامه الرجال يوصي ويودع فهد/لاتشيل هم ي ابو ماهر انت بخير وعيالك بخير وبنتك انت بتزوجها ولدك انت بتربيه وتزوجه
الجده صيته تبكي وتمسح دموعها
ابو ماهر /عيني خير ي صيته كلنا بالطريق ذا وانا اخوك ماحد دايم فيها الا وجه الله
الجده صيته تمسح دموعها /والنعم بالله وصاتك بعيوني ي خوي لاتشيل هم عيالك عيالي
ابو ماهر /ذا العشم فيك ي ختي اصيله
....................
......................




بيت ابو صالح

ابو صالح /انت انهبلت وش تزوج ورع قاصر
صقر /انا ماقلت بتزوجها انا قلت بملك عليها بس
ام صالح /يمك تعوذ من الشيطان البنت ورع وصغيره وين تملك عليها
صقر /انا جايب المملك اليله واللي براسي بيصير لاتوقف بوجهي ي ابو صالح
ابو صالح/ابوها ماهو موافق ولا اهلها انت انهبلت تبي تمشي الناس على كيفك
صقر /عمي اتركه علي انت بس احظر والباقي مقدور عليه
ابو صالح/يولد اعقل وترك عنك البنت لين تكبر بس سنتين لين توصل 15وبعد خذها
ام صالح /يمك ابوك صادق خل لين تكبر وتفهم العرس وبعده سو اللي تبي
صقر بطولة بال/انتم شفيكم ماتفهمون علي انا ماقلت بتزوجها انا قلت ابي املك بس ملكه والبنت تجلس عند اهلها
ابو صالح/وش معجلك اصبر سنتين صبرت العمر هاذ مانت عجزان عن سنتين
صقر بعصبيه /لاني بربيها ماني مخلي الشوارع تربيها
قام وطلع وسكر الباب
ام صالح وابو صالح مصدومين
ابو صالح/الولد انهبل
ام صالح /الله يعين رح معه تدري بولدك اللي براسه بيسويه بس امها والبنت وش يفهمها المره تحسبها بيتزوجها
ابو صالح/روحي وعلميها قولي بس ملكه مافي عرس وانا بروح اشوف اخوي صقر ماقدر عليه من بين عيالي الله يهديه لنفسه
ام صالح /برسل لها ام منهد انا ماني رايحه
ابو صالح يقوم /كيفكم بس فهمو المره ان بس ملكه بروح اصلي وطلب الله
........……………………
………………………….
بالمسجد بعد ماخلصو صلاه المغرب صقر يكلم عمه لحاله

صقر يحاول يقنعه/ياعمي انا صبرت كثير وماني عجزان عن صبر سنتين انا بس بملك عليها
ابو ماجد /يوليدي ي صقر البنت لك من هي ورع وانت ماسكها وانا ماني رادك عنها وانا عمك بس البنت صغيره خل لين تكبر شوي وابد تعال خذها
صقر بطولة بال /ي عم انا بس ابي املك عليها وهي عندكم لين تكبر وتزوجها
ابو ماجد /خلاص وانا عمك البنت لك ونصيبك سو اللي تبيه
صقر يحب راس عمه/ الله يطول بعمرك ي عمي



بعد المغرب

نهيل /وش يملك عليها البنت ورع ورع حرام عليكم انصحوه كلموه
ام منهد /والله ي عمه كلمناه بس صقر ماحد يقدر عليه اللي براسه يسويه
نهيل /الله يقدر عليه بنتي ماني ملكه لها والله لو اطلع لشيخ وعلمه انها ورع اذا انتم ماتخافون الله هو يخاف الله ومايملك لها
ام مهند /يعمه ملكه بس يمسكها ماهو متزوج
نهيل /ليش والبنت بتطير حتى عيال خالتتها كلن عرف انها لصقر وماسكها ينتضر سنتين مو ذابحته
ام منهد تقوم /ي عمه انا علمتك وحنا مالنا قدره مثلك الله يهديه ويكتب الخير
نهيل /اي خير اللي يجي ورا صقر اي خير حسبي الله ونعم الوكيل
راحت ام مهند وبنفس الوقت جاء ابو ماجد
نهيل /عاجبك اللي بيسويه ولد اخوك عاجبك
ابو ماجد/ماسوى شي
نهيل بعصبيه/وش ماسوى شي بيملك على الورع اللي كبر بناته
ابو ماجد /الرجال صبر ونتضر وبعدين هو بس يبي يملك عليها وملاك مالازم تعرف شي عشان ماتستحي وتنخجل
نهيل /ماهو بكيفك لانت ولا هو تزوج الورع
ابو ماحد يقوم/صكيتي راسي البنت وبتملك وخلاص

راح وخلاها حزينه على حال بنتها وعارفه ان صقر براسه شي بس ماحد يعرف

نهيل تدخل غرفة بناتها يذاكرن
تطالع بملاك اللي نايمه ع بطنها ورافعها رجولها وتذاكره
نهيل تمسح دموعها وتكلم بصوت خافت/مسكينه ي بنتي لو تدرين الله يوقيك عليهم وينصرك ي امك
ملاك ترفع راسها وتطالع امها
ملاك بطفوليه /يومه بكرا ابي مصروف زياده لاني بسوي حفله انا وصديقاتي
امها تطالعها بحنان /طيب ي امك طيب



بمجلس الرجال تمت الملكه والكل بارك والشيخ طبعن قال البنت صغيره ومن هالكلام اقنعوه انها مجرد ملكه وزمان قبل يتم الزواج لعمر 14و15 ذي فرقت عنهم بسنه وملك لهم والشهود ماجد وفالح خوانها ماقدرو يعترضون صقر ولد عمهم ويعرفونه لانوى شي يصير. وفوق ذا رجال والكل يحلف باسمه وراعي مال وحلال ودكتور ومكون نفسه من بين اخوانه لانه ماتزوج وراتبه الضخم كامل له وماعنده احد يصرف عليه. وخوانها فرحانين لها انها مراح تحصل مثله والعمر مايفرق عندهم اما خوان صقر حاولو يكلمونه ويقنعونه بس هو ميبس راسه ومعند اللي يبي لازم يصير وفعلا صار وصارت ملاك بذمته



دخل مازن وشاف امه جالسه وتبكي
مازن/يومه الله يهديك ليش الصياح
نهيل/عاجبك اللي صار اختك الورع ملكه على واحد كبر ابوها
مازن/يومه صقر رجال ومايعيبه شي والله ثم والله لو يشر على اي بنت من قبيلتنا ماحدن ترده يكفي انه دكتور ولد ابو صالح شيخ القبيله ورجال والكل يحلف باسمه والكل يطلب فزعته وكريم وله صيت بالمجالس حتى خوانه الكبار ماوصلو مستواه تحمد ربها ملاك انه من نصيبها
نهيل تطالعه/يخلف الله علي ويخلف الله ع بنيتي مدامك معهم
....................






فهد من رجع من بيت ابو ماهر وكل تفكيره فيها وصورتها ماغابت عن عينه مشتت فكره
بالاجتماع
شرايك ي طويل العمر
ابو ابراهيم/وانا عمك الديره تحتاج ماء وبزياده واهل الحلال يطالبون وانت شرايك وش نسوي
عمه ابو عبدالله/انا اقول نطق لنا كذا مطق ويجي الخير وذا موسم امطار وخير والديره تربع والحلال بيشبع
فهد ابد مو معهم يفكر بشقرها ولا بياضها ولا عيونها ولا خدودها بدون شعور تنهد
فهد/اااااه
ابو ابراهيم /سلامتك ي عمك فيك شيً
فهد انتبه عليهم/احم لا ي عم بس تعبان شوي ناجل الاجتماع


رجع البيت سلم ع جدته وجلس عندها حاول يسالها بس كيف مايدري
الجده صيته/شفيك ي امك بخاطرك كلام
فهد/اي يجده بسالك عن ابو ماهر كم عنده عيال
الجده صيته/ماعنده الا مهره وماهر
فهد /وش كبرها بنته
الجده صيته/عمرها15سنه وماهر10سنين
فهد /كبيره بنته
الجده صيته/لاوالله صغيره ي امك بس من يومها صغيره وعيال عمها يتاذبحون كلن يبييها
فهد حس بضيقه /ليش يتاذبحون لايكون ملاك من السماء
الجده صيته/والله انها تستاهل اللي يتذابح عشانها البنت مزيونه ي امك زينه ماهو بسيط تقول للقمر قوم واجلس مكانك
فهد حاس بضيقه من جابت طاري عيال عمها/تجلس مكان القمر مازودتيها يا يومه
الجده صيته/لاوالله ي امك بلاك ماشفتها اخذه زين جدتها الله يرحمها تذابحو الرجال عشانها كلن يبيها وخذها ولد عمها غصبن على الكل حيرها وخذها وماجابت الا بنتها اللي تطلع ام مهره
فهد/ومها ماهي مثلها
الجده صيته /امها زينه بس ماهي مثل زين امها وبنتها
فهد يقترب من جدته ويحط يده على المركى ويتكلم بصوت هادي /شرايك يا يومه اتذابح معهم
الجده صيته بصدمه /مع منو
فهد /مع عيال عمها
الجده صيته تضحك/واللي يقول لو تعرضين للي بنات حوى وين راح
فهد يرجع ظهره على الحيط وراه قال بينه وبين نفسه لاني شفتها يجدتي وليتني ماشفتها غير عن بنات حوى كلهن ليت قلبي فاضي مثل ماكان
جدته تطالع فيه سرحان ومسكر عيونه مستند على الحيط
الجده صيته /انت شفتها ي ولد
فهد يطالعها مصدوم /هاه ليش تسالين
الجده صيته/اصدقني القول انت شفتها
فهد يطالع بجدته /اي شفتها
الجده صيته/واعجبتك
فهد /اللي اعجبني فيها ان وراها مذابح وانتي تعرفين ولدك وتربيتك يحب الشي اللي في ذبح
الجده صيته /اسمع يامك تراها بنت الغالي كانك تبيها صحيح وماتظلمها تستاهل انك تذبح عشانها
فهد يطالع الجده/بذبح حتى لو وصل الذبح لها هي المهم ان مايخذها غيري وانا ابو عقاب
الجده صيته ماصدقت يفكر بالزواج /كفو ولد ابوك خذها قبل يصير ابوها شي لانه لو صار بابوها شي ماتحق لك عيال عمها اولى وبيحيرونها
فهد/اخذها اخذها بحياة ابوها ولا بموته والحين تصبحين ع خير
قام وحب راسها وراح::
الجده تطالعه لين اختفى عن عينها وطلع من غرفتها تفكر والله انك هويتها ي ولد عقاب
…………………….






انتضرو باقي البارتات

تحياتي(شغف)

رواية ريح المطر

للكاتبة(شغف)….

ادعو(لوالدي بالرحمه والمغفره)
:
:
:
: قالو توادع قلت ي صعب الوداع
وشلون اوادع من معه قلبي وديعه
. (بن هذال )
:

…………………….
./-البارت الخامس /-
.
:
:
:
:
مهره من بعد ماشافت فهد وهي مصدومه وانصدمت اكثر يوم عرفت انه فهد شيخ القبيله ولد عقاب. تفكر معقوله بذا الوسامه يوم تسمع بالشيخ وجبروته وقوته على الناس وكلمته اللي لازم تصيرر. ومايصير بالقبيله شي الا بامر منه. وقاسي لابعد حد. قلبه مافي رحمه والكل يشهد بالشي ذا انه يعاقب الخطاء ولا يرحم احد توقعته ملامحه على قد قسوته توقعت انه كبير بالعمر ولا عمرها فكرت فيه ابد الا بعد ماشافته انصدمت وسيم وجميل لابعد حد عمرها ماشافت رجل بوسامته ولا مجرد بالوصف الا وصف سيدنا يوسف عليه السلام
قطع عليها افكارها صوت ام ماهر

ام ماهر /مهره شفيك الماء ماتشوفينه كيف ضايع
كانت جالسه وسرحانه والماء مغطي الارض مهره/هاااه يومه تعبانه ومانتبهت له
ام ماهر بخوف تجلس عندها/شفيك ي امك فيك شي
مهره تبتسم /لا يالغاليه مافيني شي بس صداع بسيط
ام ماهر تاخذ الماء من يدها/خلاص ياامك روحي ارتاحي انا بكمل الشجر
مهره/لا يومه انا اكملهن
ام ماهر /قلت روحي ارتاحي يلا
وقفت مهره وراحت تبي تريح راسها اللي انفجر من التفكير


…………………………………………….
………………………………….

ملاك /يومه بطلع مع البنات بالعب طفشت ليش ماتخليني اطلع
امل /اي يومه وحرمتيني انا بعد اذا هي صقر مايبي تطلع انا وش دخلني
نهيل /اقول انتي وهي انثبرن اللي تبيكم من البنات تجيكن اجلسن مابي اسمع حس وحده منكن
ملاك بطولة لسان/انتي خايفه منه انا مو خايفه بطلع يعني بطلع
نهيل /قص يقص لسانك ي العوباء. طلعه مافيه فاهمه ويلا روحي عن وجهي
ملاك /والله لاقول لابوي واطلع ليش تحرموني انا وامل والبنات كلهم بالشارع
نهيل بعصبيه /قلت روحي عن وجهي
راحت ملاك للغرفه معصبه وتوعد لاجاء ابوها تعلمه

نهيل/ياربي بتذبحني البنت بعنادها
حصه /يومه
نهيل /هلا ي احلا عروس
حصه /باقي كم عن عرسي
نهيل /باقي شهرين
حصه /خايفه
نهيل/ليش تخافين كل البنات بيعرسن وانا امك
حصه /يومه وفاء ومازن متى عرسهم
نهيل /مالله موفقهم وانا امك ضالمين ومايخافون الله
حصه/يومه عمتي وبناتها مالهن دخل بقرار صقر ومازن ولدك ومابيده شي
نهيل/الا يقدرون ينصحونه ومازن يقدر يقنع ابوك بس كلهم معه ضدي انا وبنتي
..................
..................
—جالس ابو صالح وعياله صقر وصالح يتقهون —

صقر /يوبه ابيك موضوع وابيك تفهمني
ابو صالح /عسى خير ماقلت تفهمني الا وراك شين كبير
صقر/هو من ناحيت كبير كبير
صالح/وش فيك تكلم وش صاير
صقر /رجل الاعمال جاسم بن عليان تعرفه
ابو صالح/اي والنعم فيه
صقر/عطاني بنته
ابو صالح مصدوم/ماقلت له انك ملك
صقر /يدري ويدري انها صغيره قال تزوج بنتي ولين تكبر مرتك وتاخذها عليها والبنت ماراح تعارض وتعرف بالشي ذا قبل الزواج
صالح/وانت موافق
صقر/بسراحه الرجال زوجني بنته قدام الرجال وستحيت لارده وفوق ذا له صيت وتاجر وللي كم سنه بينننا شراكه مافيها شي لاخذت بنته الشرع حلل 4ولا
انا غلطان ي بو صالح
ابو صالح /تبي تفشلنا عند عمك وعياله
صقر /بنتهم وبذمتي وانا ماقدر اصبر سنتين بدون مره ابي اتزوج ولين تكبر يحلها الف حلال
صالح/يوبه ترا صقر معه حق مافيها شي مرته صغيره وتنتضره والشرع حل 4والرجال اللي بكبره عياله معه شف سالم اصغر منه ومعه ولد والثاني جاي لازم يتزوج ويشوف حياته
صقر يطالع صالح ويبتسم /والله ماحد فاهمني غيرك ي ابو حمد
ابو صالح /ماهو بكيفك انت وياه تبي تزوج تزوج بس حرر البنت اللي بذمتك
صقر/اطلقها وهي ورع انت تكلم جد
ابو صالح/اجل تزوج عليها وانت مابعد اخذتها
يوقف صقر /اذا على عمي وعياله انا بكلمهم والزواج قريب احتاج وقفاتك ي بو صالح
ابو صالح /لاتنتضر مني وقفه اخوي يحتاج وقفتي اولى منك
صقر مشى وخلا ابوه وصالح


صالح يحاول يقنع ابوه ماصدق وخوه يفكر بالعرس صالح/يابوي البنت صغير ويبي لها وقت على ماتكبر وماهي بعمره ولاهي حوله ويمكن الله يهديه ويتزوج ويحررها ويرزقها الله بعمرها
ابو صالح /تهقى يابوك يهديه الله ويفك عن هالورع اللي متمسك فيها
صالح /نقول ان شاءالله
ابو صالح/الله كريم بس عمك وعياله
صالح/صقر يعرف لهم مايردونه



وفعلا مثل ماتوقع صالح صقر عرف يقنع عمه وعياله ان البنت صغير وتعب وهي ينتضرها. ويبي له مره والشرع حلل 4ورجال مايعيبه شي ومن الكلام ذا وقتنعو لانهم طمعانين بنسب صقرر ومايبون يخسرونه

انتشر خبر خطبة صقر لبنت جاسم عليان
والناس مصدومه انه فكر بالزواج والكل عارف انه ينتضر ملاك الحين فكرو انه ترك بنت عمه ً وحررها
لاكن اللي مايدرون عنه الناس ان ملاك بذمته وقد ملك عليها
.
.

نهيل بعصبيه دخلت على بيت ام صالح وبناتها اللي جالسات يتقهون ….
ومانصدمن من جيتها لانهم متوقعين انهيارها وماحد يلومها مقهوره ع بنتها …

نهيل منهاره وتبكي/انت وش انتم من بشر ي ام صالح مخططين يومنه ناوي يعرس ليش يملك على البنت ولا بيتملكها وبيروح يعرس والله الملاك اللي يملك له لايطلق بنتي منه ولا لشكي صقر بالمحكمه
ام صالح بتعب /ان قدرتي على صقر ي نهيل سوي اللي تبين لاتحسبيني راضيه باللي يصير بس وش تبينا نسوي
نهيل /ليش وهو مايهمه احد ولا يفكر باحد يحسب الناس على كيفه بنتي ماهي لعبه
ام منهد /تعوذي من الشيطان ي عمه والله والله ان ملاك مثل بنتنا وان ماحنا راضين بس يمكن ربي يهديه لاتزوج يحررها منه وتشوف نصيبها
نهيل /وانا بحتريه لعرس علميه ي مهاء والله ان سوى العرس وعرس ان بنتي ماتحل له واللي يصير يصير
ام صالح /صقر مايتحدا ي نهيل اتركي عنك تحدي وتهدد ترا لا نوى شي يسويه لاتخلينه ينوي يسحب بنتك والله ماحدن يرده
نهيل /ليش الدنياء مافيها قانون ولا محاكم
ام منهد /ي عمه مانبي مشاكل خلاص ذا اللي ربي كاتب لملاك وذا نصيبها
نهيل بصوت باكي وقلب حزين ع بنتها وطفلتها /حسبي الله ونعم الوكيل الله لايسامحه ولا يحلله وعساه مايشوف السعاده
ام صالح /استغفري ي نهيل استغفري ترا اغلا عيالي مهمها قسى
نهيل /عسى يذوق القهر اللي ذقناه منه

راحت نهيل وهي تحسب

ام صالح طاحت على الارض من الضغط
مها وهدى يحاولن يساعدن امهن ويجلسنها
مهاء/وفاء جيبي موياء لامي بسرعه
وفاء /هاذول علامهم امي وش دخلها تصارخ عليها وهي تعبانه
هدى /الله يلوم اللي يلومها
ام صالح /يويلي كان دعت عليه ماهو متوفق
وفاء/مالله مستجيب لهم
هدى/حرام عليك ي وفاء تراها عمتك وام زوجك
وفاء/بعده ماصار زوجي
مهاء /خلاص امي تعبانه مو وقت الكلام



.......................
......................
فهد قرر يتحرك ويريح قلبه اللي معذبه يبيها ومايبيها
يبيها لانها اعجبته ومايبيها لانه خايف عليها من قسوته اللي هو ادرا فيها


فهد /احم احم
الجده صيته/داخل ي بنات فهد بيجي
الكل انصدم وش غير رايها اول تخليهم يرتزن قدامه تبي يتزوج
ام ابراهم /خلي يدخل يومه يتغطن
الجده صيته/اقول داخل يلا داخل
نوف وشوق قامن ودخلن
الجده صيته/تعال يومك تعال مافي الا عماتك
دخل فهد وحب راس جدته /مساكم الله بالخير
الكل /يمسيك بالنور
ام ابراهيم /شلونك ي شيخ فهد
فهد بدون نفس/زين الحمدلله
وجلس عند جدته وتركى معها على المركى وبيده سبحته اللي مكتوب عليها ابو عقاب
مريم متغطيه منه تصب له قهوه وتمد له الفنجال
فهد اخذ الفنجال منها وتقهوا
الجده صيته/شلونك ي امك
فهد/الحمدلله بخير يومه ابيك بموضوع
الجده صيته تطالع بحسنا ومريم وام ابراهيم اللي يتقهون ويسون نفسهم مايسمعونه
الجده صيته/ماسمعتم الرجال وش يقول
ام ابراهيم /لاوالله مانتبهنا امر ي شيخ فهد
فهد بعصبيه من تصرفاتها /قلت تشوفين ذاك الباب
ياشر على الباب بيده اللي فيها سبحته
ام ابراهيم وحسنا ومريم مصدومات يطالعن الباب
كمل فهد / اطلعن معه
ام ابراهيم /ابشر ي عمتك ابشر
وحسنا ومريم طلعن بدون صوت
حسناء تكلم برا/هذا علامه شايف نفسه
مريم/ يحق له شفتي زينه يالله تكتب من نصيب شوق
حسنا/والله اني لاشفت عصبيته ماودي ازوجه بنتي
مريم /اللي يسمعك يقول خاطبها
ام ابراهيم اللي جتهم / هيب ي وجهه شفتو كيف ينفخ مايحترم احد
حسنا /اي والله مايعرف يحترم لازم اعلم عمه ابو عبدالله يعلمه يحترمنا حنا عماته بمقام امه
ام ابراهيم /اي والله
…..

عند الجده صيته
الجده صيته تضحك/زين تسوي فيهن
فهد يطالع جدته/ ماعلينا منهن انا جايك بموضوع
الجده صيته/ امر يمك وش الموضوع
فهد بتردد / يومه انا….
وسكت
الجده صيته/افا وش فيك يومك وش اللي رادك عن الهرج
فهد /يومه ماردني شي عن الهرج لاكن انا افكر اخطب بنت اخوك ومتردد
الجده صيته/وش اللي يخليك تردد عيال عمها
فهد يطالعها بعصبيه/انتي تعرفيني يا يومه عدل مايردني احد عن الشي اللي ابيه
الجده صيته/اجل وش رادك
فهد بصراحه /يومه نفسي اللي رادتني انا قاسي وماتحمل الحريم وخايف اخذ البنت واظلمها
الجده صيته/ي امك اذا انت ماتقدر على نفسك وعصبيتك اي بالله لاتظلم البنت تراها بنت اخوي الغالي. خلها لعيال عمها وانت الله يرزقك بوحده تعرف لك
فهد /يومه انا اذا بفكر بالعرس مابي غيرها وعيال عمها مايستاهلونها
الجده صيته تحط عينها بعينه /اجل انت اللي تستاهلها
فهد /خايف عليها مني
الجده صيته /يمك انت تقوله الحين بس لاشفت مبسمها وزولها وانا امك تنسى العصبيه
جت باله ملامحها وزولها فهد/خير ان شاءالله
الجده صيته/صل الاستخاره يمك وانا بدعي لك
فهد قام وحب راسها /ان شاءالله تصبحين ع خير

وراح وهي تدعي له ان الله يوفقه ويرزقه ويهديه
:
:




تحياتي (شغف)