وش هالحلو وش هالزين ..... بانتظارك

بداية جميلة واضح انها مشوقة وفيها غموض وحاسة حيكون فيها انتقام واكشن...
بانتظارك في بارت جديد وهل في يوم محدد لنزول البارت
موفقة ديما

السلام عليكم ورحمة الله وبركاتة
طابت اوقاتكم بكل خير
شكرا لكم جميعا دون استثناء ..ردود بسيطة ولكنها محفزة
شكرا من أعماق قلبي...
قدمت ونزلت البارت قبل الموعد اللي حددت
وبماان الرواية في البدايات ..بالايام القادمة
احدد وقت مناسب..الى الآن مافيه يوم محدد لكن
ابلغكم قبله بيوم..والآن اتركم مع القطرة الثانية
قراءة ممتعة ولاتشغلكم الرواية عن عباداتكم واعمالكم...



القطرة الثانيه"

جده 2017

اقترب منها بخطوات حزينه على حالها كل ماتمر سنه على وفاة ولدها ونفس اليوم تتألم وتتعب وتكون حبيسه لفراشها ..
جلس على طرف السرير ويده على رأسها:ام عزام وبحب:ليش تسوين بنفسك كذا اللي صار قضاء وقدر ...
ردت عليه بصوت مبحوح وبألم:مااقدر غصب عني هذا ولدي حاولت بس ماقدرت
وبشهقات:حاولت بس مااقدر كل مامر على وفاته وانه انقتل وماقدرت تكمل ..
قرب لها وضمها وبحزن:الله يرحمه لكن لازم نصبر ونتحمل عشان جود وعزام ووجدان وخالد
ووضع يده على ظهرها وهو يتكلم بحزن:انا يوم اتكلم واقول لك كذا وتظنين انه ماهمني لاوالله اللي صار قتلني وذبحني
وتنهد بحزن:لكن اتحمل واصبر عشان جود
وبصوت أليم:جود ماارتحت الا بعد ماطلعت من صدمتها
وبحزن:ادري انها تلومني وكل اللي صار لها بسبب عملي وانتقام ناس ماتخاف ربها..
قاطعته بحزن وهي تمسك يده:اللوم مو عليك ولا علي اذا فيه عالم كذا
وبتنهيده:وجود ادري انها تلومك واكثر شي منرفزها شدتك عليها وحرصك الزايد
بحزن وشفقة اب:ام عزام لاتنسين ان فيه شخصين الى الان ماتم القبض عليهم
وبقهر:واول مره بمسيرة عملي قضيه تأخر كذا وافشل فيها ..
وناظر قدامه:حتى الاشخاص اللي وصلنا لهم وهم الدليل على رئيس العصابه:ماتوا بالحادث بعد ماانقلبت سيا وانا وزملائي نلاحقهم
ردت عليه بحزن وهي تمسح دموعها بكف يدها:مرت خمس سنوات ك....
قاطعها وهو يضع يده على شفتها:لاتنسين ان عزام بعد فقد توأمه تألم وتعب والحمدالله قدرنا
نساعدهم وهذا وقتنا معهم وقدرنا بعد الله نساعد جود وتكمل جامعتها بعد ماتركتها سنه
وبحزن:جود انقلبت شخصيتها وغير مباليه لاي شي وتلومني كثير وادري انا بكل شي
لكن الحمدالله مع مساعدة دكتورتها قدرت تغلب على شي كثير ووقف :تعالي معي وانسي حزنك اذا مو مشاني مشان اولادك

وقفت بحزن:قدرت لكن الكوابيس الى الان معها ومشت خطوات:الى متى بتستمر كذا .رد عليها بحزن:مع المهديات تنام وترتاح والحمدالله مو دايمه الكوابيس والخوف فترات
واهم شي ماتدري ان باقي شخصين مالهم اي وجود
وبحزن:انا قلت ان كلهم ماتوا وتسكرت القضيه وبعد مانقلنا لجده وتركنا الرياض بدأت تتحسن اكثر ..
وطلع معها متوجهين للدور الارضي...


الرياض 2017

بعد مايأس منها ومن محاولاته لها..زفر بضيق وهو يناظر لها ..
ريما بضيق من مسأله الزواج والى متى هالموضوع ..
كل مانست وحاولت تعيش طبيعيه تفتح سيرة خطبة:فيصل انا الحمدالله حياتي مستقرة والزواج مو كل شي بالحياة
ناظر لها وبدون نفس لانه تعب وهو يتكلم بدون اي فائده:الزواج استقرار وحب ومودة
ومو اي احد هذا محمد صديقي واعرفه وانا ماابي لك الا كل خير
ابتسمت بألم:وسامر صديقك بعد والنهاية طلقني وبليلة زواجي وكم واحد يخطبني واذا جاء وقت الملكه وبحزن:يسحب
رد بقهر وهو يمسح على شعره:سامر الى الان ماادري ليش سوا كذا وليه والله كان رجال ينشد فيه الظهر
ومحترم ومو راعي محظورات وكذا بس الى الان ماادري ليش سوا كذا واللي يسحبون واضح فيه احد يقول لهم كلام
ردت بضيق:وانا بعد ابي ادري واعرف السبب وبقهر:وحتى اذا عرفت السبب ماارح اسامحه ولا انسى اللي صار
وسكتت بعد مادخل معاذ عليهم:السلام عليكم
"وعليكم السلام"
جلس وباستفسار:اشوفكم مع بعض وادري ماتجتمعون الا على سيرة
الو********* ومد رجوله:واجهني ابوه قبل يومين ويتصدد واضح متفشل من حركة ولده
رد فيصل:والله اهله كلهم متفشلين منه واللي سواه سواد وجه مايسويه رجال
قاطعته ريما بضيق:خلاص سكروا ع الموضوع
ووقفت:وقل لصديقك ماعندنا بنات للزواج وابتسمت بسخرية وتوجهت الى غرفتها.....
معاذ وهو يطقطق باصابعه:كالعادة رفضت اي خطيب والسبب واحد ضيع كل حياتها ودمرها الله يدمره
قاطعه فيصل:لاتدعي صح اللي سواه مو بسيط بس ماندري عن السبب
رد بعصبيه:بعد اللي سواه وتدافع عنه لو كان رجال وكفو ع الاقل جاء واعتذر
وقال اسبابه مو له اربع سنين مختفي ماندري عنه وووقف:وعسانا ماندري عنه من زين سيرته ................


2017 في مكان مجهول ...
رمى كل شي قدامه وبعصبيه وهو يمشي بخطوات طول المكان...
الى متى اخوه مايسمع له ..
الى متى يعانده بشي اكبر منه ..
متى يفهم ومتى يستوعب ان كل اللي يسويه من مصلحته ...
:هد نفسك يمكن عنده شي ضروري
التفت له وبصراخ:اي شي ضروري ينزل لمكان مايقدر يأمن نفسه عليه الى متى مايسمع كلامي
ورمى الطاوله برجله:هذا بيجنني انا ماارتحت الا بعد ماتطمنت ان سعود
تقاعد تقاعد مبكر وقفلوا القضية وجلس وبانفاس سريعة:مع اني مشكك بالموضوع كيف يتقاعد ويقفل القضية
رد عليها الطرف الاخر:اللي سويتوه مو شي بسيط بنته وولده ...
قاطعه وهو يرمي عليه الفازة وباستهزاء:مو شي بسيط لاتنسى انه راقب الاشخاص الغلط
حاول يتجاوز الفازة بسرعه ونزل راسه وبخوف:انتبه انت
رد عليه بقهر وهو متوجه لخارج الفله:ناقصك انا بروح اكلم احمد يمكن يجيب لي خبر
عن هالعله اللي بيورطنا قال احبها حبتك القرادة اي وخرج لخارج الفله.........

جده 2017

بعد ماخرج من المطار وركب سيارته ..
لبس نظارته ..كانت اسوا سفرة له
..تأخرت الرحله ثلاث ساعات بسبب احوال الطقس...
وبعدها بدبي تأخرت الرحله بعد نصف ساعه...
حرك سيارته وهو يتنفس الهواء بعمق...
راحه نفسيه يشعر بها يجهل السبب...
شغل موسيقي هاديه يحبها وتوجهه الى مكان يعشقه كثيرا....


...............

خرجت من غرفة عزام بعد ماحاولت فيه يطلعون ..
تحب جو البحر الصباح ونفسيتها مكتئبه وتشعر بضيق وبتغير جو يمكن ترتاح شوي بس رفض عزام
....دخلت غرفتها والضيق يكتم على صدرها ..
سحبت الكرسي وجلست وناظرت للمرآه
وتنهدت بضيق...فترات تكرهه تناظر بوجهها بالمرآه وخصوصا اذا ضاقت وشعرت بالملل ...فكت شعرها ووضعت يدها على شعرها وبحزن:عمري 25 وشهور وادخل ب26 واليأس واحساس قاتل
اشعر فيه كيف اذا تقدمت بالعمر ايش بسوي ..الجامعه درستها وانا ابي انسى ولا افكر ابي انسى كل شي صار لي ..
والحين خريجه وعاطله وابوي مانع وظيفتي
كيف اقنع ابوي على الاقل اتوظف بفرع من فروع شركات عائلة العبدالله (جدها لأبيها)....

طرق الباب ومافيه جواب...يعرف جود اذا متضايقه
ماترد وتكون سارحه بافكارها...
تقدم لها ولفت له بعد ماشافته بالمرآه عاكس..
جلس على طرف سريرها:بنطلع بس اذا ابوي ماوافق
اوعديني ماتزعلين
قامت له وباسته على خده وبفرح:الله لايحرمني منك
مااحد حاس فيني غيرك
ابتسم لها:مالنا الا وجدان تقول لابوي تقدر تقنعه
وهي مع ابوي قبل شوي شفتهم بالحديقه


بالجانب الاخر ..يديه على ظهرها وراسها على صدره وبحب:بقى شي واحد بما انك عرفتي تستخدمين الاسلحة ببراعة
بفرح وراسها على صدره:اكيد مو انا بنت الضابط
سعود العبدالله
بضيق رد عليها:كنت الان خارج العمل
رفعت رأسها وبجد:الحمدالله على كل حال لكن
احسن لك ترتاح والا ..وغمزت له:القضايا والاعمال
ماتجيب الا الهم والغم ..وانتبهت لجود وعزام
:بابا اذا مو يبون شي مااكون جوجي بنت سعود
ضحك وبصوت منخفض:ويبون الواسطه منك

تقدموا عزام وجود وبابتسامة من جود:صباح الخير
صباح النور
جود تناظر لوجدان ووجدان فهمت نظراتها وبخبث
:اي واسطه من ابو عزام مالي دخل فيها
ابتسم ابو عزام ووقف:عبدالمجيد عنده ظرف اليوم واستأذن مني مو راجع الا العصر وخروج مع احد غير مجيد مافيه
جود بتحطيم وهي تضع يدها على كتف ابوها:
تكفى يبه مع عزام والله مانتأخر بس بنروح البحر
والساعه 9 نرجع مانتأخر وعد
ابو عزام ناظر لعزام:انت قايل لها صح
جود بدفاع:لا يبه والله العظيم انا كنت اطلبه
ورفض و.....

قاطعها ابو عزام:اخر مره مع اني مااتطمن ولا ارتاح ووطلع جواله: بكلم واحد من الحراس يروح معكم بسيارته وغير اليوم كلكم مع عبدالمجيد غيره مافيه
جود تقدمت وباست راسه:ان شاء الله ...وبعد ماشافته راح:الى متى بنصير كذا يابو عزام وضحكت

كمل خطواته ورد عليها بدون مايلتفت :خالد لايروح معكم لانه تعبان ...وكمل خطواته

وجدان:وانا ماابي اروح فيني نوم واحس بشوي زكمه
جود وهي تناظر لعزام:جهز السيارة وانا بلبس


الرياض..2017

روتين معتاد بعد صلاة الفجر بنصف ساعه ..
او قبل الشروق ..يجهز القهوة والحليب والفطور ويفطر مع جدته..
مايحس بيومه الا بعد ابتسامة جدته ومدحها له...

"ياعين ابوي الله لايحرمني من هالزول"

ابتسم بحب:ولايحرمني منك وساعدها تجلس:اليوم عندي لك قصة يحبها قلبك

:لا يابوي ابي تكمل لي قصة وبتذكر:اللي غرق بالسفينه

ابتسم:تقصدين قصة موسى عليه السلام مع فرعون"اي اي هي "
صب لها فنجان قهوة:ان شاء الله بعد الفطور
بحماس وهي تنزل الفنجان:الا ياوليدي ماودك تزوج واشوف عيالك
ضحك:وين اتزوج لا وظيفه ولا شي كم لي عاطل سنتين وبكمل الثالثه

"والله ياولد ابوي قاعد هنا وتقول لا وظيفة ولا شي"

التفت لها وتكلمت الجدة:انتِ ماتستحين تهرجين الهرج ذا مع اخوك ماتقول ابو 26 سنه ماتحترمينه
جلست وبضيق:جده الله لايحرمني منك انا ماقلت شي وصادقه بكلامي
قاطعتها بعصبية:لا بالله كاذبه وين تبينه يروح هذا هو درس 4 سنين تبينه يشحد
ردت بضيق كيف تقدر تقنع الجده كل ماحاولت تشجع ثامر
الجده خربت كل شي بتشجيعها له:ماقلت يشحد اجل يجلس هنا مثله مثلنا لا عمل ولا شي يروح يبحث عن عمل
:ماانتِ ميته جوع وخلي ثامر عنك والتفت له:صب صب لي فنجان
ثامر ماسك ضحكته وهو يشوف اخته معصبه
والجدة ولا همها:زين واخذ فنجانها:خفي ياجديده على سارة شوي ترى عصبت
سارة بضيق وهي تصب لها حليب:لا جد اتكلم يعني على الاقل حس فينا و........
قاطعتها الجده:الا ياثامر وش رأيك اخطب لك هديل
ساره بضحك من هول ماسمعت:ههههههههههههههههههه
من جدك جده هديل بنت ال عبدالله توافق على ثامر
عاطل وفقير و.....ماكملت كلامها بعد مامدت الجدة عصاها:اي وش فيه ثامر كامل والكامل الله
وناظرت لثامر وبوصف لهديل:اسمعني هديل هذهِ ياوليدي وبحماس:مزيونه زينه غير لامن جسم ولامن بياض ولا من شعر
ثامر بضحك وهو يشوف ملامح سارة اللي طايرة عيونها كيف جدتها توصف بنت لولد وهذا مايجوز:اي كملي ياجده بعيش الجو
وبحالمية:يمكن تكون هالهديل من نصيبي وعلى الاقل اتوظف بشركة من شركاتهم
سارة بطفش:لاتحلم وانا اختك مد رجولك على قد لحافك ..وقامت:انت اسس نفس وتوظف بعده فكر تزوج
الجدة وهي تناظر لسارة:ياوليدي الله يزوجك تفكين هالمسيكين من هالهرجه اللي بكل وقت
ثامر بصدق:امين
كملت سارة خطواتها وهي مقهورة...الى متى غير مبالي
الى متى بيحس بالمسؤولية ..
تعبت من الفقر..وعدم سد حاجاتهم..
تعبت من كل شي..بعد وفاة ابوها وعيشهم عند جدتها غير كثير
فقد الاب شي صعب جداً ..
والام ماتدري عنهم تزوجت من سنوات وتركتهم عند جدتهم..

.......

خرجت من دورة المياه بعد شاور منعش بعد التمارين
..تقدمت بخطوات واستلقت على سريرها ..
فتحت جوالها ولفت نظرها الخاص بسناب شات من جود..
ابتسمت بود وهي تكتب لها ..تعرف جود ..وكل مايخصها ..
جود صديقة الروح ..وقبل ذلك ابنة خالها..
ارسلت لها "كيف سمح الضابط سعود وفيسات "
تعدلت وابتسمت:والله هالجود ماينعرف لها ..
ووقفت وتقدمت خطوات عند المرآة..
وتركت شعرها الطويل ينسدل بنعومة على ظهرها..
اسود حرير يصل الى خصرها رغم طولها المتوسط والمعتدل مع وزنها..
ابتسمت وبطفش:والله الشعر الطويل ضيقه قال زينه المرأه قال والله مشان جدتي والا طفشني ..
ماادري ليش الشعر لي والا لها وابتسمت بضحك:حتى خالتي مثلها

"سكنهم مساكنهم وش فيك تضحكين قدام المرآه"

لفت له:وانت ليش داخل كذا بدون استإذان
ابتسم بحياء واحراج: والله طقيت وماسمعتي
بعد ماشافت وجهه وهي ماسكه ضحكتها:امزح وبحب وصدق:يسور يتدلل امر
ضحك والاحراج الى الان على ملامحه:تاخرتي وتعرفين جدي مايفطر الا بوجودك
ابتسمت:دقايق بس
تقدم خطوات لخارج الغرفة وهو خارج:سرعه ترى جوعان
هديل وهي تسرع:طيب جايه

على طاولة الافطار الجد ..الجدة..نورة..ياسر
هديل وهي قادمه وبخطوات تقبل رأس الجد:صباح الخير
الجد بإبتسامه:هلا والله تو ماحلى صباحي
"لنا الله وانا"
الجد التفت له وبحب:كلكم عينان برأس
هديل بحب وصدق وهي تجلس:الله لايحرمنا منكم صح فقدت امي وابوي ورزقني الله فيكم
الجده بحزن:الله يرحمهم
نوره بإبتسامه:وانا وين رحت
ياسر بحب:انتِ امنا الله ماجابتنا
هديل بحب وهي تقبل يدها:جاوب ياسر وابتسمت :عاد لانقلب الجو حزن
الجد بحب:سموا بالله وبدأ وقت الافطار..عندهم


بالجانب الاخر..خرج وهو منفس ..
ركب سيارته وتوجه الى عمله..يتأخر ومو فاضي ابد للنقاش مع المدير..
بعصبيه وهو متنرفز من الزحمة..:الله ي*******
وقطع عليه صوت جواله ناظر وبطفش:والله مو وقتك عساني اوصل للدوام
...ورد(هلا ..نعم نعم..وارتفع حدة صوته..هذا اللي ناقصني بعد والله وحظك ياماهر)
وسكر وهو واصل حده من العصبيه ..
نام البارح بعد تعب القولون وعادته يغير ويقلب كل نفسيته...
وقف عند الاشارة واخذ جواله وفتح على قروب شباب العائله..
معاذ:جدي ياشباب واضح يفكر بشي
رد ماهر:جدي اكيد بيقول مافيه سفر لكم
سلطان ارسل فيسات حزينه..
معاذ:وانت ماطلعك الا السفر
ترك ماهر جواله بعد ماصارت الاشارة خضراء ..وقفله لازم باسرع وقت يوصل للدوام....


جده 2017

ابتسم بتعب..وخرج مسرع من الفندق ..
ماوصل الا له ربع ساعه لكن بعد الخبر الجميل اللي وصله لازم يطلع للبحر بااسرع وقت..
كم له ينتظر هذهِ الفرصة..وجته على طبق من ذهب..
ليت عاد مايروح حماسه خسارة ويخيب كل شي كان مخطط له ...
ركب سيارته وطلع جواله وارسل (سعود معهم او لا )
ورد الطرف الاخر (لا فقط جود وعزام ولاترسل لان سعود بيجتمع معنا بعد شوي عشان حراسة البيت وكذا وحط فيس معصب)
ابتسم وهو يسكر جواله ويضعه على الطرف:ياحبي لك يابو عزام حراسة
وضحك:غريبه ماانتبه للامر هذا بالعادة مايوظف احد او يكلفه الا عارف كل شي عنه وعن حياته..
وعدل شماغه ولبس نظارته ..مجبور يلبس كذا عشان مااحد يشك فيه او ينتبه له احد..
دخوله جده امر خطير له ..مراقب..على سبب وضحية غيره..التوأم المتشابهه مشكلة ..لكن كل شي يهون مشانها..قطع عليه سلسلة افكارة صوت جواله ناظر
وبطفش:ياليل منك خلاص متى بيفهم ماني راد الى متى كذا وعطاه مشغول ...
وبعد دقايق وصله تنبيه منه بالواتساب
"بتجنني انت بتذبحني وانا حي"
"تروح جده ليش ماتفهم انت شكل مافيه الا احبسك"
"الو رد "..."ادري تقرا ومطنش"....
عض على شفته وبطفش :ابلك وارتاح ماني بزر امشي معك بالخطا ...
وكمل طريقه الى البحر ...


بعد مااجتمع مع حراس منزله ونبهم على كل شي وامور امن المنزل والحراسة...
دخل لداخل المنزل وهو ابد مو مرتاح اول مرة تطلع جود وعزام لوحدهم ومجيد مو معهم ..
ومراقب واحد لهم من رجاله..تنهد بضيق وجلس ...
ام عزام وهي تسكر غطاء علاج طفلها خالد:ابو عزام فيك شي
بضيق رد وهو يضع خالد اللي جلس بحضنه:ماني مرتاح لطلعة عزام وجود
ام عزام تطمنه:معهم احد
ابو عزام عدل خالد بحضنه:اي بس ماادري ليه ماني مرتاح شي قابض على قلبي الله يستر يارب
ام عزام :بإذن الله مايصير الا كل خير لاتخوف نفسك ولاتترك الشيطان يلعب عليك بوساوسه
ابو عزام:اعوذ بالله من الشيطان الرجيم ...



البحر..

بعد ماخلصوا من الفطور ..طلبت منه جود اي سكريم..
مع انه مو وقته ابد ..لكن عندت وماحب يكسر خاطرها ..
نبه عادل ينتبه لها ..الى ان يرجع..
ربع ساعه فقط ..ورجع على السريع..
واستغرب من عدم وجود جود بمكانهم..وعادل واضح مرتبك ويبحث عن شي...
ذهب مسرع والخوف مسيطر على كل شي بجسمه:وين جود

عادل متفشل ومرتبك:كانت هنا وانا كنت قريب منها وبجيب مناديل من السيارة ورجعت ماهي بمكانها
عزام وهو ينزل اللي معه وبخوف وصراخ:كيف مو بمكانه كيف وين راحت...
وبخوف وهو يركض ومرعوب يبحث عنها بكل مكان......



"نقف هنا"

وقفه"
‏(الخوف لا يمنع من الموت
و لكنه يمنع من الحياة.)


استودعكم الله موعدنا الاسبوع القادم


سنابي deema99d