اشتاق إليك جميل ردك وقلتي كثير أشياء بخاطري ودي أقولها يعطيك العافية على الرد المميز

‏

اقتباس :-   المشاركة الأصلية كتبت بواسطة اشتاق اليك

السلام عليكم ورحمة الله وبركاته تصدقي يا كريستال هالرد مشؤوم كتبته مرتين وانحذف وامس كتبت رد طويل عريض اعبر عن مشاعري فيه والي يفجع انه انا حذفته بغلطه بسيطة بكبسة بسيطة وراح جهد وتفكير ليومين المشكلة اني طلعت كل مشاعري فيه لما اقراء البارت عقلي يتعبئ تسائلات وافكار وتوقعات واقعد فترة افندها حتى اكتب ردي فراح اكتب الحين الي باقي عالق بعقلي وطبعا هو المنطق الواقعي عارفه اني دوشت راسك بكلامي بس هذا عذري عشان اني تاخرت بالتعليق على البارت وانا قريته وهو طازج بس الشكوة لله وتعلمت درسي اني اكتب ردي في صفحة ورد واحفظه عشان الحوادث الفجائية ‏

صباح الخيرات على الجميع
امال العيد
تسلمي يارب الله يعافيك شهادتك وسام اعتز فيه

دودي وبس
اللهم امين ولا يفجعك ربي بغالي يارب

والله اتعلمت الدرس بالطريقة الصعبة مع اني قبل كنت اكتب في وورد بس الحماس لك عليه والجزع كمان نسخ ولصق وحوسه

وبالنسبة للي يعرفوا الامر انا اتوقع بس الجد يعرف اما الباقي ما عندهم خبر من الي صار ونورة عرفت لان لها علاقه بالي صار زمان والاهل ما يعرفوا عنه لانها خايفه تكون هي الي تفسر الي صار او تكون عرفت بطريق الصدفة لكذا الباقيين فرحوا

نادر ماله ذكر كثير ومن اسلوب نوير ماكان مشقيهم كان لهم الاخو والسند يمكن يكون اصل المشكلة الاساسي نادر اخطأ خطأ بسيط وتطور بفضل نورة او أي شخص يتصيد لهم وكبره والاب يبي يخبي خطاه عن الباقيين كل اب يبي اولاده احسن شئ بنظر غيره عبدالله ونوق اتوقع انهم وقعوا وقعوا تحت مؤامرة محبوكه لانه باين ان الاوراق ما تثبت حق عبدالله ولكن قدمها للمحكمة في حد اوهمه انها راح ترجح كفته
واتوقع عدم كلام الجد لانه محمل نفسه الخطأ انه عرف ولا قدر يوقفهم ولا ينقذ نوير لكذا اثر انه يستمر في تمثيلية انه ما يعرف شئ ويخلي ام نوق تبين كل شئ وعشان بادي غالي عنده ما حب ينحط في موقف الرفض وانه غيره سبقه عليها اما مشعل عادي عنده ابوه وامه ماهو شاعر بالنقص

وبالنسبة للعوض فيه شرط عليه او شئ يمنع اكتمال العطية لانه غريبه صبر لهل وقت حتى يطلب بحقه بنوير وباين انه انسان واصل يعني لو وده يسوي الي يبي يسوي ويقدر يطلعهم لو انهم في المريخ هالوقت صعب انه الواحد يختفي كان ماله وجود وما خلاه يتحرك ولا يجي يكمل الي بداه من سنين الا عرف انه نوير رجعت عند عمامها ولانه عارف بموت نادر ومرض عبدالله خاف انه يزوجوا نوير وماحد يوقفهم لانه مفكر محد يدري بالي صار والمكالمه الغريبة اثرت فيه وشكله خاف عليها انه ينكشف الامر بطريقه غير مناسبه للشيخ بتار فشكله راح يصارح الجد ويطلب انها تتم بشكل طبيعي عشان مكانته ومكانة بنتهم

بالنسبة لجلوي ما اظن انه اناني او راح يكشف نوع علاقته بنوق لانها غاليه عنده صح حاول يستمر بحياته بس اتوقع ما تزوج والا بعد زواج نوق من عبيد لكذا ابعد بخيره وشره ولما جته الفرصه الي يقدر يرجعها له على طول استغلها لو انه اناني مكان صغر نفسه للجد ورمى عقاله له عشان يفزع له ومكان جاب اوله وتاليه عشان يلبي شروطها يمكن زمان طلقها بسبب احساسه بالخيانه بس الحين غلب عليه شوقه وحبه لها حتى طغى على احساس الخيانه
مع اني للحين مو مقتنعه بقدرته على القتال ليسترجع محبة نوق بس اتوقع عند او ولد تجيبه نوق راح تغفر له الاول والتالي
كريستال ننتظر ردك بفارغ الصبر

مسهم بالخير والنور 💜💦✋

كيفكم من بعد البارت القنبلة 💣🔫 والكت شي ثاني🔪🔪🔪 .. يله باقي 3 أيام < وحده تصبر نفسها 😣💘 أهم شي نبي بارت طويل الأحد 💖🌬
.
.
نبدأ في التوقعات::

- متعب على قد م قهرني إلا أنه معذور كان شخص م فيه إلا العافية والحين ربي ابتلاه والحمدلله على قضاء الله وقدره وربي ما يبتلي عبد إلا هو يحبه وتخفيف ذنوب له ولكن علينا في الصبر الصبر الصبر والحمدلله مافيه احن علينا إلا الله .. من قال (لا تتعودينها) هو عارف انها شيما ويثبت من كلامه هذا انه سامع امه واخته ويحسبها تتلزق فيه وتبي تلفت نظره م يعرف انها م درت عن شي .. من جته حالته ولا قدر يتحرك يالله وش كبير الموقف واحد مثل متعب هيبه وقوه ينهار وقدام مين قدام شيما من ثواني قوة وهيبه والحين انكسار وضعف 😭😿🏃

- شيما اتوقع كل بنات عبدالله ما سلمن من ابوهن فيه كثير مثل حال أبو نادر شديد على عياله ومصدر خوف لهم بالدرجة الأولى .. شيما طلع مصدر خوفها أبوها .. صراحة عرفت ان شيما تحتاج علاج نفسي لتخفيف حاله الخوف اللي عندها اتضح م تخاف من أبوها بس اتضح وتوقع تخاف من رجال وخاصة إذا أحد هاوشها* في عواد وآخرها متعب 😣🔪🤔

- أم نوق يالله عانت كثير ومازالت صابرة يا حظ الصابرين على بلاء الناس عظيم صبرهم اعرف شخص رغب بلاء الناس عليه* إلا أنه يعطي بسخاء وقلب صافي ومستفيد الحمدلله ذريته ربي مصلحهم والناس ذبحوا نفسهم في مراقبته وحسده ورغم كلامهم الشين له إلا انه م فكر يرد مثل أسلوبهم أبد دعاء لهم الله يهديهم ويصلحهم م شفت مثل صبرة يعني شي كبير اللي شافه الحمدلله على كل حال .. وام نوق يشبه عالشخص وربي عوضهم سبحانه وتعالى 💖 وبعدين وش عند الست نورة رافضة زواج أم نوق من أخوها غيرة وأنها أفضل منها أو فيه سبب أكبر من هذا*


- وعد يالله شكل هالقروب يبي يجيب العيد مثل ما قالت العضوة دودي وبس < يا كثر م نجيب العيد في هالقروبات*😂 توقعون سمعت مكالمة عواد وعد أخاف فضولها لمعرفة نادية تسمع مكالماته 🔊😁

- عوووواد وما ادراك ما عواد اتضح سبب رفضه للزواج لحد هالعمر طلع عاشق طلع ولهان اوكية الحب مو عيب ولا حرام لكن طريقة حبك هي المصيبة اوكية الحب م يستأذن أحد يدخل بدون م يطق الباب .. وسبحان من يزرع المحبة في قلوب البشر شي مالنا يد فيه البعض نعجب في شكله أسلوبه كلامه يأخذ قلبنا ونحبه .. هو واضح من كلام أمه انه م تزوجها لكن ارجع اقول هو بينهم علاقة شرعية مستحيل استوعب رجل شرقي وبدوي وفي مجتمعنا يقبل في كذا حب يحب يطق الباب من أبوابها وهو متزوجها في السر محد يدري إلا أهلها والدليل صورتها عنده ورقمها من اخذتهم وعد واتوقع مكالمة عواد في بيت أم نوق القديم من سمعته نوير هي نادية راح عندها أسبوعين في الإمارات يعني الرجال عايش حياته وأخذ اللي يبي وصورة اللي شافتها وعد كانت لبنت صاروخ من الجمال والله يا عواد مقابل هالزين وفوقها تحبها يا شيخ يا حظها😂😁< مالنا من الحب شوي 🙂 .. بس ليش م أعلن الزواج اعرف عواد قادر يخليهم أمام الأمر الواقع ويأخذها واللي يرضى يرضى واللي يزعل يزعل السنين تراضيه والدليل خساره أمه له والحين راجعه المياة لمجرايها .. من قال عواد لأمه (لا تخسرين عواد مرتين) متى اول خساره وش كان عليه يمكن نفس الموضوع نادية أو رفض احد البنات اللي أمه خطبتها له 🤔 وبعدين من قالت (لا تخسرني انا وأبوي وإخوانك ورد عليها عشان زوجك والفلوس تبين تخيريني بينك وبينها) يعني عشان نادية أقل من المستوى أو لانها من ديره ثانية؟ وجود من بحثت عنها قالت من عائلة كبيرة .. تدرين جاء في بالي ليش رافضة الزواج أمه من قالت أم عواد تعرف السالفة من أولها لاخرها إلى آخر كلامها*اتوقع اتوقع رفضها من أهل نادية يعني أهلها سمعته فيها شي ومن هالكلام يعني أحد اخوانها مسجون وكذا بس ظلم وبهتان وهذا اللي مخلي عواد يبيها ويمكن كان صديقة وعارف في ظلمه بالله عليك كيف السيناريو مو جميل 😂🤓☻ (تراي أباصلتس وأقوم بحق الله لو تسكرين الأبواب بوجهي .. لاتحسبيني أبيع وأشري فيتس !) أعجبني رده وأحس راح يكمل مع هالنادية .. (كنت أتمنى أخليك تشوف شي حي مابينا رغم هالموت والعلاقه
المعقده) جاء بالي تقصد طفل 👶 يجمعنا ..
(كنت بنظرها شي دون المستوى .. علاقه عابره .. علاقة تسليه .. تكلمت بثقه إنك إنسان بدوي أب عن جد محافظ تخاف الله وتناسبك إنسانه عفيفه .. تحمل أصلك في عروقها .. تشبهك في بداوتك) هنا اقول لام عواد وش كبر عمر ولدك من تشوفين أنها علاقة تسلية اتوقع عواد كبير وعاقل مو مراهق عشان تشوفين حبه لها كذا والمتضح هنا أنها مو سعودية واتوقع إماراتية الحمدلله كلنا مسلمين ونعبد رب واحد وأعيد وازيد انه متزوج نادية .. تصدقين حبيت نادية وخصوصا من رسالتها لعواد حبيتها زود احسها انسانه محترمه وكيوت يا عسى اشوفها هههههههههههه*

**- نورة الشر كله ضحكت من ردت على سؤال ريان من قال لها ابوي عرف عن سوات عواد والله خايفة لا يمسيك في العقال أجل أمور عائليه.. اما تفسير نورة لرفض أبوها لبادي انه مايبي قربهن يالحبيبة نسيتي أنهن بنات ولده حسستني أنهن بنات الغريب وبعدين اعجبني تحليل واحد من البنات بس ناسبه مين قالت رفضه خايف أنها تأخذ منه بادي وتبعده عنه لأن شخصيتها قويه أو سبب رفضه عارف في سالفة بتار وخاف على بادي من اللي راح يصير 🤔
*
1- (من أمس والهواجيس توديها وتجيبها في شي كبير تخاف يكون شر عليها لكن هي تقدر تطلع من هالسالفه .. لأن مافي شي يثبت إن لها علاقه باللي صار زمان)

أعوذ بالله من الشيطان الرجيم جابت الرقم وسوت سواتها بس انتي غبية يا نورة فيه شي اسمه تحديد مكان الاتصال يعني لو جبتي 100 رقم مكشوفه مكشوفه واتوقع كلمتي شخص مو سهل ولا تطوفه الصغيرة قبل الكبيرة يعني راجع لك الشر راجع وبعدين وش صار في زمان قصدها الأوراق أو مشتركه مع أخوها عبدالله في الجريمة كلهم نفس طينة بعض يحبون الفلوس ومايهمهم إلا أنفسهم يلا الخبر اليوم بفلوس بكرة بلاش 💘😿

2- (إنها بهالشي ممكن ترمي روحها للهلاك بأمور ماجى وقتها ولا تدري هل تناسوا ! أو إن أخوها عبدالله في زمانه قدر يعالج ماسواه مع ولده)

بس هنا يثبت تعرف شي ثاني صار من بعد ابتعاد عبدلله عنهم شي سواه هو ولده واتوقع هو اللي جاب بتار لهم مثلا دين أو عطيه نوير لبتار أو صار قتل 🔪😜 والفديه نوير بكل الحالات .. وشكل أبو نادر قال اذا بنتي وصلت لعمر كذا تأخذها من كلام نورة في أمور ماجى وقتها .. أو هل تناسوا اتوقع تقصد بتار وجماعته يمكن نسوا الأمر وهي فتحت أمور مسكرة 🤐

3- ( هذا وقت تثبت للكل إن عبدالله عمره ماكان فيه خير لأحد .. حتى لأهله .. وإن بنات عبدالله مالهن مكان بينهم مثلهن مثل أمهن هاللي لازالت تعيش دور الحرمة الكامله)

*الحين أحد معينك مراقبة لعبدالله وام نوق إن شاء الله م فيه خير لنفسه وش عليك تصرفين عليهم من فلوسك والا مثل ما قالت غيرة حريم سم أسود 😤☻ وبعدين ما تبين بنات اخوك بين أهلهم اقلعيهم أمريكا احسن يا عسى نهايتك قريبة من ابو العيال مثل ما سوى جلوي مع الجازي بس مو يطلقها وتطيح بكبد أمها وتشغل بنات عبدلله زود اقلعيها لمريكا احسن 😂😂😂

4- ( هي ليش خايفه والشر كله كان في صدر عبدالله .. هو إلي أقدم على هالأمر في زمان مضى .. بس تخاف تنفتح الدفاتر القديمه وتصير هي من عليها تتكلم وأخوها عبدالله ماعاد يدري وين الله حاطه)

يا عبدالله انت وش سويت في أهلك والله شكلك جايب مصيبة يا عزتي لك يا نوير والله هي اللي توجه القلب صدق .. مصيبة اذا انتي مناوبه عن عبدالله وتتكلمين بداله تلفقين على كيفك مثل م قلتي لام جلوي بس قلت لها تشيل الصحن🙁😒

5- ( وهي تعرف إنها ماأتصلت إلا على شخص ماهو سهل .. ولا كل أمر يمشي من تحته)

تدرين كريس من هنا استنتجت انه هالبتار له منصب كبير واتوقع في السلك العسكري عاد كذا طلع معي لكن له منصب كبير مو كل شي يمشي من تحته يعني عارفه مكانته ويكفي انه الشيخ بتار😂 🤔😎

6- ( هي وش قالت ..! عبدالله أخو عواد ومنصور .. الغبيه حتى الكلام ماعرفت ترتبه
زين .. بس أكيد عرف من تقصد .. أكيد هو ماراح يجهل عبدالله .. خل تشوف هالعواد كيف بيحل الوضع لا أنفتح من جديد)

كلامها طلاسم والله عارفين عبدلله أخو عواد ومنصور ليش عبدالعزيز مو معهم اخوهم بعد ..في كلامها هذا حلقه مفقودة عارفين أنهم إخوان جاء بالي فيه فيه أحد منهم مو أخوهم ههههههههه* وبعدين ليش تقول ابحث عن عبدالله وشف وين اراضيه يعني عشان نوير وسالفته

- جلوي صراحة متحسفه على طلاقة لجازي لأنه هي اللي تناسبه بس جد تستاهل الطلاق وفوقها الضرب خليها من ثقتها انه مايقدر يتخلى عنها عشان ولدها هه طلقك طلقك طلقك يس خايفة من أمه تقول رجعها عشان منصور 😤💘🔫🔪
جلست أفكر لو عرف جلوي بسوات الجازي في نوق وش يسوي اتوقع أكبر من كذا وهذه رحمه لها .. بس متأكدة أن جلوي بعد هالبارت هذا وكلام عن نوق وإحساسه انه راح يتغير للأفضل على الأقل من جهه نوق 💖

- ام جلوي حسستيني انه راح يضيع منصور أي والله ما ضاعت نوق واهلها من حذفتي أغراضها برى البيت ياحرمه خافي على عيالك لا يبلاهم ربي من كلامك عن الناس والله نورة تبي توديك في داهيه انتي لو تدرين الجازي اللي تبين ترضينها عشان ترجع لجلوي وش قايله عنك عند نورة ويمكن مجالس الحريم 😏🙁

*(الحرمة تسانها أخطت ماعليه يتحملها .. هه هذا هو ماخذن له وحده لا تجيب له ذريه ولا شي وماشاء الله مايشوف بعيوبها إلا شين يجملها)

أجل اذا اخطت يتحملها لأنه الجازي قلتي هالكلام مو نوق حتى نوق يتحملها لكن انتي ولدك م نصفتوها وبعدين الله اللي يرزق عبده وبلحظه يسلب منه اللي الله أنعم عليه فيه لا تغترين بلي عنده ربك لا يبلاك وبعدين الأخلاق تجمل الشخص مو شرط الجمال 😎

- مشعل زين والله كلامك لأمك بس ليتك رفض توديها والله جارت على نفسها أمك بسواتها يلا هذا سعي رجولها وتستاهل م يجيهاا يس خل زوجها يعرف تصير علوم ☻

- فوزية توقعون راح تتصل على أبوها يشوف أمها وعلومها 🤔

- (أبستقبلها في بيتي ولاتروح عند جلوي لين هو ياخذها) والله ان الجازي سمعت كلامهم وترجع لبيت أم جلوي أنها أكبر مذله بس م اتوقع تسوويها 🤔🤔

- (وأنا قلبي قارصني لايكون بنت عبدالله بدت تشتغل شغلها وتبيه يطّلق حريمه وتبقى هي لحالها نفس قبل)* يا حظ المظلوم بالجنة انتم وين وجلوي وين ونوق وين في أرض وحده ومكان واحد لكن كل واحد تفكيرة غير 💦🏃

- (أم جلوي طارت عيونها : عواد الوصي .. ليه والشايب وينه) والله مو خارش قلوبكن إلا عواد تأكدت ما تناسب الوصاية إلا عواد 💜

- بادي اللي خبر خواله عن السالفة مافيه إلا فيصل حسبي الله عليك .. يالله يا شعور بادي قهر انهانت كرامته خذلان حزن فقد انكسار عتب جرح 💘💘💔 الله يقطع الحب شو بذل .. يالله من ربط سعادته مع سعادة نوير يالله أن تنزع حب نوير من قلب بادي وتعوضه 💖💦🌬

(عمره ماأهان أحد أو أفشى سر أحد .. دايما يعيش حالة العطاء في حزنه وفرحه .. ليه هالحين في أشد لحظاته بؤس مايشوف رد الجميل ع الأقل)* يا كثر ما نبوح لحد في أشد حزننا والمصيبة يسمعنا الشخص الخطأ اللي م يحفظ سرنا تعودوا على الكتمان لو في أصعب الظروف والله الواحد يكون صديق نفسه والا بلاش أحد 🙂🔇

*- الشيخ بتار بتار بتار ابن جهمان ربما فخامة الاسم تكفي أولا موعد زياراته 10 مساءاً بالله هذا توقيت زيارة مايجي شخص هالوقت إلا أنه يمون يعني انت منهم 😂😂😂

(رفع حاجبه اليسار ولا كأن أسمه هز شي فيها* تثور فيه مشاعر الشك ينطق بأستفهام
" أنتي نوير .. نوير بنت عبدالله ! ")

عاد قلنا شيخ بس هي وش عرفها فيه وبعدين انت كيف عرفت أنها نوير بديت اخاف منك

- نوير يا صدمتك والله راح يرتفع القولون عندها لاعادت من عزله تبي ترتاح إلا جتها الطامة الكبرى يمه ي موقفها يذبح قسم غبنه وقهر اتوقع أم نوق تعرف عن السالفة لأن من كلام نوير كل من ذكرروا اسم نادر أمها تبكي اكيد فقد لكن انها عارفه وساكتة عن الموضوع* يمكن تحسب انتهى الموضوع وسكتت عارفة في سوات نادر وابوه 💔

(صدقتي .. وحتسيتس هذا مابه خلاف لكن ماسألت عنتس إلا لأن بيني وبينتس شين طوته السنين لكن مامات .. وحنا جايين كلنا أنا بنفسي الشيخ بتار .. وأعيان من قبيلتي على شانتس)

هنا اقول من ثقته ومعرفته لصوت نوير اذا مو تخمين وصدفت معه أنها يا عطيه او زوجته طبعا هي فديه لشي صار عاد ؟!* بس ارجع وأقول من كلامه أنها زوجته ويمكن صدق عواد ومنصور م يعرفون والله شي يحير 🤔🤔 (على شانتس) الله يعلي شانك بالله اكسر رأس نورة وخل جيتك كلها خير 😂😂*

- نوق تدرون أن نوق وعواد يشابهون في طريقة حياتهم نوق تنتظر جلوي يمل منها ويطلق وعواد يحب لكن م تحرك في الموضوع حب مخفي يعني الاثنين ضاع عمرهم في الانتظار 💔💘انا اقول م راح ترتاح نوق إلا في الفراق هنا ترتاح أما جلوي صعب جدا

- عواد ومنصور من مكالمة نورة لبتار أحس أن عندهم علم في الموضوع واذا كانوا صدق عارفين يعني لحد الآن مهي زوجته نوير بتار لكن عطيه وهم تجاهلوا السالفة أو يحسبون أن هالبتار نسى السالفة وبعدين لولا مكالمة نورة م كانت تحرك غريب والله سالفة أكبر من توقعاتنا
.
.

كريس أحبك يا شيخة الله يسعدك قد ما انبسطت في البارت شكرا ألف كريس 💖💖💕