مافيه بارت اليوم؟

واذا مافيه فيه
احد يعرف متى وقت البارت 🤔؟؟

جيت وجابني الشوق لكم ..


والله العظيم لو أشرح لكم وش كثر تخجلوني بتعليقاتكم وتواصلكم معي

يمكن ماراح تخلصون مني وبتقولون ليتها ماتكلمت ..

أحبكم ثم أحبكم ثم أحبكم ..

طبعا دخلت حتى ألحق أرد ع تعليقاتكم إلي تشرح الصدر ..

ولأن بعد اليوم كان آخر أختبار لبناتي بم يخص مادة الأنجليزي إلي هي مادتي .. يعني ولله الحمد خلصت من ضغط الدوام والتعب

وبكون قلبا وقالبا معكم ..

شويات وأبرجع أرد ع التعليقات

واللي يسألون عن البارت

ماهو معناته أنقطعت عن السناب خلاص .. أنا بإذن الله معكم ع الموعد ..

كل أحد الساعه 11 بليل موعدنا ببارت جديد .. هالموعد خلاص ثابت ..

وإن نزلت بارت في يوم غير الأحد أبرجع وأنزل الأحد ..

أنا حبيت يوم الأحد .. من بعد ماكان أثقل يوم عندي والله العظيم ..

ريمي ..



أول رد ماشاء الله .. أو عشانتس مساعدتي السريه ها
تعليقتس أضحكني .. كلن شايله عليه .. تعالي قولي لي من يعجبتس أنتي ....؟
نوق وجلوي أرحميهم من هالدعاوي ياشيخه ... ههههههه ..


الربابه :


ياشيخه ربي يسعدتس .. شفتي كيف حطيت لكم ثلاث معادلات
عاد نوير الطاقه السلبيه ع قولة بعض خواتنا ... وش معنى أخترتي له حمد ..؟
حرام بعد ترمين عليه النكد .. أمزح أمزح .. بنيتنا مانرضى عليه بتاخذ من يسنعها وتسنعه ...

همس الذكرى :


تعالي تعالي ياهموستي وقفي جنبي أبقولتس كلمة الراس ,, أو أبطلب طلب منتس .. لا تجيبين طاري تقفيل الروايه .. وعن عفش الروايه كلن يحس أنه لا دخل
نكب العفش ,,, خوذيها مني ههههههه ..
بس دعوات منتس حلوه أن الله ييسر لي أمر هالروايه ويعيني أكون عند حسن ظن الجميع .. تكفيني .. ماتدرين لعل دعوة منتس ومن أي وحدة ييسر الله لي فيها
أمور كثيره ..
وتراتس توسعين الصدر ... نوق العالم عندي متحاملين عليها الضعيفه ..
يمكن عشان أستسلامها وأنهزاميتها .. بس برضوا هي واجهت كثير ..
أطالب من هالمنبر .. الرفق فالبنت الضعيفه ..
ونوير ... مير كلن يرميها لمشعل أو حمد ... هههههه ... وأنتي أول تعليق
أقراه يتفق مع إلي سوته يوم أنها أبعدت .. عاد بنشوف من إلي بتاخذه وبيسنعها وتسنعه ..
ويعافي قليبتس ويخليتس لنا ..

meho
:

ياجميله نورتي كريس وقلبها وروايتها والله ...
نوق لازم تقوون قلوبكم .. إن القادم أصعب ..!
نوير وبادي .. والله قليل يشوفونهم مناسبين ... أبد قاعدين يهددوني بتوع
بادي لا ياخذ نوير السلبيه ..
مدري من يبون له ...؟

الصفا الشرقي :


هلا وغلا .. حسيت هذا التعليق أقسى تعليق قريته صريح .. أبصراحة ياصفا
معتس حق لكن أنتي تنظرين للوضع بالعقل .. وحنا أهل عاطفة .. ماننكسر
إلا في قلوبنا .. ماهو في عقولنا ... فكرت بكلامتس بعقلي قال صح .. فكرته
بقلبي قال قاسي ... لا تستغربين من ردي ترا أنا أحب أقرا تعليقاتكم بعين قارئه
لا كاتبه عشان أفهم وجهات نظركم ..
ياحبيلتس نورتي قلب كريس

أمال العيد :

تعالي تعالي ياجميله ... أهلا بالامال والأحلام .. الله يسعدتس ع هالتعليق
ويوفقتس بدراستس ..
ويحن قلب بنت خالتس علينا وتتذكر كلمة المرور وتدخل ...
عفاف أمزح أمزح ...
ماقلت لتس لا تستعجلين ع جلوي ... هههههه .. عن نوق .. خلوكم صامدون ..
وجلوي سبق وأعترف أن زواجه من ثنتين ماكان إلا بحث عن شي يعوضه
عن خسارته ..

عواد . لازم نطبخ الشغله بنار هاديه .. عشان نفاجئكم ..
أمال تصدقين .. بتعليقتس أحيان تضربين ع أوتار حساسه .. تحليلتس بجزئيه
نوق .. جميله .. وفي شي كشفتي عنه .. وهو هل أنا إذا كانت عندي الفرصه
أساعد أبوي يصحى من غفلته وأثبت له وجهة نظري هل أبتردد والمشاكل تكبر ..؟
هذا هو السؤال المهم ..

نورتيني آمال .. ماتتخيلين فرحتي بتعليقتس .. لقلبتس ورده

تسجيل دخول وانتظر البارت على خير 😎💖


الله يكثر الاكتشافات في رقبتك اكتشافين يالله جيبهم على خير هههههههههههههههههه

اما من ناحية السؤال الغريب .. هل أنا إذا كانت عندي الفرصه
أساعد أبوي يصحى من غفلته وأثبت له وجهة نظري هل أبتردد والمشاكل تكبر ..؟ الجواب صعب واذا الجواب على الوقت الحالي وحال أبو نوق الحين أصعب بكثير من قبل السالفة لها زمن

أستعداد

بينزل البارت وأهلا بالجميع

الذين يشاهدون محتوى الموضوع الآن : 24 ( الأعضاء 6 والزوار 18)
‏#الكريستال#, ‏طُعُوْن, ‏همس الذكـرى ينااجيني, ‏سراااااج, ‏samam, ‏امال العيد