ننتظرك *_*
رواية مثل ذي تستحق انتظار سنوات .

السلام عليكم ورحمة الله وبركاته
طابت أوقاتكم بكل خير..اعتذر عن التأخير وإن شاء الله يكون
البارت مرضي ومشبع ويستحق إنتظاركم وينال إعجابكم وموعدنا في موعده
كل خميس في الاسبوع.....وهذا بارت هذا الأسبوع قدمته عشانكم
وقراءة ممتعة........
لاتلهيكم الرواية عن عباداتكم واعمالكم
القطرة السابعة عشر"

جده 2017

بعد ان خرج من الدوام ذهب الى
منزل سعود..بعد ان طلبه سريعاً..
وصل المنزل وهو يفكر ماهو الأمر
المهم والسبب الذي طلبه له سعود
عاجلاً...دخل منزل سعود وانتبه له
يمشي بالحديقه بتوتر وقلق..
اوقف سيارته جانباً ..وهو ينزل
"السلام عليكم"
"وعليكم السلام"
بخوف من ملامح سعود وتوتره
"فيه شي ياابو عزام"
بتوتر وهو يمسح على وجهه
"ماجد عبدالله يقول ان بدر عمه كيف"
وبضيق"وشكل الطفل صادق ياماجد"
بإستغراب"كيف يعني"
زفر بضيق"شكل بدر له توأم لان عبدالله
يقول ابوي مثل عمي بدر وكل مره يقول
ان ابوي بندر"
"انا طلبت برنت من الاحوال لأبوه"
واكمل وهو ينظر لسعود"بس للاسف
كنت مستعجل وماشفته"
جلس بقلق"وش الحل ياماجد"
جلس جنبه"مافيه الا نفتش البيت
نبحث عن دليل"وبعد تفكير نطق
"حتى احمد كان بيقول شي وبدر يمنعه"
وقف سعود بسرعة"طيب بنروح لبيتهم
المفاتيح بسيارتي"
بهدوء نطق وهو يوقف"لاتستعجل ياسعود"
بسرعة نطق"مااقدر ياماجد مااقدر بنروح
ونشوف لكن "ووقف"انتظر بأخذ عبدالله
معنا يمكن يدلنا على شي يخص ابوه"
واسرع للبيت ودخل وهو ينادي
"عبدالله"

خرجت وجدان على صوت والدها
وبإبتسامه"بابا "
ابتسم لها وهو يسأل"وين عبدالله"
وبخوف نطق"لايكون عند جود"وانتبه
لعبدالله جاي له مع خالد وابتسم
"عبود تعال معي بنروح "
بفرح وحماس"نلوح لبابا"
صمت ولم ينطق..ومسك بيد عبدالله
وذهب الى ماجد...ذاهبين الى منزل
بندر.......



المانيا 2017

من بعد مارجعوا للفندق واللي صار
وماهر معصب..ومنفعل ..مارد على
هديل ولا كلمها ابد..تنظر له كل شوي
يذهب لدورة المياه يستفرغ(اكرمكم الله)
وواضح ان قالونه ثاير عليه..
بخاطرها تذهب له وتتكلم معه لكنها
خايفه عصبيته خوفتها ماتقدر تبرر له
ولا تشوف حالته...ووقفت بخوف بعد
ان رأته يتألم وهو خارج من دورة المياه
متجه للسرير"ماهر"
لا يريد ان يسمع صوتها..يكفيه ماحدث
له بسببها وبعصبية رغم ألمه وقهره نطق
بإشمئزاز وكرهه واضح على ملامحه
"لا اسمع صوتك واطلعي عن الغرفه"
بتردد وهي تتقدم "ماهر بس انت..."
قاطعها بصراخ وهو يستلقي على
السرير"ماابي منك ولا شي اطلعي عن
وجهي وهذا يكفيني"
بعناد وهي تتقدم له"بس انت تعبان م..
ولم تكمل بعد ان صرخ عليها "قلت اطلعي
اطلعي خلاص ماتفهمين انتِ"
فزت بخوف من صرخته وهي تخرج
وتردد بنفسها"الله يعيني كأني ناقصه"...


جده 2017

وصلوا منزل بندر..ودخلوا لداخل
المنزل وعبدالله معهم يركض بحماس
ليرأى والده..ولكنه وقف بخيبة أمل
وهو ينظر لسعود"وين بابا"
زفر بضيق وهو يتقدم بعد ان رأى
جوال منزل على الطاولة وبقهر
"اوووه برمز ياماجد"
بحماس نطق عبدالله"انا اعرف رمز بابا"
ومد يده"افتحه"
ابتسم سعود بفرح وهو يمد له
"هذا ياماجد اللي بيوصلنا للحقيقة"
نطق ماجد وهو ينظر لصوره على
الرف"شكل الطفل معه حق ياسعود
وين غفلنا عن هالنقطة"واخد برواز
الصورة"شف هنا نفس الاشخاص مع
احمد وعبدالله"
رد وهو ماسك الجوال بيده ويقلب فيه
"مافيه للاسف لرسايل ولا شي كل
المحادثات محذوفة"
"الاسماء والاتصال والاستديو اكيد
بيصير فيه دليل"واتجه للغرف
"انا ببحث يمكن اوصل لشي"
عبدالله ينظر بإستغراب وهو يجلس
جنب سعود"عمي سعود "
نظر له بدون مايتكلم".............
"بنلوح لبابا "
مسح على شعره وهو يقربه منه بحنان
"بكرة ان شاء الله نروح"
وقف بفرح وحماس وهو يضحك
"بنلوح لبابا بنلوح لبابا"

خرج ماجد بعد دقايق وهو يحمل
معه اوراق"سعود لقيت سجل بندر
وفيه ولده"ومده لسعود
"شكل صدق بدر له توأم"
زفر بقهر وهو يأخذ السجل منه
"حتى ولده من مواليد ايطاليا"وبحيرة
"طيب بدر وينه وليش اعترف بندر الامر
فيه شي"
جلس جنب سعود وهو يضع رجل
على رجل"هذا اللي محيرني لكن بكرة
بإذن الله نتأكد "
"عبدالرحمن كيف كنت ناسي التحقيق معه"
واكمل"ماكنت اعرف والا استعجل بالتحقيق
معه"
وقف ماجد"مالها داعي نضيع وقتنا بكرة
الصبح نتأكد"
وقف سعود معه وهو يمسك بيد عبدالله
وخرجوا من المنزل...




الرياض 2017

بجانب جدته وملاحظ ضيقها وحزنها
لسفرهم ..نطق بإبتسامه وهو يمسك
بيدها"جده ليش متضايقه انا وعدك
كل ماتشتاقين للرياض اجيبك"
بحزن نطقت"ياوليدي ماودي افارق بيتي
ولا اطلع عنه "
ابتسم بحنان"انا وعدك كل ماتشتاقين
له اجيبك"
تنهد بضيق"انت راتبك ويبي لها شهرين
او ثلاث كيف بتستاجر من وين لك فلوس"
واكملت بحزن"800 ماتكفي ياوليدي"
ابتسم "معي فلوس تكفيني من الكفي"
واكمل"وعزام قال لي عن فلل ابوه بجده"
"اكيد بيكون غالي ياوليدي عليك"
"كل شي يتيسر ياجده انتِ لاتشيلين هم"
واكمل وهو يقف"اهم شي كل اغراضك
اللي ماتستغنين عنها قولي للبنات يجهزنها"



بحماس وهي ترتب شنطتها
"تصدقين ياسارة الى الان ماني مصدقة
بنعيش اخيراً حياة الاغنياء"وبحالمية
وهي تغمض عيونها"انا يوم شفت صور
الفله ماني مصدقه"
بضحكة اجابتها وهي ترتب شنطتها
"انتِ ادعي ان جدتي ماترفض بأخر
لحظه"
بخوف وهي تضع يدها على صدرها
"لا عاد سارة لاتسودينها بوجهي
وتخربين حماسي"



جده 2017

بتوتر يضرب رجله بالارض بخفيف
بإنتظار والده..مايعرف كيف يبدأ
ويفاتحه بالموضوع..قال لثامر ومستحيل
يفشل نفسه ..حتى اذا لزم الأمر يوافق
بدون معرفة والده....انتبه لدخول والده
مع عبدالله الذي يحمل بيده كيس فيه
حلويات والعاب..وقف بتوتر وهو يبتسم
لوالده"اخيراً كنت انتظرك"
بإستغراب وهو ينزل شماغه ويضعه على
الكنب"فيه شي"
بإرتباك ونبضات قلبه تخفق"بتكلم معك
بموضوع"
جلس سعود وهو يضع رجل على رجل
"اذا موضوع اخت ثامر انسى"
بتوتر جلس جنبه"لا بس الموضوع يخص
ثامر"
رفع حاجب وهو يصغر عيونه"ثامر ليه
فيه شي"
بتوتر نطق وهو ينظر لوالده
"صح انت عندك فلل للايجار بحي
...."
يستمع له بصمت وبعد ان انتهى من
كلامه اجابه"عزام انت تعرف انها فلل
فخمة وكبيرة والايجار بيكون غالي على
ثامر وكامله بأثاث وكل شي"
ابتسم بتوتر"اي عشان كذا انا قلت له
يستأجر وحده من الفلل وانت خفض سعر
الايجار له"
ابتسم سعود وهو يقف"اي كل هذا عشان
اخته مو حب فيه"
بسرعة نطق وهو يقف"لا والله قسم با.."
قاطعة سعود وهو يضحك"زين انت كلم
عبدالله وهو يكمل العقد وكل شي اذا
وصل ثامر ووقع انت نيابة عني"واكمل وهو
يتجه ليصعد للاعلى"انا مشغول حاليا بشي
اكبر"
ركض له قبل يصعد وهو يقبل رأسه
"شكراً كنت متوقع تعصب وترفض"
صغر عيونه وهو ينظر له بسخرية
"عمري فشلتك بشي والا رفضت لك
طلب وانا اعرف انك مخطط وخالص"
ابتسم بحرج "عشان ثامر و.."
نطق سعود وهو يمشي على الدرج
"اهم شي لاتفكر اني بوافق على اللي
انت خابر"
بتنهيده نطق"كل شي بوقته حلو يابو
عزام"


اتجه بخطواته الى غرفته وقبل يدخل
اوقفه صوت جود..لف لها وهو يجيبها
بإستغراب"فيه شي"
بتوتر وارتباك"بتكلم معك بخصوص
معاذ"وبلعت ريقها"انا ماني موافقه و..."
قاطعها والدها"وانا قلت قراري وانتهى"
بسرعة نطقت "تكفى يبه انت تعرف
رأيي بالزواج"وبحزن اكملت
"مستحيل بظلم نفسي وواظلم معاذ معي"
تنهد بضيق وهو يفتح باب غرفته
"فكري اكثر بالموضوع"..ودخل الغرفة...

زفرت بضيق وهي تتجه لغرفتها بقلق
وتوتر ..معاذ مستحيل توافق وتزوجه
وابوها كأنه مصّر..مافيه الا تقول
لعزام يكلم معاذ او تتصرف بطريقتها..
خرجت من غرفتها وهي تتجه لعزام
في الاسفل.....وصلت له
"عزام"
رفع رأسه لها وبإبتسامة"هلا"
جلست جنبه بتوتر"عزام انا ماابي
اتزوج معاذ ياليت تقول له ينهي الموضوع
من عنده"
بحزن لحال اخته وموقفها من الزواج
والرجال بشكل عام"طيب استخيري
لاتستعجلين"
بضيق ردت"عزام خلاص انا هذا قراري
واذا ماانت قايل لمعاذ انا بروح واقوله"
بسرعة نطق"لا وين بتروحين انتِ ماتتوبين
بعد غلطتك انا بقول له"ووقف
"انتِ ارتاحي بكلم معاذ وارد لك"وخرج
ذاهب الى معاذ...وصل له للقسم وطرق
الباب ودخل
"معاذ"
تعدل بجلسته وبإبتسامة"هلا"
جلس امامة"انا والله جيتك بخصوص
زواجك من جود"
بفرح وسعادة نطق"لاتقول انها وافقت"
بهدوء نطق"للاسف ان جود ماوافقت
ولا راح توافق لكن انت لاتأخذ بخاطرك
ولا تكدر نفسك"
ابتسم رغم خيبة الأمل بعد ماسمع
رفض جود"حصل خير الله يوفقها
بحياتها"
اكمل عزام بعد ان رأى تغير ملامح
معاذ وهو يطبطب على كتفه
"معاذ انت تعرف جود وقرارها بالزواج
كله مو بس انها رفضتك"
ابتسم بحزن"عادي ياعزام لكن تمنيت
انها وافقت كان عندي أمل"
وقف"الله يكتب لك كل خير "ونظر
له"انا استأذن بغيت شي "
"سلامتك"ووقف معه"عزام شرأيك
نطلع نتمشى "
نظر لساعته"الحين"
هز رأسه"اي "
وافق عشان معاذ والا مايبي يخرج
"طيب ببدل ملابسي وانت جهز السيارة"
وخرج.....
اخذ نفس وهو يتجه لغرفته ليبدل
ملابسه"اخخخخ ياجود كان عندي أمل
وضحك بسخرية"لي يومين افكر
واخطط لزواجنا وبالنهاية ماتبي تتزوج"
وفتح خزانة الملابس"يمكن خيره لك
يامعاذ..واضح حياتك بتكون صعبة مع
جود"...واخذ له قميص وبنطلون...
لبس على السريع ..وتعطر وخرج لسيارته
وبعد دقايق ذهب هو ومعاذ يغيرون جو
عن المنزل......



المانيا 2017

ماقدرت تصبر اكثر او تنتظر وهي
تشوفه يتألم كذا...حتى مو قادر
يتحرك من الألم..تقدمت له بخوف
وهي تلمس جبينه حرارته مرتفعة
شكلها بداية زكام من البرد والمطر
يوم كانوا خارجين مع ألم القالون...
بخوف ويدها مازالت على جبينه
"ماهر"
بهمهمه اجابها وهو يرجف من البرد
"بموت من البرد"
سحبت الغطاء وهي تضعه عليه
وتقدمت واخذت فيفادول ..صبت
ماء وهي تجلس على السرير "ماهر"
وساعدته ليجلس"قوم خذ فيفادول
يخفض الحرارة"
عطس وانفه احمر وهو يجلس
بتعب ويمد يده ليأخذ الفيفادول
"خفتي علي والا مجرد..."
قاطعته"ماهر انت تعبان ماله داعي
تتعب نفسك بالكلام اللي ماله داعي"
أكل الحبه وشرب ماء وهو يستلقي
بتعب"لاتروحين عني"وترك لها مكان
بالسرير بجانبه وهو يرفع الغطاء
"تعالي"
اقتربت منه بتوتر وارتباك"ماهر ..."وهي
تدخل بجانبه
وضع يده على شفتها"اششش خلاص
انا كذا مرتاح"
تعرف انه بغير وعييه والحرارة مأثر
عليه والا تعرف ماهر وزعله مستحيل
يرضى بسرعة...وانتبهت له يغمض
عيونه وشفته مازالت ترتعش من البرد...
مسحت على شعره وهي تنطق بهمس
"عنيد كل هذا صار لك بسبب العناد
ساعه واقف بالبلكونة بالبرد ..لاعصبية
نفعت ولا سمعت حتى كلمة مني"




جده 2017

يوم جديد يمر..
في مركز الشرطة ..
طلب عبدالرحمن حالاً..اول ماوصل
وبعد ماتأكد من البرنت اللي وصله
امس ان عبدالله له تؤام بدر وبندر..
بيحقق مع عبدالرحمن الى ان يوصل
سعود...بعد دقائق دخل الجندي ومعه
عبدالرحمن..
بأمر"فك القيود عنه"
فك القيود عند يديه ومازال واقف بتوتر
وارتباك وخوف..
"اطلع وسكر الباب"...وتقدم بخطوات
لعبدالرحمن"ماتوقعت ابد انك تخون
سعود وتوصل معلومات لشخص
خطير"وجلس امامه"تدري كم عقوبة
هالاعمال"
مسح بيده على رقبته بتوتر وارتباك
وهو ينطق بتلعثم"انا ماوصلت معلومات
لشخ.."
قاطعة ماجد بعصبية"وبدر ايش تسميه"
بلع ريقه ولم ينطق"............
مسك وجهه بعصبية وهو يصرخ
"تساعد شخص وتسرب له معلومات
وبالنهاية تقول ماوصلت معلومات"
بألم من شد ماجد على وجه نطق
بإرتباك"انا ماساعدت بدر ولا اعرف
بدر اصلاً"
بسخرية وهو يترك وجهه"عبدالرحمن
انت ساعدت بندر صح او لا"واكمل وهو
يمشي متجه لمكتبه"ليش تساعد بندر"
سكت وهو ينظر لماجد بخوف"............
بعصبية نطق"عبدالرحمن سألتك جاوب"
وخفف من حدة صوته"اذا تبي العقوبة تخفف
عنك تكلم ترى لانافعك لا بندر ولا بدر"
بلع ريقه ونطق بتوتر"يعني انت عرفت
ان فيه بدر وبندر"
بسخرية نطق وهو يحرك القلم
"عرفت ان بدر له اخو توأم بندر وهو
الموجود عندنا بالسجن"وبغضب
اكمل"ابي تقول ليش بندر يراقب
سعود او بالاخص جود ايش كان
يبي منها"
تحرك بإرتباك وهو ينطق
"بندر ماينوي ابد يضر جود وهو اللي
انقذها يوم الحادث وارسل الرسالة
لسعود"وبتردد نطق"بندر يحب جود"
ينظر له بدون مايقاطعة او يتكلم وهو
يحلل كل كلمة ينطق فيها عبدالرحمن
ويربطها بالماضي وبهدوء نطق
"ايش اللي تعرف بعد"
ارتفعت حرارة جسمه من كثر ماهو
متوتر ومرتبك وبخوف نطق"بندر
يعرف كل صغيرة وكبيره تخص جود
ويفكر يتزوجها"
وقف بعصبية وغضب"نعم ايش تقول
انت يتزوجها"
بخوف وتردد نطق"اي صدقني غرض
بندر شريف ولا..."
قاطعه بصراخ وهو يتقدم له ويشده
مع ياقته"قلتي لي يتزوجها هو على
كيفه"وضغط على اسنانه بغضب
"طيب ليش بندر اعترف انه بدر وبدر
وينه"
بخوف نطق"بدر والله مااعرف عنه شي
حتى بندر مايعرف واكمل بكذب
"بدر مختفي من سنوات مااحد يعرف
عنه شي"
تركه وهو يدفه بعصبية عنه"طيب شي
ثاني تعرفه"
"اللي اعرف قلته"وبسرعة نطق ورجاء
"تخفف عني العقوبة "
ضحك بسخرية "بوقت المحكمة تعرف
كل شي"وبصوت عالي ناد"عسكري"
دخل بسرعة ونطق ماجد
"رجعه السجن..وجب لي أحمد"

دخل سعود في هالحظه ومعه عبدالله
"السلام عليكم"
"وعليكم السلام"
تقدم وعبدالله معه وجلس
"عرفت شي خلصت التحقيق مع عبدالرحمن"
بضيق نطق"للاسف بدر له توأم وهو بندر
الموجود عندنا"
بقهر نطق"وبدر وينه كل مرة نفشل بالوصول
له"
شرب ماء ونزل الكأس"ماادري الغريب
ان بندر اعترف انه بدر اكيد فيه سبب"

دخل العسكري ومعه احمد واول
ماانتبه احمد لعبدالله ابتسم
"عبووووووود"
ركض له عبدالله وهو يضمه
"خالي"
انحنى له وهو يجلس ويضمه لصدره
"ياروحي انت اشتقت لك"ووقف
وهو ينظر لسعود وماجد بصمت
"اجلس يااحمد"
جلس أحمد وعبدالله جلس بحضنه
وهو يسأله"وين بابا"
مسح على شعره بحنان ورأس عبدالله
على صدره"بعد شوي يجي"
بهدوء نطق ماجد"بسألك يااحمد
واتمنى تقول الحقيقة هذا عبدالله
زي ماانت شايف فاقد ابوه وكل مرة
يسأل عنه"
اكمل سعود"بدر وبندر و..."
بصدمة نطق احمد"بدر وبندر"
اجابه ماجد وهو ينظر له"اي ليش مصدوم
بدر وبندر توأم ابناء عبدالله ال...."
اكمل سعود بسخرية"وبندر الموجود
عندنا وبدر ماندري وين ارضه"
بتوتر نطق احمد وهو يمسك يدق
عبدالله"لا من قال هذا بدر"
اقترب ماجد منه ووقف جنبه وهو ينزل
رأسه عن اذن احمد ويهمس فيها
"ماابي استخدم اسلوب ثاني معك
قدام عبدالله..بندر ونعرف انه بريئ
ومستحيل يتعاقب بذنب غيره "
واكمل وهو يبتعد عنه ويجلس
"جاوب على اسئلتي"
توتر أحمد وارتبك اكثر مايقدر
يعترف ولا يقول اي شي وبلع ريقه
"انا قلت اللي عندي ليش الاسئلة"
وقف سعود"بجيب بندر انا"..وخرج
نطق احمد بسرعة"ايش بيصير علينا"
ابتسم ماجد بسخرية"اللي سويتوه
ماينغفر له..حتى اذا كان مالكم اي
شي يخص بدر وقضيته..واكمل
بهدوء"كل واحد بيأخذ عقوبته"





الرياض 2017

بعد ان اوصلها فيصل..دخلت المنزل
وهي تسحب شنطتها..اتجهت للمجلس
بعد ان سمعت صوت التلفزيون..
"السلام عليكم"

رفعت رأسها بعد سماعها للصوت وهي
تنطق بفرح وصدمه بنفس الوقت
"ريما هلا والله”ووقفت
تقدمت لها وهي تبتسم"لا خليك
جالسه لاتعبين نفسك"وقبلت رأسها
"اخبارك"
بفرح نطقت"الحمدالله بخير"وبأمر
"اجلسي "
ابتسمت بإعتذار"لا بروح فوق انزل
اغراضي واجي".....وخرجت وهي
تتجه للأعلى..اربع ايام قضتها عند
عائلتها..تحسنت نفسيتها للأفضل
لم يتواصل معها سامر ابداً وهذا
مااخافها ولكنها اقنعت نفسها بأنه
تاركها لترتاح..تحبه وتعشقه ولاتستطيع
ان تنكر هذا ولكنها خائفه جداً من الفراق
سامر لم يعترف لها بأي شي من الماضي
ودائماً يتهرب من السؤال واذا اجابها
اجابته واحده كنت مريض..وصلت
للأعلى واستغربت من فتح باب الشقه
حقاً موجود..سامر موجود في الأعلى
زادت نبضات قلبها شوقاً له..تقدمت
للدخول ولكنه اوقفها ماسمعت وهو
يتحدث مع اخيه سامي......

"سامر انت مجنون كيف بتعترف
وتقول لها ..بالنهاية بيتدمر بيتك
وبيت فيصل أخوها خلاص انسى
الماضي"
بضيق وهو يشد على رقبته
"سامي ريما لازم اعترف واقول لها
ماابي اخسرها ماابي اي شي يعكر
حياتنا بقولها كل شي وارتاح"
بعصبية وهو يقف"سامر انت مجنون
ايش بتقول لها"واكمل بسخرية
"بتقول لها ان سامي اخوي متفق مع
نجود زوجة فيصل بعد ماتفشل من
اخوياه بالمول انك طنشتيه وبعدها راقبك
لين عرفك انك ريما عبدالعزيز ال وقال
لي اخطبك "ولم يكمل بعد ان نطق
سامر"نجود قبل تزوج فيصل ماراح
يصير شي ب...."
بصراخ رد عليه"سامر انت ليش ماتسمع
اذا بتدمر حياتك قل لها"وبغضب
"انا طلبت منك تزوجها وكل شي لعب
ومخططين له لكن انت حبيتها وصار
اللي صار"


سمعت كل شي لم تصدق..بتوقف ماقدرت
دموعها تسقط ويدها على فمها من الصدمة
نجود صديقتها وسامي وايش العلاقة
بينهم..لا لا كيف..تمسك بالجدار بإنهيار
كل خليه من جسمها ترتعش بألم قلبها
لايتحمل ان تسمع اكثر..كانت يلعب عليها
بمسمى الحب كان كل شي لعب وانتقام
منعت شهقه تخرج منها وهي تنزل بإنهيار
للاسفل..يتردد بمسامعها كلام سامي
مع سامر والحديث اللي دار بينهم...خرجت
بسرعة للحديقه وهي تضع يدها على
فمها وتبكي بإنهيار..اخرجت جوالها ويدها
ترتجف..سقط الجوال منها واخذته
مرة اخرى وهي تتصل بفيصل..وبعد
ثواني اتاها صوته..بصوت منهار وهي
تبكي"فيصل ارجع برجع للبيت"واغلقت
وهي تبكي بحرقة..كيف ان تتفق نجود
صديقتها مع سامي على تدمير حياتها
كيف سمحت لها نفسها كل الاربع سنوات
ان تنظر لعينها..وسامر سامر كل شي
كذب لم يكن يحبها كل شي كان لعبة
وانتهى......


زاد بسرعة سيارته متجه لريما وهو
خائف بعد ان سمع صوتها ماذا حدث
لها هل فعل سامر شي لها..لن يتركه
اذا فعل شي...لم يبتعد كثيرا عن حيهم
وصل بسرعة وهو يوقف سيارته وينزل...

رأى ريما تجلس على الارض بإنهيار
وهي تبكي بحرقة...ركض لها ونطق
بخوف"ريما ايش صاير"
بشهقات وقلبها يتألم"فيصل خذني من
هنا "
ساعدها لتقف وبخوف"ريما لاتخوفيني
ايش صاير لك ليش حالتك كذا"
حاولت ان تقف ولكنها لم تستطع اطرافها
جمدت جسمها يرتعش وبشهقات نطقت
"نجود نجود هي السبب"
بإستغراب وهو يساعدها ليوصلها
للسيارة"نجود ايش سوت نجود"
وفتح باب السيارة"هدي نفسك"
ركبت بالسيارة وهي تبكي بحرقة
الى الان لم تستوعب..
ركب فيصل واغلق الباب
"ريما ايش اللي صار نجود ايش
علاقتها"
بحرقة ودموعها تغطي وجهها
"مادري مادري انا سمعت سامي
يقول لسامر "وزادت شهقاتها وهي
تتذكر ماسمعت..
"هدي نفسك ريما وفهميني لاتخوفيني
اكثر تراي على اعصابي"
بشهقات اجابته"نجود قبل تتزوجك
متفقه مع سامي"وبغصه وهي تتذكر
ذاك اليوم وبدموع وهي تحاول ان
تنطق"بالمول كانت نجود"
اوقف السيارة وبخوف اكثر
"ريما تكفيني لاتبكين وفهميني
السالفه"
زاد بكٌائها...وفيصل سكت واكمل الطريق
وهو على اعصابه ماعلاقة زوجته نجود
بسامي اخ سامر.....





جده 2017

يحضن ابنه بقوه لصدره ويقبله
عدة قبلات بكل مكان..استنشق
راحته وضمه اكثر له"اشتقت لك "
متمسك بوالده"مااحبك ليش تركتني"
زاد من عناقه وهو ينطق بحنان
"ماتركتك ياقلبي"وابعده عن صدره
وجلس ووضعه بحضنه ونطق وهو
ينظر لسعود"قلت ماراح تتركني
اشوف عبود واشوفك جايبه معك
واكمل بخوف"لايكون صاير شي"
ببرود نطق"مافيه شي يابندر"
بهتت ملامحه وهو ينظر بصدمه
لأحمد الذي نطق بسرعة"ماقلت شي
انا "
نطق سعود بقهر"عرفنا انك بندر توأم
بدر..لكن مستحيل بترك لين نقبض
على بدر"
ابتسم بحزن وهو يلعب بشعر عبدالله
"مطولين اجل بالسجن "واكمل ببرود
"ومين قال اني بندر والا عرفت ان بدر
له توأم وقلت اني بندر"
ضحك سعود بسخرية وهو يأشر لعبدالله
"الطفل مايكذب وفيه مثل يقول خوذوا
اسراركم من صغاركم"واكمل وهو يقترب
منه ويقف امامه"كيف طاوعك قلبك
تعترف على شي ماانت سبب فيه وتترك
هالجميل"وومسح على شعر عبدالله
"تركته وهو متعلق معك ايام وهو يبكي"
بحزن نطق وهو يقبل راس عبدالله بحنان
"لما الظروف تجبرك بتسوي اكثر حتى
اذا على حساب ابناءك"
ابتسم سعود بحزن وجلس
"تعرف ان الابناء والعائله هي كل شي
بالحياة وانا ماسويت كل شي الا
عشانهم"ونظر لبندر"بدر يابندر وينه"
واكمل بقهر"بدر سنوات وانا ابحث عنه
ومافيه مكان مابحثت فيه لاتقول لي
انه ميت لان اذا كان ميت انت مستحيل
تعترف وتقول انك بدر"
زفر بضيق وهو يبتسم بحزن
"واذا قلت لك اني مااعرف مكان بدر"
نطق عبدالله ببراءه"عمي بدر بإيطاليا
صح بابا"
بهتت ملامح بندر وهو يشد على ابنه
بقوة ونطق ماجد بضحكه"ماتقدر تكذب
عبدالله دائماً بالوقت المناسب"
اكمل سعود بنص ابتسامة وهو ينطق
بسخرية"الكذب دائما حبله قصير"
اخذ نفس وهو يزفر بضيق
"والله العظيم مااعرف مكان بدر ولا
ادري هو حي او ميت اخر مره يوم
قبل مداهمتكم لحسن"
بصدمة نطق ماجد"مداهمة حسن كيف
عرفت انت"وبشك"لايكون انت لك علاقة
بالموضوع"
نطق سعود بسرعة"او انت اللي خبرتنا
عن مكانه"
ابتسم بهدوء"مجرد مساعدة بسيطة"
نطق ماجد بهدوء"بما انك ساعدتنا بحسن
اكيد فيه شي بينكم"
بهدوء نطق"مابينا شي ولا اعرف حسن
الا انه ساعد بدر اخوي من سنوات واكمل
بحزن"كل شي صار واثر ببدر بسبب حسن
ولانه انصدم نفسياً بعد وفاة امي وابوي"
"الله يرحمهم"
وقف سعود ومشى خطوات"طيب ليش
ساعدتني بما اني عدوك "
ابتسم بضحكة"انا مالي اعداء ابد فكيف
عاد اذا انت ياسعود"واكمل بهدوء
"انا قلت لك بالمستشفى بعد مواجهتنا
ان بيجي يوم وتعرف كل شي"
بغضب نطق"وهذا انا عرفت ولا راح يتغير
شي انت بتبقى بالسجن يمكن يحس
اخوك على نفسه ويسلم نفسه"
بحزن نطق"بدر اذا كان يعرف مستحيل
يتركني لكن بدر اكيد انه مو بخير "
اقترب منه بعصبية وغضب ولكنه
تراجع بعد ان رأى خوف عبدالله
"طيب قلي مكانه وين"
نطق ببرود "قلت لك مااعرف"
ضغط على اسنانه بعصبية وهو يصرخ
"الا تعرف تعرف"
مسك عبدالله والده بخوف وغطى
راسه بصدر والده..وهمس سعود بقهر
"بندر لاتجنني ماتشوف ولدك "
نطق ماجد بهدوء"سعود عبدالله
وجوده هنا غلط "وتقدم له ليحمله
ولكن عبدالله بكى وهو يشد على والده
"لا بابا ماابي الوح بجلس معك"
همس بأذنه وهو يهديه"ياللا بابا
عشان نروح الالعاب "
بصوت باكي نطق وهو يمسح دموعه
"لا مابي الالعاب بجلس معك"
تمالك سعود نفسه رغم غضبه وعصبيته
وبقهر نطق وهو يهمس عند اذن بندر
"احمد ربك بوجود عبدالله والا والله
مااترك الا انا عارف كل شي لو اطلعك
جثه"
ابتسم وهو ينطق"عارف نقطة ضعفك
يابو عزام"
ضغط على كتف بندر بقوة وهو شاد
على اسنانه بقهر"عشان هالطفل يابندر
والا كان تعرف انت الباقي لاتحسبه تهاون
او ضعف مني"واكمل بغضب
"احمد بعفي عنه واتركه عشان عبود
والا انت بترك هنا لين اوصل لبدر"
وبأمر"الان بوجود عبدالله مااقدر
اسوي شي برجعك للسجن"
ابتسم ببرود"راضي بكل شي انا"ورفع
عبدالله لأحمد ليأخذه...وخرج معه
وماجد خلفهم...
وقف وهو ينطق بتهور"شي واحد
فقط ابي تحققه لي ياسعود اتزوج
جود على سنة الله ورسوله"
بغضب مسكه مع ياقته وهو يصرخ
بعصبية"ت********** مابقى الا هي
بعد "
ببرود وثقه نطق"نشوف يابو عزام
من ينتصر بالنهاية"
صفعه بكف على خده وهو يضربه
بقهر وعصبية"تحلم تحلم يابندر"
رغم المه من ضرب سعود لكنه نطق
"جود اذا ماكانت لي ماراح تكون لغيري"
ضربه مره اخرى وهو يصرخ بإنفعال
"تهددني يابندر ماكفاك انت واخوك
اللي صار لجود بتقتلها مرة ثانيه"
ببرود وهو يرفع يده ليلمس مكان
الم كتفه وبإبتسامة حزن
"انا مستحيل اسوي شي يضر جود
او يمسها"
استفزه بندر بكلامه عن جود واغضبه
وعرق جبينه ينبض من عصبيته وانفعاله
ونطق بصراخ"بندر خلاص لا تتكلم"
وبصوت عالي نادى"عسكري"
دخل بسرعة وهو يلقي له التحية
ونطق سعود بعصبية
"رجع هذا للسجن"
اتجه له وهو يمسكه واتجه به ليخرج
ولكن بندر وقف ولف لسعود
"انا بإنتظار جود حتى بعد عشرين
سنه"....وخرج مع العسكري للسجن...
رمى الملف بعصبية امامه "مابقى الا
هي بعد بندر يتزوج جود ..اخو ال****
يأخذ بنتي"
دخل ماجد وبخوف"ايش صار ياسعود"
بغضب نطق"يقول زوجني جود مجنون انا
مجنون"وبقهر وهو يمسك رأسه بعد
ان شعر بالصداع"انا مااحسبت على
الله تحسن نفسية جود اروح ازوجها
بتوأم بدر"
سكت ماجد ولم ينطق...يعلم حزن
سعود تجاه ابناءه..وبعد تفكير طال
مدت عشر دقائق نطق ماجد
"طيب يمكن اذا بندر تزوج جود نقدر
نقبض على بدر"
بعصبية وهو يقف"ماجد مجنون انت
مستحيل مستحيل بضحي ببنتي وادخلها
بمواضيع العمل"
بهدوء نطق"فكر ياسعود زواج فقط الى
ان نقبض على بدر وتطلق"
برفض وهويبعد الفكرة عنه"مستحيل ياماجد
وبضيق سأل"خلصت اجراءات خروج احمد"
"اي ووقع تعهد وخرج وعبدالله معه"
زفر بضيق وقهر"لازم نراقب احمد يمكن
يعرف مكان بدر"




الرياض 2017

يقفان بخوف..بعد ان دخلت
وهي تبكي..وجلست على الارض
تبكي بحرقة وألم....فيصل يقف
بجانبها وهو يحاول ان يهديها
ويفهم شي منها"ريما"
تقدم بخوف وهو يسأل ابنه
"فيصل ايش فيها اختك"
هز رأسه بأسى"ماادري ماعرفت
منها شي الا انها سمعت سامي
وسامر يتكلمون عن سبب طلاقها"
بعصبية "اي طلاق لايكون فيصل
طلقها"
بحرقه وهي تبكي والدموع مغطيهو
وجهها وتضرب صدرها بقهر
"نجود هي السبب نجود"
بصدمة تقدم لها والدها وهو
ينحني لها"ريما هدي نفسك"
وجلس امامها وهو يضمها لصدره
وهي تبكي بألم ومرارة نطقت"نجود صديقتي
واللي اعتبرها مثل اختي "وبشهقات
اكملت"هي اللي اتفقت مع سامي
وكانت تعرف انها لعبه بين سامر وسامي
دمرت حياتي معهم "

بعصبية خرج فيصل لمنزله وهو يركض
بغضب وقهر بعد ان رأى حال اخته
وانهيارها....دخل منزله وهو يصرخ
بصوت عالي"نجوووووووووووووووود"

نزلت من الاعلى بخوف من صراخه
"فيصل ايش فيك ايش صاير"
انهد عليها بعصبية وهو يصرخ
"ايش اللي كان بينك وبين سامي"
وتقدم لها وهو يشدها مع شعرها
بغضب"انتِ مستحيل تكونين انسانه
كيف تسوين كذا"
بألم وهي تحاول ان تفك يد فيصل
من شعرها"فيصل ايش تقول انت"
شد شعرها بقوة واعصابه تفور
وهو يشد على اسنانه بغضب
"لاتسوين نفسك بريئة ولاتعرفين
شي"وبصراخ نطق"قولي لي ليش
سويتي بريما كذا"
بإرتباك وألم وهي تصرخ"فيصل
اتركني"
دفها عنه بقوة ونطق بإشمئزاز
"ريما كانت صديقتك وهي اللي
ساعدتك بكل شي بالنهاية يصير
كل شي صار لها منك"
بدموع نطقت وخوف من تغير فيصل
"فيصل صدقني ماكنت ابي اضرها
ولا..."ولم تكمل بعد ان صرخ فيصل
بعصبية"كنت اقول انك طيبة وبالنهاية
اكتشف انك لك علاقات قبل "وبسخرية
اكمل"ماخسارة الا الثلاث سنوات اللي
عشتها معك وانتِ كذا"
بدموع اقتربت منه وهي تحاول ان
تبرر له"فيصل والله ماكان بيني شي انا
وس...."
قاطعها بعصبية وصراخ وهو ينظر لها
بقرف"انتِ طالق يانجود وولدي بأخذه
منك حرام يعيش عند ام مثلك"
انهارت وهي تجلس على الارض وتبكي
"لا يافيصل تكفى والله اني احبك ومااقدر
اعيش من دونك "واكملت وهي تقف وتتجه
لفيصل"كل شي كان بالماضي وانا ندمانه
والله ندمانه تكفى فيصل...."
نظر لها بعصبية"كل هذا انتِ اللي جنيته
على نفسك...وريما اللي دمرتي حياتها
هذا الزمن دار وبتتدمر حياتك بإذن
الله"...........وخرج تاركها تبكي ...



بعد ساعتين......

دخل سامر المجلس وهو يقبل
رأس والدته..
بإستغراب من تأخر ريما وعدم مجيئها
مع سامر سألت"سامر وين ريما"
بإستغراب نطق"ريما ليه هي جايه"
بخوف وهو تضع يدها على قلبها
"سلمت علي اول ماجت وقالت انها
بتروح تنزل اغراضها وترجع"
بخوف نطق"متى "
"تقريباً قبل ساعتين كذا"
مسك رأسه وهو ينطق"لا لا مستحيل
اكيد انها سمعت اللي كان بيني وبين
سامي"....وخرج بسرعة وهو يركض
لسيارته..اكيد سمعت اللي بينا ورجعت
لأهلها..كيف بوضح لها ...واسرع بسيارته
وهو يتجه لمنزل اهلها...وصل خلال دقائق
وهو مرتبك وخائف...ضرب الجرس ولم
يجيبه احد...وقف على اعصابه وهو
يأخذ نفس ويمشي بخطوات امام
الباب..رجع مرة اخرى وطرق الباب
وثواني وفتح الباب له فيصل وبعصبية
نطق"ايش جايبك"
عرف من عصبية فيصل وملامحه ان
ريما عرفت بكل شي وبتوتر نطق
"ابي ريما بشوف ريما"
بعصبية اجابه وهو يمسك ياقة ثوبه
"بعد سواد وجهك انت واخوك جاي
تقول كذا"وبقهر وهو يشد اكثر عليه
"كنت صديقي بعد ماملكت على ريما
سنه وانا معك وشهور واقول سامر
رجال وحتى انصدمت من طلاقك يطلع
كل شي لعبة واتفاق مع اخوك اللي مايتسمى"
ودفه عنه وهو يهدده"والله اذا شفتك هنا
او جيت لايصير لك شي ماهو طيب ياسامر"
بعصبية اجابه"كل شي ماضي وانتهى مرت
اربع سنوات ..زواجي الان ماله علاقه باي
شي ماضي"وتقدم "ريما بشوفها رضيت
والا مارضيت"ودف فيصل ليدخل لكن
يد فيصل منعته وهو ينطق بغضب
"بتدخل على كيفك انت بيت ماهو محرم
لك"
بعناد وهو يحاول يدخل"بدخل لريما
بتكلم معها ..افتح لي طريق او دخلت
واللي بيصير يصير"
بصراخ وانفعال نطق"ريما بحال الله اعلم
فيه ومستحيل بتكلم معك "وبسخرية
اجابه"هذا اذا سمحت لك تكلم معها"
ودخل المنزل وهو يصفق الباب وراءه..

سكر اذونه من صوت الباب..وهو يضرب
رجله بالارض بعصبية وهو يصرخ بصوت
عالي"ريييييييييييييييما ريييييييييما"


داخل غرفتها ومنهاره وحالها يرثى
له ..تبكي بحرقه وألم..وروان ووالدتها
عندها..يحاولن تهدئتها..سمعن صوت
من الخارج..لان شباك غرفة ريما فاتح

وفزت ريما بعصبية وهي تبكي وتمسح
دموعه"هذا صوت سامر "..ونزلت تركض..

"امسكي اختك ايش بتسوي"
بهدوء نطقت"خليها يمه تشوفه"
وجلست بسخرية"انا كنت اعرف ان
بيجي اليوم اللي بتعرف ريما السبب"

انتبه لها فيصل وهي تركض وتبكي
وبخوف"ريما "
مرت من عنده وهي تفتح الباب
وبإنهيار وصراخ نطقت"ساااااامر"

بعد مايأس من عدم رؤيته لها ..اتجه
لسيارته ولكنه توقف ولف بعد ان سمع
صوتها"ريما"


تقدمت له وهي تحاول تمسك نفسها
وتقف ..وبقهر وعصبية وهي تصرخ
ودموعها مازالت تسقط"كنت كذاب
ياسامر..كل شي قلته لي تكذب..الكلام
الحلو والهدايا وكل شي كان كذب"

تقدم منها بتوتر وهو ينطق"ريما
اسمعيني"
بعصبية واشمئزاز منه..كرهته بعد
ماسمعت منه كل شي..كرهت نجود
وسامي وكل احد يذكرها بالماضي
قلبها يألمها مجروحة ومكسورة
وبقهر نطقت وهي تنظر له
"سامر مابينا كلام كل شي عرفته
وبسخرية وهي تنظر له رغم ألمها وجرحها
منه نطقت"كنت كل ماسألتك تتهرب بالنهاية
يطلع هذا السبب"وبإستهزاء وهي تأشر
له بيدها"سامي يمشيك على كيفه وانت
مثل ****** وراءه "واتجهت لتدخل لكنها
مسك يدها "ريما اسمعيني كل شي
بالماضي الحين غير عن قبل"
دفت يده عنها بعصبية"اتركني وطلاق
بطلقني غصب"
بعصبية نطق"طلاق مااراح اطلقك
ماتزوجتك ووافقت على طلب ابوي
وانا اعرف ان بالنهاية بتعرفين كل شي
واطلقك"
بعصبية وهي تضرب صدره
"اكرهك اكرهك"وبدموع"ماابيك كرهتك
وكرهت كل شي يربطني فيك".....ودخلت
للبيت.وهي تبكي متجه الى غرفتها...
بعصبية نطق فيصل"ارتحت الحين
خلاص ماتبيك وطلاق بتطلقها
غصب عنك"

انتبهت لوالدها ومسحت دموعها
وبغصة نطقت"يبه انا كنت موافقه
يوم الزواج على اساس انه فيصل"
ومسحت دمعه سقطت على خدها
"بالنهاية يكون سامر وسكت وبعدها
رحت معه والحين خلاص النفس عافته
ماابيه ابي الطلاق"
بضيق نطق"هدي نفسك وبعده نتكلم"

اتجهت للاعلى لغرفتها..بضيق وحزن
قلبها يؤلمها..ليتها لم تذهب ولم تسمع
شي...


المانيا 2017

صحى من النوم بتعب..رشح وزكام
وبدأ صوته يتغير من اعراض الزكام
انتبه لها نائمة بجانبه..ابتسم بضيق
وهو يقبل جبينها...وابتعد بسرعة
عنها..بعد ان تحركت..
فتحت عينيها وهي تراه امامها على
بعد خطوات ..مسحت عينيها وهي
تجلس"كيف صرت"
اجابها ببرود وهو يتجه لدورة المياه
لم ينسى ماحدث بينهم البارحة
"بخير دام ماسمعت صوتك"ودخل
دورة المياه...
زفرت بضيق وهي تبعد الغطاء عنها
كيف ترضيه وتكسب وده..لن تسمح
بفتور علاقتهم من البداية..حتى وان كانت
مجرد علاقة زوجية عاديه..ستحترمه وتتقبله
مهما كان الامر..لن تنكر انها بدأت تميل له
وتتعود عليه ..ولكنهم في البداية....سرحت
تفكر كيف تقنعه .....ولم تنتبه لمرور عشر
دقائق ..الا بعد ان سمعت صوته الساخر
ينطق"حتى اذا فكرتي وسرحتي مالك
بالدنيا غيري "
مرت بجانبه ببرود"واضح الحرارة مأثره
عليك"
رمقها بنظره وهو يطنشها ويجفف شعره
بعصبية...يقتله برودها وعنادها..رمى
الفوطة بعصبية وهو ينطق بغضب
"طيب ياهديل الايام بينا"



جده 2017

الرابعة عصراً...
بعد نهاية الدوام لم يذهب للمنزل
يفكر بكلام ماجد..ضائق ومهموم..
ساعتين وهو يمشي بسيارته بلا هدف
بعدها اوقف سيارته وصلى العصر..
وجلس بالمسجد وقرأ حزب من القران
كعادته بعد كل صلاة عصر...دخل المنزل
واغمض عينه بضيق بعد ان رأى جود
تجلس بالصاله ...لم يود رؤيتها خصوصا
في حالته هذهِ....

انتبهت لدخوله ووقفت بإبتسامه
"هلا هلا بالضابط سعود"
بضيق نطق"هلا فيك"
تلفتت بإستغراب"وين عبدالله مو كان
معك اليوم الصبح"
تقدم بخطواته "مع خاله ارتاحي مافيه
احد بيضيق عليك بعد اليوم"...واتجه ليذهب
لغرفته ولكنه وقف بعد ان نطقت وهو يلف
لها...
"يعني خلاص مو جاي هنا"
بضيق اجابها"لا ارتاحي "
ابتسمت بحزن"عشان كذا انت متضايق"
لم يجيبها...واتجه لغرفته بضيق..
متضايق لأجلها ..وليس من اجل عبدالله

رجعت وجلست في مكانها وهي تنطق
بقهر"كل هذا الضيق والوجه قالب ومتأخر
عن البيت كله عشان عبدالله..وعبدالله
مين ولد بدر..لا ويقول لي انا اسوي كل
شي عشانكم "

"ايش فيه تكلمين نفسك "

نظرت له بسخرية"الوالد القائد متضايق
عشان ولد بدر "
جلس جنبها وبإستغراب"ليه صاير له
شي"
ببرود اجابته"لا مع خاله "
هز رأسه "اها"...وبتردد نطق
"جود"
نظرت له بصمت"...........
ابتسم"امممم جود بكرة ثامر وجدته وخواته
بيجون جده"
"لايكون ثامر اللي جدته ذيك العجوز
الشمطاء"
ضحك على كلمتها"هههههه ايش فيك
عليها"
بقهر وهي تتذكر كلامها عنها بيوم خطبتهم
لهديل"اكرهها عجوز قريح هذهِ"
"اتركينا من العجوز واسمعي هم بيجون
وانا عزمتهم عندنا بنضيفهم "
رفعت حاجب"اشوف اهتمامك زايد بثامر"
ابتسم بإرتباك"لا زايد ولا شي هذا صديقي
وعيب بتركه ومااضيفه"
وقفت ونظرت له ببرود"قل لوجدان
تعرفني انا مااصلح للعلاقات ابد"
بتحطيم اجابها وهو ينظر لها
"جود الى متى اسلوبك وحياتك كذا
مافيها شي ترى تصادقين بنات وكذا"
بسخريه وهي تحرك فمها
"بما انك قلت بنات انا ترى ماارتحت
لثامر هذا واحس الموضوع فيه إن"
ورجعت تجلس جنبه"قل لي ايش
اللي عندك "
بتوتر وهو يمسح على شعره
"امممممم مااعندي شي"
نظرت لعيونه وبهدوء نطقت
"عزام انا جود واعرفك زين"
اخذ نفس وتعدل بجلسته وهو يزفر
بضيق"جود انا احب"
فتحت عيونها على الأخر ونظرت له
بصدمه"انت تحب"وانفجرت ضحك
وهي غير مصدقه"ههههههههههههه
عزاموه انت تكلم من جدك"
بقهر وهو يتلفت من صوت ضحكها
"جود ليش تضحكين انتِ سألتي
وجاوبتك"
سكتت من الضحك وهي تنظر له
بضحكه"ومين سعيده الحظ هذهِ"
واكملت "من وين عرفتها وكيف تكلمها
طلعت معها"
بعصبية نطق"جود انتِ مريضه والا
ايش على اي اساس اكلمها او اطلع معها"
بسخرية نطقت"اجل كيف تقول حبيتها"
اعتدل بجلسته وبتنهيده نطق
"تذكرين يوم يدي "
بتذكر وهي تنظر له"لحظه لحظه يوم
كنا بالرياض "
هز رأسه وهو ينطق"اي "واكمل وهو
يتذكر الموقف وبإبتسامه نطق
"دخلت بيت وكان فيه بنت.."
ولم يكمل بعد ان نطقت جود بحماس
"كمل كمل ياقيس"
بضحكه قال لها كل شي حدث...
بإبتسامه وهي تتخيل شكل سارة
"والله من يوم معها مكنسة تحطمت
لاتقول بعد ان لابسه روز"
ضحك"لا كانت لابسه بجامه"
تعدلت بجلستها"يمه منكم يالرجال
حتى وانت مصاب كل هذا شفته"
"اتركينا من هذا كله تدرين قلت لأبوي
يخطبها ورفض وكل مرة احاول اقنعه
ويرفض"
وضعت رجل على رجل"اممم انتظر
بكره اذا شفت سارة واعجبتني مالك
الا من يضبط الضابط سعود لك"
بنص نظرة"على كيفك تعجبك او
ماتعجبك بالنهاية انا اللي بتزوجها"
ضحكت وهي تقف لتذهب
"تحمست اشوفها ..خلاص بكرة
اضبط كل شي لك"



الرياض 2017

انتبه لدخول اخيه وحالته وذهب
له بخوف..
"سامر فيك شي"
بضيق وهو يتجه للاعلى
"ريما سمعت اللي بينا "
بصدمة وهو ينظر له
"نعم كيف سمعت"
ركب على الدرجه ونطق وهو يذهب
للاعلى"كانت جايه وسمعت والحين
عند اهلها وكلهم معصبين وطلبت
الطلاق"
مسك شعره بعصبية
"يالله والسواه الحين"
لف له وبسخرية"انت لاتتدخل وابعد
عني وكل شي يصير تمام"




جده 2017

يوم جديد اخر يمر....

الساعه ٨ مساء...
وصلوا جده بعد سفره طويله من
الرياض براً استغرقت تقريباً ٨ ساعات...

"جده تعتبتي"
رغم تعبها من السفر وضيقها لتركها
لمنزلها والرياض نطقت بتنهيده
"لا اهم شي راحتك انت"
قبل رأسها "دقايق بس ونوصل بيتنا"
بحماس نطقت منى"تحمست والله"
همست سارة وهي تضربها بخفيف
"اسكتي يابنت ترى جدتي متضايقه
بملل اجابتها"اووف منك لازم تطفشيني"

دقائق ودخلوا حي راقي وانيق..جميعه
فلل ومباني فخمة....
بفرح وسعادة نطقت منى"اخيرا تحقق
حلمي وشفت احياء كذا"
بسخرية نطقت سارة"اللي يسمعك يقول
ماشافت خير بحياتها"
تنظر للحي بإعجاب"نعم ماشفت انتِ
تشوفين الفرق بين الحي اللي كنا ساكنين
فيه وهذا"
بطفش وهي تنظر امامها"الله يعيني عليك"
نطق ثامر وهو يغلق جواله
"مانبي نتأخر على عزام ساعه فقط معكن"
الجده بتعب"ياوليدي كان اعتذرت منه
مالي حيل اروح"
ابتسم لها"ماراح نطول عندهم وعادي
ترتاحين عندهم"
نطقت سارة بطفش"يوووه ياثامر يعني
فيه لبس وكشخه"
لف بسيارته لمنزلهم الجديد..ووقف ونزل
وهو يأخذ المفتاح من المكان الذي وضعه
له عزام...فتح باب المنزل ليدخل بسيارته...
بصرخه نطقت منى"اخيرا بيصير عندنا حديقه"
بعصبية نطقت الجدة"قص لسان ايش فيك
انتِ اليوم"
اجابتها بسعادة"فرحانه ياجده فرحانه"
دخل ثامر بسيارته لداخل المنزل ووقف
عند باب المدخل...فتح الباب ونزل واتجه
لباب جدته وهو يساعدها على النزول
"ياللا يابعد رأسي انتِ"
وضعت قدمها بمساعدة ثامر
"ياوليدي البيت كنه كبير بيقطع ظهرك
الايجار"ووضعت قدمها الاخرى وثامر
يمسك بيدها"لاتشيلين همي ياجده
اهم شي دعواتك"
"الله يوفقك ويسعدك"


طبعا منى اول وحده فتحت الباب
ودخلت وخلفها سارة ...وقفت بإنبهار
وإعجاب وهي غير مصدقه هل هي
بحلم ام بحقيقة...وبفرح وسعادة
وهي تضحك"سارة انتِ تشوفين"
لاتخفي سارة انبهارها واعجابها
وبفرح نطقت"اي يامنى اشوف
الحمدالله"
تقدمت منى بخطوات وهي ترمي
نفسها على الكنب وبسعادة لاتوصف
نطقت"اخخخخخ واخيراً تحقق كل
شي كنت احلم فيه"
نطقت سارة بسخرية"ياماما تراه بإيجار
وملك لأبو عزام"
استلقت على الكنب وهي تمدد
"عادي اهم شي افتكينا من ذاك الحي
والبيت"واكملت وهي تنظر لديكور
المنزل وسقفه"الى الان احس اني بحلم"


دخل ثامر وهو يساعد جدته الى ان
اجلسها على الكنب"ارتاحي"ورفع
قدميها "مددي رجولك "ونظر لسارة
"شوفي المطبخ عزام يقول حاط فيه
ترامس قهوة قهوي جدتي"
ابتسمت له ..كل مرة يعجبها عزام وتصرفاته
مع اخيها واتجهت للمطبخ ومنى تركض
خلفها"بشوف المطبخ قبلك"
الجدة بإنتقاد لتصرفات منى
"الحمدالله على نعمة العقل بس"




بالجانب الاخر...بعد ان تجهزت وكشخت
القت نظرة اخيره على نفسها وهي تبتسم
برضى..خرجت من غرفتها وانتبهت لعزام
يخرج وهو بكامل كشخته وبإعجاب نطقت
"اوووه عزام لابس شماغ وثوب من زمان
ماشفت هالكشخه"
عدل شماغه وهو يبتسم"رأيك والا ارجع
البس غترة"
"لا لا كذا احلى"وغمزت بعينها
"معلومة ترى عزيمه مو نظرة شرعية
ولا خطبه"
تنهد من قلب"انتِ دعواتك بس تكون
من نصيبي"

"ومين اللي بتكون من نصيبك"

نظر عزام بإرتباك ونطقت جود بتصريفه
"وجدان ياتبن اول مره اشوفك كذا"
دارت بفستانها وهي تلفح بشعرها بغرور
"من يومي كشخه وجميله بس ماتشوفين
شي انتِ"
ذهب عزام....ونطقت جود بسخرية
"اقول بس انزلي شوفي الخدامة جهزت
المجلس او لا"

خرج في هذه اللحظات سعود من غرفته
وشماغه على كتفه ويحمل عقاله بيده
وهو يبتسم"اشوف هالكشخه بيوم زفافكن
ان شاء الله"
نطقت وجدان بإبتسامه وهي تتجه
له"ان شاء الله"وقبلت راسه وهي تهمس
بمزح"وانا اشوف هالكشخه بزواجك"
بهمس نطق"لاتسمعك امك ثم انام
بالشارع اليوم"
ضحكت وهي تبتعد عنه"هنا عاد ماحسبت
حسابها"

تقدمت جود لهم"تهامسون من وراي"

نطقت وجدان وهي تتجه لتنزل للاسفل
"يمه يالغيرة"
تنهد سعود بعد ان تذكر خطبة بندر
لها وكلام ماجد وهو يلبس شماغه
"تعالي ليش وقفتي"
تقدمت له وهي تبتسم "ماادري فجأه
انت كأنك سرحت"
ابتسم بضيق لايريد ان يعكر مزاجه ومزاجها
وهو يقبلها"لا بنزل اشوف اخوك جهز شي
او لا "
ابتسمت بضحكه وهي تهمس عند
اذنه"لاتلومه ياابو عزام الحب بيعذب"
اعطاها نظرة وهو يتجه للدرج
"اي مايصبر قالك ماكأني قايل له ينسى"
ونزل...
من الاعلى نطقت بصوت عالي
"هذا عزام يالضابط سعود "

وقف وهو يلف لها وينظر بسخرية
"خلي عنك عزام وانتبهي لنفسك
ولضيوفك"

ابتسمت له وهي ترسل له بوسه
بالهواء"بنتبه لهم لاتخاف"



الرياض 2017

اغلقت من نجود وهي تزفر بضيق
من البارح وجود تحاول تتصل فيها
ولاترد عليها...والليلة ردت وكلمتها
ومستحيل تنسى اللي صار...
سمعت صوت والدها يتحدث مع
فيصل بعصبية وخرجت لهم....

"قلت لك ترجع زوجتك وتنسى كل
شي هذا ماضي وانتهى"
بعصبية رد"مستحيل ارجعها كيف بنسى
اللي صار لريما طول الاربع سنوات وبالنهاية
تطلع هي السبب"
بغضب وهو يقف ويأشر بيده
"عشان ولدك يافيصل..كل شي صار
ماضي وغلطت "
تقدمت ريما وهي تقف امام فيصل
وبحزن نطقت"فيصل عشان ولدك
ماابيه يتشتت والسبب انا "
بضيق نطق"خلاص انا قلت مستحيل
ارجعها"
بغضب وعصبية نطق
"نسيت العشرة يافيصل البنت غلطت"
وناظر لريما بنفس العصبية
"وانتِ عرفتي السبب وكان طيش شباب
وكل شي تغير لاتستعجلين وتلحين على
سامر بالطلاق"....وخرج بعصبية..
نظرت لفيصل بدموع"فيصل"
بضيق نظر لها"خلاص ياريما نجود
مستحيل ارجعها مو انا اول من طلق
او اخر من طلق"



جده 2017

دخل المجلس ..وانتبه لمعاذ جالس
وواضح عليه الضيق..
سلم وجلس جنبه"معاذ"
نظر لعمه بضيق"هلا"
بخوف"ايش فيك كأنك متضايق"
زفر بضيق"بروح بكرة الرياض"
بسرعة نطق"ليه احد صاير له شي ابوي.."
"لا لا بس ريما"
بخوف ونظراته على معاذ"صاير لها شي"
بقهر نطق"عرفت سبب طلاقها قبل من
سامر..وفيصل طلق زوجته"
بصدمه ونظراته على معاذ
"فيصل طلق زوجته ليه ايش صاير"
قال له معاذ كل شي....
بقهر نطق سعود"انا كنت ادري ان كل شي
وراه سامي"وبصدمه اكمل"اما نجود تكون
هي السبب وتعرفه ابد ماتوقعت"
تنهد بضيق"كلمتني ريما العصر وقالت
لي كل شي كانت مكسورة وحزينه"
تنهد سعود"الله يعين وايش بتسوي
لايكون بتطلب الطلاق"
نطق بقهر"اكيد اجل تجلس عنده"
نطق سعود بهدوء"معاذ اذا سامر متغير
والسالفه مر عليها اربع سنوات ليش تطلب
الطلاق..اذا حياتها مستقرة تكمل وتنسى
كل شي"وبتهديد"اهم شي انت تبعد عن
الموضوع وتحاول تقنعها..تزعل اسبوع
اسبوعين بالنهاية تقتنع ريما تحب سامر
بتسوء حالتها اذا تركته"


بعد ساعتين......

وصل ثامر وجدته وخواته لمنزل سعود
وكان عزام بإستقبالهم...

همست منى لسارة"بيتهم "
ضربتها سارة بخفيف"لاتفضحينا يابنت
خليك ثقيله"
نطق ثامر"انزلن ايش تنتظرن"
نزلت منى وخلفها سارة..واتجهت
سارة لجدتها تساعدها بالدخول..

ابتسم ثامر لعزام وهو يسلم عليك
"هلا والله اخبارك"
ابتسم "الحمدالله بخير ..حياكم تفضلوا"

نطقت الجده"اخبارك ياعزام"
ابتسم وهو ينظر لها"الحمدالله بخير"

اشر بيده "حياكم تفضلوا قدامكن
باب المدخل"

بهمس نطقت سارة لجدتها
"جده "
تقدم بخطواتها"ايش فيه ياسارة"

سمع اسمها ونظر لجهة الجده وهو
يحاول ماينتبه احد له وابتسم وهو يبعد
ويدخل مع ثامر لقسم الرجال...


داخل المنزل...
"ساعة على بال مايدخلون"
رمقتها والدتها بنظرة"جود "وهي
تتقدم لباب المدخل..وترحب بالضيوف
"هلا والله حياكم الله ..زارتنا البركة"
الجدة بإبتسامه"الله يحييك"
قبلت راسها ام عزام ..وسلمت على
سارة ومنى وهي ترحب فيهن...
ودخلتهن المجلس
"ياهلا والله يارب تحييكم"
جلست الجده "الله يبارك فيك"
سلمن جود ووجدان...
وبعده صبت القهوة وجدان وهي
تبتسم"حياكم الله"
"ماشاء الله "نطقتها الجده وهي
تنظر لجود ووجدان...



عند الرجال..
يصب عزام القهوة وهو يتبسم..
همس معاذ لعمه سعود بضحكة
"تشوف عزام"
ابتسم سعود وهو منتبه له"اي"

شرب ثامر من فنجانه ونزله ونظر لسعود
"اخبارك ياابو عزام"
"الحمدالله بخير ..انت اخبارك واخبار
الاهل"
"الحمدالله كلنا بخير"
جلس عزام بعد ماصب القهوة
"عسى اعجبك البيت"
ابتسم ثامر"اي ماقصرت"
نطق سعود بهدوء"اذا ناقص شي فيه
او بتضيف شي قل لعزام"
ابتسم له"ماتقصر يوم عزام مافيه
شي ناقص"


عند الحريم....

بعد القهوة..ذهبت سارة مع جود
بعد ان طلبت منها للاعلى...
ابتسمت سارة وهي تنزل عباتها
"مافيه احد"
ابتسمت جود"اي خوذي راحتك"
وجلست"جبتك هنا عشان نأخذ راحتنا
اكثر"
جلست سارة بإبتسامة"تصدقين كنت اسمع
كثير بإسمك بس ماتوقعتك كذا"
"من اي ناحيه"
ابتسمت"كنت متوقعتك مغروره بس
شفت العكس"
ضحكت جود وهي تأخذ كوب عصير
من الخدامة وتنزله عند سارة وعندها
"ههههه لا يمكن فيني اشياء غلط كثير
بس ماني مغرورة"
ابتسمت سارة بصمت"............
وتبادلن بعض الاحاديث والتعارف بينهن
....وبعد نصف ساعة نطقت جود بهدوء
"الا سارة ايش رأيك بأخوي عزام"
بإستغراب نطقت"مافهمت"
بإرتباك نطقت جود وهي تشبك يديها
ببعض"صراحة انا بأخذ رأيك بشي واتمنى
انك تفهميني "
توترت وهي تنظر لها صح ارتاحت للكلام
معها لكن ماتعرفها عدل ولاتعرف شي
عنها"تأخذين رأيي"
ابتسمت لها جود بعد ان لاحظت توترها
"شوفي سارة صراحه عزام له كم يوم
يفكر يخطبك وانا بأخذ رايك"
بصدمة وهي تنظر لها"نعم"
خافت جود من ردة فعلها وبتبرير
"سارة اذا انتِ ماانتِ موافقه عادي بس
حبيت اخذ رأيك"
ارتبكت وحرارة جسمها تزيد..حست
بمغص ببطنها صدمتها جود بالخبر
مسحت على شعرها وبتوتر اجابت
"جود انتِ صدمتيني بالخبر وصراحة
انا ماافكر بالزواج حالياً"وشربت
العصير دفعه وحده من الارتباك والتوتر

مسكت جود ضحكتها على توتر وارتباك
سارة ونظرت لها"سارة ايش فيك ليش
اعتفستي انا كذا سألت"
لاتخفي اعجابها بعزام من بعد مارأته
يوم يدخل منزلهم وتحاول ان تكون
طبيعية"كأن الجو حار"

ابتسمت جود وهي تنظر لها"ارفع على
المكيف ولا يهمك"وزادت على درجة
البروده"نقفل على الموضع لكن قبل
ليش قلتي ماتفكرين بالزواج حالياً"
ماراح تتركها جود لكنها اجابتها
بخٌبث"انت طيب ليش ماتزوجتي
وانتِ بالجمال هذا وعمرك مناسب
للزواج وماشاء الله مافيه شي ناقصك"
اعجبها ذكاء سارة وقلبها للموضوع
بسرعة وهي تجيبها بإبتسامه
"اعتقد مايخفى على اي احد جود
بنت سعود واخوها فزاع واللي صار
صح او لا"
سارة تعلم بقصتها من جدتها لكنها
اجابت بهدوء"هذا شي صار غصب عنك
مايمنع انك تزوجين وتعيشين حياتك"
"لي اسبابي الخاصة انا لكن انتِ"
اجابتها بنفس الاسلوب"وانا لي اسبابي
الخاصة بعد"
حست جود بتوتر الجو بينهن ووقفت
"ببنزل تحت جاء وقت العشاء.. لكن
عزام رجال وكامل والكمال لله"




بالجانب الاخر وبعيداً عن بيت سعود
وضيوفه.....عند أحمد وعبدالله...
بعد انا نام عبدالله ووضعه في سريره
اخذ جواله وهو ينظر له..بدر جواله مغلق
ومن بعد ان خرج من السجن وهو يحاول
الوصول له ولكنه لم يستطيع....
"الله يستر حتى جوالي مالقيت له اتصالات
ولا رسايل قبل ولا جوال بندر..اكيد صاير
له شي ..كيف اوصل له ياربي كيف..
وبعد تذكر وهو يفكر"اي صح وليد كيف
نسيته"واتصل برقم وليد "الو..اخبارك..
الحمدالله ..اي..نعم..كيف..متأكد انه
مو بفرنسا..طيب متأكد انه وصل لإيطاليا
طيب ليش مايرد علي...لا ..طيب..المهم اذا
وصل لك خبر عنه قل لي..بإنتظارك..
مع السلامة"واغلق من وليد...وهو يزفر
بضيق...بدر اكيد صاير له شي والا مستحيل
يختفي ولا يتصل كل هالوقت..اسابيع مرت
وهو مختفي ......



في منزل سعود...
ام عزام وبناتها...يجهزن العشاء ..
مافيه الا الجدة وسارة ومنى...
تكلمت منى بصوت منخفض
"سارة شفتي جود ماشاء الله تبارك الله"
لم تنتبه لها لسرحانها بعد مااخبرتها
جود بخطبة عزام "هاه قلتي شي"
بهمس"ايش فيك من يوم رجعتي
مع جود وانت سرحانه"
بإرتباك "لا مافيه شي"وابتسمت
"الا قلتي لي شي انتِ"
"اي قلت لك ايش رأيك بجود..والله
عيال اعمامها ماعندهم ذوق اللي
تاركينها وهي بالجمال هذا"
نطقت الجدة بهمس"يابنت اسكتي
لارحتي البيت تهرجين"
همس منى لسارة"حتى بيتهم يجنن"
بملل"اوف منك يامنى وانتِ هذا همك"


دخلت ام عزام بإبتسامه"حياكم العشاء
جاهز"


بالمطبخ.....
وجدان وهي متكيه على الثلاجه وتشرب
ماء"جود"
نظرت لها "نعم"
تقدمت لها وهي تنزل علبة الماء
"سارة حلوه صح"
ابتسمت جود وهي تقف"اي ماتوقعتها
كذا وبهمس"تدرين ان عزام يحبها"
فتحت عيونها على الاخر وبصدمه
"نعم وعزام كيف عرفها"
"السالفة طويله اقولها لك بعدين..
واتجهت لتخرج"تعالي قبل امي تعصب
تركنا الضيوف"



المانيا 2017

بملل وهي تحاول تلفت نظر
ماهر اللي مطنشها ولا يكلمها...
وقفت وهي تتعمد ترمي اللي بيدها
عشان ينتبه لها...

نظر لها بسخريه"عندك شي بتقولينه
قوليه ترى ازعجتيني "

اخيرا تكلم وانتبه لها تقدمت وهي
تجلس جنبه وبتوتر"ماهر"
يعلم انها تحاول ان ترضيه ولكنه
لايرضى الآن لن يسمح لها..سيتركها
وببرود اجابها وهو يقف ..قربها منه
يوتره ويربكه ولا يستطيع ان يمنع نفسه
منها ولكن كرامته فوق كل شي
"فيه شي بتقولينه او بنام "

كانت تود ان تقول له لاتذهب
وتتكلم معه ولكنها بالنهاية نطقت
ببرود"لا "

ابتسم بداخله وهو يتجه للسرير
"لاتزعجيني نامي عندك "

نظرت له بقهر وهي تتجه له بعناد
"اعتقد السرير مو لك لحالك..
وركبت على السرير وهي تستلقي
"انا بعد بنام"
ضحك بصوت عالي وهو يستلقي
بجانبها"ماتوقعت انك كذ...."
ولم يكمل بعد ان صدمته بقبله سريعه
على خده..ورجعت تستلقي وهي تعطيه
ظهرها ..وقلبها يخفق بقوة ....
ابتسم وهو يضع يده على مكان قبلتها
وصمت بعدها..يعلم انها تحاول ان ترضيه
ولكنه يتجاهلها ...وبهمس نطق بعد
حركتها الكثيرة "هديل"
اغمضت عينها وقلبها يخفق
"ماهر انا اسفه على كل شي"
اقترب منها وهو يضع يده على ظهرها
ويمسك بيده الاخره وجهها ويلفه لجهته
"ماانتي مجبورة تعذرين اذا مو من قلبك"
وقبل جبينها وهو يبتعد عنها"مابي مجاملات
و....."
قاطعته وهي تعتدل وتجلس وبغصة
"ماهر ليش ماتصدق والله مابقلبي احد
غيرك واذا عشان اللي صار والله غلطت"
استلقى وهو يغطي وجه بالغطاء وببرود
يتصنعه عكس داخله ورغبته بها نطق
"غلطتك وتحمليها"
وقفت وهي تتجه لدورة المياه بدموع
ولكنها لا تريد ان يرى دموعها...دخلت
الحمام وهي تغسل وجهها بسرعه بماء
بارد..يؤلمها بروده وتجاهلها لها...فتحت
الماء وتركته وبكت ...محتاجه ان تخرج
مابداخلها....



جده 2017

بعد العشاء...استأذن ثامر وذهب
الى منزله...هو وجدته وخواته...

في الاعلى...
جود اخبرت وجدان بحب عزام
لسارة وكيف حدث.....واخبرتها
ايضاً عن كلامها مع سارة عن عزام
بعصبية نطقت"جود ليش قلتي لها
واذا ابوي رفض بس تأملين البنت"
ببرود اجابتها وهي تشرب عصير ليمون
ونعناع"احسها بعد معجبه بعزام"
بقهر وهي ترفع رجولها"بس ماله داعي
تقولين ان عزام بيخطبك وانتِ تقولين
ابوي رافض"
بعدم مبالاة اجابتها"ابوي مايقتنع لين
نحطه بالامر الواقع"

"بس لما يكون الشي غير مقنع لي
حتى اذا اعز شخص طلب مني اذا مو
برغبتي ولا عاجبني مستحيل بوافق"
قالها سعود وهو يتقدم لهن بعصبية

بصدمة نظرن له ووجود خافت ووقفت
"بابا"
اقترب منها بغضب"جود الى متى وتصرفاتك
كذا"
بإرتباك وخوف"مااقصد انا انت سمعت
غلط و...."
قاطعه بعصبية وهو يصرخ"الشرهة على
عزام مو عليك انتِ"

قدم لهم عزام بإستغراب من عصبية
والده وبقلق نطق"ايش فيه"

نظر له والده بعصبية"مو قلت لك
تنسى سارة ورايح تقول لجود وجود
قالت للبنت"
نظر لجود بصدمة"جود كلام ابوي صحيح"
بتوتر وارتباك وهي تحاول ان تبرر
"كنت فقط اشوف رده فعلها"وبسرعة
نطقت"اصلا هي ماتفكر بالزواج تقول
حالياً..ونظرت لوالدها ليهدأ"ارتاح يعني"

بلع ريقه عزام وهو ينظر لجود بعد
كلامها وملامح وجهه تتغير"يعني كيف
ماتفكر بالزواج"
بسخرية نطق والده"عزام وراك انت صاير
خفيف حتى تصرفاتك ..وانا على كلامي
هالبنت تنساها"....وذهب عنهم بعصبية

جلس عزام بصمت ووجدان وجود ينظرن
له بحزن على حاله...
بعد صمت دام ربع ساعه وتوتر الجو
نطقت جود وهي تجلس جنب عزام
"عزام انا اسفه"
لم يجيبها ومازال صامت".............
بهدوء نطقت"عزام انا كنت فقط بشوف
ردة فعلها ..وبهمس"شكل البنت معجبه
فيك بعد "
فتح فمه وهو ينظر لها وقلبه يخفق بسرعة
"جود انتِ صادقه"
لاحظت فرح اخيها وتغير ملامحه بعد
الضيق لفرح ..ولكنها لاتريد ان تأمله
وبالنهاية يخسر وبهدوء نطقت
"ماني متأكده ياعزام بس البنت اعتفست
وارتبكت وتغيرت بعد ماقلت لها"
قبل خد جود بفرح وهو يتجه لغرفته
"يارب يارب "
زفرت وجدان بضيق وهي تقف وتنظر
لجود"حرام عليك ياجود ..عزام ب..."
قاطعتها جود وهي تقف"ماعليك بالنهاية
ابوي بيوافق"وبتنهيده"لكن الصدمة اذا
سارة رفضت"



بالجانب الأخر ..عند سارة ومنى
في غرفتهن...وسارة سارحه وهي
مستلقيه على السرير وتفكر...

منى منشغله بأثاث الغرفة وديكورها
وكل شي موجود بها..نظرت لسارة
وبشك"سارة جود قايله لك شي ترى
ماارتحت لها هالبنت احس وراها شي"
بإرتباك وهي تجلس"لا ماقالت شي"
تقدمت لها وجلست على طرف سريرها
"اكيد ياسارة لان انتِ من بعد مارحتي
معها وانتِ ماانتِ طبيعية"
بلعت ريقها وهي تقف"اي مافيه شي"
واتجهت لدورة المياه...ماذا حدث لها
لماذا تفكر بعزام الآن..ورفضها للزواج
من تميم..زفرت بضيق كيف تترك
منى وجدتها وهن بحاجتها..غسلت وجهها
بماء بارد عدة مرات..توضأت وخرجت...
بعدها صلت الوتر...واتجهت لسريرها
محاولة للنوم.....وصلت لها رساله بعد
ان وضعت رأسها على المخده فتحتها
"حتى اذا سافرتي بأخر الدنيا ..الزواج
متزوجك متزوجك...تميم"
اغلقت جوالها بعصبية..وهي تضعه جانباً
الى متى سيستمر تميم بتهديدها.....




"بعد مرور اسبوعين"


مرت الايام سريعة على ابطالنا...
وحدثت بعض الاحداث...
ريما مازالت مصرة على الطلاق رغم
اصرار سامر وحديثه واعتذاره منها اكثر
من مرة..وسامر رافض الطلاق ...

ماهر وهديل مازالت العلاقة متوترة بينهم
رغم محاولة هديل لإعادة كل شي....والآن
بإسبانيا..

بدر مازال مختفي..ولم يصل أحمد له
وبندر بالسجن....

عزام حاول بوالده واقنعه بالزواج من سارة
وخطبتها وبالنهاية وافق بعد اقناع زوجته
واعجابها بسارة...وخطبها رسمي ووافقت
رغم تهديد تميم لها....وملكتهم بعد يومين


جده 2017

في مركز الشرطة....وقع لإنهاء اجراءات
خروجه....وهو مستغرب من صمت سعود
اتجه ليخرج ولكن اوقفه صوت سعود
"انتظر يابندر"
لف له بإستغراب"فيه شي ياابو عزام"
زفر بضيق"اجلس"
جلس وهو مستغرب ماجد جالس
وصامت وسعود بصوته ضيقه"فيه شي"
اخذ نفس سعود وهو يحرك القلم
بيده بتشتت"مو قلت لي انك تبي
تتزوج جود على سنة الله ورسوله"
لم يصدق ماسمع وبصدمه وهو ينظر
لسعود ومره لماجد"اي قلت"
اغمض عينه وهو يزفر بضيق
"وانا موافق لكن عندي شروط"
يخفق قلبه بسرعة وهرمون السعادة
وصل اخره عنده الى الان غير مصدق
وبهمس نطق"سعود انت تتكلم من جدك"
بعصبية نطق لم يستطيع ان يتمالك
طول الايام السابقه وهو يفكر تعب من
التفكير وترك بندر اسبوعين لعلى وعسى
يتوصل لبدر ولكن لاجديد واضطر ان يوافق
على خطة ماجد ليتم القبض على بدر
وبعدها يخلص ابنته من بندر وبدر
"اذا ماتبي خلاص انسى اني وافقت"
بسرعة نطق "انا موافق وقل شروطك"
اخذ نفس وهو ينظر لبندر
"اول شروطي موافقة جود اذا رفضت
تنسى كل شي...ثانياً مااحد يعرف انك
بندر توأم بدر خصوصا جود واذا احد
عرف انك بندر مافيه زواج "
ابتسم "موافق على شروطك"
وبهدوء نطق"وعندي شرط انا"
نظر له بصمت"............
"اذا وافقت جود الزواج يكون بأقرب
وقت"
بضيق نطق"بينا اتصال ماتسرع قبل
انا مااقول لك شي"
وقف بإبتسامه وهو يأشر على انفه
"على هذا ياابو عزام"واتجه ليخرج
"تأمر بشي ثاني"
"لا"
خرج بندر....وزفر سعود بتنهيده طويله
وهو ينطق"الله يستر ياماجد من تسرعي"
ابتسم وهو يتجه له بهدوء
"لاتخاف ياابو عزام بندر مستحيل بيضر
جود"
نطق بحزن"خايف يصير لجود شي
ياماجد ماراح اسامح نفسي ان صار لها
شي"



احمد وعبدالله بإنتظار خروج بندر....
وانتبه عبدالله لوالده وذهب ركض له
وهو يصرخ بإسمه"بابا"
مد يديه له وهو يضحك بفرح
"هلا فيك"ورفعه بعد ماركض عبود
له وهو يضمه ويقبل خده بقوة
"اشتقت لك ياروح بابا"
تقدم احمد بإبتسامة"الحمدالله على السلامة"
بفرح وسعادة لاتوصف بعد موافقة
سعود على خطبته نطق وهو يبتسم
"الله يسلمك"وضم أحمد وهو يصرخ
بفرح"بطيييييير من السعادة يااحمد"
"دوم يارب دوم"واكمل وهو يمشي
بجانب بندر"كل شي اليوم تبيه انا تحت
أمرك"
فتح باب السيارة وركب عبدالله وركب
بندر وهو يضحك بفرح
"بما ان حريييين ونقدر نطلع اول شي
ابيه بأكل لييين اشبع"
حرك احمد السيارة وهو يمشي
"ابشر كم بندر عندي"
"الله يسلمك"وبإبتسامه من الأذن للأذن
نطق"تدري ان سعود وافق يزوجني
جود انتظر فقط موافقة جود وهذا امر
سهل"
بصدمة نطق أحمد"بندر انت صادق
وكيف"
ابتسم"الحمدالله "واكمل وهو يزفر
"اتوقع سعود ماوافق الا لسبب"
بهدوء نطق أحمد"عشان يوصل
لبدر"
بسرعة نطق بندر"كلمك بدر "
بحزن اجابه"لا ولا اعرف اي شي عنه
حتى وليد كلمته قال اخر مره سافر
لإيطاليا"
بخوف نطق"انا ماني مرتاح حاس ان
صاير له شي"وبحزن اكمل"انا عارف ان
سعود يبي يوصل له بأي طريقه لكن
حتى اذا تزوجت جود مستحيل اسمح
بهذا الشي"



الرياض 2017

عادت مع معاذ من الخارج بعد ان
خرجت معه لتغيير الجو...وتتحدث
معه بعيداً عن عائلتها...
دخلت المنزل ومعاذ خلفها...
"ريييما"
نظرت لمعاذ"هلا"
ابتسم لها"لاتهتمين لأي احد اهم شي
راحتك"
ابتسمت بحب لمعاذ هو الوحيد اللي
وقف معها وساعدها ضد سامر..
ماتنسى فيصل ووقفته لكن معاذ غير
من بعد مارجع للرياض وهو يحاول
يغير نفسيتها ويسعدها..نطقت
"ان شاء الله اهم شي انت لاتشيل
همي"
"ان شاء الله"ونظر لها"تبين شي
انا بروح للشباب"
ابتسمت"سلامتك"ونزلت عباءتها
خرج معاذ...وريما اتجهت لغرفتها..
دخلت الغرفة.....وصرخت وسقطت
شنطتها من يدها..
تقدم لها وهو يسكر فمها"ريما هدي انا
سامر"
بعصبية وقلبها يخفق من قربه ومن خوفها
وصدمتها من وجوده المفاجئ وهي تحاول
ان تتخلص منه"بعد عني ايش اللي جابك
بغرفتي"
بهدوء نطق وهو يضع يده خلف ظهرها
وينظر لعيونها"انتِ اللي جبرتيني ياريما
اتصالاتي وماتردين ومقابله رفضتي"
صدرها يرتفع وينخفض وبغصه نطقت
"سامر اتركني وبعد خلاص انا اتخذت
قراري حياتنا مستحيله وبعد ماعرفت
السبب مستحيل برجع ياسامر"
مسك وجهها بين يديه وهو يقرب
وجه لها"ريما انا احبك وكل شي صار
بالماضي وطلقتك وانا احبك صح بدينا
بلعبة بس والله اني حبيتك ..لكن صار
اللي صار"وقبلها...
سقطت دموعها وقلبها يخفق وهي
تحاول ان تبعده عنها ..عرقها يتصبب
داخل جسمها وقدميها ترجف"سامر
بعد عني ..ودفعته عنها بسرعه وهي
تنطق بعصبية وارتبإك"اطلع قبل
اصرخ "
ابتسم وهو يجلس على سريرها وينطق
ببرود"اصرخي ماهمني احد زوجتي
وكيفي لا سويت لاحرام ولا شي"
اتجهت له بعصبية"انت ماتفهم ماعندك
كرامة قلت خلاص طلقني"
ببرود نطق وهو يقف"مافيه كرامة بين
المحبين.."واقترب لها وهي تتراجع للخلف
وتأشر بيدها بخوف وارتباك وتوتر
"سامر لاتقرب واطلع بكرامتك قبل يصير
شي تندم عليه"
ضحك وهو يقترب اكثر لها"طلاق بأحلامك
ياريما..حتى اذا تركتك عشر سنوات معلقه"
واتجه ليخرج ووقف وهو ينظر لها بحب
"انا بترك فقط اسبوع بعدها بجي اخذه
غصب عنك"
اتجهت له بعصبية وغضب"مافيه شي
بالغصب ياسامر وانا قررت وطلاق بتطلقني
غصب عنك"
اتجه لها بسرعة ومسكها وهي تتراجع
والحائط خلفها...حشرها وهو ينطق
بهمس وينظر لعينيها"من قلبك ياريما
تبين الطلاق والا كلام فقط"
بلعت ريقها ودرجة حرارتها ترتفع وقلبها
يخف بسرعة وهي تحاول ان تبعد عينيها
عن النظر لعينيه"اي من قلبي"
مسح على شعرها وانفاسه تلفح وجهها
وهو يقترب اكثر منها"اشوف كلامك
عكس تصرفاتك"
توترت اكثر وهي تحاول ان تسيطر على
نفسها ولاتضعف امامه ..لن تهين
نفسها وكرامتها وتستسلم له وبإرتباك
نطقت وهي تحاول ان تبعده عنها ولكن
قوته الجسمانية تمنعها"سامر بعد عني
واطلع انا قلت لك قراري وانتهى الامر
افهمني اكرهك مااطيقك".....
سمعوا طرق الباب وابتعدوا بسرعة عن
بعض وانظار كلاهم على الباب.....

فتح الباب ودخل وبصدمة نطق
"سامر"ونظر لريما ..وملامحها لاتفسر
وسامر المرتبك والمتوتر...

تقدم وبإعتذار نطق"ماكنت اعرف ان
ريما عندها احد"
بسرعة نطقت ريما وهي تشتم سامر بداخلها
وتنظر لوالدها بخجل"سامر كان..."ولم
تكمل بعد ان نطق والدها بإبتسامة فرح
"عادي ماكنت اعرف ان علاقتكم رجعت
والامور تمام بينكم"

لم تستطع ان تنطق..والدها وفرحته
لها وفهمه لوجود سامر بالغلط...وسامر
ابتسم بفرح وهو ينظر لملامح ريما بصمت

"خلاص وانا ابوك ماله داعي تجلسين
بغرفتك هنا بما ان علاقتكم تحسنت
روحي لبيتك مع سامر".......وخرج.....

نظرت لسامر بعصبية وقهر وهي
تجلس على السرير"الله يأخذك قل امين"
ابتسم بفرح وهو يشكر والدها بداخله
وبضحكه نطق"انتظرك بالسيارة تجهزي"
وقفت وهي تنطق بعصبية
"عشان ابوي فقط ماابي اكسره واضيقه
بعد ماشفت الفرح بعيونه ..لاتحسب
اني ميته عليك"..
ابتسم وهو يتجه ليخرج"اهم شي تكونين
قريبة مني وهذا يكفيني"



جده 2017

بالصاله...تجلس الجده وبجانبها
ثامر ومنى وسارة...
نطقت الجدة وهي تنظر لسارة
"رفضتي تميم ولد عمك بالنهاية
وافقتي على عزام لا واكبر منه بعد.."
نطق ثامر بهدوء"جده عزام سارة اكبر
منه بسنه فقط مافيه فرق..والزواج
قسمة ونصيب"
بضحكه اجابت منى وهي تنظر لسارة
"كنتي رافضه الزواج قبل واشوف يوم
خطبك عزام تغير كل شي"
نظرت لها بخجل ووجها يتلون
"منى اذا..."ولم تكمل بعد ان نطق
ثامر"ماعليك منها واذا فيه شي ناقص
قولي لي ترى مابقى على ملكتك الا يومين"
الجدة وهي تنظر لثامر"لايكون انت ناوي
تسوي حفل ملكة وخرابيط"
ابتسم وهو ينظر لسارة"اكيد ياجده هذي
سارة"
الجدة وهي تنظر لسارة بإنتقاد
"والله بنات الحين مايستحن"ووقفت
بصعوبة "بس ترى مافيه يشوفها
وماادري ايش حركاتكم ذي عيب"

خرج ثامر وبضحكة نطق "اي هذا اذا وافق عزام"

نظرت منى لسارة"لايكون جدتي بتعترض
على الشبكة"
زفرت سارة بضيق لاتعلم لماذا مازالت
خائفه من تهديد تميم وكيف اذا علم
بموافقتها وملكتها من عزام
"ماادري يامنى ماادري"
بإستغراب"سارة فيك شي كأنك مو مرتاحه"
وقفت "لا"واتجهت لغرفتها ومنى تتبعها...



في الجانب الآخر......
يستمع لحماس زوجته وبناته وابنه..
وحديثهم عن الهدايا والشبكة والملكة
وهو سارح يفكر كيف يخبر جود..الوقت
الآن غير مناسب...واذا علموا بسماحه
لخروج بدر من السجن بزعمهم...لن يتحدث
الليله الى ان تنتهي ملكة عزام.......

بصراخ نطقت جود"لا عزام ليش كذا
ماخبرت ذوقك سيئ كذا"
بتحطيم وهو ينظر للخواتم"ليش مو حلو"
"لا ابد مو حلو احسن شي يكون ناعم"
نطقت وجدان بضحكه"جايب صور خواتم
كلها قديمه"
نظر عزام لوالدته"يمه مو حلوات والله حلوات"
ابتسمت له"ماعليك منهن اذا عاجباتك اختار
اللي تبي”
نطقت جود بإعتراض"لا يمه يفشلنا عند
الناس كأنه ذوق شايب"وبحماس
"اروح معك ونختار"وتقدمت وهي تنظر
لوالدها"بابا ماعلقت كأنك الى الان ماانت
راضي على زواج عزام"
ابتسم بضيق"راضي بس اللي تتكلمون عنه
اشياء تخص البنات وانا مالي فيهن"



الرياض2017

على العشاء....
سأل معاذ بإستغراب"ريما ليش مانزلت"
اجابته روان بسخرية"ريما راحت لبيتها"
بصدمه وهو ينظر لوالده"كيف راحت"
وبعصبية "يبه لايكون انت جبرتها
تروح"
بهدوء نطق والده وهو يأشر له
"ياولد ماجبرتها ولا تدخلت
كان سامر موجود عندها بالغرفه قبل المغرب
بشوي وبعده راحوا"
بعصبية وهو يبعد الكرسي ويقف
"طول العصر معي وتقول لي ماراح ترجع
وتكلم مع ابوي وماادري ايش وبالنهاية
تروح معه كيف"
نطقت روان بقهر"انا كنت مع امي ببيت
جدي والا مااسمح لها..بس واضح اختك
غرقانه بحبه ماتقدر تصبر اكثر وكل شي
تقوله كذا قدامنا بس"
بعصبية نطق والدها وهو ينظر لها
"روان ايش هالكلام اختك ورجعت مع زوجها
واللي صار شي ماضي وانتهى"
بعصبية وقهر وهو يشد على شعره ويمشي
بالصاله"قسم بالله البنات ماادري كيف يفكرن
مريضات مريضات"واكمل بإستهزاء
"تطلب الطلاق وتزعل وتعصب وبالنهاية
ترجع معه اخخخ بس انا الغبي اللي شايل
همها وادافع با......"ولم يكمل بعد ان
نطق والده"انت لاتتدخل وخلك بنفسك"
نظر لوالده بحزن مازال غير مصدق
"لايكون يبه سامر جابرها او مهددها"
نطق والده بإبتسامة"والله ياابوك اللي
شفت ماهو الا حب لاتهديد ولا شي"
ضحك بسخريه وهو يتجه ليخرج
"اروح لحاتم ابرك لي..صدق مرضى
هالبنات"وخرج وهو يغلق الباب
"بالاول جود والحين الغبية هذي اختي"



جده 2017
رجعوا للبيت بعد جوله ترفيهية
من بعد ماخرج من السجن....العصر
يحمل ابنه النائم واحمد فتح باب
المنزل..دخل واتجه للغرفه وضع ابنه
على السرير وهو يسمي عليه...نزل
جزماته وغطاه..وخرج لأحمد

استلقى احمد على الكنب وهو يمدد
قدميه "ناقصنا بدر فقط"
جلس بتعب وهو يشعر بالنوم
"حتى حالية كلمتها ماترد ماادري ليه
مرت شهور مارحنا لإيطاليا"
نطق احمد "سعود اكيد بيكون يراقبنا
كيف نسافر لإيطاليا ..واذا سافرنا
وصار بدر موجود"
تنهد بضيق"هو اكيد يراقبنا"وابتسم وهو
يتذكر "صح صح نسافر بملكة عزام بيكون
مشغول ولا يدري عنا حتى ماجد بيكون
معه"
جلس احمد وبإستغراب"ليه عزام بيملك
من قال لك"
ضحك وهو ينطق بغرور"مو انا اخو بدر
ال..."
بخوف نطق"بندر لايكون فيه احد بعد
انت حاطه عن..."
قاطعه وهو يبتسم"طبعاً اجل مثلاً سعود
بيقول لي"
بعصبية نطق"بندر انت مجنون بتورط
نفسك وتورط اللي ان...."
"هد نفسك ياولد ماني مورط احد ولا شي
خدامتهم كنت قبل طلبت منها صور
لجود اذا تذكر الصور اللي لقاهن سعود
وعطيتها كم الف وجابتهن لي"واكمل
بإبتسامة"المغرب وانا ادور بالاسماء
بجوالي لقيت رقمها..وكلمتها اسألها
عن جود وقالت لي ان عزام بيملك بعد
يومين"
وقف بغضب بندر وتصرفاته تزعجه
ونطق "بالنهاية يابندر انت اللي بتخسر"
ونظر له"تصبح على خير"





بعد يومين....يوم ملكة عزام وسارة...

ينظر لوالده بقهر وعصبية"يبه تكلم
شوف حل معها..انا كم لي يوم على اعصابي
انتظر هذا اليوم..كنت خايف يطلع شي
بالفحوصات او ترفض وبالنهاية جدتها
ترفض مااشوفها"
ابتسم بخٌبث وهو يهز اكتافه
"ايش اسوي انا اتجادل مع عجوز بحسبة
امي عشان تشوف بنتها لا اسمح لي"
بعصبية وهو يضع يده على وجه ويأخذ
نفس"بموت بموت"
ضحك سعود وهو يقف لن يتدخل ابداً
مازال غروره يمنعه لان عزام اصر مع والدته
الى ان وافق وهو غير مقتنع وبإستهزاء
نطق"والله جدتها على السلم الاول ..
واشر لنفسه"هذا انا تزوجت قبل ماشفت
امك الا بليلة الزواج"
يدور بالصالة وهو مقهور"تكفى يبه زمان
غير عن اول كل شي تغير..هذا من ابسط
حقوقي اشوفها"
تكتف وهو ينظر له"والله عاد انا مستحي
اتجادل مع عجوز كبيرة..انت سنع نفسك"
وبسخرية اجابه"انا قلت لك قبل ان جدتها
بتتدخل بكل شي واعمامها واعرفهم ناس
غير مناسبين لنا وانت عندت واصريت
تحمل كل شي اول الغيث قطرة وهذي
البداية ياعزام"
وخرج تارك عزام يدور بعصبية وقهر وهو
يضرب اسداس بأخماس...كيف يقنع
جدة سارة وبقهر نطق"والله جابت اسمها
جود عجوز شمطاء"

نزلت في هذه اللحظه جود ..وبصدمة
نطقت"عزام انت الى الان هنا مالبست ولا..."

قاطعها وهو يجلس بعصبية"ماراح البس
وانا ماراح اشوف سارة"
تقدمت وابتسامة ضحكه على وجهها
"عزام خلك رجال والبس شايل هم
انك ماانت شايفها"وغمزت بعينها
"انا اضبطك ياولد بس قوم تجهز لاتأخرنا
ترى مافيه وقت"
بفرح وقف وهو يتجه لها"اعتمد عليك"
ابتسمت له "اعتمد"



بالجانب الأخر...
بجانب جدته ويحاول فيها..لكنها معصبة
ورافضة...
جلس امامها "تكفين جده عادي عزام.."
قاطعته بعصبية"ثامر قم عن وجهي
والا والله لا امنع الزواج هذا كله"
وبتهديد"انا وافقت اما حركات يشوفها
ويلبسها خاتم مافيه..يشوف زوجته بليلة
عرسه غيره مافيه"ووقفت بصعوبة وهي
تتكي على عصاتها"لاحياء ولا مستحى
هالجيل"وبتهديد وهي تأشر بعصاها
"شف ياثامر اي شي تسويه من وراي
والله ان هالزواج مايتم"وذهبت عنه
بعصبية......


زفرت بضيق وهي تسمع جدال جدتها
مع ثامر...متوترة ومرتبكة ومتردده تمنت
انها رفضت وارتاحت ولا استعجلت..
شعٌرت بالانانية..كيف بتزوج وتترك منى
ليش وافقت على عزام..الآن مستحيل
بترفض وتفشل ثامر خصوصاً بعد ماسوا
عزام كل شي وساعده....لابسه وجاهزه
ثامر مع منى جهزوا كل شي من تنسيق
وترتيب...لها نصف ساعة راجعة من المشغل
وبالغرفة..بطنها يمغصها من التوتر والارتباك
قطع سرحانها صوت جدتها وهي تدخل
بعصبية...وقفت بخوف وهي تنظر لها

"اسمعيني ترى اعرف ثامر اكيد يتفق
مع عزام وبيقول بشوفها"ورفعت يدها
بتهديد"اذا طلعتي او شفتي عزام والله
ياسارة يالزواج مايتم حتى اذا وصل
للطلاق"

تعلم ان جدتها تفعل كذا لانها رفضت
تميم وبضيق نطقت"طيب"

نطقت منى بعد مادخلت بقهر
"وليش ياجده رجال وطالب بيشوف
زوجته مافيه اي شي يمنع..."ولم تكمل
بعد ان نطقت الجدة بعصبية
"انتِ لاتدخلين مابقى الا هي ورع يعلمني
بسلومنا "واتجهت لتخرج"لاتأخرن يوصلون
الناس وتفشلني بعد"وخرجت.......

نظرت منى لسارة بحزن"سارة لاتضيقين
خلقك"
تشعر برغبة في البكٌاء لا تعلم لماذا ولكنها
تمنت وجود احد يساعدها...تمنت في هذهِ
اللحظات وجود والدها..او والدتها..لماذا تركتهم
وذهبت مرت سنوات لاتعلم هل هي على
قيد الحياة اما لا...مسحت دمعة سقطت
على خدها وهي تتجه لتخرج من الغرفة....




الرياض 2017

في منزل الجد....
يستمع لحديث جدته وجده وهم
يتحدثون عن زواج عزام من ابنة عمه...
ابتسم وهو ينطق"كنت ابي اروح بس
طلع لي اختبار هالاسبوع وصعب"
تنهد جده بضيق وهو يتكي
"انا والله اني ماني مرتاح للزواج ذا ام
سليمان وعيالها معروفين"واكمل بحزن
"ولدهم ماارتاح فكيف عزام عاد"
نطقت الجدة بحزن"الله يستر انا ماادري
ليه سعود وافق"
ابتسم ياسر"ياجده الحب مايعرف..."
قاطعته"ياوليدي مافيه شي فيه مشاكل
بينجح حتى اذا كان حب ..الحب نزوة
وتعدي.."واكملت"الحب مع العشرة
ماهو قبل الزواج يمكن ينجح او يفشل
لكن قبل نزوة وتعدي"
اكمل الجد"ليت عزام يفهم عجز سعود
معه كلمني يقول ماقدرت اقنعه"
ردت الجدة من قلبها"الله يوفقه ويجعل
هالزواج خير له ويبعده عن كل شر"



جدة 2017

خرج سعود..متجه الى سيارته للذهاب
الى منزل ثامر...وبإنتظار عائلته...وقف
بصدمة بعد مارأى احد الحراس قادم
اليه وهو يلهث من الركض وبخوف
نطق"ايش فيه"
بسرعة نطق وهو تعبان من الركض
"فيه واحد بيدخل ومنعناه وهو مصر
يقول انه بندر بن عبدالله"
اتجه بعصبية لباب مدخل منزله الخارجي
"طيب جاي انا افتحوا الباب"


تستعجل بناتها وعباءتها بيدها
"سرعة يابنات لاتأخرني"وبصوت عالي
"عزاااااااام ياللا ابوك بالسيارة"وسألت
الخدامة"كل شي جهزتيه..حطيتي الهدايا
اللي بغرفتي "
"اي ماما كل شي يسوي انا"

قدمت جود وهي تركض وبإرتباك
بسبب تأخرها"وجدان اهم شي لاتنسن
هدايا سارة "

قادمه خلفها وتلبس عباءتها
"كل شي مجهزته مانبي نتأخر يعصب
ابوي"


بعد ان دخل وسعود على اعصابه خائف
ان تراه جود...او احد من عائلتة..يعلم ان
بندر يعانده والا كيف تجرأ واتى للحديث
معه في منزله...وبعصبية نطق بعد ان نزل
بندر من سيارته بثقة وابنه بجانبه..
"انت ليش جاي هنا مو قلت لك انا
انتظر مني اتصال"
ابتسم له وعبدالله تقدم يركض
"عمي سعود"وسلم عليه...
سلم على عبدالله وهو يتلفت خائف من
قدوم احد وبقهر نطق"خير يابندر ايش
عندك"
ابتسم"مافيه سلام بالأول لاتنسى إن بنصير
عائلة قريباً"..وسلم على سعود وقبل رأسه
شد على قبضة يده بغضب وهو ينطق
من بين اسنانه"الى الان مافيه شي يابندر"


وقفت بإستغراب وهي تنظر من الرجل
الذي يتحدث مع سعود...لاتعرف شكل
بدر ولا تتذكره..فقط عزام وجود هم من
يعرفون بدر...ونظرت بصدمة بعد ان
نطق عزام بصدمة خلفها
"بدر "

نظر سعود لجهة عزام بصدمة وملامحه لاتفسر
زوجته وابنه..لن يسمح بأن يحدث شي في
ملكة ابنه...لم يخبرهم ابداً عن بندر او بدر
ولن بخبرهم الا اذا تم القبض على بدر..

نطق بهمس لبندر"اطلع بسرعة ماني
ناقص مشاكل"
بنفس الهمس نطق وهو يتمنى خروج
جود ليراها ويرى ردة فعلها"انا جيت بودعك
بسافر لإيطاليا واقول لك لاتتأخر علي
كلم جود بأسرع وقت"

قدم عزام لهم وهو غير مصدق وبملامح
بهوت وصدمة على وجهه مازال مشكك
"يبه مو هذا بدر "
ارتبك سعود ونطق بندر بخٌبث
"مبرووك مقدما "
قهره بندر وهو ينطق بتوتر خائف من
قدوم جود"اي ياعزام هذا بدر خرج من..."
بصدمة وهو ينظر لوالده"يبه من جدك انت"
واكمل بعصبية"يبه كيف تقول هذا بدر
وانه خرج انت تعرف مين هذا"وتهجم على
بندر وشماغة يسقط على الارض...
ولكن يد بندر مسكته وهو ينطق
بكبرياء"لا تتعدا حدودك "
سيجن كيف والده يتحدث مع عدوه
وبهذهِ السهولة والبرود وبعصبية وصراخ
"يبه انت بتجننا بتذبحنا كم لك سنه
تبحث عنه وبالنهاية تسمح له يخرج"
اول مرة يحس نفسه عاجز عن الكلام
قلبه يؤلمة ..اخذ نفس وهو يمسك
عزام وبإرتباك"عزام هد نفسك واسمعني"

ام عزام مازالت غير مصدقه وهي تسمع
حديثهم...

بعصبية نطق وهو يتلفت"ايش اسمع
ايش اسمع"واكمل بسرعة وهو ينظر
لبندر"انت خذ ولدك وتقلع ماابي جود
تشوفك..مابي يصير لها شي باسعد
يوم بحياتي"
انسحب بندر بهدوء...وهو يزفر بضيق
مازال كابوس بدر يطارد العائلة..ليته يستطيع
ان يتحدث ويوضح كل شي ولكن ان تحدث
سيخصر جود وهذا الذي لايقدر عليه...
وركب سيارته وابنه معه وانطلق مسرعاً...


تقدمت ام عزام بعصبية"صدق ياسعود
اللي يقول عزام ان هذا بدر"واقتربت اكثر
وهي تنظر لسعود ..وبحزن "مو قلت انك
قبضت عليه وكل شي انتهى"
تنهد بضيق وهو يدور بتوتر وقلق
"ماحد يعرف شي"
بسخرية اجاب عزام وهو يشد على شعره
بعصبية"مانبي نعرف شي واضحة .."
واكمل وهو ينحني ليأخذ شماغة
"والله مهزلة يقتل ويغتصب وبالنهاية
يخرج بكل اريحيه"
بعصبية نطق سعود"عزام ايش فيك انت
انا ماخرجته الا عشان اوصل لباقي العصابة
ماسمحت له يخرج كذا"

"من اللي خرج لاتقول لي بدر"

توتر سعود وهو ينظر لجود..ووالدتها
تنظر لها بحزن وخوف على حالتها وعزام
نطق بسخرية"اي بدر بدل مانفرح بقصاصة
وعقوبته يسمح له والدنا العزيز بالخروج
والحرية"واكمل بإستهزاء"عشان ايش
يوصل لباقي العصابة..واخرج جواله من
جيبه بعد ان سمعه"محسوب علي
الشقاء حتى باسعد يوم مااتهنى لازم فيه
شي ينكد"

تنظر لوالدها بصدمة وهي غير مصدقه
ولكن بعد انفعال عزام وعصبيته فهمت
وبملامح وجه لاتفسر وهو يتلون نطقت
بهمس"صدق بابا"
بلع ريقه لايريد ان يحٌزنها وهذهِ ردة فعلها
من خروجه فكيف اذا اخبرها بالزواج..
وبهدوء نطق"جود انا ماس...."
قاطعته بسخرية وهي تضحك
"لاتكمل خلاص كل مرة تفشل لكن هالمرة
عرفت السبب"واكملت بقهر"عشان ولده
وبالنهاية انت ميت لك ولد بشي يفطر القلب"

والدتها لم يعجبها اسلوب عزام
وجود وحديثهم مع والدهم بهذه الطريقة
مهما كان الأمر..تعلم ان سعود يتصرف
بحنكة وذكاء في كل امر وموقف ونطقت
بهدوء"خلاص ياجود.."ونظرت لعزام
"مانبي نتأخر وننكد فرحتنا بعزام"

نطقت وجدان بحزن وهي تنظر لوالدها
مرة وجود وعزام مرة اخرى وبمحاولة
لتغيير الجو المتوتر "ياللا عاد لاتضيقون
انفسكم عشان واحد مايسوى وتخربون
فرحتنا ..مانبي نتأخر"ولفت لجود
"ياللا جود ..ياللا عزام"
بضيق اجابها وهو يضع جواله بجيبه
"انا بروح مع مشعل"
صمت سعود وهو ينظر لهم بضيق لايريد
ان يحزنهم ولكنه امر خارج عند طاقته..
لايستطيع الوصول الى بدر الا بمساعدة
اخيه....واتجه ليركب سيارته ونطق بضيق
لعزام"لاتأخر"
وبعدها ركبتزوجته وبناته وابنه الصغير..
متجهين الى منزل ثامر...
اما عزام وقف بإنتظار مشعل...تغير مزاجه
للضيق..كيف لوالده ان يسمح لقاتل توأمه
بالخروج ..كيف يستطيع ان يرتاح وجود
بدر خطر يهدد العائلة...جلس وتمنى ان
يلغي ملكته الآن لوقت مناسب ..مزاجه
لا يسمح له الآن ...



بالجانب الأخر...
بعصبية وهو غير مصدق لما يسمع
"بندر انت مجنون..الحين تقول بنسافر
وهو مايعرف ورايح تودعه"ومشى بخطواته
بغضب"عجزت يابندر افهمك"
ابتسم بهدوء وهو يضع حقائبه بالسيارة
"لان اذا عرف اكيد بيراقبنا وخبرته عشان
مايشك"
زفر بضيق"الله يستر يابندر من تسرعك"
اغلق بندر باب السيارة"ياللا مانبي نتأخر"



الرياض 2017

منذ ان رجعت لمنزلها..وهي تتجاهله
تنام في الغرفة الاخرى...واغلب وقتها
تقضيه عند والدته...حتى تجتنب الاحتكاك
به.....معاذ اتصل لها البارحة وهو معصب
ويهزئها ..ولكنها اخبرته بسبب رجعوها
طلب منها ان ترجع ولكنها رفضت..
لن تتعب عائلتها معها..ستصبر وتتحمل
وتنتقم من سامر..سمعت صوت الباب
وهو يدخل ويحمل بعض الاكياس بيده
"السلام عليكم"
ردت السلام كواجب بدون ان تنظر له
"وعليكم السلام"
وضع الاكياس على الطاولة
"دخليهن بالمطبخ"
وقفت وهي تنطق بسخريه
"اعتقد تعرف مكان المطبخ"...
وذهبت وهي تتجاهله تماماً.....
ابتسم وهو يحمل الاكياس ويذهب
بهن الى المطبخ..."اشوف كم بتستمرين
على التجاهل ياريما"



جده 2017

بعد ان تم عقد قِران عزام وسارة..
بوجود الشهود..مشعل ووالده...
نطق ثامر بإحراج"والله صراحه مادري
كيف بقول لكن جدتي رافضه ان عزام
يشوف سارة تقول كل شي بيوم الزواج"

الانظار اتجهت لعزام وعزام رغم اصراره
وعصبيته قبل لكنه نطق بهدوء وهو يبتسم
ابتسامة بارده"عادي ياثامر قرار جدتك واحترمه"

بهمس نطق مشعل لعزام"عزام"
بضيق اجابه وهو يهمس"تدري والله افضل
لان مزاجي متعكر مرة ثانيه"
خرج ثامر....ونطق سعود وهو ينظر
لعزام"اذا تبي اكلم ام سليمان م.."
ولم يكمل بعد ان نطق عزام وهو يتصنع
ابتسامه"لا عادي خلاص مو انت قبل قلت
ماتبي تجادل معها"
ابتسم سعود"براحتك"
نطق ماجد بإبتسامة"ياللا عاد باقي مشعل
اللي مو راضي يتزوج"
نطق مشعل"لا انا مافكر بالزواج حالياً"




عند قسم الحريم....

تجلس سارة بجانبهن بخجل وحياء
وهي بكامل زينتها..بعد ماقامت والده
عزام بالنيابة عن عزام بعد رفض الجدة
دخول عزام..بتلبيس سارة الخاتم ..وقص
الكيكة مع سارة...

جود مقهورة من ام سليمان وجالسه
على اعصابها حاولت تتكلم ولكن والدتها
منعتها...ببرود نطقت وهي تنظر لمنى
"ايش هالملكة الباردة"
رمقتها والدتها بنظرة وبتصريفة نطقت
وهي تبتسم لسارة"جعل ايامك كلها
سعادة يارب"ومدت لها هدية
"هذهِ هدية بسيطة مني اتمنى تعجبك"
ابتسم سارة بخجل"ماتقصرين كلك ذوق"

نطقت الجدة وهي تنظر لجود بإنتقاد
"ليش تصورين "
نظرت لها وهي تبتسم لتقهرها
"ابد ياخاله اوثق ملكة اخوي بعد مارفضتي
دخوله وهو..."ولم تكمل بعد ان منعتها
والدتها"جوووود"

نظرت سارة لجدتها برجاء لتصمت...
ووجدان بعد ان رأت توتر الجو نطقت
بإبتسامه"ياللا عاد نبي نسمع شي
بعد ماخلصنا طقوس الملكة"

همست جود لسارة"سارة تكفين صورة
بس عشان عزام"
ابتسمت بخجل وتوتر"جود والله جدتي.."
قاطعتها سارة بهمس"نطلع فوق بدون
ماتدري"واكملت بإبتسامة
"ونأخذ راحتنا اكثر ..نعطيك الهدايا
ونفتحهن مع بعض"
ابتسمت سارة"طيب"
خرجت جود ومنى وسارة ووجدان للصالة
العلوية...والبنات يحملن هدايا سارة....



عند الرجال...
يبدو المزاج عالي عندهم...
ضحك وسوالف..وتغير مزاج عزام بعد
ضيقه .....
بضحكة نطق ثامر وهو ينظر لعزام
"والله ياابو عزام كنت طول الوقت متردد
خايف من عصبيته"
اكمل سعود بضحكة"انا بعد عصبية بالبيت
قلت بيخرب كل شي "
ابتسم بحرج "لا عاد ماهو لا الدرجة ذي"
واكمل وهو يعدل جلسته"تراي ثقيل"
ضحك سعود بسخرية "واضح مرة"
ضحك ماجد"والله اختك ياثامر
تستاهل كل شي اللي غيرت عزام بلحظة
وحنا ماقدرنا نغيره من خمس سنوات"
ابتسم ثامر بفخر وهو يهز اكتافه
"سارة هذي مو اي احد"
نطق عزام بغيرة"اي عاد خلاص انت لاتقول
اسم زوجتي عند الرجال"
ضحك مشعل "يوووه ياثامر شكل نظام
عزام من اللي ماتقول اسم زوجتك و...."
نطق عزام وهو يقلد صوت مشعل
"اي ماابي اسمع اسم زوجتي"واكمل
بغرور"زوجتي وكيفي"



عند البنات.....

تنظر سارة للهدايا بإعجاب...اطقم
الماس فخمة..وعطورات ..وساعه ماركة
وبإبتسامة نطقت"شكراً والله عاجزه
عن...."ولم تكمل بعد ان نطقت وجدان
بفرح"يااختي زوجة اخونا الوحيد تستاهلين
اكثر"واكملت"والله كان ودي ان الملكة كبيره"

ضحكت منى وهي غير مصدقه اخيراً
ستتغير حياتهم للافضل وبسعادة نطقت
"ايش نسوي عايلتنا قليله وانتم بعد"
نطقت جود"احسن يااختي مااحب العوايل
الكثيرة انا"واكملت بإبتسامة
"سارة صورتك وحده والله يبي اكثر
من صوره اليوم طالعه غير"وغمزت لها
بخٌبث"والله عزام ماينام الليله اذا شافهن"
واكملت بضحكة بعد ان رأت خجل سارة
وتلون وجهها"ترى يسويها عزام ويطب
فجأه عليكم"
ردت منى بضحكة"عشان جدتي ماتخلي
عظم سالم فيه"
ضحكت وجدان وهي تجلس جنب
سارة"صراحة الله يعينكم جدتكن نظامها
الى الان على النظام القديم"
اكملت جود بقهر"جد ماادري كيف تحملن
انا لو بيصير لي كذا بجن"
ردت وجدان بضحكة"انتِ هين عاد بكل
الحالات بتجننينا"
ضربتها بخفيف وهي تنطق بغرور
"جننتكم او ماجننتكم بالنهاية مالكم
غناء عني"

...مرت ساعات والفرح عم العائلتين....
وتناولوا العشاء مع بعض...بعد ذلك
ذهب سعود وعائلته الى منزلهم بعد
سهرة لطيفه بين العائلتين....وصلوا
المنزل بتعب ...وذهب كل واحد الى
غرفته....

نزلت عباتها بسرعة وذهب لغرفة
عزام..طرقت الباب ورأته يخرج من
دورة المياه...

نظر لها بإبتسامة وهو يقلد صوتها
"اعتمد اعتمد بالنهاية ماشفت شي"
ابتسمت له "انا والله كنت مخططه بس
سارة رفضت خايفه من العجوز الشمطاء"
ضحك عزام وهو يجلس على سريره
"اي وكيف كانت الملكة"
جلست جود جنبه وهي تنطق بسخرية
"تبي الصدق كأنها عزيمه عاديه قليلين
مرة وبضحكة"والا امي اخذت دورك انت
متخيل بس"
ابتسم بضحكة"عادي يابنت كل جايز
واكمل بحماس"الا كيف سارة "
بخبٌث نظرت له وهي تخرج الكاميرا
من شنطتها"كم تدفع"
بعدم تصديق نظر لها وهو يمد يده
بفرح"جود انتِ مصوره سارة"
حركت حواجبها وهي تضع الكاميرا
وراء ظهرها وبغرور"كل شي صورته عاد
بالنهاية ضبطت لك سارة بكم صوره"
واكملت بضحكة"عاد انت لاتموت اعرفك
خفيف"
دفها بسرعة وهو يأخذ الكاميرا منها وقلبه
يخفق"اقول بس عطيني"
ضحكت وهي تأخذ شنطتها لتخرج
وبمزح نطقت"اهم شي انتبه تتهور
وتروح للناس بعد تالي الليل".....وخرجت

بحماس فتح الكاميرا وقلبه يخفق..
والابتسامه على شفتيه ...نظر للصور
واخذ نفس "الله يأخذ بدر اللي خرب كل
شي والا كيف ضيعت هالليله علي "
وبقهر وهو يلمس صورها"والله طالعه
فتنه اخخخخ ياقلبي"..ونظر لصورة اخرى
اجمل وبزاويه احترافيه جميله من جود
وبتنهيده خرجت"والله راح كل شي
علي اخخ من حظك ياعزام"ونظر
لساعته"والله يمدي العجوز نامت"
وتراجع "اووه بتفشل نفسك ياعزام
والله صادق ابوي اني خفيف"واخرج
الذاكرة من الكاميرا ووضعها في خزانته
"كيف بنام الحين انا ..الله يسامحك ياجود"
وابتسم وهو يتذكر صور سارة...استلقى
على السرير والابتسامة مازالت على محيّاه...




دخلت غرفتها واتجهت لغرفة الملابس
بدلت فستانها على السريع...فيها نوم
تقدمت وهي تنتبه لهديه فخمه مع ورد
بتنسيق جميل جداً...على تسريحتها
تقدمت بإستغراب"مافيه مناسبه عشان
توصل لي هديه"وابتسمت وهي تنظر للورد
"هذا نفس اللي ارسل لي بيوم ميلادي"
وقرأت المكتوب"‏‏ولو أخفيت شوقي عنك ،
‏يفز القلب لك من دون طوعي"
حركت جاجبيها بإستغراب وهي تفتح
الهدية المغلفة بتنسيق رائع....
"والله ذوق من مين"اخذتها وهي تفتحها
بسرعة وحماس...انتبهت لعلبة صغيرة
وفخمة بدأ قلبها يخفق ...فتحت العلبة
ورأت خاتم الماس ناعم بجوهرة صغيره
وناعمة...وورقة بجانب الخاتم
مكتوب بها"هل تقبليني زوجاً لك"
ضحكت بصوت عالي"هههههههههههههههه
مين المجنون هذا لايكون معاذ"وانتبهت
لعقد الماس منحوت عليه اسمها بنحت جميل
وفخم...لمسته بنعومه وهي تبتسم بحزن
"والله يالخطيب المجهول ليت اقدر ابادلك
نفس هالشعور بعد الهدية الفخمة والذوق"
ونزلت العقد...وانتبهت لورقة فتحتها
وبصدمه وهي تحاول ان تقرا المكتوب
تهاوت وهي تحاول ان تقرأ مابين السطور
ويدها ترتعش وقلبها يخفق....وصوت
ضحكته بمخيلتها....سقطت الورقة من يدها
لم تقرأ فقط الا"اسم عزام ووجدان ووالدها"
بلعت ريقها وقلبها يخفق وشفتها ترتعش
انحت واخذت الورقة وهي تقرا والدموع
تسقط من عينيها...."انا خطبتك من ابوك
ووافق بشرط موافقتك...كل شي بيتغير
ياجود فقط انتِ وافقي وانا عمري كله لك...
واذا رفضتي اعتقد وجدان اختك صح
اووووه ونسينا عزام...اممممم تقدرين
تحملين تعيش وجدان بنفس ماعشتي
انتِ او تعيشين وعزام ميت...او صح
نسينا الضابط سعود تقدرين تعيشين
وتحملين فراقهم...كل شي هذا انتِ تحديدنه
بموافقتك علي...واذا رفضتي مايحتاج
اقول...لاتقولين تهديد عشان اتزوجك
او تحاولين تخبرين اي احد خصوصاً والدك....اختاري يأنتِ ياهم..
وصدقيني كل شي بيتغير عن الماضي
وانا آسف على كل شي.....حبيبك بدر عبدالله
ال............."





"نقف هنا"

وقفه "قطار سريع
من المستحيل
توقفه الاستسلام.....
ضعف يؤدي إلى المذلة"



موعدنا الأسبوع القادم
تحياتي ديييييييما

سنابي:deema99d[/SIZE]

بالله وش ذا قفلة و لا حرقة قلب ... ما زلت تمتعينا باسلووبك الرائع
شكرا *_*

لالالالا قفلة قوية جدا ديما بس جد جد باااارت راااااائع تسلم يدك يستحق الانتظار وكل الرواية تستحق الانتظار ابداع الحقيقة
بس هاااه لا تقولي التوقيع في اخر الرسالة حقيقي يعنى الرسالة مومن بدر ؟؟؟؟؟
يلا سلام لي عودة بتعليق اخر.........