مساءالخير جمعاً …اخباركم
بنزل لكم كم بارت دسم وراح اكمل الباقي بروقان من يجهز نزلتهم على طول …

….تفضلو….

~
~
~
~
~
~



رواية ريح المطر
-/البارت الثامن والثمانون /-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


بالسعوديه ….قبل بساعتين …

مهره رجعت جناحها بتعب و ارهاق جسدي
من بعد ماغسلت وساعدت الخدم بتنظيف
ورفضت مساعدة انوار ونوف الحوامل رحمت حالهم

دخلت وهي مازالت بكشختها اللي ما تغيرت حتى مع الشغل وقفت وهي تشوف فهد طالع من الحمام وهو لابس روب الاستحمام وشعره مبلول واضح جاي قبلها بوقت وقف يطالع فيها مبهور من الجسد الدقيق ومن فيس الوجه الجميل

اقتربت وهي تسال من غير نفس/ تبي شاي اجيب لك ؟!
فهد رفع حاجبه ونبرة صوتها مادخلت راسه / لا شربت بالمجلس الا انتي ليش توك ترجعين ؟!
مهره تنهدت بتعب /كنت اشتغل مع الخدم وتو خلصت شغلي
فهد يطالع بتفاصيل وجها/ ليش الخدم ما يكفون عشان تشتغلين انتي ؟!
مهره ترفع كتوفها/ ماقدرو يلحقون على الزحمه وضغط الشغل
فهد اقترب لها ورفع اطراف اصابعه ومسح على خدها بحنو /اجيب خدم زياده ولا عاد اشوفك داخله المطبخ مره ثانيه

مهره تبعد شيح بوجها مبتعده عن اصابعه وهي تهتف بتقصد / اشوفك مهتم ؟!
فهد نزل يده و رفع جابه باستغراب / وليش ما اهتم مانتي زوجتي ؟!
مهره غارت عيونها بالدموع ومدت يدها من غير
مقدمات / فهد عطني جوالك بشوفه؟!
فهد صدم من طلبها وجه حمر من الغضب/ انتي شفيك كل يوم والثاني جايبه للي موال جديد الجوال ومن البارح بيدك تنفضين فيه؟
ثم انحنى لها وحط عينه بعينه بحده /الا اذا انتي تصيدين المشاكل وتدورين الزله علميني ترا ماني قليل شر

مهره تحاول تماسك لا تبكي بس ماقدرت تحكم بدموعها اللي نزلت على خدها المورد بالغيرة
فهد من شاف دموعها ضاقت فيه الدنيا مايبيها تضعف ضعفها يذبحه من الوريد للوريد تنهد وهو ياشر على السرير/جوالي هناك روحي اشبعي فيه

و صد عنها متجه لغرفة الملابس لبس له بجامه نوم
ورجع للغرفه وعقد حواجبه من وجه مهره اللي متفجر بالحمار وهي تنتفض وبيدها جواله وتصرخ فيه/طلع بينكم تواصل وانت تحذف المحادثات ماتبي اشوفها تخوني انا يا فهد انا ؟؟

فهد اقترب لها وهو ثاير ثوران رجولي وصفعها على خدها بقوه و مهره رجفت من صفعته و رمت الجوال على السرير وراحت تركض لحمام باكيه
وهو شد على كفه بقهر لين ابيضت اصابعه /الله يلعنك ويلعن كفي معك

انحنى واخذ الجوال فتحه وانصدم من الرساله المكتوبه…؟ (فهد دقيت عليك كذا مره ولا رديت خوفي عليك يتزايد كلمت امي وجدتي وقالو للي انك بخير والله و بغلاتك عندي كنت ناويه ارجع على اقرب طايرة لسعوديه الدراسه ماهي اهم منك ياولد عمي الحمدالله على السلامه ..شوق..)

فهد رمى الجوال بالارض وطاه برجله حتى تهشم
جلس على طرف السرير وشبك يديه بعض وهو ينتفض من الغضب وكل مايدور باله…( مهره تتهمني بالخيانه ولو شافت الرساله مالها حق مالها حق تتهمني وانا رجال ماشي طريق الصح ولا سويت الحركات وانا مراهق كيف بسويها وانا متزوج كيف)
_________________________________

بدبي ….

وخيراً انفتح باب الجناح ودخل صقر بثبات وثقة؟!!

الكل لف لجهته با رتباك ورعب وكانت الصدمه انه راجع سليم ويناظر فيهم بغرور و يهتف بسلام
مازن اقترب له بتسال وخوف /صقر وين كنت من اليوم ندق عليك جوالك مسكر خفنا يكون صاير فيك شي ؟
صقر مارد عليه طنشه و مازن استغرب منه وهو يطالع ملاك يبيها تكلم و هي تطالع بصقر بتفحص وهتفت بتسال حاد / صقر وين كنت؟!
صقر عطاها نظره حارقة ثم رد من غير نفس /ماهو شغلك

ملاك صمتت بخوف من شكله ومن عيونه الحمرا
مازن اقترب له يحاول يشم ريحته من شاف عيونه حمرا شك انه شارب وصقر فهم عليه وهو يسحبه مع جيبه بعنف / احسن تعال حط خشمك بفمي عشان تشم عدل
مازن بحرج /ماهو قصدي بس
صقر هزه بقسوه وهو يصرخ فيه بمقاطعه / اص ولا ماسويتها وانا مراهق اسويها وانا بهالعمر يا مازن؟

مازن حس بحرج منه فعلا صقر معروف برزانته
و برجولته كيف يشك فيه بس عيونه وغضبه خلاه غصب يوسوس و ملاك تقدمت وهي ترد بغضب رقيق/ واللي بهالعمر يواعد ممرضته ويطلع معها من العصر للفجر؟

صقر دف مازن عن وجه وتقدم لملاك وعيونه تقدح باشرار/ اذا انتي بنت طالب عيدي كلامك ؟!
ملاك تحط عينها بعينه بتحدى / تواعد ممرضه معك من العصر للفجر وش كنت تسوي معها كل هالوقت ؟!
صقر رفع يده من غير تردد وناوي على صفها بس مازن اللي كان واقف وراه مسك كفه برجا عميق /لا يا صقر تكفى لا تضربها

ملاك انتفض جسدها وهي تصرخ بجزع / بتضربني يالخاين طلقيني طلقني انت خاين خاين
مازن اقترب لها و يضمها على صدره /ملاك اهدي هدي
ملاك ضمت مازن وهي تدفن وجها بصدره و تحاول تخفي عيونها اللي غارت بالدموع وهي تحاول مثل كل مره ماتبكي ماتبكي قدام احد …

مازن شد احتضانها باخوه حانيه وصقر اشتعل بالغيرة وهو يشوفها حاضنه مازن و دافنه وجها بصدره
(كان المفروض تدفن وجها بصدري انا وبس )
لف وجهه عنهم وعصر جبينه بطراف اصابعه
و يحاول يبعد النظر عنها وعنه مايبي ينفعل اكثر عشان ما يهدم الجناح فوق راسها هي واخوها ..

وفا كانت سعيدة باللي صار صح انها كانت ناويه خطه غير هالخطه بس خروج صقر من الجناح و غيرة ملاك
خلتها تستغل الفرصه صح وتشب النار بينهم بعيد عنها

مازن همس لملاك بتهدئه /هدي وانا اخوك وتعوذي من الشيطان
ملاك ابعد من صدره وهي تكلم بصوت مخنوق/ احجز للي يا مازن الحين الحين برجع بيتنا
صقر انتفض و لف لها بحده / مافي حجز ولا فيه رجعه مكانك عندي هنيه
ملاك توجه نظرها له بتوعد / الوعد بالمحكمه ياصقر بالمحكمه
صقر اقترب لها ومازن وقف بوجه /تراها بشاربك تفكها من شرك لين تهدا انت وتفاهم معها

ملاك صرخت بزفرة /ماني بشارب احد ولاني بخايفه منه يبي يضرب خل يضرب ويبرد قلبه قبل الطلاق

صقر سحب له نفس وهو يستعيذ بالله من الشيطان الرجيم وهتف لمازن بامر /خذ وفا ورح جناحكم
مازن بطلب هادي/خل اخذها معي لين تهدا
صقر برفض صارم /لا طبعاً ما تاخذها معك
ملاك بعناد /مازن انتظرني بالبس وطلع معك

صقر واصل حده من عنادها ومن شوفتها اللي تهزه حتى وهو معصب و هتف بتهديد عميق /كان تبين سلامة اخوك وسلامتك امسكي ارضك تراها واصله معي اليله لا قتل للي قتيل من تحت راسك
مازن طالع ملاك برجا/خليك يا ملاك والصباح رباح

ملاك استجابت له وهي تجلس على الاريكه وهي فعلا خافت على نفسها وعلى اخوها من جنون صقر
مازن اخذ وفا وطلع من الجناح وقلبه يغلي على اخته اللي جلست عند المتوحش لحالها

صقر اخذ فوطته واتجه لحمام اخذ له شاور بارد سريع يحاول يهدي من اعصابه المشتعله طلع شافها على حالها جالسه على الاريكه وتهز رجلها بغيرة وغضب

كان يبي ياخذ لبس من الكبت بس وقفه صوتها السليط / ليش تاخذ لك شاور كان خليت ريحتها معلقه بصدرك ؟
صقر لف لها بنظرة خبيثه وهتف بخبث اعمق /وش للي بريحه وراعيها ماهو موجود
ملاك فار دمها وهي توقف / صدق مانت وجه حلال رحت و شبعت من الحرام ؟
صقر اقترب لها و انحنى وهو يهتف من بين
اسنانه وعيونه بعيونها/ انتي تعرفين الحلال لونك تعرفينه ما حديتي رجلك على الحرام
____________________________

فهد كان جالس على السرير وهو وينتظرها تطلع
من الحمام تاخرت كثير …و اخيراً طلعت و عليها بجامه بالون العنابي من بعد ماخذت لها شاور وجففت شعرها بالمجفف اللي بالحمام ولبست

تقدمت من غير لا تنظر فيه تبي تروح لجهتها من لسرير وقفها صوت فهد اللي وقف وراها وهتف بصرامه /مهره اوقفي واسمعيني عدل

وقفت وفهد كمل كلامه بذات الصرامه /انا ماسمح لك تتهميني بالخيانه انا رجال و اعرف الصح من الغلط
و ماسويت الحركات هاذي بسن المراهقه كيف وانا متزوج و اذا انتي ماتعرفيني من مبطي غيرك يعرفني اللي ما ارضاه على محارمي ماني براضيه على بنات الناس عاد كيف بشوق بنت عمي لحمي ودمي ؟؟

مهره لفت له وحطت عينها بعينه/ خذها يا فهد بالحلال عليك بالعافيه
فهد اقترب لها وهتف بحزم / لو باخذها اخذتها ما انتظرت رضاك

مهره تهتف برجا عميق / ارجوك انا تعبانه من الكرف والشغل ابي انام ورتاح مابي اتناقش معك ابد ولا ابي تقرب للي وانا اوعدك ماراح ادخل فيك حتى ولو شفتك بالبشت و جايبها بجناحك ما همني انا ابي بس تكف يدك عني كفها يافهد ترا اللي جاني منك ماهو قليل شفت الموت بعيوني

فهد ضاق من كلامها وهو ياشر لها تروح / روحي نامي و بكرا نتفاهم
مهره تبتعد وهي تهتف بحده /مابينا تفاهم

فهد اتجه لمكانه من السرير ويتمدد معطيها ظهره وهي معطيته ظهرها والكل كان بعالم ثاني ويفكر باللي صار هو مقهور منها و اتهامها له وهي مقهوره منه ومن مدت يده لها …

___________________________________

ملاك طارت عيونها فيه و كبدها قلبت فجئه من قو الصدمه يعترف لها بخيانته ويتهمها بالسبب عجزت عن الكلام وهي تركض للحمام و تستفرغ كل اللي بطنها صقر لحقها بخوف وقف وراها شافها منحنيه على المغسله و تستفرغ
عض على لسانه بندم الحين كيف يغير نظرتها
له و مهمها رقع لها مستحيل يقنعها انه كان يبي يغيظها ويحرك غيرتها لاكثر

ملاك غسلت وجها وسحبت الفوطه بيدها و تنشفته وطلعت وهي تجاوزه من غير نقاش وهو طلع وراها وراح يلبس له شورت وشافها تمدد على الاريكه
وهو راح على السرير وحط راسها على المخده وكل تفكيرة … (لا زم اتكلم معها قبل ضو النهار هاذي شرود ورح تشرد مني ولا اقدر اكلمها بعدين )

قام من السرير وهو يسمع صوت اذان الفجر
اقترب وجلس على طرف الاريكه اللي ملاك كانت متمدده عليها وهي فتحت عيونها من حست بالثقل بجوارها شافت عيونه فيها كلام وندم لفت عنه وهي تهتف بامر رقيق/ صقر مابي اسمع منك ولا كلمه ولا حرف

صقر يناظر فيها و يهتف بخفوت / والله والذي نادا له المنادي لصلاة ان ماقبلت اي حرمه من طلعت منك لين رجعت لعندك
ملاك سكرت عيونها وهو كمل كلامه بثقة / الله يجعل سيارتي تروح علي طحين كاني لمست غيرك ولا غير اميرة احد ابك انا رجال مارحت للحرام وانا عازم تبين اروح وانا شايب ملاك والله انها عيب بحقك وبحقي تتهميني بقلة المروه

ملاك تعتدل جالسه وتحط عينها بعينه / والعنود وش كانت تسوي معك ؟!
صقر يرفع كتوفه باستغراب / ومن قالك اني شفت العنود انا بدبي والعنود بالسعوديه مداومة وش جابنا لبعض ؟!
ملاك عقدت حواجبها بتشكيك / العنود ماهي هنيه بدبي ؟؟!
صقر يرد بثقه واضحه/ لا مداومة انا متواصل اليوم مع زميلي منيف بدوام ومكلفه هو والعنود على المرضى كيف تقولين هنيه ؟!

ملاك بنفسها تلعن وفا وهي فهمت الحين كيف لعبتها صح ولاكنها صمتت خجلت تقول لصقر ان كلام اخته المريضه اثار غيرتها ماتبي تقلل من عقلها وتفكيرها قدامه و لفت له بغيظ/كنت بتمد يدك علي مره ثانيه قدامهم تبي تنزل من كرامتي وقدري ؟
صقر تنهد بضيقه/ انتي اللي جبرتيني بصراخك وعنادك
ملاك بتوعد / مهمها قلت و مهمها بررت ماراح اجلس عندك ابي اقرب طيارة لسعوديه

صقر اقترب لها زاحف / ملاك لا تزيدين الجفى بيني وبينك ارحميني ترا ماوصلنا لكل هذا الا حركتك العصر معي
ملاك ترفع حاجبها/ وش هي الحركه اللي تستاهل انك تسوي فيني كل هذا اول شي تطلع من غير لا تفكر فيني وثاني شي تجي و تهين فيني قدام اخوي واختك
صقر قام وحب راسها/ هذي حبه على الراس وانا اسف واذا تبين احبه قدامهم حبيته ولا احد همني الا انتي وبس

ملاك تصد بوجها عنه بصمت/….
وصقر يرجع يجلس و يمسح على ظهرها بحنو /ارضي هالمره ووعدك ماراح تكرر ولا راح امد يدي عليك قدام احد
ملاك تطالع فيه بنص عين/ بس لحالنا تمدها عادي
صقر ابتسم نص ابتسامه / لا حشى حتى ولحالنا تنكسر و لا راح امدها

ملاك تحط رجل على رجل / ابي ارضاوه طيبه
صقر مقاوم حركاتها المثيره و سحبها لحضنه وهو يرد بعشق / انتي تامرين على رقبة صقر رضاوه لك

ملاك دفنت وجها بصدره بصمت وهي تشعر بامان كانت بتموت من الغيرة وهي تخيل وحده غيرها تنام بحضنه وتشم ريحته ولاكن حلفه بالله خلاها تصدق كلامه من غير تردد

صقر شد احتضانها وهو يهمس لها بتهديد /لو اشوفك مره ثانيه حاضنه مازن كسرت ضلوعه
ملاك رفعت راسها من صدره وبعده انفجرت بضحك غريب وهو استغرب من ضحكها وسال /شفيك جنيتي !؟

هي تضحك وتضحك لين غرق وجها بدموع
صقر مازال مستغرب وهو يشوف وجها كيف حمر من شدت الضحك صقر هتف ببتسامه / ملاك شفيك ؟
ملاك تاخذ نفس و تمسح وجها بكفوفها / اضحك من شكل مازن وهو يشم ريحتك
صقر ضحك بارهاق/ مخبول اخوك حتى تفكيرة مدري كيف جاي
ملاك تطالع فيه / حدك عاد يكفي اللي سويته فيه خله بحاله
صقر قام واقف / يا بنت انا وين وتفكيره وين المهم ماعلينا منه بقوم اصلي وتعالي خلي ننام حدي نعسان وتعبان
_______________________________

يوم جديد…

فهد مد يده بثقل وهو ياخذ ساعته اللي كانت على الطاولة من جنبه قفز واقف وهو يشوف مابقى على صلاة الظهر الا ساعه زفر بغضب /هذي وينها ليش ما صحتني ؟

اخذ له شاور سريع سريع ولبس له ثوب وشماغ ويده مازالت مربوطه برقبه اتجه لجناح جدته طق الباب طقتين وتنحنح / احم ام عقاب
الجدة صيته بترحيب /ارحب يامك تراحيب المطر
دخل فهد وهو يشوف ام ماهر ومهره عندها حب على راسها/يمسيك بالخير
الجدة صيته ترد بموده/يمسيك بالنور
جلس فهد جوار جدته مقابل لمهره اللي تصدد بوجها عنه من دخل وام ماهر تساله بهتمام/شلونك يابو عقاب عساك طيب
فهد يرد عليها بهدو / طيب الحمدلله
الجدة صيته بتسال/يامك ليش توك تصحى النوم كثرته ماهي بزينه لصحتك
فهد تنهد وعيونه لجدته/ من التعب و الارهاق
ام ماهر بهدو /اي بالله صادق امس ناس وزحمه مارتحت لك حتى ساعه

الجدة صيته تطالع بمهره اللي تفرك يديها بعض وزفرت عليها / هو ورا ما تقومين تقهوين رجلك؟
مهره ناظرت بفهد اللي حط عينه بعينها و يناظرها تبادلو نظرات العتاب لثواني وبعده قامت واقفه وصوت فهد الثقيل يامرها تجلس/ اجلسي لاتصبين مابي قهوه
الجدة صيته ما اخفاها نظراتهم وهي تهتف
بتسال/ وليش ماتبيها تصب لك زعلان عليها ولا هي زعلانه عيك؟

فهد رد بحزم / لاهي زعلانه علي ولا انا بزعلان عليها
مهره جلست و هتفت بنبرة مخنوقه / وليش ماتقول لهم الصدق ولا ماتبيهم يعرفون انك مديت يدك علي

فهد وقف بشتعال / خلهم يعرفون ماني بخايف من احد حتى ولو وطيت على رقبتك
الجدة صيته تقوم واقفه هي بعد / وليش تمد يدك عليها هذي وهي راكضه بضيوفك البارح لين تكسرت عضيماتها ما رحمتها جيت وكملت عليها؟
فهد بصوت صارم / البنت اللي ما تحشم زوجها مالها حشيمه عنده
الجدة صيته لفت لمهره بصدمه / هو انتي وش مسويه مع رجلك ؟؟

مهره انهارت بالبكى /اسالوه انا اللي سويت ولا هو اللي سوا وانا اصلا متحمله منه فوق طاقتي
ام ماهر تكلمها بحرج /ماله داعي هالكلام
مهره تلف لامها بكى يقطع القلب/ ليش ماله داعي انتم تعرفون شي بينا ماتعرفون وانا ساكته ولا اشكي بس لا هنيه وبس

الجدة صيته تطالع فهد اللي عيونه على مهره وعروق رقبته بارزة من الغضب وهي تساله / فهد مرتك علامها وش انت مزعلها فيه ؟
فهد شاد على كفه / والله يا ام عقاب اني ماسك نفسي عنها بالقوه سكتيها لا سكتها انا بطريقتي
مهره قامت واقفه / انا ابي الطلاق يا فهد مدام مابينا عيال ربطونا بعض خل كل واحد يروح بحال سبيله

ام ماهر وقفت بجوارها بخوف من اخرت كلامها
والجدة صيته مسكت كف فهد بكفها خوفن انه يهجم عليها ولاكنه رد بهدو صادم/ اكسري الشر يابنت وتركي عنك الكلام اللي ماله داعي
مهره مازالت تبكي وام ماهر تحضنها /بس يامك قطعتي قلبي عليك

الجدة صيته تهمس لفهد بتهدئه لانها تحس كفه تنتفض بين كفها من الغضب لاكنه يحاول يمسك نفسه/تراها يتيمه وتعبانه ارحم حالها عشان ربك يرحم حالك

فهد حن عليها فعلا شكلها وهي تبكي لحاله يقطع القلب وزاده كلام جدته وشكل امها اللي تحضنها

دخل ماهر وشنطته معلقه على كتفه توه جاي من المدرسه انصدم وهو يشوف امه حاضنه مهره وهي تبكي تقدم بتسال وخوف/مهره شفيك تبكين ؟!!
مهره رفعت راسها من حضن امها ومسحت عيونها بكفوف يدها الصغيرة / ما فيني شي يا ماهر بس تعبانه
ماهر رمى شنطته بالارض و لف لفهد بقهر اخوي / انت ماتخاف ربك من اخذتها ماشفت على وجها الفرحه كل يوم وهي تبكي ودموعها على خدها ياخي طلقها وفكها من شرك !!

فهد جن جنونه وهو يشوف ورع يصارخ ويامر عليه تقدم له بدون رحمه وناوي عليه بشر وقفته كفوف مهره الناعمه اللي مسكت بكفه الخشنه وسحبته وهي توقف بوجه برجا / فهد لا حفلتك بالله لا تلمسه
فهد شد بكفه على كفوفها بقوه حتى حست اصابعها تحطمت و انتفضت من الالم بس عندها تحمل الالم الجسد ولا تحمل الم القلب لو حطمه على شقيقها،،

فهد صرخ على ماهر بصوت غاضب / ترفع صوتك قدامي وجهي يا لبزر ؟!
ماهر ينتفض من الخوف ولا رد /…
وفهد اكمل بذات الصراخ الاعمق ومهره مازالت شاده كفه واقفه بوجه/ لا تحسب اختك بتفكك مني ترا اكسر راسك وراسها معك
الجدة صيته تدخل بحزم / خلاص يا فهد هبلت بالولد

ام ماهر كانت صامته وعيونها على ولدها اللي غارت عيونه بدموع و فهد نفض كفه من كفوف مهره
و مازال غاضب ويرد على جدة بحزم بالغ/ ماهو بس هبله الا اذبحه وانثر دمه وعلمه كيف يثمن كلامه مع الرجاجيل

مهره تطالع ماهر اللي انفجر بالبكى بخوف وهي ترفع نفسها على اطراف اصابع رجلها عشان توصل لطول فهد وتهمس عند اذنه بنبرة قاتله /وغلاة مهره عندك اذا لها غلاة لا تقهرها اكثر على اخوها

فهد انتفض من انفاسها الهامسه ولف يطالع بعيونها الناعسه الغارقة بدموع وتنظر له نظرات رجا نظرات لينت قلبه القاسي تنهد وهو يسمع بكى ماهر ابتعد منها واقترب له سحبه بقوه وحضنه ماهر زاد بالبكى على صدره والكل دمعت عينه من منظره الضعيف
وام ماهر والجدة صيته مستغربات من همس مهره الغريب اللي امتص غضب فهد فجئه وخلاها يحتوي ماهر و يمسح على ظهره ويتكلم معه بخفوت/ افا يابو ناصر الدموع للحريم ماهي لك الرجال ينقال لهم اكثر من كذا ويتحملون

ماهر يبعد من حضنه ويمسح وجه بحرج / انا اسف والله ماكن قصدي الكلام اللي طلع مني بس قهري على اختي خلاني اتكلم من غير حق

فهد كسر خاطره هو و اخته كل واحد يحامي على الثاني ومقدمه حتى على روحه حب خشمه على خشم ماهر / ابشر بالحق انت واختك
الجدة صيته تبتسم / عاد اطلبو شين كبير عشان ما يقوى على زعلكم مره ثانيه
ام ماهر تمسح دموعها / عزالله ماهو مقصر ابو عقاب مهره مرته وماهر اخوه وماحصل الا الخير

مهره كانت عيونها على ماهر وبس مايقوى قلبها على جرحه و فهد ابتعد منه وهو يرد بثبات / يبشرون باللي يرضيهم
الجدة صيته تهز راسها برضا/ الله يكبر قدرك يا امك
فهد يتجه لباب ويطلع بصمت/….

من طلع فهد وماهر يجلس على الاريكه ومهره تجلس عنده وتحضنه بحنيه وام ماهر تجلس مجاور للجدة صيته اللي تطالع مهره وتهتف بتقصد/ والله وطلعت الوشوشة وراها نتيجه ؟!
مهره حمرت خدودها بحرج والجدة صيته تبتسم وتكمل / الا وش قلتي له خليتيه يهجد شياطينه عنا
مهره تنحنح بخجل / سر بيني وبينه
ام ماهر والجدة صيته تبادلو النظرات و ضحكو
و ماهر سال بحسن نيه /وشو السر اللي بينكم؟
مهره كحت وماهي عارفه وش ترد عليه والجدة صيته ترد بتقصد وهي مازالت تبتسم / سر وخلاص اهم شي هالسر نجاك من فهد وعصبيته
____________________________

من بعد الغدا …

دخلت مهره جناحها وهي تحاول ما تلتقي عينها
بعين فهد لانها غاضبه منه بالحيل الحيل
هالمره تجاوز الحدود معها وبذات مع اخوها الوحيد كان يبي يضربه قدامها وقدام امها الضعيفه لا هنيه وبس الا شقيقها الا شقيق روحها خط احمر…

فهد من بعد مارجع من الصلاه وهو جالس على الاريكه وماهو اقل منها غضب و كان رامي شماغه بجواره وشعره الاسود نازل منه خصل على جبينه من شافها دخلت وعليها قميص حرير بالون الاورنجي نص كم على بياضها وبياض يديها و تضوي ضوي
طالع فيها و عرف من ملامح وجها المحمر الغيظ

مهره تجاوزته بتروح لحمام وهو يوقف بحزم / مهره
مهره وقفت وردت من غير لاتنظر فيه/نعم
فهد اقترب لها ومسك كتفها ولفها له بعصبيه/ لا كلمتك تحطين عينك بعيني فاهمه ؟
مهره حطت عينه بعينه شافته مازال ثاير بالعصبيه وهتفت بصوت موجع /فهد دخيلك حل عني اللي فيني مكفيني

فهد انتفض من نبرة صوتها وعيونه تنظر لوجها
حتى وهي غاضبه فاتنه و ارتخت يده من على كتفها اللي كان شاده عليه / انا بفهم انتي وش تبين بضبط ؟
مهره صمتت ماقدرت تكلم لانها لو تكلمت راح تنفجر بالبكى وهي بكت كثير اليوم /….
فهد سحب له نفس و هتف بامر هادي / تعالي اجلسي وخلي افهم وش اللي انتي تبينه

مهره تجاوزته واجلست على الاريكه بجوار شماغه المرميه وفهد مازال واقف وعاض على شفايفه يحاول يتماسك لف وراح لها جلس قبالها وعيونه عليها وهي منزله راسها وتحاول تجمع افكارها مر من الوقت دقايق وماحد تكلم و فهد من بدا بتسال/ مطوله وانتي ساكته ؟!
مهره رفعت عينها له وتكلمت بهدو / فهد انا عمري قصرت معك بشي؟!
فهد بلل شفايفه بحركه عفويه / لا
مهره خنقتها العبرة / اجل ليش تواصل معها بالجوال من وراي ليش مهتم فيها وهي مهتمه فيك بفهم انا وش اكون بحياتك بضبط؟

فهد كان يطالع فيها وهي تكلم وترجف شفايفها من الغيرة وتحاول تحكم بدموعها اللي تخونها كل عاده
سحب له نفس وتكلم بصرامه / تكونين زوجتي هذا اول شي ثاني شي وش يقنعك ان اهتمامي فيها مجرد اهتمام اخو با اخته شوق ونوف حسبت خواتي وتواصل احلف لك بالله اللي ماقد حلفت فيه باطل عمري ماتواصلت مع ولا وحده فيهم بالجوال

مهره تمسح على شعرها البني وترفع على جمب / بس هي وامها كذا مره قالو للي ان بينكم تواصل!؟
فهد وقف بغضب /احلف لك بالله وتقولين هي وامها قالو لك اذا انتي مقتنعه بكلامهن خليك على اقتناعك
مهره وقفت هي بعد / فهد اذا انت ناو ي تزوجها طلقني قبل

فهد مدهوش منها يتكلم هو يمين يروح عقلها هي يسار سكر عيونه ورجع فتحها ورد عليها من غير
نفس / حاظر
مهره صدمت من رده وهي تسال بغيرة/ افهم انك ناوي تزوجها ؟

فهد شطفها متجاوزها يبي ياخذ شماغه اللي بجوارها ماعاد هو قادر يتناقش مع عقلها الصغير بنسبه له مهره لفت له بغيرة ومسكت بظهره /فهد رد علي ؟؟

هو كان منحني ورفع شماغه بيده ومن حس بيديها تمسك بظهره رمى الشماغ ولف لها وسحبها مع
صدرها / انتي تبين اكسر لك يدك ؟

مهره صدرها يرتفع وينزل بين يديه وعيونه مركزه بعيونه و فهد حس بحراره من نظراتها الاسعه له ولف وجهه عنها وهو مازال شاد على صدرها ورجع نظره لها وهي مازالت مركزه النظر فيه بادلها النظرات حتى حس انه عاجز عن مقاومتها من كانت بجناح جدته وهو يتماسك بس الان عجز عجز انحنى من غير شعور وحط شفايفه على شفايفها و سحب صدرها له وكانه يبي يجذبها بين صدره العريض من ارتوى منها و ارواها هي بعد ابتعد واخذ شماغه وطلع من الجناح كله
_______________________________


-/البارت التاسع والثمانون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


بدبي ….

ملاك فتحت عيونها و مدت يديها تمغط وبعده ابعدت قذلتها السودا اللي منثوره على بشرتها الشفافه
و لفت على يسار و قطبت حواجبها بستغراب وهي تشوف صقر غرقان بالنوم (معقوله قد رجع من شغله و انا نيمه و لا لايكون نسى ينبه الجوال)
حطت يدها على فمها بشهقه وهي تقترب و تنحنى على جمبها وتهز كتفه بندا /صقر صقر

صقر افتح عيونه بارهاق وهو يشوف ملامحها الفاتنه قدام وجه و تساله بصوت ناعس /صقر انت مارحت الشغل؟
صقر اعتدل جالس وظهره لظهر السرير / لا اليوم تعبان و بريح
ملاك مازالت منحنيه على جمبها / ليش شفيك
صقر رفع كفه وحطها على شعرها ومسح عليه
بهداوه / فيني حراره
ملاك اعتدلت جالسه وهي تحط كفها على جبينه برائة / لا مافيك حراره
صقر ابتسم من براتها / حراره جسديه وش يعرفك فيها انتي بزر ؟

ملاك فتحت عيونها على الاخر وهي تو تستوعب مقصده ضحك من شكلها قامت من السرير وراحت لحمام من غير لا تعلق على كلامه وضحكه
وهو هز راسه باسا منها وهو مازال مبتسم قام وجلس على الاريكه ينتظرها تطلع من الحمام عشان يدخل بعدها شويات وطلعت هي من بعد مانشفت وجها شافته جالس اقتربت وجلس بالاريكه المنفرده بصمت و صقر قام وهو يتجه لحمام ويهتف
لها / اجهزي بنطلع نتغدا

من دخل الحمام قامت وبدلت على السريع ولبست لها بنطلون لاقنز اسود وتيشيرت ابيض ولبست عباتها
وهي تسمعه يطلع من الحمام ويتجه للكبت
ويطلع له بنطلون بيج وتيشيرت بني غامق ويلبسه ويتجه لطاولة اللي عند السرير وياخذ جواله ويحطه بالمخباه و ساعته يلبسها وهو متجه لملاك وعيونه عليها وهي تربط حبل جزماتها الابيض السبورت وشعرها متناثر على رقبتها

صقر يسكر ساعته وعيونه عليها / وش مشتيه غدا ؟
ملاك ترفع راسها له وهي مازالت تربط حبال
الجزمه /عادي اي شي
صقر تقدم وانحنى مبعد خصل الشعر المتمرده على اطراف خدها وهتف بحنو بالغ / اطلبي يا ملاك اللي تشتهينه
ملاك ابتسمت وهي ترفع حاجبها بتذكر / ابي باسكن روبنز
صقر ابتعد برفض / لا بارد مافي يضر صحتك
ملاك تقوم وهي تلبس شالها / طيب مو اليوم بعد يومين
صقر معطيها ظهره وابتسم من عفويتها / طيب بعد يومين
ملاك لبست نقابها وهي اقترب له بتسال/ مازن وفا بيروحون معنا ؟!
صقر يتجه لباب /لا غداهم يوصلهم لجناحهم
____________________________________

السعوديه من بعد المغرب …

بيت نهيل كانت جالسه قدامها القهوه والشاي وتابع التلفزيون شوي وجت لها امل /يومه مازن متى بيرجع عشان اكمل تجهيز اغراضي
نهيل تبتسم / وش فيك مستعجله يا دافع ؟
امل حمر وجها/يومه ماهو قصد عجله بس انتي تعرفين ولدك يودينا لسوق اقصاد بالشهر مره
نهيل مازالت تبتسم /لا بيجي ويوديك غصبن عليه
دخل ابو ماجد بثقل /سلام عليكم

نهيل تطالع ملامح وجه كيف مسود وقلبها ناغزها من كم يوم على حالته وهتفت باستعجال وخوف/يارجال وجهك ماهو زين انت ليش ماتطيع الكلام وتروح المستشفى ؟
ابو ماجد جلس وهو يتنهد بتعب/ مابقى بالعمر كثر اللي راح وش ابي بالمستشفيات والعذاب
نهيل بخوف اعمق/لا تقول كذا طالبتك
امل تقترب له وتحب كف يده /يوبه صحتك تراها غاليه علينا لا تهمل عمرك
ابو ماجد يهز راسه بمسايره /يصير خير
__________________________________

بيت الجدة صيته …

مهره جالسه عند ماهر بغرفته وتحاول تحسن صورت فهد عنده وتهدي الخوف اللي فيه وهو يطالع
فيها/مهره انا خايف عليك انتي منه لا متى بتسكتين
و تستسلمين له ؟
مهره تبتسم بصعوبه / ماهر يا قلبي انا متعوده عليه وبيجي يوم ويتغير صدقني كل مازاد بالعمر هدا
ماهر يهز راسه باسا/ هذا تقولين عن واحد في رجا غير فهد اللي عاش عمره كله متهور صدقيني هذا راح يموت بتهوره بعد

مهره شعرت بغصه من كلام ماهر اللي فقدها الامل بتغير فهد صبرت وتحملت وكل تفكيرها يقول بيجي يوم ويتغير ويقدر صبرك وحبك له واكبر شي يجدد الامل عندها حبه لها الواضح ماهو محتاج توضيح حنيته عليها نظرات الاعجاب لها اقتناعه كرجل بامراه جذابه عذبه رقيقه انثى بمعنى الكلمه بس معقوله بيتم طول عمره كذا ماله حل مره كسر يدي ومره كسر راسي وبكل مره يكسر قلبي ..المره الجايه وش بيكسر بعد ؟….

عسى مابيني وبين الفرج فجوه ،،،
وعسى ماينتهى صبري وانا ضامي ،،،،


قامت مهره من غير تعليق على كلام ماهر وهي تطلع من غرفته شافت حسنا وامها يتقهون بصاله تعدت من عندهم بصمت وراحت جناحها تحاول تلم افكارها وتتخذ قرارها كيف يتعامل معها و كيف هي تعامل معه والصعب موضوع شوق والجوال والصعب واصعب اخوها وعنفه معه سبب له خوف ولامها الم بقلبها على بنتها ولدها مهمها صمتت ولا تدخلت تبقى ام وقلبها يتقطع وهي ماتقدر تدافع عن ضناها
_____________________________

بالديوان ….


فهد كان منسجم بالحوار مع ابو رماح اللي يحاول يقنعه بالمشروع الجديد بمحاوله اخيره / يا ابو عقاب هالمشروع طالبك لايروح عليك والله انك تدخل الف تطلع لك من وراه مية الف
فهد يتنهد / انا ماهو قصد الفلوس بس المقر صعب تبي اترك شغلي هنيه وطلع الهند شهر ؟!
ابو رماح بحماس/ جرب الشغل يمكن يعجبك وتطول المده هناك بعد
ابو ابراهيم باقتناع / انا مع ابو رماح الشغل اللي يطلع رزقن كثير لك ماهو خساره لو تجلس شهر عليه
فهد يهز راسه برضا/ افكر ورد لكم
ابو رماح باستعجال/ مايبي لها تفكير طالبك تقول تم طالبك هذا خيرن كثير علينا وعليك

فهد برضا تام / خلاص تم بس جيب للي بكرا اوراق المشروع كامل وابي ادرسه عدل قبل نبدا فيه
ابو رماح يقوم واقف / ولا يهمك بكرا وهو عندك
ابو نواف ياشر له يجلس /وين يا رجال اجلس معنا
ابو رماح باعتذار / العذر والسموحه بخلص للي كم شغله وبكرا امركم

من طلع ابو رماح ابو نواف لف لفهد بتردد/ ماكنه ملزم على موضوع المشروع ؟
ابو ابراهيم يطالع بفهد الصامت وفكره يشتغل وهتف بتسال / انت مقتنع يا عمك بالمشروع تشوف انه زين
فهد يهز كرسيه يمين ويسار /المشروع واضح انه زين وزين بالحيل بس المشكله الموقع باخر الدنياء
_______________________________

الساعه 12 ليلاً بدبي
كانو جالسين على كرسي مشترك على شاطى البحر وصقر حاضن كتوفها بذراعه وعيونه على البحر بصمت
من طلعو من الفندق مانظر فيها بنظره مباشره
وملاك تشعر بتعب من بعد الغدا الا الان ما رجعو ولاكنها صامته تنتظره هو يرجع من كيفه والشي اللي ريحها ان مازن وفا ما خذهم استغل الفرصه طلعه له ولها فقط وقال انه مشغول ولا رد على اتصالاتهم من بعد،،،

صقر هتف بتسال وهو مازال حاضنها وعيونه على البحر /تبين نرجع الفندق ؟
ملاك تلف وتطالع فيه / امم براحتك
صقر مسح على كتفها بكف يده اللي حاضنها فيه وعيونه مازالت تناظر البحر /الا بنرجع انتي تعبني
ملاك تهز راسها/ شوي مو كثير
صقر ابعد منها وهو يوقف /يلا مشينا
ملاك تقوم وتاخذ شنطتها اليدويه اللي كانت بجوارها على الكرسي / يلا

ركب سيارته الرنج وهي ركبت جواره شغل السياره ولف لها بتسال / تبين شي قبل نرجع ؟
ملاك تناظره وماهي غبيه تعرف انه كاتم شي بصدره وساكت تشعر انه موجوع ومتحمل تشعر بشي غريب ولاكنها ادعت عدم الفهم وهي فاهمته عدل ردت عليه بهدو /لا شكرا

صقر طالع بعيونها لثواني حس انه فعلا اشتاق لنظر لها من الظهر وهو يحاول مايناظر بعيونها صد بسرعه لطريق وحرك السياره بصمت ملاك بذكاها ما خفتها حركته و لفت لطريق بصمت حال بينهم لين وصل مواقف السيارات الفندق وقف وطفى السياره سحب المفتاح واخذ جواله اللي كان على الشاحن ولف
لها / يلا يا قلبي انزلي

ملاك هزتها كلمة يا قلبي على ان صقر كان يقولها لها كثير ويقول اكثر من كذا بس ماتدري ليش بذا الوقت هزتها وحركت مشاعرها نزلت معه بتجاوب
صعدو للجناح من دخلت صقر حط اغراضه على الطاوله واخذ الفوطه واتجه للحمام ياخذ شاور من غير لا ينظر لها وهي نزلت عباتها وعلقتها وراحت الكبت تطلع لها بجامه لنوم وهي تذكر انها ماكلمت امها من امس واذا ارسلت امل لها قالت اكلمك بعدين انا مشغولة تضايقت حيل بس اجلت المكالمه لين يصفى مخها من تفكيرها بتصدد صقر الغريب؟!

صقر طلع وراح للكبت واخذ له شورت ورجع لحمام
و لبسه وطلع وراح لسرير تمدد واخذ جواله و اشتغل فيه وهي كانت تراقبه وتراقب كل تحركاته
بعده راحت لحمام غسلت و بدلت لبسها وراحت لسرير من الجه الثانيه وتمددت على ظهرها وهي تغطي جسدها بالغطا لين البطن وتنظر لصقر اللي كان متمدد على ظهره ويشتغل بجواله شوي وطفاه وحطه على الطاوله المجاوره له ولف نايم على جمبه معطيها ظهره هي لفت له تناظر بظهره و فعلا شعرت بضيقه اعمق من تصرفه ترددت تقدم له وتفهم وش فيه بضبط ولا تنام وتتركه ماقدرت تصبر وهي تقترب وتحظن ظهره على صدرها و بيدها وحده على خصره

صقر انتفض من حركتها وسكر عيونه وهو يحط كفه على كفها اللي كانت على عضلات بطنه وهتف بتسال خافت / فيك شي ؟
ملاك حطت شفايفها عند اذنه بهمس/ وماقرب منك الا يكون فيني شي ؟
صقر يشعر بجسده كامل يرعش من همسها ورد عليها بذات خفوته/ ملاك خليك قريبه كذا بنام
ملاك شدت احتضانه / نام

لاكن كيف بينام و انفاسها الدافيه على اذونه
وريحتها العطره تقتحم ريئته
وجسمها الناعم يلزق بجسمه المنهار
كيف ينام وقلبه يضرب بطبول
كيف ينام وحرارته ترتفع
كيف ينام وتفكيره تشتت
كيف ينام كيف؟!!!

ماقدر يتحمل ولف لها بسرعه وحضن جسدها داخل بصدره العريض وهي اندهشت من حركته الغير متوقعه توه يقول بنام وفجئه يجذبها له بقوه وعنف
صقر حط عينه بعينه وناظر بنواظر عيونها وهو يهتف بصوت رجولي عميق/ احبك كثر ماقالو العشاق كلمة احبك
ملاك كانت تناظر فيه بصمت وصقر انحنى وباس خدها وكمل كلامه بذات الصوت العميق/ من عشقتك كنت كل ليله انام على سرير اتمنى تكونين بحضني وحلالي حتى وانتي بزر اتلهف على شوفتك بين البزارين
انتظرت وانتظرت كثيررر

ملاك ترد بخفوت هادي/ وكنت تسحبني من بين البنات وتهاوشني اني طالعه العب معهم سببت للي خوف من اشوفك طالع من المسجد انحاش للبيت لين تختفى وارجع العب
صقر ابتسم من كلامها / لا تلوميني كنتي الحلم اللي انا اشوفه ومابي غيري يشوفه كنتي الحلم اللي احرمت نفسي عن الزواج عشان يكبر ويصير للي
ملاك ترفع حاجبها/ اي حرمان وانت تزوجت اميرة ؟
صقر شد احتضانها / والله العظيم ماخذتها عشان صبري نفذ لا كنت قادر اصبر اكثر من ماصبرت ولا اخذتها حب لاكن ابوها احرجني بمجلس رجاجيل وهو يقدمها للي

ملاك تطالع فيه بنص عين / تقدر ترده وتقول بتزوج بنت عمي
صقر سحب له نفس/ قلته والله قلته بس قال راضي وهي راضيه احرجني يا ملاك قدام المجلس وماكان عندي غير ارضى واخذها
ملاك تطالع فيه مباشر / وطبعاً كل صبرك قدمته لها باول ليله لكم؟
صقر ابتسم بخباثة / تبين الصدق ذاك الوقت كنت رجال محروم ولقيت اللي يصبرني لين تكبرين
ملاك طارت عيونها /لاولله وش شايفني محطة انتظار ؟

صقر زادت ابتسامته وهو يشعر بغيرتها وبجسدها اللي يرجف بين يديه / بسم الله عليك شفيك ترجفين
ملاك تحاول تبتعد منه /بعد عني بنام
صقر سحبها له / زعلتي ؟
ملاك تصد بنظرها / لا وليش ازعل ماهمني اصلا حتى لو حبيتها
صقر مسح على ظهرها بكف يده /وربي ماحبيتها ولو حبيتها ما طلقتها ملاك انتي الحب الاول والاخير مستحيل يسكن داخل القلب ثنين مستحيل
ملاك ترجع تطالع فيه وهي تهتف بنبرة موجعه / تحبني عشان شكلي صح ؟
صقر حس بنبرتها ولذالك هتف بثبات / انا ماكذب عليك اني اول حبيتك عشان شكلك والا انا احب شكلك وجمالك لاكن والله اني متولع فيك بكثير وبذات من بعد اخر ليله بينا اه يا ملاك كيف ودي ادخلك بضلوعي عشان تشعرين باللي اشعر فيه

ملاك حمر وجها وهي تصمت ماهي قادره ترد على جرائته ابد وقفها على خط احمر تعجز تخطاه
صقر حس بتاثيرها من تصريف نظرها عنه وكمل كلامه بهمس/ ترا مهمها صبرت وتحملت عشانك بيجي يوم ينفذ صبري ولا اني بقادر اتحمل
ملاك ترد من غير لا تنظر فيه / صقر اوعدك راح يصير اللي تبي بس عطني شوية وقت
صقر انحنى وحرك انفه بانفها الصغير / كل يوم تقولين عطني شوية وقت طيب متى الوقت اللي انا انتظر متى بس قولي للي؟؟
ملاك تحط عينها بعينه وتهتف بتسرع /من بعد ماتخلص الدورة

صقر تصلب بصدمه من ردها وعاجز عن الاستيعاب
توقع تقول شهر شهرين توقع ما تعطيه وقت
بس تحدد اقرب وقت وده يقدم الوقت والساعه عشان يمر هاليومين من كثر ماهو ولهان
ملاك لعنت السانها الف مره واستعجالها و تهوراتها
و حضن صقر وانفاسه اللي خلتها تتخدر وتتخذ قرار بوقت ضعفت فيه نفسها و انوثتها ،،،

صقر حس من ملامحها الندم لذالك ابتعد وهو معطها ظهره وهمس بتاكيد / خليك قد الوعد
ملاك ابعدت منه على اخر السرير وعطته ظهرها بصمت /….
صقر لف شاف ظهرها موجه له ابتسم بسعاده
____________________________

بالسعوديه الساعه 1 ليلاً
دخل الجناح متاخر وبيده اوراق شغل شاف الاضائه من عند السرير كلها مسكره ومهره داخل الفراش ومتغطيه تنهد وهو يرمي الاوراق على الطاوله اللي قدام الاريكه ويرجع يناظر بالسرير لثواني ثم ابتعد لغرفة الملابس اخذ له بجامه وبدل ورجع لاريكه جالس ومد يده واخذ الاوراق يفتحها ويقرا فيها بهدو


مهره ماكانت نايمه عاجزه عن النوم و الافكار تحاصرها
سمعت صوت خطواته وهو يدخل الجناح رفعت راسها وشافته يروح غرفة الملابس ومن سمعته رجع للغرفه رجعت تغطي نفسها وتمثل النوم قلبها وفكرها مشغولات طول اليوم ولاهي قادره تتخذ قرار صارم
لا شافته تضيع كل القرارات تبي قربه وتبي حنيته وماتبي يده ولا تبي قساوته،،،،

مر من الوقت ساعه و فهد تاخر وهو يقرا الاوراق
بعده قام والاوراق بيده السليمه اتجه لسرير وشغل الاضائه الهاديه و فتح السحبه اللي كانت بالطاوله المجاوره لسريره حط الاوراق فيها وسكرها ورفع الغطى ودخل داخل الفراش متمدد على ظهره وعيونه تروح للجسد الانوثي المتمدد بجواره و معطيته ظهرها تابع تفاصيلها

والافكار تزدحم براسه .(.كيف بروح الهند وخليها وصعب اخذها معي من بيدير باله عليها ادري بتكون عند جدتي وعماني بس مهمها كان انا اعرف نفسي مستحيل ارتاح وهي بعيده عن عيني اخاف عليها من كل شي كل شي بس ماهو معقوله اترك مشروع يطلع المبلغ هذا عشان خوفي عليها وش بيصير لها كله شهر وراجع)

مهره شعرت بحزن وهي تنتظره من دخل الفراش يتقدم لها يلمسها لاكن طال الانتظار والامل تشتت
سكرت عيونها اللي غارت بدموع حتى شعرت بشفايفها المدوره تبتل بملوحة دموعها طلعت منها شهقه غير متوقعه شهقه انفضتهم ثنينتهم هي بقهر وعبن من نفسها


وهو كان يحسبها نايمه ولاكنه صدم من صوت الشهقه اللي طلعت من بين صدرها تقدم لها لين لزق وراها وهتف بهمس/ مهره
مهره سكرت عيونها بقوه ولا ردت عليه /…
فهد دخل يدها السليمه من تحتها ولفها سحابها لحضنه بخفه وهي انفجرت على صدره بالبكى
وهو عض على شفايفه بالم من صوت بكاها العذب وشهقاتها البريئه صمت وخلاها تبكي على صدره براحتها لين حس انها هدت من بعد مرت دقايق
وهي تبعد وجها عن صدره كانت بتعطيه ظهرها ولاكن فهد ثبتها بتسال/ قولي للي وش مضايقك ؟
مهره نزلت نظرها على صدره بصمت /…
فهد ابعد الشعر اللي لزق على حنكها من تبلل دموعها
باس خدها اليمين ورجع باس خدها اليسار وبعده باس شفايفها بهداوه ورفع وهتف بتسال احد /تكلمي يا مهره وش مضايقك بفهم ؟
مهره ترد من بين شهقاتها / كل شي سويته معي مضايقني كل شي
فهد يعقد حواجبه / طيب وش اللي انا سويته اكثر شي و ضايقك ممكن افهم ؟
مهره طالعت فيه / تبي تضرب اخوي قدامي ماكفاك جسمي اللي كل يوم تضربه ماكفاك

فهد زادت دقات قلبه من العصبيه ولاكنه يحاول يسيطر عليها وعيونه بعيونها مهره شعرت من عيونه العصبيه والانفعال لذالك نزلت عينها عنه و صمتت وهو ناظر فيها بصمت ولا در عليها/….
مهره ترجع تطالع فيه وتكلم بصوت باكي / ماقدر اصبر اكثر من كذا لا وصلت لماهر ولا امي خلاص ماعاد فيني صبر

فهد يرفع حاجبه /شقصدك ؟!
مهره تبلع ريقها / ننفصل
فهد دفن وجها بصدره بعنف وهو يرد من بين
اسنانه / لا تخليني اندم على هاليله طول عمري
مهره ترد بخفوت وهي مدفونه بصدره /بتذبحني ؟!
فهد دفن وجها وكفه يضغط على راسها من ورا باقوا ماعنده / اي اذبحك
مهره صرخت بالم / فهد راسي انتبه
فهد انتفض مبعد يده عن راسها وهو يسالها
بخوف / تحسين بشي ؟

مهره تخط يديها على راسها بالم من غير لا ترد عليه /….
فهد صرخ فيها / تكلمي تحسين بشي
مهره انتفضت من صرخته بخوف / الم خفيف بس

فهد حضن راسها ودفن وجها على عنقه / مهره اتقي شري واتركي عنك الكلام اللي يضرك ماينفعك
مهره حركت انفها على عنقه وهي تنتعش من ريحته الموجعه لا انوثتها وفهد يحس بحرارت انفاسها على عنقه وكمل كلامه /اللي تبينه انا حاظر فيه اخوك ماراح يجيه شي يزعلك و يزعله وانتي تبين الرضا ارضيك ولا تضايقين

مهره طالعت فيه وهو يطالع فيها بنظرات خاصه وردت عليه بصوت مولم / فهد كل شي اتحمل كسره الا كسر ماهر والله ماقدر اتحمله كسره يكسر للي قلبي
فهد حضنها بقوه / لا تقولين كذا يا مهره قلبك ماراح احد يكسره وراسي يشم الهوا
مهره بعذوبه / اذا تقدرني قدر اخوي
فهد باس جبينها / قدرك عالي والله انه عالي
مهره صمتت /….

فهد بلل شفايفه بلسانه وهو حاس ريقه نشف
و اقترب لها اكثر و هتف بصوت هامس / اشتقت
مهره تطالع فيه بنظرات جريئه / ماراح اطفي شوقك خلك كذا مولع
فهد ابتسم من كلامها / افا ويطاوعك قلبك ؟
مهره ضاعت علومها وتوعدها فيه من ابتسامته وهي ترد بدوخاااان / لا قلبي مايتحمل ابتسامتك
فهد زادت ابتسامته وهو يشدد احتضانها/ بسم الله عليك وعلى قلبك
مهره باست شفايفه / لا تزعلني بعدين

فهد مارد عليها وهو يوزع بوساتة على انحى وجها العذب الرقيق ..
_______________________________

يوم جديد بالسعوديه …

بعد المغرب بيت ابو صالح جالس هو وصالح وفالح
و ام صالح وهدى وام مهند ويتقهون بصاله

ام صالح لفت لهدى اللي تقهوي بتسال / كلمتي وفا شلونها هي وصقر متى بيرجعون ؟
هدى تصب اخر فنجال لام مهند وهي ترد على
امها/كلمتها ماعليهم بخير وهاليومين بيرجعون
ابو صالح بنقد / هذا مازن ومرته كل ماشافو احد مسافر فرو معه لو مالهو حاجه

صالح يرشف من فنجاله / يبون يتمشون مع هالناس
فالح طالع فيه بنص عين / الا قل يبون يتمشون بحساب غيرهم ماحد اكلها الا صقر هناك
ابو صالح برحمه /يابوك الفلوس بدالهن فلوس هذا ولد عمه وزوج اخته ماعنده لا راتب ولا شي ماهو منقص من فلوس صقر لو دفع لهم كم الف

فالح بزفرة / مدام مامعه راتب ورا ما ينثبر ويمسك ارضه بدل الحومة
ام مهند بتدخل / كيفهم اهم ادرا بحياتهم
هدى ضحكت / الا انت ورا ماتسافر انت ومرتك وبناتك تغيرون جو بدل مانت تلوم خلق الله
فالح ضحك /اسكتي لا تسمعك ام البنات وتشغلني

قطع عليهم صوت صراخ وطق الباب
الكل قام بفجيعه وهم يشوفون جاسر يتقدم وجه غرقان بالدموع /ابوي مات ابوي مات
صالح وفالح لفو كلهم سو لابوهم اللي طاح على الاريكه بصدمه وكان الخبر صاعقه رتمت على راسه وام صالح والبنات شهقو مع بعض بخوف و صالح تقدم لابوه وحضنه وفالح صرخ بجاسر /انت وش تقول ؟!!!
جاسر طاح بالارض يبكي عاجز عن الوقوف /ابوي تعب علينا وداه ماجد للمستشفى ومات مات

ابو صالح بكى بصوت عالي وكانه طفل / طالب مات طالب مات
صالح يضمه بقوه ودموعه تسيل على وجه / يابوي اذكر الله اذكر الله الموت حق حق
فالح زفر بخوف / يمكن جاسر غلطان الحين نروح المستشفى ونتاكد
جاسر يبكي ويرجف / ماني بغلطان ياناس ابوي مات مات
ابو صالح غاب عن الوعي وصالح صرخ بفالح / تعال ساعدني بنوديه المستشفى

البنات والعيال تجمعو عند ابوهم بخوف ورعب
شالوه عياله للمستشفى
و ام صالح تقدمت لجاسر وهي تقومه وتبكي وخوفها على ابو صالح يزيد /قوم يامك قوم
جاسر قام وطلع راجع البيتهم وعيونه مانشفت
من دموعه
_____________________________

رحل (طالب) وترك مكانا لن يلمئه احد
فرحمه يالله اضعاف السعاده التي ملئ بها حياة عائلته

على كثر الغائبين مايكسر جمال الحياة الا غياب
…( الاب)…

بيت نهيل اللي منهاره بالبكا هي وبناتها امل وحصه
وام ماجد كانت عندهم وهند وهنادي منهارات معهم كثير من وصلهم الخبر تدمرت كل قوتهم وكان هاذي نهائية الحياه …

امل تحضن امها /ابوي مات يومه ماني مصدقه
نهيل تحضنها وتبكي بصمت موجع وشريك حياتها وابو عيالها فارق الحياه ماهي قادره تحمل قوة المصيبه
ام ماجد تبكي و تشاهق / قولو انالله وانا اليهم راجعون الموت حق علينا كلنا
هند تبكي بشده/ ليتنا وديناه المستشفى من امس وجه كان تعبان وساكت ياليتنا ماطعناه وسكتنا
ام ماجد تشد حضن بنتها/ لا تقولين كذا يامك هذا يومه مكتوب له ماحنا رادين الموت عنه

حصه حاضنه نفسها وتبكي بصمت و شريط حياتها وذكريات ابوها من صغرها لاكبرها يمر قدام عينها
راح ابوهم وسندهم راح عمود بيتهم وش بقى للحياة طعم
هنادي كانت تبكي بذات صمتها والحياه تمر قدامها بوجود ابوها لين فراقه اه يا الموت لاجا فجئه واخذ منك اغلا انسان كيف بتعيش على ذكراه كيف بتنساه

نهيل تحاول تكلم من بعد منبح صوتها من شدت البكا / انتبهو ملاك تعرف بشي لاحد يقول لها
امل لفت لامها/ يومه لازم تعرف لازم
نهيل تهز راسها/ بتعرف بس لين ترجع لين ترجع اخاف يصير فيها شي
ام ماجد تنهد بحه /وش يبي يصير اكثر من ماصار لخواتها لازم تصبر وتحمل
نهيل تطالع ام ماجد بهم عميق /بس ملاك متولعه فيه كثير كثير يا عيدة هذي القعده من البنات والله خايفه يصير فيها شي لا عرفت
______________________________

-/البارات التسعون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..



بيت الجدة صيته …

فرشات فرشه بالحوش و جالسات على ضو القمر وضو الاضاه المنيره على حيطان البيت و قدام الزرع
والخدامه تسقيه وترش على الزرع بلهوز الماء
الجدة صيته تزفر عليها/ لا تغرقين النعناع صبي مويا شوي شوي
ميري تهز راسها/ طيب طيب
ام ماهر تسال حسنا / الا نوف شلونها مع الحمل
حسنا تنهد / والله انها تعبانه وبروح لها هاليومين ببات عندها
الجدة صيته بحنيه / وكاد ماتاكل عدل بنتك ذابحها الجوع
حسنا تهز راسها باسا /عجزت عنها ياعمه ماتشتهي الاكل الوحام ذبحها

ام ماهر تطال بمهره اللي سرحانه وعيونها على الشجر
بنتها في شي مضايقها ولاكنها صايره تكتم كثير
الجدة صيته تهتف بتسال/ الا انوار ماتدرون هي ولدت ولالا
حسنا تهز راسها بنفي/ لا كلمة فاطمه تقول انها للحين منومه بالمستشفى
ام ماهر تطالع الجدة صيته /ماشاءالله ليش هذا شهرها؟
الجدة صيته تهز راسها/ وكاد شهرها تعبت البارح ودوها المستشفى وراحت مريم وامها عند ابراهيم بيته

مهره شعرت بالم بنصف صدرها وتمنى تشوف ردت فعل فهد لاسمع ان ابراهيم جاه ولد ولا بنت ؟
تنهدت وهي تقوم بتسال/يومه ماهر وينه بذاكر له ؟
ام ماهر ترفع نظرها لبنتها/ على السوني مع نواف
مهره تلبس نعالها وتبتعد منهم متجه لاخوها
والجدة صيته هتفت بخفوت/ احس بنتك فيها شي من صحت اليوم وهي ساكته
ام ماهر ترفع كتوفها / والله مدري يا ام عقاب يمكن مانامت عدل
حسنا ترفع يديها لسما/الله يرزقها بطفل يملى عليها حياتها
ام ماهر والجدة صيته بصوت واحد /امين يارب

دخل فهد مستعجل متجه لجناحه وسلم من
بعيد/ سلام عليكم
الجدة صيته تقطب حواجبها/ هذا علامه ماخلانا حتى نرد السلام عليه طاير يدافع البلا
حسنا تبتسم / يمكن مستعجل بياخذ له اغراض ويرجع لشغله

طلع وبيده اوراق و متجه لهم بتسال/ وين مهره ؟!
ام ماهر ترد عليه بهدو / راحت داخل تذاكر لماهر
الجدة صيته تطالع بالاوراق اللي بيده/ وش هالوراق اللي معك ؟
فهد يناظر بالاوراق اللي بيده ويرد / هذا اوراق شغل نسيت اخذهم اليوم معي
الجدة صيته بمحاتات /يامك ارحم يدك لا تضغط عليها بالشغل تراها باقي ماطابت
فهد يهز راسها برضا وهو متجه لداخل / يصير خير


عند مهره اللي دخلت على ماهر ونواف وهي تهتف بندا / ماهر قوم بذاكر لك
ماهر ياشر لها وهو منسجم بالعب / بس شوي واجيك
مهره تنهد بقلة صبر / ماهر عندك اختبار تقوم لاحق على السوني
ماهر يلعب بحماس ويهتف لها برجا /مهره تكفين شوي شوي
مهره تكي خصرها على حافة الباب / قلت لك قوم وراك مذاكره العب ماراح يفيدك
ماهر رمى اليده وهو يصرخ / تحنين تحنين لين خليتيني اخسر عاجبك ؟
مهره ترفع كتوفها / وش اسوي فيك ماتفهم الا بالحنه
ماهر بعناد /ماراح اذاكر عشان ماعاد تعيدينها

مهره كانت على وشك الرد لولا انها شافت ماهر يقفز واقف بارتباك وهي انصدمت ماتدري وش فيه
لين جاها صوت من وراها / ليش ماتسمع كلام اختك ؟
مهره انتفضت و لفت شافت فهد واقف وراها بشموخ
وماهر يرد بصوت خايف / انا كنت كنت امزح معها بس

مهره تضايقت من خوف اخوها ولا تنكر ان حتى هي بوجود فهد تشعر بالخوف ولاكنها تصنع الثبات ابتسمت بصعوبة / فهد يبي مصلحتك عشان تذاكر وتنجح بالاختبار
فهد صامت وعيونه عليها اللي واضح تبرر لاخوها بتوتر وماهر رد باحترام / حاظر الحين اذاكر
فهد تقدم ومسح على شعر ماهر بعبث / خلك رجال وذاكر مانت محتاج احد يحن ويزن عليك
ماهر يهز راسه برضا / ابشر

فهد وجه نظره لنواف اللي يلعب بحماس ولاهو بداري باللي حوله / انت ورا ماتقوم تذاكر بعد وتسكر هاذي اللي اعمت عيونك ؟

نواف ماكان مانتبه له ابد منسجم مع العب
وفهد تقدم له وفصل السلك مطفي السوني ونواف فتح عيونه على الاخر من الصدمه ماهر ابتسم من شكله ومهره تاشر له يسكر ابتسامته لا يلمحه فهد
نواف وقف وفهد هتف بامر / روحو ذاكرو يلا
نواف وماهر طلعو من غير صوت

وفهد لف لمهره واشر لها تقترب / تعالي
مهره اقتربت وعيونها بعيونه بوله / نعم
فهد تشتت افكاره وهو يشوف نظراتها تنحنح و هتف بثبات وهو يرفع الاوراق بوجها / احم الاوراق هاذي ماكنت بالسحبة ؟؟
مهره تهز راسها وهي تحاول تمسك ابتسامتها / الا كانت بس انا طلعتها
فهد يرفع حاجبه / ومن سمح لك تطلعينها ؟!
مهره ابتسمت بعذوبه / انا سمحت لنفسي

فهد كان وده يصفعها كف عشان تستوعب ردها
بي حق تعبث بغراضه وهو الف مره محذرها ماتلمس شي وماعمرها اصلا تجرئت وكسرت كلمته وش غيرها وقواها ولا تبتسم بعد وتعترف بكل ثقه ؟،

اقترب لها وهتف بتهديد من بين اسنانه/ تعيدينها مره ثانيه ماراح يحصل لك خير فاهمه؟
مهره اختفت ابتسامتها وهي تهز راسها/ فاهمه
فهد صمت وعيونه على ملامحها بعده انحنى وهمس لها / و لاعاد اشوفك لا بسه احمر برا الجناح فاهمه ؟

طلع من بعد ما همس لها بهالكلمتين وهي نزلت عينها لجسدها وكانها نست وش هي تلبس ؟..عليها قميص قطن بالون الاحمر الناري مخليها نار و تولع اللي يشوفها فكيف بفهد المغرم الخالص في غرامها ….

________________________________

الساعه 8 مساً بتوقيت دبي …


كانو جالسين باحد الكوفي بمول سيتي سنتر ديرة …
مازن مقابل لصقر و كانو يتبادلون النقاش من بعد ماتطمن مازن على وضع اخته وهو كان يفكر فيها من ذيك اليله وفا مقابله لملاك اللي كانت تناظر فيها بحتقار وقهر من بعد اخر تخطيط منها
ولاكن وفا كانت تناظر لها بتحدى ولا همها

شوي و جاء لصقر اتصال وقام يكلم بعيد شوي عنهم وبعد دقايق رجع باستعجال وملامحه متغيره محتقنه بسواد وهو يهتف لمازن بتوتر / تعال ابيك بسرعه

مازن يطالع صقر باستغراب قام وهو يكلمه
بتسال /شفيك ؟
صقر يساله بذات التوتر / مازن جوالك وينه ؟
مازن باستغراب اعمق/ ناسيه بالفندق ليش شفيك وجهك ليش تغير كذا ؟

صقر سحبه معه بصمت مبتعد عن عيون ملاك وفا لانه كان حاس بردت فعل مازن و طلع فيه من المول كامل وراح مواقف السيارات سحب له نفس وهتف له بصوت مبحوح عجز لا يصفيه حتى وهو يحاول يتنحنح / احم مازن انت رجال قوي ومؤمن بقضا الله وقدره وتعرف ان الحياة ماهي دايمه لاحد وكل اللي عليها اموات مايبقى الا وجه ذل جلال والاكرام و…

مازن من قال له صقر هالكلام انهار بالبكى مقاطع لكلامه /لا تقولها ياصقر طالبك لا تقولها
صقر حضنه باخوه وهو يسكر عيونه بالم من صوت شهقات مازن المنهارة / خلك قوي انت رجال وش خليت لاختك
مازن بكى بصوت اعلى / ابوي مات صح يا صقر صح؟؟

صقر موجوع على فراق عمه وهو يمثل القوه عشان مازن واخته اللي يشعر من ناحيتهم بالمساؤلية
مر وقت ومازن يبكي على صدر صقر لين انتهت طاقته و يرفع عيونه الغارقه بالدموع لعيون صقر الذابله بالحزن / متى مات ليش ماقالو للي ليش ؟
صقر مسح على عضده / مات قبل المغرب وبكر دفنه وصلاة عليه الظهر
مازن برجا /تكفى ياصقر برجع اشوفه دور لنا اقرب حجز
صقر شد عضده بتهدئه / لا تشيل هم اليله نرجع بس ابيك تحاول تماسك عشان ملاك مابي تعرف بشي اخاف تتعب هنيه خل لين نرجع لسعوديه ونعلمها
مازن يهز راسه ودموعها مازالت تنزل / ملاك ماراح تحمل انا اعرفها كل شي عندها الا ابوي الا ابوي

رجع و انهار بالبكا وصقر يحضنه وزاد همه من ناحيت ملاك ومن كلام مازن عنها كيف يبلغها بالخبر ؟!


عند ملاك وفا ما خفاهم الاتصال اللي جاء لصقر وغير وجهه فجئه وسحب مازن معه واختفى انتظرو بصمت
لين يرجعون و يفهمون وش صاير؟ و ملاك حطت يدها على صدرها بالم وهي تشعر بذا الالم من الصباح من صحت من النوم وفا تلف يمين ويسار وتهتف بقلة صبر / وين راحو هذول ؟

ملاك تناظر فيها بنص عين / شايفتني معهم
وفا زفرت عليها / انتي رافعه خشمك على وشو بفهم ؟
ملاك كانت مقابل لها وتقدمت وهي تركى على طرف الطاوله وحطت عينها بعين وفا بحده / لا تحسبيني مطوفه لك اتهامك لصقر ذيك اليله ترا اقدر اقول له كل كلامك وخلي ينتف لك ريشك الي انتي نافشته يا وفا

وفا عصبت وهي ترجف من تهديد ملاك لها /تهدديني انا يا بنت مطلق ؟
ملاك ترجع ظهره و تركى على الكرسي وتحط رجل على رجل / اي اهددك وترا بكلمه وحده مني اخلي صقر يرجعك لسعوديه بشوتت رجل
وفا وقفت وهي تصرخ بوجها / تخسين ماهو انتي اللي تقوين على بنت الشيخ فاهمه

ملاك مازالت جالسه وحاطه رجل على رجل / اقول انثبري لايجي اخوك يشوفك كذا ثم عاد ماقدر اسكت اقول له كل شي
وفا تطالع الطاوله ودها تشيل لها شي وتصكه براس ملاك وهي تفح من الغضب / هين انا اوريك

رجع صقر وهو يشوف وفا واقفه وتكلم وملاك متكيه
و حاطه رجل على رجل اقترب وهتف بتسال/شفيكم؟
وفا لفت لصقر وهي تنفجر باكيه بتمثيل / ملاك تهددني يا صقر وانا ماسويت فيها شي مادري ليش حاطه دوبها دوبي
ملاك وقفت هي بعد / انا اللي حاطه دوبي بدوبك ولا العكس يا وفا

صقر ماكان فاضي لهن ابد ولا لنقاش معهن وهو يهتف بامر هادي / امشن قدامي بسرعه
وفا تشاهق / صقر والله
صقر بمقاطعه / قلت امشن وانتن ساكتات بسرعه
ملاك انتبهت لوجه صقر المتوتر وهي تسال / مازن وينه ؟
صقر يطالع بعيونها بنظرات غريبه وهو صامت وتفكيره بعالم ثاني ملاك قطبت حواجبها باستغراب من صمته/ صقر شفيك ماترد وين مازن ؟
صقر نفض راسه /هاه بسياره ينتظرنا

راح صقر وفا وملاك مشو وراه بصمت ركبو السياره
وحرك وملاك تسال مازن اللي جالس قدامها ولا هو واضح وجه لها وصامت /مازن فيك شي ؟
مازن عجز لا يرد عليها لانه لو تكلم راح ينفجر بالبكا وراح تفهم هي بذكاها لذالك اللي تمكن الوضع ورد هو
صقر /مازن تعبان شوي
وفا هتفت باستغراب /ليش شفيه ؟
ملاك بعدم ارتياح / مازن شفيك تكلم
صقر رد بزفرة / مافي شي بس واحد من اصحابه صار عليه حادث وهو تاثر المهم بنرجع الفندق ناخذ اغراضنا بنرجع لسعوديه على رحله الساعه 12 ونص

ملاك صمتت وقلبها كان ينغزها وهي تستعيذ بالله من الشيطان ومن افكارها وفا تطالع بطرف وجه مازن اللي يوضح لها شافت كم دمعه تنزل على خده بصمت وفهمت هي السالفه وصقر كل شوي يلف لملاك اللي تجلس ورا مازن ويشوف عيونها واضح فيها التفكير وكل خوفه انها تشك بشي يبي بس يرجع لسعوديه ولكل حادث حديث يخاف تتعب بدبي وهو لازم يحظر الدفن بكرا ….
_____________________________
بالسعودية الساعه 12 ليلاً

دخل فهد الجناح شاف مهره جالسه على الاريكه وعيونها على التلفزيون هتف بصوت مرهق /سلام
مهره ترد وعيونها على الفلم بتركيز /عليكم السلام
فهد لف نظره لتلفزيون بفضول وبعده رجع النظر لها ونزل شماغه ورماها على الاريكه ويجلس بجوارها وهتف بامر هادي/ جيبي للي كاس شاي
مهره فاتحه عيونها على الفلم بحماس وهي ترد / طيب بس دقايق

فهد زفر عليها / وشو دقايق اقول روحي بس لاقوم وفصل عنك هذا (اشر على التلفزيون )
مهره لفت له بغنج / اذا يطاوعك قلبك سوها
فهد رفع حاجبه / اشوفك هالايام واثقه ؟
مهره ضحت ضحكه رقيقه هزت رجولة فهد وهي تقوم / من عيوني بروح اسوي لك
فهد يطالع فيها وهي تلبس روبها فوق البجامه
وتسكره وتطلع تنهد بصوت مسموع /اوف هذي وش ناويه عليه ؟

قام وراح ياخذ له شاور ويلبس له بجامه قطن ويرجع لاريكه وهو مستغرب تاخرت كل هالوقت عشان شاي؟
شوي ودخلت ومعها صينيه فيها ابريق شاي قزاز وكاسات حطته على الطاوله وهي تنزل روبها

جاها صوت فهد يتسال/ كل هالوقت عشان شاي ؟
مهره تجلس جواره وتسحب الصينه تصب بالكاسه شاي / كنت اسوي لماهر ونواف عصير برتقال
فهد ياخذ الكاسه من يدها / وين الخدم ليش مايسون لهم بدل مانتي جالسه لك ساعه تسوين
مهره تلف له / الخدم نايمات وترا كله عصير ماهو ذابحني

فهد طنشها وشرب من كاسه وبعده هتف لها
بتسال / كيف الدورة معك؟
مهره باستغراب / بس الدوره ماهي علي
فهد يهز راسه / ادري بس اسالك كيفها معك اذا جتك ماتحسين بتعب ومتى اخر موعد لها؟
مهره تعقد حواجبها بتذكر / اخر مره قبل سبوعين تقريباً والمغص والله تمغص

فهد يطالع فيها من بعد ما رشف من الشاي / لازم ترجعين لدكتورة عشان الكيس اللي برحمك
مهره تنهد بضيقه / تقول لازم عمليه وش اسوي انا ؟
فهد ينزل كاسته على الطاوله / ماهو مشكله اذا تحتاجين عمليه تسوينها بسيطه
مهره باستغراب / بس انت كنت رافض العمليه وش غير رايك ؟
فهد يرفع كتوفه برود / ابي ولد

مهره حست نبض قلبها توقف من رده وهتفت بارتباك واضح / واذا ماقدرت اجيب لك ؟
فهد طالع بعيونها اللي تناظر فيه برعب ورد عليها
بحنو / لا تخافين مابي الولد الا منك
مهره نزلت عيونها ليديها اللي بحضنها وتفرك
فيهم / ولدت مرت ابراهيم صح؟
فهد يسحب له نفس و ياخذ كاسه الشاي الحار
و يرشف منها من غير شعور / اي جاه ولد

مهره بلعت ريقها وهي عاجزه عن الكلام والدنياء
ضاقت فيها بعرضها وطولها …

فهد يطالع التلفزيون وفكره مشغول تو يشعر انه محتاج فعلاً ولد واكد له يوم سمع الرجال بالديوان يباركون لا براهيم ويقولون العقبال عند ابو عقاب حس بشعور غريب مايبي لناس مجال يتكلمون عنه ويقولون تزوج قبل ولد عمه ولا جاه عيال ماتعود على نظرات الشفقه من احد ولا راح يسمح لهم لازم ولد يشيل اسمه ويسكت الناس عنه بس كيف وهي مريضه طيب يخاف يسوي لها العمليه وبالاخير ماتقدر تجيب له عيال وش الحل ؟!

مهره قامت وهي تحاول تخفى حزنها تبي تروح لمخدتها و تكب عليها كل طاقتها بالبكا
فهد طالع فيها ولمح بوجها الحزن والياس
سالها/وين ؟
ردت بصوت مبحوح / بنام
هز راسه بتجاوب / روحي نامي و ارتاحي
مهره تبتعد لسرير و تحاول ماتطالع فيه / وانت مو نايم ؟
فهد يرد وهو يرجع نظره لتلفزيون / الا بنام بس شوي
__________________________________


بطيارة ملاك تسال صقر بخفوت وعيونها على مازن اللي صاد لنافذة واضح فيه الحزن / صقر امنتك الله مازن شفيه ؟
صقر لف يناظر لمازن بحزن ورجع لف لملاك / مافي شي بس ضايق عشان صاحبه
ملاك تطالع صقر بصوت مهموم موجوع / قلبي يوجعني من الصباح من صحيت حاسه صاير شي

صقر هو اللي قلبه يوجعه عليها حاسه بابوها وحتى وهي بعيده صوتها في بحة حزن عيونها فيها لمعة حزن رد عليها بثبات مدروس/ ماصاير الا كل خير انتي بس تطمني
ملاك تسحب لها نفس و ترجع نظرها لنافذة / ياربي يسمع منك يارب
صقر طالع فيها بحنيه و حواط كتوفها بذراعه و سحبها لصدره / توكلي على الله
ملاك تريح راسها على صدره / والنعم بالله

وفا تهمس لمازن بهتمام / مازن من جا لصقر اتصال وانت ماتكلمت ودموعك مانشفت حلفتك بالله تقول للي شفيك ؟
مازن نزلت دموعه بصمت وفا تحضن كفه بكفها /عمي طالب في شي تعبان ؟

مازن شهق بصوت باكي من جابت طاري ابوه انهارت كل قوته كاتم عشان ملاك لاكنه ماتحمل ذكرا اسم فقيده ولو تفاصيله ماغابت عن ذاكرته من سمع بوفاته شهق من وجع الفراق شهق من وجع الغياب شهق فقد و الم وحزن …

ملاك لفت له وهي تسمعه يشهق باكي
وصقر طالعه بارتباك و فا حطت يدها على فمها بخوف /عمي في شي تكلم قول ؟؟

ملاك من جابو طاري ابوها غرزت اظافرها على عضد صقر من غير شعور وجسمها ارتعش وتفكيرها تشتت
وكل مايدور براسها واحد بس اللي هو طالب طالب

صقر شاف عيونها اللي تناظر بمازن امتلت بدموع
و سحبها وحضنها وهو يهمس لها / اهدي اهدي
و اذكري الله
ملاك طالعت فيه بدهشه وهي تشهق شهقات متواصله وتهتف بتسال ومازال عندها امل انه على قيد الحياه / هو تعبان صح زي اول وبيرجع صح صقر قول للي صح ؟؟

صقر شد احتضانها / اهدي و قولي انا لله وانا اليه راجعون
ملاك صرخت صرخه ارعبت كل المسافرين بطايره
ونفضتهم / لاااااا يوبببببببببه يوبببببببه
مازن فك الحزام واقف وراح لها يركض / ملاك ملاك

ملاك تسكر اذونها بكفوف يديها وهي تصارخ بالعلى صوت /يوووووووبه يوووووووبه لا لا يوبببببه لا تروح لا

غابت عن الوعي بين يدين صقر اللي كان يهزها يبي يهديها و المضيفين تجمعو بخوف وصقر يهتف لهم بصوت مرعب / ابي اكسجين بسرعه بسرعه

المضيفه جابت له اكسجين وركبه لها من بعد مافتح نقابها وامر الجميع يبتعد عنها الا مازن اللي انهار يبكي وفا جالسه على الكرسي تبكي بخوف على ابوها وعلى ردت فعله وبحزن على شكل مازن اللي يقطع القلب ..

صقر ابتلش مايدري ينتبه لملاك اللي مازالت غايبه عن الوعي بين يديه ولا لمازن اللي ينهت بالبكا عند راسه وهو ياشر لوفا تجي /تعالي
وفا قامت و اقتربت لهم /هلا
صقر ماسك الاكسجين على انف وفم ملاك و بامر مرهق / خذي مازن معك خلي يجلس مابقى على الهبوط شي

وفا تمسك مازن مع كفه وتجلسه جوارها تربط احزامه وهو مستجيب لها بصمت مولم صقر رجع نظره لملاكه الفاتن حتى وهي غايبه عن الوعي تبقى فته ماخلق مثلها خايف عليها يبي ينزل لسعوديه يخاف يصير فيها شي قبل الوصول

نزلت الطائرة بالمطار السعودي وكانت الاسعاف برا مجهزه وسرير والممرضات عند باب الطائره ينتظرون من جاهم تبليغ ان في مريضه غايبه عن الوعي …
كان صقر شايلها بين يديه ودافن وجها بصدره و ينزل بسرعه مخيفه ومازن وفا وراه وباقي المسافرون امنعو عن النزول لين تنزل المريضه والمرافقين لها …

حطها على السرير وغطاها و الممرضات يدفونها بسرعه للاسعاف وهو وراح معها وهتف لمازن بندا
وحرص/ لا تحرك انت و وفا خلكم بالمطار بكلم فالح يجيكم الحين
مازن يهز راسه وهو يوصيه بصوت رايح من كثر
البكا /امنتك الله بملاك
صقر ياشر له وهو يمشي ورا السرير /لا تحاتي

من ابعدو عن عينه جلس على اقرب كرسي ودفن وجهه بكفوفه وفا تهتف بخفوت /مازن الناس تطالع فيك اصبر ترا البكا مايرجع الميت

مارد عليها وهو مازال يبكي وهي طلعت جوالها ودقت على فالح وبلغته وين يكون مكانهم بضبط
وهو بالغها ان صقر دق عليه وهذا هو جاي بطريق …بعد دقايق وصل فالح تقدم وهو يشوف مازن جالس على الكرسي و منزل راسه ويبكي اقترب وسحبه لحضنه / اطلب له الرحمه ياخوك البكا مايرد الميت تكفى يا مازن خلك قوي

مازن شد احتضانه /عمي درا يا فالح؟
فالح نزلت دمعته / ابوي بالمستشفى مرتفع السكر
و الضغط معه
وفا بخوف /ابوي تعبان ؟؟
فالح يمسح دمعته بطرف شماغه و يهديها / لا الحين ماعليه تقبل الامر لاكن لازم نكون اقويا عشانه وعشان اهلك يا مازن امك وخواتك
مازن يهز راسه/ الله يرحمه بس
فالح يسال / وين شنطكم صقر يقول له شنط مهمه ؟
مازن ياشر على العامل اللي حاملهم بعربه /هناك معه

فالح ينادي للعمال يلحقهم و بعد ماركب شناطهم بسياره تحرك و طول الطريق وفالح يحاول يهديه ويذكره باهله لازم يكون قوي لين وصلو البيت ونزلو وفالح نزل شناطهم / هاذي شنطكم وشنط صقر معي
مازن يهز راسه /ماقصرت
فالح يشد كتفه/ خلك رجال قوي وتصبر ياخوك عشان بكرا نروح ندفنه ونصلي عليه
مازن يحاول يمسك دموعه / باذن الله

راح فالح ومازن دخل هو وفا وقلبه يوجعه كيف بيواجه امه وخواته من بعد رحيل عمود بيتهم؟…

الاب ..رجل لن يتكرر في الحياة ابداً ولا يسد غيابه اي احد… الاب..معطف الامان في ليالي العمر المتقلبه …

دخل من بعد ماقدم رجل ورجع رجل وفا دخلت وراه بصمت شاف امه لامه نفسها وتبكي وهاذي حالتها من بعد ماجاها خبر وفاته وحصه ترضع ولدها وهي تشاهق بالبكا وامل من شافته قفزت واقفه وهي تركض وترتمي بحضنه /مازن ابوي مات مات

مازن شد احتضانها و نهار معها بالبكا وحصه تقوم تحط ولدها بسريره الارضي وتقدم لمازن وامل وتضمهم وتبكي معهم طال الوقت وهم على حالهم
وفا تقدمت لنهيل اللي تطالع عيالها وتبكي بصمت يقطع القلب حبت راسها / عظم الله اجركم بموت عمي
نهيل تهز راسها من غير لا تكلم/…

وفا طلعت لجناحها ومازن يحضن خواته ويهتف بصوت باكي/ لا تبكون ابوي عاش بخير ومات على خير ادعو له بالرحمه والمغفره
حصه تمسح دموعها /الله يرحمه
امل تبتعد جالسه وهي تكمل بكاها ومازن تقدم لامه وطاح بحضنها منفجر بالبكا وهي تحضنه وتبكي معه بصوت عالي رفع راسه وقرر يتقوا عشانهم /يومه اصبري ان الله بشر الصابرين
نهيل تهز راسها / انا لله وانا اليه راجعون

مازن يحب راسها / اي خليك قويه عشان نقوا معك لا تضعفين و نضعف معك
نهيل بتسال / ملاك درت ؟
مازن يهز راسه بتجاوب/ اي درت
نهيل انتفضت بخوف / وينها وليش ماهي معك ؟؟
مازن تنهد / ملاك انهارت بطايره و صقر وداها للمستشفى
امل بكت برعب و نهيل تصرخ /يويلي على بنتي يارب اعطها الصبر والقوه يارب

حصه تقترب لامها /يومه هدي ربك ارحم منا يلطف بحالها وحالنا
نهيل تقوم واقفه / قم ودني لبنتي بشوفها
مازن يوقف برفض/ يومه انتي بالحداد نسيتي ؟
نهيل تذكر /اي بالله نسيت ياربي كيف برتاح وبنتي بالمستشفى
حصه تهديها / انا ومازن نروح لها لا تحتين
نهيل تهز راسها برضا/اي يا مازن رح لاختكم وطمنوني عليها بسرعه
مازن ياشر لحصه /اجهزي بنروح للمستشفى

_______________________________
بالمستشفى …

صقر كان مع الدكتوره هانم اول با اول وقلبه يتقطع على ملاك اللي صحت ورجعت تصارخ بنهيار وكل
كلامها /ابوي مات ابوي مات
عطوها ابره مهدئه ومنومه لين نامت وهو يهتف لدكتوره هانم بتوصيه وحرص/ لا تكثرون عليها المهدئات ابد

الدكتوره هانم تهز راسها بتجاوب /حاظر يادكتور صقر بس البنت الان منهاره بكذا راح تتعب نفسياً ؟
صقر يرد وعيونه على الساحره النايمه بسرير الابيض بين اسلاك المغدي والمهدي/ ماعليه تتعب وتتعود اهون من المنومات والمهدئات

الدكتوره هانم تطالع بملامح ملاك الجميله وتهتف ببتسامه /تبارك الرحمن اول مره اشوف زوجتك يادكتور صقر شو هالجمال ؟
صقر رد وعيونه على ملاك / الله يقومها بسلامه هذا اهم شي
الدكتوره هانم ترجع نظرها لصقر ببتسامه /شو لهدرجه خايف عليها بس والله من حقك اللي عندوه مثلها بيحق له يخاف عليها

صقر تنهد بتعب وماله خلق قرقرتها وهو يتجه
لباب /بروح اشوف الوالد خلي بالك عليها ومثل ما وصيتك لا شوف اي دكتور عندها انتي المسؤله عنها
يا دكتوره هانم

الدكتوره هانم تشوفه يطلع ويسكر الباب من غير لايسمع ردها رفعت كتوفها وهي ترجع النظر لملاك وتهتف بخفوت وهي تهز بوزها ينين ويسار / اي انا بشوفو ما بيطالع الممرضات اللي هون طلع عندوه اللي معميه له عينوه

_____________________________________

يوم جديد و احداث جديده ….

مهره كانت لابسه جلابيه ساتان بالون السماوي الفاتح ومن بين الصدر كرستال الا الاسفل وضيقه من عند خصرها النحيل وماسكه على ردفها المليان مفصل انوثتها تفصيل مبهر و تبخر جناح الجدة صيته اللي جالسه هي وامها على الاريكه ويتقهون من بعد الغدا
و ام ماهر ترشف من فنجالها وتهتف بهتمام / متى بتطلع انوار ولديها من المستشفى ؟

الجدة صيته ابتسمت بفرحه / تقول فاطمه بكرا بتطلع لبيتها هي ووليد ابراهيم
ام ماهر ابتسمت من ابتسامتها / مشاءالله يعل الله يخليه له
الجدة صيته تطالع بمهره اللي تبخر بصمت /امين يارب ويرزق مهيره وفهد ان شاءالله
ام ماهر تنهد بحزن /يارب الله يسمع منك

مهره تبتعد و تحط البخور على الطاوله اللي بجوار السرير وترجع تجلس وتصب لها فنجال بصمت وصمتها ما خفاهم ..

ام ماهر تسال /حسنا بتبطي عند بنتها ؟
الجدة صيته تاخذ لها فذة تمره / لا بس اليله وبكرا ترجع ومريم تبي ترافق عند انوار تقول ان ام انوار طايحه و متعوره رجلها يا دافع ولا دريت عنها ؟
ام ماهر تقطب حواجبها / متى تعورت ياحول وفاطمه وينها
الجدة صيته ترشف من فنجالها / فاطمه بيت ولدها ماعنده احد

طق الباب وجاهم صوت فهد الثقيل /احم ام عقاب
الجدة صيته بندا /تعال يامك البيت مافي غيري انا وام ماهر ومريتك
دخل فهد وهو يقترب ويحب على راسها / شلونك يالغاليه
الجدة صيته تبتسم له بامومه / طيبه طاب حالك
فهد يجلس ويسال ام ماهر بحترام /شلونك يا ماهر
ام ماهر ترد وهي تبتسم / طيبه الحمدلله
مهره قامت تصب له فنجال من الترمس اللي على الطاوله وتمده له / سم

فهد اخذ الفنجال وعيونه على جلابيتها اللي فجرت دماغه (كيف تجرا تلبس كذا قدام امها وجدته ولا تمشي و تقهوي بعد من غير مستحا و رسمت جسمها كلها واضح مع الساتان ) …رفع حاجبه وعطاها نظره قويه مهره قطبت حواجبها باستغراب وهي ترجع جالسه بالاريكه المنفرده اللي من يمين الجدة صيته اللي جالسه بجوار فهد وام ماهر مقابله لهم باريكه منفرده بعد

الجدة صيته تمد له التمر / اجدع يامك
فهد ياشر بيده برفض/ مالي فيه
الجدة صيته تنزل التمر وتسال بهتمام / تغديت يامك؟
فهد يهز راسه وهو ينزل فنجاله على الطاوله / اي تغديت بالديوان مع عماني
الجدة صيته تبتسم / محمد صار جد يذكر الله
فهد يتكى ظهره على ظهر الاريكه / اي وسموه محمد عليه عساه يصير طيب جده
الجدة صيته اتسعت ابتسامتها / مشاءالله يستاهل ابو ابراهيم من يسمي عليه

ام ماهر تبتسم مجامله وقلبها يتقطع على بنتها اللي تناظر فهد بترقب؟..

فهد هتف بصوت رخيم / المهم ترا انا عندي مشروع وبسافر هاليومين
الجدة صيته اقطب حواجبها بتسال/ وين بتسافر يامك ومتى ترجع؟
فهد يرد عليها وعيونه تنتقل بينها وبين مهره اللي فاتحه عيونها الناعسه على الاخر / بروح الهند وبجلس شهر تقريباً اخلص شغلي وارجع

الجدة صيته بضيقه / يامك وش لك بهالشغل اللي باخر الدنيا؟
فهد يمسح على شعر عارضه / رزقي وابي اطرده
الجدة صيته هزت راسها بقلة حيله / الله يسهل دربك

مهره وقفت والكل صدم من هجومها / هذا ردك ياجدة الله يسهل دربه توقعتك انتي اللي تفهمينه وترفضين هالسفر
فهد وقف بغضب متفجر / ترفض سفر مين ؟!!!
الجدة صيته وقفت هي وام ماهر بخوف من النار اللي بدت بلاشتعال

مهره تكتف يديها على صدرها وترد بصوت
حاد / ومشروعك والسفر ماجا الا بالوقت هذا ؟
فهد انفلتت اعصابه وهو يتقدم لها وجدته تمسك فيه بحلف / والله ما تلمسها
فهد صرخ بصوت عالي / ما تسمعينها وش تقول تبي ولد عقاب توقف بوجهه مره عشان مايسافر

الجدة صيته تهديه / حلفتك بالله تهدا خل نفهم البنت علامها ؟

فهد يرجع على ورا وعيونه على مهره بقهر وغضب
و الجدة صيته لفت لها وسالتها بحزم / علامك انتي الرجال يقول عنده مشروع ما تسمعينه ؟
مهره تنتفض بالغيرة / والسفر ماجا الا وشوق مسافره يبي يلحقها اشتاق لها ؟؟

فهد تقدم لها بانفعال وهو ياشر لجدة بحلف / علي الحرام ماتوقفين بوجهي

مهره صرخت من قوة الصفعه اللي جت على خدها من يده العريضه و تنهار باكيه على صدر امها اللي حضنتها با مومه بين ذراعيها ..

والجدة صيته تشد فهد مع كتفه وهو ما كتفى من صفعه كان وده يدفنها حيه توعدها بصرامه / افكارك الوسخه هاذي ما ينظفها الا اذا جبت على راسك مره وخليتك تعرفين اني لا بغيت شي اجيبه وغزه قدام عينك

مهره ماتحملت تسمع اكثر ابعدت من حضن امها وطلعت من الجناح كامل وام ماهر تلحق وراها
والجدة صيته تهتف له بعتاب / ليش تضربها ليش وانت تعرف حالتها تبي تذبحها تبيها تموت عشان ترتاح ؟
فهد لف لجدته بغضب / ماسمعني وش تقول هاذي تفكيرها تفكير انسانه عاقله وش دخل شوق الحين بالسفر بفهم ؟؟؟

الجدة صيته تهز راسها بقلة حيله / غيرتها و خوفها من الحمل والعيال يخليها تفكر اكثر من كذا يامك ارحمها الله يرحم حالك
فهد يسحب له نفس طويل / انا ماعاد بقادر اتحملها واتحمل غيرتها وافكارها المريضه يامره تعقل ولا ترا والله لاحط على راسها مره تعقلها

الجدة صيته تنهد جالسه وهي تشوفه يطلع من الجناح ويمر من الصاله سامع صوت بكا مهره العالي بجناح ام ماهر عض على شفايفه السفليه وطلع لجناحه يبي يريح فكره و حيله المهدود …
________________________________

-/البارت الحادي والتسعون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


ابتدا العزا بديوان الشيخ مطلق من بعد ما ودع اخوه الوداع الاخير هو عياله وعيال اخوه ودفنوه وصلو عليه

غاب الذي بالمد ماعنده حدود،،،
غاب الذي ماقد يوم عن شي عيا ،،،

ابو صالح كان جالس بالعزا بتفكير وصمت ودموعه كل شوي تخونه وتنزل على خده ومازن وماجد وجاسر مانشفت دموعهم من بعد ما دفنوه دفنو الضلع الثابت لهم ..

عيال ابو صالح قايمين بالعزا وبالمعزين وقلوبهم على ابوهم خايفين عليه وعلى صحته وصقر كل شوي يرفع جواله ويرسل لدكتوره هانم يسالها عن ملاك وبلغته انها صحت و صامته من غير انهيار واختها مرافقه عندها استاذن وراح للمستشفى يبي يطمن عليها ويرجع يكمل العزا


عند الحريم العمه مزنه كانت جالسه وتبكي بحزن
من جت ودموعها مانشفت على فراق عضيدها
و اخوها الصغير و نهيل قلبها مشغول على ملاك وكل شوي تدق على حصه تسال عنها واللي قايمات بالعزا بنات ابو صالح وامهن متوزعات نص بيت ام ماجد ونص بيت ام مازن وشذى قلبها على صديقتها
من عرفت انها بالمستشفى وهي تبكي عند امل
وامل تبكي عندها

______________________________

بالمستشفى …

ملاك صامته وماهي قادره تستوعب فراقه تشعر كل اللي صار حلم واذا رجعت البيت بتلقى ابوها كل عاده قدام القهوه ويسندها ويوفق معها و بخطاها يدور لها عذر حتى ولو ما اعتذرت..
(سيبقى رحيلك ياطالب وجعاً يمزقني وهم لايشعرون)

حصه تمسح على شعرها بحنو / ملاك لازم تصيرين قويه امي بحاجتنا تكفين ارجعي لقوتك
ملاك ترجع راسها لظهر السرير / قوتي انهارت ماعاد فيه قوه راح اللي كان معطيني القوه والامان
حصه تحاول تكتم شهقاتها / الله يرحمه
ملاك بغصه والم عميق/ دفنوه وانا ماشفته راح وانا ما شبعت منه ولا ودعته يا حصه ما ودعته

حصه تلبس نقابها وهي تسمع صوت تنحنح صقر الثقيل /احم احم
حصه تهتف بصوت خجول / حياك
دخل صقر بهيبه وكان لابس ثوب ابيض وشماغ ناسفها
من تحت ذقنه على كتفه وعيونه على ملاك /سلام عليكم
ردت هي و اختها عليه بهدو /عليكم السلام
صقر هتف بتسال حاني /شلون صرتي ؟
ملاك ترد بصوت مكسور / صرت يتيمه

حصه طلعت برا الغرفه و صقر انتفض من كلمتها
و انحنى حاضن راسها على صدره / يتيمه وانا موجود اصير لك اب لو تبين
ملاك ترد ودموعها تنزل على خدها وتحرقه/ ماحد يجي مكان طالب

صقر ابعد راسها من حضنه بحنو وناظر
بعيونها / خليك مؤمنه وادعي له بالرحمه والمغفره هو محتاج دعاكم
ملاك بحزن والم/ ليش يدفونه وانا ما ودعته
صقر مسح على شعرها / وش لك بوجع القلب

ملاك عضت شفايفها وسكرت عيونها تحاول ماتنهار كفايه نهيارات من البارح و مارجع لها اللي فقدته؟…

دخلت العنود وقفت بغصه وهي تشوفه منحني لملاك ويمسح على شعرها الاسود تقدمت تسلم بغنج /سلام عليكم
صقر اعتدل واقف ولف لها يرد السلام من غير
نفس / عليكم السلام
العنود تناظر بملاك اللي تبادلها النظرات /عظم الله اجركم بفقيدكم والله تو دريت
صقر صاد النظر عنها / اجرنا واجرك
العنود بغنج مايع / دكتور صقر اذا احتجت شي انت ولا ملاك ترا انا بالخدمه

ملاك تشيح بوجها ولا لها خلق على المداحره معها ولا هو وقته اللي فيها مكفيها و صقر رد بثبات / مشكوره

العنود تقترب لملاك وهي تحرك المغذي بعبث وتهتف بصوت مايع / لاباس عليك وترا انا قريبه عندك لو بغيتي مني شي
ملاك تطالع فيها من فوق لا تحت / ممكن تطلعين برا

العنود طالعت صقر بدهشه وهو فتح عيونه على الاخر من سلوب ملاك الجريئ حس وده ينفجر ضاحك من شكل العنود اللي طلعت بخطواته سريعه وزعلانه
ناظر ملاك وهتف لها بحزم / عيب اللي سويتيه البنت تبي تخدمك تقومين تطردينها ؟

ملاك عطته نظره قارصه / اذا خايف على مشاعرها اطلع وراها
صقر رفع حاجبه / وتطرديني انا بعد ؟
ملاك تمدد كامل وهي ترد من غير نفس / ترا مالي خلق لنقاش اللي فيني يكفيني
صقر انحنى وغطا جسدها / مافيك الا العافيه باذن الله بس صيري قويه
ملاك تهتف بتعب / بطلع سو للي خروج بروح لامي
صقر يهز راسه برفض/ اليوم لا بكر تطلعين

ملاك تزفر عليه / وليش بكرا و انا مافيني شي ؟
صقر هتف لها برجا / يا حبيبتي اتركي الحنة انتي محتاجه ملاحظه لين بكرا اذا مافي انهيار طلعناك
ملاك بتافف / اوف خلصت كل طاقتي مافي نهيار خلاص
صقر ينهى النقاش وهو يستعد للخروج / ديري بالك على نفسك بروح العزا ورجع لك باليل

ملاك صمتت وطاري العزا يمزق قلبها الصغير
______________________________

الساعه 11 ليلاً …

دخل البيت هو وعمانه من بعد ماجو من عزا اخو الشيخ مطلق وابو ابراهيم يتجه جناحه/تصبحون على خير
وابو نواف وفهد /وانت من اهل الخير

ابو نواف مسك كف فهد / يا عمك شوري عليك فكر بالمشروع عدل قبل لا تسافر ترا القبيله واهلها بحاجتك غيابك شهر ماهو بسيط
فهد تنهد وهو يشد كف عمه/ ياعم القبله بمانتك انت وعمي محمد وباذن الله مايتغير شي بغيابي وبعدين المشروع كبير ويطلع خير اذا الله بارك فيه
ابو نواف هز راسه باستسلام / الله يوفقك ويسهل دربك
فهد يحب راسه / امين يارب يكفيني دعاكم
ابو نواف بابوه /ومتى السفر ؟
فهد / بعد يومين باذن الله
ابو نواف يتجه لداخل/ تصبح على خير

فهد دخل جناحه وعيونه تجول المكان الخالي منها زفر بضيقه وهو عارف انها ماراح تبات بجناحها من بعد اللي صار اليوم جلس على الاريكه ورمى شماغه بجواره ومسح شعره على ورا بكف يده السليمه ونزل يده مريحها على فخذه وتفكيرة بحالهم يصلح يوم
ويسوء سبوع متى بتزين الحياة بينهم متى يقدر يسيطر على عصبيته ويطنش تفكيرها وغيرتها ومتى هي بتكبر عقلها وتثق فيه وتترك الافكار الصغيره عنها ؟…

هتف بتافف و بهم / اف كيف بنام الحين وانا ماتطمنت عليها ؟ تقدر تنام بعيده عن حضني وهي مره وانا رجال بطولي ولاني بقادر انام بعيد عن حضنها لازم اتصبر وخليها تتادب على طولة لسانها وقلة ادبها
انا شايف انها زايده الفتره هاذي تدلع و تغنج علي عشان اراضي فيها ؟

فهد تنهد وطاري دلعها وذكرى غنجها يلتمس في شي غريبه ولهفه لها تنهد للمره الثانيه / هاذي وش هي مسويه فيني لعنبو شكلها

قام واخذ له شاور ولبس بجامعه وراح لسريره يحاول يسيطر على نفسه و يطنشها




بجناح الجدة صيته …

مهره متمدده بجوارها على السرير و لويتها ظهرها ماتبي تسمع احد ولا تكلم احد رفضت تبات بجناح امها و اخوها عشان مايعرف ان صاير بينها وبين فهد شي راحمه افكاره وقت الاختبارات

الجدة صيته متمدده على الطرف الثاني وعيونها على ظهر مهره وقلبها يتقطع على حال هالبنت متى ترتاح وتريحها متى فهد يعقل ويفهمها ومتى هي تعقل وتترك الغيرة عنها وش ناقصها عشان تغار من شوق هي اجمل بكثير الكثير منها واللي عندها زين مثل مهره وجسمها الا انوثي ونعومتها وبياضها المفروض ماتغار ابد تكون واثقه بس هي تنظر لوسامته الغالبه على وسامتها وتشوف انها ناقصه عنده

الجدة صيته هتفت بصوت هادي/ ادري انك مانمتي بس ترا البنت العاقله الفاهمة مهمها صار بينها وبين رجلها ماتنام بفراش غير فراشها
مهره ردت بصوت مبحوح / متضايقة من وجودي ؟
الجدة صيته تنحرها / انتي علامك منخبله لوني متضايقة منك طردتك بس انا مابي البعد يجي بينك وبين رجلك

مهره تنزل دموعها من غير لا ترد/….
الجدة صيته تنهدت بحنيه / يامك خلي عنك الوسواس الرجال يبيك و شاريك لاتخلين الشيطان يجي بينكم
مهره زاد بكاها وهي ترد بالم / يبي يعرس علي سمعتي كلامه ؟
الجدة صيته باسا من حالها / لونه بيعرس كان اعرس من مبطي بس هو يقول هالكلام يبي يخوفك
مهره تغطي وجها بالفراش / تصبحين ع خير
الجدة صيته ترد عليها بحنيه / وانتي من اهل الخير

طال اليل وطال الانتظار والجدة صيته غفت ومهره ماغمض لها جفن و افكار توديها وافكار تجيبها
________________________________

يوم جديد بالمستشفى …

وتحديد بمكتب الممرضات العنود تفتح نقابها وهي تاكل قطعة حلا مسويتها سوسن زميلتها / لذيذ بسراحه ما ينقاوم
سوسن تبتسم /بالعافية جنى مدي يدك وخوذي قطعه
جنى تهز راسها بنفي/ لا مابي مسويه رجيم انا
العنود تطالعها بنص عين / امحق رجيم اللي يخليك تزيدين ماتنحفين
جنى فتحت عيونها على الاخر / امانه سوسن انا زايدة؟
سوسن تضحك / لاوالله انك نحفانه بس هاذي مخها ضارب ماتشوف عدل

العنود ترفع كتوفها/ كلن وله نظره
جنى بزفرة / كلهم يقولون نحفانه الا انتي حتى الدكتور صقر امس شافني ماعرفني تخيلي يقول جنى مشاءالله وش هالرشاقة
سوسن طارت عيونها/ صقر يعرف يمدح غريبه بالعادة شايف نفسه و مايرى الناس شي
العنود بغيظ/ والله مرته اللي شايفه نفسها و طويلة لسان اعوذبالله

جنى باستغراب/ وانتي وين شفتي مرته وش عرفك فيها؟
العنود تكشر من طاريها / هنيه مرقده بالمستشفى من امس
سوسن تقفز واقفه / احلفي بي غرفه بروح اشوف اللي الناس تمدحها
جنى ترفع حواجبها باستغراب / تعرفينها انتي ؟
سوسن بحماس/ لا بس مرت اخوي تعرفها و تقول مزيونه
العنود ترد وهي تغلي بالغيرة / يمكن مرته الاوله ؟سوسن تهز راسها بنفي/ لا بنت عمه الثانيه
جنى تلف للعنود بتسال /انتي شفتيها حلوه ولالا؟

العنود ترد من غير نفس/ روحو شوفوها الناس الذواق مدري
سوسن بتسال/ كم الغرفة ؟
العنود تطالع بجنى اللي وقفت بحماس بعد / رقم غرفتها 108

طلعت سوسن وجنى متجهات للغرفه طقن الباب طقتين وجاهم صوت هادي /ادخل
دخلن وعيونهم على اللي واقفه بنقابها قدام
السرير /سلام عليكم
حصه ترد بهدو /عليكم السلام
سوسن تهتف بتسال /هاذي غرفة زوجة الدكتور صقر ؟
ابعدت حصه عن السرير وهي تاشر على ملاك /اي هاذي زوجته ليش ؟

راحت عيون جنى وسوسن لمكان ماشرت عليه حصه و وقفن مدهوشات من الحوريه للي جالسه و ظهرها مركى لظهر السرير و قاطبه حواجبها باستغراب من نظرات الممرضتين لها كانن فعلاً ينظرن لها بتفحص
و عاجزات عن الكلام يشوفن صورة مرسومه من احسن الصور حتى اشهر الرسامين ما يرسمون دقت ملامحها مع البياض وصفى البشره والعنق اللي متناثر خصل سودا عليه والجبين الصغير الشفاف مقبوط والارهاق معطيها منظر مثير غريب

ملاك زفرت بتسال /شفيكم ؟
سوسن تنحنحت بحرج / احم ابد بس جينا نسلم عليك بما انك زوجة زميلنا
حصه ترد بموده / الله يسلمكم من الشر
جنى مازالت تناظر بملاك وتسالها / محتاجة شي تبين شي ترا حنا نعين ونعاون
ملاك تطالعهن باحتقار من فوق لا تحت وترد من غير
نفس/ ماني بحاجة احد
حصه حست بحرج وهي ترقع كلامها / ابد مانبي الا سلامتكم
سوسن ماعجبها رد ملاك وهي تطالعها بغيظ وترد على حصه بتسال / انتي اختها ؟
حصه تهز راسها / اي اختها

طق الباب وجاهم صوت صقر الرخيم /احم احم
سوسن ردت باستعجال/ تفضل يا دكتور صقر

حصه وملاك تبادلو النظرات بدهشه من جرائتها
دخل صقر عليه ثوب وشماغ ناسفها بترتيب ونظارته الشمسيه بخمبات جيبه من قدام وعيونه على جنى وسوسن وهو فاهم عدل ليش جايات يبن يتفرجن عليها بس هو شعر بغرور وثقة ان زوجته تشرف النظر عند زميلاته بالعمل هو مثل اي انسان طبيعي يحب يتفاخر عند الناس بالشي المميز اللي يدفعه للكبرياء

حصه راحت بزاوية الغرفه من الخجل وصقر تقدم وهو يسمع جنى تهتف / الحمدلله على سلامة المدام
صقر ابتسم غصبن عليه من كلمة مدام /الله يسلمك
سوسن بتسال / ليش ماقلت لنا انها هنيه نقوم بالواجب؟
صقر يرد بصوت ثقيل / ماله داعي فيه من يقوم فيها
جنى تبتسم / خايف عليها من اخطانا الطبيه؟
سوسن تضحك / من قلت لها نحفانه وهي مستخفه

صقر ابتسم مجامله وعيونه تروح لملاك اللي ماعجبها ابد نقاشه مع الممرضات و تستمع لهم بصمت وحصه كذالك مصدومه من جرائة الممرضتين معه ولاكن ما خفاها غرور صقر وتكبره عليهن

صقر ياشر لجنى بعمل /جنى جيبي للي اوراق الخروج من عند الاستقبال
جنى تهز راسها برضا / حاظر يا دكتور الحين اجيبهم

طلعت جنى و سوسن وقفت متنحه بملاك وعندها فضول تشوف تعامله معها هل هو مغرور مع زوجته مثل غروره معنا بس صقر ما عطاها فرصه وهو اذكى منها /سوسن شوفي للي الدكتورة هانم وينها؟
سوسن تتجه لباب بصمت /…


ومن طلعت بلغت الدكتوره هانم بطلب صقر وراحت لغرفة العنود شافت جنى جالسه عندها وتكلم
بحماس /ماتوقعتها كذا جميله جميله بالحيل
العنود حاطه رجل على رجل وعيونها تشتعل
بغيرة/ الدكتور صقر موجود عندها ؟
جنى ترد بذات بحماسها / اي واضح ميت عليها مالومه تاخذ العقل فل كامل ماشاءالله
سوسن تجلس وهي تشاركها / ماتوقعتها بذا الزين بس شايفه نفسها

العنود تهز رجلها / قايله لكم
جنى تنهد باعجاب /يويلي يحق لها انا لو عندي ربع زينها ماتنازلت لاحد
سوسن تعقد حواجبها بتسال/بس كانها صغيرة حيل على الدكتور صقر لاحظتي ؟
جنى تهز راسها/ اي والله فرق بينهم بس يمكن شكلها صغير
العنود تقوم واقفه / لا ماهو شكل بينها وبين صقر عشرين سنه
جنى وسوسن بصوت واحد /عشرين سنه ؟؟
العنود تهز راسها بتاكيد / اي شايب عندها
سوسن بتسال/ وانتي وش دراك؟
العنود تجه لباب /اخته صديقتي وقالت للي
جنى وقفت هي بعد بتوتر/ نسيته يبي ورقه خروجها
________________________________

قبل صلاة الظهر بساعه …

طق باب جناح الجدة وجاها صوت فهد الخشن / ام عقاب
الجدة صيته تنادي له بخفوت /تعال يافهد
دخل وهو مستغرب من خفوتها ولاكن ماسرع مافهم وهو يشوف مهره نايمه على السرير قباله وجها وصدرها طالع من تحت غطى الفراش اقترب وحب راس جدته /صباحك خير

الجدة صيته ترد بخفوت /صباحك نور يامك
فهد يناظر بمهره ويرجع يناظر بجدته بتسال
خافت/ نايمه ؟
الجدة صيته تهز راسها / اي طول اليل ما رقدت
فهد تنهد بضيقة وهو يجلس مجاور الجدتة / تشوفين سواد وجها تترك جناحها وتنام عندك
الجدة صيته تهديه / يامك البنت زعلت من تهديدك لها بالعرس ومن البارح تبكي حتى ماراحت عند امها عشان اخوها مايشوفها

فهد يرفع حاجبه / انا ما اهدد انا اعطيها خبر يامره تعقل ولا لاحدن يلومني لا عرست عليها
الجدة صيته تهتف له برجا خافت / لا تقول هالكلام عندها ترا اللي فيها مكفيها

فهد لف يناظر بسرير وقلبه ملهوف عليها ورجع النظر لجدته / بكرا عندي سفر شوفي وش هي محتاجة عشان تبلغيني اجيبه لها قبل اروح ؟

ثم ردف بتوصيه و تهديد /وياك يا يومه تعتب عتبت الباب اذا انتي تحبينها وتخافين عليها لا تطلع من البيت ترا ان طلعت منه علي بالحرام ماعاد ترجع له

الجدة صيته انتفضت بخوف / لا يامك ماهي طالعه عندي انا وامها لين ترجع حتى ام ماهر بقول لها تجلس عندنا لين انت ترجع
فهد يوقف / اي لا تروح بيتها لين ارجع و اتفاهم معها
الجدة صيته تهز راسها / باذن الله لا تشيل هم انت
فهد يتجه الباب / تبين شي ؟
الجدة صيته ترد عليه وعيونها على مهره اللي غاطه بالنوم بتعب ولا هي حاسه باحد / سلامتك الله يحفظك


بعد الغدا رجعت الجدة صيته للجناح ومعها ام ماهر شايله صينية القهوه والشاي وعيونها على السرير الخالي وهي تحط الصينيه على الطاوله وتسال بخفوت / هي صحت؟
الجدة صيته تهز راسها /اي دخلت تغسل بالحمام

ام ماهر تجلس بجوارها وهي تهتف بضيقه / مدري متى ربي بيزين حالها وحال رجلها
الجدة صيته تحط باطن كفها بظهر كف ام ماهر / لا تشيلين هم الامور بتزين بينهم باذن الله وفهد اخطا بمدت يده عليها وهي جازته بنومتها عندي
ام ماهر بخرج / ماله داعي لو راحت جناحها ونامت فيه هي المخطيه الله يهديها اجل تبي ترد الرجال عن السفر
الجدة صيته تهزها تسكت / اص جت

مهره تقدم وهي تنشف وجها المورم من كثر البكا البارح والسهر وتجلس قبالهم على الاريكه /صباح الخير
ام ماهر تنهد / اي صباح يامك الناس الظهر وتغدينا وانتي عداك نايمه
مهره تفتح عيونها وتلف تطالع الساعه اللي بالحيط ورها شافتها 2 الظهر /يوه نايمه لا هالوقت وصلاة راحت علي؟
الجدة صيته تهتف بحنيه /قومي صلي يامك مابعد دخل صلاة العصر

قامت مهره صلت صلاتها ورجعت جالسه من بعد ما قهوة امها وجدتها وخذت لها فنجال قهوه و فذة تمره
الجدة صيته تسبح بسبحتها بصمت /…
وام ماهر هتف بحزم /قومي تغدي وتعالي بتكلم معك شوي
مهره تنهد /الغدا مابي الحين ولا للي نفس واللي بتقولينه يا يومه وفريه ليوم ثاني لاني تعبانه ومابي اسمع شي
الجدة صيته بحزم اعمق / اقول اسمعي امك واتركي الخبال عنك
مهره تصد بوجها بصمت وام ماهر تكلم
بصرامه /اسمعيني يا مهره رجلك بيروح شغل ماهى لعب واللي سويتيه ترا عيب الحريم العاقلات مايسون سواتك

مهره تنزل فنجالها على الطاوله بعصبيه /قلتيها العاقلات انا ماني بعاقله ولاني بفاهمه
ام ماهر تنهد بقلة حيله / يامك المره تعاند الجبال الحجر القاسي ولا تعاند الرجال
الجدة صيته تهديها / انتي وش تبين بضبط علمينا خلي نفهم ؟
مهره بكت وهي تضم وجها بين كفوفها/ مابي شي بيسافر بكيفه

الجدة صيته تنهد بالم من صوت بكاها/ تراه عندي الصباح وتطمن عليك وسال عنك ولا هو مطاوعه قلبه يسافر بكرا وانتي زعلانه وبعيده عنه روحي له بالجناح اذا رجع وتفاهمو بالهدو
مهره رفعت عينها بصدمه /بكرا يسافر ؟
الجدة صيته تهز راسها/ اي بكرا
مهره تقوم واقفه / ماني رايحه له ولا ابي اشوفه خلي السفر واللي بسفر يفيدونه

طلعت مهره لجناح ماهر والجدة صيته وام ماهر تبادلو النظرات بدهشه من كلامها وعنادها الغريب
______________________________

بالمستشفى….

طلع صقر من غرفة ملاك ينتظرها تجهز هي واختها كان واقف بالممر يشتغل بجواله شوي وجاه صوت عادل اللي يهتف بالسلام /السلام عليكم يابو مطلق
صقر دخل جواله بجيبه وهو يسلم عليه بمصافحه وحب خشوم / عليكم السلام حي الله ابو اياد
عادل بتسال واهتمام /شلونك شلون الاهل عساهم طيبين
صقر يرد عليه بثقل /بخير الحمدلله وجزاكم الله خير اتعبناك واتعبنا اهلك معك
عادل يبتسم /يارجال حنا اهل المهم انكم بخير

طلعت حصه وهي متغطيه بالكامل ومرت من عندهم بصمت وصقر لف عنها معطيها مجال تمر وعادل هتف بموده /تامر على شي يابو مطلق؟
صقر يرد بذات الموده /سلامتك

عادل ابتعد وملاك طلعت لابسه عباتها ومشت مع صقر لسيارته ركب وشغلها وشغل المكيف على الاخر لان الجو حار وهي ركبت وسكرت الباب بصمت/…
صقر لف لها بتسال / تبين تروحين جناحك ولا بيت امك ؟
ملاك ردت باستعجال /اكيد بيت امي
صقر تنهد بضيقه /طيب ومتى تجين
هي بتسال /وين اجي ؟
هو بحزم / وين يعني جناحك
هي بزفرة /صقر ماراح ارجع لين امي تخلص حدادها
صقر طارت عيونه فيها / متى متى ؟!!!
ملاك ترفع كتوفها /لين امي نخلص حدادها
صقر نفخ بوجها / وانا بخليك تجلسين 4 شهور عندها
ملاك تلف له / اجل ؟
صقر يحاول يهدي نفسه بس ماهو قادر / معك يومين ترتاحين فيهم وبعده ترجعين عندي غير هالكلام مافي

ملاك بعناد / ماراح ارجع انت شفيك ماتحس ترا اللي ميت ابوي ابوي
صقر ضرب السكان بكف يده بقوه / وانا قايل شي ابيك ترجعين جناحك باليل بس والنهار روحي لامك ماحدن رادك
ملاك تلف وجها عنه / متى ما ارتحت رجعت لجناحي شهر شهرين لا تضغط علي
صقر عض شفايفه وهو يحرك السياره بغضب /كيفك ان شاءالله تقعدين عندها سنه
ملاك تطالعه كيف مسرع سرعه جنونيه وهي تهتف بخوف /صقر هد تبي تذبحنا انت ؟

مارد عليها ولا هدا وهي صمتت وتدعي الله بداخلها ترجع لامها بالسلامه وهو كان مقهور على حظه الزفت وهو يتذكر الوعد اللي بينهم كان المفروض يصير اليوم بس كل شي صار ضده مايدري فعلا متى الدنياء بتضحك له على قولة امه كل ماقترب ابتعدت وكل
ما اقتربت ابعدتها الظروف لامتى !!؟


وقف عند الباب وهي نزلت لبيتهم من غير نقاش
دخلت و سكرت الباب و صقر نزل لبيت اهله
وهو يذم نفسه وحظه

ملاك تمشي بالحوش وعيونها تغيم بالدموع
ذكرى ابوها كسر كل شي قوي فيها وقفت بالحوش وهي تستند على الجدار خايفه ترجع تنهار ماقدرت توقف طاحت بالارض وهي تلم رجولها وتدفن راسها وتبكي بنجيب ولا حست بحرارة الشمس فوق راسها وحرارة الارض اللي تحرق جسدها بكت وبكت وهي عاجزه ترفع نظرها للبيت وراسها مازال مدفون بحضنها

امل طلعت للحوش وبيدها عباتها المبلولة تبي تعلقها بمعلوق بشمس عشان تنشف ولاكن العبايه طاحت بالارض وهي تركض لملاك وتضمها وتصرخ
بندا /يومه يومه الحقي ملاك
نهيل جت تركض ومازن طلع من جناحه مفزوع من الصوت كلهم تجمعو عليها و نهيل تسحبها وتحضنها وتنفجر معها بالبكا /يامك ليش تجلسين بالشمس ليش تعذبين نفسك
ملاك تبكي بقوه /يومه ابوي مات مات
نهيل تشد احتضانها /ادعي له بالرحمه
مازن يمسح دموعه وهو يهتف بحنو /تعالو ادخلو على المكيف

ادخلو كلهم الصاله وملاك حاضنه امها ومازالت تبكي على صدرها وامل جالسه بزاويه وتبكي معها مازن واقف ويمسح دموعه سمع جواله بمخباه يدق طلعه وهو يرد / هلا صقر ارحب

صقر بهتمام / ملاك نزلت بالبيت شفتها ؟
مازن تنهد بحزن / اي ياخوك مادرينا عنها كانت جالسه بالشمس وتصيح
صقر انتفض بخوف / والحين شلونها؟
مازن يطمنه /ماعليها طيبه هاذ هي بحضن امي وتهديها

صقر نزل نظره على حضنه الخالي بقهر تبكي بحضن غيرة وهو موجود رد بهدو / خل بالك عليها ولو تتعب كلمني
مازن يهز راسه وعيونه على امه وملاك اللي يسمعون بصمت/ ابشر ابشر

من سكر هتفت نهيل بتسال / وش يبي صقر؟
مازن بجلس / مايبي شي بس يسال عن ملاك ويوصي عليها
نهيل بذات التسال / اليله هو اللي بيسوي العشا صدقة عن ابوك؟
مازن يهز راسه / اي والله ذبح 4 ذبايح ثنتين وزعهن وثنتين يبي يسويهن عشا اليله للمعزين
نهيل تهز راسها /الله يحزاه خير

مازن يقوم واقف /عمي وعياله رفضو اي احد يسوي صدقه الا اهل البيت امس سوا الغدا عمي مطلق والعشا عياله صالح وفالح و الغدا اليوم انا وماجد والعشاء اليله صقر
نهيل تمسح دموعها / الله يجعلها صدقه عن الميت
ملاك تبتعد عن حضن امها بارهاق / يومه انتهى العزا ولا باقي ؟
نهيل تمسح على شعرها /باقي يامك الناس تجي العصر لين اليل بكرا اخر شي
ملاك تمسح دموعها / بحظر عزاه يكفي ما حظرت وداعه
_________________________

-/البارت الثاني والتسعون /-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


صقر من بعد ما بدل ولبس له ثوب نوم ماسك على جسمه دخل البيت وهو يتجه لصاله يبي يطمن على ابوه وكانو مجتمعين امه و هدى ومها وصالح وفلاح وعمته مزنه اللي جالسه بجوار ابوه هتف
بالسلام /سلام عليكم
الكل رد السلام / عليكم السلام
هدى قامت احترام له /تعال اجلس هنيه
صقر ياشر لها تجلس /خلك مكانك
هدى بحلف /لاوالله تعال اجلس
ابو صالح ياشر له /اجلس يابوك اجلس
جلس صقر بكان هدى بتعب وهدى جلست جاور
ام مهند وابو صالح هتف بتسال حزين/ شلون بنت عمك ؟

صقر يناظر بعيون ابوه المليانه بالحزن ويرد
بحنو /ماعليها طيبه وتو حطيتها بيت امها
العمه مزنه هتفت بمحبه / طلعت الحمدلله ياربي
ابو صالح يتنهد /الله يربط على قلوبهم بصبر
ام صالح /امين يارب امين

هدى وام مهند وصالح وفالح كانو صامتين وحزن ابوهم وعمتهم يحزنهم كثير العمه مزنه تمسح دمعه تنزل على خدها / بروح اسلم على بنيتي شوي ما عزيتها بابوها ي قلبي عليها
ام منهد تطمنها /ماعليها ملاك بخير والبنت قويه ماشاءالله
ابو صالح بصوت مبحوح /اي قوه وهي انهارت ودخلت المستشفى من حر ما بجوفها على ابوها

العمه مزنه تهتف بالم / هاذي شبيهتي مثل طبايعي قويه لاكن اذا انفجرت انفجرت
هدى تلطف الجو / يوه ياعمه وانتي ماحد شبيهك الا هي وحنا ما تعترفين فينا ؟
العمه مزنه تبتسم وهي تطالع صقر اللي مبتسم من طاري ملاك وطبايعها وهي ترد على هدى /كلكم فيكم الخير والبركه بس هي والله انها طبق الاصل مني من وهي ورع لين كبرت

فالح يحاول هو بعد يلطف الجو مع هدى / اوه انا اشوف صقر يغليك اثره لاقي فيك شبه الحبايب
صقر ضحك بارهاق / ياروحي ياعمتي مزنه
هدى تضحك / متاكد انها عمتك مزنه روحك ولا اشباها
صقر يبتسم / هي واشباها
ام منهد تقوم / بروح ابلغ شذى ان ملاك طلعت
صقر قطب حواجبه / وينها شذى ؟
ام مهند تهز راسها باسا /من دخلت ملاك المستشفى وهي بس تصيح اكلت عمرها بصياح
صقر يبتسم / روحي بشريها خويتها مافيها الا العافيه
هدى تضحك / الحين تروح تهجم عليهم
________________________________

بعد مرور سبوعين …

فهد سافر للهند قبل سبوعين من غير لا يصلح الامور بينه وبين مهره وهي كابرت ولا طلعت لوداعه يوم ودع الجميع وراح وقلبها يتمزق على فراقه وغيابه

الجدة صيته تنادي / مهره يا مهره
مهره جت تمشي / هلا يومه
الجدة صيته تلبس عباتها /ابي اروح لبيت ابراهيم عندهم جمعة نسوان خلي ميري تغسل الحوش وتنظفه وتسقي الزرع
مهره تهز راسها برضا/ابشري بس يومه اعتذري للي من انوار ماقدرت اجي وبارك لها
الجدة صيته تهز راسها/هي عاذرتك وعارفه ظروفك
مهره تنهد بضيقه من حالها اللي كلن عرف عنه /بوصي امي هديه لولدها وبرسلها عليها هاليومين

الجدة صيته تبتسم /ازين ماتسوين الا امك وينها تقول بتروح معي؟
مهره ترفع كتوفها / والله مدري
جاهم صوت ام ماهر اللي لابسه وجاهزة /جيت
الجدة صيته بتوصيه وحرص /قفلي الباب عدل و انتبهي لنفسك و للخدم ماحنا مطولين ساعه ونرجع
مهره تطمنهم / لا تحاتوني انا بخير الحمدلله
ام ماهر تمد جوالها / هذا جوالي خلي عندك لا حتجتي شي
مهره تهز راسها بنفي / لا يومه خلي معك لو ماهر يتصل فيك ولا يسالك عن اغراضه
الجدة صيته تطلع جوالها من مخباتها /هذا جوالي انا ما احتاجه خلي عندك لا حتجتي شي دقي على امك ولا على عمك محمد
مهره تاخذه /ان شاءالله

طلعو ومهره قالت للخدم يغسلون الحوش وجلست هي بصاله و تقهو من القرفه عشان الدوره و تتابع لها فلم تحاول تشغل نفسها فيه الحريم مجتمعات وهي مسجونه بروحها ما بيدها الا الصبر ...

مرت نص ساعه وهي تتابع بانسجام انتفضت من رن جوال جدتها بجوارها رفعته بيدها شافت مكتوب الغالي فهد ترددت ترد ولالا ولاكنها قررت تطنشه
وهي تسمع يدق لثلاث مره
سحبت لها نفس طويل وهي ترد /الو

فهد انتفض بشده من صوتها وش جاب الجوال بيدها هذ وهو محذر جدته ومنبه عليها الف مره ماتمسك الجوال معقوله يكون معها من سافر ولا تكون شافت رقمه وحبت هي ترد عليه تشتت افكاره ومخه ضرب من الغضب

هتف بصوت حازم/ وش جاب الجوال معك ؟؟
مهره اشتاقت لصوته ولاكن ضايقها هجومه وهي ترد بصوت هادي / جدتي خلته عندي عشان انا جالسه بالبيت بروحي
فهد بحزم اعمق واعمق/ وامك واخوك وينهم؟
مهره تنهدت /امي راحت بيت ابراهيم مع جدتي وماهر عند المدرس الخصوصي
فهد بتسال / وانتي بروحك بالبيت ؟
مهره ترد عليه بكلمه / ايه

فهد بتسال حاد / وام عقاب كل ماطلعت تخلي الجوال عندك!؟
مهره سكرت عيونها بعصبيه وهي ترد بذات
العصبيه / لا طبعاً ماقد خلته عندي بس خايفه علي ولزمت يكون عندي عشان لو احتاج شي
فهد ساكت و ينتعش من سماع صوتها المتنرفز وهي تكمل كلامها / وترا لو مادقيت كذا مره ماكنت برد اصلاً

فهد بعتاب حازم / افهم انك ماتبين تسمعين صوتي ؟
مهره ترجع ظهرها لظهر الاريكه وفهد عرف انها غيرت وضعيتها من صوت انفاسها وهي ترد بهدو/ اذا جت جدتي قلت لها تتصل عليك
فهد هتف بنبره خاصه / مهره خليك على الخط ابي اسمع انفاسك
مهره توترت / فهد انا لازم اسكر
فهد بحده /وليش لازم وش عندك ؟
مهره بغيظ / ماعندي شي بس خلاص مابينا كلام وش له اكون على الخط
فهد هتف بصوت رخيم خافت / ما اشتقتي لحضني ؟
مهره سكرت عيونها بصمت وفهد كمل كلامه بذات النبرة / انا اشتقت لحضنك والله اشتقت
مهره نزلت دموعها على خدها وهي صامته
فهد تنهد بضيقه / تبكين ؟
مهره اعتلت شهقاتها بصمت /…

فهد سكر عيونه صامت ورجولته وشهامته تفور من صوت شهقاتها البريئة صمت وهو يستمع لبكاها لين حس انها هدت وخفت شهقاتها وهتف بنبرة
حانيه / مهره لا توجعين للي قلبي اذا انتي زعلانه لاجيت راضيتك باللي تبينه
مهره مسحت دموعها / فهد بطني يوجعني بسكر
فهد انتفض بخوف / شفي بطنك ليش يوجعك
مهره صمتت /…
فهد زفر بشدة/ تكلمي شفيك؟
مهره ترد بصوت مبحوح / الدورة متعبتني
فهد يسحب له نفس وهو يهتف بحنو بالغ / من اجي راح اوديك لدكتوره وارجع فيك لين تطيبين
مهره تنهى النقاش / ممكن اسكر
فهد تنهد وهو ينهى الاتصال/ مع السلامه
___________________________

بيت نهيل ملاك لها سبوعين عندهم ورافضه ترجع جناحها ولا بينها وبين صقر اي تواصل مخليها على راحتها وهي مازالت حزينه على فراق ابوها

نهيل جالسه تلاعب اياد اللي كبر وصار يسولف ويضحك معها /هوبه يلا هوبه ايودي
ملاك تبتسم وعيونها على اياد اللي يضحك بقوه
حصه تمد لامها فنجال /تقهوي يومه
نهيل تبوس اياد /حطي بالارض ولدك بيدي
حصه تحطه بالارض وهي تهتف بتسال/ خالي ابو بندر وش يقول امس يوم جاك؟
نهيل تنزل اياد بفراشه /يقول ترا اجلنا العرس

ملاك ترفع حاجبها / قولي غصبن عليكم تاجلونه اجل نسوي عرس وبونا توه متوفى
نهيل تزفر عليها/ انتي شفيك الناس ماقالو شي ولا اطرو العرس بس جاي يبلغنا
امل تنهد بحزن / مابي عرس الا بعد مرور سنه على وفاة ابوي
حصه تنحرها /حلوه هاذي ترا الناس ماهي صابره سنه
ملاك تحط يديها على خصرها وتمايله / لا يصبرون ماحد مشاورهم اصلاً

نهيل تطالع فيها بحده /بدل مانتي مشغلة نفسك بخالك وولده ورا ماتروحين لرجلك اللي مخليك وساكت عنك
امل ضحكت و ملاك طالعتها بنص عين /وش يضحكك
امل ترفع كتوفها /الصاروخ اللي فجر جبهتك
نهيل بجدية / متى ترجعين بيتك
ملاك من غير نفس /اي بيت ؟
نهيل تزفر عليها وهي واصله حدها / اي بيت الظاهر انك تبين لك ضربه على الراس عشان تذكرين

ملاك تبتسم / لا مايحتاج متى مابغيت ارجع راح ابلغك
نهيل تطالع حصه بقهر /شوفي وش تقول اذا بغت ترجع تبلغني يعني ماهي مشاوره احد
حصه تهز راسها باسا/ بسراحه بنتك هاذي عنيده مره
ملاك تضحك /ماجبتي شي جديد
امل تضحك هي بعد / عنيده وطويلة لسان بعد
نهيل تزفر عليهن / اتركو الضحك وانتي اليله تذلفين لرجلك فاهمه
ملاك ترفع كتوفها / افكر
نهيل بعصبيه /مافي تفكرين تروحين يعني تروحين

ملاك تقدم جزها العلوي وهي جالسه وتحط عينها بعين امها بتسال/ هو جاك عزاك بوفاة ابوي؟
نهيل تنهدت / لا ماجا ولا ابيه يجي ماهو راد ابوك ولو جا
ملاك بقهر / اجل خلي يذلف اللي مايقدر اهلي ما قدرني
حصه تنهد بقلة صبر/ هو متزوجك انتي ماهو متزوج اهلك خليك بحالك بس
نهيل تكمل كلام بنتها / اتركي عنك العناد ورجعي له مالك بعد الله الا هو

ملاك شعرت بغصه من كلام امها وهي تذكر حديث ابوها لها ليلة زفافها ( ترا جناح صقر هو اللي يضفك
من بعد مايغيب جناحي )
________________________________

يوم جديد…

بيت الجدة صيته حسنا تبتسم وتسالها /مشاءالله يبون يسوون طلوعة محمد ولد ابراهيم متى ؟
الجدة صيته ترد وهي تقهو / بعد سبوع ان شاءالله وبنعزم عليه القاصي والداني
ام ماهر بتسال/وين بيسوونه بيت ابراهيم ؟
الجدة صيته تهز راسها بنفي / لا بيت الشيخ فهد
حسنا بعتاب /ليش ما يحترون لين يجي ابو عقاب بالسلامه

الجدة صيته تقطب حواجبها / هو اللي حلف عليهم ما يحترونه يقول يمكن امدد الشغل وتاخر وهديته وصلت لهم
حسنا بتسال / ماشاءالله وش اهدا لهم الشيخ فهد؟
الجدة صيته بفخر / حاشي لطلوعته يا ذكر الله

ام ماهر تناظر لمهره اللي تسمع لجدتها وكلامها يزيد غيرتها مثل زيد الهشيم لنار (يبي يمدد سفرته بعد وفوق هذا مرسل حاشي لولد ابراهيم يبي يقهرني )

الجدة صيته بتوصيه /الله الله بالكشخه الزينه ترا ابراهيم وامه بيسوون حفلن كبير
ام ماهر بمسايره /ابشري باذن الله
حسنا بحماس/ اجل بروح السوق بكرا انا ونوف نقضي لنا ملابس جديدة
الجدة صيته بذات الحماس /اي بالله وانتي يا ام ماهر روحي قضي لمهيره
ام ماهر تهز راسها برضا / ان شاءالله

مهره قامت منهم وهي على وشك البكا حتى السوق محرومه منه يبون يقضون لها على كيفهم ؟!
وش هالحياة الاليمه وش هالحرمان والتحكم
بس ماراح تسكت ولا راح تستسلم هالمره
ماحد يشري فستانها غيرها وعلى ذوقها ونظرها هي ،،


____________________________

بالمستشفى …

كان صقر جالس بمكتبه و حاس بالانفجار والصبر عنده نفذ من هالبنت وعنادها لها سبوعين بيت امها وهو ينتظرها ترجع بطيبة نفس لاكن لاحياه لمن تنادي رفع جواله ودق على رقمها اللي واخيراً خذاه منها يوم كانو بدبي دق مره مرتين ولا ردت تافف بغضب وهو يرمي الجوال على طاولة المكتب قدامه و زفر بشده( الاشكال هاذي ماتنعطى وجه) ..

سمع صوت طق الباب بهدو رفع عينه و هتف /تفضل
دخلت اميرة وهي تسلم بصوت متوتر / سلام عليكم
صقر فتح عيونه على الاخر من الصدمه وهو
يرد /عليكم السلام
اميره تاشر للكرسي /ممكن اجلس يا دكتور ؟
صقر هز راسه وهو ياشر لها /تفضلي
اميرة جلست وهي تسال عن الاحوال/ اخبارك واخبارك عمتي والبنات
صقر رد عليها وعيونه مركزه بالاوراق اللي قدامه / بخير نحمد الله انتي اخبارك

اميرة تنهدت بوجع وهي تشوفه يصد النظر عنها/ انا جايه ابي منك استشارة طبيه
صقر رفع عينه لها/ عسى ماشر ؟
اميرة ركزت النظر فيه وعيونها واضحه من ورا
النقاب / عندي مشكله بالكلى خذيت اشاعات وتحاليل وكل شي قالو سليم وبالاخير دكتوره قالت اني قد خذيت ابرة منع للحمل وهاذي مضاعفاتها ؟

صقر قطب حواجبه وماهو قادر يستوعب كلامها/ من الابرةً؟
اميرة تهز راسها/ اي يا دكتور الابرة جبرني عليها زوجي قصدي طليقي و تسبب للي بمضاعفات
صقر هز راسه بنفي ورد عليها بثقه / مستحيل الابرة مالها اضرار وكثير نساء ياخذونها ولا ضرتهم
اميرة بتسال / وزوجتك اخذتها؟!
صقر عطاها نظرة / شعليك انتي ؟

اميرة تزفر عليه / كيف وش علي وانت السبب باللي يصير للي وبنت عمك خايف عليها ولا جبرتها تاخذها
لانك عارف اضرارها
صقر رد بحزم / الابرة مالها اضرار دوري شي غير هالاعذار ؟
اميرة بدهشه / اعذار انت ما تخاف ربك مسبب للي مضاعفات بالكلى ولا كنك مسوي شي
صقر يرفع كتوفه برود/ المطلوب ؟!
اميرة توقف وتاخذ شنطتها/ حسبي الله والنعم الوكيل

طلعت بقهر ودموعها تسيل على خدها و صقر ضرب طرف الطاوله بيده بقوه /انا ناقص هم تجي وتزيد علي

رن جواله رفعه وهو مستغرب انها رجعت له الاتصال رد بغضب / كان ما اتصلتي احسن ؟
ملاك صدمت من هجومه عليها وهي ترد بذات الهجوم / اي والله صادق لو ماتصلت احسن و الحين مع السلامه
صقر صرخ فيها/قسم بالله لو تسكرين لاجي و اكسر جوالك على راسك
ملاك بزفرة / انت شفيك داق عشان تصارخ ماعندك احد تحط حرتك فيه غيري ؟
صقر تافف / اوف
ملاك ترد بذات الزفرة / اي والله اوف

صقر بتسال حاد / ليش ماتردين وانا اتصل لك من اليوم ؟
ملاك ترد من غير نفس /كنت اخذ شاور ولو مابي ارد عليك كان مارجعت الاتصال

صقر يريح ظهره على الكرسي / متى ترجعين الجناحك؟
ملاك صمتت ثواني ثم هتفت بهدو /اليله
صقر سحب له نفس عميق من الراحه / طيب ارجع من الدوام القاك قدامي
ملاك تنهدت / طيب
صقر بصوت خافت / اشتقت لريحتك ولشوفتك
ملاك بغرور / ادري
صقر ابتسم نص ابتسامه/ ياحلو الثقه

ملاك تذكر شي وهي تهتف باستعجال / صقر اسمع
صقر قطب حواجبه /اسمعك ؟
ملاك بحرص /جيب للي عذر طبي لا تنسى حق سبوعين اللي غبتهم
صقر بهدو /بس انا جبت لك عذر سبوع ؟
ملاك ترد بعفويه /اي جبت للي يوم كنا بدبي بس باقي سبوعين من وفاة ابوي ما داومت وشذى تقول الموديره تقول لازم اجيب عذر

صقر يرد بذات الهدو /تكرم عينك اجيب لك بس مو اليوم
ملاك تنهد /ليش بكرا الاحد اداوم ؟
صقر بتفهم / بكرا اسوي لك يبي له وقت وجيبه معي
ملاك تحك راسها/كيف بداوم بدون عذر؟
صقر برود /غيبي بكرا والاثنين داومين
ملاك بتردد/ اممم اشوف
صقر يقوم واقف منهي الاتصال/ يلا بسكر وراي شغل اليله القاك متواجده بالجناح مفهوم ؟

ملاك من سكرت الجوال راحت لامها بغيظ /عاجبك يوم حلفتي علي ارجع له اليله ؟
نهيل تسكتها بحده /اص ولا كلمه رجلك وتروحين له ترا ماصارت لك سبوعين عندي
ملاك تطالعها بنص عين /افهم انك ماتبيني ؟
نهيل تنهد بطولة بال / يامك انا ماني بحاجة احد امل عندي وانتي قريبه تعالي للي كل نهار و باليل ارجعي لرجلك

ملاك ترمي نفسها على الاريكه / طيب بروح ماقلت شي
نهيل تبتسم / عفيه على بنيتي الشاطرة
ملاك ضحكت / اي وانا برز تقصين علي بكلامك
نهيل تقوم / اقول قومي سوي قهوه وشاي خالتك ام عادل وحصه بيجون شوي

ملاك تقوم واقفه بزفرة / وفا هاذي لازم نشوف لها حل حابسه نفسها بالجناح ماتعرف حتى تساعدنا بشي؟
نهيل تعطيها نظره /وش عليك فيها انتي ماحنا بحاجتها ؟
ملاك بغبنه / يومه حتى الناس يوم يجون يسالون عنها ماتطلع لاحد بس عند اهلها ولا معتكفه بجناحها
نهيل تهز راسها باسا/ يامك ماهو نافع معها الكلام
و ماحنا ناقصين هم عشان نفكر فيها
ملاك بقهر/ حتى عمتي مزنه يوم جت زعلت قالت هاذي ماهي حاله عيب اللي تسويه
نهيل تنهى النقاش/ ماعلينا منها المهم جهزي المجلس انتي وامول لخالتك
ملاك تهز راسها/ حاظر


سوت ملاك القهوه والشاي وامل رتبت المجلس
وكل وحده لبست لها قميص قطن هادي ملاك بالون الكحلي وامل بالون الاصفر شوي وطق الباب راحت امل تفتح وهي ترحب /حياكم الله
ام عادل تهتف بموده /شلونك شلون امك
امل تبتسم /الحمدلله كلنا بخير
دخلت حصه وراها شايله اياد وهي تمده لامل
بتعب /خذي عني كسر يدي
امل تاخذه وهي تبتسم /جيبيه الدوب هذا
ام عادل تتجه لداخل وتضحك / قولي ماشاءالله لا تحسدين ولدينا
امل تضحك / ماشاءالله

دخلو المجلس واستقبلتهم نهيل وملاك بالقهوه وتبادلو السوال عن الاخبار و الاحوال وجلسو يسولفون بينهم بروح عائليه متوالفه…

ملاك تبوس اياد /ياروحي تجنن خدوده
حصه تصب لها فنجال قهوه /ملاك امانه سوي له رضاعه جيعان
ملاك تهز راسها بنفي/ لا ماراح اسوي له خلي يخفف وزن بس ياكل هم هم
ام عادل با امومه / يارب نشوفك شايله ضناك

ملاك طارت عيونها بحرج وحصه انفجرت بضحك من شكلها /علامك يادافع ؟
ملاك تنحنح / تو الناس يا خاله لين اخلص دراستي
ام عادل بخوف /لايكون تاكلين موانع بس؟
نهيل تلف لها تنتظر ردها ملاك توترت /لا ماكل موانع

نهيل تنهدت براحه / اي زين انخبص قلبي عاد كل شي عندي الا الموانع للبكر بذات ماهي زينه
ام عادل تشاركها /اي والله يعقمن البنت يادافع البلا
ملاك تقطب حواجبها بتذكر / اي يومه نسيت لا قول لك
نهيل تطالع فيها / وشو ؟
ملاك تهتف بخفوت / يومه وفا طلعت تاكل موانع
نهيل بصدمه /وش تقولين انتي ؟
حصه تهز راسها بنفي/لا انتي غلطانه لو تاكل موانع ماراحت تعالج عند المستشفيات تدور الضنا
امل بتطنز / والله وفا تسويها
ملاك بزفرة / انتم عطوني فرصه اتكلم
ام عادل بهتمام / خلو البنت تكلم قولي يامك

ملاك تسحب نفس طويل وهي تحكي لهم اللي صار ذيك اليله بدبي وهجوم مازن على وفا عشانها تاكل موانع واعتراف وفا عشان ماعنده وظيفه ولا راتب

نهيل فار دمها / حسبي الله عليها قليلة الاصل والله ماسكت لها وانا بنت مسفر
حصه بصدمه / وش بتسوين يايومه ؟
نهيل بغضب / بوقفها عند حدها اجل تلعب فينا
واكله فلوس هالضعيف يعنها تعالج؟
ام عادل بغبنه / الشرهه ماهي عليها على ولدك اللي ساكت عنها
نهيل بقهر /ولدي رخمه ولا كان رمها عند اهلها عشان تادب

ام عادل تهتف لها بحده /اسمعي يا ختك الكلام هذا ما ينسكت عنه واذا سكت ولدك تبي تاطى على رقبته بس انتي وقفيها عند حدها وعلمي اهلها عليها قولي هاذي حركه بنت الحموله تخلي زوجها يدفع ما وراه ودونه على المستشفيات وهي تاكل موانع ؟

ملاك باقتناع /كلام خالتي صح لازم عمي وعمتي يدرون بسواتها الشينه
نهيل بتسال / وصقر وش قال ؟
ملاك ترمش بعيونها / عاتبها بس ما هاوشها قدامنا شكله ناوي يتوحد فيها
نهيل تنهد / اي هذا فعول الرجال الكفو ما يذلون خواتهم قدام رجالهن ولا قدام حريمهم الله يخلف علينا بس
____________________________

الساعه 11 ليلاً…

كانت جالسه تحل واجبات مع ماهر وامها نايمه وجدتها بالجناح تهلل وتكبر قامت مهره بعد ماخلصت حل الواجبات وراحت جناح جدتها طقت الباب ودخلت بتسال / مانمتي؟
الجدة صيته تطالعها وتبتسم /كيف انام و خويتي اللي تنام عندي ماجت
مهره تبتسم وهي تجلس بجوارها/ احل واجبات مع ماهر و تو خلصت
الجدة صيته تطالع سبحه اللي بيدها / بكرا بروح لسوق انا وامك وصيها لك فستان تلبسينه بطلوعه

مهره هتفت بتقصد وعيونها على جدتها بتشوف ردت فعلها / وليش اوصيها انا اروح واخذ على ذوقي
الجدة صيته لفت لها بصدمه /وشو انتي تروحين انهبلتي ؟؟
مهره ردت بضيقه / انهبلت عشان بروح معكم لسوق ؟
الجدة صيته بحزم / اي انهبلتي نسيتي كلام رجلك والله لو درا عنك لغير يقطع لحمك
مهره ترفع كتوفها /وش يبي يدريه عني وهو باخر الدنيا
وبعدين ام ابراهيم وحسنا وبناتهم ماهو موجودات ولا احد راح يدري

الجدة صيته ردت بحده /بتكررين خطاك يابنت
ما تتوبين ؟
مهره تهتف بصوت مولم / ياجدة لا متى وانا كذا بفهم متى بيجي يوم وتحرر من سجنه ولا هو يبيني مسجونه له العمر كله ؟
الجدة صيته تهتف بقلة حيله/ يامك تصبري لين الله يهديه واذا جا بالسلامه تكلمينه وانا اكلمه يوديك قدام عينه

مهره تهز راسها بنفي/ ماني محتريته لين يجي انا بروح معكن بكرا و باخذ فستاني على ذوقي
الجدة صيته برفض حاد /قلت لك لا مافي مراح
مهره باصرار / يومه بروح و حلفتك بالله لا توقفين بوجهي لا تصيرين انتي وزمن علي
الجدة صيته برجا /طالبتك تعوذين من الشيطان
مهره برجا اعمق / وغلاة ناصر عندك لا ترديني
الجدة صيته اصمتت باستسلام /…..
______________________________

رجعت جناحها قبل يوصل من دوامه وهي لابسه بجامه ساتان بالون البيج ومن اخر الاكمام ريش ومن اخر البنطلون ريش تمددت على السرير تنتظره
شوي و اعتدلت جالسه من سمعت صوت باب الجناح يتسكر ودخل صقر غرفة النوم وعليه تيشرت اسود نص كم وعضلاته كتوفه بارزه و بنطلون رمادي فاتح والبالطو الطبي الابيض حامله على ذراعه و بيده الثانيه حامل شنطة الاب توب من شافها جالسه بطلتها المثير اللي ثارت رجولته رفع حاجبه وهو يقترب لها بنغزى / واخيراً شرفتي ؟

ملاك ابتسمت وهي ماتبي توضح انها جت مجبوره وامها حالفه عليها وردت بثقه مع ابتسامه / جيت برضاي
صقر ابتسم نص ابتسامه وهو فاهمها عدل/ اي هذا اهم شي رضاك
ملاك تختفى ابتسامتها / كانك مو مصدقني؟
صقر يحط البالطو والاب توب على مكتبه ويجلس بجوارها على السرير / الا ي قلبي مصدقك انتي ماتعرفين تكذبين اصلاً

طالعته بنص عين / على بالي
هو يغير الموضوع/ اخبار الوالده ؟
ملاك تعتدل جالسه وتربع / بدل ماتسال عنها ورا ماجيت تعزيها وتسلم عليها ولا نسيت انها مرت عمك وام زوجتك يا دكتور ؟!

صقر فتح عيونه من هجومها /بسم الله الرحمن الرحيم انتي شفيك؟
ملاك تطنش كلامه وهي تعيد السوال/ اقول جاوبني ليش ماجيت تعزيها ؟
صقر يرد بثبات و كبريا / ماني بداخل بيت في حريم وبعدين انتي جايه تتشرهين ؟
ملاك تهز راسها بنفي / لالا ماهو عذر قال ايش بيت في حريم اجل تبي في حمير ؟

صقر قام وهو غاسل يده من لسانها / اقول لايكثر الكلام عشان ماغلط عليك
ملاك توقف بحراش / لا وين رايح تعال اغلط تعال
صقر لف لها ورفع حاجبه / هيه انتي صوتك لا يعلى عندي
ملاك تحط يديها على خصرها وتمايل / الا يبي يعلى وش بتسوي يعني ؟

صقر رجع لها وعيونه فيها نظرت شر وهي وقفت بثبات رغم الخوف اللي داخلها ومازالت حاطه يديها على خصرها صقر تكلم من بين اسنانه / انا اعرف اسكتك بطريقتي

ملاك على وشك الرد لولا انها صدمت وهو يحط كف يده على مؤخرة راسها و شفايفه على شفايفها وباسها بقوه وقفت مدهوشه لثواني وبعده تحركت مبعده عنه وهي تصرخ فيه / وش هالبرود اللي عندك؟
صقر يتجه للحمام ويهتف بخبث/ تبين اوريك حرارتي ترا ماعندي مانع ؟

ملاك صمتت ماهي قادره تباريه جلست على السرير تمرر اصابعها على شفايفها ودقات قلبها تزيد
فعلاً هي مشتاقه لهمساته ولمساته بلعت ريقها اللي جف و خايفه تهور بس تحاول تزن على نفسها بالكلام
( لازم اثقل لا يستغل ضعفي اي خلي يحفى وراي يستاهل لاتنسين ياملاك هو اللي جرحك وانتي صغيرة وجرحك بزواجه من اميره وخلا الناس تكلم عليك خليه يتعذب اي وخليك قويه)

قامت وراحت السرير من جهتها تمددت و تغطت بالفراش بالكامل كاتمه انفاسها ولاول مره تخاف من نفسها ماهو من صقر هالمره هي اللي تشعر بضعف
او انها تشعر بالوحده وتبي حنانه شعور غريب جاها فجئه؟؟!

طلع صقر من بعد ماخذ له شاور شافها متغطيه بالكامل ابتسم فاهم عليها هو كزوج يحس بحساس زوجته ومتاكد انها ساحت من البوسه المفاجئه
لبس له شورت وراح تمدد على السرير وعيونه عليها وهي معطيته ظهرها و متخبية

صقر هتف بخفوت متقصد / شفيك متخبيه خايفه تخورينها معي ؟
ملاك فتحت عيونها على الاخر تحت الفراش من صيدته لها وصمتت /…..
صقر اقترب لها وتمدد وراها وهتف بهمس/ متى توفين بالوعد اللي بينا ؟؟!
ملاك ترد بذات الهمس / صقر ماهو وقته
صقر بزفرة / اجل متى يا ملاك متى المفروض من سبوعين وحنا خالصين من ذا الموضوع اللي ذليتيني فيه
ملاك تنهدت بحزن / ترا اللي مات ابوي و ماقدر اضغط على قلبي ونفسي
صقر تنهد بقلة صبر / طيب وانا ويني من هذا كله متى بتفكرين فيني ؟

ملاك لفت له وحطت عينها بعينه /صقر تبي ماراح اردك هذا حقكك بس ابيك تعرف اني من داخل نفسي ماني بجاهزه
صقر هز راسه بتفهم / لا بصبر يا ملاك ابيك يوم تقدمين نفسك للي وانتي جاهزه
ملاك تبتسم ابتسامتها الفاتنه/ حاظر

صقر يناظر بتفاصيل وجهها من قرب يبي يطلع منها عيب واحد بس ولاكنه ماحصله كانت دقيقة الجمال سكر عيونه وفتحها وهو ينحنى ويحط انفه على انفها ويسحب له نفس من انفاسها العطره / تدرين ان الفتنه اشد من القتل ؟
ملاك تهز راسها بخجل / ادري
صقر سحب له نفس ثاني ثم زفر وهو يعطيها
ظهره /نامي خليني انام لا خرب ام امها معك

ملاك ابتسمت من كلامه وهي تهتف بصوت هادي /ترا بكرا ابي ادوم وقول لمديرتي الاثنين اجيب عذري وانت لا تنسى تسوي للي
صقر يرد بصوت مبحوح من كثر الصبر والهجر / حاظر
__________________________

يوم جديد الساعه 9 صباحاً …

ام ماهر تنفجر بغضب /قلت لك لا ماتروحين من ورا شور رجلك
مهره ترد بقهر / يومه رجلي يبي يكتمني مايبي اتنفس الهوا اللي الناس تنفسه
ام ماهر بذات الغضب / قلت لك تبين تروحين دقي وستاذني منه غير هالكلام ماعندي

مهره تطالع بجدتها اللي جالسه وساحبه نفسها من النقاش/يا جدة تكلمي مع امي اقنعيها
الجدة صيته تهز راسها بنفي/ ماني مقتنعه عشان اقنعها على خبال بنتها
مهره شوي وتبكي /صرت خبله بنظركن بروح يعني بروح والله واللي خذا ناصر ماحد يوقف بوجهي ولا ترا رحت من وراكن بعد
ام ماهر تطالع الجدة صيته بشكوه /تبي تذبحني هاذي

الجدة صيته تنهد بقلة حيله / ماهي فاهمه بس خليها تروح ماحنا متاخرين تاخذ اغراضها و نرجع مدام مافي احد بالبيت والصباح احسن من روحة العصر

مهره تهز راسها بحماس / اي حتى راجو نوصيه مايتكلم
الجدة صيته تاشر على جوالها بالطاوله / دقي علي
و عطيني بكلمه واعلمه يسد فمه
ام ماهر بعدم اقتناع / كيفكن بس ترا لو درا فهد مانتي بخير يا مهره وانتي يا ام عقاب راح يحط الوم كله عليكً
الجدة صيته بزفرة / وش اسوي بنتك ماتمسك العلم
ام ماهر تطالع مهره بقهر /نقوم نمشي على شورها
و جهلها

مهره بتهديد / انتن دايم مع فهد ضدي روحن ماراح اروح معكن بس راح اسويها وروح من وراكن
الجدة صيته تهتف لام ماهر بحزم و الجوال عند
اذنها /خليها يا مره تروح تطيب خاطرها وترتاح وتريح روسنا من حنتها

ام ماهر جلست وهي خايفه على بنتها وتعرف فهد عدل لو درا وش راح يسوي فيها

و الجدة صيته تكلم بالجوال /الو شوف راجو جهز سياره بروح سوق انا وام ماهر ومهره…..و اسمع ياويلك احدن يدري ان مهره راحت معنا ……اي افهم اسفرك وفتك منك لو تكلمت … يلا جهز سيارة …

من سكرت الجوال ومهره تقوم واقفه /بروح اتجهز
ام ماهر تنهد وهي تشوف بنتها طالعه وتهتف للجدة بخفوت / يا ام عقاب والله نظرها كذا ما ننفعها
الجدة صيته تهز راسها باسا/ وش تبين اسوي يامك اكلت قلبي كل كلمه والثاني تجيب طاري ناصر وانا مالي قلبن يقوى طاريه

ام ماهر بتوتر /الله يستر بس ماني مرتاحه
الجدة صيته تهتف بخفوت /ماعليك مدام فاطمه ماهي موجوده ومشتغله بحفيدها ماحدن داري عنها
نوديها عشان ترتاح وتريحنا يامك حتى حنا
______________________________

بالمدرسه …وقت الفسحه …

ملاك وشذى جالسات لحالهن و كل وحده بيدها ساندوتش وتفطر شذى تاكل وتهتف بتسال / انتي ليش ماتاكلين الا الاجبان ؟
ملاك تطالع بساندوتش الفلافل اللي بيد شذى
و تكشر / لو اكلت كذا على الصباح اتوقع انام بالمستشفى من معدتي
شذى باستغراب / غريب امرك ليش ماتروحين المستشفى يمكن يكون معك قالون ولا شي بالمعده
ملاك تهز راسها بنفي / لا من وانا صغيره فطوري دايم اجبان
شذى تبتسم / انا اشوفك زي القشطه اثره من اكلك

ملاك ضحكت وهي تمسح طرف شفايفها بمنديل /الله يرجك وش دخل الاكل ؟
شذى تضحك / مدري يمكن بشرتك بيضا من اكلك للاجبان
ملاك تشرب من العصير / اقول لا تذبحين نفسك
با الاجبان بس ترا مالها دخل بالبشره
شذى تهز راسها بنفي /لا لا من بكرا ببدا فطوري جبن غداي قشطه عشاي حليب

ملاك انفجرت بضحك /اخاف تقلبين بقره
شذى تضرب فخذها / بقرة بعينك
ملاك تقوم واقفه / بروح اغسل
شذى تاكل باقي الساندوتش دفعه وحده وهي تاشر لها /انتظريني
ملاك طارت عيونها/ لا تغصين ماني بطايره واقفه انتظرك
شذى تقوم / يلا مشينا

حطت ذراعها بذراع ملاك رايحات للمغاسل غسلن وبعده يتمشن بالساحه شذى تهز كتف ملاك اللي لازق بكتفها / بنروح المقصف ناخذ لنا حلا
ملاك تطالعها بنص عين/ انتي على كثر اكلك ماتسمنين
شذى تبتسم / هذا احلى شي بحياتي
ملاك بتسال / ماقلتي للي وش صار بولد عمك اللي خطبك ؟
شذى بمرح / قصدك اللي امه دعت له بليلة القدر
ملاك تبتسم / لا والله داعيه عليه المهم هو ؟
شذى تبتسم / وافقت بس شرطنا العرس والملكه بعد ماخلص من الجامعه
ملاك طارت عيونها /الجامعه ؟

شذى تهز راسها / اي وهو وافق على شرطي
ملاك باستغراب / وافق بعد ليش ماهو بعد الثانوي ؟
شذى تطالعها / تعرفين كلنا كذا خوالي وجدي
ما يزوجون الا بعد مانخلص الجامعه حتى خالتي وفا ماتزوجت مازن الا بعد ما خلصت جامعتها

ملاك بقهر عميق/ بس خوالك عندهم عادي ياخذون وحده بالثانوي
شذى فهمت عليها / ملاك خوالي كلهم حريمهم متخرجات من الجامعه بس انتي عشان خالي صقر كان يبيك من وانتي صغيرة
ملاك تصد بوجها / خلاص يا شذى مابي اسمع شي
شذى تطالعها باعتذار / وربي ماكان قصدي اضايقك بس انا قلت لك الصدق

ملاك تهز راسها بتجاوب / ادري ياشذى بس تسلط خالك معي جرح ماراح انساه لو مخلي لين اخلص الثانوي ترا اهون
شذى تمسح على كتفها بحنو / هذا شي مكتوب والله
يا ملاك تمنيت اني تزوجت عن حب انسان يحبني ويتحدا عشاني
ملاك تطالعها بنص عين / انتي الافلام لاعبه بحسبتك لازم اقول لامك تفصل التلفزيون عنك

شذى تضحك / انا رومانسيه يا بنت تعلمي مني بدل مانتي مشيبه براس خالي
ملاك تطالعها بنظره مباشرة / ليش هو شكى لك وبعدين هو شايب وش عرفه بالرومانسيه؟
شذى تضحك بخبث / شايب بعينك بس بعين غيرك خقه
ملاك طارت عيونها / وشوووو؟؟

شذى تبتعد ميته ضحك من غيرت ملاك اللي تلحقها تبي تضربها وقفن بحرج من جيت استاذة عبير اللي تسال باستغراب / هاه هاه شفيكم ؟
شذى تبتسم يعنها بترقعها/ مافينا شي بس كنا نلعب
عبير ضحكت من ردها وطالعت ملاك بهتمام
واضح /ملاك شلونك من زمان ما داومتي ؟

ملاك ترد بهدو /زينه الحمدلله كانت عندي ظروف
استاذة عبير / عظم الله اجرك يا حبيبتي
ملاك ترد بحة حزن /اجرنا واجرك
استاذة عبير تبتسم / والله من زمان عن شوفة هالوجه البشوش

ملاك تبتسم بخجل/ تسلمين
استاذة عبير / الله يوفقك يارب مابقى شي وتخلصين الثانويه و تودعينا
ملاك تهز راسها / ان شاءالله
عبير تستاذن / اخليك بس ترا الموديره طالبه تشوفك ضروري
ملاك ترد بحترام /حاظر الحين اروح لها

من راحت عبير وشذى تسال بخفوت / هاذي شفيها تقز فيك قز ؟
ملاك تطالع شذى بنص عين / ايه روحي لخالك وقولي له بعد ؟
شذى تبتسم / هو يسالني وانا ماعرف اكذب وعطيه الاخبار
ملاك تطالعها من تحت اهدابها / خفي علينا يا ام زكي
شذى تضحك وهي تسحب يدها /يلا بنروح نشوف الموديره وش تبي
ملاك بدهشه / طلبتني انا انتي وش دخلك تروحين معي ؟
شذى تضحك بلعانه /عشان اوصل الكلام لخالي العزيز من سمع اذني
ملاك تضرب مؤخرة راس شذى / حيوانه
____________________________

البست الجدة صيته عباتها وطلعت لصاله عند
ام ماهر و مهره الجاهزات هتفت بتسال /ماهر متى يرجع من المدرسه ؟
ام ماهر ترد بصوت متعب /توه بعد صلاة الظهر
الجدة صيته بحرص / اي عشان مايشوف مهره معنا اخاف يزل لسانه بعدين
مهره تهتف باستعجال /يلا مشينا
الجدة صيته تطلع جوالها اللي يرن بمخباتها /دقيقه بشوف من يدق علي
مهره بتوتر/ خليه لا تردين الا بسياره

الجدة صيته طنشتها وهي ترد / الو
جاها صوت فهد مثل الصاعقه / وينكم ؟
الجدة صيته انتفضت من صوته واضح فيه الغضب
و ردت عليه بارتباك / بالبيت يامك ليش ؟
فهد بتوجس حاد / واين ناويه تروحين يا ام عقاب ؟
الجدة صيته حست ماهي قادره توقف وهي تلفت
و تجلس على اقرب مقعد الاريكه المنفرده وعيونها على مهره وامها اللي يطالعون فيها بنظرات تسال

الجدة صيته ترد على الجوال / ماني برايحه مكان علامك تسال ؟
فهد انفجر فيها / انا ماني محرم حرم ان طلعت مهره برا البيت ماترجع له جاوبيني ؟
الجدة صيته طالعت مهره بعتاب وهي ترد بصوت متعب / يامك انت وش تقول البنت ماطلعت مكان هذا هي عندي

فهد زفر بغضب / ماطلعت بس ناويه تطلع تحسبين انتي وياها اذا ابعدت ماعرف اخباركم لو رحت لاخر الدنيا يا ام عقاب ترا عندي علم بكل شي يصير

الجدة صيته تنهدت باستسلام / طيب وش تبيني اقول لك الحين ؟
فهد بتوعد وتهديد / لا تقولين شي بس اذا طلعت برا البيت تراها محرمه علي لايوم الدين
الجدة صيته انتفضت/ لا تقول كذا يامك ماهي بطالعه بس انت تعوذ من الشيطان
فهد بصرامه / وانتي كيف تخونين الوعد وتمشين ورا شور الخبله اللي عندك

الجدة صيته تنهدت بصوت حزين / يامك اكلت قلبي بس تحن علي من رحت وكل شوي تقول ناصر وناصر وش تبيني اسوي ؟
فهد بصوت صارم / وش تسوين عطيها كف يسد حنتها عنك ماتروحين تنفذين اللي هي تبي
الجدة صيته بقلة صبر / خذ كلمها وتفاهم معها انا ماعاد للي قدره فيكم

الجدة صيته مدت لمهره الجوال و مهره رجعت على ورا وجسمها يرتعش بالرعب من سمعت جدتها تكلمه وفهمت السالفه وشريط ذكريات ليلة العيد يمر بذاكرتها وهي ترفض المكالمه / مابي اكلمه مابي
فهد صرخ من ورا السماعه / عطيني بكلمها
لا اجي اليله على اقرب طياره و اكفر فيها
الجدة صيته تهتف برجا /كلميه ماهو اكلك من ورا السماعه

مهره طالعت امها اللي تهز راسها تبيها تكلمه وعيونها فيها عتاب على بنتها مدت يدها واخذت الجوال حطته عند اذونها / الو
فهد هجم عليها بغضب متفجر / تبين تطلعين من وراي نسيتي وش سويت فيك اول كسرت لك يدك وثاني راسك والحين ماني عاجز اكسر لك رجلك واخليك ما تخطين خطوه لباب

مهره ردت بهدو مدروس / كنت بشري للي فستان لطلوعه ماعندي
فهد ذبحه ردها الصريح وهو يتخيل ملامحها نفض افكاره و رد عليها بتهديد حاد / اسمعي يا بنت ناصر كانك بايعه عمرك فكري مره ثانيه تطلعين وشوفي وش راح يصير لا الفستان ولا الناس راح تنفعك
مهره سحبت لها نفس وردت بمراره / حاظر
فهد مازال مستمر بتهديد / قسم بالله لو سويتي شي منعتك عنه لاجي على اقرب رحله وقفك بالشمس عن الضل
مهره ترد بذات ردها المر /حاظر
فهد ماعجبه ردها ولذالك هتف / ماهو كل كلمه والثانيه تلوين ذراع جدتي بطاري ناصر وتستغلين رحمتها فيك وحبها لاخوها
مهره شهقت باكيه وهي تكمل ردها / حاظر

فهد سكر عيونه ورفع راسه وهو يسمع صوت بكاها العالي وصوت امها وجدتها يهدونها حاس بالمسافه اللي بينه وبينها تكسر قوته عاد كيف وهو يسمع صوتها تبكي بعيده عن عينه هتف لها بندا /مهره
مهره تشاهق وهي عاجزه عن الرد/….
فهد عاد الندا بس بصوت اعلى /مهره
مهره ردت من بين شهقاتها/ نعم

فهد بنبرة خاصه غريبه/ لاجيت انا اوديك لسوق بنفسي
مهره شهقت بدهشه / وشو ؟
فهد همس لها من بين انفاسه المشتاقه / اللي سمعتيه والحين خلاص مابي اسمع صوت بكاك

مهره تمسح دموعها وعيونها تنتقل لامها وجدتها اللي يطالعون فيها باستغراب خافو من تصرفاته وانفعالاته

فهد بحزم / يلا الحين حكمي عقلك قبل لا تصرفين بي شي راح يضرك ماينفعك
مهره هتفت بهدو / طيب اوعدني
فهد تنهد بصوت مسموع / اوعدك بايش ؟
مهره ترمش برموشها المبلولة بالدموع/ لاجيت توديني لسوق
فهد رد بحزم اعمق / ما حتاج وعد لاني ماتراجع عن كلامي
مهره صمتت /…..
وهو انهى النقاش/ مع السلامهً

من سكرت الجوال الجده صيته هتفت برعب / وش قالك تكلمي ؟
مهره تطالع جدتها باستغراب / مدري يقول انا لا رجعت وديتك لسوق
الجدة صيته بصدمه / وشو يوديك ؟
ام ماهر تبتسم / يبي يطيب خاطرك يامك ويعوضك عن هالروحه اللي كانت بتصير مصيبه من وراها
الجدة صيته تنهد براحه /الحمدلله انها عدت على كذا الله ستر يامك كبري عقلك وامسكي ارضك بعدين لا تطرين روحات من ورا رجلك

مهره تهز راسها وهي فعلا تحس براحه ان ربي عدا هاليوم على خير / ان شاءالله
ام ماهر باستغراب وتسال / هو وش دراه ؟
الجدة صيته ترد بثقه / مافي غيرة راجو علمه
مهره فتحت عيونها /راجو علمه حيوان والله انه حيوان
الجدة صيته برحمه / مابيده شي يامك عبدن مامور
اكيد فهد مهدده
_______________________________
-/البارت الثالث والتسعون /-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

بعد مرور سبوع اخر ……

بعد العصر بيت ام صالح لابسه عباتها تبي تروح هي وبناتها بيت نهيل يسلمون عليها عشانها ماتقدر تطلع من الحداد وبعده بيروحون بيت عيدة يسلمون عليها بعد وعلى بناتها …

ام صالح بندا / يا بنات يلا بنروح تاخرنا
جت ام مهند عليها عباتها / جينا يلا
ام صالح بتسال / وين الباقي ؟
ام منهد ترد وهي تلبس نقابها /شذى وصبا سبقونا راحو لبيت عمتي نهيل وهدى الحين تجي
ام صالح تمشي بثقل / اخذن القهوه والشاي معهن
ام منهد تهز راسها/ اي اخذنها
جت هدى وهي تلبس نقابها / يلا مشينا

طقت ام صالح عليهم الباب وهي تهتف
بخفوت / اخاف عندهم احد ؟
ام منهد تهز راسها بنفي/ لا شذى سالت ملاك قالت ماحد عندنا
هدى بذات الخفوت / اليوم جمعه يمكن خالاتهم يجونهم ؟
ام منهد بتاكيد / لا تقول ان امس الخميس كانو عندهم خالاتهم
انفتح الباب وامل ترحب/ حياكم الله تفضلو

دخلت ام صالح وبنتها وسلمو وسالو عن الحوال والاخبار وملاك وامل يضيفونهم وحصه معها ولدها
وجالسه ام صالح تلفت بتسال / وفا وينها ؟
نهيل ترد بصوت ضايق / والله مدري احسبها معكم
ام صالح طالعت بناتها بحرج / هي عندكم وماتدرون عنها ؟
نهيل بتقصد /والله يا ام صالح انها معنا وكنها ماهي معنا اهم شي انهم سعيدين هي ورجلها
ام صالح صمتت بحرج وام منهد هتفت بترقيع / اي والله انك صادقه يا عمه اهم شي السعاده بينهم
نهيل ترد بذات التقصد / الله يسعدهم ويبعدهم

ملاك ابتسمت من رد امها وحصه وامل حسن بحرج وام صالح وبناتها صمتن باستغراب
هدى تغير الموضوع / يا حلو وليدك يا حصه بتوحم عليه ياخذ القلب بسم الله عليه
حصه تبتسم/الله يرزقك باحسن منه
هدى تهز راسها / امين يارب بس ياختي وحامي اقشر
حصه بتسال / ليش كم لك الحين؟
هدى ترد / خمس شهور
نهيل ترد بحنو / الله يهون عليك وانا عمتك
ام صالح بحسن نيه / ويرزق صقر وليدي ولا يحرمني من شوفة ضناه

ملاك حست بغصه داخل صدرها و نهيل ترد بتقصد مدروس / عرس مازن قبله
ام صالح بحنيه / مازن وفا عسى الله لا يخسرهم هذا هم يركضون من مستشفى لا مستشفى
نهيل ردت بتقصد اعمق / وش دخل المستشفيات فيهم ؟
ام منهد باستغراب / يتعالجون يا عمه ماقال لك مازن
نهيل تقدمت وهي تحط عينها بعين ام صالح / شكل بنتك ما علمتك بسواتها مع ولد عمها
ام صالح باستغراب / وش هي مسويه ؟

نهيل زفرت بغيظ/ تاكل موانع من وراه وهو يركض فيها من مستشفى لا مستشفى ودافعن ما وراه ودونه حتى والله انه كان يشحذ ابوه حق علاجها وهي كاذبتن عليه

ام صالح وبناتها فاتحات عيونهم بصدمه من بدت نهيل بالكلام وحصه نزلت راسها بحرج ماكان ودها امها تقوله قدامهم ودها يكون بينها وبين عمتها بس
وملاك تحس بنصر ان اهلها درو عن سواد وجهها

ام منهد بدافع حاد / انتي وش تقولين ياعمه وفا تعالج وما طبن بطنها حبوب الموانع الا اذهن طابات بطن بنتك ملاك
نهيل ترد بذات الحده / ملاك هذا هي عندكن لو تبنها تحلف على المصحف انه ماطبن فمها
ام منهد بثقه / حتى وفا لو تبينها تحلف لتحلف الاتهام ماهو زين يا عمه

نهيل تاشر على نفسها / انا اتهمها مرتن وش كبري تبين اتهم وحده بعمر بناتي اذا مانتي مصدقه انشدي اخوك صقر عنده علم
ام صالح بصدمه / وصقر وش دخله يا نهيل ؟
نهيل تاشر على ملاك / يوم كانو بدبي جتهم وفا تالي اليل تصايح تقول مازن ضربني ويوم قام عليه صقر علمه مازن قال تاكل موانع حمل من وراي وفا اعترفت بنفسها وقالت اكلهن عشان ماعنده راتب

ام منهد بعصبيه / مستحيل هالكلام وفا بنتنا ونعرفها عدل
نهيل تطنشها و تكلم ام صالح /هذي سوات تسويها بنت الاجواد يا ام صالح حفلتك بالله تقولين الصدق
ام صالح تنهد بضيقه/ لا بالله ماهي سواتها بس ماندري هالكلام صحيح ولالا
نهيل بمراره / انشدي صقر ولدك ويعلمك ولا انشدي وفا لاجت الحين
ام منهد بدفاع / وفا ماتسويها يا عمه حنا نعرفها اكثر منكم

ملاك ماقدرت تصبر و جهت كلامها لام مهند / تبين تكذبينا يا مها ؟
ام مهند تهز راسها بنفي / ماقلت كذا بس اكيد في سو فهم
ملاك بثقه / انا حاظره وسامعه ما جبت هالكلام من فلان وعلان

دخلت وفا والكل لف لها وقفت مستغربه من نظراتهم وهي تسلم بغرور / سلام
ام صالح نادت عليها / تعالي
وفا تطالع خواتها بتسال/شفيكم ؟
ام مهند تاشر لها / اجلسي يا وفا
وفا جلست / هذا انا جلست شفيكم ؟
ام صالح تطالعها بحده / انتي تاكلين موانع حمل صحيح ؟

وفا لفت لملاك وطاريت عيونها فيها / انتي حيه من تحت التبن ؟
ام مهند صدمت من ردها / يعني الكلام اللي قالته صحيح ؟
وفا توقف / هاذي ظالمه ماتخاف ربها كيف تصدقونها
ملاك تزفر عليها / الظالمه انتي اللي ظلمتي رجلك
و ظلمتي اهلك

وفا تصرخ فيها/ وانتي ليش ما حملتي للحين ما تقولين لهم السبب؟
ملاك فعلا توترت وهي تشوف النظرات تتجه لها /شي خاص فيني ماهو شغلك
وفا تحط يديها على خصرها / ياسلام وانا ومازن ماهو خاص يوم تروحين تنشرين علومنا
ملاك ترفع حاجبها بنصر / اهلك ولازم يعرفون بعلوم بنتهم

ام صالح بغضب / وفا تكلمي انتي تاكلين موانع صحيح ؟
وفا صمتت وام منهد فهمت عليها وهي تنهى السالفه / نتفاهم معها بعدين
ام صالح صمتت وهي توعد وفا بنظراتها /…
و نهيل تكلمت بقهر / يام صالح ترا سواتها شينه والله لونها بنتي مسويتها ماسكت عنها اللي مايرضي الله مايرضينا

وفا ترد بقلة احترام / وبنتك ماتدري وش وراها يلا انشديها ليش ماحملت خلي تجيب عذر مقنع ؟
ملاك تطالع فيها باحتقار/ ومنو انتي عشان اجيب لك عذر مقنع هاه ؟
ام صالح تدخل بحزم / انا وامك اللي نبي نعرف ليش ما حملتي للحين ؟
ملاك لفت لعمتها بحرج وهي تعصر مخها تبي عذر مقنع فعلاً والارتباك وضح عليها /….

نهيل تطالع بنتها وعرفت ان وراها شي تفاهمها عدل
وحصه من ردت وانقذتها / هي متفقه مع رجلها بطريقتهم مايبون عيال لين تخلص الثانوي
ام صالح برعب/ لايكون تاكلين موانع ؟
ملاك تطالع حصه بامتنان وهي وترد على عمتها بحلف صادق / لاوربي ماهو موانع
هدى تنحنح بحرج / خلاص ماهو تحقيق
ام صالح تلبس برقعها / يلا للبيت وانتي الحقيني
(تاشر على وفا)

وفا تهز راسها وهي تطالع ملاك بنظرات تهديد / طيب بالبس عباتي واجي
نهيل تهتف لام صالح بتهدئه / تعوذي من الشيطان
و اجلسي يامره
ام صالح تجه لباب هي وبناتها /كثر الله خيركم وامسحيها بوجهي يام مازن
نهيل تلحقها /وجهك ابيض يا صالح وهذا جهل فيهن وحنا نعلمهن
ام صال تلف يمها / اي بالله انك صادقه انا حتى مامريت ام ماجد بخليها بكرا
نهيل تهز راسها /ماعليه متى مافضيتي

من طلعو وسكرو الباب و حصه تهتف لامها
بعتاب /ليش سويتي كذا يومه ؟
نهيل تلف لها /ليش تبيني اسكت لها خلي امها تعرف بسواتها
حصه بعقل /بس كلميها لحالها ماهو قدامنا
ملاك زفرت / وش الحالها خلي خواتها يسمعن وانا ماقهرني الا مها ماهي مصدقتنا
امل بقهر / وحتى وفا شلون تهدد وتحدى قدام اهلها بعد ولا كنها اخطت
ملاك بتافف /شين وقوة عين

حصه بهم /ليتك ماجبتي طاري صقر يا يومه
نهيل تقطب حواجبها /ليش خلي ينشدونه
حصه تطالع ملاك /ماحد اكلها الا بنتك وتشوفين كان ماغسل شراعها
ملاك تعض شفايفها بندم / فعلاً يومه ماودي جبنا طاريه
نهيل ترفع كتوفها / مرده بيدري وبيعلمنه
حصه بذكاء / لا ماراح يتكلمون عنده يخافون بس كذا قصرت عليهم المسافه

نهيل ترفع كتوفها / انا وش دراني وانتي يا ملاك لاجا رجلك معصب ماهو طولين لسانك قصريه
ملاك تبوز / طيب
نهيل تطالعها بنظرات قاصده وملاك ارتبكت وهي تقوم تعرف امها ناويه تفتح موضوع الحمل هتفت بتصريفه /بروح اذاكر
_____________________________
بعد المغرب بيت الشيخ فهد …

اليلة تمام محمد ولد ابراهيم من برا البيت كان زحمه من السيارات و الدوانيه مليانه الرجال من كل القبائل
محمد ذابح ذبيحه وابو نواف ذبيحه وابراهيم ذبيحه وذابح الحاشي هدية فهد

ابو انوار يهتف بصوت رجولي / والله ما نقصنا الا ابو عقاب
ابو ابراهيم يرد عليه بذات الرجوله / اي بالله ان مكانه خالي عسى الله يرده
ابو خليفه / كان خليتو الذبايح لين يرجع الشيخ بالسلامه
ابو ابراهيم / والله كنا ناوين نحتريه بس هو حلف يقول كذا تخلوني اترك شغلي و اجي عشانكم
ابو انوار / عسى الله يطول بعمره ويرجعه سالم
ابو خليفه بتسال/ هو متى يجي ؟
ابو ابراهيم / والله ما اعلم يقول يمكن يمدد اذا الشغل احتاج تمديد

ابو انوار اللي كان بجوار محمد انحنى له وساله بخفوت / من معه غير ابو رماح ؟
ابو ابراهيم يرد بذات الخفوت / معه ضابطين من خوياه واحد اسمه عمر واحد احمد
ابو انوار ابتسم / ما بنخاف عليه ابو عقاب فطين
ابو ابراهيم يهز راسه / اي ياخوك لدنيا واحوالها لازم يكون معه هناك رجال يعتمد عليهم


عند الحريم ….

ام طلال تبتسم لمهره اللي تمد لها فجال بطلتها الفاتنه المميزة / يا ذكر ربي تقل انتي ام المولود
مهره ترد لها الابتسامه / تسلمين
ام طلال بخفوت / لا خلصتي شغلك تعالي ابيك ضروري
مهره تهز راسها / ابشري بس بقهوي باقي الضيوف

ام يوسف تخافت مع ام ابراهيم/ ياخيتي هاذي للحين ماحملت علامها ؟
ام ابراهيم ترًد وعيونها على مهره اللي تمشي و تقهوي مثل الخيله بهيبتها / يا ضنتي انها عقيمه ما تولد مافيها رجا
ام يوسف مقت عيونها / يوه والشيخ وش مصبره عليها للحين ؟
ام ابراهيم ترفع كتوفها / وانا ادري عنه

ام انوار تخافت مع بنتها انوار / اقري على نفسك وعلى ولدك شوفي الناس كيف طايرين بالحفل
انوار تبتسم وهي ترضع ولدها / اي قريت عليه الله يستر من عيون الحساد
ام انوار تطالع نوف اللي تقهوي مع مهره وجها واضح عليه التعب / الا نوف علام وجها كنه مسود
انوار تهز راسها / اي مسكينه الوحام قاضي عليها
ام انوار / ليش كم لها الحين ؟
انوار / والله مدري يمكن 4 او 5 شهور
ام انوار برحمه /الله يسهل عليها
انوار توقف وتمد لامها ولدها/ خلي معك بقوم اقهوي مع البنات

ام خولا تخافت مع حسنا / ياخيتي بنيتك علامها
حسنا تطالع بنتها/ الحمل متعبها الله يسهل عليها
ام خولا / ياعمري عسى الله يفرج لها
حسنا بتسال/ الا خولا ماتزوجت ؟
ام خولا ترد / لا مابعد جاء نصيبها
حسنا بهمس/ سمعت مريم وفاطمه يتكلمون عنها
يا ضنتي يبونها لعبدالله
ام خولا بفرح / الله يبشرك بالخير عبدالله ونعم الرجال
حسنا تبتسم لفرحتها / وبنتك نعم البنات

مهره من بعد ماخلصت وقهوة الضيوف هي ونوف
راحت تبي تجلس عند عمتها ام طلال والعيون كلها عليها كانت تلبس فستان حرير ضيق على جسدها بالون ابيض ومشجر بورد كبار بالون الوردي وفاتحه شعرها على طوله وحاطه روج بالون الوردي على شفايفها المزمومة ومكياج عيون ناعم

جلست عند عمتها ام طلال وهي تهتف بخفوت /امري ياعمه
ام طلال تقترب منها بخفوت اعمق / اسمعي وانا عمتك انا اعرف للي وحده ماتحمل من عشر سنين ماخلت طب ولا دكتوره ماراحت لها وكلن يقول مافيك رجا وراحت لمعالجة تعالج عن الحمل الناس ذاكرينها بالخير المهم مالك بطويلة احملت ولها شهرين

مهره بانسجام / مشاءالله حملت؟
ام طلال تهز راسها/ اي بالله حملت وترا اخذت منها رقم المعالجه وكلمتها عنك وعن حالتك قالت لازم تجي اكشف عليها
مهره تنهد باسا / ياعمه انتي تعرفين صعبه اروح لها وفهد يرفض الطب الشعبي كله
ام طلال تهز كتفها / ماعليك من فهد ماهو داري ولو طعتيه بكر بيقول انتي ماتجيبين عيال بعرس عليك

مهره حست بحيره وحزن / طيب هي ماتجي للي للبيت وادفع لها اللي تبي
ام طلال بتمني / والله ود عيني تجي وتعالجك والله انك حسبت بنيتي
مهره تبتسم / ياعمري يا عمه ادري بغلاي عندك والله
ام طلال / اجل اسمعي بكلمها وقول تعالي لها للبيت وحنا ندفع السياره اللي تجيبها
مهره باقتناع / ابد ادفع اللي تبي لو عشر الاف بس ياعمه تجي هنيه امن للي
ام طلال تهز راسها / ابشري بكلمها

ام ابراهيم تهز كتف ام يوسف وعيونها على ام طلال ومهره / هذول علامهن يتسسرن
ام يوسف تلفت / منهن ؟
ام ابراهيم تاشر / هالعقارب
ام يوسف تلف و تطالع فيهن / مدري عنهن ام طلال بس تحامي عنها هي وامها
ام ابراهيم/ ليش نست انهن مازوجن ولدها يوم بغى يموت من حرها
ام يوسف / اي والله وكاد نست
ام ابراهيم بخفوت / نذكرها اذا هي نست
ام يوسف تبتسم/ وش انتي ناوين عليه
ام ابراهيم بتوعد / اوريك فيهن انا بس خليهن علي
_____________________________

بيت ام صالح شابه النار بينهم ….

ام صالح بغضب حاد / انتي ماتستحين ما تنتخين لعنبو شكلك ربيتك وكبرتك وماهو واضح فيك التربيه
وفا جالسه وتبكي وام منهد ترد على امها/ يومه يمكن عندها ظروف خلي نفهم منها
ام صالح بعصبيه / اص ولا كلمه كل يوم وحنا مطلعين لها عذر ماتبي تريحني من مشاكلها
ام مهند تهديها /اهدي يا يومه خلي نتفاهم بهدو
ام صالح تطالع وفا و مازالت معصبه / ابك تبورين بولد عمك وتاكلين موانع من وراه انتي ماتخافين الله ؟
هدى تنهد بتعب / تكلمي يا وفا اشرحي لنا خلي نفهم ليش سويتي كذا ؟

وفا ترفع عيونها الغارقه بدموع/ انتم مع ملاك روحو اسالوها هي تعلمكم بكل شي
ام صالح تنفجر فيها / ملاك علمت امها ما خبت عنها شي لاكن انتي يابنت بطني وش خليتي للغريبة ماتجين تشاوريني تعلميني اسمع من نهيل وبنتها؟
وفا تقوم واقفه / يومه ملاك مالها حق تكلم بشي بيني وبين زوجي وتفاهمنا عليه مالها حق تفتح فمها

ام صالح تنفس بشده / وش تفاهمتو عليه على سواد وجهك و سواد وجهي قدام المره ولدها؟
وفا تمسح دموعها / عمتي و ملاك في من يوقفهن عند حدهن
هدى بتسال /وش قصدك ؟
وفا برد صارم / صقر لو درا انها فاتحه فمها شقه لها
هدى تقطب حواجبها / شدراك ؟

وفا تمسح عيونها / يوم عزا عمي صقر مسكني لحالي وهددني لو اسوي شي من ورا مازن راح يذبحني وانا وعدته ماسوي شي الا بشور زوجي بس طلبته ماحد يدري وهو واعدني ما يطلع الكلام لاحد والحين ملاكوه راحت تمشي من وراه وتكلم

ام صالح تزفر عليها / اقول خلي اخوك ومرته بحالهم ماصدقنا وهم يلتمون مع بعض تبين تفرقينهم بعد
وفا بحده / هي اخطت ولازم تاخذ جزاها
هدى ترد عليها باحد/ وش اخطت فيه هي اللي قالت لك اكلي موانع من ورا زوجك ولا هي اللي قالت لا تعلمين امك وخواتك ؟
وفا ترد بزفرة / ترا ماني ناقصه محاماتك يا هدى رجا يكفي بنت مها اللي زعلانه داخل ماتبي نتكلم عن صديقتها

ام مهند ترد بعصبيه / بالعنتها هي وهالصديقه اللي اشغلتنا فيها ماتبي نقول عنها شي
وفا تطالع امها / يومه والله والله ماسويت كل هذا الا من شين غصبن علي
هدى بتسال/ وش الشي اشرحي لنا وضحي
وفا كانت على وشك الرد بس ام صالح تسكتها / خلك ساكته اللي سويتيه ماله توضيح الا سواد الوجه
يا سويدة الوجه

راحت ام صالح لجناحه وفا تهندت بضيقه / امي ماتبي تسمعني
هدى ترفع حاجبها / مالومها اللي سويتيه ماهو قليل ليش ماجيتي قلتي لنا شاورتينا يا خواتك الكبار
وفا تاخذ جوالها وهي تجهه لباب / انتم مكبرين السالفه بسراحه

هدى ومها يتبادلون النظرات بدهشه وهم يشوفنها تطلع للحوش وبيدها جوال ناويه على شي كايد …
______________________________

الساعه التاسعه مساً…
ملاك دخلت جناحها وهي غير مطمئنه لوفا وتخطيطها وخايفه من ردت فعل صقر لو عرف انها تكلمت ؟..

وقفت تدور بالغرفه بتوتر وتفكير (وش يبي يسوي يعني يذبحني مثلاً لا ماهو ذابحني بس بيجي يصارخ علي ويهددني اف حسبي الله عليك ياوفا ليت امي سكتت وربي صقر لا غضب ماقدر اتحمله انا وش اسوي الحين ارجع البيت ورتاح من هاليله لالا وين ارجع مرده بيسحبني اممم ايه اسوي نفسي نايمه بس اخاف يتوطى بطني عاد هو مجنون يسويها)

وقفت وهي تطق اصابعها وتطلع صوت
(لقيتها اروح اتزين و اخلي يدوخ لا شافني ومايقدر يتكلم صح تفكيري تفكير مراهقات بس ماعليه انا فعلا
مراهقه ماسرع اكبر و اعقل اممم لا مابي اتكشخ واعطيه فرصه يفكر اني جاهزه له طيب والحل لا لازم اتكشخ عشان يسيح و ماتنجح خطط اخته الحيه اعرفها يمدي قد وصلت له العلم ماتصبر )

راحت ملاك غرفة الملابس طلعت لها شورت احمر وصدرية حمرا عليها صور كرز صغار موزعه
ابتسمت من شكل البس هذا مجهزته حصه ايام الزواج ماتدري انه بيكمل سنه بالكبت مالبسته (مو مشكله بركات وفا البسه اليله )…

ملاك اخذت لها شاور ولبسته وطالع نار على بياضها
وحطت مرطب على بشرتها البيضا و مسكرا على اهدابها الطوال وروج احمر فاقع على شفايفها الصغيره المزمومه وفتحت شعرها الاسود على ورا مغطي ضهرها العاري وخيراً بخت عطر نسائي فواح

وقفت تطالع نفسها بالمراه وهي تشعر بخجل وحرج من شكلها بطنها المشدود كله عاري وسرتها طالعه
و خواصرها عاريه وفخوذها المشدوده البيضا واضحه قررت تروح تبدل عيب توقف قدام الرجال كذا ؟..

ولاكن الصدمه انفتح الباب ودخل صقر وجهه محمر بشده… من دقت عليه وفا تبكي وتشكي له ان ملاك بلغت اهلها واهله وكشفت سر خاص بينها وبين زوجها وامه زعلانه عليها و نهيل احرجتها بالكلام قدام الجميع شعر بصداع مدمر يفجر عروق راسه من الغضب والقهر استاذن من دوامه وطلع ناوي عليها هالمره

دخل الجناح ورمى لاب توبه والبالطو على الاريكه اللي بصاله ومن فتح باب غرفة النوم ودخل وقف بصدمه كاسحه من الاطلالة المغريه المثيره للي واقفه قدامه
من الصاعقه اللي زلزلت كيانه من الا انوثه الطاغيه
من المفاتن الظاهره اللي هزته بعنف شديد و كل مايدور براسه (هاذي كيف بتفاهم معها وهي كذا؟) نفض افكاره و ابعد نظره عن كل منظر مغري فيها
و تقدم لها بثبات مدروس …

ملاك من شافته يتقدم ودم وجه محتقن من الغضب دق قلبها وهو يسال بحزم غريب / وش انتي مسويه ؟
ملاك تصنع قلة الفهم / ماسويت شي وش سويت ؟
صقر صرخ بوجها وهي ارمشت من قو صرخته الرجوليه الثقيله / بي حق تروحين تنشرين شي خاص بين زوجين انتي ماتستحين ما بوجهك حيا كيف جتك الجرائه وتكلمتي عن امور مثل هالامور ؟؟

ملاك كتفت يديها قدام ودعت القوه / اول شي انا مارحت انشره بين الناس قلت لامي وهي زعلت وقالت لامك وش صار يعني ؟
صقر حط كفه على عضدها وهزها بقسوه/ وتسالين وش صار وانتي تسببتي بمشاكل مالك خص فيها

ملاك تناظر كتفها المقبوضه بين كفه الخشنه وهي تزفر عليه / صقر نقدر نتناقش من غير مدت يد
صقر نفضها بقسوه اشد / اقول سدي فمك يا تبن والحين تذلفين قدامي وتقولين للجميع الكلام اللي قلتيه كذب
ملاك فتحت عيونها على الاخر / وشوووو؟؟

صقر دفعها على ورا / اللي سمعتيه يلا قدامي
ملاك كانت بتطيح من دفعته بس مسكت طرف التواليت لين وقفت بثبات و انفاسها تسارع و عيونها مفتوحه على الاخر / تبيني اكذب نفسي قدام اهلنا عشانك انت و اختك ؟
صقر اقترب لها وعيونه تقدح بالشرار / اي و عشان بعدين تفكرين الف مره قبل تنقلين اسرار بين الازواج

ملاك تصرخ فيه / تبطي عظم ما حط نفسي كذوب عشانك وعشان اختك الحقيرة
صقر رفع يده وكان على وشك الصفعه ولاكنه تماسك باخر شي وهو يقبظ كف يده بقوه لين ابيضت اصابعه / اقسم بالله يا ملاك كان ما حسنتي الفاضك لا صحيك بطراق ونومك بطراق
ملاك حمر وجها / ومن قال بجلس عندك اصلاً عشان تصحيني بطراق وتنومني بطراق

كانت بتجاوزه طالعه وهو سحبها مع معصمها وهتف من بين اسنانه / ملاك ترا ماني بعاجز اردك عن امك واخليك ماعاد تشوفينها ماهو تحسبين كل يوم برجعك بسلوب ولا اني بقادر ارجعك بالقوه ترا مايوقف بوجهي اطلق شنب

ملاك تنفض يدها من يده وتحط عينها بعينه / تقويت علي من بعد موت ابوي ؟
صقر طارت عيونه فيها بصدمه / وش دخل موت عمي وانتي اصلاً بحياته وبوفاته ملك للي افهمي خلاص

ملاك شاحت بوجها وهي تزم شفايفها بقوه
شاعره بختناق حقيقي… صقر ضاعت علومه وهو يشوف الروج الاحمر على شفايفها الصغيرة اللي زمتها والهدب الاسود اللي نزل على خدها وهي ترمش بسرعه …وهو تافف بشده و بصوت مسموع لفت له
و حطت عينها بعيونه بنظرات عتاب …

صقر تبعثر كله من اقصى اقصاه وسحبها لحضنه هامس لها بذوبان حقيقي / لا تناظريني كذا ترا اضيع
ملاك دفنت و جها بعضلات صدره العريض وهي صامته /….
صقر نزل كفوف يديه على خصرها العاري وشد احتضانها وهي ابعدت من حضنه وعطته ظهرها ناويه على الهروب بس هو كان اسرع منها و اقترب واقف وراها ولم شعرها بكفوفه وحطه على قدام وبان له ظهرها العاري انحنى وباس عنقها من ورا بتروي وهي انتفضت مبعده منه رايحه لسرير وجلست على طرفه


وهو صد عنها رايح لحمام اخذ له شاور سريع وكل تفكيره تروح لبيت اهلها خايف من تهوراتها ومن حرقته لو راحت وصورتها الموجعه بروج الاحمر مازالت مركزه بخياله طلع بسرعه وهو لاف فوطه على جسده تقدم شافها على جلستها ماتحركت سحب له نفس من الراحه وتجه غرفة التبديل لبس له شورت
و رجع لها تقدم وجلس جوارها وهو يهتف بصوت خافت هادي/ زعلانه؟

ملاك صاده بوجها من غير ماترد /…
صقر كان منزل يديه بحظنه وعيونه تروح على الملامح الصاده عنه هتف بحزم / ملاك اللي سويتيه غلط بحق اخوك وبحق نفسك وبحقي وبحق اختي شين شفتيه خاص فيهم اصمتي ماهو لازم تروحين و تكلمين مازن رجال ويتفاهم مع مرته من غير تدخل حريم بينهم

ملاك لفت له وطالعت فيه بعتاب / تبي اروح اكذب نفسي عندهم عشان اختك ترتاح؟!
صقر تنهد بضيقه / زلت لسان وقت غضب بس لاجينا لاصدق مستحيل اسمح اكذبك عند احد انتي زوجتي وحبيبتي واللي ينزل مقادرك ينزل مقداري
ملاك تطالع بعيونه / لوني حبيبتك صدق كان ما كسرتني يا صقر وجاي تهين فيني وانا يتيمه

صقر مسك ضحكته من كلمت (يتيمه) وهو يرد بحنو بالغ / يا بعد عمري لا تقولين كذا
ملاك تنهد وهي ترد برائه / هذا الصحيح وانت اصلاً انسان ظالم
صقر ماقدر يتحمل و انفجر بضحك / ظالم مره وحده ؟!
ملاك تطالعه بدهشه / احر ماعندي ابرد ماعندك اذا انت عصبت تسكتني بصراخك واذا انا عصبت تجلس مروق وتضحك علي

صقر سحبها وجلسها على فخوذه وهو يحضن خصرها العاري بين ذراعه ويلمها له بقوه ويهمس عند اذونها
باشتعال/ ملاك تراك اليوم كسرتي كل صبري والله انتي فتنه فتنه وانا مافيني اتحمل خلاص

ملاك انتفضت بتوتر من احتضانه وهمسه / صقر قلت خل لين اكون جاهزه واقدم نفسي لك و..
صقر بمقاطعه و صرار / ماني منتظر لين تجهزين ابي حقوقي الحين اذا تخافين ربك لا ترفضين
ملاك توترت / صقر امم..
صقر يسكتها وهو يوزع قبلاته الحاره على وجها الفاتن / ولا كلمه خلاص وانا اسف اسف على كل شي
__________________________


صباح جديد ….

الجدة صيته تقهو بجناحها وام ماهر مرت عليها وهي لابسه عباتها/ ام عقاب انا بروح انا وماهر لام طلال وليدها تعبان
الجدة صيته بتسال/ ليه وليدها عسى ماشر ؟
ام ماهر ترد بحنيه/ طايح ياحول يوم الخميس بالمدرسه من الكوره ومنكسره يديته
الجدة صيته انتفضت /يادافع البلا سلمي للي عليها عسى وليدها مايشوف الشر
ام ماهر تطلع /يوصل وترا وصيت مهره تجهز لك الفطور
الجدة صيته تبتسم / ياعل ربي يخلي للي مهيره

دق جوالها رفعته ترد /الو
فهد بصوته الثقيل / صبحك بالخير يا ام عقاب
الجدة صيته ترد بترحيب / ياهلا يصبحك بالنور والسرور
فهد بهتمام /شلونك شلون من يعز عليك
الجدة صيته بموده / بخير نحمد الله انت شلونك متى بترجع يامك انفطر قلبي على شوفتك
فهد بحب عميق / برجع يالغاليه باذن الله بس انتي تصبري
الجدة صيته ترد بحزن / يامك وش يصبرني والله يان كل ليله يتخيل للي صوتك راجع
فهد شعر بغصه / يومه كلها كم سبوع ورجع لك انشاءالله بس عندي كم شغل ودي اخلصه
الجدة صيته عقدت حواجبها /كم سبوع ماهو المفروض ترجع بعد كم يوم ؟

فهد يرد بحنو / الا بس الشغل يحتاج له تمديد
الجدة صيته تنهدت بضيقه / يامك وش لك بهالشغل ارجع وخله عنك
فهد تنهد و صوتها الضايق يمزق شرايين قلبه / لا تضيقين انتي متى ماحصلت فرصه جيت اسلم عليك ورجع لشغلي
الجدة صيته برجا / اي يامك تكفى اذا حصلت لك فرصه تعال كحل عوينتي بشوفتك
فهد انتفض بشهامه / لا تقولين تكفى يا ام عقاب ترا والله لاجيك طيران الحين

الجدة صيته تبتسم / خلاص ماني بقايلتها بس انت تعال سلم علي وعلى مريتك لك شهر عنها
فهد هتف بهتمام / شلونها ؟
الجدة صيته ترد بخفوت/ ماعليها بس وكاد اشتاقت لك يامك كل يوم تنشدني هو دق عليك متى قال بيرجع

فهد صمت لثواني بعده سال بهدو / طيب هي وينها الحين ؟
الجدة صيته بذات الخفوت / تجهز الفطور بالمطبخ
فهد بهتمام اعمق / تاكل زين و تنام زين؟
الجدة صيته تبتسم / اي ماعليك تطمن زولها اللي يهيضك ماتغير ولا نحف
فهد انحرج من كلامها وهو ينحنح مغير
الموضوع / احم زين انتي ديري بالك على نفسك وعلى صحتك
الجدة صيته باصرار / يامك تعال لا تبطي علينا
فهد يطمنها / باذن الله مع السلامه
الجدة صيته تنهى الاتصال وعيونها على مهره اللي دخلت الجناح ومعها صينية الفطور/ مع السلامه

مهره حطت الصينه وهي تهتف بتسال/ من تكلمين
يا جدة ؟
الجدة صيته تحط الجوال على الطاوله / رجلك وترا يسال عنك ويسلم عليك
مهره تجلس بجوارها بتسال/ ماقال متى بيرجع ؟
الجدة صيته تمد يدها تفطر وهي ترد عليها / يقول انه مدد الشغل بس بيحاول يجي يسلم علينا ويرجع
مهره شعرت بغصه تخترق حنجرتها / مدد الشغل لا متى ؟
الجدة صيته تناظر فيها/ مدري يامك لا جا يعلمنا بس هو من كلامه يبي يجي يسلم علينا ويرجع
مهره تهز راسها / على خير

مدت لجدتها كاس الحليب و افكارها تاخذها لفهد
هي مشتاقه ميته من الشوق له وهو ولا همته مدد الشغل ويمكن يكون مستانس هناك بس هي بتحاول تقوي قلبها و عارفه انه ماهو جاي من الهند وتارك شغله عشان سلام بس يبي يريح جدته عشان ماتفكر فيه ….

تحادث نفسها بنفسها (ليتك تحس باللي احس فيه
يا فهد الغيرة تذبحني وانا اتخيلك تشوف جمال الهنديات وهن يشوفون وسامتك و يتمقلن فيك وانت كيف عايش وش تاكل وكيف تنام تفكر فيني كثر مافكر فيك تحلم فيني كثر ماحلم فيك؟ ..اه يالحب والله انك عذاب حظ قلبن خالي من الحب)
___________________________________

صحت بثقل و عينها تنزل مناظره لجسدها العاري انتفضت شاهقه وهي تتذكر احداث البارح تلفتت بالنجاح يمين يسار بخجل ما شافته موجود ولمت الغطا عليها لين ادخلت الحمام خذت لها شاور ولبست روبها وطلعت للغرفه اتجهت لتواليت تبي تحط لوشن على جسمها ولاكنها وقفت بدهشه وعيونها بالمراءه نحرها وصدها كله مليان بكدمات بنفسجيه

وشهقت مرتاعه وهي تشوف صقر يدخل وهو مبتسم /صباح الخير يا وجه الخير
ملاك شدت روبها على جسدها وهي عاجزه لا تحط عينها بعينه من الخجل /…
صقر عقد حواجبه وهو يلفها له بتسال / اوف كل هذا مني ؟
ملاك تهز راسها با ايه بصمت /…
صقر مسح على خدها بحنو/ لايكون يوجعك ؟
ملاك تهز راسها بنفي بصمت / …..

صقر ابتسم / شفيك لايكون بلعت لسانك بعد ؟
ملاك طالعت فيه بنظرة قارصه وهو انفجر
بضحك /يابنت تكلمي خلي اتاكد ترا والله ماستبعد على نفسي شي ؟

ملاك تضرب كتفه / صقر خلاص
صقر مازال يضحك وهو يسحبها لحضنه / الحمدلله طلع لسانك سليم
ملاك تبتعد من حضنه بزفرة / صقر خلاص قدر خجلي شوي
صقر يطالع بعيونها /فديت الخجلانه يا ناس
ملاك تنهدت بضيقه وهي تمرر يدها على نحرها / كيف بداوم بكرا قدام البنات كذا ؟
صقر مبتسم بتلاعب/ عادي غيبي ولا اقول لك داومي خلي يتعودون لانها راح تصير فيك كل يوم
ملاك فتحت عيونها / وشو ؟؟

صقر رجع يضحك وهو يبتعد لسرير / والله وفا تستاهل هديه على ليلة البارح
ملاك حطت يديها على خصرها بغيظ /وفا وش دخلها ولا تبي تقهرني يا صقر ؟
صقر لف لها بتبرير / لا والله بس مبسوط لانها خلتك تحركين و تريحيني
ملاك ترد بزفرة / حط بالك لو مابي اريحك ماهمني
لا انت ولا وفا ولا غيرها واللي صار مالها دخل فيه

صقر طارت عيونه وهو يشوفها تروح غرفة الملابس بزعل تنهد بضيقه (اعرفها مطيوره واي شي يطيرها لازم اخرب على نفسي يعني ؟)

دقايق و رجعت تمشي عليها قميص حرير بالون الوردي لا نص الساق عاري اليدين وهي تجلس بغضب على الكرسي اللي مقابل التواليت وتحط كريم على سيقانها و عضودها

و صقر تقدم وهو ينحنى لها بهمس / ملاك ماهو اي كلمه تنرفزك حتى لو كانت مزح
ملاك تناظر بالمراءه اللي تعكس صورته / تعرف لو مالعلمات اللي برقبتي كان رحت بيت امي وخليتك تروح لاختك تشكرها

صقر تنهد بضيقه / ملاك الشكر لك انتي ماهو لغيرك انتي السعاده والحياة
ملاك لفت نظرها عنه بصمت / …
صقر انحنى اكثر وهتف بخباثه / يازين العلمات على نحرك الابيض ماتبين زياده؟
ملاك قامت مفزوعه وهي تبتعد لغرفة الملابس
وصقر انفجر ضاحك / ههههه ياخبله تعالي امزح معك لا تحجرين نفسك بين الاكبات ههههه
_______________________________

بيت ام طلال اللي مستمره بقناع ام ماهر / يا ام ماهر انا كلمت المعالجه وقالت خلاص بتجيها للبيت وتعالجها
ام ماهر بالم / يا ام طلال ود عيني والله بس رجلها رافض العلاج الشعبي
ام طلال ترد عليها باصرار / يامره لا توقفين علاج بنتك خليها تعالج ورجلها لا يدري بكرا لا بطت قال ابي مره انتي ما تولدين

ام ماهر تهز راسها بتفهم / طيب ومتى بتجي وكم تبي؟
ام طلال بهتمام/ اسمعي مدام رجلها مسافر خلي تجي هاليومين والفلوس طلبت 3000 لطريق
ام ماهر فتحت عيونها / 3000 لطريق من غير علاجها؟'
ام طلال تهز راسها / ماهي خسارة باذن الله يمكن ينكتب لبنتك عيال من رزق الله ثم من بركة يدها

ام ماهر باستسلام / خلاص بشوف ورد لك بشاور ام عقاب ومهره ونعلمك
ام طلال بتفهم / ابد خذي راحتك بس شوري عليك مدام رجلها ماهو هنيه خلي تجيها
________________________________

بيت نهيل ….

حصه تسال امها /يومه ملاك ماكلمتك ماتدرين عن صقر هو درا ولا لا ؟
نهيل تهز راسها بنفي/ لا ماكلمتني وكاد انه مادرا للحين لونه داري وقايم عليها تلقينها جايتن شارده بنتي واعرفها
امل تضحك / والله ملاك نكته كل يوم ضاربته بطوفه
وجايه منحاشه
حصه تضحك / بلاه معطيها وجه ولا كان هو اللي يضربها بطوفها ويخليها تنثبر
نهيل تهز راسها باقتناع / اي بالله صقر باسه قوي

حصه تهتف بتذكر / اي تخيلي يا يومه يوم كنت مرقده عند ملاك الممرضات كيف يجن يسالن عنها وين مرت الدكتور صقر و لا يناظرون بصقر بجرائه و يسولفن معه
نهيل باستغراب / وهو يسولف معهن ؟
حصه بصدق / لاوالله اشوفه ثقيل بس عاد مدري لانه قدامنا انا وملاك مطنش ولا طبعه معهن كذا
امل بتسال / وملاك وش قالت ؟
حصه تنفجر بضحك / طردت وحده و زعلت ماعاد رجعت
نهيل تبتسم / بسم الله على بنتي مقديه وليش ماطردت الثانيات بعد

حصه ترفع كتوفها / مادري عنها بس والله ياصقر انه مخققهن والخبله بنتك شايفه نفسها عليه لو يسحب عليها ويلحق له وحده من هالممرضات لغير تعض اصابع الندم
نهيل ترفع حاجبها بفخر / والله ماهو لاقي مثلها عشان كذا هاجد وساكت عنها

حصه تقوم لودها اللي يصيح /يومه ترا خالتي بتجي العصر
نهيل ترد بموده / الله يحيها حتى ابو بندر وام بندر بيجون وبندر معهم
امل نزلت عينها بحرج و نهيل تهتف بتقصد/ والله فيه الخير يجي ويسلم علي يا عمته ويشوف وش انا محتاجه
حصه تطالع امها بعتاب وهي ترضع اياد / وحتى عادل يومه كل يوم يجي يسلم عليك ويشوف وش تحتاجين

امل تضحك / تعيدين كلام امي انتي بس ضفتي اسم عادل
حصه تطالعها بنص عين / ليش تبينها تمدح رجلك لحالك وتنسى جميل رجلي
نهيل تبتسم / لا بالله ابو اياد ماينسي جميله انا اقصد قليل المروه زوج اختك المغرور
امل تضحك / من قلتي مغرور فهمنا من تقصدين

حصه بتسال / اي والله يا يومه حتى ماجا يعزيك ؟
نهيل ترد بغيظ / بلاه قليل اصل مثل اخته بس ماودي اقوله عند اختك و ضايقها
حصه بغبن / بس عيب الفروض يجي يعزيك اقل شي عشان عشان مرته
نهيل تهز راسها باسا / شايف نفسه ماهو متنازل يجي لبيتنا
امل ترد / طيب قد جا البيت يوم ملاك تعبانه ومرتين بعد

نهيل ترد باعجاب وتفاخر / جابته كحيلة العين غصبن عليه و الحين لو تدري اني متضايقه عشانه ما عزاني والله لغير تجيبه
حصه بواقع / والله ماهي بقادره تجيبه بالغصب ؟
نهيل تبتسم / اختك ذكيه تسوي نفسها منصرعه عشان يجي

حصه وامل انفجرو بالضحك و امل تهتف / قسم خطيرة ملاك باخذ منها دوراة قبل الزواج
حصه تضرب كتفها/ خلي عنك دورتها والله ماسنعت نفسها بتسنعك بفكارها الغبيه
نهيل تايدها /اي بالله ان ام اختك صادقه
___________________________

بعد مرور سبوعين سريعتان ….

مهره من بعد رضا الجده صيته اقتنعت بكلام عمتها وجابت لها المعالجة وقالت تحتاج مرخ لمدة سبوع ولها سبوع تمرخ واليوم اخر شي …

الساعه التاسعه صبحاً…

وهذا هي تمدد على الفراش بغرفة امها وتفتح عن بطنها والمعالجة تهتف بهتمام / كيف صرتي من بعد المرخ اللي فات ؟
مهره ترد بهدو وعيونها على كف المعالجه اللي تمرخ بطنها / احس بتحسن الحمدلله
المعالجه بتاكيد / اهم شي ممنوع النوم مع رجلك وانتي ممرخة تخربين الشغل كله علينا
مهره تهز راسها بخجل / رجلي مسافر اصلاً
المعالجة مستمره بالمرخ /باذن الله تبشرينا بالحمل القريب
مهره تنهدت / الله يسمع منك

المعالجة تغطي بطنها وهي تقوم واقفه/ باليل قبل تنامين تحممي بما دافى وصابون من غير ريحه معطره
مهره تهز راسها / ان شاءالله
المعالجة بحرص / انتبهي تشيلين شين ثقيل ولا تشربين شين بارد والله يرزقك يامك عاجلاً غير اجالاً
مهره ترد بموده / امين الله يجزاك خير
المعالجة تشيل اغراضها / امين يارب انا ماشيه برجع لديرتي من بعد ماخلصت مرخك الاخير
مهره ترد وهي تشوفها تطلع / الله يستر عليك

طلعت المعالجة وهي تطمن ام ماهر وام عقاب اللي يستجوبونها / بنتكم بخير بس معها كيس مع المرخ باذن الله يخف وتحمل
الجدة صيته ترفع يديها لسما /الله يسمع منك
ام ماهر بتسال / وش تمنع عنه ؟
المعالجة / لا تشيل شين ثقيل و الرجل اهم شي مايقرب لها
الجدة صيته ترد /رجلها مسافر ولا هو هنيه والثقيل ماراح تشيله باذن الله
المعالجة تسلم عليهم /مع السلامه اذا حملت بشروني
ام ماهر تهز راسها / باذن الله تعالى

طلعت مهره وهي تهتف بارهاق / يومه احس بطني يوجعني من يدها ثقيله
الجدة صيته تزفر عليها /اقول اص ان شاءالله يدها بركه
ام ماهر تجلس / انا خايفه احدن يعلم فهد
الجدة صيته بثقه / من بيعلمه ماحدن درا
مهره بتوتر /راجو
الجدة صيته تطالعها بحده /وراجو وش عرفه انها تمرخ
ام ماهر تضحك /سبب لنا رعب هالراجو
الجدة صيته تطمنهم / تطمنو مدام فاطمه ماهي هنيه ماحدن داري وهي تجي الصباح بدري مايمدي احد يشوفها

ام ماهر تنهد /بس والله غاليه بالحيل
الجدة صيته ترد بحنو /ماهو خساره على مهيره
مهره تحب راسها /الله يطول بعمرك ياجدة معن والله ماودي تدفعين ريال بس انتي الله هداك حلفتي
الجدة صيته ترد بمحبه / يامك ترا اللي دفعت بس النص ثلاث الاف وانتي النص
_______________________________

صقر من اجمل الايام اللي مرت عليه هالاسبوعين
واخيراً نال المنال واخذ اللي يباه

جالس بمكتبه ويشرب له كوب من الكوفي بروقان ومنيف يهتف بتسال / اشوفك مبسوط هالايام ؟
صقر ابتسم / ياخي انت وفالح ليش حسودين ماتبون احد ينبسط الا انتم ؟!
منيف يضحك /ليش فالح وش قايل بعد ؟
صقر يركي ظهره لكرسي/ حسود مثلك
منيف انفجر بضحك / يارجال ماهو حسد فضول بس
صقر يرشف من كوبه ويبتسم / شي خاص فيني مالكم دخل انتم

منيف يبتسم وهو يشوف جنى تدخل المكتب/السلام عليكم
ردو عليها بهدو/عليكم السلام
جنى باستاذن / دكتور منيف ممكن احول عن غرفة المريضه اللي ب 106
منيف بتسال/ طيب ليش ؟
جنى تنهدت بضيقه /عصبيه وانا تعبت ماقدر اتحمل كلامها واسلوبها
منيف رد / طيب لقيتي بديل ؟
جنى تهز راسها بنفي /للاسف لا كل الممرضات رافضات يشرفون على حالتها
منيف يطالع صقر /والحل طيب نخليها من غير ممرضه عشان اسلوبها ؟

صقر يهتف لجنى باستغراب/ طيب يمكن المريضه تعبانه وتعاني من مشكله لازم تحملونها هذا عملكم وانتم مكلوفين فيه
جنى بضيقه / وربي يا دكتور صقر حاولت بس هي الله يهديها بس تدعي علينا وانا ماقدر اتحمل دعاويها
منيف بتسال / طيب هي وش تعاني منه ؟
جنى ترد بهدو / عندها الم بالكلى
صقر شعر بشي غريب يعتصر قلبه /طيب وش اسمها ؟
جنى تتذكر /اممم اميرة جاسم عليان اتوقع
صقر انتفض واقف / وشوو ؟؟

منيف وجنى طالعو فيه بصدمه ومنيف يهتف
بتسال/ تعرفها ؟؟!
صقر ياخذ جواله من على الطاوله ويتجه لباب / قلتي كم رقم غرفتها ؟
جنى ترد وهي مدهوشه / 106

راح صقر وجنى لفت لمنيف بحرج / يا فشله طلعت عيوب الدنيا فيها واخر شي طلع يعرفها
منيف ضحك / ههههه الحين يقوم عليك انتي وزميلاتك
جنى بضيقه / ياربي وش هالحاله


صقر وقف عند الباب وهو يطقه /احم احم
اميرة ترد من غير نفس /نعم منو ؟
صقر تنهد بحزن /ممكن ادخل ؟
اميرة انتفضت من صوته وهي تلبس شالها
وتلثم فيه وعيونها واضحه /ادخل
دخل صقر وعيونه عليها /سلام عليكم
اميرة ترد /عليكم السلام
صقر بتسال / من متى وانتي هنيه ؟
اميرة ترد وعيونها المرهقه تطالع فيه بحده / وانت وش يهمك ؟
صقر يسحب له نفس وبعده هتف بثقل /اميره انتي كنتي شي مهم بحياتي ولازم اهتم فيك وبذات ان الممرضات يشكون منك وحالتك ماحد قادر يتحملها
اميرة غارت عيونها بدموع /قلتها كنت شي مهم والممرضات يشكون مني كل شي يصير فيني من بركاتك يا دكتور
صقر بتفهم / انا بشرف على حالتك وبعالجك بنفسي
اميرة ترد بتقصد / يعني تجرح وداوي
صقر يهز راسه /الله الله اجرح و ادواي

اميرة تطالع فيه / صقر ترا ابوي مايدري انه انت السبب بمرضي ولا ماراح يسكت لك
صقر فار دمه / خلي يدري يعني انا خايف منه ولا من غيره وبعدين الف مره قلت لك الابرة مالها داخل واذا انتي صادقه جيبي تقرير يثب وترا رقبتي لك

اميرة بزفرة / الدكتوره تقوله للي
صقر بثقه / يلا وينها الدكتوره خلي تجي تواجهني ؟
اميرة ترد بحده / صقر ممكن تبعد عن علاجي مانت ملزوم فيني
صقر يتجه لباب / اسف الا ملزوم فيك وانا اللي بعالجك

من طلع صقر اميرة انهارت باكيه وهي تهتف
بخفوت /احبه الله يلعنه احبه
___________________________

الساعة 12 ليلاً …

مهره تحممت وجففت شعرها ولبست لها قميص بالون الكحلي حرير يوصل لين تحت الركبه وتمددت بجوار جدتها وهي تهتف بتسال/ جدة فهد ماكلمك اليوم؟
الجدة صيته كانت متمدد على جنبها وجها لمهره وهي تسبح بسبحتها اللي بين اصابعها/ لا والله لا امس والا اليوم الله يطمن قليبي عليه
مهره بخوف/ لايكون فيه شي ؟

الجدة صيته تنحرها /اتفلي من ثمك لا انشاءالله انه بخير وعافيه بس وكاد ما فضى من الشغل
مهره تهز راسها بتفهم /الله يسمع منك
الجدة صيته تمد يدها وتحط سبحتها على الطاولة المجاورة لها وهي تهتف لمهره بحنو /نامي يامك
و ارتاحي ترا السهر ماهو بزين عليك
مهره تغطي جسدها بالفراش /تصبحين ع خير


الساعه الثالثه قبل الفجر …
الكل كان رايح بنوم عميق انفتح باب جناح الجدة صيته ودخل بهيبته المعتاده وسامته الجذابه وهو متلهف و مشتاق لشوفت جدته و مهرته عجز لا يصبر لصباح يبي بس يريح قلبه و نظره …

تقدم وعيونه تنتقل بين الثنتين اللي نايمات وحده من يمين و حده من يسار و الابجورات اللي بجوارهن شغاله وملامح كل وحده فيهن واضحه لاول مره يغيب كل هالمده عن جدته و حتى مهره من بعد ماتعود عليها ماغاب عنها شهر…وقف يطالع فيهن ود وده يسحب كل وحده لحضنه ويدفنهن بين صدره …

فهد جلس على طرف السرير من يم جدته وانحنى لها باس ظهر كفها والجدة صيته انتفضت وهي تفتح عيونها وتطالع بالملامح اللي قبالها /فهد؟!
فهد ارتفع حاب راسها / اي ياروح فهد
الجدة صيته تعتدل جالسه ودموعها تنزل على
خدها من غير شعور /يالله لك الحمد على سلامتك

فهد يرفع كفها ويحب باطنها / الله يسلمك ليش هالدموع هذا انا قدامك بخير وعافيه
الجدة صيته تمسح على عارضة/يامك لا عاد تبعد مافيني شده على فراقك
فهد يهز راسه بمسايرة / ان شاءالله

الجدة صيته تطالع فيه بتعمق وهو لابس بجامه ترنق زيني وبنطلونها اسود فيه خطين من جنبه زيتيه وشعره الاسود المبلول مرفوع على فوق وذقنه الاسود محدد بدقه وسامته بنظرها زايده وهي تسال بامومه صادقه / يامك متى جيت وليش ماعلمتنا ؟
فهد تنهد بتعب / مانزلت الطائرة الا الساعه وحده جيت تروشت وبدلت وكنت بنام بس عجزت عيني عن النوم لازم اجي اطمن عليكم
الجدة صيته تبتسم / ولا عشان مهيره ماهي بجناحها

فهد يلف نظره لمهره النايمه وجهها يضوي بين الابجوره والظلام نايمه على خدها وضاغط على شفايفها الورديه و مبوزه لقدام وانفها الصغير وخدودها مورده وجبينها المحدد مرفوع القذله عنه
لا فوق حتى وهي نايمه تشهوي وده يقوم ياكلها ولاكنه متماسك بثقل وثبات …

الجدة صيته تكمل كلامها / خلاها نايمه والصباح رباح
فهد يهز راسه بصمت و رضا /…..
والجدة تمد يدها تبي ترفع على ضو الا بجورة ومع حركتها طاح كاس الما اللي على الطاوله بجاورها
وطلع صوت قوي افزع مهره وخلاها تقوم جالسه برعب الجدة صيته تطالعها بتسميه / بسم الله عليك هذا القلاص يامك طاح

مهره كانت فاتحه عيونا على الاخر وهي تشوف فهد جالس قدامها ويبادلها النظرات كورت كفوف يدها وفركت عيونها تبي تتاكد انه ماهو بحلم يمرها في كل ليلة ..

الجدة صيته عقدت حواجبها/ انتي علامك قطعتي عيونك ؟!
فهد قلبه اشتعل من حركتها البريئه وهو يهتف لها بتاكيد / تطمني انا حقيقي
الجدة صيته طالعت فيه و ضحكت / اثرها تفرك عيونها بتشوف انت حقيقي ولا لا ؟
فهد يهز راسه / اي تحسبني بحلمها
مهره مازالت مشوشه فيه بصمت /…
الجدة صيته هزت كتفها وهي تبتسم / تحمدي لرجلك بالسلامه
مهره ما تغيرت وضعيتها /….
الجدة صيته تزفر عليها /هو انتي علامك انسفهتي ؟

مهره تنفض راسها بحرج / هاه لا بس انخرعت من الصوت
فهد يناظرها ويهتف بتسال هادي /شلونك يا مهره
مهره ترمش بعيونها / طيبه الحمدلله

فهد عاجز يشيل النظر عنها وهي بعد تبادله النظرات
الجدة صيته تقوم بثقل / اشبعو من مناظر بعضكم بروح اوضي
فهد لف لجدت و تنحنح بحرج / احم ارتاحي توها الصلاة
الجدة صيته تركى على عصاتها / لا مابقى عليها شين كثير

راحت وعيون فهد تلاحقها لين دخلت الحمام ولف لمهره اللي مازالت تناظر فيه و هتف بندا وهو يفتح يدينه وحضنه لها / تعالي يا مهره سلمي علي

مهره رمت الغطا عنها وهي تمشي على ركبها بنص السرير وترتمي بحضنه فهد حوطها بذراعيه و حضنها بقوه وهي شدت الاحتضان و اصابعها تشد التشيرت بقوه من عند ظهره وهو دفن انفه بشعرها و سحب له نفس عميق مشتاق لريحتها وهي دفنت انفها بعنقه وهي تسحب نفس اعمق اشتاقت لريحته تبادلو الاحضان لمده دقايق ابعدها فهد عنه ولف على ورا يشوف جدته طلعت ولالا وبعد ما تطمن انها مازالت توضي لف لمهره وحط شفايفه على شفايفها وهو يخلخل اصابعه بشعرها شادها له وهي استجابت بحب وشتياق

الجدة صيته فتحت باب الحمام وطلعت تهلل وهم انتفضو مع بعض مبعدين بسرعه وفهد قام واقف وهو متاكد انها ماشافت شي ولا كان ماسلمو منها..

الجدة صيته اقتربت بتسال/ هو انت ماتعشيت ؟
فهد انفاسه متسارعه من الجو المشحون / الا الحمدلله تعشيت
الجدة صيته تطالع مهره بارتباك / روح نام يامك مهره خلها تنام عندي اليوم
فهد عقد حواجبه باستغراب / ليش انتي تعبانه ؟

مهره كانت جالسه بنص السرير متوتره و فاهمه على جدتها وخايفه من ردت فعله لو عرف بالمعالجة

الجدة صيته تنحنح / احم لا يامك بس ارتاح لاصارت عندي
فهد ماهو مقتنع بكلامها / يومه في شي صاير شي تكلمي ؟
الجدة صيته تنهدت بهم وهي تقدم وتجلس على طرف السرير / يامك لا تنشد خلاها عندي وبس
فهد زفر بحزم / كيف ماتبيني انشد عطيني سبب واحد ليش تبينها تنام عندك ؟؟؟

مهره تستلم للامر الواقع / لاني …
الجدة صيته بمقاطعه / اص ولا كلمه انتي
فهد لف لمهره بتوجس/ تكلمي لانك وشو ؟؟
مهره تطالع جدتها بخوف /….
فهد فار دمه وقام يغلي جسده من الغبن / حرام بالله لو ما قلتو للي وش صاير لا هدم السقف على روسكم

الجدة صيته باستسلام / بقول لك بس عطنا الامان
فهد صعق من كلمتها / صاير شين كبير من يومك تبين الامان؟
الجدة صيته باصرار /الامان ياولد عقاب وقول لك غير هالكلام ماعندي
فهد هتف بتلاعب مدروس /عليك الله ومان الله يا ام عقاب يلا تكلمي
الجدة صيته فاهمه نذالته / عط مهره الامان ماهو انا

فهد لف لمهره اللي رجعت على ورا من نظراته الحاده وهتف من بين اسنانه / وش انتي مسويه ؟
مهره تهز راسها برعب /والله ماسويت شي
الجدة صيته بزفرة / عطاها الامان وانا وقول لك
فهد تنهد بقلة حيله وهو كل تفكيرة يعرف وش صاير من وراه/ عليها الله وامان الله تكلمي؟
الجدة صيته تطالع فيه مباشر / مهره مارخه بطنها عند معالجة و مايصير تنام عندك

فهد شعر بتدافع الدما يجري بعروق راسه بشده و لف لمهره بصدمه ورجع لف لجدته بحرقه/ انا محرمها على نفسي لو طلعت؟!!

الجدة صيته انتفضت بحلف صادق/ لا والله ماعتبت عتبت الباب المعالجة هي جت عندها للبيت
فهد صرخ بحرقه اعمق / كذابه انتي وبنت اخوك مافي معالجة تجي للبيت ؟
الجدة صيته وقفت بحزم /احلف لك بالله وتقول كذابه كان مانت مصدقني رح اسال راجو قل فيه حرمه لها سبوع تجي كل صبح وشوف وش يقول لك؟

فهد عقد حواجبه وهو يتذكر فعلاً مكالمة راجو له قبل كم يوم ويعلمه ان في حرمه تجي كل صباح للبيت تاخذ ساعه وتمشي لف لجدته بعتاب / تعرفين اني رافض المعالجات تسوين شين مابيه ليش يا ام عقاب؟
الجدة صيته تنهد بالم / والله اني باغيه لك ولها الخير ابي تحمل وتجيب لك وليد
فهد رد بانفعال / ومن اللي ضاحك عليك وقايل اني ابي الولد من مهره هاه ؟؟

مهره تحطمت تحطيم من كلمته اللي صار يكررها بكل مره واكد لها انه فعلاً مايبي منها الولد و دموعها تنزل على خدها بغرازه

الجدة صيته لفت بتشوف ردت فعلها و بعده لفت لفهد بدفاع / ماهو بلازم تجيب لك الولد هي ارحامها تعبانه ومحتاجه علاج ما انت داري عن الوجع اللي هي تحس فيه كل يوم

فهد لف نظرته القاسيه لمهره شافها حاطه كفوفها على فمها كاتمه شهقاتها و ابتعد طالع من الجناح …
_____________________________

ملاك فتحت عيونها بظلام وهي تسحب الجوال من الطاوله المجاوره لسريرها وتشوف الساعه /اف الساعه 3 الفجر متى غفيت و صقر معقوله لاحد الان مارجع ؟

تذكرت انها جلست لساعه 12 تنتظره وغفت من غير شعور قامت و نفضت الغطا لمحت انوار الصاله مشغله قطبت حواجبها وهي تتجه لها و تشوف
صقر منحني على الاب توب وبيده ملف اخضر اقتربت وهي تهتف بتسال / متى جيت؟
صقر سكر الملف باستعجال ولف لها / هلا صحيتي؟
ملاك تهز راسها بصمت/…

صقر كان شاد على الملف باطراف اصابعه من غير لا يشعر ويرد على سوالها / جيت الساعه 12 ونص حصلتك مكبره المخده ونايمه ؟
ملاك ما خفاها حرصه للملف ولاكنها سوت نفسها مانتبهت / اي انتظرتك و ماجيت حطيت راسي ونمت
صقر نزل الملف على الطاوله وقام واقف / بكرا عندك دوام ؟
ملاك تهز راسها وهي تثاوب / اي عندي اختبار

صقر انسحر من فمها الصغير وهي تثاوب تقدم وباسه بسرعه / انتي ليش حلوه كذا ؟
ملاك ترفع كتوفها / مدري
صقر ابتسم بخبث/ يلا نروح ننام
ملاك تطالع فيه بنص عين / روح نام انت انا شبعت نوم
صقر زادت ابتسامته من تفهمها لنيته الخبيثه / ماقدر انام الا وانتي بحضني
ملاك تجاوزه وتقترب للاب توب و تسال بهدو / وش تشتغل عليه انت؟

من انحنت بتاخذ الملف كان صقر وراها و اسرع منها و خذه من يدها راد بحده / شغل خاص فيني
ملاك لفت له رافعه حاجبها / طيب واذا شفته وش بيصير يعني ؟
صقر ينهى النقاش / قلت لك خاص والحين يلا قدامي بنام

ملاك تناظر فيه يتجه لداخل والملف بيده لفت لطاولة كان الاب توب عليها خلاه ماخذه معه لحقته بغيظ ودخلت الغرفه وراه شافته يحط الملف تحت مخدته ويتمدد على السرير ويديه تحت راسه اقتربت له وهي تمد بيدها /عطني الملف يا صقر
صقر رفع حاجبه وهو مازال متمدد ويديه تحت راسه ورد بصرامه / اقول توكلي بس هذا شغل ماهو لعب

ملاك انحنت له ومدت يدها تسحب الملف وصقر اعتدل جالس وهو يبعد يدها بقوه / ملاك اتقي شري
ملاك توقف بوجه /قسم بالله كان ماطلعت الملف لاطلع لبيت امي بهاليل
صقر زفر عليها / ماتخلصين من التهديد انتي ؟!
ملاك تهز رجلها / ابي الملف
صقر تنهد بضيق / ملاك والله شغل
ملاك مازالت غاضبه / طيب بشوفه بس

صقر طالع بعدستها الرماديه وكانها رصاصه تصيب قلبه بنظرها / انا اقول لك كل شي قبل لا تشوفين الملف وتسوين لي مناحه بهاليل
ملاك ترفع حاجبها / وش فيه الملف ؟؟
صقر يجلس على السرير وياشر لها تجلس /تعالي وانا اقول لك
ملاك جلست بجوارة بمسايره وهي حاسه ان ورا هالملف عاصفه / قول اسمعك بس حط بالك لازم اشوفه
صقر يهز راسه برضا / طيب طيب بخليك تشوفينه

صقر سحب له نفس وهو يهتف بحزم / ملاك هذا الملف لمريضه كانت قريبه للي عندها الم حاد بالكلى و الاطباء يقولن مافيك شي والاشعات سليمه وهي مسكينه تتالم وفوق هذا نفسيتها تعبانه وتهاوش مع الممرضات والدكاتره وماحد قادر يتحملها وانا واستلمت حالتها ابي اعالجها لوجه الله

ملاك بفطانه و بتسال حازم / والمريضة اميرة صح؟!
صقر يعجبه ذكاها فطينه وتفهمها وهي طايره ورد عليها وعيونه بعيونها شايل هم من ردت فعلها/ اي اميرة
ملاك طالعت فيه بنظرة قارصه وهي توقف وصقر يمسك يدها بسرعه ويرجعها جالسه/ ملاك انا بكفر عن ذنبي من ناحيتها بعالجها وبعده الله يستر عليها
ملاك تناظر بعيونه وتهتف بمراره / خذيت اللي تبيه مني يا صقر والحين رجعت لها ؟؟

صقر انتفض مصدوم من افكارها اللي لو استمرت
راح يفقدها بي لحظه ورد باستعجال / لا ملاك انتبهي تفكرين كذا هاذي اوهام وربي مابيها بس بعالجها

ملاك توقف وهو رجع يسحب كفها ولاكن هالمره انفضت كفه بقرف وراحت لجهتها من لسرير دخلت داخل الفراش وتغطت بالكامل شوي وحست بجسد صقر الصلب يلتصق فيها من ورا ويهتف بحلف خافت / والله العظيم مافكرت باللي فكرتي فيه يا بنت انا بعالجها لوجه الله بس
ملاك ترد بذات الخفوت/ صقر انت تحبها؟
صقر رد بثقه وهو يشد احتضانها / لا والله ماحبها ولو احبها ماطلقتها افهمي

ملاك تنهدت صاده عنه ولا تنظر فيه / اذا انت صادق بكلامك من بكرا تحول ملفها لدكتور ثاني
صقر يسحب له نفس لتهدئه / ملاك هذا شغلي ما سمح لك تدخلين فيه
ملاك لفت وجها له / لا صار لمريضه ثانيه ما راح اتدخل لاكن لا ميرة حدك انتي وهي انا ماني طوفه هبيطه عندكم

صقر تافف بزفرة/ اوف انتي شفيك ماتفهمين ؟
ملاك ترفع حاجبها بتهديد صارم/ صقر ترا والله يالحضن اللي بين يديك لا حرمك منه طول الحياه

صقر شد ذراعيه على خصرها وكانه خايف فعلا يفقده من بعد ماتعود عليه وهو شفقان وميت لها تبي تحرمه منه مستحيل يصير رد بهدو /ومستمره بتهديد بعد ؟!
ملاك تهز راسها وهي رافعه انفها بشموخ/ اي وانت تعرف اني اقدر اسويها

صقر حط عينه بعينها ورفعت الخشم هاذي ما اعجبته ولا دخلت مزاجه/ وانتي تعرفين اني قادر عليك من زمان بس كنت مخليك بمزاجي وتعرفين بعد اني قادر اخليك ماتطلعين مع هالباب حتى للمدرسه وهم مخليك بمزاجي

ملاك تزفر بوجه / ليش وش قالو لك عبده عندك انا؟؟
صقر يرد بثقه / ملكي وانا حر فيه
ملاك بتسال غاضب / ابي افهم انت تبيها تحدي وافهم انك ماراح تترك طليقتك عشاني ؟
صقر باس انفها وهتف بكبريا / انتي عارفه من بيغلب الثاني لو بغينها بتحدي
ملاك بقهر / وش افهم من كلامك ؟
صقر يرد بهدو / اتركي الكلام اللي ماله داعي وحكمي عقلك
ملاك تلف وهي تعطيه ظهرها / يا انا ياهي واهذا اخر نقاش بينا

صقر سحب له نفس وهو يبتعد منها و يرجع يتمدد على ظهره و افكاره تشتغل (الحين كيف بقنع هالعنيده وكيف بتحمل صدها وانا ماصدقت تزين الامور بينا؟.)

تنهد وعيونه ترجع لها وهي لاويته ظهرها النحيل والبجامة الخفيفه لازقه عليها وش يبي يسوي ماراح ترضى لو تقدم لها يعرفها عدل و غاسل يده منها وهو يسكر عيونها ويحاول ينام …



تحياتي (شغف)
__________________________________

شكرا شكرا شكرا بحجم السماااااااء
جااااا بوقته
كنت اقرا البارتات السابقة وحصلته😍



ربي يسعدك ويسخرالك ويرحم والدك واخوي وامواتنا واموات المسلمين

بانتظارك 🥺🥺🥺
بليز ماتطولي لو تنزلي بارت😁
الله يسعدك
شكرا مقدما

مساءالخير للجميع …اسفه على التاخير بس والله كنت اكتب لكم الاحداث من اعماق اعماق قلبي …ويارب تعجبكم وانتظرو البارتات القادمه من اخلص منها راح انزلها على طول ..دمتم بخير …

تفضلو
~
~
~
~
~
~




رواية ريح المطر
-/البارت الرابع والتسعون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

..

بالصباح مع زغردت العصافير ولفحت الهوا للاشجار كانت الجدة صيته جالسه بالحوش وميري تسقي الزرع بهوز الماء هتفت لها بامر حاني /ميري عبي الحوض من الما خلي الطيور تشرب منه
ميري تهز راسها /حاظر يا جدة

جت ام ماهر شايله صينية القهوه والشاي معها وتهتف بالسلام /صباح الخير يا ام عقاب
الجدة صيتة ردت بمحبه /يا هلا يا صباح النور
جلست ام ماهر مقابله لها بتسال/مهره عداها راقده غريبه ؟
الجدة صيته تنهد بضيقه وهي تذكر حالها بكت لين طلوع الشمس و ترد على ام ماهر بسوال /انتي مريتيها ؟
ام ماهر تهز راسها / اي لقيتها راقده هو صاير شي علامها ما رقدت ؟

الجدة صيته تنهدت بحزن/ فهد جا البارح
ام ماهر طارت عيونها برعب / فهد جا ولايكون درا عن شي؟؟
الجدة صيتة ترد بقلة حيله / درا وليته مادرا قلب الدنيا على روسنا وحذف عليها من هالكلام اللي ماينقال وراح وخلاها
ام ماهر اقبض قلبها / ياويلي على بنتي واكيد ما رقدت من الصياح

الجدة صيته بتافف/ هذا انتي خابرة بنتك و طبوعها لا زعلت قامت تبكي وتتعب صحتها عشان ناسن ماتستاهل
ام ماهر بحلول / طيب تسامح منه هذا رجلها وهي اخطت بحقه
الجدة صيته برفض حازم / لا ما تسامح منه حتى هو اخطا بحقها وقال كلام ما ينقال
ام ماهر تعقد حواجبها / وش هو قايل ؟
الجدة صيته بمراوغه / علومن ماتنقال


صحى فهد من بعد مانام له ساعتين تقريباً …
من الفجر وهو يدور بجناحه رايح جاي جالس واقف لين طلوع الشمس والنار مشتعله بصدره كيف تستهين بكلمته وتسوي اللي براسها هذا وهو ما غاب الا شهر بس و كانت ناويه تروح لسوق وجابت معالجة لبيته وكل اللي منعها منه نفذته بغيابه وين الثقه وجدته بدل ما تعقلها تمشي ورا شورها و تشجعها.. ؟؟

جيت مشتاق و ضامي …
ورجعت عطشان وحامي …

قام غسل ولبس له ثوب وشماغ نيته يطلع لديوان يتفقد احوال القبيله ماعاد هو قادر يثق باحد
مايدري وش اللي صار بغيابه ومن وراه اذا اهل بيته
ما التزمو بكلامه فكيف بالقبيله كامله يبون يلتزمون؟..

طلع للحوش شاف جدته وام ماهر جالسات قدام الزرع نسف شماغه وكان ناوي يطلع ماله خلق يتكلم مع احد ولا بيشوف احد متضايق من تصرفاتهم بالحيل لاكن اوقفته ام ماهر اللي قامت ترحب بموده
وهو انحرج منها ورجولته تمنعه ان يحتقرها وتوجه لها يبي يسلم وام ماهر تهتف بترحيب صادق/ حي الله ابو عقاب الحمدلله على السلامه

فهد تقدم وحب على راسها وهو يرد من طرف
خشمه/الله يسلمك
ام ماهر بتسال عن الحال/ شخبارك يامك وش علومك
فهد يرد بذات النبرة / طيب طاب حالك انتي اخبارك
ام ماهر بموده / بخير يالله لك الحمد
فهد ناظر بجدته بنص عين وهي صدت عنه بزعل
وام ماهر تاشر على القهوه اللي قدامها بتوتر / فنجال ؟
فهد يهز راسه بنفي / عندي شغل مع السلامه
ام ماهر تطالع الجدة وهي ترد / بحفظ الله

الجدة صيته من طلع زفرت بقهر / شفتي نافخ خشمه حتى ماسلم علي ولا حب راسي كاني ماني موجوده
ام ماهر تجلس و تهديها/ يا ام عقاب هو الحين متضايق ومعصب خلي لين يهدا
_____________________________

بالمدرسه …
تمشي مع شذى بالساحه وهي صامته واضح عليها الضيقه و تفكيرها مشغول فيه ليش تحسه مهتم
با اميرة كثير ؟ مدامه طلقها ليش الاهتمام وكل كلمه والثانيه يقول بكفر عن ذنبي وش هو الذنب غير الطلاق هي تشوف بعيون صقر حنين لاميرة ويمكن غلا
او يمكن حب؟..

شذى تضرب كتفها/ملاك شفيك من اليوم ساكته وتفكرين مضايقك شي تكلمي ؟
ملاك لفت لها وهي تهتف بتسال/ شذى بسالك اميرة يوم كانت على ذمة صقر كيف الحياة بينهم يحبها تحبه؟؟

شذى تقطب حواجبها باستغراب من سوالها المفاجئ /وش جاب اميرة على بالك اكيد في شي تكلمي ؟
ملاك تاشر على مكان خالي/ اول خلي نجلس تعتبت من الفرفره
شذى تمشي معها بحيره/ نجلس بس قولي للي كل شي وتاكدي اني معك واعلمك باللي تبين

ملاك تجلس وهي تحط كفها على فخذ شذى اللي جلست جوارها/ ادري يا شذى انك اصدق وحده للي بالحياة
شذى بتسال حاني / اجل تكلمي وش مضايقك؟؟

ملاك حكت الشذى سالفة الملف واميرة و مرضها
على كلام صقر وهي زعلت وقالت له يا انا يا هي ؟؟

شذى تنهدت وهي تهتف بتسال / ملاك تبين اكون معك صريحه و بتحملين كلامي ؟
ملاك تهز راسها بتاكيد / قولي يا شذى راح اتحمل ؟
شذى هتفت بجدية / اول شي افهمي ان اميرة فعلاً مريضه وامي قبل كم يوم سمعتها تقوله لخالاتي
ثاني شي يا ملاك خالي صقر يبي يعالجها لوجه الله لا تنسين ان كانت بينهم عشر كيف تبينه يتركها وهي بحاجته ؟

ملاك تطالع فيها بغيظ/ مريضه ماقالنا شي بس يعني مافي دكتور يعالجها الا صقر شذى لونها بذمته بقول من حقه بس مطلقها وش يبي فيها هذا اللي بفهمه ؟
شذى بعتاب / انتي ترا بتهدمين حياتك بنفسك خلاص خلي يعالجها وش يضرك يعني ؟

ملاك تزفر عليها / اول يطلقني عاد يعالجها يرجعها بكيفه
شذى طارت عيونها/ يطلقك انتي انهبلتي ؟
ملاك تشيح بوجها / وش تبين اسوي ماعاد انا قادره اتحمل خالك المغرور
شذى بتسال / ملاك انتي تحبينه ولا لا ؟
ملاك طالعتها بدهشه / وش دخل هذا بهذا ؟
شذى بثقه / الواضح انك تحبينه واكبر دليل غيرتك عليه
ملاك طالعتها بنص عين / اي وصرتي تحللين الشخصيات انتي بعد

شذى ترد بذات الثقه / ترا خالي صقر حبك انتي بشكلك وبكلك لاكن اميرة حب فيها اسلوبها وحنيتها وتعاملها معه والله يا ملاك انها كانت تسمعه كلام حلو حتى قدامنا
ملاك فتحت عيونها على الاخر / كلام مثل وشو ؟

شذى ترد عليها بجديه / مثل ياروحي يا قلبي وهو الله يسامحه كان يشطفها وهي ماكنت تستلم طيبه معنا ومعه ومحترمه ومطيعه له عشان كذا خالي صقر عاجز يتخلى عنها كانت تعني له الكثير

ملاك حست بالم وسط معدتها من كلام شذى اللي قالته بحسن نيه وهرمونات الغيرة ضربت فل عندها (معقوله يكون صقر للحين يحبها ويحب اسلوبها وبذات من بعد ماعرفني وعرف اسلوبي كيف بصحصح الاخطاء و انسيه اميرة هذي صارت خطر على حياتي لو استمر يعالجها يمكن يرجعها بي وقت ومن غير شوري ولا رايي اصلاً ؟؟)

شذى تاشر لها / هيه وين رحتي،؟
ملاك تلف لها بضياع /هاه افكر
شذى بمصداقيه /فكري بكلامي عدل نصيحه حافظي على خالي تراه يحبك ويبيك
ملاك ردت بارهاق /صرتي افهم مني يا بنت ؟
شذى تبتسم / الحياة علمتني
ملاك طالعت فيها من تحت اهدابها/ اللي يسمعك يقول انك مجربه الحياه قبلي ترا انا وانتي تونا مبتدئين فيها

شذى انفجرت ضحك /حلوه هاذي مبتدئين
ملاك تقوم /رن الجرس قومي بس نحظر الحصه
شذى تقوم معها /يلا
___________________________

بالمستشفى ،….بغرفة 106،،،،

طق الباب طقتين وجها صوت صقر يتنحنح /احم احم
اميرة تلثمت وردت بصوت متعب / تفضل يا دكتور
دخل صقر ومعه الممرضه جنى /السلام عليكم
اميرة ترد وعيونها عليه / عليكم السلام
صقر بتسال وهتمام /كيف صرتي ؟
اميرة ترد بصدق / احس بتحسن الحمدلله
صقر هتف بثقه / هاذا بداية العلاج و باذن الله بطيبين وتطلعين بسلامه
اميرة تنهدت / الله يسمع منك

صقر باسلوب طبيب فقط / مامعك مرافق ؟
اميرة تهز راسها بنفي / لا امي مسافره مع اختي عندها بعثه بكندا وابوي يمر علي كل يوم قبل يروح الشغل وبعد مايرجع من الشغل

صقر يشعر بالمساولية من ناحيتها وكانها مازالت بذمته نفض افكاره و رد وهو ياشر على جنى وعيونه على اميره / الممرضه جنى بتكون مكلفه فيك واي شي تحتاجينه ماراح تقصر معك
اميرة تطالع جنى بحرج / ماتقصر بس انا لا تعبت من الالم اجلس اصارخ عليها
جنى تبتسم بتفهم / لا معذوره انتي تعبانه وانا واجبي اتحملك

صقر ينزل عيونه على الملف اللي بيده ويتكلم
بحرص و اهتمام / اميرة بكرا لازم تصومين بنسحب منك دم
اميرة بصوت متعب واضح /حاظر بس متى اصوم من الساعه كم لساعه كم ؟
صقر رفع راسه و طالع فيها مايدري ليش صوتها المتعب حرك شي بداخله / من الساعه 3 الفجر لين الساعه 8 الصباح 6 ساعات اقل شي تمام

اميرة برضا /تمام
صقر يوجه كلامه لجنى بامر طبي / ركبي لها مغذي وخففو عليها المسكن والمنوم
جنى تهز راسها /حاظر يا دكتور
صقر بستاذان /انا استاذن وبكرا امر عليك

اميرة تلحقه بنظراتها وهو طالع تحب كل تفاصيله غروره كلامه جسمه طوله شهامته رجولته حتى وهو مطلقها ماتخلى عنها يبي يعالجها ويقوم فيها وهي متاكده انه ماهو عشان سالفه الابره هو واثق ثقه
ان الابره مالها دخل بمرضها لاكنه واقف معها فزعه ….
___________________________

الساعه 2 الظهر …

بجناح الجدة صيته واقفه و متكيه بعصاتها بجوار السرير و تهتف لمهره بغضب /انتي ورا ماتقومين تاكلين ماهو نافعك لاصار فيك شي
مهره لامه ركبها بحضنها و جالسه باخر السرير
و صامته /….
الجدة صيته بمحاوله/ يامك قومي تغدي امك من اليوم وهي بالمطبخ تسوي لك عيشه
مهره تهز راسها بنفي وهي على جلستها / ماني مشتهيه شي و تكفين يا جدة خلوني بروحي

دخلت ام ماهر وبيدها صينيه وتنادي / تعالي يا مهره جبت غداك
مهره دفنت وجها بين ركبها ودموعها تغرق قميصها الحرير /…
الجدة صيته تنهدت بقلة حيله وهي تطالع
بام ماهر / وكاد ماهي سامعه الكلام
ام ماهر تحط الصينه على الطاوله وتقدم /يامك مافي حياة زوجيه تخلا من المشاكل لا تكبرين السالفه

مهره زادت بكى وزادتهم الم / مابيه يرضى ولا ابي منه شي خلاص مابيه مابيه اصلاً
ام ماهر بمحاوله حانيه/ تعوذي من الشيطان الجوع على المرخ ماهو بزين
الجدة صيته تشد كف ام ماهر وتسحبها معها
متجه للاريكه /خليها براحتها
ام ماهر تجلس وعيونها على السرير وقلبها يتقطع على بنتها وتسال الجدة بخفوت / هو وش قايل لها يا ام عقاب مخليها تبكي كذا؟

الجدة صيته خجلت تقول لها كلامه اللي مثل السم لدغ فيه الضعيفه وراح لذالك ردت بتصريفه / كلام فهد اللي مايخلص هواش وصراخ
ام ماهر بحزن / وهي ماتعودت عليه وعلى طبوعه جالسه هنيه تاكل بعمرها
الجدة صيته تطالع مهره وترجع تطالع ام ماهر /خليها تبكي و تطلع اللي بقليبها وترتاح



بعد صلاة الظهر رجع فهد لجناحه نعسان و متفكك من الوقفه بديوان يستقبل رجال قبيلته كل شوي جايين دفعه يسلمون عليه ويتحالفون على عشا كرامته وهو يرفض رفض قاطع بس هم سبقوه بالحلف ..

من دخل نزل شماغه علقها ورمى نفسه على السرير وثوبه مازال عليه مافي حيل ينزله وعيونه الخدره تروح لمكان نومها مد يده ومسحه عليه وصدره يرتفع وينزل مايدري من الغضب ولا العتب ولا يمكن يكون من الاشتياق لف جسده كامل لمكانها ودفن انفه بالمخده يستنشق بقايا ريحتها المسكره مرت دقايق وهو على وضعه ماحس بنوم اللي غفاه …
_________________________________

الساعه 3 عصراً

دخل الجناح راجع من الدوام بعد ماغير شفتاته
من الصباح لين العصر وقف على باب غرفة النوم عاقد حواجبه من الاضائة مطفئة كامله الا الابجورة اللي بجهة ملاك كانت شغاله وهي مستغرقه بالنوم

تقدم و حط لاب توبه وجواله و اغراضه على مكتبه اللي بزاويه ونزل البالطو على الكرسي و راح لحمام خذ له شاور سريع من حراره الجو وطلع لاف الفوطه على خصره لبس له شورت اسود تشيرت رمادي و اقترب لسرير متمدد بجوارها

و كانت موجته وجها ونايمه بسبات لف لها و تكى راسه على كف يده يناظر بملامحها وبكل يوم يراها فيه يشعر انه لاول مره يراها وتزيد جمالاً اكثر من كل مره احياناً يجيه شعور الخوف عليها حتى من نفسه على قولتهم ما يحسد المال الا صاحبة ابتسم من افكاره وهو ينفث على وجها /تف على مرتي ماشاءالله

انحنى باس خدها بهدو وهي رفعت كف يدها وحكت مكان بوسته و مازالت نايمه صقر ذاب من حركتها الطفولية واضح انها جايه من المدرسه مرهقه
و شكلها مانامت طول اليل لذالك ماحست بجوده اصلاً ..سحبها لحضنه بخفه و دفن وجها بعنقه
وانفه هو بين شعرها لين غفاه النوم معها ….


بعد ساعاتين وهم نايمين ….

ملاك سحبت لها نفس و رئتها امتلت بريحة عطره المعروفه اللي مختلط بريحت العود الثقيل..
فتحت عينها بستغراب و رفعت راسها صادم جبينها المعقود بشعر ذقنه القريب شديد القرب ارتعشت من انفاسه المخالطه لانفاسها ونزلت عينها لجسده و هي تشوف ذراعيه كيف محوطه خصرها بمحاصرة

زفرت بنفسها…( هذا شفيه متمسك فيني كذا وكاني بطير حلاله لو اقدر اشوته برجلي لين يدحدر من السرير وبرد قليبي فيه ) …ضحكت وهي تكتم صوت ضحكها من افكارها الشيطانيه طارت عيونها فجئه واختفت ضحكتها وهي تتذكر انها ماصلت العصر ؟..

حاولت تنسحب من بين يديه رافعه نظرها لملامحه الحديديه و ماسرع ما ارتخت هاديه وكلام شذى يتكرر بفكارها ..(معقوله اميرة كانت مغرقته بالحب والاهتمام عشان كذا اشتاق لاسلوبها وكلامها شكله طفش مني ومن لساني الطويل بس يبيني لشكلي وهي يبيها لدلع والغزل هين يا صقر يا حيوان يا خبيث )

تغيرت ملامح وجهها للعبوس والغيرة تداهم مخيلاتها
ضربت ذراعيه بعنف تبي تبعدهم عن خصرها و كانت على وشك تصرخ فيه يحررها ولاكنها تراجعت وهي تشوفه فاتح عيونه ورافع حاجبه عطاها نظره قويه
وهو يشدد احتضانها بيده وحده ويده الثانيه يعدل الغطى ويغطي جسدها…

ملاك هنيه ماتحملت جبروته وزفرت بامر / شيل يدينك عني بسرعه
صقر كانت عيونه على شفيها التوتيه اللي ترتعش من الغيظ و رد عليها بهدو / واذا ماشلتها وش بتسوين ؟؟
ملاك ردت بتسال منفعل /شكلك بديت التحدي من اليوم ؟؟
صقر رفع عينه بعينها و ابتسم من سوالها / لا مابديته ولا راح ابديه اصلاً
ملاك عضت شفيها بقهر من روقانه / صقر ابعد عني ولا عاد تقرب للي مره ثانيه تفهم
صقر عقد حواجبه وهي قربت وجها لوجه وعادت عليه بحده وهي تمد الكلمه /تفهههم ؟؟؟

صقر مشوش فيها وهو يشعر بدغدغة من شقاوتها
وملاك رجعت تحاول تبعد لاكن مافيه استجابه منه صرخت بتعب / بعد كسرت للي ظلوعي
صقر انحنى و حط شفايفها على عنقها العاري باسها بتروي مطنش صراخها وتهديدها له و بعد ما اكتفى
ابتعد منها بسرعه و قام من السرير متجه الحمام
من غير حتى لا يلتفت فيها ولا يرد على شتمها المنفعل/ يا حقير تحسبني لعبه بيدك روح لها روح اشبع فيها هي لحمها رخيص ولا انا لحمي غالي تفهم

صقر قفل الحمام وهو يبتسم من كلامها و نفعالها (مجنونه هالبنت مجنونه) …غسل و توضى وهو حاس با بضيقه وذنب على تاخيره لصلاة…طلع وعينه راحت عليها مازالت متمدده على السرير من شافته طلع قامت بسرعه وتجاوزته بغيظ رايحه لحمام

صقر لف يطالع بتفاصيلها لين ادخلت وسكرت الباب بقوه هز راسه باسا منها فرش السجادة صلى صلاته وراح غرفة الملابس لبس له ثوب واخذ شماغه المكويه وجاهزة بيده ورجع غرفة النوم شافها تصلي بمكان سجادته وهو اتجه المرايه لبس شماغه وعقاله ونسف بترتيب وبخ من عطره من بعد مالبس كبكاته وساعته وخر شي حط القلم الذهبي بمخباه الامامي

لف لها كانت مخلصه صلاة و جالسه على السجادة
متحجبه بشرشف وعيونها كانت عليه و تراقب كشخته وهي تحس بشي غريب يسري بين اعضاها ولاكنها ماهي فاهمه وشو هو بضبط ؟...و من شافته لف لها سلهمت بعيونها وشاحت بوجها عنه

هو ابتسم من طريقة سلهمت العيون واتجه لمكتب اخذ مفتاحه وجواله وطلع بصمت /…..
وهي ضربت فخذها باطن كفها بقهر من بروده وتصرفاته وتهتف بدعاوي/ عساك تطيح على وجهك وتخرب كشختك
_________________________________

مرور يومين…

والوضع مثل ماهو عليه ماشافها من بعد اخر لقاء بينهم وحتى جدته يتصدد عنها واغلب وقته يقضيه بديوان يبي يخلص اشغاله قبل يرجع للهند …

الساعه التاسعه صباحاً بيطلع لديوان سكر باب الجناح رافع عينه و شاف جدته وحسنا ونوف وام ماهر ومهره بالحوش مجتمعات سلم من بعيد وهو صاد عنهم / صباحكم خير
الكل رد الا مهره / صباحك نور
الجدة صيته قررت تكسر الحاجز بينهم وهي
تسال / ماتبي تجي تشرب لك فنجال قهوه ؟
فهد يرد بحزم وهو يتجه لباب / لا عندي شغل

مهره تناظر فيه لين طلع وهي مدهوشه من بروده الغريب تعرفه عدل فهد حار وما يتنازل عن حقه ابد حتى لو اخطت او هو اخطا كان ياخذ اللي يبي بالقوه وش معنى الحين معقوله غيابه شهر خلاه يتعود على بعدها ؟…



قطع افكارها صوت حسنا تسال جدتها / عمه هو خلاص خلص شغله بالهند ؟
الجدة صيته تنهدت بضيقه/ لا يقول محمد انه بيرجع بعد كم يوم باقي ماخلص من هالشغل الاغبر

مهره انتفضت و دق قلبها بشده (بعد كم يوم ؟؟)
حسنا ردت بتسال ثاني / ليش كم باقي له ويفتك من هالاديار ؟
الجدة صيته تجاوب وهي بعالم ثاني / مدري والله يقول محمد مطول شغله هناك وهو جا بيخلص له شغل هنيه ويرجع
حسنا باستغراب /محمد اللي يقول وفهد ليش مايقول لك ؟

الجدة صيته انتبهت لنفسها/ هاه فهد ماوده يعلمني عشان ماتضايق وعلم عمه و محمد علمني
حسنا تهز راسها بصمت وهي غير مقتنعه بكلامها عمتها /…..
ام ماهر تغير الموضوع / شلون الحمل معك يا نوف ؟
نوف ترد بارهاق / تعب والله ماتوقعته كذا ماعاد ابي احمل مره ثانيه من غير شر
الجدة صيته زفرت عليها / استغفري ربك اذا انتي عايفه الضنا في ناس يدورونه

مهره نزلت نظرها لارض بكسره ونوف تطالع فيها وترد بحزن / استغفرالله ياربي تسامحني
الجدة صيته تنهدت بندم على زلة لسانها / الله يسهل عليك و يرزق مهيرة و السنه الافيه وهي شايلتن ضنينها
الكل بصوت واحد / امين يارب



عند فهد من ركب سيارته و شغلها رفع على المكيف لابرد شي و مسح جبينه المعرق بطراف اصابعه
(بسم الله انا شفني قمت اصب عرق ؟)

ريح ظهره على المرتبه مسكر عيونه بقوه بس لمحها من بعيد اختل كل توازنه كيف لو اقترب وحضنها
و انفه دغدغ انفها وش راح يصير فيه ماهو قادر يتحمل بس الكرامه تبى للكرامه حاطه حاجز بينه وبينها رفع راسه لسما (اصبر يالله اصبر ) ثم حرك سياره متجه لديوان يبي يشتغل عن طيفها …
__________________________

بعد صلاة الظهر مباشره …

راجعه من المدرسه ورمت شنطتها على السرير بتعب وترمي عباتها فوقها بتافف /اوف وش ذا الحر

جلست على السرير هي بعد وانحنت تفك رباط جزمتها السبورت وترميها باخر الغرفه و تمدد بارتياح
و مريولها المدرسي مازال عليها ولا انتبهت للي متكي يتفرج بصمت ثم نادها بصوته الثقيل /ملاك
ملاك قفزت جالسه برعب من الصوت لفت لمكتبه وعيونها طايره /…

صقر ضحك من شكلها /بسم الله عليك شفيك؟
ملاك زفرت بخرعه / ماتنحنح ماتقول شي خل اشوفك
صقر ابتسم بخبث /كنت انتظرك تبدلين عشان اتفرج على راحتي
ملاك تطنش كلامه وهي تهتف بتسال / مو المفروض تكون مداوم ،؟!
صقر يهز راسه بايه / الا بس غيرت شفت دوامي مساء عشان الظهر انتظر حبيبتي ترجع من المدرسه

ملاك عطته نظره وهي تقوم متجهه للحمام
صقر وقف قدامها ساد الطريق ومسك معصم يدها وهو يهتف بصوت رجولي عميق/ ملاك لا متى وانتي صاده عني حتى ما تكلمين معي الا بالقطارة ؟!
ملاك حطت عينها بعينه بعتب / مابينا كلام وانت عارف السبب والقرار بيدك ؟
صقر تنهد بضيقه / وش يرضيك غير اللي طلبتي ؟
ملاك ترد بذهول / غير اللي طلبت ؟!
ثم ردفت بنبرة زعل / اشوفك متمسك فيها بزيادة رح لها خل تنفعك

صقر رد بقوه وغضب /البنت مريضه افهمي عاد بس اعالجها وبعده تروح بحال سبيلها
ملاك تنفض يدها من يده وهي ترفع اصبعها قدام وجهه بتهديد / انت اللي افهم قسم بالله ان عالجتها ورجعت للي ماراح تلقاني
صقر باستفسار /شقصدك؟
ملاك بتوضيح / على بالك ماني فاهمتك مخليني براحتي ولا تقرب للي تقول لين تشافى مريضتي ورجع اقص على ملاك بكلمتين و تنسى ؟
صقر كتف يديه على صدره رافع حاجبه / اي كملي ؟!
ملاك تكمل بثقه / لاكن اعرف يا صقر ان عالجتها والله لو رجعت راكع للي ماصار اللي بالك

صقر انفلتت يديه جواره بصدمه وبعد ما استوعب كلامها شدها مع شعرها المربوط بشريطه ومفكوك من تحت على طوله بترتيب/ تخسين و تعقبين
ما ركعت لعطران الشوارب اركع لك يالبزر ؟!!
ملاك تحاول تبعد كفه الي مغروسه بشعرها / ابعد يدك ابعدها
صقر سحبها معه لسرير و دفها بقسوه / من اليوم ورايح حقوقي باخذها منك بالغصب ماني منتظر رضاك

ملاك اتسعت عيونها بدهشه وكانت بتقوم هاربه
بس هو كان اسرع وحضنها من بعد ما تمدد بجاورها دفنها بين ضلوعه وهتف بتسال حار / وين بتهربين مني حقي اخذه اخذه
ملاك تحرك بتهديد / ابعد احسن لك لا تكرر خطاك
صقر يداعب انفها بانفه / هذاك اول الحين مايمدي تعودتي ؟!
ملاك تسال من بعد ما انهد حيلها /صقر اختار يا انا ياهي ؟

صقر رد بسرعه و بثقه /اكيد انتي
ملاك بهدو مدروس / اجل من بكرا تحول ملفها لدكتور غيرك
صقر برفض بالغ / مستحيل عمل بديت فيه ماخليه لين انهيه
ملاك زفرت بغيظ / ليش العمل هذا يفرق عن اي عمل ؟!
صقر ابتسم نص ابتسامه / والله الغيرة عليك نار
ملاك صرخت بوجه / احر ماعندي ابرد ماعندك ؟
صقر باس اذنها هامس لها/ ملاك والله تعبان ريحيني
ملاك ترد بلعانه / انسى
هو شطفها وفتح سحاب مريولها بيده المحاوطه لها
وهي تصرخ / وربي ماراح اطوفها لك

صقر نزل مريولها ولا رحم جسدها الصغير اللي يتحرك بين يديه مقاومه بالاخير استسلمت غصبن عليها…
______________________________

من بعد الغدا …

بجناح الجدة صيته كانت هي وام ماهر يتابعون مسلسل خليجي بانسجام مع القصه و الاحداث

ومهره تتابع معهم بنظر فقط وهي مشغولة الفكر
(فهد كان قاصد الكلام اللي قاله مايبي لها تفكير كم مره يكررها للي بس انا حماره مافهم ..؟)

تنهدت بصوت مسموع بس ماحد انتبه لها …
(سافر للهند من قبل وانا زعلانه وما سال عني وهذ هو بيرجع بعد كم يوم ولا عبرني قلبه مخلوق من صخر ؟)

طالعت بجدتها اللي مشوشه بالمسلسل وهي رجعت نظرها لتلفزيون تحاول تشغل عيونها عشان ماحد يلاحظ عليها الضيقه ويفتحون معها موال من الاسئله

تصلبت بصدمه من طقات على الباب وصوت ندا رجولي تعرفه عدل / احم احم
الجدة صيته عقد حواجبها و طالعت مهره باستغراب وتسال /هذا صوت فهد ؟
مهره تهز راسها بذات الاستغراب /اي صوته
الجدة صيته بندا / تعال يامك ماعندك احدن غريب

دخل فهد متجه لجدته صاد نظره عن الجهه المقابله انحنى وحب على راسها /يمسيك بالخير
الجدة صيته تناظر فيه باشتياق من جا من السفر وهو مبعد عنها وش حنن قلبه اليوم عليها ردت بصوت
حنون /يمسيك بالنور والسرور

فهد من دخل البيت و نيته يروح جناحه ويكمل تطنش مع الجميع لاكن قلبه ما طاوعه من ناحيت جدته كيف بيروح بعد كم يوم وهو ما شبع من شوفتها ومن سوالفها لازم يتنازل شوي من كبرياه عشانها هي وبس يكفي انه متضايق من نفسه ومن زلة لسانه و اتهامها بالكذب عيب بحقه وحقها هي من ربته وكبرته
و علمته من صغره ان الكذب حرام الحين يوم كبر يقول لها تكذبين ؟؟

اتجه جناحها يبي يكفر عن ذنبه قدام ربه وقدام نفسه من دخل لمح بطرف ناظره مهره جالسه بجوار امها
طنشها ولا كنه يشوفها انحنى وحب راس جدته
ونظراتها المشتاقه اوجعت قلبه وهو يجلس جوارها ويحط باطن كفه على ظهر كفها ويسال
بثقل /شلون صحتك؟
الجدة صيته ترد وعيونه بعيونه/ انا بخير يامك احمد الله
فهد طلع سبحته من مخباه ونزل نظره عليها محركها بين اصابعه /الله يجعله دوم
ام ماهر تساله بهتمام / تغديت يامك ولا نحط لك غدا؟

فهد رفع عينه بيرد عليها بس العين خانته وراحت غصبن عليه للي بجوارها مهره كانت تناظر فيه ولا نزلت نظرها عنه حتى يوم التقت العيون بعضها ثبتتها عليه وهو اهتز شي بداخله من نظرتها ومن منظرها المدمر بالقميص الاسود مع لون بشرتها البيضا ومن تحت الكتوف مطاط وارتكاز صدرها كان بارز

لاكن ماسرع ماصد عنها من بعد ماخذ تفاصيلها كامله بثواني وهو يرد على ام ماهر / متغدي الحمدلله
الجدة صيته بتسال / من غداكم اليوم؟
فهد يشتغل بسبحته وعيونه عليها راد بثقل / ابوعواد
الجدة صيته بهتمام / ومن بيعشيكم اليله ؟
فهد يرد على قد السوال و بذات الثقل / ابو انوار حلف ان العشا عنده

الجدة صيته بفخر / الله يجزاهم خير حق انت شيخهم ولا زم يقومون بواجبك
فهد هتف بموده مدروسه / بس انا راجع ماله داعي هالكلافه
الجدة صيته تهز راسها بتفهم / اي بالله انك صادق ولا جيت بعد بتكلفون
فهد يرد بحزم بالغ / لا حلفت ماحدن يذبحها انا ماني بجاي اختبر طيبهم خابرن الي عندهم وعارف ان فيهم الخير

الجدة صيته ترد بحزم / اي بالله انك صادق القدر بصدر ماهو بالاكل
ثم ردفت بتسال /الا انت متى بترجع يامك؟!
فهد يرد عليها و عيونه موجهه لشاشة التلفزيون
بعمد / بعد اربعة ايام ان شاءالله
الجدة صيته انتفضت /مسرع يامك ؟؟

فهد كتم عضبه وهو يشوف مهره وقفت ماره من قدامه وطلعت برا الجناح نفذ صبرها من صده
و بروده ولا بيرجع بعد اربعة ايام ويقوله قدامها بكل فخر نزلت دموعها على خدها وهي تدخل لجناح امها تبي تنفجر بالبكا براحتها بس وجود ماهر خلاها تدعي القوه وهو يلعب ويسالها وعيونه على السوني/ فهد متى يجي بسلم عليه ؟

مهره جلست على الاريكه وهي ترد بتصريفه /عند جدتي بجناحها رح سلم عليه
ماهر وقف وطالع فيها بخوف/وانتي علامك هنيه متهاوشه معه ؟
مهره تهز راسها بنفي /لا بس مصدعه شوي المهم انت رح سلم عليه قبل يطلع

طلع ماهر ومهره ماصدقت تختلي بنفسها و تنفجر بالبكا حاطه يديها على فمها ماتبي احد يسمع صوت شهقاتها …


دخل ماهر عليهم والكل كان صامت من بعد تصرف مهره المنفعل و فهد يعصره المسباح بين يديه بغل جاه صوت ماهر اللي انحنى وحب على راسه
بحترام / حي الله ابو عقاب الحمدلله على السلامه
فهد رد بصوت رخيم بالغ الرخامه/ الله يسلمك يا بو ناصر شلونك ؟
ماهر يجلس بجوار امه /انا طيب الحمدلله متى جيت ؟؟
فهد بعتاب / للي كم يوم هنيه ليش ماجيت تسلم علي ؟
ماهر بحرج / والله ماكنت ادري انك موجود حتى الحين مادريت الا من مهره قالت رح سلم عليه

فهد ضاق من طاريها وهو متاكد انها تبكي يعرفها ماتقدر تمسك دمعتها ام دميعه قام و استاذن رايح جناحه مايبي يجلس قريب عندها خايف يتهور و ينسى سالفة المعالجه عشان دموعها ...

_____________________________

صقر جالس على كرسي مكتبه ويهز رجله بعصبيه
من تصرفه المتهور ومن صدها المتمرد …
انفتح باب الحمام وطلعت ملاك عليها روبها وشعرها لافته بفوطه صغيره وتجاوزته رايحه غرفة الملابس
من غير لا تنظر له

صقر وقف ساحب يدها وهتف بصرامه / ملاك ترا هذا حق شرعي مالك حق تمنعيني عنه
ملاك لفت له وسالت بذات الصرامه /خذيت حقك ولا ماخذيته ؟
صقر سحب له نفس عميق وزفرة بشدة /خذيته
ملاك تشيح بوجها / اجل وش تبي مني الحين ؟
صقر مسح بطرف اصابعه على خدها نازل على شفايفها بحنو بالغ / بعزمك بكوفي نتقهوا وبعده نطلع مول تسوقين

ملاك عطته نظره وهي تبتعد لغرفة الملابس / روح بروحك ولا اقول لك خذ مريضتك معك خل تقهوا وتسوق عشان تغير نفسيتها لوجه الله
صقر طارت عيونه بدهشه من قو ردها ويهتف بخفوت /لعنبو ذا السان اللي عندها جاهز لرد 24 ساعه

راح هو بعد لحمام خذا له شاور وطلع شافها لابسه قميص طويل نص كم بالون الاخضر العشبي ومجففه شعرها وراحت لمعلاقه تاخذ عباتها سالها بحده /على وين ان شاءالله؟
ملاك تلبس عباتها وهي ترد / بروح لامي
صقر برفض شديد / لا مافي روحه
ملاك لفت له بذهول /ماهو من حقك يا صقر تردني عن امي
صقر اقترب منها / وليش ماهو من حقي ماني زوجك ولي امرك ؟
ملاك ردت بتقصد / بس انا مشتاقه لها
صقر رفع حاجبه / امس عندها مسرع تشتاقين لها؟
ملاك ترفع كتوفها / امي و اشتاق لها بكل وقت
صقر ابتسم فاهم نيتها الخبيثه بتشعل الغيرة
عنده / وزوجك طيب ماتشتاقين له ؟

ملاك زفرت بقلة صبر /ممكن تبعد عن وجهي بروح
صقر انحنى و باس انفها /طالبك تقبلين عزيمتي
ملاك طالعت فيه بنظرت عتاب/ اذا سويت اللي قبلتها

صقر تنهد بضيق وهو يبتعد عن طريقها وهي لبست نقابها واخذت جوالها وكتاب رياضيات وطلعت
___________________________

-/البارت الخامس والتسعون /-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

يوم جديد …يوم الخميس

مهره من صحت وهي تخطط وتدبر والان واقفه على باب الصاله و تسال ميري /هاه راح ؟
ميري جت تمشي من بعد ما تاكدت ان فهد يطلع من البيت / اي مدام راح
مهره ابتسمت بمكر / خلاص روحي للمطبخ

راحت ميري وجت ام ماهر تمشي وهي تسال باستغراب /وش موقفك على الباب بوجه الشمس؟
مهره لفت بتوتر وهي تشوف امها لابسه عباتها / كنت اقول لميري تغسل الحوش
ام ماهر تطالع الحوش وترجع تطالع فيها/ بس الحوش نظيف ليش تغسله بهالحر ؟
مهره توترت اكثر / لا باليل ماهو الحين
ام ماهر تهز راسها برضا/ اي باليل براد اما الحين يامك حر حرام ضعيفه

مهره بتسال وعيونها على عباة امها/ وين بتروحين ؟
ام ماهر تلبس نقابها وتربطه /عمتك ام طلال دقت تحلف علي اجي اتغدا عندها انا وماهر
مهره تعقد جبينها /بس ماهر مداوم لو انتظرتي لين يجي من المدرسه
ام ماهر ترد بهدو / تقول وصت عيالها يجيبونه معهم من المدرسه المهم يامك غدي ام عقاب وعطيها علاجها
مهره ترد بموده / حاظر لا توصين حريص

ام ماهر تهتف بخفوت / حسنا يقولون عند بنتها تعبانه
وفاطمه ومريم الله لا يبلانا ما يسالن عن احد بس طايحات بيت ابراهيم وانوار ياعزتي لها تخدمهن وتطبخ لهن
مهره هزت راسها باسا / اي والله ماحدن اكلها الا انوار الله يعينها على ما بلاها
ام ماهر تجه لباب / يلا مع السلامه
مهره بندا /سلمي على عمتي
ام ماهر /يوصل

من طلعت امها وهي تلفتت يمين يسار و راحت ركض لجناحها دخلته متوجهه لسرير وارتمت مكان فهد وتحضنه بقوه و تستنشقه بحب و اشتياق قامت بسرعه خافت يجي ويشوفها وتخرب خطتها الخطيرة متوعدة فيه ..(هين يا فهد اذا انت بارد معي انا اللي اعرف كيف اشعل النار فيك وخليك تزاحف وراي والله لاوريك كيد النساء على اصوله تحط راسك براسي انا مهيره على قولة جدتي)..

اتجهت لغرفة الملابس خذت البس اللي جت عشانه وطلعت راجعه للبيت الداخلي جاها صوت الجدة صيته تسال /هو انتي وينك من اليوم انادي عليك؟
مهره ترد وهي تضم ملابسها على صدرها / كنت بالحوش اخذ ملابسي من على الحبل
الجدة صيته تامرها بحنو /يامك سوي للي كركديه احسن ضغطي كنه مرتفع
مهره اقتربت لها بخوف حقيقي/ يومه انتي تعبانه اكلم عمي محمد يوديك للمستشفى
الجدة صيته تهز راسها بنفي /لا يامك بس دوخه بسيطه المهم جيبي للي كركديه
_______________________________

ملاك نزلت من الباص المدرسي وفتحت باب بيت عمها بنسخة المفتاح اللي معها وهي داخله بالحوش سمعت صوت جاي من بيت ام صالح الداخلي عرفت انهم مجتمعين زفرت بنفسها (ماشاءالله عليهم ناس
ما يطفشون من مقابل بعض كل خميس وجمعه يجتمعون ؟!) هزت راسها باسا من صوت لعب اطفالهم وصراخ

راحت جناحها نزلت عباتها معلقتها وحطت شنطها على الكرسي الصغير انحنت تنزل جزماتها وهي تسمع صوت جوال يرن باتصال لفت باستغراب لطاولة المجاورة لسرير صقر وشافت جواله يدق تلفتت يمين ويسار تدور عليه بالجناح رفعت كتوفها بغرابه / اكيد طلع للمجلس ونسى جواله ؟!

اخذت جزماتها بين اصابعها حطتها بسلة الجزم ولفت للجوال اللي ارسل مسجين متواصله تقدمت بفضول وفتحت جواله ودخلت الواتس وعيونها الرماديه تفتح على الاخر و شفايفها الصغيره ترتعش وهي تقرا المسجات الموجود ؟؟!!

المسج الاول من اميرة ..( مساءالخير صقر تو الممرضه طمنتي ان الكلى تحسنت كثير من بعد الله ثم من بعد طبك والله ماشفت بعمري رجل بشهامتك ورجولتك مشكور على اهتمامك فيني )

رسالتها الثانيه …(الله ما كتب اكون زوجتك باقي العمر بس ليته كتب تكون للي اخ و عضيد يوم ربي مارزقني باخوان)..

ملاك اصابعه يدها ترجف وهي ترفع على فوق لباقي للمحادثات وتلقى رسالة عتاب قديمه مار عليها سنه بعد زواجه بيوم ونسى لا يمسحها صقر؟…
الرسالة كانت من اميرة….. ( مت وانا اتخيل غيري بين دفى احضانك احبك يا صقر وابيك تكفى لا تعطيها انفاسك وتاخذ انفاس غير انفاسي )

شدت جواله بكف يدها وحده بقوه ومن غير شعور وكفها الثانيه ترجف اصابعها حاطتها على جبين راسها اللي تشعر انه بيتفجر من الصدمه والقهر لفت لباب وهي تسمع صقر يهتف بترحيب / حي الله ملوكه جيتي؟

كان صقر عند ابوه وخوانه بدوانيه لابس له ثوب ابيض مفصل على جسده الرياضي من غير شماغ وشعره الاسود مرفوع بترتيب وذقنه محدد وباين سواده
وقف عاقد حواجبه المرسومه وهو يشوف عيونها الرماديه طايره فيه وبيدها جواله تقدم بثقه و سال وهو ياشر على الجوال / وش يسوي جوالي معك؟!

ملاك اختصرت الرد بصرامه / صقر طلقني
صقر فتح عيونه بصدمه /وشوووو؟!!
ملاك صرخت فيه وهي ترمي الجوال على صدره وهو مسكه بين كفوفه بتمكن / تخوني معها ليش طلقتها وانت ماتقدر على فراقها ولا الحرام عندك غير عن الحلال ؟!

صقر مصدوم منها وهو يفتح جواله يقرا الرسايل تغيرت ملامحه و زفر بتافف من بين شفايفه /اوووف
ملاك عادت عليه بصرامه اعمق / صقر طلقني
صقر طالع بعيونها الفاتنه وهو يرد بصوت صارم هادي / ملاك اسمعيني
ملاك تحط اصبعها على انفها بمقاطعه / اص ولا كلمه ياخاين
صقر كاتم غضبه مقدر عصبيتها يحاول ما ينفعل من اسلوبها الزفت معه/ طيب اهدي انتي وخلي افهمك
ملاك تطالعه من فوق لا تحت باحتقار/ مابيك تفهمني اللي شفت بعيني يكفي يا صقر يكفي

صقر رمى الجوال على السرير ومسك ملاك مع كتوفها مقربها له / ملاك الرساله اللي فوق قديمه والله قديمه ولا انتبهت لها واكبر دليل اني ما حذفتها ناسيها اصلاً
ملاك ترجف بين يديه مثل رجف العصفور المكسور/ و رقمها ماقدرت تحذفه بعد؟؟

صقر شد على كتوفها يبي يهدي رجفها اللي امزق شرايين قلبه /طيب انتي شوفي الرساله الاولى من متى مكتوب منذا عام في دليل عندك تاكدي شوفيه؟
ملاك صدت بوجها وهي ترد باصرار صارم / ماراح يقنعني الا الطلاق
صقر انحنى لطولها هامس لها / تعوذي من الشيطان انتي تدرين ان هالطاري يخليني انفعل

ملاك تبعد وجها عن انفاسه وترد بمراره / صقر الحين الحين تختار يا انا يا هي الحين ؟؟
صقر بلع ريقه / انتي اكيد
ملاك تركز عينها بعينه / اليله وانت جاي من الدوام تجيب الملف اللي يثبت انك حولتها لدكتور ثاني ولا ترا والله وبا اسم الله مابات اليله الا بيت امي

صقر سحب له نفس عميق كاسر نظره عنها ويرد بحده/ ملاك اكسري الشر وخلك بنفسك عن شغلي
ملاك تصرخ فيه بغبن / انا حلفت وكانك رافض علمني
ماله داعي اجلس انتظرك اليله خل اتوكل لاهلي من الحين

صقر رجع نظره لها بتهديد / سويها وشوفي وش راح اسوي فيك والحين لا تشغليني عن غدا العايله
ملاك ترفع حاجبها بتحدى / والله لا سويها وراح تشوف

صقر صمت مبعد عنها وانحنى اخذ جواله وطلع خايف يتهور ويمد يده وخايف هي تهور وتنفذ حلفها …
_____________________________


الجدة صيته دخلت جناحها وهي تنشف يديها بالمناديل الورقيه بعد ما تغدت وغسلتها /الحمدلله الذي اطعمنا وسقانا
مهره تمشي وراها ومعها صينية الشاي وتحطها على الطاوله / يومه هذ الشاي بس دقايق بروح وارجع لك
الجدة صيته تهز راسها برضا / خذي راحتك يامك

طلعت مهره و الجدة صيته جلست على الا ريكه وبيدها الريموت تغير بين القنوات مرت ربع ساعه ورجعت مهره وهي تشعر بحرج شديد من جدتها لو فهمت تخطيطها جلست بالارض بجوار الطاوله
و خجلها منعها تحط عينها بعين جدتها شغلت توترها بترتيب الكاسات والشاي …

الجدة صيته من شافتها داخله بتسمت باعجاب
كانت مهره لابسه قميص بالون البنفسجي الغامق وقماشه استرتش لازق عليها و مواضح مناطق الانوثه كثير وكمامه شبه عاريه طالعه عضودها كامله ومن عند الصدر الفتحه كبيره وموضحه جز من صدرها وكتوفها وفاتحه شعرها البني الحرير على ورا واصل لا نص ظهرها وحاطه مرطب على البشره و ماسكرا على رموش وقلوس على شفايفها بختصار كانت فتنه صعب ما قاومتها …..

الجدة صيته رجعت نظرها لتلفزيون تمثل انها مانتبهت ماتبي تحرجها ولاكن من داخل مبسوطه
على فطانتها واخيراً تعلمت وصارت تفهم الحياة ….

مهره تمد كاسة الشاي لجدتها ويدها رجفت من صوت فهد ينادي وراها من عند الباب/ احم احم
الجدة صيته تاخذ الشاي من يدها وهي تنادي
عليه /تعال يامك مافي احد
فهد اقترب لجدته حاب راسها /يمسيك بالخير
الجدة صيته ترد بحنو/ يسميك بالنور هو انت وينك الصباح مامريت علي؟

فهد جلس جوارها ومثل كل عاده صاد بنظره عن للي جالسه بالارض بجوار الطاوله مقابله له وعيونها مركزه عليه وهو عيونه على جدته ويرد عليها / الصباح طلعت بدري كان عندي شغل
الجدة صيته تهز راسها باسا / اشغالك مدري متى بتخلص هو دوامك اجازة ؟
فهد يهز راسه بايه / اي معي اجازة شهرين

مهره لافت وجها بعمد لتلفزيون من بعد ما كسرت النظر عن فهد وتتابع ومطنشه وجوده هتف الجده صيته لها بنتباه/ هو علامك قهوي رجلك وانتي مشوشه بالتلفزيون

فهد كان متوقع انها تتطالعه مثل كل مره ومن سمع جملة جدته لف بسرعه لمهره شافها فعلاً صاده تتابع
و لف بعده لتلفزيون بفضول يبي يشوف وش اللي مشغل نظرها ورجع عيونه لها تجولها بتفحص

وهي توقف على ركبها و تنحنى تاخذ الكاسه وتصب
له شاي وتمدها له وعينها بعينه فهد مد يده واخذ الكاسه وهي تعمدت تلامس اصابع يدها يده يده انتفض هو بلسعه مفاجئه من حركتها مهمها كان هو رجل ويضعف عند الفتن وبذات لاصارت الفتنه هي مهره اللي ينام على طيفها طول الايام اللي راحت ….

مهره رجعت نظرها لتلفزيون ولا كانها سوت شي
والجدة صيته كانت تناظر سبحتها وتسبح فيها
وهي تخطط بعد مثل بنتها واللي اكلها هو فهد
قامت بثقل فهد رفع عينه لها بتسال / وين ؟
الجدة صيته بمرواغه / بروح اجيب لي غريضات من المطبخ واجي
مهره قفزت واقفه بعفويه/ ارتاحي انا اروح
الجدة صيته تاشر لها تجلس / اجلسي ماتعرفين وش انا ابي
مهره تمسك كفوفها برجا / تكفين ارتاحي وعلميني وانا اجيبه
الجدة صيته بحلف / والله لا غير تجلسين تقهوين رجلك انا اجي الحين

فهد طول حديثهم ماكان يسمع شي اصلاً
وفكره ونظره على الجسد المرتكز بانوثه قدامه ولا البياض المضوي له ولا الملامح العذبه اللي تتغير تعابيرها وهي تكلم جدتها برجا
طلعت الجدة صيته ومهره رجعت جالسه و توجه نظرها لتلفزيون ومن داخل متوتره
فهد يرشف من كاسة الشاي وعيونه مركزه عليها
مهره لفت تبي تاخذ كاستها ولاكن نظرها تثبت عليه وهي تشوف نظراته لها ماقدرت تحمل تناظر بوسامته راح تسيح اكثر من هي سايحه

نزلت عينها على صينيه الشاي صبت لها كاسه وبحركه متقصده منها كبت شاي خفيف على يدها توقعت ان الحراره حفيفه ولاكنها نقزت واقفه بصدق من شدت الالم وهي تصرخ شاده على كفها بكفها الثاني /ااااه
فهد نزل كاسته على الطاوله منتفض واقف سحب كفها وصرخ فيها بثوران / عميا ماتشوفين انتي ؟

مهره نست الالم وعيونها عليه كيف يطالع كفها المحمر من شدت بياضها بنظرات خايف/توجعك ؟
مهره صمتت وهي تطالع ملامحه من قرب /…
فهد رفع عينه لها يعيد السوال / تو ج ع

ولاكن انقطع الكلام وهو يشوف قرب وجها من وجهه ونظراتها المولعه فيه بلع ريقه مبادلها نفس النظرات وهو مازال شاد كفها بين كفوفه بقوه من غير شعور
اقترب لها بخدر من ريحتها المثيره مسك ذقنها بين اصابع يده ورفع وجها منحني لها كان على وشك يعملها و يطيب خاطره لاكن اوقفه صوت الجدة اللي القريب تبي تدخل مع الباب وهي تهتف بتهليل كانه تنبهم بوجودها /لا له الا الله

فهد انتفض مبتعد بحركه سريعه وهو متجه لباب حاس انه لاول مره يبي يهرب ماهو قادر على رجولته اللي ضعفت عند حسن هالماكره الئيمه
والجدة دخلت وهي تعقد حواجبها بتسال /وين رايح ؟
فهد كان فعلا رايح فيها/ ابي اروح لجناحي ارتاح

الجدة صيته تهز راسها برضا وعيونها تنتقل بين مهره اللي واقفه وماسكه كفها وبين فهد اللي طلع وسكر الباب اقتربت وهي تسال /شفيها يدك لايكون ضاربك ؟
مهره انتفضت من سرحانها /هاه
الجدة صيته تاشر على يدها بحزم / يدك شفيها هو ضاربك؟
مهره تهز راسها بنفي / لا بس انكب علي شاي وهو زعل يقول انتي ماتشوفين

الجدة صيته تنهدت بضيقه / ماعليه يامك الله خلقه كذا نار وشرار يا دافع
مهره تهز راسها بتفهم / ماعليه ياجدة انا تعودت على كلامه
الجدة صيته جلست على الاريكه /روحي حطي عليها شي بارد لا تلتهب عليك

راحت مهره لمطبخ تحط على يدها ثلج تبرد حراره الالم اللي هي تسببت فيها من تهوراتها …
_____________________________

بيت ام صالح …

كانو البنات مجتمعات بعد الغدا العائلي اللي يصير كل خميس وجمعه مشاعل تناظر بملاك اللي تسولف مع شذى بخفوت وبيدها كاسة شاي وكانت لابسه فستان ميد ناعم بالون الزيتي من عند الصدر ضيق ومن تحت الخصر كلوش خفيف بثلاث طبقات وشعرها رابطته على ورا بفيونكه زيتيه و خصل من قذلتها نازله على اطراف خدها واصله لا حنكها الدقيق

هدى تسال بهتمام / كيف اختباركم اليوم ؟
شذى ترد بزفرة /مثل وجيهنا
هدى تضحك بمرح / خلاص فهمت يعني اختبار ملاك حلو مثل وجها و اختبارك شيفه مثل وجهك
شذى وملاك وصبا ضحكو ومشاعل هتفت بغيرة واضحه /انا الاحظ انتي دايم ياهدى تحكمين على الشكل

هدى لفت لها وهي تركي ظهرها بارتياح وبطنها منفوخ قدامها / احب الزين انا مثل عمتي مزنه
ملاك ضحكت من ردها وفا ردت من بين اسنانها /انتي وعمتي مزنه حولان للاسف
هدى فتحت عيونها / وشو ؟

ام مهند تغير الموضوع / شذى وش عليكم اختبار الاحد ؟
شذى ترد وهي تمد ذراعها وتحضن كتوف ملاك بتقصد / علينا انجليزي
ملاك تحس بارهاق وتعب مالها خلق ترد على وفا ومشاعل سالت شذى بهتمام / عاد ذاكرتي ؟
شذى طارت عيونها / الاحد يالله العافيه وش اذاكر من الحين
ملاك ترد بعفويه / عادي ذاكري من الحين عشان السبت بس تراجعين
شذى تشد كتوف ملاك و تضحك / ماعقلي مثل عقلك
ام مهند تنحرها / عيب يا بنت قولي ماشاءالله
شذى زادت ضحك/ ماشاءالله

وفا تحط رجل على رجل بتسال / امي وينها ؟'
صبا ترد وهي تقهوا شاي /عند العيال بالمجلس
هدى بمر معتاد / ما ترتاح لين تقهوا مع شايبها
عايشه تضحك / يعني ماتنزل القمه الا بعد شوفته
هدى تضحك وهي تهز راسها / الله الله

قطع كلامهم صوت الصراخ المرعب واصل من مجلس الرجال وقفن كلهن وهدى تهتف بتسال
مخيف /الله يستر وش صاير ؟
ام منهد تتجه للحوش / هذ صوت خواني الله يكافينا الشر


صقر صارخ بصرامه ملتهبه / اذا انت محتاج انا اتكفل بمصروفك انت وعيالك حتى بعد موتي اكتبها وصيه
سالم يرجف من القهر / انت شايفني اشحذ عشان تكفل فيني انا بشتغل بعرق جبيني
ابو صالح يسكتهم بغضب / اص انت وياه وقص يقص لسنتكم فضحتوني عند الناس بصواتكم
صقر لف لابوه بتهديد /علم ولدك كانه بايع عمره خل يروح يشتغل مع ولد عقاب علي الحرام حرم الدم لا ارتكب فيه جريمه
سالم بتحدي/ بروح وبشتغل معه واعلى مابخيلك اركبه ما انت بولي امري

صقر عروق جفته من قوة الغبن وهو يقترب شاد جيب سالم و انفضه / ابك لاتصير بينا رقبه تراي رجال بايع عمري ماوراي لا ولد ولا تلد
صالح يفكه / ابعد عنه انت جنيت ؟؟
صقر يدف صالح بعيد وهو مازال شاد جيب سالم اللي يتحدى بعناد / ماني بذال منك والله لاروح لولد عقاب و اشتغل معه
صقر دفه بقسوه وجهه كلامه لابوه بصرامه /عقل ولدك يا مطلق واعلمه اني ما راح اسكت يكفي انك رحت له انت وعيالك وقلتو قصيدة فيه قدام القبايل ولا اخذتو بشوري

ابو صالح يرد بذات الصرامه / لانه رجال يستاهل وقف مع اخوك وقفت دين وسد عين
فالح بتدخل بحده / يا سالم صقر معه حق انت وش تبي بالشغل اللي عنده رزقك على الله ماهو عليه ؟
سالم يرد باصرار / ادري ان رزقي على الله و منعم علي من خير مطلق لاكن فهد رجالن فيه خير وانا طمعان بخوته

صقر وجف بقهر رجولي حقيقي/ ابك لا تحدني بهالعمر على القتل لا تخليني اروح لرجال وحط الرصاصه براسه
سالم بعناد / شغل وبشتغل معه واللي بتسويه سوه
ام صالح صرخت بشده / ماهو بكيفك تقهر اخوك عشان رجال غريب
فالح يكمل معها / يا سالم ماهو نافعك والد العقاب
لا خسرتنا يا خوانك


دعاء ثابت عن النبي ﷺ كان يدعو بهذا يقول: اللهم إني أعوذ بك من الهم والحزن، والعجز والكسل، والجبن والبخل، وأعوذ بك من غلبة الدين، ( وقهر الرجال*)
ثابت عنه ﷺ*وهذا من دعواته العظيمة، التي رواها مسلم، وغيره….

صقر كان فعلاً يشعر بقهر الرجال اخوه من ظهر وبطن يروح يشتغل مع عدو له المتسبب بخسارة اكبر صفقه من صفقاته … واللي زاده قهر ابوه عارف وراضي ؟؟…

ابو صالح ياشر لصقر بتهديد حازم / مالك دخل باخوك انت عليك من نفسك وبس تفهم ؟؟
صقر يرد بذات التهديد وعرق جبينه يصب / اسمع
يا بوي كانك بتفقد راس واحد من عيالك خله يجرب
و يروح
سالم من رد عليه بحزم اعمق/ وانت تحسب انك بتحكم كل الناس مثل ما حكمت عمي وبنته ؟؟؟

صقر هنيه ماقدر يمسك نفسه وهو يجهم على سالم ولكمه مع الوجه وبدت المضاربه بينهم وفالح وصالح يحاولون يفرقونهم ام صالح تلطم وجها بخوف / يويلي عيالي تذابحو

ام منهد وهدى دخلن من صوت الصراخ ومسكن
ام صالح يهدنها وعيونهم على اخوانهم اللي بين المعركه الكبيره و بالقوه ابعد صقر عن سالم عشان صوت صراخ ابوه اللي ضعف من التعب …

عند البنات كانو واقفين على الباب ويسمعون كل شي دار بينهم و مشاعل بكت / ياويلي ذبح سالم
وفا وصبا اتجهن المجلس برعب صامت/…
ملاك سكرت اذونها وهي تشعر بدوخه خفيفه ماسكه كفوف شذى اللي حاطه يدها على فمها تشاهق انتفضت بخوف / بسم الله عليك شفيك؟
ملاك تسحب لها نفس / ابي اجلس ماقدر اوقف
شذى مسكتها وجلستها / ملاك هدي ان شاءالله ماراح يصير شي
ملاك تهز راسها / ان شاءالله

_______________________________

بديوان …

فهد كان موجود بس عقله ماهو مع العالم وكل تفكيره فيها وصورتها الفاتنه بالبنفسجي ماتغيب عن خياله مقهور منها حاس انها متعمده تسوي كذا ناوي تكسره
( تبن تجيبيني على وجهي والله انك قادره واللي مساعدك زينك )..

قطع افكاره عمه محمد / ابو عقاب هو صحيح ولد مطلق بيشتغل عندك ؟
فهد نفض راسه / هاه شقلت ياعم؟
محمد يعيد السوال باستغراب / اقول ولد مطلق يبي يشتغل معك ؟
فهد اعتدل جالس يحاول يركز/ اي جاني امس وكلمني يقول يبي له شغل معي قلت ابد حياك الله
ابو ابراهيم بحرص / عاد هو تشوفه رجالن كفو ولا مثل هالشلات الفاسده
فهد يرد بثقه /لا الرجال لحيتن غانمه
ابو ابراهيم يوقف /الله كريم
فهد يسال/ وين يا عم ؟
ابو ابراهيم يرد / بروح بيت ابراهيم بتعشا معهم للي يومين ماجيتهم
فهد باهتمام / الا ام ابراهيم وام عبدالله للحين بيت ابراهيم ؟
ابو ابراهيم يبتسمً/ اي خلهم ياعمك اريح لك ولمرتك ولامي بعد
فهد يرد بحترام وموده / لا ياعم لا تقول كذا البيت بيتك وبيت عيالك انت الداخل وحنا الطالعين
ابو ابراهيم بموده اعمق/ ياعل عمرك طويل
فهد يقوم واقف/ حتى انا بخلص للي كم شغله وبعده برجع البيت بريح
______________________________

الساعه 8 مساء …

الجدة صيته كانت جالسه بالحوش وتسال ام ماهر
المقابله لها / مهره علامها وجها مصفر ومن اليوم طايحه بالفراش
ام ماهو ترد باستغراب / والله مادري علمي علمك العصر مافيها شي يوم جا المغرب وهي تقول انعس برقد الله يستر لايكون مريضه؟
الجدة صيته تهز راسها بنفي / لا انشاءالله بس ذبحها السهر ماترقد باليل عدل
ام ماهر قامت / بروح اشوفها

الجدة صيته تنادي /ميري يا ميري
ميري جت / نعم جدة
الجدة صيته تاشر على الزرع / شغلي الماء و اسقي الزرع
ميري تهز راسها برضا /حاظر بس هذا نعناع يمكن موت كثر مويا
الجدة صيته تزفر عليها / مابقى الا هاذي انتي تعلميني بالزراعه
ميري بقلة فهم / وش يقول جده ؟
الجدة صيته تامرها بحده /اقول اذلفي اسقيهن وانتي صامه فمك يلا

ام ماهر جت تركض و تطاطح / يا ام عقاب الحقي الحقي بنتي بتموت
الجدة صيته انتفضت واقفه / انتي وش تقولين علامها؟
ام ماهر تبكي / حرارتها عاليه و تهذري بكلام ماهو مفهوم
الجدة صيته بخوف / انتي متاكده يامره ؟
ام ماهر تمسك يدين الجدة برجا / تكفين دقي على فهد خلي ياخذها للمستشفى تكفين ياام عقاب
الجدة صيته تطلع جوالها من مخباتها / اهدي اهدي الحين اكلمه
ام ماهر تاخذ الجوال باستعجال /هاتي انا ادق لك عليه

دقت على رقم فهد ومدته للجدة صيته اللي سالت بخوف من جاها صوته / فهد يامك انت وينك ؟
فهد بحزم /شفيك يومه صاير شي ؟
الجدة صيته تستعجله / تعال بسرعه مهره تعبانه لا تموت الحق عليها
فهد انتفض برعب /مهره شفيها ؟!
الجدة صيته بصوت مبحوح / حراره يامك تنفضها تعال بسرعه
فهد ينهى المكالمه /جاي جاي

راحت ام ماهر والجدة صيته عند مهره اللي ترجف بالسرير وتهذا بكلام غير مفهوم وجسمها كله مولع نار
شوي ودخل فهد وهو يلقط انفاسه من العجله تقدم وعيونه على مهره اللي محمر وجها بشده انحنى وحط ظهر كفه على جبينها انتفض برعب حقيقي/ من متى وهي تعبانه ؟
ام ماهر مازالت تبكي / والله مدري يامك المغرب قالت بروح انام ويوم شفتها طولة بالنوم جيت بصحيها لقيتها ترجف
الجدة صيته باستعجال /شلها يامك للمستشفى شلها
فهد يتلفت / وين عباتها

ام ماهر راحت تركض تجيب عباتها وعباة بنتها
و الجدة صيته توصيه بحنيه / يامك تراها ضعيفه ماتحمل شي الله الله فيها
فهد يهز راسه برضا وعيونه على مهره / لا تشيلين هم

جت ام ماهر لابسه عباتها وتلبس بنتها / بروح معها
فهد يدخل يده وحده من تحت ظهرها ويد الثانيه من تحت حوضها و يشيل مهره بين يديه /ماله داعي يا ام ماهر انا معها
ام ماهر باصرار/ لا والله يامك ما ارتاح
الجدة صيته بتدخل /خلها روحي يامك معهم

مددها ورا بسياره وغطى سيقانها لظاهر بطرف العبايه وسكر الباب من بعد ماركبت ام ماهر بجوارها و رفعت راسها تحطه بحضنها وتهتف برجا /استعجل يامك بنتي زادت
فهد حرك سيارته بسرعه جنونيه وهو فعلاً خايف عليها كثير…
_________________________

ملاك الظهر من رجعت من عند عمتها والبنات حطت راسها ونامت وتو تصحى و الدوخه مازالت مستمره عقدت جبينها / يوه الساعه كم ومن متى نايمه؟

تنهدت بضيقه من حال صقر اللي ما شافته من بعد هوشته مع ابوه وخوانه ولا تعرف وين راح اللي تذكره اخر شي صوته كان غاضب ويهدد وطلع من البيت وتذكر ان هدى جت مرعوبه وهي تقول (سالم انفه ينزف و خذه صالح للمستشفى )…

راحت لحمام توضى وهي تلفت يمين ويسار تدور على روب صقر حق الاستحمام ماهو موجود هي متاكده الظهر غاسلته و معلقته هنيه وين راح ؟..
طلعت من الحمام شافته روبه مرمي على كرسي التواليت هتفت لنفسها باستغراب / معقوله جاي
و متسبح وطالع و ماحسيت فيه وش هالنوم ؟

فتحت كبت ملابسه بتتاكد من البالطو المكوي المجهز لدوام ماهو موجود ولا الاب توب ولا شنطته الطبيه فهمت انها راح لدوامه سكرت الكبت واتجهت لسجادة بتصلي من صلت وانهت صلاتها طاحت مغمي عليها …..

مر من الوقت دقايق فتحت عيونها حاسه بتغبيش والصوره غير واضحه اعتدلت جالسه و زحفت لسرير لين وصلته مسكت اطرافه بكفوف يدها لين قامت وجلست عليه ومدت يدها خذت الجوال اللي على الطاولة المجاوره لمكان نومها ضغطت رقم مازن رن رنتين بعده جاها صوته / هلا ملوكه
ملاك سالت بتعب /مازن وينك ؟
مازن بخوف / ملاك شفي صوتك ؟
ملاك تنهدت بتعب اعمق / مازن تعال ودني المستشفى تعبانه

مازن بتسال و هتمام /شفيك وصقر وينه لايكون ضاربك ؟
ملاك مرهقه / لا ماهو ضاربني صقر مداوم وانتبه يا مازن تكلمه تراه معصب و متهاوش مع خوانه لا تخليه يحط حرته فيك
مازن باستغراب /ليش وش صاير ؟
ملاك تنهى النقاش / الحين اترك سالفتهم وتعال ودني المستشفى بسرعه
مازن برضا / يلا جايك خليك جاهزة

ملاك سكرت جوالها وقامت مقاومه الدوران وتعب لبست عباتها ونقابها شوي وجاها اتصال مازن يبلغها بوجوده برا طلعت و ركبت السياره ومازن سال باستعجال /علامك وش تحسين فيه ؟
ملاك ترد وهي تسكر الباب / احس بدوخه حتى غبت عن الوعي وانا اصلي
مازن يحرك السيارة / يمكن مانمتي عدل ؟
ملاك تهز راسها بنفي / تو صحيت اصلاً
مازن باستغراب / طيب يمكن ماكلتي شي ؟
ملاك تركي ظهرها للمرتبه بتعب / الا متغديه عند عمتي
مازن مازال مستمر / طيب يمكن فقر دم ؟
ملاك طالعت فيه بزفرة / مازن تراك ادوختني وانت مسوي نفسك فاهم

مازن ضحك / يعني دكتور زي حرمك الماصون
ملاك تنهدت من طاري صقر/ انتبه تكلمه يا مازن ترا يقلب الدنيا فوق راسي وراسك
مازن باستغراب/ طيب وش صاير انا متغدي عندهم اليوم مافي شي ؟
ملاك تعقد حواجبها / كنت موجود على الغدا؟
مازن يرد وهو يصفط عند مواقف المستشفى/ اي انا وابو عمر وبعده راح عنده شغل وانا استحيت اجلس لحالي واحس بينهم كلام وطلعت
ملاك تفتح الباب / اي من بعد ما رحتم تهاوشو
مازن بتسال / طيب ماتدرين وش السالفه ؟؟

ملاك تنزل /عندك الاخبارية وفا اسالها
مازن يضحك وهو يمشي بجوارها / وفا بالهواش ماتعلمني بس بالمدح تعلمني
ملاك تهز راسها باسا ودوران / مغروره مثل اخوها يحبون التفاخر
مازن يمسكها كانت بطيح /ملاك شفيك؟
ملاك تشد على كفوفه / دخت
مازن يمشي وهو ساندها / بسم الله عليك

دخلها الطورئ باستراحة النسا وهو راح يخلص اورقها عن الاستقبال …
ملاك كانت جالسه و مسنده راسها على طرف الكرسي
ومسكره عيونها حاسه مافيها طاقه تتحرك
والاستراحه ماكانت مزحومه فيها اربع اوخمس حريم فقط تقدمت لها وحده بتسال /يامك فيك شي ؟
ملاك فتحت عيونها وهي تطالع المره / احس بدوخه
المره بهتمام / ما معك احد ؟
ملاك تهز راسها بنفي / لا معي بس اخوي يخلص اوراق الدخول
المره تجلس بجاورها / صوتك ماهو غريبن علي
ملاك تعقد حواجبها / والله حتى انتي يا خاله احس قد سمعت صوتك وقد شفتك بعد
المره تبتسم/ وكاد قد تقابلنا
ملاك تسالها / انتي ليش جايه هنيه ؟
المره تنهد / بنتي جتها حراره فجئه وجايه معها بس عيو لا يدخلوني معها
ملاك تسكر عيونها / بسم الله ماشوف شي ضباب
ام ماهر تقوم / بنادي لك الممرضات

من راحت ام ماهر و ملاك تعصر مخها /ياربي ماهي غريبه علي بس من الدوخه عجزت اتذكرها
شوي وجت ام ماهر ومعها الممرضه الفلبينيه وهي تسال /سوفيه مدام
ملاك تفتح عيونها / احس بدوخه
الممرضه تمد يدها بمساعده / قوم يلا معي
قامت ملاك معها وهي تشد كفها بتعب وتطالع
بام ماهر بامتنان / الله يحزاك خير
ام ماهر تبتسم /ماسويت شي يامك

راحت ملاك وام ماهر جلست على الكرسي شوي
و جاها صوت فهد اللي ينادي برا /يا ام ماهر
ام ماهر راحت له بسرعه/ هلا يامك
فهد يهتف بتسال حازم / الدكتورة ماطلعت ؟
ام ماهر تهز راسها بنفي / لا تقول بعطيها مغذي ينزل حرارتها
فهد تنهد بضيق وهو يرفع معصمه يطالع ساعته اللي وصلت 9 وربع / تاخرت ؟
ام ماهر تاشر قدام / هاذي الممرضه جت
فهد لف لها بذات الحزم / وين المريضه مهره ؟
الممرضه تاشر على الغرفه /هناك دكتوره يقول تفضل

دخلو الغرفة و كانت الدكتوره واقفه بجوار السرير هتف فهد بسلام / سلام عليكم
الدكتوره هانم /عليكم السلام تفضلو
اقترب وعيونه على اللي نايمه بالسرير وشعرها البني متناثر على المخده البيضا وبيدها سلك المغذي
وام ماهر تقترب واقفه عند راسها وتمسح على شعرها
و فهد يهتف بتسال / دكتورة شفيها جتها الحراره فجئه ؟
الدكتوره هانم تعقد حواجبها/ من قال فجئه المريضه فيها حرق بيدها تسبب لها بحراره
فهد فتح عيونه بصدمه / حراره من الحرق هذا ؟
الدكتوره تهز راسها بثقه / اي البنت جسمها حساس وهي ماعندها مناعه اصلاً اي شي بيمرضها
فهد تنهد بهم /طيب والحين شلونها ؟
الدكتوره تطالع بمهره وتبتسم / حالتها زينه والحراره نزلت الحمدلله بس شويات وتصحى
فهد بتفهم / الحمدلله
الدكتوره تستاذن / انا بطلع وبمر عليها بعد ساعه بتاكد ان حرارتها زينه كتبت لها خروج
________________________________

بالغرفه المجاورة…

ملاك تكلم الممرضه من بين اسنانها / انا ابي دكتورة دكتور لا
الممرضه بزفرة / مافي دكتورة فاضي كلون يشتغل مافي الا دكتور
ملاك تهز راسها باصرار / معلوم دكتورة يبغى دكتورة
الممرضه بنفاذ صبر / اجل اصبر لين يجي دكتورة
ملاك تنفخ عليها / هيه انتي روحي نادي للي دكتوره لا توطى بطنك

الممرضه تطلع و تشطفها وملاك تمددت على السرير
وهي تسحب نقابها وشالها و تحطهم جوارها وتحرر شعرها الاسود فوق عباتها منتظره الدكتورة
انفتح الباب و دخل الدكتور جمال المستلم لحالتها
من غير لا يطق الباب وهي لفت له توقعت انها الدكتورة ولاكن الصدمه جت عينه بعينها مباشررر

قامت مفزوعه وهي تلبس شالها وتغطي شعرها وجها وهو وقف مكانه متصلب وحتى عاجز عن الارماش
اللي شاف قدامه مبهر لنظر ( معقوله هاذي انسيه حقيقيه ؟) سافر وشاف اشكال والاوان من الجمال بس مثل هذا النوع من الجمال ماشاف و مستعد يحلف ويده على المصحف مامر عليه ولا على غيرة
لا بشرق ولا بالغرب شبه لها ..

صحاه من عالمه وخياله صوتها الغاضب /اطلع برا
جمال هز راسه بتفهم و ملامحها ارتكزت بخياله طلع من غير لا ينطق بحرف واحد /…
ملاك تحط يديها على راسها برعب حقيقي / يويلي لو عرف صقر والله يذبحني والله

جمال من طلع نادا للمرضه /تعالي
الممرضه جت / نعم؟
جمال يشعر برجفه ونفاسه تختنق / هاذي مريضه وش جنسيه ؟
الممرضه / سعودي
جمال بصدمه / سعوديه وين ملفها ؟
الممرضه تمده له / هذا ملف بس هي مايبغى دكتور كلام لازم دكتورة

جمال ياخذ الملف وتكلم بسرحان / لا تلومينها
يا ساري اللي مثلها حرام عينن تشوفها هاذي زينها يحكم بين القبايل
الممرضه ساري / مافي معلوم كلام ؟

جمال يفتح الملف ويقرا الاسم (ملاك طالب جاسر المطلق )
عقد جبينه الاسم ماهو غريب علي جاسر المطلق ؟؟
اي تطلع بنت عم الدكتور صقر ؟؟؟ طلعت سعودية
و قبيليه بعد ابتسم براحه ونعم العايله الدنيا ضحكت لك يا جمال والله ارسل لك الزين لا عندك لازم اطقها صحبه مع صقر اي تذكرت ماجد ولد عمه معقوله تكون اخته كم مره رحت له عند الاسطبل رجع فاتح الملف ويقرا الاسم /ملاك اسم على مسم اويل قلبي
جت الممرضه /جيب ملف دكتورة يبغى

جمال مده لها وهو رجع مكتبه وتفكيره بحياة جديدة يبنيها مع هالمزيونه اللي تل القلب تل
(لا تزوجتها كيف بتحمل كل يوم اشوفها اخاف تجيني سكته ؟؟ المهم لازم اخبيها عن عيون قرايبنا هاذي
لو تطلع عندهم صكوها بعين على طول )ابتسم بسعادة وخياله مازال يرسم له احلى والذ حياة …

_____________________________

عند مهره فتحت عيونها وامها اقتربت بخوف /يامك انتي بخير ؟
مهره تسال بصوت مبحوح /انا وين وكيف جيت هنيه وش صاير يومه ؟
ام ماهر تمسح على شعرها بحنان / انتي كنتي تعبانه
و حرارتك مرتفعه وجبتك انا وفهد للمستشفى
مهره تلفتت بالغرفه/فهد وينه ؟
ام ماهر ترد وهي تجلس جوارها / فهد دق عليه رجال يبيه بشغل وراح قال نص ساعه ورجع
مهره تعتدل جالسه / بروح الحمام
ام ماهر تقوم / بنادي للمرضه تشيل عنك المغذي

طلعت ام ماهر مع طلعت ملاك من الغرفة المجاوره لغرفتهم وبالقوه تجر خطواتها نادت عليها/ يابنتي
ملاك لفت لها / هلا ياخاله
ام ماهر تقدم لها / انتي للحين تعبانه؟
ملاك تهز راسها / اي بالله احس بدوخه
ام ماهر بهتمام / الدكتورة ماجتك
ملاك ترد بحه / الا خذو مني دم قالو انتظري لين تطلع النتيجه
ام ماهر باستغراب / دم وش عنه ؟
ملاك ترفع كتوفها / والله مدري
ام ماهر بعفويه / وكاد عن فقر الدم
ملاك تهز راسها /يمكن الا شلون بنتك ؟
ام ماهر ترد بحنو / تعبانه والله بروح انادي لها الممرضه روحي عندها يامك ارتاحي لين اجي

ام ماهر راحت تنادي للممرضه وملاك طقت الباب ودخلت وهي توقف فاتحه عيونها من تحت النقاب بصدمه وكل مايدور بالها (سبحان الله يا دنيا مكتوب نجتمع مره ثانيه وبنفس المستشفى بعد )
مهره باستغراب / نعم اختي في شي ؟
ملاك تفتح نقابها و تبتسم /ماعرفتيني ؟
مهره ابتسمت بفرحه / الا والله كيف احد ينسا هالجمال ماشاءالله

ملاك تقدمت وسلمت عليها / شلونك يا ..نسيت اسمك؟؟
مهره ابتسمت / مهره وانتي انا اذكر اسمك ملاك صح؟
ملاك تضحك / ماشاءالله عليك مانسيتي
مهره بفطانه / لا اتذكر يوم تقول امي لك ملاك اسم على مسما
ملاك بتعبير صادق /سبحان الله مكتوب اجتمع فيك على كثر ماشفت من الناس ما فز الا لك انتي وجدتك
مهره تاشر لها تجلس /اجلسي والله حتى انا حبيتك كثير

ملاك جلست تبادلت مع مهره السوالف والسوال عن الحال وام ماهر دخلت وهي توقف مصدومه / ملاك
ملاك ضحكت / حتى امك تذكرني ماشاءالله عليكم
ام ماهر تبتسم /سبحان الله انا اقول الصوت ماهو بغريب علي طلعت قد شفتك
ثم ردفت لمهره /الممرضه الحين تجي تفتح المغذي
مهره برفض /لا خلي شوي بسولف مع ملاك

ام ماهر تبتسم مستاذنه تبي تخليهم براحتهم تحس بنتها محتاجه وحده بعمرها /انا بطلع لاستراحة النسا انتظر فهد
مهره تهز راسها /طيب
ملاك تطالع مهره وتسال بخفوت / شلون رجلك معك ؟
مهره فتحت عيونها / وانتي وش دراك ؟
ملاك تبتسم / الي ما تعرفينه عني اني ذكيه وافهم السالفه على الطاير ولما كنتي انتي وجدتك تسولفون فهمت كل شي

مهره ارتاحت لملاك وعجبت بشخصيتها القويه رغم صغر سنها لذالك فتحت جز من قلبها الاشيا البسيطه مثل حرمانها من السوق ومن الجوال تعبها وحملها بس ماقالت لها مايبي مني عيال خجلت تبوح بجرحها لاحد …مر من الوقت ساعه وهن يسولفن وكل مادق مازن صرفته ملاك وقالت شوي اكلمك ولا انتبهت للوقت اللي يمر لين وصل وقت خروج صقر من دوامه

دخلت ام ماهر وهي تهتف /فهد بيدخل
ملاك قامت مستاذنه / انا بروح بس قبل اروح ابي رقم امك يا مهره
مهره هتفت لها برقم وملاك سجلته وهي تهتف بموده / بينا تواصل مع السلامه

طلعت ملاك وشوي و دخل فهد يقترب وعيونه على مهره و يسالها بصوت رخيم /كيف صرتي ؟
مهره ترد من غير لا تنظر فيه / زينه الحمدلله
فهد يرفع عينه و يسال ام ماهر / منو اللي كانت عندكم ؟
ام ماهر بتوتر/ هاذي مريضه تنتظر تحاليلها وجت عندنا مامعها احد
فهد رد بحزم / وكل من هب ودب دخلتوه عندكم؟
ام ماهر بحرج / لا يامك بس هاذي تعبانه ورحمنا حالها

فهد يغير الموضوع بتسال /الدكتورة ماجت ؟
ام ماهر تهز راسها بنفي / لا بعد ماشفتها
فهد يرفع يده و يطالع ساعته / الساعه واصله 11 الحين وقت خروجهم ليش ماتجي تشوفها قبل تطلع
ام ماهر تجه الباب / بنادي لها يمكن نست

من طلعت ام ماهر فهد لف لمهره وركز عينه بعينها هاتف بتسال خافت /جسمك وش مخلوق منه حرقت كاسة دخلتك المستشفى اجل لو منكب البريق عليك بتموتين ؟
مهره ترفع كتوفها /يمكن
فهد انحنى وهمس لها بولع / بعيد الشر عنك
مهره تنحنح / ترا حنا مكان عام
فهد مازال منحني ويهمس/ اليله تنامين بحضني انا اللي اعرف دواك
مهره صمتت بخجل /…..
فهد يكمل كلامه بنبرة خاصه / ما شتقتي لدفى حضني؟

مهره طالعت الباب / امي جت
فهد وقف مبتعد وام ماهر حست بحرج وهي تشوفه كان منحني لمهره ومدت له ورقه / الدكتورة قبل تطلع كتبت لها خروج
فهد ياخذها وهو يتجه الباب/يلا اجهزو انتظركم برا
____________________


ملاك امن ركبت السياره وهي صامته صمت موجع واضح عليها الصدمه ومازن يهتف بتسال /ملاك ياخوك شفيك من طلعنا وانتي ساكته صاير معك شي ؟؟
ملاك تطالع الشوارع بصمت /….
مازن يلح عليها / ملاك الدكتوره قالت لك شي فيك شي
ملاك لارد /….
مازن تنهد بقلة حيله /جوالك يدق
ملاك تطلع جوالها من الشنطه وهي ترد بهدو /الو

جاها صوت صقر المنفعل وكل تفكيره يقول له
سوتها ونفذت حلفها تمنى ان افكاره غلط خوفن عليها من نفسه راح يدفنها بالوقت هذا بذات ناره
من الظهر ما تطفت وغيابها زاد اشتعاله سال
بنفعال / وينك ليش مانتي بالجناح ؟؟
ملاك بذكاها فهمت تفكيره لذالك ردت بهدو /كنت بالمستشفى
صقر انتفض برعب /وشو ليش شفيك؟
ملاك ترد بذات الهدو / فقدت الوعي ودقيت على مازن يوديني وهذا انا جايه بطريق
صقر صرخ فيها بغضب / وليش داقه على مازن
ما دقيتي علي هاه ؟؟؟
ملاك تنهد بتعب /انت كنت مداوم ومابي اشغلك ومازن فاضي وماتوقعت اتاخر كذا وهذا حنا قريب البيت

صقر ارتخت اعصابه مستغرب من ردها الهادي
ومازن طالعها بذات الاستغراب كلهم عارفين طبع ملاك ماتعرف الاحترام ولسانها يلوط اذانها،
صقر انهى النقاش /لاجيتي انتفاهم
ملاك ترد بهدو /طيب
مازن يشوفها تسكر الجوال وهتف بخوف / الله يعينك عليه وعلى عصبيته وبذات انه مشتب خلقه حتى وفا كلمتني قبل شوي تقول متروعين منه هي واهلها
ملاك طالعت فيه بتسال/ ماتدري ليش صار كذا بينهم؟؟

مازن رد وهو يصفط السيارة قدام البيت / الا عشان سالم بيروح يشتغل مع واحد قد تهاوش معه صقر
ملاك تطالع البيت اللي وقفو عنده وهي تفتح
الباب /مشكور مازن
مازن ينزل / ماسويت شي المهم معك مفتاح ؟
ملاك تفتح شنطتها / اي صقر معطيني نسخه
مازن يوقف /اجل بنتظرك لين تدخلين و ماوصيك هدي اعصابك و طنشي
ملاك تفتح الباب /تصبح ع خير
مازن يفتح بابهم المجاور لباب عمه /وانتي من اهل الخير

دخلت ملاك الجناح ونزلت عباتها ونقابها وشاله على الاريكه بصاله متجهه لغرفة النوم ارتعشت بارتباك
من منظر صقر اللي جالس على طرف السرير ومنزل راسه للارض ويهز رجله وعلية ترنق رجالي قطن من شافها رفع عينه فيها و وقف وهي اقتربت له عليها قميص بحري واضح عليها التعب زفر بغضب
حاد / كيف تطلعين من غير لا تدقين علي و تستاذنين مني نسيتي انك على ذمة رجال؟

ملاك تقدمت وجلس على طرف السرير وهي ترد بصوت متعب /صقر ارجوك اجل النقاش لوقت ثاني
صقر حس من صوتها تعب صادق ولاكن مارحمها وهو اصلا مشتعل من قبل/ اجل النقاش وليه مافكرتي بالنقاش قبل تروحين يوم دقيتي على اخوك وذلفتي معه ماقلتي بدق على زوجي ابلغه اني موجوده معه بنفس المستشفى ؟
ملاك نزلت راسها بصمت /…
صقر صرخ عليها / تكلمي ليش مادقيتي وعطيتيني خبر
ملاك مازالت منزله راسها ولا ردت /…
صقر انحنى وسحبها مع عضدها بقوه وهو يهزها بقسوه / و تحقريني بعد ؟؟؟

ملاك ماتحملت كل اللي يصير معها و انفجرت باكيه صقر تصلبت يديه بصدمه يعرفها عدل ماتبكي الا من شين كايد رفع وجها من عند الذقن بطراف
الصابعه /ملاك شفيك ؟
ملاك ترتمي بحضنه / تعبانه
صقر شد احتضانها بقوه حانيه /قولي للي وش صاير ؟
ملاك ماردت وهي تبكي بنحيب / اهى اهى

صقر مرتاع منها وخوفه عليها بدا يزيد الا ملاك عنده هي الحياه بنسبه له / تكلمي قالو لك المستشفى شي لا تخليني اروح لهم الحين وشوف وش صاير ؟
ملاك خافت من تهوراته وردت بارتباك وهي تالف قصه من راسها /شفت شايب يشبه ابوي معه بنته
صقر بعدم اقتناع من ردها / كل هالصياح عشان شبه ابوك؟
ملاك تبتعد عنه وتجلس على السرير/ يشبه حيل حيل
صقر رفع حاحبه بحزم / ملاك قولي الصدق ؟
ملاك تطالع فيه بنظرات عتاب / اكذب عليك يعني ؟
صقر يرفع كتوفه / مدري عنك
ملاك تغير الموضوع/ وين الملف ؟
صقر بتسال جامد / اي ملف

ملاك توقف و تمسح دموعها بكف يدها تحاول تهدي شهاقاتها/ انا حلفت يا صقر وماراح اخلف حلفي وترا بروح الحين لبيت امي لو ماكنت جايب الملف معك؟
صقر سحب له نفس عميق وهو يزفرة شده
غاضبه / الملف على المكتب شوفيه واذا تبين تاكلينه بعد اكليه

ملاك لفت المكتب مكان ماشر عليه ورجعت لفت لصقر اللي ابتعد و تمدد على السرير راحت و فتحت الملف شافته مكتوب (تم تحويل المريضة :اميرة جاسم عليان :من الدكتور صقر: الا الدكتور منيف :)

ابتسمت بنصر وهي ترجع الملف على الطاولة ومسرع ما اختفت ابتسامتها وهي تحط يديها على بطنها وتذكر كلام الدكتورة ..

الدكتورة تبتسم وبيدها الاوراق / الف مبروك انتي حامل بسبوع الاول
ملاك فتحت فمها وعيونها امتلت بدموع / وشو
حا حامل ؟
الدكتورة ترد وهي مستغربه من ردت فعلها/اي حامل ليش مانتيش فراحنه كدا ليش ؟
ملاك اشرت لها تسكت بكف يدها وهي تقوم و تطلع من الغرفة وتروح لسيارة بصمت غريب
_____________________________


-/السادس والتسعون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

من رجعو من المستشفى فهد راح لجناحه بقهر من كبرياه ماسمح له ينادي لمهره قدام امها مايبي يذل نفسه هو لمح لها وقال اليله نومك بحضني اذا تفهمها راح تجي له بس هي عاندت و راحت لداخل وكرامتها ماسمحت تستسلم له ببساطه وام ماهر من بعد ماتطمنت عليها راحت جناحها بتعب تبي تحط راسها وتنام …

مهره دخلت و سلمت على جدتها اللي مانامت تنتظرها وتحمدت لها بسلامه وبعده راحت الحمام خذت لها شاور دافي ولبست قميص حرير خفيف تشجيرة بالون الوردي وكمام يديه شبه عاري بدانتيل الوردي فتحت شعرها محررته وهي تتجه سرير جدتها وتمدد بجوارها

الجدة صيته تغطيها بالفراش بحنيه وعيونها
عليها /ليش مارحتي تنامين عند رجلك ؟
مهره كانت عيونها تلمع بدموع / ماندا للي ياجدة وليش اروح له انا بنفسي
الجدة صيته تنهد بقلة حيله / الله يهدي بينكم يامك ترا مابقى الا يومين ويروح لشغله وانتم منشحنين
مهره تسكر عيونها / تعبانه وبنام ياجدة
الجدة صيته باستسلام /نوم العوافي

بعد ساعه ..والجدة ماجاها النوم وهي تشوف
مهره مسكره عيونها والدمعه تنزل من طرف عينها نازل لخدها بصمت وتعرف انها مانامت وتفكر
شوي وانفتح باب الجناح ودخل فهد بخطوات ثابته عجز لا يقاوم ولا يكابر اكثر وهي يعرف ان وراه سفر مستحيل يتحمل يرجع عطشان مثل ماجاء لازم يبل عروقه اللي جففهن الصد والكبرياء….

الجد صيته رفعت راسها وهي تهتف بخفوت /هلا يومه فهد
مهره من سمعت اسمه فتحت عيونها /…
فهد تقدم وهو يهتف بتسال وعيونه على مهره اللي مايشوف الا اطراف وجها /نايمه ؟
الجدة صيته لفت لمهره وجها كان واضح وعيونها مفتحه / لا صاحيه

فهد تمدد نص تمدد ورا مهره اللي صارت بينه وبين جدته بسرير و لاويته ظهرها وجها لجدتها وهو يمسح على شعرها بحنيه بالغه ويهتف بخفوت / مهره تؤمنين بالله؟
مهره تبادلت هي وجدتها النظرات باستغراب
من حركته الحاني اللي غير متوقعه منه …

فهد كمل كلامه بذات الخفوت من بعد ماصمت شوي /والله و بمان الله يا الولد اللي ماهو من بطنك مابيه
مهره سكرت عيونها و شهقاتها تزيد /هى هى
فهد مسح على كتفها العاري اللي يهتز مع شهقاتها بكف يده الدافيه / والله واللي انما عروق حبك بقلبي اني مابي عيال الا منك
الجدة صيته ابتسمت /خلاص يامك ليش الصياح هذا هو حلف لك

مهره تدفن وجها بالمخده و تبكي بصمت /….
فهد تنهد بضيقه وهو مازال متمدد نص تمدد وراها طالع بجدته وكانه يقول وش اسوي اكثر معها؟
والجدة هتفت لمهره برجا / يامك تكفين بس دموع ذبحتي عمرك وذبحتي قلوبنا تمسين باكيه وتصبحين باكيه
مهره مازلت على حالها و ماينسمع الا صوت شهقاتها/.
فهد بنبرة حانيه هاديه/ مابي اسافر وانتي تعبانه يكفي اليوم كنتي بتموتين من شدت الحراره

مهره من سمعت طاري السفر وقلبها ينقبض
لفت له بجسدها وهي ترتمي بحضنه وتعلق يديها بعنقه دافنه وجها بكتفه فهد اندهش من حركتها وعيونه طايره بجدته بحرج ومهره تضمه جاذبته لها كانت يدين فهد نازله على السرير ماهو قادر يبادلها الاحضان من وجود جدته اللي تبتسم وتهتف / خذها يامك لجناحك
فهد همس عند اذون مهره / احم عيب اللي تسوينه

مهره طنشته وهي تشد احتضانه وهو مازال متمدد عاجز لا يقوم وعرقه قام يصب من الحرج
جدة صيته فهمته من ملامحهه وهي تقوم بتنقذه من الموقف السخيف اللي حطته فيه مهره بجرائتها
تركت على عصاتها وعيون فهد تلحقها لين طلعت من الجناح وهو لف لمهره و حاوطها بيديه وهو يهتف بغضب/ كيف تسوين كذا قدام جدتي؟
مهره ترفع وجها له وتبوس عارضه / وسوي اكثر من كذا بعد انت السبب
فهد داخ معها / ليش انا السبب؟
مهره تطالع بتفاصيل ملامحه وهي مازالت
حاضنته / احرمتني منك ومن حضنك

فهد دفها على ورا بقوه وبحركه سريعه صار فوقها ناسي المكان اللي فيه وجذب شفايفه بشفايفها وهي تجاوبت معه …وخيراً فهد صحى على نفسه وهو يقوم من السرير ويهتف من بين انفاسه / الحقيني للجناح بسرعه
__________________________

يوم جديد …
بالمستشفى وتحديد بمكتب صقر …

منيف باستغراب /انا بفهم ليش حاط اسمي دكتورها وانت اللي بتعالجها ؟
صقر يرد وعيونه على ملف اميرة/ شين خاص فيني وبعدين انت خلك دكتورها قدام الناس وانا بعالجها بنفسي
منيف يرفع كتوفه بقلة فهم /بكيفك
صقر يشتغل بتركيز /اكيد بكيفي اجل بكيفك ؟
منيف يبتسم من رده ويهتف بتسال / ماقلت للي وش صار مع اخوك ؟

صقر تنهد بضيقه من الطاري / ماصار شي بس ابوي مايكلمي ولا يرد حتى على سلامي
منيف يهتف بجديه /تبي الصحيح مالومه اسلوبك معه غلط بغلط
صقر يطالع منيف بوجع/ ادري يا منيف وحاس يتانيب الضمير مهمها كان المفروض مازعله حتى بالكلام
منيف بهتمام / وخوك مازال مصر على رايه؟
صقر يرد بثقه /لا فالح يقول هون لونه مصر كان دفنته من زمان
منيف يطالع فيه باسا/ الله يعينك على عصبيتك
صقر يرجع عيونه للاوراق /امين

دخل جمال وهو يهتف بالسلام والابتسامه شاقه حلقه /السلام عليكم
ردو عليه منيف وصقر /عليكم السلام
جمال يجلس /شلونكم يالاصحاب
منيف /حنا بخير الحمدلله الا انت علامك توزع ابتسامات ؟
جمال يطالعه بنص عين /حاسدني حتى على الضحكه اعوذبالله
صقر ابتسم / تصدق يا جمال عمري ماشفت حسود على السعاده كثر منيف
منيف طارت عيونه /افا يا صقر انا حسود ؟
صقر يضحك / حسود ونص بعد
جمال انفجر بضحك /هههههه
منيف طنشهم بصمت /…

جمال تنحنح بجديه / احم صقر بنشدك
صقر يرفع حاجبه/ اسلم
جمال بتسال / هو انت عندك عم غير ابو ماجد ؟
صقر عقد حواجبه / لا بس عم وعمه ليش ؟
جمال ابتسم / لا جيت من البعثه اعلمك ان شاءالله
منيف بتسال/ متى بعثتك ؟
جمال يرد على منيف وعيونه على صقر اللي يطالعه باستغراب / بعثتي بعد يومين لمدة شهرين وارجع
صقر بتسال / وش دخل عمي بالبعثه ؟
جمال يوقف وهو يبتسم /كل خير ياخوك المهم ادعو للي بالتوفيق
صقر ومنيف/الله يوفقك
___________________________


بيت نهيل ….الساعه 3 عصراً

ملاك من جت مع الباص المدرسي على طول بيت امها
وهي تعرف ان صقر اليوم مداوم شفت صباحي
رفضت تتغدا معهم حاسه بغثيان خذت لها شاور ونامت وتو تصحى العصر نهيل تسال بهتمام /يامك انتي علامك كل ما جيتينا بس راقده انتي باليل ما ترقدين ؟

ملاك جلست وهي تبتسم /الا ارقد بس احياناً اسهر على المذاكره تعرفي اختبارات نهائيه
نهيل با امومه /يامك ترا في غدا بالمطبخ روحي تغدي
ملاك بتكشيره /مابي يومه مفطره بالمدرسه
نهيل بتسال /كيف اختبارك اليوم؟
ملاك تمدد على الاريكه /زين مابقى شي عن الاجازة ونرتاح

نهيل تبتسم وهي تشوف امل جايه /وامل ماشاءالله تخرج
امل تجلس / اي بروح للجامعه
ملاك تنهدت /عقبال للي يارب
امل ترقص حواجبها / باقي لك سنه يا حبيبتي توك
ملاك تطالعها بنص عين / تروح السنه ماهي شي واخذ الشهادة وطلع لجامعه
نهيل تبتسم بمحبه /الله يوفقكم ولا يخسر
ملاك وامل /امين

دق جوال ملاك وهي تعتدل جالسه وتهتف لامها وامل بحماس / هاذي البنت اللي قلت لكم عنها بالمستشفى
نهيل بعدم راحه / يامك ناس ماتعرفينهم لا تكلمينهم

ملاك تاشر لامها تسكت وهي ترد على الجوال /الو
جاها صوت مهره الرقيق /السلام عليكم ملاك صح ؟
ملاك ترد بصوت انوثي / اي حيالله يا مهره اخبارك
مهره تبتسم بحماس/الحمدلله ماصدقت القى فرصه واكلمك
ملاك بحب / وربي كنت بتصل بس خفت اتسبب عليك
مهره ترد بسراحه /زين ما اتصلتي انا لا حصلت فرصه كلمتك
ملاك بتفهم/ اي احسن المهم قولي للي اخبارك

سولفت مهره مع ملاك ساعة تقريباً وما انتبهت للوقت لين جت ام ماهر وهي تستعجالها
بخفوت /جيبي الجوال فهد بجناح جدته
مهره ارتبكت وهي تهتف /ملاك اكلمك بعدين
ملاك تهز راسها بتفهم/ طيب الله معك
مهره تسكر الجوال وهي تهتف لامها بتوتر /غريبه جاي هالوقت سال عني ؟
ام ماهر تهز راسها بنفي /لا تو جاء
مهره تسحب نفس /اوف لو طاح علي والله ليذبحني
ام ماهر تتجه الباب /جيبي الشاي وتعالي

مهره خذت الشاي من المطبخ وراحت لجناح الجدة وهي تسمع فهد يسولف معها بامور خاصه بينهم دخلت وهتفت بالسلام /سلام
الكل رد /عليكم السلام
فهد منزل عيونه على اوراق بيده يقرا بتركيز
سمعت جدتها تكلمه با امومه صادقه / يامك حلال عقاب حلالك تصرف فيه باللي تبي لا تشاورني
فهد رد عليها وهو مازال يطالع بالاوراق / وانتي امه وانا اخذ حلف على نفسي يا حلاله ماصرف منه ريال الا بشورك ورضاك

الجدة صيته غارت عيونها / عزالله ان عقاب خلف ومن خلف مامات
فهد صمت بفقد والجدة صيته ردفت بمسانده / يامك ناير سدد دينه لوجه الله هذا مهمها كان خالك
فهد رد بثبات وعيونه باوراقه/ بسدده عشان نورة ولا هو والله مايستاهل

جلست مهره وهي مستغربه من حديثهم الغريب عن رجل مجهول لاول مره تسمع فيه (بس كن جدتي قالت خالك ؟) املت كاسات الشاي وزعت عليهم
الجدة صيته خذت كاستها وهي تعقد حواجبها بخوف /يامك رقبتك علامها كذا ؟

فهد رفع عينه بهتمام يطالع بنحرها اللي موزع
بعلمات بنفسجيه حس بحرج كيف ما غطته بشال
مهره حطت يدها على رقبتها وعيونها تروح لفهد بخجل تنحنحت وهي ترد بهدو / احم هذا نامس قرصني
الجدة صيته تنزل كاستها على الطاوله برعب وردت بحسن نيه / النامس مايسوي كذا وكاد انه قارصك شين متسمم لا يسمم لك جلدك

مهره انفجرت بضحك وهي تشوف فهد طارت عيونه من كلام جدته و الجدة صيته سالت باستغراب /علامك تضحكين هو انا قايله شين يضحكً؟
مهره تهز راسها بنفي وهي مازالت تضحك /لا يا جدة بس هذا نامس وانا جلدي مايتحمل
فهد طالع فيها بنظره قارصه /نامس ؟؟
مهره تبتسم بغنج و غمازتها تبين / واحلى نامس بعد
الجدة صيته من طارت عيونها هالمره / وكاد البنت للحين عليها حراره

فهد كتم ابتسامته وعيونه على مهره / لا ماعليك اصحى مني ومنك
مهره تضحك وهي تشوف امها داخل وتبتسم من ضحك بنتها / وش يضحكك يا مهيره ؟
الجدة صيته تلوي فمها /خبالها يضحكها
مهره زادت بضحك وعيونها تدمع /هههههه
وفهد كان يراقبها وهو يحس بدغدغة من صوت ضحكها الرقيق ومن عذوبة ملامح وجها المبتسم
ام ماهر تجلس و تضحك من ضحكها / وش انتي قايله مخليه جدتك تنقد على عقلك ؟
مهره ترفع كتوفها / وانا ادري عنها وكاد خرفت
الجدة صيته ترميها بالمنديل / قومي قامة قيامتك انا خرفت ياللي ماتستحين

مهره قامت وهي تكتم ضحكها و تحب راسها/ جدة والله امزح معك لا زعلين مني
الجدة صيته تسحبها مع يدها و تجلسها بجوارها بينها وبين فهد والمكان كان ضيق انحشرت بينهم حست بتوتر وحرج من قربها له وهي تسمع جدتها
تكلمها / انتي ان بكيتي شلعتي قلوبنا وانا ضحكتي زعلتينا وش الحل معك يا بنت ناصر؟
مهره نزلت راسها بصمت /…

فهد كان يراقب كل شي بصمت وعيونه على مهره
و كان في مجال يزحف موسع لها بس هو ماتحرك ولا زحف قربها كذا يشعره بنشوه الجدة صيته ترشف من كاستها وهي تسال ام ماهر / بتروحين معي للعشاء عند ام عواد ؟
ام ماهر تهز راسها بايه / اي ان شاءالله بروح
فهد يسال بحزم / كلكم بتروحون ومهره من عندها ؟
الجدة صيته ترد بهدو / عندها الخدم وبعدين ام عواد مصره علينا عندها ضيوف من الكويت
فهد برفض شديد / لا ماهو كلكم تروحون وبيت ابو عواد بعيد وانا وعماني معزومين عنده و البيت لازم يكون فيه احد

الجدة صيته ترفع كتوفها بتقصد / والله ماحنا جالسين بنروح عاد شف صرفه لمرتك
فهد عقد حواجبه/ كيف يعني ؟
الجدة صيته برود /اجلس عندها
فهد وقف بغضب / تبين اترك عشا الرجال واجلس بالبيت عندها ؟
الكل توجهت عيونهم عليه والجدة صيته ترد عليه بذكاء / خلها تروح معنا اجل
فهد حمر وجها وهو فاهم نيتها / تبين تلوين ذراعي
يا ام عقاب ؟

الجدة صيته ترد بحزم /هو وانا و شقلت بدل ماتجلس بروحها خل تروح معنا ماكل مره وحنا بنجلس عندها
فهد بذات الحزم / لا ماتروح وانسي هالموضوع نهائي
مهره تقوم بغيظ / اصلاً انا مابي اروح بجلس بالبيت
فهد رفع حاجبه باستغراب/ وش عندك بتجلسين ؟
مهره فتحت عيونها بدهشه / انت تبي اروح ولا اجلس شفيك قلبت ؟
فهد صد عنها / تجلسين
مهره ترد بهدو وهي تتجه الباب /حاظر
فهد اخذ مفتاحه اللي كان على الطاوله قباله وطلع
هو بعد
___________________________

صقر راجع من دوامه و دخل جناحه مافي احد
وملاك ماهي موجوده عرف وين تكون بيت
امها اكيد راح الحمام ياخذ له شاور بارد و هو طالع
شافها تو تدخل وبيدها شنطة المدرسه
صقر وقف باستغراب / من جيتي من المدرسيه للحين وانتي عند امك ؟
ملاك تنزل شنطتها بتعب / اي استحميت و نمت ماصحيت الا من ساعه تقريباً
صقر يقترب لها بهتمام / كيف اختبارك ؟

ملاك تعلق عباتها وكانت لابسه بجامه سكريه عليها صورة ليمون اصفر معطيها اشراق و حياويه وهي
ترد /زين الحمدلله
صقر انحنى لطولها وباس خدها / الحمدلله
ملاك تقترب له اكثر و تسحب روبه من عند الصدر جاذبته لها / صقر ابي اطلب منك طلب؟
صقر يناظر بملامح وجها اللي مضيعه من شبابه لين بان شيبه/ انتي تامرين ماتطلبين

ملاك ترفع كفوها لعوارضه ضامه وجهه بين يديها
وهو داخ من حركاتها و حاوط خصرها بيديه حاس بحراره جلدها من تحت البجامه الحرير وسحبها
له / وش اللي تبينه يا ملاك ؟
ملاك تحط عينها بعينه وهي مازالت ضامه وجه بكفوفها / ابي توعدني وعد رجال ماعاد ترجع اميرة لذمتك
صقر فتح عيونه من قو الصدمه / وشو ؟

ملاك ترد بثبات وعيونها ذبلانه/ اوعدني يا صقر وريحني خل اعيش معك بامان
صقر ضغط على خصرها بكفوفه / والامان معي ماتحسين فيه الا بالوعد هذا ؟؟
ملاك ترد بتاكيد / اي طبعاً ابي ارتاح من التفكير ابي اعيش متملكه لزوجي مثل اي زوجه
صقر انسفه من كلامها الغريب / افهم هذا تملك ولا غيرة ؟
ملاك تبوس شفايفه بحراره / افهمها بطريقتك

صقر عض على شفايفه السفليه باسنانه البيضا
وهو يحملها بين يديه متجه فيها لسرير مددها وتمدد بجوارها وعيونه عليها / وش جاب هالطاري على بالك ؟
ملاك تقترب وتدخل بين احضانه / صقر اوعدني وبس
صقر همس باذونها بخبث / طيب اوعدك بس فيه مكافئه للي ؟
ملام تضحك بدلع / ياحبك للمكافات
صقر يضمها بقوه حانيه /مكافاتك انتي غير والله غير
ملاك ترد بذات الهمس / احلى مكافئه

صقر من زمان معترف لنفسه ان رجوعه لاميرة ظلم لها وله قلبه وعقله ماهو معها ولا عمره راح يكون معها حاول يحط عنده تامل ان بالنهايه يقدر يبادلها نفس المشاعر ويحبها لاكن للاسف خاب ضنه والان
و ثق ثقه تامه انه عاجز عن حبها …
المشاعر اللي عنده كلها متجهه لملاك حبها محفور داخل قلبه ….

ملاك تطالع فيه بتوتر تنتظره يتكلم وصقر كان صامت صمت مجهول وبعده سحب له نفس طويل وهتف بجدية / ملاك ترا اميرة حارمتن علي حرم الاخت على اخوها
ملاك ضمت باندفاع وهي تبوس وجهه بكل مكان/انت للي للي انا انا وبس
صقر اندهش من ردت فعلها و شد احتضانها
مبتسم / انا كلي لك من راسي لين ساسي رحم الله من جابك

_________________________________

مرت شهر على ابطالنا …

ملاك خلصت اختباراتها وانتهت من مرحلة الثاني ثانوي والوحام كل ماله يزيد معها ولا قالت لاحد بحملها وكل من سالها عن الدوخه والتعب قالت فيني فقر دم وصقر يلح عليها تاخذ تحاليل بس هي ترفض بحجة الاختبارات ومعه كانت هاديه طول الشهر مافيها حيل على العناد و المشاكل

وصقر كان مبسوط على الاخر من هدوها وعدم مشاكساتها مستمتع فيها بالحيل بس ماهو مرتاح لتعبها المفاجئ بس ينتظر تخلص اختباراتها وناوي على اشياء كثير …واميرة عالجها وطلعت من المستشفى بسلامه وهي ماتنسى فضله بعد الله
"
"
"
مهره طول الشهر اللي غاب فيه فهد وهي مهمومه من سالفة الحمل وما استفادت من المرخ شي نزلت عليها الدورة بعد ماسافر بيومين ولان تنتظر موعدها الثاني
و مضايقها اكثر فهد من سافر ما طلب يكلمها ابد
ياخذ اخبارها من جدته اللي يتصل فيها شبه يومي ولا مره تنازل وقال بسمع صوتها وهي استغلت الوقت بسوالف مع ملاك بجوال امها والعلاقه بينهم تعمقت لدرجة ان ملاك بحات بسرها وبلغت مهره بحملها
يمكن عشانها بعيده واثقه ان الاهل ماراح يدرون
ومهره نصحتها تكلم وتحكم عقلها ..
______________________________

مهره واقفه بالحوش ورافعه اطراف قميصها
ومعها هوز الما و تسقي الزرع تسمع لحديث امها وجدتها جالسات قبالها قدامهم القهوه والشاي الجدة صيته تسال / هو مريم جايه الظهر وانا راقده ميري تقوله ؟
ام ماهر ترد باستغراب / اي جت بجناحها شوي وراحت مدري شعندها
الجدة صيته ترفع كتوفها /غريبه ؟!
ام ماهر تكلم مهره بزفرة/ شوي شوي على الماء لعبتي فيه
مهره ترش الما يمين ويسار بفضاوه/ خلي اسقيهن لا يموتن
الجدة صيته تهز راسها باسا / والله ان سقي ميري احسن من سقيك

دخلت ام ابراهيم ومريم وهتفن بالسلام
ام ابراهم تفتح برقعها و مريم تحب راس
جدتها / شلونك ياجدة جيت الظهر لقيتك راقده
الجدة ترد عليها / انا بخير يالله لك الحمد اي قالت للي ميري عن جيتك
ام ابراهيم تجلس وهي ترد بتقصد / اي جت تجهز غرفة شواقه
الجدة صيته سالت بفرحه / هي بتجي ؟
مريم ترد بذات الفرحه / اي يعين امها اخلصت بعثتها الحمدلله وبتجي بكرا هي وعبدالله
الجدة صيته تبتسم / ماشاءالله يالله تحييها هي وعبود
ام ماهر تهتف بمجامله / الله يقر عينك بشوفتهم
مريم ترفع يديها لسما /امين يارب
ام ابراهيم طالعت بمهره بنص عين/ رفعت روسنا بشطارتها

مهره كانت تسمع وهي متصلبه مكانها والرعب يرجع يتلبسها من جديد جيت شوق بالوقت هذا خطر عليها
معها شهادة ومتعلمه و هي ياحسره حتى
الحمل ماحصل وفهد قريب يرجع ؟؟؟
_____________________________

ملاك متمدد على السرير وهي تشعر بضعف جسدي من الحمل وهذا بدايتة فكيف بشهور المقبله
وصغر سنها ما يساعد لهذا الحمل الثقيل …..

دخل عليها صقر باستعجال وهي متمدده لاويته ظهرها اقترب وانحنى لها /ملاك شفيك؟
ملاك تلف له لين صار وجها مقابل وجهه / تعبانه شوي
صقر بخوف عليها / انتي مو عاجبتني لك شهر وانتي تعبانه ؟
ملاك ردت بمراوغه/ ارهاق من الدراسه والاختبارات
صقر بحزم / الدراسه خلصتيها من ثلاثة اسابيع والارهاق للحين فيك ؟
ملاك ترفع كتوفها بساطه / عاد هذا اللي صار

صقر يسال وعيونه تناظر فيها مباشر/ عليك الدورة ؟
ملاك ارتبكت / هاه لا
صقر عقد حواجبه / ماكنها تاخرت؟
ملاك تعتدل جالسه / لا ماجا موعدها اصلاً
صقر رفع كتوفه بغرابه / مدري يمكن اكون غلطان المهم قومي اجهزي بنروح مشوار
ملاك تحك انفها بطراف اظفرها المحد/ وين ؟
صقر يبعثر شعرها بتعبث / بسيارة تعرفين يلا بسرعه
ملاك ترد برائه / مفاجئه يعني ؟
صقر اعتدل واقف وقلبه يعتصر من كلمتها / اي يلا انتظرك بالسيارة

قامت ملاك من بعد ماطلع لبست عباتها ونقابها بترتيب خذت شنطتها الرماديه ولبس جزم سبوت بالون الرمادي وطلعت ركبت السيارة وسكرت الباب وهي تهتف له بطلب / ابي الصيدليه
صقر حرك السياره وعيونه على الطريق / وش تبين منها؟
ملاك توترت / فتامينات عن الارهاق وكذا
صقر لف لها ببتسامه /اي الله الله بالاهتمام مابي شي يخدش صحتك
ملاك تبتسم بصعوبه / ان شاءالله

وقف عند المستشفى وملاك لفت له بصدمه / قلت صيدليه ماقلت مستشفىً؟
صقر يطفى السيارة ويسحب المفتاح /انزلي
ملاك امسكت ذراعه مانعته ينزل وسالت برعب /صقر وش صاير احد من اهلي في شي ؟؟
صقر رفع كفه ومسح على كفها اللي شادته فيها / لا
يا بابا بس عندنا كم شغله اذا نزلتي تعرفين
ملاك تهز راسها براحه /طيب

نزلت معه و كان يمشي بثبات وهي مستغربه كيف يجي دوامه وعليه ثوب وشماغ ماهو بلبس الدوام
دخل مكتبه و دخلت هي وراه هتف لها بهدو/ تفضلي اجلسي
ملاك تطالع فيه بغرابه / صقر ؟
صقر ياشر لها تجلس /اجلسي
ملاك جلست باستسلام /….

شوي وطق الباب ودخلت ممرضه فلبينيه معها ابره
تحدثت مع صقر بلغه مافهمتها ملاك وبعده لف لها بامر / افتحي لها عضدك
ملاك توقف بارتباك / وليش افتح عضدي ؟
صقر كان واقف بثقه وثوب الابيض وشماغ معطيته
هيبه / بنعطيك ابرة فتامينات
ملاك بعدم تصديق /بس انا ماخذ ابر يا صقر
صقر بامر صارم/ انا ادرا منك افتحي يدك خلصيني
ملاك برفض حاد / قلت ماراح افتحها لين تقول الي وش هالابره ؟

صقر لف للمرضه اللي واقفه ومشوشه ولا هي فاهمه من كلامهم شي تحاور معها بلغتها وهو ياشر على ملاك الممرضه هزت راسها برضا و تقترب لملاك اللي رجعت على ورا وهي تصرخ بجزع / والله لو تقرب مني لاقطع وجها بظافري
صقر صرخ فيها بصرامه /عطيها يدك وانتي ساكته
ملاك خافت وهي تسال الممرضه / هذا ابرة ايش ؟
صقر من رد مقاطع /ماهو شغلك وخلصينا يلا
الممرضه تناظر بالابره وترد بكلام مكسر / هذا ابرة منا همل مافي بيبي

ملاك طارت عيونها الرماديه بصقر اللي عض على شفايفه بقوه من رد الممرضه المفاجئ و هتف لها بحزم لا يخلو من ضيق / ملاك هاذي ابرة منع حمل لمدة سنه فقط
ملاك دفت الممرضه عن طريقها وتقدمت له بانفعال / ليش تزوجتني عشان تستانس فيني وترميني ؟؟
صقر رد بصوت صارم / انتي ماتفهمين قلت لك سنه بس لين تكبرين وانا اصلاً مابي عيال الحين

ملاك عيونها لمعت بدموع وصوتها بدا يختنق/ وانت صغير عشان ماتبي عيال بتدخل الاربعين يا صقر واللي كبرك عيالهم بعمري ؟
صقر مسك ذراعها بقوه / انا انسان غير عن هالناس مابي عيال كيفي عجبتني حياتي كذا
ملاك انفضت يده منها بقوه / لو تموت ماخذت الابرة
صقر رد باصرار شديد / غصبن عليك ماهو بكيفك

ملاك رجفت برعب من تثبيته لها بذراعيه حاضن ظهرها وينادي للممرضه تجي تنهى عملها صرخت
بقوه / انتبه صقر لا لا
صقر مارد عليها وعيونه على الممرضه اللي تفتح الابرة مستجيبه له ولاكن اوقفها صرخة ملاك الباكيه / لا سستر انا في بيبي حامل حامل
الممرضه رجعت على ورا بصدمه وعيونها على صقر اللي صرخ بغضب / ماهو وقت افلامك الابرة اخذتها اخذتها
ملاك شهقت ودموعها بدت تنزل / والله اني حامل
يا صقر والله

صقر من سمع حلفها بالله ارتخت يديه بتنمل
يشعر بجسمه بروده تنفض خلاياه وتصلب عظامه …
ملاك ابعدت منه منهاره بالبكا / والله وقسم بالله اني حامل للي شهر محلله هنيه بالمستشفى حامل حامل
صقر رد بعدم تصديق /كذابه وليش ماقلتي للي ؟
ملاك بارتباك / كنت بقول بس بس
صقر يحطه اصبعه على انفه مقاطع لها / اص ولا كلمه الحين اتاكد اذا انتي حامل ولا تكذبين
ملاك تهز راسها برضا /تاكد تاكد

صقر امر الممرضه تجهز السونار بمكتب الدكتورة هانم المجاور لمكتبه راحت تنفذ امره
وصقر نادا ملاك بحده وعيونه توعد فيها /الحقيني

ملاك لحقته دخله وراه وهو ياشر لها على السرير من غير ولا كلمه و هي فهمت انه سونار تمددت وفتحت عن بطنها و صقر قفل الباب بالمفتاح من بعد ماطلعت الفلبينيه مايبي احد يدخل عليهم وطفى الاضائه عشان السونار يوضح اقترب جالس وحط الجل السائل على رحمها وحركه السونار يمين ويسار وقفت يده فجئه متجمده وعيونه توسعت على الاخر بشاشة التلفزيون وهو يشوف فعلاً كيس حمل واللي صدمه واثر عليه بشدة صوت النبض …

سكر عيونه بحيره ويده بدت ترجف بتاثر
وملاك تتابع ملامح وجهه واضح عليه الصدمه انتفضت بخوف منه وهو يرمى السونار و يوقف بانفعال/ الحمل لازم ينزل بسرع وقت
ملاك طارت عيونها وطار قلبها وهي تنزل من
السرير واقفه بجواره / انت مجنون تبي تذبح روح من روحك ؟؟

صقر تالم بوجع حقيقي من كلمتها ..(تذبح روح من روحك )…ولاكنه رد بحزم متحكم / قلت ينزل يعني ينزل ماله الا شهر و سبوعين راح انزله لك بسهوله

ملاك تصرخ فيه بحرقه وصوتها يتقطع / نفخت فيه الروح والله ماينزل لو على جذتي
صقر تقدم لها وهزها بعدم رحمه راص على
اسنانه /ينزل غصبن عليك
ملاك انهارت بالبكا الشديد / والله لو تسببت بموته ياصقر لتحرم عليك النظره لوجهي ليوم الدين

صقر شعر برعشه مخيفه من مؤخرة راسه لعلى اكتافه وهو يجلس على اقرب كرسي قدامه يحاول يجمع قوته اللي ضعفت فجئه وهي اخذت شنطتها وطلعت من المكتب … وبعد دقايق وقف صقر وطلع وراها ولاكنها اختفت تماماً دور عليها بمكتبه و بين الاسياب
جنت جنونه وهو يصر على اسنانه (وين ذلفت )

طلع جواله من مخباته و دق عليها مره مرتين ماترد مرت نص ساعه من الوقت وهو يدور بالمستشفى كامل رايح جاي حتى حس بحرج من زملائه اللي مستغربين من وجوده وهو باجازة وجاي بثوم وشماغ بعد …رفع جواله ودق على مازن يساله اذا كانت معه ولاكلمته لاكن الصدمه جواب مازن / ما دقت ولا شفتها

صقر رجع يدور بالمستشفى مثل المجنون
دق جواله يضوي باسم مازن رد باستعجال /هاه
يا مازن ؟
مازن برعب /صقر ملاك عندنا بالبيت جت مع ماجد وشكلها تعبانه قفلت على نفسها الغرفه
صقر صدم /كيف ؟
مازن ينهى الاتصال/ اكلمك بعدين
صقر سكر منه وهو يعيد الاتصال بماجد /الو ماجد وينك
ماجد رد عليه بهدو / هلا صقر بيت خالتي ام مازن
صقر بتسال حازم / انت اللي اخذت ملاك ؟
ماجد يرد بغرابه / اي دقت علي قالت تعال للمستشفى انا تعبانه جيت وخذتها لقيتها منهاره ولا قالت للي شي ومن وصلت البيت قفلت على نفسها
صقر ينهي النقاش /انا جاي.

______________________________

الساعه 10 ليلاً ….
مهره كانت جالسه بجناح امها وهي مشغولة التفكير تفكر بهم عميق من جيت شوق مع اقتراب جيت فهد …
اتصلت بملاك مرتين ولا ردت عليها
كانت تبي احد تبوح له تفتح قلبها ولاكن مالقت رد ؟

دجلت ام ماهر وهي تهتف لها بتسال/ ليش ماتعشيتي معنا؟
مهره ترد من غير نفس /وجود فاطمه بالبيت يسد للي نفسي ما صدقت تفارقنا وتروح بيت ابراهيم والحين جايه تبشرنا بحفيدتها اخذت الشهادة وبترجع ؟!

ام ماهر تجلس بجوارها / يامك انتي مشغلتن تفكيرك بفاطمه و بنتها ؟
مهره تنهد بضيقه / بسراحه اي وجودها يتعبني كثير ويسبب للي مشاكل و انتي بترجعين بيتك بعد،
ام ماهر تمسح على شعرها بحنو / ماني بعيدة هذا بيتي قريب وبعدين ماينخاف عليك وعندك ام عقاب
مهره تبتسم /عساي مافقد زولها هي اللي تسد افواهن عني
ام ماهر تقوم وهي تبتسم / بروح اجلس معها شوي قبل تنام تعالي معي
مهره تقوم معها/يلا

بجناح الجدة صيته جالسه تتابع التلفزيون ومريم عندها تسالها/ علاجك تاكلينه ياجدة ؟
الجدة صيته تهز راسها/ اي بالله اكله الا شلون مرت ابراهيم و وليده
مريم تبتسم/ يوه يحلو وليدة ياجدة ودك تحطينه بخبزه وتاكلينه من صغره
الجدة صيته ضحكت / يكبره الله ان شاءالله

دخلت ام ماهر ومهره سلمن وجلسن
مهره تجلس بجوار جدتها وهي تهتف بحماس / جدة خاطري بالحنا من زمان ماحطيت على شعري
الجدة تبتسم لها بموده / بكرا احط لك ماخليه بخاطرك وانا ام عقاب
مريم بتسال/ الا ابو عقاب متى يرجع ؟
الجدة صيته تنهد بشتياق / على كلامه اخر الاسبوع الله يجيبه بسلامه بس
مريم تبتسم /امين بس طول هالمره جا مع جيت عبدالله و شوق
الجدة صيته ترد بحسن نيه / اي بالله بسوي لهم ذاك السلامه اللي كلم يهرج فيها

مهره صمتت وهي تغلي بالقهر/…
مريم تبتسم /باذن الله نبي نحتفل
ام ماهر بتسال /هم بيرجعون عيالك ولا خلاص تخرجو
مريم ترد بفرحه / لا تخرجت كله ترم وخلصت منه الحمدلله
الجدة صيته بهتمام/عاد ترجع للجامعه هنيه ؟
مريم تهز راسها/ اي تكمل جامعتها
ام ماهر بذات التسال / هي تدرس طب ؟
مريم تنهدت بضيقه /لا فهد عيا عن الاختلاط يقول ان اخذتيه قطعت شهادتك

مهره زادت غليان وغيرة ..( وهو وش دخله يغار عليها
من الاختلاط بس هين يا فهد ان شفتك مهتم فيها بزياده بقلب على راسك وراسها ماعاد با انا ساكته خلاص تعبت من السكوت والخوف هالمره بوقفهم عند حدهم ؟؟!)
______________________________

بيت نهيل …

ملاك مازالت قافله على نفسها باب غرفتها القديمه
ولا ترد على منادات وطق اهلها برا وخوفهم عليها..
ودموعها تسيل على خدها بغرازه مجروحه منه جرح عميق جرح من المستحيل ان يطيب و مصدومه لاعلى درجه كيف مايبي عيال؟..وش السبب اللي خلاه يبي يذبح ضناه …؟ يكون مايبي منها هي بذات كانت نزوه ويبي ينبسط ويرميها ولا في سبب ثاني؟..توقعت صقر لا درا بيطير من الفرحه يكفي ان عمره كبير وتذكر يوم كان شفقان على ولد حصه وهو يشوفه معها
يحب الاطفال كثير بس وش سبب تصرفه عجزت
لا تلقى له تفسير ….؟!

ماجد يرد على جواله اللي يرن /هلا صقر….. طيب طيب
نهيل واقفه عند الباب و تبكي / وش هو مسوي بنتي ؟
ماجد يهتف لامل و حصه اللي واقفات مرعوبات /صقر بيدخل ادخلو داخل
حصه خذت امل ودخلت غرفة امها ومازن راح لباب يفتحه شاف وفا بالحوش واقفه وعليها نقابها وعباتها عشان وجود ماجد وهي تهتف بتسال خافت /وش صاير ؟!
مازن يرد بذات الخفوت / ملاك جايه مع ماجد منهاره وتبكي ومقفله الباب وصقر برا بروح افتح له
وفا فتحت عيونها بصدمه / طيب علامهم وش صاير بينهم
مازن يتجه الباب / لا فهمت السالفه اعلمك

مازن فتح له و دخل صقر بتسال /وين ملاك ؟
مازن ياشر لداخل / داخل قافله على نفسها
صقر يتجه داخل بثبات/ ماقدامي احد ؟
مازن يمشي وراه بعد ماسكر الباب / لا حياك
صقر شاف وفا واقفه وهي ترحب / هلا صقر شلونك
صقر رد من غير نفس / هلا هلا

وقفت وفا محتره وهي تشوف اخوها يدخل لبيت نهيل ( تنازلت يا صقر لبيت الخرابه عشان
ام لسان مسويه مناحه وجع يوجع قلبها تبي تذل اخوي وتكسر مستواه لمستواهم الزبالة)

صقر تقدم لداخل وهو يتنحنح /احم احم
ماجد بندا /تعال يابو مطلق ماقدامك الا عمتك
صقر اقترب / سلام عليكم
نهيل بتسرع / بنتي شفيها ليش منهاره؟
صقر طنشها وهو يسال ماجد / وينها ؟
ماجد يشر على غرفتها / هنيه داخل
نهيل زفرت عليه / جاي تدورها وانت اللي متسبب بنهيارها ؟
صقر لف لها ورد بحزم ملتهب/ اتقي شري يا ام مازن ترا اللي فيني مكفيني

ملاك من سمعت صوت صراخه على امها وبكاها يزيد ولا فيها حيل تطلع لدفاع عن احد خايفه على الروح اللي بين احشاها خايفه يتهور ويذبحها ضمت نفسها وبكت بصمت …

عند امل وحصه يسمعون صوت صراخ امهم وصراخ صقر عليها حصه هتفت بقهر /قص يقص لسانه قليل ادب
امل بقهر اعمق / مايحترم احد اعوذبالله
حصه بتوتر / الحين تطلع ملاك من صراخه على امي وتكبر السالفه
امل بذات الخوف/ الله يستر بس

نهيل صمتت بخوف وهي تشوفه فعلاً كان منفعل
ولا تدري وش اللي فاعله /….
وصقر توجه لباب الغرفه اللي اشر عليه ماجد طقه
بندا / ملاك افتحي الباب
مازن تنهد بضيقه / من اليوم نطق عليها عيت لا تفتح
صقر رجع يطق عليها بس بقوا / ملاك افتحي الباب لاكسر افتحي
ماجد بندا حاني/ افتحي ياخوك بنفهم وش فيك ؟
صقر زاد طقه وهو يصرخ بغضب /افتحي احسن لك
مازن بخوف / لايكون صاير فيها شي ؟
نهيل من سمعته شهقت / يويلي على بنتي عاد هي بس تدوخ لها كم يوم

صقر تالم من سالفة الدوخه وهو عارف سببها ولاكنه سال بصوت متحكم / في مفتاح ثاني لباب ؟
نهيل بتشويش / اي في بس داخل عندها بالغرفه
صقر لف لها باحتقار/ وش هالغبا اللي عندكم النسخه داخل الغرفه ؟
نهيل ترد عليه بتعمد/ وش درانا ان بنتي بتجي منحاشه منك وتقفل على نفسها

صقر ضرب الباب بكف يده وهو عاض على شفايفه
يحاول يتماسك لا يغسل شراعها مهمها كان هي مره كبيره وماجد يغير الموضوع بندا / ملاك تكفين طمنينا لا يكون فيك شي
مازن يكمل معه / ردي علينا بس ريحينا ولا بندق على الدفاع المدني يفتح الباب
صقر لف لمازن بقهر / انت تلايط

ماجد كتم ضحكته من عيون مازن اللي طارت بخوف
وصقر يرجع يطق الباب / افتحي يا بنت
ملاك وخيراً ردت عليهم عشان يطمنون بصوتها العالي اللي تصارخ فيه/ لو يطلع طالب من قبره مافتحت الباب والحين كلكم انقلعووووو

الكل فتحت عيونهم بدهشه و مازن ضحك غصبن
عليه /تقول انقلعو
صقر عطاه نظره قارصه وبعد لف لباب بندا/ افتحي الباب بتكلم معك
ملاك ترد بتقصد مولم جارح / ماراح افتح لك لو وقفت لصبح وللي حياته بذمتي ماتنازل عنه لو حطيت السيف برقبتي

انقبض قلب صقر بعنف من سمع كلمتها اليائسه من الحياة .. وهو عاجز عن الرد وقف صامت مثل الصنم و نهيل تطالع فيه باستغراب وكلام بنتها ماهو مفهوم وش اللي بذمتها وليش كذا تاثر وصمت ؟؟

صقر ابعد متجه لباب وطلع وهو متالم الم
كسر كل اركان قلبه ركن ركن …
__________________________

-/السابع والتسعون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

يوم جديد… بعدة صلاة العصر ….

الكل كانو مجتمعين بنتظار وصول شوق وعبدالله
ومريم ماخلت ضيافه ماجابتها لعيالها ونوف وانوار
جن متحمسات وكلن معها صنف من الحلا
الا مهره وامها يتفرجن بصمت شاعرات بالخطر
برجعتها من ديرة متفتحه واكيد انها مثقفه ومتعلمه

هتفت مريم بحماس / جدة انا ذبحت ذبيحه بنسوي عشا خاص فينا
الجدة صيته تهز راسها مبتسمه / زين سويتي خلي الحفل لا رجع ابو عقاب بسلامه
ام ابراهيم بخبث/ اي والله حفل بشهادة شواقه
و بنجاح مشروع فهد

مهره عطتها نظره حاده وهي تصد لامها اللي تاشر لها تهدا الجدة صيته ماعجبها كلام فاطمه وهي فاهمه المقصد لذالك غيرت الموضوع / الا حسنا وينهي ؟
نوف ترد / راحت لنواف تبيه يسكر السوني ذبحت عيونه
ام ماهر تنهدت بضيقه/ حتى ماهر الله يصلحه بس طايح عليها
الجدة صيته تزفر على انوار / ولدك ذبحته عالهايه بس بفمه يا دافع
انوار تبتسم وهي تنتظر ولدها اللي بحضنها وبفمه لهايته / ابيه يسكت لو طلعتها قام يصيح
مريم ترتب الطاوله / ما كانهم تاخرو ؟
الجدة صيته بتسال /من راح يجيبهم ؟
مريم ترد /ابراهيم
ام ابراهيم وقفت بلهفه /هذا صوتهم جو

قامو وقفات عند الباب بفرحه ولهفه
الا مهره وام ماهر ونوف اللي استحت من وجود ابراهيم وعبدالله انوار نزلت ولدها على الاريكه ولحقت فيهم برا تستقبل شوق الكل تجمع عليها هي وعبدالله بترحيب وسلمو عليهم بحراره وسالو عن الحال والاحوال وراح عبدالله مع ابراهيم وابوه لدوانية

وشوق دخلت مع امها وجداتها فاطمه اللي محاصرتها بحب وهي تبتسم /والله مشتاقة لكم بالحيل
مريم تحضن كتوفها بذراعها/ ياربي لك الحمد انك رجعت للي عيالي بسلامه

شوق عيونها وقعت بعيون مهره اللي تناظر فيها من فوق لاتحت شوق ابتسمت بنصر وهي تقترب وتسلم عليها هي وامها بهدو وعلى نوف بحراره
وتضمها / اشتقت لك
نوف تبادلها الاحضان / وانا اكثر والله

جلست شوق من بعد مانزلت عباتها كانت تلبس فستان ميد بالون البندقي وكعب نفس الون كاشخه بس سمنانه والوزن مطفي ملامح الانوثه فيها
مهره تطالع لبس شوق بغيره وهي تنزل عينها لبسها بمقارنه كانت مهره تلبس فستان بالون الكركمي طويل ماسك من عند الخصر و كلوش من تحت على خفيف
ناعم وهادي بس محليه زينها مع لون شعرها البني معطيها شكل فاتن بس هي غير مقتنعه …

شوق بدت تسولف عليهم عن السفر والدراسه وكيف الحياة ببريطانيا والكل يستمع لها بحماس حتى مهره مشوشه بتركيز تبادلو السوالف بينهم لين جا العشا تعشو والكل راح جناحه …

بجناح ام ماهر مهره بدلت ولبست لها قميص قطن وهي تقترب وتجلس بجاور امها المتمدده على السرير وتسال/ متى بتروحين بيتك يومه؟
ام ماهر ترد بحنان / لارجع فهد
مهره تنهد بضيق /اجليها يومه لابعدين
ام ماهر برفض /اجلتها كثير يامك اشتقت لبيتي
و المطبخي و جاراتي
مهره تنحنح /احم يومه ابي منك خدمه
ام ماهر تعتدل جالسه / امري يامك وش تبين ؟
مهره بخفوت / ابي اعطيك فلوس وروحي بكرا لسوق قضي للي ملابس جديدة محتاجة للي كم قطعه قبل رجوع فهد
ام ماهو تبتسم / ابشري يامك ولا تشيلين هم

مهره بضيقه /شفتي لبسها يومه يجنن لو شافها فهد كذا كان فرق بيني وبينها
ام ماهر تكشر / لانه صحيح فرق بينك وبينها هي منتفخه و زولها متكور على بعض ولا انتي يذكر ربي زولك متوزع ومترتب
مهره تنهد / بس لبسها حلو
ام ماهر تهز راسها / لبسها حلو بس مايصلح عليها وبعدين يامك لو جبت لك مثله فهد ماهو مخليك تلبسن القصير
مهره بخجل / عنده بالجناح يومه افهمي مقصدي
ام ماهر ضحكت / فهمت ابشري ابشري
_____________________

قبل ذالك بساعات على وقت صلاة المغرب…

حصه دخلت وهي تنزل ولدها على الاريكه وتلف لامل اللي فتحت لها الباب بتسال/ملاك لايكون للحين مقفله على نفسها؟؟
امل تنهدت بحزن / ايه و امي واقفه تطق عليها من الصباح
حصه بصدمه / هاذي انهبلت كيف عايشه ؟
امل دمعت عينها/ مدري والله

حصه تنزل عباتها وتتجه لغرفة ملاك شافت الباب مفتوح راحت ركض هي وامل ودخلو ..كانت ملاك جالسه على السرير و حضانه امها وتبكي بقوه ونحيب و نهيل ضامتها و تبكي معها وتسال بخوف / يامك قولي للي وش صاير اذا صقر السبب وما تبينه انا مستعده اوقف معك بالمحكمه طالب اللي كان واقف بوجهنا مات وماحدن يردك عن شورك

حصه تقترب وتجلس على السرير بجوارها وعيونها على ملاك وهي تهتف برجا / ملاك تكفين تكلمي الكتمه ماهي زينه قولي لنا
امل تجلس معهم / حنا نوقف معك ولا راح احد يجبرك على شي
نهيل تكمل بصوت باكي/ قولي يامك وش اللي خلاك تضعفين وانتي من صغرك قويه

ملاك رفعت راسها من حضن امها وهي تمسح وجها المنفوخ من كثر البكا بكفوفها وتسحب نفس /يومه انا حا حامل
الكل فتحو عيونهم على الاخر بصدمه وملاك رجعت تبكي و نهيل تزفر عليها/ يامك هذا رزق من الله المفروض تفرحين فيه ما تبكين وتسوين بنفسك كذا
حصه بحرج /يا فشله وحنا متهمين صقر انه مضايقك الله هداك يا ملاك هذي فرحه ماهو حزن
امل تبتسم / بتجيبين بيبي مزيون يشبه لك ياقلبي

ملاك انفجرت عليهم / ماهو هذا السبب من قال مابيه من قال
نهيل تغير وجها / اجل ؟
ملاك تبكي برعب / صقر يبي يذبحه يومه مايبي عيال كان موديني للمستشفى اخذ ابرة موانع يوم درا اني حامل للي شهر ونص نوى يذبحها وانا انحشت منه مع ماجد

نهيل امسكت راسها بطراف كفوفها بصدمتين الاول من صقر وتصرفه كيف يبي يذبح ولده ويخاطر بروح هالضعيفه والصدمه الثانيه بنتها حامل لها شهر ونص ولا لاحظت عليها شي وهي كانت فعلاً عندها وكل العلمات تدل على الحمل ؟!!….

حصه شهقت هي وامل بصدمه /يذبحه
ملاك تحط يديها على بطنها / يومه تكفين ابي احمي ولدي منه مجنون لا يذبحه لا يذبحه
نهيل تقوم واقفه بغضب/ والله مايقرب لك وانا بنت مسفر
حصه توقف معها / وش بتسوين يا يومه ؟!
نهيل بقهر / حرام بالله لو ماني بالحداد ما يردني عن مطلق احد
حصه بخوف / يومه ترا ماحنا بقد صقر خليهم بحالهم وملاك عندنا بامان
ملاك حاضنه بطنها بيديها بخوف / مابي اشوفه يبي يذبح ولدي
نهيل سكرت عيونها بالم / بكلم ام صالح واعلمها بسوات ولدها يا تعلمه يفكنا من شره ولا المحاكم فاتحه ابوابها
___________________________

بعد يومين ..…

مجتمعين بصاله بنتظار فهد اللي راح عبدالله وابراهيم يجيبونه من المطار …الجدة صيته جالسه تسبح بسبحتها ومهره تبخر الصاله و حسنا ترتب القهوه ونوف متمدده على الاريكه وانوار ترضع ولدها ومريم وام ماهر يجهزون قهوة الرجال وشوق وجدتها فاطمه بجناحهم …

طلعت شوق مع فاطمه وهي تسال بتقصد / جدة ماجاء فهد
الجدة صيته تهز راسها بنفي / لا يجي الحين
مهره لفت لشوق تبي تشوف لبسها وكلهن طالعن لبس بعض وكل وحده تشتعل بنار من غيرتها من الثانيه
والاكثر شوق اللي انسفهت من شكل مهره الفاتن

كانت تلبس لبس جديد جايبتها لها امها امس من السوق ..عباره عن تيوره ماسكه على الجسم واصل طولها للخصر والبدي طقمها قصير فوق الخصر بس التيوره مغطيه بطنها ولو ترتفع شوي بان حز منه
بالون الفضي كلها وراسمه جسمها المميز
وفاتحه شعرها البني على ورا ورافعه القذله كلها بقوس فضي وجبينها الصغير محدد بدقه وحاطه مكياج ناعم

وشوق لابسه فستان طويل من فوق ماسك ومن تحت الصدر مكرت كلوش بالون الوردي الفاتح وحاطه روج وردي وفاتحه شعرها الاسود القصير كانت عاديه بس مهره تراها حلوه من الغيرة

جت ميري تركض بندا/ بابا فهد يجي
الجدة صيته تقوم بفرحه / وينه وينه ؟؟
ميري تاشر على الباب / برا حوش
البنات البسن جلاتهن وهن يسمعن فهد وعمه محمد وعمه ابو نواف يدخلون من بعد راح عبدالله وابراهيم لدوانيه / احم احم السلام عليكم
الكل قام وسلم ويهتف له بالحمد على السلامه وسوال عن علومه و اخباره مهره فصخت جلالها وقامت بضيافة لهم بالقهوه والحلا

الجدة صيته بترحيب / يالله ان العقلة عليك خلاص
ما عاد بانت راجع الهند
فهد ياخذ الفنجال من يد مهره اللي مدته له وعيونه بالقوه تخطف شي من تفاصيلها وجود الناس حوله يخلي ماينظر لها رشف قهوه وهو يرد / لا ابشرك ماعاد انا براجع لهم باذن الله
محمد يبتسم بحزم / خلاص لاحد يطري لنا سفر من اليوم ورايح ماصدقنا وانتم ترجعون لنا باسلامه ويلتم شملنا

فهد سال بصوت رخيم وعيونه على فنجاله /شلون الدراسه معك يا شوق ؟
شوق ابتسمت انه تذكرها وردت بنعومه/ زينه الحمدلله ابشرك خذيت الشهاده بتقدير امتياز
فهد يهز راسه بذات النبره الرخيمه / ماشاءالله بالتوفيق ان شاءالله
فاطمه جتها الفرصه / عاد مدري بعدين وين يوظفونها بالمستشفى ولا بالجامعه ؟
فهد رد بسرعه حازمه / مستشفى لا ماعندنا بنات يدخلون اختلاط
محمد يكمل معه / اي بالله انك صادق
شوق ترد بهدو متقصد / انا تحت امرك يا ولد عمي انت وجدي بالي تبون
فهد اعجبه ردها /كفو كفو
محمد ابتسم بحسن نيه / اي بالله انها كفو جابت الشهادة الزينه
شوق ترد بارتياح ونصر/ هذا من فضل الله ثم من فضلكم

مهره طول حديثهم كانت شابه نار الغيرة والغيظ عندها ..واللي مركز فيها عمها ابو نواف وفاهم وساكت ولا علق بشي والجدة صيته تغير الموضوع لانها بعد ملاحظه الزعل على مهره/ خوياك جو معك ؟
فهد يرد وهو ينزل فنجاله على الطاولة / اي بالله جو ولا قصرو معي من بداية الشغل لين نهايتة
فاطمه بلقافه/ عاد المشروع كم طلع ؟

فهد رفع حاجبه مطنش سوالها وهو يهتف بصوته الثقيل /عطوني محمد ولد ابراهيم بسلم عليه
الجدة صيته تبتسم / اي بالله جيبو حمود خلي يسلم على الشيخ
انوار مدته لمهره بحترام /عطيه ابو عقاب

مهره حست بتوتر وهي تقوم تاخذه متجهه لفهد وكانها متجهه للقصاص صارت بموقف محرج والعيون كلها عليها…مدت الطفل له وهو فتح كفه لها وحطته بين كفوفه وفهد مسك كفها من تحت الطفل بتعمد وشد عليها بقوه وكانه يعبر عن الوله اللي فيه
مهره انتفضت بارتباك مبتعده عنه وجلست مكانها وهي تسمع صوت فهد اللي يهتف بذكر الله و يبوس خده / ماشاءالله تبارك الله

محمد يبتسم / يشبه ابوه
ابو نواف ينحنى لطفل اللي بين يدين فهد
و يضحك / يشبهك انت يا سميه
الجدة صيته تبتسم /كان طلع زي محمد ماعليه خوف
فهد يطالع بملامحه بصمت ولاول مره يشيل طفل بين يديه وهو يشعر بشي غريب بلهفه او بوجع مايدري وشو هو بضبط و رجع باسه مع خده مره ثانيه
وثالثه/ يارب تحفظه لهله

مهره طارت عيونها بحقد وغيرة من هالطفل اللي بين احضانه و انفاسها تعلى وتنزل بقهر وهي متاكده
ان فهد عمره كله ماباس خد احد الا خدها هي وبس والحين يجي بزر ياخذ بوسه ماهي له هي احق فيها؟…

فاطمه بنغزى / عسى الله يعطينا طولة العمر ونشوف عيالك يابو عقاب

محمد كح بحرج شديد من كلمتها وهي تقول يعطينا طولة عمر نشوف عيالك بالمقصد (ان عيالك توهم بس عسى نلحق عليهم قبل نموت )

فهد فهم عليها ولاكنه سفها احترام لعمه اللي حمر وجه بحرج وهو ينحني على يمينه و يدخل يده بالخباه اللي باليسار ويطلع منها ظرف ويحطه على صدر الطفل / هاذي هديتك يا عمك وتستاهل اكثر
محمد انتفض حالف / والله ما..
فهد بمقاطعه / والله ماتكلم هاذي له ماهو لك
محمد بحرج / يا عمك ماقصرت تممت له بحاشي من غير المبلغ اللي عطيته ابراهيم خيرك سابق
ابو نواف يرد بمودة / ابو عقاب كريم وابراهيم وولده يستاهلون

الجدة صيته كانت صامته و هي توعد بفاطمه على كلامها /….
فهد يهتف بامر ثابت / عطو الولد امه
مهره كانت بتقوم بس شوق قامت اسرع وراحت تمشي وهي متلثمه بجلالها اقتربت ومدت
يدها /عطنيه عنك ياولد عمي

فهد كان لاف يكلم عمه محمد ولا انتبه لوجودها
الا من صوتها لف لها بصدمه من جرائتها وقربها وهي ماده يدها له تبي تاخذ الولد فهد رفع الولد لها
وهي اخذته وكانت خاطرها تلمس لو طرف اصبعه
بس خافت من ردت فعل فهد يمكن يشنقها
ويكفيها انها شافت ملامحه اللي اشتاقت لها من قرب وشمت ريحته اللي كانت تدوخها خذت الولد ورجعت مكانها وهي تبوسه / هدية ابو عقاب بيني وبينك

ام ماهر مصدومه من حركاتها و تطالع بنتها مهره اللي تهز رجلها بغضب و ماقدرت تحمل حقارت شوق وجرائتها هاذي بداية العاصفه وهو توه واصل
وهي ماصار لها الا يومين اجل كيف بتحمل الايام الجاية …؟

فهد ماعجبته حركاتها ولا كلامها وقام واقف وهو يهتف بندا متحكم / يلا يا عماني بنروح لدوانية
قامو عمانه معه وراحو وراه من بعد ما ستاذنو …

من طلعو والجدة صيته تهتف بصوت غاضب/ وش قصدك يا فاطمه من الله يعطيك العمر تشوفين ولد فهد هاه؟
فاطمه ارتبكت / ماقلت شي ياعمه ادعي له بس
الجدة صيته بصرامه / ماني ناقصه عقل عشان تضحكين علي يا فاطمه لسانك كان ما صنتيه
ما صانك
فاطمه تصد بغيظ وحسنا تغير الموضوع / مشاءالله الحين خلص مشروعه اللي بالهند
الجدة صيته تنهد وهي مازالت معصبه / اي خلص منه الله يخلص من العدوان
فاطمه صمتت ماتقدر ترد عليها /….

والجدة صيته كملت كلامها وهي تطالع شوق / وانتي يمال الكسر وش مقومك تاخذين الورع من الرجال ماتعرفين الحيا هاه ؟
شوق شوشت /جدة شفيك علي ماسويت شي غلط
الجدة صيته بحده /اص ولا كلمه الغلط راكبك من راسك لا ساسك انتي وجدتك

فاطمه قامت ودخلت جناحها ماهي متحمله تهزها اكثر قدام الجميع وحسنا هتفت بتهدئه /هدي عمرك ياعمه
الجدة صيته تطالع مهره اللي صامته واضح عليها الهم والغم وتصد بوجها بزفرة لشوق / عطي الولد امه الله لايعطيك خير
شوق تقوم بخوف تعطي انوار ولدها وتهمس
لها /امسكي ولدك لاتقوم علي تنتف رموشي
انوار اكتمت ضحتها وهي تاخذ ولدها بصمت/…
________________________

ابو صالح كان شاب حريقه من راسه لين ساسه وعاجز عن اطافئها وهو ينتظر صقر بقلة صبر / دقي عليه مره ثانيه
هدى ترد بخوف / يوبه دقيت هذا هو يقول جاي بطريق
ام صالح بتوتر / يارجال اهدا انا لو داريه انك بتعصب كذا كان ما علمتك
ابو صالح رد عليها بغضب / كيف ما تعلميني و ولدك يبي يذبح البنت واللي بطنها هذا مجرم كفانا الله شره
هدى برجا / تكفى يوبه تفاهمو بالهدو ترا صقر دمه حار
ابو صالح زفر بقهر / الله ينثر دمه
ام صالح انتفضت بجزع/ استغفر ربك يارجال
ابو صالح بزفرة اعمق / خايفتن عليه اللي مايخاف ربه؟

دخل صقر بشموخ وهو ينسف شماغه / شفيكم ؟
ابو صالح تركى على عصاته واقف و تقدم له بغضب
جازع / انت تصلي تصوم تعرف ربك ؟
صقر رد باستغراب / انت اللي ربيتني وتعرف اذا اعرف ربي ولالا ؟
ابو صالح بصرامه / واللي يعرف ربه ويخافه يذبح له نفس ؟
صقر قطب حواجبه وماهو فاهم شي / اي نفس اللي انا ذبحتها يابو صالح ؟؟
ابو صالح يمد اصبعه ماشر على صقر / بتذبح ولد ظهرك ؟

صقر لف على ورا وزفر باووووف معبره عن وجعه ورجع النظر لابوه بتسال / من قال لك ؟
ابو صالح يضغط كفه على عصاته وهو يعقد حواجبه الممتله بشيب / مالك باللي قال انت كيف تنزع خوف الله من قلبك وتخاطر بنت عمك البزر عشان بتنزل ولد بطنها؟!

صقر صر على اسنانه وكل عرق فيه نشف من
الغبنه /هي اللي قالت لك صح ؟؟
ابو صالح طنش سواله وهو يرد بتهديد صارم/ اسمع ياصقر والله والبيت اللي بناه الله كان مابعدت عن البنت وعن ضناها مايوقف معها بالمحكمه ضدك
الا انا يابوك
صقر انتفض بقهر حازم / بتوقفني بالمحكمه بعد هالعمر يابو صالح ولدك اللي رافع راسك بين القبايل توقفه عشان مره ؟؟

ابو صالح لمعت عيونه بدموع / المره بنت اخوي الوحيد ماتخلى عنها الا اذا دفنتني انت وخوانك تحت التراب
صقر اوجعه قلبه من دمعة ابوه واوجعه اكثر من طاري الدفن اقترب وحب راسه/ لا تقول كذا جعل يومي قبل يومك
ابو صالح اهتز باكي وهو يمسح دموعه بطرف شماغه
وهدى وامها بكو معه بصمت و صقر حضنه /لا يابو صالح طالبك ترا دموعك غاليه

ابو صالح يرد من بين دموعه / يوم شفت رفضك لاخوك سالم ماتبيه يروح للعقاب وقفت من وراك ورديته عشان ما يقهرك وانا عارف قهر الرجال شين والحين لا تقهرني يابوك على بنت اخوي

صقر حضنه بقوه حانيه / والله ويمين الله مايصير شين يقهرك واذا عشان الحمل والله ما تعرضها فيه
ابو صالح يرفع راسه بتسال / ليش ماتبي عيال انت مريض فيك شي ؟
صقر انتفض بتوتر / لالا يايوبه بس عشانها هي ابيها تكمل دراستها
ام صالح تقترب وهي تهتف بحنو / يامك هي ماعليها تدرس حالها من حال البنات
ابو صالح يهز راسه / حتى لو ماتبيه هي بزر ماتعرف مصلحت نفسها حرام تذبحون روح من غير ذنب

ام صالح بحسن نيه /الا هي تبيه امها تقول بس ضامتن نفسها وخايفتن احد يلمس بطنها البنت متمسكه بضناها
صقر رفع حاجبه / امها اللي داقه تشكي ؟
ابو صالح لف لام صالح ونحرها /انتي لسانك متبري منك؟
ام صالح بحرج / نسيت يا رجال
صقر تنهد بضيقه / يوبه انا وعدتك الحمل ما تعرضه بس مرتي برجعها بيتي

ابو صالح بحلف / والله ماترجع لين يثبت حملها
صقر فتح عيونه بغضب / يوبه ليش تحلف هذا شين يخصني ماحدن له دخل فيه
ابو صالح يرد بحزم / كان للي تقدير وحلفي مقدر عندك خل لين تدخل الشهر الثالث ويثبت حملها بعده رجعها
هدى بتدخل / هي لها شهر ونص اصبر انت شهر ونص عليها وبعدين هي صغيره ومحتاجة اهتمام

صقر سحب له نفس عميق وزفرة بقوه وهو يطلع مع الباب راكب سيارته و خذ جواله ورسل رساله لرقم ملاك وبعده رماه على المرتبه بقهر وحسره على حاله ماحدن قادر يفهمه ويفهم وش اللي فيه
ان صمت حطو الوم عليه وقالو عنه مجرم وقاتل؟!!
وان باح لهم قتل نفسه من الحسرة والقهر…..
_____________________________

الساعة 11 ليلاً …

نهيل واقفه تترجاء بملاك تاكل لها لقمه / يابنتي اكلي لو بالغصب اذا ماهو عشانك عشان ضنينك
ملاك كانت متمدده على الاريكه اعتدلت جالسه بتعب / بحاول يومه بحاول
نهيل تقرب لها الاكل/ اي يامك حاولي هذي روح بذمتك
ملاك مدت يدها وهي تاكل بهدو/…
نهيل تجلس بجوارها / ترا قلت لحصه بكرا توديك لدكتورة نساء شاطرة كانت هي تراجع عندها و ابيك تفتحين ملف وتراجعين انتي بعد
ملاك تهز راسها برضا وعينها بكلها/ ان شاءالله
نهيل تمسح على ظهرها بحنو / كلها شهرين واخلص الحداد وانا ارجع فيك يامك

ملاك تنهد بحزن / يومه كيف بدرس وانا حامل ؟
نهيل تحس ما بداخل بنتها بس ترد بتحكم/ يامك عادي حالك حال اي بنت تحمل ليش مافي بنات بثانوي يحملن ؟
ملاك تطالعها/ الا في كثير بس انا ابي اهتم بدراستي كذا اتعب وخاف ينزل مستواي
نهيل تاشر على الاكل / الحين اكلي ولا تشيلين هم شي

ملاك كملت اكلها و نهيل تطالع فيها و قلبها يتقطع
على قعدتها اللي بعينها مازالت طفلة ...
كيف يابنتي بتصبرين على الوحام و غثاه
وكيف يا بنتي بتصبرين على ثقل الجنين وحركته
و كيف يا بنتي بتصبرين على الطلوق والالم
وكيف بتربين لك بزر وانتي بكبرك بزر ؟…
(الله يقدرني على تنفيذ طلبات وحامك
وعلى مجاورتك بولادتك وعلى تربية ضناك معك )،

ملاك وقفت اكل وهي تقوم و نهيل تناظر بصحنها وتهتف بحزم / يامك ماكلتي شي ؟
ملاك تتجه المغسلة/ يومه زين اكلت
تنهد نهيل بضيقه وهي تنادي /امل يا امل
ملاك رجعت وهي تنشف يديها بمناديل ورقيه/ امل بالغرفة تعيد ترتيب كبتها و كبتي
نهيل تقوم /كنت ابيها تشيل الصحون
ملاك تقدمت /يومه خليهن انا اشيلهن
نهيل تاشر لها بحلف / لاوالله ما تلمسين شي يكفي تشيلين اللي بين احشاك
ملاك جلست على الاريكه /الله هداك يومه ليش الحلف وبعدين ترا ماحس بشي للحين
نهيل تشيل الصحون وهي تروح للمطبخ /توك يامك باقي لك شهور قدام الله يساعدك

ملاك تنهدت وهي تلفت تدور على جوالها شافته
و في اشعارات رساله واتس من صقر …
دق قلبها بقوه صارت تخاف حتى من طاريه حطت كفها على بطنها وكانها تطمن جنينها و بكفها الثاني فتحت الرساله فكانت صدمه ؟؟….
( اسمعي يا ملاك انا بخليك عند اهلك لين يثبت حملك اللي انتي متمسكه فيه لاكن حطي بالك
بالاخير انتي اللي بتندمين وتمنين انك فقدتي هالطفل قبل حتى لا تشوفينه في اشياء انتي تجهلينها بس انا افهم منك فيها لاكن بكيفك شدي تمسك فيه مردك بتعضين اصابع الندم )

ملاك طارت عيونها من الصدمه وماهي فاهمه من كلامه شي الا انه يهدد هذا اللي جا بالها( معقوله يفكر يذبح ولده حتى من بعد ما اجيبه هذا اكيد مجنون هاذي مستحيل تكون افكار انسان عاقل مستحيل)

جت نهيل وهي تبتسم / ابشرك تو كلمتني عمتك وتقول ان عمك واقف معك وحلف على صقر مايقرب منك لين يثبت حملك تطمني يامك
ملاك تطالع امها بصمت وهي تشعر برعب/…
نهيل اقتربت لها باستغراب/ يامك شفيك المفروض ترتاحين عمك وراك وصقر مايقدر يسوي شي وابوه موجود
ملاك تهز راسها بمسايرة وهي مازالت مصدومه وغير مستوعبه كلامه / الحمدلله الله يخلي للي
______________________________

الساعة 11 ليلاً بجناح فهد ….

مهره تدور بالجناح رايحه جايه وهي مازالت مشتعله والنار اللي فيها ماطفت من العصر من سواله
و اهتمامه بشوق ولا يقول لها (كفو )بعد..
(وحري حراه من يمسكني رقبتك يا فهد والله لامصعها لك وبعد تحبحب البزر مع خدوده وانا توقعتك ماداني شوفت البزران واكيد لامست كفوفك كفوف شوق وانت تمده لها ؟..)

مهره حطت يديها على راسها ضاغطه عليه بقوه
من الافكار السلبيه اللي تسربت بعقلها…
وهي لابسه و متأنقه اللي صار واللي تفكر فيه مامنعها عن التزبط كانت لابسه قميص نوم دانتيل يوصل طوله لا فوق الركبه عاري اليدين بالون البيج متناسق لونه مع لون شعرها البني اللي فارقته مع النص و فاتحته براحه على ورا بحركه جذابه …

انفتح الباب ودخل فهد بطوله الثابت و بهيبة المعتاده
وهو ناسف شماغه بترتيب وبين اصابع يده سبحته الفضيه ..وعيونه ركزت عليها مشتاق لها اشتياق بحدود السموات و الارض ..هالمره غاب شهر وشوي عنها ماصدق ينتهى من مشروعه يبي بس يرجع لها كل شي قادر على فرقاه حتى القبيله واللي فيها الا هي عاجز يصبر عن حضنها وريحتها …

اقترب لها وهي واقفه بثبات تناظر فيه انحنى وباس خدها / يمسيك بالخير
مهره ردت بذات الثبات /يمسيك بالنور
فهد ما استغرب نظارتها و ثابتها كان واثق انها بتسوي مناحه على وجود شوق اليوم بينهم لذالك تجاوزها وجلس على الاريكه وهو ياشر بيده /تعالي اجلسي يمي
مهره استجابت وجلست جواره بصمت/….

فهد لف لها وعيونه تتبع كل شي له و حلاله فيها
كان بود وده يسحبها ويدفنها بين ضلوعه معبر
لها عن شعوره بالوله والحب والغلا ولاكنه مافعل وهو يسال بتحكم /شلونك ؟
مهره تفرك اصابعها ببعض وهي تناظر فيه / زينه

فهد حس بدغدغة من نظراتها ما ينكر انه اشتاق لغيرتها الذيذه وهو يمد ذراعه و يحضن كتوفها ويسحبها له / تعالي للحضن اللي اشتاق لحضنك
مهره ادفنت وجها بصدره وهي تندفع بصوت
ضايق / اي واضح مشتاق للي واكبر دليل ماسالت عن اخباري همك اخبار غيري ولا بعد جالس تبوس بالبزر

فهد طارت عيونه بصدمه من اندفاعها السريع والاكثر صدمه بوسة البزر وش هالتفكير وهو يرفع وجها من صدره ويطالع فيها / انتي تكلمين من عقلك ولا تمزحين ؟
مهره غارت عيونها بالدموع / ايه اتكلم من عقلي انت شايفني جماد ماحس ماعندي مشاعر
فهد زم شفايفه بنرفزة وهو يرد بحزم / اخبارك اسال عنها هنيه بجناحها وبينا ماهو قدام الناس هذا اول شي والبزر اذا بوسته وش صار يعني ؟
مهره تقوم واقفه بغيظ/ ماصار شي بس بكرا لا جبته قدام عيونك وجلست ابوس فيه لا تزعل

فهد وقف هو بعد وسحب حنكها بكفه ويقدم وجها
له /انتي وش تبين هاه هذا استقبال تستقبلين في رجلك المسافر له شهر ونص؟؟
مهره شاحت بوجها وهي تنفجر بالبكا / ماحد يحس فيني ماحد
فهد بتافف / اوف لاحول ولاقوة الا بالله
مهره تشاهق و كفوفها على وجها / خلاص روح اسال بنت عمك عن اخبارها وعن دراستها اللي عاجبتك وانا فصلتني عنها
فهد سحب كفوفها بين كفوفه / يابنت اعقلي واتركي خبالك اللي مايخلص تراك جبتي للي النفسيه
مهره شوشت فيه /انا جبت لك النفسيه ؟
فهد يرد بغضب / اي نفستي فيني من هالغيرة الزايدة اللي عندك حتى البزر ماسلم منها

مهره زادت شهقاتها وهي تبتعد منه رايحه لسرير ودخلت فيه …فهد سحب له نفس طويل وبعده زفرة بشده وهو يروح ياخذ له شاور ولبس بجامته و اقترب لسرير حاس انه متعب يبي يرتاح تمدد وعطاها ظهره ماهو فاضي لحنتها يدري لو تقدم لها وكلمها تبي تسوي له دراما وهو بغنى عنها …
_________________________

صقر رجع من الدوام دخل جناحه وهو كارهن كل زوايه من زواياه من بعدها كانت ماليه عليه الجناح و الحياة كامله ما انبسط معها الا شهرين بس وطارت من عنده بغمضت عين …

راح اخذ له شاور بدل ملابسه وهو يتمدد على السرير ويفتح جواله يبي يراسلها و يكلمها اقل شي يصبر نفسه لو بصوتها ويطمن عليها ولاكنه قفز جالس بصدمه
وهو يشوفها حاطه لك بلوك بالواتس من بعد اخر رساله دق عليها اتصال والصدمه الثانيه كانت بلوك؟

رمى جواله على السرير بقهر /هذي وش تبي تسوي فيني بعد ما راح تفهمني ولا راح تفهم حبي لها الظاهر اني زودت جرعت الدلع عليها وهي ماتستاهل؟!

ما عذب صقر بحياته كثرها يبيها و يرجيها ولا هي داريه عن هوا داره حتى كلمة (احبك )عمره ماسمعها منها وهو بالفتره الاخيرة غرقها بالحب و لاحضان
و الحنان كل شي سواه لها و كل شي تطلبه كان يقول تم وعلى هالخشم الظاهر انه صدق دلعها كثير وكبر راسها وشافت نفسها عليه …بس وش يسوي كل مايقول بقوا قدامها واتعامل معها بحزم من يشوف وجها ولا زولها يضعف وينسى اللي قاله ..الله يصبرك
يا صقر على الايام الجايه و صدماتها وعلى طفل ما انت عارف مستقبله المجهول اللي ينتظره …؟؟؟
__________________________

يوم جديد …الساعه 10 صباحاً

نهيل ترحب /يالله تحيي وخيتي ام عادل ولدي عادل
يا هلا ومسهلا
عادل يبتسم /الله يبقيك يا خاله
ام عادل ترد بموده / الله يبارك فيك يا ام مازن
نهيل بعتاب / يا دافع مابغيتي تجيني يا وخيتك وانتي تعرفين اني بحداد وماقدر اطلع واجيك
حصه تضحك / لا وزيدك من الشعر بيت مابغت تجي اليوم بعد غير ما سحبتها انا وعادل
ام عادل ترد بتعب / والله يا وخيتك اني اتعب حتى بيتي ماطلع منه

عادل يرشف من فنجاله / والله اني ازريت عنها يا خاله اقول اطلع غيري جو روحي لخالي ابو بندر ولا لخالتي ام مازن بس هي تعيي
نهيل ترد بحنيه / لا تلومها يامك والله ان التعب يهد الواحد عن حيله
ام عادل بتسال / اهم شي انك بخير وبنياتك بخير
نهيل ترد بمحبه / اي بالله ابشرك بخير نحمد الله ونشكره
حصه تقوم تقهويهم /الا شلون ملاك مع الوحام؟
نهيل تنهدت بضيقه / والله انها تعبانه ماتاكل شي
ام عادل ترد بموده / لا تلومينها يا وخيتك الحمل اقشر وهي صغيرة ماهي قادره عليه
عادل بهتمام / الا صقر شلونه هو يجيكم؟
نهيل تبادلت النظرات هي وحصه وردت بهدو /لا والله ما جا الا مره هي وحما ولا تبي شوفه
ام عادل بحسن نيه/ اي الوحام تكره رجلها ياعزتي لصقر بس من فرقى ملاك

عادل انحرج وهو يقوم /انا استاذن تبون شي
حصه تهتف بهتمام / ترا نحسب حسابك معنا بالغدا
عادل يهز راسه / ان شاءالله مازن مكلمني
نهيل بموده / اي يامك تعال انت ومازن تغدو معنا
عادل يتجه الباب /على خير شوفي للي طريق يا حصه
حصه راحت قدامه/ اطلع مافي احد

عادل باس خدها قبل يطلع وهي ابتسمت له بموده
و من طلع نادت /بنات تعالو عادل مشى
جت امل هي وملاك تهتف بطولة لسان/ مابغى يروح كان سويتي له فراش ينام مره وحده
حصه طارت عيونها /بسم الله ماصار له نص ساعه اصلاً يا مطيوره ؟
ملاك تجاوزها / اقول ابعدي بس وين ايود باكله
امل تضحكً/ ليش وحامك جا على ولد عادل ؟
حصه بثقه / والله من سعد حضها لو توحمت عليه

دخلت ملاك وامل سلمو على خالتهم يتبادلو السوال عن الاخبار والاحوال وبعده خذت اياد وتلعب عليه
كانت موقفته بحضنها و رافعته من تحت كفوفه وتبوس فيه وهو يضحك

ام عادل هتفت بزفرة / يابنت نزليه عنك لا تشيلين الورع
ملاك باستغراب /ليش ياخاله ماشيله ؟؟
ام عادل بخوف / ثقيل يوجعك لا يرفس بطنك يذبح جنينك
نهيل تهتف لامل برعب / امل اخذيه عنها بسرعه والله مانتبهت الله يستر
امل خذته وملاك صمتت /…
ام عادل بحرص / خليك نبيه يا نهيل البنت صغيرة ماهي فاهمه شي
نهيل تهز راسها /باذن الله
حصه تطالع ملاك وهي تبتسم / ترا جبت اللي وصيتيني فيه
ملاك ردت بشفقان / وينه طيب ؟
حصه تلف وراها وتجيب الكيس /هاه اشبعي منه
نهيل تقطب حواجبها / وش هو هذا ؟

حصه تطالع الكيس اللي بيد ملاك / هذا ايسكريم من باسكن روبنز هي وصتني فيه
نهيل تطالع ملاك بعتاب /توحمين على شي ولا تعلميني
ملاك تفتح الايسكريم /اي وحام يومه اشتهيته بس
ام عادل تبتسم / وانتي وش عرفك بالوحام يامك
ملاك تاكل بصمت /…
وامل تاخذ واحد / عطيني باكل معك
ملاك تسحبه بطفولة /جيبيه هذا كله للي
امل طارت عيونها / بتاكلين علبتين كبار جنيتي انتي ؟؟
ملاك تهز راسها بايه وفمها مليان ايسكريم / اي باكله كله
حصه تضحك / ياخبله عطيها انا اجيب لك بكرا معي بعد

نهيل بامومه /هو بكم كرتونه
حصه باستغراب /وشو ؟
نهيل تاشر على الايسكريم /هذا بجيب لها كرتون
بناتها انفجرو بضحك/ههههههه
نهيل تطالع ام عادل بتسال / علامهم هو انا قلت شين يضحك ؟
ام عادل ترفع كتوفها /انا ادري عن بناتك
ملاك من كثر ماضحكت شرقت /كح مح
نهيل توقف بخوف /بسم الله عليك
حصه تاشر لها /عطي امل من نفسها فيك
ملاك ترمي على امل واحد /ابلعيه وفكيني من نفسك
نهيل تعطيها مويا /اشربي يامك
امل تاخذه وتاكل وهي تبتسم / سلامتك ياروح اختك
____________________________

بجناح الجدة صيته ….

مهره كانت حزينه على فراق امها اللي رجعت اليوم لبيتها وهي تهتف لجدتها بفقد/ والله احس اني عايشه بخلا من بعدها
الجدة صيته تطالعها بحنان / يامك لا تضايقين متى
ما اشتقتي لها ترحين لبيتها ولا ادق عليها تجي هي عندك
مهره تهز راسها بصمت والعبرة تخنقها/….

دخلت شوق وهي شايلة صينيه الشاي/سلام
الجدة صيته ومهره ردو عليها /عليكم السلام
شوق تحط الصينيه على الطاولة / سويت لك ياجدة شاي نعناع خابرتك تحبينه من يدي
الجدة صيته تبتسم / تسلم يدينك يامك

شوق تصب بلكاسات شاي ومهره تناظر فيها بقهر ودها تقوم تصبه فوق راسها وكل همها فهد هذا وقت رجعته من الديوان بعد صلاة الظهر ماتبيه يجي يواجه شوق ولا تبيها تشوفه وتولع غيرتها اللي فيها مكفيها

شوق تمد لجدتها الكاسه /تقوي جعله مايتقهوا غيرك
الجدة صيته تبتسم وهي تهز راسها/ ماقصرتي
شوق مدت لمهره كاسة من غير نفس/تقهوي
مهره سلهمت برموشها وهي تصد /مابي اشربيها انتي
شوق طالعت بجدتها / شفتي ترد كاستي ؟
الجدة صيته بحمية / يمكن ماتبي يامك ماهو غصب
شوق تاخذ الكاسه وتجلس على الاريكه وهي تغلي
من حركة مهره اللي بردت قلبها المشتعل من امس
الجدة صيته تغير الموضوع/ امك وجدتك وينهن ؟
شوق تطالع جدتها /جدتي بيت خالي ابراهيم وامي ترتب جناحها مع الخدم

طق الباب وجاهم صوته المثقل برجولة /احم احم
الجدة صيته تطالع بشوق اللي لبست جلالها وتلثمت وهي ترد /ادخل يا ابو عقاب
دخل فهد ومن شاف شوق متواجدة تضايق الحين وش يريح راسه من حنت مهره تقدم وهتف
بالسلام /سلام عليكم
الكل رد /عليكم السلام
فهد جلس بجوار جدته وسالها عن حالها / شلونك اليوم ؟
الجدة صيته تبتسم / طيبه طاب حالك

شوق تقوم وهي تصب له كاسة من الشاي تحت انظار مهره اللي جنت جنونها / تقهو ياولد عمي شاي نعناع مسويته انا
فهد شافها مدت الكاسه ماحب يردها و يحرجها اخذها وهو يكلم جدته / ترا العشا اجلناه يومين عشان ابو انوار وابو عواد مسافرين شغل
رجعت شوق جالسه مكانها و الجدة صيته تطالع
فيه / يوه انا عزمت لحريم يوم الخميس
فهد يرجع ظهره متركي بارتياح / عادي ترسلين لهن
و تعلمينهن
الجدة صيته تهز راسها برضا / مثل ماتبي يامك

فهد يمسح شعر عارضه باطن كفه وعيونه تروح لمهره اللي جالسه مقابله له وصاده وجها لتلفزيون وتهز رجلها بغضب واضح .. و هو تنهد بضيقه من حالها هي و غيرتها ومن حال هاذي شوق اللي صايرة لزقه وين مايروح يلقاها قدامه الجدة صيته ترشف من كاستها بتسال / يامك عسى مشروعك اللي سافرت له زين ؟
فهد عقد حواجبه بتذكر /اي ذكرتيني
الجدة صيته بغرابه/ بوشو ؟
فهد يهتف بامر وعيونه على كاسة اللي بيده /مهره شوق خلوني مع جدتي شوي

مهره وقفت بستجابة و اتجهت لباب بس هدت مشيها بتسمع شوق اللي وقفت وهي تهتف
بتقصد / فهد اذا فضيت ابيك بموضوع يخص الجامعه
فهد يرد من غير لا ينظر فيها/خير ان شاءالله
من طلعن فهد لف لجدته وتكلم بحزم /يا ام عقاب انا رحت للهند عشان المشروع وكان هدفي ارجع بسته مليون ثمانيه مليون ان كثرت
الجدة صيته تبتسم بذكر الله /مشاءالله ماشاءالله
فهد يكمل كلامه بذات الحزم / لاكن من فضل الله علي رجعنا بعشرة مليون خلال شهرين ونص تقريباً
الجدة صيته زادت ابتسامتها /مشاءالله يالله لك الحمد والشكر الله يزيدك من خيره
فهد يناظر فيها / واللي معي كلن عطيته نصيبه حق اتعابه وابو رماح خذ ثنين مليون لانه كان القايم عليه

الجدة صيته تهز راسها بتفهم /مايخالف يامك حقهم
فهد مسك كفها بكفه بحنو بالغ / وزعت على كل مستحق و صفى للي يا ولدك سته مليون وذالك من فضل الله ثم من فضل دعاك
الجدة صيته لمعت عيونها / الحمدلله الفضل لله سبحانه
فهد شد على كفها / اسمعيني انا بعطيك مليون هاذي هديتن مني لك كانك تبينها كاش جتك كاش و كان تبينها بحسابك ودعتها بحسابك وكان تبين ارض فيها ولا شين بخاطرك ترا هذا حلالك وانتي حرتن فيه

الجدة صيته ردت بامومه صادقه / يامك مابقى بالعمر كثر اللي راح لو اخذته وش اسوي فيه انت احق هذا حلالك و اتعابك
فهد انتفض بجزع /لا تقولين كذا طالبك عسى يومي قبل يومك
الجدة صيته انتفضت بشده / لا حلفتك بالله تتفل من ثمك وتستغفر انت باول عمرك
فهد وقف وهو ينحنى حاب راسها /مابي العمر من بعد عمرك
الجدة صيته صمتت والعبرة تخنقها/…
فهد اتجه الباب / فلوسك معي فكري وش انتي تبين تحطين فيهن


فهد دخل جناحه شاف مهره متمدد على ظهرها بسرير وتناظر بالسقف وكانت تلبس قميص حرير بالون الازرق لازق على جسدها ومرتفع من عند السيقان وطالع جز منهن تقدم وهي اعتدلت جالسه وفهد اشر لها تنام /خليك نايمه
مهره ترد بحه / ماكنت نايمه اصلاً
فهد جلس بجوارها ونزل شماغه على الطاولة المجاوره له ويفتح ازارير ثوبه محرر جز من صدره وهتف بتسال / تغديتي ؟
مهره ترد وهي جالسه متربعه/ اي تغديت
فهد تمدد على جمبه موجه لها وهو ماد ذراعه / طيب تعالي نامي عندي
مهره بتردد / بس مافيني نوم
فهد سحب نفس لتهدئه /تعالي بكلمك

مهره استسلمت وتمدد بحضنه وهو لمها بذراعيه
على صدره وانحنى وباس انفها وخدها يمين وخدها يسار وذقنها وهي صامته فهد تكلم بخفوت / مهره انا بهدي لك مبلغ بمناسبة نجاح مشروعي لاكن المبلغ ترا ماهو قليل براسك شي معين اخذه لك مثل ارض بيت شين كذا
مهره ارمشت بعيونها /ارض بيت ليش كم البلغ ؟
فهد يسحب نفس وريحة عطرها تغمره / نص مليون
مهره شهقت وهي تكح /كح كح
فهد ضرب ضهرها بخفه /بسم الله عليك شفيك ؟
مهره مازالت مدهوشه /نص مليون عمري ما تخيلت راح املكها حتى ابوي ورثه ماوصل للمبلغ هذا

فهد شدد اختضانها يسحره فيها برائتها / كل حلالي ومالي لك وحقك انتي
مهره تذكرت وهي تهتف بحرج /فهد ترا اخذت من الخزنه مبلغ كبير يوم رحت
فهد بتفهم /فداك بس ممكن اعرف ليش اخذتيها ؟
مهره ترد بصدق / اربعة الاف اخذته للمعالجة والفين وصيت امي تجيب للي اغراض و خمس ميه شريت هدية لولد انوار
فهد هز راسه برضا / فداك واي شي تبينه من الخزانه خذيه تراك بحل هذا حلالك
مهره تنحنحت /ماتقصر
فهد طالع عيونها /بعدك زعلانه ؟
مهره تهز راسها بايه / زعلانه و كثير بعد

فهد تنهد بصبر /مهره ماهو كل خطاء يخطونه الناس تحطينه براسي
مهره ترد بغيظ / انت سالتها قدام الجميع وقلت لها كفو
فهد يرفع حاجبه / احترام لعمي ولازم اسال عن احوالها من بعد الدراسه
مهره بقلة اقتناع / مالي شغل ماتسال عنها ابد عندها خوان يسالون عنها
فهد يسايرها / طيب
مهره تكمل كلامها وعجبها تفهمه واستانست / والبزر لا شوفك تبوسه اذا مشتهي تبوس احد احم انا موجوده
فهد ابتسم بجاذبية / تامرين امر
مهره ابتسمت هي بعد و غمازتها تبين / تنادي للي وقوم معك تبوسني وترجع
فهد زادت ابتسامته / طيب وبعده
مهره ترفع كتوفها وهي تضحكً/ بس
فهد باسها بقوه مع غمازتها وبعده رفع يسال
بهمس/ كذا تبين ؟
مهره ترد بجرائه / لا اقوا

فهد راح بخرايطها وهو يبوسها بقوه بكل مكان
_________________________



تحياتي (شغف )