السلام عليكم ورحمة الله وبركاتة

طابت أوقاتكم بكل خير ..

الليلة بإذن الله بنزل البارت الهدية
اللي وعدتكم فيهم....فكونوا بالقرب

تحياتي دييييييما

السلام عليكم ورحمة الله وبركاته
طابت أوقاتكم بكل خير..وهذا البارت اللي وعدتكم فيه
قراءة ممتعة للجميع

لاتلهيكم الرواية عن عباداتكم وأعمالكم

"القطرة العشرين"

ايطاليا 2017

سيجن بعد ان اكتشف بالصدفة المبالغ
المالية..التي قام بندر اخيه بصرفها خلال
اسبوع.....خرج بعصبية وهو ينادي بصوت
عالي"احمممممد احمممممد"

خرج له بخوف واستغراب من صراخه
"فيه شي ليش تصارخ"
بعصبية وانفعال وهو يقف امام احمد
"بندر خلال اسبوع بس صارف اكثر
من ١٠٠ الف وزيادة ...ليش "
بتوتر وارتبإك وهو يهز كتفه
"مادري ماادري عنه"
مسك به وهو ينظر لعينيه
"أحمد لاتكذب علي بندر مهبب شي
لكن قل لي ايش هو"
ارتبك اكثر من نظرات بدر له وهو ينتظره
ينطق وبتوتر نطق"ما مافيه شي هذا عشان
المشروع"واكمل بسرعة"المشروع اللي نزل
عشانه"
بشك ومازال غاضب"اكيد يااحمد مافيه
شي ثاني"
ابتسم بتوتر"اي اكيد تطمن انت"
اخذ نفس وجلس"ماادري قلبي ماهو مرتاح
ابد"
جلس جنبه احمد"تطمن مافيه شي بندر
بكرة بيرجع"



جده 2017

اغمضت عينيها وقلبها يخفق
بسرعة اطرافها ترتعش..لم ترفع رأسها لن
تراه ستستفرغ"اكرمكم الله"الآن...تسمع
صوت انفاسه قريبة منها ويده يضعها
على كتفها..فتحت عينها وهي تدفعه عنها
برعب وصراخ"بعد عني لاتقرب مني"


دخل والدها بعد ان سمع صراخها وصدم
من مارأى وبخوف نطق"ايش صاير"وتقدم
لجود "هدي نفسك"
مسكت بوالدها وهي بحالة غير طبيعية
وتبكي بخوف"كا كن "
لم يسمح لها بالكلام وشدها لصدره
"جود هدي نفسك وارتاحي"

تنهد بندر بضيق وهو يرى حالها ومن اجل
ان ترجع لطبيعتها نطق وهو يتجه ليخرج
"استأذن انا"ونظر لسعود وهو يأشر
لبوكس الهدية الموجود على الطاولة
"هذي هدية جود ودبلتها..والمهر بحوله
بحسابك "
اشر سعود براسه بالموافقة وبندر خرج......


حاول تهدئتها وهي يمسح على شعرها
ويغمض عينه بحزن"جود"
رفعت رأسها واخذت نفس ومازالت يدها
ترتعش وشفتها"ماقدرت اتحمل ماقدرت"
وببكٌاء اكملت"تذكرت .."ولم تكمل بعد ان
وضع يدها على فمها يمنعها من الكلام
"لاتتذكرين شي"وبإبتسامة حزن
"قومي لغرفتك بعطيك مهدي وتنامين"
وقفت ومازالت باللاوعي..وساعدها والدها
الى ان اوصلها لغرفتها...
استلقت على السرير وانفاسها تتسارع
مازالت شفتها ترتعش...خرج لغرفته وعاد
بعد ثواني وبيده كوب ماء وحبة دواء
"سمي بالله"
اخذت الدواء من والدها ويدها ترتعش
واكلت الحبة وشربت ماء...واستلقت
على السرير وهي تغمض عينها....جلس
بجانبها وهو يمسح على شعرها وينظر لها
بحزن..حالتها تدهورت مجرد رؤيته فكيف
اذا عاشت معه بسقف واحد كيف تتحمل
اغمض عينه وهو يزفر بضيق...عشر دقائق
مرت وبعدها نامت جود....قبّل جبينها "سامحيني..ماقدرت اقول لك الحقيقة
وان هذا بندر..ووافقت على زواجك"وسحب
غطاءها وعدله عليها.....وخرج بعد ان اغلق
باب الغرفة متجه للاسفل لزوجته ......

دخل وملامح الضيق على وجهه
"السلام عليكم"
نطقت ببرود"وعليكم السلام"وبسخرية
"لايكون جود الى الان عند.."
قاطعها بسرحان"بغرفتها جود نامت"
وقفت بخوف"صاير لها شي جتها الحالة
صح"
"اي واعطيتها مهدي ونامت"
نطقت بعصبية وقهر "ارتحت الحين ارتحت
انت عارف ان جود مهما وافقت مستحيل
بتعيش وتتقبل بدل ماترفض توافق وبكل
برود"
تنهد ونظر لها"يابنت اللي فيني مكفيني رجاء
تسكتين"
بصراخ وعصبية"كيف بسكت وانا اشوف حال
بنتي كذا.."واكملت بدموع"حتى عمي يوم جاء
قلت بيحل كل شي وينهي هالزواج بالنهاية
اقتنع ولا قال شي..ماادري كيف اقنعته مع ان
عمي مايقتنع بكل شي"
وقف"الزواج تم وانتهينا انت حاولي تقتنعين
وتساعدين جود تتقبل وتحسن حالتها"....
وخرج وهو ينادي الخدامة"الاغراض اللي
بالمجلس وصليهن لغرفة جود"...واتجه لخارج
المنزل......

رمت الفازة من على الطاولة بعصبية
"هذا بيجنني ..مااراح يرتاح لين يذبحني"



الرياض 2017

لم تتحدث معه..مازالت في زعل لرفضه
الذهاب الى جدة...تجلس بجانبه بصمت
وهو الآخر ملتزم الصمت ولم يتحدث معها...
نطقت بملل وهي تقف"بروح لبيت جدي
طفشت"
نطق ببرود رغم غليانه من الداخل
"ماله داعي حركات الاطفال هذي ..وحياتك
قبل عكس عن حياتك الآن"ووقف وهو يضع
مفتاحه بجيبه"الآن معك شريك وتقبلين
كل شي اما كل مرة تسوين لي حركات
مالها داعي هذا مااقبله ومو معنى ان احبك
برضى عن كل شي لا..فانتبهي لنفسك ياهديل
واتركي هالحركات".....وخرج تاركها غاضبه
ومقهوره....بصراخ نطقت"اوووووف مافيه
حرية يبي كل شي على مزاجه"



جده 2017

اغلقت مصحفها بعد ان قرأت حزبها اليومي
وطوت سجادتها..بعد ان صلت صلاة العشاء
خرجت من الغرفة بعد ان سمعت صوت
ثامر يناديها....وبإبتسامة نطقت
"هلا"
بسرعة نطق"عزام ومشعل جايين جهزي
لنا قهوة وضبطيها "
ابتسمت لطاري عزام"ان شاء الله..والعشاء
طيب"
"قال لي عزام انهم جايبين معهم عشاء"...
ونزل للاسفل.....
اتجهت للمطبخ ولكن اوقفها صوت جدتها
وهي تناديها وذهبت لها
"هلا"
"ثامر ايش يبي منك..من اللي بيجي"
لم تود اخبرها بقدوم عزام واكتفت بقول
"رجال بيجونه ويبي قهوة"
"اي اشوا قلت لايكون ولد سعود بيجي
بعد"....
اتجهت للمطبخ وهي تزفر بضيق جدتها
ستدمر كل شي ..وهذه هي البدايات فكيف
في المستقبل..


بالجانب الآخر..في سيارة عزام
"اي اخيرا روقت"
ابتسم بضيق"غصب والله خايف على جود
وماابي ارجع البيت واضيق خلقي"
نطق بخٌبث "اي مو علي كل هذا عشان بنروح
لبيتهم"
تنهد بضيق"لا والله اصلا مافكرت حتى جدتها
واعرفها وسارة ماتبي تواجهني ماادري ليش
عكس مكالمتها ورسايلها معي"
"لاتلومها خايفه من جدتها..وشكل جدتهم
مرة نكدية"
"ماهي نكدية الا تعدت مراحل النكد"



تجهز القهوة..ومنى جالسة تسولف عليها
تغيرت كثير عن حياتها في السابق في
الرياض...صح اغلب وقتها تقضيه مع
جوالها لكن صارت تسولف مع سارة كثير
عكس السابق.......
"سارة جدتي واضح ان عمي وتميم
معبين رأسها ماكانت قبل كذا"
نطقت بضيق وهي تصف الفناجين
بالصينية"هذهِ جدتي لكنها قبل كانت تسكت
والحين لقت لها شي تهاوشني عليه"
"قسم شي يقهر حتى عزام بيمل كذا..
ليش تقوله يطلع ذاك اليوم"

"جدتي قايله شي لعزام متى"وتقدم بصدمه
"انا وين كنت وليش ماقلتن لي"
زفرت سارة بضيق"ماابي اضيق عليك"
نطقت منى بسرعة"وجدتي مهدده سارة
ماتقول لك"
اخذ نفس"لحظة لحظة شوي شوي ماابي
انصدم اكثر لايكون جدتي قايله شي أكبر
لأن عزام مايطلبني نفس قبل عشان يشوفك"
واكمل بقهر"لايكون زعلان"
نطقت سارة بهدوء"لا ماهو زعلان ومحترم
رغبة جدتي"
سمع ثامر صوت جواله ونظر له
"وصلوا".....واخذ القهوة وراح يفتح لهم...

فتح لهم الباب بإبتسامة"حياكم الله"
وسلم عليهم"تفضلوا"
"الله يحييك"...ودخلوا المجلس
"اخبارك مع الدوام"
ابتسم"تمام مع ان فيه تعب شوي
وتعرف الحالات الخاصة تحاول بكل
الطرق تتعايش معهم "
"الله يعينك"
ابتسم مشعل"افضل من العطالة
تحس يومك منظم"
"اي والله صادق"
صب لهم ثامر القهوة....
شرب عزام "ترى ماشربت قهوة اليوم ابد"
ضحك مشعل"خلص كل الدلة كيف رأسك"
اخذ الدلة من ثامر"اي والله اتركها عندي"
"خذ راحتك"


بالجانب الآخر....
سعود عند ماجد في منزله...ويحكي له
بضيق ماحدث لجود...
وضع يده على يد سعود ونطق بهدوء
"بإذن الله تتحسن وبأسرع وقت نقبض
على بدر"
"شكلي استعجلت ياماجد"واكمل بحزن
"اذا عرفت جود ان الزواج بدايته على اتفاق
وانه ماهو بدر ايش بتسوي هذا اللي خايف
منه"
"ان شاء الله مايصير الا كل خير وبأسرع
وقت نقبض على بدر"
تنهد بضيق"ان شاء الله"
وقف وبإبتسامة"ياللا عاد العشاء جاهز
حياك وماأبي رفض"
وقف معه ونطق بإبتسامة"ماراح ارفض لاني
مااكلت شي من الصبح"
"حياك الله"...واتجهوا لصالة الطعام..


بعد العشاء..بساعة...طلب عزام من ثامر
يسلم على سارة...ووافق بعد ان ارتاح لنوم
جدته....ذهب عزام للمجلس الداخلي
وبقي مشعل وثامر بمجلس الرجال...


تقف بتوتر وكل مرة تنظر لشكلها بالمرآة
وتعدل شعرها ..وتلقي نظرة على وجهها
قلبها يخفق له بحب....اخذت نفس وهي
تعدل روجها وتنظر مرة اخرى للمرآة....
ولفت بعد أن رأته وهي تبتسم بتوتر

وقف ثواني وهو ينظر لها..اشتاق لها
كثيراً وقلبه يخفق بحب لها..انتبه لنفسه
وتقدم لها"السلام عليكم"
نطقت بتوتر وإرتباك"وعليكم السلام"
عانقها وطبع قبله على خذها
"اخبارك"وجلس ويده تمسك بيده..
ابتسمت بحب"الحمدالله بخير انت اخبارك"
"تمام اشتقت لك"وابعد خصلات من
شعرها"الله يعدي هالشهر والنص على
خير"
خجلت وزاد نبض قلبها واكتفت بالنظر
له بصمت..وبادلها نفس النظرات...
لاحظ خجلها وتوترها ونطق بإبتسامة
"تخيلي عاد جدتك تدخل علينا"
ابتسمت بتوتر"تطمن نايمه"
تنهد بإرتياح "وانا اقول غريبة ثامر وافق"
ابتسمت بحزن"تحمل انت ولاتزعل"
لاحظ بصوتها نبرة الحزن ونطق بإبتسامة
"لا عادي مين قال بزعل..اذا تقصدين
عشان ذاك اليوم كنت معصب ومضغوط
مرة"......ومرت نصف ساعة وهم يتبادلون
الحديث مع بعض...

طرق ثامر الباب ودخل بإبتسامة
"قلت بسلم عاد مو كل هذا الوقت"
ونظر لساعته"لك نصف ساعة تبي جدتي
فجأه تحس وتصحى تشرشحكم"

وقف عزام وودع سارة"ياللا ياقلبي اشوفك
على خير"....ونظر لثامر"اكيد مشعل قايل
لك بيرجع..لانه مانام اليوم وبكرة عنده دوام"
ضحك"اسولف معه مرة ينام ومرة يتفاعل"
وخرج وعزام خلفه...
"اي مانام الضعيف وانا سهرته الليلة"
ونظر لثامر"ياللا تصبح على خير"
وخرج ومشعل معه....



يوم جديد يمر....

الساعة 8 ص..

استيقظت من النوم نامت ساعات طويلة
وارتاحت اعصابها..ابعدت الغطاء عنها
وهي تقوم وانتبهت لبوكس الهدية على
التسريحة..اغمضت عينيها بألم البارح لم
تسيطر على نفسها هذهِ البداية فكيف..
وضعت يدها على عنقها وهي تأخذ نفس
"كل شي بيتحسن ياجود"....واتجهت للهدية
"مسوي فيها راعي ذوق وهدايا"...وفتحت
الهدية "انا ماادري كيف قدر على اسعار
الهدايا هذهِ "وضحكت بسخرية
"صح مو كان مروج اكيد من فلوس المخدرات"
وانتبهت لورقة صغيرة ملفوفة في الوسط
اخذتها بسرعة وقلبها ينبض"لايكون يهددني
بعد بشي ثاني"وفتحتها بسرعة وهي تقرأ
"دبلتك الخاتم اللي اعطيتك قبل وياليت
اشوفه بيديك الجميلة"...شققت الورقة
ورمتها "اصلا بلبسه مو حب فيك لا عشان
اكمل التمثيل"



ايطاليا 2017

وصل المطار..واتجه للمنزل..متعب جداً
من السفر..بعد دقائق وصل المنزل وانتبه
لبدر يجلس وحيداً في الحديقة...ابتسم
بضيق"مادري ليه احسه شاك بشي"...
واتجه له واول ماوصل له انتبه له بدر
ووقف"بندر هلا والله"...وضمه لصدره
"واضح من ملامحك تعبان"
"اي والله لكن بنام ويروح التعب كله..
غريبة صاحي بدري"
تنهد بملل"نمت البارح بدري "وبإستفسار
"وكيف المشروع اللي نزلت عشانه"
ابتسم له"كل شي تمام والأمور نفس ماابي"
"اي واضح بعد المبالغ اللي صرفتها"
ارتبك اكثر كيف عرف بالمبالغ واذا عرف
بالحقيقة ايش يسوي ونطق بتوتر
"اي مافيه شي الا بمقابل..ياللا عاد عن اذنك
بروح انام"
نطق بشك بعد ان لاحظ ارتباك وتوتر بندر
ذكي جداً ويعرف بندر جيداً من نظراته
وتصرفاته"المشروع شكله تصريفه لي
لكن انا بنفسي بكتشف اللي وراك يابندر
واذا غلطت بشي والله مااترك فانتبه على
تصرفاتك"
صمت وقلبه ينبض بسرعة...واتجه للداخل
بدر شديد جدا عليه بكل مايخص سعود
فكيف اذا عرف عن زواجه بجود...لاينسى
ماحدث له قبل خمس سنوات وتعذيب بدر
له واجباره على الزواج من شقيقة احمد بعد
ان عرف واكتشف حبه لجود...دخل واتجه
للاعلى وهو يزفر بضيق"الله يعدي هالزواج
على خير"


الرياض 2017

الساعة 4 عصراً...

دخل المنزل بمساعدة اخيه بعد ان
خرج من المستشفى..واتجه به للأعلى لشقته

رتبت السرير بسرعة..والقت نظرة اخيره
على شكلها ...سمعت طرق الباب وصوت
سامي وهو يستأذن للدخول...سمحت له
وهي تتجه لغرفة الملابس...

تقدم بخطواته بتعب..مازالت عمليته
حديثة ولم يتعافى تماما منها...استلقى
بتعب بمساعدة سامي"انتبه على حركتك
ياسامر"ووضع الخدادية خلف ظهره
تنهد بتعب"اصلا مااقدر اتحرك كثير"
"ياللا ماتشوف شر"....وخرج

خرجت من الغرفة وهي تبتسم بحب
وشوق له..قلبها يخفق بسرعة...

انتبه لقدومها وابتسم"تعالي هنا"
قبلت خده "الحمدالله على السلامة نور
البيت بوجودك"
ابتسم لها ومسك بيدها"الله يسلمك"
جلست بجانبه وهي تزفر بضيق
"كنت خايفه افقدك"
سحبها له ووضع رأسها على صدره
"اول ماسويت الحادث وانا اشوف الموت
بعيوني تذكرتك وخفت اموت وانا مزعلك"
ولم يكمل بعد ان وضعت يدها على شفته
تمنعه"لاتجيب طاري الموت"
مسح على شعرها "الله لايفرقنا"
"آمين"



عند ماهر وهديل...

يشرب من كوب قهوته بصمت..لم تنزل
هديل من الاعلى..ولم يراها اليوم منذ
ان رجع للمنزل بعد ان ذهب مع والدته
لزيارة جدته لأمه....
رفع رأسه بعد ان سمع خطواتها قادمة اليه
وشعٌر بسعادة اخيرا طلت عليه ولكنه لم
يظهر شيئاً ...هديل تتمادى كثيراً ...

تقدمت منه والقت السلام وجلست
بالقرب منه"ماكنت اعرف انك هنا..مسكت
معي ورتبت شنط السفر"
نطق بهدوء"حلو والله استفدتي من وقت
فراغك"
رمقته بنظرة وبقهر"ايش تقصد"
ضحك بصوت عالي"تحسسين من كل شي
هالايام ليش"
نطقت ببرود وهي تمد يدها وتأخذ كوب
قهوته"والله من الملل"وشربت ...
نظر لها بإبتسامة سخرية"الملل احيانا
يكشف لي اشياء غافل عنها"وبخٌبث نطق
"اشوفك اخذتي قهوتي كأن الوضع جاز لك"
ابتسمت ببرود وهي تضع الكوب
"مرة"
مدد قدميه وهو يكمل شرب القهوة وينظر
لها"اي صح اليوم واجهت جدي وقال لي
ان زواج جود بعد اسبوعين"
نطقت بصدمة"بعد اسبوعين"واكملت
بحزن"ماادري ليه مااني مرتاحه للزواج"
نطق بإستهزاء"هو فيه احد مرتاح له اصلاً
واكمل بقهر"ودي اعرف عمي سعود ايش
اللي يفكر فيه مع انه اغلب قرارته عن قناعة"
وتعدل بجلسته"حتى جود احس موافقتها
بتنتقم والا ايش اللي تسويه اذا انخطبت
تعصب وتقلب وحده ثانية"
زفرت بضيق"الله يستر حتى سألتها ماقالت
لي شي ابد قالت مااحد راضي مهما كان
الا كان بدر بيحس باللي سواه"
"الله يوفقها هذا اللي نقول ويكفيها شر
بدر"وابتسم بحزن"يعني قاتل ومجرم
وطليق والله شي يقهر"




جده 2017

بعد المغرب....

تجلس بسرحان وهي تحرك الخاتم بيدها
بملل...الهدوء يعم المكان..لم يتحدث احد
فقط اصوات الانفاس....انتبهت لنظرات عزام
لها بعصبية ولكنها لم ترفع رأسها له...
حتى والدتها لم تتحدث معها عن الزواج فقط
سألتها عن حالها...رفعت رأسها بعد ان سمعت
وجدان تطلب والدها
"تكفى يبه بنسافر قبل زواج جود ادري الوقت
ضيق بس بنسافر على الاقل نغير جو شوي
وجود تقدر تخلص اغراضها وتشري لها فستان"
نطق عزام بسرعة"ليه وهو بيصير فيه زواج"
ابتسمت وجدان وهي تنظر له
"اكيد زفة وزواج بنفرح بجود"
ابتسم بسخرية "على اساس هال...."ولم يكمل
بعد ان قاطعة والده بغضب
"عزااااااااام"ونظر لوجدان بإبتسامة
"اذا جود موافقة ماعندي مانع"
محتاجه لتغير جوها ونفسيتها والبعد قليلاً
لتبعد التوتر والقلق عنها وابتسمت
"اي ماعندي مانع على الاقل يكفيني الوقت
للفستان"
صرخت وجدان بفرح وهي تتقدم وتقبل خد
جود"كنت اعرف مااراح تخيبين أملي"
ورجعت وجلست بمكانها"ايطاليا بابا ايش
رأيك"
توتر سعود ايطاليا واذا كان بدر موجود
فيها واحدث شي لعائلته وبسرعة نطق
"لا ايطاليا لا"
بتحطيم نطقت"ليييش طيب المانيا وفرنسا
زرناهن هالسنة "
اكملت جود"اي صادقة ايطاليا مناسبة وكلها
عشر ايام مااراح نطول"
نطق عزام بعد صمت"انا مع البنات ايطاليا"
وبإستغراب"ليش فيه شي يمنع"
وقف "بفكر وبعده ارد لكم ايطاليا او
نغير لهولندا".......وخرج....
نطقت وجدان بحماس"واخيراً بغير جو بعد الإختبارات
"مخلصه انتِ"
ابتسمت بفرح"باقي لي مادة بكره السنه هذهِ
بدأت اختباراتي بدري فكه"
"اي لنا الله يوم كنت اداوم اول من يختبر أنا
وآخر من يخلص أنا"


بعد ان خرج اتصل بماجد وتشاور معه
في امر السفر لإيطاليا...رجع لعائلته
"خلاص عزام احجز لنا لإيطاليا بعد
ثلاث ايام بنسافر ان شاء الله"



ايطاليا 2017

العاشرة مساء....

الجو الليلة بارد ..المدفئة امامهم ..
وسط ضحكاتهم...واستعادة ذكرياتهم
الجميلة والحزينة...وعبدالله مستلقي
بجانبهم وبطانيته يغطي بها كامل جسمه
ويلعب بالآيباد الخاص به..
مرر يده عند عيون بندر"وين وصلت"
انتبه لنفسه"قلت شي"
نطق بدر بإستغراب"انت فيك شي ماانت
طبيعي من بعد مارجعت من جدة وانت
تسولف معنا وتسرح"
ابتسم بتوتر"لا مافيه شي انت تشوف فيني
شي مااشوفه"
نطق بسخرية"والله ماادري عنك يابندر
ماطلعت بنت سعود بحياتك الا..."ولم يكمل
بعد ان لاحظ ارتبإك بندر ونظراته لأحمد
"فيه شي صح"
نطق احمد بسرعة"لا مافيه شي بدر انت
الظاهر اللي فيك شي"
وقف ونطق بإستهزاء"لا انا ماعندي شي
انتم اللي وراكم شي وبعرفه"...واخرج سيجارته
ونطق بندر "بدر اطلع برى عشان عبود
بعدين ماقلت لي انك بتحاول تترك التدخين"
ولع سيجارته وهو يتجه للخروج
"مااشربه الا اذا كنت مضغوط "...وخرج

"احمد قسم بالله على اعصابي انا بدر
اذا صار شاك بشي بيبهذلنا بهذلة"
نطق احمد بصوت منخفض"اهم شي
يابندر لايشوف عقد الزواج"
اخذ نفس"أنا مخبية بمكان مايقدر يوصل
له"


بعد ثلاث أيام......وصلوا مطار ليوناردو دافنشي
(روما الدولي ) تعمد سعود اختيار روما
لسكن بندر فيها....
بعد ان نصحه ماجد بالسفر لها ليتفقد بدر
هل هو موجود عند اخيه ام لا...فإذا وجده
لادعي لزواج ابنته من بندر.....
اتجهوا للفندق الخاص بهم...ليرتاحوا وبعدها
يتجولون في الأماكن السياحية في روما.....

"الجو يفتح النفس"
ابتسم عزام"بارد شوي "
نطقت بإبتسامة"بنغير عن الرطوبة"
وبعد دقائق وصلوا الفندق.....

"ياللا ارتاحوا ساعتين ثلاث ساعات
وبعدها نطلع"
رمت نفسها على الكنب بتعب
"اهم شي جود ماتنام اذا نامت ماراح نطلع"
ابتسم سعود وهو ينزل جاكيته
"اللي بينام براحته..لكن اقول لكم اني
برتاح ساعتين بعدها بطلع انا ومنى وخالد"


بعد ثلاث ساعات وتحديداً في ساحة نافونا
في احدى المطاعم الكبيرة والشهيرة في
هذه الساحة....على طاولة الطعام وسط
اجواء جميلة ..
ابتسمت جود"يلومني في الأكل الايطالي"
اكملت وجدان"ايطاليا كلها مو بس اكلها"
نطق عزام بحماس"بكرة مباراة ميلان والانتر
شكلي بتابعها"
نظر له والده"بميلان المباراة"
نطق"اي"
"اجل تحلم تتابعها"
ضحك بصوت عالي"والله كبرت خلاص
وقريباً بتزوج "
نطق بإبتسامة"ماعليك حتى اذا تزوجت
الضابط سعود وراك وراك"ونظر لجود بعد
ان ضحكت"اي ترى فقدت هذه الكلمة منك"
ابتسمت له"شكلها للأبد ماراح انطقها"


بالجانب الآخر من الساحة..
وقف بدر "هنا زحمة انا مااحب الزحمة
بطلع"
"انتظر طيب يوم طلبنا العشاء مو انت اللي
قلت بنطلع ونغير جو"
نطق بملل"ماكنت اعرف ان فيه زحمة كذا"
نطق احمد"طيب اجلس وبعد العشاء ترجع"
"بالعافية عليكم تعشوا انا بطلع شوي ماراح
ابعد"


"عزام تكفى اطلب لي أرانشيني"
"طيب "ونظر لوجدان"وانتِ تبين شي معين"
"لا"
بعد طلبهم....خرج بعد ان سمع صوت جواله
للخارج وابتسم وهو ينظر للأسم نسي ان يخبر
سارة بوصولهم.....صدم بشخص امامه بالغلط
ورفع رأسه وبصدمة نطق"بدر "
بإستغراب نطق"مين انت"
بإستغراب وهو يدقق بملامحه
"نحفت كيف كذا ..طيب انا مواجهك قبل
اسبوع"
صغر عيونه وبإستغراب"انت مواجهني كيف
وضحك بصوت عالي"لا شكلك تتخيل وين
واجهتني"
بإشمئزاز منه نطق بقهر"لاتسوي فيها غبي"
ودفه عن طريقه"مثل ماقلت لك ذاك اليوم
ماقدرت اقتلك بيجي اليوم اللي اقتلك فيه"
كتف يديه ونطق بإستهزاء وعدم مبالاة
"شكلك شارب شي اصلاً مين انت ووين واجهتك"وذهب وتركةرغم مناداة عزام له...”
وهو يحدث نفسه مين هذا...مااذكر اني واجهته"وعزام اكمل
طريقه وهو يحدث نفسه"ماهو معقولة كيف
نحف كذا..شكلي غلطت وشبهت عليه حتى
ماعرفني هو ..."ورجع لطاولة اهله حتى نسي
ان يتصل بسارة...
بشك نطق سعود"فيه شي"
لن ينطق اسمه ويخبر والده لكي لايغير
من مود جود وابتسم "لا الطلب بيطول
شوي"


بالجانب الآخر...
"بدر مزاجي الحين جايبنا واخر شي راح"
ابتسم بندر بحزن"تغير مرة السنه هذهِ بزيادة"
"اي مرة "
وقف بندر"ياللا بنرجع للبيت بدأ الجو يبرد"
واكمل وهو يمسك يد ابنه"ماابي يتعب من
البرد وتجيه ازمة الربو"


وصل للمنزل وهو يفكر..بالشخص اللي
صدم فيه..."يقول واجهني انا ماواجهت احد
ابد ولااعرفه مين هذا..."وحاول يتذكر
"ياربي مين مااذكر اني شفته"...وبعد دقائق
وهو يحاول يتذكر ...ذكر مقتله لفزاع واغمض
عينه"هذا الحين ايش اللي ذكرني فيه ماهو
كافي احلامي وكوابيسي فيه وبأخته"
"امممممم "وفتح عيونه وهو يتذكر
"هذا يشبه لايكون "ووقف بسرعة وهو
يمسك رأسه"هذا عزام ولد سعود.."
وبلع ريقة وهو يجلس"يقول واجهني..ونحفت
كيف لا لا ياربي مو معقولة بندر يكون مواجهه
وكيف عرفني انا ..اذا كان مواجهه بيكون باسم
بندر كيف قال بدر لي"وشد على شعره بعصبية
"اوووووه بجن بجن متى برتاح"


بعد نصف ساعة..

صرخ عبود بحماس وهو ينطق
"بابا عمي سعود"واشر للمكان وهو يسحب
يد والده"وخالد بعد"
نظر للمكان الذي يأشر له ابنه وصدم
"احمد سعود"
نطق احمد بسرعة"بدر يابندر"
خفق قلبه بخوف وبملامح لاتفسر نطق
"سعود جيته بالوقت هذا لهدف يااحمد"
ونظر بقلق وتوتر "احمد بنطلع قبل ينتبه
سعود ويحس بوجودنا ".....وخرجوا بسرعة
رغم بكٌاء ابنه لانه منعه من الذهاب....


"شرأيك منى نمشي ونتجول بالساحة"
ابتسمت زوجته"ياللا وعزام مع البنات انتبه
لخواتك واذا رجعتوا للفندق اتصل علي
او على ابوك"
لايضمن سلامة ابناءه وبتوتر نطق
"انتبه ياعزام مو تغفل عن البنات ولاترجع
الفندق الا معنا...لاتطلعون عن الساحة"
ضحكت وجدان"بابا والله حنا بإيطاليا
مو بجدة مين بيعرف"
ابتسم بحزن لا احد يعرف مايخبية او يشعٌر
به"بإيطاليا وغيرها الحذر واجب"ونظر لجود
"لاتروحين اي مكان الا مع عزام"
ابتسمت بحزن "ان شاء الله"



لم يرتاح ابداً وفكر كثيراً ولم يوصل
لنتيجه..ذهب للأعلى سيبحث في اغراض
بندر...فتح باب غرفته ودخل ....اتجه
للتسريحة وبحث بالأغراض ولم يحصل
على شي..."بندر اكيد وراه شي ..وليش عزام
عرفني وليش قال انه بيقتلني لايكون"
وصرخ بعصبية وهو يرمي الأغراض ويبعثرها
بغضب"اوووووووه بندر بيذبحني...واتجه
لخزانة بندر وفتحها وهو يبحث بعصبية
اعصابة متوترة "مافيه شي مافيه شي"
وانتبه لخٌزانة صغيرة .
"هذا ايش بعد"وحاول فتحها لكنها مقفله
برمز..ضربها بيده بغضب"مقفله "واكمل
"رموز بندر غالباً سنة ميلاد ابنه"ووضع
الرقم لكنه لم يفتح..زادت عصبيته
"اكيد بيكون تاريخ شي يخص اللي ماتتسمى
لكن فاتحه فاتحه حتى اذا كسرته"......
وسمع اصوات خطوات قادمة...اغلق الخزانة
بسرعة وابتعد عنها واتجه الى التسريحة
ليرفع الأغراض والأدوات بعد مابعثرها....

فتح الباب بسرعة وبصدمة بعد ان رأى
ماحدث"بدر صاير لك شي"واكمل بخوف
"سعود شافك"
نطق بعصبية وهو يصرخ
"بندر انا تواجهت مع عزام ولا عرفته الا
يوم وصلت البيت تذكرت يقول لي بقتلك
وليش نحفت وتواجهنا ممكن تفسر لي"
خائف على اخيه متوتر جداً وبسرعة نطق
"بدر ماهو وقت اسئلة انت لازم تطلع
عن روما بأسرع وقت "واكمل بقلق
"تكفى بدر شفت سعود "
سيجن الآن ..ضرب يده بالحائط بعصبية
"ماراح اطلع "
لن يتحمل اكثر على اعصابة وبعصبية
نطق"تطلع غصب سعود جاي لإيطاليا
وماني مرتاح لجيته اطلع عن روما رح لميلان
او البندقية اهم شي تطلع"واكمل وهو يزفر
بضيق"بدر اذا بقيت هنا بتندم وانا مااتحمل
اشوفك تعذب لاتنسى السجن و......"وهدأ
صوته "سكنا اللي بالبندقية رح له واسكن
هناك واذا راح سعود اقول لك ترجع"
جلس واخذ نفس"وانت لايكون تراقب
سعود بعد كيف عرفت انه موجود"
"شفته بنافونا بنفس المطعم اللي كنا فيه"
وجلس جنب بدر بهدوء"بدر انت مااراح تحمل
السجن واذا بتحمل براحتك"
تذكر ان السجن سيكون ضيق عليه ومن
الممكن ان يوضع بزنزانة ووقف بسرعة
وكأنه حصل له شي وبسرعة نطق
"بروح البندقية.."واكمل بحزن
"انتبهوا على نفسكم "واتجه ليخرج
"اذا احتجتوا شي كلموني"...ووقف
"صح ماقلت لي عزام..."
قاطعة بندر"عزام شفته بجدة بمكان وكان
يهددني على اني بدر وبس هذا كل شي"
وتنهد بضيق"ياللا بدر سرعة جهز شنطتك
واطلع"وتقدم له وضمه لصدره
"ماكنت ابيك تروح بس مااقدر اتحمل اشوفك
تتعذب بالسجن وسعود مايرحم"



بعد ان رجعوا للفندق...
جود ووجدان في غرفة..
نطقت جود بحزن"تدرين كانت أمنية
حياتي اعيش واسكن بإيطاليا"واكملت
بضيق"لكن كل أحلامي وامنياتي ماعادت
تهمني بعد اللي صار لي"
تقدمت عند اختها ونطقت بحزن
"الله يوفقك انتِ لاتفكرين بأي شي انسي
كل شي جينا عشان تغير نفسيتك قبل الزواج"
تنهدت بحزن وهي تستلقي
"ماقدر كل ماحاولت اني بنسى تذكر زواجي
من بدر"
"طيب ليش وافقتي بما انك ..."
حاولت ان تبتسم ولاتوضح لها شي
"هذه مرحلة تمر فيها كل بنت مو بس انا
توتر وقلق وخوف شي طبيعي"وضعت يدها
على فمها بعد ان تثاوبت"تصبحين على خير
بنام بكرة بنطلع بدري"
"وانتِ من اهله"


ودعهم وخرج وهو يحمل شنطته...
ركب سيارته ذاهب الى البندقية.......

اخذ نفس وهو يجلس"على اعصابي
قسم بالله قلت بينتبه لنا بعد بكٌاء عبدالله
حتى ماارتحت لين وصلنا البيت"
تنهد بضيق"الله يستر يابندر هذا اللي اقول"
واكمل"الا بدر ليش كان بغرفتك"
ابتسم بحزن"تعرف بدر اذا شك بشي
يدور اي دليل لين يعرف"وزفر "اهم شي
يتم الزواج قبل يعرف وتصير جود معي
بعدها مااراح يتكلم بيرضى غصب"
"بندر انت وين بتسكن هنا او بجدة"
"هنا طبعاً ..ماابي جود تصير قريبة من
ابوها ..تعرف حالتها النفسية وابي اساعدها
تنسى كل شي صار لها ...اذا كانت قريبة
من أهلها مااراح انجح بكل شي"
وقف ونطق بحزن"قلت لك يابندر من البداية
ان هالحب وهالزواج..."ولم يكمل بعد ان
نطق بندر وهو يقف"خلاص يااحمد جود وزوجتي
الآن..الله يتمم الزواج على خير"
.........................


"نقف هنا"

وقفه(‏" قُل للذي أذاك إِن الله لا ينسّى ".)

موعدنا الخميس بإذن الله

تحياتي ديييييييما

السلام عليكم ورحمة الله وبركاتة
طابت أوقاتكم بكل خير...

لاتشغلكم الرواية عن عباداتكم وأعمالكم وقراءة ممتعة

"القطرة الحادية والعشرون"

ايطاليا 2017

يوم جديد ....وتحديدا أمام نافورة تريفي في
روما...
ابتسمت بسعادة وهي ترى سعادة عائلتها
وحمدت ربها ...على موافقتها على بدر
ولم تسمح له بتشتت سعادة عائلتها..
قطع عليها سرحانها صوت وجدان
"شوفي جود ترى بعد مانخلص ببنزل
انا وانتِ عشان تختارين فستانك"
اخذت نفس ونطقت"طيب "

"عزام ماانت على بعضك من البارح
فيك شي"
تنهد بضيق ونظر لوالده"لا مافيه شي
بس كل ماتذكرت ان هذهِ اخر سفره لنا
مع جود يضيق خلقي"
ابتسم له "لاتفكر بشي كل شي بوقته"
واكمل"انت فكر بمستقبلك وزواجك"



جده 2017

على شاطئ البحر ..يجلس مع جدته
وخواته وسط اجواء رطبة نوعا ما...
ابتسم واخذ الآي سكريم الخاص به
"عسى استانستي ياجدة"
تنهدت "والله ياوليدي حر "واكملت"بس عاد
غيرت جو عشانك "
قبل يدها"الله يطول بعمرك..ماتبين امشي
معك شوي عشان رجولك"
ابتسمت له "اي بمشي شوي"
وقف بسرعة وساعدها على الوقوف
"ياللا بسم الله"..وتقدم بخطواتها وهو
ماسك بها ...

"سارة كلمك عزام اليوم"
ابتسمت بحب"ارسل لي حتى ارسل
لي سنابه اشوف سفرتهم"
ابتسمت لأختها"حلو زين الله يوفقك"
تنهدت من قلب"آمين"
"اهم شي افتكينا من تميم الغريب انه
اختفى"
نطقت بحيرة"من بعد ماراح هو وعمي لبيت
عزام وهم يرجعون الشرقية"
"فكه منهم والله يكفينا شره لايخرب
عليك بعد"



الرياض 2017

خرج من غرفته بعد ان لبس ترنق
ليرتاح اكثر...نزل للأسفل وانتبه لهديل
مندمجة مع فلم تتابعة....تقدم بخطواته
واطفى التلفزيون"ماتملين انتِ "
نطقت بعصبية"ماتشوفني اتابع حركات
مالها داعي"
جلس وابتسم ببرود"مشتهي مقلوبة
ايش رأيك تسوين لي"
فتحت عيونها على الآخر"نعم نعم"واكملت
بسخرية"انا ماطبخت ببيت أهلي عشان
اطبخ عندك وتبيها من الآخر مااعرف اطبخ"
ضحك بإستهزاء"فيه بنت ماتعرف تطبخ"
اجابته ببرود"اي انا"
"اي والله من الرفالة"ووقف"انا بروح اتعشى
مع أهلي انتِ دبري حالك"واتجه ليخرج لكنه
وقف بعد ان مسكت بيده"وين بتروح ايش
تبي يقولون عني زوجته...."ولم تكمل بعد
ان قاطعها"هذا الصحيح زوجتي ماتعرف
تطبخ"
اخذت نفس"نطلب من المطعم اهم شي
ماتروح"
نطق ببرود"مااحب اكل من المطعم انا
لان أغلب الأكل مايناسبني عشان القولون"
حاولت ان تتذكر ايش الطبخ اللي تعرف
تسويه وبسرعة نطقت بعد ماتذكرت
"طيب بسوي لك باستا"
فرح بداخله ولكنه لم يبين لها ونطق
بنفس بروده"طيب "
ارتاحت لموافقته"نصف ساعة بس"
واتجهت للمطبخ.....وهو ينظر لها تعاند
ولكنها سرعان ماتستسلم...يفهمها كثيراً
ابتسم وهو يهمس"هذهِ البداية ياهديل
كلها ايام واغير كل شي سيئ فيك"واخذ
جواله بعد ان سمعه وهو ينظر للأسم
(هلا معاذ...اممم والله تو طالب هديل
تسوي لي عشاء...تقولها..طيب.)....
وابتسم بخٌبث بعد ان خطرت عليه فكرة
وبعد اتصال معاذ.....اتجه للأعلى ولبس
على السريع وخرج بدون ان يخبر هديل.....



تسرع بشغلها..لكي تجهز بسرعة...
باقي ربع ساعة وتصبح جاهزة تماماً...
خرجت للصالة..واستغربت من عدم وجود
ماهر فيها.....اتجهت للأعلى ولم تراه..
"لايكون راح لأهله..قسم بالله طفل..
الحين يطلب مني بالنهاية يروح.."وانتبهت
لورقه ملصقة على التسريحة(أنا آسف لكن
جلسة الشباب ماتفوت ..وفيس يبتسم)
اخذتها ومزقتها بعصبية"يحسب بيهمني
ال***"ارجع للمطبخ واكمل شغلي واكلها
ان شاء الله ماتأكل طول عمرك ماهميتني"
وخرجت متجه للمطبخ تتحلطم بعصبية.....




عند الشباب.....

دخل ماهر بإبتسامة"السلام عليكم"
"وعليكم السلام"
نظر له معاذ وهو يرفع المندي بيدخله
بالفرن الخاص فيه"جيت وانت تقول هديل
مسويه لي عشاء"
جلس ونطق بإبتسامة"اترك مندي انت بتسويه
واتعشى باستا لا اسمح لي"
وضع المندي داخل الفرن واغلقه
"تزعل هديل"
ببرود وعدم مبالاة نطق"لا ليش تزعل"
واكمل بضحكة"انت ادع ماتروح بيت جدي"
جلس جنبه"تحمل انت البادي"

دخلوا في هذه اللحظة...حاتم وسلطان
"السلام عليكم"
"وعليكم السلام"
نطق حاتم وهو يشم راحة المندي
"يالله يالريحة تشهي"وجلس
"شكراً لشيفنا معاذ"
جلس سلطان جنب ماهر وبإستفسار
نطق"علومك ماشفتك اليوم ولا البارح"
ابتسم"كل شي تمام"ونظر لحاتم بعد
ماسأله"لا الاحد ان شاء الله"
"حلو حلو طيب بما انه باقي خمس ايام
شرأيك تسافر معنا دبي نغير جو"
"امممم بفكر وماتوقع اروح"
نطق معاذ وهو يقطع سلطة
"لا اتركه توه عريس جديد لاحق على
السفرات معنا"
اكمل سلطان"كلام معاذ صحيح..مالها
الا شهر وكم يوم ليش يسافر معنا"
ابتسم بسخرية"تراي تزوجت مو اجرمت
تسوون كذا..قولوا من الآخر مانبيك"
ضحك معاذ"حلو فهمتها لكن تبي الصدق
والله سفرة بدونك مالها طعم"
"شكراً"وفتح جواله بعد ماانتبه لتنبيه
بالواتساب من هديل"...قرأه وابتسم واغلق
جواله بدون مايرد......


عند هديل...بعد ماخلصت الباستا
مازالت مقهورة من حركة ماهر..لن تسمح له
بإغاضتها...وانتصاره عليها...اتصلت بياسر
وخالد اخوانها وقالت لهم يجون يتعشون معها
ويسهرون معها....تعرف ماهر اذا شاف اهتمامها
الزايد بأخوانها يموت غيرة بزعمها......
جهزت طاولة الطعام...وضافت لهن طبقين
سلطة عشان خالد....ربع ساعة وسمعت صوت
الباب ركضت بسرعة وفتحت بإبتسامة
"هلا والله حياكم الله"وسلمت"اشتقت لكم
قلت اتصل فيكم تتعشون معي وبعده نسهر"
"وماهر وينه"
نطقت ببرود رغم ماتشعٌر به"طلع قبل شوي"
نطق ياسر"عند الشباب بالاستراحة شفت
سناب معاذ قبل شوي مسوي لهم مندي"
واكمل"قالي لكني اعتذرت بعد مااتصلتي"
نطقت بسعادة وفرح تعلم حب اخوانها
وتقديرهم واحترامهم لها"الله لايحرمني منكم"
وجلسوا على طاولة العشاء...ونطق خالد بمزح
"وانتِ الى الآن على الباستا"
نطق وهي تحرك فمها بقهر"هذا اللي اعرف"
ضحك ياسر"انتهى زمن الدلع والخدم"
نطقت بدلع"لا والله اصلا قدمت على خدامة
اسبوعين بالكثير وتوصل"
نطق خالد وهو يأكل من السلطة
"والله انتِ تقومين بشغل بيتك افضل لك"
"اقوم بشغله لكنه كبير وهي تساعدني"
نطق ياسر بمزح"هذا وماكد جاء لك اطفال
ايش بتسوين"
غصت باللقمة وووجهها يحمر وخالد وقف
وضرب ظهرها بخفيف وهو يمد لها الماء
"اشربي كم مرة اقول لا احد يتكلم وهو يأكل"
شربت خفيف وهي تكح"ماتكلمت بس ياسر
الله يهديه"
ضحك ياسر بصوت عالي"شكلها تخيلت
الاطفال و...."ولم يكمل بعد ان ضربته هديل
بخفيف"لاتتكلم خلاص"
وقف خالد"الحمدالله"
نظرت له"ماتعشيت كمل"
ابتسم"شبعت تسلم يديك"
تشعٌر بسعادة وفرح لوجودهم بجانبها
ودائماً وجودوهم بجانبها يشعٌرها بالفخر
وكأن والدها على قيد الحياة..لم تشعر ابداً
بفقد الأب جدها قام بمقام والدها واخوتها
ايضاً....ابتسمت وهي تقف"عاد بعد العشاء
بسوي لنا شاي "
يمسح فمه بمناديل"طيب وانا بجلس
انتظرك انتِ وياسر لين تخلصون"



ايطاليا 2017

تنظر للفساتين ولم تتحمس ابداً...
لم تتخيل ابداً انها تزف خائفه جداً من
حياتها القادمة...تسمع حماس وجدان
وهي تختار لها وكل مرة تعرض لها فستان
تنهدت بضيق ماتبي توضح شي من اللي تشعٌر
به الآن...لفت بعد ان نادتها وجدان وهي
تطلب منها ان تنظر للفستان ..فستان انيق
وجميل جداً ...لاتخفي اعجابها به وابتسمت
وهي تنظر لوجدان"حلو صح كم سعره"
ابتسمت وجدان"غالي شوي لكن لايهمك
حلو بعدين مهرك ابوي يقول انه محوله
لحسابك 80 الف من غير بطاقتك الثانية"
واكملت "سعر الفستان 30 الف"وتقدمت
بخطواتها"بنأخذه والله حلو وفخم كيف اذا
عاد ع اللبس وخلينا نقيسه الآن"ومسكت
كتفها"ياللا تكفين"
استسلمت لطلب وجدان وذهبت معها
لقياس الفستان......


بالجانب الأخر ..يبتسم بسعادة وجواله
بأذنه وهو يكلم"اختاري من اللي ارسلت اللي
يعجبك..لاتقولين سعره وكذا...تكفين سارة
اختاري ..اووه لا والله انا زوجك وعادي حاب
اهدي لك...وابتسم"اوك ياللا مع السلامة
وانتبهي لنفسك"


خرج بتوتر وقلق...بعد مااتصل به سعود
وطلب منه ان يقابله في مقهى ...وصل
بعد عشر دقائق وانتبه لسعود يجلس
وامامه كوب قهوة وابخرتها تتصاعد...
سلم وجلس بهدوء ومازال متوتر..
"ايش تشرب"
نطق بهدوء"ماني مشتهي شي"
ببرود اجابه وهو يشرب من قهوته
"براحتك"واكمل وهو ينزل الكوب
"طلبتك بخصوص زواجك من جود"
اخذ نفس وابتسم رغم خوفه من الداخل
"فيه شي صاير "
"لا انت قلت بعد اسبوعين لكن ماقلت
وين بيصير بجدة او ايطاليا"
بسرعة نطق"بجدة وبعد الزواج بيوم او
يومين بأخذ جود ايطاليا"
لم يتخيل ابداً بأن يكون زواج ابنته بهذه
الطريقة..كل مااقترب الموعد تألم أكثر
تنهد ونطق بحزن عميق"بندر انت وعدتني
مايصير لها اي شي..وهنا بإيطاليا مااضمن
حياتها وأخوك مازال عايش"
حتى هو خائف بأن يحدث لها شيئاً اذا علم
بدر ولكنه سيوفي بوعده ولن يسمح بأن
يصيبها أي شي اهم شي ان تكون بالقرب
منه...وبعد صمت عميق نطق"بدر ماأعرف
عنه شي ولا ادري هو عايش او لا"
لن يخفي على سعود كذبه لانه يعرف بالنظرات
مر عليه أشخاص بعدة شخصيات وعرف
صدقهم من كذبهم بنظراتهم ولكن لم يتكلم
والتزم الصمت".....................
لاحظ بندر صمت سعود وابتسم بتوتر
"جود بحطها بعيوني لاتخاف"واكمل
"وانت بتشوف بعيونك ان شاء الله"
وقف سعود"نشوف يابندر ياللا استأذن
انا نزلت البنات بالمول برجع اخذهن"
وقف بندر معه"الله معك".....خرج سعود
وبندر خلفه ركب سيارته...واتجه للمنزل
وكل هذا وسط مراقبة سعود له بدون
ان ينتبه له....وصل المنزل ودخل
وسعود ابتسم بفرح اخيراً عرف موقع
منزله....."نشوف يابندر انت تعرف مكان
بدر او لا"......واكمل طريقة الى بناته في
المول........



الرياض 2017

الساعه 1:30 ص....
بعد ان ذهبوا اخوتها..رتبت المكان واتجهت
للأعلى..ماهر لم يعد الى الآن..ولن تتصل
به..اخذت روبها واتجهت لدورة المياه..

بعد نصف ساعة خرجت من دورة المياه
وانتبهت لماهر يجلس على السرير..
مرت بجانبه واتجهت للتسريحة
متجاهلته تماماً...وضعت معطر وكريم
ومسحت به عنقها واخذت العطر ووضعت
قليلاً منه واغلقته...

"كأني اشوفك زعلانه"

بدون ان تنظر له نطقت ببرود
"لا ليش ازعل"..واتجهت للسرير وهي
ترفع الغطاء "عندي ياسر وخالد ماراحوا
الا قبل ساعة"واكملت بسخرية
"الا انت عساك استأنست "
خرجت منه شبه ابتسامه وهو يأخذ روبه
"اي اكيد بستأنس مع الشباب"..تعمد بأن
ينطق بالشباب لإغاضتها...
استلقت ووضعت الغطاء عليها ونطقت ببرود
قاتل"طفى النور بنام"
اتجه لدورة المياه"انا مافيني نوم"
اجابته ببرود رغم قهرها منه"وأنا ايش علي
منك"
رجع له ووقف "زوجتي وكيفي"...واتجه لدورة
المياه ....
نطقت بقهر وهي تقلد صوته "زوجتي وكيفي
على أساس مو رايح للشباب ومستأنس معهم
وتاركني اسوي له عشاء بالنهاية يتركه مالت عليك
وعلي أنا اللي اهتم لك"

بعد عشر دقائق خرج..واتجه لغرفة الملابس
لبس بجامة وخرج...وهو يبتسم بعد ان رأها
تغمض عينيها تمثل النوم...استلقى بجانبها
بدون ان ينطق بشي...انتبه لحركتها ورمشها
لعينها وبهدوء نطق وهو يقبل جبينها
"هديل"
لم تجيبه ولفت على جانبها الآخر وببرود
نطقت"بنام لاتزعجني"
ابتسم وهو يغطي نفسه ويعطيها ظهره
هو الآخر"نوم العافيه"
زاد قهرها لتجاهله لها..كانت تتمنى ان يراضيها
ويعتذر ..ولكنه استلقى واعطاها ظهره
وبداخلها نطقت وقلبها يخفق"حديد مايحس"
واغمضت عينها محاولة للنوم.......



ايطاليا 2017

يوم جديد اخر يمر...وتحديداً في الثانية
ظهراً...سمع صوت الجرس واتجه للباب
وهو مستغرب..من الزائر وفي هذا الوقت
لايعرف احدا سوى جارهم وذهب قبل ايام
الى السودان...وبدر مفتاحه معه..من يكون
حتى أحمد في الأعلى مع ابنه...فتح الباب
وصٌدم ووقف ببهوت بعد أن رأى سعود
كيف عرف مكان منزله...
نزل نظارته ونطق بسخرية"بتتركني واقف
كذا"
انتبه لنفسه وبإرتباك اجابه"تفضل حياك"
وابعد عن الباب....
دخل وهو ينظر للمنزل...جميل جداً وبأثاث
فاخر متوسط ...ويدل على رقي صاحبه
وغِناه...لم يخفي استغرابه ويسأل نفسه
من اين لبندر هذه الأموال ...وجلس بهدوء
"ماكنت متوقع ان حالتك المادية كذا.."
واكمل وهو ينظر لبندر"ماانت بوظيفة ولا
شي"
ابتسم بهدوء وهو يجلس بجانبه
"لي اعمالي الخاصة مو شرط اكون بوظيفة"
واكمل"والحمدالله من ثلاث سنوات استفدت
كثير من المشاريع والعقارات الخاصة فيني
بمساعدة أحمد"ونظر بعد ان سمع صوت
أحمد وعبدالله قادمين ووقف أحمد بصدمة
بعد أن رأى سعود..وعبدالله جاء ركض
"عمي سعود"
ابتسم لرؤيته لعبدالله وهو يحضنه
"اخبارك"وتعمد بأن يلتهي مع عبدالله
ونظراته على بندر الذي يأشر لأحمد بكتفه
بأنه لايعرف..ابتسم بداخله وسأل عبدالله
وهو ينظر لأحمد وبندر"وين عمك بدر"
ارتبك كل من أحمد وبندر وسعود لاحظ
ذلك وينتظر الجواب من عبدالله الذي نطق
ببراءة"ماادري"

ارتاح بداخله رغم قلقه وارتباكه وحاول
ان لايوضح ولكن من نظرات سعود له
لم يقدر وبمحاولة لتغيير جو التوتر نطق
بإبتسامة "عبود بعد عن عمك سعود ياللا"
وقف سعود وهو يمسك بيد عبدالله
"شكل أبوك ماهو مرحب بالزيارة"
ابتسم وهو يعرف مايسعى اليه سعود
وبهدوء نطق"لأنها زيارة غريبة"واكمل
بضيق"اعرف انك جاي هنا لتتأكد من وجود
بدر لكن صدقني بدر ماهو موجود"
ضحك بسخرية وبرود وهو يتجه للخروج
"اذا كنت ابي بدر بجيبه بدون ماسألك"
ووقف ولبس نظارته وهو ينطق بإستهزاء
"على العموم لاتنسى موعد الزفاف وتفشلني
عند الناس"
اخذ نفس سعود يستفزه كثيراً ونطق
ببرود"واتمنى انت تكون عند وعدك ولا
تسوي شي بيوم الزواج"
ضحك وهو يخرج"انت احمد ربك اني
زوجتك بنتي رغم كل اللي سواه اخوك"
.......وخرج ...

"كيف عرف مكان البيت"
مسك رأسه بتوتر ونطق بحزن عميق
"ماادري ماادري ياأحمد سعود برأسه
شي والله يستر بس خايف ي..."
ولم يكمل بعد ان نطق أحمد وهو يضع
يده على كتف بندر"لاتضيق نفسك ماراح
يسوي شي جود زوجتك وانت اللي تحدد
بالنهاية"
اخذ نفس ونطق بحزن وقلبه يؤلمة
"أحمد اذا سعود سوا شي وبعد عني جود
بموت بموت مااقدر اتحمل"



بالجانب الأخر..تأكل اظافرها بتوتر وقلق
قال لها والدها بأنه خرج لزيارة بدر..
خائفة جداً بأن يعمل له شي لاتضمنه
سمعت صوت الباب ووقفت بسرعة
وهي تنطق بفرح"بابا واخيرا جيت"
وركضت له وهي تضمه"خفت عليك"
ابتسم لها وهو يضمها لصدره ويده تمسك
رأسها"تخافين علي من بدر ماتوقعتها منك"
نظرت له وبإستغراب نطقت
"بابا ايش هالبرود اللي صابك كذا فجأه
تجاه بدر اول شي وافقت على زواجي منه
ثاني شي عادي ولا كأنه سوا شي"واكملت بحزن
"ايش اللي صار وتغير قل لي تكفى بابا ابي
قلبي يرتاح"
جلس بهدوء "مافيه شي نفس السبب اللي
انتِ وافقتي عليه"
تنهدت بضيق وقلبها يؤلمها والتزمت الصمت
..........................



الرياض 2017

ينظر لها وعلى شفتيه ابتسامة فرح وسعادة
الحادث انسى ريما ماكان بالماضي...
وقف واتجه لها وهو يمشي ببطء وأول ماانتبهت
له ردت بسرعة وهي تتقدم له"كان ناديتي"
ابتسم بحب وهو يمسك وجهها بين كفيه
بحنان"ماابي اتعبك ..بعدين من يوم خرجت
من المستشفى وانتِ ماارتحتي"
ابتسمت له بحب ويديها تمسك بيديه
"لا تعبت ولا شي اهم شي راحتك"واكمل
بإبتسامة"ايش رأيك ننزل الحديقه وتمشي
عشر دقايق عشان العملية"
ابتسم لها"مااقدر ارفض لك شي "
وذهب بمساعدتها الى الأسفل.....


"كأن الأوضاع بين ريما وسامر تمام"
ابتسمت بسعادة"اي الحمدالله ماقصرت
معه ريما "
تنهد براحة"بنت عبدالعزيز ماتقصر لكن
ولدك الله يهديه"
"اهم شي ان كل شي الأن افضل والله
يتمم عليهم ويرزقهم بالذرية الصالحة"
"آمين"




ايطاليا 2017

مرت عشر آيام سريعة جداً كالبرق...
وبدأ العد التنازلي لزواج بندر وجود
فقط اربع آيام تفصل عن موعد الزفاف....
جهز بندر جناحه الخاص قبل يومين
وانتهى من كل شي...اخرج كل شي
من جناحه السابق وأثثه بأثاث جديد...
وهاهو يخرج ويحمل بين يديه حقائبه
للذهاب الى جده..دخل الاصنصير ونزل
للأسفل.....وهو ينادي بصوت عالي
"أحمد ياللا مانبي نتأخر "
خرج أحمد من غرفته في الأسفل بعد
ان نقل كل شي هنا...وهو يسحب شنطته
"كلمني بدر قال انه بيروح لفرنسا اسبوعين
ويرجع"
"حلو اهم شي نتمم الزواج على خير
ومايصير شي ينكد كل شي"وانحنى يربط
جزمة ابنه"تصدق كنت خايف بدر يرجع
لكن اشكر ربي كل شي من صالحي"
"الله يوفقك"


وصل للمنزل بسرعة...سيودعهم قبل
الذهاب لفرنسا...بيفتح الباب ووجده فاتح
استغرب وهو يدخل ووقف بصدمة بعد أن
رأى بندر واحمد..والشنط أمامهم ونطق
بإستغراب"بتروحون مكان"
حاول بندر ان لايرتبك ونطق بإبتسامة
"جيت"
تقدم لهم ومازال مستغرب"اي جيت بودعكم
قبل اسافر لفرنسا لأني بتأخر "وسلم على
بندر وأحمد واكمل سؤاله"ماقلتوا لي بتروحون
مكان"
"بنروح جدة بخصوص المشروع اللي ذاك
المرة"
"مو قلت لي انك خلصته وكل شي تمام"
وانحنى يسلم على عبود....
ابتسم له رغم قلقه وخوفه من الداخل
"اي قلت لك لكن شكلي بكنسله"
نطق بسخرية"بدر انا عارف لا فيه مشروع
ولا شي ..وكل مشاريعك اللي تدخلها يكون علم
عندي قبل "واكمل وهو يجلس
"قل لي الحقيقة ايش عندك"
زادت نبضات قلبه لن يخٌبره بقي القليل فقط
وببرود نطق"ايش بيكون عندي مثلاً يابدر
غير الأعمال والمشاريع"
وضع رجل على رجل"والله ماادري عنك
كنت قبل كل مرة بنت سعود وبنت سعود
وتحلف انك بتزوجها ...واشوف لك مدة
ساكت.."ووقف"وسعود جاء لإيطاليا اتمنى
يكون صدفة ولا شي ثاني"وأشر بتهديد
لبندر"انتبه تسوي شي تندم عليه او شي
انا ماارضى فيه"
من توتره وارتباكه لم يقدر على السيطرة
على نفسه وبعصبية نطق"والله اعتقد اني
رجال طول بعرض وحر بكل شي اسويه
مابقى الا هي امشي بشورك وقرراتك
ماضيعنا الا انت واعمالك ...."ولم يكمل
بعد ان قاطعة بدر بصراخ
"انا كل شي اسويه لمصلحتك وخوف عليك
انت وولدك"
نطق أحمد بتوتر"خلاص عاد عبود موجود"
خرج بدر بغضب.....وجلس بندر بعصبية
وهو يشد على شعره"يجي ينكد ويرجع"
جلس أحمد بهدوء"بندر انت حاول تمسك
أعصابك "ونظر لساعته"باقي ساعة على رحلتنا
مانبي نتأخر ياللا"



جدة 2017

لهم عشر دقائق واصلين المطار وبإنتظار
عبدالمجيد...اغلق سعود جواله وهو ينظر
لعزام"انتبه لأغراض جود ولاتنسى شي"
"ان شاء الله"

وصل عبدالمجيد بعد دقائق واتصل بسعود
وخرج هو وعائلته متجهين الى منزلهم...

وضعت يدها على كتف اختها الغائبة تماماً
عنهم"جود"
نظرت لها بسرحان"نعم"
ابتسمت "فيك شي"
نطقت بهدوء"لا بس فيني نوم ورأسي مصدع"
"اها..كنت اتوقع انك تعبانة شي وعشان كذا
سألت"
"لا تطمني مافيه شي"

بعد نصف ساعة وصلوا لمنزلهم....
واتجهت جود لغرفتها....دخلت وهي تزفر
بضيق وتعب...اتجهت للتسريحة ونظرت
بالمرآه لوجهها وابتسمت بحزن..نزلت
الخاتم من يدها وهي تضعه على التسريحة
"ماادري ليش احس ببرود وانا لابسته كأنه
زينه ..مو ..."ولم تكمل بعد ان دخلت الخدامة
وهي تضع حقائبها..وفستانها

"بابا سعود يقول..."ولم تكمل بعد ان نطقت
جود بطفش وملل"خلاص اتركي الشنط
والفستان حطيه بغرفة الملابس انا بنام
لاتزعجيني"
هزت رأسها بالموافقة وهي تسرع لغرفة
الملابس والفستان بيدها....خرجت ورن
جوالها نظرت بالرقم وارتبكت وهي تنظر
لجود وملامح الخوف على وجهها..
شكت بها وبخوفها ونطقت"ليش وقفتي"
وتقدمت لها"عطيني الجوال"
شدت عليه بقوة وهي تتمتم بخوف
"لا م..."
نطقت بصراخ"عطيني الجوال واضح ان
وراك بلاء انتِ ماأرتحت لك أنا"
وضعت يدها خلف ظهرها"مايي ..."
بغضب وعصبية وهي تقف أمامها وتأخذ
الجوال بالغصب منها وبإستغراب
"هذا مفتاح ايطاليا"ومدت لها الجوال
"ردي ياللا وحطي اسبيكر بشوف مين"
فتحت الجوال ويدها ترتعش بخوف
"الو"ونظراتها على جود بخوف...
(جود وصلت ..وحطيتي اللي قلت لك
بغرفتها).........................

"نقف هنا"

وقفه(الكذب والاستغفال حاجات
لاتنغفر)


تحياتي دييييما

شكراا على البارتات الرائعة كما تعودنا يا الراائعة

السلام عليكم طابت أوقاتكم بكل خير

اعتذر عن تأخر البارت اليوم في موعده ..وبإذن الله
ينزل غداً مساء وبحاول يكون مبكر ودمتم بود

تحياتي ديييييما