السلام عليكم ورحمة الله وبركاته
طابت أوقاتكم بكل خير..شكرا لكل من قرأ ورد وتفاعل
دون استثناء..واقدم لكم القطرة السادسة ..قراءة ممتعة لكم جميعا

لاتشغلكم الرواية عن عباداتكم واعمالكم

"القطرة السادسة"

جده 2017
بعد ماوضعه في الخلف في سيارة الشرطة
والقيود الحديدية مكبله بيديه اغلق الباب
بعنف..وذهب في سيارته الخاصة
ذاهباً الى منزله ..ويعود للتحقيق معه في
وقت لاحق ..مكلف ماجد للقيام في ذلك لعدم
لفت الانتباه له والانظار لانه يعمل بالخفاء

اما ماجد وباقي رجال الشرطة ذهبوا الى
مركز الشرطة..

ايش يسوي كيف يفهمونه ..ولده مريض محتاج
للدواء ..على الاقل يسمحون له يكلم احمد ويقوله
تعب وهو ينادي ويصرخ عليهم بأسم ولده الكل
مايسمع له ...
بهدوء بعد صمت"طيب اسمح لي بكلم والله ولدي
تعبان "
بدون ان ينظر له رد ببرود
"حسيت الحين بفقد الابن ليش ماحسيت قبل
يوم تقتل فزاع ماحسيت بألم سعود و..."
قاطعه وهو يغمض عيونه بألم"طيب وصلوا
له الدواء"
ببرود وهو ينظر له"امه عنده مايحتاج ..."
"امه متوفيه"
ماجد ناظر له وبإستغراب"وولدك تاركه لوحده"
بندر بأمل ان ماجد يوصل الدواء لعبدالله نطق
بسرعة"كنت برجع له و..."
قاطعه ماجد بحده وقهر كيف يترك طفل مريض
بالشقه لوحده"انت انسان انت اصلا ليش اقول
عنك انسان انت قاتل مجرم"
ببرود رد "قاتل مجرم سمني اللي تبي لكن
طلب واحد بطلبه منك وصل الدواء اللي كان
بالصيدليه له"
ماجد ببرود رد"واذا قلت لا"
"انت وضميرك عاد"



احمد استغرب من تأخر بندر الصيدلية
قريبه ومايحتاج كل هذا التأخر..اخرج جواله
واتصل ببندر ومافيه رد ..بإستغراب وهو يذهب
لعبدالله اللي فتح عيونه بتعب وهو يكح وتنفسه
ضعيف مرة..اسرع له وهو خايف وحمله
"بسم عليك "


صوت هدوء بالسيارة حتى بندر صمت
بعد محاولاته وترجيه احد يفهمه ويحس فيه
قطع الصمت صوت جوال بندر
"اكيد احمد ينتظرني بدواء عبدالله"
ماجد ببرود دخل يده بجيب بندر واخذ
الجوال وبتهديد "كلمه وحده بتخسر ولدك"
لازم يفتح الجوال ويعرف من يمكن يقدر يوصل
لباقي العصابة والمجرمين ..
فتح الجوال وهو صامت واتاه الرد بصوت سريع
وخايف
(وينك انت تأخرت عبود تعبان مره والسيارة
معك )
بندر بيتكلم لكن ماجد اغلق الجوال..
بعصبية ويديه مكبله ويحاول يسحبهن ويحرك
جسمه وبصراخ"مااعندكم احساس عبوود تعبان
فيه ربو "ودف الشرطي اللي جنبه بكتفه وبهستيريه
وصراخ"اتركوني بروح له بس بوصله المستشفى"

بعصبية وهو يعدله بمكانه"خلاص اسكت"
وبأمر للسايق"وقف السيارة انا بروح له
وانتم كملوا الطريق للمخفر"ونزل من السيارة
واشر بطريقه للسيارة الثانيه المرفقه لهم
"انزلوا مع الشباب "واخذ السيارة وراح لشقة
بندر..


الرياض 2017
ابو فيصل طلب ريما وماكان يعرف ان معاذ
مخبرها بشي..واحتار مايدري كيف يقول لها
عن خطبة سامر لها..متوتر وخايف عليها
"فيه شي بقوله لك"وبتوتر "وماابي تزعلين ولا ت..
قاطعته بابتسامه وهي تمسك يده"ازعل منك انت
مستحيل"
ابتسم وخف التوتر"تدرين من كان عندنا البارح"
ريما تدري ولكن ماحبت تقول لابوها "لا"
"ابو سامي ومعه سامر جاي يخطبك مرة ثانيه"

ريما بمجرد ذكر اسمه شعرت بضيق وكره وحقد
دمر حياتها ودمر كل شي جميل فيها..قتل احلامها
وشوه سمعتها بين الناس وجاي بكل بساطه يخطب
تمنت يكون قدامها وتطلع كل اللي بقلبها وخاطرها
له ..تمنت ترد كرامتها وتجرحه ..تمنت تصرخ وتقول
له عن كل شي صار لها بعد ماطلقها وتركها كذا بدون
مايوضح لها السبب ..كل عرق بجسمها ينبض بكره
وحقد له وشعور واحساس قاتل ..
"ريما تسمعيني"
ناظرت لوالدها وهي تمنع دمعه تسقط لاارادي من
عيونها "انا موافقه على فيصل"
ابو فيصل وهو يناظر لها وبحزن "اذا قصدك تنت.."
قاطعته وهي توقف "انا موافقه على فيصل واي وقت
يبون الملكه ماعندي مانع"وطلعت بسرعه متوجه الى
غرفتها تاركه والدها بحيرة وحزن على حالها...
دخلت الغرفة ودموعها تسقط ..اغلقت الباب
تسرعت بموافقتها على فيصل لكن هذا الحل الوحيد
تكسره وترد كرامتها ترفضه وتنتقم لنفسها..


جده2017
خرج من الشقة ركضاً مثل المجنون وهو يحمل
عبدالله بين يديه زادت حالته ..يلهث وانفاسه تسبقه
يقفز من الدرج وهو خايف من فقد عبدالله..
واول ماوصل الدور الارضي انتبه لماجد يدخل
وبسرعة"تكفى وصلنا المس..."
قبل يكمل رد ماجد بسرعة "ياللا بسرعة تعال معي
"
خرج يحمل عبدالله بخوف ورعب ويتلفت مافيه سياره
الا سيارة الشرطة غيرها مافيه شي لف لماجد
"وين سيارتك "ماكان يعرف ان ماجد ضابط لانه بملابسه
العاديه..
فتح الباب وبأمر"تعال "
ركب السيارة بسرعة والحالة اللي فيها ماسمحت
له يسأل او يشك بشي..خلال ٥ دقائق وصلوا
المستشفى ونزل من السيارة بسرعه وهو يركض
بخوف لقسم الطوارئ...

ماجد بتفكير"لايكون هذا ماهو ولد بدر "
ورجع للسيارة وتوجه للشقه..بعد دقائق وصل
وانتبه لباب الشقه مفتوح ..دخل بحذر وهو ينادي
"فيه احد"وماسمع الا صدى صوته...

تقدم بخطواته ..الاثاث انيق والمكان مرتب
"يعني يعتاد يجي هنا وحنا غافلين عنه"
واخذ صوره منزله على الطاوله وفيها عبدالله
"اي هو الولد الحمدالله كنت شاك ..اممم مين
اللي كان موجود عنده وهذا يكذب يقول تاركه
ولف يناظر لعلى يلقى دليل او اي شي يوصله
لكامل القضية....مرت ساعه وهو يتفقد المكان مافيه
اي شي الا اغراض شخصيه
"كيف كذا والاسلحه والمخدرات اللي كان يدخلها
قبل سنتين "وضرب رأسه بخفيف"غبي غبي ياماجد
ماهو تاركهن هنا اكيد بمكان ثاني ..وفتح شنطه
اخرى صغيره مرتبه بترتيب انيق وانصدم وفتح
عيونه على الاخر صور بنت ..اخذ الصور وناظر
ووبتدقيق وصدمه"صور جود هذهِ ايام الحادث"
واخذ باقي الصور وانصدم اكثر هذهِ كلها جديدة "
وغطى الصور واخفاهن بجيبه بعد ماسمع صوت
مرت ساعه وهو ماحس ..

احمد بعد ماتحسنت حالة عبدالله بعد البخار والادوية
وتذكر انه ماقفل الشقة ..ترك عبدالله ووصى عليه ممرضه
وحتى بندر اول شي مايرد وبعده رد ولا تكلم وبعده مغلق
جواله غريبه بندر وهو يعرف ان عبدالله تعبان
مستحيل يتركه ..اكيد فيه شي
وبصدمه من الشخص الواقف بنص الصاله
"ايش تسوي هنا "مو انت اللي وص.."
قاطعه ببرود "كيف حالة الطفل"

احمد بشك واستغراب داخل الشقه ويسأل عن
عبدالله وهو كان موصلهم كيف رجع وكيف...

قطع عليه كل توقعاته واستفسراته صوت ماجد
"وش فيك ساكت ليش تركت الطفل ب.."

قاطعه احمد بعصبيه من هذا عشان يحاسبه او
يسأله عن عبدالله وبكل وقاحه يدخل الشقه بدون
اي احترام "ومين انت عشان تسأل وبعدين
ماتستحي تدخل بيت الناس ..."

قاطعه ماجد وهو يتقدم بيخرج وببرود"انت واشكالك
تحاسبني على الاحترام وبيوت الناس.."

احمد تنرفز وزادت عصبيته وتقدم له بيتهجم عليه
لكن يد ماجد مسكت يده وبثقه "احترم نفسك
وخلك عاقل وانتبه لمين الشخص اللي قدامك "

احمد ناظر له بصمت

"معك الضابط ماجد بن مشعل ال.."

احمد يحاول يستوعب اللي سمع وبتردد"ضابط"

ماجد ببرود وهو يناظر له"اي مستغرب"
احمد بقهر وتوتر "حتى لو كنت ضابط من سمح لك
تدخل البيت و..."
"مين انت عشان ابرر لك "
احمد بعصبية"تدخل بيت الناس بدون امر تفتيش
وتفتش وبكل ثقه تقول من انت حت..."
قاطعه ببرود وهو يخرج"بدر موجود عندنا بالمركز
والدور عليك" وذهب....تارك احمد بصدمه
بدر كيف بدر ..بدر موجود بإيطاليا كيف وبعد
استيعاب وتذكر ..جلس على الارض واطرافه
ابد ماتساعده يوقف من الصدمة....
بندر بندر كيف لا مستحيل ...
وهو يحاول يركز كيف قبضوا عليه ايش يسوي
وعبدالله ..بلع ريقه ..كيف يتصرف كيف يقول
لبدر ..بدر بيجن بيصعبها ..حاول يوقف لازم
يتصرف يقوي نفسه ..عبدالله وبندر محتاجينه
صرخ بألم"يالله "وخرج بعد ان اقفل الشقه ذاهباً
الى عبدالله.....


ماجد بعد ماخرج من احمد توجه الى المركز وهو
يفكر صور جود هو متأكد صورها يعرف جود..
يعرفها والصور هذهِ ايام الحادث يعرفها زين
هو بالحادث مع سعود ..الغريب الصور الجديدة
كيف وصلت لبدر..ايش يخطط له مره ثانيه ضرب
يده بقوه بالسيت"انا اعرف بطريقتي"


بمركز الشرطه بين اسوار الحديد والقيود مازالت
بيده ملقي برأسه ..تعب من الصراخ مااحد يرد
عليه..بيعرف ويتطمن على ولده ..الصداع
اشتد عليه وكل جسمه يألمه ..مانام بيكمل
٢٤ ساعه..هلكان من الجوع ابد ماهو قادر يتحمل
اكثر..غمض عيونه الحمراء من التعب والنوم
"ايش اسوي بدر وعبدالله يارب ساعدني يارب"


الرياض2017
الساعه 10 ص..معاذ رجع من الدوام مبكر
بعد مااستأذن ..نام البارح ولا سأل ريما
عن قرارها ..توافق على فيصل او لا
دخل المنزل ..واستغرب لعدم وجودها عند والديها..
"السلام عليكم"
"وعليكم السلام "وباستغراب من رجعته مبكر
"فيك شي"
ابتسم وهو يقبل راس والديه"لا "وبإستغراب
"ريما .."
قاطعه والده بحزن"اليوم قلت لها عن خطبة سامر
وقالت انها موافقه على فيصل وماشفتها بعدها"
"انا بطلع لها"وخرج وهو مرتاح ..اهم شي ماترجع
لسامر وتكسر رأسه بموافقتها على فيصل..
طرق باب الغرفه واتاه صوتها
"ادخل"
فتح الباب ودخل بإبتسامه"ريما"
ابتسمت له ببرود"ارتاح قلت لأبوي اني موافقه
على فيصل"
جلس جنبها وبجديه"ريما لايكون انتِ قبل كلامي
بتوافقين على سامر"
ريما تناظر بصمت
معاذ وهو يتفحص نظراتها "ريما تكلمي"
ريما بحزن وهي تحرك اصابعها"مافكرت ابد انه يرجع
حتى بنسبة١٪‏"
معاذ بعصبية وهو يوقف"ريما هذا ترك بيوم زفافك
حتى مافكر فيك ولا باللي سواه وغير كذا اللي يحب
مستحيل يسوي مثله "
ريما وهي تمسح دموعها"مااكذب عليك واقول اني
ماحبيته سنه وشهرين ماهي قليله.."
قاطعها معاذ بهدوء وهو يجلس جنبها"انا ابي الان
مشاعرك تجاهه كيف قبل.."
قاطعتها ريما بهدوء"الان لو تطلب مني اقطعه قطع
بيدي مايكفيه ماكرهت انسان كثره"
تنهد براحه وهو يقبل رأس ريما"اي هذهِ اخت معاذ"
ووقف "امممم لازم افكر بشي ارد حركته له"



ايطاليا 2017
فز من نومه بخوف بسم الله الرحمن الرحيم
وقلبه قابضه..بندر فيه شي اكيد..انا حسيت
والله حسيت توأمي واعرف..مسح عيونه وهو
يفتحها ويغلقها ..واخذ جواله واتصل ببندر
مغلق ..بلع ريقه بخوف ودقات قلبه تنبض
"ليه مايرد انا حاس فيه شي ادري"
واتصل بأحمد ومايرد..
هنا تأكد ان صاير فيهم شي
وناظر بساعته 9 بإيطاليا ..10بالسعوديه
"نايمين اكيد"وجلس بضيق "طيب ليش
حاس انا اووف ياربي"وارسل لبندر
واحمد يتطمن...



جده2
دخل المركز بسرعه وهو ينادي
"بدر لمكتبي بسرعة"
دخل مكتبه ونزل الصور على المكتب
وهو قلق..ليش الصور عنده ..اكيد ناوي
على شي ثاني..والصور الجديدة اكيد بيخطفها
اكيد...وضرب يده بعصبية على الطاولة
"وش ناوي عليه يابدر" والتفت بعد ماجاب
العسكري بندر ..
بندر بتعب بكل اجزاء جسمه وبصوت اليم
"كيف عبود رحت له"
ماجد بأمر للعسكري " فك القيود واطلع عند
الباب ولا احد يدخل"
العسكري فك القيود من يدين بندر وطلع..
بندر وهو يمسح على مكان القيود وبتعب"
عبود .."
ماجد بقهر وهو يجلس قدامه"بالمستشفى
و..."
قاطعه بندر بخوف "بالمستشفى ليش .."
ماجد بعصبية وصراخ"خلاص "ومسك وجه
بعصبية"ايش ناوي عليه انت"
بألم من قبضة يده وهو منحني على ركبه
"ايش تقصد"
ماجد زادت عصبيته وبصراخ وهو يلكمه مع
فمه ووجه"لا تستغبي "
بندر بألم وهو يسقط على الارض جوع وتعب
"ماسويت شي م..."
قاطعه ماجد بعصبيه وهو يرفعه وهو ضاغط
على اسنانه وماسك وجهه
"بدر استغباءك هذا ابد ماهو من
مصلحتك ليش رجعت "
بندر يناظر له بصمت وتشويش ماهو قادر
يتحمل ابد ..
ماجد بعصبية وصراخ وهو شاد على ياقة
بندر"تكلللللم ايش ناوي عليه ايش ناوي تسوي
بجود"
اغمض عيونه وابتسم بتعب"جود"
ماجد هنا خلاص وصل حده مايقدر يتحمل
اكثر صفعه مع وجهه "بتجنني انت"
بندر وكل شي قدامه يدور ماهو قادر يتحمل اكثر
وبتعب وألم وشفته تنزف"انا انا.."وماكمل
سقط مغمي عليه..
ماجد بعصبيه وصراخ وهو ينادي
"تعال للح***** بأي طريقه خله يصحى"
واخذ علبة الماء وبوجه"ماهو وقت اغماء .."

"حظرت الضابط"

بدون مايناظر وهو يمسح على وجه بعصبيه
"طلعه واطلب له الاسعاف واول مايصحى خبرني"
وجلس بقلق..ليش عصب وفقد اعصابه ..
واخذ صور جود"اووف كيف بقول لسعود "
وغمض عيونه"ياربي وين كان كنا نبحث ٥ سنوات
مختفي ليش رجع ..ليش صور جود عنده..
والصور الجديده كيف حصل عليها كيف...بعد تفكير
عميق نادى بصوت عالي"عسكري"
دخل عليه واعطاه التحية العسكرية
"سم طال عمرك"
وقف وبأمر"خذ اثنين معك من العسكر وعلى
مستشفى .....وفيه طفل اسمه عبدالله بدر عبدالله
ال....اسأل عنه واذا موجود بالمسشفى انتظروا عند
غرفته لين اوصل لكم فيه شخص لازم نقبض عليه"



بالمستشفى ..احمد عند عبدالله وكل هموم
العالم فيه ..مايدري كيف يتصرف..بدر
انسان مجنون فكيف اذا الامر يخص بندر
تنهد بضيق وهو يناظر بجواله اللي كل شوي
توصل رساله من بدر ..اكيد حس اعرف بدر انا
ونزل من السرير وهو يناظر بعبدالله النايم بسبات
عميق ..مسح على رأسه وبحزن"ماتدري عن شي"
كيف يخرج ..ماجد وقال الدور عليك..واذا قبضوا
عليه عبدالله وين يروح كيف يتصرف..
بدر لازم يعرف يدري انه بيغلط ويصعبها لكن
لازم يعرف ...فتح الباب بيطلع وانتبه لمجموعه من
الشرطه متوجهين للغرفة....دخل بسرعه واغلق الباب
وتوجه لدورة المياه بالغرفه واتصل ببدر...


ايطاليا2017
على اعصابه يدور بالغرفه احمد مايرد ومافيه
اي خبر ..ليش مايردون ليش ...وضرب رجله
بعصبيه وهو يصرخ ودموعه تسقط لاارادي
ليش قلبي ينبض كذا ليييييش..بندر
بندر ..وجلس على الارض ..ودق جواله وقف
بسرعه وسقط ووقف مره ثانيه وبسرعه رد
"ليييييش ماتردون وش صاير قلبي...وبصراخ
نعععععععععم تقول قبضوا على بندر..وجلس
على الارض..وهويته كيف لايكون رايح لبيت سعود
..طيب خلاص وبعصبية..تطلع عبود بأي طريقه
من المسشفى وتختفي لين اشوف حل وصرفه..
وزادت حدة صوته حسبي الله عليك ياسعود ال****
اسمع كلامي انت لاتجنني ..بندر مستحيل يعترف ويقول
..اي ..لا لا ..وبصراخ قلت لك تطلع بأي طريقه ..وقفل
ورمى جواله بالارض"سعود ال******* "


احمد بعد مااغلق من بدر ..كيف يهرب صعبه
كيف يختفي وعبدالله كيف يطلعه من المستشفى
تعبان كيف يخاطر بحياته...واذا دخل السجن
مين عند عبدالله..خرج من دورة المياه واول ماخرج
ماجد موجود ومعه اثنين بالغرفه ..ارتبك وتوتر
مايقدر يرجع لدورة المياه كشفوه وهو خارج

ماجد وهو يناظر لعبدالله"كيف حالته"

احمد بلع ريقه وبتوتر وهو يحاول مايرتبك
"تحسن عن قبل "
ماجد تقدم منه وبأمر"بطاقة الهوية"
احمد بتوتر وقلق وهو يفتح محفظته الصغيرة
ويطلع بطاقته وبإرتباك "تفضل"

ماجد لاحظ توتر وارتبإك احمد وبشك وهو يصغر
عيونه"فيك شي" ..واخذ بطاقته وناظر بالاسم
"احمد عبدالعزيز ال.."وطلع جواله واتصل
(السلام عليكم ..محمد اسمع ..الاسم هذا تبحث
لي عنه احمد عبدالعزيز ال...كل المعلومات وكل شي
يخصه قضايا ..سوابق..طيب الله يعافيك مع السلامه"

احمد خلاص التوتر وصل اخر مراحله
وعيونه بالارض يفكر..

ماجد بإستفسار لأحمد"وش علاقتك ببدر وليش
انت مع ولده"
احمد رفع رأسه "ولد اختي"
ماجد ونظراته على احمد"الغريب ان الطفل بإسم
عبدالله بندر عبدالله ال.."وبشك"بدر مغير اسمه
حتى بهوية المزورة بندر لكن الاختلاف باسم الجد
والعائلة"

احمد بلع ريقه ..كيف يقول ان هذا ماهو بدر
انتم قبضتوا على شخص اخر توأمه..كيف
يخون بدر اللي ضحى بكل شي من اجله
كيف ..الافضل يصمت ولا يتكلم بشي..

"اكلمك ليش ساكت"

احمد حاول يكون هادي وبهدوء وهو يهز اكتافه
"ماادري انا مااعرف شي و..."
قاطعه ماجد ببرود"لا صدقتك"وبجدية
"احمد ربك ان هذا تعبان"وأشر لعبدالله
"والا سحبتك معي عند خويك"وبأمر لرجاله
"عند الباب لا احد يتحرك انا برجع للمركز
واي خطا منكم تعرفون ايش يصير"

"بأمرك حظرت الضابط" وخرجوا عند الباب
وماجد ذهب للمركز..

احمد جلس جنب عبدالله وبتنهيده "اوووف كيف
اطلع "وطلع جواله وارسل لبدر ..مايقدر يكلم
يسمعونه ..(بدر ماقدرت اخرج الضابط ماجد
حاط حرس عند الباب وسألني شك باسم بندر
ولاتتصل علي ولا ترسل لين انا اكلمك"ومسح
كل شي ..


فرنسا 2017
س :9:40 ص...
اغلق الهاتف وهو يضحك بخبث ..اخيرا
وصل لهدفه..بدر ونقطة ضعفه بندر ..باقي
يكمل على باقي الاشخاص اللي خانوه..
اللي يدخل معه بعمل يكمل لين يستغني عنه
اما يتركونه كذا لا ...

"ضحكنا معك"

بإبتسامة نصر وهو يتمدد"بدر وخلاص رجع للعمل
معي "وبخبث "بندر تم القبض عليه "
"ايش بتسوي"
حط رجل على رجل وهو يسحب باكيت السجاير
"بدر طلب مني اهرب بندر من السجن ويرجع للعمل
معي"
"وكيف هذهِ صعبه"
ابتسم بثقه"مافيه صعب على حسن لكن البلاء بندر
بدر يقول لي مستحيل يهرب "


الرياض 2017
بحزن وهي مقهوره من الداخل معاملة جدتها
لها هي وأختها سيئة ..كل يوم صراخ وعصبية
وتقليل من احترامها..زفرت بضيق وهي تخرج
من الغرفة بعد ماسمعت صوت وصراخ جدتها
وهي تناديها..
"بغيتي شي"
بعصبية "ثامر وينه له اسبوع مايجلس بالبيت"
"قال انه بيطلع يدور له شغل"
بحده وهي تقوم"كله منك انتِ اللي كل شوي
تهزين فيه و.."
قاطعتها سارة ببرود"ماتهزيت انا بعدين هذا"
قاطعتها الجده بعصبية وهي متوجه لغرفتها
"الله يزوجك ويفكه منك "واختفى باقي
صوتها وهي تدخل الغرفه ...

ساره بضيق وهي تجلس"ياربي حتى كلمة الحق
تضيق جدتي"


بالجانب الاخر..ثامر بحث عن عمل ومافيه عمل
مناسب له..حتى سيارته ماتساعده بأوبر وكريم..
يأس وتحطم..حتى مبلغ مالي ماعنده شي يساعده
لو مشروع صغير..مايملك الا 200 ريال الباقي
من ضمان جدته..وسارة مخبرته انهم محتاجين
مواد غدائية ...دخل السوبر ماركت بيأخذ المهم
..واول مادخل لفت انتباهه ياسر ولد عمه خارج
من السوبر ماركت..السوبر ماركت هذا نادر يجي
له..

ياسر انتبه لثامر وابتسم"السلام عليكم"
وسلم عليه "اخبارك"
"الحمدالله بخير"
ياسر انتبه لملامحه والتعب والهالات تحت عيونه
وهيئته وبشك"تعبان فيك شي"
ثامر ماحب يقول شي ياسر يعتبره غريب عليه
وبإبتسامة برود"لا بأخذ اغراض "ودخل وترك ياسر
مستغرب من رده وهيئته...

ياسر وقف دقايق ووبعده رجع للسوبر ماركت بدون
مايلاحظ ثامر وجوده..يمكن فيه شي تعبان
هذا ولد عمه ..مهما كانت الظروف ..وبعد تقريباً
سبع دقايق ثامر عند المحاسب..حاسب وقال
له الحساب واضطر ينقص من بعض الاغراض
لعدم اكتمال المبلغ...الى هالدرجه مايقدر يدفع
كامل المبلغ حتى المبلغ قليل 200 ريال..
معقوله مايملك الا 200 ريال..لازم يشوف حال
ولد عمه ..ورجع بسرعة وركب سيارته ..

ثامر بعد دقايق خرج وهو حامل بين يديه مواد
غذائية لازمه..ركب سيارته بضيق حتى الاغراض
ناقصه ..لكن ايش يسوي ماعنده مال..وهذا اللي
قدر عليه..يعرف سارة بتسكت ومايهمها شي
لكن منى ..اغلق باب السيارة وتوجه للمنزل..

ياسر بعد ماحرك ثامر سيارته ذهب خلفه
لازم يعرف حالهم وينظر لهم..سكنهم ...
وكيف حالتهم المادية ..


جده 2017
س 11:30 ص ..مركز الشرطة
ماجد بهدوء وهو ينظر لبندر"وين كنت طول
ال5 سنوات"
ببرود وحاله افضل من الصبح وتفكيره كله بعبود
"مااراح اجاوب على اي سؤال بتطمن على عبدالله"
ماجد يحاول يبقى هادئ "ولدك بخير ومع احمد
وبسخرية "يمكن افضل له منك "
ابتسم ببرود"يمكن "
ماجد ومستغرب من هدوء بندر عكس الصبح
"ارجع لسؤالي وين كنت بالسنوات ال٥ وليش
رجعت بالوقت هذا"
ببندر بملل وهدوء وثقه"كنت بإيطاليا"
ماجد بإستغراب من ثقة بندر "ليش رجعت مره
ثانيه واطلقت النار على ابناء سعود"
بنفس الثقة والبرود"ماتعرضت لأبناءه ولا لي علاقة"
ماجد وبداية عصبية لكن يحاول يتمالك نفسه
"الشخص اللي استخدمته اعترف وباقي
انت فاتمنى ماتصعب الامر "
بسخرية وهو يبتسم بثقه"وكل من اعترف وقال شي
بيصير صدق"
ماجد وقف وبعصبية"بدر لاتحاول تنكر انت اللي
اطلقت النار و..."
قاطعه ببرود قاتل"انا مااطلقت النار ولا حاولت
والشخص اللي قال لك الكلام كذاب هذا اللي
عندي"
ماجد ضرب يده بالطاولة بعصبية"بدر اعترف قبل
استخدم معك اسلوب ثاني"
"اعترف على شي ماسويته"
ماجد قرب منه وبعصبية وهو ماسك ياقته
"وصور جود ايش تسوي عندك"

صور جود هذا كيف عرف..مين قال له..
عبدالرحمن ولايعرف ابد بسالفة الصور..
ولا احد غيره ..ارتبك وتوتر ..ابد ماهو وقت
كشف الحقائق الآن ..الامور صعبه..

بصراخ وهو ماسك الصور"الصور هذي ليش
عندك ايش ناوي عليه بتخطفها بعد بتكمل

بتوتر والعرق يتصبب منه وحرارة بكامل جسمه
ايش يقول يحبها ..لا مستحيل.وبلع ريقه
"وين لقيت الصور"

ماجد بغضب وصراخ"انا سألت جاوب الصور
ايش علاقتها معك ..واشر لصوره"هذهِ صوره
جديده كيف وصلت لك"

بندر مايقدر ينطق ايش يقول كيف يبرر
وبتلعثم وهو متوتر ومرتبك وخايف "انا.."
وسكت ماكمل مايدري ايش يقول..

ماجد بصراخ وهو يضرب يده بالحائط
"انت ايش تكلم لاتجنني"

فتح الباب ودخل..ماقدر يصبر اكثر
كيف يترك قاتل ابنه ويجلس بعيد
هذهِ قضيته الاخيره بمجال عمله
يكملها وبعده يبتعد عن عمله لحياة ابناءه

لف له وبصدمه ابد ماهو وقته يجي سعود
سعود بيجن والصور بيده كيف يخبيها كيف
يتصرف وبتوتر"سعود"

سعود تقدم ووقف عند المكتب وانتبه لصور
جود وبصدمه وهو يأخذ الصور ويناظر
"ماجد صور جود ليش هنا"

بندر وصل اخر مراحل التوتر والارتباك
والخوف كيف يبرر لنفسه ..سعود مستحيل
يسكت ..

ماجد بتوتر وهو يمسح على شعره "اا.."
قاطعه سعود بعصبية "ماجد صور جود ليش
هنا" وناظر لبندر المتوتر والمرتبك وكأنه فهم
وبتهجم وهو يصرخ بعصبية
يال********* انت انت "وركله برجله وصفعه
مع وجهه..

ماجد بعصبية وهو يمسك سعود
"سعود هد نفسك بنفهم الموضوع"
سعود بصراخ وهو يضرب بندر"اي موضوع
هذا ايش تسوي صور بنتي عنده ايش ناوي
عليه بيجنني هذا"وضربه بكل قوته وسقط
على الارض..

بندر يتألم ضرب ماجد له الصبح الى الان
يحس فيه وكمل عليه سعود..كيف يتحمل الباقي
كيف ينقذ نفسه وبألم رد"والله مابسوي فيها
شي والله"

سعود وهو يسحبه من الارض ويجلسه وبصراخ
"ليش عندك صور جود ليش"

ماجد سحب سعود وبهدوء وهو يحاول يهديه
"سعود بعصبيتك كذا "
سعود وهو يزفر بعصبية "ماجد واللي يرحم
والديك تطلع"

ماجد يعرف مستحيل يقنع سعود او يقدر عليه
اذا كان بعصبيته هذهِ..

قطع عليهم دخول العسكري"حظرت الضابط
ماجد هذا كل مايخص احمد بن عبدالعزيز ال
ونزل الملف .."وهذهِ صور له وهنا صور للطفل "

"اي احمد هذا ايش علاقته"

بندر يدعي للعسكري اللي دخل..وانقذه
من ضرب سعود ..غمض عيونه الله يسامح
بدر اللي اجبره على كذا..

ماجد جلس على مكتبه ونادى"عسكري"
دخل العسكري واعطاه التحية
"تفضل حظرت الضابط"
"خذ هذا رجعه للسجن "واشر على بندر..

بندر وقف بتعب وألم اخيرا..بيتنفس ويرتاح
صح ان مافيه تنفس وراحه بالسجن..
بس مع النزلاء بالسجن..ارحم من غرفه فيها
سعود وماجد ..رعب وعذاب ..وخرج مع العسكري..


سعود وهو يقلب صور عبدالله واحمد"هذا انا يوم
اطلع مع جود شفته .."
قاطعه ماجد بسرعة"وين شفته"
"كنا بمحل الحلويات وبالشارع وجدته يبكي
واخذته وبعد دقايق جاه هذا "واشر على احمد
"وكان مصدوم وسألته وقال انه خاف يوم ضاع
الطفل"
"يعني يعرفك توقع مع بدر وباقي العصابة"
"اكيد مافيها شك بس انت تعرف بداية القضية
وقبل الحادثه وقتل عزام مافيه الا حسن وماله وجود
حتى اسمه مسقط من السجلات المدنية واثبتنا
وفاته"
كمل ماجد "وبدر هرب ومعه ثاني يمكن يكون
احمد" وفتح الملف وبدأ يقرا..

سعود بضيق وهو ماسك صور جود"انا شددت
الحراسة لان اكيد بدر يدعمه احد كبير واذا
عرف ماراح يسكت "

ماجد وهو يقرا"ماله اي سوابق من مواليد الرياض
اممم ويتيم وله اخت اللي هي زوجة بدر ومتوفيه"
سعود مسح على شعره "يمكن ماله علاقه "
وبقهر "وبدر خاطف اخته او متزوجها غصب او
كان يأخذ منه مخدرات شي"
ماجد بحيرة"حتى بدر اسمه بندر كيف "
سعود بإستغراب "نعم كيف بندر توقع مغير
اسمه"
ماجد بنفس الحيرة"حتى بالهوية المزورة اسمه
بندر الاختلاف فقط باسم الجد والعائلة"
"المعلومات اللي جمعتها طول القضيه عن بدر
ماله لا اهل ولا اخوان ابوه وامه متوفين وهو وحيد"
"مغير اسمه اكيد وانا ببحث اكثر "ووقف
"اهم شي تحقق معه لو يوصل للتعذيب
ليش صور جود عنده وبعدها نكمل باقي
التحقيق"



الرياض2017
ثامر وصل البيت ودخل ومعه الاغراض..
وياسر خلفه بدون ماينتبه له ..
استغرب من الحي قديم وشعبي
وضيق معقوله عايشين فيه ..
وصل وسيارته تدخل بصعوبة من ضيق
الحي ..وقف بأول الحي ونزل يمشي
لين وصل عند باب ثامر..بيطرق الباب
واوقفه صوت الصراخ وواضح فيه نقاش..

منى بسخرية وعصبية وهي تمسك الاغراض
اللي جابهن ثامر"وهذا اللي قدرت عليه "
ثامر جلس وبضيق"احمدي ربك غيرك مايأكل
شي"
سارة بحده لمنى"منى"
منى بدموع وهي معصبة"ابي اعيش مثل العالم
واطلع واسافر واكل من المطاعم و..."
قاطعة ثامر بعصبية وهو يوقف هو ناقصها بعد
"منى"
منى بصراخ ودموعه تسقط"منى منى حتى عيشه
مثل العالم ماعشت بالبيت وجدتي تهاوش على
الطالع والنازل و..."
قاطعها ثامر وهو يمد يده بيصفعها لكن يد سارة
اقرب ومسكته تعرف منى صغيرة ومراهقة وكل شي
يأثر فيها وتتأثر منه
"ثامر اتركها "

ياسر رجع لسيارته يرجع لهم وقت ثاني وقت
زيارته ماهو مناسب ومابقى الا نصف ساعة
على صلاة الظهر..يرجع لهم العصر او المغرب
ماسمع نقاشهم لكن حدة الاصوات منعته من
طرق الباب..ركب سيارته وذهب للبيت...

ثامر خرج بعصبية من البيت فوق همه وضيقته
تجي هذهِ تزيده..يدري انه مقصر بخواته لكن
غصب الظروف حدته ..مافيه شي الا بمال
وميزانية وكل هذا ماعنده..تقدم بخطواته
بالشارع والجو حار والشمس قوية ..
مايبي يرجع البيت ..انتبه لإمام المسجد
يدخل المسجد..ناظر بساعته باقي نصف
ساعه على اذان الظهر..يدخل المسجد
افضل يرتاح ويقرأ قران يخفف عليه من
ضيقته...

سارة بضيق وهي تجلس جنب منى اللي تبكي
بالغرفة"منى حبيبتي"
منى ببكٌاء وهي تضم البطانيه عليها"اتركيني"
سارة سحبتها منها وبحنان"منى "
منى رفعت رأسها وبدموع"يرضيك اللي حنا
فيه تر.."
قاطعتها سارة وهي تمسح على رأسها بحنان
"منى انا ادري ليش تفكيرك كذا وتغيرتي
كله من اللي تشوفين بالسناب والمشاهير
منى كل انسان يفكر للي ادنى منه مايفكر
للي اعلى منه"
منى وهي تمسح دموعها وبشهقات
"انا ما.."
قاطعتها سارة بجدية"منى السناب اغلبه مظاهر
واذا انتي بتفكرين بحياة فلان وغيره مااراح
تعيشين حياة طبيعية "وكملت بإبتسامة حزن
"صح مانطلع ولا نروح مكان واذا رحنا سوق
وبالمناسبات فقط بس الحمدالله بخير وعندنا
اللي يكفينا"
منى بحزن "ابي اعيش اب.."
سارة وتحاول تقنعها وتغير من تفكيرها
"منى ياقلبي حنا عايشين وبخير غيرنا
حتى اكل ولبس ماعندهم جدتي ماتقصر
كل ضمانها لنا و.."
قاطعتها منى بقهر"جدتي م.."
سارة وماتبي منى تحقد او تسب جدتها وبإبتسامة
"جدتي كبيره بالسن وتعرفين تفكير الكبار
مايعرفون حاجات البنات ولا تفكيرهن"وبجدية
وهي تمسك يدها"وتصرفك مع ثامر غلط ليش تقولين
كذا له "
"كنت ابي يحس"
"ثامر يحس ويكابر بس مايبين هادئ وكل شي
يأثر فيه"وابتسمت"هو يبحث عن عمل اذا الله
رزقه بيغير كثير وانتِ لاتضغطين عليه واذا رجع
اعتذري منه"


جده 2017
س 4:50 العصر..
يمشي بخطوات ويده على خصره والثانيه
ماسك فيها مكان العملية ببطنه..ويمشي
بخطوات متوجه لمكتب والده مستغرب من
الظهر وهو مشغول مافيه فاصل الا صلاة
العصر ورجع..فتح الباب ودخل
"السلام عليكم"
بخوف من دخول فزاع وهو يغلق اللاب توب
وعليكم السلام فيك شي"
فزاع وهو يمشي بخطوات بطيئة ويجلس على
الكرسي وبشك"يبه انت راجع لشغلك"
سعود بهدوء"ليش تسأل"
فزاع ونظراته على والده"ماتركت الشغل صح"
سعود بنفس الهدوء "مفكر اني بترك قضية
تخص عائلتي قبل تنتهي"
"افهم انك تعمل بالخفاء"
"اي وبعد ماتنتهي القضية بقدم تقاعدي خلاص
ولان القضية ماتخص عائلتي فقط تخص الوطن
بكمل "
فزاع بإستغراب"طيب مو قلت ان القضية تسكرت
وان الاشخاص ماتوا بحادث"
سعود يمسح على رقبته وبهدوء"بدر وشخص اخر
عايشين"
فزاع بصدمه"يعني بدر عايش اللي شافت.."
قاطعه سعود بإبتسامه"موجود عندنا بالمركز
تم القبض عليه "وبحزن"انا قلت اني تركت
العمل وبدر ميت عشان جود ولاتقول لها"


عزام غير موجود بغرفته ..استغربت
مايقدر يخرج عن المنزل وانتبهت لمكتب
والدها فاتح ..اكيد بيكون عنده ..وقفت بعد
ماسمعت كلمة قضية وحادث..وبعدها
انصدمت والدها قايل لها تارك العمل
والقضية تسكرت وكل الاشخاص متوفين
كيف يقول موجود عندنا بالمركز..يعني
اللي شافته حقيقة بدر عايش ..دخلت
وهي مصدومه وتحاول تكلم تسأل لكن
ماقدرت تنطق...

سعود وعزام وقفوا بصدمه من جود اكيد
سمعت والا كيف داخله كذا بصدمه
وملامحها متغيرة..
"جود "
جود تقدمت بخطوات غير متزنه وبصدمة
"عشان كذا انت مشدد الحراسة و.."
قاطعها سعود وهو يتقدم لها "جود"

جود جلست على الكنب لانها ماتقدر توقف
اكثر اللي سمعته صدمها وجمد اطرافها
"ليش ليش كذبت وقلت ل.."
سعود انحنى وجلس قدامها وبحنان
"جود اسمعيني "
جود ودموعها تسقط "يعني عايش ممكن يرجع
ويضرني مره ثانيه "وبعصبية ودموعها تنزل
"انت على رأس العمل حياتنا بخطر "
سعود وهو يحاول يهديها"جود لاتخافين
قبضت على بدر موجود عندنا بالمركز ب.."
قاطعته بحزن وهي تمسح عيونها بطرف بجماتها
"ايش الفايدة من القبض عليه الآن هتك عر.."
سعود وهو يضع يده على فمها يمنعها من
اكمال كلامها"لاتضيقين نفسك ولاتنسين
اني بخليه يتعذب وهو حي"
كمل عزام بحزن لحالها"ونهايته بتكون قصاص"
جود تمسح دموعها وبإبتسامة حزن
"وتسمح لي اشوفه وهو..."
سعود ابتسم وضمها لصدره وبحنان "لو تطلبين
مني اجيب لك رأسك جبته"
جود وهي على صدر والدها وبضحكه مع حزن
"قدها يالضابط سعود"
"ههههههههههههههههههههههه ماقلت ماابي اسمع
هالكلمه"
عزام وهو يجلس مايقدر يطول "كلمه من قاموسها
مابتنساها"
جود وهي ترفع رأسها عن صدر والدها وتعدل
بجلستها"كنت جايه لك"

سعود رجع وجلس على مكتبه..جود وعرفت
بيسألها عن احمد تعرفه او لا..كل صور
الاشخاص موجوده معه..اخرج صورة
احمد وسأل جود بحذر
"جود تعرفين هذا"
جود وهي تناظر له وبتذكر "مو اللي شفناه
يوم يضيع الطفل"
"هو وبسألك"وبهدوء"هذا اللي معه ولد بدر"
جود بصدمه وقهر"ولده يعني انقذناه من ال.."
قاطعها سعود "جود هذا طفل ماله ذنب "
جود بحقد وقهر"لكنه ولد مجرم ولد انسان
قتل ولدك"
سعود بحزن وهو يتكلم بجدية"مهما كان
الطفل ماله ذنب يتحاسب على اخطاء والده"
جود بعدم مبالاه"الله ي..."
"جود خلاص"وبإستفسار وصورة أحمد بيده
"حاولي تذكرين هذا كان مع بدر بالحادث او
لا"
جود ومستحيل تنسى اللي بالحادث ثلاث
أشخاص بدر وتعرفه واثنين معه وتعرفهم
ماتنسى اشكالهم ابد ..كيف تنسى وهم
ضيعوها ودمروها كيف..والشخص
الرابع اللي يقول عنه والدها ماتذكر من ابد..
وبحزن "كيف انسى اي اعرفهم
وهذا ماكان معهم "
سعود بحيرة"طيب يمكن هو الشخص
الرابع لان بعد ماتأكدنا ٤ اشخاص"
واخرج صورتين"الثنين ذولي ماتوا بالحادث
ومعه صح"
جود وهي تنظر لهم وبحزن وتحاول ماتذكر
بوجيهم اي شي ورغبة بالاستفراغ(اكرمكم الله)
وهي تضع يدها على فمها"اي هم "ووقفت بسرعة
وطلعت من المكتب ركض لدورة المياة..
وقفت بتعب وهي تقاوم الاستفراغ ولاقدرت
تستفرغ(اكرمكم الله)..وفتحت الماء وغسلت
وناظرت للمرآه ..وصورهم تطلع بمخيلتها
غمضت عيونها وغسلت وجهها بماء بارد..

"جود "

اغلقت الماء ولفت له"مافي شي"
عزام بحزن على حالها"متأكده"
جود بحزن وهي تقدم له"اي"

سعود ضرب يده بقهر وألم على الطاولة
جود ومانست كيف ..تطلع من الحالة هذهِ
حاول بكل الطرق وماقدر..حتى دكتورتها
النفسية قالت له مستحيل تنسى الا بمساعدة
نفسها ..الحين تأكد ان جود مستحيل تفكر
او ترضى برجل بحياتها ..زفر بضيق
وهو يوقف ويخرج من المكتب متوجه للمستشفى
لازم يتأكد من الحقيقة لازم يوصل لدليل..



الرياض2017
ياسر لابس ثوب وشماغ .ومتكشخ وماهي عادته
بالبيت..واضح بيخرج..
هديل بإستغراب وهي نازله "بتروح لمكان"
ياسر يعدل شماغه"بروح لواحد من الشباب"
هديل وهي توصل للصاله"لاتأخر المغرب بطلع
ل.."
قاطعها وهو يخرج"قولي لخالد"
"خالد عنده شفت مسائي"
من الخارج وهو يغلق الباب"اذا رجعت لنا
كلام"..وذهب الى سيارته متوجه لثامر..



في منزل ابو فيصل...
فيصل ومعاذ وباقي اخوانهم وخواتهم..
مجتمعين على قهوة ويتناقشون بخبر
خطبة ريما...
"يبه قلت لسامر ان ريما ماهي موافقه"
فيصل بجديه"لا بنسمع..."
قاطعه معاذ بعصبية"ايش نسمع سامر
خلاص ريما ماهي موافقة
ابو فيصل بهدوء"معاذ ليش انت كذا عصبي
وتنفعل بسرعة خلك هادي مافيه شي ينحل كذا"
روان "يبه معاذ ماقال شي صادق خلاص
ريما ماهي موافقه على سامر"
كمل معاذ"وليش نأجل الموضوع رد له انها
ماهي موافقة وقل انها موافقه على اللي خطبها
عشان نعجل بالملكه "
فيصل بهدوء"ليش العجله"
معاذ "خير البر عاجله"
ام فيصل بإستغراب لروان"ريما مو كأنها تأخرت"
روان بملل"يمه تعرفين ريما تلقينها مستحيه والا
متضايقه"
ابو فيصل بأمر"روحي شوفي وينها"
روان وقفت وراحت لريما...


ريما جالسه بغرفتها ومتردده تنزل ماتبي
اي نقاش وسالفه عن الخطبة..

"ماشاء الله ننتظرك وجالسه"

ريما بحياء "مستحيه من فيص..."
قاطعتها ريما وهي تسحبها مع يدها
"تعالي بس اللي استحوا ماتوا بعدين
ابوي واخواني من تستحين منه"



في منزل..ام سليمان..
سارة مجهزة القهوة وحلى ..وبالصالة
بإنتظار جدتها وثامر ..اما منى نايمه

ثامر وهو يسند جدته "لا ماكلمني"
الجدة وهي تساند عليه "يقول انه بيجي الخميس"
وجلست وبسؤال لسارة"وين اختك العوباء"
"نايمه"
الجد وهي تمد رجولها"هذا اللي فالحه فيه"
ثامر جلس "زعلانه"
سارة ابتسمت"لا "وصبت قهوة لجدتها وثامر
وحطت صحن الحلى عند ثامر وجدتها تمر لانها
ماتأكل الحلويات..
بعد ربع ساعة تقريباً من جلستهم سمعوا طرق
الباب ..
ثامر وقف وهو مستغرب مافيه احد يجيهم او
يزورهم الا اعمامه ويخبرونهم..يمكن احد
الجيران ..فتح الباب وانصدم ياسر كيف
عرف مكان بيتهم..ليش جاي..

بإبتسامة وهو ملاحظ استغراب ثامر
"السلام عليكم"
"وعليكم السلام "وبترحيب "حياك تفضل"
وراح لمجلس الرجال وياسر خلفه..
منصدم من صغر المنزل وقدمه واثاثه..

"المكان ماهو قد.."

قاطعه ياسر بإبتسامه"لا عادي حنا اخوان
واهل"

ثامر خرج يحظر القهوة..

"من اللي جاء"
"ياسر ولد عمي محمد"
الجدة بإستغراب"غريبه وكيف عرف مكان المنزل"
ثامر بأمر لساره"بأخذ القهوة وجيبي فناجيل"
سارة بسرعة ذهبت للمطبخ واحظرت فناجيل
وصفتهن بالصينيه واخذهن ثامر لياسر..

بعد عشر دقايق من السؤال عن الاحوال
والتعرف على بعض أكثر..
ثامر ابتسم"يعني باقي لك سنتين الله يعينك
مافيه لا وظايف ولا شي"
ياسر ابتسم "اي حتى الهندسه قليل اخر سنتين
لكن انا هندسه كهربائية ان شاء الله استفيد "
"الله يكتب لك كل خير"
"امين وياك"وبجديه"ثامر انا جيتك بموضوع"
ثامر بإستغراب"موضوع"
ياسر ابتسم "اي "وبتردد خايف من انفعال
ثامر"انا حاب اساعدك ب..."
قاطعه ثامر "تساعدني بأيش"
"بعطيك مبلغ ما..."
قاطعة ثامر بعصبية "انا شاكي لك حالي.."
قاطعه ياسر بإرتباك"انا مااقصد كذا حبيت
اساعدك واعتبرها دين ب.."
ثامر برفض تام"مستحيل ا.."
قاطعة ياسر بهدوء"ثامر انت عاطل وعندك
مسؤولية خواتك والبيت ومصاريف" وبجدية
"انا بساعدك واعرض عليك عرضين ياتوظف
بفرع الشركه عندنا شركتنا الخاصة انا وهديل
وشركتنا تصميم مجوهرات وعقود الماس
وابتسم"طبعا هديل مصمه وهي تصمم والشركة
تنتج وتصنع وتصدر لمحل هديل طبعا انا مااعرف
شي بالامور هذهِ لكن لي اسهم بالشركة"
وكمل"او اعطيك مبلغ مالي وتسوي لك مشروع
واعتبره دين بأي وقت ترده"
ثامر بتردد"انا ماابي ا.."
ياسر ويحاول يقنعه"ثامر انت فكر ورد لي
لاتستعجل"
ثامر بحرج"انا ماابي ا.."
قاطعه ياسر وهو يوقف"انت فكر وهذا رقمي"
واعطاه كرت..
ثامر وقف معه "سلّم على جدتي"
ياسر تذكر "اي صح نسيت"
"بناديها لك"
"لا لا انا اسلم بس شف لي طريق"

ثامر ذهب لجدته وقال لسارة تدخل ..ونادى
ياسر..
ياسر قبل رأس جدته"اخبارك"
"بخير الحمدالله"وبأمر"ليه ماتجلس"
ياسر بإستعجال"لا والله مستعجل بس جيت
لثامر"
الجده استأنست "لثامر"
ثامر ابتسم وهو يناظر لياسر"اي خلاص قلت
ثامر انت مقدس عند جدتي هههههههههه"
ياسر ضحك"ههههههههههه"وقبل راسها
"مع السلامه" وسلم وطلع وثامر معه
لين وصله لسيارته....


جده 2017
سعود وصل للمستشفى ..وذهب لغرفة
عبدالله..طرق الباب ودخل
"السلام عليكم"
احمد تعدل بجلسته وبإرتباك "وعليكم السلام"
سعود يناظر لعبدالله بحزن على حاله يتيم وابوه
بدر وناظر لأحمد"كيف حاله"
"الحمدالله تحسن"
سعود وهو يدقق بملامح احمد اللي ارتبك من
نظراته"سوابق ومالقينا عليك شي لكن ابي
اعرف ايش علاقة بدر"
احمد ابتسم بتوتر"صداقه "
سعود بسخرية"ومالقيت الا بدر تصادقه"
احمد بدفاع"صدقني بدر تغير و.."
قاطعة سعود بإستهزاء"تغير وليش رجع"
وبعصبية"ناوي يخطف مره ثانيه
"لا لا والله انت فاهم غلط"
سعود بهدوء"لنا لقاء بالمركز ونفهم كل شي
لكن بإنتظار شفاء الطفل"..وخرج تارك
احمد بتوتر وخوف ..كيف يدخلون السجن
وعبدالله حتى لو تشافى ..مين يصير عنده
مين يرعاه لا مستحيل ..وذهب لدورة المياه
واخرج جواله واتصل على بدر وبصوت خفيف
(الو بدر ..قدرت تدخل السعودية ..زين اي اي
لا جاني سعود..لا لا لاتخاف ماقال شي ..زين
طيب مع السلامة" واغلق وخرج بإرتياح من دورة
المياه..


بالجانب الآخر ..بدر بعد مساعدة حسن له
قدر يدخل جده بعد ٥ سنوات من الغياب
والغربة عن السعوديه..ودخل متنكر وبهوية
مزوره..خرج من المطار وركب السيارة المرسله
له بواسطة حسن عن طريق رجاله..
توجه الى المنزل المخصص لحسن
في احد احياء جده القديمه لعدم لفت
الانتباه..


الرياض 2017
بعد المغرب..هديل خرجت مع السايق هي
وياسر ..بتزور محلها وتعرض اخر تصاميمها
للمجوهرات وعقود الالماس وتصور بسنابها
لعرض اخر تصاميمها ومسابقة بالفوز
بثلاث عقود الماس وطقمين مجوهرات لمتابعينها..
"ياسر "
بدون مايناظر لها وهو بجواله"هلا"
"من صديقك اللي رحت مااذكر ان لك
اصدقاء"
رفع رأسه لها"ثامر ولد عمي "
هديل بإستغراب "ثامر ليش"
"كذا زيارة له ارتحت له من يوم جاء مع
جدتي ويوم خطبتك"
"اها طيب انتبه لنفسك"
"لا ماعليك ثامر واضح طيب "
وكملوا طريقهم الى المول الموجود فيه
فرع محل هديل للمجوهرات..


الساعة
٩:٣٠ م بعد العشاء..
منى وهي تناظر بسناب هديل "اي ياسارة
شوفي العز و.."
قاطعتها سارة بملل"منى وبعدين"
منى بخيال "تخيلي ان حياتنا مثل حياة بنت
عمنا ونطلع ونروح كيف بتكون "وبحماس
وهي بخيالها"وااااو حماس .."
سارة بملل وعدم مبالاة"منى ترى ماني ناقصتك"
"واااو مسويه مسابقة على ثلاث عقود الماس
وطقمين مجوهرات"وقربت الجوال لسارة
"شوفي شوفي ياسر رزه "وبحالمية
"يارب يتزوجني"
سارة بعصبيه وطفش"منى خلاص عاد ترى
طفشتيني"ووقفت"والله بدل انشغالك بالبرامج
ترتبين وتنظفين البيت احسن"..وتركتها بخيالها
وذهبت للغرفة...


جده 2017
س ١٢:٠٠ ليلاً بالمستشفى..
احمد على اعصابه ومتوتر..بدر قال له بيجي
لك دكتور من المستشفى ..وتأخر والعسكر اللي
أمرهم ماجد بالحراسة عند الباب كيف يقدر
يهرب..الامور صعبة ..يأكل اضافره بتوتر
ويحرك رجله بالارض ..

بهدوء دخل لعدم لفت الانتباه"احمد"
احمد لف للشخص وعرف انه هو الشخص
المقصود لان بدر ارسل له صورته"دكتور مجدي"
بهدوء وهو يقرب من احمد"اسمع اللي عند الباب
اعطيتهم كوفي فيه منوم"
احمد هز رأسه
كمل مجدي"المستشفى فيه كاميرات والخروج
صعب من البوابة في رجال أمن عند الحراس"
احمد بتوتر"طيب كيف اطلع"
"اطلع بدون مااحد يحس وخلك حذر فتحت
لك باب الطوارئ"وبحذر"انا طبعا مااقدر
اروح معك فيه كاميرات وخلف باب الطوارئ
فيه سيارة سوداء مظلله بالكامل اركب فيها
توصلك لبدر"
مسح على وجه بتوتر وبتردد"طيب عبدالله"
مجدي يطمنه"عند بدر موفر كل شي لعبدالله
حتى اسطوانة اكسجين وادوية لاتخاف"
ولف بيخرج"اهم شي لا تأخر انا بروح اتكلم
مع ممرضات القسم والدكتوره المناوبة واشغلهن
وانت اطلع"وتقدم عند الباب وانتبه للحراس
ناموا من المنوم..اشر لأحمد يخرج وخرج بسرعة
احمد حمل عبدالله وهو يغطيه ومرتبك ومتوتر يدري
انه خاطر بصحة عبدالله وبنفسه لكن ايش
يسوي مجبور....خرج بحذر وهو يتلفت وانتبه
لمجدي والممرضات عنده وماانتبهن له..اسرع
بخطواته وهو يتلفت ..وخرج من قسم التنويم
بسرعة..وهو يزفر براحة وانتبه وتوجه لباب
الطوارئ وخرج بسرعه وهو يركض ويوقف
من التعب الدرج طويل ومن الدور الثالث
نازل..ومن الحركه فتح عبود عيونه
احمد بخوف وهو يتصبب عرق"عبود لاتطلع
صوت"
عبود يكح بتعب وأحمد هنا تورط خايف
احد يسمعه مع ان الدرج المؤدي لقسم
الطوارئ فاضي..وركض مسرع..واخيرا
وصل الدور الارضي والباب قدامه ..
وتقدم بخطوات حذره الى ان خرج من الباب
وانتبه للسيارة اللي قال له مجدي بمسافة عن
المستشفى...ركض وهو يلهث ويحمل عبدالله
اللي يكح ويطلب منه ماء...
فتح له الشخص الاخر الباب الخلفي ركب بسرعة
والسيارة اسرعت ..
احمد بتعب وانفاسه تتسارع"فيه ماء موجود ماء"
مد له الماء بدون مايتكلم ولا يفتح لثمته..حسن
اي رجل يشتغل عنده او يوظفه معه له قوانين
ومنها التنكر وعدم اظهار ملامح الوجه ..
احمد وهو يفتح الماء لعبدالله"عبووود اشرب"
وعدله يجلس..
عبدالله يكح بتعب ودموعه تسقط من التعب شرب
خفيف وترك الماء وغمض عيونه..بعد تقريباً ربع ساعه
وصلوا للمكان المطلوب....

بدر بالمنزل وعلى اعصابه قال له مجدي انه قدر
يهرب احمد وعبود...يمشي بطول المكان ويجلس
التفت بعد ماسمع صوت كح عبدالله..
وبخوف وهو يركض يفتح الباب"ادخلوا بسرعه"
احمد بخوف وتوتر"شكله تعبان .."وماكمل لان
بدر اخذه من احمد ونزله على السرير"متى
اخر مره اعطوه الدواء"
احمد بخوف"قبل تقريباً خمس ساعات"
بدر وهو يتحسس جسم عبود"جسمه كأنه حار"
واسرع وفتح شنطة الاسعافات واخرج قياس
الحرارة وقاس حرارته"٣٦
احمد بإرتياح "طيب لي.."وبخوف وهو
يرفع عبود اللي زادت كحته وهو يتنفس
بصعوبة
بدر بسرعة وضع الاكسجين على عبدالله
وبعد تقريباً خمس دقايق بدأ يرتاح..
بدر براحه "كان مكتوم"وترك الاكسجين
عليه"بخليها عليه ربع ساعه لين يرتاح"
احمد جلس وزفر بتعب"اووووف "
بدر ابتسم بضيق "ماسلمت علي"
احمد وقف "نسيت خوفني عبدالله"
وضمه"اخبارك "
وهو يضمه أكثر"بخير اهم شي اشوفكم
بخير"
احمد ترك بدر وجلسوا تحت على الارض
"وبندر كيف يهرب انا قسم ياللا طلعت
من الخوف"
بدر بضيق"ماعليه موجود لحسن رجال
بالسجن من العسكر ومناوبين النهار غير
عن الليل"ومسح على وجهه"البلاء ببندر
اذا رفض"


الساعه ١:٠٠ ليلاً
بمركز الشرطة..بحذر وهو يتلفت وتأكد من
هدوء المكان وخلوه تماما..بقسم النزلاء هو
فقط بعد مأمر الاشخاص المناوبين معه
بأخذ قصد من الراحة لمده ساعتين ..
ومن التعب ارتاحوا وناموا..قسم
النزلاء معزول عن مكاتب الضباط
والقائدين..في كل الممرات مناوبين من رجال
الامن والحراس..
ولكنه تصرف معهم بوضع المخدر لهم في
الشاي.ذهب الى السجن الموجود فيه بندر
ودخل بحذر ..وفتح الباب ونادى على بندر
بهدوء بعد ماانتبه لنوم جميع النزلاء..
بندر بإستغراب وهو يخطوا له ..تحقيق وبالليل
ايش ناوين عليه"فيه شي"
بهمس وهو يخرجه من السجن "بدر يسلم عليك
وطلب مني اهربك من.."
قاطعه بندر بعصبية "اهر..."
لم يكمل كلامه بعد ان وضع يده على فمه"اششش
لا احد يسمعنا ولدك تعبان مره و..."
بخوف "عبود ايش فيه"
كمل بكذب"حالته خطيرة واحمد قبضوا عليه
وتعرف بدر مستحيل يدخل السعودية و...."
قاطعه بخوف وسرعه"طيب بهرب معك ب.."
سحبه معه لمكان جانبي واعطاه لبس خاص
بالزي العسكري"البس هذا وبنطلع بسرعة"
اخذ اللبس ولبس على السريع وهو خايف
وتفكيره بعبدالله ..بعد خمس دقايق خرج مع
الشخص لخارج المركز بسرعة..

"على وين ان شاء الله ومن اللي معك"


"نقف هنا"


وقفه (‏الهرُوب سلاح كُل ضعيف!)



موعدنا السبت القادم بإذن الله
تحياتي ديما

سنابي:deema99d

السلام عليكم ورحمة الله وبركاته
طابت أوقاتكم بكل خير ..
القطرة السابعة بين أيديكم قراءة ممتعة للجميع
لاتشغلكم الرواية عن عباداتكم واعمالكم


"القطرة السابعة"

جده2017
بعد ماطلعوا من المركز بسرعة اوقفهم صوت
من الخلف..بندر تجمدت اطرافه من الخوف
والارتباك..اما الشخص الاخر لف للصوت

"نعم قلت شي"
بإستغراب وهو ينظر لهم"اي وين طالعين
ماانتهى وقت الدوام"
قرب له الشخص "عندنا مهمه امرنا الضابط
عبدالعزيز"
بشك وهو ينظر لبندر اول مره يشوفه
"صح هذا من اللي معك اول مره اشوفه"

بندر زاد خوفه وتوتره وبلع ريقه ..

"هذا جديد كان مع اللي بالدورة ورجعوا اليوم"

بعدم ارتياح وشك "اها"

مشى مع بندر على السريع وهو يتلفت..
واضح رجل الامن مااقتنع بكلامه ..ووصل
للسيارة وركب معه بندر وذهبوا بسرعة
فائقه لبدر...


احمد وبدر كل واحد منهم متوتر وقلق اكثر
من الثاني..
"بدر "
ناظر له بصمت
"ماني مرتاح ابد "
"عاد انا اللي مرتاح "وناظر بساعته
"مرت ساعه ليش مافيه خبر"
احمد تقدم خطوات ووقف عند الشباك وفتح
يناظر"مالقى الا الحي هذا عاد .."
قاطعه بدر وهو يغلق الشباك ويسحب
احمد عنه"زين بعد اهم شي طلعنا من هالمصيبه"
"وش بيصير عا.." وماكمل لانهم سمعوا صوت
طرق الباب...
بدر اسرع وفتح الباب ودخل بندر والشخص
اللي معه
بندر بصدمه وهو يدخل بخوف على عبدالله
"بدر "
بدر ضمه "خوفتني عليك يا******"
بندر بعد عنه وبخوف وهو يتلفت"عبود وينه"
وناظر لأحمد وبصدمه "انت هنا "وبعصبية
وهو يلف للشخص اللي هربه"مو قلت ان
عبود تعبان واحمد مقبوض عليه و..."
قاطعه بدر ببرود"لاني اعرف انك مستحيل
تهرب و..."
بندر بعصبية "بدر انت مجنون انت ب..."
قاطعه بدر بصراخ"لانك ماتفهم ابد والنهاية
قبض عليك ماتسمع كلامي .."
قاطعه بندر بصراخ"يقبض علي ي..."

احمد قاطعهم بعصبية وهو يصرخ
"خلاص عاد يكفي"

بندر زفر بضيق وتقدم بخطوات"وين عبود"
"بالغرفة نايم ماله نصف ساعه"

بدر جلس بضيق وهو يفتح ازارير قميصه
"وانت مادخلت الا تبي شي قل"
بصوت منخفض"حسن يسلم عليك ويقول
اي غلطة تعرف ايش يصير"
بملل وطفش"زين بس اعطني وقت على الاقل
اسبوع لان صعبه بنطلع من السعوديه بالايام
هذهِ"
"حسن يقول اي شي يبيه بينا اتصال"
وخرج..

بندر يقبل عبدالله بكل مكان بوجه ورأسه ويديه
"خفت عليك ياقلبي"
جلس احمد جنبه وبدموع"تعب مره خوفني عليه"
بندر وهو يغطيه وبحزن"وانا بعد خفت كثير"
ووقف"اسأل مااحد يجاوبني"
بخوف بعد ماانتبه لكدمات بوجه بندر
"عذبوك "
جلس بندر وتمدد "لا وين بس رحمني ربي"
ولمس شعر رأسه"ماجد مفتش البيت"
بشك"ليه لاقي شي "
بندر جلس"اسأل انا مفتش البيت"
"كان فيه فتش ماادري بس كل شي
مرتب"
بندر وقف"الشناط اللي بالشقه واغراضنا
وين جبتوها"
"اي جبنا الشناط فقط على السريع "

بندر وقف بسرعه "وينهن"
احمد بإستغراب"هنا موجودات بالغرفه"

"وش فيك كأنك مقروص"قالها بدر ببرود وهو
واقف عند الباب...

بندر طنشه وخرج من الغرفه وراخ للغرفة الاخرى
بيتأكد ..دخل وفتح شنطته بسرعه وعض على
شفته بقهر..اخذهن ..اووف ..لا ..حصل عليهن
بصعوبة واخر شي اخذهن ماجد..

بدر وهو مستغرب ودخل خلفه "وش فيك انت "

ماله نفس ابد يبرر او يقول لبدر وبملل
وهو يناظر لبدر"ايش تبي انت ناقصك انا"
تقدم له وهو ينظر لملامح وجه بندر وبشك
"ايش اللي كان فيها ونقصك "وبخوف
"لايكون انت قلت شي او انك بندر ..."
ببرود وهو زعلان من حركة بدر وكذبه عليه وتهريبه
"اي قلت اني بندر وان.."
قاطعه بعصبية كيف يقول كذا والشخص
اللي هربه يقول مااعترف بشي بالتحقيق
"نعم مجنون انت"
خرج وتركه وذهب للغرفه الموجود فيها
عبدالله ..تارك بدر بحيرة مايدري يصدق
بندر او الشخص الاخر..لكن بيسكت
يعرف بندر اذا معصب مايقدر يتكلم
معه لان بالنهاية كلهم بيعصبون ويتهاوشون..



الساعه 2:40 ص
بالمستشفى ..فتح عيونه ورأسه مصدع
مسح عليهن واغلقهن وفتحن مره ثانيه
وهو ينظر لصديقه نايم..مايدري ايش
صار وليش ناموا مايذكر الا ان ممرضه
اعطتهم كوفي وبعده مايذكر شي..
وقف وراسه ثقيل من النوم..وتقدم بخطوات
وفتح باب الغرفه الموجود فيها عبدالله ..انصدم
وخاف لعدم وجود عبدالله واحمد..بسرعه
وهو يأمر صديقه يستيقض"سعد سعد"
وهزه بقوه"سعد"
فتح عيونه وبنوم"فيه شي "
بخوف وارتباك "احمد ماهو موجود "
فز بسرعه وبخوف وهو يوقف"كيف ماهو موجود"
بإرتباك وخوف"الغرفه فاضيه"وذهب يركض
بخوف ورعب من اختفاء احمد..واذا ماجد
وسعود عرفوا ايش بيصير لهم ..كيف يتصرفون
وزميله خلف ..وبعد نصف ساعه من البحث
بأسوار المستشفى بدون جدوى..
"وش نسوي"
بخوف وتردد"نقول لماجد "
بعصبية وهو يضرب يده بالحائط "كيف نمنا كيف"
بعصبية رد"ماادري مادري "
اخرج جواله وناظر وبصدمه"الساعه 3:10
بصدمه"3:10
بخوف"اي اي ايش نسوي"
"نكلم ماجد مافيه الا كذا"
اتصل برقم ماجد ولكنه مغلق..
"مقفل "
مسح على وجهه بعصبية"ننتظر الى بعد الصلاة
ونروح له ببيته"



في منزل سعود..وجدان بملل وهي تقفل
الشاشه بعد ماخلصت متابعة فلم ..واخر شي
النهاية ماعجبتها..بالصاله بالدور الثاني
مدد رجولها..وناظرت بالساعة "اووه باقي
ساعه على الاذان "وبملل"حتى جود نفسيه
مافيه احد "

"اي نفسيه عاجبتك والا.."

قاطعتها وجدان"بسم الله ماكنتي نايمه"
بملل وهي تجلس "لا "
"طيب ليش ماطلعتي عن غرفتك وجيتي
تابعتي معي والا صح احسن لك النهاية
مااعجبتني ابد ضاعت ساعتين من وقتي"
بملل"تعرفيني مااحب الافلام ولا.."
قاطعتها "جود ليش كذا انتِ مرة منكده على
نفسك "
بدون ماتناظر لها وهي تفتح جوالها
"ايش اسوي مثلاً عشان يرضيك"
جلست جنبها"انا مابي رضى منك
ولا شي انا ابي اشوفك سعيده وتحبين
الحياة و.."
قاطعتها بحزن"وجدان انتِ ماتعرفين شي
ماج.."
بجديه وهي تحاول تحمسها"انا اعرف ان اللي
صار لك شي غير حياتك وغير حياتنا كلنا
وانه ماهو بسيط ولا سهل "وبتشجيع لها
"لكن انتِ عيشي حياتك عادي ولا تفكرين
كثير وانسي اللي صار ادري صعب وكذا
لكن حاولي حاولي"
بحزن "حاولت ماقدرت صعب صعب"
"مافيه شي صعب انتِ حاولي"
هزت رأسها "ان شاء الله"
بحماس "حتى اذا عشتي حياتك
طبيعيه تزوجين و..."
بفزع من كلمة تزوجين"اسكتي لاتكملين"
وجدان بضحكه"بالعكس تعيشين حياتك مع
انسان يفهمك وتفهمينه وبينكم موده "وكملت
بحماس"ويصير عندك اطفال شعور جدا ممتع"
جود ويدها على خدها وهي تسمع لها بملل كملت
"اي وانتِ خالتهم وت.."
بصرخة حماس وهي تضم يدها لصدرها
"ياللا والله تحمست"
بعصبية"صوتك ابوي نايم"
"بالغرفه عادي ماهو سامعنا"
"مو كأن الاذان طول فيني نوم"
استلقت وجدان على الكنب"وانا بعد فيني
نوم بصلي وانام"



بعد صلاة الفجر ..ماجد خرج من المسجد
ووصل بيته وانتبه لوجود سعد وزميله واقفين
بإستغراب"فيه شي"
بتوتر وارتباك وخوف"احمد"
"ايش فيه "
"هرب"
يحاول ماجد يستوعب الكلمه اللي القاها
عليه وبغضب وهو يتقدم خطوات له"نععععععم
كيف هرب"
بإرتباك وتبرير وخوف"ماادري ماادري"
بصراخ وعصبية وهو يمسكه مع ياقته
"كيف ماتدري ايش صار كيف هرب"وبغضب
وهو يلف للشخص الاخر وعصبية
"ماتقول لي كيف هرب كيف "
بلع ريقه ورد"ماادري بس نم.."
قاطعه وهو يصفعه مع خده"نمتوا هاه "
ولف للشخص الاخر وصفعه"حسابكم معي"
وخرج بعصبية وركب سيارته وراح للمستشفى..
كيف يهرب شخص مراقب من مسشفى كبير
كيف..وبالليل كيف..مافيه الا شي واحد شخص
من المستشفى مساعده..وصل المستشفى بعد
عشر دقايق ودخل وقت الدوام مابدا باقي
كثير..كيف يوصل لمدير المسشفى كيف
اذا انتظر الوقت طويل..زفر بضيق اكيد
احمد له علاقه ببدر ومعه بأعماله والا كيف
هرب ومن ساعده..وبعد ساعه من التفكير
والانتظار وهو جالس بالقرب من غرفة مدير
المستشفى ..انتبه لشخص يدخل
وقف "السلام عليكم"
"وعليكم السلام"
"معك الضابط ماجد بن مشعل ال.."
فتح الغرفه "هلا حياك تفضل امر"
"شخص هرب من المستشفى "
بخوف وهو مرتبك"من هنا كيف"
بسخرية وهو يجلس"ماادري عنكم ايش
هالتسيب وا.."
قاطعه بتبرير"مافيه تسيب ولا شي لكن.."
بعصبية "لكن ايش شخص مراقب وتارك
عنده حراسه وبالنهاية يهرب "
"صدقني الامر.."
قاطعه بغضب"ابي اشوف كاميرات المسشفى
بسرعه"
بسرعه وهو يخرج"طيب تعال معي"وذهب
معه وبعد مافتح له الكاميرات..
"مافيه احد خرج مع البوابة الرئيسية
يحمل طفل او.."
قاطعه وهو يدقق بالكاميرات"باب الطوارئ او
باب ثاني فيه"
حرك الجهاز وانتبه لأحمد وهو يخرج ومعه طفل
ومسرع بخطواته
يضرب ماجد يده بعصبيه"اي هذا هو"
"اخر شي هنا خرج من المستشفى"
بغضب "طيب مافيه كاميرا خارجيه اقدر
اوصل لشي"
بإرتباك "لا اخر شي هنا"
بعصبية وهو يأمر مدير المسشفى
"جميع الموظفين اللي مناوبين البارح تتصل
فيهم "




في منزل سعود وتحديدا الساعه 6:00ص
اخذ بعض الملفات على السريع وخرج
بيحقق مع بدر بأسرع وقت..بيعرف سبب
رجوعه ووجود صور جود معه..ركب سيارته
وذهب لمركز الشرطة..


بالمستشفى عند ماجد وهو يحقق مع
الموظفين بعد ماطلبهم المدير..
بعصبية "مااحد يتكلم ويقول شي قسم
بالله مايبقى واحد منكم بوظيفته "
"والله مانعرف شي"
"ماساعدناه ولا نعرف شي"
"ماشفنا شي والله"
كل هذهِ التبريرات سمعها ماجد من الموظفين
مدير المستشفى بعصبية"تكلموا لااحد يسكت"
"والله مانعرف شي"
"وماشكينا بشي"
ماجد خلاص وصل اخر مراحل العصبية
وبتهديد"احمد نهايته بيقبض عليه وبنحقق
واي احد منكم له علاقه والله ماارحمه."
وخرج معصب من غرفة المدير والمستشفى
كله..كيف يقول لسعود كيف..ومره ثانيه
يفشلون بعد مايتوصلون لدليل يوصلهم
لكامل القضية..


دخل مركز الشرطة ..على السريع بعد
مالقوا له جميع من مر من عندهم من
الحراس التحية العسكرية.. دخل
المكتب ونزل الملف وجلس على الكرسي
وبينادي احد الحراس لكنه قطع عليه
دخول احد الجنود بسرعة"حضرت الضابط
سعود بدر غير موجود بالسجن"
وقف وهو يحاول يستوعب اللي نطق فيه
الجندي وبصدمه وعصبية"كيف مو موجود"
وخرج بسرعه ذاهب للسجن ..كيف يهرب
بدر هرب كيف ..امر الجندي يفتح له السجن
وبعصبية افزعت جميع النزلاء وهم يوقوفون
"وين بدر"
"ماندري كان موجود البارح"
"نمنا وهو موجود"
"كان معنا لكن صحينا ماهو موجود"
كل هذهِ سمعها سعود وهو يتوجه لدورة المياه
يفتش فيها لعلى وعسى يلقاه موجود ..
بصراخ وهو يضرب رجله بالأرض"وينه
كيف طلع من هنا"وقطع عليه صوت جواله
رد (هلا وبصراخ نععععم هرب كيف..وبعصبية
وغضب حتى بدر ماهو موجود..اي طيب"
وقفل بعصبية وهو يخرج والله مايترك اي
احد ساعده لانه مايقدر يهرب الا بمساعده
وبعصبية وغضب وهو ينادي بصوت عالي
بالممر"اجمع لي كل اللي بالمركز"
ودخل مكتبه بعصبية وهو يرمي برجله
اللي قدامه ..هرب كيف هرب كيف...
زفر بضيق وهو يجلس بتعب ويمسك رأسه
من الصداع..فشل مرة ثانيه..فشل بإغلاق
قضيه قتل ابنه واغتصاب بنته..

ماجد دخل بسرعة وانفاسه تتطاير وبعصبية
"بسرعة اجتمعوا" ودخل مكتب سعود
"كيف هرب من موجود البارح"
سعود بعصبية وهو يضرب يده بالطاولة
"انا اخليهم يتكلمون"
ماجد وهو يرفع سماعة التلفون وبسرعة
"ببلغ جميع الجهات الحكومية "
"المطار اهم شي"
ماجد اغلق بعد مابلغ جميع الجهات
الرسمية عن بدر وأحمد..وجميع مراكز
الشرطة..

ماجد خرج بعد مااجتمعوا العسكر ومنهم
الخايف والمستغرب والمتوتر والمرتبك..وسعود
طلع بعده..
بعصبية وهو ينظر لهم صافين قدامه"
كيف سجين يهرب منكم ايش هالتسيب"
وبصراخ "قولوا لي كيف"
كمل سعود بعصبية"ماهرب الا بالليل يعني
من اللي هربه منكم لان ماانتهى دوامكم الى
الان "
بتوتر وإرتباك"البارح الساعة تقريبا 1 وعليها
شفت اثنين.."
قاطعه بصراخ وعصبيه وهو يقرب منه
"من شفت وليش تركته"
بخوف من عصبية ماجد "كانوا لابسين زي
عسكري واحد اعرفه من الشباب هنا والثاني
شكيت فيه ووقفتهم بس قال لي انه من اللي
خرجوا من الدورة وطلع"
بعصبية وهو يضرب رجله بالارض
"كلكم عقاب لكم مافيه خروج اليوم
من هنا وتناوبون بدل اخوياكم اللي
دوامهم بعد ساعتين الى بكره الصبح"
كمل سعود بعصبية"واي واحد يغلط
غلطه يتحمل اللي بيصير له" وبأمر
وهو يستعد"٤ اشخاص معي بسرعه"
ماجد وهو يضع المسدس بخصره
"انت وانت وانت معي بنطلع نبحث"
وخرجوا للبحث عن احمد وبدر ...




الرياض 2017
س 2 ظهراً...خالد رجع من الدوام من المستشفى
اليوم يوم متعب جداً المراجعين كثار ..مرهق
دخل المنزل وتوجه لغرفته..نزل لبسه على السريع
ودخل دورة المياه ..بعدها خرج وتذكر ياسر
لازم يفهم منه ايش علاقته بثامر..وليش ساحب
مبلغ كذا..لبس بجامته وخرج لغرفة ياسر
طرق الباب واتاه صوت ياسر يسمح له
بالدخول..
"السلام عليكم"
"وعليكم السلام"وتعدل بجلسته"فيك شي"
جلس خالد "لا بكلمك بموضوع قبل انام"
بإستغراب "موضوع"
"ايش علاقتك بثامر وليش ساحب 30 الف
بهدوء"ثامر عادي م..."
قاطعه خالد "ايش اللي عادي ياسر لاتعصبني
ليش رحت لثامر "
ببرود رد"عادي ولد عمي ورحت له زيارة"
بعصبية "ولد عمك مانعرف اي شي عنهم الا اسم
وفجأه كذا تروح له زيارة و..."
بهدوء"انا شفته صدفه وحالتهم المادية"
قاطعه خالد وهو يصفق بيديه بسخرية
"ماشاء الله وجيت بتنقذهم و..."
عصب من سخرية خالد منه
"عادي مافيها شي ولد عمي وحبيت اساعده"
وقف خالد وبعصبية"تساعده كذا بتعيد غلطة
هديل بعد "وبأمر"اعطني بطاقتك الصراف "
وقف وبرفض تام"لا انا ماني طفل "
بغضب"ياسر انا ماابي الا مصلحتك
وانت تصرفك غلط كيف تسحب كل هالمبلغ
وتعطيه ثامر"
بعدم مبالاة"عادي تراه 30 الف بعدين
معي مااعطيته ثامر"وبسخريه"وماشاء الله
من اللي قالك عن هذا كل هديل اكيد"
بهدوء"هديل قالت لي خايفه عليك"
استلقى على سريره وبرود"انا غبي
اللي علمتها"
بتهديد"ياسر اسمع اي شي تسويه
بدون علمي او علم جدي بتندم"وخرج لغرفته



جده 2017
بعد 8 ساعات من البحث والتحريات..
ماجد وسعود رجعوا لمركز الشرطة..
لاوجود لهم ابد..حتى الشخص الخائن
من المركز لاوجود له..لافي منزله ولا منزل
اصدقاءه..وخروج خارج البلاد..ماخرجوا
ماجد بتعب وهو ينزل اغراضه "يعني وين راحوا"
"متأكد ان فيه احد مساعدهم ومخبيهم"
"الاستراحات ايش رايك نأخذ جوله عليهن"
"مستحيل بيكون فيهن هذا وراه داعم كبير"
"نرسل دوريتين ايش رايك اضمن لنا"
بيأس "نرسل لكن مستحيل يكون فيهن"
وبقهر"هذا اذا كان موجود بجده"





الساعه 2:40 ظهراً..
بدر وبندر واحمد على سفرة الغداء والصمت
يعم المكان ..الا من بعض الصوت الصادر
من عبدالله وهو يسأل مره والده وعمه وخاله ويكمل
لعبه..تحسنت حالته للافضل عنه مساء البارحة
"ممكن اعرف ليش ساكت وماتكلمني"
ببرود وهو يأكل"برأيك اللي سويته ينسكت
عنه"
بنفس البرود رد عليه"انا سويت الصح اجل بتحمل
غلطتي و.."
قاطعة بقهر"عادي اتحمل ولا تصير حياتنا كذا
الى متى بنهرب"
احمد بطفش وملل"حتى خروج مانقدر نطلع"
بدر بعصبيه قهر وهو يرمي الملعقه ويوقف
"على اساس اني مستأنس وماني مكتوم من
المكان"
رفع بندر راسه ببرود له"وان شاء الله كم بنجلس
هنا "
بضيق وهو يمسح على رقبته"الى ان تهدأ الامور
بسخرية وهو يعطي ابنه"على اساس بتهدأ وقدرنا
نخرج"
كمل احمد "بيصير كل شي مراقب ومتشددين"
"ماعليكم حسن .."
قاطعه بندر وهو يوقف بعصبيية
"نععمممم حسن مين حسن لايكون ذاك الل.."
قاطعه بدر بإرتباك بالغلط نطق اسمه ومن الان
اعماله مع حسن بتكون بالسر حتى عن بندر
وبتوتر وهو يحاول يبعد نظره عن بندر
"ماهو حسن اللي تعرف"
بتشكيك "اكيد يابدر "وبتهديد
"بدر انتبه تسوي شي غلط انت تركت
هالشغلات من سنتين لاتغلط مره ثانيه"
وبود وحب"والوطن هذا وطنا كل شي ممنوع
له ضرر وعواقب وانتبه يابدر انتبه "وبحزن
"لاتعرض الوطن للخيانه وتعرضنا معك للخطر"
بدر يناظر بصمت..مايقدر يترك حسن ويضر
بندر واحمد وعبدالله..ويعرف حقد حسن ومخططاته
قدر يستغله بنقطة ضعفه..بيكمل بالسر ويبتعد
عن بندر واحمد وعبدالله بعد مايأمن لهم وطن
يعيشون فيه بأمان بعيداً عن اعماله..

ماسك جوال والده وببراءه"بابا شوف"
"يالله حلو"ومد له يده"ياللا اخر حبه"
بعدم رغبة واكتفاء من الغداء"مابي"
وبعد الملعقه عنه..

وقف بندر ومد يده لأبنه وابتسم"ياللا بابا
نغسل"
ترك الجوال ووقف بحماس "ياللا"

بدر ينظر لهم وهو يبتسم بحزن..علاقة
بندر بأبنه قويه ..هو الام والاب وكل شي
له..وبندر يعاتبه على انه هرب كيف لو
ماهربه من السجن وتركه ..بيحكم سنوات
ويترك ابنه..اللي سواه صح اي صح
اهم شي ان مايفترق بندر عن عبود
وهو يقدر يعيش لوحده ويتحمل ويحل
كل شي ..



في منزل سعود..
مستغربه من تأخر سعود من الفجر
خرج ولا رجع واتصل قال انه بيتأخر لاحد
ينتظره او يخاف عليه ..ايش اللي صاير
الله يستر ..وبصوت عالي وهو تنادي
"وجدااااااااان"
بعد ثواني وصلها صوت وجدان نازله
"هلا يمه "
"اختك نايمه"
"اي يمه نايمه وحتى عزام"
"تركت لك غداء بالمطبخ"
"طيب بروح اتغدا لاني جوعانه وبرجع لك"
"طيب"واخرجت جوالها واتصلت بسعود
ومايجيب عليها..زفرت بضيق سعود ابتعد
وانشغل كثير عنها من بعد وفاة ابنها وحادثة
ابنتها تغير كل شي بحياتهم اصبحت حياتهم
حياه ثانيه غير عن الاولى ..ماتنسى جود وعزام
كيف كانوا وكيف تغيروا..وتحمد ربها ان وجدان
كانت ابنة ال16 سنه يوم وفاة اخيها والحادثه
ولا تأثرت مثل اخوانها لانها ماتعرف الكثير بالامور..
قطع عليها سلسلة افكارها دخول سعود بشكل
غير ..مرهق وعليه زيه العسكري وشعره مبعثر
بخوف وهي تقترب منه"سعود"
دون ان ينظر لها رمى اغراضه على الكنب
وجلس بتعب وهو مخنوق "مافيه شي لاتخافين"
كيف ماتخاف وهو بالحالة هذهِ وقربت منه
وجلست قدامه"سعود لاتخوفني اكثر"
بضيق "مافيه شي تعبان من الدوام ومااكلت
شي و..."
قاطعته بسرعة وهي توقف"احضر لك الغداء
الان"
"لا لا ماني مشتهي مالي نفس"ووقف
"بغير ملابسي "وراح فوق لغرفته...تارك زوجته
بحيرة وخوف..


بالجانب الاخر ..عند ماجد لم يخرج من
المركز..وبعد ماتناول غداء خفيف..اخذ
كوب كوفي..ينشطه ويساعده على اكمال
دوامه..بيحقق مع الشخص الذي ادلى
لهم بمعلومات عن بدر قبل القبض عليه
لازم يرجع له مره ثانيه بيتوصل لشي
نادى بصوت عالي
"سرعه حضر لي ..."
"بأمرك حضرت الضابط"
بعد دقائق اتى يحمل الشخص المطلوب
"اتركه واخرج"
تقدم بخطوات وهو يتكلم بهدوء
"سؤال اخير منك "
ببرود وهو ينظر للارض"كل اللي عندي قلته"
ضربه يده بقوه افزعت الشخص وخوفته
وبعصبية"بدر موجود عندنا ونفى كل شي
قلته"
بخوف وتردد وإرتباك"بدر هو اللي قال لي"
جلس جنبه ونظراته بعيونه"لاتحدني
استخدم معك الصعق الكهربائي"
برعشه وهو خايف كيف ينطق حسن
بيقتله ..وكيف يتحمل الصعق وبتردد
"بدر قال.."
قاطعه وهو يصفعه مع وجهه مرتين مع بعض
"انا اعرف انك تكذب لكن قل لي من اللي
قالك"
بألم ينظر للارض مايقدر ينطق شي خايف
اخذ ماجد علبه ماء وشربها دفعه وحده
"معك خمس دقايق تقول لي كل شي تعرفه
والا انادي الشباب يتصرفون معك"

بيتعذب غير عن قبل يومين..والى الان ضرب
اليومين يحس فيه ..كيف يقدر يتحمل واذا
استخدم الصعق الكهربائي واسلوب اخر
للتعذيب كيف يتحمل ..حتى حسن ماهمه
ولا انقذه وهو قال انه بيساعده ..

استند ماجد على الطاوله ورجوله يحركها بالارض
وبهدوء وهو ينظر له"وبدر واعترف بقى المحكمه فقط"
ونظر لساعته"وانت اذا اعترفت بتخفف عنك العقوبة"

بخوف وتردد "واذا مااعترفت"
"امممم والله وانت وقدرتك بتحمل انواع التعذيب
صعق وثلج "
بفزع وخوف نطق بسرعة"بدر ماله اي علاقه بحادث
اطلاق النار"
"ومن اللي دبر هذا وليش انت اطلقت كمل"
بتردد وكذب"انا فقط نفذت اوامر من الشخص
مااعرفه لانه اشخاص قالوا لي ودفعوا فلوس"
تقدم منه وهو ينظر لعيونه"وعشان الفلوس سويت
كذا" وركله مع بطنه"تضر الناس والعالم عشان
فلوس"ومسك ياقته"وليش قلت بدر طيب"
بألم وخوف "الشخص امرني اقول كذا"
بعصبية"وبدر ايش علاقته ليش رجع"
بإرتباك"ماادري مااعرف شي عن بدر"
ضرب يده بالطاوله بغضب..تصعب القضية
والوصول لمفتاح او دليل لها صعب جداً
بدر وكما توقع وراه دعم واشخاص..
وبصوت عالي ينادي
"رجعه السجن"
دخل العسكري واخذه بقوه وخرج فيه للسجن...



الرياض2017
بعد المغرب..
هديل عند امها ومتردده وخايفه..
بتقول لأمها ماراح تسكت وتكبر المسأله تدري
انها بتعصب وتهاوش لكن لازم حل قبل تندم
ماتبي تكرر الغلط مره اخرى ..
وبتردد وهي تحرك كل شوي"يمه"
نظرت لها نورة وبإبتسامه"عيونها"
من ابتسامة امها تشجعت تكلم وبتوتر
"يمه بقول لك شي ولاتعصبين"
"بما انك قلتي لاتعصبين اكيد انه شي كايد"
بتردد وهي خايفه من غضبها"تميم"
بعصبية وهي تلتفت خايفه احد يسمع
او يدخل"وش جاب طاريه"وبعصبية
"تكلمي"
بتوتر"يمه هدي نفسك لاتعصبين بقول لك"
وبإرتباك"رجع .."
قاطعتها بسرعة"وين رجع"
بلعت ريقها "يمه يرسل لي بالسناب و..."
قاطعتها بعصبية وهي توقف"واذا ارسل واذا
رجع بكيفه مو انت خلاص على ذمه ماهر"
بتوتر وضيق وهي توقف"يمه هذا اللي مخوفني
اني على ذمة ماهر خايفه يفهم غلط و..."
قاطعتها بغضب وهي تجلس"بلكيه "ونظرت
لعيون هديل "لايكون لك علاقه فيه بعد"
بسرعة ردت وهي تنكر"لا يمه والله مالي علاقه
بس بلكته ومافاد يرجع بحساب جديد"وماكملت
كلامها سكتت..
"وايش بعد ليش سكتي"وبتفحص لملامحها
"صاير بينكم شي قبل والا ماسك عليك شي"
بتوتر وهي خايفه"لا لا بس "وماكملت
بخوف وهي تنظر لهديل"بس ايش هديل لاتجننيني"
زفرت بضيق وهي خايفه"يمه انا خايفه يقول شي
لماهر وماهر تعرفينه عصبي "
تحاول تمسك اعصابه ونطقت بهدوء"مثل"
بتوتر وهي تحرك رجلها بالارض
"عن حبنا وعلاقتنا قبل"وبهدوء
"ماهر مايعرف شي توقع ان فقط ذاك يلعب
عشان فلوسي انا قلته يوم جاء ذاك اليوم
بنفس السالفه"
بضيق ردت "ماهر كان مع جدك وخالد وهو
اللي قال لهم عن سفرتك معه للشرقيه واهانة
وطرد اعمامك لك وجدتك كيف عرف ماادري
ماقال شي"
"طيب ايش اسوي يمه قولي لي حل ماابي
ماهر يسخر او يأخذ عن فكره سيئه"
"والله وانا امك هذا عمل يدك وافعالك"
بقهر ردت"غلطت وانتهى الامر "وبعصبية
"ماابي ماهر يثبت علي شي او يشوف
نفسه هو المنزهه الطاهر ال..."
قاطعتها امها بتهديد"انت بلكيه واذا اضطر الامر
قفلي حسابك وخلاص "وهي تأشر بيدها
"واسمعيني ياهديل زين والله يصير منك غلط
مره ثانيه مااسامحك "وخرجت من الغرفة...

هديل بضيق وهي تنظر لجوالها..ياربي
ايش الحل..ايش ناوي عليه تميم..شكل
هالزواج كله مصايب وهو مااكتمل..
ناقصه انا بعد..



بالجانب الاخر ..بغرفته وعلى سريره
اكل بالدوام اكل حار وهيج القالون عنده
واتعبه ..اكل مسكنات ونام من الظهر
ماحس بشي من التعب..صاحي له عشر
دقايق ..صلى الصلوات اللي نام عنها
وهو يتعوذ من الشيطان اخرهن..صلاة
العصر والمغرب..ورجع استلقى على سريره
وهو يفتح جواله ويلقي نظره على برامجه..
ذهب لبرنامج السناب وتحديداً حساب هديل
ابتسم بسخريه..وهو يكتب لها
"يصير اشارك بالمسابقة"
وبتفكير وهو ينتظر ردها..السناب مسألة
وقت ياهديل..اخذ اغلب وقتها وحياتها كلها
فيه ..مايحب ابد المظاهر ولا نشر وتبادل الحياه
الشخصية مع الآخرين..كل شي له استخدامه
مستحيل بيمنعها من شي روتيني وتعودت عليه
لكن يفكر يغير منها كثير ..وانتبه لهديل جاري
الكتابة ..ابتسم بإنتظار وصول الرد..
"للاسف تمنيت لكن كيف بيكون تصميمي
عليك "
ابتسم وهو يكتب على السريع وبغرور
"اكيد بيكون غير يكفي انه على ماهر ال.."



بقهر وهي معصبة من غروره وثقته بنفسه
كتبت"لاتثق بنفسك كثير انت مجرد شخص
مثلك مثل غيرك لاتهمني كثير ولا التفت لك"
ارسلت الرد وبعد ماتأكدت انه وصل له
بلكته...


ضحك بقوه وهو يعتدل ويجلس"طيب ياهديل
الايام بينا"ووقف وخرج من الغرفة لعائلته..
بيأكل شي خفيف ..ويخرج للشباب...



بعد مابلكت ماهر..نزلت سنابه فيها
الاعلان عن السحب على مسابقتها..
بيكون بعد نصف ساعه..



فرنسا 2017
واصل اخر مراحل الغضب والعصبية
كيف يخسر شي مثل هذا ..٥ مليون
ماهي قليله ابد..واعده الشخص بدفعها
اذا دخل اسلحة للسعودية خلال يومين
واخر شي بدر مارجع وقال انه
صعب يرجع الآن ..بغضب وهو يحرك
رجله ويجري اتصال(اسمع باسرع وقت
تهرب بدر لفرنسا ..بااي طريقه بحر جو
اهم شي خلال يومين يكون عندي..شف
المطار تقدر فيه شخص موجود فيه يقدر
يساعده..واهم شي يتنكر مايطلع بشكله
المعروف..شف الوضع ورد لي ..وخلال ساعه
اكلمك..زين ..لاتأخر واغلق)


الرياض 2017
ثامر مع جدته بالحوش..رغم حرارة الجو
لكن غصب عشانها..وسارة ومنى داخل
بالصالة..
على اعصابها منى"يارب افوز بالسحب"
"ليه بتعلن هديل عن الفائزين"
بحماس"اي قالت بعد نصف ساعه وباقي
عشر دقايق"
"لاتأملين لان ماانتِ فايزه"
بقهر"لا هالمرة انا حاسه اني بفوز"
وقفت"لافزتي تعالي قولي لي "
وخرجت لجدتها وثامر بالحوش..

"اسكت جت لاتسمعنا"

ابتسمت سارة بضيق بعد كلمة جدتها ماتدري
ليش جدتها ماتحب البنات وخصوصا هي
وسارة ..القت السلام وجلست..

"وليه ماتجي اختك تجلس عندنا هنا"
بضيق نطق ثامر"جده كيفها اذا بتجي حياها
واذا ماهي جايه براحتها"
تناظر لسارة وتدقق بملامحها
"ماانت ِشينه لكن ماادري ليه بس زعلانه"
"هههههههههههههههههه قوية ياجده"
ببرود وهي تناظر لثامر"عاجبك الكلام"
بضحكه"تحملي يابنات "وبهمس وهو
يقرب عند اذنها"هذهِ عقلية الكبار"
بجدية نطقت ام سليمان "اسمعي ياسارة عمك
راشد كلمني اليوم "
تعرف عمها راشد مايكلم الا جايب
مصيبه معه وناظرت لها بصمت..
"تميم بيخطبك بيجون بعد يومين"
بصدمه وعصبية وهي توقف"نعم ومن قال
اني بوافق"
بعصبية "توافقين غصب عليك"
تناظر لثامر تبيه يتكلم لكنه سكت ونزل
عيونه بالارض..وعادته ضعيف دائماً ضعيف
ماله شخصية قويه ..وجدته تأثر بقرراتها عليه
وبحزن وهي تنظر لثامر"تسمع ايش تقول
جدتي ياثامر"
بحزن وهو يقوم"تميم ولد عمك و..."
بعصبيه وهي تمسك ذراعه"ثامر انت
تعرف انا مستحيل اتزوج واترك منى خصوصاً
هالمرحلة "
بعصبيه نطقت ام سليما "منى ماهي صغيرة
وبعدين تميم ولد عمك والبنت لولد عمها و..."
قاطعته سارة بصراخ وانفعال لأول مره عليها
"وانا ماابي تميم لو على قص رقبتي"
وذهبت ركض لداخل البيت..تاركه ثامر ينظر
لها بحزن ..يعرف سبب عدم رغبة سارة
بالزواج كله عشانه هو ومنى..بتضحي
عشانهم..وهو يبي لها عيشه افضل
واحسن..تميم ومتوظف ومتوسط الحال
وافضل من حياتهم بكثييير وولد عمه ..


مرت من عند منى ركضاً ..ودخلت الغرفة
واغلقت الباب بعصبية ..مخنوقه من كل
شي ..جلست على الارض ودموعها تسقط
اول مره تحس بإنكسار كذا..تعرف جدتها
قالت شي لازم تسويه..كيف تزوج وتترك
منى عند جدتها ..منى ماتقدر تحمل كذا
بكت بقوة ودموعها تتساقط بغزارة..


منى مشغوله بالسناب ولا انتبهت لسارة
صح لمحتها تركض لكن مافكرت انها تبكي
وزعلانه..بحماس تنتظر اعلان هديل للفائزين
وفجأه خلص اشتراك باقة النت..صرخت
بقهر وهي تذهب للغرفة وتفتح الباب بقهر
وعصبيه"ساره النت خلص"

ساره مسحت دموعها بسرعه قبل تنتبه لها
حالها مايسمح لها ابد تتكلم مع احد.. ومنى
تشكي من انتهى باقة النت..هذا همها الى
متى هذا همها وبصراخ لأول مره بحياتها
على منى"احسسسسسن هذا اللي همك
نت انت .."
ماهمها صراخ سارة الى الان بقهر
انتهاء النت وبعصبية وهي ماسكه نفسها
ماتبكي"اي هذا اللي همني نت هذا متنفسي
الوحيد عندكم "وبدموع"انتِ تقدرين تصبرين
على كل شي وانا مااقدر مااقدر افهميني
حسي فيني"
هنا خلاص عصبت وحالتها النفسيه
ماتسمح لها تسمع اي شي..مخنوقه متضايقه
متى بتفهم منى وترضى بحياتها وعيشتها
وبصراخ وهي ماسكه منى مع اكتافها وتهزها
"الى متى وانا بتحملك كذا ماتفهمين انتِ "
بخوف وهي تبكي اول مره تشوف رد فعل
سارة كذا وهي تنظر لها برعب ودموعها تسقط
"اتركيني "
حست اخيرا على نفسها وبدموع وهي تترك
منى"اطلعي عني"
منى ذهب بخطوات حزينه اليمه وخرجت من الغرفة
ودخلت المطبخ وجلست وبكت بكٌاء مرير..سارة
قست عليها مع الحياه ..واشتراك النت انتهى
كرهت نفسها وحياتها وكل شي..


سارة عادتها اذا ضاقت وعصبت تأخذ لها
ركعتين وتقرأ قران..والآن ماتقدر لعذر شرعي
استلقت بضيق على فراشها ووضعت السماعات
بتسمع قران ترتاح وصوت القارئ عبدالله الموسى
انشراح وطمأنينه .وغطت نفسها بالكامل..



الشرقية 2017
"سارة ماراح اتزوجها"
بعصبية رد عليه والده "غصب عنك تزوجها سارة
بنت عمك ومافيها شي"
رد بغضب وهو يوقف"يبه انت منعتني من الزواج
من هديل واهنتوها وطلعتوها من البيت واجبرتوني
اقول شي غصب عني عشان مااشوفها تهان كذا
وبأنفاس متسارعة"حتى توقعت اني العب عليها
وبأخذ من فلوسها واضطريت اكذب وابتعد "
وبقهر"وبالنهاية ايش رحتوا خطبتوها لثامر"
ببرود رد عليه"هديل ومالك نصيب فيها البنت
وتزوجت خلاص"
بقهر وألم "ادري والله يوفقها ويسعدها لكن
سارة مااراح اتزوجها "
بغضب وانفعال"اسمعني ياتميم والله اذا
ماتزوجتها لأغضب عليك ليوم الدين"
تنفس بعمق وبهدوء وحزن"يبه الامر مايحتاج
غضب واجبار هذا زواج ماهو لعب "
وقف وبدون مبالاة"انا علمتك وقلت لك سارة
بتزوجها يعني تزوجها "..وخرج تارك تميم
يجلس بقهر وعصبية ..زواج وماله رغبه ابد
هديل كانت اجمل شي صار بحياته وماضي
وانتهى ..والآن يحس بشعور القهر والحقد
تجاه اللي اخذ اجمل شي بحياته..


فرنسا 2017
يضرب يده بخفيف على فخده بإنتظار اتصال
وهو متوتر..قال بيتأكد ويشوف الاوضاع بجده
له نصف ساعه ينتظر ومافيه رد..اخرج سيجارته
وهو يستنشقها بقوه وانفاسه متسارعة بغضب
سمع صوت جواله اخذه بسرعه ورد
(تكلم ..وبعصبية وصوت يحتد.يعني صعبه
طيب ..خلاص سكر وقفل بوجه"ورمى جواله
وهو مقهور ..بدر وصعب تهريبه هالايام..
وهو اللي بيحل له مسألة التهريب..
كيف يقدر يستخدم شخص اخر او
مسأله اخرى..بيفكر وبعدها يوصل لحل...





جده 2017
خرج على السريع بدون ان يلفت انتباه احد
خائف ومتوتر..سعود اليوم ماترك شي ماحذرهم
عليه وشدد الحراسة وكل شي ..وبندر محتاجه
ضروري ..ركب سيارته وذهب حيث المكان الموجود
فيه بندر بعد ماارسل له الموقع...بعد ربع ساعه
وصل وانتبه لبندر بين احد اسوار الحي ..
وقف السيارة ونزل وهو يحمل بعض الاغراض
الموصى بهن من قبل بندر "السلام عليكم"
"وعليكم السلام"..وسلم
مد له الاغراض"بصعوبة خرجت سعود مشدد
الحراسة"
اخذ الاغراض بهدوء"يعني الاوضاع نار عند
سعود"
"بقوة "وبإستفسار"وش وضعكم"
"الى الان اصلا مانقدر نخرج ابد عن المنزل"
بإستعجال وهو يخرج مفاتحه"انا مستعجل
واذا بغيت اغراض شي ارسل لي لاتتصل
يشكون فيني"
"شكرا لك تعبتك معي ماقصرت "
"العفو"وركب سيارته وذهب..وبندر اسرع
بخطواته الى المنزل..فتح ودخل

بعصبية وهو يصارخ"وين طالع مجنون انت"

بفزع من صراخه لانه خوفه وهو داخل
"بسم الله الرحمن الرحيم كنت اجيب اغراض
ناقصتنا"
بغضب وهو يتقدم بخطوات سريعه له
"ماتفهم انت انا وهو انا ماقدرت اخرج وانت
طالع.."
قاطعه بندر وهو ينزل جزمته عند الباب ويلبس
فلات وبرود"يعني بسوي لنا عشاء ..."
بضيق وهو يرد بندر عنيد "لو تعيش على جبن
خبز اهم شي ماتورطنا"

خرج احمد من الغرفة وبطفش وملل
"يعني لازم هواش وصراخ كل يوم"
وبجديه"على الاقل عشان عبود "
بعصبية نطق بدر وهو يلف لأحمد"هذا يفهم عنيد
بيجيب نهايتي"

بندر وهو بيدخل المطبخ"تعالوا ساعدوني بس"
بدر ببرود"بالنسبة لي ماابي عشاء وبنام"وراح
للغرفه
"طيب انتظر شوي."
"صلاه وصليت "وبسخرية "عشان بندر يرتاح
صليت معه يشك حتى بصلاتي"
"ههههههههههههههههه ليه"
رد وهو يقترب من الغرفة
"يسألني كل شوي صليت صليت"وبضيق
"صح اخطا كثيره سويتها بس عاد ماعمري تهاونت
او تركت الصلاة حتى لو كنت اتأخر مااصلي بس
ترك ماعمري تركتها"
"الله يتوب علينا جميعاً "وبإبتسامه
"ياللا عاد كنسل النوم وتعشى معنا"
فتح باب الغرفة"تصبح على خير "واغلق الباب..

بندر يقطع البصل ويغني ..

"كل شي فيك حلو يااخي وتكملها بصوتك"

لف له وبثقه"اي باقي البيبي ويكتمل كل شي"
نطق وهو يفتح الثلاجه"البيبي شكلها مستحيله"
وطلع خضار"ايش اسوي فيهن"
بحيرة"ماادري الله يذكر حاليه بالخير
والمطاعم "
احمد يفكر"صنية خضار مافيه غيرها"وإشتياق
"اكثر شي اشتقت له بإيطاليا البيتزا والجو.."
يضع البصل "والله كل ايطاليا اشتقت لها"
يقشر احمد البطاطس"توقع متى نرجع"
"الظاهر نهايتنا بجده"

دخل عبدالله يحمل بطانيته الصغيره واللي
مايستغني عنها وهو معصب"بابا"

لفوا له وبضحك على طريقة دخلته وعصبيته
"عبوود"
معصب وهو يرمي البطانية"مااحبكم"
نزل بندر القفاز وغسل يديه وبإبتسامه وحب
وهو يحمله"مين اللي مزعل عبودي"
وهو مازال معصب التزم الصمت
يقبل خده "ليش زعلان دلوع بابا"
بزعل وبراءة وهو يغلق عيونه
"مااحبك"
ضمه لصدره وهو يقبل خده
"انا احبك "
ابتسم بدلع وهو يضحك
يضع احمد الخضار على الطاوله
"كمل يابندر وانا بطلع مع عبود"وناظر
لعبود"نلعب بالصاله "
ركض لأحمد بحماس"ياللا"
ضمه احمد ورفعه فوق"ياقلبي اموووواح"
وقبله بقوه مع خده....


الرياض2017
لها ربع ساعه بالحوش
وهي تنادي بعصبيةوغضب..
اذا كانت مطوله بالجلوس
ماتقدر تقوم الا بمساعدة احد
وثامر تأخر اول مره عادته يرجع
مبكر بعد صلاة العشاء..وسارة
غفت ونامت ومنى بعد نامت..
تقدمت بخطوات وهي تحبو
على ركبها لين وصلت لمدخل
الصاله وهي تنادي بصوت
عالي"ياساااارة يامنى حسبي
الله على العدو تاركاتني وانادي لي
ساعة"وبصعوبة وهي تمسك الباب
وتدخل لداخل البيت وبصعوبة وهي
توجه لغرفتها"ياسارة ياسارة "


فتحت عيونها وناظرت بجوالها
وفزت بفزع وهي تبعد الغطاء عنها
وتربط شعرها على السريع ماحست
بنفسها وهي تخرج من الغرفه بسرعة
كيف نامت اكثر من نصف وعشاء جدتها
وثامر ..وذهبت ركض وهي تسمع صوت
غضب جدتها وهواشها بغرفتها..
ذهبت لها وبسرعة"هلا جده"
بغضب وهي تعدل طرحتها بتصلي
وصوتها متغير"وينكن انادي ولا وحده
منكم ردت علي"وكبرت تصلي...

خرجت مسرعه للمطبخ ..واول
ماخرجت انتبهت لثامر يدخل وبإستغراب
من وجهها والنوم بعيونها"نايمه"
بإستعجال وهي تدخل المطبخ
"اي غفيت"
ذهب لغرفة جدته وجلس على الكرسي
وهو مستغرب جدته تصلي اول مره
تأخر وبسؤال بعد ماسلمت جدته
"تقبل الله غريبه تو تصلين"
بفرحه لثامر وصوتها متغير وبدموع
"ياوليدي يوم رحت تصلي ماقدرت اقوم
وانادي البنات ومافيه وحده جتني"ومسحت
دمعة سقطت على خدها..
بفزع وهو يتقدم لها ويقبل رأسها ويدها
"لاتكدرين خاطرك "وبعصبية"البنات انا
اتكلم معهن"وخرج مسرع للمطبخ..



سارة من حسن الحظ ان فيه بالثلاجة
من باقي الغداء..اهم شي ماتأخر على
ادوية جدتها وتعشى مبكر عشان الدواء
اخرجته بتسخنه..وفزعها دخول ثامر
بعصبية وهو يصارخ
"سارة ليش جدتي متكدر خاطرها ومااحد
عندها"
بضيقها الى الان وموضوع الخطبه
مغير نفسيتها مع نفسية الدورة وبدون ماتناظر
لثامر ردت وهي تسخن العشاء
"اخذت غفوة ماكنت ادري اني بنام او منى
بتنام"
"منى تعرفينها ماعليها مسؤوليه وجدتي كبيره
بالسن وبحسن الله يرحمها"
لفت له وبضيق وهي مخنوقه على الاخر
"ثامر الله يخليك خلاص انا اعتذر نمت.."
قاطعها وهو يقترب منه بخطوات وبجديه
"سارة لاتتركين كل شي يأثر عليك وتنسين
جدتي"
بعد ماشعرت بدموعها تسقط لفت بسرعه
بدون ماينتبه لها ثامر"ان شاء الله"
خرج وهو متضايق اول مره يتأخر بعد
الصلاة.والسبب خرج مع ياسر نصف
ساعه ورجع يشعر بندم ومسؤوليه كبيرة
تجاه جدته ماقصرت معه ولا مع خواته
بعد كل شي صار لهم من وفاة والدهم وترك
والدتهم لهم وزواجها برجل اخر ونسيانهم
ذهب لها وخرج معها للصاله بإنتظار سارة
تحضر لهم العشاء بيتعشى مع جدته
ويعطيها ادويتها..


الرياض2017
تبتسم بفرح بعد مافرحت 5 اشخاص
فائزين بمسابقتها .وباقي المتابعين
واعدتهم بمسابقة اخرى قريباً بين
امها واخوانها بإنتظار الجد والجده
بيتناولون العشاء جميعاً..
"هديل"
بإبتسامه وهي تعدل شعرها"هلا"
اقترب منها وجلس بجانبها وبهمس
"شرايك بكره تروحين معي لجدتي"
بإستغراب وهي تصغر عيونها
"اي جده"
"جدتي ام ابوي"
بسرعة وهي رافضه لطلبه"لا"
"ليش طيب ومنها تشوفين بنات عمي"
"لا مستحيل ياياسر"
"براحتك لكن قلت كزيارة وكذا"

"السلام عليكم"

وقفوا احترام للجد وبعد ماجلس قبلوا راسه
خارج من المنزل له وقت طويل مع ابنه عبدالعزيز
وتأخر مارجع..
التفت وبإستغراب من عدم وجودها"وين ام عبدالعزيز"

سمعت صوته ودخلت وهي تبتسم بحب له
"حيا الله ابو عبدالعزيز تأخرت"
بتعب رد وهو يجلس"طول الشغل "وبأمر
"جهزوا العشاء"

قامت نورة وهديل يساعدن الخدامه بتحضير
العشاء على الطاولة..

"ياسر "
التفت لجده وابتسم "هلا"
"ايش علاقتك بثامر"سأله جده بجديه
"عادي ولد عمي ومابينا شي"
وقفوا بعد ماسمعوا نداء نورة لهم للعشاء
"انتبه لنفسك اهم شي ثامر مانعرفه وكانه
مثل جدته واعمامه مايأمنون"



جده 2017
بعد مايأس من عدم وجود اي اثر
لبدر وأحمد وتأكد من عدم خروجهم
لخارج البلد خرج من مكتبه وهو يودع
ماجد ذاهب للمنزل وجود صور جود
مع بدر ضيق عليه كثير خايف من خطفها
مره اخرى او حدوث شي لها .مايسامح نفسه
ابد اذا تضررت او صار لها شي كل مره يضيق
وتصعب مهمته تعب نفسياً وجسديا حتى شعر
رأسه بدأ يظهر بعض من الشيب تعب من التفكير
بقضية وبدر وكيف يتخلص منه اصعب قضية
مرت عليه بحياته العمليه .كيف وصلت الصور
لبدر هذا اللي حيره .جود ماعندها صديقات
ابد الا هديل ومن العائلة ..من المستحيل ان
بنته بترسل صورتها مثلاً او تنزلها باي
وسائل من وسائل التواصل الاجتماعي والصور
بكاميرا واضح يفكر بالصور الجديده ام القديمه
فااكيد ان بدر اخذ لها صور عشان يبتزه فيها
اما ان يكون احد وصلهن لبدر من الاشخاص
بالمنزل او ان بدر حصل عليهن بطريقة ما
وصل المنزل وهو ماحس من كثر مافكر
دخل بالسيارة بعد ماانتبهوا له الحراس وفتحوا
البوابة له ...وقف سيارته ونزل منها وهو ينادي
الحراس بصوت عالي
"كلكم اجتمعوا بسرعه"
خلال دقائق اجتمع جميع الحراس بترقب لسعود
وسبب اجتماعه
"للمرة الاخيرة انبه عليكم انتبهوا "
ولف لعبدالرحمن المشغول بجواله
"انت سمعت"وبغضب لعدم انتباه عبدالرحمن له
"انت ماتسمع"
بإرتباك وفزع وهو يلتفت له"نعم"
بعصبية "اقول انتبهوا زين فاهم او لا"وبحده
"اي شي يصير انتم المسؤولين"..وذهب لداخل
المنزل تارك جميع الحراس يذهبون لأماكن حراستهم
بخوف وتوتر من سعود..

وصل لمكان حراسته واخرج جواله واتصل
"سعود وصل البيت الان ومعصب .لا لا اي ..
لابغيت شي ارسل لي .مع السلامه) واغلق
بسرعة بعد ماانتبه لواحد من الحراس جاي
له..حاس انه شاك فيه اكثر واحد انتبه له
وانه يراقبه ..وطبعاً هو مااثبت شي ابد
ولا وضح عليه.لكن الحذر مطلوب.

"كنت تكلم من"

ببرود وهو يضع جواله بجيبه"فيه مشكله
اذا كلمت "
"لا لا ابد بس ملاحظ عليك هالايام كثيره
مكالماتك وطلعاتك"
بدون مايوضح عليه اي ارتباك وتوتر رد
"عادي اكلم اهلي وطلعاتي سعود يعرف"
"مااتوقع انه يعرف"
بدأ يرتبك ومقهور منه كيف لاحظ وليش يراقبه
لايكون سعود ملاحظ شي ويحاول مايوضح
ذلك رغم بداية الارتباك"الا يعرف ومستحيل
اني بخرج بدون مايعرف وياليت تترك الاسئله
وترجع مكانك تحرس"





"نقف هنا"





وقفه
(الولاء :
‏هو أروع مايمكن أن تقدمه لوطنك
‏في زمن الخيانة
والأمان :
‏ هو أثمن مايقدمه الوطن لك
‏في زمن الفتنة)

بإنتظار تفاعلكم وردودكم ويتجدد لقاءنا الاسبوع القادم

سنابي:deema99d



تحياتي ديييييما

جميلة روايتك يا دييييما و عجبانى و أنا بصراحة بأتابعها أيضا فى منتدى أخر تمنياتى لك بالتوفيق و التميز و دمتى لنا مبدعة

السلام عليكم ورحمة الله وبركاته
طابت اوقاتكم بكل خير..اعتذر عن تنزيل القطرة الثامنة
هذا اليوم ..وموعدنا غداً ان شاء الله
ودمتم بود
تحياتي دييييما