راكان شك من اسلوبي ان فيه شي, اشر على حجر قريب من الجبل تعالي نجلس هنا,
جلست ونزلت جوالي بحظني , ودي راكان يعرف بالسالفه وفي نفس الوقت خايفه من المشاكل ,
قلت بطلب: راكان تكفى بنرجع لرياض..
راكان : ليه وش الطاري..؟
آحلام: طفشنا _ خلاص قضينا العطله تقريبا مع اعمامي خلنا نرجع ل بيتنا..
راكان: انتي متضايقه من شي..؟
آحلام: لاااااا ..
قلتهاا وانا امسح دموعي , انا بين نارين حبي ل عناد واللي اشوف الكل ضده /وخوفي اللي ماله مبرر ..!!
آخاف احد يعرف بحركات عناد من البنات , اخاف من اخواني , اخاف من نظرة عناد اللي وهو يشوفني
ساكته وكان الوضع معجبني , اضظراب نفسي رهيب , قلق , تفكير, قلت نوم , من بيت مافيه الا انا امر وانهي وماخذه راحتي
فيه الى مكان مليان ناس اغلبهم اول مره اشوفه ..!
حتى وانا مع البنات اتلفت يمين ويسار اخاف يطلع عناد ويسوي حركه تحرجني قدامهم,
ماانكر اني احبه بس مابي اقابله , ابي احبه من بعيد الين اشوف نهاية الحب هاذا..؟
رفع راسي راكان بيده وهو يقول :آآفآآ وش فيك قولي لي..!
آحلام: ابي ارجع بيتنا >> خااايفه اقول شي ثاني رغم اني قبل ثواني مقرر اعلمه..!!
راكان: وهو ينزل ويمسك يدي/ انت متهاوش مع احد من البنات..؟
آحلام: لااااا / وانا اغطي وجهي بيديني ..
راكان: مستحيل تبكين بدون سبب علميني وش مضايقك >طيب فيه احد تعرض لك..؟؟
على طووول قلت : لا راكان وين رحت / انا بس مليت من التجمعات من العبايه 24 ساعه /ابي انا بكيفي واصحى بكيفي
ابي اجتمع معكم , شوف من يوم جينا هنا وانا مااجلس معكم ولا مع امي..
راكان: آحلام انتي مزودتهاا فكيها شوي شوفي البنات كيف يضحكون ويسولفون حتى مع الشباب
حنا عيال عم يعني مثل الاخوان..؟
وكمل وهو يضرب يديني فبعض >> واذا قصدك مشتاقه لجلستنا انا مستعد اجمع اخوانك الحلوين كل يوم عندك
وانتي الله يعينك علاهم ..يضحك..
تبسمت والعبرة للحين مسكره حلقي ..!!
راكان: يالله فكيهاا عاد لاتبكين قدامي ترى ماتحمل دمووعك..
وقف وهو يمسك يدي ويقومني معاه..
راكان: وش رايك نروح ل اخر الجبل ..
موافقه >> الجوو كان روعه قمرا والارض مبلوله من مطر اليوووم ومنظر الجبل من بعيد يغري..!!
راكان: شيلي النقاب محد يشوفك ..
ناظرت وراا للخيام تاكدت ان محد يشوفني شلت النقاب ولفيت الطرحه على راسي ومسكت يد راكان ومشينا ..
دق جوال راكان وكان تركي ,,ثواني وقفل الجوال وهو يضحك ..
وش يبغى /سالته..؟
راكان: يقول مسوي شاهي بالنعناع ويبيني اجيهم..
احلام: نرجع > وانا اوقف
راكان: لا بوريك المنظر من فوق الجبل..!!
وحنا نمشي/ راكان:
احلام اذا تتضايقين من حركات العيال ومزحهم ترى مايقصدون شي
شوفيني امزح مع كل البنات واحيانآ اخربها معهم بس فالنهايه هم مثلك عندي..!!
اكثر شي اتمناه هالحين شخص ماعرفه اقول له كل شي ويقول لي>> انا صح او خطأ ..؟!!
xxxxxxxxxxxxxxxxxxxxxxxxxxxxxxxxxxxxxxxxxxxxxxxx*
عناد: الوووه
ريم: هلاا
عناد: ريم وينك ..؟
ريم: على الفرشه بغيت شي ..!
عناد: احلام عندك ..؟
ريم هي تقصر صوتهاا: لا راحت مع راكان,,
عناد: ويين
ريم: وش يدريني وين ..نادته وراحو يمشون ..*
عناد: متى نادته>> ويبتسم..^_*
ريم: من نص ساعه / لييش >> لايكون جايب العيييد..xxxx
عناد: افااا انا اسويهآآ >> ويضحك..
عناد: ريمي مع السلامه
ريم:.....................
رجعت انا وراكان ونفسيتي مرتاح اكثر من اول دخلت للبنات ..
xxxx
راكان: سلام " بشروو خليتوو لي من الشاهي ..وهو يجلسس
تركي: فاااتك احلى شاهي تستاهل وش مسريك للجبل ,,
سطام: راكان احمد ربك ماشربت منه شاهي عمااال بدون سكر..*_*
العيااال:ههههههههههههههههههههههههه
عناد وهو يقرب من راكان : تفضل المفتاح..
راكان: اذا تحتاج السياره خلهاا معك..
عناد: لا قضيت مشكوور ياولد العم نردها لك فالافراح ..
راكان: ههههههههههههههه
عناد بصوت واطي: وين رحت ..؟
راكان: اخذت لفه على الجبل مع احلام وجيت..
عناد : انت مجنون مودي احلام للجبل ماتخاف علاهاا ..!
راكان: طفشانه قلت اوسع صدرهاا شوي ,,وبعدين انا معهاا ولا ماني مالي عينك ..
عناد: الا الا ماليه >>بس احلام ليش طفشانه / بلهفه ^^
راكان: تبينا نرجع الرياض >> يلعب بمفتاح السياره..!
عناد: ليه وش صاير.> بخخخوف
راكان: ماصاير شي بس تقول ماهي مرتاحه هنا..
عناد: لايكون بتطاوعهاا وترجعون..؟
راكان: مقدر ارجع وعدت عمي نصوم هنااا..,,
""""""""""""""
الساعه وحده الفجر خلصت سوالفنا, وملينا من الجلسه ..
سساره: آوف اول مره اتامل وجيهكم طلعتوو شينات > وهي تناظر فالشله ..
العنود: والله من الغيره ذابحتك طالعي زين احلى وجه وجهي ^^> تقرب منهاآ
ساره: استغفرالله اللهم لاعتراض انتي تروحين للجامعه بوجهك هاذا^_*
البنات:ههههههههههههههه
ندى: العنود ردي بسرعه لاتفكرين البنت تسب وجهك مالت علاك انتي ووجهك ردي..xxxxوتضحك
العنود: ازين من وجهك > وهي تناظر فساره يعني رديت ..
البنات ههههههههههههههههههههه
نوره: هاذا اللي قدرك الله علاه>> ازين من وجهك /تقلد صوتهاا وتحرك شفايفهاا
آحلام: العنود اشوف وجهك>> وانا اامسك وجههاا/ ارفعي راسك ,لفي يمين ,آوف > شوي يسار
بنات عمليات التجميل تكلف ..^^ وانا اضحك ^_*
ساره: حتى عمليات التجميل ماتنفع,,
ندى: العنود وراك ساكته آفآ بس وين لسانك اللي يلوط اذانك .
نوره: العنود ماعلاك منهم خليك واثقه من وجهك >وتضرب جبهتها قصدي نفسك..
البنات:هههههههههههههههههه
ساره بنات عندي فكره وش رايكم نروح نسمع اغاني فسيارة احمد..
ندى : لاتكفين يشوفونا العيال ثم تعالي فكي نفسك.,,
العنود: تراهم بعيد والله مايدرون عن شي.
آحلام: بعدين يلعبون باصره ويصايحون ماهم يمناا ..,,
نوره: اجل ماهي سيارة احمد سيارة تركي وتدرون مفتاحهاا وين ..
ساره: وووين لاتقولين معه..
نوره :لا مع ابوي وهو نايم فالخيمه..وكملت/ ابي وحده شجاعه تجي معي نروح نجيبه..
ساره: اناااااااا بصوت عاااالي..
نوره: لاخلاص عرف الرجال انا بنجيب مفتاح سيارته >وجلست..
ساره : لاااااااا لااااااااا لاااااااااا والله ماعيدهاا تكفين امشي صوتي امممم >>وتسكر فمهاا بيدهاا^^
تقسمنا نوره وساره يروحون الخيمه يجيبون المفتاح ,
وانا والعنود وندى رحناا في مكان نشوف جلسة العيال منه واذا احد مهم راح للخيمه
متفقين مع نوره نعطيهاا رنه ونسكر ^^
داخل الخيمه>>ساره وقفت اول مادخلوو /نوره امشي ياحظي ليه واقفه> بصوت واااطي..
ساره: يمه عمي يرقد فـ هالظلام..>>نوره: وش قصدك عساك بالعمى ابوي رجال كبير مايحب النور..^^
ساره: نوره طلعيني >>خايفه هههههههههههههههههههههه
نوره: ترى عظامي تراقع فبعضهاا امشي>> وتسحب يدهااهههههههههههههه
ساره:روحي لفراش ابوك لوحدك >> تدف نوره
نوره: فراش ابوك >> قولي عمي عساك بالعمى >>وتضربهاا على كتفهآآ
ساره: نوره خلينا نرجع المكان يخووف >تقرب وتمسكهاا..
نوره: والله ماقطع المسافه هاذي ورجع بدونه > انتي بس تعالي معي انا اعرف فراش بوي..
يالله تعالي >>ايوه هاذا هو لحظه بشوف وين المفتاح ..
ساره: يمه راس عمي ليش طالع كبييييررر فالظلام >>آسلوبهاا يخوووف
نوره: تركت المفتاح ولفت على ساره>> ماكنك طايحه سب فـ بوي من الصبح حتى راسه ماسلم منك ..^^
ساره: فاطسسه ضحك وكاتمه صوتهاا بيدينهاا..
نوره:الله يرحم والدينك يابوي المفتاح ليش تحطه تحت راسك>> وترقع>>الله يسلم راسك^^
ساره: لقيتي المفتاح..؟
نوره: لحظه وسادت ابوي تبي لهاا مصارع يحركهاا .. ايوه لقيته..
ساره: يالله بنطلع من الرعب هاذا..
""
في برج المراقبه ندى:احلام انتي متاكده انك تشوفين الشباب كلهم..؟
احلام :ايوه بس ولا صووووت ترى شكلناا بننفضح,,طبعآ العمه العنود في عالم ثاني >العنود
ياربي الرجال هاذا بيذبحني برزته حتى وهو جالس ,
ندى: ممممن عناد..>>وتناظر معهااا
العنود: من فيه غيره /امانه تعالي شوفي , شوفي الرزه ماهو ناصر اخوك اذا جلس يختفي..!_!
ندى: احترمي نفسك اخوي متواضع,,>> وتبعد عنهآآ>زعلت..
العنود:خلاص تعالي امزح اخوك حلو وطويل ورزه>>ترفع يدينهاا فوق > يارب سامحني ..
الحيوانه العنود سحبتني معهم غصب وجلست تتكلم عن عناد شوفوو حركاته , شوفوو كيف يضحك ..
شوفوو رزته ..حتى طريقة جلسته تكلمت عنهاا > نسينااا نوره وساره ..
من جد دخلت معهاا جوو كل كلمه تقولها اركز علاهاا , عناد كانه عارف احد يراقبه كل تصرفاته وحركاته تفتن..
هاذا كوم وضحكته كووم ثــاني, صوت ضحكته وربي يضيع كل علومي..
رغم اني احب العنود الا ان اهتمامهاا وكلامهاا عن عناد صاير يضايقني وطبعآ مع نفسي بدوون اي تعليق..!!
دق جوالي نوره تذكرتهم >بنات الله ياخذكم نسينا نوره وساره ..
ندى: آآآووف راحوو ملحح .^^
العنود: شوفيهم على الفرشه...""
رحنا لنوره وساره وقالو لنا مغامراتهم, وتسحبنا لسياره وفتحنا الابواب بشششوييش وركبنا,
نوره كانت مكان السواق وساره جنبهاا والبقيه وراا, شغلت نوره السياره وصايحناا
ساره :نوره مشي السياره لو خطوتين قدام تكفين,,..
نوره: انقلعي انا مزاعلتك *(*
ندى: لاا اذا حركتوو السياره سمعوو العيال الصووووت..
اكتفينا بالاغاني والسوالف عن اغاني الشباب والكسرات اللي يحبوهآآ..xxxx
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxx*
اليوم الثاني ارسلت ام ناصر ندى لخيمة الريجيل العصر تصحي ناصر لانهم يدقون عليه
وجواله مقفل..
كانو الشباب جالسين براا وشفو ندى رايحه للخيمه ..نقز احمد وراح لهاا وتركي يراقبهم..؟
احمد وهو واقف قدامها: وش تبغين ..
ندى: بكل براءه بصحي ناصر امي تبيه وجواله مقفل..
أحمد: اهااا بتصحين ناصر >> ولا بتشوفين احد ثاني / بخبث..
ندى: ايه بصحي ناصر>> مافهمت شي من كلامه..؟؟
احمد: طيب انا اقومه وش اقوله>>احمد يطول مع ندى بالكلام لانه عارف تركي يناظررره..!!
ندى: قله امي تبيه خله يروح لهاا >>ورجعت للخيمه
وقف احمد يناظر ندى الين دخلت وراح يصحي ناصر ..طبعآ تركي يغلي على نار يبي يعرف وش قال لهاا
وليه طولو يتكلمووون..رجع آحمد وهو يبتسم وقصده يرفع ضغط تركي ,,..
xxxx بعد ماقاموو الشباب دق تركي على نوره وسالهاا ونوره قالت انهاا ماتعرف شي بس بتسأل ندى وترد له خبرر
"""""
نوره: الوووو تروووك ..
تركي: هلاا نوره سألتيهآآ >>بسسرعه^(*
نوره:هههههههههه ايه تقول يسالني وش تبغين هناا وقلت له بصحي ناصر..
تركي: وبعدين..؟
نوره:امم وتقول يقولي انتي جايه تصحين ناصر ولا تشوفين احد ثاني >>شكله يقصدك وتضحك^^
تركي: طيب طيب مع السلامه
نوره: باي قلبووو
جنت جنون تركي وراح يدور احمد شافه عند سيارته وراح له,,
فتح باب السواق ونزل احمد ودفه بقوه على السياره
وهو ياشر بيده: تراني ساكت عنك عشان عمي ولا اقدر امسح بكرامتك الارض ..
وكمل واحمد يبعده>> البنت مالهاا دخل
اذا انت رجال تفاهم معي انااا..
احمد: ماسك يده ويلفهآ > اذا عدت حركتك هاذي مره ثانيه كسرت يدك..
تركي: وهو يسحب يده بقوه وياشر بهاا فـ وجه احمد :
احمد اترك ندى بحالهاا والا والله لنسى انك ولد عمي واكفر فيك..
آحمد: هاذا كله عشاني وقفت معهاا قداام الناس,,>ويضحك
تركي: لا ياضعيف ماهوب عشانك وقفت معهاا عشانك قلت لهاا جايه تشوفين من..
احمد: ارتفع ضغطه يبي يعرف من قال لتركي>> ندى..!؟
تركي: انت رافض اني اتزوجهاا طيب انتظر الين اخطبهاا وورنا رجالتك ماهوب هالحين
وارجع واقول البنت مالهاا دخل باللي بيني وبينك..
مشى تركي من عند احمد وتركه فـ حيرته ..؟؟
"""""""""""
قبل المغرب كان نفسي اروح امشي لوحد ي ومع كذا خايفه دقيت على خالد وقلت له ارسل لي فيصل
جاني فيصل طلبته يروح يمشي معاي ووافق..
مودي غريب رومنسيه جدآ لدرجة ان حتى ابتسامتي ,ونظرات عيوني,
وحركت يدين تدل على اني هايمه,,ركبت السمعات وحطيت اغاني
بدون موسيقى كان بدايتهاا وشلوون مغليك خالد عبد الرحمن,,
فيصل يمشي قدامي ويلعب يروح يمين واحيانا يسار>> معاه عصى ويحرك الارض ابهاا..!
مشبكه اصابعي ببعضهاا وظامه جوالي بينهاا وافكر..
علاقتي ببنات عمي الايام هاذي قويه, بس مافكرة لو لحظه اقول لهم عن عناد, وامي مستحيل اقدر افتح لهاا موضوع كذا,
وصاحباتي رغم اني متواصله معهم واعطيهم كل اخباري ماجبت لهم طاري عناد, آحس اني بحاجة احد افضفض له بقول له بكل صراحه
( آحبه ) ابي اقول له عن حركاته وكيف تعلق قلبي فيه, ابي اضحك واعلق على تصرفاته مع احد اثق فيه , ابي اركض له واقوله اليوم
سوا كذا وقال كذا , ابيه يقولي وش اسوي بالعنود , وانا اشوفهاا تسوي كل اللي المفروض اسويه انا ..؟؟!!
رجعت للخيام امشي بشويش وفكري فـ وادي ثاني, فاتحه عن عيوني واناظر فالارض ومااسمع شي من الاغاني,,
خذتني رجولي على الفرشه ووقفت بنصهاا واناا للحين فجوي الخاص,,لفيت على يميني لاارادي وتنحت فـ عناد لفيت الجهه الثانيه وانا اسحب الغطاء على عيوني
كان واقف مع ريم ويناظر في ويبتسم >
نسيت نفسي وانا اناظر فـ عيونه حسبي الله على الاغاني كله تاثيرهاا , تذكرت السماعات والاغاني
رحت الخيمه وانا اضغظ بجوالي بطفيهاا سحبت السماعات وانا خجلانه من نفسي بكل جراءه كنت اناظر فيه /
ايه يحق له يبتسم لاويضحك بعد
وحده متنحه وتناظر فيه وش بتكون ردة فعله..؟؟
""""
رميت عبايتي وجلست على فراشي وانا حالفه مطلع الا اذا ظلم الليل, دخلت ريم وجات مدرعمه وجلست جنبي
ريم: وش تسمعين ..>بابتسامه؟؟
احلام:مااسمع شي ,,شوفي> واوريهاا الجوال..!
ريم: لاقبل شوي يوم كنتي على الفرشه>وتغمز بعينهاا..
آحلام: ابتسمت >اغاني ^_^
ريم: طيب ويش الاغنيه ..
آحلام: حسيت ان عناد مرسلهاا>> مارديت..
ريم: احلام عشاني ويش الاغنيه,,>>مصرره
آحلام: تاكدت انهاا مرسوله>> ماتعرفينهاا ولاتعرفين الفنان يعني انسي اقولك..
ريم: فاطسه ضحك>> اوووكي طيب وش تبين عشاء ..
احلام: استغربت سوالهاا>>انتي اللي بيسوي العشاء الليله..؟
ريم: لا عناد ناوي يجيب عشاء من براا > وتبتسم ^_*
آحلام: والبنات وش يبون عشااء> احاول احسسها ان الموضوع عادي..
ريم: مادري عن البنات/ انتي وش رايك ويش يجيب عشاء..
آحلام: انا عادي عندي المهم البنات..>مصره لعب دور الغبيه..
ريم: احوووول يااحلام/ عناد ماقال اسالي البنات قال احلام وبس..
آحلام:فصدري ممم انطقيهاا من الصبح وريحيني>> بكل هدؤؤ
وليه يسالني انا وانتي موجوده..؟!
ريم: انا يخلف الله علي >> ماعاد يشوفني/ تسوي نفسهاا تبكي^^
احلام: ريم بلاا هبل..
ريم: ورب الكون اخوي ساحب علي جايني يقول شوفي احلام وش تبي عشاء ..!!
احلام: ياشيخه بستهزاء >>وانا وجهي احس الدم يقوطر منه ../وكملت/ انا مابي عشاء اصلآ..
غبيه مدري ليش قلت كذا يمكن ابي افتك من ريم وحنتهاا او بشوف عناد وش يقوول >> مدري بالضبط^_
ريم: ياويلك منه>> وقامت من عندي >ليشش تحسسني انه زوجي*_*
العجب العجاب شفته من العنود ,ابتداء بريحت العطر الواضحه ومرورآ بالكحل والعيون الفاتحه طوول الليل وانتهاء بالشغل
لدرجة ان ريم وهي اخته ماشتغلت ولو جزاء بسيط من اللي اشتغلته العنود " حتى البنات صاروو يعلقون وفهموو انهاا
تبي تكون علاقه مع ريم..ام عناد مستانسه منهاا على الاخر وتناديهاا اذا بغت شي اكثر من ريم..
العنود كانت واضحه وهي تجلسس معنا:بصوت واطي ضبطت امه واخته دعواتكم اكمل علاه واضبطه هو بعد..؟!
تحركت سيارة تركي الساعه 11 كنت اتوقعه تركي وقف قدامنا على الفرشه ونزل القزاز شلت عيوني يوم شفت عناد,
ريم بصوت عالي> بروح اجيب العشاء واذا فيه احد رفض ياكل منه قوليلي ياويله مني..,,
ريم تضحك وانا منزله الغطاء على عيوني وجالسه بين البنات ..
العنود على وضعهاا فاتحه العيون وتناظر فيه وتضحك بصوت عالي >
>واللي يركز بالضحكه يعرف انهاا متغيره كثييييررر..!!!!!!
جدتي تهاوشه لانه موقف السيارة على طرف الفرشه..مشى خطوتين وتراجع بسياره ضرب بوري>>ريييم
ماعرفتي الاغنيه اللي يسمعهاا الرجال المغرب>> يقصدني مليون بالميه..^^
ريم: احوووول لا ماعرفتهاا روح جيب العشاءء المطعم قفل من اسبوع
>> وهي فاطسسسه ضححكك..
البنات يضحكون رغم انهم مايعرفون هو عن ويش يتكلم ..!!
ياقلبي ياريم من جد انهاا بنت عم تنحط على الجرح يبرا
توقعتهاا تناظر في وتضحك ويشكوون البنات بشي بس هي ماوضحت ابدآ وقدرت اني منحرجه من حركته..
سارهوهي تضرب العنود: عيونك عساها بافقع غطيهاا..
العنود: يووه ياساره نسيتهاا وبعدين حبي مايطالع>> بصووت واطي..*_^
ماعلقت على اي شي جلست اطقطق بجوالي ومودي صاك على فهد مساعد
(قصيدة هفهفات الهوى) نفسي اسمعهاا بقوووووووه..!!
تذكرت كلماتهاا وجلست اتمتم بها مع نفسي ,, نص ساعه او اكثر غاب عناد ,,ورجع ووقف
قريب من خيمة الحريم نادت ريم ماري عشان تساعدهآ على العشاءء
وسمعت العنود تقول انا بساعدك قامت العنود من عندناا ووضعهاا غريب نفس حالتهاا الاولى واردى,,
فيه شي بقلبي يوجعني" واحس ان اخلاقي قفلت والسبب هالعنود بس ودي اعرف نهايتهاا مع عناد ..
ابي اشوف حركات العنود تاثر فيه او تلفت انتبااهه , صبرت نفسي وانا اقول هاذا اختبار لـ عناد..!!
من كلام ساره عرفت كيف الوضع هناك عند عناد وريم والعنود..؟؟
ساره: بنات شوفو الهبله كيف مقربه منه وفضيحتآآهـ>>وتضحك..
نوره: ضعيف عناد راح فيهاا حطته براسهآآ / وتناظر فيهم ^_*
ساره: والله احس انهاا ضبطته على قولتهاا ..
ندى: ماتوقع عناااد ماتهمه الحركات هاذي ويفهمهاا..
نوره: يالله نشوف العنود وش تقدر تسووي.. يمكن تقدر على الرجال ليش لااا..,,
حطوو العشاءء واكلت شويه منه وقمت ونفسي مسدوده وجوعانه فـ نفس الوقت ..
بعد العشاءء تتكلم العنود عن ام عناد وتقول انهاا حبتهاا ..
وتكلمت عن ريم وعن عناد ,, تحلف ان عناد كان مبهور ويناظر فيهاا يوم راحت مع ريم
ومتحسفه ان ام عناد ماعرفت انهاا ساعدت ريم على العشاءء ومقهوره منهاا
العنود: هي مالقت تروح تمشى الا يوم جاءء العشاءء كنت ابيهاا تشوفني وانا اساعد بنتهاا
تضايقت من ساره وهي تقول: يعني خلاص نقووول مبررروووك..
العنود: يارب دعواتك حلم ويتحقق باءذن الله..>ترفع يديهاا..
21-02-17, 03:11 AM
رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)
جديد مواضيع قسم القصص المكتمله
العرض العادي
