الرواية جميلة جدا متي تنزيل البارت تسلم يمنك ياغلا

رواية ريح المطر

-/البارت السبعون /-

رواية ريح المطر (للكاتبة شغف
ادعو لوالدي برحمة والمغفرة..



بيت الجدة صيته

مهره جالسه بصاله وهي تقهو بكاس اعشاب دافيه وتتابع التلفزيون
الجدة صيته طلعت من جناحها بيدها عباتها وتهتف لها با امومه / يامك انا بروح لبيت ام خليفه تعبانه وبسلم عليها واجي
مهره بهتمام / ليش عسى ماشر شفيها ؟!
الجدة صيته تلبس عباتها/ والله مدري تقول ام شامان انها طريحة الفراش لها كم يوم
مهره بحنيه / مسكينه الله يشفيها
ثم اردفت بتسال/ من بيوديك ؟؟
الجدة صيته تجه لباب / راجو يوديني

من بعد ماطلعت الجدة صيته مهره قامت للمطبخ واملت كاسها بالاعشاب من الترمس اللي بالمطبخ وهي طالعه صدمت بشوق داخله ونكب الكاس الحار
نصه على رجلها ونصه على رجل شوق

شوق نفضت رجلها وهي تصرخ صرخه عنيفه/ تبين تشوهين لحمي و تحرقيني يمال الحراق!!!!!
مهره صدمت من ردت فعلها وهي تشعر الالم برجولها هي بعد وتهتف بحلف صادق/والله مانتبهت لك ولا بوجودك اصلا
شواق بصارخ اعمق واعمق /ليش عمياء عمياء ماتشوفين
جت ام ابراهيم وحسنا ومريم بخوف من صوت صراخها /شفيكم شفيكم

شوق مازالت تصارخ وهي تاشر على رجولها / كبت علي الشاي الحار تبي تشوهني
ام ابراهيم تقدمت لها وناويه على شر/ انتي ماتخافين الله بتشوهين بنتي غيرتك منها عمت عيونك يمال العمى
مهره طارت عيونها بصدمه / غيرتي انا ؟!
ام ابراهيم بحده وشده / اي غيارة والغيرة ذابحه قلبك وتحسبين انك لا حرقتيها بنسكت لك والله لا اشب بشوشتك وحرقها لك يا بنت ناصر

شوق تكمل مع جدتها وهي تصارخ بمبالغه /رجلي اللي حرقتيها تروحين تجيبين ثلج وتضمدينها للي الحين الحين
مهره فار دمها وحسنا هتفت بجزع / عيب ياشوق وش تضمدها لك !!
ام ابراهيم تسكتها / انتي ماهو شغلك بلاها ماهي بنتك يا حسنا اللي احرقتها لك ولا كان ماسكتي عنها

حسنا شاحت بوجها عنهم وام ابراهيم كملت بصرامه / تضمدين رجلها غصبن عليك فاهمه
مهره صرخت بصوت مهزوز / لا والله يا فاطمه ماهو انا اللي انزل عند رجولها وضمدها!!
شوق تصرخ فيها بلعانه / و ليه ان شاءالله على راسك ريشه صدق ناس ماتستحي على وجها البيت بيت ابونا والقوم حاربونا
ام ابراهيم تكمل معها/ اي والله بيتنا وتبي تقوا علينا بعد

سكتهم صرخه صارمه شديده بالغه / قص يص لسانك انتي وياها يا قليلات الحياء
شوق لبست جلالها وتلثمت بدهشه
وفهد كمل كلامه بصرامه اشد / شايفه ماوراها رجال عشان تنزلينها عند رجول بنتك يا فاطمه ؟!

ام ابراهيم هتفت بارتباك / انا ماقصدت شي يابو عقاب بس هي احرقت رجل شوق بشاي الحار احرقتها
فهد صرخ فيها بغضب جازع /انا اللي بحرقك وذكرك البيت هذا من يكون له اذا انتي ناسيه؟!

شوق كانت ساكته برعب هي ومريم وحسنا
وام ابراهيم تدعي القوه رغم الخوف الي فيها
ومهره كانت هي الوحيده اللي تحس
……بشعور غريب …….
اول مره فهد يوقف معها ماهو ضدها ،،؟
اول مره فهد يجبرها ما يكسرها ،،،؟
اول مره فهد يداويها ما يجرحها،،؟

ام ابراهيم ترد عليه بقهر ثاير / البيت بيتك يابو عقاب بس هي ما احترمت لا راعي البيت ولا اللي فيه !!
فهد ينحرها بحزم بالغ/ البيت بيتها وهي راعيته وانتي ملزومه تحترمينها انتي والبقره اللي وراك
شوق شهقت بانكسار / انا بقره يافهد انا ؟!
فهد طنشها وام ابراهيم تكلمت بعتاب غاير/ تشيخها علينا يا عماتك وبنات عمك !!!
فهد يسكتها بحده وهو يتجه لباب / اقول عضي على لسانك لا اجي و اقصه لك

من طلع فهد وشوق تنحاش لغرفتها وهي منهاره بالبكا وام ابراهيم تلف لمهره بغضب/ عاجبك عاجبك بردتي قلبك الحين ارتحتي حرقتي رجل البنت وبعده حرقتي قلبها الله يحرق لك قلبك
حسنا تزفر عليها بخفوت/ اص يامره لايسمعك والله ما تسلمين منه
ام ابراهيم مازالت غاضبه / والله وانا فاطمه ما عديها لك لاحر لك جوفك
مريم بحرج من امها / يومه خلاص ماله داعي الكلام هذا

مهره صدت بوجها بتوتر من تهديدها
وهي متجه لباب بصمت
_______________________________

بيت نهيل اللي كانت تلاعب ولد حصه وتهتف له بحب / يوه فديت قلبه يا ناس
جت ملاك وهي ترج الرضاعه / يومه عطيني برضعه
نهيل برفض/ لا ماتعرفين له اخاف يختنق معك
ملاك تبوز بطفوله/ يومه تكفين
نهيل تسحب منها الرضاعه/ لا شبع تاخذينه وتلعبين عليه بعد
ملاك تبتسم وهي تجلس و تنحنى لحضن امها وتبوسه بقوه/اومه يحلوك حلواه
نهيل تبعدها بزفرة / ذبحتيه بالحب حرام عليك
ملاك تضحك / لا تلوميني يسحر النتفه هذا

جت امل وهي تسال امها بهدو/ يومه عادل للحين هنيه ؟!
نهيل ترد وعينها على الطفل اللي يرضع بحضنها/اي يامك هنيه
ملاك تضحك بمرح/ كل يوم وهو مبلط عندنا ورا ماياخذ مرته وقرده ويرتاح ويريحنا منه
امل تجلس وهي تضحك وتكمل معها/ لا وفوق هذا يجي باليوم مرتين ولا ثلاث مرات
نهيل تزفر عليهم بحده /عيب عليكم الرجال مايقصر والله كل ماجا ويديه مليانه
ملاك بتكشيره / لايكون يتصدق علينا بس ؟؟

نهيل بتقصد / والله انه اشوى من غيرة اللي مايشوف الناس شي ورافع خشمه عليهم حتى ماعمره تنازل ودخل بيتنا
ملاك حست بجرح عميق وهي فاهمه امها تقصد صقر و ترد بثقه متصنعه/ وليش لايكون تبينه يجي ويتصدق علينا هو بعد ؟!
نهيل بغيظ واضح / مانبي منه شي هو ماجا يسال عليك يا مرته هين علينا
ملاك سكتت والعبرة تخنقها وامل هتفت لامها بحمية خويه / يومه ماله داعي هالكلام

حصه تدخل وهي تهتف بتسال/ شفيكم ؟!
نهيل تطالع ملاك اللي صاده عنهم بغيظ وتصمت
وحصه تعيد سوالها / اكلمكم انا شفيكم ؟!
امل ترد بصدق/ امي تكلم عن صقر وملاك زعلت
حصه تجلس وعيونها على ملاك بتسال/ وليش زعلتي يا ملاك شفيه صقر ؟
ملاك ترد عليها بزفرة/ اسالي امك اللي كل ماشافتني فتحت للي موضوعه
نهيل ترد بزفرة اعمق / ماقلت الا الصحيح ليش ما يسال عنك مايقول عندي مره حيه ميته محتاجه شي تبي مصروف مهملك مره وحده يادافع البلا

ملاك تصرخ فيها / وش تبيني اسوي يعني اروح اطق عليهم الباب وقول ليش ماتسال عني
نهيل بحمية / لا ما تقولين اسال عني بس ابيك تطلبين حقك منه بالغصب مدامك بذمته لا تسكتين له

ملاك توقف وهي ترجف من القهر / تبيني اذل نفسي عشان مصروف عساني مت من الجوع ولا مديت يدي له
حصه تطالع ملاك اللي دخلت الغرفه وسكرت الباب بقوه وهي تهتف لامها بعتاب ثاير / يومه ليش تغثينها بالكلام الحين تفهم انكم متضايقين من مصروفها اختي و اعرفها

نهيل بقهر حامي امومي/ يامك من قهري عليها تحوم مع الباص بالشمس والحر ومتحمله وساكته
ومصروفها تصرف من مهرها اللي بحسابها من غير لاتطلب منه شي حتى لاجيت بشري لها ذهب بفلوسها طلعت لنا الف شغله وشغله وعاقتني عنه
حصه تنهدت وهي تهتف بخفوت /حتى عادل يسالني عن صقر
نهيل بتسال خافت / ليش وش يقول ؟
حصه بحرقه / يقول صحيح صقر مطلقها قلت لا من قال لك هالكلام قال اشوفها عندكم وهو عند اهله قلت له الا يمر عليها قال تكذبين على كثر ماجيتكم ماعمري شفته انا متاكد بينهم شي بس ماتبين تقولين للي

نهيل زادت ضيقتها/ هاه شفتي كلن ملاحظ وهو ماهتم لاحد ولا اهتم بسمعتها بعد
ثم هتفت بحرج عميق/ الحين وش بيقول عنا الرجال اثره ملاحظ وساكت
حصه تشعر بحزن على اختها / ليتها على عادل وبس مقدور عليه لاكن كلام الناس هو اللي مانقدر عليه
_______________________

مهره دخلت الجناح وهي كاتمه عبرتها
وجها كله مختنق بالحمار
صادفت فهد عند الباب بيطلع وبيده اوراق كان جاي بياخذ اورق مهمه ومن سمع صوت الصراخ
اتجه لهم بصاله وسمع صياح شوق المتمرد
وهواش فاطمه الثاير على مهره ..حس بدخان يحرق اعصابه لين اسودت من الحراره ..وهي تامر الضعيفه تنزل عند رجول بنتها..كان بوده يفجر فيهم قنبله ويطردهم مع الباب بس عمه وعيال عمه هم عمود ظهره يعجز ان يكسر لهم ظهر …

وقف مواجه لمهره وهي داخله الجناح
وعيونه بعيونها المليانه بدموع من تحت اهدابها
مرت دقايق يتبادلون النظرات
هي عاجزه عاجزه عن التبرير وحتى عن الشكر
وهو ينظر لها نظرات غامضة مالها تفسير ؟!
وتنهد تنهيده عميقه مسموعه وطلع وسكر الباب

مهره من طلع انفجرت باكيه وهي ترتمي على الاريكه
حاسه بشعور خوف يغلب على شعور الساعده
اللي كانت تحس فيها من وقفت فهد بصفها
وحمايته لها لاكنها تمنت انه ماصار اللي صار ولا حتى وقف معها لانها خايفه من تهديد فاطمه المتقصد
اللي خلاها تنتفض برعب من تخطيطها وتفكيرها

____________________________

عند فاطمه اللي دقت على ابو ابراهيم
وقالت له يجي بسرعه وهي تمثل الدموع والشهاقات
ابو ابراهيم من الخرعه بساعه بالكثير وهو جاي مع دخلته للبيت الا الجدة صيته داخله معه بعد مانزلها راجو وهي تساله باستغراب/ شفيك راجع هالحزه عسى ماشر؟!
ابو ابراهيم بخوف/ مادري فاطمه دقت وقال تعال بسرعه وجيت
الجدة صيته بتوتر/ عسى مافيهم شي بس ؟؟
ابو ابراهيم يمسك يدها بمسانده ويمشي معها لداخل/ والله مادري عنهم الله يستر

ام ابراهيم من شافتهم دخلو فزت واقفه وهي تمثل البكا / تعال يامحمد شف مرتك وبناتك ينهانون وينذلون وانت حي
ابو ابراهيم بصدمه/ انتي وش تقولين يا مره ؟
الجدة صيته عرفت وراها شي وهي تهتف
بتوجس / علامك يامره تصيحين و تليحين تقول ميت لك احد
ام ابراهيم مازالت مستمره بصياح/ والله لونه ميت للي احد اهون من اهانت ولدك فهد للي ولبناتي
الجدة صيته بصدمه/ فهد ليش وش صاير ؟!
ام ابراهيم بحزن تمثيلي/ مهره كبت شاي على شوق وحرقت رجلها ويوم قامت تصيح وانا خفت عليها وجيت اقول لمهره جيبي ثلج نبي نضمدها

شهقت شهقات متواصله ام ابراهيم وهي تكمل / صاحت علينا وجلست تحدى ودخل فهد وقام يهين فيني يا عمته وبنات عمه يقول البيت بيتها وانتم ضيوف عندها و تحترمونها غصب عليكم
ابو ابراهيم قطب حواجبه باستغراب / فهد قال كذا ؟!

حسنا كانت تسمع وهي حاطه يديها على راسها من كبر الكذب وام ابراهيم تكمل وهي تبكي بنحيب/ اي بالله قال كذا واكثر واذا مانتم مصدقيني اسالو حسنا ومريم كانو موجودات
الجدة صيته باسا وحرج/ فهد هذا السانه متبري منه يا دافع مايعرف يثمن احد ولا يقدر احد ابد !!
حسنا توقف بشهادة حق/ والله وشاهد الله ماقال هالكلام الا من شين جرح قلبه وانا حاظره وسامعه

ام ابراهيم تلف لها بحده / تبين تكذبيني عندهم يا حسنا ؟!
حسنا بحلف صادق/ والله يا فاطمه انك الغلطانه انتي وبنتك اجل تقولين لمرته انزلي عند رجلين شوق
وضمديها وهي تحلف لك انها بالغلط ورجليها هي احترقت بعد

ام ابراهيم انهارت عليها / تبين تحطينها براسي وتوقفين معها يا حسنا نسيتي العشرة اللي بينا
حسنا بحسره / الحق حق يا فاطمه وانتي طلبتي شهادتي وانا شهدت باللي شافت عيني وسمعت اذني
ابو ابراهيم يصرخ بفاطمه بحزم /انتي ما ترتاحين من المشاكل تبين تفضحينا عند الرجال اللي عزنا واكرمنا وكرم عيالنا حتى ولدك ماحد زوجه وحطه بيت ملك الا فهد

ام ابراهيم تبكي هالمره بصدق/ انت بعد واقف مع ولد اخوك اللي شيخ مرته وكبر راسها علينا
الجدة صيته تسحب لها نفس وهي عتبانه/ مهمها كان و مهمها صار اللي قاله فهد غلط غلط كيف يتكلم عن عماته كذا
ام ابراهيم حست براحه/ شفتي ياعمه شفتي ما قدرنا ولا احترمنا بعد!!
ابو ابراهيم يهز راسه باسا / يامره والله اني خابرك زين وخابره هو بعد زين مايتدخل بينكم لو تذابحن بس اكيد انه سامع له شين مكدره
____________________________

يوم جديد

مستشفى العام،،،،

ابو ماجد مستند على صقر وهم يمشون
متجهين لمواقف السيارات
وماجد يمشي وراهم وبيده كيس من العلاجات
اللي صرفهم من الصيدليه فتح صقر سيارته بريموت وماجد تقدم و فتح باب السياره لابوه وهم يساندون ابو ماجد على الركوب

وبعد ركب صقر وشغل سيارته و ماجد ركب ورا وهو يهتف لابوه بحترام / حمدلله على سلامتك يابوي
ابو ماجد بصوت مبحوح / الله يسلمكم
صقر يهتف ببتسامه ثقيلة/ ترا بكرا عشاك عندنا ياعم وابوي بيعزم الجميع على سلامتك
ابو ماجد برفض هادي/ لا يابوك لا تسوون شي
انا ماكل دسم غير وش له الكلافه

صقر يحرك السياره وهو يرد بحزم / ماهي كلافه هذا حق والله لونها بالغلا ياعم والارواح تقدم لنقدم لك اروحنا
ابو ماجد بموده / يجعل ربي ما يغلك انت وابوك وخوانك على غالي
ماجد يبتسم / ماتقصرون يابو مطلق نردها لكم بالافراح

دامت السوالف بينهم لين و صلو قريب للبيت
وصقر يتسال وعيونه على عمه/ وين تبيني اوقفك عند باب ام مازن ولا باب ام ماجد؟!
ابو ماجد يرد بارهاق / لا عند باب ام مازن بسلم على حصه نفاس و ماقدرت تجيني من دخلت المستشفى
صقر يوقف قدام بابهم على طلب عمه وهو يهتف لماجد بامر هادي / دق على مازن خل يفتح الباب ويسند عمي معك

ابو ماجد لف له باستغراب/ ليش يابوك مانت نازل معنا؟!
صقر يرد بغموض / لا بالله برجع لدوام
ابو ماجد بصرار / لا يابوك ماتروح لين تغدا معنا
صقر انتفض من سالفة الغدا وهو يرفض بحده /لا والله اعذرني ياعم الغدا مرفوض عندي دوام وماقدر اتاخر عليه
ماجد يسكر الجوال بعد ماكلم مازن وهو يهتف بصرار اعمق / لا زم تنزل معنا ياصقر لونه على فنجال قهوه
صقر برفض اعمق / العذر من الله ثم منكم والله اني مشغول وهم شي تطمنت على عمي وعلى صحته وهذا يكفى
ماجد ينزل وهو ينزل ابوه ويرد بامتنان / الله يجزاك خير اتعبناك معنا

مازن يطلع و يسلم على صقر ويحاول فيه ينزل لاكنه كان مصر على كلامه ومازن عاجز عن اقناعه ودخل هو وابوه وماجد داخل البيت وسكرو الباب

وصقر مازال واقف وعيونه على البيت وقلبه يدق بقوه وهو يهتف لنفسه بحسره / اه ياملاك لا متى هالتعقيدات لامتى !!!
حرك السياره راجع لدوامه وكل افكاره فيها يبي يصفى الحساب بينه وبينها لازم تعرف وش اللي يدور براسه
لازم يحطها بالصوره عشان تعذره و يعذرها …
____________________________

بجناح فهد اللي جالس على الاريكه
وقدامه على الطاوله اوراق ويشتغل فيها بتركيز ،،

مهره كانت متمدده على سريرها وعيونها على فهد
وهي تحس بغرابه منه مافتح الموضوع معها ابد
من امس رجع نام بصمت صحى من النوم بصمت والحين يشتغل بصمت ؟!

تنهدت وهي ترمي الغطا وتقوم بثقل وهي مازالت
تحس بمغص خفيف يجي لها بين فتره وفتره
من بعد التنضيف والنزيف اللي لاحد الان ما طهرت منه ،،،

اقتربت وهي تجلس قبال فهد وتنحنح تحاول تطلع صوتها / احم احم
فهد رفع عينه من الاوراق وجها لها بهتمام /شفيك ؟!
مهره تحط عينها بعينه وهي ترجع شعرها ورا اذونها بتوتر/ فهد ممكن اتكلم معك شوي ؟!
فهد صمت لدقايق وهو مازال يناظر فيها ثم هتف برود / الان تشوفيني مشغول !!
مهره حست بحرج وهي تنزل عيونها لاوراقه وترد بنعومه / طيب انا اسفه

فهد رجع عينه لا وراقه بصمت
وقلبه مع اللي جالسه تراقبه وتراقب تفاصيله
مهره بعد ماشبعت نظرها منه قامت واقفه
و فهد هتف لها بامر هادي وعينه على اوراقه / مهره تعالي اجلسي يمي
مهره بدهشه / هاه ؟!
فهد يعيد الكلام وعينه مازالت على الاوراق / اقول تعالي اجلسي يمي

مهره تقدمت وهي مستغربه من طلبه وجلست
قريبه له بينه وبينها مسافه قليله
ولاكنها اقتربت و لزقت فيه بجرائه عذبه
فهد حس برعشه مثيره وهو يحس
بجسمها الناعم لزق بجسمه العريض
نزل القلم على الوراق اللي قدامه ولف بجسمه كله لها وهو يمد ذراعه ويحتضنها على صلابة صدره

مهره دفنت نفسها بصدره وهي تنفجر باكيه
فهد انصدم من تصرفها وهي بنفسها انصدمت
من ردت فعلها اللي غير متوقعه منها

فهد بتسال رجولي حازم / مهره شفيك احد قايل لك شي ؟!
مهره ترفع راسها من صدره وتمسح عيونها بكف يدها بحرج/ لا بس كنت متضايقه ومن حضنتني فرغت طاقتي فيك
فهد يمسك كفوفها بين كفوفه وعينه بعيونها بتسال حاد /مهره قولي للي الصدق فاطمه قايله لك شي ؟!
مهره انتفضت بارتباك / لا فهد والله ماقلت شي ولا شفتها من امس

ثم نزلت عينها بالارض وصمتت لثواني وعين فهد تراقبها وينتظرها تكمل كلامها وهي تكمل برجا عذب / فهد طالبتك لا تعيد حركت امس وبذات قدام فاطمه وشوق انا مابي مشاكل معهم ابد

فهد ابعدها منه وهو يوقف بصرامه / ماقلتي هالكلام الا وانتي خايفه منها ومن بنتها
مهره توقف قدامه / فهد انا مابي المشاكل مع احد ولا ابي يفهمون اني داخله بيتهم ناويه على شر
فهد بصدمه /بيتهم ؟!
مهره تهز راسها وهي ترد بهدو/ اي بيتهم وهم داخلينه قبلي وانا ضايفه عندهم
فهد مسك معصمها بقساوه وهتف بتهديد/ لو اسمع هالكلام هذا مره ثانيه مارح يحصل لك خير

مهره صدت بوجها بصمت مرعب..
وفهد ابتعد منها وهو يرجع لاوراقه بصمت غاضب ..
_____________________________

نهيل وبناتها من شافو ابو ماجد داخل عليهم
بصحه وسلامه
ودموعهم ماجفت كلهم يبكون بدموع فرح
الا ملاك اللي فرحانه بس من غير دموع

ابو ماجد يزفر عليهم بارهاق / الحين الصياح هذا كله ليش تبوني ارجع للمستشفى عشان تسكتون ؟!
حصه بجزع / بسم الله عليك لا بالله انهم دموع فرح يابوي لا تلومنا
ابو ماجد يبتسم وعينه على ملاك وهو يهتف بمدح / هاه احسنكم ملاك شوفوها ماشاءالله عليها
ملاك تضحك بنعومه/ انا ماني بخبله مثلهم انا عاقله
امل تطالع فيها بنص عين وهي تشاهق / خفي علينا بس يام العقل
مازن يضحك وعيونه على امه / يومه عيونك نشفت من كثر ما بكيتي
ملاك تنفجر ضاحكه / حنفيه ماشاءالله عليها لافتحت ماتسكر
نهيل تبتسم بموده / من الفرحه يا مكم بشوفة الغالي
ابو ماجد يرد بموده اعمق / الله يفرح قلبك يام مازن لا تبكين انا طيب الحمدلله

مازن يصفر وهو يضحك/ خفو علينا يا رومانسيه انتم
ملاك ميته ضحك/ اشوى ان ماجد قد راح ولا كان علم امه وزعلت تبي رومانسيه هي بعد
حصه تضحك وهي تضرب ملاك مع فخذها / الله يقلع وجهك يالخبله

نهيل استحت وهي تسكتهم بهواش/ ورا ما تسكتون ماتشوفون ابوكم تعبان وانتم تكركرون عند راسه
مازن غمز لها بعينه / استحيتي يا نهوله
نهيل ترميه بالخداديه / نهوله بعينك يا قليل الادب
ملاك وحصه وامل /ههههههههه

ابو ماجد يبتسم /هه ياولد ترا مارضى على امك عاد
مازن يحط كفه على فمه /خلاص سكتنا ولا تزعل انت و نهوله علينا
نهيل تشطفه وهي توجه كلامها لابو ماحد بتسال/اخلي البنات يحطون لك غدا
ابو ماجد يهز راسه بنفي / لا خلوه شوي والله ماني بمشتهي الحين

مازن بتذكر وهو يهتف لابوه بتسال / يوبه صقر علامه مانزل لا يتقهوا ولا يتغدا معنا؟
ابو ماجد بصوت حاني/ يقول عنده دوام ولازم يرجع دوامه والله انه ماقصر يوم استاذن وصلنا بنفسه
نهيل بصدمه/ صقر اللي وصلكم!!!
ابو ماجد بحسن نيه / اي وصلنا ورجع دوامه
نهيل بجزع / وليش مانزل ناسي ان له مره عندنا
ولا مقامنا ماهو من مقامه

ابو ماجد يطالع بملاك اللي صاده بوجها عنهم وهو يهتف لنهيل بجزع اعمق / انتي علامك يامره الرجال عنده دوام تبينه يتركه و يقابلنا
نهيل بقهر عميق / لا دوامه اهم من بنت عمه اللي رماها من سبوع عرسه ولا سال عنها حتى مصروف
ما يصرفها

ملاك كانت تسمع وكل عرق ينبض داخل قلبها
يتمزق تمزق من نظراتهم ومن كلامهم متحمله فوق طاقتها ماتدري تلقاها من المدرسه والبنات اللي فيها
والا من البيت واللي فيه !!
واخر كلمه من فم امها امها ما تحملتها ابد…

وهي توقف وتصرخ عليهم بحرقه موجعه/ بسكم خلاص صقر رماها مصروفها ضربها تراكم جننتوني جننتوني قسم بالله لاخذ ملابسي ولهج من البيت بكبره وخلكم انتم وصقر تحومون الشوارع تدورن علي

كلهم صدمو من كلامها وهم يشوفون تدخل غرفتها وامل تدخل وراها باستعجال
ومازن يهتف بصدمه خافته / علامها انهارت علينا كذا
حصه بعتاب / انتم السبب والله اني خايفه تهج صحيح من ورا كلامكم اللي يغثها كل يوم
نهيل انتفضت برعب / لاتقولين كذا يا حصه لا توقفين للي قلبي يامك
ابو ماجد ينحرها / انتي السبب بس تحنين على راسها لين فجرتيه يمال الفجر اللي يفجر راسك

نهيل تصد بوجها ودموعها تنزل من جديد
وهي خايفه على بنتها وخايفه من الكلام اللي قالته!
_________________________________


يوم جديد ..الجمعة العصر…

بيت ابو صالح يجهزون لعشا اليلة ولضيوف ابوهم
اللي متحمس لسلامة اخوه الوحيد

بغرفة صبا كانت تطلع لها فستان سماوي وهي ترفعه بيدها /هدى شرايكم البس الفستان هذا
هدى تستشور شعرها بسراميك وهي ترد بهدو / اي هذا انيق و البسي معه صندل واطي والله يطلع مره حلو
وفا عند التواليت وتحط مكياجها / والله ابوي ماخلا احد ما عزمه الله يعينا على الزحمه حتى عمتي مزنة بطريق
ام منهد بفخر / هذا ابو صالح شيخ القبيله لازم يعزم ويكرم
هدى بحنيه / ي قلبي عليه من فرحته بسلامة وخيه يالله لا تقطع قلبه عليه
ثم ردفت بتسال/ الا عمتي مزنة من جايبها؟؟
ام منهد ترد بهدو/ سلمان ومهند راحو يجيبونها ياعمري عليها

وفا تهتف بغرور/ والله مدري ليش كل هالتكاليف وهو بخير وعافيه
ام منهد بتسال / هو وشلونه يا وفا عسى طيب
وفا ترفع كتفها / ماشفته والله
هدى بصدمه / وليش ماشفتيه وهو عندك بنفس البيت
وفا ترد برود وهي تكمل مكياجها/ مارجعت من عندكم امس الا باليل وهو نايم صحيت اليوم سالت مازن عنه قال طلع لمجلس عنده رجال

ام منهد تنهد / يحول حنا كيف بنسلم عليه الحين مايفضى من زحمة الرجال
هدى تلم شعرها / عادي نخلي فالح يجيبه لنا داخل ونسلم عليه
ام منهد بحرج / لا عيب حنا لازم نروح له للبيت
هدى بقلة حيله/ من امس وهم يقولون ما فضى من عياله ومن الرجال عاد وش تبينا نسوي هذا الحل الوحيد

شذى تدخل وهي تسال امها / يومه وين فستاني الابيض مطلعته قبل شوي وماحصلته
ام منهد بتذكر / على ماضن علقته ورا الباب
شذى تجلس / طيب من عندها انعال ابيض نازل
صبا تلف لها/ عندي بس كعب شوي تبينهم ؟!
شذى بقتناع / طيب جهزيهم للي بشوف اذا ناسب مع فستاني لبسته

هدى تسال شذى بخفوت / ملاك بتجي ؟!
شذى ترفع كتفها / والله مدري تقول اشوف
ام منهد بجزع /لازم تجي وش تبي الناس تقول عنها سلامة ابوها وبيت عمها وابو زوجها ولا جت
هدى بحمية / اي والله كذا يزيدون بكلامهم عليها وعلى صقر
وفا تلف لهم باحتقار / انا بعرف مشغلين انفسكم فيها ليش وهي ماسالت عنكم ولا عن كلام الناس معتكفه لها قريب شهر بيت اهلها
هدى بزفرة / يحق لها تعتكف بيت اهله وخوك ما كلف على نفسه وراح يعتذر لها حتى عمي ماكلمه

ام منهد بستنكار / اي والله غريبه مخليها كذا
هدى بتوجس / احس ورا سكوته شي
وفا تقطب حواجبها بهتمام / وش قصدك ؟!
هدى ترفع كتفها / مادري بس صقر مايهرول عبث
ام منهد باستغراب /لايكون بيطلقها بس!!
وفا قفزت واقفه وهي تبتسم من غير شعور/ يطلق ملاك ؟!
هدى تطالعها بنظره حارقه / وش فيك شقيتي الكشره كذا لا يكون ودك بطلاقها؟؟
وفا تجلس قريب لها / لانهم ما يصلحون لبعض ابد يفتك منها احسن له ولها

شذى بقهر / انتي حقوده طالعه على مين بعرف؟!
وفا بصدمه / انا حقوده ؟؟
شذى بحده / اي انتي حاقده عليها و كارهتها بدون سبب حتى السعاده تحسدينها عليها
وفا تصرخ فيها/ انتي قليلة ادب ماتستحين ولا تحترمين اللي اكبر منك
ام منهد تنحرها بغضب / شذى اذلفي برا
شذى طلعت وهدى هتفت بعتاب جازع / تراكم مزودينها بالكلام معها كل ماقالت شي زفرتن عليها
وفا تنتفض/ تستاهل طويلة لسان
____________________________

بجناح الجدة صيته طقت مهره ودخلت وجلست على الاريكه وهي تنتظر جدتها بالحمام توضى
لانها وهي جايه شافتهم كلهم مجتمعين بصاله الا جدتها وسلمت على الموجودين ماحد رد السلام عليها
الا حسنا فقط الباقي حقرنها بنظرات حقد ..

طلعت الجدة صيته وهي تنشف وجها / مهره انتي هنيه
مهره تقوم وتحب على راسها / اي يومه شفتك ماجيتي للي من البارح وجيت انا اطمن عليك
الجدة صيته تبتسم / يامك ماهو قطاعه فيك بس قطاعه بالقليل المروه اللي عندك
مهره بحرج / انتي عرفتي باللي صار؟!
الجدة صيته تمشي وتجلس على الاريكه / اي عرفت واللي سواه ماهو بزين بحق نفسه وبحق عمانه

مهره تجلس عندها وهي منحرجه / والله يومه حتى انا ماني براضيه وقلت له بس هددني ماتدخل
الجدة صيته زفرت بحده / لا تدخلين يحط حرته فيك ماعليك منه هو يعرف يتصرف لاكن انتي تاكلين هوا
مهره تبتسم / والله انك صادقة عاد انا بالقوه اتنفس العافيه
الجدة صيته بتسال حان / شلونك يامك الحين لايكون عداك تمغصين
مهره تاخذ لها نفس هادي/ مغص محتمل خفيف
الجدة صيته تسال بهتمام / طهرتي ولا باقي ؟!
مهره تنزل راسها بخجل/ باقي
الجدة صيته تبتسم / ومدامك ما طهرتي وش وداك البارح تنامين بجناحك ليش مانمتي عندي مثل كل ليله ؟
مهره تنحنح بخجل اعمق / احم يومه وش اسوي امس من بعد السالفه خفت لاطلع من جناحي وتصير مشكله
الجدة صيته تطمنها/ لاتشيلين هم شي يامك موضوع ويحلونه بينهم انتي اطلعي منه و خلك بنفسك وبس
____________________________


-/البارت الواحد والسبعون /-


رواية ريح المطر (للكاتبة شغف
ادعو لوالدي برحمة والمغفرة..



نهيل واقفه لها ساعه تلح على ملاك تحظر معها لعشا وملاك معنده وهي تهتف بجزع / قلت مابي اروح خلاص ماهو غصب خذي امل معك
نهيل برجا / يامك تكفين لاتخلين الناس تلقى لهم حجه عليك
ملاك تشد شعرها/ انا ماهمني الناس ماهمني خلي يقولون اللي يبغون روحه ماني برايحه
نهيل ترد بحزم / يامك نشفتي للي حلقي وانا اترجا فيك من اليوم

ملاك بصوت مرهق / يومه ارحميني شوي والله يانك تضغطين علي اكثر من دراستي ومن العالم كله
نهيل بحمية / يامك انتي بنتي و مارضى عليك ادناة شي
ثم ردفت برجا عميق/ تكفين ياملاك تكفين عشان خاطري لاتخلين وجهي صغير عند الحريم لا سالن عنك

ملاك سكرت عيونها بالم وهي ترد بالم مثقل/ طيب يا يومه بروح عشانك انتي وبس
نهيل تبوسها على خدها / ياحبيبت امك انتي
ملاك تقوم / بروح اجهز للي لبس
نهيل بحماس / اي واكشخي بطي عيون العدوان بط

ملاك تنهد وهي متجه لغرفتها/ والله انا اللي بطيتي للي قلبي بط
نهيل تبتسم بحنيه / ابي مصلحتك تكبرين وتفهمين وش اقصد الحين انتي صغيرة ولا انتي عارفه شي
______________________________

بعد صلاة المغرب صقر يطلع من دوامه
بارهاق وهو يحاول يلحق ياخذ له شاور ويلبس
عشان يحظر العشا ..
ركب سيارته واتجه للبيت ومن وقفت سيارته
عند الباب رفع جواله ودق على هدى / الو الو
هدى ترد بصوت عالي/ هلا صقر هلا
صقر بحزم / هدى في احد بالحوش ولا بدخل جناحي
هدى تتجه لحوش / لحضه بشوف خلك معي على الخط
صقر يطفى سيارته وهو ينزل /هاه ادخل ؟
هدى ترد / اي ادخل مافي احد

صقر سكر الجوال وهو يدخل شاف هدى واقفه بالحوش /سلام
هدى ترد وهي تبتسم / عليكم السلام
صقر يطالع الباب الداخلي / من عندكم
هدى تنهد بتعب / امة محمد كامله
صقر يبتسم وهو متجه جناحه/ يلا الله يقويكم
ثم وقف وكانه تذكر شي وهو يحك ذقنه بطرف مفتاح السياره اللي بيده ويهتف بتسال خافت / ملاك هنيه ؟!
هدى تهز راسها بنفي/ لا مابعد جات
صقر يرفع حاجبه بتوجس / هي بتجي صح ؟!
هدى ترفع كتوفها / والله مادري يا ختك بس اتوقع تجي
صقر يقترب لها ويهتف بصوت رجولي خافت/ اذا جت ابي اشوفها
هدى تضحك / طيب هي مرتك و تقدر تروح وتاخذها من غير مواصلات احد بينكم
صقر زفر عليها بصرامه /بروح اخذ للي شاور والبس واذا جت جيبيها للي بجناحي فاهمه
هدى بدهشه / بجناحك اخاف ترفض
صقر يغمز لها بعينه / دبريها من عندك عشان تجيك حواله جزله
هدى تضحك بصوت عالي/هيب عرفت تجيب راسي والله لا جيبها لك لو اسحبها مع شوشتها
صقر يضحك وهو متجه جناحه ويرد بتهديد
مرح / انتبهي لا تنتفينها لها بس عشان ما انتف لك شوشتك
_______________________________

دخل فهد جناحه وجلس على الاريكه يريح ظهره بتعب لف يمين ويسار يدور عليها بعيونه مالقاها تنهد بضيقه من جت باله بمنظر الضعف والخوف
من الجميع …
مقوله يكون هو سبب لهذا الضعف ؟!
ويكون هو سبب لهذا الخوف ؟!
ويكون هو سبب لهذا البكا ؟!
تنهد وهو يحاول يحتويها باللي يقدر عليه ماهو محاوله الا لازم يحتويها عشان مايصير هو و الزمن والناس عليها …

دخلت مهره وهي تنزل شالها و مانتبهت لوجود فهد
شهقت وهي ترجع خطوه للخلف و تحط يدها على
قلبها / يومه
فهد كان يطالع فيها من دخلت انتفض بخوف عليها يوم يسمعها شهقت / بسم الله عليك شفيك ؟!
مهره تقترب وهي تبتسم بعذوبه / خرعتني مانتبهت لوجودك متى جيت ؟!
فهد يرجع يركي ظهره ويمد ذراعه على اطراف الاريكه من فوق و يرد بغموض/ تو جيت

مهره تجلس جواره بس بينهم مسافه صغيره
كفه الممدودة توصل الا كتفها اللي يمه وهي تهتف بملاحظة / اول مره تجي هالحزة ؟!
فهد يناظر بعيونها وهو يرد بثقل / جيت بريح للي شوي من تعب الشغل
مهره بهتمام / اجيب لك شي تشربه
فهد ينزل يده الممدودة على عضدها ويسحبها
له /تعالي ابيك انتي
مهره حست بحرج وهي تشوف نفسها بحضنه وتهتف بخجل / فهد انا
فهد يقاطعها بهمس / ادري انا ابي بس ضمه بوسه هذا يكفيني

مهره حمر وجها وهي ترفع عينها بعينه وهو ينحنى ويحط شفايفه على شفايفها ويبوسها بنعومه ويرفع يكمل لانفها ويهتف لها بخفوت رجولي / ترا طلعت لك مبلغ ابيك توصين امك بطقم ذهب لك لاني انا ماعرف بالامور هاذي ولا احب المولات والاسواق

مهره ترد بتوتر وهي غايظه من كلامه/ وليش ماهو انا اروح واخذ على ذوقي
فهد يثور عليها / تحلمين اخليك تروحين مجمعات ومولات المره مكانها بيتها
مهره لفت وجها عنه وهي ترد بصوت مهزوز / ماله داعي تكلف على نفسك وتوصي لي طقم
فهد يرد بحزم / بتفهميني انك زعلتي الحين
مهره تلف له وتهتف بنعومه / يهمك زعلي يافهد ؟؟
فهد عض شفايفه السفليه وهو يردف بتقصد / يهمني ليش مايهمني ماهو انا اللي تنازلت عن شي صعب علي عشان تعرفين ان لك خاطر عندي
مهره غصبن عليها ابتسمت بدلع / خلني ادلع عليك شوي مايحق للي

فهد ضيع علومه وهو يرجع ويحضنها بقوه
قطع عليه جوه صوت الباب طق طق مستمر
فهد يبعد مهره وهو يوقف و يفتح الباب ويهتف بحزم / نعم ميري وش تبين ؟؟
ميري بخوف / جده يبغى انت يجي جناح في موضوع ضروري
فهد ياخذ نفس /وش تبي ؟!
ميري ترفع كتفها / مايعرف

فهد يلف لمهره شافها تبتسم رفع حاجبه لها
وهي حطت كفوفها على فمها بضحك
فهد عطاها نظره قارصه وطلع لجناح جدته
_________________________

بيت ابو صالح …
قسم الحريم كان زحمه من الناس
ام شباب تهتف لنهيل ببتسامه/ شلون حصه يام مازن شلون وليدها
نهيل ترد عليها بموده / بخير ابشرك الحمدلله
ام صالح بتسال / هي ماطلعت الاربعين ؟!
نهيل ترد عليها وهي ترفع فنجالها بتقهوا / لا باقي لها اقل من سبوع وطلع ان شاءالله

عند البنات كانت العيون كلهم على ملاك اللي جالسه يم شذى و تهامس معها كل عاده اسرارهم وسوالفهم ماتخلص …

جت هدى وانحنت لها وهي تهمس عند اذونها / ملاك تعالي معي للحوش ابيك شوي
ملاك تقطب حواجبها باستغراب/ ليش وش صاير ؟!
هدى تستعجلها / امشي وقول لك
ملاك تلف لشذى / بروح مع هدى ورجع
شذى بحسن نيه/بروح معكم
هدى برفض/ لا اجلسي ابي ملاك لحالها

راحت ملاك مع هدى للحوش وهدى كانت تمشي معها وهي تشتغل بجوالها ملاك بذكاها ماطافتها حركة هدى وهي تهتف بتوجس/ تراسلين صقر صح؟!
هدى رفعت عينها لها بصدمه / كيف عرفتي!!!
ملاك ترفع كتوفها برود / كل شي واضح ياهدى وش اللي تبينه بضبط بتجمعينا غصبن علينا
هدى باستعجال / لا ياملاك والله هو اللي طالبني اجيبك له يبي يتكلم معك
ملاك تسحب لها نفس سريع / هدى ومن قال لك اني بشوفه انتم بتمشوني من غير شوري
هدى برجا / تكفين اسمعيه يا ملاك يمكن لاقي حل مرضي لك وله
ملاك نغزها قلبها وهي ترفض/ اسفه ياهدى ماني سامعته ولا اني مواجهته
هدى تشد على كفها /طالبتك ماعمري طلبتك قبل ذي المره لا ترديني
ملاك انتفضت بحرج / تكفين يام عمر لا تحرجيني وانتي تدري بغلاك عندي
هدى بصرار /اذا للي غلا عندك على قولتك روحي معي وشوفي وش يبي منك
ثم اردفت بوعد صادق/ وانا اوعدك اكون معك ماطلع الا اذا انتي قلتي للي
ملاك برجا عميق / تكفين اعفيني من المواجه والله انها سكاكين تقطع للي صدري
هدى بحنيه / والله يانها خير لك باذن الله بس امشي معي

ملاك مشت معها بستسلام وهي منحرجه
تردها وهي تطلبها لاول مره لو غيرها ما يهمها
بس هدى لها احترامها وتقديرها لانها تعرف غلاتها
عند هدى….
_______________________________

فهد يدخل بالصاله وعيونه تروح لموجودات
شوق من شافته قامت لغرفتها وهي مجروحه
منه لاقصى حد ،،،
فهد تضايق مهمها كان شوق بنت عمه ولها تقديرها
بس هو لانفعل مايعرف التقدير
حتى مهره بنفسها ماسلمت منه ومن قساوت لسانه ويده شوق على الاقل لسان بس يده ماجربتها

سلم بهدو والكل رد بهدو
وهو يتجه لجناح جدته طق الباب ودخل

الجدة صيته من شافته ناظرت له بزعل عميق
فهد فهم نظراتها اللي ما تخفيه وهو يحب على راسها ويجلس بجوراها /يمسيك بالخير
الجدة صيته ترد وهي صاده عنه/ يمسيك بالنور
فهد يطالع فيها / قالو للي تبيني بموضوع ضروري؟!
الجدة صيته حطت عينها بعينه بنبرة غريبه/ هو عمره جاك من عمانك شين يسود الوجه ولا من عيال عمك ؟؟!
فهد انتفض برجوله /حشى لله ماجى منهم الا اللي يطلق وجيهم
ثم تسال بحزم /ليش هالسوال ؟!
الجدة صيته بنبرة اغرب / اجل ليش تهين اهلهم بيتك ياولد عقاب وتبدي مرتك عليهم ؟!
فهد يرفع حاجبه باستغراب/ اشوفك قلبتي على بنت اخوك ؟!
الجدة صيته بحده / مهره وشوق عينين براس يافهد اذا هي بنت اخوي شوق بنت ولدي وعيب الكلام اللي قلته لها ولجدتها عيب
فهد بحزم بالغ / شوق وجدتها قليلات ادب وانا رجال متحمل منهن الكثير لاكن لا هنيه وبس

الجدة صيته بعتاب / تقوم تهينهم بيتك وتقول هذا بيت مرتك هذي ماهي من عوايدك
فهد يسحب له نفس لتهدئه / يام عقاب هي وبنتها تعدو الحدود لو كانت على حركاتهم معي كنت متحمل وساكت بس زادن بفعايلهن زادن
الجدة صيته بحرص / يافهد البنت اخطت هي وجدتها ماقلنا شي بس مهره تجي تشكي للي انا اخذ حقها ماله داعي تدخل بينهم وتكبر المشكله
فهد بصرامه / الا بدخل و بوقفها عند حدها ومهره ضعيفه ماتقدر تدافع عن نفسها بكلمه وحده تبيني اشوفها تنذل واسكت

الجدة صيته ماتنكر انها سعيده من كلامه عن مهره بس حاولت تحفى سعادتها / قلت لك مهره انا عندها واخذ حقها
فهد بعناد/ يومه لاجت عند مهره اعذريني بدخل وبسد فم كل وحده فيهن
الجدة صيته غصب ابتسمت / اشوفك صاف معها ماكنت تكسر لها ضلوعها
فهد يتكلم بجدية / ومن قالك اني راضي على عنفي معها بس شي غصبن علي بس تبين ارضى على عنف الناس عليها واسكت لابالله ماسكت الا اذا اندفنت تحت التراب
_______________________________

هدى طقت الباب طقتين وهي تدخل ومعها ملاك
وتسكر الباب وراها و شافو الصاله فاضيه مافيها احد
وهدى تهتف لملاك بخفوت / اكيد يلبس ويجي الحين

ملاك تصد بوجها وهي تدعي الله يخلصها من هاليله الغثيثه.. طلع صقر من الغرفة وهو يسكر ساعته على معصمه وقف بصدمه وغضب وضح على ملامح وجهه وعيونه على ملاك …
ملاك قطبت حواجبها باستغراب وهي تلف لهدى
و بنظراتها تسال اذا كان يعرف بجيتها ولا؟!
وهدى رفعت كتوفها باستغراب

لاكن ماطولت النظرات و صقر يتكلم بصوت
ملتهب صارم / وش هالبس اللي انتي لابسته عند الحريم ؟!

ملاك نزلت عينها على نفسها وكنها نست وش هي لابسه
وهدى كذالك طالعتها من فوق لاتحت وهي تحس بحرج من وضوح مفاتن جسم ملاك الانوثي

ملاك كانت لابسه فستان ميد قماشه الماسك
على الجسم بالون الاسود وعليه رسم ورد كبار
بالون البنفسجي الغامق وكمامه ربع على الكتف
ولابسه نعال نازل بالون الاسود ومعطي سيقانها
بياض صاطع فوق بياضهن
وحاطه روج بالون البنفسجي وماسكرا على رموشها الطوال وكحله ناعمه
وفاتحه شعرها كله على ورا
عشان يغطي الفتحه اللي واصله لنص ضهرها

هدى ترقع الموضوع / كل البنات كذا لبسهم عادي !!
صقر حاس انه بينفجر من الغيرة وهو يتخيل النساء كيف تشوفها كذا ويرد بصرامه اعمق/ انا ماعلي من البنات انا علي منها هي كيف تطلع قدام الناس بالبس الضيق هذا ؟!
ملاك بطولة لسان / الحين انت جايبني عشان تحاسبني على لبسي ؟!
صقر اقترب منها وهو يرد عليها بحزم بالغ / اي احاسبك ليش ما حاسبك الظاهر ان جلستك بيت اهلك نستك اني زوجك !!
ملاك تصد بوجه عنه باستهتار / وانا متى اعترفت بزوجي منك عشان انسى ؟!

هدى طارت عيونها بصدمه من كلمتها
وصقر لف عنها وهو يشد على كف يده اللي ابيضت من شدها لها من الغضب عشان ما يمدها ويكسر راسها و نفاسه تطاير

ملاك واقفه بثقة رغم الخوف اللي مخفيته داخلها
وهدى تطالع فيها ومازالت مصدومه من شخصيتها القويه ولسانها المتبري منها

صقر لف وتكلم مع هدى بصوت حاول يهديه بس فشل / خلينا بروحنا ياهدى
هدى بحرج / انا واعدت ملاك ماروح الا برضاها
ملاك ترد بلعانه / اذا بتوفين بوعدك لا تروحين

هدى تطالع صقر بقلة حيله
وصقر انقهر من خباثة هالصغيرة وهو يهتف بخباثه اعمق / في مواضيع خاصه بتكلم فيها اذا تبين هدى تسمعها ترا انا ماعندي مشكله

ملاك حمر وجها وهي تطالع هدى بحرج
و هدى ضحكت بمرح / لا دام فيها موضيع خاصه خلوني اسمع وتعلم
صقر يرد بتقصد / حنا اللي نبي من يعلمنا ماهو انتي
ملاك تزفر عليه تبيه يسكت /صقر
صقر يرد بولع / عيون صقر
ملاك حست انها فعلا مخنوقه وهي تكلم باختناق / ترا والله لاطلع
صقر يرفع كتفه برود / طيب اجلسي نتكلم وانتي ياهدى تفضلي معنا بس سكري اذونك لان الكلام كبير شوي
ملاك تنحنح بحرج / خلاص هدى روحي انا اجي وراك
هدى تضحك وهي تغمز بعينها لصقر / خبيث ياولد مطلق
_______________________________

نهيل ما فاتتها هدى وهي تاخذ ملاك وراها
وفهمت وين رايحه فيها لذالك استاذنت نهيل بهدو
وهي تمثل انها بتكلم جوال برا عن صوت الازعاج

وهي طالعه شافت هدى طالعه من جناح صقر لحالها
و نهيل تقدمت وسالت بخفوت / وين ملاك ياهدى ؟!
هدى بحرج / عند صقر ياعمه يبون يتفاهمون
نهيل بغيظ/ وليش ماجا يتفاهم معها بيت ابوها ولا هيبته ماتسمح له
هدى تهديها/ ياعمه والله ماهو كذا المقصد بس صقر وملاك يبي لهم جلسه خاصه ويتكلمون فيها
نهيل بتسال حازم / والحين تضمنين انه بيتكلم معها بهدو من غير حرب وضرب

هدى تبتسم / اي ماعليك لاصارو لحالهم ماهو متحاربين
نهيل بشكوى / بلاك ما شفتيه كيف هجم عليها بالمستشفى والله لو ماوجود ابوها كان ذبحها
هدى تقطب حواجبها / متى صار هذا ؟!
نهيل تنهد بتعب / قبل كم يوم المهم يا عمتك بروح انا وانتي عندهم ما ينخلون لحالهم
هدى تمسك يدها/ ياعمه الله يهديك مردهم لبعض وبعدين انتي ما تبيها ترجع له وتسد فواه الناس عنها وعنه ؟!
نهيل بصوت موجوع / الا والله بس خوفي يضربها الحين وكل الناس تسمع صياحها
هدى تريحها/ لا تطمني ماهو ضاربها ولا هي صايحه
نهيل بلح خافت / خلي نروح لهم ونشوف
هدى تهتف بمحاوله/ خليهم مع بعض شوي وبعده نروح
نهيل تهز راسها برضا/ طيب بصبر لو قلبي قارصني
_______________________________

-/البارت الثاني والسبعون/-

رواية ريح المطر (للكاتبة شغف
ادعو لوالدي برحمة والمغفرة..


صقر يبتسم وهو يشوف هدى طلعت وسكرت الباب وهو يرجع نظره لملاك بتفحص واعجاب ويهتف بصوت عميق رجولي ثقيل /
شختي من الزين في بيض وسمر…
وجهك الفاتن كبرتي ما ذمر …
به براءه ضحكت الطفل الرضيع …
مجتمع في مبسمك ثلج وجمر …
ونظرة عيونك ضحاياها الجميع…
تحت خصرك شبعه وموووتن حمر.. (غمز لها بعينه)
وفوق خصرك هلكه وحال جويع …
نصك الفوقي لعب فيه الضمر …
ونصك التحتي لعب فيه الربيع…

ملاك تناظر فيه بصدمه وخجل من جرئته
وصقر يبتسم نص ابتسامه وعيونه تنزل على جسدها
ملاك تمنت انها لابسه عبايه ولا شال
وتستر نفسها عن عيونه المتفحصه الحارقه

وهي تكلم بصوت غاضب/ صقر عيب عليك جايبني هنيه عشان تغازلني
صقر انفجر ضاحك / اغازلك مره وحده يابنت انتي علامك ماتفهمين ابك انا زوجك زوجك
ملاك تنهدت بقلة صبر / طيب دريت انك زوجي ممكن تقول للي وش تبي بضبط لاني مستعجله وبروح اجلس مع البنات

صقر يرد بجدية واثقه متقصده / طيب حتى انا مستعجل وبروح لرجال بس في كلام مهم لازم تسمعينه
ملاك تكتف يدها بتطنز / اي وش الكلام المهم يادكتور صقر
صقر صمت وعيونه عليها بحده لانه فهم كلمة (دكتور) وراها شي عويق
ملاك ترفع حاجبها و تنظر له بنظره ناغزه حاده غايظه
صقر طنش نظراتها وهو ياشر على الاريكه / اجلسي وسمعيني عدل

ملاك تقدم و تجلس وهي ترد بتمرد /اسمع ماني صمخه
صقر يحاول يتمالك اعصابه وهي يهتف بحزم / ملاك الكلام اللي بقوله يخصني انا وانتي ولازم تعقلين عشان تفهمينه

ملاك تكتف يديها وتحط رجل على رجل بصمت
و صقر جلس قبالها وهو يسحب له نفس ثم هتف بصوته الثابت الواثق / اول شي ابيك تفهمين اني ما تركتك بيت اهلك تعمد ولا اهمال كنت ابيك ترتاحين موقت وانا افكر موقت ملاك انا ما لمستك لاحد الان عشانك ماهو عشاني لو بفكر بنفسي وبس كان شبعت الروح اللي ناشفه من اربعة عشر سنه ولاكن من حبي لك بديتك حتى على روحي

ملاك كانت تسمع وهي قاطبه حواجبها
وصقر يكمل بتاثر عميق وهو يبلل شفايفه بلسانه كانه يرطبها / ملاك اللي ابيك تعرفينه ترا انا مفكر اخليك زوجة بالاسم موقت لين تكبرين وتفهمين الحياه

ملاك تزفر فيه بماقطعه غاضبه / ادخل بالموضوع ياصقر ماله داعي تلف وتدور معي قل انك بترجع مرتك ولا قل انك ناوي تزوج ووو
صقر قاطعها بصوت صارم / لو برجع مرتي ولا بتزوج ماني بجالس اشاورك كان نفذت من غير علمك
و شورك
ملاك حست بحرج وهي تسال / اجل وش الموضوع اللي تلف وتدور فيه؟!

صقر يتكلم من بين اسنانه/ انا مالف ودور انا اشرح بس عقلك الفارغ ماهو قادر يستوعب شي
ملاك بقلة صبر / المطلوب
صقر بثقة حاده /انتي لازم ترجعين للي وانا مستعد اوعدك ماقرب لك لشهور قدام
ملاك تضحك باستهتار /وش يضمن للي كلامك يادكتور صقر
صقر يرد عليها بثقة واضحه / انا اضمن نفسي رجال عمري 34 سنه وقادر على مسيطرة نفسي

ملاك ترفع كتفها وتهتف بجرائه / وبتقدر تسيطر على نفسك وبنت جالسه بجناحك وبنااااات عندك بدوامك؟!!
صقر زفر عليها بنفذ صبر /الحين وش دخل داومي بموضوعنا؟!
ملاك تفزر عليه بشد / اسال نفسك مع هالممرضات اللي من يمينك ويسارك
صقر ماسك نفسه وهو يشوف غيرتها ويرد برود / انا كلامي ماهو عن الممرضات كلامي عنك انتي
ملاك طالعت فيه بنظره قارصه / اي واضح ؟!

صقر طنشها و يرفع معصمه و يناظر بالوقت بساعته وهو يكمل كلامه / ملاك انا ماكنت ابي اكلم عمي وخوانك عشان ماحد يضغط عليك ابي ترجعين من نفسك وبرضاك وانا مستعد اراضيك باللي تبين عشان غلطتي معك بجورجيا

ملاك تنزل رجلها اللي كانت فوق رجلها الثانيه وهي تقدم جزها العلوي لوجه/ واللي بالمستشفى ماهي غلطه ولا نسيتها ؟
صقر عيونه بعيونها / اراضيك فيها بس انتي ارجعي للي وخلي العناد عنك ترا ماينفعك
ملاك مازالت على جلستها/ افهم انك تهدد ؟!
صقر بنبرة غرور / انتي عارفه لو برجعك رجعتك بالغصب مثل ما خذتك بالغصب بس انا قلت لك
ابي رجعتك برضاك
ملاك انقهرت من غروره وهي ترد بتحدى / ماني براجعه واللي بتسويه سوه

صقر وقف واتجه لها وقف قبالها وهو يمد يدها ليدها ويوقفها ويتكلم بصرامه / ملاك لا تحديني ترا والله ماحد خسران الا انتي وتراي قادر ارجعك اليله اليله عندي
ملاك تحاول تسحب يدها منه بس هو شاد عليها وهي تنتفض / سوها ياصقر وشوف وش راح اسوي وربي لاهج منك ومن اهلي بعد وماعد تشوفوني طول مانا عايشه
صقر انتفض برعب / انتي جنيتي !!!
ملاك تهز راسها بجنون / اي جنيت جنيت ومافيني عقل
صقر يضمها وهو يهمس لها برجا / ارحمو عزيزاً قوم ذل
ثم شد احتضانها وهو يهتف بحنان / ارحميني خلاص ارحمي قلبي اللي ينبض بحبك
ملاك تنحنح / كتمتني
صقر يبعدها من حضنه ويحط عينه بعينها / ارجعي طالبك وانا مستعد اسوي اللي تبين

ملاك تسحب لها نفس وهي ترد بتشرط/ ارجع بس تنفذ للي كل اللي ابي
صقر يحرك انفها الصغير بصبعه / من عيوني يابنت عمي
ملاك تطالع الجناح من فوق / ابي تغير للي الجناح كامل من كل شي اثاثه وصبغه وكل شي حتى لو تغيره بكبره يكون احسن

صقر يهتف باستغراب وهو يطالع جناحه / وليش طيب
ملاك بغيظ/ متكاثر تدفع لك كم الف على طلبي ؟!
صقر بستغراب اعمق/ الموضوع ماهو فلوس انا قادر احط فله كامله ماهو جناح بس انا مستغرب من طلبك عطيني سبب مقنع ؟!

ملاك بغيرة ماقدرت تخفيها / هذا ماهو جناحك اللي تزوجت في قبل ؟؟
ثم حطت عينها بعينه و اكملت بحده /و انا مادخل على فراش ماهو فراشي
صقر فهم مقصدها وهو يتنهد / طيب حاظر بغير اثاثه كامل امري بعد؟!
ملاك باستعجال / غيره بكبره احسن
صقر برفض /لا مستحيل اطلع من جناحي
ملاك بمحارشه/ ماتقدر تطلع منه عشان ريحت الحبيبه فيه
صقر زفر فيها / يابنت انتي شفيك تطلعينا من موضوعنا و تدخلينا بموضوع ثاني

ملاك تطنشه وهي مستمره بتشرط/ وثاني شي ابيك تعتذر لامي
صقر برفض صارم / مسحيل اعتذر من احد خواتي وخواني الكبار ما اعتذرت منهم حتى ولو غلطت عليهم و لاتفكرين اني اعتذر لك راح اعتذر لغيرك لا والف لا

ملاك بتافف / تحترمها ياصقر امي واحترامها من احترامي اذا للي حترام عندك
صقر مد يده وابعد الخصل النازله على طرف خدها ورجعها ورا اذنها وهو يرد بصوت رجولي خالص /بهاذي تامرين امر وغيره تدللي بس
ملاك كحت بحرج وهي تحك انفها / اتذكر ورد لك
صقر يبتسم / طيب بس لا تكثرين شروطك علي
ملاك زفرت بغيظ/ مو توك تقول للي تدللي مالك شغل
بكتبهم بورقة ورسلهم عليك مع شذى

صقر انفجر ضاحك منها بصوت عالي
وقطع ضحكته صوت الباب

طق
طق
طق
_______________________________

فهد رجع جناحه وهو حاس بضيقه من كلام جدته
اتجه لسرير وشاف مهره نايمه بسابع نومه وجها له
فهد حاس قلبه ينبض بحنيه ناحيتها مسكينه بمعنا الكلمه…هاديه مسالمه …حنونه طيوبه..مكسوره ضعيفه..بختصار مستسلمه للحياه بخيرها وشرها

فهد جلس على طرف السرير وهو يتمدد نص تمدد
ويطالع بملامحها العذبه البريئة
يحن عليها كثير كثير يمكن حنانه لها اكثر من حبه لها
انحنى وباسها مع خدها بهدو
مهره انتفضت وهي تفتح عيونها بتسال ناعس/شفيك؟
فهد نزل شماغه ورماه على السرير وراه وتقدم وسحبها لحضنه ويده تمسح على ظهرها كامل وهو يهمس لها / نامي يا مهره نامي

مهره تحرك راسها بعرض صدره وتسال بحة / جدتي وش تبي منك ؟!
فهد مسح على شعرها/ ماتبي شي
مهره ترفع وجها لوجه/ فهد بطلبك طلب صغير
فهد يرفع حاجبه / ماكن طلباتك كثرت هالايام ؟!
مهره تبوز بدلع/ متكاثر علي كم طلب يافهد
فهد وعيونه شفايفها المبوزه /وش طلبك
مهره تقترب له وتبوس خده / ابي اروح لامي بكرا وربي اشتقت لماهر كثير
فهد يمسح عارض لحيته على خدها الناعم / وماهر ليش مايجيك هنيه ؟!
مهره بحنيه/ يستحى ياروح اخته
فهد طالعها بحده / بلاها ياروح هاذي
مهره تبتسم وهي تحط كفها على عارضه /يزين غيرتك بس
فهد باس كفها وهو يهتف بهدو / طيب يا مهره قدرتي تقنعيني هالمره
مهره تضحك / وكل مره ان شاءالله
فهد بتقصد/ بس ماهو بكل شي

مهره فهمت مقصده وهي تصمت لا يثور عليها
هو يالله بسنه مره يهدا و يروق لها ماتبي تخرب هدوئه
وفهد ينسحب منها واقف وهو يهتف بحزم / لا تنامين روحي لجدتي و اجلسي معها
مهره بتسال وهي تعتدل جالسه /وانت وين بتروح ؟!
فهد يرد بهدو /بروح اتوضى وطلع اصلي العشاء
ثم ردف بتقصد حاد/ ولا عاد اسمعك تسالين مره ثانيه
مهره تقوم وتوقف قدامه وترد بدلع / من عيوني انت تامر امر ياحبيبي
فهد شوش بدهشه وهو يرد بذوبان/ لسانك صاير حلو يابنت الذينا

مهره تضحك بقوه وتهتف بحسن نيه / احاول اجيب راسك يابن الذينا
فهد انقلبت ملامحه بالحمار من الصدمه والغضب وهو يسحبها مع كتفها بعنف وهو يرد من بين
اسنانه/ ماهو فهد اللي تجيبين راسه يابنت ناصر وكلامك وحركاتك البايخه هاذي ماتحرك برجولتي شي

مهره تلعن لسانها الف مره وهي ترد باعتذار / والله ماهو قصدي كنت امزح معك
فهد يدفها على السرير بقسوه وهو يهتف بقساوه اعمق / اقول اذلفي وخلي لسانك السام يلزق بلهاتك

مهره انفجرت باكيه بندم وهي تشوف اخذ شماغه بعصبيه وطلع …



فهد ركب السياره وهو يرجف من القهر
ماهو مصدق مهره الطيفه البريئة هذا تفكيرها؟!؟
مهره اللي يحسها ماتفهم شي من كيد النسا
تطلعت تكيد وكيدها عظيم ؟!؟
اجل هو اللي بتجيب راسه بكلامها المزيف
ودلعها المتعمد وتمشيه وراها !؟
فهد بجبروته وهيبته ومكانته تجيب راسه مره مره ؟؟؟

حط اطراف اصابعه على عصابة راسه وهو يشعر بصداع فضيع وقلبه يحاول يبرر لها ويقول اكيد انها سامعه الكلمه هاذي من احد واكبر دليل انها قالته قدامه بحسن نيه

حرك سيارته وهو متجه للمسجد ويحاول ينسى كلامها
ويحاول يهدي رجولته اللي ثارت ماتسمح لاحد يفكر مجرد تفكير ان يحكمها ….
____________________________

صقر انفجر ضاحك منها بصوت عالي
وقطع ضحكته صوت الباب
طق
طق
طق

ملاك بتسال خافت / منو يطق ؟!
صقر يتجه لباب ويرد بثقه/ هدى اكيد
فتح الباب وكانت هدى مثل ماتوقع لاكن الصدمه معها نهيل اللي تسالت باستعجال/ وين ملاك ؟!

ملاك اصدمت وهي تسمع صوت امها
وصوت صقر الثقيل اللي فتح الباب ورد / حياك يام مازن هاذي هي ملاك
نهيل تدخل وتطالع ملاك بنظرات حارقة
وملاك تمنت الارض تنشق و تبلعها وهي تبرر /والله يومه هدى اللي اجبرتني اجي هنيه وانا ماكنت بجي اصلاً
صقر لف لها بحده /وليش تبررين؟!
ملاك طنشته وهي تكمل كلامها لامها / و اسليها بعد؟!
هدى ترد وهي تبتسم / امك تدري ياملاك وبعدين انتي ماسويتي شي غلط جالسه تفاهمين مع زوجك
نهيل تسال بتقصد / وعسى تفاهمتم عاد ؟!

صقر نسى الوعد الملاك وهو يهتف من غير نفس ومزاج متعكر/ اي ارتاحي تفاهمنا وحلينا القضيه اللي بينا
ملاك عضت على شفايفها وهي تزفر عليه
بخفوت/ تكلم مع امي بحترام
صقر لف لها بنظره قارصه وهو يدخل يده بالمخباه
و يطلع جواله اللي يرن ويرد وعينه على ملاك بنظرات
تهديد/ هلا ….يلا … جايكم …جايكم ….لا انا بجناحي ابدل …. طيب ….طيب سلام ..

ملاك مطنشه نظراته لها وهي تطالع بامها بحرج
و نهيل عيونها على صقر بعدم راحه
صقر سكر جوال ورجع لمخباه وهو يلف لهدى ويتكلم بثقل / انا بطلع عند الرجال شوفي للي الطريق
هدى تهز راسها برضا / طيب

رجع نظره على ملاك اللي كانت صاده عنه بغيظ واضح
وهو يهتف لنهيل بثقة هاديه / ترا انا وافقت على شروطها كامله يام مازن
نهيل تحاول ترد بصوت طبيعي رغم الغيظ اللي
فيه / ماهو المفروض تجي وتسمع شروطها بيت ابوها ؟!
صقر شاد على اعصابه وهو يرد بنبرة حازمه / بيت عمها وبيت ابوها واحد وماهو مهم المكان اهم شي ترجع راضيه
نهيل بستسلام /الله يجمع شملكم ويهديكم
صقر اقترب وحب على راس نهيل بحترام / الله يجزاك خير

جت هدى تنادي له و طلع صقر معها
من غير لاينظر لردت فعل ملاك وامها؟!
من تصرفه الغير متوقع منه بس نهيل صدمتها اخف لانها متاكده ان حركته المحترمه اللي ماهي لايقه عليه من تحت راس بنتها ملاك هي اللي حدته لهذا التصرف ؟!

ملاك كانت صدمتها اعمق ولا توقعت منه واحد بالميه
يطيب خاطرها من ناحيت امها ويحب على راسها بعد؟؟
_____________________________

بعد مرور سبوعين على ابطالنا ،،

كان اطول سبوعين واطول ليالي لياليه ،،
مثقله بالحرمان والهجران والابتعاد ،،
البعض حرمان متعمد متقصد ممتلك
والبعض حرمان مجبر مدبر مهتلك


فهد كان طول الاسبوعين هاجر مهره و ثلاجة بارده معها برود اثقل من بروده الاول مابينه وبينها اي احتكاك من اي ناحيه حتى بالكلام !!؟
يعاملها مثلها ومثل الجدار واحد يدخل جناحه وياخذ له شاور و ينام بجهته من السرير و يصحى يطلع بدون نقاش يبي يعطيها درس ماتنساه طول ماهي عايشه بالحياة انه ماهو فهد اللي تجيب راسه حرمه!!
و مهمها كانت الحرمه ولو كانت اغلا و احلا النساء
على قلبه بيضل فهد بجبروته وقسوته مستحيل
احد يقدر يغير فيه مستحيل !!

وقت صلاة العصر …
كان فهد واقف عند المراءه ينسف شماغه بترتيب
ومطنش النظرات العاكسه بالمراءه اللي تتبع تفاصيله
مهره فقدت صبرها ولا هي قادره تصبر اكثر من كذا
تبيه يرجع فهد الاول الحار حتى لو كان قاسي بس كان حار معها بالقبلات و الاحضان تنهدت بضيقه وهي تشوفه ياخذ جواله ناوي على الخروج وقفت بندا /فهد

فهد لف لها بنظره باردة / نعم ؟
مهره تقترب له وهي تنحنح / احم تاخر اليله ؟
فهد رفع حاجبه ورد من طرف خشمه / ماهو شغلك
مهره تبرر بارتباك / قصدي عشان اسوي لك عشا بيدي
فهد عطاها نظرة احتقار وطلع من غير رد /…

مهره جلست على الاريكه وهي تنفجر بالبكا من تصرفاته ونظراته لها تحس انها صغيرة ورخيصه عنده
وهي تعشقه وتعشق تفاصيله تعبت من قساوته ومن هجره لها كل هذا عشان كلمه مجرد كلمه طلعت منها بعفويه يهجرها سبوعين كامل ؟!
تشعر انه اسوى ليالي تمر عليها ليالي هالاسبوعين؟؟!
حاولت فيها تغري فهد بي طريقة من الطرق
تلبس لبس فاتن تكشخ تحط مكياج تبي تلفت انتباهه
حاولت تصلي قدامه وتوضح انها على طهاره
بس فهد كان غير ملتفت لها ولا معبرها نهائي
وهذا الشعور هو اللي جرح انوثتها جرح عميق ،،،
_______________________________

صقر و ما ادراك ما صقر الرجل العاشق الهايم الذايب
تعامل مع افخم شركة لتغير الديكورات والاثاث كامل
وهذ هو مر سبوعين والشركة خلصت من كم يوم وكل شي جاهز ناقص بس وجود ملاك ينتظرها تجي من خاطرها ماهو بالغصب ارسل لها شذى وبلغتها ان الجناح جاهز ولاكن مافي ايجابه وراسل لها هدى وكلمتها وكذالك مافي تجاوب !؟
طفح الكيل عند صقر وهو كان يحاول قدر المستطاع مايدخل ابوها وخوانها ما يبي لها الاحراج
لاكن ملاك لازم تحده على اقصاه على اقصاه

من بعد ماطلع من المسجد شاف ابوه وعمه واقفين برا ويطالعون السما اللي مليانه بالغيوم وابو ماجد يهتف / الله يجيب المطر
ابو صالح يرفع عيونه للغيم ويرد / وكاد انها لا فيتنا هالغيمه
صقر اقترب وهو يسال باهتمام / شلون صحتك ياعم عسى ماتحس بنغزات بصدر
ابو ماجد بامتنان/ لا بالله ياعمك اني بخير يالله لك الحمد
ابو صالح بحنيه / الحمدلله الحمدلله
صقر بحرص/ انتبه لصحتك اهم شي وخذ علاجاتك بنتظام
ابو ماجد / باذن الله تعالى
صقر يستاذن / يلا تبون شي بروح لسطبل
ابو صالح بتسال / متى بترجع بنت عمك ؟!
صقر حس بحراج من وجود عمه وهو يرد / قريب باذن الله بس يجهز الجناح كامل تشرفه بنت عمي
ابو ماجد ابتسم / الله يشرف مقدارك وانا عمك ابد البنت طلعت من ذمتي لا ذمتك متى مابغيتها تعال وخذها
صقر بمسايره وهو يحب راس عمه /الله يطول بعمرك
ابو صالح يرد على اخوه بمحبه / بنتك غاليه عندنا يابو ماجد ولو تبي بيت نشريه لها ماهو بس جناح
ابو ماجد يبتسم وعيونه ع صقر / لا بالله بيت ماهي مسنعته ليتها تسنع جناحها
صقر يضحك / ههههه
_________________________________

ملاك مبرده اعصابها على الاخر
وهي تعرف ان صقر يغلي غليان من برودها
جتها شذى من كم يوم وبلغتها بالجناح جاهز وكلمتها هدى قبل يومين لاكن ملاك تبيه يجي من نفسه ويكلم اهلها معنها تعرف وتعرف عدل ان لو قالت له تعال وكلم اهلي صقر بيجي من غير تفكير لان عمه له تقدير وشيمه عنده ولاكن هي تبي تشتت له تفكيره و ماتبيه
يعرف وش اللي يدور براسها !!!وبنفس الوقت تبي ترجع كرامتها قدام امها وخواتها وخوانها وقدام ماجد واهله وقدام عادل وخالاتها ان صقر جا واخذها بنفسه ماتبيهم يقولون هي اللي رجعت له وذلت نفسها لولد مطلق من غير لا يجي ويكبر قدرها !!

كانت بالمطبخ وتسكب القهوه بالترمس وتحط من الحلا اللي هي سوته مع فناجيل بالصينيه وتشيلهم متجه لصاله وهي تهتف ببتسامه/ هاه جبت لكم الحلا والقهوه
امل تعدل الطاوله بحماس / الله عاد انتي فنانه يا ملاك بالحلا
حصه بمديح وهي تشوف الحلا المرتب اللي نزلته على الطاولة/ تسلم يديك ماشاءالله مروقه اليوم؟!
ملاك تغمز بعينها ببتسامه خبيثه / وبقوه بعد
حصه تضحك وهي فاهمه نيتها/ههههه
ونهيل تبتسم / بس يامك البنت الشاطرة تسمع كلام امها

ملاك تقصص الحلا بصحون وهي ترد بشقاوه /يومه لا تعكرين للي مزاجي وتفتحين للي مواضيع مالها داعي
امل تصب القهوه بالفناجيل وهي تهتف بمرح / لا يتعكر مزاجها وتحرمنا من الحلا
نهيل بتسال و اهتمام /طيب متى ناويه تتركين العناد وترجعين لرجلك
ملاك تجلس وتحط رجل ع رجل وهي تاكل بملعقه ذهبيه صغيرة من الحلا وترد برود / اذا جا و اعتذر للي قدام ابوي وخواني افكر ارجع له
حصه طارت عيونها وهي تنزل اياد على عربته /تفكرين بعد ؟!
ملاك تبتسم وهي تهز راسها بصمت /…
نهيل تنهد بقلة صبر / الله يهديك يامك الله يهديك طيب كلميه وقولي له يجي ماهو كذا مايدري وش اللي انتي تبينه بضبط
ملاك ترد برود / ماراح اكلمه وسكرو الموضوع خلاص
حصه تغير السالفه /يومه خالتي تعزمك الخميس عندها بالبيت جمعه خالاتي تقول لازم تجين
نهيل ترشف من فنجالها / على خير ان شاءالله
_______________________________

الساعة 11 مساً بجناح فهد

مهره من المغرب وهي تكشخ و تتانق
خذت لها شاور وبعد لبست لها فستان طويل
ضيق على جسمها الفاتن بالون الاسود شفاف بالدانتيل من تحت الركبه ومن فوق الركبه داخله بطانه اسود السيقان تكون واضحه من تحت الشيفون
وبدون اكمام صدرها و عضودها عاريه
وحطت لها مكياج ناعم مناسب لملامحه الهاديه
و استشورت شعرها البني الطويل وخلته مفتوح

واخر شي حطت الجمر بتشغل البخور تنهدت وهي تحاول تشغل الولاعه و ما تشتغل/ اف هذا وقته فهد على وصول

خدت جلال الصلاه الطويل لفته عليها كامل عشان يسترها وطلعت بتروح تشغل الجمر بالمطبخ
وقفت على الباب صادمه !!!!و هي تشوف شوق متلثمه واقفه بالحوش وتكلم مع فهد اللي كان مواجه
لشوق ولا انتبه لمهره و لعيونها اللي غارت بدموع والقهر والجزع …


كان فهد داخل البيت شاف شوق بالحوش واضح تنتضر احد وعرف انها تنتضره وهي تقدم وتهتف له بادب متصنع / فهد ممكن اتكلم معك شوي ؟!
فهد يرفع حاجبه برفض حازم/ مابيني وبينك كلام ياشوق واذا عندك موضوع مهم كلمي ابراهيم ويوصله للي
شوق تنهدت برجا / تكفى يافهد اسمعني تكفى
فهد انتفض من الحمية / شوق صاير معك شي ؟!
شوق بصوت مخنوق / كل صديقاتي طلعو بعثه الا
انا وكل ماكلمت ابراهيم ولا ابوي قالو فهد رافض

شوق تسحب لها نفس وهي تهتف برجا اعمق/ فهد الله يوفقك لا توقف قدام مستقبلي انا بنت عمك والمفروض انت اكبر داعم للي

عرفت كيف تحادث بتاثير مع فهد العنيد
اللي رد عليها بصوت جامد / شوق انا ماني واقف بمستقبلك انا اتمنى لك التوفيق بس من بيروح معك هناك و عبدالله مشغول بدراسته وابراهيم ومشغول بوظيفته وعمي ماهو قادر على الغرباء

شوق بمحاوله / انت اذا واقفت انا مستعده اقنع عبدالله يروح معي بس انت وافق
فهد يسحب له نفس وهو يهتف بثقه / خليني افكر ورد عليك
شوق بصوت باسم / يعني في امل اروح ؟!
فهد بحرص / بس يكون معك محرم ياعبدالله يا ابراهيم وانتي اقنعي اللي تبين
شوق حست بفرحه عميقه عميقه و هي تشكره من اعماق قلبها / مشكور يافهد الله لايحرمني من وجودك بحياتي

مهره اقتربت وهي تسمع اخر كلمه هتفت فيها شوق
حست بغيرة تعمي عيونها وافكارها توديها لبعيد
وهي تكلم بصوت متقصد حامي / ولا يحرمه من وجودك بحياته انتي بعد
فهد لف لها بصدمه وزفر عليها بحده / مهره

مهره امتلت عيونها بدموع وهي تنقل النظر بينهم باحتقار ..
شوق من شافت وجه فهد كيف حمر من نظرات مهره المنرفزه عرفت انها بتقوم القيامه فوق راسها لذالك انسحبت منهم بهدو ودخلت داخل و سكرت الباب وهي تهتف لنفسها ببتسامه هامسه/ جعلها ماتطفى النار بينكم

عند فهد ومهره اللي فعلا النار شابه بينهم
وهم يتبادلون نظرات الغضب وفهد امرها
بصرامه / قدامي للغرفة

مهره صدت عنه وهي تمشي قدامه للجناح
دخل فهد بعدها وهو يسكر الباب و يشوفها
ترمي شالها على الاريكه بعصبيه وتوجه وجها له
_______________________________

صقر كان داخل البيت وهو راجع من الاسطبل
من بعد ما اهلك جسده ب الهروله على الخيل

شاف امه وخواته بستثناء وفا ماكنت معهم
فرشات لهم فراش بالحوش
و جالسات يتقهون و يسلفون بانسجام

صقر سلم بارهاق / سلام عليكم
الكل رد بموده / عليكم السلام
ام صالح تطالع لبسه لبس الفروسيه وهتفت
بامومه حانيه / يامك ليش تهلك عمرك عند الحصان دوامك وشغلك يكفيك
صقر يبتسم نص ابتسامه / ماهذ اللي انتي تبينه انتي وابو صالح اشتغل عنكم شوي وفكم من مشاكلي
ام صالح بعتاب امومي /يامك ليش هالكلام؟!

هدى تضحك / والله لو تروح مريخ مانت مرتاح منهم لغير يقولون راح وتركنا
ام صالح تزفر عليها / راحت روح العدو قولي امين
هدى تضحك / شفيك علي امزح معكم
ثم ردفت لصقر بتسال / الا وين الحواله اللي انت مواعدني فيها يادكتور صقر ؟!
صقر يرفع حاجبه بستنكار / اي وعد واي حواله ؟؟
هدى تغمز بعينها / نسيتها اللي فيه سحب شوشه
صقر انفجر بضحك / اها اي تذكرتها الله يرجك انتي اي شي في فلوس ما تنسينه!!
ام منهد بتدخل مرح / كان سمعت طاري حوالات وانا يا ختك الكبيرة وين رحت ولا هو بالغلا ماهو بالقدر؟
هدى باستعجال / يالحسوده انا مسويه له خدمه وانتي ماسويته له شي

صقر يرد عليها بتقصد وهو يطالعها بنص
عين / خدمتك مثل وجهك ما وراها نتايج
هدى ضحكت بصوت عالي / يا خبثك خبثاه يا ولد مطلق
ام صالح تنحرها / هاه عيب وش هالكلام احترمي اخوك
هدى تحط يدها على فمها / خلاص بسكت

صقر يلف وجه لشذى اللي تذاكر وبحضنها الكتاب بصمت وهو يسالها بهتمام /شذى وش عندكم ختبار بكرا ؟!
شذى ترفع راسها له وهي ترد بحسن نيه / رياضيات علينا
صقر بتوجس / وغيرة ؟!
شذى بتذكر وهي تقطب حواجبها/بس ماعلينا شي ثاني
صقر مستمر بالاسئله وبراسه موال عجيب / طيب الساعه كم اختباركم
شذى ترد وهي مستغربه من اسالته / الساعه 9 وينتهى 10
صقر سال اخر سوال وهو يتجه لجناحه / من 10 ما وراكم شي صح ؟!
شذى ترد وعينها على امها وخالاتها باستغراب / اي.

ام منهد بتسال خافت /شعنده يسال
هدى تبتسم بخبث / عشان يعرف حبيبة قلبه وش عليها
ام منهد بعتاب / بسراحه طولتها بيت اهلها المفروض ترجع خلاص ماصار زعل
ام صالح تهز راسها بحزن وعتب / طلبت منه يغير جناحه كامل من جديد وهذا هو سواه لها و لا رجعت مدري وش عقوبة هالولد يخوفي مدعي عليه بس

هدى بخفوت / من ناحيت الدعاوي ياكثر دعا المسلمين عليه
ام منهد تغير الموضوع وهي تشوف وجه امها كيف حزين / الا وفا وينها ؟!
هدى ترد بهدو / طالعه هي و مازن يتمشون

ام صالح ماكانت معهم ابد وعيونها على باب جناح صقر و قلبها يتقطع وهي تشوف حالة ولدها كيف ضايع بالحياة لا ولد ولا تلد واللي كبره معه عيال بطوله وهو قلبه هاوي له ورع بعمر بنته و لو تفكر تولد منه الا وعمره قد وصل الاربعين وحتى اخوانه اللي اصغر منه معهم عيال وهو مافكر بحياته لقدام كل تفكيرة بحياته لورا بالعشق والحب القديم …..
_______________________________

-/البارت الثالث والسبعون /-

رواية ريح المطر (للكاتبة شغف
ادعو لوالدي برحمة والمغفرة


مهره رمت شالها على الاريكه بعصبيه وجهت وجها له
و هتفت بحده صارمه / سبوعين كامله يافهد وانت هاجرني و حتى حقي الشرعي احرمتني منه تحتقرني وكاني قطعة اثاث عندك وانا ساكته لا هنيه وبس ؟؟

فهد اقترب منها وعيونه تقدح بشرار و صرخ فيها بصوت غاضب منفعل/ كيفي احرمك احتقرك بكيفي لا بغيت حقي جيت وخذيته منك غصبن عليك
مهره بكت بحرقه / مانت جاي وعندك اللي مشبعه لك عينك

فهد عطاها كف صفرة ذنيها منه قوته وهو يحلف بتوعد صارم /يمين بالله لو ما ذلفتي عن وجهي واتقيتي شري لا نثر لك دمك
مهره بكت بنهيار عالي وهي ترجف/ والله ما سكت لو تنثر دمي يافهد قدام عيني والله ما سكت وخليك لها والله ماسكت

فهد جن جنونه وهو يشوفها انهارت برجفه وصراخ
سحبها مع عضدها وهو يهزها/ مهره مهره بس بس
مهره مازالت تصارخ / والله ماسكت يافهد عنك وعنها لو تذبحني ما اسكت

فهد يشدها له وحضنها ويحاول يهديها
اول مره يشوفها منهاره كذا على كثر ماضربها ضرب اقوى و الصفعه هاذي ماهي شي عند ضربه الاول
الا انها كانت تبكي وترجاه يبعد منها بس ما تنهار ولا تصارخ عليه بتحدي وكنها مستعده للموت ؟!

مهره بكت بكت بشهقات متواصله لين اغرقت له صدره بدموعها وثوبه الابيض تلطخ من اثر مكياجها
بعد ماهدت ابعدت من حضنه بهدو وانسحاب
وهي تجه لحمام من غير لا تنظر فيه

فهد رفع ثوبه بطراف اصابعه من عند الصدر وهو عاقد حواجبه و يشوف اثر مكياجها و يتنهد بضيقه وهو يجلس بصاله ينتظرها تطلع

شوي وطلعت من الحمام من بعد ماغسلت مكياجها كامل وتوجهت لغرفة التبديل تحت انظاره و لبست لها بجامة حرير بالون التفاحي الفاتح وعليها رسومات شكل دبدوب بالون الابيض
و طلعت وهي تجاوزه متجه لسرير من غير لا تنظر ناحيته وقفها صوته الجوهري / اوقفي

مهره وقفت وهي تكتف يديها على صدرها
و مازالت لافه له ظهرها
فهد اقترب وقف وراها مباشر وهو يهتف بامر
هادي/ مهره طالعي فيني
مهره سكرت عيونها وهي ترد بصوت ناشف/ فهد اعفني من المطالعه فيك

فهد سحب له نفس وهو يقطع المسافه القليله اللي بينهم و يقترب وراها كثير وهو يتكلم بحزم
هادي / اذا على حقك انا مستعد اعطيك حقوقك كامله وبلاها الصراخ والصياح اللي صار قبل شوي
كمل وهو يرفع صوته بحده / وتراني ماني بعاجز اقطع صوتك نهائي وخليك تبكين من غير صوت

مهره انقهرت من كلامه وهي ترد برود / خل حقك لك لاني ماعاد ابيه وعافيتك منه
فهد من بين اسنانه / مهره الزمي الصمت احسن لك
مهره لفت له وحطت عينها بعينه / بلزم الصمت يافهد وانت الزم نفسك ولا تقرب مني

فهد انحنى من طوله لا طولها ونظره مركز بنظرها مباشرة وهتف بتقصد خافت/ واللي قبل شوي تصيح وتقول هاجرني و مخليني انا والاثاث واحد ؟!
مهره تكسر النظر وهي تشيح بوجها عنه وترد
برود اعمق / وانا راضيه اصير من ضمن الاثاث
فهد يرد بثبات وهو مازال منحنى/ بس انا ماني براضي

مهره تنهى النقاش وهي تبتعد/ فهد تصبح على خير
فهد سحبها مع كتفها وهو يشد عليها بقوه و يصرخ فيها/ لا صرت اتكلم معك توقفين وتسمعيني لين اخلص كلامي و انا اللي امرك تذلفين
مهره بكت وهي ترد بصوت مهزوز / فهد حقوقي انا مابيها مابيها و اذا انت تبي حقوقك خذه ماني رادتك عنه وبلاها هالحركات
فهد يفك كتفها ويصد بوجه عنها / روحي نامي

مهره راحت سريرها ودخلت فيه وهي تغطى بالكامل وتكمل بكاها المكتوم
فهد راح ياخذ له شاور و لبس له بجامه لنوم
واتجه لسرير وتمدد وماخفى سمعه صوت شهقاتها المستمره تحت الفراش ،،،،
_______________________________

ملاك جالسه تذاكر بتركيز على سريرها
وامل على سريرها اللي مجاور لاختها وهي تذاكر بعد

دخلت عليهم نهيل بتسال امومي / يا مكن ماتكسر ارقابكن وانتن مدنقات على هالكتب ؟!

امل ترفع راسها وهي تسكر الكتاب وتحطه على الطاوله اللي بين السراير بتعب/ الا والله انا تعبت خلاص برتاح من المذاكره

نهيل تطالع ملاك اللي مركزه بالكتاب و ما انتبهت اصلا لدخول امها اللي تنادي لها بحنيه / ملوكه
ملاك ترفع و جها لقدام و ترتمي خصل عنيده توصل لاطراف شفايفها المرسومه وهي ترد بهدو / هلا يومه

نهيل كل ما ترا جمال بنتها يزيد يوم عن يوم تخاف عليها اكثر من كل يوم لذالك تكلمت بنبرة
موجوعه / فكيتي راسك يامك وانتي مدنقه على الكتاب
ملاك تنهد بتعب / وش تبيني اسوي يومه الاختبار صعب
نهيل تقترب وهي تجلس على طرف السرير / واذا صعب يتيسر باذن ربك ماهو لازم تاكلين الكتاب بعيونك

ملاك ترفع حواجبها دلاه على شعورها بصداع / لوني عند مدرسه خصوصيه ماكان هذا حالي
امل طالعها بنص عين/ يعني المدرسه الخصوصية بتنجحك مثلاً ؟!
ملاك ترد عليها بتافف/ ماقلت تنجحني بس تساعدني تفهمني الشي الصعب بدال ماتحول عيوني وانا احاول افهم هالكتاب

امل بخبث / عاد صقرك هو اللي رادك مو حنا
ملاك تزفر وهي تقلد صوتها / صقرك هو اللي رادك
ثم ردفت بصوتها الطبيعي / انتي ماهو شغلك و خلك بكتابك يا الكسلانه
امل انفجرت بضحك / لا ينقز فيك عرق بس من شدت العصبيه
نهيل تطالع امل وهي تهتف بتقصد / يمكن حتى انتي بيجيك صقار قريب

امل كحت بتوتر وهي تسال / يومه وش قصدك
نهيل ببتسم / جايك خطاب
ملاك نقزت على امل بشقاوه وهي تضحك / تبين تزوجين يالمفعوصه
امل تضربها مع كتفها / مفعوصه بعينك يالخبله

نهيل تضحك وهي تشوف ملاك كيف تقرص خدود امل بخباثه طفوليه / يحلوك صرتي عروس
امل تدفها بخجل / ملاكوه وجع قطعتي للي وجهي
ملاك تبعد منها وهي تسال امها بجدية / ومن سعيد الحظ اللي خاطبها
نهيل تبتسم ابتسامه واسعه / حزري مين
امل وملاك بستغراب /مين ؟!!!

نهيل ترد عليهم بصوت فارح / بندر ولد خالك سعود
ملاك صفرت بعجاب / اوه بندر والله صبرتي ونلتي
يا موله
امل تطالع ملاك بضيقه / شفيك فرحانه كذا ماكنها امه اللي حرجتك بالكلام بجمعة خالاتي
ملاك ترفع كتوفها برود /قلتيها امه ماهو ولدها وش علي من كلام امه انا
نهيل تكمل بجديه / امه سالت سوال عفوي ماهو تقصد تسمع الناس تقول صقر مطلقها وسالتنا بحسن نيه ماقالت شي يزعل
ملاك تهز راسها باقتناع / فعلا سوال عفويه تبينا نحاسبها هي ولدها عليه

امل بخجل / يومه وانتي وافقتي ؟!
نهيل بامومه / لا يامك اول شي ناخذ رايك اذا انتي موافقه وافقنا لان خالك سعود يقول انه يبي يتزوج يامك بالاجازه الجايه ويبون ردنا بسرعه

امل بصدمه / زواج بالاجازة لاوالله قولي ماهي موافقه
نهيل بتسال / وليش طيب الولد مايعيبه شي
امل بجزع / بس توي على الزواج يومه خلي لين اخلص الثانوي
نهيل تهتف بحده / هذا ملاك اصغر منك وتزوجت قبلك وكملت دراستها عادي وش يبي يصير

ملاك حست بحزن على حالها ولاكن حاولت ماتبين وهي تهتف لامل بنصيحه / يامل فكري عدل لا تقررين بسرعه والله يا بندر انه ماينرد
امل بتقصد / بس هو كان يبيك انتي من قبل وميت عليك بعد
ملاك ترفع كتوفها / واذا كان يبيني بس هو الحين يبيك انتي
نهيل برجا / يامك اتركي عنك التفكير السلبي وفكري عدل رجال مثل بندر حرام تضيعينه من يدك

امل تنحنح بتسال / وش وضيفته ناسيتها ؟!
نهيل تبتسم / مدرس بمدرسة المتوسطه السابعة عشر
ملاك تضحك /يعني يدرسك بلاش
امل تبتسم / والله ماهي بشينه
نهيل تقنعها / اي يامك والله رجال ونعم فيه حتى ابوك وخوانك صافطينه لك
امل تهز راسها / بفكر واستخير
نهيل تكمل اقناعها / استخيري وفكري عدل ترا رجالن ماعلي قاصر من امور الدنيا راتبه زين وسمعته زينه وش تبين اكثر

ملاك تهتف بنبرة خانقة/ ويكفي عمره قريب لعمرك ماهو اكبر منك بعشرين سنه ومطلق بعد
امل حست بحزن من كلام اختها وهي ترد بحلف صادق / والله ياملاك لو خيروني بين بندر وصقر لاختار صقر من غير تفكير فرق السما عن الارض صقر دكتور وتاجر و له هيبه ومكانه عند الرجال

نهيل تطالع ملاك اللي واضح بعيونها الحزن وتهتف لها بامومه / يامك هي نصيبها وانتي نصيبك و لاجينا لصدق صقر يفرق عن بندر وعن عادل بكثير صقر غني وجيبه مليان ومنصبه عالي وكلمته مسموعه عند الجميع اما هذول كلمتهم عندنا بس

امل بغيظ/ ودامه كلمته بس عندكم ليش بتحذفيني عليه
ملاك ضحكت هي و نهيل اللي ترد بحزم /بلاه ماهو حاصل لك احسن منه
__________________________

الساعه 9 ونص صباحاً

فهد يصحى جالس على السرير وهو يلتف لمكان نومها شافه خالي منها تافف بصوت مسموع وهو يتذكر ليلها اللي قضته بصوت بكاها الخافت الموجع..
قام وهو متاكد انها عند جدته اخذ له شاور ولبس وطلع متجه لجناح الجدة

بجناح الجدة صيته كانت تاخذ لها شاور بالحمام
و مهره كانت جالسه على الاريكة تنتظرها وعيونها على التلفزيون وعقلها مشغول بالهواجيس

طق الباب وجاها صوته الرجولي بندى / احم ام عقاب
مهره اضطرت ترد عليه / ادخل
فهد دخل ويسكر الباب وراه وعيونه عليها /سلام
مهره ردت السلام وهي تحاول ماتنظر فيه /عليكم السلام
فهد جلس بجوارها وهو يتسال بثقل/ وين ام عقاب ؟!
مهره ترد بهدو وهي مازالت صاده وجها عنه / بالحمام تحمم

فهد يطالع بملامحها بتعمق و مهره كانت حاسه بنظراته لها وهي تفرك يدها بتوتر و اقترب هو لها
بهمس / ترا اليله عندك موعد عند الدكتوره
مهره انتفضت من حرارة انفاسه وهي ترد برود / ماهو مهم الموعد
فهد ابتعد منها قليل وهو يرد بحزم / الا مهم الساعه 8 تكونين جاهزة
مهره تهز راسها برضا من غير تنظر فيه ومن غير صوت /….

الجدة صيته تطلع من الحمام وهي تطالع فيهم وتهتف ببتسامه / هو علامكم متلاصقين بجناحي كان ماعندكم جناح
فهد تو انتبه لقربهم من بعض وهو يشوف مهره ابعدت منه بحرج وهو حس بذات الحرج ولاكن حاول انه مايوضح على ملامحه وهو يرد بثبات/ صبحك الله بالخير
الجدة صيته تقترب وهي مازالت مبتسمه/ يصبحك بالنور
فهد يوقف لها ويحب على راسها/ شلونك
الجدة صيته تهز راسها / احمد الله وشكره بخير وعافيه
فهد بموده / عساها دوم ان شاءالله
الجدة صيته تجلس وتهتف لمهره بامر هادي / قهويني انا وابو عقاب

مهره تقوم تاخذ الترمس وهي تصب لفهد فنجال وتمده له وهو مازال واقف / سم
فهد ياخذ الفنجال منها وعينه عليها / سلمتي
مهره تبتعد وهي تصب لجدتها فنجال /سمي
الجدة صيته تبتسم / يسم الله عدوك
فهد شرب فنجاله و ينزله على الطاوله وهو يسال جدته بحترام / تبين شي قبل اروح لديوان؟!
الجدة صيته بمحبه / سلامة قلبك

فهد وجه نظره لمهره وهو يذكرها بحزم بالغ / لا تنسين موعدك الساعه 8
الجدة صيته باستغراب / ليش ما انت جاي تغدا معنا و تاخذ لك قيلوله بعد الظهر ؟!
فهد يتجه لباب / اذا خلصت شغلي كامل رجعت قبل الغدا
___________________________

ملاك وشذى يمشون بساحة بسوالف خافته
و عضديهم مشبكه مع بعض كل عاده

ملاك تهتف لها بتعب / احس بطني يمغصني
شذى بخوف عليها /شفيك لايكون تسمم ؟!
ملاك تهز راسها بنفي / لا مغص دورة
شذى بتسال/ليش هي عليك ؟!
ملاك تهز راسها بتعب / اي جتني الصباح تخيلي وانا بداوم قسم مت من المغص لو ماعندي اختبار كان
ما داومت اليوم

شذى بخويه/ طيب اروح اكلم امك من عند الادارة وخليها ترسل لك احد يستاذن لك
ملاك تبتسم باسا/ من بيجيني ياحظي ابوي وتعبان ومازن لو اموت ماجاني خامد بالنوم
شذى تقطب حواجبها بعصبيه / ليش مايجيك ماهو اخوك و مسؤل فيك ولا ماعنده رحمه
ملاك تطالعها بنظرة مباشرة / يابنت لاكف شره هو وفا عنا مانبي منهم شي
شذى بحرج / وفا للحين مسببه لكم مشاكل
ملاك بصدق / لا والله اصلا مانشوفها الا بالشهر مره ماتقل ساكنه حتى الاكل ماتاكل معنا ولا عمرها دخلت مطبخنا

شذى بقلة حيلة / والله يا ملاك حتى جدتي ماهو عاجبها جيتها كل يوم ماعمرها غابت عنا الا امس
ملاك تقطب حواجبها/ ليش امس ماهي عندكم ماشفناها عاد
شذى تبتسم / لا طالعه تمشى هي ومازن ولا جتنا

ملاك بحزن عميق ما قدرت تخفيه عن شذى وهي
تهتف بعتاب اعمق/ شوفي مطلعها يمشيها وانا وامل لنا شهر نترجاه بس نروح ناخذ لنا كم غرض لدراسه ورافض يودينا
ثم صمتت كنها تجمع الكلام المختنق بحنجرتها وتكمل بصوت حزين / حتى مريولي هذا حصه جابته لي مع عادل تخيلي تقضى للي ولامل اغراضنا وحنا بالبيت

شذى تطبطب عليها / ماعليه لا تضايقين عمرك صدقيني ربك راح ياخذ حقكم منه ومن مرته
وفا كان ماكفت شرها عنكم انا مستعده اعلم جدي عليها وراح يا دبها
ملاك تبتسم بصعوبه / ياحبي لك ياشذى توفقين معي حتى ضد خالتك
شذى تبتسم بموده / انتي صديقة عمري يا ملاك وتوام روحي
ملاك تضحك / اوه فديت قلبك بس

قطع كلامهم المدرسه بشرىً/ ملاك
ملاك لفت لها بحترام / هلا استاذة بشرى
بشرى تبتسم / هلابك كيف اختبارك اليوم
ملاك ترد الابتسامه / زين الحمدلله
بشرى تناظر فيها بعجاب / الحمدلله الله يوفقك ياحبيبتي
شذى تنحنح / استاذة انا هنيه وترا مختبره معها وزين اختباري انا بعد
ملاك وبشرى يضحكون /هههههه
بشرى تهتف لها باعتذار /العذر منك يا شذى
شذى تضحك / معذورة يا استاذه ماهو بس انتي كل الناس لاشافوني معها ينسوني ويسالونها هي بس ملفته للانتباه
بشرى تضحك / ماشاءالله الله يزيدها
ملاك تبتسم بخجل / مشكورة
بشرى تهتف بتذكر /يوه نسيتوني ليش جايه
ثم لفت لملاك بامر هادي / ملاك عندك استاذان اهلك برا

ملاك بصدمه / اهلي انا ؟!
بشرى تهز راسها وهي مبعده/اي اهلك وبالله استعجلي
ملاك تطالع شذى بدهشه / بالله عليك انك مستوعبه اهلي يستاذنون للي
شذى تضحك / يابنت احمدي ربك حلمك تحقق
ملام باستغراب / اكيد امي ياعمري شافتني وانا امغص الصباح و اكيد هي جبرت مازن يجي يستاذن للي
شذى تستعجلها / روحي البسي لا يهون ويروح ويخليك
ملاك تركض لعباتها بطفوله /يسويها والله
__________________________

-/البارت الرابع والسبعون/-

رواية ريح المطر (للكاتبة شغف
ادعو لوالدي برحمة والمغفرة..

بيت الجدة صيته الكل كان مجتمع حتى ام ماهر اللي تو وصلت وسلمت عليهم و تسالو عن الحال والاخبار

الجدة صيته تسال نوف بحنيه /شفيك يامك وجهك مصفر عسا ماتشكين من شي
نوف ترد بحرج / احم لا مامن شي بس انا حامل ياجدة
الجدة صيته بفرحه عميقه / مبروك يامك مبروك مابغيتي تبشرينا
نوف بذات الخجل / والله اني جايه ببشرك من قبل لاتساليني
حسنا تبتسم بامومه / هي ماحللت الا امس
مريم بفرحه / مبروك يا نوف

الكل بارك لها بطريقته ام ابراهيم وشوق بتقصد
وام ماهر ومهره بشعور حزن والجدة صيته تشعر
بفرح عشان نوف وبحزن عشان مهره !!

نوف تطالع مهره وهي تهتف بمحبه /عقبالك يا مهره ان شاءالله
مهره تبتسم /ان شاءالله ياقلبي يانوف
ام ابراهيم تهتف باستهزا / لو بتجيب كان جابت من من سنه ونص هذا هي بتكملها مع فهد ولا جابت له عيال
ثم لفت بتقصد حاد / مادري وش مسكت الشيخ للحين

ام ماهر ماقدرت تسكت وهي ترد بغضب/ مسكته انه لاقي فيها شين ماهو عند باقي الحريم الجمال والدلع و السنع
ام ابراهيم تنحرها /يامره فكينا من هالكلام والله لو زينها يقوطر ماهو مبديها على العيال والعزوه

الجدة صيته تزفر عليها/ انتي ورا ما تسدين فمك يمال السد
ام ابراهيم تصد وجها / بسده عشانك ياعمه بس الناس وش يسد فمها
ام ماهر بجزع /يسده الله فم الناس وافواه العدوان

مهره قامت وهي ماهي قادره تحمل اكثر تحس العبرة خنقتها وهي تجه لجناحها
وام ماهر قامت ولحقت وراها



دخلت مهره جناحها و انفجرت باكيه بنحيب
ام ماهر تسكر الباب وتقترب لها وهي تهتف
بجزع /انتي خبلة تبكين من كلام فاطمه الناقصه
مهره ترفع راسها وهي تهتف بقهر / ماهو كلامها وبس الا ابكي من الصحيح يا يومه لو فهد سكت اليوم ماهو ساكت بكرا

ام ماهر تجلس عندها وتضمها / لا تفكرين كذا والله يامك لو تعرفين تعاملين معه مافكر حتى بالعيال يكتفى فيك انتي وبس
مهره بزفرة /يوم تكفين فكيني من نصايحك ماصار بينا هالنفور الا من نصايحك

ام ماهر بدهشه / نصايحي يا مهيره هذا وانا ابيك تسنعين معه
مهره بضيقه / والسنع مايجي الا باجيب راسه ويجيب راسي يومه خلاص مابي لا نصايح ولا غيرها خليني اعيش معه بطبيعتي
______________________________


صقر واقف بسيارته المرسيدس قدام المدرسه
ويطالع الباب من تحت نظارته الشمسيه
ينتظرها تطلع وهو يهتف (كانها طولت لايكون عرفت اني جاي اخذها وسحبت علي العنيده )
تنهد براحه وهو يشوفها طالعه عرف زولها وتلفت يمين ويسار صقر دق هرن يبيها تنتبه له

ملاك طلعت وهي تلفت تدور على مازن ولا انتبهت لسيارة صقر الا من صوت الهرن لفت له وصدمت
وهي تشوف صقر جالس بسيارته بهيبه ورجوله مثقله و كاشخ بنطلون جنز وتيشيرت اسود ونظارته واضح ماركه عالميه حست بغيرة فضيعه وهي تخيل صديقاتها المراهقات يطلعون ويشوفونه والله لاغير تمزقه باسنانها تمزق

تقدمت وفتحت الباب وركبت وسكرته بقوه وهي تلف له بعصبيه/ ليش جاي للمدرسة ؟!
صقر يحرك السيارة ويرد برود/ جاي اخذ مرتي ممنوع بعد ؟!
ملاك بعصبيه اعمق / بس ماهو ترتز عند باب المدرس وجاي كاشخ بعد
صقر يبتسم نص ابتسامة /غيرانه ؟!
ملاك تلف لدريشه وهي تحاول تمسك نفسها لاتكسر ديكورات سيارته على راسه
صقر لف لها وهو يمد يده و يمسك يدها /كيف اختبار الرياضيات ؟!
ملاك تلف له بصدمه / وش دراك ان عندي اختبار رياضيات
صقر يرفع كتوفه وهو مازال شاد على كفها بين
كفه/ لاني زوج مهتم ماهو مثلك زوجة مهمله

ملاك تسحب يدها من يده وترد بزفرة / ماغير شذى تبربر لك عن اخباري
صقر بنغزى/ والله يانها تستاهل هديه على بربرتها
ملاك ابتسمت غصب عليها وهي تهتف بموده/ اذا انت صادق اشتر لها تستاهل
صقر دق قلبه بعنف وكانه بيطلع من بين عضلات صدره وهو يسمع صوتها الباسم ويرد بعتاب
عاشق/ اشري لها تستاهل ماهو مثل اللي تغير لها جناح كامل ولا تستاهل
ملاك تلف له بنظرة قارصه / و مدامك تشوفها ماتستاهل ليش تغيرة لها؟!
صقر يسحب له نفس ويرد بصوت هايم / لاني احبها ولا اقدر على زعلها
ملاك حست بخجل من كلامه / اي واضح يا دكتور صقر

صقر ابتسم نص ابتسامه بصمت /…
ملاك تقطب حواجبها باستغراب من الشارع ماهو شارع بيتهم وترجع تلف له بتسال/ وين موديني ؟!
صقر يثبت يده على السكان وهو يرد بثقة/ بوديك محل مفارش ابيك تختارين لنا مفرش لسرير
ملاك ترفع حاجبها بتوجس / و ليش ماخذته انت مع اثاثك
صقر لف لها وحط عينه بعينها / قصدك اثاثنا هذا اول شي ثاني شي ابي ذوقك انتي بالفراش

ملاك تلف عنه وهي تهتف برود / بس انا ماعرف الوان الجناح عشان اختار !!
صقر يرد عليها وهو يصفط سيارته عند افخم محل مفارش ويرد عليها بتركيز/ الجناح لونه بالون الاتيه

ملاك صمتت وهي تنزل معه ويدخلون المحل
_________________________

من بعد صلاة الظهر الساعه 1 مساً
"بجناح فهد "

مهره كانت لابسه قميص نوم لفوق الركبه
بالون الاحمر الناري وحاطه روج احمر نفس درجه
ومكياج ناعم ورافعه شعرها البني كله لا فوق
ونازله خصل عنيده لتحت تحديد حنكها
المدور ..و هي تنتظر وقت رجعت فهد و مقرره على شي موجع لكرامتها بس هذا هو الحل بنسبه لها ولا كيف بتروح موعدها عند الدكتوره !!و مابينها وبين زوجها اي تواصل !!واللي حرك قراراتها المتهوره حمل نوف وكلام فاطمه

مهره كل شوي ترفع راسها وتطالع الساعه بتافف
كان ودها انه يجي عشان يصير اللي براسها
وبنفس الوقت ماودها يجي عشان ماتنزل كرامتها له

دخل فهد وقف شوي بصدمه وعيونه عليها بثبات وهو يهتف بسلام بصوت رجولي ناضج / سلام
مهره ارتعشت من نظراته وهي ترد بثبات
متصنع / عليكم السلام

فهد جلس قبالها وعيونه مازالت معلقه فيها بعجاب
وهو عاجز حتى عن الا رماش يخاف يرمش
ويفوته شي من تفاصيلها المثيرة
اللي ثارت رجولته اثره لاحدود لقوته

يوم شفتك تنتظرني لابس البس الحمر …
انفلت قلبي من ضلوعي وخلاني وطار …
اوف يالبيه وش ذا الزين جعل ابرك شهر…
انت شي كل ماشفته شعرت بالانبهار …


مهره توترت من نظراته و كل قراراتها تبعثر
من الارتباك والخجل
تم الصمت بينهم لعدت دقايق و هم على
نفس الوضعيه !!
مهره تصدد عنه وعن نظراته وهي ترتعش من الحرج
و تلعن نفسها الف مره على تصرفتها الغبية
وفهد مازال مثبت النظر عليها
و عيونه على تفاصيلها الصغيره والكبيرة !!

وخير تنهدت مهره تنهيده عميقه من الراحه
وهي تشوف فهد قام واخذ فوطته وراح لحمام
هتف لانفسها بتافف هامس عاتب/ انا وش هببت ورا
ما ثقلت شوي لازم يعني اجيب العيد عشان الحمل
_________________________

""بمحل المفارش ""

ملاك كانت تمشي مع صقر وهي كل شوي تناظر بتفاصيله و بطوله و هيبته وحظوره اللي مالي المكان
و اسلوبه بالكلام وهو يتكلم مع الموظف
و يختار بين المفارش ويطلب الثاني كان مدقق بالالوان وهي مدققه فيه !!

صقر لف لها بتسال / شرايك بهذا ؟!
ملاك انفضت راسها وهي تطالع المفرش اللي بيده وترد بخبث/ ماهو حلو
صقر صدم من ردها و هو يرجع نظره للمفرش /ماعجبك تبين نغيرة ؟!
ملاك تلف للموظف وهي تسال باستهتار/ ابي اغلا مفرش عندكن بالمحل

صقر لف لها بحده وسحبها مع عضدها وهو يتكلم من بين اسنانه /انتي كيف تجارين وتكلمين مع الرجال؟!
ملاك ترد برود / ماهو سعودي عادي وبعدين انا سالت عن مفرش ماهو شي ثاني ولا عشان قلت ابي غالي
صقر يسحبها وهو متجه لسياره ويهتف بغضب / وذا ماهو سعودي صار ماهو رجال !!!
ملاك تهتف بخفوت غايظ/ لا تسحبي كذا قدام الناس
صقر يشد على عضدها / انتي الكلام معك ضايع

فتح باب السياره و دفها داخل وهو يهتف بتهديد صارم / انثبري بالسياره ولا تحركين بروح ادفع حساب المفروش وارجع
ملاك تصرخ فيه /الحين مطلعني من المدرسه عشان تطلع عقدتك فيني

صقر شطفها وهو يسكر الباب ويدخل يحاسب
ويرجع هو والموظف وراه شايل المفرش فتح الباب اللي ورا وحطه وراح …

وصقر ركب وهو يتافف بغضب وملاك هتفت بطولة لسان / رجعني بيتنا
صقر طنشها وهو يمشي متجه لبيتهم ملاك السانها يتاكل ماتقدر تسكت وهي تلف له وتردف بتقصد / هيه انت ماتسمع ؟!
صقر لف لها بدم فاير / هيه بعينك ياقليلة الادب
يا طويلة السان

ملاك ابتسمت وهي تشوفه معصب وتهتف
بروقان /ودني بيتنا
صقر رفع حاجبه لها بحده/ انتي مجنونة تعانين من امراض عقليه ؟!
ملاك انفجرت بضحك /ههههه
ثم ردفت بالم واضح / اومه يابطني
صقر ارتعش غصبن عليه وهو يسمع صوت ضحكتها المثيرة / شفيك؟!
ملاك تمسك بطنها بالم صادق/ اي بموت بطني بطني
صقر صفط السيارة على جنب الطريق وهو يسال بخوف / ملاك شفيك شفي بطنك ؟؟
ملاك مازالت تمغص وهي تضم نفسها / اي بطني يومه اي
صقر بخوف اعمق وهو يسالها بحده /شفيك اكله شي مو زين تكلمي
ملاك تهز راسها / لالا بس بروح البيت
صقر برفض صارم / لا بوديك المستشفى
ملاك بانفعال / لالا صقر مستشفى لا
صقر يقطب حواجبه باستغراب/ انتي تعبانه لازم مستشفى تبين تصبرين على التعب ولا تصبرين على ابره ؟!

ملاك تنهد وهي تلعن الشيطان وتهتف بينها وبين نفسها (هذا كيف بشرح له الحين شوف تفكيرة وين راح اني خايفه من ابره !!اف مالي الا اقول له وخلي يحل عني هو و حنته ماني ناقصه تعب)

صقر حرك السياره و كان على وشك يغير تجاه الطريق من البيت الا المستشفى بس ملاك صرخت فيه / لا صقر مابي مستشفى مارح يسون للي شي اصلا
صقر بحزم غاضب/ كيف مايسون لك شي وانتي تعبانه
ملاك تصد بوجها بخجل / هذا تعب طبيعي
صقر سال بهتمام / ليش كذا مره يجيك نفس التعب ؟!
ملاك تهز راسها وهي ترد بنبرة خجوله/ اي لانه مغص دورة

صقر عاقد حواجبه لثواني بعد فكها وهو يطالعها بنص عين / اي قولي كذا من اول
ملاك صمتت وهي تعض شفيفها من تحت النقاب
وصقر يتجه للبيت و يسالها ببتسامة خبيثه / وين راح لسانك بلعتيه

ملاك ماقدرت ترد وهي تشعر بخجل منه ومن خباثته
صقر ضحك وهو يهز راسه بستسلام

وقف عند باب البيت وهو يفتح بابه ويهتف لها / انزلي
ملاك تنحنح /احم بروح بيتنا
صقر بغضب متفجر / لا ماتروحين بيتكم تمشين قدامي لجناحنا
ملاك تزفر فيه / ماهو كذا ارجع في طريقة ارقى من هالطريقة عشان ارجع فيها
صقر يرجع يعتدل جالس وهو يسكر باب السياره ويسالها من بين اسنانه / وش الطريقة الراقيه اللي تناسبك يا ست ملاك؟!

ملاك تحط عينه بعينه / تجي و تكلم ابوي
صقر بصدمه / وشو ؟!
ملاك مازالت تناظر بعيونه / تعال كلم ابوي اول وبعده ارجع لك من غير نقاش
صقر يزفر فيها بحزم / اشوفك قمتي تلفين ودورين معي مره ماتبين اجي و كلم اهلك عشان ما يجبرونك ومره غير للي جناحي و مره كلم ابوي واخرتها معك
يا ملاك بفهم؟!

ملاك بحلف صادق / والله اذا كلمت ابوي لارجع
وبعده تكلمت بحده / ولا تنسى سواتك معي بجورجيا يلا رد كرامتي
صقر ياخذ نفس يحاول يهدي من النار الحاميه الي تحرق جوفه / طيب طيب الحين اكلم ابوك و اليله وانتي عندي
ملاك تهز راسها برضا/ زين
صقر بتاكيد / اكيد يا ملاك ماتجيبين للي شروط جديده بعد !!
ملاك تبتسم وهي تهز راسها بنفي / لا خلاص للي شهر اعصر مخي بطلع شروط عيت تطلع
صقر ضحك ضحكه رجوليه / اه يازين مخك بس لو ادخله وعرف وش يدور فيه

ملاك تبتسم بخبث / اخاف تجيك سكته قلبيه
لا عرفت اللي فيه
صقر يقترب لها ويهمس عند اذونها بولع / السكته والله جايتني من زمان ولاعبه فيني لعب
ملاك تنحنح بحرج من همساته وهي تفتح
الباب / احم بنزل

صقر مسك كتفها وهو يتكلم بصوت رجولي
عميق / ملاك ابي ارجع اليله من الداوم القاك بالجناح
ملاك تلف له بتسال / ليش الساعه كم تطلع من دوامك ؟!
صقر يتجاوب معها / الساعه 11 باليل اكون بالبيت
ملاك تشعر بغيرة من دوامه تحرقها وهي تهتف بمراوغه/اذا جا ابوي وقال صقر كلمني رجعت
صقر يرد بثقة / بيجيك بعد شوي وبيقوله لك
ملاك تهز راسها باقتناع/ طيب
صقر بمحاوله هاديه /طيب الحين روحي معي الجناح اعطيك ابرة مسكنه
ملاك ترد وهي منزله عيونها بخجل /مايحتاج ابرة اشرب شي ساخن ويخف المغص
صقر يفتح درج السياره و يطلع مفتاح و يمد لها /هذا مفتاح الجناح خلي معك
ملاك تاخذه وتنزل بصمت /……
____________________________


""بجناح فهد ""

طلع من الحمام وهو لابس شورت قطن
بالون الاسود وتيشيرت بالون الابيض
وبيده فوطه صغيرة و ينشف شعره المبلول فيها

رمى الفوطه على الاريكه المقابله لها واتجه لسرير
ويحاول ماينظر لها بهاذي الصورة الموجعه
وهو عاجز عن الصبر والشوق ذوب كل خلاياه

مهره صدمت صدمه موجعه ؟؟؟
وهي تشوفه كيف طنشها وراح متجه لسرير
حست كرامتها كلها انهارت على الارض
سكرت عيونها وعضت على شفايفها بقوه
وهي تحاول ماتبكي ويشوف دموعها!!
ولا تشهق ويسمع شهقاتها !!

بس فهد عاجز عن النوم وهي مرسومه ب مخيلاته
تقلب يمين يسار يحاول ينفضها من راسها
ولاكن مامن فايدة !!
اخر شي نفخ بغضب وهو يسحب الفراش و ينفضه فوق صدره بعنف / افف

مهره لفت له برعب وهي تسمع نفخته العاليه
قررت تقوم و تغير لبسها ماله داعي تجلس بعد ماسفها و تبي تلم ماتبقى من ماء وجها هذا اذا تبقى منه شي !!

وهي واقفه سمعت صوته الحاد ينادي لها / مهره تعالي
مهره لفت له بتسال بارد/ وليش اجي ؟!
فهد اعتدل جالس وهو يركي ظهره لظهر السرير ويرد عليها بامر صارم / تعالي وتعرفين
مهره تقدمت وهي تجلس على طرف السرير / نعم؟!

فهد مد يده و سحبها بعنف لحضنه وهو يهتف بنبرة خاصه فيه هو وبس / وش ناوية عليه انتي تبين تحرقين رجولتي بذا الاحمر اللي انتي لابسته عشان ترتاحين ؟!
مهره ردت بغيظ/ مثل ماحرقت للي كرامتي و ارتحت !!
فهد تمدد على جنب وهي بين احضانه و يهتف لها بتسال هامس/ طيب ليش تسوين كذا ؟!
مهره بندم / متهوره لا اكثر
فهد بعالم ثاني / مهره انا ورجولتي دايم نتحدى وبكل شي هي اللي تغلبني الا بهذي ترا ماهي قادره تغلبني ولا قادر اغلبها

مهره ترفع حاجبه بفخر / الا قول انا اللي قدرت عليك وعليها صح ؟!
فهد ابتسم لها لاول مره وهو يهتف / قدرتي
يا مهره قدرتي

مهره تكاد تحلف ويدها على المصحف ان عمرها
كله كله من صغرها لاكبرها ماشافت ابتسامة
اروع واجمل من ابتسامته
اللي نفضت جسدها الأنوثي بقشعريره مذيبة

وهي تحط اطراف اصابعها على شفايفه بانسجام
وتهتف بعجاب عميق/ ابتسامتك تذبح ليش مخفيها
فهد مازال يبتسم وهو يحس بجسدها كيف ارتعش بين يديه وملامحها كيف تغيرت بوله/ خايف عليك منها
مهره تبوس شفايفه بنعومه وهي هايمه معه / بهاذي انت اللي غلبتني
فهد مدهوش من جرئتها العذبه وهو يشد احتضانها ويهمس لها / انتي الموت والله
_______________________________

نهيل تدور بالبيت بخوف وهي تهتف لامل
بغضب/ كيف تجين و اختك ماهي معك ولا تدرين وينها ؟!
امل من بين شهقاتها/ يومه المدرسه تقول جو اهلك وطلعوها وش دراني انا وينها

نهيل تحط يديها على راسها / يويلي بنتي وينها لا يكون مخطوفه
مازن دخل وهو مرتعب /شفيكم شفيكم
نهيل تشد جيبه / اختك يا مازن اختك ملاك انخطفت
مازن انتفض برعب حقيقي / كيف انخطفت هي ورع عشان تنخطف

نهيل بجزع / اي ورع وخطفوها عند باب المدرسه وسال امل مازن شهق بخوف / يا ويلنا ويلاه والله لغير يذبحنا صقر كلنا كان صار صحيح عاد هو مجنون ويسويها
نهيل تصرخ بوجه/ ان علي من صقر بالعنة تلعنه انا علي بنتي بنتي
امل تطالع الباب وهي تهتف بدهشه / ملاك جت !!!

الكل لف لباب بصدمه ورعب وهم يشوفون ملاك تنزل نقابها وشيلتها بيد وحده وتافف بتعب / اف حر موت انكتمت
نهيل من غير شعور تقدمت و ضمتها / ملاك انتي بخير بخير
ملاك بدهشه وهي تشوف نفسها بين يدين امها اللي ترجف وتبكي / يومه بسم الله عليك شفيك ؟!
مازن اقترب وسحبها من حضن امها وهزها بعنف وصراخ /وينك وين كنتي تكلمي لاقسم بالله لادق على صقر وخليه يجي و يصلخك مثل صلخ الذبيحه

ملاك دفته بقهر وهي ترتعش من افكاره
الوقحه / اذلف دق عليه ياحقير وساله انا وين كنت وخله يعلمك
نهيل لفت لها بتسال/ كنتي مع صقر؟!
ملاك تطالع بمازن باحتقار / اي جاء و استاذن للي
طلع فيه شوية حساس ماهو مثل اخوي اللي ماعنده ذرة حساس وانا متاكده انه نشف حلق امي وهي ترجاك تستاذن للي لاني داومت وانا تعبانه

مازن لف عنها بحرج وهي قالت الصدق من الصباح وامه ترجاه يروح يستاذن لها وهو رافض يقول ماهي ميته

و نهيل باستغراب / وصقر وش دراه انك تعبانه ؟!
ملاك تجلس قريب لامل اللي كانت تطالع بختها بخوف
وهي ترد على امها بارهاق/ مايدري جاء صدفه يبي يكلمني وشافني تعبانه ورجعني للبيت
نهيل تقترب لها / اهم شي انك بخير يامك والله ياقلبي وقف عليك
امل تضحك/ تخيلي تصيح من اليوم بنتي انخطفت انخطفت

مازن يطالع امل بنص عين/ ماكنها انتي اللي قلتي لها مخطوفة و خرشتيها
ملاك تلف لامل بصدمه / صدق قلتي لها اني انخطفت ؟
امل بدفاع / لا والله قلت المدرسه قالت للي ان اهلك استاذنو لها بس الله يهديها قامت تصايح
مازن يضحك وهو متجه لباب /امك تعرفينها لازم تسوي فلم ولا ما ترتاح

نهيل من طلع مازن وهي تجلس قريب لملاك وتسال بتوجس/ وين رحتي مع صقر ماهي معقوله من الساعه 11 للحين وانتم بسياره

ملاك تهز راسها باسا/ يومه والله تفكيرك مادري وين يروح مايثبت بمكان واحد
نهيل تزفر عليها/ اقول خلي عني الف والدوران وجاوبي على سوالي ؟!
ملاك تنهد بتعب / رحنا خذينا مفرش سرير لجناحه ورجعنا
نهيل تقطب حواجبها /جناحه ليش ماهو جناحك بعد لايكون مانتي راجعه له ياملاك وساده افواه الناس اللي لها شهر تبح وراك
ملاك تقوم وهي ترد بدفاع / قلتيها تنبح وانا وش علي من نبح الكلام

اتجهت للغرفه وهي توقف وتلف لها وتهتف
بثقة/ وتطمني اليله برجع له وفكك مني ومن كلام الناس
___________________________________

دعمكم يهمني ويسعدني والرواية راح اكملها لنهايه واختمها معكم باذن الله تعالى …تحياتي (شغف)

أسأل الله العلي القدير فاطر السماوات والأرض أن يرحم والدك وأن يسكنه فسيح جنّاته
سلممممممممممت يددددددك