عساكِ ع القوووة

بانتظاااااار الفاخر😉🤍

يسعد مساكم بكل خير … تفضلو هذا بارت طويل عميق بالاحداث ….والبارت الثاني قريب انزله بس يبي له مراجعه …شكراً لكل وحده ساعدتني بنشر الروايه …واتمنى من اي وحده عندها قدره على النشر تنشرها .،،
~
~
~



-/البارت مئه وثمانيه /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


بالتحقيق….

ماهر كان واضح عليه التوتر وكل سوال يساله المحقق يطالع بفهد ماعنده ايجابه يتمه وصغر سنه خلاه يرتعب من منظر العسكر حوله وينسى كل ما اوصاه وحرص عليه فهد ؟….

وبالاخير المحقق شك بالوضع وطلب من فهد الخروج يبي يحقق مع ماهر خلاوي فهد طلع وقف برا وعرق جبينه يصب بالغضب من ماهر وتوتره خايف يجيب العيد ويفضح نفسه ولا يجيب طاري مهره عاد هنيه بيذبحه شوي ونادا له المحقق ؟….

حظر فهد و جلس وعيونه على ماهر اللي منزل راسه بانكسار سال بتوجس حازم / خير ان شاءالله ؟؟
المحقق بذات الحزم / ماهر اعترف بكل شي وقال ان هو المتسبب بصابة يوسف دفاع عن اخته ؟؟
فهد قفز واقف بغضب ناري/ الكلام ماهو صحيح وماهر بزر ما تنوخذ اقواله
المحقق يهديه/ اهدا يا فهد وترا حنا معه كلنا وراح يطلع بساطه مدام فيها دفاع عن عرضه

فهد ينتفض من القهر تحمل كل المسأوليه عشان مايجي طاري اخته ابد بالتحقيق وبالاخير صار عكس مايبي تنهد وهو يجلس بحده / يا فلاح انا قلت لك مسؤل عن كل شي ماهر ماله دخل افهم؟؟
المحقق فلاح تنهد بقلة حيلة/ هاذي القضيه بذمتي وصعب البسك التهمه وانت بري منها وهو ان شاءالله راح يطلع بسرع وقت

فهد زفر بشدة/ هو مدامه اعترف بكيفه يتحمل اعترافه لاكن موضوع اخته تشيله من الاقوال يوسف كان جاي يسرق فقط اتمنى يا فلاح يتنفذ طلبي؟؟
فلاح هز راسه بموده وحترام / حاظر من ناحيت هاذي راح نغير بالاقوال ونقول جاي سرقه ولا يهمك ،،
فهد بتسال وعيونه على ماهر اللي مازال منزل راسه ويسمع بصمت / طيب اقدر اطلعه كفاله؟؟
المحقق هز راسه بنفي/ لا صعبه لين نشوف القضيه ويمكن يوسف يتنازل افضل
فهد تنهد بطولة بال / طيب بتكلم معه خلاوي ؟؟
المحقق يوقف / خذو راحتكم

من طلع المحقق فهد هتف لماهر بعتاب
غاضب / ليش تعترف انا ماني محرص عليك؟؟
ماهر لارد /….
فهد بذات الغضب/ ولا جايب طاري اختك بعد ولا تكون شرحت له السالفه ؟؟
ماهر لارد /….
فهد وقف بنفاذ صبر وسحبه واقف وهزه بقسوه /اذا كلمتك ترفع راسك يا حمار
ماهر انفجر باكي بشده وهو يرتمي بحضن فهد
برعب/ بيسجنوني مع الحراميه و المجرمين

فهد تصلبت عضامه وحن قلبه ضمه باخوه
صادقه /افا يا ماهر تبكي وانا موجود ؟؟
ماهر مازال يبكي / فهد تكفى طالبك فكني من السجن طالبك انا بوجهك
فهد انتفض بالحميه / ابشر بسعدك والله مايسكر للي جفن ولا تنام للي عين وانت بسجن لو تحولت القضيه لحرب
ماهر رفع راسه يطالع فيه/ اكيد يا بو عقاب؟؟
فهد رد بثقه / اكيدين اطمئن بس

________________________________

ام صالح وبناتها وحريم عيالها بالحوش مجتمعات
والجلسه ماتخلى من النغزات والاكثر من مشاعل وفا بملاك وسواتها بزفاف صقر وهي ترد على قد النغزه ولا همها احد ؟…

مشاعل بالعانة / والله سالم يقول ان ابو سعود للحين تعبان ومرقد بالمستشفى
ام صالح بتسال / هو زاروه العيال؟؟
مشاعل ترد بذات العانة / اي سالم زاره بس مدري من راح معه؟
عزيزة ردت بهدو / فالح بعد زاره وصقر معهم على ماضن ؟؟
ام صالح تنهدت بضيقه / اي خابرته بيروح يزوره عاد مدري هو راح ولا لا؟
وفاء بحقد واضح / لازم يصلح الامور صقر ويرجعها لذمته لايصير بابوها شي حرام ؟؟

ام صالح صمتت وعيونها على ملاك اللي ردت
بخبث / ناخذها لمازن اذا انتي خايفه على ابوها ؟؟
وفا طارت عيونها بحقد اشد / تخسين وتعقبين ماهو وفا اللي يتزوج عليها زوجها ماني دابلتن كبده مثلك ؟؟
ملاك رفعت حاجبها بخبث / ماتدرين يمكن يكون مندبله كبده من زمان بس الماده مانصفته؟
وفا زفرت عليها بحده / كلي تراب منى عينك مازن يتزوج علي بس تموتين ولا تحقق مناك

ملاك ترد بذات الزفرة / تراب بفمك ثمني كلامك احسن لك
ام مهند بتدخل / انتي شفيك يا ملاك تبين المشاكل ماكفاك اللي صار ؟؟
ملاك وجهت نظرها لام مهند / مها شين ماتعرفينه لا تدخلين فيه تراي مابي ارد عليك احترام لكبر سنك

ام مهند زفرت عليها / لا اعرف عن كل شي صقر له قريب السنه وهو يطلب رضاك وانتي صادته ويوم فكر يشوف نصيبه وقفتي بوجهه؟؟
شذى تطالع ملاك بحرج وهي صامته /….
ملاك مساكه لسانها احترام لشذى فقط لاغير وبنفس الوقت ماتقدر تسكت ولا ترد /ويوم ملك علي وانا صغيرة وراح تزوج اميرة ليش ما قلتو الحق اللي تو عرفتوه عشان سلوى؟؟

مها ردت بشده / الحق نعرفه من زمان وقلنا له من قبل لا تزوج و تظلمها بس هو عند و اساليه بعد ؟؟
هدى تنهى النقاش/ خلاص انتهينا من هالسالفه ملاك وصقر يتفاهمون بينهم حنا مالنا دخل
وفاء زفرت عليها/ يا سلام كيف مالنا دخل وابوي بغى يطق ويموت من القهر وخواني تهاوشو وهو طلق عروسته كل هذا من مشاكلها اللي ماتخلص

ملاك انفجرت بالعصبيه /انتي يا وفا اخر من يتكلم عن المشاكل لانك اكثر وحده تسبب مشاكل وظالمه بعد
وفاء بحقد عميق / اقول اسمعي يا ملاك ترا انا وامي وخواتي ماحنا بالعينك ودنا بفرقاك صقر يستاهل احسن منك ومن اخلاقك الزفت

ملاك بذات العصبيه / الزفت وجهك يا وفا ولا طلبت منك تبلعيني لا انتي ولا غيرك لاني واقفه بالبلعوم
ام مهند غضبت منها / احترمي نفسك وثمني كلامك
ملاك وقفت وشالت بنتها / انا الغلطانه اللي جالسه معكم اصلاً
وفا بغبنه / فارقي بس فارقي
ملاك تجه الباب / ناس مريضه مايعيشون من غير مشاكل

ماكملت كلمتها الا صقر بوجها عند الباب كان بيدخل قطب بتسال / منو اللي مايعيشون من غير مشاكل ؟؟
ملاك زفرت بوجه / انت واهلك
صقر طارت عيونه بغضب/ انا واهلي تاج على راسك
يا تبن
ملاك انفاسها تعلى من العصبيه / انا مادري انتم على وشو شايفين انفسكم ونافخين ريشكم؟؟
صقر مد يدها وشد ذراعها وهزها بقوه وهو يصرخ فيها بغضب متفجر / اقطعي الهرج لا تخليني اكفر فيك يا ملاك
ملاك شدت احضان بنتها مسك اللي انفجرت بصياح مع الهز وعيون ملاك فاتحه على صقر بصمت /…


ام صالح هتفت باستغراب / كنه صوت صقر ؟؟
وفا وقفت تتجه الباب/ لازم نعلمه يقص لسان مرته
حريم عيالها كلهن تغطن ومشاعل تهتف بتقصد/ الله يعينه عليها وعلى مشاكلها؟؟
هدى وقفت تتجه الباب / مافي حياة زوجيه تخلا من المشاكل

وفا طلعت و تكلمت مع صقر بحيلة / يا صقر ترانا متحملينها بمافيه الكفايه تطول لسانها علينا وعلى ام مهند ولا تحترم احد
ملاك لفت لوفا بانفجار / انتي اطلعي منها يا وفا لاتخليني احطك براسي ترا ماراح تسلمين من شري
وفا تشهده بخبث / شفت وتهددني بعد وقدامك ؟؟
ملاك بانفجار اعمق وخباثة وفا تطلعها من
طورها / اي اهدد واللي مايسد فمه عني ترا بسده له بطريقتي
صقر زفر عليها بغضب / لا مدي يدك احسن خليني اشوف ؟؟

ام مهند بتدخل / ملاك احترمي البيت واللي فيه ترانا محترمينك عشان اخونا فقط
ملاك بنفاذ صبر / هذا وانتم محترميني عشان اخوكم اجل لو مانتم محترمينه بتطردوني مع الباب ؟؟

صقر تقدم لها بانفعال وكان ناوي على راسها / انتي الظاهر ماتسدين فمك لين اعطيك طراق يسده لك
ام صالح جت بتدخل حالف / والله ما تلمسها
صقر لف لامه بحده / ليش تحلفين عشانها ماتستاهل التقدير ؟
ملاك ردت باختناق فيه نبرة عتب / خليه ياعمه يمد يده يبرد قلبه وقلب خواته
هدى بتدخل حاني / ملاك حنا عاذرينك وعارفين بالظروف اللي تمرين فيها ؟؟
ملاك ردت عليها بوجع / انتي يا هدى الوحيده اللي عاذره اما الباقي مامرو باللي مريت فيه كلن همه الظاهر ؟؟

صقر يناظر فيها وهي تجاوزه متجهه جناحها لف لخواته بصرامه / انا ماقلت سكرو على الموضوع ؟؟
ام مهند بحرج / انفتح غصبن علينا وهي الله يهديها ماحد يسلم من لسانها
هدى هتفت بعتاب/ مالومها البنت جايه تجلس معنا وانتن كل شوي وحده داقتها بكلمه
وفا نحرتها / هي اللي ماتحترم احد بس ترادد
صقر اعطى وفا نظره حارقه / انتي بذات ابعدي عن السالفه ولا تدخلين فيها فاهمه ؟؟
وفا تهز راسها برعب/ فاهمه
ام صالح تنهى النقاش/ خلاص سكرو الموضوع ولا عاد ينفتح نهائي وانت علم مرتك تحترم نفسها و تحترمنا
صقر ابتعد متجه جناحه بصمت /….

وفا خفتت بغيظ/ ليش يومه ماخليته يعطيها طراق يكسر ضروسها
ام صالح نحرتها بحده / تبينه يضربها وتنحاش بيت اهلها وهو يروح يركض وراها بعد ؟؟
هدى بجديه / اي والله خلاص ماصدقنا يلتم شملهم خلوهم بحالهم صقر ماهو قليل شر عشان ندافع عنه اخذ حقه منها وزود
ام مهند تطالعها بنص عين / يلتم شملهم بعد ماكسرو بخاطر سلوى الضعيفه وبعدين صقر ماهو قليل شر صح بس مع ملاك يضيع علومه
_______________________________

بعد صلاة الظهر …..

دخل فهد البيت بارهاق جسدي وهو على وشك انتهى طاقته من البارح بمركز الشرطه والحين رجع وهو شايل هم يبي يحاول يفهمهم ان ماهر بخير و يطلع باليل يدري امه ماتعودت على فرقاه و خايف من ردت فعالها وفعل بنتها ضو عينه….

من لمحت مهره دخوله نقزت وسالته برعب حقيقي ونست حتى وجود امها وجدتها / وين ماهر ليش مارجع معك ؟؟
فهد عطاها نظرت عتاب حاده / اركدي اركدي
مهره امتلت عيونها بالدموع و روحها انشلعت على روح اخوها / ليش يا فهد ليش انت وعدتني يرجع وعدتني ؟!!

ام ماهر وقفت وجها شحب / ماهر ولدي شفيه وش انتم مخبين عني؟
فهد سحب له نفس يحاول يهديهم / ماهر بخير انتم اهدو عشان اشرح لكم الموضوع
ام ماهر ماتحملت انفجرت بالبكى / يويلي ولدي وينه وش فيه ؟؟
الجدة صيته تطالع فهد بتسال حازم / هو وينه الولد
يا فهد وش صاير ؟
فهد تنهد بطولة بال / قلت لكم والله مافيه شي واليله وهو عندكم ان شاءالله لاكن الحين هو بتوقيف عشان يحققون معه باصابة يوسف
الجدة صيته باستغراب/ وش دراهم انه ماهر ؟

فهد شرح لهم الموضوع بختصار سريع …
ام ماهر بكت بشده وهي تجلس / يويلي ولدي انسجن ولدي ضاع من يدي
مهره تحضن امها وتبكي على صدرها …
فهد يطالع فيهن بصمت موجع حزن مهره على اخوها يحزنه كثير /..
الجدة صيته جلست عندهن بحنيه / استهدي بالله
يا ام ماهر انتي المره الفاهمة القويه
ام ماهر زاد بكاها / قويه بكل شي الا بضنى بطني ماهر ومهره ماعندي قوه ماعندي قوه

فهد اثر فيه كلامها وهو يواعدها بثقه / يا ام ماهر اذا انتي تثقين بكلمتي تطمني والله ماتنام للي عين وهو بالتوقيف اذا ماطلع اليلة يطلع بكرا
الجدة صيته ابتسمت بفخر/ خلاص لاحلف ابو عقاب ارتاحي والله لغير يجيبه لك من ورا شواربهم
ام ماهر تمسح دموعها بكف يدها / تكفى يابو عقاب ترا مالي غير الله ثم هالولد تكفى ترجعه لحضني
فهد اشدت اعصاب راسه بشهامه / عليك الله وامان الله ليرجع لك مدام راسي حي
ام ماهر بامتنان / الله يثلج قلبك بالفرج
فهد يتجه الباب وهتف بندا /مهره الحقيني

مهره قامت بضعف ولحقته من دخلت الجناح اقتربت لفهد و ارتمت بحضنه وعيونها غايبه بدموع
فهد ضمها بقوه حانيه وكل مافيه ينبض برحمه لصوت شهاقاتها وهمس لها بتهدئه / لا تبكين اخوك بيرجع والله بيرجع
مهره شدت ثوبه جاذبته لها / كل اللي صار له عشان يحميني يا فهد يحميني
فهد بدا يغلي دماغه بغضب وهو يصر على
اسنانه/ مهره لاسمع هالكلمه مره ثانيه لا تذكريني
و تخليني اذبحك وروح اذبح يوسف وراك

مهره صمتت ودموعها تزيد/…
فهد ابعدها عنه خايف يقتلها فعلاً من طاري هذيك اليلة المستفزة لرجولته / انا باخذ شاور ورجع لتحقيق وانتي روحي عند امك هديها
مهره ابعدت منه بذات صمتها وطلعت /….

فهد رمى شماغه بالارض وهو يزفر بتافف اخذ له شاور سريع يحاول ينشط من خموله وبعده لبس وطلع لمركز الشرطه يكمل معهم باقي القضيه
______________________________

بعد الغدا ….

ام ماهر لبست عباتها وطلعت من جناحها وهي تهتف لمهره بخفوت/ بروح مشوار جدتك لا تدري اني طالعه
مهره وقفت باستغراب/ وين بتروحين؟؟
ام ماهر بذات الخفوت /بروح لام طلال اخذها ونروح لام يوسف نكلمها تكلم ولدها يتنازل عن اخوك

مهره انتفضت برعب / يومه لا لا تروحين والله لو يدري فهد ماراح يسكت وعمتي ام يوسف ماراح تنفعك بشي
ام ماهر بزفرة / غصبن عليها ليش نست يوم دخل ولدها السجن وماحد طلعه الا الله ثم انتي حتى بغيتي تموتين من ضرب فهد عشان فزعتك لها ؟؟

مهره برجا / تكفين يومه لا تروحين فهد وعدك يطلع وهذ هو واقف بالقضيه لو درا انك رايحه والله ليولع فينا حريقه
ام ماهر تتجه الباب باصرار / خليه يولعها ماعاد احد يهمني الا ولدي

الجدة صيته طلعت من جناحها و اقتربت لمهره بتسال / علامك يامك واقفه كذا ؟؟
مهره من طلعت امها وهي متصلبه مكانها برعب ولا انتبهت على نفسها الا من صوت جدتها وهي تلف وترد عليها بتوتر/ امي ياجدة راحت بيت عمتي ام يوسف تبي تطلبها يتنازلون عن ماهر
الجدة صيته انتفضت بشده/ انجنت امك ليش مامسكتيها ؟؟
مهره بقلة حيلة / عجزت عنها عجزت
الجدة صيته حطيت يدها على راسها/ يويلي لو درا فهد ماهي بخير لا هي ولا ولدها والله لغير يخلي يخيس بالسجن من عملتها
_____________________________

دخل صقر الجناح وعيونه راحت على ملاك بيدرس ملامحها وهو متوقع ردت فعلها اصلاً ؟..
كانت جالسه على السرير بجوار بنتها النايمه ومن دخل لفت له وقفت بوجهه بغضب شديد / شوف يا صقر اذا بقلبك انت واهلك حقد علي عشان سالفة الزفة ترا ماني مجبوره اتحمل حقدكم ؟؟

صقر اقترب لها وهو يصر على اسنانه كاتم
غصبه / وش بتسوين يا شيخه ملاك؟؟
ملاك رفعت حاجبها بكبرياء / انت جربت قربي وجربت بعدي وختار بينهن ؟؟
صقر طالعها من فوق لا تحت باحتقار/ اشوفك الثقه عندك زايده ؟؟
ملاك بذات الكبرياء /يحق للي عندك اعتراض؟
صقر تنهد بارهاق / لا طبعاً ماعندي اعتراض يحق لك

ملاك تناظر فيه بغيظ وتهتف بتهديد/ لا تفكر اني مشيت طراقك اول يوم ومشيته ثاني يوم وقدام الجميع بعد بمشيها اليوم قسم بالله لو مديت يدك قبل شوي لاطلع من البيت و مارجع له حتى لو اعرست على ثلاثه ماهو بس وحده

صقر اقترب لها حتى تلامس جسده مع جسدها وعيونه تنظر فيها بغضب و رد عليها بصرامه
بالغه/ تهديدك مايحرك فيني شي يا بزر وفيك خير ارفعي صوتك على خواتي الكبار و الله لاعطيك بدال الطراق طراقين
ملاك فار دمها / اتحداك تسويها !!

صقر انتفضت رجولته بالانفعال رفع يده وصفعها طراق من يمين ورجع طراق من يسار وهو يصرخ فيها بجنون / هذا انا نفذت وفيك خير عتبي عتبت الباب بس ؟؟
ملاك امتلت عيونها بدموع عجزت تخبيها وهي تضربه مع صدره بقوه و تصرخ بانهيار / والله ماعاد تشوف رقعت وجهي والله
صقر واقف بثبات وصمت /……

ملاك ابتعدت عنه ولبست عباتها واتجهت لمسك انحنت بتشيلها بس وقفها صقر بشدة كفه على عضدها هاتف من بين اسنانه / تبين تذلفين اذلفي لحالك بنتي ما تروح معك
ملاك صرخت فيه بحده / غصبن عليك اخذها وبعد عن وجهي ابعدد
صقر شدها باقوا / علي بالحرام يا ملاك ان طلعتي ماعاد تشوفين بنتك وانا حي

ملاك انفجرت بالبكا / تحسب انك بتلوي ذارعي بمسك والله العلي العظيم ماذل نفسي لك حتى لو تخليت عنها اخلعك واخذ اللي يستاهلني وانت كبر بنتك وربها بروحك

صقر جمد بصدمه توقع انها تضعف على شان بنتها بس صدمته صدمته وهي تخلا عنها وتهدده بزواج بكل ثقه /….
ملاك تبتعد عنه وعن مسك متجه الباب وهي تهدده باصرار من بين دموعها / والله لا خلعك من اول جلسه للي بالمحكمه وزوج بداله زوج والبنت بدالها بنت ؟؟

صقر لحقها وهو يشدها بقوه ويصرخ فيها
بتوتر /ثمني كلامك وثمني اللي واقف قدامك عيب هالكلام عيب،،
ملاك لفت له وهي تمسح انفها المحمر بكف
يدها / عيب علي بس ماهو عيب عليك تمشي وتهدد بالحريم لايكون حلال عليك وحرام على غيرك؟

صقر بلع ريقه وعيونها على وجها المحمر/ ملاك تعوذي من الشيطان ورجعي لبنتك هي بحاجتك؟
ملاك تشيح بوجها بزفرة / خلها عندك مابي شي من ريحتك مابيها
صقر مال عليها وباس راسها / ابشري برضا بس لا تتركين مسوكه مالها غيرك

ملاك زادت دموعها وقلبها يتفطر على فلذت كبدها لاكنها تكابر / لا تحسب بكلامك تبي تضعفني فيها والله ما اضعف لو شلعت روحي مني ماهو بس بنتي
صقر برجا عميق من اعماق قلبه / طالبك لا تحمليني ذنبها و ذنب قلبي اتركي العناد والمكابر و جلسي ووعدك ما قرب لك ولا اتكلم معك بعد

ملاك تجاوزته متجها لبنتها / هذا انت وعدت من طيبة نفس ماحد جبرك وان قربت للي تراي بتركك وترك بنتك من طيبة نفسي انا
صقر تنهد بارتياح انه قدر يقنعها بهالسهوله /….
__________________________________
ما قبل صلاة العصر …..

رجع فهد البيت وهو يدخل باستعجال / وين ام ماهر ابي اثبات ماهر ضروري ؟؟
مهره بلعت ريقها بتوتر/ بروح جناح امي ادور عليه
الجدة صيته تساله بهتمام / بشر يامك وش صار مع قضيته ؟؟
فهد يطمنها بثقه / هذا انا اشتغل عليها وحطيت له محامي اموره زينه باذن الله

الجدة صيته باستغراب/محامي ليش هو يوسف عياء لا يتنازل ؟؟
فهد شاد على اسنانه / الضابط يقول انه عيا الكلب
وماني منتظر منه تنازل بطلع ماهر بالقانون

جت مهره وهي مرتبكه / والله مادري وين حاطتهم امي الاوراق والاثباتات
فهد قطب / وليش ماتنشدينها؟؟
مهره ارتبكت باشد / ماهي هنيه
فهد رفع حاجبه باستغراب/ ليش وينها؟؟
الجدة صيته تنهى النقاش /تجي الحين وتطلع الاوراق ماهي بطايره
فهد نقل انظاره مابين مهره وجدته وهو يسال
بتشكيك / ام ماهر وينها؟؟

مهره تنهدت بارتياح وهي تشوف امها داخله مع الباب اللي ورا فهد وتاشر عليها/ هذا هي جت
فهد لف لها وهو يسال بحزم / وين كنتي ؟؟
ام ماهر بكت بحرقه / رحت انا وام طلال نكلم ام يوسف تكلم ولدها يتنازل بس طلعت جاحده للعشره طردتنا

فهد شوش من الصدمه وعيونه تقلبت بالغضب وهو يسال لمره ثانيه يبي يتاكد من سمعه / وين كنتي؟؟
ام ماهر مازالت تبكي / رحت عشان ولدي مادريت انها بتطردني
فهد جنت جنونه وهو يصرخ بشده انفض الجميع بصوته عالي / كيف تصرفين من راسك من سمح لك تروحين لها وتدخلين بالقضيه ؟؟؟
ام ماهر رجعت خطوه برعب/….

الجدة صيته تقدمت له / يامك من حر مافيها على وليدها تبي تنفعه
فهد انقهر فعلاً من تصرفها وهو يرد بصرامه
بالغه / هي ضرته ما نفعته مدامها ماهي واثقه بكلامي ليش ماقالت عشان ارفع يدي منها ومن ولدها وتذلف هي تراكض فيه بشرطه بدال ما تراكض لبيت يوسف ؟؟؟

الجدة صيته زفرت عليه بشده /فهد احترم سنها وضعها عيب هالكلام
فهد مايشوف من القهر وهو يرفع يده ويهدد بذات الصرامه /اسمعيني عدل يا ام ماهر خطاك انتي وولدك تحملوه مالي دخل فيكم روحي ليوسف بالمستشفى
و اركعي عند رجوله عشان يتنازل

مهره تقدمت بغبنه من كلامه / ماهي راكعه لاعند يوسف ولا عندك تركع للي خلقها ويدبر امرها وامر ولدها
فهد لف له بانفعال وشد على شعرها / انتي بذات لا تدخلين لا ارتكب فيك جريمه اروح وراها سجن مؤبد
الجدة صيته تبعد يده منها / انت انهبلت بدال ماتوقف معهن بهالظروف تزيد عليهن ؟؟
فهد عند ويبس راسه / كنت بوقف معهن بس الحين بجهنم ولو يقصون ماهر ماهمني

طلع فهد وام ماهر انهارت بالبكا /يويلي على قرادة حظي
مهره ضمتها وبكت معها / يومه لا تخافين والله ليطلع والله
الجدة صيته هزت راسها باسا مخلوط بعتب / ليتك شاورتي قبل تروحين الله يصلح الحال بس
ام ماهر زاد نحيبها / الحين هو بيتخلى عنه صحيح ولا بس كلام
الجدة صيته بحرقه / بلاك ماعرفتي فهد عدل يتخل عن حتى عن والديه لا عند ماهو بس عن ولدك

ام ماهر جلست وهي تذم بحظها / ياحظي الردي كيف بصبر عن ماهر كيف بتحمل نومته بسجن بيروح قصاص ولدي
مهره جلست عندها وهي تشد احتضانها/ يومه والله ليطلع بس انتي هدي هدي
ام ماهر بياس / ماهو طالع وفهد زعل و عند ويوسف وامه حاقدين علينا


فهد وقف برا عند سيارته ضرب التاير برجله عدت مرات بقوه يبي يطفي نار غضبه ( يبون يذبحوني هالعائله الولد احرص عليه ويروح يعترف والام اوصيها وطمنها وتنفذ من كيفها والبنت التبن كل شي من تحت راسها ) سحب له نفس وزفرة بقوه وهو يركب سيارته حالف يعطيهم درس ماينسونه
___________________________

الساعه 11 ليلاً ….

صقر من بعد العاصفه اللي صارت بينهم الظهر
طلع يبيها تهدا وهو يهدا …وتوه يرجع لجناحه و كل همه انها مازالت مشتعله ومايقدر يتفاهم معها دخل وقف باستغراب جميع انوار الجناح مطفئه بالكامل الا من اضائه بسيطه بصاله شغل الانوار وقف مدهوش من اللي يشوفه ؟!!!!

ملاك من بعد ماطلع جلست وفكرت كثير وكل نظره لمسك تشطر قلبها نصفين كيف تفكر تروح وتخليها مع مجرم قد حصل ونوى على قتلها هاذي بنتها اللي وقفت على ركبه و ساق عشان تحميها من موت الغدر الحين تبي تروح وتسلمها له بكل بساطه مستحيل !!
لذالك قررت تجلس عشانها ولاكن تعاقب صقر بطريقتها تبي تحرمه من كل شي حتى من ريحتها …..

قامت وفرشت لها فراش كبير بصاله مع غطا ونامت هي ومسك عليه وهو تبيه ينام بالغرفة بروحه
ويعرف خطاه عدل ماهي ملاك اللي تصمت وتغفر
اذا هي مشت له مره ومرتين فهو من مزاجها وكانت مقدره وضعه وضغط اهله والناس عليه لاكن الحين تبي تقدر نفسها هي وبس !!

صقر اقترب لها وعيونه عليها هي ومسك مسكرات عيونهن وكل وحده تسحره فوق الخيال اقترب من يم ملاك وجلس نصف جلسه على ساقيه تطبط على كتفها وهو ينادي بخفوت /ملاك ملاك

ملاك فتحت عيونها وهي اصلاً مانامت كانت تمثل النوم سالت بزفرة / نعم وش تبي؟؟
صقر عيونه مثبته عليها / ليش نايمه هنيه؟؟
ملاك بذات الزفرة / بكيفي ماهو شغلك وبعدين انت ما وعدتني ماتكلم معي ولا تقرب للي ؟؟
صقر بل شفايفه الجافه من ريقه / وعدتك بس عاد قلبي ماراح يرتاح تنامين انتي ومسك بالارض تعالو نامو عندي

ملاك تعتدل جالسه وهي ترد بحده / صقر من اليوم ورايح هذا نومي انا وبنتي ومالك دخل فينا ولا لنا دخل فيك مفهوم ؟؟
صقر تنهد بطولة بال / ملاك اللي تسوينه ماتسويه البنت العاقله
ملاك حطت عينها بعينه / قلتها العاقلة وانا مجنونه مرفوع عني القلم
صقر غصبن عليه ابتسم وهتف بشجن عميق/ واحلى مجنونه بعد
ملاك عطته نظره وهي تصد وترجع تمدد وتغطى بالكامل بصمت /….
صقر قام ابتعد منها متجه الغرفه بذات الصمت /…

ملاك استغربت من استسلامه بهالسرعه تعرفه عدل يحاول يحاول لين ينشف ريقه و ريقها معه ؟؟…
انحنت وباست مسك مع انفها وهي تهمس
باذنها / ترا امك شرود و عشانك انتي بس جلست والله لو ماكنتي بحياتي كان هجيت وخليته بين اربع طوف

رجعت ملاك راسها للمخده مستعده لنوم لاكنها تفاجئت وهي تلف بدهشه و تشوف صقر رمى مخدته وراها وتمدد داخل معها بالفراش كانت بتقوم تغسل شراعه بس هو حوط خصرها بين ذراعيه هامس لها ببتسامه خبيثه / والله ماتقومين
ملاك ضربت صدره بكوعها/ فكني فكني
صقر شدها بقوه / انا طالبك تخلينا ننام بهدو من غير صياح
ملاك زفرت فيه بشده / من سمح لك تجي وتنام عندي وين الوعد ولا انت بس كلام؟؟
صقر ابتسم لها بتحيل / والله ودي بس ماقدرت كيف يطاوعك قلبك انتي وبنتك تخلوني بالغرفه بروحي؟

ملاك لفت لوجهه و عطته نظره قارصه / وبكرا بنخلي لك الجناح بكبره
صقر دفن انفه بعنقها هامس لها بنبرة موجعه / ملاك انا محروم من حضنك وريحتك تسع شهور ويوم رجعتي لحضني تبين تحرميني بعد ؟؟

ملاك شعرت بحرارت انفاسه تحرق نحرها وهي ترد بتحكم / ما قدرت الحضن اللي فقدته يا صقر من رجعت لك وانت تضرب بوجهي وكل ليلة تجي وتعتذر وتوعد ومن بكرا يتبخر كل شي ؟؟

صقر مسح على عضلة بطنها بكف يده المحاوطة
لها / انتي تجبريني اسوي شي ماودي فيه على بالك لا ضربتك ارتاح والله ياني اتعذب من داخل ولو ود ودي اقطع يدي ورميها عشان ماتاذيك
ملاك صمتت /….
صقر شد كف يدها بكف يده ورفعها لشفايفه وباس اصابعها واحد واحد / سامحيني اذا ماهو عشاني عشان قلبي اللي يغدر بالعالم كله ولا يغدر بحبك

ملاك هتفت بعتاب شديد / انت وخواتك كلكم علي وانا ماعاد اقدر اتحمل تبون تجرحوني ولا تبوني اتكلم ؟؟
صقر خفت لها بذات العتاب/ خواتي كبار و اللي يقولونه ماهو كرهن فيك بس زعل منك وانتي لازم تقبلين كلامهم وعتابهم
ملاك بغيظ/ وفا بعد تبي اتقبل كلامها ومشاعل مرت اخوك ونغزاتها؟؟

صقر رد عليها بثقه / مشاعل ماعلي منها ماتلزمني وفا انا اعلمها فمها ماتفكه وانتي بعد لا تكلمينها
ملاك رفعت كتوفها / والله اللي يتكلم برد عليه وغير هالكلام ماعندي
صقر زفر عليها / خواتي الكبار تحترمينهم وغير هالكلام حتى انا ماعندي
ملاك بغيظ اعمق / خواتك صايرات محاميات لسلوى وينهن عني يوم تعرس علي وانا بزر ومعلقني برقبتك ؟
صقر صر على اسنانه / دافعن عنك بكثر من كذا بس ماكنتي موجوده تشوفين وتسمعين

ملاك ارتخت وهي تهتف بحده / بنام ممكن تبعد عني؟
صقر شدها له اكثر ورد بخفوت / لا ماهو ممكن بنام عندك
ملاك لفت عليه بذات الحده / اذا انت ناسي وش مسوي انا اذكرك بالطراقين اللي جت على وجهي
صقر رفع كف يده وحطها قدام وجها / هذا يدي سلمتها لك سوي فيها اللي تبين بس قلبي ترا ماله دخل
ملاك بالعانه مسكت كف يده وهي تناظره بالعانه
اشد/ متاكد ان مالك دخل فيها؟
صقر قطب جبينه وهو يرد بثقه / متاكد !!

ملاك عضت كفه بسنانها باقو ماعندها حتى حست ان اسنانه شوي وتكسر وهو ماتحرك فيه شي جامد ابعدت كفه ولفت له شافته مسكر عيونه بقوه واضح متماسك هتفت له بنبرة مخنوقه مصدومه / توجعت؟
صقر فتح عيونه وناظر فيها / شوفي كفي وتحكمين
ملاك ناظرت بكفه وهي تشهق برعب / دم ؟؟
صقر باس خدها / مغلوثه انتي ؟
ملاك تطالع بعيونه بندم / والله ماتوقعت يصير كذا بس من القهر غرزت اسناني حتى حسيتها بتطيح
صقر ابتسم منها / يعني لو ماخفتي على سنك كان مارحمتي كفي المسكينه ؟
ملاك هزت راسها برائه / اي والله

صقر لفها له بالكامل وجذب شفايفه بشفايفها وباسها بتروي وهو متعمق يبي يملي فراغ الايام اللي فاتت
ملاك ابعدت وهي تسحب نفس قوي وتهتف له من بين انفاسها/ طيرت انفاسي
صقر يبلع ريقه وعيونه على شفايفها المزمومه يشعر انه باقي ما ارتوى / والله يا رجال اللي بعمري انهم شبعانين من حريمهم وانا باقي عطشان ارويني
يا ملاك ارويني

ملاك طالعته بنص عين / لا تقارن نفسك بغيرك هم حرمه وحده ولا انت شايب و ثلاث حريم بعد
صقر ابتسم من نبرة الغيرة اللي صدرت منها/ اي ثلاث وحده ماجلست الا كم شهر وطلقتها وحده مادخلت عليها اصلاً وحده معذبتني ليلة عندي وشهور شارده

ملاك بخباثه / ماراح تسخفني بتحيلك
صقر انفجر بضحك /خابر قلبك حنون حني علي عشان تدخلين الجنه
ملاك كتمت ضحكتها/ الجنه اللي من وراك مابيها؟
صقر شم ريحت ضحكه مكتومه لذالك انبسط وهو يحاول / تكفين ملوكه ارحمي شايبك
ملاك بعناد طفولي/ شايبي ابو وجهين مايستاهل اللي يرحمه باليل عاشق ولهان وبالنهار حقود

صقر لمها مع كتوفها خافت لها بعشقه
الصادق/ باراضيك بشهر عسل جديد احلا سفره لك انتي و مسوكه لدولة اللي تختارينها
ملاك ارتخت بين يديه / تبي تغريني؟
صقر باس ارنبة انفها / والله اني صادق معك عندي اجازه اخر الشهر و بسفرك فيها سفره راهيه رصيدها مفتوح لك تاخذين اللي تبين

ملاك فركت اصابعها بعض / بفكر ورد لك بكرا
صقر ابتسم / لا ماقدر اصبر لابكرا تردين للي الحين
ملاك تامل بملامحه ثواني صامته وهو صامت ينتظر ردها بعده هتفت بنبرة خافته / واذا اوجعتني مره ثانيه؟
صقر انحنى وحط انفه على انفها ورد عليها
بولع / اوعدك مايوجعك لا صقر ولا غيره
ملاك لفت وحوطت رقبته بذراعيها وباسته مع شفايفه وهي تهمس له / احضني بقوه

صقر استجاب لها بكل حب وهو يحضنها بقوا من القوه ……
_____________________________

على الساعه الثانية عشر…

دخل فهد البيت راح جناحه على طول يبي يريح جسده فقط ولا النوم حالف انه مايجيه الا وهو قد طلع ماهر وبنفس الوقت متوعد يادب ام ماهر وبنتها على تصرفهم الغلط مستعد يجلس سبوع مانام اهم شي ينفذ من الناحيتين .؟….

رمى شماغه على الاريكه وكل توقعه مهره بتكون نايمه و زعلانه هذا شي اكيد بس ماتهمه بالوقت هذا تزعل وترضى …ولاكنه قطب جبينه باستغراب وهو يشوف السرير خالي منها ؟؟..

اتجه للبيت الدخلي ودخل جناح جدته شافها فارشه سجادتها وتدعي بضمير ان الله يقر عين ام ماهر بولدها لفت وهي تهتف بامومه/ هلا فهد يامك جيت؟
فهد اقترب لها بتسال/ وين مهره ؟؟
الجدة صيته اشرت له يجلس/ اجلس اول ودحر الشيطان ترا ماهو وقته
فهد بزفرة / نايمه عند امها ؟؟
الجدة صيته اشرت له بايه/ تعبانه هي وامها على فراق ماهر خلاها تملى حضن اميمتها

فهد تنهد بارهاق / هن اللي متعبات انفسهن ومتعبات الناس معهن
الجدة صيته بنبرة عتاب/ لا يا فهد لا تصير قاسي لهدرجه هذا قلب ام تبي تفرج عن ولدها
فهد زفر بشده حارقه/ تفرج عنه تروح تذل نفسها ليوسف وامه و انا مواعدها لاوقف معها لين يطلع ولدها ولا همها كلامي وكانها ماهي مصدقتني؟

الجدة صيته بحزم / مصدقتك بس تبيه تحاول تساعده باللي تقدر عليه ماتدري انها بتزعلك
فهد بحزم اشد / خطوه خطتها خليها تكملها انا شايل يدي منها ومن ولدها وقضيته

الجدة صيته وقفت بثقل و سالت بهم/ فهد انت صادق بتخلى عن هاليتيم و اخو مريتك؟
فهد يزفر بنفاذ صبر / مرتي هي السبب بالي يصير لو مانحاشت بيت امها وكلن درا عنها ماكان صار اللي صار وامها يوم جيت بفزع لها استفزعت بنفسها

الجدة صيته برجا / تكفى يا فهد لا تقسى حل موضوع الولد ماله ذنب
فهد ينهى النقاش متجه الباب / الولد انا مفهمه مايفتح فمه و راح بط القربه خليهم يتادبون
الجدة صيته تنهدت بضيقه/ والله كانه صادق يبي الولد يخيس بسجن
________________________________

يوم جديد …..

ام ماهر جالسه بصاله ودموعها مانشفت والجدة صيته تهدي فيها / تعوذي من الشيطان يا مره الفرج قريب
ام ماهر بين شهقاتها / اذا فهد ماحلها من بيحلها اروح انا لمركز الشرطه؟؟
الجدة صيته تطبطب على فخذها/ لا فهد ماهو مخليه ولدي و اعرفه عنده مروه لاكنه زعل من تصرفك ويبي يادبك
ام ماهر تنهدت بحزن / احسب ام يوسف فيها حميه تبي تقدر جيتي مثل يوم قدرنا جيتها بسجن ولدها ؟
الجدة صيته ردت باستهزا / ام يوسف تبينها تقدر ؟

جت مهره وجها مصفر وهتفت بسلام بصوت مرهق وجلست / سلام
الجده صيته تطالع فيها بهتمام / شفي وجهك عسى ماتونسين شي ؟؟
مهره هزت راسها بنفي/ لا بس مارقدت عدل من البارح
ام ماهر تهتف لها با امومه / روحي نامي لك ساعه قبل صلاة الظهر
مهره تمدد على الاريكه / بنام عندكم هنيه
الجدة صيته بحنو بالغ/ لا يامك تتعب رقبتك روحي بغرفة امك
مهره سكرت عيونها بتعب حقيقي/ مرتاحه هنيه


بعد صلاة الظهر ….

يرجع فهد ختاماً بعد ما بذل كل جهده بموضوع قضية ماهر وحط محامي يبيه يطلع باسرع وقت ومن غير تنازل من يوسف …لانه ماعاد قادر يتحمل و حلفه عن عدم النوم ارتكب بنفسه اثم وهو مازال مواصل له 35 ساعه ؟….

اتجه لصاله يبي يطمن على الاوضاع وهو داخل شاف ام ماهر وجدته بصاله هتف بسلام البارد ولا انتبه للي نايمه على الكنب من يمينه ؟..

الجدة صيته بتوجس / انت مانمت من امس ؟؟
فهد رد من طرف خشمه ولا عبر نظرات ام ماهر المحرجه منه / لاجاني النوم نمت الا وين مهره ؟
الجدة صيته اشرت عليها/ نايمه

فهد لف لها وهو عاقد حواجبه باستغراب من عدم انتباهه فيها رفرف قلبه من منظرها وهي مكتوره بجسد انوثي على الاريكه ونايمه موجهتم وجها وشعرها متناثر فوق بهمال ملامحها مصفره بوضوح بس كانت عذبه عذبه ؟؟..

لف لجدته وسال باستغراب/ علامها نايمه هنيه تعبانه؟
الجدة صيته رفعت كتوفها/مادري والله تقول مانمت البارح وجها تعبان
فهد رجع نظره فيها بتفحص مهتم / لايكون عليها حراره بس ؟؟
ام ماهر تقوم تتجه لها وتنحني حاطه كف يدها على جبين مهره / كانها دافيه بس ماهي حاره
مهره فتحت عيونها الخادره بنوم / شفي ؟؟
ام ماهر تمسح على شعرها / يامك قومي توضى وصلي وخذي لك بنادول لا تجيك حراره

مهره تعتدل جالسه وعيونه معلقه بعيون فهد ومسرع ماشاحت بوجها عنه / يومه مافيني شي بس انا مانمت زين البارح
الجدة صيته هتفت لها برحمه/ صلي وتغدي ورجعي نامي كان فيك نوم
فهد كان يناظرها لين راحت توضي وهو اتجه الباب بصمت/…
_____________________________

صقر من صحى الصباح لبس و طلع لدوامه …
والحين باقي على انتهى شفته ساعه اتجه لغرفة
ابو سعود يبي يطمن على صحته طق الباب ودخل شاف سعود جالس عند راس ابوه ويقرا عليه و من لمح صقر سكر القران وزفر/ نعم و تبي جاي ؟؟

صقر مقدر زعله على ابوه واخته لذالك رد بهدو متحكم / ابد جاي بطمن على الوالد وعلى صحته
سعود وقف / انت مثل اللي يقتل القتيل ويمشي بجنازته ؟
صقر شطفه وهو يتجاوزه و ينحنى يسلم على راس ابو سعود / خطاك الشرر ان شاءالله
ابو سعود ناظره بعتاب/ ليش سويت بنتي كذا هو حنا وش ضريناك فيه يوم تضرنا؟؟

صقر تمنى الارض تنشق وتبلعه من الحرج / والله ان ماجا منكم الا بياض الوجه حتى مالي عذر لو تعذرت ؟
ابو سعود يتعدل جالس/ لا بالله مالك عذر اللي سويته مايسوونه الرجال المطاليق تاخذ بنت شريفه عفيفه من بيت اهلها وترميها بيوم عرسها ؟؟
صقر عض شفايفه بحرج اعمق / ياعم وش اللي يغفر لرجال مثلي ؟
ابو سعود بحزم / تردها لك كم شهر وبعده طلقها ماهي جالسه عندك اصلاً بعد سواتك لاكن سمعتها مهمه عندنا
سعود كمل مع ابوه/ اسمع يا صقر الناس مابعد درت باللي سويته قلنا لهم ان ابوي صار عليه حادث ليلة العرس لازم تغطي على السالفه موقت وبعده الوجه من الوجه ابيض
صقر رد برسميه ثابته / الرجعه والله ماني مرجعها وظالمها وظالم نفسي لاكن ابشرو بالرضى

سعود بزفرة / اجل ليش جاي مدام هذا كلامك ؟؟
صقر طلع من مخباته ورقه ومدها لابو سعود / هذا صك بيت دبلوكس با ارقى الاحيا قيمته مليون وثلاث مئه كتبته باسم بنتك سلوى وهذا اقل شي اعتذر فيه منها
ابو سعود رد الورقه بظهر كفه / فلوس ماهي مسويه شي يجيها اللي يعوضها عنك وعن بيتك
صقر حط الورقه عند راسه وهو ينحنى ويحب
خشمه /طالبك توصلها الصك هذا صار ملك لها تبيعه تسكنه هي حره فيه

سعود يطالع بصقر اللي اتجه لباب وهو يهتف لابوه بخفوت / ليش بترد بيت بهالقيمه خل اقل شي ترجع كرامتها قدام الناس فيه
____________________________

صقر رجع البيت سلم على امه وابوه اللي كانو جالسين بالحوش يتقهون والجو بارد على بداية الربيع جلس معهم وهو يسال ابوه بهتمام/ عداك زعلان مني يا ابو صالح؟؟
ابو صالح طالعه بنص عين/ ليش وهو انت يهمك زعل احد ؟؟
صقر ابتسم بموده / ماحد يهمني كثرك رضاك بدنيا ومافيها
ابو صالح صمت وهو يصد بوجهه/…..
صقر سحب له نفس سريع بعده تكلم بهدو / ترا مريت ابو سعود اليوم بالمستشفى واعتذرت منه
ابو صالح رد بحزم / و عتذارك بيرد له صحته ولا سمعت بنته ؟؟
صقر بتحكم / بنته شريت لها بيت دبلوكس وسجلته باسمها وعطيت ابوها وخواها صك البيت وتوقع اني اصلحت لو شي بسيط بيني وبين ربي

ام صالح بحنان / الله يجبر خاطرك يامك مثل ماتجبر خاطرها كذا حتى الناس لاشافو انك مهديها لها بيت بيقل الكلام عنها
ابو صالح بتسال / وكم سعر البيت اللي اخذته لها يسوى ؟؟
صقر رد بثقه/ افا عليك يا ابو صالح يا انا ولدك يا اعطي عطى في خير ولا بلاها من عطى

ابو صالح شعر بفخر بس اخفاه /كم سعره ؟؟
صقر بثبات/مليون وثلاث مئه سعره و بحي راقي بعد
ام صالح قطبت / كانه غالي يامك ليش ماخذت اقل من هالسعر ؟؟
صقر يقوم واقف / هذا ارخص شي حصلته كل الاحيا اللي ابي اخذ لها فيه غاليه
ابو صالح تنهد بحزن / هو صحيح غالي بس ماعليه انت رجال قادر واهل ابو سعود يستاهلون

صقر دخل جناحه شاف ملاك لابسه هي وبنتها مستعدات للخروج رفع حاحبه بتسال/ على وين ان شاءالله ؟؟
ملاك تقترب وهي تبتسم بفتنه / بروح لامي عندها جمعة خالاتي
صقر طالعها من فوق لا تحت / يا سلام وانتي ماعندك رجل تو طالع من الداوم يحتاج اهتمام كنتي بتطلعين من غير حتى لا تنتظرينه؟

ملاك رفعت نفسها على اطراف اصابع رجولها حتى وصلت لطوله وباست جبينه / وش الاهتمام اللي يحتاجه رجلي؟؟
صقر طوق خصرها وقربها له / تغازلينه تمسجينه
ملاك ضحكت بقوه وهي تبتعد عنه / اوف اغزاله مره وحده وبالنهار بعد ؟؟
صقر ابتسم بتحكم / اي شفيها لايكون الغزل بس لليل
ملاك نظرته بخبث / هذا نظامي اليل دلع لك النهار دلع للي

صقر اتسعت ابتسامته / طيب يا ام الدلع كله ومتى ترجعين من بيت امك ؟؟
ملاك تهز كتوفها/ لا راحو خالتي بعد العشا جيت
صقر اتجه المسك / طيب انا باخذ شاور و بعده بطلع عندي شغل بالشركه
ملاك تسال وهي تتجه وراه/ماتبي تنام ؟؟
صقر انحنى وشال مسك اللي سحرت ناظره تلبس فستان وردي وربطه على شعرها بذات الون وهو يبوسها بقوه ويرد على سوال ملاك / لا انام باليل لاني غيرت شفت داومي من بكرا مساء

ملاك تبتسم / شرايك بكشختها ؟؟
صقر ضم مسك على وجهه / زينه مثل زين امها
ملاك واقفه ورا وتعبث بظهره / اممم تراها محتاجه لبس كبرت ولبسها صغر عليها
صقر لف لملاك بحب / تامرين انتي و مسكي با ايام الوكيند اوديكم للمول وتاخذون كل اللي تبونه وتجهزون لسفر بعد
ملاك ابتسمت وهي تسوي حركات دلع
بوجها/ والله ؟؟
صقر ضيع علومه/ اي والله كم حبيبيه عندي انا ؟
ملاك بذات الدلع /وحده
صقر بخبث /لا غلط ثنيتن
ملاك كشرت / شقصدك؟
صقر ضحك بقوه وهو يبوس مسك/ انتي وبنتك
يا مطيوره

ملاك هزت راسها / اي على بالي بعد ؟
صقر يمد لها مسك / المهم لا تروحين بتوضى وجي اقرا عليك انتي وبنتك عن عيون الناس
ملاك تضحك وهي تحضن بنتها / مايحتاج تقرا حنا قرينا على انفسنا
صقر مسح على فكها / اكيد يا ملاك قريتي اذكارك عليك وعلى مسكي ؟
ملاك تهز راسها بتاكيد/ افا عليك لو انساهن تسلمنا نهيل عند الباب ماندخل لين نختم الاذكار
صقر ابتسم وهو يتجه الحمام / زين تسوي فيك المهم لا تاخرون ارجع باليل القاكم قدامي
________________________________

بعد المغرب …

فهد يشعر بدوران ماهو قادر يتحمل قرر ينهى هالموضوع رحمه بنفسه يبي ياخذ اثبات ماهر ويطلعه كفاله عشان يقدر ينام اتجه لصاله ماشاف احد فيها ؟…

راح جناح جدته طق الباب ودخل شافها تطوي سجادتها من بعد ماصلت المغرب وهي تلف له بتسال/ هلا يامك عسى ماشر جاي هالحزه ؟؟
فهد كان وجهه واضح عليه التعب / جاي ابي اخذ اثباتات ماهر وين امه ؟
الجدة صيته ابتسمت براحه/ الله يفرج لك مثل افراجك عن هاليتيم

فهد بحزم / بطلعه كفاله عشان اقدر ارقد ورتاح
الجدة صيته تناظره باعتزاز / عز الله انك راعيها يا ابو عقاب حلفك ما تكسره ماهمها صار
فهد قطب جيبنه يشعر بصداع / وصلت حدي من السهر ماقدر اتحمل اكثر ولا كان ودي اعطي ام ماهر وبنتها درس ماينسنه
الجدة صيته برحمه/ عزالله ان فراقه ليلة البارح واليوم عنهن و صدك عن الموضوع كفاهن وزود

دخلت ام ماهر باستعجال وهي تنادي ولا انتبهت لوجود فهد / الحقي يا ام عقاب الحقي
الجدة صيته انتفضت بتسال/ شفيك يامره؟؟
فهد لف لها برعب وهو كان حاس/ مهره فيها شي؟؟
ام ماهر تبكي / طاحت من طولها وهي واقفه مغمى عليها

فهد اتجه الباب ركض والجدة وام ماهر وراه اقترب شاف مهره متمدده بنص الغرف فاقده وعيها نزل لمستواها وشالها بين يديه مددها على السرير و امر بحزم / مويا بسرعه
ام ماهر راحت للمطبخ ركض تجيب الموياء/…
الجدة صيته اقتربت لمهره بخوف / بسم الله عليها وش صاير فيها ؟؟
فهد يضرب خدها بخفه/ مهره مهره اصحي مهره
جت ام ماهر ومدت له كاس الما / سم هذا الما
فهد فتح باطن يده/ رشي عليها مويا
ام ماهر عبت كفه من الما وهو مسح على وجهه مهره عدت مرات بتسميه حتى فتحت عيونها بثقل / اه راسي

فهد رفع نصفها بذراعه اللي تحت راسها / مهره وش تحسين فيه؟؟
مهره سندت راسها على صدره بدوخه / ماني قادره افتح عيوني ضباب اسود
الجدة صيته برحمه / يامك انتي ماتاكلين ولا تنامين
يا دافع وانتي عارفه نفسك ماتحملين و تتعبين
ام ماهر بين دموعها / والله ماكلت شي من امس
فهد لف لمهره بغضب/ انتي تبين تذبحين نفسك ؟؟
مهره ابعدت عنه بسرعه وهي تقوم واقفه مسكره فمها بكف يدها /…
فهد قفز واقف /شفيك ؟؟
مهره حست بدوران وجلست تاشر لهم تبي تستفرغ /….
الجدة صيته برعب / الزباله عطيها زباله

ام ماهر جابت سلة الزباله لها وهي تهتف بذات الرعب /ماكلت شي عشان ترجعه ؟؟
مهره انحنت تهاوع عدت مرات ولاكن بطنها فاضي/…

فهد واقف متصلب مايدري وش جاها فجئه كل اللي يدور باله (معقوله من حر مافيها على اخوها وانا اعاند ولا حسيت بلوعت فراقه ؟؟)

مهره حست معدتها تقطعت من كثر المهاوعه رجعت وتمددت على السرير وهي تون / اه اه
فهد شعر كل ونه تصدر منها تمزق شرايين قلبه وهو يهتف بحزم / قومي بوديك المستشفى
مهره هزت راسها بنفي/ علاجي ماهو بالمستشفى انت تعرف علاجي وينه
الجدة صيته برحمه/ يامك بيطلع اخوك هذا هو جاي ياخذ اثباته
ام ماهر لفت لفهد بتسال من بين دموعها /صحيح يابو عقاب بطلعه؟؟
فهد هز راسه بتاكيد وعيونه على مهره / اليلة وهو عندكم باذن الله
ام ماهر تدعي له من قلبها/ الله يفرح قلبك ويسر امرك
فهد تنهد بضيقه/ مهره قومي اوديك المستشفى ؟
مهره باصرار / مابي اروح بنام لين يطلع ماهر

فهد زفر بشدة وهو يوجه كلامه لام ماهر / عطيني ثبات ماهر بروح اخلص من هالقضيه
ام ماهر افتحت الشنطه وطلعت ثبتاته /سم هاذي جميع اوراقه
الجدة صيته بحنان / لا تاخر يامك اظهره بسرعه
فهد اتجه الباب / خير ان شاءالله
_______________________________

الساعه 11 ليلاً …..

طلع فهد ومعه ماهر من مركز الشرطه بكفاله
ركب السيارة وهو يناظر بماهر اللي ركب
جاوره / الحمدلله على السلامه
ماهر منزل راسه بحزن وحرج / الله يسلمك ويبيض وجهك
فهد بحزم / ارفع راسك يا ماهر ولا عاد اشوفك منزل الرجال ماتنكس روسها
ماهر لف له بذات الحرج/ فشلتك واعترفت بس والله انه كان غصبن علي ضغطو علي وانا ماعمري كذبت بحياتي

فهد يحرك السيارة / ماعليه ماحصل الا كل خير بس لا تنسى تراك طالع بكفاله يمكن يستدعونك بي لحضه ؟
ماهر برعب / يرجوعني لسجن؟؟
فهد بثقه/ لا انشاءالله حطيت لك محامي بس التحقيق ماخلص باقي
ماهر هز راسه بتفهم / ان شاءالله

وقفو عند البيت و من دخلو هجمت ام ماهر على ولدها وهي تضمه بلهفه وهو انفجر على صدرها بالبكا الطفولي

الجدة صيته دمعت عينها وخفتت لفهد بحزن / وعزاه من حياة الشقى
فهد سال بذات الخفوت / مهره وينها؟؟
الجدة صيته تنهدت / طايحه بالفراش
فهد قطب / للحين تعبانه ماكلت شي ؟؟
الجدة صيته تهز راسها بنفي / لا بالله عيت حتى عن الشوربه اللي امها مسويتها
فهد تنهد بضيقه / بوديها المستشفى قبل انام
الجدة صيته برحمه / نام اول يامك ورتاح هي ماعليها

ام ماهر تسال ولدها بقلب ام من بين
شهقاتها / ضربوك اذوك ؟؟
ماهر يمسح دموعه / لاوالله ماحد لمسني وابو عقاب طول الوقت عندي اصلاً
ام ماهر باستغراب / فهد عندك ؟؟
ماهر هز راسه / اي والله مايفارقني هو ومحاميه الله يبيض وجههم

الجدة صيته تقدم له وتسلم عليه بحراره
حانيه/ الحمدلله على سلامتك اخر الاحزان ان شاءالله
ماهر حب راسها وكف يدها/ الله يطول بعمرك وعمر ابو عقاب
الجدة صيته ابتسمت له / امين يارب
ماهر يتلفت بتسال/ وين مهره ماتجي تسلم علي ؟
ام ماهر تاشر على الغرفه /تعبانه يامك من درت انك بسجن رح طمنها عليك

ماهر من سمع انها تعبانه ركض للغرفه تحت انظار الجميع دخل شافها متمدده بارهاق ومن شافته فزت جالسه فتحت يديها وهو ارتمى بحضنها وضمها بقوه / اشتقت لك يا مهره اشتقت لك
مهره تبكي بحنين / الحمدلله اللي رجعك لنا الحياة مالها معنى من بعدك
ماهر ابتعد و باس جبينها / الله لا يحرمني منكم والله اني طول الوقت افكر فيك وبامي

مهره تضمه لها وعينها راحت للي واقف على الباب ورا ويتفرج بصمت ارتبكت من نظراته الحاره وهي تبعد ماهر عنها خافت يزلزل فيهم الارض / الحمدلله اهم شي انك بخير
ماهر رجع وضمها / صرت بخير من شوفتك
مهره توترت فعلاً وهي تشوف فهد تقدم وهتف بحده غاضبه / سلمت خلصت؟؟
ماهر انتفض واقف وهو تو بنتبه لوجوده / اي سلمت عليها كنت مشتاق لها

فهد عطاه نظره قويه / كسرت ضلوعها وهي تعبانه السلام ماهو كذا ؟؟
ماهر نزل راسه بصمت/…
مهره زفرت بشدة/ لا ماني تعبانه و سلامه عاجبني
فهد طير عيونه فيها / عاجبك ؟؟
ماهر انسحب وطلع بذات الصمت/…

مهره وقفت بوجه فهد وهي مازالت تشعر
بدوران / انت وشفيك ماكفاك صراخك على امي ذاك اليوم وقلة احترامك لكبر سنها؟؟
فهد زفر بصوت صارم / مابقى الا هاذي مره تبي تحاسبني على افعالي؟؟
مهره هتفت بغبنه / امي وخوي يا فهد اقولها لك الف مره خط احمر احمر
فهد شد جيبها ونفضها بقسوه / تراي واصل اقصاي من امك ومن اخوك لا تخليني افرغ غضبي فيك
مهره بكت بشدة / مد يدك مدها ماعاد يهمني ارجع اضرب وذبح مثل اول بعد

الجدة صيته دخلت وهي مرتاعه /شفيكم يا دافع ؟؟
ام ماهر تقدمت لمهره اللي وجها تعبان واضح /يامك انتي علامك اخوك هذا هو وطلع غير وش تبين؟
مهره ابعد من يد فهد وهي تهتف بعتاب /مدامه قادر يطلعه ليش ماطلعه البارح ولا بس يبي يكسرنا ؟؟
الجدة صيته تناظر بفهد اللي مسود وجه من التعب والسهر وهي تهتف لمهره بتهدئه / ماقصر هذا هو طلعه وحط له محامي وانسي السالفه انتي عاد
مهره شاحت بوجها / كثر خيره

ام ماهر هتفت لفهد بحرج / ماقصرت يا ابو عقاب بس هي تعبانه و..
فهد بمقاطعه / الا قولي مايبين بعينها الطيب ابد مهمها سويت عشانها
مهره جلست بصمت وحطت كفوفها على راسها من الدوران اللي كل ماله يزيد /….
الجدة صيته سالت بهتمام / يامك شفيك ؟؟
مهره من بين انفاسها/ ضلام ماشوف شي!!

فهد انتفض برعب حقيقي وكل خوفه ترجع لها السكته الدماغيه اقترب وجلس بجوارها وضم كتوفها بذراعه هاتف لها بحنو هادي/ مهره سمي بالله وسكري عيونك وهدي السالفه ماتسوى تتعبين نفسك كذا ؟؟
الجدة صيته انحنت لها وحطت يدها على راسها وقرت عليها من ايات الله حتى حست فيها استكنت براحه وهتفت بخفوت/ اشوف الحين تطمنو
ام ماهر كانت تبكي بصمت وكل خوفها تفقد واحد من نور عيونها ماهر ولا مهره/….

فهد هتف لها بصوت مرهق/ قومي يلا بوديك المستشفى ؟؟
مهره ردت برفض/ مابي مستشفى
فهد صر على اسنانه / مهره لازم ماقدر انام وانا ماتطمنت عليك قومي
الجدة صيته برحمه/ قومي يامك طيعي رجلك ترا مانام له يومين عشان اخوك يوم طلعه يبي يرتاح
مهره هزت راسها بتفهم / طيب ابي عباتي
ام ماهر تهتف بهدو / بجيبها وجيب عباتي بروح معك
فهد وقف / لا انتي ارتاحي عند ولدك انا معها
الجدة صيته تطمنها / اي مافيها الا العافيه ان شاءالله وفهد يكفى عنك

قامت مهره لبست وراحت معه للمستشفى وطول الطريق بسياره كانت صاده للقزازه ولا تكلم معه
وهو كان صامت مافي حيل حتى لنقاش وصلو وراحو قسم الطورئ عطوها مغذي وطلبو منها تحليل دم

وهذا فهد جالس بالكرسي القريب من السرير منزل نعل وحده ورافع رجله فوق رجله الثانيه و عيونه على سبحته اللي يسبح فيها بين اصابعه وملامحه واضح عليها المقاومه لتعبد والارهاق الشديد ؟…
مهره كانت تنظر فيه حتى وهو مرهق ومتعب بوضوح الا انه وسيم وسامه بالغه رفعت كف يدها المغروزه بسلاك المغذي وتنهدت بصوت مسموع
فهد لف لها بتسال وحرص /شفيك؟؟
مهره قطبت باستغراب / شفيني؟؟
فهد يناظر بكف يدها / كاني سمعتك تونين يوجعك شي؟؟
مهره اعتدلت جالسه / لا ماهو ونه بس طفشت متى اخلص بروح البيت ؟؟
فهد رفع يده ومسد جبينه من الصداع المستمر / لين تطلع نتيجة التحليل ويخلص المغذي ونروح للبيت

مهره بصوت حنون / بس انت تعبان ونعسان خل بكرا نجي نشوف نتيجة التحليل بعد ماتنام وتصحى؟
فهد يطالع فيها بعمق / لا صحتك عندي اهم من كل شي
مهره نزلت راسها وهي تفرك يديها بعض / لو تهمك صحتي كان طلعت اخوي من امس ماهو لين اطيح من طولي ؟؟
فهد يناظر فيها بعيون ناعسه / لو ماني حالف مايطب عيني النوم الا وهو طالع ولو قدرت على مقاومة السهر
ماكان طلعته اليوم اصلاً

مهره ناظرته بغيظ / لا تقول صحتي تهمك طيب؟؟
فهد نزل رجله ولبس انعاله وقف واقترب
جوارها / تهمني والله انها تهمني بس ماكنت ادري انك تبين تتعبين ولا كان طلعته لعيونك انتي وبس
مهره تناظر فيه بشقاوه / اكيد يا فهد؟؟
فهد انحنى لها بحراره / اكيد ياروح فهد

مهره صدمت صدمت من رده ( قال ياروح؟؟)
فهد اعتدل واقف وهو يشوف الدكتوره دخلت وهتفت بسلام و فهد سال بثبات / هاه دكتوره طلعت نتيجة التحليل ؟؟
الدكتوره تمد له الورقه / اي هذا هي و كل اللي يصير لها ارهاق طبيعي
فهد قطب باستغراب/ كيف طبيعي وهي تدوخ
و تهاوع ؟؟
الدكتوره ترفع حواجبها / من سبب الوحام اكيد بتدوخ وتهاوع

فهد جمد مكانه وعيونه فاتحه على الاخر لف وطالع بمهره اللي قاطبه وعيونها مليانه دموع وتسال بصوت
مهزوز/وحام ؟؟؟
الدكتوره هزت راسها / ليش مابتعرفي انك حامل. ؟؟
مهره انفجرت بالبكا الطفولي وهي تدفن وجها بحضنها /….
فهد ماهو قادر يستوعب ولا قادر يركز من صوت بكاها /….
الدكتوره اقتربت لمهره بحنو / ليش يا ماما تبكين مانتي بفراحانه هذي نعمه من رب العالمين ؟؟

فهد رد بتحكم مخفي العبرات المتراكمه بصدره/لا دكتوره ماهو قصد متضايقه بس هي ماكانت تحمل؟؟
الدكتوره ابتسمت وهي تحضن مهره / يعني دموع فرح
مهره رفعت راسها بتسال / دكتوره انتي متاكده انا حامل اخاف في غلط ؟؟
الدكتوره تبتسم / انتي مو اسمك مهره ناصر ؟؟
مهره هزت راسها / مبلى انا
الدكتوره بذات الابتسامه / هو انتي الحامل والف مبروك

فهد تنهد براحه عميقه من بعد مافقد الامل يرزقه ربي من غير حساب ؟….
_____________________________

ملاك رجعت البيت قبل العشا احترام لصقر ماتبيه يرجع ما يحصلها معنها شفقانه على جمعت خالاتها
و سهرتهم عند امها وخواتها بس تنازلت عنها وبذات بعد ماسمعت كلامهم عن صقر وطلاقه لمرته عشانها وقدرها و اثبت للجميع حبها جاها شعور غريب
تبي ترجع له تضمه تنام بحضنه تشكره على اللي سواه
رفعها قدام الناس واثبت حبه وتقديره فيها؟….


بدلت لمسك و رضعتها ونومتها وهي اتجهت للكبت
و طلعت افخم قميص نوم عندها واخذت شاور دقيق وحطت لوشن معطر على جسمها ولبس وفردت شعرها وحطت مكياج انيق من اناقة ملامحها وخيراً طالعت شكلها بالمراهء باعتزاز لاول مره تعرف قيمة جمالها ونعمت الله عليها كانت تذم فيه وتمنى تكون اقل من كذا بس الحين ماتبي تغير تبي مثل ماهي ملفته الانتباه ساحر الانظار ؟؟؟..

رفعت عينها لساعه شافتها داخله على العاشره خذت كتاب الاحياء و جلست على السرير تذاكر وراها اختبارات من السبوع الجاي وثالث لازم تشد حيلها عشان تخرج بنسبه ترفع الراس وتعوض تعب السنين اللي مضت؟…

دخل صقر الغرفه عليه ثوب ابيض مفصل تفصيل على جسده الرياضي من غير شماغ وشعره الاسود مرفوع على ورا بترتيب وعارضه محدد بدقه ..من يومه انيق ومهتم بشكله…

وقف وعيونه على الفتنه اللي وقفت تبوسم له ؟!!!
كانت تلبس قميص نوم لا فوق الركبه من غير اكمام
بالون السماوي مع لون بشرتها البيضا طالعه كانها غيمه بيضا تضوي بين السما الزرقا….

اقترب لها وهو ينظر باعجاب واضح /ماشاءالله وش هالحلاوه ؟؟
ملاك تقترب له اكثر وتطوق عنقه بذراعيها وتنزله من طوله لا طولها حطت انفها على انفه / صقر شكراً على كل شي

صقر انحنى لها اكثر وهو مستغرب فعلاً/ وشو كل شي ؟؟
ملاك تحرك انفها على انفه بذوبان / صقر انت صح انك خفست فيني الارض من زمان بس الحين شلتني ورفعتني لسما فوق فوق
صقر حوط خصرها وشدها له بقوه / انسى اللي راح وفكري بالجاي مستعد ارفعك لاسابع سما بعد
ملاك حطت راسها على صدره / تو حسيت بقيمه الحياة وعرفت حبك للي صدق ؟
صقر رد بعتاب/ليش اول عندك شك بحبي لك؟
ملاك رفعت عينها و ناظرت بعيونه / تبي الصدق ايه توقعتك تحب شكلي بس وكنت اكره شكلي واتمنى انتي اقل من كذا بس الحين عرفت انك تحبني كلي ؟

صقر ابتسم وهو يبوس خدها من يمين/ والله اني احبك واحب كل شي فيك اتحدا اي رجال بالعالم هذا كله حب صبيه مثل حبي لك ؟؟
ملاك رفعت كفوفها ملامسه عارضيه وعيونه معلقه بعيونه بوله عميق/ كلن يقوله حظك بحب صقر وتضحيته عشانك،،
صقر ابتسم وهو رافع حاجبه / حلو حلو ومن قاله؟؟
ملاك ردت بروح بريئه / خالاتي وبناتهم وخواتي وامي وكل الناس

صقر ضحك وهو يرفع راسه لافوق ويرجع يضمها
على صدره / قولي لهم وحظ صقر فيني انا اللي اشبعت كبرياه ورجولته الثايره ؟؟
ملاك ابتسمت / يومه منك مغرور
صقر ضحك بشدة/ الله خلقني كذا بس انعم علي كثير اعطاني اجمل بنت بالعالم
ملاك تطالعه بنص عين / بالعالم بعد؟

صقر هتف لها بجدية / قسم بالله يا ملاك كل ماسافرت ماتمر من عندي مره الا ادقق بملامحها كنت ابي ادور وحده بس وحده اقول مستوى جمالك لاني متاكد مافي اجمل منك بس ماشافت عيني حتى بمستواك

ملاك حست بشعور غريب غرور نصر ماتدري وش بضبط لاكنها سالت بزفرة / وانت تسافر عشان تقلب عيونك ؟؟
صقر يطالع بملامحها / ابي ادور لك شبيهه عشان لافقدتك اجيبها مكانك
ملاك ضربت صدره بغيظ/ لا والله مفكر كذا يعني؟؟
صقر يضحك وهو يبتعد عنها / امزح معك والله مابي الا انتي وبس

ملاك ترجع شعرها ورا اذونها / تعشيت ؟؟
صقر يطلع جواله وغراضه من مخباه وينزلهم على الطاولة / اي وانتي؟؟
ملاك بهدو / لا
صقر لف لها عاقد حواجبه / ليش متى رجعتي ؟؟
ملاك ترفع كتوفها / من بعد المغرب جيت هنيه نومت مسوكه وجلست احوس بنفسي
صقر ابتسم بحب / احلا حوسه طيب ليش ماطلبتي الخدامه تسوي لك عشا؟
ملاك جلست على السرير / مابي اروح داخل
صقر اقترب لها / وليش ان شاءالله ؟؟
ملاك برائتها المعتاده / مابي مشاكل يا صقر بريح راسي شوي
صقر سال بحزم / كيف يعني بتقطعين اهلي ؟؟
ملاك هزت راسها بنفي / طبعاً لا اهلك اهل عمي ومستحيل اقطعهم بس قلت لك بريح راسي

صقر بذات الحزم / ملاك لازم تنازلين عشاني وعشان امي وابوي خلاص سالفه وانتهت
ملاك هزت راسها بتفهم /احاول
صقر يتجه الحمام / ماهو محاوله الا لازم بكرا تكونين متواجده معهم على غدا العائلة طيب ؟؟
ملاك ردت بتحكم / طيب ان شاءالله
صقر لف لها بخبث / باخذ شاور وطلب لنا عشا شوفتك فتحت نفسي للاكل
ملاك هزت راسها وهي تبتسم بجرائه / وانت شوفتك تهيج الروح

صقر رجع لها ببتسامه خبيثه/شقلتي ؟؟؟
ملاك انفجرت بضحك وهي ترجع لاخر السرير بطفولة / ماقلت شي اقول روح تحمم
صقر مد يده و سحبها وهي تضحك وتحاول تبتعد وهو مروق على الاخر من حركاتها الطفولية /تعالي بهيج روحك
ملاك تضحك بشده وهي تحرك بين يديه/ صقر امانه خلاص اسحب كلامي
صقر يعضضها بسنانه بتلذذ بكل مكان بوجها/ ماهو بكيفك تسحبين كلامك

اوقفه صوات صياح مسك المرتاعه من صراخ ملاك وضحكها صقر عض خدها بخفه/ شفتي خرشتي بنتك؟
ملاك تبتعد منه وترفع مسك اللي بجاورها وتضمها / لا ماما لاتبكين
صقر اتجه الحمام / بنتك انقذتك مني كنت ناوي اقطعك بسناني
______________________________

رجع فهد للبيت هو ومهره اللي الدنيا ماهي سايعتها من الفرحه وهي تهتف له بحماس/ ببشر امي وجدتي
فهد لمها مع كتوفها بذراعه / روحي بشريهم والحقيني على الجناح ببارك لك بطريقتي
مهره ابتسمت بعذوبه / من عيوني

فهد يطالع فيها وهي تتجه لداخل بفرحه بريئه رفع راسه لسما وحمد الله من اعماق اعماق قلبه (الحمدلله لك ياربي جبرت قلبها وقلبي)

ام ماهر تسال وهي غير مصدقه/ مهره انتي متاكده حامل حامل ؟؟
مهره تهز راسها وعيونها تلمع بدموع/ والله اني حامل
ام ماهر لافت الجدة صيته اللي جالسه بهدو غريب وهي تبارك لها / مبروك يا ام عقاب فهد بيجيه عقاب
الجدة صيته تطالع مهره بنظرات استجواب /…!!!
مهره نزلت دمعتها / والله ياجدة اني حامل والله

الجدة صيته انفجرت بالبكا اللي افجع قلب ام ماهر ومهره لاول مره يرونها بهذا المنظر وهي تحضن وجها بكفوفه يدها /….
مهره جلست عند رجولها وحطت راسها بحضن الجدة وبكت معها بشده /….
ام ماهر تمسح دموعها / الحمدلله ياربي

فهد دخل ماهان عليه مايبشر جدته بنفسه بس وقف مصدوم وهو يشوف منظرها هي ومهره فوضه من البكا وكانه ميت احد اقترب وزفر بحده / هو احد ميت لكم عشان تصيحون هالصياح؟؟
الجدة صيته رفعت راسها وجها كله مبلول / والله مابكيت بعمري كله هالبكا الا على يتمك والحين على عطاه الله لك
فهد اقترب لها هاتف بحنو صادق / انا لو ادري ان الخبر بينزل دمعه منك والله ماخليته تعلمك لين امهد لك

الجدة صيته توقف بعد مابعدت مهره عنها وتقترب تضم فهد لصدرها / ياعسى الله يمد بعمري وشوف زول وليدك قبل لاموت
فهد شد احتضانها وهو يخفت لها بعتب/ لا تجيبين طاري الموت تراك تنحرين عمري
الجدة صيته ابتعدت عنه وهي تمسح عارضه/ يعل عمرك طويل مبروك يامك مبروك
فهد باس كف يدها / يبارك فيك يالغاليه

الجدة صيته لفت لمهره وهي تفتح يديها/تعالي يامك ببارك لك
مهره اقتربت و حضنتها بحب / الله يبارك فيك يا جده ويخليك لنا
الجدة صيته تمسح على ظهرها بخفه / تجيبين شيخ مثل ابوه وجدانه
مهره ابتعدت وهي تبتسم وتبان غمازتها العذبه / توه على الشيخه ياجدة تبين تقوينه علينا؟؟
الجدة صيته تبتسم/ والله انه يستاهلها خلي يجي بس لاغير اشيخه حتى عليك انتي وفهد

مهره تطالع فهد وتضحك / ولدنا بيصير شيخ علينا ؟؟
فهد يناظر فيها بحب / يستاهل مدام انتي امه وهي جدته
الجدة صيته تبتسم / ارتاحي ولا تحركين ابد عسى الله يثبته بطنك
فهد يتجه الباب /تصبحون ع خير.
الجدة صيته همست لها/ روحي يامك معه تراه طافي من التعب ماعاد فيه حيل حتى للوقوف

مهره اتجهت وراه دخلت الجناح دورت عليه بعيونها ماشافته سمعت صوت دش الما بالحمام عرفت انه يسبح نزلت عباتها وخذت روبها تنتظره تبي تسبح هي بعد من طلع قامت وهي تبتسم / نعيماً
فهد ينشف شعره بفوطه صغيره / ينعم عليك تبين تحممين؟
مهره هزت راسها بايه /…..
فهد اقترب لها يوصيها بحرص / تحممي بماء دافى انتبهى من البارد ؟؟
مهره تاشر على عيونها / من عيوني
فهد تعبث بشعرها وهو يتجاوزها متجه غرفة الملابس/ تسلم عيونك لا تاخرين انتظرك

مهره تحممت وطلعت راحت غرفة الملابس بدلت لها بشورت قطن ناعم وجففت شعرها اتجهت لسرير وقفت بحزن شفاف على شكل فهد النايم بتعب حتى ماقدر يقاوم ينتظرها تمددت جواره وعيونها على ملامحه تمنت تجيب ولد يشبه له بكل شي الا بقساوته وجبروته ناظرت فيه لين غفاه النوم هي بعد ونامت….
_______________________________

يوم جديد ……..

جمعة عائلة مطلق على الغدا …
ملاك حظرتها وهي من داخل غير مرتاحه بس لازم تواجد عشان مايفكرون انها متخبيه من الموجهه لسان وعندها ولو احد تكلم بترد ولا راح تسال لا عن صقر ولا غيرة وان سكتو سكتت

هدى تبوس بمسك اللي بين يديها/ ماشاءالله عليها كل مالها وتزين
شذى بحسن نيه / طالعه على امها تضوي قمر خمسة عشر
وفا لفت لشذى بحده / ليش وابوها طافي ضوه؟؟
شذى طنشتها وهي تقوم وتبوس مسك/ كيكه ماشاءالله جيبي باكلها ؟؟
هدى تمدها لها بحرص / انتبهي لها لاتجي ام صالح الحين تغسل شراعك عاد هاذي الغاليه بنت صقر الغالي

ام مهند تسال عزيزة / الا بناتك وينهن؟؟
عزيزة تقهوا / نايمات ذبحهن السهر على هالايبادات
عايشه قطبت / حرام عليك والله تضرهن وتسبب لهن توحد
عزيزه ترفع كتوفها/ عاد وش اسوي فيهن مايفهمن
جت ام صالح وهي تمشي بثقل/ ياربي حسن الخاتمه
هدى تضحك /علامك يالله تمشين ؟؟
ام صالح تجلس / مادري رجلي يا دافع وكاد داخلهن برد ؟؟
صبا تقوم / بروح اجيب زيت ادلكهن

مشاعل بتسال/ كنتي عند العيال يا عمه؟؟
ام صالح تشر لها بايه / رحت اتقهوا معهم و اخذ علومهم
مشاعل بخباثه قاصده / هو صحيح صقر رجع مرته ؟؟
ملاك طارت عيونها تنتظر رد عمتها/…
ام صالح عطت مشاعل نظره / لا ماهو صحيح وخلاص سكرو السالفه لا سمعها
وفا بذات الخبث تسال / هو صحيح يومه شرا لها بيت بمليون وثلاث ميه؟؟

ام مهند من ردت عليها بجديه / اي والله ماقصر ارضاها بشين كبير رفع قدرها قدام الله وخلقه
مشاعل باستغراب/ امانه صحيح بيت بمليون؟
وفا تجاوبها/ دبلوكس مليون و ثلاث ميه و بارقى الاحياء بعد وكتبه باسم سلوى
مشاعل ابتسمت / ماشاءالله واضح شاري رضاها
هدى تطالع بملاك الاي مشوشه مصدومه وهتفت هدى بتدخل حازم / الا قولي واضح انه يبي يكفر عن ذنبه ؟؟

ملاك كانت صامته ودماغها يغلي من الغضب ماهي مصدقه /…؟؟
ام صالح تسكر الموضوع / قفلو السالفه انتم ماتفهمون ؟؟
وفا تقوم تصب لها فنجال قهوه وهي مروقه من وجه ملاك اللي احتقن بالحمار واضح من بياض
بشرتها / من يبي له فنجال زعفران؟؟
مشاعل روقت هي بعد / انا صبي للي خليني امخمخ
وفا تضحك بغرور / هذا وقت المخمخه صحيح

شذى جالسه بجاور ملاك وعيونها ماراحت عنها تعرفها لاصارت كاتمه و مصدومه همست لها/ علامك يمكن كذب بس هن يبين يقهرنك؟؟
ملاك لفت لها وهمست من بين اسنانها/ امك تقوله وهدى عندهم خبر السالفه واضح انها صدق
شذى تهديها / طيب واذا تراه بيت وهو بكبره عندك وش يزعلك ؟؟
ملاك زفرت عليها بخفوت / بيت بهالمبلغ عشان وشو بفهم ؟؟
شذى صمتت ماتبي تناقشها تعرفها منفعله/….

ملاك استاذنت لجناحها وخلت بنتها مع شذى
تبي تهدي من نفسها قبل تقديم الغدا ودها تحرق بصقر بس خل لين يحظر ؟؟؟
__________________________________


عند الرجال …

يسولفون العيال من بعد ماهدت انفوس بينهم
صقر يتقهوا مروق مايدري بالعاصفه اللي تنتظره بجناحه هتف له صالح بتسال/ انت قلت للي امس انك بتسافر ؟؟
صقر يرشف من الشاي / اي يمكن اخر الشهر
ابو صالح قطب / شعندك وين بتروح ؟
صقر عيونه على فلاح اللي يناظره ببتسامه
خبيثه / تغير جو يا بوي وتمشيه
فالح انفجر بضحك / مسكت رقبته بنت طالب ؟؟
صقر ابتسم / على الاقل رقبتي عند بنت عمي ولا عند الغريبه
فالح يضحك/ ابك والله ان حرمتي ماعمرها شافت الطياره الا بالجوال والتلفزيون

سالم يضحك / من البخل اللي عندك تعرط بالريال لين يتقطع
صقر يضحك معه / اعوذبالله؟؟
فالح يرفع كتوفه / احسن من الي تقوده مرته
با لكوفيهات والاسواق لين صفر حسابه
سالم طير عيونه / اي اوديها كوفيهات ليش مالها حق مثل باقي الحريم وعاد الله وانت ياللي حسابك فيه ملايين ؟؟

فالح ياشر له يسكت / اقول اص بس انت ماضيع قروشك الا مرتك
صقر يضحك وهو يطالع وجه سالم/ لا تقول رصيدك صفر صحيح ؟؟
سالم زعل بجديه / مالكم دخل اعوذبالله يدخلون بحياة الواحد غصب ؟؟!
صقر وفالح انفجرو بضحك / ههههههه
ابو صالح زفر عليهم / اذا انتم شبعانين من الفلوس لا تعايرون غيركم بقلة فلوسه ؟؟

صقر لف لسالم بتسال جدي/ سالم لايكون صدق رصيدك صفر ؟!!
سالم مازال زعلان / مالك دخل كمل ضحك انت وخوك
صقر بحزم / اسالك انا قل الصدق احسب فلاح يمزح ؟؟
سالم تنهد بضيقه/ اي صفر انتظر الراتب عندك عياره هاتها ؟؟
صقر انتفض بشهامه / علي بالحرام مايصير صفر وراسي يشم الهوا افا عليك نص ساعه بس وتوصلك 50 الف ريال حلال زلال عليك

فالح طارت عيونه/ خمسين الف مره وحده؟؟
سالم ابتسم وماهو مصدق/ صقر يا لوقي لا تقعد تستهبل بمواضيع مثل كذا ؟؟
صقر اعتدل جالس وهتف بجديه / ياولد والله اني صادق ابشر بسعدك
سالم قام ببتسامه وحب على راسه/ بيض الله وجهك عزالله انك طنيخه
فالح يطالعه بدهشه/ سبحان الله صدق من قال الفلوس تغير النفوس شف ابتسامته كيف صارت
صالح يضحك/ ههههه يحق له انت علامك حاسده
ابو صالح ابتسم وهتف لصقر بامتنان / الله يزيدك من فضله يابوك تعطي ويعوضك ربك بالاكثر

______________________

تحياتي (شغف )

شكرا شكرا اوي اوي
فااااااااااخر من الآخرررررررررررر
يكفي حمل مهرة😻