السلام عليكم ورحمة الله ..🍃

عدنا للتعليق ،،
الجزء فيه من الأحداث اللي رفعتنا فووق الغمام من الفرح، وفيه من المواقف اللي نزلتنا الأرض من الصدمة ..
مبدعة يا نورة تبارك الله ،، جمعتي بين المواقف والمشاعر المتناقضة في نفس الوقت ...

فهد& غادة

غادة الجميلة ،،، ألف مبرك ،، الله يتمم عليكم الفرحة،
عشت الموقف معاك لحظة بلحظة،وصدقيني هذا اللي يسمونه حب من أول نظرة مافي غيره 🥰

فهد ،،، ألف مبروك ،،، وأحلى شي إن جميع العائلة شاركوا معاك فرحتك ،،
دعم قوي له الأثر الجميل على نفسيتك، وأهم شي ناصر ما خرّب عليكم الملكة.
تصدق طول ما إنت بالاستراحة وشاق الحلق بالابتسامة وأنا معاك حلقي مفتوح 😂😂 .

جوار &
أثاريك صادق وعذوب زوجتك ! 🤭 وحنا اللي اتهمنا أبو عارف المسيكين 😜
كيف، ولماذا، ومتى، وأين ؟ ما ندري 😬
السالفة فيها إن وألف إن بعد ،،، وفيها تشابك غريب ،، ومحيّر .!
اللي فهمته من قبل إن جوار كان مع عزام يشتغل في الأمن ،، صح وللا أنا مضيعة؟ ثم انطرد ؟ هل هو شخص خائن أم حيلة كحيلة عزام ؟

المفاجأة الكبيرة إن ساطي اللي هو أبوك يا عذوب كان يشتغل مع ذيب في الأمن ،، !!
يا صغر الدنيا ،، يعني معرفة عذوب لذيب كانت من خلال أبوها .
*تدرون يا بنات ،، جا في بالي إن ذيب فعلاً ميّت، وإن ذكر عذوب لاسم ذيب ماهي إلا ذكرى لاسم بطل سرد أبوها لها بطولاته وتضحياته، فتعلقت باسم البطل، ورسمت له صورة جميلة في مخيلتها.

ساطي هو الشخص الوحيد اللي يعرف سر ذيب ،
وهو اللي وقع على إن الجثة تابعة لذيب ،،
العلم كله في بطنه، ليت عزام يحصله ويسحب منه كل المعلومات .

عبدالله &
أفضل شي إنه اعترف لعزام بكل التفاصيل ،، والأكيد إنه بيوقف معاه.
مادري ليش عندي إحساس إن عزام راح يسافر للسودان . 😇 🇸🇩


الجادل &
لا حول ولا قوة إلا بالله ،،،
الموقف اللي جاب لنا الهم ،،،
إحساسي من قبل كان يقول إن حلم حاكم تفسيره شين، بس ما توقعت نهايتهم بتكون بهذه الصورة ..

أخبرك يا الجادل حكيمة ورزينة وعاقلة،، شنو هالحفلة اللي خلتك تكدرين خاطر أمك ،، وتعصينها،، وبالنهاية كسرتي ظهر زوجك ،،
وانصحك تعلمين أمك،لازم تكون في الصورة، على الأقل يعرف حاكم إن الجادل استأذنت أمها في روحتها للحفلة في بيت صديقتها، وإن السالفة كلها من تحت راس زميلة السوء ..
اسم هند كأنه مرّ علينا في أحد الفصول ، وكأنه عبادي يحذّر منها ؟
صح وللا يتهيأ لي ؟ 🤨

حاكم &
شفت شلون ( الحنّه ) مو زينه، من كثر ما تزن وتحن على الزواج هذه النهاية ،، قاتل الله الإلحاح .😁
ردة فعله عنيفة جدا، ما عرفته وهو يضرب الجادل ،،
على الأقل عطاها فرصة تتكلم ،، أدري الموقف صعب ويكسر ظهر الرجال، لازم بعد ما يهدى ، يرجع يكلمها يعرف منها السالفة كلها.
هو يعرف الجادل حق المعرفة، واستغرب كيف صدق فيها هالإتهام الباطل.
المفروض بعد هالحب يكذّب عيونه ولا يصدق فيها كلمة شينة.
واعتقد إن شرخ كبير أصاب علاقتهم، حتى لو اتضحت الحقيقة فيما بعد
فبمجرد إنه شك فيها، انعدمت الثقة وزال الأمان .


كل الشكر والتقدير للمبدعة وطن نورة،، 🍃🌸🍃
واعتذر على التعليق السريع.

عندي نقطة أخيرة ما عقبت عليها،،
تأثير زواج فهد على عزام ،،
اعتقد إن العقدة راح تنفك ،، وسحر الجوهرة راح يبطل،،،
وحياة عزام مع شعاع راح تاخذ منحنى آخر من الاهتمام والحب في النهاية 🥰

صباح الخير💗💗

اهليييينز وطن ابدعتتتي وابهرتينا
كل شي بالبارت جميل من فهد وغاده لعزام وشعاع
بس اللي خرب علينا الجادل ؛( ياعممممري المسكينه اكبر غلط انها وافقت تركب سيارة راشد حتى لو كان اخو هند ذي
اهون عليها لو اتصلت باأهلها وخذت لها كم هوشه من اللي صار ..💔💔💔
يعني أَهْلَك مهما كان مستحيل يضرونك بس شنقول !!!

ماينلام حاكم بسسس الضرب كان قاسي مره مره !!
الحل الأن بعد ماصارت المشكله تخبر أمها عشان تحاول تفهم حاكم لاكن الخوف ان حاكم مايتفهم ويزعل زياده انها خالفت كلامه !!



عذوب طلع لها علاقه بالشرطة وابوها ضابط والاكيد انه صديق ذيب وسر ذيب كله عنده ؟
بس وينه اذا كان حي فالموضوع صار سهل
لاكن لو حي مارضى بنته تهرب وتتشرد كذا !!
عذوب علاقتها ب ذيب كصديق ابوها وساعدها اكيد بإنه يهربها من العصابه بس اللغز هنا كيف تتزوج جوار وهو مع العصابببببه الا اذا كانت خدعه لعبوها العصابببه على الضباط ذيب وساطي !


ذكريات ذيب اللي جالسه تسترجعها صيته توجع 💔💔💔💔ياترى وش الغرض من استرجاع الذكريات معناه قرب اعلان مصير ذيب
أما بتأكد خبر الموت اوبظهوره ..


عزام وشعاع كأن الأوضاع بدت تتعدل حتى عزام وخطوة انه يبارك لفهد أشوفها خطوه ايجابييه كثير منه ،
بس ليش نظرات التحسسر ياعزام
لانك تحس شعاع تستأهل وانت مو قادر تعطيه حقها !
او على نفسك اللي مو قادره تنسى الجوهره !!



فهد وغاده كل شي جميل من شخصياتهم اللي احس لابقه على بعض للفرح والحب من اول نظره اللي دخل قلوبهم💙😸
بس ياخوفي من النكسة اللي بتحصل
مو وطن عودتينا ما تزين الأوضاع عند احد الا يعقبها طامه كبرى والجادل وحاكم خير مثال 😹🤭💔💔

"
زواجي قريب دعواتكم بالتوفيق حبايبي مادري تسمح لي الظروف اعلق على البارت الجاي اولا مادري والله بس إن شاءالله بس تتضبط أوضاعي واستقر لي رجعه ♥♥♥♥ "

وططن وطططن تكفيييين استمري يامببببدعه 😭♥♥قلبي معك تأكدي اني متشوقه جداً لاكتمال رائعتك وبإذن الله بكون موجوده قبل اكتمالها