كاتب الموضوع :
وطن نورة ،،
المنتدى :
الروايات المغلقة
رد: أَحلَامٌ تَأبَى أنْ ’ تَنْطفِئ ،، / بقلمي
السلام عليكم ورحمة الله وبركاته
مساء الخير على وطن نوره ومتابعينها الغالين
قرأت البارتين الأخيره مع بعض
يالله وطن قمت أغني
صدمات عمر مرت علي ولا حسبت حسابها
أجل الجوهره طلعت هي فهد
ههههههههه والله لعبتي بنا لعب وأنت متكيه تتفرجين على حوستنا وشطحاتنا وتضحكين لكن برافو على عنود الصيد انتقمت منك لنا وخربت عليك المفاجأه هههههه اللهم لا شماته
لكن تعرفين اختيارك لقصة فهد اختيار موفق والفكره ماهي مستهلكه وأبدعتي في اثارة فضولنا
حول الجوهره وفهد واحنا نضع سيناريوهات
لكل منهم وفي الآخر ضربتي بتوقعاتنا عرض الحائط
الفكره حلوه لكن تحتاج منك جهد كبير واطلاع
واسع حول الموضوع ومعالجه خاصه منك سواء
لفهد أو مع من حوله أكيد الموضوع ماهو سهل
على فهد ولا على من هم حوله
نأتي لناصر هذا إذا غضبه من فهد بسبب موضوع
تحوله فهو غبي لأن هذا ماهو بيده شيء غصب عنه المفروض يوقف معه ويسانده ماهو يزيد من همومه إذا أقرب الناس له ماتقبلوه كيف بالأغراب
عزام وضعه مع فهد غير الظاهر هو مايكره فهد
لكن الوضع بينهم محرج بحكم العلاقه اللي كانت بينهم ومعاملة عزام له على أنه الجوهره وحبه لها
عزام & شعاع
عزام يقهر والظاهر إنه محتاج صدمه تفوقه من
اللي هو فيه وتحسسه بقيمة شعاع
شعاع قايله بعزام يادهينه لا تنكتين وذابحه عمرها
حتى تنول الرضى لكن إلى متى لازم يكون لها موقف منه نفسي تدوس على قلبها شوي وتروح عند أهلها كم يوم خليه يحس بفقدها يمكن يرجع
له عقله ويعرف قيمتها
كنت مستغربه من شعاع وعدم غيرتها من الجوهره
وخاصه لما كان يحكي مريم لكن إذا عرف السبب بطل العجب أثاريها عارفه موضوع الجوهره وإن
موضوعها تسكر بعد ما أصبحت فهد
البتول أو عذوب يعني هي مطارده أو مطلوبه من قبل عصابه أحد أفرادها أو زعيمها أبوعارف يحق لها تخاف وتهرب لكن قاهرتني هي عارف العصابه وخطورتها المفروض توضح لعبدالله وتشرح له الوضع كامل وماتخليه على عماه المسكين شوي ويموت بسببها ومنجرته تحطمت وهو للآن ياغافلين لكم الله حتى أظنه للآن ماربط اللي حصل له وللمنجره ببتول والجوال اللي أعطته
وماهي بعيده يكونوا لاعبين في سيارة عبدالله حتى
يموت بحادث
عبدالله مايدري إن عزام ضميره يأنبه وحتى يريح
ضميره بيعيد الورشه لما كانت عليه
ساره أتوقع بتكلم فهد على غاده وأتوقع فهد يوافق
عليها
تسلم يمينك حبيبتي منتظرين باقي الأحداث
|
19-10-19, 11:15 PM
جديد مواضيع قسم الروايات المغلقة
العرض العادي
