الفصل الرابع عشرة....


وفي اليوم الثاني ببيت أبو سعيد
رانيه بتفكير: منال أيش رايك نروح المول عشان أبدا أقضي لمولدي
منال بطفش وهي تقلب في القنوات: أيش راح تقضين وأنتي ما تعرفين نوع المولود بعد
رانيه بتفكير: أي والله كلامك صحيح.. بس تعرفين والله نفسي تمر الأيام بسرعة والشهور بعد عشان أولد
منال حطت الجهاز جنبها وطالعت أختها: وليش مستعجلة على الشقى والتعب.. ولا تستعجلين ترى باقي لك خمس شهور عشان تولدين
رانيه: أي والله وكلامك صحيح والحين أيش رايك أتصل على السواق يجي ويوديني على أي مول نروح ونقضي للبيت وبعد كذا نتعشى ونرجع على البيت
منال: اللي تشوفين بس أهم شيء تقولين لزوجك لا يجي ويتجنن علينا هنا في البيت مثل ذاك اليوم
رانيه بابتسامة: لا يا حبيبتي لا تخافين زوجي مو فاضي لنا لأنه مع أخوه الصغير تركي.. ومشغولين في زوج بنته روان
منال؟: ما شاء الله زوجك عنده أخ أصغر منه
رانيه: أي عنده وذاك اليوم جاء عندنا وتغدى معنا تحسين أنه هادي وكلامه قليل ونصف كلامه إنكليزي لأنه عايش خارج المملكة وعن جد لو شفتيه بتقولين إنه فرنسي ومو سعودي، ما شاء الله عليه أبيض وعيون خضراء وسيم
منال بتريقه: لا!! أجل زوجك ليش عيونه مو ملونة مثل اخوه؟
رانيه وهي تراسل أبو نايف: لأنه أم سلمان لحال وأم تركي لحال.. أم تركي سوريه وماتت وهي تولده وبعد كذا أبو نايف أخذه وراباه مع ولده وهو في سن ولد نايف.. والحين قومي وجهزي لأن سلمان وافق نروح وهو يقول الحين يرسلنا السواق حقي
منيرة: أنا بعد بروح معكم.. ولا تفكرون تتركوني في البيت
منال: بسم الله.. اعاصبك ما حد قال إنه بيتركك والحين أتصل على أخوك الزفت وخليه يرجع عشان يروح معنا
منيرة: طيب أن شاء الله.. المهم بعد ما وصل السوق رانية أخذت أخواتها وراحوا على المول وأشتروا أغراض كثيره هي وأخواتها وبعد كذا راحوا على سوبر ماركت وقضوا للبيت ومن ثم راحوا وتعشوا وعلى الساعة أحد عشر رجعوا على البيت
نوره بفرح: الله يسعدك ويوفقك يا رانيه أنا أول مره أروح السوق وأشتري كل اللي أبي
سعد: أي والله حتى أنا اشتريت كل اللي أبي.. الله لا يحرمنا منك
منال وهي تطالع في أختها اللي عافسة ملامحها: رانيه أيش فيك يا قلبي أنتي تعبانه؟
رانيه بألم: والله ما أعرف بس أحس بطني يعورني
منال بخوف: أيش طيب قومي نروح المستشفى.. لا يصير لك شيء وأحنا ما نعرف
رانيه بدموع من شدت الألم: طيب بس بسرعة والله أحس نفسي بموت يا منال
منال بخوف وأرتباك: طيب طيب.. وأخذت جوالها وطلبت كريم وبعدين رجعت ولبست عبايتها وأول ما وصل أخدت رانيه وسعد وراحوا على المستشفى وأول ما وصلوا دخلوها على الطوارئ أما منال فكانت تبكي بدون صوت وتدعي ربها أن ما يصير شيء لأختها.. وأول ما خرجت الدكتورة قالت بخوف/ كيف حال أختي يا دكتوره؟
الدكتورة باستغراب: عفوا ومين هي أختي يا أنسه؟
منال بصوت مقطع من كثر الشهقة: أختي رانيه اللي حامل.. الدكتورة خافت على منال فطلبت منها الجلوس وطلبت من الممرضة تجيب لها مويه
الدكتورة بكذب: لا تخافين أختك بخير والبيبي بعد بخير يا حبيبتي ليش أنتي خايفه كذا
منال بعد ما هدية شويه: دكتورة الله يسعدك لا تكذبين علي أختي أيش فيها
الدكتورة: أن شاء الله ما فيها الا العافية بس فين أمك أو زوجها ليش ما جوا معكم
منال رجعت للبكاء: أمي ماتت من كم شهر وزوجها ما يدري أننا هنا
الدكتورة: طيب.. بس والله هي طيبه بس راح نخليها هنا عشان كذا لازم تتصلين على زوجها الحين عشان يجي.. منال هزت راسها بموافقه وخرجت جوال رانيه واتصلت على أبو نايف
___________________________
وفي بيت أبو نايف اللي كان جالس مع زوجته وبناته وأخوه وعبد الله يسلفون عن زوج روان...
فاتن: والله أهم شيء من كل هذا أني خلصت فستاني والحمد لله التصميم مره حلو
تركي بتريقه من فاتن: وأنا بعد الحمد لله تصمم ثوبي وغترتي مرة نايس
فاتن بزعل: يبه شوف عمي ترى والله يتريق علي
أبو نايف: وبعدين معك يا تركي أنت بس شغلك تجكر في بنتي.. في هذا اللحظة رن جوال أبو نايف واللي استغرب من المتصل بس رد عليه/ هلا
منال ببكاء: الو يا أبو نايف
أبو نايف باستغراب وشوية خوف: هلا أنا معك أيش فيك صاير لكم شيء.. في هل اللحظة عم الهدوء في المكان والكل ركز مع أبو نايف واللي بانت عليه علامات الفزع والخوف.. وأول ما قفل قام بسرعة وخرج من البيت بدون ما يقولهم شيء فقام عبدالله وتركي ولاحقوا فيه
روان بخوف: يترى مين اللي أتصل على أبوي وخلاه يخرج كذا؟
أم نايف لوت شافيفها: لا تخافون مافي الا العافية بس شكل ست الحسن والدلال اتصلت عليه عشان كذا قام مثل المطيور.. عجوز مسكين صار مراهق في الخمسين.. روان وفاتن فطسوا من الضحك من كلام أمهم وغيرتها الواضحة
روان بدفاع: يمه حرم عليك تقولين كذا على أبوي
أم نايف بانفعال: أقول أنطمي بس وقومي من قدامي لا أذبحك
فاتن عضت على شفايفها: لا الظاهر أنا بقوم وأرجع على بيتي لأن أمي بدت تعصب
_____________________
وفي المستشفى
منال كانت واقفه مع أخوه سعد وهي ميته خوف على أختها وتدعي لها في سرها
سعد بهمس: منال زوج رانيه جاء مع ولده وواحد ثاني معهم.. منال طالعت في أخوها وبعد كذا التفتت للجهة اللي كان سعد مركز عليها وما تعرف ليش حست بنقباض غير طبيعي في قلبها فاستعاذت بالله ووقفت، وأول ما وصلوا لعندها
أبو نايف بخوف: أيش للي صار لأختك رانيه يا منال
منال طالعت في أبو نايف وبصوت مهزوز من شدت البكاء: ما أعرف أحنا خرجنا وبعد ما رجعنا تعبت فجينا هنا على طول.. والدكتورة طلبت مني أن أتصل عليك عشان تجي
أبو نايف: وفين الدكتورة الحين
منال أشارت لأبو نايف على غرفت أختها: هنا والدكتورة عندها.. تركي جاء ووقف جنب منال فتراجعت عنه ووخرت بسرعة عن المكان بس هو أتجاهل حركتها ودق الباب على الخفيف.. وأول ما خرجت الدكتورة طالعت فيهم
الدكتورة: نعم
تركي بكل هدوء: حابين نطمئن عن حالة المريضة اللي عندك
الدكتورة: أنت زوجها
تركي طالع في منال اللي كانت تطالع في الأرض: لا أنا أخو زوجها الدكتور تركي
الدكتورة بابتسامة: أهلا يا دكتور تركي بس فين زوجها لازم أنا أتكلم معه مباشرة.. تركي التفت لأخوه ومن ثم للدكتورة
أبو نايف: أنا زوجها
الدكتورة بصدمة ابتسامتها من تحت نقبها وهزت وعدم تصديق: أيش أنت!!.. وطالعت في منال اللي بانت رأسها بأن كلامه صحيح
أبو نايف بشوية حدة: أي أنا ليش مو عجابك يعني؟
الدكتورة بعدم أيستعاب: لا أنا أسف مو قصدي شيء والحين أتفضل معي على المكتب لو سمحت.. الدكتورة مشيت وأبو نايف مشى ورها.. أما منال فطالعت عبد الله اللي حست بأنه راح ياكلها أكل بنظراته عكس نظرات تركي اللي كلها غرور واستحقار.. منال نزلت رأسها ودخلت عشان تشوف أختها ومن ثم يرجعون على البيت
تركي بابتسامة ساخره وهمس: هذي على أيش شايفه نفسها
عبدالله بنفس الهمس: والله من حقها صحيح أنها فقيرة بس بنت الذين عليها جمال مثل الأميرة اللي شفتها بالسوق.. والله يا تركي في بنات من جمالها ما تقول سعودية
تركي طالع في عبد الله وبنفس الهمس بس بتريقه: لا الله أي جمال اللي تتكلم عنه أنت.. وأنت ما تشوف وجوههم.. لو تبي الجمال؟ الجمال عندي في فرنسه
عبد الله طالع تركي: أنا ما أتكلم عن الجمال الخارجي يا دكتور ويكفي أنك تاخذ وحدة من ديرتك طاهرة ونقية من كل شيء لا غير كذا تحفظ بيتك وتربي عيالك أفضل تربية.. في هذي اللحظة خرجت منال من عند أختها فطالعت بتركي وعبد الله واللي كانوا حاطين رؤسهم عند بعض ويسولفون
منال بهدوء: يله يا سعد نرجع على البيت.. سعد وقف وقبل ما يتركون المكان أستوقفهم عبد الله
عبد الله بحدة: على وين يا حلوين.. سعد كان بيرد عليه بس منال رفعت له يدها وأشارت لها يسكت
منال بكل جدية: عفوا أنت.. واشرت على عبد الله بصبعه/ تكلمنا أحنا؟
عبد الله أنفهر من أسلوبها وبتريقه: لا أكلم الجدر اللي وراكي
منال هزت راسها بنفي: اللهم طولك يا روح.. سعد أمشي نرجع على بيتنا وبلاش كلام فاضي مع غرباء
عبد الله برميه في الكلام: والله يا بنت الأصول أظن أن عيب تروحين بدون ما يعرف أبوي.. هذا لو تعرفين معنى الأصول لأن.......
منال طالعته وبكل ثقة قاطعته وقالت: عفوا والله أنا أعرف الأصول قبل ما تعرف أنت هذا شيء.. والشيء الثاني أبوك ماله أي علاقة فيني هو زوج أختي وراح أحترمه على هذا الأساس بس من جهة ثانية هو رجل غريب ماله في أموري فلو سمحت لا تتكلم عن الأصول وأنت في الأصل ما تعرف الأصول.. وأعطته ظهرها عشان تترك المكان بس هي انصدمت أول ما مسكها وشدها من عبايتها!!!!!!!!!!!!!!!!! هذا كان حال عبدالله من ردت فعل منال واللي قالت بحدة: هذا المرة جاك كف المرة الثانية قسم بالله راح نوصل للشرطة يا قليل الأدب ودارت وتركت المكان تحت صدمة عبدالله وتركي وأخوها سعد
تركي طالع في ولد أخوه اللي كان واقف في مكانه وحاط يده على خده من هول الصدمة/ عبد الله أنت بخير.. عبد الله التفت لتركي اللي شهق شهقة خفيفة/ أف والله الكف طبع على خدك عن جد البنت جريئة
أبو نايف واللي جاء من عند الدكتورة: يله يا عيال نرجع على البيت.. بس أستغرب من غياب منال وسعد وبتساؤل/ فين سعد وأخته
تركي طالع عبد الله ومن ثم أبو نايف وبشوية تريقه: طويلة العمر أخذت أخوها وراحوا على بيتهم
أبو نايف بتعجب: أيش وأنتم ليش تتركوهم يروحون لحالهم بهذا الوقت.. متى راحوا
تركي طالع في ساعته: مالهم كثير يمكن حق عشر دقايق
أبو نايف باستعجال: أمشوا بسرعة يمكن نلحق عليهم لأن البنت صعب تروح في هذا الوقت مع أخوها الصغير بروحهم.. وراح وخلاهم
تركي بهمس: بنت والله لو شاف البنت أيش سوت في خد ولدك كان ما خفت عليها كذا.. عبد الله طالع في عمه بقهر وراح وخلى المكان لتركي اللي يبتسم من اللي صار.. تركي هز رأسه بنفي وهو يسترجع أحداث اللي صارت وبعد كذا لحق أخوه وولده
________________________________
وعند باب المستشفى
كانت منال واقفة ترتجف من الخوف ومرعوبة من اللي سوته
منال بينها وبين نفسها (يا ربي أنا ليش سويت كذا يالله أكيد هو الحين بيجي ويضربني مثل ما ضربته أو يقول أبوه و
أبوه يقول أبوي عاد في ذك الوقت أيش راح يفكني من أبوي.. بس هو بعد مو من حقه يمسكني أو يتكلم معي.. وفي نفس الوقت/ يا شيخ يصير اللي بيصير أنا ما أخاف غير من اللي خلقني) وبشوية عصبية لسعد: أيش فيك أنت بعد وصل الكابتن عشان تهزني كذا
أبو نايف: لا يا بنتي بس أنا من أول أكلمك بس أنت باين عليك أنك تفكرين في أختك
منال طالعت في عبد الله اللي كان واقف جنب أبو ويطالع فيها بظره ما فهمتها أبد فشالت نظرها عنه وطالعت في أبو نايف: معليش ماقصدتك انت يا زوج أختي
أبو نايف بابتسامة: ما صار شيء.. بس أنتم ليش خرجتوا من المستشفى
منال: وجودنا ماله داعي وأختي الصغيرة في البيت عشان كذا قررت أرجع على البيت وبكره أرجع لأختي
أبو نايف هز رأسه بماوفقة: طيب على خير أن شاء الله.. بس خلينا نوصلكم على بيتكم أنا والعيال لأن الوقت متأخر
منال فتحت عيونها على وسعهما من كلامه: لا شكرا... أنا طلبت سيارة وهي على وشك الوصول
أبو نايف: أظن أنه عيب أنك تروحين بسيارة أجرة وأنا موجود
منال طالعت بعبد الله وتركي بشوية أستحقار: لا والله أنك محشوم يا أبو نايف.. وأنت تعرف بأن بيتنا بعيد وأكيد راح تتأخرا لو وصلتونا.. في هذا اللحظة وصل سائق كريم
السايق: السلام عليكم أنتم طلبتم سيارة يا أخوية
سعد بفرح لأنه تعب على الأخير: أي أحنا طالبنا
أبو نايف حس بأن منال مستحية تروح معه عشان أخوه وولده: عبد الله خذ عمك وروح بسيارة الأجرة وأنا راح أوصل سعد وأخته وأرجع على البيت
عبد الله بهدوء: أن شاء الله يا يبه يله يا عمي.. عبد الله طالع في منال وأخوها ودخل سيارة الأجرة هو وعمه وراحوا
أبو نايف بابتسامة: يله عاد الحين ما عندك حجة خلوني أوصلكم وأرجع على بيتي.. منال أتنهدت وأكتفت بهز رأسها بموافقة
**************************************
وفي بيت أبو فهد
أم فهد برجاء لغادة اللي كانت تبكي بدون صوت: غادة الله يسعدك قوللي أيش اللي صار يا بنتي
غادة واللي بس تشهق: مافيني شيء بس أبيكم تتركوني لوحدي يا يمه
أبو فهد: أشلون نتركك وأنتي بهذا الحال.. قول لي بس مين اللي مزعلك
ماجد طالع في أمه ومن ثم أبوه وأخوه: غادة أنتي مريضه يا حبيبتي.. غادة طالعت أخوها بانكسار وهزت رأسها بنفي
أبو فهد بحدة: أنتي بتتكلمين ولا أشلون والله أحس أن ضغطي أرتفع منك.. وخرج وترك الغرفة
أم فهد شدت غادة لحضنها وطالعت في عيالها: ممكن تتركوني مع بنتي
فهد طالع في ماجد: أن شاء الله يا يمه.. وخرجوا هم بعد وقفلوا الباب
أم فهد مسحت على راس غادة بحنان: غادة حبيبتي حلفتك بالله قول لي أيش صار لك يا بنتي نوال كلمتك وقالت لك شيء عن ملكتكم أنت وسيف.. غادة من الصدمة زادت بكاها لأنها ما تعرف شيء عن هذا الموضوع.. أما أم فهد فخمنت بأن اللي يصير لبنتها بسبب موضوع الملكة/ لا يا بنتي لا تسوين في نفسك كذا ترى هاذي سنة الحياة وهذه قسمتك ونصيبك وصدقيني الموضوع مو بيدي ولا بيد أبوك لأن جدك هو اللي خطط لكل شيء يا حبيبتي والله أنا زعلت مره وقت ما عرفت.. بس أنت تعرفين جدك وقراراته يا غادة
غادة بالم: أأأأها والله قلبي صار يعورني وأحس أنه بيوقف من شدت الألم
أم فهد بدمعة على حال بنتها: بسم الله عليك يا بنتي لا تقولين كذا تراك والله تقطعين قلبي
غادة واللي مو في وعيها: طيب ليش يصير معي كذا.. أنا أيش سويت في حياتي يا يمه.. والله أحس أني اذنبت وربي يعاقبني على هذا الغلط
أم فهد حطت يدها بسرعة على فم بنتها: استغفر الله لا تقولين كذا ربي ما يبلي الانسان الا إذا حبه وفي ناس تصير لهم مصايب.. وأنتي ربي أنعم عليك فكيف تقولين كذا.. في هذا الحظة دخل ماجد وفي يده أبرة
ماجد: معليش نسيت أعطيك هذي الابرة عشان تهدى أعصبك.. فجلس جنبها ووخزها بالإبرة في يدها وبعد كذا مسح على شعرها/ أهدي ونامي وبكرة أن شاء الله قولي لي كل للي في نفسك
غادة واللي بدء مفعول الابرة معها على طول: استغفر الله يمه بس أنا والله أحب را.................
أم فهد بعدت غادة عن حضنها فشافتها مغمضة عيونها فقالت بخوف: يمه بنتي
ماجد بهدوء: يمه يمه لا تخافين أنا أعطيتها أبره منومة عشان تنام وتريح أعصبها لأن غادة مصدومة من شيء الله أعلم أيش هو ؟؟؟.. بس أنت حاولي تعرفين أيش فيها.. أم فهد غطت غادة وخرجت هي وماجد وبعد ما قفلت الباب
أم فهد بحسرة على حال غادة بنتها: الله يسامحك يعمي على اللي سويه في البنت
ماجد طالع أمه باستغراب: جدي!! ليش جدي أيش علاقة بالي صار لغادة يا يمه
أم فهد بهمس عشان لا يسمعها أبو فهد: جدك هو اساس البلاء لأنه ملك لاختك بدون ما تعرف وأنا متأكدة بأنها أنهارت بعد ما عرفت بموضوع
ماجد بصدمة: أيييششش وليش سوى كذا ومين هو الولد.. وأبوي أشلون يوافق جدي على كذا
أم فهد: أنت تعرف بأن أبوك مستحيل يكسر كلمة جدك وحتى لو كان في سبيل سعادته أو سعادتكم وهذا الشيء اللي يحرق قلبي يا ماجد بس المشكلة ما أقدر أعترض أو أدافع عنكم.. والله أني ضعيفة يا ولدي وأخاف أختك يصير لها شيء أو تضيع مني
ماجد أحتضن أمه: لا يمه لا تقولين كذا وغادة أنا راح أتكلم معها بس يا يمه من الولد اللي خطب أختي؟
أم فهد طالعت ولدها وقبل ما تترك المكان قالت: ولد عمك سيف وأظن أن غادة اتصلت عشان تبارك لنوال على خطوبتها من راشد فقالت لها عن ملكتها من سيف
ماجد من الصدمة ما أستوعب اللي قالته امه الا بعد كذا: أيش راشد ولد خالي خطب نوال بنت عمي ومتى صار هذا الشيء
أم فهد نزلت رأسها: اليوم خالك جاء هو وراشد وفارس وخطبوها من جدك
ماجد بعد إستيعاب: يمه أنتي متأكدة أن راشد خطب نوال ومو غادة أختي
أم فهد طالعت ماجد: أي والله خطب نوال ليش مستغرب كذا.. صحيح في البداية خالك قال إنهم يبون غادة وقبل ما يعرف عن ملكتها من ولد عمك قال راشد هو يبي نوال ومو غادة
ماجد أنصدم من اللي يسمعه لأن رغد اتصلت عليه وقالت له أنه راشد راح يخطب غادة: طيب يا يمه أختي عرفت بموضوع الخطبة هذا
أم فهد بشك في الموضوع: أي عرفت بس هي تركتني قبل ما أكمل كلامي
ماجد غمض عيونه وشد على يده بقهر: الله المستعان اللحين عرفت كل شيء
أم فهد باستغراب: أيش عرفت يا حبيبي فهمني لو كنت أنت فعال فهمت يا ولدي شيء أنا ما أعرف
ماجد أتنهد: راح أقولك كل شيء بس مو الحين يا يمه.. خليني أفهم الموضوع في البداية وأعرف سبب التغير وراح أقولك كل شيء والحين عن إذنك أنا لازم أرجع على المستشفى لأني عندي شغل هناك
أم فهد: طيب يا حبيبي استودعتك الله.. ماجد ترك أمه خرج من البيت والأفكار تدور في رأسه ولو أن الوقت متأخر كان راح واستفسر من رغد عن الموضوع بكامله
*****************************
وفي بيت أبو فارس
أم فارس بقلق: أرجعي أتصالي عليه يمكن يرد هذي المرة
ميهاف بنفس قلق أمها: طيب أن شاء الله يا يمه.. بس كانت النتيجة مثل كل مره الجوال مقفول/ يمه جواله مقفول
أم فارس جلست وهي تمسك براسها: يا الله فين راح يكون هذا الولد الساعة ثلاثة وما رجع وأبوك نايم ولا هامه الولد.. وأنا ما بيدي شيء أسويه ولا أعرف أحد من أصحابه عشان أتصل عليه وأساله
ميهاف واللي كانت تفكر في غادة قالت بهمس مو مسموع: والله يايمه ولدك ما يحزن اللي يحزن غادة اللي ما أعرف أيش صار لها عقب الصدمة
أم فارس بتركيز: أنت أيش جالسة تقولين بضبط
ميهاف طالعت أمها: سلامتك يا يمه أنا ما قلت شيء.. في هل اللحظة وصلت رسالة واتس على جوال ميهاف فطالعت جوالها وأول ما شافت أخوها المرسال فتحت الرسلة بسرعة&& ميهاف الحقي علي يا ميهاف&& ميهاف طالعت أمها بخوف ووقفت/ يمه أنا الحين برجع بروح الحمام.. الله يكرمكم.. وراحت وتركت أمها المصدومة.. ميهاف أول مادخلت على غرفتها اتصلت على أخوها وبخوف/ الو راشد فينك أنت الله يهديك
راشد: ................. بس شهقت
ميهاف حست بخوف غير طبيعي على أخوها: راشد واللي يعافيك رد علي بس قلي عن مكانك عشان أطمن عليك
راشد ببكاء مثل الأطفال: ليش سوت فيني كذا ليش.. ليش ما قالت لي أنها تحب ولد عمها ليش خلت قلبي يتعلق فيها هذي جزاتي أني أحبها وأخاف على مشاعره.. أنا أيش سويت لها عشان تتركني وتأخذ ولد عمها طيب على الأقل تخرج من حياتي بتدريج ومو على طول.. طيب أنتي صديقتها وبنت خالها مو معقول ما تعرفين بموضوع خطوبتها
ميهاف بصدمة من اللي تسمعه وبدموع صوت مهزوز: صدقني يا راشد والله ما أعرف عن هذا الموضوع أنا بعد اتصلت عليها بس هي ماردت علي لأني أنا بعد أبي أعرف الموضوع منها
راشد بقهر وغصة: قسم بالله لا أخليهم يندمون هي والحيوان اللي خانتني معه ومثل ما حرقوا قلبي والله العظيم لأحرق قلبه هو على أخته وهي على أغلى شيء عندها
ميهاف بلعت ريقها وبخوف: راشد معقول تفكيرك يكون كذا.. طيب لنفترض أن سيف أخذ منك حب حياتك وبأن غادة تركتك.. نوال أيش ذنبها تنتقم منها.. صحيح أنا ما أحبها بس والله حرام تدخلها في انتقامك
راشد بنفس شهقته: ذنبها أن سيف أخوها وغادة بنت عمها.. وعلى العموم قولي لأمي أنا بخير.. وقفل السماعة قبل ما يسمع ردها
ميهاف نزلت السماعة من أذنها وهي مصدومة من أخوها: والله في شيء غلط في المواضيع وغادة مستحيل أنها تسوي كذا في راشد.. بس هي بعد الله يهديها ليش ما ترد علي يمكن أفهم منها الموضوع.. والله ما أقول غير الله يستر الله يستر
أم فارس باستغراب: ميهاف أنتي مع مين تتكلمين
ميهاف طالعت أمها: أتكلم مع نفسي يا يمه.. وعلى فكرة راشد اتصل ويقولك هو بخير
أم فارس عقدت حواجبها: أيش اتصل وحضرته فين ما يرد على اتصالاتنا
ميهاف وهي تمسح دموعها: والله يا يمه ما أدري عنه
أم فارس بعدم تصديق: أنتي متأكدة أن أخوك أتصل ولا بس تقولين كذا عشان تطمينني.. وكمان أنتي ليش تبكين
ميهاف فتحت جوالها ومدته لأمها: خذي وتأكدي بنفسك.. أم فارس أخذت جوال ميهاف وبعد ما شافت أتصل ولدها رجعت الجوال لميهاف وخرجت بدون أي كلمة/ الله يحفظك يا أخوي..............يــتــبــع
*****************************

قراءة ممتعة يا حبايبي...

مقتطفات من الفصل الخامس ...

رانيه وهي تطالع في نوره ومن ثم لمنال: أوكي حطي لي شويه.. منال قامت ورانيه طالعت في نوره وبهمس/ أيش فيها أختك يا نوره

******************************
منال عصرت عيونه وطالعت في نوره ومن ثم في رانيه: البركة في أختك الفتانة والعربية للأخبار أظن أنها ما قصرت قالت لك كل شيء

*******************************
أبو نايف بأعجاب من شخصية منال: طيب يا بنتي وأنا أعتذر منك ثاني مره.............

*******************************
أم رياض: أي أنت كل مره تقول كذا وفي النهاية تسافر وما تجي

*******************************
تركي باستغراب: لحظة يا خالتي.. وطالع روان/ أيش فيك عسى ما شر ليش كذا مرتبك؟، وأبوك ليش يبيني؟.................

*******************************
أبو نايف: والله يا دكتور طالما أنت تتصرف مثله فأكيد أنا أقصد أنت

*******************************
أم نايف بتريقة: حسبتها وحدة من بناتك ولا هي بعد حاط عينك عليها وتبي تكمل الثالثة

*******************************
أم سالم بانفعال: أقول أنا قلت ما بتروحي يعني ما بتروحي...................

*******************************
سيف أتنهد وهز راسه بنفي: اللهم طولك يا روح أنا ما أعرف أمي ليش تحب تنكد علي في عيشتي...............

******************************
أبو سعد وفمه مليانة أكل: والله أنا مثل ما قلت لك البنت انخطبت وأنا أنتظر الرجال يضبط أموره ونملك

*******************************
الشخص بصدمة: أيش أنت من جدك تبيني أتزوج بزر

*******************************
أبو سعد رفع راسه عن الاكل وطالع الشخص: أنا ما راح أزوجها لأبو ريان لأني اتفقت معه على منال

********************************
الشخص أتنهد: طيب أنا موفق وراح أعطيك ميتين ألف بس شرط

*******************************
أبو سعد وقف عن الاكل وطالع الشخص با ستغرب: أيش!! أنت أيش تقصد بأنسها بضبط!!؟؟

*******************************
الفصل يوم الخميس أن شاء الله بعد العشاء................

السلام عليكم ورحمة الله وبركاته،

يسلمو ايديك يا قمر


بشكرك كتير وبحييك على التزامك رغم قلة الردود


*تثبت الرواية لمدة اسبوع*

تقبلي مروري و خالص ودي

تسلمين والله يا قلبي والله يعطيك العافية...