*البارت فيه كميه مشاعر وأشياء مدري كيف احكيها اقدر اقول بارت يكشف أشياء كثير والله أثر فيني هالبارت .. واحد من توقعاتي الصحيحة هو أعتذر نورة لشيما اتوقع بداية الحقد الحقد منها لهم مستحيل تتوب هالنوعيه*يعني من قالت م سوي خير فينا عبدالله تقصد من سواته في أبوها والقطيعة ويمكن من زواجه من أم نوق بتحديد مازلت اقول سبب كره نورة لبنات أم نوق هي أمهم نفسها مو مشكلة عبدالله لأن الزمن كفيل ينسيها اللي صار مثل م الجميع نسى* .. يا ناس جايه بشرها معها وتقول شوفوا هذي التربية يا بنت الحلال ربي نفسك أول وولدك معك وبعدين تكلمي عن تربية الغير* .. وفوقها م تشوف انها تعدت حدودها هالنوعيه ذابحه نفسها بنفسها أحد يجيب الهم والمشاكل لنفسه الحمدلله الذي عافانا مما ابتلاهم به .. أما عذرها بادي في البيت* ذابحك الاهتمام والله هي شافتهم يسرحون ويمرحون في البيت على كيفهم وماتت غيظ اتوقع تقول مالهم حق أبد يأخذون راحتهم لهم البيت والحلال والاهتمام ..* وانكشف المحظور ان الخدامه تقول أخبار البيت لنورة وعقبال م تنكشف الجازي*وعلومها ..*

( ولا قدرت تقول شي .. وعيونها بدت تغرق بالدموع خوف من شي في صدرها ) قد قلت فيها بلاء هالحرمه وتاكدت هالحين تخاف ينكشف المستور واتوقع انه لها يد في القطيعة والأوراق واكيد قايله كلام عن نوق وأهلها في مجالس الحريم ظلم وبهتان

أما حاله شيما وخوفها اشوفه رد فعل طبيعي صح تخاف خوف وحالتها حاله 😱 بس ما توصل لشي أكبر مثل ما قالت لامار يعني عادي الناس تختلف في تعبيراتها للانفعالاتهم في ناس بشكل مفجع التعبير وانا وجهه نظري شيما كذا تعبيرها وكذا خوفها والموقف كبير عليها م قدرت تتحمله وتعبت واتوقع الدوخه من التعب وقله الأكل وزاد عليها الموقف والله صرخه وهواش عواد يمغص البطن انا منخرشه 😂😂😂

اما حال أم عبدالله يا عزتي لك والله بنتها لو تسوي م تسوي هي اللي كسرت خاطري بس بنتك تستاهل*


( قلق خفي تسلل لحواجز عاليه في صدره بناها بالبعد عن هالعايله ومشاكلها .. وبنى معها مستقبل يحلم فيه بالطب .. وأنهار فجأه كل شي ولقى نفسه يرجع لهالعايله ..!
صار يتلفت يطالع وين واقف ..
هذي بداية هالوظيفه .. عز الله شي مايبشر بخير .. حرك راسه بإستقامه حتى ينطق بقوة
" أوووف " وصدره بدا يضيق .. ياخوفه يوم صار موظف عند عواد بيكون متعود على هالروتين أو لازم يتعود ! ) .. الحين يبي يفصل نفسه عن هالعايلة ترى انت جزء لا يتجزأ عنها اللي م فيه خير لأهله م فيه خير للناس وبعدين المشاكل ملح الحياة 😂🤓< وحده تفلسف .. وبعدين وش اللي م يبشر بالخير انسان مو متفائل خير شر لا بمرضه ولا حياته .. { وبعيد عن الرواية اقول لكم أي شخص لازم لازم لازم ينظر للجانب المشرق من حياته وفي المواقف احسن الظن بالله والغير .. (والثقة بالله تجلب كل خير) تفائل بما تهوى يكن وكل شي بقدرة الله يكون }

موقف نوق وانتظار جلوي وتغطيه السالفة عن نوير ليش لابسه عباتها والله انتظر جلوي يشق هالعبايةة أحس بدأ ينفذ صبرة وبعدين مو كل مره تسلم الجره لمتى الأعذار ؟!


*(مر علي أخوي راجح عشان نزور أمي بعد طلعتها من المستشفى .. ملابس منصور كلها بوسط الشنطة على السرير ) .. انا انسانه متحمسة لعقاب جلوي لها أذكر هددها من قالت ولدي تعبان وم عندي أحد يوديه وهو قال يويلك لو أجي ولولد م فيه شي والحين تاركته في البيت ومخفيه الجوال واتوقع على الصامت مدري مغلق المهم ودي يندق خشمها اللي رافعته أبد أبد م فيه قلبها رحمه اوكيه أمك بخير وعافيه طالعه من المستشفى م يحتاج تروحين هالوقت تتنظرين شوي وتاخذين الأذن وروحي بلي م يحفظك

أما حسنا وحده من البنات قالت شخصية مثالية م اشوفها كذا هي انسانه رضت في حياتها وإنسانه لها قناعة أنها تهتم بنفسها وولدها وزوجها لو م رضت بزواج جلوي من الجازي بس صارت أمام الأمر الواقع شي فرض عليها ولو تسوي اللي تسوي وتعترض محد مطالع لها وهي عارفه أنها الثانية في حياة جلوي وعارفه انه حبه الأول والأخير نوق لا الجازي ولا عشرة غيرها ليش تحرق أعصابها على شي اوكيه تزوج عليها لكن عارفه ايش بقلب جلوي .. وومالها في المشاكل ووجع الرأس مثل الجازي .. حسنا وحده تستاهل شخص يعطيها الحب والاهتمام كله .. أما الجازي تستاهل جلوي كل شي يجيها ناقص من حب واهتمام صراحة في طلعتها من البيت خير أحرقت أعصاب جلوي تستاهل هذي حوبه سواتك في نوق


أم جلوي ليتك تسمعين كلام ولدك وبنتك وتتركين نوق لحالها على قوله فوزية يكفيها جلوي وصدق الجازي اللي مو محترمه أحد وساكته عنها واذا جلوي م تكلم واتهمها هذا حسنه تحسب تجاه


*( تعدل مشعل بجلسته وكان هالأمر يبي له كلام جدي .. موزون ع حجم مايحس أن هالنوق
قامت ترمي عليها حمول لو جات على كتوف الرجل منهم بتهده ) فيه خير حاس فيها ليت الجدار اللي عندها يرحمها


*( نوق بهدوء : والله جى على بالي أرد الصاع صاعين لجلوي ) والله يا نوق من البارت السابق وانتي معجبتني أي أرجعي الشخصية القوية رديها حركته لك يستاهل

( دق جواله حتى ينحني لقدام .. ضحك أول ماشاف المتصل .. مد يده بسرعه حاطه على الصامت ) ياربي هالرجال غامض مين المتصل أحد إخوانه من الجنوب ؟ ؟


يالله يا مكالمه جلوي لنوق يالله يا صعب الموقف على نوق موقف يقهر واللي تعشم في هالزواج وش موقفك ؟! وجلوي خير إن شاء الله وش هالخلاق كأنها ناقصتك والله وتجي تكمل عليها خربانه أخلاق لا تجي لبنت الناس وتنكد عليها قطع قطع الله يعين نوق عليق ليتها جلست بلا زوج ولا نكد مثل هذا وردها " زواج الحيله .. وش تبين نتيجته ..؟" كأني اشوف ضحكه سخريه من نوق من قلت لك كريس بارت فيه كميه مشاعر وصلت لي واثرت فيني بشكل كبير .. وفوقها يقول تشوفين انا ظلمناك في هالزواج م اقول إلا ربي م يحطني في مكان عواد واظلم شخص وانا اتوقع اني اسعده موقف كبير كبير كبير*

( منصور طلب منتس تقولين رايتس وأنتي إلي أخترتي جلوي ) اقول لك ليتك م تكلمت وش هالتبرير يعني هي في موقف ترفض فيه لو ارفضته طلعت هي اللي فيها ومافيها وهو الشخص المغوار اللي حاول يصلح الحال وهي ارفضت* .. ( نوق قررت تطالعه بتركيز : وبعدين أنا ماقلت إني دعيت عليكم .. قلت إني رفعت الأمر لله وأنتظر الرد .. ) أجل تحسبها دعت عليكم .. هي وكلت أمرها الله وهو خير وكيل
( عواد برفض : لا بالله غلطانه بذا الحتسي .. والله ماتعيشون بليا ظهر وأنا عايش
نوق : الله يجعلك ذخر للي محتاجينك ظهر ) وأنا أقول جعل أم نوق وبناتها م يحتاجونك وفوقها بياخذ الوصاية كدينا خير والله


( تحس نفسها داخل مشاعر ماتعرف تفسرها .. مالها أسم ولا تعريف.. حرايق حولها .. كلمات عاريه .. شي غريب يمسكها .. يقيّدها بالجلوس والصمت .. لاهي إلي قدرت تبعده ولا هي إلي قدرت تهرب منه ..لف لها عواد يطالعها بنظرات أستغراب .. ماتعوّد على هالنوري .. ساكته .. بلا تعابير .. بلا هويه قباله .. شافها تاخذ نفس بقوة
ترتفع كتوفها وراسها يتحرك حتى تزفره .. في الحقيقه .. فقدت الرغبه بردت فعل تعبّر عن حجم الغلا والمحبه القديمه ) أحيانا نحس بالغصه لا نقدر نبلعها ولا نقدر نبكي تصيرين جامدة بلا تعابير هذا حال نوير هالحظة


( مشكلتهم الكبيره إن الكلام ماعاد هو نفس قبل .. لا الشعور .. لا المحبه .. وهم يتجاهلون هالشي ..!) صدق عواد والعائلة الكريمة يحسبون أن نوق ونوير نفس م كانوا م تغيروا الزمن واللي شافوا كفيل أنها تغيرهم

( نوق وهي تتلفت : شكلنا يالنوري علينا نتعلم كيف نكسر الأبواب ولا نطقها !) اللي فهمت من كلامها هنا أنا نتكلم عن اللي نحسه لو أنه يجرحهم أو يزعلهم أن شاءالله لو تنكسر قلوبهم م يهمنا شي

( أم نوق : عمتس أحترميه وسوالف العوج إلي طلعت منتس قبل تعوضينها بالعلم الغانم والسواليف الزينه .. وإلي يضايقتس أركي عليه بالصمت ) والله انتي الذهب يا ام نوق والا كلام عواد لنوير هنا (عواد وهو راضي عنها وبنفسه يتمنى تظل دايما كذا : ماشاء الله .. يعني عشان أنقطعتي عننا أسبوع .. زانت نفسيتتس ورجعتي نوير إلي نخبرها ونعرفها .. النوري زمان
سواء خير متعب من علم عواد عن جيه نورة* )* ليتها مابين أمها وعد واعطتك كلام يبرد قلبها شوي .. يمه لو انا في موقفها وأخذت لأمي وعد وشخص استفزني بالكلام سواء يقصد أو لا ولا اقدر أرد في الحالتين قمه القهر

( وتراي من جهتي مانيب شايل على أحد وعاذر من أخطا .. يقولون على كثر العتب تبان المحبه .. ) يالله كأنك انت أكبر همهم* وانت جامعهم على هالكلام انت تبرر لنفسك وتبي ترتاح من تأنيب الضمير يا ابو ضمير* انا قلت يبي يطيب خاطرهم يتكلم يقول شي ليش سويت انا كذا* .. ( برر لكل شي إلا أهم ماعاد بالقطيعه وهي علاقة الزواج .. نسى ذكر هالشي أو تجاهله ..؟ ماتدري ليش ظلت تتمنى يذكر سبب واحد من أسباب قناعتة بهالزواج .. صح أن هالأسباب كرت خسران ماله أي فايده لكن في نفسها ودها تعرف .. سر الثقه في جلوي ..؟!) يوه يا النوق اتوقع من مكالمة جلوي واللي صار فيها اتوقع عرف انه أخطأ في الاختيار القلوب تغير والخاطر طاب

*" تكفين يانوق .. تكفين تتحملين شايب الأربعين ..! "* والله شايب عايب .. وللنهاية الموقف وكلام نوق لجلوي تقصد فيه انا مو نوق اللي تعرفها مو نوق اللي غرقانه في حبك*انا نوق ثانية م تعرفها*

حمد جعل سري مو على اللسانه فضيحة ولا قال إلا للخبر العاجل فيصل هذا أبد م فمه ستر راح يتكلم فيصل عند خواله وعيالهم ويا صعب موقف بادي يصعبه هو الوحيد اللي ينقص ظهرة من السالفة بس عسى الجد يتحرك ويسوي شي على الأقل يرد اعتبار بادي في هذا الموقف .. ويا فرحه مشعل راح ينزاح عنه هالزواج .. والموضوع وصل للناس وصاحبه الشأن لحد الآن مره قلتي نوير تأخذ واحد يسنعها وتسنعه مين يا ترى مين بادي!*


جود وفضيه وش قد انتم أنانيات م همكم إلا مصلحتكم واتوقع متعب سمع كلامهم وردت فعله في آخر موقف مع شيما اقول انه سمع كلامهم يبي يقطع كل شي يوصله لشيما يعني هي ترفضه بدون م يتعب هذا دافعه الوحيد للحركته واتوقع أنها عرف أنها شيما وقالت جت يا مهنا على م أتمنى*لا عادت من حليب*جد شيما في موقف لا يحسد عليه والله موقف كبير عليها الله لا يحذفني في مكانها .. يمكن زعل من طريقة تقديمها وفوقها يبيهم يكرهونه يعني تعامله مع أم نوق أكبر مثال يرد من طرف خشمه طير يا شيخ جعل محد يزوجك

( لقى نفسه بلا مكان .. عمره مافكّر لو جار الزمن عليه بمشاكل وين بيروح ... هذا هو
من أول سقوط له فالقاع ) ليتك يا بادي تصحيك هالضربه وتأسس نفسك بعيد عن جدك تأمن مستقبلك أفضل لك

( والله إني حاولت فيها وحلفت علي إن بناتها كلهم تحت أمرنا .. عز الله إن الحرمة هذي جاها من الظلم ما الله به أعلم .. وتحملت وصبرت .. وفيتن من يوم عرفتها .. يالله يارب إنك
تفتح لها باب رزقن من عندك .. يغنيها .. ياالله يارب تغفر لنا تقصيرنا ) أم عبدالله هي الوحيده اللي تطيب الخاطر عارفه انه أم. نوق جاها إلا يكفيها وزود لكن ما زالت مستمره في العطاء أرواح نقيه وتعطي بلا منه ولا حد*

( أم نوق : تسان عايفه الرجال وش تبين فيه .. ياحرمة عمرتس لا يضيع .. تداركيه أنتي مانتيب قاعده تسذا بليا سند ولا ذريه ) ياليت تسمعين كلام أمك لا يضيع عمرك وانتي تتنظرين*

( أم نوق : مانتيب تتعالجين وعندتس علاجات ليش أنقطعتي عنها .. من جينا يم الرياض ماجبتي طاري العلاجات والدكتورة موصيتتس بمراجعات ماتركتيها بعد وفاة عبيد ..
ليش هالحين ماعادت على بالتس !
نوق تحركت واقفه : يمه .. تسان الحتسي عن جلوي وراح للذريه .. وكلهم يمه أقدار الله وخيرته ومابيدي لهم حيله .. كلهم ذا الحين يعيفهم الخاطر ولا تسأليني عنهم ماعندي لتس جواب ..ماعندي يمه ) هنا جاء لي أمل في الحمل توقعت أبد م فيه ولا نقطة أمل للحمل .. ايوه أقدار من الله لكن لازم نعمل في الأسباب والمكتوب مكتوب مامنه مفر .. وإذا عفتي جلوي لا تعيفين الأطفال* .. جلست أفكر كنا فمتى نعود على هالحال اقول مستحيل يكملون مع بعض مستحيل* إلا إذا ربي رزقها في طفل هنا اقدر اقول يرجعون كما كانوا هي الحين فيها كميه الألم ووجع م يعلم فيه إلا الله


( جود بخوف : يخرب بيت العدو .. البنت طلعت ماشاء الله مبتعثه ومن عايله كبيره .. قلبي بيوقف من الخوف يابنت .. وماشاء الله بعد توها هالسنه ماخذه الماستر ) والله هذه وعد اللي تبي تموت قبل يومها انا شفت كذا موقف لعواد وهو معصب على مواضيع أصغر من هذا الموضوع ولا يخصه كثر هالموضوع نهايتك قريبه وعد والله يستر كان م جود انسحبت وقالت م لي دخل وتاكلينها لحالك لكن راح يجيك إلا يخليك م تتلقفين على حياة أحد مدري ليش عندي شك أن جود راح تطلع من السالفة مثل الشعره من العجين

*تسلمين كريس على البارت وانتظر البارت الجاي على خير (:
*

الربابه :

مارديت عليتس رغم ان ردتس اكثر رد ضحكت فيه ...
الله يشرح صدرتس كثر مااسعدتيني بهالتواجد والله
انا كتبت رد وشكله طار وانا احسب انه نزل .. اعتذر لتس والله
وصفتس لمتعب وشيما شي رهيب ... هههههههه


هموسه ::

اكيد يالغاليه والمعزه لكم خاصه جدا جدا



امال العيد ::


ماشاء الله .. تعليقتس كل ماله ويزيد جمال وعمق اكثر
انا فخوره فيتس والله

النقطه الي اعجبتني اكثر شي تعليقتس على حسنا
فعلا هذا هو .. ادركت انها لو بتتصرف بشي بتخسر .. لكن بيكون لها
حضور في بعض الاحداث قوي ..

وتسجيل دخووووول للبارت الليلة (:

تسسجيل دخول
حماسي للبارت الليله بإذن الله💃🏼💃🏼