وططططن نوره ابدعتي ابدعتي جداً
شكراً لك لإنك رجعتينا لفتره نحبها لزمن الروايات الجميله والأجمل انك ختمتيها لنا بكل رُقي وفخامه 💓💓 ولا تركتيها معلقه وتركتينا معلقين معها 🙆🏼💓

روايتك تنحفر بالقلب والله كل موقف عشناه مع خطاب وكل ألم حسينا فيه معه
كل تحمل وصبر عاشته هلا وكل حُب وتفاني وصل لنا 💜

الجميل جداً واللي اعتبره توج جمال الروايه أسلوب الفكاهه اللي دخلتيه على بعض الشخصيات حلو وأحبه يقرب الشخصيه من القارئ اكثر ..💜

البارت الأخير كان مُتخم بالأحداث بعضها مؤلم وحقيقة منيف البشعه تمنيت انه يكون فيه خطا بالموضوع وموت عائلة خطاب يكون بالخطأ بس للأسف أشكال منيف موجوده ولازم نٌقر بوجودها الأشخاص منزوعين الرحمه اللي ممكن يبيدون شخص بل عائله كامله بسبب اخطائهم اللي يرفضون يعترفون بها وجرائمهم اللي مايبون يتوبون عنها ..

اعجبني بتقفيلة الروايه انك جبتي لنا بُعد زمني طويل وهو بعد 18 سنه كيف صارت احوال الأبطال
النهايات لكل الأبطال تعتبر مرضيه
كنت اقول شالغرض من موت بدر وليه ماخلته وطن باقي حي الا اني اكتشفت انك كنت بحاجة موت بدر عشان تكمل الحبكه :)
بس ماعرفنا محمد هذا مين اللي تزوج بنت حنين وبدر احس انه شخصيه كانت موجوده بس مو متذكره بالضبط 🤔

دانه وأخيراً استقرت حياتها بعائله فعلاً هي كانت مفتقده الجو العائلي طول حياتها بس اللي يقهر ان جابر ابوها مازال على حاله !!!


خالد شخصيه أضفت على الروايه طابع جميل وجو خاص احتوائه لضي يعلمنا ويعطينا امل بالحياه ان فيه ناس او شركاء حياه ممكن يتقبلونا بعيوبنا ويحتوونا إلى ان نوصل بر الأمان ..

وطننن شكراً فعلاً بحجم السماء على الروايه الأكثر من رائعه
ويارب نلتقي قريب برائعه ثانيه لك تمتعينا فيها 💜

الف مبروك خاتمة الروايه النوري بصراحه نهايه جداً سعيده
حاولت اقلبها في راسي وشلون بتنتهي عجزت اجيبها
مايجيبها الا كاتبتها

كنت اقول يالله ورطتي خطاب بدانه ورطتي دانه بخطاب وش راح يصير للأثنين خاصه ماودتس تظرينهم كلاهم ضحيه

حلوه طريقة خروجها من حياته واخر ماتوقعت تتزوج صاحب عمها

تصدقين النوري شكل الجازي مره سنعه وتعرف ربي وزواجها من الشيطان منيف اختبار من رب العالمين
ربت عيالها وظفت بنت ولدها حتى انهم استقبلو دانه مع ان منيف اللي مربيها

كنت استغرب فعل عيال منيف وزوجته معه واقول مهما كان هذا أب بس بعد ماعرفت بتفاصيل جريمته قلت اكيد ذاقو منه الويل

هل سبب نقم عياله وزوجته جريمته ولا شافو منه الويل هم بعد

مستغربه على جبروته وكلابته ماضر الجازي وعيالها

واللي مستغربته اكثر كيف جابر يرمي البنت عليه وهو يدري يفعايله
ومنيف على عدم مخافته من الله غريبه مالعب في البنت
لان مثل ذا الانسان لا يردعه دين ولا عادات وتقاليد


يالله على المجرم منيف اعوذبالله على افعاله يحرق الرجال هو وعياله عشانه بلغ عنه في فعلته الشنيعه اصلن وشلون فواز يعرف عنه وساكت ليش مابلغ عنه قبل
ليش مصادق اشكال منيف اذا هو فيه خير
يمه هذا مجرم مايخاف الله حسبي الله عليه وش واسطته اللي طلعته من جريمته
يسوي بعيال خلق الله كذا وهو متزوج وعنده عيال

الله يلوم اللي يلوم خطاب كلش كوم وفعلت في سند كوم يمه سماعها بس يروع

هلا خشمتس يابنت انتي المفروض اسميتس نادره اللي سويته مع خطاب تضحيه ماقبلها ولا بعدها ربي خذ منه اهله وعوضه فيتس جوهره زمرد الماس مدري شوصف فيتس شخلي منتس

زين ياخالد حنت ضي وعطتك وجه

النوري وشذا البزارين كلهم الحين اخو هلا الكبير يوم يجيله البنت الثانيه وخطاب وخالد ماعندهم احد ماشاءالله جابو 11 بزر والرجال ماجاب الا واحد
شكل خالد وخطاب يتسابقون من اللي يجيب اكثر
الله يعينهم

الف الف شكر النوري في الانتظار الجديدتس 💕💕

روعه روعه روعه... قلم جميل وسرد للرواية اجمل
شكرا عزيزتي