الله يسعد قلوبكم قد ما تسعدوني بدعواتكم لوالدي …
باذن الله مستمره لنهايه ووعدكم راح اكملها معكم .. اليله راح ينزل كذا بارت …انتظروني ❤

يسعد مساكم …تفضلوو هذي ثلاث بارتات لعيون كل من دعت لوالدي …❤..

~…
~…
~…




رواية ريح المطر
-/البارت الخامس والثمانون/-


رواية ريح المطر (للكاتبة شغف ..
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


كانو بالسياره متجهين للمطار صقر ومازن قدام
وفا وملاك ورا ..الحديث يدور بين مازن وصقر على الخفيف وفي بعض الحديث تشاركهم وفا فيه …
الا ملاك اللي كانت صامته بغيظ طول الطريق وماخفى صقر غيظها وحساسه فيها …

مازن تنحنح بحرج / كنا ناوين الامارات من السبوع اللي طاف بس ما الله كتب
صقر ماسك السكان بكفه وحده ولف لمازن ويرد عليه بثقل هادي /كل تخيره فيها خيره بس انت ماقالت للي من قبل؟!
مازن يحك ذقنه / كنت بقول لك بس انشغلت
صقر يلف وجه لطريق و يهز راسه بتجاوب / حصل خير

وفا بتدخل / صقر كم يوم بتجلسون ؟!
صقر يرد عليها وهو يشعر بضيقة من وجودهم ولاكنه يجامل / ثلاث ايام تقريباً بس ترا انا عندي شغل عمل ماراح اكون فاضي
مازن بارتباك /كيف يعني وين نروح حنا مانعرف شي ،؟
وفا ترقع كلامه / ماعليه نتمشى وهو لا فضى يطلع معنا صح صقر ؟!

صقر يهز راسه برضا من غير كلام وعيونه بالمراهء
على انعكاس صورة ملاك اللي كانت وراه ولافه وجها للقزازة وتنظر بالشوارع…
وصلو المطار وخلصو اجارات السفر وتوجهم لبوابة المغادرون….''بطائرة ركب مازن وفا مجاورين من الجه اليسار وصقر وملاك مجاورين من الجه اليمين

مازن كان يسولف هو وفا بخفوت
و صقر حنى راسه لملاك اللي من يمينه قريبه من النافذة و صامته همس لها بهتمام / كيفك وكيف ظهرك ؟!
ملاك ترد من غير نفس ومن غير لا تنظر فيه/زينه
صقر بعدم راحه /ماغيرت لجرحك المفروض قبل نمشي عشان ترتاحين مع السفر
ملاك ترفع كتوفها بجفا /عادي مو لازم تغيره اشتغل باللي اخذهم معك
صقر هتف بعتاب / انتي تعرفين انك انتي وصحتك اهم من العالم كله وماله داعي تدخلين ناس مالهم دخل بينا

ملاك تحط عينها بعينه/وانا ماطلع مكان الا هي معي كان قلت الي من اول عشان اجلس وختار راحة راسي
صقر تنهد بضيقة /انا ادري عنهم ما علمني اخوك الا قبل شوي يقول حاجز وجاهز وحتى فلوس معه ماهو محتاج شي
ملاك بتقصد /وانت طبعاً بتعطيهم فلوس لو احتاجو؟؟
صقر بحده /اي اكيد اعطيهم اختي ولد عمي ماني ماسك يدي من العطى

ملاك تصد بوجها عنه بصمت وصقر يتنهد بزفرة
_____________________________

فهد له يومين ساحب على مهره بالمره و يجي يسلم على جدته و يحصلها عندها بالجناح موجودة هي وامها و مابينه وبينها اي حوار وام ماهر والجدة صيته لاحظو نفوره بس توقعو ان السبب يكون من ذاكرة مهره الضعيفه وفهد مايبي يضغط عليها …
ولاكن مهره هي اللي فاهمه حركت فهد من بعد اخر موقف بينهم كابر راسه عليها ولا يبي يكلمها ولا يسمع منها وهي مقهوره من داخل كيف يبي ياخذ من غير لايعطي؟!

دخلت ام ابراهيم جناح الجدة صيته وبيدها عباتها/ انا بروح بيت ابراهيم تبين شي ياعمه ؟!
الجدة صيته تهز راسها بنفي/ سلامتك مريم معك؟!
ام ابراهيم تطالع با ام ماهر بنص عين/اي معي بتروح ويمكن نبات اليلة عندهم
الجدة صيته بموده/الله يحفظكم وحتى حسنا راحت بيت نوف تعبانه وتبي تبات عندها
ام ابراهيم بتقصد/ماعليه يا عمه مدام مهره وامها عندك ماحنا شايلين همك
ام ماهر بموده /اي والله لاتشيلون همها بعيونا ام عقاب
الجدة صيته بموده /سلمتن كلكن

طلعت ام ابراهيم ودخل فهد بعدها وهو يتسال/وين رايحه فاطمه وبنتها؟!
الجدة صيته ترشف من فنجالها / تقول بتسير على بيت ابراهيم وتبات عندهم اليله
فهد يقترب و ينحنى ويحب على راسها/شلونك انتي اليوم ؟!
الجدة صيته بامومه /انا طيبه بفضل الله تعالى
فهد يلف لام ماهر بهتمام/وين مهره ؟!
ام ماهر تاشر على حمام /بالحمام تحمم

فهد تنهد وهو يجلس /شلون صارت ؟
ام ماهر تقوم تصب له فنجال / ماعليها الحمدلله متحسنه كثير
الجدة صيته بخفوت/بس لا تضغطون عليها بشي لين ترتاح ونحاول نذكرها

فهد يتكي ظهره و عينه تلمح مهره طالعه من الحمام
و يرشف من فنجاله اللي مدته له ام ماهر ويرد
برود / ماله داعي تذكرونها بشي خلوها يا تذكر هي من نفسها ولا بلاها تذكرني ماهو مهم

ام ماهر والجدة صيته تبادلو النظرات باستغراب
ومهره طلعت وعلى راسها فوطه ومن سمعت اخر جمله قالها فهد وكانها صاعقة كهرباء نزلت عليها ونفضت جسدها برعب ولاكنها تقدمت بهدو وثبات
و جلست بصمت ..

فهد عيونه عليها من طلعت لين جلست
الجدة صيته تطالع فيها بتوجس / قهوي رجلك يا مهره
مهره تطالع بجدتها بتسال بارد /ومنهو رجلي ياجدة ؟!
فهد فز واقف بغضب وصرخ فيها بحده /ليش اللي قدامك ماهو مالي لك عينك تبين ابطها لك عشان تشوفين عدل !!
مهره مازالت جالسه وترد بذات برودها / انت ولد ولد عمتي ما انت برجلي ؟

فهد ماقدر يمسك نفسه وهو يتوجه لها ويسحبها مع معصمها ويهزها بقهر رجولي/واللي خلق النفس من النفس ان ما حشمتي نفسك و قصرتي لسانك لا قصه لك

مهره طاحت الفوطه من راسها وشعرها المبلول يتناثر على كتوفها من قو هزه لها و عيونها طايرة فيه برعب والجدة صيته زفرت عليه/ اترك البنت يا فهد تراها تعبانه لا تزيد عليها

فهد كان شاد على عضدها الناعم وماهو قادر يشيل يده منها..وعيونه تنتقل على شعرها المبلول وانفها المحمر وعيونها الناعسه اللي فاتحتها بوسع
و تكلم من بين اسنانه / مهره اتقي شري تراي رجال دمي حار ولا تحمل الكلام لامنك ولا من غيرك
مهره بصوت مبحوح /يدي يافهد كسرتها للي

فهد نزل عينه على عضدها العاري اللي حمر من شدت قبضته عليها ورجع عينه لعينها و ابعد يده بهدو وهو يتجه لباب ويطلع …

ومره جلست وانفجرت بالبكى ام ماهر جلست عندها وهي تمسح على ظهرها/يامك ليش البكى انتي زودتيها بالكلام معه
مهرت ترفع وجها لهم /كيف تبوني اذكره هو غصب غصب يا ناس افهمو ماعرفه ماعرفه
الجدة صيته تهديها/خلاص يامك لاتشيلين هم شي احنا معك وهو انا اكلمه يبعد عنك هالايام لين تهدين

ام ماهر بجدية /يامك افهمي لو فهد ماهو محرم لك ماكان خليناه يجي ويروح عليك كذا حنا ناس صايمين مصلين نعرف الدين
مهره انتفضت بحرج /يومه ادري والله ادري لو ما انا حلال عليه ما تخلونه يشوفني انا مقتنعه بكلامكم بس ماقدر اقدم نفسي له من غير لا لعرفه؟
الجدة صيته تهز راسها باقتناع /صادقه لازم تعرفينه عشان ترتاحين من داخل والاهم انك مصدقتنا وعارفه اننا ما نكذب عليك
__________________________

من نزلت الطائرة بارض الامارات…
عند باب المطار كانت واقفه سيارة رنج روفر مستاجرها صقر ركبوها من بعد ماخذو حقائبهم
و صقر يسوق ومازن بجواره وملاك وفا وراء..

مازن يطالع المناظر مع القزاز / ياولد الامارات عجيبه ماشاءالله
صقر يلف ويطالع بالمناظر و يرد بثقة/هاذي دبي
مازن بتسال/ وانت شغلك هنيه بدبي ؟!
صقر يهز راسها وعيونه على الطريق/ اي هنيه اطلع الصباح ارجع العصر
مازن تنهد /الله يعينك عزالله ما تمشيت
وفا تدخل بالموضوع /بالعكس حلات الطلعات من المغرب وبعد مايرجع ويرتاح

صقر لف لمازن بحزم/ ترا حجزت لكم بنفس الفندق اللي حنا حاجزين
مازن برفض /لابالله احنا معنا فلوسنا ونحجز ماتقصر يابو مطلق تكلفت فينا بجورجيا هنيه لا والله
صقر شعر بضيقة من ذكرى جورجيا وهو يهتف بحزم اعمق /اقول انا قد حجزت وانتهيت فلوسكم خلوها لكم تمشيه اما السكن مدفوع وخالص
مازن بموده/الله يجزاك خير ياولد عمي ولا يخلينا منك ومن عطاياك

ملاك كحت بتقصد والكل لف يمها وصقر هتف بهتمام/فيك شي ؟!
ملاك ترد بخبث / لا بس حسيت بعصار لفحني
صقر رفع حاجبه و ماهو فاهم شي ؟!..
وفا زفرت بغيظ وهي فاهمتها/ والعصار لفحك بروحك ما لفحنا معك ؟!
ملاك تضحك بخبث اعمق/ العصار ما يلفح عصار
صقر لف لها بنظرة قارصه ومازن غير الموضوع بطريقة مرحه / انا اسمع ان دبي فيها صالة تزلج بروح اتدحدر فيها

صقر ابتسم / ياولد لا تكسر ماني فاضي لك عندي اشغال اهم منك
مازن لف له بحماس/ الوقت بدري نبي لنا مكان نتكي فيه شرايك ؟!
وفا بحماس اعمق /اي والله الساعه ماجت 9 بدري
ملاك تهتف بارهاق / انا تعبانه ابي الفندق برتاح
صقر لف لها بحنيه / ظهرك يوجعك؟!
ملاك تهتف بصوت متعب صدق/ شوي يوجع

مازن كان اكثر واحد فاهمها / مدام قالت لك شوي يوجع اعرف انه بالحيل بس هي ماتعترف بالوجع
صقر يطالع ملاك بنظرة خاصه/ صدق كلام مازن
يا ملاك ؟
ملاك تشعر بخجل من نظراته وهي تغير الموضوع بتوتر/ المهم ابي الفندق وبس
صقر يهز راسه برضا/حاظرين نروح الفندق

وفا تهز رجلها بغيظ لين وصلو والكل راح جناحة
يبي يرتاح واتفاقهم الساعه 12 يطلعون يتعشون
_______________________________

الساعه 12 ليلاً بالسعوديه

دخل فهد البيت وهو يشعر بنعاس ولاكن قاوم النوم
و التجه لداخل يبي يطمن على الاحوال
شاف ماهر طالع من المطبخ وهو يبتسم /هلا ابو عقاب
فهد بهتمام /هلا ماهر وش عندك صاحي للحزة ماوراك مدرسة بكرا ؟
ماهر يرد بحترام / الا عندي بس تو خلصت لعب سوني انا ونواف ونبي ننام
فهد يهز راسه برضا/ يلا طيب روح نام ورتاح

ماهر كان بيروح بس وقفه الصوت العذب /ماهر
لف ماهر لباب المطبخ /هلا مهره
مهره كانت طالعه من المطبخ وبيدها كاس عصير توترت وهي تشوف فهد واقف يطالع فيها وتمد الكاس لماهر /تفضل ذا العصير اللي طلبت
ماهر ياخذ العصير وهو يقترب ويطبع بوسه على خدها /مشكورة

فهد غصبن عنه شعر بغضب و بغيرة وكان احد تعدى على ممتلكاته من حركت ماهر البريئه وهو يقترب ويشده مع جيبه /لا شوفك مسوي الحركه هاذي مره ثاني اقطع لك راسك تفهم؟!
مهره مسكت معصم فهد تحاول تبعده من جيب ماهر اللي انتفض بخوف ورد برجفه/ بس انا ماسويتها الا مع اختي
فهد ما استجاب لمهره اللي تسحب معصبه وهو يهتف بصرامه بالغه / انت الحين رجال والحركه هاذي عيب لو كانت مع اختك وهالمره بمشيها لك بس المره الثانيه ترا ماحدن يفكك مني

ابعد يده من ماهر وهو يشوفه يركض متجه لغرفته هو وامه اللي جهزتها لهم الجدة صيته بكمال
مهره من ابعد ماهر شالت يدها من معصب فهد ولفت له بغضب /انت كيف تسوي فيه كذا اخت واخوها وش عليك فينا؟!
فهد اقترب لها بنظرة غاضبه/ انتي بذات اص ولا كلمه لان كل اللي يصير من تحت راسك

مهره رجعت على ورا و حطت عينها بعينه بتهديد حازم / اسمع يافهد انا لو سكت عن نفسي مستحيل اسكت عن ماهر قسم بالله لو مديت يدك مره ثانيه عليه ماعاد تشوف رقعت وجهي و حتى لو اضطريت اطلع من الديرة كلها

فهد زاد غصبه و نفاسه تطاير وهو يسحبها للمطبخ ويسكر الباب وراها ويقفله بالمفتاح ويلزق ظهرها عليه ويصرخ بوجها بغضب ملتهب / تهدديني انا يا مهره كانك نسيتي فعل فهد وش يقدر يسوي ؟!

مهره تعالت دقات قلبها بخوف وهي تشوف صدر فهد يرتفع وينزل وعيونه تقدح بالشرار وانفاسه الحاره الملتهبه حرق وجها كامل هتفت بهدو / فهد ابعد مني ترا راسي ماهو قادر يتحمل منك اكثر

عرفت كيف تمتص غضبه وتستغل خوفه عليها
فهد انحنى وهمس عند اذونها / اتعبتي للي قلبي يا بنت

مهره هتفت برجا هامس / فهد تكفى الا ماهر الا ماهر
فهد رفع عينه وحطها بعينها / تبين اخوك وخايفه عليه علميه لا شوفه مقرب لك والله لاذبحه
مهره بغيظ/ بس ماهر صغير وخوي يافهد اخوي
فهد لزق جسده بجسدها حتى شعرت انه دخل داخل ضلوعها و مازال يهمس/اخوك ماهو اخوك مايهمني اللي يهمني ماحد يقرب لك غيري

مهره انحرجت من حركاته وهي تحاول تبعد منه بس ماهي قادره لانه مثبتها على الباب /فهد مكانا ماهو مناسب لنقاش ممكن تبعد لاحد يجي للمطبخ ويشوف الباب مقفل
فهد يرفع كتوفه برود / ماهمني خلي يجون ويشوفون وش حنا مسوين حرمتي حظرت جنابها ماهي متنازله ترجع للجناحها وناسيه زوجها بس مانست افعاله ؟!
مهره تكح بحرج / كح فهد خلني براحتي لين اهدا ورجع لك من نفسي
فهد يبعد منها / طيب يا مهره بشوف اخرتها معك

فتح الباب و طلع لجناحه حتى من غير لايمر على جدته لانه يشعر بالضعف الجسدي الفعلي وماهو
قادر يواجه احد…،!
_____________________________


من دخلو الجناح ملاك نزلت عباتها وهي لابسه بنطلون ابيض وتيشيرت حرير علاق بالون الزهري
و ترفع التشيرت من ظهرها كانها تلفح عليه هوا
صقر اقترب لها من ورا و سحب التشيرت ورماه بالارض وهو يامرها بهدو / نامي على بطنك بغير لجرحك
ملاك تلف له بحده/ كيف تنزل لبسي من غير شوري ؟!
صقر يبعد منها من غير رد وهو يجيب شنطته ويرجع لها بامر اعمق /نامي على السرير ما تسمعين انتي !!

ملاك استجابت له وهي فعلاً موجوعه من الم ظهرها
نامت على بطنها العاري وصقر اقترب لها وجلس على طرف السرير وفتح لاصقاتها و هي هتفت له برجا والم /شوي شوي الله يخليك يوجعني
صقر انحنى وباس ظهرها وهو يهتف بحنيه
بالغة / ياقلبي لانك جالسه طول الوقت اشدت اعصاب الجرح عندك

ملاك انتفضت من دفى شفايفه وهي ترد بهدو/ صقر بلاها هالحركات عالجني وخلاص
صقر يحط لها مرهم ويمسح على ظهرها ويرد
بخبث / مايصير علاج من غير دعم رومانسي
ملاك زفرت عليه /صقر
صقر ضحك وهو يلزق لزقات على الجرح /خلاص بسكت بس انتي لا تحركين خليك كذا متمدده لنص ساعه طيب
ملاك تمد يديها لقدام براحه /طيب

صقر يقوم وعيونه عليها كيف متمدده وظهرها عاري
و عضودها العاريه ممدده لقدام وقف يتفحصها لدقايق من غير شعور …
ملاك رفعت عينها له باستغراب /صقر شفيك ؟!
صقر تنهد بالم حاد /تدرين ياملاك وش يذبح النفس لا صارت محرومه والزاد قدامها
ملاك صمتت بارتباك/…
وصقر كمل بذات الالم / قسم بالله من ذاك اليلة بينا وانا عاجز عاجز عن مسيطرة نفسي و حاس ان اول كان اهون علي من الحين

ملاك اعتدلت جالسه /صقر شكلك نسيت الوعد بينا هذا وحنا ماصار لنا كم ساعه هنيه؟!
صقر زفر بقهر / ابك انا على وعدي معك بس مايصير اعبر افضفض
ملاك تنرفزت منه و كانت بتقوم واقفه لاكن صوت صقر خلاها ترجع جالسه/تمددي شوي مثل قبل عشان جرحك يطيب نبي نطلع نتعشى وانتي متحسنه

ملاك رجعت تمددت وهي تغطي جسدها كامل بالغطا وصقر ابتعد ياخذ له شاور ويغير ملابسه
من بعد ماخلص طلع وهو لاف الفوطه على جسده شافها على و ضعها وندا لها بهدو /قومي يلا بنطلع
ملاك ترد وهي متغطيه /روح انتم انا بنام
صقر برفض /لا تروحين معنا ولا رجعنا تنامين براحتك
ملاك بدلع /صقر تكفى والله انعس خلوني انام

صقر ابتسم بخبث وهو يتجه لسرير ويدخل معها بالغطى ويحضن ظهرها العاري بصدره العاري /خلاص ياروح صقر ننام كلنا مع بعض
ملاك انتفضت برعب وهي تلف وجها له / انت وش تسوي ولا بعد ماعليك ملابس صدق انك قليل ادب ؟؟

صقر شد احتضانها و شفايفه عند اذونها
ويهمس لها بشجن/وعذابي عذاباه بس
ملاك بتهديد/ صقر والله يان سويتها هالمره ماعاد للي رجعه لك لو سقت القبيله كامل عندي

صقر باس كتفها العاري / انا مكتوب علي الشقى والعذاب الرجال لاتزوج يرتاح وانا اتزوج عشان اتعذب
ملاك تزفر عليه /صقر بتبعد ولا ترا كلمت مازن يرجعني الحين لسعوديه وخل حركاتك تنفعك
صقر ابتسم نص ابتسامه/ والله طلعت جيت مازن وراها فايده و تهددين فيه بعد؟!
ملاك ابتسمت غصب / وش اسوي فيك مافي حل لك غير هذا
صقر يقوم بسرعه من السرير وهو فعلاً خايف من تهوراته / قومي يلا خلي نتعشا ونرجع
ملاك قامت متجه لحمام /حاظر
____________________________

فهد المحروم الثاني كان يفكر ويفكر وهو فعلاً فاقد صبره…وقوة شخصيته ما يتنازل ولا يصبر عن حقه ابداً ..قام يدور بالجناح يحاول يشتغل بشي عن التفكير فيها لاكنه ماقد ماقدر متربعه براسه ومحاصره تفكيره…

رن جواله اتجه وهو مستغرب من بيدق عليه هالحزة صدم وهو يشوف رقم دوامه على الشاشة جواله رد باستعجال/الو في شي
…….كيف مداهمه
…….متى ؟!
……..طيب طيب جاي
…….. لا جهزو كل شي انا دقايق وكون متواجد عندكم
………يلا سلام
سكر فهد الجوال و راح غرفة الملابس لبس بدلته اخذ مسدسه و اغراضه وطلع …


وصل لدوام وشاف الضباط والعسكر على توتر
فهد بتسال حازم /شصاير ؟!
الضابط عمر / مداهمه على مهربين من الدرجة الاولى با الجرايم
فهد يهز راسه بتسال اعمق/ طيب كل شي جاهز وش الخطه ؟!!
عمر بتجاوب معه / الخطة جاهزة و الكل جاهز
فهد سحب له نفس / طيب وين باقي العسكر؟!
عمر يهمس له بخفوت / يجون الحين بس انت افهم وانا اخوك خل الفزعات عنك ترا ماحدن نافعك هاذي خيانة دوله وعقوبتها كبيرة
فهد يحط كف يده على كتف عمر وهو يرد
بثقة / المكتوب مامنه مهروب وانا اخوك واللي اشوفه مظلوم و يستاهل الفزعة عزالله ماني ذاخر عنه شي

جا ندا امر بالضباط الاستعداد للمداهمة
والكل استجاب وهذا هو الان يحظرونها
بدت المداهمه وكان بينهم طلق بالاسلحه
والمهربين مجرمين مثل ماقال عمر ودفاعهم
با اسلحه حاول القبض عليهم ولاكن فشلو بكل التجهات والمهربين كانو اذكيا بتحركاتهم

فهد صرخ بغضب/لازم نتصرف هذول خطرين لازم نمسكم
عمر يرد بخوف/ مسلحين يافهد مانقدر اكثر من كذا مانقدر
فهد يصرخ على العسكر بامر / ابي مجموعه تجي وراي بسرعه
احمد برفض/لا مستحيل اخليك تخاطر بنفسك وبربعك
فهد باصرار / انا بنفذ المهمه اللي قلبه صلب يجي والله قلبه ضعيف يجلس مكانه

عمر بخوه /انا معك بخير ولا بشر
وبعض من العسكر / وحنا معك بخير ولا بشر
فهد يتجه لجهتهم ونص العسكر وراه
واحمد يتجه لجه الثانيه وراه نص العسكر

بدت المعركه بينهم وتم القبض على نص المهربين
والنص هرب بكل جهه ولاكن فهد ما استسلم و لحق له بمجموعه ومعه رجال العسكر / الحقوهم بسرعه

اتجه لهم وهو يقترب والعسكر معه لاكن الصدمه
كانت رميه برصاص تتجه لفهد وتنثر دمه الحار
بكل مكان
العسكر صرخو بخوف / الضابط فهد انصاب
الضابط فهد انصاب
الضابط فهد انصاب
______________________________


الساعه 12 ليلاً بتوقيت الامارات …

وقت العشاء مطعم فيلا بيتش على واجهة البحر
كانو على طاوله انيقة مليانه من كل الاصناف
مازن ياكل وهو يتلفت يمين ويسار/ ابك هذول علام حريمهم ما يتغطون مثل حريمنا ؟
صقر ضحك وهو يشرب من كاس العصير / اغلبهم اجانب بعدين هذي عادتهم وتقاليدهم الحجاب اهم شي

مازن مازال يتلفت/ ماعليهم حجاب ياولد مفرعات
وفا ترمي الشوكه على الطاوله بزفرة/ وانت وش عليك فيهم ان شاءالله مفصخات تقلب عيونك ليش ؟
مازن يطالع فيها باعتذار / ابك والله ماهو قصدي بس بتفرج على خلقة الله الغريبه
ملاك انفجرت بضحك / يبي يكحلها عماها
صقر يضحك هو بعد/ تعش تعش وانت ساكت احسن لك ولنا !!

مازن يطالع وفا اللي لفت بزعل وهو يتنحنح
بخفوت / يابنت انتي علامك بذمتي امزح خلاص من بكرا بشري للي نظرات سودا حتى باليل البسهن
وفا تطالع فيه / والنظارة تبي تسكر عيونك عاد !!
مازن يرفع كتوفه/ ماتدرين يمكن بس عاد لازم احد يقودني عشان ماطيح على وجهي

ملاك تهتف بخبث وتخطيط / عادي نستاجر لك وحده من المفرعات و تقودك معها
مازن يضحك /والله ماهي بشينه
وفا تطالع ملاك بغضب/ انتي تبين تغثيني عشان ترتاحين ؟
ملاك ترفع كتوفها برود / والله عاد افهميها مثل ماتبين
صقر تكلم بحده /اص انتي وياها لاسمع لكم نفس
وفا تنهد بقهر وعيونها على ملاك بحقد
وملاك تاكل وهي تشعر بسعادة من قهر وفا وغيرتها

من بعد ما خلصو العشا حاسب صقر وهو رافض محاولات مازن بدفع وبعده اتجه كل واحد لجناحه

من دخلو الجناح ملاك تنزل عباتها وتاخذ لها بجامه حرير بالون الاورنج وتاخذ لها شاور بارد من حرارة الجو وتلبس وتطلع شافت صقر لابس له شورت قطن سماوي ومن غير تيشيرت وعضلات صدره بارزة
و جالس على السرير وقدامه لاب توب واوراق

تقدمت وتمددت من الجه الثانيه وهي تهتف
بتسال/الساعه كم شغلك
صقر يرد عليها وعيونه على الاب توب / الساعه 9 صباحاً وارجع الساعه 3 العصر
ملاك بتافف /اوف كل هالوقت و جايبني تبي تحبسني بالفندق بروحي
صقر يجاوبها وهو مازال ينظر باوراقه بدقه / عادي بالنهار نامي و باليل نطلع نتمشى وبعدين مازن موجود لو احتجتي شي

ملاك تقطب حواجبها/ وانت كيف بتنام بالنهار شغل
و باليل تطلعنا؟؟'
صقر يرد برود /باليل نرجع قبل 2 عشان يمدي انام لو كم ساعه تكفى
ملاك بتسال بريئ/ عادي اطلع مع مازن الظهر لاصرت بشغلك ؟!
صقر لف لها بحده /لا طبعاً ماهو عادي ماتطلعين الا معي انا
ملاك بتطنز /لابالله اجل اجلس بروحي لين حظرت جنابك ترجع !!
صقر يعطيها نظرة /اي تجلسين لين حظرن جنابي ارجع واذا رجعت عوضتك و طلعتك كل مكان تبينه

ملاك تثاوب / طيب بنام سكر اليت
صقر يطفى الانوار الا الابجوره اللي عنده /كذا زين ؟
ملاك تهز راسها برضا/زين تصبح على خير
صقر تمدد نص تمدد /مافي بوسه شي قبل تنامين عشان اقدر اشتغل براحه
ملاك تعطيه ظهرها/ لا مافي وماهو بلازم تشتغل براحه
صقر يعتدل جالس وهو يبتسم /هين يا ملاكي ____________________________________


المستشفى كله ضباط وعسكر وحراسات والكل كان خايف عليه بصدق فهد له فزعات ومواقف كثيرة بين الرجال وبين ربعه وقبيلته وحتى اصحابه بالعمل …

الدكتور طلع والكل وقف بتسال/فهد وش صار عليه ؟؟؟
الدكتور يطمنهم /فهد بخير والاصابة جت بكتفه من اليسار و برحمه من الله ماجت للقلب الحمدلله واموره زينه
الكل استبشر /الحمدلله الحمدلله
عمر بتسال/نقدر نشوفه ؟
الدكتور ياشر لهم /تفضلو

دخلو زملائه وشافو فهد متمدد على السرير الابيض والابر بكفه والمغذي معلق فوقه من شافهم اعتدل جالس بهيبه وثقة رغم الالم اللي يشعر فيه
و ملامحه غامضه عن التعب وهو يهتف بتسال
مثقل/عسى تم القبض على الجميع ؟
عمر يهتف ببتسامه / اول شي الحمدلله على سلامتك وثاني شي ابشرك تم القبض على الجميع وهذا من فضل من الله ثم من شجاعتك وتقدمك للخطر

احمد يكمل معه / كنت مخاطر بنفسك وشوف كنت بتموت لولا رحمة الله تعالى معك
فهد تنهد براحه /ياولد انا بخير و اهم شي تم القبض عليهم
عمر يطمنه/تطمن كل شي مثل ماتبي واحسن بعد
احمد بجديه / المهم اهلك لازم يعرفون بصابتك ورسلت واحد من العسكر يبلغهم

فهد انتفض برفض /لا ليش ترسل لهم لو خليته الصباح لين انا اطلع
عمر يهديه / يارجال لازم يعرفون ويجون يشوفونك احسن من يجيهم العلم بكرا ويخافون
فهد تنهد وعينه على احمد/الله يهديك كان شاورت قبل
احمد يطبطب على كتفه / ماصار الا الخير
_____________________________

-/البارت السادس والثمانون/-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


الساعه 3 ليلاً بتوقيت دبي بجناح مازن وفا

النار شابه بينهم من رجعو للفندق و مازن حاول يراضيها ويكلمها بس مافي فايده وفا كانت غاضبه بالحيل ومازن تنهد بضيقة وهو يتجه لحمام ومن دخل رجع و طلع يبي ياخذ له فوطه عشان ياخذ له شاور

لاكن كانت الصدمه ان وفا تاخذ لها اقراص من الحبوب وتشرب وراهم مويا مازن تقدم وهو يسحب القراص من يدها وهي توترت و ترجع تسحبهم
منه/انت مجنون كيف تمد يدك كذا ؟
مازن بامر /جيبي الحبوب بشوف وش بضبط
وفا تحط يدها ورا ظهرها و تخبي القراص /وش تشوف فتامينات
مازن صرخ فيها/وفا جيبي احسن لك
وفا تصرخ عليه باحد/ واذا ما جبتها وش بتسوي؟!

مازن غضب منها وهو يتقدم ويسحبهم مع يدها ونصدم من الكتابة على الكرتون ورفع عينها لها بصدمه/موانع حمل ؟!
وفا ترفع حاجبها بغرور /اي موانع حمل لاني مافكر اجيب عيال بالوقت هذا
مازن ماقدر يمسك نفسه من وقحاتها وهو يرفع يده
و يصفعها مع خدها / يا حقيرة
وفا انتفضت بصدمه/تمد يدك علي يا مازن علي انا وفا بنت الشيخ مطلق تمدها علي هين والله لاروح لصقر وخليه يتفاهم معك
مازن يشوفها ابتعدت منه وهو يلحقها /وفا اوقفي وخلي نتفاهم بينا

وفا تلبس عباتها وتطلع من غير لا ترد عليه ومازن راح لشنطة ياخذ له لبس يغير الشورت اللي عليه عشان يلحقها

_____________________________


الساعه 2 ليلاً بتوقيت السعوديه
طق الباب بقوه وعنف
طق
طق
طق
الكل قام مفزوع من نومه من قوة الطق

و ابو ابراهيم يركض /الله يستر الله يستر
فتح الباب وكانت الصدمه عسكري /صبحك الله بالخير يابو ابراهيم
ابو ابراهيم بخوف /شفيه وش صاير
العسكري / الضابط فهد مصاب من مداهمه البارح والان هو بالمستشفى
ابو ابراهيم رجف /هو حي حي حلفتك بالله تقول للي الصدق ؟؟
العسكري بصدق / والله وانا اخوك ماعلم عنه الضباط امروني اجي وابلغكم و جيت قبل يطلع الدكتور من عنده
بو ابراهيم يهز راسه/الحين ابدل واجيكم

دخل ابو ابراهيم البيت شاف الكل مفجوع والجدة صيته تهتف بتسال و رجفه/ وش فيه يا محمد وش صاير ؟!
ابو ابراهيم تنهد بحزن / مافي الا الخير باذن الله بس بس
الجدة صيته بزفرة /بس وشو تكلم ؟!
ابو ابراهيم سحب له نفس ثم تكلم /فهد بالمستشفى مصاب يقولون من مداهمة البارح
مهره حطت كفوفها على وجها و لطمته و صرخت بعنف /يومه فهد فهد

والجدة صيته انهارت بالبكى /حفلتك بالله انه حي ولا ميت قل للي يامحمد لا تكذب على امك
ابو ابراهيم تنهد بحزن /والله مادري يامي يقولون بالمستشفى وهذا انا بروح له
الجدة صيته جلست بالارض وهي تبكي بقوه وبنحيب
ومهره طاحت بحضنها وهي تنحب معها
وام ماهر هي من تحاول تهديهم /اذكرو الله اذكرو الله ودعوله
ابو ابراهيم يكلم ام ماهر /انا بروح اصحي ابو نواف و اخذه معي وانتي الله الله بامي تكفين يا ام ماهر
ام ماهر تهز راسها وهي تبكي/لا توصي حريص

مهره تبكي بوجع وقهر قبل ساعات كان عندها
و شفقان عليها كيف يروح قبل ما طيبت له خاطرة
تبيه يرجع وهي مستعده تقدم له روحها لو يبيها ماهو بس جسدها بس يرجع فهد حبها الاول والاخير
فهد اول رجل عرفته بعد ابوها ..اول حضن حضنها بعد حضن ناصر ..اول انسان يدخل حياتها واخر انسان

_____________________________

بجناح صقر كان مازال على الاب توب يشتغل بمهنه وبتركيز ولا انتبه لمرور الوقت وكل همه الشغل اللي
هو جاي عشانه ينجزه مثل مايبي واحسن …

ملاك كانت مرهقه و رايحه بالنوم العميق …
صحاها صوت طق الباب بقوه بقوه لفت مرتاعه شافت صقر قام وياخذ التيشيرت اللي كانت مرميه على الاريكه ويلبسها ويتجه لباب ويفتحه
والصدمه كانت وفا تدخل وهي منهاره بالبكى…

صقر بتسال حازم /وفا شفيك مازن فيه شي تكلمي؟!
ملاك تقدمت وهي ترتدي روبها وتسال بخوف وكل تفكيرها باخوها / وفا وين مازن ؟!
وفا ماردت عليها و تحط عينها بعين صقر و تهتف له بفزعه / اختك ياصقر تنخاك
صقر انتفض بحمية / ابشري بالسعد بس وش صاير ؟!
وفا بنحيب / مازن ضربني ضربني و ذلني يا اختك ذلني

صقر اختلط وجهه بالسواد والحمار من الغضب…
اخته جايه باخر اليل مضروبه و مذلوله و بديرة ماهي ديرتها حس بجسده ينتفض بالغبن و القهر …
وهو يتجه لباب وملاك توقف باوجه وتحط كفوفها الناعمه على صدره الصلب وتهتف برجا / صقر تكفى تعوذ من الشيطان تكفى
صقر يبعد جسدها الصغير عن وجه بتهديد/ ابعدي لا حط حرة اخوك فيك ابعدي
ملاك ترجع توقف بوجه وترجع تحط كفوفها على صدره/ صقر حلفتك بالله تهدا اول وتفهم السالفه

صقر كان بمكانه يدفها بقوه من وجه بس مايبي يوجعها و صرخ فيها بغضب / انتي مالك دخل فاهمه وبعدي عن وجهي

ماكمل جملته الا مازن داخل ورا ملاك وهو يشوف احتقان وجه صقر وملاك كانت حاطه كفوف يديها على صدره تحاول توقفه لا يطلع ..
مازن تكلم بخوف وتوتر /قسم بالله يا صقر ان…
صقر دف ملاك و تقدم له بمقاطعه / والله لا علمك منهي بنت مطلق اللي تقوا عليها وتحسب ماوراها رجال

ملاك كانت تنظر لوجه مازن اللي محمر من الخوف وتنظر بوجه صقر اللي محمر من الغضب
اذا صقر همه اخته هي كل همها اخوها
ماترضى انه ينهان و ينضرب قدامها وقدام مرته
تشتت تفكيرها وهي تحاول تسيطر على صقر ما يمد يده لاكن شلون ؟! راح تفتح ابواب صعب تقفيلها؟!


اقترب صقر وهو يرفع كفه يبي يصفعه على وجهه
بس وقفته صرخت ملاك اللي زلزلت كيانه وهي تقفز و توقف بينه وبين مازن وتوصل لين نص صدره / صقر والله ان مديت يدك عليه لاحرم عليك مثل ما تحرم عليك امك

صقر طالع فيها بغضب متفجر ورفع كفه ياشر
عليها بتهديد /كيف تجين بوجهي تبين اصفعك انتي مكانه ؟!
ملاك تحط عينها بعينه بثقه / اي اضربني بس هو لالا ما تضربه

صقر ماهو قادر يستوعب حلفها الغريب وقلبه يدق بقوه و نزل يده بجواره وعينه بعين ملاك اللي تطالع فيه بنظرات تذيب الصخر فكيف بقلب صقر المغرم فيها ومازن يتكلم بحه / ياصقر هي ماقلت لك ليش ضربتها والله ما حدني الا شين كايد وانت بنفسك
ما راح ترضاه
صقر طالع بمازن وهو رافع حاجبه بتسال حاد /وش هي مسويه عشان تضربها ؟!

مازن يطالع بوفا اللي واقفه ورا صقر بتحدي و يرجع يطالع بملاك اللي واقفه قدام صقر بدفاع

وتكلم مازن بالم / تاكل موانع حمل من وراي ومن غير شوري وانا للي سنه اركض فيها من دكتورة لا دكتورة ودفع عليها كل ماوراي ودوني وهي تستغل حبي لها ولا عطتني حتى شور
صقر حس بحرج من امورهم الزوجيه ولاكن مدام وصلت لضرب لازم يتدخل / انت متاكد من كلامك ؟!
مازن بتاكيد /هذا هي وراك اسالها واذا مانت مصدقني هاذي الحبوب قدامك

رفع مازن الحبوب بوجه صقر و ملاك اللي تطالع باخوها وهي مقهوره عليه من تصرفات وفا الحقيرة
صقر لف لوفا اللي رجعت على ورا وهي عارفه ماحد مدافع عنها حتى مازن لقى من يحتمي فيه باخته
بس هي من يحميها من انفعال صقر اللي حط عينه بعينها بحده / كيف تسوين كذا من ورا شور رجلك ماتعرفين الحلال والحرام انتي ؟؟!

وفا بكت / والله كنت بقول له بس وش تبي اسوي ياصقر ماعنده لا راتب ولا شي كيف بيصرف طفل كيف ؟!!
مازن بقهر /تروحين تاكلين موانع من وراي هذا الحل بنظرك وتخليني ادفع بالمستشفيات لوني دافع الفلوس هاذي على ولدي ماهو ارحم للي ولك

صقر سحبها مع كتفها بغضب / قسم بالله يا وفا كان ما صرتي مطيعه مع رجلك لا شلع لك عيونك انتي ماتعرفين ان طاعت الزوج واجبه وعصيانه حرام ؟

ملاك سكرت عيونها وهي تشعر بالم بصدرها من كلامه ينصح اخته لطاعة زوجها وزوجته هو مقصره معه ولا عمرها فكرت تطيعه
ومازن هتف لصقر بعتاب/تبي تضربني ياولد عمك من غير لا تعرف السبب

صقر يفك وفا ودفها على ورا وهو يلف لمازن بزفرة
حاده / مهمها صار يا مازن ماتمد يدك عليها تعال علمني ولا علم ابوها وحنا نربيها لك من جد وجديد بس ماهو من حقك تمد يدك عليها ابد
مازن يهز راسه بحرج/حدتني على الردى ياخوك
صقر بصوت حازم بالغ الحزم / قسم بالله يا مازن اني مسكت يدي عنك هالمره عشان اختك
(و اشر على ملاك)
ثم ردف بتهديد صارم / والله لو جتني وفا مره ثانيه يامازن وقالت ضربتها ماحدن يقدر يفكك من شري

مازن يهز راسه / تامر ياولد عمي تامر و الحين اعذرونا على اللي صار وانتي يلا امشي معي (ياشر على وفا)
وفا تناظر بصقر وملاك وبعده تطلع ورا مازن بصمت/..

ملاك كانت تناظر فيهم طول حديثهم بصمت وعيونها عليهم باستغراب من الاحداث الغريبه اللي صارت ولاكن دفاع صقر وحميته على اخته كانت سكاكين تقطعها وهي ماعندها اخو كفو يحامي عنها ويوقف معها وقت الشده…

صقر تقدم يسكر الباب وعيونه على ملاك وهي لاحظت نظارته لها و لفت وجها عنه بحرج واضح
وراحت لسرير تبي تختفي عنه بس وقفها صوت صقر الحازم وهو يتقدم ويجلس على طرف السرير من جهته / ملاك تعالي بتكلم معك شوي
ملاك تتجه له و تجلس بجواره/هلا صقر

صقر حط عينه بعينها ثم هتف بتسال هادي / ليش سويتي كذا ؟!
ملاك ترفع كتوفها بمراوغه /اخوي ياصقر مستحيل ارضى ينهان قدامي وقدام مرته وحنا ماسمعنا السبب منه اصلاً
صقر انحنى و اقترب وجه لوجها / انا اقصد الكلام اللي قلتيه كيف تقولين احرم عليك مثل امك وانتي اصلا محرمه نفسك علي من زمان ؟
ملاك صدت بوجها بتوتر / مدري كيف طلعت مني مدري

صقر بتسال هامس/ قدرت وقفتك مع اخوك ولا
ما قدرتها؟!
ملاك تفرك يديها بعض/قدرتها يا صقر قدرتها
صقر بنبرة عميقه /وانا ماستاهل منك التقدير ؟
ملاك حطت عينها بعينه / تستاهل بس بطريقة ثانيه
صقر عقد حواجبه باستغراب/كيف بطريقة ثانيه مافهمت ؟!
ملاك تزم شفايفها وهي تحاول تطلع الكلام من حنجرتها الناعمه/ اعطني وقت يا صقر ووعدك اللي تبيه يصير
صقر يشعر براحه والامل يتجدد عنده / ابشري بس تكفين يا ملاك تكفين لا تطولين علي

ملاك تقوم /ان شاءالله
صقر مد كفه لكفها بسرعه و سحبها لحضنه وحضنها على صدره وهمس بحب عميق عميق / تعرفين يا املاك ان ليله اللي كانت معك عن الف ليلة وليله

ملاك غطت وجها بكفوفها بخجل و قامت من حضنه بسرعه و ركضت داخله داخل الفراش من جهتها
و صقر سحب له نفس طويل وبعده يقوم ياخذ له شاور بيطلع لشغل مافي وقت ينام راح ليلة كله على الاب توب وشغله وبعده على مازن و وفا ….
_________________________________

صباح جديد…
كان فهد متمدد على السرير و ينتظر وقت لخروجه
من المستشفى وهو يسمع عمه محمد وعمه ناصر يتهامسون بينهم فهد بتسال/وش صاير ماتبوني اسمعه ؟!
ابو ابراهيم تنهد / مافي شي بس امي كانت هنيه بالمستشفى مرتفع معها الضغط شوي ومن عرفت انك بخير هدت ورجعها ابراهيم للبيت

فهد زفر بخوف عليها / و ليش ماقلتو للي عشان اروح لها وطمنها وتطمن عليها
ابو نواف يرد / وانا عمك انت تعبان وبعدين هي كانت بتجي بس قلنا لها لا الغرفة كلها عسكر وضباط ماتقدر تدخل عليك
فهد يسحب له نفس ويعتدل جالس/ الحين اطلع وروح لها
ابو ابراهيم يمد يده/عطني يدك خل اساعدك
فهد برفض وهو يقوم بنفسه وبثقل/ مافيني شي ياعم الحمدلله
ابو نواف بموده /الحمدلله على سلامتك
_____________________________


بجناح الجدة صيته الكل كان عندها و خايفين عليها نوف حسنا ومريم وفاطمه وانوار وام ماهر ومهره

نوف قامت تصب كاس مويا وتمده لمهره اللي مانشفت دموعها من اليل تبكي بصمت /اشربي يا مهره الصياح ماينفع
مهره تاخذ الكاس وهي تشرب والجدة صيته تنهد بتوتر /قالو للي بيطلع كانه تاخر ماطلع ؟!
ام ابراهيم تهديها /يطلع باذن الله بس انتي ارتاحي لا تفكرين بشي
حسنا تقوم واقفه/هاه كانه صوتهم جو

الكل وقف معها بلهفه ودخلو جناح الجدة صيته
ابو ابراهيم وابو نواف مع فهد اللي كانت يده مربوطه بلفه ومعلقه على رقبته

الجدة صيته من شافته راحت له وهي تبكي وتضمه بقوه /الحمدلله اللي رجعك للي ياريحة عقاب الحمدلله
فهد يحضنها بحنو ويحب راسها/ ليش الصياح هذا كله ماتدرين ان دموعك توجع للي قلبي
الجدة صيته تمسح عيونه بشال اللي على راسها /اسم الله على قلبك لا تلومني يامك عسى ربي ما يختبر صبري فيك انت بذات

ابو نواف يتنحنح /احم احم وحنا وين رحنا كنه هو ولدك وحنا ماحنا عيالك
الجدة صيته تبتسم من بين دموعها/كلن له غلاه يامك كلن له غلاه


الكل تقدم لفهد و سلمو عليه و تحمدو له بالسلامه
الا مهره كانت جالسه على الاريكه وتبكي بصمت والجميع طلعو لصاله عند ابراهيم اللي كان جالس فيها واستحى لا يدخل بجناح جدته احترام لمهره وامها اللي جلسن مع الجدة صيته ولا طلعن ..

الجدة صيته تلف لمهره بزفرة/ هو ماتبين تقومين تسلمين على رجلك يابنت
فهد يرد بتقصد/ خليها يمكن عداها ماتذكر رجلها

مهره قامت و ارتمت بحضنه ضامته لها بقوه
و دفنت وجها بعرض صدره منفجره بالبكى
فهد انحرج من حركتها لغير متوقعه و بوجود جدته وامها و هو يتالم من يده اللي هي ضمته معها
و مانتبهت له وتحمل الالم عشانها حاس بدموعها تحرق له صدره…

الجدة صيته تبتسم / يابنت ماهو عندنا هنيه لا رحتي جناحك سوي اللي تبين
ام ماهر تضحك وهي تمسح دموعها / والله ماسالت عنا
فهد مد يده ماسح على شعرها بحنو وتهدئه ويهمس
لها/ مهره ماهو قدامهم
مهره ابعدت منه وتحط كفوفها على عيونها بخجل وراحت لحمام تغسل وجها..
الجدة صيته تبتسم وهي تكلم فهد /تعال يامك ارتاح تعال

فهد تقدم وجلس والجدة صيته جلست بجواره
وام ماهر مقابل لهم الجدة صيته بتسال/ يامك انت البارح ما مريت علي انا جلست افكر و حاتي بعدين قلت ان شاءالله انك بخير ونمت مادريت انك مع
ها لحرب

فهد عيونه على اللي جت تمشي بعذوبه وتجلس قباله بجوار امها وهو يرد بثبات/ الا البارح رجعت البيت بس ما مريت عليك قلت يمكن نايمه وبعدين دقو علي دوام ورحت لهم
الجدة صيته بجزع / افتك من ها لحروب مانت بحاجتهم عندك خير من الله يكفيك العمر كله

فهد يسحب له نفس مرهق /يا ام عقاب هذا عملي ماني مخليه ومال بني ادم عن المكتوب
ام ماهر بتاكيد/ اي بالله انك صادق ماحدن راد المكتوب اللي انكتبله
فهد بتسال وهو يحط عينه بعيون جدته بحنان / الا شلون صرتي قالو للي انك كنتي بالمستشفى اليوم؟!
الجدة صيته تهز راسها/ طيبه الحمدلله بس والله ان قلبي كان بيوقف من خوفي افقدك

فهد يمد كفه ويرفع كفها لشفايفه ويبوسها/ عساك ماتفقدين غالي قولي امين
الجدة صيته ترد بحنيه وهي تبتسم /امين بس انت وش مسوي فيني يا فهيدان والله مدريت انك غالي عندي هلون


فهد ابتسم ابتسامته اللي هزت الجميع وبذات هي هي مهره و تنحت فيه عاجزة حتى عن الرمش
وفهد يرد وهو مازال مبتسم وعيونه بجدته /الله لا يغل قلبي عليك
الجدة صيته اوسعت ابتسامتها وعيونه على
مبسمه/ يازين المبسم ياذكر ربي

فهد غصبن عليه راحت عينه لمهره اللي تناظر فيه نظره مباشره وتبلل شفايفها بلسانها باثاره
فهد زادت ابتسامته من حركتها الجريئه وهو يلف وجها عنها عشان ماحد يلاحظ عليه وعليها

الجدة صيته بحسن نيه /يامك قوم تمدد على سريري ورتاح
فهد يقوم بتعب / لا يا يومه بروح جناحي ارتاح
الجدة صيته توقف معه /خلاص يامك روح جناحك وانا برسل لك شوربه مسويتها ام ماهر لك
فهد يطالع ام ماهر / الله يجزاك خير
ام ماهر تقوم واقفه بموده / ماسوينا الا الواجب يامك
انت راح ارتاح وانا برسلها لك مع مهره

فهد يتجه لباب ويطلع ومهره تقوم بتسال /يومه وينها الشوربة ؟
ام ماهر ترد عليها بحنيه/هناك يامك بالمطبخ حطي لجدتك منها ولفهد
الجدة صيته برفض /لا انا شوي ماني مشتهيه بس حطي لفهد واضح انه جيعان ياروح امه

مهره تهز راسها برضا وحماس وهي تتجه لباب /حاظر يومه
الجدة صيته تسال ام ماهر بخفوت /كانها ذكرت زوجها ؟!
ام ماهر تهز راسها/ وكاد الصدمه امس رجعت لها عقلها
الجدة صيته تضحك /ياعليك كلام مدري كيف صاير وهو عقلها طاير عشان يرجع
ام ماهر تجلس وهي تبتسم /مدري عنها هي ورجلها
____________________________________

ملاك صحت من النوم بتعب وهي تلف يمين يسار الجناح مافي احد خالي منه قامت واخذت لها شاور وبدلت وهي تلبس طقم بنطلون بالون الرمادي وكان كلوش من تحت ومن فوق ماسك ونص بطنها طالع
مبرز ملامح جسدها

وهي تمدد على الاريكه وتشغل التلفزيون وتقلب بالقنوات ..شوي وتقوم بتافف وملل و تفتح الثلاجة اللي كانت مليانه با انواع الحلويات والعصائر خدت لها سنيكرس شكولا المفضله عندها وتفتح لها عصير رمان عضوي و ترجع على الاريكه وتجلس تتابع لها فلم

بعد نص ساعه دخل صقر بارهاق متعب لابعد درجه..
ولا نام من امس مواصل يومه كله وهو جاي من سفر يبي بس يطيح وينام ولا كن دق قلبه من شافها بفتنتها الموجعه اقترب وطاح على الاريكه المقابله لها /سلام

ملاك من دخل وعينها عليه وهي مستغربه من ملامح وجه المتعبه بوضوح وكان لابس تيشيرت سماوي وجنز كحلي غامق

ردت عليه /عليكم السلام
صقر يطالع اللي بيدها/ جيعانه انتي صح؟!
ملاك ترمش بعيونها بطفولة / جيعانه ومو جيعانه
صقر ابتسم من حركتها /كيف يعني ؟
ملاك تحط العصير على الطاولة / يعني مو جيعانه حيل
صقر مازال مبتسم / ياروحي انتي والله
ملاك تصد بوجها عنه وتحط عينها بالتلفزيون / امم انت مانمت ؟!

صقر يتنهد بارهاق /لا والله ميت نوم بقوم اخذ للي شاور وبنام صحيني على المغرب كذا عشان نطلع
ملاك تهز راسها بموافقه /طيب
صقر يقوم واقف وهو يهتف /ترا طلبت لنا غدا الحين على وصول
ملاك بهتمام /مازن وفا ما كلموك ماشفت احد منهم
صقر يرد بحده /خلي يذلفون من بعد مناقرتهم عند راسي البارح
ملاك ضحكت / جد اشاكلهم فلم اول مره يتهاوشون دايم مع بعض على الخير والشر

صقر طالع فيها بنص عين /خليهم عنك ولا تدخلين بي شي يخصهم
ملاك تمدد رجولها على الطاولة / والله انا علي بخوي مثل مانت عليك باختك
صقر اقترب لها وهو يرفع رجله على الطاوله وينزل رجولها بالارض ويهتف بصرامه/ لا صرت موجود تجلسين عدل وتحترمين وجودي ؟!

ملاك توقف بعصبيه / وانا كل حركه بسويها تبي تحاسبني عليها ياصقر ؟!
صقر رد عليها بحزم / البنت المتربيه تعرف الحركات اللي تغضب زوجها وتبتعد عنها ماهو تمدد رجولها قدامه بقلة احترام
ملاك تحط اصبعها على طرف راسها/والله بكيفي ان شاءالله افصخ قدامك كيفي
صقر تنحنح بخبث / احم عاد هاذي بكيفك ماقدر اقول لك شي !؟

ملاك طارت عيونها فيه وتو تستوعب كلامها و تلعن لسانها (الله يعلن ذا السان لازم اجيب العيد يعني؟ )

وصقر تقدم وسحبها لحضنه وهو يضحك/ انتي اللي جبتيها على نفسك
ملاك ترد بخجل / انا كذا لا انفعلت لازم اجيب العيد
صقر يبوس خدها وهو مازال يضحك/ احلا عيد وربي
ملاك تبتعد منه وهي تهتف بتسال/ جد مازن كلمك ؟!
صقر يبتعد وينزل جواله و اغراضه على الطاوله /اي كلمني وطلبت لهم غدا معنا
ملاك تجلس /عاد بيطلعون ولالا ؟!
صقر ياخذ فوطته وهو يتجه الحمام/لا يقول بنتظركم للمغرب
___________________________________

دخلت مهره الجناح بتردد وتوتر بيدها صينيه فيها كاس الشوربه وهي تشوف فهد متمدد على السرير ومغير لبسه ولابس له شورت قطن مقلم ابيض واسود وتيشيرت ابيض وعينه على جواله ولا عبر دخولها…

تقدمت وهي تهتف بهدو / هاذي الشوربة تقول لك جدتي اشرب منها دافيه
فهد مازال يشتغل بجواله ويرد عليها برود /طيب خليها على الطاوله

مهره حست بيهانه لها وهي تحط الصينيه على الطاوله و تصد عنه تبي تطلع وكل املها انه يوقفها يطلب منه تجلس بس لاحياة لمن تنادي كان بارد مره معها !..

لا كنها بالاخير قررت ترجع وهي تفتح الفراش بغيظ
و تمدد جوارة وفهد اعتدل جالس وهو يحط جواله بالمسافه اللي بينه وبينها وياخذ الشوربه ويشرب منها بهدو وكل تفكيرة باللي عنده ساحرته فتنتها وعذوبتها ولاكنه يتصنع معها البرود وعدم الاهتمام وهو ميت على شوفتها وريحتها ولو مارجعت كان يبي ينادي لها بي حجه اهم شي ماتطلع لاكن حس براحه عجيبه
وهو يشوفها ترجع وتمدد عنده من كيفها

مهره مدت يدها وخذت جواله وهي تفتحه وعينها كل شوي تروح لفهد اللي يتصنع انه مانتبه لها وهو اصلا مركز على تحركاتها وهي تحاول تحرك تبيه ينتبه لها بتشوف ردت فعله تبي يتلكم عشان تنفجر عليه وتطلع اللي بقلبها

فهد رجع الشوربة مكانها وهو يرجع يتمدد من غير لا ينظر فيها لف لها وهو يسمعها تساله بنرفزه /كم رمز جوالك ؟!
فهد رد بهدو صادم لها /مافي رمز جوالي
مهره تنحنح بحرج / احم طيب

فهد يطالع فيها وهي تفتش بجواله وهو صامت لانه اخذ عهد على نفسه ماعاد يمنعها من الجوال بذات اللي تسبب لها بغيبوبة وكانت بتموت لولا رحمت الله فيه وفيها ومهره كانت تفتش وهي تغلي من بروده تبيه يتكلم عشان تندفع عليه تفتش وتفتش تبي تلقى شي يخليها تكلم ولاكن للاسف فهد كان ورقه بيضا ماعنده لف ودوران

فهد سحب له نفس وهو يهتف بنبرة مدروسه/ ابي انام لا اذن صحيني
مهره تسكر جواله وتحطه عنده / طيب

فهد سكر عيونه يحاول مجرد محاوله ينام ولاكنه تصلب بصدمه من الجسد الناعم الدافي اللي لزق فيه وصدم اكثر واكثر من البوسات الدافيه العذبه اللي على شفايفه فتح عيونه و شاف منحنيه له وجها قريب لوجه وعينه بعينه وتهتف بعذوبه / الحمدلله على سلامتك

فهد رد برود رغم الحراره اللي فيه /الله يسلمك
مهره تحط راسها على صدره / فهد ماعاد ابي الدنيا من بعدك وبعد ناصر
فهد رفع يده السليمه وحضنها وهو يسال بهدو /كيف تذكرتي فهد وانتي البارح ناسيه من يكون ؟
مهره ترد بهمس موجع / مانسيتك يافهد عشان اتذكرك كل الاحداث اذكرها صح بس انت اللي حديتني على الشي هذا

فهد رفع وجها لوجه بطرف يده المصابه /كيف انا اللي حديتك ؟!
مهره تسحب نفس وهي ترد بصدق/ انا اول ماصحيت من الغيبوبة فعلا ماكنت اذكر احد حتى امي وجدتي بعدين رجعت للي الذكرى بخفيف وكنت متالمة منك ومن ذكراك واعجبتني الفكره اقهرك مثل ما قرتني وكنت ابيك تحس اني ما تذكرك انت من بينهم

فهد كان يسمع بصمت ومهره تكمل بحزن / بس الحادثة اللي حصلت لك البارح ذبحت للي قلبي
ماتخيل الحياة من غيرك حتى ولو كنت عنيف معي

فهد لف بجسده لها معنه يشعر بالتعب في كل عظامه وهو يحضنها بحضنه ويهمس باذنها بشجن/ الحب احيانا مايجي الا بعد عذاب يا مهره عمري كله ماتخيلت افكر بزواج ولا بالحريم ولا بالارتباط حتى بالاطفال ابي لا مت مايكون وراي ولد ولا بنت يتيتمون من بعدي
تنهد فهد ثم اكمل بذات الشجن /لاكن تدرين وش اللي موجعني اكثر الحين اني افكر فيك انتي وخاف عليك وكاني ابو لك وانتي بنتي وخايف عليك من اليتم !!!

مهره تهتف بغنج /لو رجع فيك الزمان يا فهد تتمنى ترجع عزوبي ماتبي الارتباط والمسؤلية ؟
فهد هتف بتسال / تبين اقول لك الصدق ؟!
مهره تهز راسها / اي وماراح ازعل
فهد باس خدها /مارح تزعلين لان الصدق بيسعدك
مهره تبتسم/ طيب قول اسمعك
فهد بصدق / والله يا مهره لو يرجع فيني الزمان كان تمنيت اني اعرفك من زمان و من دخلت سن الزواج
مهره حمرت خدودها/ تحبني طيب ؟!
فهد يهمس لها / مهره الحب ماهو بالكلام الحب بالفعل وانا رجال ماعرف اعبر بس اعرف افعل
مهره تبوس عارضة / بس انا احبك احبك

فهد وزع بوساته على انحى وجها وهو ولهان والوله يغلب على التعب اللي فيه وهي ولهانه عليه اكثر
________________________________

الساعة 8 ليلاً بتوقيت دبي

ملاك زفرت بطفش وهي ترد على جوالها اللي كان يرن /هلا مازن
مازن بتسال/صقر ماصحى وينكم طفشنا بنطلع ؟!
ملاك تنهد بضيق /مازن وش تبي اسوي من اليوم احاول فيه يصحى عجزت عنه شكله مراح يصحى الا الصباح
مازن بنفاذ صبر / طيب خليه ينام وحنا بنطلع تحت نتمشى تروحين معنا؟!
ملاك بتردد/ امم مدري اخاف نضيع
مازن بثقة عميا/ يابنت ماراح نضيع بس تجهزي بمرك انا وفا ونغير لنا جو ساعه كذا ونرجع
ملاك باقتناع /طيب يلا بالبس وانتظركم


لبست ملاك عبايتها وخذت شنطتها وطلعت من الجناح انزلو تحت للكوفي شوي وبعد ما خلصو من القهوه قال مازن بقتراح / نبي ناخذ سيارة و نطلع لبرج خليفه شرايكم ؟
ملاك برفض/لا مازن خل لين يصحى صقر افضل
مازن بتسال /علامك خايفه كذا !!
ملاك تنهد / لا ماهو خوف انت تعرفني عدل بس مسؤلية
وفا تلف لمازن وتهتف بامر / اطلب لنا سيارة بنروح واذا هي ماتبي خل ترجع جناحها
مازن برفض /لا ماترجع بروحها تضيع يلا نروح سوى كلنا ونرجع سوى
ملاك ترفع كتوفها/بكيفك

شوي وصلت السيارة وراحو لبرج خليفه مع بعض

_______________________________

البارت السابع والثمانون /-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


و بعد ساعتين بجناح صقر ..
صحى بثقل وهو يمدد يديه لا فوق يتمغط و يسحب جواله ويطالع بالوقت نفض الفراش و قام مفزوع /اف الساعه 10 وش هالنوم
لف عيونه على انحا الجناح /والخبله هاذي وينها ما صحتني؟
اتجه لحمام وكل توقعه تكون فيه طق الباب
بندا /ملاك يلا اطلعي بغسل
وقف ينتظر شوي مافي تجاوب استغرب وهو يفتح باب الحمام وكانت الصدمه مافي احد لف يمين يسار
و زفر بصوت حاد / اكيد راحت لمازن بجناحه كسر يكسر رجلها

اخذ جواله ودق على مازن /الو مازن
مازن بترحيب وهو يتكلم بصوت عالي /هلا صقر صح النوم
صقر قطب حواجبه باستغراب من الصوت اللي
وراه /وش الصوت اللي عندك !؟
مازن يرد بصوت عالي / حنا عند برج خليفه انا وفا وملاك انتظرناك تصحى ولا صحيت ورحنا
صقر شد بكفه على الجوال وكاد يحطمه من شدت الغضب /ملاك معك؟!
مازن يرد بهدو /اي معنا تجي
صقر ينهى المكالمه الحارقة له ولعصابه /جايكم جايكم

رمى الجوال على السرير وهو يصرخ بغضب
متفجر / هين يا ملاك تعانديني والله لادق خشمك ب مواطى رجلي

غسل ولبس بسرعه وطلع راكب سيارته متجهم لهم
وهو ناوي على شر كايد من وصل دق على مازن وساله عن المكان وهذا هو وصل لعندهم وعيونه على ملاك تقدح بشرار ..

ملاك انتبهت لا نظراته لها من بعيد وهي اصلا تعرف انه ماراح يسكت لخروجها لذالك كانت تدعي بنفسها(يارب مايسوي شي قدام وفا ومازن ويكرهني بحياتي بعد )
صقر اقترب ومازن وقف بترحيب /حيالله ابو مطلق
صقر اشر لملاك بامر صارم /قومي
ملاك تطالع مازن وفا و ترجع تطالع صقر بتسال/ليش اقوم ؟

صقر حط كفوفه على الطاوله وهو ينحنى مواجه لها ويهتف من بين اسنانه / تبين الستر قومي
ملاك تقوم معه بصمت ومازن يهتف بتدخل
هادي / صقر هدا شوي وخل …
صقر بمقاطعه غاضبه/ انت سد فمك لا عطيك كفه اسده لك
ملاك تكلمت بدفاع / صقر بلاها قلة الاحترام
صقر سحبها معه وهو يتوعد فيها/ اعلمك قلة الاحترام على اصولها الحين
مازن يهتف لوفا بامر /قومي خلي نروح معهم
وفا تقوم وهي تبتسم /يلا مانبي يفوتنا شي

صقر كان يسحبها معه لين وصل السيارة وفتح الباب اللي قدام و رماها دخل وسكر الباب واتجه لمكان السواق وركب وسكر بابه وهو يلف لها بصوت رجولي عالي / كيف جتك الجرائه تطلعين من الجناح وانا نايم و معلمك امس ماتروحين مع مازن انتي تبين اربيك تريبة صح !؟

ملاك كانت صاده وجها عنه لقزازه و انفاسها تطاير
ولا ردت عليه لاكنها صدمت وهي تحس بقبضة يده الصلبه على حنكها ويلفها له / اذا اكلمك تطالعيني فاهمه؟
ملاك تزايدت انفاسها السريعه / صقر ماقدر اتفاهم معك وانت غاضب كذا
صقر يضغط بكفه على حنكها وهو يعض شفايفه بقهر عالي / ومدامك تعرفين اللي يغضبني ليش تسوينه ليش ؟!
ملاك حست طبلت اذنها انفجرت من صوته اللي رج السيارة وهي ترد عليه بصراخ /بس فجرت للي راسي كل يوم صراخ كل يوم صراخ

صقر عصب و ما قاوم صراخها ودف راسها بقوه
و صقعت بالقزاز وهي تصرخ بالم / اه راسي
وهو انتفض بخوف عليها ومد يده يسحبها له /ملاك شفيك ؟
ملاك سندت راسها على المرتبه من غير صوت
صقر بتوتر /ملاك تسمعيني فيك شي ؟!
ملاك ترد بصوت مخنوق / رجعني الفندق

صقر لف للقزازه من للجهه الثانيه وهو يلعن الشيطان ويلعن انفعالاته كل ماقترب منها لازم يصير شي يبعدهم عن بعض !!؟شوي وسمع صوت طق القزاز من جهتها لف لها وكان مازن فتح صقر القزاز/هلا مازن
مازن بتسال / نبي نرجع معكم ممكن ؟
صقر يحاول يهدي الامور/ ماحنا راجعين بنكمل هنيه
مازن ابتسم /صدق اجل يلا انزلو معنا
صقر يهز راسه وهو يهتف بارهاق/ انتم ارجعو مكانكم شوي و نجيكم

ملاك تكلمت بحده / انا برجع الفندق
مازن باستغراب/ليش فيك شي ؟!
ملاك ترد بحده اعمق / مافيني شي بس هونت مابي اتمشى برجع جناحي بنام
صقر يطالع بمازن وفا اللي يتبادلون النظرات وهو يهتف لهم بامر / خلاص انتم ارجعو مكانكم وحنا نجي وراكم

مازن خذ وفا وراحو بصمت وصقر سكر القزاز وهو يهتف لها بثبات وهدو / انا بفهم ماقلت لك لا تروحين معهم مهمها كان و اصحى والقاك طالعه ولا سالتي على كلامي ليش؟!
ملاك ترد بزفرة / ماهو لازم ابرر لك رجعني الفندق وانتهى النقاش
صقر صرخ فيها/لا مانتهى النقاش الا تو بدا تدرين لو غيرك يكسر كلامي وش راح اسوي فيه والله لا كسر له راسه بس انت ما قوا راسك الا انك عرفتي غلاك
و تغليتي

ملاك تلف وجها لوجه وهي تنفجر فيه /اي غلا واي خرابيط صقر كلنا فاهمينك عدل انت اخذتي عشان الجمال وبس و عشان تستانس بجمالي ماهو حب ولا غلا الا تملك وتسلط

صقر رفع حاجبه بغرور / والله عاد افهميها مثل ماتبين وبعدين اي وناسه اللي تكلمين عنها وش خانت الجمال قدامك وانت محروم
ملاك ترجف من الغيظ/ وراح تتم محروم طول عمرك بعد
صقر زفر بوف من بين شفايفه /اوووووف
ثم هتف بنبرة غامضة / تبين تنزلين ولا تبين نرجع الفندق ؟!

ملاك حست من نبرة صوته وراها شي لذالك ردت باستعجال /بنزل مع مازن ولا عاد ابيك تكلمني عتبرني غير موجوده
صقر اقترب لها بهمس/ لا عاد هاذي ماقدر عليها قويه شوي ؟
ملاك تسحب لها نفس / صقر تراك اتعبتني معك كل حركه احاسب عليها كل كلمها احاسب عليها لا متى بنعيش طول عمرنا كذا ؟!

صقر اعتدل جالس وهو يرد عليها بوضوح /ملاك انتي عنيدة درجة اولى وانا رجال عصبي ومنفعل درجة اولى
لازم تفهمين ان العناد مايفيد طيب انا قلت لك لا تروحين معهم انا مستعد اوديك للمكان اللي تبين الا لازم تروحين وتعانديني ؟!
ملاك تفرك يديها بعض / والله كنت رافضه بس هم اصرو علي بعدين مازن قال ماقدر اخليك عند الفندق راح تضيعين

صقر هتف بحده وشده / لو راح وخلاك بروحك شفتي رقبته قسم بالله لا افصلها له فصل وبعدين من البدايه المفروض ماتطلعين من الفندق لين اصحى انا
وطلعك
ملاك تنهد /خلاص فهمت فهمت ذليتني على هالسفرة
صقر رد بخفوت / ماتبين لك المذله ولا تبين لخوك الاذا تجنبي الشي اللي يثير انفعالاتي تجنبيه

ملاك تهز راسها باسا / اصلا ماراح يصير بينا تفاهم ابد لان اعمارنا غير مناسبه انت ماراح تقدر صغر سني
و تجاريني وانا ماقدر امشي وراك بضعف
صقر طالع فيها بنص عين /ضعف ؟!
ملاك تصد عنه وصقر يكمل كلامه وهو متعب / خلينا ننزل افضل و نتمشى ونتعشى ترا وراي شغل
_______________________________

فهد طلع من الحمام بعد ماخذ له شاور
وعيونه على مهره اللي جالسه قدام التواليت وتجفف شعرها المبلول بالمجفف اقترب لها وانحنى وهمس عند اذونها بحراره / يازين القى لا صار بعد غياب

مهره تبتسم بعذوبه / اشتقت للي
فهد يبتعد وهو متجه لسرير /قلت لك من قبل انا ماعرف اعبر بالكلام انا بالفعل واتوقع شفتي فعلي
مهره كحت بحرج /كح احم
فهد تمدد / مهره ابي للي كاس شاي
مهره توقف /حاظر الحين اجيب لك

طلعت مهره من الجناح وفهد مد يده و اخذ جواله كان في مكالمات ورسايل ولاكن ماله خلق يفتحه ورماه بتجاه السرير من مكان نوم مهره


و مهره دخلت المطبخ وهي تسوي شاي شافت حسنا داخله / سلام
مهره ترد بحترام /عليكم السلام
حسنا بتسال/ وش تسوين يامك
مهره ترد وهي تشتغل/شاي لفهد
حسنا بهتمام/شلونه عسى ماهو بتعبان
مهره ترفع كتوفها/والله مادري يا ام نواف فهد مايشكي لو كان يتعب
حسنا تجه لباب من بعد ماخذت لها كاس مويا/ اي بالله انك صادقه

دخل ماهر وهتف بصوت مبحوح /مهره
مهره لفت له /هلا ماهر
ماهر بحرج /شلون فهد ماشفته مالي وجه من بعد سالفة البارح
مهره تقدم له وهي تسمح على شعره/ ماهر يا قلبي فهد كذا جلف بالكلام حتى معي ومع جدته وعمانه مو بس معك

ماهر نزل راسه بخجل/ يبيني ماقترب لك ابد يمكن لو يدخل ويشوفنا الحين مع بعض راح يذبحني
مهره انتفضت /لا حبيبي لا تقول كذا انا اختك قبل اكون مرته بس لا تشيل هم انا راح افهمه ما يدخل بينا
ماهر بتردد /طيب انا ماسلمت عليه
مهره تبتسم /الحين تروح معي نودي له الشاي وتسلم عليه
ماهر يهز راسه برضا/ طيب

دخلت مهره وشافت فهد مازال متمدد وهي تحط الشاي على الطاوله اللي قدام الاريكه
وهتفت بهدو /فهد ماهر معي بيسلم عليك
فهد يقوم و يتجه لها / حياه الله خلي يدخل
مهره رجعت لباب تنادي على ماهر وفهد جلس على الاريكه دخل ماهر وهو يرجف من التوتر/ سلام
فهد رفع عينه له /عليكم السلام
ماهر اقترب وحب خشمه /الحمدلله على السلامه يابو عقاب اجر وعافية

فهد رد عليه بموده /الله يسلمك يابو ناصر
ثم ردف بامر هادي /تعال اجلس
ماهر يطالع مهره اللي تاشر له برضا جلس ماهر بجاور فهد وهي خذت الشاي وصبت لفهد كاس و لماهر كاس وتجلس مقابل لهم وفهد يسال بهتمام/شلون الدراسه معك ؟!
ماهر يرشف من الكاس يحاول يخفي التوتر/زينه الحمدلله
فهد يطالع فيه بتفحص وما اخفاه توتره وهتف له بحنو / اي شي تحتاجة ترا انا موجود تبي مدرس خصوصي لا تستحي مني او احد يضايقك بالمدرسه تقول للي

ماهر تنحنح /ماتقصر يابو عقاب بس انا عندي مدرس خصوصي من زمان والمدرسه الحمدلله مرتاح فيها
فهد قطب حواجبه / ومنو يدفع مدرسك؟!
ماهر يطالع مهره ويرد بصدق/ امي ومهره يدفعونه
فهد لف لمهره بنظرة توعد وهو يرد على ماهر
بحده /وليش ماقلت للي انا ادفعه لك ماهو بحريم؟!
ماهر صمت ومهره من تكلمت / ماله داعي فهد فلوسنا من ورث ابوي موجودة وندفع له

فهد سكتها بصرامه / انتي ولا كلمه حسابي معك بعدين اجل يدفع من ورثه على مدرس ؟!
مهره تضايقت من قلة احترامه لها قدام ماهر اللي حمر وجه من القهر ولا كنه صمت /…
وفهد يكمل بامر حازم /بكرا تخلي مدرسك يجي للي بديوان ضروري طيب
ماهر يهز راسه /حاظر
فهد عيونه على مهره اللي ترجف بغيظ وماهر قام بستاذان / تبون شي بروح انام
فهد يرد بهدو / سلامتك
مهره توقف معه / ماهر لحضه بكلمك شوي

فهد يرشف من كاسه بهدو وهو رافع حاجبه لها
ومهره تلحق ماهر وتطلع معه توقف عند الباب وتكلمه بخفوت / ماهر لا تضايق من كلام فهد قلت لك من قبل هذا طبعه جلف بالكلام
ماهر بقهر /بس اسلوبه معك تضايقني يا مهره تضايقني ولا انا بقادر ادافع عنك اخاف منه
مهره حست بحرقه على اخوها وهي تبتسم
بصعوبه/ ماهر مايسوى دايم بين الزوجين نقاشات اكبر من كذا
ماهر زفر بخفوت /قلتيها بينهم ماهو قدام احد ابوي الله يرحمه كان يحترم امي قدام الناس وحتى قدامنا
يا عياله
مهره هزت راسها باسا/خلاص انت روح نام ولا تشغل تفكيرك بشي

ماهر راح وهو متضايق ومهره دخلت الجناح وقلبها يوجعها على اخوها اتجهت لسرير وقفها صوت فهد الخشن /مهره
مهره وقفت وهي تكتف يديها /نعم
فهد بامر حاد /تعالي
مهره تنهدت / فهد بنام
فهد بامر احد /قلت لك تعالي تجين
مهره اقتربت وجلست مقابل له /نعم يافهد؟!
فهد طالع فيها بحزم / ليش ماقلتي للي عن مدرس ماهر كيف تتصرفين انتي وامك من روسكم وتقل ما وراكم رجال ؟!

مهره ترد بغيظ/اول شي ما تصرفنا بشين خاص كله مدرس ودفعناه وثاني شي يافهد لاصار في احد بينا احترم وجودي وبذات قدام امي و ماهر
فهد زفر عليها/ انا رجال ماعرف احترم احد اذا براسك شي انتي وخوك صكوه بطوفة
مهره تقوم واقفه بقهر / انا ادري اني ارخص من الرخص عندك هذا الشي واضح للي من زمان بس قدام الناس بين ان للي قدر وحترام حالي من حال اي زوجه عند زوجها

فهد وقف مواجه لها بغضب / انتي تفسرين كل شي من راسك وبكيفك ؟!
مهره ماردت عليه وهي تتجه لسرير وتدخل الفراش وتغطى فيه شوي الا فهد يرفع الغطا منها ويسحبها مع عضدها واقفه ويصرخ فيها بجزع/ انا الف مره قايل لك لا صرت اكلمك ماتعطيني ظهرك وتمشين الف مره
مهره انهارت بالبكا وهي تغطي وجها بكفوفها
فهد تنحنح وهتف بهدو /احم مهره ماهو كل كلمه والثانيه لازم بكى

مهره تلف منه و ترجع للفراش وتغطى بالكامل
فهد تنهد بصوت مسموع وهو يتجه بجهته من السرير ويتمدد بصمت مرت دقايق وهي مازالت على حالها
و ماينسمع الا صوت شهقاتها

وفهد ماقدر يتحمل اقترب لها وفتح الغطا عن وجها اللي مقابل له ابعد الشعر اللي لازق على خدها من تبلل دموعها انحنى وباس خدها بحنو وهو يهمس لها بتهدئه /مهره مايسوى اذا كل كلمه بقولها بتسوين كذا بختار الصمت افضل للي ولك

مهره ترد بصوت مخنوق / والله افضل الصمت من الاهانه قدام اخوي الوحيد
فهد سحب له نفس/ هذا اللي مضايقك ماتبين ازعل اخوك عليك ؟
مهره مازالت دافنه وجها وتكلم بجدية / اي يا فهد هذا اخوي ولو ماقدر يتكلم ويعبر انا احس بالقهر اللي فيه يبي يدافع عني بس خوفه منك يخليه يسكت يسكت
فهد يسمع على شعره وهو يرد بهدو / طيب بحاول امسك نفسي قدامه عشانك انتي وبس

مهره تحط عينها الغارقه بدموع بعينه / فهد ارجوك ارجوك اذا تحبني صدق وبالفعل على قولتك الا ماهر الا ماهر ترا اللي يجرحه يجرحني ويذبحني بعد

فهد يشعر بغيرة بهتمامها باخوها لاكنه حضنها بقوه وهتف بثبات / تبشرين يا مهره انتي واخوك تبشرون
_________________________________

الساعه 12 ليلاً بتوقيت دبي …

كانو يتمشون بالمول من بعد ما طلبو لهم عشاء وتعشم …وفا كل ماتمر محل تاخذ لها شي يا عطر
يا شنطه يا اكسسوار ومازن كل شوي يهمس لها تخفف الصرف عليه لاكن هي ماترد ولا همها..
ملاك كانت ملاحظه ومتضايقه من تصرفات وفا ولاكنها اختارت الصمت ماتبي تدخل بينهم تعرف مازن يقلب عليها فجئه ….اللي ماكان ملاحظ عليهم شي هو صقر وبين كل محل ومحل يسال ملاك تبين تاخذين شي وهي ترفض بعمد …

وهم ماشين ويسولف مازن مع صقر / بالله خل نمدد لنا كم يوم بدبي نتمشى
صقر رفع كتوفه / والله مادري يا مازن انا عندي صفقة عمل بالسعوديه بعد كم يوم لازم احظرها
مازن بتسال/ دوامك اجازة ؟!
صقر يهز راسه/ اي اداوم سبوع وجازة سبوع
قطع كلامهم صوت ملاك / لحضه لحضه
صقر طالع فيها باستغراب/شفيك ؟!
ملاك تبتسم وعيونها على محل اطفال/بروح اشري ليودي هديه
مازن ضحك /يا بنت فكينا من و لد عادل ابو كرشه دوب لازم نفصل له
ملاك ضحكت بدلع / يوه فديت خدوده وكرشته

صقر كان يطالع بعيونها اللي تلمع بشقاوه من ورا النقاب وهي تكلم وتضحك وعيونها تعبر عن حبها لاطفال و ماهي حاسه باثارتها للي متنح فيها؟

وفا كانت تغلي بالقهر من كلام ملاك عن الاطفال قدام مازن و افكارها تقول انها متعمده عشان تغثها
من بعد سالفة البارح وهي توعد فيها وتعرف وش اللي يقهرها و يغثها( هين يا ملاك هين)…؟

ملاك تهتف برجا/ خلو اروح اخذ له وربي قلبي يوجعني لو طلعت وانا مادخلت المحل
صقر يرد بثبات مدروس/ طيب مو مشكله نروح له
مازن يمشي معهم ويضحك / الله يا دنيا صقر اللي اسمه يهز السوق يدخل محل اطفال ؟
صقر ابتسم / وش نسوي نجاري الحياة عشان تجارينا

ملاك فهمت مقصد صقر وهي ترد على مازن
بزفرة / انت وش عليك ماتبي تدخل ارجع
مازن يضحك /لا بالله ماني بداخل بنتظركم انا وفا برا
صقر مازال يبتسم / اي احسن اجلس برا لا تحرش فيها من يفكنا من لسانها

ملاك تعطيهم نظره وتدخل المحل وصقر ومازن انفجرو بالضحك وفا وقفت عند مازن وهي تزفر
عليه بخفوت /عاجبك سوات اختك ونيتها الخبيثة
مازن يطالع بصقر اللي دخل وراها وهو يرد على وفا بتسال/ ليش وش سوت ؟!
وفا بعصبية / الحين بتفهم انها جايه المحل عشان اياد صحيح ؟!
مازن ماهو فاهم شي/اجل وش عشانه ؟!
وفا بخفوت /تشمت فينا انا وانت عشان سالفة البارح وتبي تذكر صقر فيها
مازن يهز راسه بنفي/ لا وفا مستحيل كذا تفكر بس هي تحب اياد صحيح
وفا تهمس له /تشوف يا مازان اذا ماهذا مقصدها بس انت قلبك طيب ولا تنتبه
مازن حس بشعور ضيقة من كلام وفا
معقوله ملاك ليش تبي تضايق اخوها وتشمت فيه ؟!


عند صقر اللي يراقب تحركاتها وهي تشري وتحط بالعربة بحماس وكل شوي ترفع له شي وتشاوره
وهي تبتسم بحب وشجن لاياد …
اقترب صقر وهمس لها بخفوت /الا ملاك بسالك؟
ملاك تشتغل بالاغراض وهي ترد عليه/عن وشو
صقر مازال يخفت / الدورة متى موعدها ؟
ملاك اوسعت عيونها وهي تطالع فيه / وانت وش عليك وليش تسال !!
صقر تنحنح بخفوت / احم لا يروح بالك بعيد بس مجرد سوال وجاوبيني ؟!
ملاك ترفع كتوفها/ مادري بس احسها تاخرت لها كم يوم

صقر حس بدوران لاقوه لدرجته من الصدمه وانفاسه ضاقت وماهو قادر يتنفس وده يشق ملابسه ويصرخ با على صوته ولاكنه صمت صمت لانه عارف لو تدري بشعوره تقلب الدنيا على راسه كيف مايبي عيال وش السبب ؟!!

ملاك تهتف بحرج / خذيت كثير الله يعينك على الدفع
صقر نفض راسها وهو يشعر بارهاق /افا عليك لو تبين المحل كامل يرخص لك و ليودك
ملاك تضحك / فديت قلبه
صقر بهمس عاتب / بس قلب ايود وقلب اللي بيدفع ما تفدينه !
ملاك تغمز بعينها/افداه قلبه و افداه كله
صقر ضاعت علومه وهو فاتح عيونه على الاخر
ملاك تلف يمين ويسار بحرج/صقر عيب النظرات هاذي قدام الناس
صقر يسكر عيونه / خلصي بنرجع الفندق تعبان وراي شغل


طلعو من المول واتجهو للفندق وكلن راح جناحه
ملاك اخذت لها شاور وتمددت على السرير
وصقر اخذ له شاور وجلس على الاريكه قدامه لاب توب ويشتغل بصمت وكل تفكيرة بالدورة وتاخرها ولا فكرا بالشغل اللي قدامه اذا هي حامل كيف يتخلص منه ؟!

ملاك مستغربه ماقترب لها ولا نطق بكلمه طول الطريق كان بس يجاوب مازن على اسالته بختصار واضح يفكر ومشغول البال ؟!
همست بينها وبين نفسها(يمكن عشان الشغل احسن خلي يفك عني شوي انام مرتاحه من غير تلزقة)
______________________________
يوم جديد …

كان فهد نايم و صحاه شعوره بالم الاصابه من بعد انتهى مفعول المسكنات وهو عاقد حواجبه وشاد كتفه بكف يده و لف لجهتها شافها نايمه بجواره ومسكره اهدابها و وجها يبرق بروق النور مد يده ومسح على شفايفها بظهر اصابعه ورجعه لشفايفه وباسه وعيونه تناظر فيها لثواني وبعده نفض الفراش
و قام بثقل غسل وكل له حبه مسكنه وشرب وراها كاس مويا ولبس ثوبه وشماغه وترك مهره نايمه مثل ماهي و طلع لمجلس الرجال اللي مزدحم من المهنين له بسلامته…

بعد نص ساعه فتحت مهره عيونها وهي تقوم جالسه على السرير شافت ماكانه فاضي وهو غير موجود
قامت و غسلت ولبست لها جلابيه ناعمه و راحت داخل شافت الكل موجود بصاله سلمت و جلست بالمكان القريب لام ابراهيم

والجدة صيته هتفت لها بحماس / ترا اليله عشا كبير لسلامة ابو عقاب وعزمنا القريب والبعيد
مهره تبتسم / الله يطول بعمرك ويفرح قلبك
ام ابراهيم بتسال/ هو وينه راح لمجلس الرجال ؟
مهره ترد من غير نفس/ اي راح
ا
م ابراهيم بنغزى / يوه ياشوق اكلت قلبي بس تسال عنه تقول بنرجع عشانه قلت خلك الرجال مافي الا العافيه
الجدة صيته بهتمام/ هي شلون دراستها هناك امس كلمتني تقول زينه عاد مدري عنها هي صادقه ولا؟
مريم بحزن / دراستها زينه بس والله ماكان ودي تروح بس الشكوى لله
ام ابراهيم تنحرها/ خليها تحقق امنياتها وتاخذ الشهادة اللي ترفع الراس

الجدة صيته بحنيه/ يالله انك لا تخسرها وتوفق عبدالله وتيسر امره
ام ابراهيم تسال مهره بخفوت / الا فهد جواله طافي ؟!
مهره باستغراب / لا شغال ليش،؟
ام ابراهيم بخباثه / شوق ترسل له و رد عليها مره وبعد قال انا مشغول ولا عاد ارسل

مهره صمتت ودقات قلبها ارتفعت بغيرة وكل تفكيرها (كنت افتش جواله ماشفت شي معقوله يحذف المحادثة بينه وبينها؟ هين يافهد تستغل طيبة قلبي وانت قلبك ماهو معي مع شوق حتى وهي بعيده تبيها ؟!)
________________________________

الساعه 2 ظهراً بتوقيت دبي…

وفا تشتغل بجوالها ومازن يسالها/وين ملابسي باخذ للي شاور ؟!
وفا ترد وعيونها بجوالها/ عندك بالكبت اليسار
مازن ياخذ لبسه وهو يهتف بمشاوره / شرايك نطلع بروحنا صقر لا رجع ينام مايصحى الا 10 باليل
وفا برفض/ لا ننتظره لين يصحى ونطلع سوى افضل
مازن باستغراب/هاه غريبه وش عندك ماهو امس اكلتي قلبي خل نطلع واليوم تقولين ننتظره
وفا ترفع عينها له / خلاص مازن لا تلح بالكلام غيرت رايي نروح سوى افضل
مازن يتجه لحمام/ كيفك


من شافته دخل الحمام وهي ترفع جوالها وترد /هلا العنود سوي مثل ماقلت لك…..اذا اعطيتك رنه نفذي ….. يا بنت لاتخافين انا معك….. ….ليش شفيه ….بالعكس احسه معجب فيك …. قلت لك هو مدح زينك حتى قدامها …..يلا بس نفذي وامشي معي ماراح تضيعين ….باي ….

ابتسمت وفا بخبث /هين يا ملاك اذا اميرة ماتقدر فيك و بصقر العنود هي اللي تقدر فيكم ويكفي انها ازين من اميرة وصقر يحب الزين اصبري علي بس تحطين راسك براسي هين

___________________________________

بمجلس الشيخ فهد جالس و صالب نفسه وهو متعب ويتالم لاكنه يجامل الموجودين كل شيوخ القبائل حظرو يهنونه بالسلامه …

ابو انوار بحبه صادقه /الحمدلله الحمدلله انها جت سليمه و رجعت لنا بالسلامه
ابر ابراهيم يبتسم / اي والله الحمدلله هذا ولد عقاب عظمه جبر
ابو نواف / اي بالله عقاب اللي جهاد لوطنه وراح شهيد عسى مثواه الجنه البارده
فهد يرد بحنين / الله يرحمه ويغفر له
ابو فارس يهتف بمحبه / والله انه يوم مات مات على عز وشرف

قطع حديثهم دخلو ابو صالح و عياله صالح وفالح
و سالم الكل وقف لهم بترحيب صادق بعد السلام وسال عن الاحوال هتف ابو صالح بصوت ثقيل /اجر وعافيه يابو عقاب والحمدلله على السلامه جيت انا وعيالي نهنيك السلامه وخوي ابو ماجد يعتذر منك تعبان ولا هو قادر يجي
فهد يرد بصوت رجولي /الله يحيك انت وعيالك ويسلمكم من كل شر وخوك معذور والحق حنا نزوره لاكن ما حدنا عنه الا الظروف

ابو صالح ياخذ فنجاله من يد المقهوي اللي ماده له وهو يرد بمتان / يا بو عقاب والله يان لك وقفه معي انا وعيالي و منساه لين يدفنوني تحت التراب
فهد فهم مقصده وعيونه على سالم / مالنا فضل
يا بو صالح وبعض الرجال هي اللي تحدك على المواقف الجزله
ابو صالح ماوده يتكلم يخاف من المسؤلية على فهد
ولاكنه ماقدر يسكت لازم يشكره / الله يبيض وجهك ويكثر من امثالك ومن فعايلك
فهد يرد بموده عميقه / ياجعلك سالم يابو صالح

ابو ابراهيم يبتسم/ فهد مواقفه كثير وانا اخوك على القريب والبعيد جاين لابوه و جده الله يرحمهم
ابو انوار يشهد بحق /وانشهد انه من فعول رجالن خلفوه

ابو صالح بصوته الثقيل / عندي قصيدة ياوجيه الخير اذا تسمحون للي ؟
الكل بسعة صدر /اسلم يابو صالح المكان مكانك

هتف ابو صالح بذات الصوت الثقيل /
يافهد بن عقاب على جدك سميت…
مسيت يا حرن عزومة قويه …
ياللي على فعل الجمايل تربيت …
بالطيب وصيت وصنت الوصيه …
شيخ من الشيوخ اهل الصيت …
مطنوخ حرن ما تنوشك رديه …
ياللي بنيت بفعايلك لك بيت…
تاسس من فعول يدك النديه …
عانقت نجم السيل بالصيت…
بالسيرة العطرة كريم العطيه …

الكل شاش راسه / صح لسانك يابو صالح والله انك من رجال اللي صيته وصيت عيال يذكر بالخير
فهد قام وحب على راس ابو صالح بعد محاوله
منه / صح لسانك وبيض الله وجهك وجيتك يابو صالح انت و عيالك والله تكال بالذهب وسمعتكم الطيبه و فعاليكم الجزله تستاهل الوقفه!!
_______________________________

الساعه 4 عصراً

صقر رجع من الشغل وهو متاخر من زحمة الشوارع
والاشارات ومر اقرب مطعم اخذ معه غدا وكل تفكيره فيها اكيد جاعت وهي تنتظره ؟!…
ومن دخل الجناح كان بارد من المكيف
و الاضاه مطفيه واستغرب ملاك مازالت نايمه اقترب بهتمام وخوف و انحنى طبطب على كتفها بندا /ملاك ملاك
ملاك فتحت عيونها وترد بصوت واضح عليه
التعب/هلا صقر
صقر بتسال وهو مازال منحنى لها /شفيك نايمه لايكون تعبانة ؟!

ملاك تهز راسها بتجاوب/اي بطني يوجعني
صقر يجلس على طرف السرير عاجز عن الوقوف وخايف من اللي هو يفكر فيه /ليش شفي بطنك ؟
ملاك تشد احتضان نفسها/مثل كل مره
صقر رفع حاجبة /عليك الدورة ؟!
ملاك تهز راسها بخجل/اي
صقر تنهد تنهيده عميقه مسموعه و مسح على شعرها بحنيه / تبين اعطيك ابرة مسكنه ؟!

ملاك تهز راسها برضا/ اي اذا معك ياليت
صقر يقوم واقف/حاظر بس اول قومي اكلي لك لقمه انا جايب معي غدا عشان الابرة ماتصلح وانتي جيعانه

ملاك تعتدل جالسه وتناظر بصقر اخذ فوطته ودخل الحمام قامت وجلست على الاريكه وهي تضم نفسها من الالم شويات وطلع وهو لاف فوطه على خصره وعينه عليها و اقترب لها بامر هادي /قومي يلا غسلي وتعالي تغدي

قامت وهي تشعر بدوران وصقر تقدم بسرعه و حوط خصرها بذراعه وضمها على صدره وملاك ارتخت عليه وهي تهمس بتعب/احس بدوخه
صقر يرد بحزم / الدوخه من قلة الاكل البارح رفضتي تعشين ولا فطرتي الصباح والحين لازم تغدين

ملاك تبتعد منه /بروح اغسل واجي
صقر وقف يطالع فيها لين دخلت الحمام و لبس له شورت و تشيرت وجلس على الاريكه ينتظرها جت ملاك وجلست قباله حط الغدا وبدو يتغدون بهدو هي تجبر نفسها على الاكل وهو يراقبها بهتمام شوي وقامت /الحمدلله
صقر رفع حاجبه / ماكلتي شي ؟!
ملاك تتجه الحمام /خلاص شبعت

قام معها دخل الحمام وراها و شافها منحنيه على المغسله من الالم اقترب ولزق وراها وهو ينحنى ويغسل يديها اللي تحت الماء و ملاك ابتسمت وهي تطالع فيه بالمراءه اللي قدامها /ليش تغسل يدي شايفني بزر عندك
صقر يطالع بنعكاس صورتها وهو يبتسم / واحلا بزر بعد

بعد ما غسل يديها شالها بخفه بين يديه متجه لسرير و ملاك تبتسم وعيونه بعيونه بشقاوه وصقر يطالع فيها وهو يبتسم بعد /مبسوطه ؟
ملاك تضحك بارهاق / تبي الصدق ماودي تنزلني ابيك تدور فيني
صقر انفجر ضاحك بسعاده /حاظر بس هذا اللي تبينه
دار فيها وهي تضحك بقوه و بطفولة / بس يامجنون

صقر رماها بخفه على السرير ويسحب له نفس بتافف وتعب/ اوف صايرة دوبه يابنت وش تاكلين انتي؟
ملاك تمدد وهي تبتسم / مدري وزني يزيد بدون اكل

صقر طاح على السرير تمدد بتعب /فكيتي للي عضامي
ملاك تزفر عليه /قول ماشاءالله
صقر لف لها وطالعها بنص عين/ اي والله ماشاءالله عليك وعلى وزنك
ملاك تنحنح بحرج /احم ابي ابرة ممكن ؟
صقر يقوم بخفه /اكيد ممكن

اتجه لشنطته الطبيه و اخذ منها الابره رجع و اقترب لها / يلا نزلي بجامتك
ملاك برائه رفعت كم كفها و صقر ابتسم بخبث / لا يا بابا ماهو هنيه
ملاك تقطب حواجبها /اجل من وين ؟
صقر غمز لها بعينه / مع الورك
ملاك شهقت بتراجع /هاه لا خلاص مابي
صقر جلس قريب لها وهتف بحده /اقول يلا افصخي ترا انا زوجك ماني بغريب
ملاك بتقصد / وهاذي المصيبة انك زوجي
صقر ابتسم نص ابتسامه / يلا خلصيني

ملاك نزلت بنطلون البجامه مابقى عليها الا لبس الداخلي وعيونها عليه بخجل وهو يهتف بصوت هادي غريب/ لفي اعطيني الورك
ملاك رجفت بحرج /لازم ؟!

صقر مارد عليها وهو يلف جسدها ويحاول قدر المستطاع ان لا ينظر بشي خاص فيها لا ينظر …
ولا كنه عاجز عاجز عن كل المحاولات انثى ساحره فاتنه بين يديه و ملك له كيف يصبر ويتالم وكيف يقدر ويتحمل ؟!…ادخل الابرة بوركها وحقنها ولصق لصقه صغيرة مكان الحقن ولبسها البنطلون قام ورما الابره ورجع تمدد بحته معطيها ظهره بصمت موجع/…

ملاك تعض شفايفها وهي تشوف كتوفه العريضه
موجهه لها حاولت تكلم تفتح موضوع بس تشعر
انها عاجزة وصمته الغريب كذا ضايقها ويرعبها؟!
اقتربت له وهي تلزق جسدها بظهره وتهمس له / متى تبي اصحيك !؟

صقر كان فعلا مصدوم من حركتها ومن همسها الدافي و ماهو قادر يتحمل خلاص هو رجال تعب تعب من الحرمان و الصد ماعاد هو قادر على صبرن اكثر من صبره تنهد ورد بصوت موجوع / تراي بشر عندي حساس حالي حال اي رجل بالعالم ارحميني خلاص
ملاك ترد بذات الهمس / قربي كذا ضايقك !؟
صقر رد بزفرة / يا ملاك اذا انتي ناويه ترضيني وترضين ربك خلك قريبه بس اذا انتي تبين تولعين النار فيني وتبعدين ترا ماني بقادر اطفيها

سحبت نفسها و ابعدت منه وهي تعطيه ظهرها
وهو فار دمه من حركاتها وبرودها
لفت له باستغراب وهي تشوفه يقوم ويلبس ملابسه تكلمت بتسال/صقر وين ؟!
رد بغضب / بجهنم انتي وش عليك؟
ملاك ردت بزفرة/ احسن بعد

صقر عطاها نظره قويه وهي تصد بخوف وتغطي نفسها كامله رفعت الغطى عن وجها وهي تسمعه طلع و سكر باب الجناح بقوه …
_______________________________

وقت المغرب …

مهره ماشافت فهد اليوم كله من ازدحام الرجال عنده
راحت جناحها خذت لها شاور وبدت تجهز تفسها للعشا وقبل وصول الضيوف لازم تكون هي بستقبالهم
لبست لها فستان ماسك على جسدها البالغ بالانوثه بالون الخضر الغامق ومن اتحت شي على الاطراف فيه دانتيل و كمامه طويله ب دانتيل وطيحت شعرها البني على طوله ورا كله و خذت الخصل الطويله و ثبتتهم على ورا وبان تحديد فكها وطول رقبتها حطت لها مكياج ناعم …

وطلعت لضيوف وقامت بستقبالهم و بضايفتهم
وهي تجامل الجميع وماهي موضحه الضيقه اللي تاكل بصدرها الكل كان ينظر فيها بعجاب لملامحها الجميله وجسمها حد ذاته ملفت الانتباه بقوه …
و نوف وانوار قامو معها بمساعده وام ماهر ومريم وحسنا بعد مستلمات معها كم شغله …


ام طلال جالسه بجوار ام ماهر وتسالها بخفوت / مهره عداها ماحملت ؟!
ام ماهر تنهدت بضيقة / لا والله ماكتب لها الحمل للحين
ام طلال بحنان وعيونها على مهره /يارب يرزقها ياختي فيه وحده تعالج علاج شعبي خلي تكشف عليها
ام ماهر بقلة حيله/فهد معيي عليها مايبيها تروح للمعالجات
ام طلال بضيقة/ليش حرام عليه بعض البنات ماتحمل من المستشفيات لا بيد الله ثم بيد المعالجات

ام ماهر تنهد بحزن وعيونها على بنتها اللي تقهوي ببتسامه و بحب رغم الهم اللي يحتويها وهي فاهمه بنتها عدل وفاهمه وش تشعر فيه

ام يوسف بتسال للجدة / عسى ماهي بقويه اصابة ابو عقاب ؟
الجدة صيته ترد بتنهد /لا بالله انها قويه على كتفه الايسر لولا ستر ربي ولا كان جت بقلب
ام خليل / الحمدلله عسى مانسمع ولا نشوف فيه مكروه والله يان ابو عقاب لو غاب راسه لتولي احوال القبيله
ام انوار / اي والله عسى الله يديمه ويديم عمانه وعيال عمه كلهم فيهم الخير والبركة
الجدة صيته بموده/امين يارب وكلن يخلي لها عييلها وبنياتها ولا تشوف فيهم مكروه

ام طلال /شلون بنتك ولدك يا مريم اللي طلعو برا
مريم بحة حزن /ماعليهم بخير وعافيه عسى الله يرجعهم للي بالسلامه بس
ام طلال بتقصد/بيرجعون ان شاءالله و بتشوفينها عروس باذن الله
مريم تبتسم /امين يارب

ام ماهر همست لام طلال/كانك ناويه بنتها ؟!
ام طلال ترد بذات الهمس / اي بالله نحتريها لين ترجع ونبي نخطبها لطلال ماهو بجالس خلاص يقول مدام مهره اعرست وراحت ماني منتظر احد بدور نصيبي

ام ماهر بموده/عسى الله يوفقه طلال اجودي يستاهل كل خير بس ياختي شوق قشيرا مثل جدتها فاطمه
ام طلال تضحك/عاد كيف الله فيه وفيها كان وافقت ياخذها احسن من غيرها
ام ماهر بمحبه/ عسى الله يكتب له الخير
ام طلال بهتمام/انتي بتبطين بيت ام عقاب مانتي راجعه بيتك
ام ماهر تهز راسها بنفي/ لا بالله ماني مبطيه برجع لبيتي هاليومين ان شاءالله

الجدة صيته ترد على جوالها اللي كان يرن /هلا يامك …العشاء…طيب…طيب…يلا الحين

سكرت الجوال وهي تنادي /بنات يا بنات
جت انوار وبطنها قدامها/امري
الجدة صيته برحمه /يامك انتي ارتاحي خلي البنات ياخذن الخدمات و يدخلن العشا العيال حطوه برا
حسنا تقوم /حنا نروح انا ومريم

مريم وام ماهر قامو معها بمساعده

____________________________
الساعه 12 ليلاً بتوقيت دبي

ملاك تمشي بالجناح رايحه جايه بنفاذ صبر من طلع العصر مارجع وين يكون راح ؟!..و مازن كلمها كذا مره وهو يسالها عن صقر جواله مسكر زاد قهرها وافكارها توديها لا بعيد معقوله يكون صقر راعي نسوان ؟؟!..
معقول يكون طالع مع وحده و لقى اللي تغنيه عني وعن منتي؟ …لالا مستحيل وليش مستحيل وهو مسكر جواله من العصر وين يكون اجل ؟!..وبالوقت هذا طلع ليش ماهو البارح ولا اللي قبله ليش اليله بذات ؟!

انتظرت و انتظرت وهي تدور وعاجزه عن الجلوس ومازن كل شوي يدق ويسال عنه لين جت الساعه 2 ليلاً و خذت جوالها ودقت على مازن /الو مازن تعال للي للجناح بسرعه

شوي طق الباب وراحت فتحت له شافت وفا جايه معه تنهد بضيقة /قلت تعال ماقلت جيبها معك
وفا تدخل متجاوزه لها وترد بغرور/ماجيت لك ولا لحلالك جيت لجناح اخوي
مازن يسكر الباب و يمشي وراها بتسال/صقر مادق
و لا رجع لايكون فيه شي؟
ملاك تقترب لهم و تجلس معهم بتوتر/مادري عنه وين راح مدري
مازن بتوتر اعمق / هو ماقال لك وين بيروح بضبط ؟
ملاك تهز راسها بنفي/ماقال
وفا تحط رجل على رجل و تهتف بخباثة / اي صح انا تذكرت

الكل طالع فيها باستغراب ومازن هتف بتسال/ وش تذكرتي ؟
وفا تطلع جوالها من الشنطه بتعمد/دقيقه بدق على العنود اسالها عنه
ملاك وقفت بصدمه /والعنود وش دخلها ؟!!
وفا ترد برود /العنود بدبي من البارح يمكن راح لها
مازن بستغراب /منهي العنود هاذي ؟!
وفا بذات البرود / هاذي ممرضه عنده ودايم تطلع معه بخصوص الشغل ويمكن اتفق معها اليوم وطلعو

ملاك جلست بتشتت وماهي مستوعبه الكلام اللي سمعته و افكارها توديها با اسوى صورة وهي تتخيل صقر مع العنود زادت الافكار عندها وزادت لين وقفت وهي تصرخ بجزع/ مازن احجز للي اقرب طائرة برجع لسعودية
مازن يطالعها و هو مصدوم /ملاك اهدي خلي نفهم وينه يمكن يكون صاير في شي كايد لا سمح الله ماتدرين

وفا كانت تشتغل بجوالها وهي تبتسم من تحت النقاب ورفعت عينها /العنود مسكره جوالها و ماترد شكلها مشغولة

عرفت كيف تزيد شكها بطريقة خبيثه ملاك سكرت عيونها بالم ورجعت جالسه وهي تهز رجلها بغضب
طال الانتضار وطال الصمت وطال التفكير والشك كل ماله يزيد ويزيد ويزيد ….

وخيراً انفتح باب الجناح ودخل صقر بثبات وثقة؟!!




تحياتي (شغف )…

اللهم ارحم والدك والدي وموتانا وموتى المسلمين، اللهم كفّر عن سيئاتهم واغفر لهم ذنوبهم، اللهم اجعل قبورهم روضة من رياض الجنة..جزاك الله خيرا

يسعد مساكم جميع …بنات اللي تقدر تنقل الروايه في كذا منتدى اكون شاكره لها لاني غير مسجله بي منتدى ثاني بس الاهم ربي يسعد قلوبكم اسمي يكون موجود فيها …وباذن الله تعالى من تكتمل راح ابدا بروايه الثانيه …اتمنى منكم المساعده ونشر الروايه تحياتي لكم (شغف)…