كاتب الموضوع :
كلارينت
المنتدى :
القصص المكتمله من وحي قلم الاعضاء
رد: روايتي الثانية :واللي جابك لغُربة أيـامي بلد ،أحبك فوق مايتخيلون /بقلمي .
*
في مكان آخر ومهجور ! ومشبوه ،بترجي : تكفى تفكى اتركني يا سلطان !..
ماسك السلاح بإيده : ماراح أتركك ،قلتها لك ونبهتك من قبل ،
والحين تحمل اللي اللي يجيك !
الرجل اللي ملطخ بالدم من كثر الضرب ومربطه بسلاسل برجوله
ويدينه والتراب ماليه ويناظره برجاء : تكفى يا سلطان تكفى ..اتركني
واللي يعافيك
سلطان بعصبيه وبصراخ: .. ماراااح أتركك انت تفهم ولا ماتفهم
بتندفن هنا ، وإن تركتك وش يضمن لي سكوتك هاه !!
الرجل يترجاه بيأس: تكفى ياسلطان لا تيّتم عيالي مالهم احد
غيري سو اللي تبي بس لاتذبحني..
سلطان مد السلاح من دون أي رحمه ، واطلق النار !
*
وبعد ماطلعت من المستشفى ووصلوا البيت ، ودخلت دانه غرفتها
وفصخت عبايتها ، ورمتها عالسرير ، وجلست على تتمدد بتعب واخذت جوالها
وفتحته وكانت رساله من سلطان رفعت حاجبها بإستغراب : غريبه ذا ايش مرسل!
وفتحت عالصور وشهقت بخوف: اوف ايش ذا...
سوت زوم عالصورة :مو صاحي مو صاحي ذبحه!!
ويدها ترتجف وتحاول تحذف الصورة وحذفتها
وحطت ايدها على قلبها : اعوذ بالله هذا مريض عشان يذبحه!
خافت ماتدري وش تسوي تلتفت يمين ويسار: ياربي وش السوات؟!
اخذت الجوال وأتصلت على سلطان : الو الو سلطاااون يا مجنوون
انت تذبح الرجل لييش ؟؟ رد يا مجرم رد
سلطان بعدالسماعة عن اذنه ثواني من صوتها المزعج
بكل برود: مو انتي تبين كذا خلاص انتهى أمره
دانه لازالت مصدومه من ردة فعله الباردة: انت صاحي تذبحه سو
فيه اي شيء الا انك تذبحه يا سلطان
سلطان نفس وضعيته: يابنت انتي ماتفهمين خلاص
الرجل مات ايش تبين فيه فاضيه تعطيني حلول انتي
ووجهك يلا تقلعي بس
دانه بنفس الصدمه ، تركت جوالها والخط مفتوح
وترتجف وحطت ايدها على فمها: ما اصدقه ! مستحيل
سلطان يسويها !!! اكيد يكذب !
*
وصلت الكوفي وصبحت على صاحبتها شيرين : قونايدن شيرين كيفك؟
شيرين وهي تضمها: يا اهلين قونايدن تمام وانتي؟ شو اشوفك مروئه اليوم؟
ليليان وهي تبعد عنها بإبتسامة: تمام ، لا بس مبسوطه إني بصير
خاله وربي ماني مصدقه للان!
وتضمها مره ثانيه بسعادة :ماشاء الله مبروك ياعمري
دوم تكوني مبسوطه ..
ليليان : آمين يارب .. ايه صح تأخرت عن الاجتماع وين؟
شيرين : مش هون الاجتماع بمكان تاني هلأ بيجي الباص
ونروح سوى ..*
وهي وتتذكر: اي صح كتبتي افكارك للاجتماع ضروري تكتبي منشان تقدمينها للمدير وياخذ الافضل..
ليليان بتعجب: أي افكار ماقلتي لي عنها؟
شيرين بإستغراب: شو لك امبلى ارسلتها لكي ..بلكن ماشيكتي
موبايلك تاني ؟!
ليليان وهي تطلع جوالها على الرسايل: شوفي ماجاتني
غير حقت الاجتماع
شيرين تتفقد :لك شوفي ارسلتها لك بس انتي مافتحتيها
ليليان بإستغراب :عطيني اشوف...إلا والله صدق اووف ماشفتها
خساره ..ياربي وش السواة ؟؟!
شيرين بتفكير: أي صح جيبي قائمة جديدة للاكل فكره كتير منيحه؟
ليليان حكت راسها : من وين بجيب ؟
شيرين : همم استني افكر بإشي تاني واساعدك
ليليان وهي توقف:دقيقة دقيقة الحين أنا اغسل المواعين
وش دخلني اجيب افكار؟
شيرين بصبر: ياحبيبتي ان شاء الله لو تنظفي الطاولات
لازم تشاركي بأفكارك ولو فكرة وحده بس مش مشكلة
ليليان بتأفف : اووف يعني مافيه امل
شيرين تهز راسها: اي مافيه أمل بالزات المدير كتير متشدد يعني شيء
طبيعي انو مابتحضزي بدون ولا اشي يعني
بعدها ركبوا الباص وشيرين تفكر وليليان تستنى بملل : هاه لقيتي
شيء ولا تفكرين..
شيرين : لأ لساتي عم بكفر هلأ..
ليليان وهي تطالع المضيق وتشوف القصور المطله عليه ، كل تصميم
أحلى من الثاني وكل واحد يدل على ثراء أصحابه وطبقتهم المخمليه
وقالت بصوت مو مسموع : ماشاء الله تبارك الله، يارب ارزقني مثل
هالقصور واحسن يارب ...
شيرين تطالع فيها مستغربه منها: لك شو عم بتئولي انتي؟
ليليان صحت من تفكيرها: لا ابد سلامتك ما اقول شيء ... هاه فكرتي ولا لا؟!
شيرين طالعت فيها ونزلت عيونها بيأس : لا والله مالئيت فكره لإلك اعزريني ...
ليليان بإستسلام : ماعليك بقوله انا توني جديدة وان شاء الله يمشيني ..
شيرين رفعت حاجبها : مابضن بيمشيك لأنو كتير بيقدس الشغل ..
ليليان بيأس : والله عاد وش اسوي يحمدون ربهم اشتغل عندهم
شيرين وهي تذكرت شيء والتفتت لها: ليليان نسيت لا اقول لك شي
كمان بخصوص. الاجتماع انوا ازا اعجبتو الفكرة بيعطيك مكافأة مالية كبيره ..
ليليان توسعت عيونها: صدق !
وهي وبتفكير وبإعجاب لهالخير : والله حلو وجات بوقتها!
وجلست تفكر بإيش تكون فكرتها!
*
في الڤيلا تحديداً الصاله ،حاطه رجولها بسطل والخدامه تسوي لها مساج ، والسماعات بأذنها ، وتحط مناكير على يديها ولافه شعرها ،طبعاً نرجع للذاكرة
للوراء ! قبل سنتين * أم عبد الله بعد فتره من وفاة زوجها اي بعد العده ، راحت
اهتمت بنفسها كثير وسوت دايت بطيء عشان ماتترهل واهتمت بصحتها
و تغيرت حييل كأنها بنت العشرين ،وشدت وجهها وغيرت ستايلها 180بالميه ! قبل
كان محمد متشدد باللبس لازم يكون وسيع وماتلبسين إلا قمصان
ولا جلابيه غيره مافيه ، فنقول أن العنود تحررت من تشدده عليهم ،بس اكيد كل هالفقزه فيه
سبب كبير نشوفه بعدين ! نرجع لوقتنا الحالي*
أم عبد الله : اي حجزت وان شاء الله تتسهل حبيبي
الخدامه سرحت وعورت أم عبد الله بدون قصد
وتصارخ عليها أم عبد الله : هييه اوجعتيني يازفت شوي شوي ..
الخدامه بخوف ومنزله راسها: اسفه مدام ..
ام عبد الله انتبهت على نفسها : اوه اسفه حبيبي ، بس عصبت عليها
اوجعتني بقوة عاد تعرف مرا حساسه انا
الخدامه ساكته وتطالع فيها من فوق لتحت ..
ام عبد الله سمعت ان عبد الله جاي لجهتهاواخذت السماعه من اذنها
وبصوت واطي : خلاص اكلمك بعدين باي حبيبي
عبد الله ونزل الشنطه على الارض : يمه بسافر انا عندي شغل لمدة
اسبوعين وان شاء الله راجع
ام عبدالله تطالع فيه: ماشاء الله وش هالشغل اللي جاء فجأة كذا؟!
عبدالله غمض مايدري وش يقول وحاول يصرف
ويطالع ساعته: اوه يمه تأخرت عالطياره اذا وصلت أقولك ان شاء الله مع السلامه
ام عبد الله مستغربه ورافعه حاجبها: مع السلامه بس توصل
قولي وش هالشغل اللي جاء فجأة كذا
عبد الله شال الشنطه وباس راس امه : ان شاء الله مع السلامه ..
وخرجت وركب السياره وعلى طول للمطار!
*
في مضيق البسفور ، احدى افخم المطاعم المطله عليه ،وبعد ما حطوا
الحساب بالدفتر قامت سحر من على الكرسي وحست بدوخه وماتوازنت
ومسكها خالد وثبتها :بسم الله عليك حبيبتي
وسحر مسكت يده وحاطه يدها الثانيه على راسها: بسم الله وربي
دايخه خالد ابي الاوتيل
خالد ابستم :عيون خالد انتي ابشري
قربها لعنده وحط يده على خصرها ومشى ،سحر استحت ظلت تطالع
بالناس ونزل راسها وقرت من اذن خالد
وبصوت غير مسموع: حبيبي الناس تطالع فينا!
خالد شد يده اكثر : خيلهم يطالعون خير تراك حلالي واسوي
اللي ابي ولا تخليني اتهور بعد!
سحر انحرجت وبعدت راسها : طيب خلاص يوه لا تتحمس يلا مشينا ..
خالد يناظر فيها وبإبتسامة : زين اللي يستحون بس
وطلعت من المطعم ، ورفعت راسها توسعت عيونها: خير هذا ايش جابه؟!
خالد رفع راسه بإستغراب ويطالع بسحر ثم يلتفت :خير مين اللي جاء!!
*
وصلت مكان الاجتماع كان بفندق كبير ، واقفه تطالع فيه
بإنبهار من تصميمه ومن اطلالته على المضيق بس بالجهه المقابله وكأنه قصر
وطالعت بشيرين: الاجتماع هنا منجدك انتي؟
شيرين وهي تعدل شعرها: اي هون مو قلت لك انو كتير بيجنن
حتى تصميمه متل القصور لك بدي اعيش هون
ليليان بإعجاب :ماشاء الله يجنن عجبني حيل ..
شيرين طالعت بالساعه: اووف لك اتأخرتا كتير شو بيك يلا امشي
وسحبتها على طول وراحوا للاستقبال ومن بعدها لقاعة الاجتماع ، كانت جدا فخمه ، وجدار زجاجي كبير مُطل على البحر وضوء الشمس طالع بما ان الجو مشمس بس برد مو طبيبعي والضيافه على جنب وطاوله طويله تبع الاجتماعات
تصميمها راقي وهادي مره ،ونزلت الجاكيت حقها وراحت لدورة المياة ورتبت نفسها
وابتسمت برضى على شكلها
دخلت عليها شيرين: لك وينك انتي عم بدور عليك ترا كتير تأخرنا
ليليان اخذت شنطتها بعجله وراحت وكان جوالها
عالطاوله نسته : ماعليش اسفه يلا امشي بسرعه..
ودخلت القاعة منزله راسها بصوت واطي:سلام عليكم
الكل يطالعون فيهم ،شيرين من الاحراج نزلت راسها : اعتذر لقد تأخرنا
بسبب الزحام في الطريق
وسارعت بخطواتها وكانت وراها ليليان اللي ماتدري ايش قالت ولحقتها
وجلست بجانبها مارفعت راسها متوتره "يارب استر يارب " ومسكت يدها شيرين
تهديها ، جاء الرئيس والقى السلام على الكل والكل قام ورد السلام
وجلسوا ،شيرين ضربت ليليان بشويش : لك شوفي شو بيعئد هالزلمه
ماشاء الله شو شب كتير مهزوم
ليليان داست على رجلها : وجع ماتستحين نزلي عيونك يا حرمه
شيرين مسكت نفسها وبصوت واطي : لك شو هالرِجل اللي متل الحجره
لك عورتيني اوفف منك خلصنا بسكُت
وبعدها بدأ يتكلم عن العمل وكذا واخذ الاراء ثم جاء دور طرح
الافكار بمناسبة دخول السنة الجديدة لأن كل سنه يحدثون ويختارون أفضل فكرة واللي تنال
اعجابهم يربح بمبلغ كبير، بدأ الرئيس من اليمين وليليان وشيرين كانوا يسار ، وكل شخص يقول فكرته وكل فكرة أفضل من الثانيه ، وليليان متوترة تهز برجولها
وتطقطق اصابعها
وجاء الدور عليها وقلبها يرجف من الخوف وهو يقرأ أسمها
طبعا تركيش بعد الترجمة : ليليان محمد اين هي؟
ليليان رفعت يدها : إيڤيت *نعم ..
الرئيس وهو يشبك يدينه ورافع حاجبه : ماذا لديك؟
ليليان بصوت واطي لشيرين: وش يقول؟
شيرين : بيقول لك شو هيا فكرتك؟ يلا احكي
ليليان تقرصها: ماعرف اتكلم تركي بتورطيني انتي
شيرين :.. وقاطعها الرئيس: نعم ماهي فكرتك يا آنسه ليليان ..
ليليان اخذت نفس عميق "تشجعي وقومي " قامت من على الكرسي
وهي تراقص من الخوف وشجعت نفسها الين وصلت مكان العرض وطالعت بكل الموجودين
وبلعت ريقها كانوا كثيرين " ياربي هذول الحين وش بيفهمهم ايش
اقول انا " وطالعت بشيرين اللي وقفت وراحت لجهتها ، الرئيس
رفع حاجبه بإستغراب وحط يديه تحت ذقنه متكي ويطالع
ليليان ارتاحت يوم وقفت شيرين جنبها ،وتقدمت خطوة قدام
وسمت بإسم الله : بسم الله الرحمن الرحيم ،
الصلاة والسلام على نبينا محمد وعلى آله وصحبه وسلم تسليماً كثيرا ..
وطالعت بشيرين تأشر عليها ،بمعنى تساعدها بالتقديم
وتترجم لهم فهمت شيرين وبالتُركي: اقدم لكم صديقتنا الجديدة ليليان ونرحب بإنضمامها لنا ..
وصفقت شيرين وابتسمت ليليان وتسلك وقلبها يرقص
وصفق الحاضرين لها وبعدها قالت شيرين : ولكن صديقتنا لديها فكرة
رائعة و بما أنها جديدة فهي
للاسف لاتُجيد التركية بشكل جيد ولذا سأقوم بترجمة ماتقوله لنا
لكم والان أقدمها لكم ..
بلعت ليليان ريقها ووقفت بإتزان : اوشقالدينيز ..
سعيده بإنضمامي
إلى هنا وفخورة كونني بينكم يا رفاق.. لذلك اليوم سأقدم
لكم فكرتي المُتواضعه وان شاء الله تنال إعجابكم ..
وتكلمت شيرين تترجم لهم ، الرئيس ماعلق بولا كلمة!
ساكت ،وبدأت ليليان وتكمل بكل ثقة : فكرتي هي إضافة قائمة
جديدة وبسيطه لقائمة الطعام الحالية ..
نفس الشي شيرين بدت تترجم وليليان* يارب ما اجيب العيد بنفسي
الله يستر وهذا الرئيس ماتكلم غريبه ! يمكن رحمني الله
يجزاه خير * وتطالع بالناس المُستعمه لشيرين وفيه ناس
لا يعرفون اللغة العربيه لذلك تكلمت بالفُصحى
عشان يفهمون
ايش تقول ،وفيه عرب ولكن قليلين بنسبة جيدة يعني
،وكملت ليليان : وبما أن المطعم على المضيق
وكثرت السياح من انحاء العالم وخصيصاً العرب عند حديقة جولهانه
بما أنها قريبه من الجامع سيكون أمر جيد لو وضعنا هذه القائمة وسنجلب العديد
من الزبائن والزوار أردت أن أضيف هذه القائمة البسيطة للقائمه
الموجودة عندنا وها هي. هذه القائمة..
وعرضتها لهم في البروجيكتر ،ومستعدة لردة فعلهم ولكن كانت العكس !!!
*
"تمت نهاية البارت الخامس بحمد الله تعالىٰ "
|
20-04-17, 03:34 PM
جديد مواضيع قسم القصص المكتمله من وحي قلم الاعضاء
العرض العادي
