كل من دعاء لوالدي الله يجزاكم الخير ويثلج قلوبكم بما يسركم ويسعدكم..
اليله راح انزل كم بارت باذن الله تعالى 🤍 ..

رواية ريح المطر
/-البارت الخامس والسبعون /-

رواية ريح المطر (للكاتبة شغف
ادعو لوالدي برحمة والمغفرة..


الساعه 10 مساً
من بعد ماطلعو من المستشفى وهم بسياره
متجهين للبيت ومهره صامته و تشعر بحزن عميق
من بعد كلام الدكتورة لها وهي تتذكر الاحداث ؟!


كانت الدكتوره جالسه بمكتبها وفهد ومهره مقابلين لها وهي تامر مهره بهدو / مهره اتفضلي على السرير بدنا نسوي لك سونار

مهره قامت مع الممرضه وهي تمدد على السرير وتفتح جز من بطنها للكشف السونار
وعينه على الدكتورة وفهد اللي متوجهين لها
فهد وقف من يمينها والدكتوره من يسارها
وهي تحط السونار على بطنها وتحركه بشكل دائري

و تقطب حواجبها / مهره حالتك مره سيئة مافي تحسن ابد
مهره وعيونها على فهد اللي واقف وصامت سالت الدكتوره بنبرة مبحوحه / ليش دكتوره وش صاير انا مستمره على العلاج ؟!
الدكتوره تنهد / انتي عندك بقايا كيس بالرحم واذا تم يكبر كذا ماراح تقدرين تحملين
فهد هتف بتسال حازم / طيب وش علاجه الكيس ؟!

الدكتوره تشيل السونار وهي تمسح بطن مهره المشدود بالمناديل عن اثر الجل وترد على فهد بصدق / مافي علاج الا العملية هي الحل الوحيد لها
مهره انتفضت بخوف /عملية ؟!
الدكتوره تهز راسها/ اي عملية لان الكيس راح ويزيد
و مارح تحملي وهو موجود ابداً

مهره غارت عيونها بالدموع وهي تشوف الدكتوره رحت لمكتبها وفهد يطالع مهره بنظرة غامضه
تنهد وهو يامرها بحنان / قومي وكل شي له حل
مهره تجلس وهي تنزل ملابسها على بطنها / ماسمعتها تقول مافي حل الا العملية !!
فهد مسح على راسها بذات الحنان / يجيب الله خير


بسيارة…

ا نفضت مهره وهي تسمع فهد ينادي عليها /مهره شفيك للي وقت اكلمك؟!
مهره تنفض راسها وهي تسحب لها نفس/ اسفه فهد بس كنت افكر بكلام الدكتوره
فهد يطمنها بحزم هادي/ لا تخافين من شي واذا على العملية ماراح تسوينها
مهره باستغراب / ليش ماسويها وهي تقول ماراح تحملي الا بعد العملية ؟!
فهد يرد برود / ومن قالك ابي تحملي عادي ماهو لازم تحملين
مهره انتفضت بصدمه و غيظ/ اي قول كذا يافهد من اول على الاقل جت من الله ماهو منك عشان تريح ضميرك

فهد يلف لها بحده وهو يزفر عليها برجولة/ وش ضميره اللي اريحه يا بنت ناصر ؟!

مهره بكت بحرقة / مدامك ماتبي مني عيال للحين ليش متعب نفسك وحاجز للي عند دكتورة ؟!
فهد يضغط على السكان وهو يحاول يتماسك لا يصفعها/ مهره صوتك صوتك

مهره لفت عنه وهي تبكي بنحيب عالي مقهوره
وكل افكارها ترسم لها ان فهد مبسوط على النتيجه
لانه مايبي عيال منها من اول ….
_______________________________
الساعه 11 بيت نهيل

ملاك تطالع الساعه وهي متردده وتحادث بنفسها
(روح ولا ماروح )

دخلت نهيل وهي تهتف بحزم / انتي ليش ماتروحين لرجلك وتتركين عنك العناد ؟!
ملاك تاخذ لها نفس بستنكار / مدري يومه احس هونت مابي اروح
نهيل تجلس عندها وتحاول تقنعها/ يامك الرجال سوا اللي تبين وكلم ابوك وانتي مارحتي له والله عيب عيب
ملاك تهز رجلها بترتر/ يومه والله مادري وش صاير للي وكاني اول مره بشوفه
نهيل تبتسم / يمك ماهو اكلك وترا هذا خوف من التفكير ومن تروحين لجناحك تنسين

قطع كلامهم صوت مازن المنادي /يومه يومه
نهيل تنادي عليه / تعال يامازن حنا هنيه
دخل مازن وهو يبتسم / ملاك للحين عندنا
نهيل تنهد / اي تقول ماهي قادره تروح لرجلها
مازن يضحك بمرح / تلعب عليك تمثل زي حصه يوم طلعت الاربعين تسوي نفسها خايفه من عادل تبينا بنزفها عليه
ملاك انفجرت بضحك وهي ترد عليه بذات
المرح / لا ومن رجعت له هي و قردها سحبو علينا ماعاد شفناهم
مازن انفجر بضحك و نهيل تزفر عليهم وهي
تبتسم /حرام عليكم خلو حصه ويودي بحالهم
ملاك تنهدت بشتياق / يومه وربي تقطع كبدي من الشوق له الدوب ودي اقطع خدوده تقطع

قطع كلامها جوال مازن اللي رن ورد عليه بحترام / هلا صقر ارحب …..اممم من …ملاك …. اي موجوده …تفضل

مازن مد الجوال لملاك اللي كان وجها احمر من الحرج من سمعته يقول صقر و نهيل تطالعها بنظرة عتب

هتف مازن لها / خذي صقر بيكلمك
ملاك خذت الجوال وهي تنحنح تحاول تطلع صوتها /احم هلا صقر
صقر بصوت غاضب/ ملاك وينك ؟!
ملاك ترد بحرج / بيت اهلي
صقر صرخ فيها بغضب اعمق/ انا ماقلت لا تجي الساعه 11 الا وانتي بجناحك ليش العناد بفهم ليش ؟؟اذا تبينها بتحدي وكسر الخشوم تراي جاهز اكسر لك خشمك

ملاك عيونها تنتقل على امها ومازن اللي ينظرون فيها وهي ترد بخفوت / صقر هذا انا جايه
صقر تغير صوته من الغضب الا البرود / انتظرك
ملاك تسحب نفس وهي تمد الجوال لمازن وتهتف لامها بقلة حيلة / بروح له وسكر الباب اللي عجز لا يتسكر
مازن بفهاوه / اي باب ؟!
ملاك تقوم واقفه وهي تزفر بقهر / باب حياتي لاني خلاص متجه لمقبره
____________________________

بالسيارة مازال الوضع على حاله

و فهد يسمع صوت شهقاتها الخافته وهو يحس بحزن عليها مايبي يضايقها بس كلمته طلعت بحسن نيه
وهي فسرتها بطريقتها وهو مستحيل يبرر لها
مهمها صاحت لو تصيح من اليل لنهار

لف لها وهو يهتف بثقل / مهره ترا ماله داعي كل يوم والثاني وهذا حالتك ترا انا رجال ابي للي مره تريحني ماهو مره تنكد علي وعلى نفسها

مهره لفت له وردت عليه من بين شهقاتها / ادري وش ناو ي عليه تبي تزوج عشان يكون عندك عذر !!
فهد مسك كفها بكفه وهو يردف من بين اسنانه /لو افكر اتزوج مايحتاج اطلع اعذار لو عندي منك عشر عيال ماسالت لا عنك ولا عنهم

مهره ارتعشت كفوفها بين كفوفه وهي تطالع فيه بتسال مخيف/ يعني ناوي تزوج علي حتى ولو حملت وجبت لك عيال!؟
فهد سحب له نفس وهو يزفره بتافف / يابنت انتي علامكم ما تستوعبين الكلام لازم اكرره عليك عشرين مره عشان تفهمينه

مهره صمتت وهي تلف وجها عنه كل عاده
فهد رفع كفها اللي كانت بكفه لشفايفه وباس
باطن كفها بهدو ..
مهره لفت نظرها له وهي تحس بنفاسه على باطن كفها وتسال بغنج / فهد تحبني
فهد رفع راسه من كفها وحط عينه بعيونها وهتف بسكون/ وش تشوفين ؟!
مهره تبتسم وتنسى كل اللي صار / تحبني
فهد ذاب لها و لرقتها وهو يهتف بشجن / تبين انتي تختارين طقم اللي بجيب لك ؟!

مهره قفزت بدون شعور وهي تبوس راسه من عند العقال وترجع لمقعدها وترد برجا / اي تكفى من زمان ما شفت السوق اخر مره كانت (صمتت)
فهد يطالع فيها بنص عين / ليلة العيد
مهره تنحنح / الله لايعيدها

فهد يغير الموضوع اللي يذبحه من الندم ويذبحه من القهر وهو يهتف بوعد صادق / خلاص بكرا اوديك
و تختارينه بنفسك
مهره بلحاح / خل نروح الحين الله يوفقك
فهد يرفع معصمه ويطالع بساعته ويرد برود / بس المحلات مسكره الحين الساعه داخله على 11
______________________________

""بجناح صقر ""

صقر من رجع من الدوام وهو يشعر بدم راسه
يغلي من الغضب وهو جالس على السرير وكل شوي يهز رجله وبعده يعض على شفايفه من شدت الغليان
وقام ياخذ له شاور يحاول قدر المستطاع يطفي
لو شي بسيط من غضبه قبل تجي ويخربها معها باول ليله لهم بالجناح …

من بعد ماخلص شاوره طلع وهو لابس روب الاستحمام وبيده فوطه صغيرة وينشف شعره
وقف مدهوش وهو يشوف عشقة الاول والاخير
موجودة و مشرفه جناحه …

ملاك من دخلت الجناح وشافته فاضي سمعت صوت الماء بالحمام عرفت انه ياخذ شاور
وهي تنزل عباتها وتعلقها وتحط شنطتها المدرسيه اللي مليانه بالكتب على السرير
وهي تدور بالجناح كامل بانبهار من تصميم الغريب
ولا كانه جناحه اللي قبل متغير 180 درجه

الصاله اريكه طويله بالون البندقي وداخلها خداديات بالون الابيض وكرسيين متقابلات بالون الابيض
وعلى الكراسي خداديات بالون البندقي (العكس)
وطاوله بالون البندق وعليها تحفه بالون الابيض وفيها ريش طويل ابيض
ديكورات كلها انيقه من اناقة راعيها
دخلت غرفة النوم وصدمت من منظرها
ظهر السرير يوصل لين السقف بالون البندقي والمفرش اللي اختاره صقر كان فخم متداخل بلونين البندقي والابيض طالع لون لاتيه
والديكورات بالون الابيض والتحف متداخله بالون الابيض والبندقي يطلع بختصار الجناح الاوان لاتيه

رجعت بسرعه وجلست على السرير وهي تفتح شنطتها وطلع كتبها ماتبي صقر يشوف نظرة العجاب بعينها للجناح
______________________________

دخل فهد ومهره الجناح وهي تنزل عباتها وتشوف
فهد راح ولبس له بجامه وتجه لسرير وهو يهتف بامر هادي / مهره روحي سوي للي شي بارد
مهره تهز راسها برضا/ حاظر


لبست مهره جلال الصلاه و طلعت للمطبخ وهي تشتغل بتجهيز العصير دخلت عليها شوق وتطالعها بنص عين وتحاول تفتح معها نقاش عشان تغثها وتنام
هي مرتاحه

شوق تنحنح / احم فهد نايم
مهره ترد من غير لا تطالع فيها/وانتي وش عليك نايم ولا صاحي
شوق بلعانه متقصده / كان ما وعدني يدق علي اليوم
لان بينا موضوع مهم بس مادري ليش مادق
مهره لفت لها بصدمه /يدق عليك ؟!
شوق تشرب مويا وهي تحاول تخفي ابتسامة
النصر /اي بس شكلة انشغل ماعليه بروح ارسل له رساله وذكره

طلعت شوق ومهره انهارت جالسه على الكرسي
عاجزه عن الوقوف من قو الصدمه اللي فجرتها شوق بوجها …معقوله فهد يكلمها وبينهم تواصل بالجوال ؟!عمرها مافكرت بهذا الموضوع ولا عمرها
ركزت بجواله ابد وهو محرمها من الجوال نهائي

كبت العصير بزباله اللي كانت مسويته له
وراحت لجناحها وهي ناويه على شر عويق هالمره

دخلت الجناح وسكرت الباب بقوه ورمت جلالها على الاريكه وهي تتجه له وتوقف عند السرير و تمد يدها له وتهتف بامر صارم /جيب جوالك يافهد
فهد كان متمدد على السرير ويشتغل بجواله جاها صوتها المرتعش يامر عليه رفع عينه لها بصدمه غاضبة / وشو ؟!
مهره ماده يدها له وهي ترتعش /جيب جوالك يافهد بشوف رسايلك معها

فهد فار دمه الحار وهو يرمى الجوال على السرير
و ينفض الفراش ويوقف ويعطيها كف قوي على وجها ويسحبها مع شعرها ويصرخ فيها بغضب
ملتهب / انتي قو راسك وانا بكسره لك وكان ناصر مات مالحق يربيك انا اللي اربيك
مهره تبكي وهي تصارخ / والله ماجلس عندك دقيقه وحده والله

فهد توقف الدم بعروقه من تهديدها ورماها بالارض وضربها على وجها برجله وهو غايب عن الوعي من شدت غضبه / تهددني مره انا تهددني مره والله لاذبحك والله لاذبحك
مهره تبكي و تصارخ بالم / اهى اي اهى فهد لا لا فهد
فهد زاد بضربه لها برجله مع راسها / تهدديني انا والله لا ربيك

مهره غابت عن الوعي وهو مازال مستمر بالضرب
ولا انتبه لا سكونها لين انهلك هو من التعب ومسح جبينه الممتلي بالعرق بظهر كفه ويصرخ فيها / الحين تعالي افتحي فمك عندي

رجع لسرير ولاكنه لف باستعجال ورعب وهو يشوفها ماتحركت اقترب لها برعب حقيقي وهو يهزها / مهره مهره مهرررررره

انقبض قلبه من منظرها الاليم وهو يرفعها بين يديه
و يمددها على السرير ركض واخذ الما
اللي كان على الطاوله قدام الاريكه
ويرش عليها وهو يظرب خدها باطن يده /مهره مهره اصحي مهره

مهره ماتحرك فيها شي وفهد ارتعب ويحاول يتنسى شي اسمه موت وهو يتكلم برعب خافت /لالا يارب الا مهره الا مهره يارب

فهد حضنها وهو يحس بنفاسها
مازالت على قيد الحياة تنهد براحه
ورجع يرشها بالما مره ومرتين وثلاث
وبين كل رشه كان ينادي عليها بخوف اعمق
___________________________________

صقر من طلع من الحمام وقف يطالع بفتنتها الموجعه
وهي لابسه بجامه حرير بالون الوردي الفاتح وفاتحه شعرها كله ونصه طايح بهذله على كتوفها و مفرق الخصله مع نص نازل من تحت جبينها الصغير لين واصل اطراف خدها …ومركزه عينه على الكتاب اللي بحضنها وتدعي الدارسة

صقر اقترب لها وهو يتكلم بحزم بالغ / ماكنتي ناويه تجين تبين تلعبين بذيلك ياملاك ؟!
ملاك رفعت عينها بعينه وهي تنفخ من فمها هوا وطير الخصله اللي على شفايفها وترد برود / لو ماكنت بجي كان ماجيت
صقر داخ من حركة النفخه اللي طلعت من بين شفايفها المزمومة وهي تزلزل رجولته زلزال
غير متوازن ويرد بتهديد بالغ / لو ماجيتي كان عظيتي اصابع الندم

ملاك ترمي كتابها بحده وهي توقف بوجه / وش بتسوي يعني بتجي وتسحبني مع رقبتي مثل الشاه؟!
صقر اقترب لها وهو يمد يده ويبعد الخصل العنيدة اللي نزلت على وجها / لا في الف طريقة وطريقة اجيبك فيها من غير سحبت الرقبه

ملاك تطالع فيه بنظرة حارقه وهي تهتف بصوت متقصد / ممكن تخليني اركز بمذاكرتي اللي احرمتني اروح للمدرسة الخصوصية عشان تساعدني عليها
صقر انحنى وهو يبوس خدها / انا موجود وصير لك مدرس خصوصي لو تبين
ملاك ابعدت منه وهي ترجع جالسه على السرير / لا شكرا خل درسك لك يا دكتور

صقر ابتسم نص ابتسامه وهو يتجه لغرفة الملابس ويلبس له شورت نوم ويطلع لها ويجلس على طرف السرير من جهته وعينه عليها وهي تذاكر هتف بهتمام/ وش عليك اختبار ؟!
ملاك مركزه على كتابها وهي ترد بهدو / فيزياء
صر تمدد نص تمدد / والبنت الشاطرة اللي وراها دراسه تسهر للحزة هاذي ؟!
ملاك تطالع فيه برود / كيفي ان شاءالله اداوم مواصله واذا انت تبي تنام روح نام بصاله

صقر اتسعت عيونه / انا اروح انا بصاله ؟!
ملاك تهز راسها برود اعمق / اي وش فيها لانمت بصاله اشوف الاريكه وش طولها كانه قطار نام عليها
صقر ضحك وهو يتسال بهتمام/ ماقلتي للي رايك بالجناح اعجبك ؟!
ملاك تطالع الجناح بعجاب تخفيه وهي ترد برود / حلو
صقر يرفع حاجبه بتشكيك/حلو بس ؟؟
ملاك تطالع بشعرة اللي مبلول وهي تغير
الموضوع / انت كيف تجلس على المكيف وشعرك كذا غرقان بالما ؟

صقر اقترب لها وهو يرد بخفوت رجولي / وش عليك فيني ماهو هذا صقر الشيبه اللي ما تبينه خلي يجمد ويموت شعليك فيه
ملاك اضحكت بشقاوه / حلوه شيبه الاعتراف بالحق فضيله
صقر سحبها لحضنه وهو يهتف لها بتاثر هامس /لونك تقدرين الحب ياملاك ولا تعرفين معنا الحب كان قدرتي هالشيبتين اللي طلعو وراعيها ينتظرك تكبرين

ملاك صمتت بين احضانه وهي ماتنكر ان كلامه اثر فيها وحضنه اللي كان مغرقها فيه سبوع كامل
وبعده انقطع فجئه اشتاقت له كثير كثير
وهي تستنشق ريحته الرجوليه المثيرة لها …

صقر شد احتضانها وهو مستغرب من تجاوبها معه بهالسرعه مسح على شعرها اللي منثور
على صدره بكف يده بحنان

مرت دقايق وهم على الوضع صقر من كسر الصمت وهو يهمس لها / ملاك حبيبتي
ملاك لارد /….
صقر عقد حواجبه وهو يرفع وجها لوجه ويشوفها غارقه بالنوم واضح انها مرهقه مره و نزل راسها على المخده بهداوه ورقه …وباسها على خدها وهو يقوم ويشيل شنطتها و كتبها من السرير ويطفى الانوار الا الابجورة اللي عند السرير خلاها يبي يشبع غرورة
بنظر لوجها الجميل…

ويرجع يتمدد و يركي راسه على كف يده قريب لها وعيونه على ملامحها …وهو يحس بشعور غريب ناحيتها يعترف انه يحبها لجمالها اكثر من روحها
رجال صبر عن قوم النساء كامل
وكان مستعد يقطعه نهائي
بس عشان ينتظر هالجمال القاتل اللي قدام عينه
_____________________________


بجناح فهد اللي مازال يحاول يصحيها
و شريط حياته معها يمر عليه بكل التفاصيل
كيف كانت تبتسم له …وكيف كانت ترجاه …
وكيف كانت تستلم له …وكيف كانت مطيعه له ..
و كيف كانت رحومه عليه ….

فهد يهتف لها برجا / مهره تكفين اصحي تكفين في ذمتي ماقد قلت لاحد تكفى قبل ذي المره

مهره فتحت عيونها وكانه ماهان عليها يقول تكفين وتخذله …و هي بالحقيقه اصلا ماكانت تسمع ولا تحس فيه نهائي غايبه عن العالم كامل كانت معلقه بين الحياة والموت …

مهره تطالع بالجناح وهي تحاول تشوف كله ضلام
و تذكر وش اللي صار معها هتفت وعيونها على الضلام / انا وين
فهد انتفض برعب / مهره فيك شي ؟!
مهره تهز راسها وهي تصرخ برعب وجزع / ماشوف ماشوف ماشوف
فهد انتفض معها وهو يشد احتضانها / اهدي اهدي هذا من اثر الدوخه اهدي

مهره تسكر عيونها وترجع تفتحها وهي تهتف
برعب / والله ماشوف والله
فهد خاف اكثر منها وهو يحاول يهديها / طيب اهدي انتي وسكري عيونك شوي لين يرتاح راسك
مهره تبكي بقوه /عميتني يافهد عميتني ضربت راسي لين رجيت خلايا عيوني ارتحت الحين ارتحت ماشوف شي ماشوف

فهد يدعي الله ان كل هذا حلم حلم ماهو حقيقه ماهو حقيقه ..!!!!

و مهره تكمل كلامها وهي مسكره عيونها / اضلمت الدنيا بعيني ماعاد اقدر اشوف وسامتك ولا قساوتك بس ختمتها للي ببتسامتك قبل العمى

فهد اوجعه قلبه من كلامها وحط يده اليمنى على راسها وهو يقرا عليها من ايات الله وهو يحس بيقين ان ربه ما يخسره و يرجع للمسكينه نظرها …

مهره فتحت عيونها وهي تشوف ضباب رؤيه غير واضحه وتهتف بفرحه / اشوف اشوف والله اشوف
فهد تنهد براحه وهو يحضنها /الحمدلله الحمدلله
مهره صفت الرؤيه لها وهي تكلم بنبرة موجوعه خافته/ طلقني
فهد لف لها بصدمه حاده / نعم ؟!
مهره تكمل بذات نبرتها الموجعه /انا مستحيل اعيش معك اكثر من كذا مستحيل مدام ربي رجع للي نظري طلقني خل ارجع لو مابقى فيني الا شوي عافيه راضيه فيها احسن من ارجع عميا ولا عرجا ؟!!

فهد كل كلمه منها كانت سكاكين تقطعه طالع نازل
وهو يحضن وجها ويغرقه بوساته النادمة
مهره تشيح بوجها /فهد ترا انا انسانه ماني بهيمه
فهد همس لها بنبرة نادمه / وش اللي يرضيك علي انا مستعد اسويه لك اطلبي اللي تبين !!

مهره بكت بالم /تبي تكفر عن ذنبك يافهد وبس
فهد بهمس حار / لالا والله برضيك والله
مهره تحط عينها بعينه /تفتح للي جوالك وتخليني اشوف كل اللي فيه
فهد انتفض بصدمه من طلبها الرقيق مثل رقتها/ هذا
اللي تبينه بس هذا اللي يرضيك !!!

مهره تهز راسها برائه /اي ليش مانت قادر عليه ؟!
فهد يهز راسها بالم / لالا اقدر عليه وقدر على غيرة بس اطلبي شي غيره اطلبي يا مهره شي ياخذ لك حقك مني مني انا
مهره تهتف بوجع عميق / الله اللي ياخذ حقي يافهد ماهو طلباتي

فهد سكر عيونه وهو يفضفض بدون شعور بتاثير عميق / لا تقولين كذا يا مهره والله يا اني ذايق بحياتي انواع العذاب من صغري لين كبري لا تزودينها علي ترا من غابت نوره وعقاب من هالدنيا وانا ماحس بطعم الحياة ابد الا معك انتي انتي وبس

مهره انتفضت بحنيه وهو تحضن راسه على صدرها
فهد انتبه لنفسه ولكلامه وهو يحاول يبعد من صدرها
لاكن وقفه رجاها الانوثي / تكفى فهد خلك على صدري لا تبعد خل اعطيك حنان

فهد ابتسم من كلمتها من غير لا تشوفه
وهو يرجع راسه على صدرها
ومهره تمسح على شعره برقه وحنان
فهد باس صدرها وهو يهتف برجوله / مهره جوالي يمك افتحي و افتشي فيه على كيفك انا بنام

مهره لفت وشافت جواله يمها وهي تمد يدها وتاخذه وترد عليه بتسال / اكيد افتحه كله ما تعصب علي
فهد يسكر عيونه بالم وهو يرجع ويبوس صدرها /لا ماعصب المهم خليني نايم كذا لا تصحيني ابد
مهره تشد احتضان راسه على صدرها / طيب
_______________________________


الساعه 7 صباحاً "

ملاك فتحت عيونها وهي تشعر بشي صلب
تحت راسها حركت راسها وشافت يده
اللي بارزة عروقها برجوله بالغه تحت راسها
تنهدت وهي تذكر كيف رجعت هنيه
ولاكنها عقدت حواجبها بتذكر كيف نامت !!!

قامت من السرير وهي تتجه لحمام و عيونها على ديكوراته الفخمه وهي تبتسم وتهتف بخفوت /حمامه احسن حتى من بيتنا

شافت فرشاته المخصصه له و معجونه
وكان حاط عدد من الفرش الجديدة بالون متفرقه لها
خذت لها وحده وهي تفتحها وتغسل اسنانها
و تطلع من الحمام بعد ماخلصت
وشافته مازال نايم ولا حس فيها

تنهدت وهي تلبس عباتها وتاخذ شنطتها متجه لبيتهم عشان تلبس مريولها اللي نست لا تجيبه معها

__________________________________

-/البارت السادس والسبعون /-

رواية ريح المطر (للكاتبة شغف
ادعو لوالدي برحمة والمغفرة..



بيت نهيل "
تفطر بصمت هي وامل اللي خانقتها العبرة وفاقده اختها اللي كانت تفطر كل صباح معها وتروح بصحبتها للمدرسه ..

شوي وهم يسمعون صوت الباب يطق بقوه
نهيل بخوف /من جاي هالحزة !!
امل توقف / مدري يومه بروح اشوف
نهيل تقوم برفض/ لا خلك انا بروح اشوف من اللي يردعه الله يردع عظام العدو

فتحت نهيل الباب وامل وراها وهم مصدومين من هجوم ملاك عليهم / كان ما فتحتو احسن شكلكم نسيتو ان عندكم بنت ماسرع تبرون منها
نهيل تسكر الباب وهي مصدومه / شفيك جايه لايكون صاير بينكم شي ؟؟
ملاك تدخل وهم وراها و ترمي شنطتها بالارض وبعده عباتها وهي تجلس على سفرة وترد برود / جايه البس عشان اروح للمدرسه
نهيل تجلس وهي ترد بعصبيه / وليش ما خذتي مريولك معك وملابس لك ماهو كل يوم جايه تردعين الباب عشان تلبسين
ملاك ترد بزفرة / شكلك بتفتكين مني مره وحده حتى ملابسي مضايقتك
نهيل تهز راسها باسا / يامك انا ماقلت كذا مافي ام تضايق من ضناها بس ماهي زينه بحقنا كل صباح وانتي واقفه عند الباب عشان تلبسين

ملاك تسحب لها نفس/ يوم نسيت لاخذ مريولي معي وبعدين لازم اجي هنيه عشان الباص
امل تجلس قريب لها وهي تبتسم بفرحه / يومه وربي كنت بغيب من كثر ما انا حزينه كيف بروح مع الباص بروحي!!
ملاك تضحك وهي تضرب فخذ امل / يا بنت ماعليك انا لو تحطوني بالخلا الخالي رجعت لكم

نهيل بتسال غريب / وصقر ليش ماوداك هو للمدرسه خابرة ماعنده دوام الا العصر ؟!
ملاك تفطر وترد برود / نايم ماحس فيني وانا طالعه
نهيل انتفضت بحرج / كيف تطلعين من بيته وهو نايم والله لو يصحى ما يلقاك ليكسر الدنيا فوق راسنا
ملاك تشيل يدها من الاكل وتقوم لغرفتها وتهتف بروقان / خلي يكسر الدنيا ماحد ماسكه المهم بالبس قبل يجي العم بشير وباصه العوج اللي مثله

امل انفجرت بضحك و نهيل تطالع بملاك بخوف
من تصرفاتها العنيده
_______________________________

جناح فهد"

فتح عيونه و صحى وهو يتذكر اللي صار
و يلف لجهتها برعب
تنهد بارتياح وهو يشوفها نايمه ولافه له وجها البريئ
انحنى وباس عيونها وهو يشعر بالذنب
وكل تفكيره (لو عميتها يافهد صحيح وش اسوي بحياتي والله يان الموت لها اهون من اشوفها عميا قدامي وانا السبب )

مهره تحرك وهي تلف لجه الثانيه وتعطيه ظهرها
فهد اقترب وحضنها من ورا وكانه ماهو مصدق عيونه
هي بحضنه وسليمه مافيها شي !!
لازم ياخذ على نفسه عهد ماعاد يضربها
عشان مصلحتها ومصلحته هو بعد
لانه يعرف عدل لو صار لها شي لاقدر الله
هو اكثر انسان راح يتعذب عذاب من بعدها

قام ولبس بدلة الضباط وهو ناوي يطلع لدوام
لاكن توقف وقلبه ينغزه مايقدر يروح وهو ما تطمن عليها وبذات على نظر عيونها!!

اقترب وانحنى لها وهو يهتف لها بسكون / مهره مهره
مهره تفتح عيونها وهي ترد / هلا فهد
فهد باس جبينها / انتي زينه
مهره ترفع حواجبها وهي تهتف بارتباك / ماشوف عدل ضباب
فهد انتفض وهو ياشر لها بيده / مهره تشوفين شي قدامك
مهره تهز راسها بنفي / لا ضباب
فهد تسارعت دقات قلبه وهو يمد يديه تحت كتوفها ويجلسها / مهره سكري عيونك وفتحي تشوفين شي ولالا ؟!
مهره سوت اللي قال لها عليه وفتحت وهي تهتف براحه / اي الحين اشوف
فهد بتشكيك / تشوفين عدل ؟!
مهره ترد بحه وهي ترجع تنام / اي لا تخاف باقي ما عميتني
فهد تنهد وهو يوقف / بروح الدوام تبين شي
مهره ترد وهي متغطيه تحت الغطا/ لا مابي شي
فهد كان متجه لباب رجع وكانه يتذكر شي وهو يسالها بحزم / جوالي وينه ؟!
مهره تطلع جواله من تحت مخدتها وتمده له /تفضل
فهد اخذه وهو عاقد حواجبه / وليش حاطته تحت المخده ؟!
مهره ترد برود / عشان تنساه وكمل تفتيش مالحقت على شي
فهد اخذ له نفس وهو يهتف بثقة / لا رجعت من الدوام خليتك تكملين تفتيش على قولتك
_______________________________

صقر صحى من النوم وراح لحمام غسل وفرش اسنانه وطلع وهو متجه لصاله توقع يحصلها جالسه فيها
وقف مصدوم وهو يشوفها خاليه..
ورجع الغرفه باستعجال واخذ جواله يشوف الوقت
زفر بغضب/ اف الساعه 9 وين ذلفت هاذي ؟
لايكون راحت للمدرسه من غير تصحيني ؟!

فتح الجوال ودق على مازن وهو يهتف باستعجال / الو مازن انت وينك؟!
مازن يرد بصوت رايق / هلا صقر ارحب انا موجود افطر مع امي امرني
صقر زفر بتسال حازم/ اختك وينها عندكم ولالا ؟!
مازن باستغراب / من ملاك لا ماهي عندنا راحت للمدرسه
صقر انفجر بالغضب / كيف تذلف وانا نايم تحسب ماوراها احد مسؤل عنها هايته لا حسيب ولا رقيب

مازن يطالع امه اللي كانت تسمع صوت صراخ صقر من ورا سماعة الجوال وهي حاطه يديها على راسها بخوف ومازن يرد بحرج / ياخوك ترا ملاك صغيرة ولا تفهم بالاصول
صقر غاضب لابعد حد / وامها وينها ليش ما تعلمها الاصول ماهو مهيته بنتها ولا هي داريه عنها

مازن كح بحرج اعمق / امي تعلمها بس هي عنيده الله يصلحها
صقر ينهي النقاش/ عنيده انا اللي بكسر عنادها واعلمها الاصول


سكر الجوال من غير لا يسمع رد مازن
راح ولبس ثوب وشماغه بتانق مثل عادته اللي لا تغير وحط من عطره وطلع ركب سيارته واتجه للمدرسه ناوي على تاديبها!!
_______________________________

فهد طق الباب على جناح جدته ودخل شافها جالسه وقدامها القهوه والتمر ..
هتفت الجدة صيته بترحيب/ ياهلا والله اني صادقه
فهد يحب راسها بحترام /صبحك الله بالخير
الجدة صيته ترد بموده /يصبحك الله بالنور والسرور
فهد يسال بموده اعمق وهو مازال واقف/ شلون صحتك
الجدة صيته تبتسم/ طيبه الحمدلله
ثم ردفت بتسال/ مهيره عداها نايمه ؟!

فهد يشعر بغصه موجعه ولاكن رد بثبات/ اي نايمه ويومه ابيك تنتبهين لها وتمرينها بالجناح
الجدة صيته بخوف / ليش شفيها؟!
فهد ينهى النقاش/ مافيها شي بس ابي ما تغفلين عنها مري عليها كل ساعه لين ارجع من الدوام
الجدة صيته وقفت بحزم / فهد وش انت مسوي للبنت اكيد انه شين كايد ؟؟
فهد يرفع كتوفه برود وهو متجه لباب / روحي انشديها


الجدة صيته تشعر بنغزات غير مريحه وهي تنتظره يروح و اتجهت لجناح مهره وطقت الباب وقفت تنتظرها تفتح..

عند مهره اللي سمعت الباب يطق قامت تبي تفتح
ولاكن رجعت جالسه وهي تشعر بدوران وظلام
ارتفعت طقات الباب وهي توترت تحاول تسكر عيونها تفتحها لعدت دقايق ومن حست برؤيه غير صافيه
قامت تلمس قدامها لين وصلت الباب وفتحته

الجدة صيته هتفت برعب /علامك ماتفتحين الباب احسب صاير لك شي
مهره مدت يدها وتلمس الهوا وتمشي بصمت لين جلست على الاريكه
الجدة صيته وقفت مدهوشه لثواني و تناظر بمهره
لين جلست وهي تسكر الباب وتجه لها وتجلس قبالها
بتسال مخيف / مهره علامك يامك تحسين بشي فيك شي
مهره غارت عيونها بدموع والرؤيه عندها تصفى وهي ترد بالم موجع / يومه حتى النظر يبي يحرمني منه اعمي للي عيوني
الجدة انتفضت واقفه برعب حقيقي / انتي وش تقولين مهره عيونك فيها شي تكلمي؟!

مهره ترفع و تطالع فيها/ لا الحين اشوف بس اول ماصحى ماشوف والبارح ماكنت اشوف كنت بفقد نعمة البصر من قساوته يا يومه من قساوته

الجدة صيته شهقت من بين دموعها اللي حاولت ماتنزل بس خانتها العبرة / قومي البسي عباتك
مهره تطالعها بدهشه/ ليش وين تبين نروح ؟!
الجدة صيته بعصبيه بالغه / بوديك بيت ابوك اللي ضمك وانتي ورع ماهو عجزان عنك وانتي مره وهو خليه يدور له وحده تحمل مرضه النفسي

مهره وقفت وهي تشعر بدوران وحطت يدها على راسها وتهتف بضعف / لا تكفين يا يومه صحتي ماتساعد للمواجه معه وبعدين امي وخوي مابي يتضايقون ابي يرتاحون من هم مشاكلي

الجدة صيته بامر حاد / قلت لك البسي وامشي قدامي والله واللي خذ عقاب وابو عقاب وهم اغلا الخلق يا حقك منه هالمره انا اللي لاخذه وحرمه حتى شوفتك
مهره برجا / يومه تكفين
الجدة صيته بحلف /والله لغير تمشين وانا بروح انادي محمد يودينا قبل يطلع
___________________________

""بمدرسة الثانويه ""


ملاك جالسه تفطر هي وشذى وتهتف بهتمام / كيف حلك بالاختبار ؟!
شذى بغصه بالساندوتش/ تكفين لا تذكريني استفرغ فطوري كله
ملاك تضحك / ليش والله سهل ماتوقعته كذا
شذى تطالعها بنص عين / هين انتي كل شي عندك سهل تاكلين الكتاب قبل تجين للاختبار
ملاك تضربه مع فخذها / قولي ماشاءالله يا مشفوحة
شذى تبتسم / ماشاءالله

جت لهم بنت من الطالبات وهي تكلم ملاك / ملاك تقول استاذة بشرى اطلعي لاهلك جايين يستاذنون لك
ملاك تنهدت بضيقة وهي عارفه من يكون/ طيب الحين اطلع

من راحت البنت وشذى تلف لها باستغراب / غريبه ماكن اهلك امسكو تعليق ؟!امس طلعوك قلنا تعبانه بس اليوم بعد وش صاير
ملاك تطالع فيها بنص عين / هذي بركات خالك صقر
مقيد حريتي حتى بالمدرسه
شذى تسال بصدمه / ليش هو اللي امس استاذن لك ؟!
ملاك ترد بحرج / اي شذى و ترا البارح نمت بالجناح عندكم
شذى ضحكت بفرحه / يالخاينه وما تقولين للي عشان اجي اجلس معك
ملاك تقوم وهي تنفض الغبار من مريولها / يابنت انا ماجيت الا اخر اليل وين تجيني وخالك مرابط عند راسي
شذى انفجرت بضحك وهي توقف معها/ لا تلومينه احد يشوف مثل زينك ولا يرابط عنده ياخاف عليك حتى من شياطين اليل

ملاك تعطيها نظره وهي متجه تلبس عباتها للخروج"

طلعت وشافت صقر واقف عند سيارته ويكلم بجواله وكان مشغول بالمكالمة جنت جنونها من وهي تلف يمين ويسار تخاف احد شافه بهالشكل الرجولي الجذاب

واقف بجسد استثنائي وعضلاته باينه من تحت ثوبه الابيض وطوله البالغ بطول رجولي ناضج
و عليه نظاراته الشمسيه و عوارضه محدده بدقه
وكان يكلم بالجوال ومن شافها اقتربت ركب السياره وعيونه عليها وهو مازال يكلم ملاك ركبت وهي تفور من الغيرة والغيظ
___________________________

الساعه 10 ونص …

رجع فهد للبيت من بعد ما استاذن من دوامه
وقلبه ماهو مطمن من ناحيتها
دخل الجناح ناد عليها وعيونه تدور بالجناح / مهره مهره
قطب حواجبه وهو يهتف باستغراب/ تكون بجناح جدتي كيف طلعت وهي تعبانه؟؟ اه يا قلبي على هالمسكينه اللي بلاها الله بواحد مثلي


طلع وراح للجناح جدته وطق الباب مامن مجيب..
فتح ودخل وانصدم انه خالي منها ومن مهره طلع وهو يرجف ويدعي الله بنفسه ان اللي باله ماهو صحيح ماهو صحيح عشان ما ايذي مهره كثر ما اذاها شاف حسنا طالعه من المطبخ وتكلم بتسال عجول / وين ام عقاب ؟!
حسنا ترد باستغراب / راحت هي ومهره مع ابو ابراهيم لابيت ام ماهر

فهد ماعاد هو شايف شي قدامه طلع و ركب سيارته وضرب السكان بعنف وصرخ باعلى صوت / والله لاذبحها وريحها من هالظلام اللي هي عايشته
هتف بينه وبين نفسه بحسره / والله غريب امرك يافهد ولا كانه انت اللي معيشها بظلام
رد على نفسه بجبروت / حتى ولو كنت السبب ماتطلع من غير علمي ماتطلع

وصل بيت ام ماهر طفى السياره ونزل …
وطق الباب بقوه طق متواصل …
فتحت الباب ام ماهر وهي عارفه انه هو من طقه العنيف للباب و تبكي وترجاه / تكفى حل عنها اللي فيها مكفيها والله يان الموت اهون من حالتها هاذي
فهد دخل وهو يسال بقساوه وجبروت / وينها؟!
ام ماهر مستمره برجا / تكفى يامك خلها بحالها لين الله يرفع عنها البلا البنت لا هي اللي تشوف مثل الناس ولا هي اللي انعمت مدري وش بلاها

فهد حاول يسيطر على نفسه وكلام ام ماهر اثر فيه كثير وهو يلف لها بتسال هادي رغم الغضب اللي باين على ملامحه / وينها بشوفها ؟!
ام ماهر تاشر على غرفتها بقلة حيله / هناك بغرفتها

فهد تقدم ودخل شاف مهره متمدده على سريرها ومسكره عيونها والجدة صيته جالسه على طرف السرير وحاطه يدها اليمين على راس مهره وتقرا عليها
ومن شافته دخل وقفت جدته بغضب / انت وش جايبك ماكفاك اللي سويته بها الضعيفه تبي تكمل عليها تبي تفقدها عافيتها انت وش انت من بشر انا
ما ربيتك على قلة الرحمه وقلة المروه

فهد صرخ فيها وعيونه على مهره اللي تطالعه برود / يومه الف مره اعيد وزيد لاحد يتدخل بحياتي ولو شفتيها مكفنة لا تدخلين بينا
الجدة صيته بجزع حقيقي /وتبيني انتظر لين تكفنها واتدخل وش ينفع هذاك الوقت الكلام وش ينفع لا قابلة ناصر وقلت امانتك ماقدرت احافظ عليها مثل
ما انا قدرت احافظ على امانة عقاب و حميتها

فهد سكر عيونه وهو يعض على شفايفه ويهتف من بين اسنانه / خلينا بروحنا بتكلم معها شوي
الجدة صيته تجلس عند مهره وهي ترد بصوت صارم و برفض/ ماخليك عندها لحالك وماعد هي لك مثل ماخذتها بالحسنا طلقها بالحسنا

فهد تقدم و انحنى لجدته و حط عينه بعينها بشكل مباشر وحط يده على رقبته / شفتي الرقبه هاذي والله لو جبتي السيف و حطيتيه عليها ما طلقتها والله اللي خذا نوره وعوضني بمهره ما رخصها لو على موتي

اعتدل واقف وكمل كلامه بنبرة موجعه / يا ام عقاب اذا اندفنت تحت التراب ترها حره اما مدام انفاسي و انفاسها تشم نفس الهوا ماهي بحره ماهي بحره

الجدة صيته بكت بحرقه من كلامه تعلم حبه لها
حتى ولو ماصرح و بنفس الوقت تعلم ان في شين غريب يثيره غصبن عليه قامت وهي تمسح دموعها بطرف شيلتها و تطالع بام ماهر اللي واقفه على الباب وتسمع وهي تبكي بصمت نادت عليها/ تعالي يا ام ماهر خلي نخليهم لحالهم

مهره كانت تسمع وتسمع ولا نزلت منها دمعه وحده جامده بارده وهي تطالع فيه …
فهد ما خفاه برودها ولاكنه ما يلومها اللي صار معها ماهو شين سهل الا هالمره كبير وكبير …

اقترب وجلس على طرف السرير مد كفه لكفها وسحبها بهدو لحضنه وكانه خايف يوجعها
حضنها وهي تجاوبت معه برود
فهد باس شعرها ويده تمسح على ظهرها
وهتف بثقة / انا بخليك بيت امك ترتاحين لين تهدا نفسيتك بس هذا مايمنع اني اجي واشوفك وتطمن عليك

مهره ابعدت راسها من حضنه وحطت عينها بعينه بنظرة برود / ماكنت بطلع من البيت ماهو عشانك يافهد بس عشان ماتسبب لامي وخوي مشاكل بس الحين ماقدر ارجع ولو صار اللي صار
فهد هز راسها برضا وهو يحاول يتماسك / طيب انا بخليك تجلسين لين انتي من نفسك يطيب خاطرك
مهره تصد بوجها / ماراح يطيب خاطري لو انتظرتني العمر كله

فهد يوقف وهو ينهى النقاش لا يتهور/ ارتاحي من التفكير وانسى كل شي خلك بصحتك وبنفسك بس

طلع فهد و مهره انهارت بالبكا ،،،،
________________________________

بسيارة صقر "

من انتهى من المكالمه كان على وشك يعاقبها
الا هي تهجم عليه بزفرة / انت بتجي كل يوم تميلح عند مدرستي تبي البنات يشوفونك غصب ؟!
و ردفت بزفرة وهي حاطه يديها على خصرها /متعود على المغازل من ممرضاتك وجاي بطبق عند مدرستي بعد؟!

صقر كان مصدوم مدهوش من هجومها
وكيف قلبة عليه الطاوله وهو كان جاي يبي يا ادبها على خروجها من الجناح من غير علمه

زاد سرعة السيارة وهو يتوعد فيها بغضب حامي / لا وصلنا البيت اعلمك من اللي جاي يتميلح عند مدرستك واعلمك كيف تطلعين للمدرسه من غير استاذان مني!!

ملاك بجزع حقيقي/ نعم ؟!نعم استاذن منك عشان مدرستي حلوه هاذي احسن افصلني عشان ترتاح
صقر لف لها وهو يصرخ بصوت رجولي صارم / اص ولا كلمه صوتك ما يعلى بوجهي لا شفتيني تقطعين
و تخسين ياحيوانه

ملاك طالع فيه بدهشه / انا اقطع واخسي انا حيوانه انا؟!
صقر يصر على اسنانه / اي حيوانه وستين حيوانه بعد
ملاك هتفت بصوت حاد / رجعني بيتنا يا صقر !!
صقر يسكتها بتهديد صارم / كل كلمه والثانيه رجعني بيتنا اقول سدي فمك لا طى على حنكك
ملاك تهز رجلها وهي ترد بحده اعمق / انت على بالك انا اصغر عيالك تهددني بضرب صقر اصحى اذا انا بعمر بنتك ترا ماني بنتك

صقر طالع فيها بنظرة حارقة / بتسكتين ولا شلون ؟!
ملاك تكتف يديها على قدام وترد بسكون / ما راح اسكت وش بتسوي ؟!
صقر لف لطريق وهو يسحب له نفس لتهدئه/ لا وصلنا اعلمك وش اسوي
________________________________

-/البارت السابع والسبعون /-

رواية ريح المطر (للكاتبة شغف
ادعو لوالدي برحمة والمغفرة..


فهد دخل جناحه ورمى جسده على الكنب
وهو يحط راسه بين كفوفه مخنوق من الحياة كامله

(فهد حب مهره لروحها …ماهو مثل صقر حب ملاك لجمالها )
فهد حبها حب صادق يحن عليها حنان حقيقي حنان الاب لطفلته و لاكنه في بعض الاحيان يقسى عليها قساوه اكثر من قساوة القاتل للقتيل
متعذب عذاب عظيم يبي يكفر عن ذنبه ناحيتها
وهو عجز عن نفسه وعن شخصيته الغريبه

لف وطالع بمكان ضربه لها صرخ بقهر / الله يلعن الشيطان الله يلعن الشيطان لو عطيتها الجوال
و ارتحت وريحتها ماكان احسن و ماكان ارحم ؟!!!
كمل كلامه بصوت اهدا /طيب يافهد لا تعطيها الجوال ارفض بس ماهو تقوم تهجم عليها وتضربها هالضرب العنيف وكانك تضرب لك رجال طول وعرض ماهو
با انثى رقيقه ناعمه مسكينه

وقف وهو يرفع راسه لفوق / يارب اعطني الصبر يارب
_______________________________

من دخلت ملاك الجناح راحت لغرفة النوم بسرعه
نزلت نقابها وشيلتها و عباتها ورمتهم بالارض تبي هوا
حاسه انها مكتومه وحرارتها ارتفعت من كثر ما تغلي بالغيظ …و صقر دخل وجلس بالصاله يحاول يمتص من عصبيته اللي فارت من تحت راس هالبنت العنيده

بعد دقايق قام و دخل الغرفه و شافها جالسه على السرير وتهز رجلها بحراره وعباتها وشنطتها
مرميه بالارض ..حس برعشه عجيبه وهو يرا جسدها الفاتن بالمريول المدرسي وكان مرتب على جسدها بترتيب انوثي وكانت لامه شعرها كله على ورا ورابطته
و خصل نازله على نحرها بهمال كانت لذيذه و مثيره

اقترب وهو يتنحنح يحاول ما يتعامل معها باثاره عشان مايكبر راسها هتف بتسال حازم/ كيف تطلعين وانا نايم ماتعرفين الاصول انتي اهلك ماعلموك الاصول؟!

ملاك رفعت عينها بعينه بتمرد / المشكله انهم علموني الاصول لو ما علموني كان رحت للمحكمه وخلعتك من زمان
صقر انتفض بغضب مدمر متفجر وهو يقترب ويشدها مع شعرها ونفضها / انا اللي تخلعيني انا والله لا خلع لك عظامك يا المتمرده يا قليلة الادب

ملاك تبعد يده من شعرها و تصرخ بوجه / والله ان مديت يدك علي مره ثاني لاطلع و مارجع لو سويت المستحيل ياصقر مارجع
صقر اخذ له نفس عميق وهو يجلس على طرف السرير ويستعيذ بالله من الشيطان الرجيم /اعوذب الله منك يا بليس

ملاك مازالت واقف وهي صاده بوجها عنه
صقر رفع راسه وهو يهتف لها بامر حازم / تعالي اجلسي
ملاك جلست قريب له بصمت /…
وصقر فتح ذراعه ولم كتوفها وقربها لصدره وكف يده تمسح على كتفها بهداوه حال الصمت بينهم لعدة دقايق وصقر يحط كفه الثانيه على وجها ويلفه له وانحنى وباس انفها وهو يهتف بحراره / لا تحديني على الردى وانا معك انتي بذات مابي اتردى!!

ملاك تشيح بوجها / ماهو من حقك تمد يدك علي
صقر يشد احتضانها / خلاص يا قلبي انتي ماراح امدها مره ثانيه
ملاك تهز كتوفها تحاول تبعد ذراعه / ابي اروح بيتنا ابدل ملابسي
صقر بتسال حازم / و ليش ما جبتي ملابسك معك ؟!
ملاك تلف وتحط عينها بعينه / مابي اجيبهم عشان لازعلت منك اطلع من غير شناط

صقر ابتسم نص ابتسامه / افهم انك ناويه على الهجه
ملاك ترد برود وعينها مازالت بعيونه / اذا ما احترمتني اهج وماعاد ارجع
صقر يبوس خدها / قومي خلي تطلع نتغدا وبعده اوديك لسوق تاخذين لك ملابس
ملاك ترفع حاجبها بكبر / ليش قالو لك ماعندي لبس عشان تصدق علي

صقر طالع فيها بحده / انا ماتصدق عليك ولا اسمع هالكلمه مره ثانيه انا اعطيك حقك وهذا اقل حق لك
ملاك تهتف بتقصد متعمد / لو بنتكلم عن الحقوق كان من زمان وانا طالبه اهم حق للي

صقر يعقد حواجبه باستغراب/ الي هو ؟!
ملاك تكسر النظر عنه وهي ترد بهدو / الباص اللي كل مره يحوم فيني لين يدور مخي مابيه
صقر رجع و لف وجها لوجه بتسال غاضب / لا تقولين انك مع باص حكومي ؟!

ملاك تهز راسها / اي معه
صقر يصر على اسنانه / وليش ماتكلمتي من زمان كيف تروحين مع باص يمر بيوت الحي كلها وانتي معه كيف ؟!
ملاك ترفع كتوفها بساطه / وش اسوي يعني تبي اضغط على ابوي عشان باص
صقر حس ب وجيعه وهو يمسح على خدها بحنيه / بس انتي بذمتي من زمان ليش ماقلتي لشذى تقول للي وانا اسجل لك مع احسن باص ويوصلك انتي اول وحده بعد
ملاك تهز راسها بنفي/ لا ابي تسجل للي مع باص شذى

صقر يبعد شعرها من نحرها و ينحنى و يبوسها بتروي
و ملاك انتفضت من حركته وهي تقوم مبتعده واقفه

صقر تنهد وهو مسكر عيونه / ليش كذا يا ملاك ليش؟!
ملاك بخجل / صقر بلاها هالحركات
صقر وقف بامر بارد / البسي عباتك بنطلع نتغدا
ملاك تهز راسها برضى وهي تحاول تهرب منه / طيب
____________________________

مهره كانت مرهقه تشعر بالم فضيع براسها
ولاكنها صمتت ماتبي تخوف امها وجدتها
تحمل التعب ولا تحمل خوفهم عليها
قامت من السرير وهي تشعر بدوران
وقفت شوي لين هدا وتحركت وطلعت للحوش
شافت ام ماهر جالسه ومازالت تبكي على حال بنتها
والجدة صيته تهدي فيها باخوه وحنيه

اقترب لهم و امها وقفت لها بخوف / يامك ليش طلعتي من غرفتك وانتي تعبانه ؟'
مهره تجلس معهم / انا بخير يا يومه الام بسيط وراح
الجدة صيته تاشر لا ماهر بامر /اجلسي يامره وعيني خير باذن الله ان مافيها الا العافيه
ام ماهر تجلس وعينها على بنتها بتسال/ يامك الحين تحسين بشي يوجعك شي علمينا لا تسكتين
مهره تبتسم بصعوبه / والله اني بخير يا يومه ولا احس بشي الحمدلله

الجدة صيته ابتسمت براحه / الله كريم ماعليه يامك ايام وتعدي والحين لا تفكرين الا بصحتك وبس لا بفهد ولا بحمل ولا بغيره
مهره تنهد باسا/ اي حمل ياجدة انا ماعاد ابي منه عيال خلاص ولا عاد ابيه ولا ابي ارجع له عافته نفسي خلاص
الجدة صيته انفضت / لا يامك لاتقولين كذا والله. لو يسمعك فهد لغير يستخف

مهره تهز كتفها برود / خلي يستخف ماعاد هو يهمني ياجدة فهد ماضي اليم وانتهى
الجدة صيته بكت من قلب/ لا تكفين يا مهره لاتقولين كذا والله يافهد على قشره الا انه اغلا من عيوني لا تذبحين قلبه طالبتك

مهره دمعت عينها / ياجدة وش تبين اسوي اصبر اكثر من ماصبرت فهد متهور متهور ولا يشوف اللي قدامه قبل كان خانقني قدامكم لين شفت الموت وبعده كنت باموت من النزيف بسببه والحين كان بيكسر للي راسي تحت ماطى رجله

ام ماهر صرخت فيها بوجيعه/ بس بس والله انا ماعاد قلبي يتحمل
___________________________

""بيت نهيل ""

امل تبوس ولد حصه بشتياق / حرام عليك حصه شهر ماشفناه قسم انفطر قلبي عليه
حصه تضحك / وش اسوي رحنا لعمانه يبونه هم بعد
نهيل تبتسم وهي تسال بهتمام / وشلونها اختي ام عادل عساها طيبه
حصه ترد وهي تقهوا / زينه وتسلم عليك وتراها مرسل لك نقصه
نهيل بحنيه / ياقلبي ياوخيتي

حصه بتذكر / على طاري وخيتك ملاك وخيتي وينها للحين نايمه
امل تضحك / من قال لك نايمه ملاك من امس وهو يستاذن لها صقر ويطلعها من المدرسه الظاهر شافت نفسها علينا
نهيل بجزع و محتاه/ لاوالله اليوم مطلعها يبي يكوفنها يخوفي تجي الحين هاده علينا بشراع و ميداف

حصه باستغراب / ليش وش صاير ؟!
نهيل بحسره / طالعه للمدرسه وهو نايم من غير لا تشاوره ولا تعلمه وهو عصب منها بالحيل
حصه ترفع كتوفها/ طيب واذا عندها مدرسه وهو نايم عادي ماتبي تصحيه لازم يسوي سالفه صقر
نهيل بحرقه / عاد وش يفهمهم هي عنيدة وهو رجال حار ولا يتفاهم والله اني اسمع صراخه على مازن من ورا الجوال يادافع

امل تنهد / يارب تعين ملاك على الحياه معه
نهيل بتقصد / ماعليها البنت العاقل تحمل هذي حياة زوجيه ماهي لعب
امل تنحنح وهي فاهمه قصد امها / احم صادقه يومه صادقه
نهيل بتقصد اعمق / وانتي بعد لا خذتي بندر تبي تمر عليكم من المشاكل الزوجيه بس ان شاءالله انك اهدا من ملاك وتفهمين الكلام

حصه بفرحه / عسى وافقتم على بندر
نهيل ببتسامه / اي والملكه بعد سبوع والعرس ان شاءالله يحددونه بعد الملكه
حصه تطالع امل بحب / مبروك امول الله يوفقك والله لاسوي لك احلا تجهيز ياروح اختك
امل بخجل /يبارك فيك يارب
حصه تلف لامها بعتاب/ وليش ماقلتو للي عن الملكه انها بعد سبوع ؟!
نهيل بحسره /يامك ما علمونا الا امس وانا اشتغلت مع اختك الخبله وزوجها المهبول
حصه تضحك / عاد ملاك خبله صحيح اما صقر حرام تقولين عنه مهبول والله انه رجال عقل وثقل بس نصيبه قطه على عوبا

نهيل بفخر / وهو حاصل له وحده ازين من بنتي والله لو يلف العالم كله من اقصاه لادناه مايلقى مثل زينها
ثم كملت بنغزه / وبعدين خلي العقل والثقل عنك لا يسمعك عادل ينتف لك رموشك
___________________________________

صقر تعمد يوديها مول يبيها تتغدا و تتمشى و تسوق بنفس الوقت …

كانو جالسين متقابلين وبينهم طاوله
ملاك كانت تطالع بالناس وهي تشعر بحسره تاكل قلبها من زمان ماطلعت ولا تمشت ولا راحت سوق
من جت وفاء لحياتهم احرمتها من الطلعات مع مازن..

صقر يراقب نظراتها وهو يتسال بخفوت / متى اخر مره طلعتي ؟!
ملاك تلف له باستغراب/ وليش السوال ؟!
صقر يرفع كتوفه برود / مدري بس سمعت انك من زمان عن الطلعات والاسواق ولا انا غلطان ؟!
ملاك تنهد بقهر / هذي شذى بقطع لها لسانها عشان ماعاد تكلم بعدين ترتاح وتريح الناس منها
صقر ضحك بثقل / اف علامك عليها ماقالت شي!!
ملاك من بين اسنانها/ كيف ماقالت شي وهي بس تبربر عني ياربي ماتسكت ؟!
صقر يرفع حاجبه / واذا بربرت للي عنك وش صار بالدنيا عادي زوجك ترا ؟!
ملاك تنهدت بفضفضة بريئه/ ماهو بس عندك تخيل حتى المعلمات لا جو يتكلمون معي نقزت وقالت لهم انتم لا شفتو ملاك تنسوني انا طافيه وهي طاغيه تفشلني قدامهم اهاوش فيها تضحك ماتفهم

صقر كان مركز على كل كلمه قالتها وهو يشعر بغيرة وسالها بتقصد / والمعلمات وش يبون فيك يسالونك وهي لا ؟!
ملاك ترفع كتوفها برائه اعمق / مدري سوال عن الاختبار ولا عن اخباري مجرد اهتمام
صقر تقدم وحط عينه بعينها / اهتمام بطالبه وحده فقط وباقي الطالبات مالهم اهتمام
ثم كمل بنغزه متقصده / ولا فعلا مثل ماقالت شذى الطافي غير والطاغي غير؟!

ملاك فهمت مقصده وهي ترد بخباثة/ والله عاد مدري ما سالتهم بس يمكن فعلا يكونن معجبات !!
صقر صر على اسنانه / والله لو ما تسكتين لا انقلك من المدرسه بكبرها
ملاك تضحك بغنج / عادي يمكن القى معلمات الدق تركيز
صقر حمر وجه بغيرة متملكه / اقول شكلي بافصلك من الدارسة كلها احسن للي و لك

ملاك توترت بخوف / تراك مجنون تسويها
صقر رد بنبرة رجوليه مثيره / عشان ملاكي وملكي ماحد يقرب له اسويها ونص
ملاك تنحنحت بحرج وهي تشوف نظراته لها اللي
ما تخفى عليها وش وراها/ احم خلاص خل النقاش بعدين حنا مكان عام
صقر اعتدل جالس وعينه عليها /يكون احسن بعد

شوي وصل الغدا تغدو بصمت وبعد ما خلصو
هتف صقر بامر ساكن /قومي عشان تاخذين لك لبس
وبعده برجعك للبيت وراي دوام
_________________________

يوم جديد-''
الساعه العاشرة صباحاً

بدوام فهد…
جاهم تبليغ من البارح باليل عن اربعة رجال مهربين
الكل كان على توتر وهم يجهزون للمداهمه ولاحد منهم نام الكل مواصل!!
وفهد كان القايد هو وثنين من الضباط معه قياد


احمد القاعد الثاني دخل بحزم /فهد الكل جاهز يلا مشينا
فهد يقوم ويلبس القبعه ويرد بذات الحزم / تاكدت من كل شي الاسلحه كامله و الخطه محفوظه ؟!
احمد يهز راسه بثقة/ كل شي ماشي زين والمراقبين اكدو ان المجرمين على وصول لازم نتواجد هناك قبل صلاة الجمعة
فهد بتسال ثابت/ و عمر وينه !؟
احمد يتجه لباب ويرد عليه/ عمر برا يكرر الخطه على العسكر
فهد يتجه لباب هو بعد/ بسم الله توكلنا على الله


طلعو وتوجهم للمكان المخطط له
و تم وصول المجرمين وتمت الخطة كما كان اتفاقهم
و الكل كان تحت السيطره الا واحد منهم انحاش برمشة عين …

صرخ فهد بصوت عالي / عمررر الحقه الحقه
عمر كان يركض مع العسكر يحاولون يمسكونه
فهد يركض وراه وهو يصرخ بحده / لايروح من يدينا يارجال
عمر يتجه له من الجه الثانيه وصرخ / فهد عليك فيه

مسكه فهد والعسكر ونزله بالارض وحطو الكلبشات على يده
المهرب يصرخ بقهر فضيع وهو طايح بالارض/ قسم بالله اني بري بري يارجال مالي فيهم علم قسم بالله ماعلم عن شي
عمر يصرخ فيه بغضب/ تنحاش منا وتقول انك بري تخسي وتعقب ما انت بري
المهرب ينهر بالبكا / يارجال تكفون انا بوجهكم تكفون والله ان برقبتي ورع

فهد ياخذ نفس من تعب الجري وهو يشد الرجال مع جيبه ويامر عليه بحزم/ اسكت ولا كلمه لاجيت المشنقه تكلم اما عندي هنيه لا اسمع لك نفس
المهرب تعرف على وجه فهد و صرخ بجزع /الا المشنقة تكفى انا بوجهك يا الحيه الغانمه تكفى

فهد لف له بحده / لاتقول تكفى مانت بوجهي ولا يشرفني تكون بوجهي
الرجال بتوجس فاهم/ انت رجالن ولك فزعات انا طالبك تعتقني لوجه الله كان ماهو عشاني عشان الورع اللي برقبتي
فهد طالعه فيه بنظره حارقة وهتف بصرامه احد /اقطع وخس هاذي خيانة دوله تبيني اخون دولتي ؟!

المهرب هتف له بقصيدة نخوه رجوليه حازمه/
بعض المواقف مالها غير الاشناب …
والرجل وقت الشد تظهر فعوله …
فهد يافهد فكاك الارقاب …
رمز الوفا والطيب رمز الرجوله…
انت حزامي لاغدى ضدي احزاب…
ياراعي الفزعات شيخ الحموله …

فهد انتفض من الحميه وهو يهتف بتسال صادم / انت تعرفني ؟!
المهرب رد بنبرة حزينة موالمه / واعرفك خير المعرفه ياولد عقاب
فهد شاش من الحميه و الشهامه وهو يامر الرجال اللي معه امر صارم /فكوه ولاحد يعترض له بشي ترا هذا بوجهي
عمر يطالع فيه بصدمه وهو يرد بحزم / انت انهبلت هذا مهرب مهرب كيف يصير بوجهك هاذي مسوليه كبيره عليك وعليه ؟!
فهد بصرار حاد / انا المسؤل واللي يجيه عليه يجي علي وانتم اطلعو منها
عمر بغضب / يافهد انتبه ترا هاذي مافيها فزعات هذي وراها حياه وموت

فهد يتجه للمهرب وهو يفتح الكلبشات من يده
ويحط عينه بعينه بتسال خافت / من انت !!كيف تعرفني وانا ماعرفك ؟!
المهرب ياخذ نفس راحه وهو واثق ثقه تامه انه بامان مدامه بوجه فهد ويرد بذات خفوته/ انا سالم بن مطلق بن صالح
فهد فتح عيونه بصدمه / انت ولد ابو صالح شيخ قبيلة المطاليق ؟!
سالم نزل راسه بحرج /اي بالله اني ولده
ثم رفع عينه لفهد وكمل بحلف / لاكن قسم باللي رفع السما بلا عمد اني برئ من السالفه كلها مثل مانت
برئ منها

فهد تنهد وهو يهتف بتسال حازم / كيف برئ وانت معهم ماهو اصحابك هذول ماهي بسيارتك هاذي؟!
سالم بقهر / اي اصحابي لاكن ماعلمت عنهم شي كنت طالع معهم للقنص ومادريت وش اللي معهم ولا وش اللي وراهم
فهد بتوجس ذكى/ في احد غيرك مايعرف ولا بس انت ؟!
سالم باستعجال / مادري عنهم انا احلف عن نفسي لاكن عن غيري لا والله ماعلم فيهم شي
فهد يهز راسه برضا ثم هتف بثقة رجوليه / تراي حميتك وسترت عليك بالاول عشان نخوتك
والثانيه عشان ابوك لانه خير الرجال ومن خير القبيلة

سالم بهتمام وخوف / بتخلصني منهم وانت كيف بتخلص نفسك من المسؤليه ؟!
فهد يرد بثقه حازمه وهو يوقف /ماعليك مني انا رجال واعرف اتصرف
سالم وقف معه بخجل / والله مدري وش اقول لك لاكن عزالله ان ربي حابني يوم ارسلك للي وعتق رقبتي على يدك

ثم حط يده على رقبته وردف بصدق /ترا جميلك برقبتي و رقبة ابوي يا ولد عقاب لين الممات
فهد حط عينه بعينه بحده وهتف بتقصد / ماكل عيال مطلق بعتق ارقابهم لو كان صقر مكانك علي الملازيم اللي تلزم الرجال مع بعضها مايرده عن المشنقة لا ولد صغير ولا ولد كبير
______________________________
-
…بجناح صقر …

صحى من النوم ولف لا جهتها من السرير ماشافها موجوده ..تنهد بضيقه وهو يتذكر احداث البارح

من رجع من الدوام الساعه 11 مساً
وهو ولهان و لهفان على شوفتها
دخل الجناح وصدم كل الانوار خافته والجناح مظلم
تقدم وفتح الابجوره اللي يم السرير شافها نايمه ومكبره المخده ولا كن عندها زوج مداوم
ومن المفترض تنتظره لين يجي وتنام معه !!
صر على اسنانه وهو يطالع البجامه اللي هي لابسه
كانت من مشترياتهم اليوم بالمول
بجامه بالون السكري وعليها رسمت فروله احمر موزعات بترتيب على انحى البجامه
انيقه وجذابه مثل جاذبية مرتديتها
صد بوجه عنها وهو يحاول يسيطر على نفسه
اتجه لحمام خذا له. شاور ولبس له شورت
واتجه ونام على السرير من الجه الثانيه
و من غير لا يتقرب لها نهائي
خوفن من انهيار كل قواته و مسيطراته…

نفض راسه صقر من الذكرى الموجعه له
وهو يقوم ويطلع لصالة الجناح ماشافها موجوده
زفر بغضب/ هاذي البزر ماتحس ماتعرف المسؤليه ابد ماتقول وراي زوج ابي اصحيه لصلاة الجمعه مسيبه نفسها ومسيبه زوجها!!

راح اخذ له شاور ولبس ثوب ابيض وشماغ وتعطر
متجهز لصلاة الجمعه طلع من الجناح واتجه لداخل البيت بيسلم على امه قبل يروح للمسجد

كل بنات ام صالح كانو موجودات ومن ضمنهم ملاك اللي صحت ولبست وطلعت لهم بنى على طلب
ام صالح وابو صالح اللي ارسلو لها شذى وقالو خلي تجي تفطر و تقهو معنا بنسلم عليها احترمت طلب عمها وعمتها ونفذت كلامهم وهذا هي موجوده عندهم وعمها راح لمجلس الرجال من بعد ماسلم عليها!!

دخل صقر وهو يشوف شذى وملاك يضحكون بصوت عالي وهدى تسولف عليهم وقف بثبات وهو يزفر بتقصد حازم/ وش هالضحك اللي واصل الجيران ؟!
ملاك اختفت ابتسامتها من شافته داخل ولا خفى على صقر حركتها وهدى ردت بمرح معتاد / يضحكن علي لا اني ابي ادرسهن واخذ عليهن فلوس بدال المدرسه الخصوصيه اللي تنصب عليهن وتاكل فلوسهن

صقر مازال واقف بذات ثباته وهو يرد بثقل/ والله انتي اللي محتاجة المدرسه
هدى تضحك / ابك اسكت لاتفضحني خل اطلع مهنتي عليهن وحس بشعور الاستاذات
شذى تضحك / اذا ماقدرتي تكملين دراستك تبين تطلعين مهنتك علينا حنا ؟!
هدى بمرح اعمق / اي والله وباخذ منكن راتب بعد انتي وملاك وصبا وتسون للي علان بالمدرسه كان احد يبيني ادرسه ماعندي مانع بس بفلوس مافي بلاش ومافي واسطات

ملاك انفجرت بضحك هي وشذى وفا تطالع فيهن بغيرة …وصقر يستمع وينظر بضحكتها الدلع و الغنج
ولاكنه تكلم بصوت ثابت / اقول خلي عنك الدارسة
و انتبهي لولدك بس
ثم لف لامه اللي مبتسمه بنشراح وهو يكمل بذات الثبات / يومه بعد صلاة الجمعه بمر خالتي ام سلامه بعطيها المقسوم تروحين معي امرك؟!
ام صالح بحنيه / اي بالله بروح بس خله العصر نروح احسن
صقر يرد وهو يتحسس مفاتيحه بمخباه /لا العصر ماقدر عندي دوام

وفا بتدخل / صقر ماعندك اجازة ؟!
صقر يرد برود / الاسبوع الجاي كله اجازه
وفا بلعانه / بسال عن بنت مجرن عندكم ممرضه صح ؟!
صقر عقد حواجبه بتسال/ ليش وانتي تعرفينها؟!
هدى هتفت بحسن نيه / امانه العنود ممرضه عندك بالمستشفى !؟
صقر باستغراب / اي العنود مجرن عندنا ليش انتم تعرفونها ؟!
وفا تبتسم / اي تهبل كانت معي اول بالثانوي بس بعده كل وحده طلعت بتخصص هي تمريض وانا دخلت كيميا
هدى بحسره / لونك معها دخلتي تمريض كانك الحين متوظفه مثلها
صقر بحده / وهو على كيفك ولا كيفها ومن يبي يسمح لها بالتمريض؟!
وفا تنهد بضيقه / كان ودي والله وهي انصحتني بس اخواني هم اللي رفضو ذاك الوقت
صقر بصرار صارم/ ذك الوقت وبذا الوقت بعد تحلمن حلم احد منكم يدخل تخصص في اختلاط

ملاك كانت تسمع وهي تغلي غليان من وفا و صقر
لو كان بيدها ملك الموت لاكانت اخذت
روح هالاثنين بسرع وقت زاد غليانها وهي
تسمع اخر جمله قالتها وفا واخر رد من صقر ؟!

وفا بتسال خبيث / هي عداها مزيونه العنود ماتغيرت ؟!
صقر غصبن عليه عينه راحت لملاك اللي حمر وجها من الغيظ وهو يرد برود متقصد / ماتغيرت
وفا ابتسمت لتجاوبه معها وعيونها على ملاك
وصقر اتجه لباب وهو يردف لامه بتذكير / يومه خليك جاهزة بعد ما اطلع من المسجد امرك
________________________________
-/البارت الثامن والسبعون /-

رواية ريح المطر (للكاتبة شغف
ادعو لوالدي برحمة والمغفرة..



مهره من صحت والدوران مستمر معها
ولاكنها مازالت صامته !!

قامت من السرير من بعد ماصفت لها الروية
شافت ماهر جالس ويذاكر هتفت له بتسال/ماهر وين امي ؟!
ماهر يرفع راسه. ببتسامه / هلا مهره شلونك الحين
مهره ترد له الابتسامه وهي تقترب منه/انا زينه الحمدلله بس ماقلت للي امي وينها فيه؟!
ماهر بخفوت/ بالمطبخ تسوي لك غدا ماصار مثله على قولتها
مهره تضحك وهي تجلس/ياربي خليها للي
ماهر يضحك بسعاده/ يازين مبسمك يا مهره والله انه ينشرح بالي لاشفتك تضحكين
مهره بحنيه /الله يخليك للي ياخوي

دخلت ام ماهر وهي تسال بهتمام /مهره يامك شلون صرتي عسى راسك مافيه وجع
مهره تطالع فيها بحب/ انا طيبه يا يومه الحمدلله وراسي مافي شي
ام ماهر تقترب لها/الحمدلله يامك لا حسيتي بشي تكلمي عشان نوديك مستشفى ماهو زين تسكتين
مهره تنحنح / احم اي مستشفى الله يهداك هذا انا قدامك مافي غير العافيه
ام ماهر بحرص / يامك لا تمثلين علي انك بخير انا اعرفك عدل
مهره توترت وهي تغير الموضوع /يقول ماهر انك مسويه غدا ماصار مثله ؟!
نهيل تهز راسها بحنيه /اي يامك ابيك تغذين نفسك ماحدن نافعك غير عافيتك
________________________________

كانو البنات مازلن مجتمعين من بعد الغدا و قدامهم الشاي والمكسرات …وام صالح تدخل وبيدها عباتها وهي تسحب لها نفس بتعب واضح

ام منهد باستغراب / علامك رجعتي و مارحتي لخالتي ؟!
ام صالح تجلس وهي تشعر بنفاسها تقاطع/ كيف بروح والنار شابه بين ابوك وصقر بالمجلس
هدى بخوف /ليش وش صاير؟!
ام صالح بنبرة مولمه / خوك هذا يا خوفي انه يذبح ابوه من القهر ولا يذبح نفسه من تهوراته كل يوم وهذا حاله مع ابوه
ام منهد برعب / طيب وش صاير علامهم متهاوشين
ام صالح تهز راسها باسا/ وانا ادري عنهم و ما عمرهم تصالحو اصلا كل يوم عناد بينهم يدافع البلا
ثم لفت لبناتها بخوف / بس هالمره والله انها نار كبيره شابتن بينهم يالله سترك

ملاك كانت تسمع بصمت وشذى همست لها
بخفوت/ الله يستر عاد جدي وصقر لا تهاوشو ماحد يقدر عليهم بس نصيحه ابتعدي عنه تراه لاعصب مايشوف اللي قدامه
ملاك لفت لها باستغراب/ ليش يتهاوش مع عمي المفروض يحترم ابوه؟!
شذى ترفع كتوفها/ قلت لك لاعصب مايعرف احد حتى جدي وجدتي

ملاك فعلا شعرت بضيقه من هالموضوع
قامت استاذنت بهدو وراحت جناحها خوفن من كبر المشاكل وهي متواجده مالها خلق على شي (يحترقون بينهم انا وش دخلني فيهم !؟)



بمجلس الرجال اللي النار شابه فعلا بينهم بحريقه
من حكى لهم سالم السالفه كامله حمر وجه صقر وهو يسمع اخر جمله قالها من لسان فهد

قام صقر بصرخة غضب/ ابن الكلب يحسب ان صقر بيسكت له والله لا دفعته ثمن كلمته غالي
ابو صالح بغضب اعمق/ اقول اسكت ولا كلمه بدل ماتقول بيض الله وجه وكثر الله من امثاله اللي عتق رقبة اخوك من الموت و عتق وجيهنا من الفضايح

صقر ينتفض بانفعال/ ماحنا بحاجة فزعته والله لو دخل سالم السجن ما يمسيه عليه اليل الا انا مطلعه غصبن على راس ولد عقاب وعلى اكبر راس وراه

ابو صالح يسكته بحده/ اص اقول اص الرجال فزع فزعه والله اطلق شنب مايسويها ابك هاذي وراها محاكمه لو درو انه متستر على مهرب عرض نفسه للموت من شهامته
صقر زفر فيه بذات الحده / شهامته ينفضها بالتراب ماهو علينا

سالم يقوم بارهاق/ ياصقر الرجال ماقصر معنا و اذا بينك وبينه شي وقفته تمحي كل زله لونه رجال غيره كان الحقد مالي قلبه وانتقم من اخوك
صقر شاب ضو من العصبيه/ انا اتمنى انه سواها ودخلك السجن ورب البيت اللي بناه الله لا فصل راسه من رقبته فصل
فالح يوقف /فكنا من مشاكلك ياصقر يوم ربي طلع سالم من هالمصيبه خلاص ماني الا السلامه

صقر لف له باحتقار / السلامه انت اللي تبيها لانك مانت قد مناطح الرجاجيل ودق الخشوم
ابو صالح رفع عصاه ودق الارض بغضب/ اسمع ياولد والله لو سمعت انك متعرض لابو عقاب ولا لقبيلته لا خفس فيك القاع
صقر ارتفعت دقات قلبه بعنف/ انا تخفس فيني القاع اسمع يابو صالح تراي انا ولد عقاب بصير بينا دم
يا يذبحني يا اذبحه

ابو صالح يطالع صقر اللي طلع من المجلس وهو يهتف لعياله برعب / اخوكم هذا ناوي على شر وماحد قادر يمسكه بيفضحني عند الرجال
_____________________________

قريب العصر …
رجع فهد البيت بارهاق وتعب مرت 24 ساعه مانام فيها ابد!!
دخل جناحه اخذ له شاور ولبس له بجامه
يبي ينام ويرتاح متعب لابعد درجه
على صحيته امس الصباح من البارح وهو مواصل
اولاً من التفكير بمهره
ثانياً من تبليغ عن المداهمه وحرصه على عمله
ثالثً من انتخى ولد مطلق فيه ومن قضيته اللي اخذت وقت على ماطلعه منها من غير ماحد يعرف من يكون ابد ؟!
و تكتم على قضيته وهو وطلع نفسه بسهوله ومع مساعدة من اصاحبه اللي كانو معه وقت المداهمه


من تمدد على السرير الا الباب يطق تافف بارهاق وهو يقوم متجه لباب فتحه شاف جدته واقفه بثبات وتهتف بحده / اذا ما انت جاي للي ولا تبي المواجهه انا اللي اجي لك ؟!
فهد تنهد بتعب/ يا ام عقاب ماهو سالفة مواجهه انتي تعرفيني عدل ماتهرب منها لاكن انا تو جاي من مداهمه وراسي مفجر من التعب والسهر ابي انام ورتاح
الجدة صيته بعتاب حارق/كيف عينك تنام وعينها ماتنام كيف قلبك يرتاح وقلبها مشغول
فهد يرد بالم /اللي فيني مكفيني رجيتك تحلين عني اليوم بس
الجدة صيته خنقتها العبرة وهي ترد عليه / البنت تعبانه يافهد تعب الله العالم فيه بس ماتكلم ولا تشكي خوفي ان فيها شين كايد بعيونها

فهد حس بشعور خوف عليها ولاكن حاول يرد برود /يومه لاتشيلين هم هي طيبه وكان تعبت انا اوديها لاحسن دكتورة عيون ونتطمن عليها
الجدة صيته بحزن / يامك خاف الله فيها خاف ربك يافهد تراك ماحسب على كل عمله با اليتيمه
فهد ينهى النقاش بحرقة / خليني انام من غير تفكير والله يان مخي افتر من كثر التفكير ابي راحه لو ساعه بس
الجدة صيته تهز راسها برضا/بروح بس لا صحيت مر عليها وشوفها اذا هي تعبانه ودها المستشفى لا تهملها
فهد يحط اصبعه على انفه/على هالخشم تامرين امر
_____________________________

دخل صقر الجناح يبي يلبس عشان يتجه دوامه
وهو مازال يشعر بدمه فاير من ابوه واخوانه..
شاف ملاك جالسه على السرير وقدامها كتبها وتذاكر
من شافته رمت الكتاب على الفراش وقامت واقفه مواجه له و هي تكتف يديها لقدام وتهتف بزفرة حازمه / اذا هي عاجبتك وتبي تمدح فيها امدحها
ب العنه بس احترم وجودي قدام اهلك ماهو كني طوفه هبيطه عندك!!

صقر اقترب لها وجهه مسود من شدت النقاش الحاد اللي حصل بينه وبين ابوه وهتف لها بتهديد/ ملاك اذا انتي تخافين على نفسك ابعدي عن وجهي تراي ماشوف اللي قدامي
ملاك حست بخوف فعلا من علامات الغضب اللي بوجه ولاكن ادعت القوه / ليش بتذبحني مثلا ؟! ولا بتكمل مدح بالممرضه العنود اللي عاجبتك ولا تغير
زينها بعينك؟!

صقر لف وهو ينفخ بتافف معبره عن غضبه ورجع حط عينه بعينها ورد من بين اسنانه / ملاك اتقي شري

ملاك طالعت بعيونه لثواني بصمت وهو بادلها النظرات استمرت بينهم لدقايق وملاك من كسرتها
ولفت وعطته ظهرها واتجهت لسرير و جلست
صقر مازال يطالع فيها وهو فعلا محتاج شي يمتص غضبه قبل لايطلع لدوام لذالك تقدم لها من غير تفكير
وسحبها واقفه وحضنها على صدره بقوه وانحنى من طوله لا طولها وزع بوساته على نحرها
ملاك اصدمت من تصرفه وجسدها تصلب بين يديه
وهي تحس بنفاسه الملتهبه تحرق نحرها

هتفت ملاك بخفوت /صقر ماله داعي الحركات هاذي لا طلعني من طوري
صقر يستنشق ريحتها من قرب وهو يرد بذات الخفوت / خليني ياملاك محتاج مهدي لعصابي
ملاك زفرت عليه بغيظ/ تهتم بمشاعرك ولا تهتم بمشاعر غيرك ؟!
صقر رفع راسه و حط انفه على انفها وعينه بعينها ورد بسكون غريب/ لو بهتم بمشاعري مثل ماقلتي كان راعيتها من زمان قبل اراعي مشاعر غيري
ملاك توترت من قربه وهتفت بعتاب / صقر ابعد عني ترا كلامك مازال بقلبي

صقر ابعد منها وهو عاقد حواجبه / اي كلام !؟
ملاك ردت بغيره / اللي ماتغيرت بعينك ؟!
صقر طالع فيها بصمت وملاك كملت بزفرة / تبيها خذها بدال حركات المراهقين
صقر بتوجس خبيث/ يعني عادي عندك اتزوجها ؟!
ملاك حست قلبها طاح بطنها من شدت الصدمه وهي ترد بعصبية حاره/ اي قول كذا من اول قول انك مفكر فيها طلقني ياصقر وخذ بدال الوحده اربعه
صقر قرص خدها بخفه / ماتغار الا الناقصه اما اللي مثلك كامله مفروض ماتغار من احد

ملاك ناظرته نظرات قارصه وهتفت بتقصد/ ولاني كامله استحق واحد كامل
صقر سحبها مع كتفها وقربها له بصرامه حاده/ انا رجال كامل غصبن عليك وعلى عشره من اشكالك ولو اشرت على اي بنت من بنات القبيله وبرا القبيله خذيتها بكمال ماهو بنقص
ملاك زفرت عليه/ اشوفك مقرر وخالص
صقر يرميها على السرير بنفور / اي مقرر واذا ماصار اليوم بيصير بكرا
ملاك تصارخ عليه وهي تشوفه متجه لحمام ومتجاهل صراخها / ماهو بكيفك تفهم طلقني و بطقاق فيك
____________________________

من امسا عليها اليل وهي تمسي على هم وحزن
و تشعر بقهر على حالها واحوالها !!
مامر عليها فهد اليوم ابد هذا وهو المتسبب فيها
و يقول لها ماحد يقدر يمنعني عن زيارتي لك !!
والحين حتى ماسال عنها اصلا ولا تطمن على حالها
و نظر عينها معقوله ماتهمه لهدرجة؟!

تنهدت وهي تمدد على سريرها وتحاول تبعد الافكار عن راسها اللي ماهو ناقص من الالم والدوران..
دخلت ام ماهر بهتمام /يامك ليش ما تعشيتي معنا
مهره تسكر عيونها بطى /يومه مالي نفس للاكل ابي بس انام مابي احد يصحيني
ام ماهر تقترب لها وتحط يدها على راس مهره وتهتف بتسال حاني /تحسين بشي قولي الي لا تكذبين علي ؟!
مهره تمد يدها لكف امها وتنزلها على شفايفها وتبوسها بحترام /يومه تعرفيني تربيتك ماكذب لو حاسه بشي تكلمت وقلت لك
ام ماهر تمسح على خدها الناعم /اكيد يا مهره
مهره تبتسم /اكيد يا روح مهره
ام ماهر تجه لباب /اجل نامي و ارتاحي انا وماهر مافينا نوم لو احتجتي شي نادي علينا
مهره بحه /يومه سكري الانوار معك

ام ماهر تهز راسها برضا وهي تسكر جميع الانوار وتطلع وتسكر الباب وراها …
مهره مثل كل مره من توحد بنفسها تنهار بالبكى الخافت لين تنام !!
____________________________

بيت نهيل الساعه التاسعه والنص….


نهيل تكلم ملاك اللي مشغوله بولد حصه بتسال/ صقر متى يطلع من دوامه ؟!
ملاك تجاوبها وهي تبوس بياد /الساعه 11 يطلع
حصه بزفرة /ملاكوه وجع قطعتي خدود ولدي
ملاك تبوسه بقوه / لاتلوميني خدود الدوب تذبح تذبح
حصه تصرخ فيها برعب /ملاك يامجنونه ذبحتيه

ملاك تبوسه مع بطنه واياد يضحك بقوه وهي تضحك معه بسعاده
و نهيل تبتسم /ملاك حرام عليك ذبحتي الورع بضحك
ملاك تضحك / يومه شوفي شوفي

وترجع تسوي فيه نفس الحركه وهو يضحك بقوه
حصه قامت وهي تهاوش فيها/جيبي ولدي يا الخبلة ذبحتي بطنه

ملاك تشد احتضانه على صدرها /امانه حصه خليه وربي ما اعيدها
حصه ترجع تجلس بتهديد/والله لو تعيدينها لاخذه منك
ملاك تطالع اياد اللي يطالع فيها ويبتسم بطفولة وهي تنفجر بضحك وهو ضحك معها بقوه
حصه تنهرها /ملاك ماتفهمين ؟!
ملاك تضحك /انا وش دخلني ولدك الخبل اللي يضحك
نهيل تضحك بحب/ بسم الله عليه يحلو مبسم الطفل

ملاك اختفت ابتسامتها فجئة وهي تشعر بختناق وتذكر اشعار صقر لها وشبها بضحكت الطفل !!

(وجهك الفاتن كبرتي ما ذمر …)
(به براءه ضحكت الطفل الرضيع )

نهيل استغربت من تغير ملامحها وهي تسالها/ملاك يامك شفيك ؟!
ملاك تنفض افكارها /مافيني شي بس ايودي خلص طاقتي كامله
حصه تقوم وتاخذه منها/ من خبلاك عليه وهو مستانس و يكركر معك بدون شعور
ملاك ضحكت /اوه فديته بس

نهيل تطالع فيها بصمت وهي حاسه ان بنتها فيها شي
ما تغيرت ملامحها بدون سبب؟!!
دخلت امل وهي تبتسم /يلا حياكم على عشاي
حصه تضحك / الله يحيك يا موله عقبال ما نعشيك عروس
ملاك تكمل معها بخبث / اوه ماتوقع تجي تعشى عندنا وبندر وراها كل يوم مطاعم عاد هو ماشاءالله ابو بطين
امل بزفرة /بطين بعينك وبعدين ورا ماتروحين لصقر يطلعك و يعشيك
ملاك تقوم وهي تضحك / يتعشى بدوامه مريحني ومريح نفسه

حصه تقوم معهم وهي تهتف لامها بتسال/ وفا ومازن ماهو هنيه ؟!
نهيل تهز راسها / لا طالعين مدري وين ذالفين
ملاك ترد بتافف / اليوم شفتها بيت عمي على الغدا ومن شافتني وهي مكتومه تقولين ذابحه لها احد؟'
نهيل تهديها /ماعليك منها خليها بحالها وانتي بحالك
امل بزفرة وقهر /المفروض ماتروحين لهم بيتهم تسوين تفس بنتهم ماتجينا
نهيل بحده /لا عيب اذا بنتهم قليلة اصل بنتي ماهي قليلة اصل عشان تسوي سواتها
______________________________

فهد فز من نومه وهو يشوف الساعه واصله على العاشرة وهو مازال نايم من العصر تافف بغضب من نفسه/ يارب سامحني راحت على صلواتي وش فيني نمت من غير لاحس حتى بالمنبه

قام توضى وصلا جميع صلواته وراح جلس على السرير اخذ جواله ورجع يطالع بالوقت وهو متضايق كيف راح النهار وهو ماشافها وش يصبره لاصباح
تنهد بضيقه / اروح لها مازال الوقت بدري لا وين بدري والساعه عشره تكون نايمه ؟!اف كيف نامت بعيده عن حضني اه يا مهره اه والله اني ماعاد انا بقادر على فراقك

قام لبس وهو متجه لبيت امها ولا هو قادر يصبر
اكثر من كذا لازم يشوفها ويطمن على صحتها

وقف عند بيتهم وهو جالس بسياره يفكر ينزل
ولا يرجع ؟! قلبه يقول انزل وشوفها
وعقله يقول عيب عليك الناس ليل ونايمه
تنهد وهو يلف لليمين يحاول ينفض راسه ولاكنه تصلب بدهشه وهو يشوف بنت بعباتها تركض
من عند البيوت …

فهد نزل من السيارة من غير شعور وراح متجه لها يركض وهو ينادي عليها برجولة/ يابنت فيك شي ليش تركضين احد لاحقك ؟!
البنت توقف وترد بخوف /تراي بوجهك عطني الامان
فهد هتف لها بشهامه /عليك الله وامان الله مايجيك شي بس قولي للي شفيك ؟!
البنت تبكي / طليقي شارب و هاجم علي بيتي ويلحقني
فهد بتسال غاضب متفجر وهو يلتف يمين
ويسار /وينه وين راح ؟!
البنت تاشر وراها /كان وراي بس اكيد شافك و انحاش
فهد يامرها بحده /تعالي وين بيتك بوصلك وعطيني اسم طليقك عشان اعلمه كيف يهجم على اعراض الناس
البنت تمشي وراه /الله يستر على عرضك بيتي هذا هو اللي قدامك

فهد يوقف بعيد عن البيت /ادخلي و انتي متطمنه ماراح يجيك شي باذن الله انك بامان
ثم لف لها بتسال حازم /وش اسمه طليقك؟!
البنت تلف يمين ويسار بخوف / اسمه محسن بن مفلح بن محسن
فهد يهز راسه بتجاوب /طيب انتي ادخلي وقفلي بابك وانا بروح ادور عليه
البنت برجا عميق / تكفى تفكني منه ومن شره تكفى
فهد انتفض بحمية / لاتقولين تكفى والله مايجيك منه شي وانا ولد عقاب

البنت لفت له بتسال صادم /انت فهد ؟!
فهد استغرب من تسالها ولاكنه رد بثقة/اي انا فهد
و بوقف معك وقفة اخو لاخته
البنت تطالع فيه وهي تحاول تشوف ملامحه بوضوح من الضلام
ولاكن فهد ماعطاها فرصه وهو يامرها بحده/ يابنت الناس ادخلي بيتك

البنت هزت راسها وهي تدخل بيتها
وفهد من تطمن عليها رجع لسيارته واخذ جواله وبلغ عن محسن وامر بتواجده بالمركز الشرطه قبل الفجر
واتجه للدوام يشتغل بقضية ثانيه وحاول يتناسى موضوع مهره بالمره …
_____________________________

الساعه 11….

دخل صقر جناحه و هو لابس بنطلون جنز رمادي غامق وتيشيرت نص كم بالون الابيض وعليه رسمت وجه اسد كبير من اليمين بالون الرمادي الغامق …
و معصمه شايل البالطو الابيض وبيده الثانيه لاب توب

كانت ملاك جالسه على السري وهي كابه كتبها حولها
ولابسه شورت بالون الاسود و تشيرت علاق خيط بالون الاسود وعلى صدرها رسمة قمر صاطعه بالون الابيض

صقر انتفض من شكلها كيف جتها الجرائه تلبس كذا قدامه !! هل هي قاصده بتعذيبه …ولا تقصد تقهره
ولا تقصد تجذبه …معقوله تبي تجذبه وهي بكبرها جذابه حتى ولو تلبس خيشه فكيف وهي لابسه كذا وبالون الاسود بعد!! … مبرز بياضها و توريدها ؟!

صقر ابتسم نص ابتسامه من افكاره وهو يقترب
لها /مساءالخير
ملاك رفعت عينها له برود وردت من طرف
خشمها/ مساء النور
صقر عيونه على جسدها وهو يتنحنح /احم شلونك
ملاك سلهمت من تحت اهدابها وتصد بوجها عنه
صقر ذاب من حركت عيونها وهو يقترب ويحط البالطو ولاب توب على السرير ويجلس قريب لها
ويهتف بهتمام هايم / بكرا اوديك تاخذين لك مكتبه عشان تدرسين عليها

ملاك لفت له بشقاوه / ومن قال ابي مكتبه انا كذا مرتاحه بحوس الجناح بكيفي عندك مانع؟!
صقر اقترب لوجها وهمس لها بهيام عميق / الجناح وراعي الجناح كلهم تحت امرك
ملاك ابعدت وجها عنه وهي تزفر عليه/ لا تقرب للي تفهم
صقر يطالع فيها من تحت اهدابه / ماقرب لك والكهربا اللي انتي لابسته يخلي الواحد يتلامس غصب
عليه ؟!
ملاك ابتسمت ب لعانه وهذا اللي هي تبي تعذيبه وهي ترد بتقصد/ البس اللي البس ماهو شغلك عاجبك ولا اطلع برا الغرفه
صقر ابتسم بخباثة / لا بالله ماني بطالع عاجبني وبقوه بعد

ملاك تنحنحت بحرج /احم ممكن تبعد بذاكر
صقر يقوم و ياخذ الاب توب والبالطو معه ويرد بخباثة متقصده / تامرين يا ست ملاك ببعد عشان اخذ للي شاور ورجع لك

ملاك ساحت من الخجل وهي تشوف نظراته
الحارقه بجسدها بتفحص جرئ ومازال يبتسم بخباثة
وبعده راح و حط البالطو و الاب توب ومفتاحه وجواله على مكتبه وراح لحمام …

ملاك من اختفى عن عينها وهي تقرص فخذها بحرج/ الله يلعن افكاري اللي مدري كيف جايه اجل بقهره ؟
خوفي اقهر نفسي الحين وش يقدر عليه اروح ابدل احسن قبل يطلع من الحمام و يفترسني هو والاسد اللي لابسه

قامت واقفه وبعده ترجع تجلس بعناد/ لا ماراح ابدل عشان مايحسب اني خفت منه ويتقوا علي

صقر طلع من الحمام بعد ماخذ له شاور سريع سريع ولبس شورت كاروهات زيتي و تيشيرت زيتي اقترب وشافها مركزه بالمذاكره تمدد على الطرف الثاني من السرير وهو يهتف بتسال ساكن/ وش عليك اختبار الاحد؟!
ملاك ترد وهي ترتب كتبها بشنطه / انجليزي

صقر يتكي راسه على كف يده وهو متمدد على جنب
و يطالع بفخذها المشدود الثلجي الناعم
ويرفع عينه على تفاصيل رسمة جسمها الانوثيه
وعلى عضدها الابيض المشدود وشعرها الاسود المتناثر على ظهرها

ملاك لفت له وهي مستغربه من صمته لاكنها احمر وجها وهي تشوف عيونه وين رايحه وهتفت بزفرة /انت هيه وش طالع ؟!
صقر ابتسم بخباثة / اطالع بحلالي لايكون بس بتحاسبيني على النظر بعد ؟!
ملاك تقوم واقفه وهي تشيل شنطتها على كتفها/ طالع لين تشبع
و لفت له و ردفت بخباثة اعمق / بس ماهو بحاصل لك شي

صقر انفجر بضحك / لا تحرشين فيني يا ملاك ترا
با النهائية بتجلسين تبكبكين على راسي
ملاك ترمي شنطتها على مكتبه وترجع تسال بغضب رقيق / انا اتبكبك انا عمري مانزلت للي دمعه عشان اتبكبك عندك يادكتور صقر

صقر يفتح لها حضنه/طيب تعالي
ملاك رجعت على ورا / ماراح اجي
صقر مازال فاتح لها حضنه / يابنت والله مارح اسوي فيك شي بس تعالي بسولف معك شوي قبل انام

ملاك اقتربت وهي واثقه فيه من بعد ما حلف لها
جلست على طرف السرير ولاكن صقر كان اسرع وسحبها لحضنه وحضنها وهو يغطي جسدها كامل بغطى الفراش

ويهتف ببتسامه /خليك كذا احسن عشان ماخورها معك
ملاك تعدل غطاها /يكون احسن بعد
صقر ابعد الشعر من خدها بكف يده وكان راسها تحت يده الثانيه وهو يسالها بسكون / كم باقي لك وتخلصين ثانوي ؟!
ملاك تطالع فيه وترد بنغزى/ بتفهمني انك ماتعرف انا بي سنه اصلا انت تعرف عني اكثر حتى من ابوي وخواني متابع حياتي من وانا ورع و العب مع الورعان

صقر يمسح على خدها برقه وعيونه على ملامحها ويرد بخفوت /بهاذي ما كذبتي اي بالله اني متابعك متابعه وحريص عليك اكثر حتى من حرص والديك
ملاك تطالع فيه بغيظ/ لا عاد كذا انت اللي ماصدقت مافي احرص علي من امي وابوي ياصقر
صقر يبوس شفايفها بوسه سريعه هاديه / اه بس يازين العشق لاصار لشخص يستاهله
ملاك بتشكيك / وليش انت تشوف اني استاهل هذا العشق ؟!
صقر بتجاوب سريع /اي بالله انك تستاهلينه وهو يستاهلك

ملاك ترفع كفها وهي تحسس عوارضه وتهتف بتقصد / اجل والممرضه العنود وش تستاهل منك ؟!
صقر مسك كفها وباسها / وانا وش علي فيها وش تستاهل انا علي بمرتي وبس
ملاك تطالع فيه من تحت اهدابها / صقر كانك نسيت كلامك اليوم قدام امك وخواتك ؟!
صقر يسحب له نفس / لا مانسيت بس والله كانت تعمد مني عشان اغيظك
ثم اقترب لا اذنها وهمس فيها بحه/مثل مانتي لابسه كذا عشان تغيظيني ؟!

ملاك ابتسمت برقه من فهمه لها ولنيتها / تستاهل
صقر ذاب على ابتسامتها وهو يهتف برجا رجولي ثقيل /ملاك تكفين كانك تبين اوفي لك بالوعد ارحمي حالي انا بالقوه ماسك نفسي وانتي متستره تجيني مفصخه والله ماقدر حتى على نفسي
ملاك حمرت خدودها بخجل / صقر خلاص
صقر بجديه / انا اتكلم معك بسراحه ابي شوية رحمه لاكثر
ملاك تهز راسها بتفهم / طيب فهمت

صقر يبوس صدرها العاري وهو يبعد منها معطيها ظهره ملاك فزت واقفه وصقر لف وجه لها بتسال هادي /وين رايحه ؟!
ملاك ترد وهي تحاول ماتحط عينها بعينه / بروح اغير لبسي و البس بجامه
صقر سحب له نفس ثم زفرة بقوه/ تصبحين على خير

ملاك ركضت لغرفة الملابس وهي تحاول تهدي من دقات قلبها المرتفعه / ياربي ما اضعف له يارب
_________________________________

تحياتي (شغف )

يسعدك قلبك شفف ورحم اللله والدك وغفرله واسكنه جناته رواية جدا جميلة فراق العمر في الزواج في انتظارك

رواية ريح المطر
-/البارت التاسع والسبعون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

بعد مرور يومين …

مهره تاكل بنفسها من التعب ومن القهر
صار له ثلاثة ايام مامر عليها ولا سال عنها
وش هو من بشر عايش من غير قلب ولا احساس؟!

سمعت طق الباب وهي تقوم تفتح شافت بنت متغطيه بعباتها وتهتف بسلام /سلام عليكم
مهره باستغراب /عليكم السلام
البنت تدخل وتفتح غطاها /كانك ماعرفتيني ؟!
مهره تسكر الباب و تبتسم /جهير يالله تحييها شلونك
جهير ترد الابتسامه /طيبه الحمدلله شلونك انتي شلون امك
مهره تمشي وهي تقودها لمجلس الحريم /امي زينه تفضلي حياك

دخلت جهير وراها وهي تفحص مهره من فوق لاتحت وتشعر بنقص من المقارنه عند جمال مهره!!
هذي وهي مرهقه ارهاق واضح من ملامح وجها
ولا حطت اي زينه حتى لابسه قميص قطن
على جسدها البالغ بانوثة بالون البنفسجي الغامق
بس معطي لونه بشرتها احمرار ونعومه ورافعه شعرها البني لا فوق بهمال بس جميله بكل حالاتها…

جت ام ماهر بترحيب/ يالله تحيي جهير شلونك عساك طيبه
جهير تسلم عليها/الله يبارك فيك طيبه طاب حالك
جلسن كلهن ومهره تمد لها فنجال /تقهوي
جهير تاخذ الفنجال / سلمتي اشوفك عند امك يا مهره مانتي بيتك ؟!
مهره تحاول ترد بثقه / اي مسيره كم يوم وراجعه بيتي ان شاءالله
جهير ترشف من فنجالها وتنزله بالارض وتهتف بتقصد / والله يابو عقاب اني ماراح انسى له وقفته معي لين يدفنوني تحت التراب

مهره عقدت حواجبها بتسال / اي وقفه ؟!
جهير تشهق بدهشه متصنعه / ليش ماقال لك هو يوم وقف معي ضد طليقي ورماه بالسجن عشان يحررني منه ؟!
ام ماهر طالعت مهره وبعده سالت بتقصد/ وهو كيف عرف انك مطلقه وكيف وقف معك ؟!

جهير ترد عليها بمكر نسائي/ مره شافني بالغلط ومن عرف ان طليقي مناشب للي ويبيني وهو يسجنه ويريحني منه الله يريح له باله
مهره ماقدرت تحمل اكثر وهي توقف / ومن متى هالكلام ؟!
جهير ترفع راسها وتطالع فيها / من ثلاث ايام او اكثر

مهره طلعت والعبرة خانقتها وتحاول ماتبكي قدام جهير وتفضح نفسها وجرحها يتجدد مع فهد يوم بعد يوم !!
___________________________

صقر يلبس شماغه عند المراءه وعيونه بانعكاسها
و يطالع فيها متمدده على السرير على بطنها ورافعه رجولها بطفولة وتحركهم بالهوا وتذاكر

صقر رايح بخرايطها ولاكنه متماسك بقوه وبشده
تنحنح وهو يهتف بتسال/كيف النقل معك يوصل احد قبلك ولا ؟!
ملاك ترفع عيونها له وترد وهي مازالت تحرك رجولها
بالهوا / مريح ويوصلني انا وشذى وصبا بعد مايوصل بنات ابو سيف
صقر بحسن نيه /كم وحده معكم من بنات ابو سيف ؟!

ملاك كانت تسمع من امها ان ابو سيف وام سيف يبون صقر لبناتهم من قبل لذالك شعلت الغيره عندها وهي ترد بزفرة / وانت وش عليك تسال عن بنات ابو سيف ومهتم فيهم؟!
صقر لف لها باستغراب/ وش مهتم مجرد سوال بس؟!
ملاك تعتدل جالسه وهي ترد بتقصد حاد / والسوال هذا مايجي الا بالممرضه اللي عندك ولا بنات ابو سيف من بين الناس كلها حدث العاقل بما يعقل؟!
صقر بتافف/ انتي مخك وين يروح كل تفكيرك غلط بغلط
ملاك تنفخ عليه/ وش الغلط بتفكيري الا صح وفوق الصح بعد وكل شي واضح وضوح الشمس ؟!

صقر اقترب وجلس على طرف السرير ونسف شماغه وهو يهتف لها بتاثر/ ملاك انا تراي صابر صبرن فوق صبري ولاكن انا ساكت لك بمزاجي
ملاك باستهتار /لاوالله وش صابر عليه يادكتور صقر ؟!

صقر طالع فيها بنظرة مباشرة /صابر على هروبك مني وانا مادري متى يبي ينطحن الحب اللي براسك ؟!
ملاك تطالع فيه برود / ماهو ما نطحن وماحد جابرك تصبر !!
صقر اخذ له نفس وهو يستعيذ بالله من الشيطان ويكمل من بين اسنانه / ملاك ترا ماني عاجز اجيب راسك بالغصب بس انا ماني مراهق اجبرك عشان استانس فيك

ملاك تطالع بملامحه وهو يتكلم بثقة ورجوله وهي صامته و صقر يكمل كلامه يحاول يقنعها/ ابيك تعرفين لو كنت عزابي من اول ترا اهون علي من اكون مجرب الزواج والحين محروم !!

انتفضت ملاك بغيظ من كلامه / طيب وش رادك روح رجعها وشبع فيها
صقر يرد بصرامه عميقه/ ماحد قادر يردني و اذا استمريتي بعنادك ترا هذا اللي بيصير ماني بقادر اصبر على العزوبيه
ملاك وقفت بتهديد/ قسم بالله لو فكرت تسويها ياصقر ماجلست عندك دقيقه وحده ونجوم السما اقرب لك مني

صقر وقف مقابلها وهو يرد بمواجهه حاده / مدامك ماتبيني ارجعها ليش ما تريحيني و تريحين نفسك انتي بعد !!
ملاك فتحت عيونها على الاخر/ ومن قال لك اني مو مرتاحه؟!
صقر يحط عينه بعينها بثبات / مايحتاج احد يقول للي اذا انا رجال كبير و ماني بقادر اصبر فكيف انتي
يا المراهقه بتصبرين ترا انا اشوف واحس ؟!

ملاك حست انها ساحت بملابسها من كثر الخجل وهي تصد بهروب وتوتر و تدخل الحمام مالها وجه
توقف معه و يناظر فيها اكثر من كذا …
__________________________

فهد طلع من الديوان وهو متجه لبيت ام ماهر
ماصدق يفضي نفسه من اشغال الديوان والقبيله
ومن قضايا دوامه ومسؤليته !!

وصل عند بيت ام ماهر طفى سيارته و نزل وطق الباب
انفتح الباب من غير تسال دخل بغضب وهو يشوف مهره ورا الباب هتف لها بحزم رجولي بالغ / كيف تفتحين الباب من غير ما تسالين من يكون وراه؟!

مهره كانت شابه ضو من وجود جهير ومن كلامها وهي طالعه من الحمام من بعد ما توضت طق الباب وفتحته من غير تسال وصدمت وهي تشوفه واقف قدامها بهيبه وينفخ عليها بصوته الرجولي الحاد!!
و افكارها تاخذها لعند الموجوده داخل كيف تبعدها ماتشوف فهد ولا تقابله ولاكنها ماطولت بتخطيط
الا ام ماهر طالعه من مجلس الحريم ومعها جهير

جهير تصلبت واقفه وهي تشوف فهد واقف بوسامته المسموع عنها ولا عمرها شافتها ربي حقق مناها
وخلاها تشوفه بضو النهار
مهره فاض غيظها وهي تشوف جهير كيف وقفت تناظر فيه ونست الموجودين..

و هتفت بتقصد غايظ/ اتوقع انك تعرفها هاذي جهير اللي سجنت طليقها عشانها ؟!
فهد رفع حاجبه باستغراب وماهو مرتاح لنبرة صوت مهره ولاكن انصدم من صوت جهير اللي هتفت وهي تقترب / الله يبيض وجهك يا فهد ويكثر من امثالك والله ان وقفتك وقفة ما تنسي

فهد صد بوجه عنها و يرد عليها برود / جزاك الله خير
جهير مستمره بالامتنان / عز الله ان ماحد فزع الي حتى اقرب الناس الا انت عسى ربي مايحرم كل يتيمه من فزعتك
ام ماهر شافت وجه مهره كيف انقلب احمر من الغضب و فهد كيف ماسك اعصابه وهي تحاول تنهى النقاش وتفتح الباب /مع السلامه
يا جهير
جهير طلعت مع الباب/مع السلامه يا ام ماهر

من تسكر الباب ومهره تبتعد لغرفتها وهي تنتفض من الغيرة والغضب

و فهد لف لام ماهر بتسال ثابت /شلونها ؟!
ام ماهر تهز راسها باسا / والله انها تعبانه بس ماتبي تقول عجزت معها وانا اسالها وهي تقول طيبه
فهد تنهد بضيقه وعيونه على باب غرفتها اللي دخلت معه وام ماهر كملت كلامها بتقدير / اقلط يابو عقاب للمجلس
فهد لف لها بتوجس / بروح لها بالغرفه بتكلم معها شوي
ام ماهر بتفهم /حياك الله يامك البيت بيتك

فهد دخل عليها بالغرفه شافها جالسه على السرير
وهي لامه ركبها و دافنه راسها بحضنها
سكر الباب واقترب لها وهي رفعت عينها من صوت تسكير الباب شافت فهد يقرب لها ويجلس على السرير مواجه لها لفت وجها عنه بنفور

فهد سالها بهتمام رجولي / شلون صرتي ؟!
مهره رجعت النظر له وردت بغيظ فاير/ بدري كان خليته الشهر الجاي تسال عن مهره في الاهم منها جهير وطقتها
فهد قام واقف وتكلم بصوت حاد / اقطعي الشر لاقطع لسانك
مهره وقفت مقابله له وجسدها يتلامس مع جسده من قرب وهي تردف بجزع / يحق لك تقصه مدام جاب طاري ام الخلاقين؟!

فهد حس برعشه جسديه من قربها وهو يهدي
فيها بخفوت / مهره خلي الكلام اللي ماله داعي لمصلحتك انتي !!
مهره الغيرة تحرك لسانها بالغصب / كيف ماله داعي وانا اقول وش غاط راسك ماتجي ولا تسال مادريت انك مشغول فيها وبتحريرها ؟!
فهد ماسك نفسه لا ينفعل ويخرب ام الدنيا ورد عليها وهو صار على اسنانه/ مهره سدي فمك

مهره انهارت بالبكا / ليش جاي تبي تسكتني وبس يافهد تبي تبرد باقي الحره اللي بقلبك ماكفاك عيوني ماكفاك ؟؟؟
فهد سحبها وحضنها وقلبه يوجعه من دموعها ومن كلامها وهو يهمس عند اذونها / علامك يا بنت
ما ترتاحين الا بصياح ماهو زين عليك
مهره تبكي على صدره/ وليش وانا اهمك اصلا مادريت عن هو داري

فهد شد احتضانها وهمس لها بنبرته الخاصه مخصوصه لها /
دخيلك قدريني بالمحبه عطف ولا اكرام ..
تراي من رجالاً في المواقف كيلهم وافي ..
تعالي للي دخيلك لاتجين مع لوعة الايام ..
انا بيحت سدي واعلم انك تعلمين الخافي..

مهره ارتخت بين يديه باستسلام وتاثر وهتفت بتقصد/.قصدك مواقفك معها ؟!
فهد رفع وجها له وباس شفايفها بتروي
غاب عن الوعي وقت محدد وهي غابت معه
قطع عليهم دخول ام ماهر اللي طلعت بسرعه وبحرج
وفهد ابتعد من مهره بحرج اعمق وهو ينظر لباب
مهره جلست على السرير و نزلت عينها بالارض

فهد لف لها وتكلم بحزم /عاجبك اللي صار لو كنا بجناحنا ماكان الكل شاف اللي يحصل بينا ؟!
مهره ترفع عينها بعينه / انا وش دخلني انت الي سويت كل هذا !!
فهد فاقد سيطرته / وبسوي اكثر بعد يا ترجعين معي ولا ترا خربتها هنيه
مهره بصدمه / انت وش تقول ؟!
فهد من بين اسنانه / كلامي واضح مايحتاج توضيح ترجعين معي ولالا ؟
مهره بتسرع / طبعاً لا

فهد ابتعد وهو يتجه لباب ويقفله ويرجع لها
مهره وقفت بخرج /فهد انت وش سويت !!!
فهد يدخل يده بمخباه ويطلع مفتاحه وجواله
ويرميه على الطاوله ونزل شماغه ورمها بعد
مهره انتفضت بصدمه وهي تشوفه يفتح ازارير ثوبه ويحرر عضلات صدره واقترب لها ورماها على السرير
و ارتمى معها من غير لا يسمع لها ….
__________________________

ببيت ام صالح كانو بناتها مجتمعين …

وفا تهز رجلها بغضب /كيف يعني اقول لها لاتجين مثلاً؟!
ام صالح ترد عليها بحده / اي لاتجي حنا ماصدقنا اخوك يهجد وتبين تشبين الفتنه بينه وبين مرته بعد
وفا بصرار /الا بتجي وماني رادتها وملاك وش دخلها باميرة جت ولا ماجت بيتها ولا بيتنا؟؟
هدى بدفاع / اقول اعتذري منها وانتهى مانبي مشاكل يا وفا
ام منهد بحرج / لا بالله عيب البنت مابينا وبينها الا كل خير خلوها تجي تسلم وتمشي ما ملاك داريه فيها

ام صالح تنهد بقلة حيله/بس انا اقول ماله داعي جيتها وانتم كيفكم
وفا بصرار /انا برد عليها الحين وبقول حياك ربي بكرا المغرب
ام منهد تهز راسها باقتناع/ اي زين بعد المغرب
هدى بمحاولة اقناع/ خلي السبوع الجاي افضل يكون صقر مداوم وملاك عند اهلها وماراح يدرون عن جيت اميرة
وفا باستعجال /لالا هذا السبوع وانتهى

شذى تقوم /يومه بروح لملاك بجناحها
ام منهد تعقد حواجبها /ليش هي هنيه ماهي عند اهلها
شذى تهز راسها بنفي/لا اهلها كلهم ماهو موجودين وهي جالسه تذاكر
هدى بتسال/ليش وينهم اهلها؟!
وفا ترد باستهزا وهي تشتغل بجوالها/ راحو يجهزون لملكة امل السبوع الجاي
ام صالح تبتسم/تبارك الله و عرسهم متى؟!
وفا ترفع كتوفها/مدري عنهم
ام مهند تنادي على شذى اللي متجه لباب/يا ويلك تعلمينها بزيارة اميرة لنا بكر
شذى تطمنها / تطمني ماراح اعلم
_________________________

فهد يلبس شماغه بجمود ولا كنه سو شي معها
ومهره توقف وراه وهي تكلم بعتاب حاد / انت كيف تسوي معي كذا من غير شوري ورضاي ؟!
فهد لف لها بنظرة حارقه / ليش بتفهميني انك ماكنتي راضيه ؟!
مهره بتهرب من سواله / فهد مالك حق ابد باللي سويته مالك حق
فهد اقترب لها وضم وجها بين كفوفه /مهره والله ماصار الا برضى منك تبيني اذكرك بكلمك الحلو اللي قبل دقايق ؟
مهره نفضت وجها من كفوفه بحرج / فهد انت جرحت ما دوايت
فهد يرفع كتوفه برود / عاد الله خلقني كذا اعرف اجرح بس ماعرف اداوي
مهره جلست على السرير بصمت غاضب /….
وفهد نسف شماغه و انحنى لها وحط عينه بعينها من قرب / اذا انتي مطوله هنيه جهزي للي فراش عندك بامر عليك كل ليله

مهره فتحت عيونها بدهشه / انت وش ناوي عليه تبي ترجعني بيتك بالغصب ؟!
فهد يرد برود عميق وهو مازال منحنى / لا طبعاً لو برجعك بيتي رجعتك بطريقتي بس المقصد اذا انتي تبين تجلسين ماني رادك بس حقي باخذه باخذه وما راح ترديني عنه !!
مهره تسارعت انفاسها / بس فهد انا ..
فهد وقف بمقاطعه / لاتقولين شي الكلام اللي عندي وقلته رضيتي ولا ما رضيتي

مهره تصد بوجها بعدم رضا من كلامه…
وفهد اخذ اغراضه وتجه لباب وطلع …
_____________________________

نهيل تهتف لحصه بتعب /بكرا ولدك خلي بالبيت تعبنا نشيله معنا لسوق
حصه ترفع كتوفها/ وين اخلي لحاله مثلاً!!
امل باستعجال/عند ملاك نخليه
نهيل باقتناع /اي عند ملاك تمسكه لين نرجع من السوق
حصه بخوف /ملاك تذبحه ماخليه عندها
نهيل بحده/ماهي ذابحته اقول بس خليه وريحينا منه ومن صياحه عجزنا لا ناخذ شي
امل تنهدت بضيقه/حتى مازن اعجلنا وبعدين ماهو مودينا كل مره

حصه تهز راسها برضا/لاتشيلين هم راح اخلي عندها بكرا عشانك
امل تبتسم / شرايكم بالفستان اللي اخذته
نهيل ترد عليها بحنيه/يهبل والله لاغير تعجبين بندر واهله
حصه بتسال/ وانا وش رايكم بفستاني ؟'
امل باعجاب /يجنن والله حتى لونه غريب عجيب
نهيل بهتمام/ملاك ما شرت لها فستان !!
امل تهز راسها بنفي/لا تقول هاليومين لا خلصت اختباراتها بتشري
نهيل بضيقه /شكلها ماتبي تطلب من صقر يوديها ولا يشري لها ماكنها زوجته ولها حق عليه
حصه تبتسم /لا تشيلين همها ملاك تاخذ حقها وحق غيرها بعد
نهيل تزفر عليها/قولي ماشاءالله
حصه تضحك / ماشاءالله
______________________________

ام ماهر تنادي /مهره تعالي العشاء
مهره جت وهي لافه شعرها بفوطه توها اخذه شاور وتسال امها / ماهر وينه ؟!
ام ماهر تطالع فيها بتفحص/ماهر معزوم يقول عند عيال عمه
مهره تحس بحرج من نظرات امها وهي تجلس/ ليش ما خليتيني اسوي العشا انا ؟!
ام ماهر تبتسم بتقصد/ بكرا تسوينه يمكن فهد يتعشى عندنا
مهره انتفضت باستغراب/ليش هو قايل لك بيجي ويتعشى معنا ؟!
ام ماهر تضحك/ماقاله بس شكل هذا اللي بيصير الرجال ماهو قادر يصبر عن مرته اللي تغلا وجالسه عندي

مهره تنحنح بخجل/ احم يومه انتي تعرفين انه ماهو تغلي انا فعلا زعلانه من سواته فيني
ام ماهر تغمز بعينها/ واللي زعلانه تفتح له غرفتها !
مهره فتحت عيونها بدهشه/يومه والله انتي فاهمه السالفه غلط

ام ماهر بجديه/يامك ماهو لازم افهم صح الازم انتي اللي تفهمين الحياة رجلك لو صبر كم يوم على هالحاله ماهو صابر اكثر
مهره ترفع كتوفها/ وش المطلوب ؟
ام ماهر بنصيحه اموميه/ ارجعي بيتك وحلي مشاكلكم بينكم ترا الناس ما يخفاها جلستك عندي ولا يخافهم جيته و روحته من عندنا وهو راح يطفش ويسفهك بالمره

مهره بحزن /تبين اسامحه بهالسهوله ورجع معه ولا كانه صار شي !!
ام ماهر تهز راسها بنفي/ ماقلت سامحيه انتي ارجعي معه وبيتك يراضيك ماهو مقصر ابو عقاب
مهره تكشر / ماهو مقصر مع الناس يفزع للكل الا للي مايعرف يفزع
_______________________________

-/البارت الثمانون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


الساعه 11 مساً
دخل صقر جناحه وكانت ملاك وشذى بصاله يسولفون ويضحكون و شذى من شافته دخل وقفت بحترام /هلا خالي صقر
صقر يطالعها بنظره قارصه / وش مجلسك بجناحي لا هالحزه ؟!
شذى تبتسم /ماهو انا اللي جالسه ملاك هي اللي
ماسكتني عشان ماروح
صقر لف عينه لملاك اللي جالسه وتسمع لهم بصمت
وهو هتف بتهديد مرح /لو اشوفك توطوطين عند باب جناحي مره ثانيه حشيت رجولك حش

شذى تفتح عيونها بدهشه/ افا ياخالي هذا وانا كنت المساعده لك ولا استغنيت عني الحين؟؟؟
صقر يبتسم وهو متجه لغرفته / فنشتك من الوضيفه ماحنا بحاجة خدماتك الحين

ملاك ضحكت وهي تهتف بخفوت / زين يسوي فيك
شذى تطالع فيها بحده / لاوالله وقفه صفه من الحين ضد صديقة عمرك !!
ملاك تهز راسها باسا/صديقة عمري خاينه تمشي وتسولف من وراي
شذى تضحك وهي متجه لباب / اوريك انواع الخيانه بالايام الجاية

من طلعت شذى وسكرت الباب ملاك قامت وراحت الغرفه شافته ماهو موجود و دخلت بسريرها تبي تنام وراها مدرسه وبنفس الوقت ماتبي تشوفه من بعد كلامه لها اليوم …

شوي وطلع صقر بعد مالبس له شورت لنوم
اقترب وتمدد بالجهه الثانيه و يحاول يشتغل بجواله
و ملاك معطيته ظهرها وهي متوتره وخايفه…

ولاكنها صدمت وهي تسمعه يغني بصوت رجولي
عذب/
انتي زينك يتلع القيد للعاشق دمار..
اتظاهر بسعاده وانا وضعي خطير ..
بالنهار اشلا شوي بس لاقفى النهار ..
وعذابي ضلمت اليل فيها وش يصير..

ملاك ابتسمت من غير لا يشوفها من معاني قصيدته
وصقر تنهد بصوت مسموع وهو يلف لها وهي مازالت معطيته ظهرها/ ملاك
ملاك سكرت عيونها بارتباك /هلا صقر
صقر هتف لها بحه رجوليه عميقه / احبك
ملاك سحبت الغطا وغطت وجها وشعرها كامل
و صقر ضحك من حركتها الطفوليه وهو يردف لها بتطمن / لاتخافين ماراح اكلك

لف وعطاها ظهره هو بعد ونام بعد ما تقلب وقت طويل…
___________________________


يوم جديد…على صلاة العصر

فهد كان راجع من دوامه الظهر ونام وتو يصحى
من بعد احلا نومه نامها من الايام اللي طافت
اخذ له شاور ولبس وطلع شاف شوق تنتظره بالحوش تافف بضيقه /اوف هاذي شتبي بعد انا ناقصها

تقدمت شوق /يصبحك بالخير ياولد عمي
فهد يصد عنها / هلا شوق وش تبين ؟!
شوق سحب لها تفس وهتفت بهدو /عبدالله راضي يطلع معي للبعثة بس نتنظر موافقتك
فهد يرفع كتفه برود /اذا ابوك موافق و عبدالله بيطلع معك الله يوفقك ماني برادك
سوق تبتسم /صدق يافهد يعني اجهز اوراقي خلاص
فهد يتجه لجناح جدته وهو يرد عليها بتاكيد / جهزيها بالتوفيق

وقف عند جناح جدته طق الباب /ام عقاب
الجدة صيته كانت جالسه تسبح وتهلل/ ادخل يافهد
دخل وحب على راسها /يصبحك بالخير
الجدة صيته ترد بقلة حيله /يصبحك بالنور
فهد جلس قريب لها وهتف بتقصد/ ترا امس مريت بنت ناصر وخذت بخاطرها
الجدة صيته ابتسمت بفرحه /صدق يامك ما تلعب علي ؟!

فهد فتح عيونه على الاخر / انا تقولين للي هالكلام؟!
ثم ردف بعتاب / قد لعبت عليك مره افا يام عقاب افا
الجدة صيته بحرج / لا بالله ماهو مقصدي بس يامك البنت هالمره تعبانه ولازم تداريها عسى الله يرفع عنها
فهد يوقف ويعدل تنسيفة شماغه / ماني مخليها بس اخلص كم شغله عندي بوديها لافضل دكتورة عيون واخذ عليها اشاعه وتحاليل
الجدة صيته برضا/اي بالله يامك لا تخليها الله لا يخليك من رحمته
فهد حب راسها/امين الحين تبين شي بروح الديوان عندي اجتماع ؟!
الجدة صيته ترد بحنيه/ابي سلامت قلبك
_____________________________

ام ماهر ترفع معصمها وتطالع بالوقت وهي مستغربه من مهره بعدها نايمه؟! خلت لها غدا ماتبي تصحيها تعرف بنتها مرهقه لها كم يوم ماتنام بس لاول مره تنام لهالوقت ؟!

توجهت لها وشغلت الاضائه و اقتربت لها بندا /مهره يا مهره الناس العصر وانتي بعدك نايمه
مهره نايمه لا رد/……
ام ماهر هزت كتفها/مهره يامك قومي شبلاه نومك ثقلان
مهره لارد/ ……
ام ماهر انتفضت بخوف وهي تهزها مع كتفها بقوه /مهره مهره يومه بنتي مهره مهره

ام ماهر قامت تصيح وهي تنادي / يا ماهر الحق اختك
ماهر يركض وهي يسال برعب /يومه شفيها مهره ؟؟
ام ماهر تبكي بنحيب / رح ناد الفهد بسرعه بسرعه
ماهر اقترب وهو يحضن راس مهره ويهتف من بين دموعه /مهره تكفين قومي لا تخليني تكفين
ام ماهر تسحبه و توقفه باستعجال /رح بسرعه ناد لفهد


ماهر راح لديوان يركض ركض والمسافه ماكنت بعيده بينهم فتح الباب ودخل وهو يصرخ من بين دموعه /الحق الحق يافهد

فهد كان تو يبي يبدا الاجتماع و من شاف ماهر دخل بصراخ وندا عرف من يقصد قام راكض ونسى الموجودين وقبل حتى ماهر يكمل كلامه
اتجه لسيارته وحركها بسرعه جنونيه لابيت ام ماهر…
دخل شاف مهره مغطيه بعباتها وام ماهر لابسه عبايتها وتصرخ فيه باكيه /الحقها يافهد قبل تموت الحقها

فهد شال مهره بين بديه اللي ترجف من الخوف عليها
واتجه لسياره من غير كلام
و لحقته ام ماهر وركبت معه هي وماهر اللي كان يبكي بقوه على اخته وهو جاي راكض من الديوان

وقف سيارته ونزل وهو حاملها بين يديه وامها و اخوها وراه و دخل المستشفى والاطباء دخلوها بالعنايه على طول كانت حالتها خطيرة …
ام ماهر من شافت بنتها دخلت العنايه وهي تطيح بالارض منهاره /بنتي راحت من بين يدي بنتي راحت

و ماهر جلس و ضم امه وقام يبكي معها
فهد تاثر من اشكالهم وهو يحس بتانيب الضمير من كل اللي صار اقترب وقف ام ماهر وجلسها على الكرسي وقف ماهر الباكي وضمه على صدره /اختي راحت يافهد مثل ماراح ابوي

فهد شد احتضانه وهو يحس بريحة مهره فيه
وكل شي فيه يبكي على فراق حبيبته من غير دموع !!..
____________________________

بعد صلاة العصر …
دخل صقر جناحه كان يبي ياخذ لاب توبه ويشتغل على صفقاته بالراحه بعيد عن الدوام كل عاده اذا صار عنده اجازة استلم له صفقه و اشتغل فيها بتركيز …

لاكن وقف بصاله وهو مشتت و كانه يسمع صوت رضيع ولا يتهي له رفع كتوفه باستغراب وهو يدخل الغرفه ويوقف على الباب وهو يشعر بتصلب جسدي
من المنظر العذب الرقيق اللي يشوفه!!!؟

كانت ملاك منومه اياد على سريرها وهي منحنيه له وتبوس بطنه بشقاوه وهو يضحك بصوت عالي وهي تضحك معه بصوت اعلى مثل حركاتها كل مره فيه

صقر تركى على الباب وهو مبتسم لحركاتها الطفوليه ولصوت ضحكتها الرقيقه..
ملاك مانتبهت لوجوده لا نه يكون ب جهتها من اليسار
باست اياد مع خدوده وهي تهتف له بحب / اكل خدودك حلاوه انت حلاوه
اياد يضحك لها بطفولة وهي تبوس فيه مع كل مكان بوجهه / اما فديتك احبك احبك

صقر ماقدر يتحمل يشعر بغيرة من هالطفل الصغير كيف تقول له احبك وهو محروم منها كيف تبوس فيه وهو محروم كيف تضحك له وهو محروم بعد
لذالك تنحنح بحزم / احم وشو احبك هاذي بعد ؟!
ملاك لفت له بحماس وهي مازالت تبتسم / صقر تعال شوف هذا ايودي

صقر اقترب وهو ضايع من غنجها /بالله هذا ايودك ؟!
ملاك تشيل اياد وتوجه وجه لوجه صقر /اي شوفه شوفه يجنن ودك تاكله اكل
صقر ينقل نظره بينها وبينه وهو يهتف بضياع /والله ودي اكلك انتي ماهو هالنتفه
ملاك ضحكت / الدوب هذا تقول له نتفه
صقر يبتسم وهو يمد يده و يشيل اياد على صدره وعيونه عليه /يا حلوه ماشاءالله
ملاك تبتسم برائه / يومه ياصقر اكل قلبي هالدوب
ودي اروح السوق وشري له كل شي كل شي

صقر رفع عينه من اياد وجها لملاك بمحبه
صادقه / تبشرين اوديك لسوق و اشتري له كل اللي تبين
ملاك تهز راسها برضا طفولي/ اي يستاهل صح ؟!
صقر باس خدود اياد /اي بالله يستاهل مدام انتي خالته
ملاك تضحك وهي تاخذه منه وترجع تمدده على السرير وصقر كان يطالع بكل تحركاتها ويتسال / ليش جايبته عندك هنيه ؟!
ملاك ترد عليه وهي تشتغل بياد /امه راحت لسوق مع امي وامل وحطوه عندي
صقر عقد حواجبه بتسال/الا متى ملكة اختك ؟
ملاك ترد وهي تمهد اياد تبي تنومه / بعد سبوع تقريباً

صقر يحك ذقنه وهو يهتف لها بامر هادي / باخذ لاب توب وبطلع لصاله اشتغل عليه و مابي زعاج منك ومن هالبالونه اللي عندك
ملاك انفجرت بضحك /هذا بالونه حرام عليك صقر
صقر اقترب وباس خدها وهو يبتسم /واحلا بالونه بعد
ملاك تنحنح بتوتر /احم خلاص روح كمل شغلك
صقر يهز راسه باسا/ بروح ياملاكي بروح
_________________________________


بالمستشفى مرت ثلاث ساعات …
الكل مشحون من الخوف وهم ينتظرون الدكتورة تطلع من العناية اللي طلبها فهد باصرار منه ورفض دخلول الدكتور على مهره نهائي …
وهو رايح جاي بالممر من التوتر هو الوحيد اللي مايبي الدكتورة تطلع خايف خايف يكون (فارقت الحياة )
راح يجن يموت من الفقد…

شوي وطلعت الدكتورة وام ماهر وماهر وقفو
بتسال /دكتورة مهره مهره حيه ؟؟!
الدكتورة تنهدت بحزن /من ولي امرها ؟!
فهد صمت برعب لاول مره يشعر انه عاجز عن الرد
واللي ردت هي ام ماهر/ انا امها وهذا زوجها وهذا اخوها

الدكتورة تطالع بفهد اللي واقف بشموخ رغم الانهيار اللي داخله وتكلمت معه بصدق/ البنت مصابه بسكته دماغيه ودخلت غيبوبة ادعو لها
ام ماهر صرخت /لا لا لا يويلي بنتي بنتي
ماهر جلس على الكرسي ومغطي وجهه بكفوفه
و يبكي بنحيب عالي عالي …

وفهد سحب له نفس وهو يحاول يتكلم
بتسال / حالاتها خطيرة ؟!
الدكتورة تهز راسها بتجاوب /خطيرة والاخطر من هذا كله انكم تاخرتو عليها كثير واضح ان الدماغ متاثر من مده ولاكن ماحد لاحظها

فهد يسكر عيونه بالم موجع وام ماهر صرخت
بفهد بقهر /ماراح اسامحك ان صار بنتي شي والله لاسالك عنها يوم القيامه انا وابوها يا ولد عقاب
الدكتورة صدمت وهي ماهي فاهمه شي/هذا قضى الله وقدره ادعي لها بالشفا ورفع البلا

فهد صد بوجه عنها ولا هو ناقص تعب ولا هو قادر يرد عليها يدري انها قلب ام محروق على بنتها ويدري انه اخطاء والخطاء راكبه من راسه لين ساسه وحتى هو ماراح يسامح نفسه لو صار فيها شي !!؟
___________________________________

عند ام صالح وبناتها كانت بضيافتهم اميرة

ام صاح بتسال /شلون امك ليش ماجت معك
اميرة تبتسم / والله يا عمه امي تتعب من السكر ماتقدر تطلع من البيت كثير
ام مهند بترحيب / الله يحيك انتي تكفين عنهم كلهم
اميره ترد بموده/ يابعد عيني ويبقيك يارب

اميرة وفا يطالعون بعض بنظرات مخططه
وراهم شي بس ماحد ملاحظ عليهم …

ام صالح بتسال حان / ليش يامك ما رضيتي باللي يخطبونك ليش توقفين نصيبك
هدى تنحنحت بحرج من سوال امها/ يومه توها صغيرة والعمر قدامها
اميرة ابتسمت بحزن /اي صغيرة وانا داخله على الثلاثين ؟؟!
ام منهد بحنيه / في اكبر منك ريحي راسك من الرجال وهمهم
اميرة ردت بصوت مبحوح / مابي رجال بعد صقر خلاص

ام صالح انتفضت بجزع /لا يامك لا تقولين كذا صقر احذ نصيبه وانتي نصيبك احسن منه ان شاءالله
وفا تغير الموضوع / اميرة تبين تشحنين جوالك؟!
اميرة تنحنح بتوتر/اي عطيني شاحن لو ماعليك امر
وفا تهتف لشذى بامر /جيبي الشاحن و التوصيلة خلي اميرة تشحن جوالها
شذى تقوم بحترام/ان شاءالله
__________________________________

صقر من بعد مارجع من صلاة المغرب بالمسجد
كمل شغله على لاب توب اللي كان على الطاوله
و قدامه الاوراق ويشتغل بتركيز..
جاه صوت ملاك الهادي/بروح اودي ايودي لامه

صقر رفع راسه من الاوراق وشافها واقفه وحاضنه اياد على صدرها وشنطته معلقه على كتفها
وقف و تقدم لها من غير شعور وهو يتخيلها
ام لطفله مد يده واخذ منها اياد وباسه وهو يهتف له بخفوت / بتروح من غير ما نضيفك ماهي زينه بحقنا وحقك

ملاك بعدم فهم وهي ترد برائه / عطيناه رضاعه كم مره يحمد ربه احسن ضايفه له
صقر باسه مره ثانيه ورجعه لها وهو يمد يده لمخباه ويطلع محفظته ويطلع منها مبلغ وافي ويحطه على صدر اياد ويهتف بموده/ هذي ضيافتك
ملاك انتفضت بغيظ/ صقر ماهو بحاجت احد ولا هو يتيم عشان تصدق عليه ؟

صقر طالع فيها بحده / اول شي هاذي ماهي صدقه هاذي هديه وثاني شي ماهي لك له هو انتي وش عليك؟؟!
ملاك بامر رقيق وهي تاشر براسها على صدر اياد اللي بين يديها /اقول خذ فلوسك
صقر زفر عليها / اقول استحي على وجهك هذا بدل
ما تشكرين اني قدرت البزر اللي معك من تقديري لك
ملاك حست بحرج /صقر ماهو قصدي بس
صقر يرد بمقاطعه /لابس ولا غيره
ملاك بتسال مستعجل / زعلت ؟!
صقر طالع فيها بنص عين وهو رافع حاجبه / وانتي وش عليك زعلت ولا مازعلت !!

ملاك تبتسم بفتنه/ خلاص هديتك مقبوله
صقر يهز راسه باستسلام / طيب اهم شي انتي قبلتيها
ملاك تضحك وهي تقرص خد اياد / قول شكرا ياخالي صقر
صقر ابتسم نص ابتسامه / خاله اجل هاه ؟!
ملاك تبتسم هي بعد وتهز راسها /اي خاله غصبن عليه بعد
صقر عيونه على اياد و يهتف بتمني من غير شعور
منه / اه ياملاك لو عندي ولد مثله والله لا غنيه عن العالم ومافيه
ملاك حمرت خدودها من كلامه وهي تتهرب /بروح اودي اياد وبعده برجع اخذ شاور و اذاكر

صقر يهز راسه برضا من غير كلام وهو غايب
بحلم بعيد وعيونه على الطفل اللي بين يديها
ملاك انسحبت وهي تلاحظ نظراته الغريبه لاياد

وهي تمشي متجه لبيتهم الافكار تاخذها لصقر
معقوله يتمنى يكون اب !!!؟وليش لا اللي بعمره عندهم اطفال ..هذا اخوه سالم اصغر منه معه ولد
وهذا عادل اصغر منه معه ولد ..
هو ليش مايكون عنده ولد يشيل اسمه ويحفظ حلاله
بس الولد من بيجي منه مني انا؟؟؟لالا مستحيل اجل من اميرة؟؟ بعد مستحيل اجل من العنود مستحيل مستحيل ؟؟نفضت راسها وتحاول تبعد الافكار

وهي تدخل وتسلم هلى امها وخواتها وتمد اياد لحصه وتاشر عليه /ترا بطنه مبلغ طيب
حصه تفتح الشال اللي على اياد وهي تطالع ملاك بصدمه /اوف ثلاثة الاف هذا منوين له ؟!
ملاك ترفع كتوفها /من الدكتور صقر يقول هذا هديه منه ليودي
نهيل تبتسم /اجل كل يوم خذيه معك مدام وراه هالمبالغ
حصه بحرج / يوه والله فشله مبلغ كثير هذا ؟!
نهيل تزفر عليها/اقول احمدي ربك انتي و ولدك لو يمر بيوت عمانه وخواله كلهم ما اهدوه هالمبلغ

حصه تضحك / عائلة حافيه منتفه عمانه وخواله
ملاك تهز راسها بضحك وهي تستعد للخروج / خلاص صقر صار من ضمن خواله
امل تدخل وهي تهتف لملاك بتسال / ملاك وين بتروحين ؟!
ملاك بهدو / بروح اذاكر عندي اختبار صعب بكرا
نهيل بهتمام / ما رحتي لسوق ماشريتي فستان للملكه ؟!
ملاك ترد وعيونها على امل بحب / الا بكرا اروح لازم اكشخ بملكة خيتي حبيبتي
امل تبتسم بخجل /اي الله الله بالكشخه عاد انتي تحرقين مرت خالي وبناتها كلهم
ملاك تضحك وهي متجه لباب /ازهليهم بس
_______________________

بالمستشفى فهد مازال يحاول بام ماهر تاخذ ولدها وترجع للبيت بس هي رافضه رفض صارم /ماني برايحه لين تصحى بنتي ماني برايحه
فهد يحاول يهدي من اعصابه /بنتك بغيبوبه يمكن تنام سبوع شهر شهرين ماندري بس انتي روحي ارتاحي وانا موجود عندها
ام ماهر بكت بالم / اصلا انت السبب كيف بتراعي وحده انت متسبب لها بكل هذا ؟!

فهد طنش كلامها وهو يرد على اتصال عمه محمد/هلا ياعم …..دخلت غيبوبه ….ياعم اذكر الله …باذن الله انها تحت رحمت ربها …المهم جدتي لاتعرف بشي … طيب انا بوصل ام ماهر وماهر عندكم للبيت …اي وبرجع للمستشفى… لا لا تجي ممنوع الزيارة خل بكرا ..اي احسن … سلام

لف لام ماهر بامر حازم /يلا بوديك للبيت تاخذين اغراضك انتي وماهر وبعده اوديكم للبيت عندنا
ام ماهر برفض/لا يا اجلس بالمستشفى ولا اجلس بيتي
فهد بامر غاضب/ لا ما تجلسين بيتك ولا بالمستشفى تروحين معي للبيت عند جدتي يلا

ام ماهر خافت منه وهي تهتف بينها وبين نفسها(مسكينه يا مهره كان مشيك بالغصب
و مايتنازل عن كلمته ابد مسكينه يابنتي )


راحت ام ماهر وماهر لبيتهم خذو اغراضهم وتجهم معه لبيته!!
___________________________

ملاك من بعد ماخذت لها شاور رجعت تذاكر بالغرفة وصقر بصاله يشتغل على صفقاته والجناح هادي بسكون شوي الا الباب يردع ردع قوي وصوت
صراخ /صقر صقر
ملاك طلعت من الغرفه بخوف وهي تشوف صقر فاتح الباب وفا تبكي / الحق ياصقر اميرة تلامست من الكهربا تكفى الحقها
صقر سال بصدمه /اميرة ؟!
وفا تبكي بنجيب /اي اي الحقها تكفى قبل لا يوقف قلبها وتموت

صقر ركض لداخل من غير تفكير ونسى حتى انها غير
حلال عليه …وكل همه روح يبي ينقذها من الموت ..
وفا راحت وراه وهي تشعر بسعادة عميقه
و ملاك وقفت مشتته واخيراً تحركت بغيرة وهي تلحق فيه هو وفا وكانت ناويه توقف ها المهزله عند حدها…

ودخلت عليهم بمجلس الضيوف ولاكنها وقفت على الباب بصدمه مرتعشه وانفجرت رعشتها بكل خليه من خلاياها وهي تشعر بدوران من قوة المنظر اللي تشوفه!!

كانت اميرة متمدده بالارض ومرمي عندها سلك شاحن وجوالها و توصيلة طويله ممدده ولا عليها لا غطى ولا عبايه.. عليها بنطلون جنز ازرق وتيشيرت مقلم بالون الوردي والازرق وشعرها القصير منثور حولها وجها مرتب بالمكياج الناعم ..ولاكن ماهي هاذي الصدمة !!!؟

كانت الصدمة العنيفه ان صقر جالس على ركبه ونص قريب لها وهو منحنى وحاط شفايفه على شفايفها ويحاول ينقذها بتنفس اصطناعي ويده تضغط على صدرها مره ومرتين …والكل كان مجتمع حولها برعب وتوتر …

شوي وصحت وهي تسحب لها نفس وتطالع
بصقر / انا وين؟!
صقر بهتمام /انتي زينه ماتحسين بكتمة !!
اميره تعتدل جالسه /لا الحمدلله انا زينه
ام صالح بتسال وخوف ونست كل شي / اكيد انتي بخير مافيك شي ؟؟
وفا تمسكها وتسعدها على الوقوف واميرة ترد
بموده / انا بخير يا عمه لا تحاتين

صقر انتبه لنفسه وللمره الغريبه عليه
وهو يوقف يبي يطلع لاكن صدم من اللي واقفه على الباب وتناظر له بنظرات توعد نظرات احرقت صقر وتعطيه ظهرها مبتعده للجناح !!
صقر لاول مره يشعر با رتباك وتوتر وهو يلحقها
دخل وصدم يشوفها تلم كتبها و اغراضها ناويه على الهروب ….

صقر تنحنح/ ملاك استهدي بالله وخلينا نتفاهم
ملاك تسكر الشنطه من غير لا ترد عليه /…
وصقر اقترب لها ولفها مقابله له وحط عينه بعينها الغاضبه وهو يحاول يهديها / انتي اهدي وسمعيني ولك اللي تبين
ملاك صرخت بوجهه /ابي الطلاق طلقني
صقر انتفض بحده وهو يهتف بصوت احد/ اتركي العناد وسمعيني خلي نتفاهم حالنا حال اي زوجين بينهم خلاف
ملاك جسدها يرتعش وهي ترد بصوت مرتعش من الغيظ والغيرة/ ارتويت من شفايفها ارتويت ليش جاي عندي روح احضنها بعد وفرغ الشوق اللي بصدرك كله لها روح

صقر يبلع ريقه بحرج / والله ماكانت نيتي كذ والله
انا دكتور وهذا عملي معها ولا مع غيرها تبيني اشوف روح تموت قدام عيني وانا بمكاني ارجعها للحياة ولا انقذها ؟!
ملاك باستهتار غاضب/ لا تبوس فيها لين ترجع لها الروح
صقر زفر عليها /ملاك بلاها هالكلام عيب عليك
ملاك صرخت فيه بغضب متفجر رقيق /عيب علي انا ولا انت ماهو عيب عليك اللي سويته قدام الجميع ؟!
صقر سحب له نفس وهو يحلف / والله والله اني احسبها حساب اي مريضه عندي والله مافكرت من تكون

ملاك تنحره بصرخه/كذاب
صقر صدم بغضب من اسلوبها/ انا تقولين للي كذاب رجال طول بعرض تقولين له كذاب انتي ماتستحين ماتعرفين الاحترام ابد
ملاك ترد بتسلط/ اللي ما احترم نفسه ولا احترم الناس ماحدن محترمه و مايستاهل الاحترام
صقر ماقدر يمسك يده وهو يسحبها مع كتفها / قص يقص لسانك يا قليلة التربيه
رماها على السرير وهو يردف بصرامه / اسمعيني عدل تراي صابر عليك كثير وعلى طولة لسانك يابنت عضي عليه ولا ترا والله واللي رفع السما بلا عمد لا عيد تربيتك من جد وجديد

ملاك توقف بوجه / متربيه احسن منك ومنها !!
صقر يزفر فيها /لونك متربيه ماهو لنا كم شهر متزوجين حتى مافكرتي بحقوق الشرع اللي الله امر فيه ماهمك الا نفسك وبس !!
ملاك ترفع كتوفها باستهتار و استهزا /تبيني احرك للي ثلاجة ماتحركت ؟!
صقر فتح عيونه بصدمه وهو يهتف بتسال /انا ثلاجة انا
ثم كمل كلامه بقهر رجولي / ابك انتي تبين تحدين على الردى واعلمك الثلاجه اللي قدامك وش يقدر يسوي ؟!

ملاك بتحدي مستعجل عنيف /ولد ابوك فكر تسويها بس !؟
صقر فار دمه وجهه حمر من شدت غضبه /ماهو بس افكر الا اسويها واسوي اكبر منها

تقدم صقر وسحب تشيرت بجامتها بعنف وهي تسحبها تبي تستترر صدرها منه و ترجف وهو كان اقوا وسحبها لين انشقت نصفين سحبها من يدها ورماها بالارض ولا رد على صراخ ملاك / صقر ابعد ياويلك ياويلك

دفعها على السرير وتمدد عندها و حوط جسدها بين ذراعيه وهي تصارخ و تحاول تبعده منها وتضرب صدره بكفوف يدها /صقر ابعد ابعد والله ماسامحك والله
صقر همس عند اذونها بقهر/ هذي الثلاجة تحركت!!؟
ملاك شوي وتصيح / احسن لك ابعد

صقر سكتها بوسه حاره احرقتها من شدت الحراره
نسى الدنيا ومافيها ومن عليها
وملاك بحضنه وتحت سيطرته !!
___________________________

-/الحادي والثمانون/-

رواية ريح المطر (للكاتبة شغف
ادعو لوالدي برحمة والمغفرة

لبيه ياريح المطر والسما غيم..
ولبيه ياصوت المطر بعد غيبه ..


الجدة كانت تصرخ بغضب صارم /الصباح تقول انك طيبت خاطرها والحين جاي تقول داخله غيبوبه ؟!!
فهد كان متعب لابعد حد ولاكنه يتصنع القوه /وانا ادري عن المكتوب ؟!
الجدة صيته بقهر وحزن عميق عميق /انت السبب انت ضربتها لين وصلتها لهالمكان لاكن قسم باللي رفع السما وفرش الارض ان صحت مالك عليها…
فهد صرخ فيها بمقاطعه/لا تحلفين والله ما يردني عنها الا الموت يا للي ولا لها ؟
الجدة صيته تصرخ بوجه ودموعها تنزل / اص ولا كلمه لاتخليني اغضب عليك لايوم الدين

ام ماهر كانت جالسه و تبكي بصمت /…
وابو ابراهيم تكلم بتهدئة /اذكرو الله وصلو على الرسول وخلو الكلام لوقته الحين هي محتاجه منا الدعا
فهد يسحب له نفس/لا له الا الله محمد رسول الله
الجدة صيته بدت تبكي / ياربي لا تختبر صبرنا بمهيره يارب ترجع بنيتي سالمه يارب
ام ماهر زاد نحيبها بصمت /…
وفهد ماقدر يسمع اكثر من كذا قام وهو متجه لباب وقفه صوت عمه /وين رايح ؟!
فهد بحة حزن /للمستشفى
ابو ابراهيم برحمه /وانا عمك نام ورتاح والصباح رباح
فهد برفض متعب /لا ما ارتاح لين اتطمن عليها وعلى صحتها

من طلع فهد وابو ابراهيم يكلم امه بعتاب/يا يومه ارحموه ترا ماهو قادر يتحمل اكثر من طاقته
الجدة صيته بجزع /خله يا محمد يتحمل عقوبة تهوراته ويعرف ان اروح الناس ماهي لعبه عنده!!
ابو ابراهيم ياشر لها تسكت /اقصري الهرج يا يومه ولا صحت لكل حادث حديث الحين هي تعبانه وهو اكثر منها تعب

ام ماهر بتسال /ماهر وينه ولدي اخاف يصير فيه شي من القهر على اخته
ابو ابراهيم يطمنها /ماهر ماعليه الا العافيه عو نواف عند عبدالله وامورهم زينه لاتشيلين همه
_______________________________

ملاك جالسه على السرير و حاظنه الفراش على جسدها العاري وهي ولامه رجولها و دافنه راسها
بين ركبها
وصقر جالس على طرف السرير و دافن راسه بين كفوفه نادم على استعجاله بهاذي الطريقة..
هو ما ينكر انه سعيد من داخل كسر هالحاجز اللي بينهم ولاكن ماهو وقته ماهو وقته كيف يصلح خطئين بنفس الوقت !!؟

رفع راسه ولف لها شافها على حالتها تنهد بضيقه
وهو يقوم يبي ياخذ له شاور وبعده يتفاهم معها
بالهدو دخل الحمام وسكر الباب

و ملاك من سمعت صوت الما اشتغل رفعت راسها
وهي كاتمه عبرتها قامت ولبست لبسها باستعجال واخذت اغراضها اللي كانت مجمعتها وطلعت من الجناح والبيت كله !!!؟

صقر طلع من الحمام وهو لاف جسمه فوطه
ويحرك فوطه صغيره على شعره ولاكن وقفت يده
بتصلب من الصدمه وهو يشوف الغرفة خاليه منها ومن اغراضها طلع لصاله وعنده امل ان تكون موجوده لاكنها كانت خاليه ضرب الباب برجله بغضب /انا كيف اخليها بروحها كيف ؟؟الحين شلون بتفاهم معها وهي هجت لبيت اهلها

رجع وجلس على السرير وعيونه على مكانها
سحب له نفس وهو يستهدي بالله / لاحول ولاقوة الا بالله ممدا الشكولا تذوب بفمي الا تسيح هاربه!!؟
____________________________

بيت نهيل …
طق الباب وفتحت امل وهي تبتسم بفرحه / زين جيتي و فكيتي الكتاب من شرك
ملاك دخلت من غير كلام وهي متجه لغرفتها /…
امل صدمت وهي تسكر الباب وتلحقها /ملاك شفيك؟

ملاك دخل غرفتها ورمت اغراضها بالارض ونزلت عباتها وجلست على سريرها بصمت موجع/…
نهيل دخلت بتسال/ملاك ليش جايه هالحزه وين رجلك ؟؟!
ملاك صاده بوجها عنهم لا رد /…
نهيل تطالع امل بتسال/شفيها اختك !!
امل ترفع كتوفها وعيونها على ملاك بحزن /مدري من جت ساكته
نهيل تقترب وتجلس على السرير قريب لها وهي تهتف بتسال امومي/ يامك ملاك شفيك انتي تعبانه حاسه بشي

ملاك تنظر بفراغ بعيد وهي صامته /…
نهيل تهزه كتفها /ملاك تكلمي شفيك ؟؟
امل بكت برعب /ملاك حرام عليك قولي لنا وش صاير معك ؟!
ملاك تمددت على السرير وعطتهم ظهرها /…
نهيل وقفت /بنتي فيها شي اكيد من ورا صقر ؟
امل بخوف حقيقي /لايكون قطع لسانها !!!
نهيل تدفها وهي تجه لباب / عشان اقطع راسه

دقت نهيل على مازن وقالت له يجي بسرعه
وهذا مازن وصل بتسال/شفيكم ؟!
نهيل بامر صارم /دق على صقر وعطني بكلمه
مازن بدهشه /وشو ليش ادق عليه وش صاير ؟!
نهيل بجزع /اقول دق عليه وخلصني

مازن طلع جواله ودق على صقر شوي وصله صوت صقر اللي واضح فيه الخوف عليها /هلا مازن ملاك فيها شي؟!
مازن يطالع امه وهو يرد باستغراب /لا بس امي تبي تكلمك
صقر تنهد وهو فاهم السالفه / طيب اعطني امك
نهيل خذت السماعه وهي تهتف باستعجال/صقر بنتي شفيها وش صاير لها ؟!
صقر بتوجس/ ليش يام مازن ملاك ماقالت لك شي ؟؟
نهيل ترد بحرقه /ماقالت شي من جت وهي مشوشه بعيونها وساكته اكلمها اسالها ماترد وين راح لسان بنتي ؟!
صقر سحب له نفس وهو يهتف بثقه/ مافيها الا العافيه بس انتم خلوها لا تضغطون عليها خلاف
بسيط ونحله بينا

نهيل بجزع /كيف خلاف بسيط وانا عمري كله ماشفتها مكسوره مثل كسرها اليوم
صقر حزت بخاطره هالكلامه ولاكنه رد بحزم/ ماعليها شر زعل صغير وبترضى
ثم ردف لا نهى المكالمه /الحين انا مشغول وانتم خلو بالكم عليها ولو احتاجت شي خلي مازن يكلمني

نهيل تعطي مازن الجوال من غير ماترد على صقر وهي تتجه لبنتها وقلبها قارصها من شكل ملاك ومن كلام صقر (وش اللي صار بينهم فجئه وهي قبل ساعات ماكان فيها شي ؟)

______________________________

فهد كان جالس بسيارته عند مواقف المستشفى..
ويحسب الوقت بساعه بدقيقه بثانيه عشان يطلع النهار و يسمحون له بزيارتها ..
اول مره يشعر بحزن مثل هالحزن من بعد وفاة امه وابوه معقوله يشعر بقتراب وفاتها؟!

(يارب لا تعاقبتي بفراقها وعد لاخذ عهد على نفسي
ماضربها الضرب العنيف هذا احاول احتويها بس يارب ترجعها لحضني يارب ابي مبسمها الساحر
ابي شوفت عيونها الوساع ابي روحها الطيبه
ابي ريحتها العذبه ابي كل شي فيها كل شي يارب)

تنهد فهد وهو يرجع المرتبه لا ورا ويتمدد /اه يا مهره لو عرفت ان حركتي اخر مره بيت امك بتضايقك كذا والله ماسويتها بس لا ماهو معقوله اللي صار معها مجرد مضايقه لا اتوقع كانت تتعب بس تكتم لين زاد عليها التعب اه ياقلبي

مهره بنت نادره ماخلق مثلها لو تكلمنا عن الكمال
هي بعين فهد الكمال كله جمال ونعومه وعذوبه
وحنونه و مطيعه وصريحه كل الصفات الزينه فيها
لو تمنى فهد قبل الزوج بصفات معينه ما قدر يوصفها ابدً جت له هديه من ربه كامله مكمله بس
هو ما حافظ عليها …
___________________________

بعد مرور اربعة ايام من اخر الاحداث …

ملاك مازالت عند اهلها ولا نطقت بحرف واحد
امها وابوها وخواتها حاول فيها تكلم تقول شي
بس تفشل كل محاولاتهم والخوف عليها يتزايد
حتى المدرسه لها اربعة ايام ماتروح لها ولا تحظر اختباراتها ..وعايشه على الما والعصائر السوال فقط؟!

دخلت عليها نهيل وبيدها كاس عصير كوكتيل طازج
ومدته لها وهي تطلبها برجا / يامك طالبتك تشربينه
لا يصير فيك شي
ملاك ترفع عينها لامها وهي تاخذ الكاس منها بصمت/..
نهيل جلست على طرف السرير وعيونها عليها /يامك وش صاير لك اربعة ايام صامته ماتكلمين لا متى ؟!
ملاك تشرب عصير بهدو /…
نهيل تنهد بالم / ملاك لا تذبحين للي قلبي قولي للي وش مضايقك علميني
ملاك نزلت العصير على الكومدينه القريبه من سريرها وتمددت على السرير بصمت /…
نهيل وقفت وهي تهز راسها باسا / لاحول ولاقوة الا بالله

طلعت نهيل لصاله وهي تكلم ابو ماجد بعتاب /شفت ولد اخوك وش سوا فيها اخذها منا بعافيه ورجعها لنا بشين ماندري وشو هو ؟؟
ابو ماجد يرد بحده / ماندري من صقر ولالا بنتك ماقالت لنا شي
نهيل تجلس /مايحتاج تقول كل شي واضح
ابو ماجد يتنهد بتعب/ يامره لا تشغليني تراي تعبان
نهيل ترد بتهديد / شف عاد قسم بالله لو صار بنتي شي مايردني عن رقبة صقر احد
ابو ماجد طالع فيها بنص عين /لا مسكتي رقبته حلال عليك
نهيل بزفرة / ليش تحسب ولد اخوك ماحدن قادر عليه ؟!
ابو ماجد هز راسه باسا / لاحول ولاقوة الا بالله
نهيل بقهر / اي ماهي هامتك اهم شي عندك اخوك
و ولده
ابو ماجد بمسايرة / يامره تعوذي من الشيطان صقر انا اتفاهم معه وفهم منه وش صاير
________________________________

صقر كل يوم يدق على مازن ويساله عنها ويبلغه انها على حالتها وهذا اللي خلاه يبعد منها موقت يبي لين تهدا ويهدا فكرها لانه دكتور وفاهم ملاك بفترت صدمه لازم يصفى فكرها عشان يصفى قلبها؟!
لاكن البلا فيه هو عاجز عن مسيطرة نفسه …
والشوق لها يقتله كل ليلة…تولع فيها بزيادة
من بعد اخر موقف !يبيها بي طريقه حتى لو دفع فيها الغالي وغلا من الغالي بس كيف بيشوفها ويرضيها؟!هذا اللي مشتت صقر المواصل بينهم كيف؟!

صقر كانت افكاره توديه وتجيبه وهو يفتح باب البيت ويدخل شاف امه جالسه على الفراش بالحوش لحالها ومتجه للقبله وتطلب الله اقترب لها وهو يدخل المفتاح بمخباه و حب على راسها /مساءالخير
ام صالح طالعت فيه /يا مساء النور
صقر جلس على الفرشه قبالها / وين البنات ليش جالسه لحالك ؟!
ام صالح تناظره بحنان /البنات كلن بيتها وصبا داخل تذاكر
صقر عيونه بعيون امه و مايخفاه محتاتها عليه/وش مضايقك يايومه ؟!
ام صالح تنهدت بضيقه عميقه / مضايقني انت لامتى يامك وهذا حالك ماتمسك الحرمه ولا جاك ضنا لا من الاولى ولا من الثانيه ؟

صقر رفع راسه لسما وعيونه على النجوم بصمت/…
ام صالح خنقتها العبرة / يامك قل للي بنت عمك ليش انحاشت بيت اهلها !!
صقر مازال يطالع السما وكانه يعد النجوم وهو يرد بهدو عميق/ خليها يايومه بالقب تجرح ولا تطلع وتفضح
ام صالح هزت راسها بتفهم / طيب اذا هو شين خاص بينكم ماحنا متدخلين بس انت حل امورك معها
لا تخليها بيت اهلها زعلانه راضها يامك

صقر يطالع فيها بمسايرة / ان شاءالله الامور راح تنحل لا تشيلين هم انتي
ام صالح ترفع راسها وهي تشوفه يقوم / الله يصلح حالكم و احوالكم
صقر يتجه جناحه / امين يارب
______________________________

مهره على حالتها مازالت بغيبوبه ولا تشعر باحد ابدً…وفهد ما يبعد عنها نهائي يوميا يجيها لين تنتهى الزيارة يروح البيت ياخذ له شاور ويبدل ويرجع يرابط بسيارته عند مواقف المستشفى و ينام لين يشرق الصباح وتفتح وقت الزيارة حتى دوامه ساحب عليه والديوان له اربعة ايام مامره كل همه هي مهره يخاف يفقدها
الندم وتانيب الضمير عذبه وكسر كل قوته ..
وبذات لاشاف ام ماهر وجدته يبكون عند راسها بحزن
يتراكم عليه الندم اعظم واعظم …

كان جالس بجوارها وعيونه تنتقل على ملامحها النايمه بسكون جبينها المزهر مرتفع خصل من شعرها لافوق و اهدابها الكثيره المتراصه مغلقه
وانفها وشفايفها مخفيه بكمام الاكسجين

فهد قام باس جبينها بوسه ثقيله مثقلة وكانها معبرة عن الوجع اللي بداخله رفع راسه منها وهو ياخذ نظره اخيرة عليها قبل تنتهى الزيارة وهتف لها بهمس موجوع/ ياخوفي يا مهره هاذي اخر مره اشوفك فيها
الله لا يختبر صبري فيك الله يرد روحك لروحي ويردك انتي لحضني
__________________________

-/البارت الثاني والثمانون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

يوم جديد ….
يوم رحلة شوق وعبدالله ودعو الجميع و اتجهو للمطار وشوق تشعر بحزن عميق انها تطلع من السعوديه وهي ماشافت فهد من كم يوم تبي اخر نظر لعينها وسامة فهد حبها الاول وحبها الاخير !!

لفت لعبدالله بمحاوله/ شرايك نمر المستشفى نسلم على مهره قبل نسافر ؟!
عبدالله برفض/لا شوق مايمدينا الوقت نمرها وبعدين فهد كلمني وصاني عليك وعلى نفسي
شوق باستغراب /وش قال لك ؟!
عبدالله بحسن نيه/يقول انتبه لاختك واياك تجي من غيرها تعالو سو ولا اجلسو سو

شوق ابتسمت من تحت النقاب وهي تشعر براحه وبسعادة اقل شي مهتم فيها ولا نساها حتى بالوقت هذا ؟'


بعد صلاة المغرب رجع فهد من المسجد
و دخل غرفة مهره شاف جدته حاطه يدها اليمين على راسها وتقرا عليها من ايات الله
فهد يهتف بثقل متعب/ قومي بوديك للبيت انتي وام ماهر ترتاحون
ام ماهر برفض /لا انا مرتاحه عندها يكفيني احس بانفاسها على قيد الحياة
الجدة صيته تمسح على شعر مهره الناعم وهي غارقه بدموعها/يارب ينظر لضعفك يا مهره وقلة حيلتك

فهد يطالع مهره وعلامات التعب اللي واضح على وجها والهالات اللي تحت عينها وشعرها البني المنثور على المخده البيضا بهمال و احمرار خدودها وجبينها …
تنهد وهو يحاول يبعد النظر عنها لانه هو وصل حاله صعبه وصعبه جدا الشوق والحب والندم و الحسره تجمعو عليه وقطع شرايين قلبه شريان شريان ..

تقدم وهتف لجدة برجا /تكفين قومي للبيت ارتاحي وريحيني
الجدة صيته انتفضت وهي تسمع رجاه ماهو من عادته ولاكن وجه التعبان من الهم والسهر خلاها تقوم وتستجيب له بحنيه /يلا يا ام ماهر خلي نروح نرتاح بيتنا ونرجع لها بكرا
ام ماهر تقوم معهم بقلة حيله /يلا بسم الله

خذهم فهد وصلهم للبيت ورجع هو للمستشفى يكمل مرابطته بالمواقف مثل كل ليلة …
________________________

بيت نهيل اللي تهتف لحصه بضيق/قومي حاولي فيها تكلم كذا ماني مطمنه لحالتها
حصه بقلة صبر /يومه تعبت من بنتك وعنادها اكلمها ماترد علي ولا تطالع حتى فيني
نهيل بضيق اعمق/ يارب تهديها وتنطق وافهم منها وش صاير اكلت للي قلبي يا حصه اكلته من سكوتها
زفرت حصه / يومه لو عندي عناد مثل عناد بنتك كان رحت لمكه مشي رايحه جايه

نهيل تنحرها /البنت ماهي معانده الا من سبب قوي مخليها حتى اختباراتها ماتروح لها
امل بحزن شفاف /ملاك اللي تحب دراستها حتى الاختبارات ماحظرتها ؟!
حصه بتسال/ الا ملكة امل كيف ب تحضرها وهي كذا ؟!
نهيل تهز راسها باسا / ماهي حاضرتها بهالحاله ليته بس تكلم وطمن قلبي عليها
امل بالم/ ماراح املك لين ملاك تعافى
نهيل تطالعها بنص عين/والناس بتمشي بشورك انتي واختك يامك الناس جهزو وخلصو

دخل ابو ماجد بتعب /احم سلام
الكل رد بحترام /عليكم السلام
ابو ماجد بتسال/ملاك عداها على حالتها؟!
نهيل تهز راسها /اي بالله على حالتها لاهي اللي تكلمنا ولا هي اللي تسمع لنا
ابو ماجد يجلس /لاحول ولاقوة الا بالله
حصه بتسال/ماسالت صقر علامها ؟!
ابو ماجد تنهد /سالته العصر قبل يروح دوامه يقول زعل بينهم مايسوى

امل بتذكر /اي تذكرت شذى قالت للي اليوم بالمدرسه
الكل لف لها بتسال/وش قالت!!!؟
امل ترد عليهم بخفوت /تقول كانت طليقة صقر موجوده ذاك اليله عندهم و لذعها شاحن على الكهربا وصقر انقذها وملاك كانت موجوده
نهيل باستغراب /معقوله هذا السبب ؟!
حصه تهز راسها بنفي/مستحيل لو كان هذا السبب كان ملاك مارحمت احد من لسانها

ابو ماجد يقطب حواجبه /لالا ماهو السبب في سبب اكبر من هذا بس هي ماتبي تعلم وصقر مايبي يعلم
نهيل بجزع /ماهو بكيفه يقول لنا وش فيها بنتنا حالتها ما طمن وهو ساكت وماعليه منها
ابو ماجد يتافف/اوف يامره خليهم بحالهم يحلون مشاكلهم بينهم ولا تضغطون عليها بالكلام خلوها ترتاح
______________________________

الساعه التاسعه ونص مساء بالمستشفى ..

صقر جالس على مكتبه بدوام وهو يشعر بضيقة بال من بعد كلام عمه له اليوم …عن ملاك وعن صمتها وعدم تقبلها للاكل لهدرجة متضايقه من اللي صار ؟! ..ماتوقع كذا بتكون ردت فعلها توقع تصارخ تحارب تهاوش بس ما تصمت كذا واللي زاده همه انها ماراحت للمدرسه ولا حظرت اختباراتها ؟؟!

تمتم بينه وبين نفسه بتسال…
( معقولة ماهي متقبلتني لهدرجة ؟؟
لالا ماهو قصة تقبل البنت الايام الاخيرة كانت تسيح بين يديني وتضعف للي حتى ولو تكابر …لاكن المشكلة بهجومي عليها بوقت و بطريقه غير لايقه !!..
يارب الهمني الصواب وحلها من عندك انت اللي تعلم اني ماسويت شين حرام هي حلالي واللي صار مفروض من زمان يصير )

رجع ظهره على الكرسي براحه وهو يحركه يمين ويسار ويتذكر اخر مره بينه وبينها ..ابتسم من غير شعور بسعاده عميقه اللي تمناه صار والحين كسر حاجز كبير بينهم الباقي مقدور عليه !!

طق الباب ودخلت العنود بغنج / مساءالخير ..
صقر طالع فيها من تحت اهدابه /هلا عنود
عنود بتسال/ممكن اجلس !!
صقر ياشر لها /تفضلي
العنود تجلس وهي تهتف بتسال عملي/كيف اجاراتك للعملية الجاية ؟!
صقر يعتدل جالس /سهالات باذن الله
العنود تنحنح / الا شلون عمك اللي كان تعبان عندنا بالمستشفى ؟
صقر تنهد بصوت مسموع /طيب الحمدلله
ثم ردف بتسال /انتي ماعندك شغل اليوم ؟!
العنود تهز راسها بنفي/لا ماعندي مريحه راسي
صقر بتقصد/الا بسالك انتي تعرفين وفا مطلق ؟!
العنود ضحكت بغنج /وفا اختك قصدك !
صقر فتح عيونه بدهشه /او يعني عارفه انها اختي
العنود تبتسم / اي من الاسم وبعدين انا مازلت متواصله مع وفا اصلاً

صقر يهز راسه باستغراب /اها متواصله معها اجل ؟!
العنود ترد بهدو /اي من زمان ليش ماقالت لك !
صقر يقوم واقف وهو ياخذ جواله ومفتاحه من على طاولة المكتب/ ما سالتها عشان تقول
ثم ردف بجديه / انا طالع عندي شغل لا حد سال عني قولي له استاذن
العنود تطالع فيه وهو طالع من المكتب وتضرب الارض بقدم رجلها / لا متى وهو شايف نفسه علي لا متى؟!
____________________________

يوم جديد …

كان فهد بسيارته نايم بسابع نومه من الارهاق والتعب.
من غير لايشعر بنفسه ولا حتى وين مكانه ..
دق جواله وفز صاحي وهو يرفع المرتبه ويحرك رقبته بثقل واخذ الجوال ورد /هلا
الطرف الثاني/السلام عليكم ولي امر مهره ناصر ؟!
فهد اعتدل جالس بخوف /اي زوجها وش صاير ؟
الطرف الثاني /ممكن تحظر عندنا ظروري
فهد حس قلبه طاح بطنه من الخوف /ليش ؟؟جاي جاي

نزل من السيارة وهو يرجف من التوتر معقوله
جاء وقت الوداع ؟!معقوله بدفنها الحين بيدي ؟!
(يرفع كفه اللي ترجف ويطالع فيها بتوتر وخوف)
رفع راسه لسما بالم رجولي / يارب لا تعاقبني بفراقها يارب لا تذبح قلبي مره ثانيه يارب يكفي موت نوره وعقاب تكفى يارب

دخل وهو يتسال باستعجال مخيف/دكتوره مهره شفيها فيها شي فيها شي ؟؟!
الدكتوره تبتسم وهي ترا خوفه الواضح و تذكر جبروته وقوته طول الايام اللي فاتت /اطمن مهره بخير وصحيت من الغيبوبه من فضل الله سبحانه
فهد تنهد براحه وهو يجلس على الكرسي بنهيار عاجز عن الوقوف /الحمدلله يارب الحمدلله
الدكتوره اختفت ابتسامتها وهي تهتف بجديه/بس عندها مشكله بسيطه
فهد رفع عينه بتسال/وش المشكله؟
الدكتوره ردت بهدو / عندها ضباب بالنظر اذا
ما تحسن وصفى النظر عندها تحتاج علمية بسرع وقت
فهد سكر عيونه بالم ورجع فتحها / اهم شي انها حيه ترزق ماعليه كل شي بسيط باذن ربي
الدكتوره تايد كلامه /صحيح مثل ماقلت كل شي باذن الله بيزين
فهد قام واقف وهو يسال /اقدر اشوفها ؟!
الدكتوره تهز راسها برضا/تقدر تفضل معي

فهد راح معها وهو حاس بتانيب الضمير كيف بيحط عينه بعينها بعد ماتعرف انها قضت كم يوم بغيبوبة بسبته !!
_________________________________

صقر اليوم ماعنده دوام و متفق مع تاجر يبي يشوف عقاره قبل يشتريه …من صحى اخذ له شاور و لبس ثوبه وشماغه وكشخ وطلع …ركب سيارته وشغلها الا جواله رن باسم مازن رد صقر بهدو /هلا مازن
مازن باستعجال / صقر الحق ملاك تنزف مع ظهرها وماهي راضيه نوديها للمستشفى تكفى الحقها
صقر جمد من الصدمه /ليش شفيها ؟!
مازن يستعجله/ تعال علاجها بالبيت وتعرف كل شي

صقر سكر الجوال ورماه بالمرتبه المجاوره وطفى السيارة و نزل بسرعه لجناحه واخذ شنطته الطبيه
واتجه بيت عمه لاول مره بحياته يدخل بيتهم من كان صغير لين كبر و هذا البيت ماتنازل يدخله من شدت غروره معن كانت له حبيبة تسكن فيه…!!؟


عند ملاك اللي جالسه على سريرها بغضب متفجر
و بجامتها منشقة من ورا وتسبح بالدم
نهيل ترجف بخوف /ملاك نزفتي كثير ارحمي حالي وحالك وتركي العناد خلي نوديك المستشفى
ملاك تامر عليهم بزفرة /برا كلكم برا
حصه تنحرها /انتي ليش عنيدة تبين تذبحين نفسك
و تقهرينا عليك ؟!
امل تبكي برجا /تكفين ملاك شوفي دمك لوين وصل

دخل مازن وهو يهتف باستعجال / حصه امل اطلعو من الغرفه صقر بيدخل
ملاك رفعت راسها بصدمه وهي تصرخ فيه
بحده /صقر وش جايبه هاه!! انت رحت دقيت عليه!!؟
مازن يهديها /يا بنت اهدي وخلي يجي يعالجك ماهو اكلك
ملاك توقف وهي مازالت تصارخ /قسم بالله لو دخل اقلب البيت على راسك وراسه
نهيل تاشر لبناتها/اطلعو بسرعه

طلعت امل وحصه وراحن لغرفة امهم …
ومازن طلع ينادي على صقر ولا رد على تهديها
و صراخها و نهيل تكلم بحزم / يا تخلينه يعالجك يا نوديك للمستشفى تبين الموت انتي ؟!
ملاك ترد بصراخ اعمق واعمق /اي ابي الموت ابيه انتم وش دخلكم فيني وش دخلكم مابي احد مابي احد

صقر دخل وهو يسمع صراخها و اوقفته صرخة تهديد منها /قسم بالله لو ماتطلع شفت القزاز هذا لا قطع وجهك انت ومازن فيه

صقر لف لماكن ما اشرت عليه وشاف القزاز المكسور و المنثور بالارض واثر من الدم ..اقترب لها و حوطها من ورا بذراعيه و ظهرها على صدره وسحبها بقوه لسرير تحت مقاومتها وصراخها /ابعد يا حقير ابعد وش بتسوي بعد ماكفاك انك ..
صقر حط كف يده على فمها وسكتها وهو يلف و يكلم مازن وامه بامر /اطلعو وسكرو الباب سرعه

نهيل مصدومه من كلام بنتها اللي ماهو مفهوم
منه شي؟؟!!وهي تطلع ورا مازن وتسكر الباب

ملاك تحرك وجها يمين ويسار تحاول تبعد كفه بس كان شاد على فمها بقوه و عضته بسنانها بقهر
وصقر ابعد كفه من فمها بسرعه وهو يبعدها من صدره و يصرخ عليها /متوحشه انتي !!
ملاك تلف له بنهيار / والله لاذبحك ولا اذبح نفسي والله
صقر يطالع بثوبه من عند الصدر اللي امتلى بالدم ورجع نظره لملاك برعب / نازفه كثير انتي مهبوله العناد ماهو نافعك تضرين نفسك ماتظرينا
ملاك تبلع ريقها اللي جف من كثر الصراخ /اطلع برا برا

صقر اقترب لها ورماها على بطنها فوق السرير
وهي تقاومه وتحاول تقوم بس هو ثبتها بركبة رجله اللي حطها على اسفل ظهرها وشق تشيرت البجامة
وجمد برعب من منظر ظهرها المشلخ بجروح عنيفه
مد يده لشنطة المرضيه اللي مرميه بالارض منه
وهي استسلمت له مافيها طاقه للمقاومه اكثر
طلع المسحات ومسح دم ظهرها وقلبه يوجعه
من انتفاض جسدها بين يديه واضح انها متالمة وصامتة باستسلام …

نظف الدم كامل وبان له بياض ظهرها الناعم
بس الجروح كانت حمرا عميقه بكل مكان من ظهرها
حط عليها مرهم ومسح عليه بكف يده برقه و بهداوه
وعينه عليها كانت عاضه المخده من الالم و صامته لا تصرخ ولا تون ولا تعبر تدعي القوه ولاكن الضعف واضح عليها

ومن حست بمسحات يده الدافيه على ظهرها ارتعشت رعشه واضحه ولاكنها صدمت من انفاسه عند اذونها وهمسه الحاني / ليته بعروق قلبي ولا فيك
ملاك صدت بوجها لجه الثانيه بصمت /…
و صقر اعتدل جالس وهو ينفخ با اوف معبرة عن شوقه لها /اووووف

حط لصقات على ظهرها كامل من بعد ما عالج
جروحها هتف بتسال/ وين ملابسك بجيب لك تيشيرت
ملاك ترد وهي مازالت دافنه وجها بالمخده / ماهو شغلك
صقر هز راسه باسا وهتف بحزم بالغ /ملاك وين ملابسك ماراح اطلع وانتي مفصخه كذا ؟!
ملاك تلف له وتحط عينها بعينه / لحمي ولا لحمك؟!
صقر طالع فيها بنظرة خاصه / انتي ولحمك كلك حلال للي
ملاك زفرت فيه /تبطي عظم ياصقر ولا تحسب اللي سويته يبي يحقق لك مبتغاك حلم بليس بالجنه
___________________________

بالمستشفى
دخل فهد بالهفه وعيونه على مهره اللي جالسه على
السرير الابيض وبيدها اسلاك المغذي وسانده راسها لراس السرير ومسكره عيونها

فهد ماقدر يصبر لازم يعبر عن فرحته بسلامتها
تقدم وحضن راسها بصدره وباس مفرق
راسها / الحمدلله على سلامتك
مهره رفعت راسها له بتسال صادم /من انت ؟!
فهد انتفض وابعد راسها من صدره وهو يلف لدكتوره بصدمه ورعب والدكتوره كانت اكثر منه صدمه وهي تسالها /مهره مابتعرفي هذا من يكون ؟!

مهره تهز راسها بنفي/لا ماعرفه منو هذا؟
فهد ماقدر يتحمل وهو يجلس على اقرب كرسي بنهيار جسدي والدكتوره توترت /مهره تذكري بتعرفي من بضبط
مهره تحاول تذكر /اعرف امي وابوي وماهر وجدتي صيته بس

فهد رفع راسه لها بتشكيك /عرفتي كل هذول الا انا ؟!
مهره ترفع كتوفها برائه /ماعرفك ماعرفك
الدكتوره تحاول تركز /لحضه لحضه انتي متاكده انك ما بتعرفي هذا من يكون ؟!
مهره تهز راسها بتاكيد /ماعرفه ماعرفه
الدكتوره تهديها /طيب ارتاحي انتي وان شاءالله بترجعي تتذكري

فهد قام واقف وهو يسال الدكتورة بخفوت / دكتوره كيف تعرف اهلها وانا زوجها ماتعرفني هذا شي مايدخل العقل؟'
الدكتوره تجاوب معه بخفوت /يمكن يصير ذاكرتها رجعت قبل تعرفك وهي صغيره والله اعلم
فهد تنهد بضيقه /والحل طيب؟!
الدكتوره تطالع مهره اللي تمددت وسكرت عيونها ونامت /يمكن من تاثير النوم او الغيبوبه وراح تتذكر بس انت اهدا
فهد يرد بعد اقتناع /يصير خير
الدكتوره تتجه لباب /انا استاذن واتمنى ما تضغط عليها بالكلام
فهد يهز راسه برضا/باذن الله

من طلعت الدكتوره وهو يتجه لمهره يبي يفهم كيف
ما تتذكره هو فقط كيف ؟؟؟!!
_______________________________

-/ البارت الثالث والثمانون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

ملاك زفرت فيه /تبطي عظم ياصقر ولا تحسب اللي سويته يبي يحقق لك مبتغاك حلم بليس بالجنه

صقر قام واقف ويحاول يمتص من غضبه اللي اشتعل من كلامها / وين ملابسك اخلصي علي ؟!
ملاك ترجع وجها للمخده وترد بخفوت /بالكبت اللي وراك من يمين

صقر لف شاف كبتها وراه وخذ نظرة على غرفتها كامله
اتجه للكبت وفتحه شاف ملابسها مرتبه بدقه
اختار لها تيشرت بجامه قطن كبير بالون العنابي و رجع لها وامر بهدو/قومي جالسه
ملاك استجابت له و اعتدلت جالسه وهي تتالم من جروح ظهرها

صقر مد يده يبي يلبسها وعينه على بطنها المشدود
ملاك ما اخفاها نظراته وهي ترد يده بزفرة / انا اعرف البس ماني مكسره

صقر ا عطها التيشيرت وعيونه تطالع بجسدها بتفحص ملاك لبست تيشيرت ورجعت تمدد على جمبها الايمن لا ويته ظهرها
و هو ماقدر يتحمل كل هالفتنه ماقدر !!
سكر شنطته وشالها بيده وانحنى لها قبل يطلع وباسها مع خدها / سلامتك ياقلبي
ملاك مسحت بوسته بكف يدها بعنف /حقير

صقر طلع من غير لا يرد عليها شاف نهيل ومازن بصاله
متوترين تقدم لهم وامها سالت بتوتر/ شلونها؟!
صقر يجاوب بهدو / زينه وبعد يومين اجي اغير لها الجرح ان شاءالله
نهيل تنهد بالم /كانت بتذبح عمرها لولا ستر ربي
صقر بتسال و هتمام /كيف صار معها كذا وش السبب ؟!
نهيل تنهدت بحزن وهي ترد بختصار / ضغطنا عليها بالكلام و انهارت وكسرت القزاز
صقر رفع حاجبه بتوجس /وغيرة ؟!


نهيل صدت عنه بصمت ماتبي تقول له التفاصيل بضبط وهي تذكر الاحداث اللي صارت قبل ساعتين…!!

كانت ملاك جالسه بغرفتها تذاكر بصمت
دخلت حصه معها شوربه وهي تهتف /ملاك ياقلبي سويت لك شوربة
ملاك عينها على الكتاب لارد /…
حصه برجا وعتاب /ملاك تكفين ارحمينا حالك مايطمن وحنا اشتغلنا فيك اكثر من ملكة امل حرام اللي تسوينه بنفسك وفينا
ملاك لارد وحصه تكمل /اتركي العناد وقولي شفيك يمكن نقدر نساعدك

دخلت نهيل بتسال/هاه ماتكلمت
حصه تهز راسها بنفي وعينها على ملاك /لا ماتكلمت
نهيل بجزع /ملاك تراي ساكته من مزاجي بتكلمين ولا ترا رحت لصقر عند ابوه وابوك بمجلس الرجال وسالته وش هو مسوي فيك ؟!
حصه بتسال/اذا عشان طليقته ترا السالفه ماتسوى تسوين بنفسك كذا عقلك اكبر من هالتفكير
نهيل بحده / تكلمي قولي شي الصمت ماهو حل؟!

مازن دخل /مساءالخير
امل دخلت وراه و نهيل وحصه برد واحد /مساء النور
مازن بتسال /للحين ملاك زعلانه ولا تكلمت ؟!
نهيل ترفع كتوفها /ماني ساكته بروح افهم من صقر وش فيها بنتي بساله قدام ابوه
مازن بحزم /مايحتاج تسالينه انا عرفت السالفه من وفا
نهيل باستغراب /وش السالفه!!
مازن يتنحنح / السالفه الله يطول بعمرك ان صقر يبي يرجع مرته الاوله وكانت عندهم ذاك اليله وملاك درت و نهارات
حصه بصدمه /ليش يبي يرجعها والسبب؟؟
مازن يجاوب / تقول وفا ان ملاك متعبه صقر وماهو مرتاح معها

ملاك رفعت عينها له بحده ومازن انتفض من نظراتها له /هي و اخوها يقولونه انا مالي دخل
نهيل تطالع ملاك بصرامه / انتي خلك ساكته عندي هنيه والناس تلعب بذيلها من وراك و تسبك بعد

ثم ردفت نهيل بغضب /بس انا اللي بتكلم وماراح اسكت اذا انتي ضعفتي و استسلمتي له ولمرته ولخواته واهله انا ما استسلم لهم وراح اوقفهم عند حدهم ؟
ملاك قامت وهي تصارخ بنهيار / انتم السبب انتم زوجتوني غصب علي ومن غير شوري حتى يوم انحشت عنه رجعتوني له بالقوه انتم السبب انتم انتم

اخذت ملاك الفازه القزاز اللي على الطاوله ورمتها بالارض لين تكسرت والكل رجع على ورا برعب من تصرفها المجنون اخذت لها كسر حاده / والله اذا ما طلعتو عن وجهي لاذبح نفسي وعينكم تشوف
نهيل بصراخ باكي /لا دخيلك يامك تعوذين من الشيطان دخيلك
ملاك مازالت منهاره /برا برا لا ذبحكم واذبح نفسي معكم برررر….

ماكملت كلامها الا فقدت الوعي من قلة الاكل والنوم وطاحت بالارض على القزاز اللي دخل بظهرها و امتلت الارض بدمانها نهيل تبكي برعب وهي ترفعها هي ومازن على السرير وحصه ترشها مويا لين صحت

مازن هتف باستعجال /يلا نوديها المستشفى تنزف
ملاك صحت وهي ترد برفض حالف /والله ماروح لو نزفت لصباح
نهيل برجا /تكفين يامك شوفي دمك املى الارض
ملاك بصرار رافض/ والله مدام فيني نفس للحياه ماروح و لا مت حركوني بكيفكم

مازن عرف عنادها و طلع يكلم صقر خوفن على اخته
__________________________________

اقترب فهد لها وهو ينحنى ويبوس جبينها بدفا
استغرب انها ماتحركت ولا ابعدته منها ..
كيف ماتعرفه وهي مستسلمه بصمت؟!
كيف ماتعرفه و انفاسها تسارع من قربه ؟!
كيف ماتعرفه وهي تناظر فيه نظرات عتاب ؟!
كل هذا يثبت انها تعرفه وتعرف كل شي صار بينهم..

فهد مسح على شعرها وهتف بهمس هادي/ادري انك تعرفيني يا مهره بس تبين تضايقيني بكلامك !!
مهره تهز راسها بنفي/ انا ماعرف انت وش تقول انا ماعرفك انت اصلا
فهد جن جنونه /مهره لاتقولين كذا لا طيرين عقلي من راسي!!
مهره ترفع كتوفها برود /ماعرف وش تكلم عنه
فهد انحنى وحط شفايفه على شفايفها وباسها بتروي وعنف ورفع وهو يهتف بتسال غاضب/الحين عرفتيني ولالا؟!
مهره تزفر عليه /اطلع برا
فهد فتح عيونه بصدمه /وشو ؟!
مهره بذات الزفرة /لو عدت هالحركه هاذي قلت لاهلي عن حركاتك معي تستهين بنات الناس انت ؟!
فهد فتح عيونه بزيادة /مهره لا تجننيني انتي مرتي حلالي
مهره صرخت فيه /ماني مرتك اطلع برا عيب عليك
فهد صرخ فيها /اص ولا نفس الا مرتي غصبن عليك وهذا شرع الله ماهو شرعك

مهره انكمشت على نفسها من الخوف وصمتت
فهد ما اخفته حركتها وهو واثق ثقه تامه انها تتذكره
ولا كيف خافت منه كذا بدون سبب؟!!!

تنهد وهو يتجه لباب وقفه صوتها الرقيق/لو سمحت
فهد لف لها ورافع حاجبه ؟!/..
وهي كملت كلامها له بحرج /احم ابي امي وينها؟!
فهد طالع فيها بنظرات غامضه بعده رد بهدو/بروح اجيبها لك واجيب لك ماهر وجدتك بعد
مهره تهز راسها برضا/ طيب و لايعرفون انك دخلت عندي هنيه راح يزعلون مني كثير
فهد سكر عيونه وهو يحاول يمتص غضبه/انتي تستهبلين ؟؟

مهره بكت بقهر/انت ليش تقول كذا ياخي خلاص عيب عليك هالحركات عيب انت واحد ماعندك خوات تخاف عليهم؟؟!
فهد تشتت و حس من كلامها انها صادقه مهره ماتعرف تكذب وهو يهز راسها برضا وهو ناوي يسايرها ويشوف النهائيه معها/حاظر ماراح اقول لهم تبين شي ثاني ؟
مهره تهز راسها بنفي/لا بس لاعاد تمر هنيه مره ثانيه
فهد صر على اسنانه / لا عاد كانك زودتيها بالكلام !!

مهره تمدد و تلويه ظهرها فهد شد على قبضة الباب وهو يشوف ظهرها النحيل ملتوي له كم اشتاق لاحتضانه على صدره نفض راسه وطلع متجه للبيت يبي يبشر امها وامه بسلامتها مثل ماهو استبشر بسلامتها !!
_____________________________

بعد مرور يومين ….
و اليلة ملكة امل….

ملاك كانت اخف من اول تاكل وتشرب على خفيف
و تكلم معهم وتجاوب عليهم بس مازالت تعبانه
و ظهرها بعده تعبان و ملزق على جروحها
واليوم مفترض يكون تغيير لجرحها …

دخلت نهيل بحنيه /يامك انا وامل بنطلع لصالون تروحين معنا ؟!
ملاك تعتدل جالسه /لا يومه انتم روحو انا مافي حيل للجلسه كثير من ظهري
نهيل تقترب لها / ديري بالك على نفسك وانا ماراح اتاخر بنتظر حصه تجي لصالون وارجع عندك
ملاك برفض هادي /يا يومه ماله داعي ترجعين عشاني انا بجلس اذاكر

دخلت امل وهي خجلانه/ملاك مانتي حاظره ملكتي ؟!
ملاك باعتذار /والله ودي يا امل بس مثل ماتشوفين ظهري كله متشقق بالجروح
امل تقترب لها بحنيه / خلاص ملوكه ياقلبي اهم شي صحتك
ملاك تبتسم وهي تقوم وتضمها/الله يوفقك امول ويسعدك
نهيل تبتسم بحب /يلا يامل مازن ينتظرنا برا

امل تطلع مع امها وتركب السياره ورا مازن هتف بتسال /وين ملاك ؟!
نهيل تسكر الباب/جلست بالبيت
مازن بهتمام / ليش مارحت معكم بدل ماتجلس بروحها ؟!
نهيل ترد بحرقه /يامك ماتقدر تجلس من ظهرها ياعمري عليها

امل بحزن /حتى باليل لا نامت ماتقدر تنام على ظهرها تجلس تون من الالم
مازن تنهد /الله يهديها من عنادها و تهوراتها
نهيل بجزع /الا من تحت راس ولد عمك المقرود
مازن يرفع جواله اللي يرن وهو يضحك /المقرود عند طاريه
نهيل بتافف/وش يبي بعد ؟!

مازن يرفع كتوفه وهو يرد على جواله /هلا ابو مطلق
صقر بتسال/شلونك
مازن يرد بحترام /طيب طاب حالك انت شلونك
صقر بصوت ثقيل /انا طيب الا انت وينك ؟!
مازن باستغراب / رايح مودي امي لصالون تبي شي
صقر بهتمام /ملاك معكم؟
مازن يرد بانطلاق /لا ملاك بالبيت تعبانه من ظهرها تقول ماهي رايحه لصالون ولا للملكه بتذاكر وترتاح

صقر بتوجس/هي بروحها الحين بالبيت !
مازن يرد عليه/اي بروحها
صقر بامر هادي /دق عليها خل تفتح الباب انا جاي بغير لجرحها
مازن بحرج / انا ارجع الحين وافتح لك
صقر برفض/ لا خلك بس كلمها تفتح الباب انا قريب
مازن بحترام /ابشر ابشر
صقر ينهى الاتصال/مع السلامه

مازن يسكر الجوال وهو يلف لامه /صقر بيغير لملاك جرحها يبيها تفتح له
نهيل باسا من بنتها/ماهي فاتحه له اعرفها عدل لاغير توقف الرجال برا
امل ضحكت /تسويها مجرمه
مازن بالعانه /ماني قايل صقر بقول خلي الباب مفتوح وانتهى
نهيل بحرج /لا فشله والرجال ماهو عارف شي بيتنا يضيع
مازن باصرار /يدبر حاله صقر ماينخاف عليه

دق مازن على ملاك /الو ملاك
ملاك ترد وعينها على الكتاب /هلا مازن
مازن يتنحنح /افتحي الباب وخلي مفتوح انا جاي
ملاك باستغراب /وين مفتاحكً؟
مازن بتصريفه /ناسيه بالبيت المهم خل الباب مفتوح انا قريب
ملاك باستغراب اعمق /ماسرع توديهم لصالون وترجع؟
مازن بتافف/يابنت لاجيت تحققين معي الحين روحي افتحي الباب
ملاك تقوم وهي مستغربه من تصرفاته/طيب يلا بفتحه
__________________________

بيت الجدة صيته اللي مقتنعه هي وام ماهر
ان مهره فعلاً ناسيه فهد ولا هي قادره تتذكره
ولاكن فهد ماهو مصدقها ابد كل الادله تثبت انها تذكره وتعرفه عدل بس مستغرب من اسلوبها وماهو فاهم مقصدها وفي بعض الاحيان يصدق من تصرفاتها انها فعلا ما تتذكره ابد مشتت بين نارين يصدقها ولا
ما يصدقها؟!!!

الجدة صيته كانت تنحره بشدة /انت علامك ماتفهم البنت مريضه ما تذكرك شين غصبن عليها ماهو بيدها
فهد يهز راسه باستنكار / مستحيل يدخل العقل تذكركم كلكم الا انا ؟!
الجدة صيته تنهد بضيقه/يامك ارحم حالك ورحم هالضعيفه اللي فيها مكفيها
فهد يحط يده على اطراف جبينه وهو يشعر بصدام فضيع من كثر التفكير /يا يومه عقلي طار طار منها ومن كلامها حتى شغلي اهملته وماعاد انا مركز فيه

الجدة صيته بحنيه /يامك لا تفكر كثير هاذي كلها ايام وترجع تتذكره وتحسن ان شاءالله
فهد يقوم بارهاق / الله يجيب الخير
الجدة صيته ترفع راسها بتسال / وين بتروح ؟!
فهد يرد بالم / بروح اشوف مهره اليوم عندها خروج
الجدة صيته بفرحه/الحمدلله بتطلع يالله تديم عليها العافيه
فهد بضيقه /بس كيف بقنعها تجي بيتي وهي ماتعرفني على قولتها ؟!

الجدة صيته بحرص /انتبه يافهد تجبرها ترا البنت
ما تعرفك لا تسبب لها خوف منك
فهد بزفرة /والحل طيب؟!
الجدة صيته بمحاوله / خل لين نقنعها ونحاول نذكرها وبعده تجيبها عندك
فهد يهز راسه برضا وهو من داخل غير راضي/طيب طيب بخليها موقت لين تعقل ولا انا بعقلها بطريقتي
الجدة صيته بصدمه /تعقل لك مريضه انجنيت انت ؟؟
فهد يتجه لباب /هي اللي جننتني تحمل جنوني
______________________________

نهيل تنظر امل بحنيه / يامك لا تخلين بخاطرك شي كل شي تبينه سويه اليله ملكتك تدللي
امل تشعر بخجل / ابي شعري تسريحه ناعمه ومكياج ناعم افضل
حصه مؤيده لها /اي احسن عشان ملامحك تبين
و تكونين جذابه
نهيل بتسال خافت /وين راحت الكوفيره كانها تاخرت
حصه ترد بذات الخفوت/راحت تشوف زبونه وترجع علامك مستعجله
نهيل بضيقةً/افكر بملاك جالسه بروحها قلبي ماهو مطمن
امل بتهدئه/يومه صقر عندها لا تشيلين همها
نهيل تطالعها بنص عين /هذا اللي مخوفني وجود صقر هي ماتتحمل شوفته وهي متعافيه كيف وهي مريضه
حصه باستغراب/صقر عندها غريبة وش يبي؟!
نهيل ترفع كتوفها وهي ترد/يبي يغير لجرحها يقول
حصه تبتسم /اجل لاتخافين عليها يجيب راسها ولد مطلق
نهيل ترد باسا /لا بالله اختك عنيدة وماحدن يقدر عليها
امل تضحك/هي اللي تجيب راسه ماهو صقر
حصه تهتف بمرح /تدرين امل احسن انها ماهي حاضره ملكتك عشان ما تغطي علي وعليك
امل تضحك / حرام عليك يا حصه
نهيل تبتسم / ياربي تحميها و تحميكم انتم بعد
حصه بتسال/الا عمتي مزنة ماهي حاظره ؟!
نهيل ترد بموده /لا والله اعتذرت و عذرناها بالعرس تحظر ان شاءالله

جت خبيرة التجميل وهي تهتف باستعجال /يلا من بدها ابدا فيها اول ؟!
حصه تاشر على امها /هاذي امي ابديها فيها خلي تروح عشان طالب يشوف زينها
نهيل تنحرها بحرج /بنت عيب
امل وحصه انفجرو بالضحك /هههههه
وخبيرة التجميل تبتسم /يلا بدنا نبدا فيك وبعده بالبنات
نهيل تقوم معها /يلا بسم الله
_____________________________

صقر وصل وهو يشوف الباب مفتوح نص فتحه
دخل وسكر الباب وراه متجه لداخل ولا هو عارف وين يروح وقف على الباب الداخلي وهو يتنحنح بصوت رجولي / احم يا اهل البيت !!

ملاك كانت بغرفتها تذاكر عقدت حواجبها باستغراب وهي تسال نفسها بخفوت / هذا صوت صقر ولا يتهي للي ؟!

قامت واقفه وطلعت لصاله شافت صقر واقف بهيبه وشموخ و ملاك تسال بصدمه /انت كيف جيت ؟!
صقر ابتسم بخبث وهو يتقدم لها/مع الباب اللي انتي فاتحته
ملاك ترد بغيظ/ كنت متفق انت ومازن علي؟
صقر اقترب وانحنى لها وحب انفها /شلون صرتي ؟!
ملاك تشيح بوجها /زينه

صقر يلف يمين ويسار و ينحنى ويبوس شفايفها على السريع / من كثر ما انتي زينه زينك يوجع القلب
ملاك رجعت على ورا وهي فاتحه عيونها/انت وش تسوي فرض ابوي دخل وش اقول له ؟
صقر يرفع كتوفه برود /قولي زوجي مشتاق للي عادي ماسوينا حرام
ملاك بتسال /ممكن اعرف ليش جاي ؟
صقر يرد برود اعمق /جاي بغير لجرحك
ملاك برفض/بس انا مابيك تغير له ولا تقترب مني
صقر بمقاطعه /لايكثر كلامك و قدامي للغرفة
ملاك تنظر فيه بحده /قلت مابي تغير هو غصب ؟
صقر يهز راسها وهو متجه لغرفتها /اي غصب
ملاك تلحقه /صقر لو سمحت اطلع من غير مشاكل

صقر دخل ولف لها من شافها دخلت وراه وهو
سكر الباب وقفله ملاك تقدم لباب بتفتحه /انت جنيت ؟؟؟
صقر حوط خصرها و رفعها عن الارض بين يديه واتجه لسرير وهي ترفسه مع بطنه برجولها /ابعد يا مريض ابعد
صقر نزلها على السرير وقلبها على بطنها وهو ينحرها
بحده /اص مابي اسمع صوت
ملاك صمتت وهي تحس فيه نزل التيشيرت منها
وبدا بفتح الصقات وهي ونت غصبن عليها بالم /اي
صقر مسح على ظهرها بحنيه وتهدئه / تحملي ياقلبي

ملاك عضت المخده تبي تخفي صوت الالم
و صقر نظف الجرح وخذ المرهم يحط عليها
وهي ارتعشت بخجل من لمساته المتقصده

صقر انحنى وهمس عند اذونها / ملاك اعتبريني دكتورك ماهو زوجك وخليني اعالجك براحتي
ملاك ترد بذات الهمس/ الدكتور يعالج بمهنه ماهو بتقصد ولا انت دكتور ماتعرف تعالج الا بلبوسات ولا بتلمس اجساد المرضى ؟؟!

صقر سحب له نفس ونفخه وهو فاهم مقصدها ورد
بحزم /ملاك والله كانك تعرفين الله ان نيتي روح بنقذها وانتي فهمتي الموضوع غلط و..
ملاك بمقاطعه حاده / ماهمني ياصقر لو سويت لها اللي تسوي مرتك وانت حر فيها
صقر بغضب /ماهي مرتي طليقتي و مابيني وبينها شي افهمي عاد
ملاك تزفر عليه / صقر ماهو مهم افهم المهم انت اللي تفهم انا وش ابي منك

صقر بتسال وهو يلصق اخر لصقه على جروحها من بعد ما عالجها / وش اللي تبينه امري يا بنت عمي ؟؟
ملاك تعتدل جالسه وتاخذ التشيرت وتلبسه
وتحط عينها بعينه /صقر انت خذيت اللي كنت تبي مني والحين خلاص طلقني وريحني
صقر انتفض بصدمه /اطلقك؟؟
ملاك تهز راسها بثقه /اي طلقني انا وانت ما نصلح لبعض ومستحيل نتفاهم لا عمرنا ولا تفكيرنا مناسب

صقر وجهه حمر من القهر والغضب /اسمعيني يا ملاك وحطي كلامي براسك انا ماجيت باخذ منك عشان اطلقك و اللي ابيك تعرفينه انا تمسكت فيك اكثر واكثر من بعد اخر موقف بينا ومستحيل ارخص فيك حتى لو انتي ارخصتيني

ملاك حمرت خدودها بحرج من كلامه وهي ترد بحده / صقر انا مابي الزواج افهم ماقدر ماقدر اجبر نفسي
صقر بمقاطعه هاديه / ملاك انا مستعد اوعدك اللي صار مارح يتكرر الا برضاك بس انتي عطيني فرصه ثانيه
ملاك برفض/ مستحيل اثق فيك انت وعدتني قبلها وخنت الوعد بينا
صقر بعتاب /انتي اللي جبرتيني يا ملاك انتي كلامك وصلني اقصاي هذا وانا متحمل و ضاغط على نفسي عشان ماضايقك ما قدرتيني ما قدرتيني

ملاك تنهد بضيقه / مو انت تبي ترجع زوجتك خلاص رجعها وخلني بحالي ياصقر
صقر باستغراب/ ومن قالك اني برجعها ؟!
ملاك ترفع كتوفها / ماهو مهم تعرف المهم انا اللي عرفت
صقر بثقه / اصلا انا مافكرت ارجعها مابي حريم غيرك انتي نصيبي وبس
ملاك ترفع حاجبها بتشكيك /تبي تضحك علي الناس كلها عارفه انك ناوي ترجعها وحركتك معها ذاك اليله اكبر دليل ؟
صقر بحلف صادق/ تؤمنين بالله والله ماني مرجعها
ولا حتى فكرت وحركتي معها قلت لك الف مره كانت مجرد روح وانقذتها لا اكثر

ملاك تصد بوجها عنه وهي مصدقه كلامه
لانها تعرف صقر مستحيل يكذب وهو يحلف بالله
صقر حس انها استجابت لكلامه لذالك هتف
بتوجس/ملاك ارجعي ووعدك كل اللي تبينه راح يصير
ملاك تحط عينها بعينه / اممم افكر
صقر اقترب لها / مايبي له تفكير انا عندي شغل بالامارات بعد يومين وابي اخذك معي ؟؟!

ملاك برفض/مستحيل تبي توحد فيني ؟؟
صقر انفجر ضاحك منها /لو ابي اتوحد فيك على قولتك كان توحدت الحين و افترستك
ملاك كحت بخجل /كح كح
صقر ابتسم بخباثة / بسم الله عليك
ملاك بتشرط / ارجع بس بشرط ؟!
صقر انحنى وباس خدها /انتي تدللين قولي للي بس وش اللي تبيه
ملاك تطالع فيه بحدة / لا تبوس صقر عشان اعرف اتكلم
صقر يهز راسه برضا / طيب ماراح ابوس تكلمي
ملاك تسحب لها نفس /ابي اروح المدرسه الخصوصية لاني فوت كذا اختبار لازم مساعده منها !

صقر برفض حاد /لا طبعاً المدرسه مرفوضه و منتهين من نقاشها
ملاك بزفرة /كيفك اجل حتى رجوعي مرفوض
و منتهين من نقاشه
صقر بتافف / طيب تجيك هنيه بالبيت مو لازم تروحين لها
ملاك بضيقه /عيت اجبرها ؟؟؟
صقر صمت ثواني ثم تنهد ورد بهدو / طيب موافق بس انا اوديك ورجعك مافي تروحين على رجولك اكسرهم لك
ملاك بنغزى /بدينا بتهديد وبعدين ماقلت شي انت توديني بس بشرط ثاني
صقر طالعها بنص عين /تراك زودتيها
ملاك تقترب وجها لوجه /مو انت قلت تدللي خل ادلل
صقر ضاعت علومه / الدلال كله مخلوق لك وانتي مخلوقه له تدللي لعنبو حيك و محياك
ملاك ابتسمت من كلامه /شذى تروح معي للمدرسه ؟
صقر غمز بعينه وهو يضحك /الحيوانه هذيك عرفت تحط لها وسيط فاتن

ملاك تصد بوجها وهي مستحيه وتبتسم
صقر اقترب وباسها خدها بتروي وقام / يوم الاحد خلك جاهزة نطلع للامارات
ملاك تطالع فيه برفض /لا عندي مدرسه كيف اروح وخليها
صقر بثقة /انا اطلع لك اجازة مرضية سبوع
ملاك تهز راسها برضا/طيب كم يوم ونرجع ؟
صقر بتجاوب /ثلاث ايام
ملاك صمتت وهو اتجه لباب ثم ردف بثقل /شوفي للي طريق بطلع لدوام
قامت ملاك معه وهي تشوف له طريق /مافي احد
صقر مد يده وحطها على ظهرها ومسح عليها
بهداوه /انتبهي لنفسك بعد يومين اغير لك قبل نسافر
ملاك هتفت بتسال / ماتبي تحظر الملكه ؟!
صقر رد بهدو / لا عندي دوام

ملاك تهز راسها بصمت و صقر طلع …
____________________________

المستشفى دخل فهد وهو يتنحنح عند الباب/احم احم
ام ماهر تطالع بمهره اللي تلفت يمين ويسار كانها دور على شي /وين شالي
ام ماهر تهز راسها باسا/يامك فهد ماهو غريب عليك
مهره بحده /الا رجال غريب كيف تبيني اكشف عنده ؟!

فهد سمع اللي دار بينهم ودخل برود/سلام
ام ماهر تقوم /عليكم السلام ياهلا بابو عقاب
فهد يطالع مهره اللي صاده بوجها عنه وهو يهتف لامها بتسال/شلونها ؟!
ام ماهر تطالع بنتها وهي ترد بحرج /طيبه الحمدلله
فهد بتسال حاد/ جهزتم؟
ام ماهر تهز راسها /اي كل شي جاهز

دخلت الممرضه العنود /سلام عليكم
الكل رد /عليكم السلام
العنود عيونها على فهد وهي تشعر انها بحلم
و تشوفه مره ثانيه تقدمت وسالت مهره/كيف صرتي
مهره تطالع فيها بنظرات قارصه/زينه
العنود ترفع حاجبها باستغراب وهي تشيل الابره من كفها وعيونها ترجع لفهد اللي يكلم ام ماهر بتمتمه

فهد يتكلم بخفوت حازم /لازم تقنعينها ترجع للبيت لاني كذا متحملها فوق طاقتي
ام ماهر برجا/اصبر عليها يامك هي ماتعرفك كيف تروح معك
فهد بتافف / اجل انا اتفاهم معها
ام ماهر برجا عميق/ لا تكلمها اليوم واللي يرحم عقاب
فهد اثر فيه طلبها وهو يهز راسه برضا /انتظركم برا

طلع فهد والعنود تكلمت باستعجال / بروح انادي لدكتوره تشرف عليك قبل الخروج
ام ماهر تكلمها /طيب والا بره هاذي ما شلتيها
العنود تتجه لباب /ارجع ارجع
ام ماهر بدهشه /هاذي شفيها طايرة
مهره تضرب الاوض برجلها / حقيرة
ام ماهر تقدم لها /مهره بفهم انتي وش تفكرين فيه
مهره بتسال /مافهمت؟!
ام ماهر بحده /انتي فاهمه قصدي ليش تسوين مع فهد كذا ؟؟!
مهره تصد بوجها /انا مو فاهمه من تكلمين عنه اصلا
ام ماهر ترفع يدها وتلف وجه مهره لها / ماصدقتي يابنت بطني ماصدقتي

مهره بعتاب /انتم ليش تضغطون علي يا ناس ارحموني انا لو اذكر شي ماني كاذبه عليكم بقول الصدق
ام ماهر تنهد /يامك انا اعرفك عدل ماتعرفين تكذبين
مهره غارت عيونها بدموع /هذا انتي قلتيها ماكذب ماكذب بس انتم تشككوني بنفسي يا يومه
ام ماهر تمسح على شعرها بحنيه /خلاص يامك مصدقتك والله مصدقتك

دخل فهد وهو يهتف بمر حازم بالغ/ يلا مشينا بوديكم للبيت وراي شغل
ام ماهر بحرج وهي تحرك وتشيل اغراضهم/تاخرنا عليك يلا يامك حنا جاهزين
مهره قامت ولبست عباتها وهي تهتف لامها/ليش مايجون يشيلون عن كفي الابره ؟!
ام ماهر تطالع الباب /بروح انادي لها

راحت ام ماهر وفهد وقف مكانه وهو يحاول مايطالع فيها ومهره ما خفاها هروبه من النظر فيها .؟
دخلت العنود وهي تعتذر بغنج/اسفه مهره كنت مشغوله
مهره مدت كفها لها من غير نفس والعنود شالت الابره و اتجهت لباب وقفت تهتف لفهد / ننتظرك ؟؟

فهد يهز راسه / اوصلهم ورجع
العنود طلعت ومهره وقفت متصلبه من الصدمه
جت ام ماهر /يلا مشينا
فهد يتجه لباب /يلا

ام ماهر ومهره يمشون وراه وفكرها مشغول مشغول لابعد حد يبي يرجع لها ليش وش وراهم اكيد اعجبته بغنجها ونعومتها؟؟!

ركبو السياره ومشى فهد بصمت وهو مشغول التفكير واضح من ملامح وجهه وام ماهر تطالع بالشوارع ومهره تراقب فهد بالمراءه و بتحركاته فهد لمح نظراتها بالمراءه اللي تعكس صورتها وحط عينه بعينها مباشرة و مهره انتفضت بحرج ولفت وجها لليسار

فهد هتف بتقصد / الا اقول شرايكم تروحون معنا للبيت ؟!
ام ماهر بتردد/لا يامك يمكن مهره تعبانه وتبي بيتها
ولاكن الصدمه ان مهره ردت / عادي يا يومة كان تبين نروح عند جدتي صيته انا راضيه

فهد وام ماهر تبادلو النظرات باستغراب وفهد تكلم بصوت بغموض / زين اجل اوديكم عند جدتها صيته
ام ماهر تلف لمهره /اكيد يامك عادي عندك ؟
مهره ترفع كتوفها /عادي يومه بكيفك
فهد بمقاطعه/ خلاص يا ام ماهر مهره ماهي قايله شي
ام ماهر برضا/طيب شورك وهداية الله

مهره بتسال/ماهر وينه ؟!
ام ماهر بتجاوب /عند نواف مستانس عليه
مهره باستغراب /من متى وهو عند نواف ؟!
ام ماهر بتذكر /من دخلتي المستشفى ما رجعنا بيتنا جلسنا عند جدتك صيته
ثم لفت بحسن نيه /وترا نظفت جناحكم انا والخدامه
فهد بشكر ثقيل /الله يجزاك خير
مهره تعصر مخها/اي جناح ؟!
فهد طالع فيها بالمراهء / ماتذكرين جناحك؟؟'
مهره ترمش بعيونها/ جناح للي انا وينه ؟!
ام ماهر تغير الموضوع /احم يامك انت تتاخر بشغلك
فهد يرد وهو يتنهد بضيقه/ مدري والله ليش تبين شي يا ام ماهر
ام ماهر بحنيه /لا سلامتك

وقف فهد السياره عند بيتهم ونزل ونزل اغراضهم وفتح الباب /حياكم الله
نزلت ام ماهر ومهره وراها ودخلو البيت لقو الجدة صيته وحسنا اللي وقفو بترحيب /حيالله من جا يامرحبا
مهره تسلم على جدتها وهي تضمها /الله يحييك
الجدة صيته بكت غصبن عليها من الفرحه /يالله لك الحمد يالله لك الحمد
مهره تبتسم / ليش الدموع تبين اروح بيتنا الحين ؟!
الجدة صيته تضمها/لابالله ابيك قدام عيني يا بنت الغالي

فهد انسحب بصمت مايقدر يتحمل كلامها وابتسامتها مع الجميع الا معه كانت بارده غريبه ؟
_____________________________

-/البارت الرابع والثمانون/-

رواية ريح المطر (للكاتبة شغف
ادعو لوالدي برحمة والمغفرة.

لبيه ياريح المطر والسما غيم..
ولبيه ياصوت المطر بعد غيبه ..



الساعه 11 ليلاً و بعد انتهى الملكه ادخلت نهيل وبناتها
وملاك استقبلتهم ببتسامه /هلا وغلا باحلى عروس الف مبروك امول
امل تنزل عباتها / الله يبارك فيك يا ملاك وربي ناقصه فرحتي من غيرك
نهيل تجلس بتعب /لا بالله خيرة ما حظرتي الكل يسال عنك شلون لو شافوك

حصه تضحك وهي تحط اياد على الكنب / والمشكله انهم يحسبونك وحما عشان كذا ماجيتي
ملاك فتحت فمها /وحما وش ؟!
نهيل تبتسم /يعني حامل الكل يقول حامل وماجت قلت اذا هي حامل بتولد وتعرفون

ملاك شعرت بدوران من شدت الصدمه هذا الشي اللي مافكرت فيه ابد ولا خطر على بالها حمل مستحيل لا يكون يصير لالا مستحيل ؟؟!!

نهيل وبنتها ما نتبهو لملاك اللي سرحت وهم يسولفون بالملكه و بالحظور
حصه تضحك /شفتي خالتي جوزا وش لابسه ماخلت ذهب بيتها مالبسته
امل تضحك بزياده /شكل حتى ذهب الجيران لابسته بعد
نهيل تزفر عليهم /عيب خلو خالتكم بحالها ترا مارضى على اختي

حصه تضرب فخد ملاك /شوفي امك صارت محاميه عن خواتها ضد بناتها !!
ملاك تنفض راسها وهي تبتسم من غير لاتفهم شي
وامل تهتف بجديه /يومه خالي سعود يقول زواجنا بالاجازة ؟
نهيل ترد بحماس/اي يامك مابقى الا شهر ونص
ملاك تبتسم بفرح / او بعوض بعرسك عن الملكه
حصه بمرح / والبسي فستان حوامل اجلطي خالاتي وحريم خوالي عاد هم خلقه شايلين على صقر

نهيل تنهد /من عذرهم يامك كل ماجو يخطبونها قلنا ولد عمها ماسكها احترو من تملكه فيها
ملاك تبتسم /ليتني رحت لعيال خوالي ولا خالاتي اجواد
نهيل بزفرة /احمدي ربك والله يان صقر ارفع منهم بالف مره بلمال و بلجاه وبشهامه كل الصفات الزينه فيه
ملاك تبوز / اشوفك واقفه معه اليوم ؟!
حصه تضحك / الا صدق سمعنا انه كان هنيه ؟!
ملاك بخجل/جا غير على جرحي وراح

نهيل بتسال /عسى الله هداكم لبعض و تفاهمتو ؟!
ملاك تهز راسها برضا من غير لا تنظر فيهم من الخجل /تفاهمنا وترا يبي يروح عند شغل بالامارات وقال باخذك معي !!
امل صرخت بحماس /اوف الامارات حظك يا ملاك تجنن تجنن

دخل مازن بتسال/ومن اللي يبي يروح للامارات
امل بذات حماسها/ملاك وصقر بيروحون للامارات
ملاك تطالعها بنص عين / خلي بندر يطلعك شهر العسل بالامارات مدامك كذا ميته عليها
مازن يجلس /صدق ملاك متى بتروحون ؟!
ملاك ترفع كتوفها/يقول الاحد عنده شغل وبياخذني
نهيل بحرص /اي يامك روحي معه يمكن الله يهدي بينكم
امل بتسال و هتمام /ودراستك ؟
ملاك تنهد /يقول يبي ياخذ للي اجازة عاد مدري عنه
حصه بتوصيه / لو ماخذ اجازة لا تجلسين وتخلينه يسافر لحاله روحي معه
مازن يضحك /امحق توصيه وذا عادة السنه طيب ؟
حصه بجديه /عادي الدارسة ماهي اهم من زوجها

ملاك تضحك بمرح /الله يعين عادل عليك وعلى تسلطك
مازن بذات المرح /ابك هذاك لو راح لصومال ماحد يطالع فيه مايلفت الانتباه سبحان الله
حصه بزفرة /وش قصدك صقر احسن منه يعني ؟!
مازن انفجر بضحك /مافي مقارنه بينهم اصلاً

ملاك تضحك وهي تقوم وتشيل اياد وتبوس
فيه /اشتقت له الدوب
حصه تنحرها /لا تصحينه ملاكوه نايم
ملاك بعتاب/ليش ما جبتيه عندي قبل تروحين للملكه
حصه تطالع بنص عين /كنت رحمتك من التعب اللي فيك وبعده عارفه انك مو فاضيه له عندك احم احم
مازن يضحك /بالله وش رايك بالمفاجئه ملاك ؟!
ملاك تنزل اياد على الاريكه وترجع تنفخ بوجه مازن بغيظ /انت كيف تضحك علي وتخليه يدخل من غير علمي هاه ؟!

نهيل ضحكت /عزالله انك جبتها على راسك
مازن يضحك /انا وين تكلمت
ملاك بطولة لسان /اقول والله يا مازن لو سويت معي هالحركات مره ثانيه مايصير لك طيب
مازن يحط رجل على رجل /وش بتسوين ؟

نهيل تغير الموضوع بتسال/ الا مرتك وينها ما تعشت حظرت شوي وطلعت
مازن يرد بهدو /راحت لاهلها تقول مجتمعين
ملاك بتسال/من جا منهم يومه شذى جت ؟
امل ترد / اي شذى وهدى وفا بس
ملاك باستغراب /وام مهند وحريم عيالهم ماحد جا
نهيل بعتاب /لا شايفين انفسهم على الناس
مازن يقوم للمغادرة /يومه كلن و ضروفه
حصه بهتمام /وين بتروح ؟!
مازن يتجه الباب /بروح جناحي اريح
_________________________

بيت ام صالح هدى بمدح /ماشاءالله حفلهم حلو ومرتب
وفا تكشر /وع وخالاتهم شفتي اشكالهم كيف صايرة ؟
هدى بجديه /والله يهبلون وكشخه
وفا بقلة اقتناع /والله ماعجبوني كلهم
ام صالح بهتمام وحزن /ملاك ماجت للحفل سالت امها قالت للحين تعبانه!!

هدى تنهد بضيقه من حال امها اللي تفكر كثير بصقر وحياته /يا يومه لاتشيلين هم ان شاءالله امورهم تزين
ام مهند تكمل معها / مشاكل بسيطه ويحلونها عن قريب وكل الناس عندهم مشاكل ماهو بس صقر
ام صالح بحزن /ماضنتي يحلونها لو الدنيا تضحك للجميع لصقر ماتضحك

صقر تو جاي من دوامه و دخل على اخر كلمه وهو يهتف بعتاب/افا يا ام صالح وليش ماتضحك للي ؟!
ام صالح تطالع فيه بحزن / والله هذا شوف عيني يامك كلن عاش سعيد حتى خوانك ولدو وجابو عيال الا انت تركض مع هالحريم وهمهن
صقر ابتسم وهو يحب راسها/ كل شي مكتوب يالغالية وان شاءالله بتشوفين عيالي
ام صالح دمعت عينها غصب عنها/والله ان ربي عطاني عمر و شفت ولدك لاذبح الحواشي

هدى تضحك بمرح / وحنا عيالنا ليش ما ذبحتي لهم حتى دجاجه
صقر يضحك وهو يجلس / عيالك قرود نجيب لهم كرتون موز يخب عليهم
هدى تضحك /هين ياصقر نشوف عيالك كيف اشكالهم ؟!
صقر بثقة /عيالي كاملين والكمال لله
ام مهند بجديه /واثق صقر من جمال عياله وامهم ملاك اكيد يطلعون عليها

هدى بمرح خبيث/اذا على ملاك مافي كلام بس اذا على صقر جلفين يادافع
صقر يضحك/ ههههه
وفا تنحنح /صقر انت اليوم بيت عمي ؟!
صقر يبتسم بتسال /ماسرع يوصلك العلم زوجك هذا ماتجلس بفمه الكلمه
وفا تضحك /عاد الله خلقه كذا لو ماتكلم يطق فيه عرق ويموت
هدى بتسال /صدق انت عندهم ؟!

صقر يهز راسها وعينه على امه اللي تناظر فيه تنتظرة رده بلهفه /اي عندهم رحت اسلم على ملاك وتفاهم معها
ام صالح باستعجال /عسى تفاهمتم يامك ؟!
صقر يرد بثقه /اي تفاهمنا لاتشيلين هم
ام صالح بتشكيك /وليش ماجت معك اجل ؟
صقر يرد بثقه اعمق /الاحد باخذها ونطلع للامارات عندي شغل
هدى تبتسم / هاه ارضاوه لها يعني ؟!
صقر بجدية /لابالله ماهي رضاوه شغل جاني وقلت اخذها معي منها هي تغير جو ومنها انا ارتاح بدل
ما اخليها هنيه
ام منهد مؤيده لكلامه /معك حق مرتك ولا تخليها اي مكان خذها معك
صقر يوقف وهو يهز راسه باقتناع /هذا اللي يبي يصير ان شاءالله

وفا تطالع فيه بتسال /ومتى طارتكم ؟!
صقر يرد عليها بحسن نيه / بعد العصر باذن الله
ثم ردف وهو يتثاوب وكفه على فمه /تصبحون على خير
الجميع يرد /وانت من اهل الخير

من طلع وفا تلف لهدى بتسال /هدى قد قلتي للي وحده من صديقاتك تقاصد جوالات صحً؟!
هدى تجاوب باستغراب/اي ليش؟
وفا باستعجال /ابي تكلمينها ابي 3 اخر نوع
ام صالح بحزم /وليش ان شاءالله تبين تحطين نفسك بالسلف والتلف؟!

وفا بتصريفه /مازن محتاجها وقال للي اكلم هدى ونسيت
ام منهد بهتمام /وليش طيب يبي المبلغ هذا كله ؟
وفا ترفع كتوفها /سيارته خربانه يبي يصلحها
ثم لفت لهدى /امانه ابي تكلمينها بكرا نبيهم ضروري
هدى تهز راسها /ابشري بس ترا يصير كثير عليكم 3 جولات يطلع عليكم ب 15 الف تقريباً
وفا تقوم وتلبس عباتها /ماعليه بس كلميها لا تنسين بكرا ابيهم تراه مستعجل
هدى بحنيه /ابشري لاتشيلين هم
__________________________

الساعه 1 ليلاً …

الكل كان نايم الا مهره اللي جالسه بصاله على جمر وهي تنتضره يرجع و افكارها توسوس لها (ليش تاخر عندها لايكون… لالالا مستحيل فهد يسوي كذا وانا وش دراني عنه رجال ماعرفه ولا اعرف اخلاقه )
تنهدت وهي تلبس شالها وتاخذ المفتاح وتتجه لجناح فهد تبي تتاكد رجع ولا بعده ؟

فتحت الباب ودخلت ونزلت الشال على كتوفها وشعرها تناثر فوقه بنعومه وتلفت تشوف الجناح فاضي تنهدت وهي تطالع بكل زواياه سكرت عيونها والالم يزيد براسها سحبت لها نفس عميق وهي تتجه لباب بتطلع لاكن وقفت بصدمه وحرج وتمنت الارض تنشق وتبلعها …

وفهد يدخل ويسكر الباب وراه وقف هو بعد مصدوم
مهره بجناحه؟! جت له برجولها من غير لا جهد
و لا تعب منه حس ان والديه ماتو وهم راضين عنه
تقدم لها وهي رجعت على ورا وعيونها بعيونه وتنظر لها نظرات رجا ولاكن الوله اللي بفهد خلاه يتعاطف
مع نفسه اكثر من تعاطفه معها !!!

مهره تكلمت برجا /ارجوك اوقف لا تقرب
فهد اقترب وسحبها لحضنه بلهفه/ لا ترجيني ماقدر ماقدر
مهره بكت على صدره بخوف وهو حاضنها بقوه هتفت بتعمد / حرام عليك خاف على اعراض الناس
فهد بعدها من صدره قليل ورد بغضب/ مهره انتي عرضي وانا زوجك افهمي
مهره تهز راسها من بين شهقاتها/ لا تقرب لاتقرب
فهد بتسال موجوع /اجل ليش تجين للجناح وانتي ماتذكرين شي كيف جيتي هنيه كيف ؟!

مهره تنحنح /احم كنت كنت بتاكد انت جيت منها ولا لا!؟
فهد يعقد حواجبه /من منو؟!
مهره تحط عينها الدامعه بعينه الحاده / من الممرضة اللي قالت لك انتظرك تجي
فهد رفع حاجبة /وانتي وش عليك جيت ولا ماجيت؟!
مهره تصد بوجها بحرج اعق/ وش تبي منك ؟!
فهد اقترب وانحنى بهدو وحد انفه على انفها/ تغارين على واحد ماتعرفينه العبي مع غيري يا مهره ماهو علي

مهره تطالع بعيونه الواسعه ورموشه السود بعجاب وهي مصره على كلامها/ انا مادري انت وش تقصد لاكن انا اللي بفمه شي واحد وش تبي منك جاوبني ؟
فهد مازال انفه على انفها و يتنشق ريحتها المثيره
له / بقول لك كل شي تامرين امر
مهره ابعد وجها منه بحرج /قول اسمعك ؟؟؟؟


….فهد يتذكر الاحداث …..

من طلع من غرفة مهره الحقت الممرضه وهي
تنادي/لو سمحت
فهد لف لها /نعم ؟!
العنود توقف وتكلم بهدو/ الدكتور مخ والاعصاب يبيك ضروري
فهد باستغراب /ليش وش صاير ؟؟!
العنود ترفع كتوفها /والله مادري بس قال ابي احد من ولي امرها يجيني
فهد سحب لنفس /وينه الدكتور؟!!
العنود تاشر له /تفضل معي

راح فهد معها وهو يدخل عند الدكتور اللي كان جالس على مكتبه وفي دكتور ثاني مقابل له ومعطي الباب ظهره وفهد يهتف /سلام عليكم
الدكتور والدكتور الثاني /عليكم السلام
العنود تكلم بنعومه / دكتور جعفر هذا ولي امر المريضه مهره ناصر

الدكتور جعفر وقف بحترام لفهد اللي قدامه واضح عليه الهيبه /تفضل يا اخ ؟!
فهد يتقدم /فهد
الدكتور جعفر / عاشت الاسامي
صقر رفع راسه وطاحت عينه بعين فهد تبادلو نظرات الحاده والتحدي لمدة ثواني !!!!
والعنود استغربت من نظراتهم وجعفر تكلم
بتسال /بتعرفو بعض؟!
فهد وصقر ردو بنفس الوقت بثقل/لا
جعفر يرفع كتوفه باستغراب /تفضل يافهد
فهد يجلس مقابل لصقر ويحط رجل على رجل و يسال الدكتور/قالو للي انك طالبني ضروري؟!

جعفر تنهد وهو يجلس /اي كنت بقولك ان حالت مهره مره صعبه واخذنا على راسها اشاعة مقطعيه ثانيه وبدنا نتاكد ان السكته الدماغيه مالها اثر وماراح ترجع مره ثانيه لان المريضه راح تعرض للخطر لو رجعت لها السكته

فهد نسى وجود صقر ونسى كل شي وكل همه هي مهرته وهو يسال بهتمام / طيب ومتى تطلع النتيجة ؟!
جعفر يرد بعدم تاكيد/ممكن ساعه ساعتين كذا وبعده لازم نجلس معك ونشرح لك الحاله كامله
فهد يهز راسه برضا وعيونه على صقر اللي يشتغل بجواله /زين بروح اخلص اوراق خروجها وبعده ارجع لكم ؟!

جعفر يامر العنود /خذي اخ فهد لغرفة الدكتوره هاله خليها تعطيه اوراق تحاليل مهره كامله وتجهز له اوراق الخروج واذا رجع للمستشفى توصلينه للي لغرفة الاشاعة
العنود ترد بغنج /تامر تفضل فهد معي

صقر رفع عينه لها من صوتها المنرفز وطالعها من فوق لا تحت بحتقار وهو فاهم نظرات اعجابها لوسامة فهد العنود ارتبكت من نظراته وهي تطلع باستعجال
وفهد قام بثقه وهيبه وطلع وراها

من طلع فهد وصقر يسال الدكتور بهتمام/منهي مهره وليش شفيها؟!
جعفر يرد بهدو /هاذي زوجته كانت بغيبوبة عندها سكته دماغيه
صقر عقد حواجبه / والسبب طيب السكته ماتجي الا من شي كايد
جعفر يرفع كتوفه /مابعرف والله ليش بضبط لان الدكتوره هاله هي اللي ماسكه حالاتها
صقر باستغراب/وليش ماهو انت اللي تمسك حالتها وبذات انك افهم من الدكتوره هاله بكثير ؟
جعفر ابتسم /زوجها رافض اي دكتور يمسك حالتها وهذا بنا على طلبه و اصراره وانا اتبع حالتها من بعيد اشاعات تقارير كذا

صقر حس بشعور غريب وفهد يكبر بعينه وهو عارف لو كان هو مكانه مستحيل يخلي اي دكتور يقترب لملاك ولو كانت بين الحياة والموت ؟!
_________________________

عند مازن اللي شايش من الغضب /انتي انهبلتي تحمليني الدين عشان سفر ؟!
وفا توقف بوجهه /اقول عاد تراي ساكته ومتحمله وكل ماقول لك شي تقول مامعي فلوس
مازن يناظر فيها برجا /ياوفا 3 جوالات ترا صعب تسديدها صعب
وفا بحده / مقدور عليها الحين بنسافر معهم للامارات وصقر يعرف كل شي هناك وماراح يقصر معنا بشي
مازن تنهد بحرج /وهو كل مارح هو ومرته لحقناهم
وفا بزفرة /اول شي مرته اختك وهو اخوي ثاني شي ماحنا لا حقينهم بنروح معهم على نفس الرحله
مازن جلس بقلة حيله /كيفك يا وفا سوي اللي تبين بس لا تصدعين براسي
وفا تنحنى و تبوس خده /حبيبي انت والله
مازن ابتسم /هذي الحركات اللي جايبه راسي ابك لو تقولين ودني مريخ وديتك
وفا تضحك / ياجعلني فدوه لك بس
مازن يقوم وهو يحضنها /وجعلني فدوت عيونك وقلبك
وفا بدلع / من توصل الجولات تروح تبيعهم وتحجز على رحلة يوم الاحد العصر
مازن يبوس شفايفها وهو بعالم ثاني/ من عيوني انتي امري بس وانا انفذ
وفا تبوس خده / ياروحي والله
_____________________________

عند فهد اللي حكى لمهره وش قال الدكتور وطمنها
ان حالتها زينه و راسها سليم بس تبتعد عن الصراخ والتفكير …كانت مهره واقفه و تستمع له بصمت وعيونها هايمه بملامح فهد وبكلامه ونظرات عيونه

فهد خلص شرح وهو يهتف بتسال/هاه الحين ارتحتي ؟!
مهره تهز راسها وهي تسوي نفسها مافهمت
عليه/ الحمدلله اهم شي العافية
فهد حط عينه بعينها بنظرة خاصة / المقصد ارتحتي من التفكير والغيرة اللي متعبه مخك !!
مهره ناظرت فيه بصمت لثواني وفهد بادلها النظرات ثم تكلمت بهدو / انا بروح انام

فهد اقترب ومسح على خدها بحنو بطراف
اصابعه /نامي عندي والله ماراح اضايقك بشي
مهره انتفضت /انام عندك لالا مستحيل
فهد رد بصرامه / اقول خلي حركاتك هاذي ولا تحسبين بصدقك لو كلهم صدقوك انا اعرف معادن الناس عدل وعرف صدقهم من كذبهم ؟!
مهره تنهي النقاش/ممكن تبعد بطلع ؟!
فهد برفض حاد /لا طبعاً ماجيتي وانتي تبين ترجعين فخلي عنك الحيا (غمز لها بعينه)

مهره حست برعشه مثيرة من غمزته لاول مره يسويها
وهي تصد عنه تخاف يكشف نظراتها
ولاكن اللي ماتعرفه مهره ان فهد فطين ويفهم كل حركه ونظره منها لذالك استغل الفرصه وهو يقترب لها ويدمج شفايفه بشفايفها و مهره استجابت له وهي فعلاً عطشانه ومحتاجه ترتوي

فهد ابعد منها وهو يهتف بهمس/ نامي عندي اليله ولك اللي تبين
مهره حطت عينها بعينه / ماعرفك عشان انام عندك
فهد اشتعل نار منها /انتي تبين اذبحك ترا كلامك كبير كبير
مهره لفت عنه برجا/ تكفى ابعد خل اطلع راسي يوجعني وبروح انام ؟!
فهد ابعد منها وهو يتجه لغرفة الملابس/ اطلعي الله معك

مهره حز بخاطرها تطنيشه لها وهي تطلع ودموعها تغرق خدها الناعم ….
_____________________________


بعد مرور يومين… اخارات

كانت سريعه بكل تفاصيلها
واليوم موعد رحلة صقر وملاك ورحلة وفا ومازن اللي ماحد درا عنهم وعن تجهيزاتهم ؟!!

ملاك تحط اخر قطعه بشنطة وتسكرها /اوف تعبت من ترتيب الاغراض
حصه كانت معها تجهز بتركيز / خذتي لك لبس خفيف عشان الجو حار
ملاك تهز راسها/اي اخذت كل شي حرير
حصه بهتمام / طيب انا حطيت لك عطوراتك وكريماتك كامله بشنطه الصغيرة
ملاك ترد بشكر /مشكوره يا حصه ربي يسعدك

امل تدخل وهي ترفع محفظه بيدها/ ملاك جهزت لك اكسسورات والمكياج بالمحفظه هاذي
ملاك تبتسم / عقبال ما نجهز شنطة شهر العسل
امل تبتسم /امين
حصه تضحك /صدق بنات اخر زمن مافي حيا
امل ترفع كتوفها / من من استحي منكم ؟!
ملاك تجلس بتعب /ليش ماحنا مالين عينك مثلاً
امل تضحك /لا محشومات ماقلت كذا بس انتم متزوجات وفاهمات الحياة الزوجية ليش استحى

ملاك تغير الموضوع / الا امي وينها ؟!
امل ترد وهي تجلس عند ملاك / تكلم مع مازن بصاله
حصه بتسال/مازن هنيه شعنده خبري فيه الظهر خامد بجناحه
امل ترد بعدم فهم /مدري عنه والله
ملاك تسال حصه بحب /ايود وينه بشبع منه قبل اروح
حصه تبتسم /نايم بغرفة امي قبل تروحين هجمي عليه
ملاك بحب عميق / باكله اكل والله لا شري له الدوب كل شي
حصه تضحك بمرح /لا تصفرين برجال بس يكفى المبلغ اللي هو عطاه
ملاك تضحك /ماعليك البنوك عنده مليانه ماتخلص
امل بجدية /تتوقعين ملاك كم ثروته ؟!
ملاك ترفع كتوفها برود /مدري عنه وعن ثروته

دخلت نهيل وجها واضح عليه علامات الغضب
حصه بتسال/يومه شفيك ؟!
نهيل عينها على ملاك وهي تسال / مازن وفا بيسافرون معكم عندك خبر ؟!
ملاك وقفت بصدمه / يسافرون معنا من قال ؟!
نهيل بضيقه /مازن تو قال للي يقول حاجز مع رحلة صقر وملاك

ملاك زفرت بغضب/ وصقر يدري ولا قال للي يبون يمشوني بكيفهم هم؟؟'
نهيل بصرامه / مازن يقول تو علمه لاكن اسمعي زوجك تروحين معه ولا عليك منهم فاهمه
ملاك برفض /ماني رايحه وهم معنا انا ناقصه وجع راس !!
حصه تحاول تقنعها/ملاك يا قلبي خلي عنك العناد وروحي مع زوجك
ملاك تزم شفايفها بغيظ/ ابن الذينا ماقال للي يبي يقهرني بس هين راح اخسرة بتكاليف الرحلة وسحب عليه

نهيل بجدية /ماهو خسران شي رجال شبعان فلوس بس انتي اللي بتخسرين اجازتك اللي خذيتيها
و تجهيزك
ملاك بتسال غايظ/اجل اسكت وروح معهم ؟
حصه تهز راسها بحزم /اي طبعاً تسكتين وتروحين ولا عليك فيهم
ملاك تجلس بقلة حيلة / يارب انا ماخلص من مشاكل وفا وتدبيرها ابد !؟
نهيل بحرص /ماعليه منها ومن تدبيرها ربك معك وبينصرك
______________________________

تحياتي(شغف )